SINFUL PLEASURELettu : LH Varteby HK RenthleiChapter - 1London a chhuahsan lai chuan vur a sur sung sung mai a. Thlawhna tukverh leh a tlanna ah te chuan a tling ten tun bawk a. Thlawhna chu vurtla nasa avang chuan a thlawh theih loh a ring hial anih kha! Thlawk chhuak thei lo mahse pawi a ti chuang lo bawk a. In a awmna tur chhuanlam a nei a nimai dawn a ni.Vur tla chu a nin vang a ni lo,khawvawt chu a ning a ni.January thla chuan nilum nuam leh phul hring hmuh in beisei chi a ni lova,mipui nawlpui chawlh hman hun a nih avangin dawr inkhar pawh a tam hle țhin. Christmas chu damdawiin khumah a hmang a, kar li zet Carribean tuipui kam, boruak nuam tak dawn chu a phu ve reng pawh a ni mahna le! Kalna hun remchang a lo awm lehzel chu tute emaw zawng nise an lawm hle ang chu.!Mahse ani chuan a chak lo hle ani. A thlawhna țhutthlengah chuan a in siamțha sek a. Carribean lama kal chu a chak lo a ni, a hrisel emaw sello emaw pawh nise! A pahrawn leh a chhungte va hmuh chu phurna vak a nei lova,hmuh leh pawh a inring ngai lo reng reng a. A nu boral hnu phei chuan Robards chhungkaw chamchin chu hriatzui a nei ta reng reng lova,a pawi pawh a tichuang lo bawk a. Pawi a ti ngai reng reng lo.Thlawhna tukverhah chuan a han dak a,hnuailama tuipui chu a lo lang hring nghulh mai a. A duh emaw duh lo emaw, tunah chuan a kalna tir a thlenlohna chu darkar chanve vel chauhin a dang tawh tho tho a ni. Thlawhna lian zet pawh chu a thlawk hniam țan tawh a, Cap Saint Nicholas țumhmun lam a pan mek a ni. San Felipe thliarkar a lo lang țan a,hreh teh mahse a nu chhungkaw pahnihna te chu a hmachhawn ngei a țul tho tho dawn a ni. Thlawhna ațanga a penchhuah lai te chuan phurna reng reng a la nei chuang lova.Helam pan hi dam țha nisela a duh reng reng lovang. Damdawiina a awm laiin a unaunu hrawn chuan a rawn phone a. Simon an alo chhawn a,an inkar boruak chhe zet chu hre ve hauh lovin a damloh thu chu Anita a lo hrilh kur nguai mai a.Anita in an hnena a damkawr chhung awm tura a tih pawhin Simon chuan a lawmpui zawk hle anih nghe nghe kha! Kal a duh leh duhloh pawh hre hauh lovin a kaldan tur a lo tihfel sak vek a, Anita chu ngilnei a ti hke nghe nghe a ni.A dik alawm,Anita chu a ngilnei reng a ni! A lakah chuan a ngilnei fo țhin a, an chhungkaw boruak chhe ta hle lo sela chuan kawm pawh an inkawm ngeih zui hle mai thei reng ani. Anita chu a aiin a upa zawk hle a,mahse an inkawmngeih tho țhin a nih kha. Anita leh a fapa Remy chu awmlo se anu leh a pahrawn bula chawlh hman te kha a hreawm țhin hle ang chu.Mahse a sawmna lo dawngsawngtu nisela chuan Anita sawmna chu a pawm hauh lovang a,Anita pawh chuan a pa phalna lo chuan a rawn sawm hauh lovang. Ryan Robards chuan a fanu chu a thuhnuaiah a dah hneh hle tih a la lang reng a ni. Megan chu San Felipe a kal tura sawm anih chuan Ryan Robards a thu a ni ngei ang.A dam lov,zai hial a tawk a,Simon an chawl tur leh zin ngei tura a tur tak tlut tlut ah chuan hreh zetin a remti ve ta mai a ni. Simon a chuan Robards chhungkua te chuan an ngaihtuah hle niin a ngai tlat bawk a.An ngaihtuah vang chu a ni hauh lovang. Hmeichhe puitling a ni tawh a, Meggie,hmeichhe naupang kha erawh chu an la hre reng mai thei a ni. Khatih hunlai khan kum sawm a pel chho awrh a nia,a nu leh a pa te chu an ințhen thei ang tih a lo ring ngai reng reng lo anih kha.Simon chuan phone leh thuthawn lo kal lo dawnsawn pawh a phal lova. Kumriat kalta ațang khan Simon Darton nen chuan thawmhnaw chhuak thar chi hrang hrangte thehlarna lehkhabu an chhuah a,an hlawhtling chho ta hle reng a ni. Hna a thawk ngat ngat a,thildang reng reng hrechang lo lekin,a hriselna thlengin a lo ngaihtuah chang lo a lo ni.San Felipe a chawlh hahdam chu thil harsa tak ni dawnin a hre tlat a,thlen pawh a chak hranpa lo hle bawk a ni. A pahrawn chuan a lo hmuh chak em em a ring bik bawk lova,Ryan Robards bula awm ai chuan a nu kalsana a pa bula awm a thlang anih kha. Apa, Giles Cross chu thi tawh mahse an inkar boruak chhe zet chuan a la kalsan thei lo a ni.Anita chuan a damloh thu hre hauh lovin a rawn phone a,hun rei tak chu a piancham leh Christmas a card an inthawn tih bak chu an inbe ngai reng reng tawh lo a ni.Christmas boruak ten a rilru an chawkphur ve te pawh a ni mahna le! Kum sawm paruk zet a hmuh tawh loh te nena titi han vawrh tur chu a vang hle lo vang maw? A harsatna te chu mikhual mai bulah a sawi ngam dawn em ni? Anita chuan pasal a neih leh neihloh lah a hre tawh der lovin a fapa kha engtiat nge a nih tawh ang le?Remy kha lo țhanglian ve zel ta sela engang tiat nge a nih ang le? Kum ruk emaw vel lek a ni lo maw? Mipa naupang sam dum hlap mai,kekawr chauh ha a tlankual reng mai kha a ni a,kawr kha a ngaina lo hle a nih kha.Megan kha infiampui atan khan a duh ber țhin kha a ni a.Anita in a rawn biak lai khan a fapa chanchin chu a zawt hauh lova,kal lohna chhuanlam ringawt a lo ngaihtuah a. Anita lah khan a lo hnialthla zelin Simon a a lo ni bawk a,Anita chuan anu duhdan anih ngei tur thu a rawn sawi nawn sek avangin a hnial zui zel duh ta lem lo a ni.Thlawhna kailawn chu a rapthla zel a,tualzawl chu kalpelin midang zin ve ho te awmna chu a va thleng a. London a vawh tehlul nen San Felipe chu a lum huam mai a, chulai in a boruak vawn daihna an hmang chu a lawmawm hle hian a hre bik a.A bungraw lo thleng chu phur lo zet hian a han la a,pawn a thlen a Anita hmel a va hmu mai ta lo phei chu lawm tur nge lawm loh tur pawh a hre lo hial a. Taxi a la mai ang chu,a hmanhmawh lem lo ang a.Khua chu alum huam huam mai a,boruak lum uap churh chuan a ti chau zual a."Megan"Chu aw chu a hriat ngai a ni hauh lova, mahse a hmingin a rawn ko miau si a.A rawn ko tu chu a han en a,Ryan Robards a motor khalh tute zinga pakhat a ni ang chu.Chupa chuan jean kekawr da lampang leh kawr phiar hi a ha a."Min ko em ni?" tiin khualzin thil awmze hre lo deuhte bum tum ni mai awm a nelawm loh hian a han en a. A suitcase chu a han melh a,a secretary nula chuan Miss M Cross tih chauhin a hming a lo ziak si a,Megan a ni tih a rawn hre tlat si ani."Megan ini lawm ni?" tiin nuihza insum hmelpu zet hian a rawn ti leh a,kalbo mai tum hmel lah chu a pu der lova. Kalbo tum ahnekin a rawn en chik tulh tulh mai a, Megan chuan Ryan Robards tal lo lang se a ti ut ut tawh a."Ni ta ila enge?" A lo ti let hmak a. Chu tlangvala lah chuan dawhtheih hmel fahran hian a lo thlir veng veng mai a. Anita chu khawnge a awm a,a thlawhna thlen hun tur te chu hriat awm tak a nih nen."I lo nih chuan rawn lam tur chea lo kal ka ni" Megan hmel lo nur nang en reng chung chuan a han ti a. Megan thawmhna chu a khai nawlh a, "Ka ruala ilo kal dawn chuan sawlaiah sawn car ka dah a," a ti zang vah mai a."Ngawi lawk teh. Ka tih chhan chu....ih,tunge inih le? Mr Robards an a rawn tir che em ni? Anita a lo kal ka lo beisei a," a han ti nawk nawk a.Chupa chu a han thaw huai a,a thil khai chu ala khai reng thova,a rih awm tehlul nen,rit ti hmel pawh a pu chuang lova. A vun chu a sen uk kharh mai a,a ban te chu a seiin a sek țha hle mai a, "Min rawn tir a ni," luhlul hmel zetin a lu a lo thle bak a,chutah tak chuan a hriat hnu ang hle hian a hre deuh zawk a,mahse tunge nia hriatna erawh a nei zui ta lova. A lian thelh thulhin a pian a țha hle a ni. A inher a,a kal ta mai a,a zui loh chuan a thawmhnaw te chu a chan mai dawn tih inhre chungin a zui ta hlawk hlawk a.Car an thlen meuh chuan a thlan ban chuap tawh a,car chhunga boruak tihvawhna khawl hnuai a țhu ta chu Megan chuan nuam a ti hle mai a, "Ka nuin buggy aiin Andi i duh zawk tur thu a sawi a."Megan chu a lo meng kawk kawk mai a, "Ka nu?" tiin a bula tlangval țhu, lo nui țha chu a han en a, "Remy?" tiin a han melh kawk kawk a, "My God,a pawi lutuk,i ni ang tih ka lo ring pha lo reng reng a," a ti tham țiak mai a."Ring lo tih a chiang reng alawm.San Felipe ah hian ka lo lawm a che,Aunt Megan. I awm chhunga nuam taka i hun i hman ka beisei," ner deuh nak hian a lo ti a.Megan chuan amit a han khap leh fak fak a, a duh aia rei a enin a lo enchik lutuk mah mah a ni,a han zi mar ar ar a. Mahse Remy chu le,tlangval hmelțha leh lian zetin a bungrua car hnunglama a dah lut chu a va en nawn leh ngat a. Lo țhanglian ve tur chuan a ring ngei mai a, mahse chutiang em a.....a lu a thing nawk nawk a. Enganga țhanglian turin nge a lo rin reng reng le? Kha mipa naupang kha hetiang em a tlangval hmelțha a țhanglian thei turah hian alo ngai lo em ni?Anu nena San Felipe an lo thlen tirh khan naute mai a la ni a,Megan chuan upa ta riau hian a inhre ta thut a.Aunt Megan a ti maw......a tihtur dik tak a ni reng ani.Enge a thawh ang le? A pu Hotel chu a enkawl pui em ni? Lawngchawlh hmun zau tak an nei a,Coffee leh thlai huan zau zet an nei bawk a,eizawnna tur te chu a ngah a ni. San Felipe ah chuan an ni aia langsar an vang hle si a.Car hnung chu a inkhar a,Remy chu a lut ve ta nghal a,Megan chuan a lo nuih ta var var nangin a awm chu a la nuam thei chuang lova."Ka rawn hre nghal mai che asin. I danglam vak lo ani. I sam sei țhin kha i lo tan tawi ta tih loh chu," Remy chuan a rawn ti sawt sawt a.Megan sam chu a ngilsei siau țhin a,khatih hunlai kha chuan a tikir țhin a ni,tleirawl chhuak hlawl a ni a,a kir buk nalh an tih hunlai a lo ni bawk a."Khang hunlai khan ka lo lang pawr țhin awm teh e,ka thau thei ropui si a," Megan chuan a han ti hak a."Mahse i thau tawh hleinem," tiin a mitmeng buang thar chuan Megan chu chik zet hian a en vang vang mai a, "Ka nuin zai i tawh thu min hrilh a,kum sawmhnih leh tih a pumpui na neih chu a pawi ka tihpui hle mai che.""Pumpui na a ni hleinem,bawk engemaw a awm a,paih loh chuan a dam lawk si lova," a lo ti a."Ka nu chuan thil pawi tur engmah a awm lo a ti alawm. I bialpa kha engkim a lo hrilh alawm.""Chutia law?" Simon chu a bialpa a nih loh thu chu sawi a tum zuau nangin a țhulh leh ta a. Simon nen chuan inkhatah an chengdun ngei alawm,an hnathawhna atan a awlsam phah em em bawk a. Mahse an cheng dun chauh a ni....an pahnih inkar chu tuman an hre lo,an pahnih chauh chu a hretu an ni."Hna i thawkrim lutuk ani ang, chawlh hahdam i zir ve a ngai pawh ani mahna le," Remy chuan a lo ti halh a.Megan chuan ngawi rengin an tlanpelh kawtthler te chu a thlir vang vang a. Tunge Anita fapa chu chuti taka tlangval hmelțha ah a lo țhanglian ang tih ring pha bik ang le? Helai thliarkar hi chhuahsan duh ngat sela chuan Model hna,hlawh țha tawk a hmuhsak ngei ang tih a inhai hauh lova. Mahse Remy chuan Model nih chu a duh hauh lovang le!Remy chuan a pu a chhun hle a ni,a pu ang maia mipa rothap anihna a lang a,a pa a lo chhun tel a nih pawhin a pu a chhunna chu a lang tam zawk a ni.Anita in Remy a pai chuan kum sawmpanga vel lek ala ni tlat a ni."San Felipe chu engangin nge i hmuh le?" Remy chuan a rawn ti leh ta a. Megan chu a han inthing harh a,a pa khan San Felipe chu khawvela hmun nuam lo ber ani pawh ti sela a nuam hle a ni tih a hai bik hauh lova."A.....a mawi ngawt mai," tih tak zet hian a lo ti a. Tuipui kam var vuk te,a hual veltu thlai hmun hring dup mai te chu hmuhhmaih chi a ni lo tlat ani.Pangpar vul chuk te, hnim țo buk nalh zet zet te leh Orchid Bay lang tle sur sur te chu mawi lo tih rual lah a ni si lova, "Helai hmun hi chu nuam ka ti țhin reng ani," a han ti zui sap a."Chuti si engvanga awm bo reng nge i nih? Ka nu hian hmuh leh che a chak fo țhin tih ka hria alawm. I kalbo dan chanchin leh lokir leh tura a duh thu che a sawi fo a ni," a ti a."Chuti maw? Kei pawhin ka hmu chak ve tho alawm," tiin Megan chuan a heh ro zet chu a han liak huh a, "I....i pu chu enge a an le? Chawlh te a tum hnai ve tawh em? a hriat duh tak chu a zawt ta a.Remy chu a lo ngawi deuh vang vang a,a chhanna turah a inngaihtuah uluk hle niin a lang a, "Oh.....ka pu chu a țha alawm," a ti tawi tak mai a, a pu chanchin chu sawi a chak lo hle niin a lang.An ngawi dun ta vang vang a,an vel ram mawi tak te chu hmu hauh lovin a thlir vel mai mai a. Car chhung chu dai hle mahse a sahal huam huam a,a zam hle a ni. He a zinna hi a inchhir zui hle dawna hriatna a nei ta ut ut hial a.A bula tlangval țhu chu a han en a, ani chuan kawng lam chu a lo melh ngar mai a. A pianphung lian thlur leh nghet charh mai te, a hmel pa rat mai a a mitmeng dam thlap lo lang te, a sam thlan avanga hnawng charh a bek vela lo bet te chu.....tlangval hmelțha tak a ni,hetiang em a mipa hipna nasa a tawn hi ala hre ngai reng reng lova. Chu tlangval chuan a hip hle tih chu phat rual ani lo nangin a vahpa tur a ni miau a, upa ngawih ngawih hian a inhria a ni."Engthilnge ni ta?"Tlangval fing tak a ni, a ngaihtuahna a hmela tihlan loh a zir nasat hle angai dawn ani."Engmah ani love," a aw chu a han ti zang lui hram hram a, "Helai ka rawn thleng leh ta mai hi a danglam deuh huaia inhriatna ka nei mai mai ania. Thliarkar lo la danglam tam lo hi ka lawm hle a ni," a rawn ti halh halh a.Remy chuan a mithmul chhah zet chu a lo san khum zauhva, "Keimah anglo deuhvin an la pangngai reng i tihna a ni maw?" A lo tih deuh salh ah chuan Megan pawh chu a lo bu nghat a."Nangmah ini tih ka hriatchhuah rual che khan i inthlak danglam nasatzia chu ka hmu thei alawm....""Megan, naupang anga min kawm chu tum tawh teh suh.""Chutia tih che ka tum lo....""Chutianga tih chu i tum niin ka hre tlat thung a ni," tiin Remy chu a lo meng dur khap a. Megan chu a lo țim sawk mai a, "Kei aia i upatna chu tihlana, naupang chhia ang maia min la biak vel i tum a ang riau a ni," a lo ti leh hmak mai a."Naupang satliah i ni hleinem,kum sawm pathum ka nihin nang chu kum nga emaw kum ruk emaw awrh i ni alawm. Kan kum a inthlau hle a ni.""Kum kua ka nih kha. Megan, school ațanga inzir chhuak hlawl ang lekin alawm min chhuah i tum," a lo ti ngal ngal mai a."Chutianga tih che ka tum.....""I tum lo anih leh kei aia i upat zawkna kha sawi lang fo lo la a țha ang," tiin a car chu El Serrat panna kawngkawiah chuan a her ta nghal a, "Engvanga pasal te hi la nei lo cheu nge i nih le?" a han ti zui zat a.Megan chu a nuihte a za lek lek hial a, "Ka buai lutuk a ni. Mahni chunga hotu nih hi a lo buai theih khawp mai, a nawmna aiin buaithlak a tam a nih hi," a ti ta ringawt mai a."Ka hrethiam e."Megan chuan makti zet hian hian a lo en a, "I hrethiam amaw?" a lo ti ha mai a."Hrethiam tehreng mai. Keima hna alawm ka thawh ve tho. Hlawh phei chu a țha lutuk lo nangin senso a tum ve alawm," a lo ti ve a."Hotel i enkawl ka lo ring a?" Megan chuan a lo ti hau mai a."Ni lul love. Ka nu hnuaia thawh ka duh i ring lovang chu tiraw? Hotel chu ka enkawl lo alawm. Dan ka zir a,ka thawk ve tawh alawm, Port Serrat ah hian ka awm ani.""Ukil....!" Megan chuan mak a tihzia chu a thup zo lova."Ni e,ukil ka ni alawm. Ka puitling ve tawh ani tih lanna pakhat anih chu. Rorelna lamah mite ka țanpui ve țhin a ni."Megan chu a lo sen țawn țawn mai a, "Min tih el nana hman kher a ngai hleinem," a lo ti hlar mai a."Chuti anih leh ka nu aia upa ang hial khan insawi lo la ti nia,kei aiin kumhnih khat chauhvin i upa ani si a.""Awle,awle,a pawi ka ti ngawt mai. Puitling anga en che ka zir a ngai dawn anih chu. Tunah,i nu chu enge a an le, hotel chu ala enkawl zui zel em ni?" tiin Megan chu a nui ta hawk hawk a.Remy chu alo thaw ri huai a, "Aw,a buai ve thei khawp mai," a lo ti let halh a."Pasal a nei leh ta miah lo em ni?" Ti ti satliah mai mai sawi anga lan a tum nangin hriat a chak ber a ni lawi a. Remy a rawn en dan lah chuan a awm a tinuam lo hle lehnghal a."Fa lak ka nihna tibo turin maw? Nei lo,ka pu tih chauh lo chu! tunthleng hian pa anga en theih tur ka la nei lo chu a nia lawm," Megan chuan a zawhna zawh chu inchhirna hlir hian a lo khat a."Chutiang zawngin ka sawi lo tih i hriat reng kha. Englo....a la naupang hle si a,bakah,tuemaw,hmangaih te alo tawn takin ka ti ani," a ti ta nawk nawk a."Ka pa chu a lo hmangaih hle a ni mahna," Remy chuan a lo ti el nghat a, "Chu thil chu ang lo hlein lang mahse....hmangaihna tih vel hian nangmahah pawh hian nghawng a nei vak lo a niang e," a ti ta nghat mai a."Eng i tihna....?""Awle,nangmah hmangaih em em tu che hmeichhia kha pa nunrawng tak bula awm i duh zawk vangin i kalsan ta anih kha. I nu khan a hmangaih hle che ani,Megan. I tgeihnghilh zawk em ni? I nu thinlung i tihkehsawm vek theih laiin engtinnge hmangaihna thu i sawi theih zawk chu le?" ner sawk sawk chung hian a rawn ti ta mai a.Chapter - 2Remy kut chuan motor khalhna kual chu a vuan nghet hle mai a,Megan hmel pawh chu en duh lo hmel hi a pu hial a. Ama chunga thleng niawm fahran chuan ala huat hmel em em lehnghal a. Engvanga huat hmel em em nge a nih le? Khatihlai khan ala naupang hle si a,engmah hrethiam rual anih loh kha le!Mahse sawi tur reng reng a hre lova. Remy chuan a hmai dang ta lawp lawp chu a rawn hre lo nia a lo inhria anih chuan a tisual hle ani ang,inthiam lo hmelpu zet hian a rawn en ta a."Enteh.....a pawi ka ti hle mai," a han ti hraih a. El Sarrat kawng te leh chep zetah chuan tlanlo sela chuan ding meuha ngaihdam dil a duh hial a."Ka....ka pa khan min hmangaih hle asin. Min hmangaih ani,ani khan engmah tihsual a nei ve hleinem. I pu leh ka nu khan an lo bumin an thlim fo ani tih a hriatchhuah khan engang rilru pu turah nge i ngaih le? My God! I pu kha a țhianțha ber ani lehnghal a! I chunga thleng nise eng anginnge i ngaih ve ang le?" Megan chuan a ti ta mawlh mawlh mai a."Ka sawi tawh kha, a......""A pawi i ti maw? Awle,kei pawh pawi ka ti ngawt mai. Mahse pawi tih ringawt chu a sawt hleinem. I ngaihdan hi i nu ngaihdan alo ni ve anih phei chuan, awle, thlawhna țumhmun lamah min hruai let leh mai ta che," Megan chuan a tikhur hlak hlak a."Chutiangin a nin a ngai ve hleinem. Oh, a pawi lutuk. Ka thusawi te kha hre ngat sela chuan,a thinrim tur zia mai chu.....awle,i hriatrengnaah ila cheng a ni mai a,ka pawm thei mai ang. Mahse i pa nena in kalbo hnu kumruk chhung chu i nu bulah ka cheng zel ani tih i hre dawn nia. Tlawh pawh i rawn tlawh duh tak lovah khan a rilru a na em em a,a fa neihchhun i ni asin," Megan lam chu a han hawi a,a hriatreng țhin Megan kha chu a ang tawh hauh lo reng ani. Tleirawl hmai tai tak țhin kha nula hmai danglap leh rilru khauh tak hmel a pu tawh a,a thusawi chu a pawm duh angem le?"Ka ni amaw?" awmze nei fe hian Megan chuan a lo ti nghat a."A nauchhiat kha i sawi anih ka ring. Naute a hloh khan a nghawng nasa zual a,i pain lehkha a rawn thawn a,a phu tawk a hmu ani tih a rawn hrilh ngat phei chuan a thi lo chauh asin."Megan chu a lo thaw hawk mai a, "Ka pa in chutiangin a ti lovang," a lo ti ngawt a."Ti lo. Mahse a rawn ziah dan dik tak chuan maw, "Pathian hian rorelna hi mak tak takin a thlentir a," I nu chunga thil thleng kha pawi a ti ve hauh lo tih a chiang reng ani. A rilru tur awm kha a rawn hriatsak chiang a,a hrehawmna tizual turin a rawn deuhsawh ani ber mai," a ti a."A rilru ana....""I nu pawh le."Megan chu a lo in humruh țang țang a, "Engvanga ka nu chuan a nauchhiat chu ka pa rawn hrilh kher nge anih le,a hriat ve tur niawm tak a," a ti zawi raih mai a."Thlamuantu aw hriat a thlahlel pawh ani mahna le. I pa kha Pathian rawngbawltu a ni a,mitin thlamuan tu tura ngaih ani alawm,tehchai khan," Remy chuan alo ti chhum hmak hmak a."Mihring ve tho a ni tlat a," Megan pawh chuan a lo ti ve vat a, "Naute kha dam takin piang sela duhsakna ahlan i ring em ni? a han ti zawm zat a.Remy chu hnar tum dat hian a lo ngawi ran a.A pa tlinlohna avanga dem hlawh chu a duh bik der lova,a pa dinhmunah chuan ding ve ngat se tunge ti lo bik ang? A tuartu ni lo tan chuan sawi a awlsam hle reng ang chu.Thawmhnaw fakna lam maw i thawh ber? Ka nu khan a lehkhabu te in tichhuak țhin niin a sawi a,an rawn chah mai țhin che u em ni?" Reife hnuah chuan Remy chuan a rawn ti ta hlawl a."I hre duh tak tak em ni?" Megan chu ala thinur ru țeuh mai a. Anita chuan hliam chu tuam dam a tum anih pawhin a fapa chuan a tum velo niin a lang."Enteh,ka thusawi zawng zawng kha theihnghilh vek rawh aw. Enge hriat ka neih ve reng reng tiraw? Khatih lai khan naupang mai ka la ni si a,thil ka lo la thlir thiam lo ani ang e," Remy chuan a ti ta zung zung a.Megan chuan a han en vang vang a. Remy chuan alo en let ve reng a. Megan chu a hmelțha hle ani,mitmeng mawi tak a nei a,a mithmul sei sang mai chuan a mitmeng nalh tak chu a hliah lek lek bawk a. A biang vun mam thal mai chu han chul chhin a chak ut ut hial a. A beka a marphu dat dat chu a hmui ngeia fawhsak a chak riau mai bawk a. A turtu nasa tak chu a insum hram hram loh chuan a tihlau mai ang. Megan chu amah vanga San Felipe a lokal a ni tlat lo ani.Kawnglam chu a melh lui ta hram hram a,a thisen a lum ta phat phat leh a mipatna lo nung ta tlat chu mak a inti hle ani. A â ta a ni ngei ang,engvanga Megan chu it ta tlat nge a nih le? Chunu chuan a tawh pawh a duh awm hauh si lova."Helaia lokal tur hian min duh lo tiraw, Remy?"Chu zawhna chuan a tiphu nasa hle mai a,chutiang zawnga ngaih ahnekin a mutpui chak hluah hluah ani si a. A awmdan chu a rawn hriatthiam pui lo chu a țha hle ani.A jeans hak kap lo mar țeuh pawh chu a rawn hmu lo tihna ani a,a lawmawm hle ani."Chutiangin ngai reng reng suh," tiin a kut thlan dap chu a han tuai nawk nawk a. A inthunun vat vat zel loh chuan a che buai mai dawn ani."Chuti nisi engatinge min ngaithei lo riau hmel i put tlat a?" tiin ngun fahran hian alo en reng a."Chutiangin ka awm lo. I nu leh pate chanchin ka sawi avangin min ngaikawi mai mai anih chu...I pa kha chu a sual em ani," a lo ti chang ta bawl mai a.***************Megan chu hotel chung sang bera pindan nuam zet chu an pe a. Hotel chu chhawngruka sanga sak ani a. Chulai vela hotel chu tuipui awmdan mila sak zau zel anih hlawm avangin chhawngruk aia sanga sak phal a ni tlat lo ani. Chunglai velah chuan hotel thar tam tak a lo awm belh tih a hmu thei bawk a.Robards chhungkaw tlemte chuan an hotel tih changtlun nan chuan sum an seng hnem hle ang chu.....hmanlai angin anmahni chauh hotel nei an ni ta si lova.Hotel an thlen dawn hnaih ațang khan Remy nen chuan an inbe khat ta hle a. Anita chuan a lo lawm hle a. Kum sawmparuk zet inhmu tawh lo an ni tih a tilang hauh lova. A unaunu hrawn chu ani pawhin a lo chhawnlet țha hle a.Anita chuan hotel kailawnah dingin a lo hmuak a,hotel hual veltu pangpar mawi zet zet te pawh chu thlirna huna nei hman lo, Megani mittui lo hnam par chu a kuah chawt a, "Oh, Megan, kan va inhmu lo rei em. Kan sawmna i pawm hma a natna i lo tuar hrep chu a pawi lutuk," a ti vang vang mai a.Anita chu alo la danglam lo hle ani. Tleirawl ang maiin a hmai a tai tak a,ala thau nalh bawk a. A nuih zawnga a biangsum lang kak kak chuan a hmel a tilang țha lehzual sauh bawk a. T-shirt thawl hek hawk leh kekawr bul a ha tauh mai a,a sam dum hlap, kir deuh hlek chu a țawn khawm a,a la nalh hle ani.Hlim hmelpu takin lo lawm mahse Anita chuan phurrit a nei ru ani ngei ang. A mit hnuai lam chu a lang val kalh a,a mittui a hnai hle bawk niin a lang. Remy lam chu ngaihsak lo lui hram hram chungin Anita chu a zui ve ta zel a. Inngeih tak anga lan tum mahse an nunhlui chuan a tibuai ru dun hle nia hriatna a nei tlat bawk a.Hotel pawh chu an lo chei danglam nasa tawh hle ani. Tum thing te alo ding sung mai a,tui chik chhuak phuh seng seng te a tualah chuan a lo awm tawh a. Thlaler a tui awmna hmun ang maia mawi leh thlen chakawm hliah hliah hi a ni reng ani."I pindan thleng ka hruai che anga,zanriah ei hma a intihfai te i duh awm si a," tiin Anita chuan inkhaichhohna ah chuan a luhpui ta zel a, "Chawlh hahdam te pawh i mamawh ang chu. I rawn tluang em?" a ti zui zel a.Inkhaichhohna te chu a tunlai ber chi an lo hmang tawh a. Helai hmun hi a nu khan nuam a ti ve ang em le? Robards chu chulai hmuna hotel neituah chuan a fing ber pawl a ni tih a sawi țhin ngei kha!"Thil hrilh tur che ka ngah lutuk ania. Hun kal tawh te kha ka ngai țhin asin,enge i tih zel țhin tihte hriat vek ka duh dawn ania. I bialpa i kawppui Simona mawlh kha? A fel hmel hle mai. Pa fel tak enkawl țha thei tu tur che i nei chu ka lawmpui hle che ani.""A ni lo.....ka.....ka....." Megan chu a ngawi leh ta daih a. Khawlum lutukin a ti chau nen, Simona chungchang an ngaihdan chu engang pawh nise pawi a ti tawh lova, "Helaia lo kal tura min sawm hi ka lawm hle a ni," a lo ti sap a."Ka lawm hle ania,keipawh. Laura nen in inang tak zet ani," tiin Megan hmai mam thal chu a han chul sak a, "Ka...ka pa tan tawrh a har hle dawn anih hi. Mahse i hmai te hi a dang em a,tisen a lan hma chu ngun taka enkawl i ngai dawn anih hi," Anita chuan a ti sauh sauh mai a.Anita in a chhuahsan pindan nuam leh ropui zetah chuan a hawikual ruai ruai a. Ryan Robards a hmuh hmaa thawk lakna hun a nei tur chu a lawm hle nangin a rilru chu a hahdam chuang hauh lova.Hotel tirhkah pakhat hian a bungrua te chu a rawn dahsak a,Remy a lo beisei ruk laia midang an lo lang ta chu mak a ti deuh hle a. Mahse Remy chu hotel a thawk ve lovin ukil a ni miauva.A pindan veranda chu a han en a,țhutthleng nalh tak tak a lo inhung in a nuam hle dawn ani. A inbual anga,ala chawl hahdam ang chu! Tunge chulai hmun mawi leh nuam lutukah chuan hahdam lo awm ang?Bualin zau leh chagkang zetah chuan a han pen lut a,karli chu a rei lutuk ang em le? A hna chuti chen chena rei kalbo san chu Simon a lo buai lutuk ang em le? Hnial thei dinhmuna a din laia rem lo ruatsak tu ania,chawlh a hmang ngai lo lutuk tih hrilhin a chakna pangngai nei let leh tura hahdam leh eitui hna a neih turin a rawn a nih kha.Zanriah eitura a chhuk chuan a hahdam huai tawh a.Bualina a awm chhung khan a pindan dawhkanah chuan a eitur tuihnai zet zet an lo chhawp țeuh mai a. Rilțam pawha a inhriat loh tehlul nen a ei țeuh mai anih kha. Chutah tuipui lan theihna tura mutna thlir theihah mu in Carribean tuipui pawl ruih chu a thlir vang vang a. Tuipuia nitla tur mawi zet a hmuh takah chuan a lo muhil sek ani tih a inhre ta mai a. A thawmhnaw te chu phawrhin zanriah ei nan a la hma bawk a,a muangchang hle mai a. Chhuk thla sela, Anita chu lo buai hlein Ryan Robards chu hmu ta sela,enge a sawi ang le?Robards chhungkaw chenna chu hotel chhunghnuai bera khualchhawnna pindan hnunglama awm a ni a. Megan chuan ala hrechiang hle ani. A nu leh a pa ințhen hma chuan chutah chuan an leng fova,chutih lai chuan Ryan in pakhat chu an luah ve țhin kha a ni a,lawnga zin vel kha a pa khan nuam a tih em avangin Ryan nen pawh an inkawm ngeih phah hle ani.Thawmhnaw a keng tam lova,silk kawrfual dum,țhui mawl zet a ha a, a mil tur bengbeh dum a beh bawk a,a nalh pui hle tih erawh chu a inhre hauh lova. Anita pindan a luh chuan Remy chauh chu ava hmu ta mai a. Tukverh ah a lo dak a,anmahni chauvin an hman țhin huana kawng lam chu a lo thlir vang vang a,a kut lehlam chuan zu no a lo keng bawk a.Megan han thaw halh ri ah chuan a inher thuai a,mitmeng thim raih hian a en ta reng a. A mitko a san zauh chuan enge a ngaihtuah ang tih a tihre chak hle mai a. An inbiak dan a ngaihtuah letin han rin mai tur a vang hle bawk a.Remy mitmenga țha a tihzia lolang chu Megan chuan alo hmu reng a,ani lah chuan thup tumna nei lek lovin a lo en ngar mai a. Chu tlangval chu amah leh amah a inring tawk hle ani.Megan awm chu a nawm loh ruk hle lai chuan ani lah chuan nuam a tih hmel hle mai a."I hahdam deuh tawh em?" tiin a rawn en ngar mai a, "Intur i duh ve em?" a lo ti a.Megan chu a han in ngaihtuah vang vang a,eng ber emaw chu in ve sela titi pawh a tinuam deuh ngei anga,mahse a tan a țha lovang,damloh leh chakna a nei hauh silova."Tui dahvawh a awm em?" tiin Remy mit chhing sar sar chu a han en a."Tui vawt a?""Damdawi eilai ka la nei a," tiin pindan chhungah chuan a penlut ta zel a, "Khawnge i nu hi a awm,helaia kal tur hian min ti si a," a han ti a."A lo kal thuai ang," tiin Remy chuan intur dahkhawmna lam chu a pan nghal a, "Tui....tui ringawt hi i duh tawk anga maw?" a han ti zawi sup a."Tawk mai e," tiin Megan chuan tukverh lam a pan ta thuai a. Chu tlangval bul hnaia awm chu him lo riauvin a inhre tlat bawk a. Hotel huan mawi zet piahah chuan tuipui chu mit tlin tawkin a cham put mai a, zan boruak nuam zetah chuan far thing leh pangpar rim a nam chem chem a."Kha le,"Remy chu a hnung chiahah chuan a rawn ding ta a,tukverh darthlalang fai zetah chuan a hmel thla chu a lang thei bawk a. A rawn hnaih mah mah ani,a sangin a lian hle mai si a,a uap a na nghal hle bawk a. Remy laka awmdan chu thiam harsa a tiin a lai riau mai a. Naupang mai a ni tawh lo tih chu a pianphung leh a mitmengah lah a lang chiang reng mai si a."Oh....ka lawm e," no chu alo ban thuai a,a kut tawh palh hlau zet hian a va vuan a,no chu a lei ta bawih a,tuivawt zet chuan a ke a leih ta puat mai a."Khai aw!" Remy chuan Megan i ke huh hlap chu a en vang vang a,Megan chuan chhaw a inti hle mai a, "Engvanga khatianga ti kha nge i nih a? Hri kaichhawn theih ka vei hleinem,i hria alawm," a lo ti ngal ngal mai a."Ka tihluih anih loh kha," Megan chuan a lo ti hlar thung a, "Min rawn tiphu anih kha," tiin a ke chu a dahsawn a, "A pawi love," a tizui leh thuai a."A pawi lo maw?"Remy chuan enge sawi a tum a hrethiam hauh lova,a ngawi ta reng mai a. Intur dahna lam a pan leh chuan a lo thaw huai mai a. Mahse Remy chu a lo kir leh ta thuai a,thil hruk faina puan a rawn la a,Megan i ke chu a rawn hru ta thuai thuai a."Oh....khwwngaihin," chu tlangval chuan a ti lai tak zet ani. Hrukpuan chu laksak tumin a han kun a,aninlah chuan a lo melh rulh duh lek a,a thiltih ngai chu a ti zui mawlh mawlh mai a.Megan chu a han kun leh a,loh theihloh hian a lu chu a en reng ringawt mai a. A sam chu a la huh tle sar a,a inbual emaw tui a cheng emaw ani ngei ang. Chu tlangval tluka tibuai rutu mipa chu ala tawng ngai reng reng lo,a kut a thlan dap dap a.A han thaw huai a,engvanga en liam mai mai thei lo tlat nge anih le? Mahse chu tlangval uap chu a na em em tlat ani, a mipatna chuan a marphu a ti danglam theiin a thisen a tilum thei tlat ani. A pu ang maia mipa a nihna tilang thiam a ni tlat ani."Mr.....Mr Robards a lo kal ve dawn em?" Aw khur lo chauh hian a han ti a. Remy pawh chu a lo ding chhuak ve ta nghal a."A pawi hle mai, ka thiamloh ani," Megan zawhna chhang hauh lo chuan a lo ti daih a."Oh....keima thiamloh anih kha.""I intur tihbuak kha ka tum hauh lo asin. Tin, nichina i bula ka țawng danah pawh khan ngaihdam ka ngai ani. I pa leh nangma chungah țawngkam mawilo hmang tur ka ni hauh lova," a lo ti ro halh halh mai a.Megan chuan thawk alo la raih raih mai a. Chu tlangval chuan a tihrilhaiin sawi tur a tihre lo fo dawn a ang hle ani, "Theihnghilh vek ang," a lo ti ta thuai a."Ngaihdam ka ni amaw?""Tehlul mai.""Tui chauh kha i duhtawk amaw?"A tui ken chu in pawh a la in hauh lo tih a han hrechhuak zawk a,rang fe hian a han in pawp a, "Tawk e, i pu chuan zanriah a rawn kil ve dawn em?" a han ti nawn leh ngat a.Remy chu a han ngawi deuh vang vang a,a lu a thing ta na na a, "Zanin chuan a lo tel ve lovang. Keipawh hi khawpui lama kir leh ka ngai dawn a," a ti ta charh charh a."Hetah hian i cheng ve lo em ni?""Lawng chawlhna hnaiah in ka luah ve alawm. Office hmun atana hnai deuhah. A chang chuan tlai tak tak thlenga hnathawh a ngai țhin a," mitmeng de sar sar hian Megan chu a en reng mai a, "Vawiin tlai ang te hian," a han ti leh zauh a."Vawiin tlai hian hna i thawk amaw?" a han tih tak hluaiah chuan Remy chu a lo nui hawk hawk a."Hotela thawk pakhat dawrtu ka nei a,a hman hunin a zir loh avangin tlai lam hun kan chuh mai țhin alawm," a lo ti leh thuai a."Tichuan nangman i pan amaw?""Pa țha deuh ka nia," a lo ti leh mai a. A duh hunah chuan kawm pawh a nuam hle dawn ani tih a lang reng mai a."Hnathawh tlai i ching viau elo?""A țul dan a zirin le. Mahse ka nu nena zanriah kilpui che u ka duh si a. Nangmah leh nangmah intihlum dawn țhelh khawpa i hnathawh țhin dante hriat ve ngei ka duh si a," tiin a nui sang mai a."Chutiang ani lo," Megan chuan alo ti halh a."Ka hriat hi a dik ngei ang. Hei tunah pawh i awm a nuam lovin i ți hra mai ania, tihphut lah i awl nasa mai si a,keimah vang em ni?" a la rawn ti ta zel a."Ka ți love. Ka chau deuh mai mai alawm. Ni a rei em a," tiin a sa pap pap mai a."Ni e,a dik ngei ang," Remy aw chu a dam thlap mai a,a kut zungțang sei thlurh mai chuan Megan i khabe chu a chul dan dan a, "Zingah i harh huai mai ang,zanah țha deuhin muhil la," a ti thawp sat mai a.Megan chu a lo tawlh hnung thuai a. Chu tlangval kutin a rawn tawhna chuan a tidanglam leh zo ta a. Remy pawh chuan a kut chu dahthla in Megan i zam taka a thaw halh halh chu a lo en reng a."Hahdam takin awm rawh. Enge hlauh i neih le? Tihnat che ka tum hleinem," a lo tih khum bawk a."Ka.....ka....." Megan in a lo tih nawk nawk lai chuan Anita chu a rawn țawng ta lawng lawng mai a."A pawi hle mai,Megan....." tiin pindanah chuan a rawn lut nghal thuak thuak a,chutah a fapa a han hmuh chuan makti hmelpu zet hian a han ding a."Remy! darkar chanve liam taah khan i haw tawh emaw ka ti asin," a ti ta chul mai a.An ngawi țhap mai a. Chutah Remy chuan muang fan ruih hian, "Awle,hei, min hmuh ang hian ka la awm ta reng chu anih hi. Ka awmna chin apiang i hnena sawi zel tur ka ni tih ka lo inhre hauh lova," a lo ti charh charh mai a.Anita chu a sen ap ap mai a, "I ni lo reng ani. Mahse min pui vela chuan hna a awlsam phah hle dawn asin. Boruak vawn daihna khawl pakhat a chhia a,Carlos a ka be pawp thei silova," a lo ti a."In siam țha thei em?"Remy aw chu a danglam ta deuh hlek a, a nu pawh chu a lo thaw deuh huai niin a lang, "A tawpa tawpah chuan siamțha hram e....mahse....vawiin tlai chu i pu a nuam lo zualin a phun chiar hle mai a,ka buai em ani," a ti ta mawlh mawlh a."A va pawi vele,"Megan chuan alo khawhar loh thu sawia lo thlamuan a han tum ve a, "Anita, Remy hi ka lo be khawtlai a,ka lo ti khawtlai deuh ani ang," a lo ti ve ta thuai a.Anita chu a lo nui sak a, "Pawiti reng reng suh," tiin a fapa chu a han en a, "Ka lo phut lutuk deuh che anih chuan a pawi ka ti ngawt mai, Remy. Hotel enkawl buaithlak zia tilangtu anih hi," a ti ta a.Remy chu a han ding ngil a, "Chuti anih chuan kal tawh ila a țhat chu," tiin Megan chu a han en a, "Ka nu a lo kal ta bawk a,min mamawh tawh lovang chu ka ti mai a,hun nuam tak hmang ang che u. Khawhar taka ka hna ka thawh lai pawhin ka rawn ngaihtuah zui reng dawn che anih hi," a ti ta mai a."Oh,sual viau teh suh! Remy. Hun i neih te chuan engahnge i awm ve rih mai lohvang? Nangman i hman loh tur thu i sawi anih kha," Anita chuan alo ti let ta thuai a."A dik alawm," Remy chuan alo ti nghat a, Megan lamah chuan a han thle zauhva, "Kan la inhmu leh dawn nia. Beaufort Plantation ah kal ka ngai a," a ti ta a."Awle, darling. Rachel kha ka hmangaihna i rawn hlan dawn nia aw? A lo leng khat tawh hle tih rawn hrilh bawk la," Anita chuan a lo ti zui ve ta thuai a.Chapter - 3Megan chu a mu țha hle a,mahse a taksa chuan London lam hunbi a la vawn rih avang chuan a harh hma hle thova. Khumah chuan a mu meng kar mai a. Anita chuan alo lawm viau nangin leh an zaina te avang chuan a ngaihtuah em em laiin enge maw tak tibuaitu a nei tlat a hriatna a nei a. A unaunu hrawn chuan San Felipe chu chhan neia tlawh tura sawm a ang riau ani.Remy kal tak hnu khan an titi dun a, Megan in a damlohna chungchang a sawite chu a lo ngaithla dauh dauhva,doctor te thurawn a sawi te chu a lo ngaihthlak sak ngun hle a."I pindan chu a nuam i ti em?" Megan i thusawi tawpah chuan a lo ti ta nge nge a. Nuam a tih loh a hlau hle niin a lang."Nuam lutuk tlat. Khitiang lo deuh pawh khi min lo dah la ka lawm hle thovang. Pindan in indaih lo hle awm si a," Megan chuan a lo ti thuai a."Kan chhungkua ami ini alawn,khawidangah nge ka dah ang che?" Anita chuan alo ti hmak mai a, "Helaiah hian kan lo lawm reng che asin,Megan. I nu awm tawh lo mahse phone in min rawn bia la,engkim a fel zel mai dawn alawm," a ti ta zel a.Megan chuan a lu a lo bu nghat nghat a. Chutiang țawngkam chu midang lak ațang pawhin a dawng fova, Robards ho an nih avanga a zawmna chhan tur a hre bik chuang lova."Engpawh nise, hei ilo thleng tawh a,chu chu a pawimawh ber chu a ni. Remy kha i hre tawh lo tih min hrilh alawm,tlangval tei rawlai satliah ah i ngai niin a sawi a," Anita chuan nui hawk hawk chung hian a han ti a."Ka lo hre tawh reng reng lo ani, Anita," a han tih chuan Anita chu a lo nui leh hawk a."I hriat ka ring lo reng ani. I hmuh hnuhnun ber khan naute mai ala ni alawm. A lehkha zir dan te a hrilh che em? Khawpuiah hna a thawk ve tawh alawm," a ti a."Min hrilh nual alawm,""Kan chhuang hle asin. Apu pawhin a fak hle ania,hotel hi a ngaihsak lo tia phun chang lah a ngah bawk a. Lehkha zira US lama a kal kha a lo kir leh loh kan hlau teh asin," Anita chuan a ti sar sar a."Mahse a lo kir leh alawm,"Anita chu a lo bu nghat a, "Ni e, helai hi a in a ni miau si a ni. Boston te, New York vel te chu nuam a tih tak tak ka ring lo reng ani,hlawh nei țha zawk dawn pawh ni sela a awm peih chuang lovang.""A dik alawm."Anita in a fapa a chhuang chu a awm hliah hliah ani. A fa neihchhun a ni miauva. Pasal dang nei leh miah lova a pawm tlei a ni a,a tan a hlu dawn em a ni."Rachel nen pawh an hlim dun viau ania," Anita chuan a lo ti zui leh a."Rachel maw?""Rachel De Vries. De Vries thlai huan zau zet neitu fanu mawle. Thliarkar lehlama kan ram nena inri chiah neitu te an ni a, a pa chu helaia roreltu langsar zet hi a ni bawk alawm. Remy leh Rachel chu an tleirawl chhuah phat ațangin an inkawp chawt ani.""Anih tak chu."Chu thuthar chuan a nghawng danglam riau ta mai a. Engvang tehlul a lo buai nge anih chu le? Helaia a awm reng hi a țha dawn lo tawp ani, haw thuai a,a nun ngaia hman leh thuai a țul a nih hi le."Beiseina in ka lo nghak a," Anita chuan tihtak zet hian a han ti a. Megan chu a harhchhuak zawk mai a."Engmaw i nghah a, Anita?" a han ti a."Remy nupui neih hun tur hi mawle," tiin Megan i kut chu a han vuan a, "Ka upat lutuk hma hian tu neih ve ka duh alawm," a han ti zui leh a. Megan chuan wine no chu a ban ta nge nge a. Damdawi ei mahse wine no khat tal in a mamawh tlat ani. Pindan chu khawl hmanga vawn daih mah nise lum a tithar ta riau bawk a. A beisei angin thil a kal dawn hauh lo mai,Ryan Robards lah ala hmu der si lova."Remy chanchin ringawt ka sawi a, i hna chungchang min han hrilh ve teh," Anita chuan alo ti leh ta a. Megan ngawi reng chu a inthlahrung deuh niin a lang."Oh, ka hna chu i tuipui ve zawng a nih ka ring lo.Simon an a hrilh nual tawh che ka ring a,a awlsam phianin a buaithlak ve thei hle bawk a," Megan chuan a lo ti thuai thuai a."I sawi ang ngawta awlsam chu anih ka ring lo. Enteh...i pa khan hria se a chhuang ngawt anga che. A fanu neihchhun kha i ni miau si a," Anita chuan a lo ti leh a."A ni mai thei e."Giles Cross chuan a fanu hnathawh buaithlak zet chu a duhzawng a nilo mai thei ani, a fanu laka a beisei kha a sang hle țhin si a."A hnungzui tur khan a beisei lo che tiraw?""Beisei love,""Hmeichhe sakhaw rawngbawltu hi an tam tawh a....mahse helai velah hi chuan an awm ve lo niin a lang. A hna kha a la thutak hle mai si a....i nu in a ngaihtuah em em nachhan che pawh nangmaha i awm fo a rin vang ani,""A pawi kan ti lo alawm," Megan chuan a lo ti thuai a."Ka nu chuan pawi a ti lo tihna em ni?""Laura kha nu fel leh rilru țha tak ani a, Megan. Ni e, nangmah maia i awm fo tur kha pawi a tiin a ngaihtuah em em țhin che a ni. Enteh, i pa khan Africa lama rawng a bawl te khan engatinge i nu kha a hruai ve țhin loh le?" a rawn ti ta a.Megan chu a lo țhu ngil auh mai a, "A hruai duh lo mawle," a lo ti mai a."A nilo asin. I nu khan i pa kalna apianga zui kha a hreh reng reng lo asin. I pa khan kalve a phal ngai lo a ni.""Enge sawi i tum chiah?""Thil thlengah khan i nu thiamloh vek a nilo tih i hriat a țul ani,Megan. Ka pa nen khan inkawp kher lo mahse mipa dang tuemaw a kawp thovang. I hrethiam em? I nu khan kawppui,amah hmangaihtu kha a mamawh em ani. A mal em em a,a nun khua a har a ni.""Helaia kan lo kal hma kha chuan a hlim hle asin,"Anita chu a lo țhensak a, "Oh, Megan,puitling i ni ve tawh alawm. Ka thusawi tum chu i hrethiam thei mai lovem ni? I nu kha i pa ngaihdan ang em a nu sual a ni lo asin. A nun khua kha a har em a,a nun kha a ruak tlat ani.""Chumi denchhen chuan i pa a lo che ta a!" Megan chuan a lo ti kha fak a, "Enteh Anita, he thu ah hi chuan kan ngaihdan a inang thei rih lovang.....thudang i sawi zawk ang hmiang,khawngaihin," a ti ta hial a."I tih tlat chuan le," Anita chuan lungawi lo hmel zet hian a lo ti bal bal a."Remy khan hotel hi nangmah maia i enkawl thu a sawi a," Megan chuan a han ti a."Oh,God!" Anita chuan a han ti vang vang a, țhu hle hle thei lo chuan a thova,a vei tawn ta sek mai a, "I hre lo tiraw? Remy an a hrilh lovang che tiraw? Ni e,amah pawhin a hre bik tlat lova," a ti nawk nawk mai a."Enge min hrilh ang?""Apu chu a dam lo tih hi.""Min hrilh hauh lo mai,ava pawi vele," Megan chuan alo ti thuai a."A pawi i ti amaw?" Anita in chuti taka maktia a lo en chu Megan chuba hrilhhai hle mai a, "Ni e,a pawi te chu ilo ti ve ani mahna,i rilru tak anih ka beisei," a rawn ti leh hram a."Anita!" Megan chuan Anita ban chu a vawnsak chawt a, "Engthilnge ni ta? Engvanga khatianga min en kha nge i nih?" a han ti a."A thi mek a ni,Megan. Chuvang chu ania ka rawn koh che. Keimah chauhvin rilru hreawm takin ka tuar rei tawh em asin. Ka rilru natna hi min tawrhpui tur leh ka tawrhna te hi min tawrhpui tu tur ka mamawh em a ni," Anita chuan a ti ta mawlh mawlh mai a."Mahse Remy.....""A pu chu a damlo satliah niin a ngai mai ani. Thudik ka hrilh ngam lo alawm. Apu nen hian an in ngai em em si a,a hriat hunah chuan a khawngaih thlak ngawt ang," a ti a."Oh, Anita," Megan chu a thova,a unaunu hrawn chu a kuah ta thuai a,ani pawh chuan a lo kuah let vawng vawng mai a, "Anita, a pawi ka ti hle a ni tih hria ang che. Tihtheih ka neih chuan min hrilh la ka pui zel ang che," a ti ve ta nge nge a.A rin aiin a muhil țha hle a,a mumangah chuan a nu leh apa te a lo hmu deuh nuaih bawk a. A thova,tuipui lan theihna veranda lam chu a pan nghal a. Tuipui chungah chuan chhum a zing chuai a,zan lama ruahsurna hnuhma chu ala hmuh theih a. An naupan lai chuan tukin ang khua ah te hi chuan Remy nen tuipui kamah chakai vakchhuak zawng khan an chhuak ve țhin kha a ni a, tuipui litengsawl vela lung karah khan naupang hlimna tawk thil kha a lo tam em alo ni.Veranda hungna thir kual chu bawhin a hawi vang vang a, chulai tuipui lam vel chu a la ngai reng a ni. Hotel ațanga ke a tuipui panna kawng chu a han en a,huan mawi tak zawma tuipui lam țiauvut rawn in zarpharh duai te, tuipui fawn dalh dalh leh tuipui sava chaw zawng kat thauh thauh te,tuifawnin tuipui lungbang a hlap fawn dalh dalh te chu a mawi ngai rengin a la mawi a ni! Chulai hmun tluk chu a awm chuang dawn em ni le?Apa chuan sakawlh awmna hmun a ti leh ngei ang chu! Chawlh hmanna atana chhiat vekna thlentu a ni tlat ani. Tuna helaia a zin pawh hi a remti hauh lovang a,hmelma te bula awm chu a phal ngai lovang. Ryan Robards chu eng anga damlo pawh ni sela a dam țhat laia a awmdan khan a zir lo ani a ti ngei ang.Apa rilru tur chu a hriatthiam pui tho ani. Khatih hunlai pawh khan Ryan kha a chungah a țha țhin hle a, mahse apa chuan a nu a hnaih theih nana duat der mai mai a ni tih a hrilh țhin anih kha.San Felipe a chawlh hmang tura kal kha a phur em em a, a țhiante pawhin kal ve an chak țheuh a,a pain a hruai ve țhin lo pawh kha pawi alo ti vak țhin lova,a nu nen chauhva an kal țhin avanga a nu leh Ryan pawh chu intawng an ni ngei mai.Chulai thliarkara a kal hmasak ber chuan kum riat mi a ni a,anu leh apa an ințhen chuan kum sawmpathum a ni tawh a. A nu leh Ryan chu engtia rei nge an lo inkawp ruk a hre hauh lova,mahse a tuarna bertu chu apa a ni tlat ani.Anu khan Ryan Robards chu engtia duh ve mai thei nge a nih chu mak a ti tawp thei lova,apa lakah chuan Ryan chu pa mawl leh lehkha zirna lamah pawh a hniam hle tlat ani. Pa kawmnuam tak leh a sumdawnna pawh a hlawhtlin a a hausak rual rualin a pa chuan a nuihzat ru fe țhin anih kha!A han ngaihtuah let vang vang a,khang hun laia a lo hriat veloh thil tam tak kha a lo la awm ngei ang. Tunhe kum sawmhnih zet inneihna hlu tak ti kehchhe duh ang le? Chhan a awm ani. Anu insawifiah tum vena te kha apa khan a ngaithla duhlo reng reng a,anu kha dik lo leh fello hulhualah a puh tawp mai ani. Hun dang pek leh a ngen pawh khan a pa khan a pe thei tlat lo anih kha. Khatih lai khan a nu leh Ryan chu an la chesual lo ani mahna.Anu leh apa ințhen hnu chuan Megan chu San Felipe lamah chuan a kal leh ta miah lova. Anu chu a hmu zeuh zeuh nangin inbiakna hun an pe ngai lem lova. Kum ruk a ral hnu chuan a nu chuan Cancer tihdam theihloh a vei ta a,Ryan nena an inneih hnu lawkah ani nghe nghe a. London damdawiin an rawn pan a,chutah chuan Megan chuan a awmpui ve fo țhin a,mahse Ryan a bula a awm ve reng țhin avangin inrem thu an sawi ngai reng reng lo.Anu vuina a an inhmuh chu an inhmuh hnuhnun ber ani ta a. Apa pawh chuan a nupui hlui thihna chu a tuar em em a, a tu amah chu an in ngaihsak hlawm lo vek a ni. Anmahni tuar tuarin an tuar a,tumah an inhnem tawn lem hlei lova. A ruang chu a hal ral tir a,a vap chu San Felipe lamah a chawlhna tur hmun ni ngei tura a ngaihah Ryan chuan a hawn ta daih a. Giles Cross a tan chuan a hmeichhe hmangaih sulhnu reng reng chu chan leh hmuh tur a awm ve ta lo a ni.Anu boral ațanga thlaruk naah apa chu rinhlelhawm takin a boral zui ve ta nghal bawk a. A pa chuan nachhawkna a eifo țhin chu a ei tam hret ani,a thihpui ta mai si a,Megan chu a baihvaiin a kehchhe tak meuh a.College a zawh kum a ni ve tawh a,apa an vui zawh chuan College chu a chhuahsan ve ta nghal ani. Suffolk ah kalin luipui kamah in a luah a,mahni chauhvin a lusunna chu a tuar tlawk tlawk a,Pathian rawngbawltu a pa meuh,rilru hah avanga a intihlum duh mai chu tawrh har a ti aniA khua a harin a mal ngawih ngawih a, hnathawh ve a duh tak avangin London lam a pan veleh ta a. Apa nena an chenna hmunah chuan midang an lo awm tawh a,an bungraw neih ang chhun chhun te chu bungraw dahkhawmna ațangin a la chhuak a,apa pawisa hnutchhiah chuan Bayster ah in a luah ve a,thil fakna Company ah hna a hmu ve ta hlauh bawk a.Simon Chater nen an intawng fuh ta hlauh a,an hna duhzawng a in anga,inluah dun zai an rel ta a. An inluahah chuan mutna pindan hrang an siam a,an awmdan chu tuman an rawn hriatsak ngailo.Megan chu a han zi mar ar ar a,tukin zing chu a tho harh țha ve hle ani, a inti rilru a. A inbual a,thingpuite a inzawh hnu chuan vaukam lama len a rilruk a. Anita chuan apa hmu turin dar sawmah a hruai tur thu a lo hrilh bawk a. Ryan Robards chu a hmu chak lem lo ani,damlo nasa hle ni lo phei se chu hmuhloh law law a thlang hial ang chu!Hotel chhawng hnuai ber a thlen thlak chuan mikhual thlengte chu an lo phu suau suauva,mipa țhenkhat chuan an lo melh zauh zauh hlawm a. Tu tan maha nelawm leh biak chakawm hmela lan chu a tum lem loh avang chuan an rawn pawh chiah ngam hlawm lo niin a lang."I muhil thei lo a ni ngat mai"Megan chu a phu zawk mai a,Remy chu alo hmu hauh lova, a meng kawk kawk mai a."Khawi ațangin nge i lo lan hlawl a? Khawpuiah i awm niin i insawi si a?" a lo ti ruai a."Ka cheng ngei alawm," Remy chuan a ban a rawn vai khum zauhva, Coffee dawhkan lam chu a pan ta nghal a. A lo kir leh thuai a, "Zing thingpui rawn inpui che ka duh mawle," a rawn ti leh ta hlawl a.Megan chu alo meng kawk kawk mai a,a rawn inchei dan leh a hma ni a a hmuh dan chu a inang lo hle a,a lang danglamin a hang ran mai a. Tlangval upa tawh tak ang maia mahni inrintawkna nei hmel apu a,a mitmeng buang thar leh fin hmel zet chuan a rawn enchik hle bawk a."I va ti lawmawm vele,mahse ka thawh tawh leh tawh loh engtinnge i hriat theih zawk?" satliah zet hian a lo ti hram hram a."Oh,..ka hre hleinem,ka rawn tawng fuh che hi ka vannei ka inti hle ani," mitko san zauh hian a han ti a."Kan hun inang lo hi ngaiah ka la nei chiah lo ani," Megan pawh chuan a lo ti ve ta thuai a."Nimin tlai khan ka nu nen khan in hlim dun ta em?" Remy chuan țhutthleng nghenchhana a ban dah duai chung hian a lo ti leh a."A nuam khawp mai. I nu nen hian țhianhlui kan ni alawm,kan inhmu leh chu a hlimawm hle ani.""Anih tak chu. Awmve thei ila ka inti hle asin," a lo ti leh a."Ni e mawle," Awm ve se a tih rilru tak tak na chu thup a tum nase hle a."Ka lo beisei ang i ni hauh lo asin,Megan. Kawm che nuam ka ti hle ania," Remy chuan nui sang hian a rawn ti leh a."Engatinge? Ka danglam lo i ti si a,""Taksa landanah chuan danglam love,mahse ka lo hriat țhin che ai khan i lo fel zawk daih ani.Ka hriat hmasak lai che kha chuan i kawlh em alawm,""Chutiang ka ni lo.""I ni reng," Remy chu a nui sang mai a,fiamthu duhtak hmel a pu bawk a, "Engkim thiam leh hria ah khan i inngai a,chhaw ka ti țhin che asin,zep lovah chuan."Megan chu a lo thaw hak a, "Ka lawm e," a ti sap a."I lang danglam tawh hle ani,i nu ve zam tawh alawm. Hmanah kha chuan kekawr bul hlir kha i ha țhin a."An inhnial an inhnial ta mai a, Remy lah chu a nui hawk hawk reng a, "Mipa naupang nih kha i duh țhin a," a han ti zui a."Ka duh lo reng reng."Hnial mahse khatih lai khan Remy chu a thu thu a dah kha a tum tlat țhin reng a ni. A nu leh pa fa neihchhun a ni a,a pa chuan sawilang lo mahse mipa a awh a ring tlat țhin bawk a."Tumlo mahla mipa naupang fel tak chu inih loh kha. Khuma uțawk i dah ngat phei kha chuan ka phu hlum lo chauh a ni," Megan chuan a han ti let ve a.Remy chu a lo nui kur kur mai a, "Uțawk a nilo uchang note a nih lek kha," a lo tihsan leh ta mai a."Ka thi lo chauh asin," Megan chuan a lo ti nawn leh halh a."I thi lo hi ka lawm hle ani t8h hria ang che. I pa in a hriatchhuah kha ka hlau leh hnuhnawh teh asin. I hrilh lo kha lawmthu hrilh che ka tum a,ka lo theihnghilh daih ani. Kei aiin i lo fel daih zawk tih kha ka hriat phah a," a ti a."Oh..naupang sual leh chimawm zet i ni tih kha ka theihnghilh hman tawh alawm," tiin Megan chuan a lo en vang vang a.Remy mitmeng chu a lo thim deuh khap a, "Ka danglam tawh em anih leh?" Thutak raih leh awmze nei zet hian a rawn ti ta a. Megan chu a lo sen ap ap mai a."Ka beisei," fiamthu a la chhunzawm tum hram hram chuan a lo ti a."Ka ti tak tak ania,Megan. Ka danglam tawh em? I sawi hriat ngei ka duh tlat ani."Megan chu a han thaw huai a,an inhnaih lutuk nia hriatna a nei leh ta thut mai a, "Danglam tehlul mai. Kum sawmparuk laiin ilo upa ta chu a ni phawt mai a, i nu pawhin a chhuang hle che ani," a lo ti ta thuai thuai a."Min chhuang amaw? A lawmawm anih chu. Mahse chu chuan ka zawhna che a chhang lo. I pa chu nise ami ngaihdan a sawi chhuak hreh hauh lovang," Remy chuan a rawn ti leh ta tlat mai a.Ni e,apa kha chuan Ryan Robards a fanu Anita leh afapa chungah khan rilru țha apu lem lo anih kha. A fanu chu kum sawmpanga a naupai nive sela chuan a pian ruala midang fa atana pek daih a duh zawk thu a sawi fo reng ani.Anita te nufa chungchanga a nu ngaihdan erawh kha chu a dang daih thung a. Ryan Robards chu United States a piang a ni a,a nupui nen chuan Florida ațanga lo pem lutin El Serrat hmunah hian hotel an sa ta a. Chutih lai chuan Anita chu naute mai ala ni a.Anita chu chulaia khawsa hmeichhe naupang dangte ang bawka enkawl seilen a ni a,naupang țhanthi nei awrh an nihin pasal an nei deuh zel hlawm a. A nu chu thlawhna chesualah boral hlauh lo sela chuan Anita pawh chuan School a chhuahsan rualin pasal a nei ve ngei ang,apa leh hotel enkawl chu naupangte a nih ațanga a hna ber ani ta zawk a."Laura boral hnu lawkah Mr Cross kha a boral zui ve ta mai niin ka lo hria a, a ni em? I tan tawrh a har hle dawn anih chu," Remy chuan a lo ti zui leh ta thuai a."A dik alawm. A hunlai kha chuan mahni maia ka dam khawchhuah zawh pawh ka inring lo hial ani," tiin Megan chuan hnuailam a melh ran a."Heta lo kal mai tur alawm," Remy chuan a lo ti nghat a."Ni e,mahse a hunlai khan rilru mumal ka pu lo em ani," Megan chuan a lo ti ve thuai a."I pa in a phal dawn lo tih i hriat avangin i lo kal lo a ni tih ka hria alawm,Megan," tiin Megan kut chuba vawn sak ta nghal a, "Pawi ti reng reng suh,ipa laka rinawm tlat nih i tumna kha ka zah ngawt mai che," zaidam zet hian a lo ti ta a.Megan chu a lo thaw huai a, Remy an a kut a vawn sak na chu thlamuan thlak huai huaiin a hre ta hial a. Helaia kal chu a lo mamawh tak zet pawh alo ni mahna le! Chhungkua a neih phah anga,amah ngaihtuaha lainattu a neih phah ve mahna!Mahse Remy mitmeng a han hmuh chiah chuan a ngaihdan chu a thlak rang kher mai a. He tlangval hian a phurrit leh a harsatna te chu a pui lo kher ang chu,a vawn mai mai pawhin a thawk a tibuaiin thlamuang takin a awmtir thei hauh silova.A kut laksawn a tum lai tak chuan Remy chu alo thaw huai a, "Ka nu in ka pu hi a thi țep ani tih a hrilh tawh che em?" Megan i lo meng zau kawk kawk chu a han hmu a, "Ka hria alawm. Hre tura ngaih chu ka nilo nangin ka hre tlat si ani," a lo ti leh mai a."Mahse.....engtinnge i hriat? I nu....?""Ka nu chuan thuruk lianpui emaw a la ti cheu a ni. Mahse a rin anga naupangchhia ka ni tawh lo alawm. Tehlul hian, Megan, chuvang chauh chu ani helaia lo kal tura an sawm nachhan che chu. Putar chuan i ngaihdam dil a duh che ani. Engvanga ngaihdam dil duh che nge a nih le?" a ti ta a.Chapter - 4"Ngaihdam min dil duh amaw?"Megan chuan mak a ti em em mai a. Anu leh apa te inneihna a kehchhiat lai khan Ryan chuan pawi a ti hauh silova,engvanga ani ngaihdamna chu duh nge anih leh si le?"I nu in a fanu a hloh phah ta kha ka pu hi a in ngaidam thei ngailo niin ka hria a ni," Remy chuan alo ti dam thlap mai a, "Engang pawhin a chanchin hi a chhe zawngin sawi mahsela,pa sual leh rilru chhe tak a ni ngailo asin.""Ka pa in enganga chhia in sawi mahsela maw? Remy ka....""Engmah ngaihtuah zui duh suh," tiin Megan kut chu a lo nuaisak na na a, "He thil hi ngaihtuah thui vak a ngai tawh hleinem, hun liam tawh vek a ni alawm," a lo ti zui leh a."Thil reng reng hi thlirdan kawnghnih a awm zel alawm,ka nu a lo kal e," a ti ta a. Megan pawh chuan a kut a vawnsak chu a lo phih thla lawp a, Anita chu a lo lang ve ta nghal a."Oh,Remy!" tiin an pahnih chuan a entawn ta sek a, "Zing thingpui in dun in tum tih ka lo hre hauh lova," tiin Megan lam hawi chuan ahan nui sak a, "I mu țha em?" a ti zui zat a."Mu țha khawp mai, ka lawm e. Khua a thiang nuam em a,mutbo mai mai a uiawm alawm," a lo ti let ve a."Helaiah te chuan zing thawh a nuam reng alawm," tiin a fapa lam chu a han hawi a, "Engtik laiin nge ilo thlen a,car thawm ka hre der silova. I lo thlen thu pawh min rawn hrilh ve ta che. Hei hi ka chenna a ni tih i hria alawm," a ti zui bawrh bawrh a."Hotel ang maiin ka lo ngai a, "Remy chuan alo ti hul hak a,anu chuan a lo melh kawk mai a, "Hmu lo che a kalbo leh ka tum hleinem, Megan i a lo awm tawh a,ka han titi ve satliah ania.""Eng thu nge in sawi a?" Anita aw chu a chhum hmak mai a, Remy nena an inkar boruak mak tak chu a rawn hre ve ni mai hian a lang a. Mahse eng boruak dang nge awm chuan? Remy chu kawm a nuam hle tih chauh a ni a,alo buai zui tur a ni lovang."Engemaw mai mai mawle. Enge tukin lam putar chu a an le? In va hmu tawh em? Ka kal hma a hmuh ka lo rilruk deuhva," Remy chuan a lo ti zung zung a."A ngai a ni mai ang chi, mahse Remy, va tibuai rih lo mai rawh, Megan i a hmuh dawn tho avangin a hlim lutuk anga a buai ange," a lo ti a."Ka hmuh avangin enge a tana pawi tur awm?" Remy chuan a lo ti nghat a."Tlai lamah i rawn hmu zawk dawn nia. Rachel nen zanriah rawn ei ta che u?" Anita chuan a han ti zung zung a."Mai thei le,""A țhat nasat chu. Ipu in Megan hmuh a nghakhlel hle si a,thil a ti danglam vek mai thei asin.""Ka ring love.""A chak hle mai si a,doctor chuan.....""Eng hunah pawh a thi mai thei tawh ani, ka nu. Ka pu saw țha chhuak leh tur anga min rintir țalh tum tawh teh suh. Engkim ka hre vek alawm," Remy chuan alo ti chang fak a."I hria maw? Engtinnge i hriat a?" Anita chuan a ti ta hau a."A thi mek zel anih saw, chu chu hmu thiam lo turah min la ngei cheu elaw?"Anita chuan Megan chu a melh ta ran mai a, Megan chuan Remy chu a pu thih tur thu lo hrilh ni ngeiah a ngai niin a lang, "A hria alawm Anita," a lo ti ringawt mai a, Anita chuan ala awihlo tih a lang reng mai si a."Engtinnge i hriat a?" tiin a fapa chu a han zawt leh hram a."Doctor ka zawt mawle. Nang ang lo takin a ni chuan puitlingah min ngai tawh ani," Remy chuan alo ti chang fal a.Anita chuan thaw huai chungin Megan chu a han en leh a,ngaihdam dil hmel a pu ta bawk a,țhutthleng pawt chhuakin a țhu hnawk a, "I hria tih min lo hrilh la a țha tur ania," tiin a fapa chu a en vang vang mai a."Min hrilh ve tur i ni zawk alawm," Remy chuan alo ti nghat thung a."Ila naupang em ani. I kova nghah ringawt chu ka ngaingam lova, i hnaah i buai ve em em si a,ipu ngaihtuah reng renga i awm ka hlau va," a nu chuan a ti sap sap a.Remy chuan a sana a han bih zauh va, "Awle, ka kal a hun ta e,vawiin tlai chuan dar engzatah nge ka lo thlen ang?" a ti ta a."Dar sarihah aw."Ryan Robards chuan hotel huana in nuam zet pakhat chu chen nan a hmang a,a nuam hle mai a. Engkim mai a awm thlapin tuipui a lang ruih a,a in hrim hrim pawh chu a mawi a ni.Anita chuan apa chu hotela mikhual thawm bengchheng lak ațanga awmbo a duh tih a sawi mawlh mawlh a, "Damdawiin a awm thei phei chu a ni a,a duh tlat lo a ni. Englai pawha enkawltu tur nurse ka ruai reng a,thlahthlam a ni ngai lo reng reng asin," a ti mawlh mawlh a."A țha alawm,tukin lamah i hmu tawh reng reng em? Min lo hmu duh tak tak ang maw?" Megan chuan a han ti nawn leh ngat a."Duh tehreng e."Ryan Robards a pindan chu damdawiin rim alo nam chuk mai a,a hnarah chuan a thawk țanpuina tur khawl vuah a ni a. Megan chuan a rin aia alo damlo nasa tih a hriat chuan mak a ti hle mai a.Ryan chu alo danglam nasa hle tawh bawk a,alo cher tawh hle bawk ani.Megan te alo hmuh rual chuan a hnara an thil vuah chu ala sawn thuai a. Megan chuan chupa, pa lianpui ni țhin, chak leh thahrui ngah zet țhin chuti taka a lo cher chhe ta mai chu a rilru a na zawk mai a. Anui ri mawi tak țhinte kha hriat leh tur a awm dawn ta lo a ni tih a hrechiang hle bawk a. Hepa hi a nu lo hmangaih țhin ngei kha a ni si a,a pa in an chhungkaw hlimna tichhe tu a a sawi ngei kha!Khum puan phah chunga a ban sei zette chu a cher hle tawh a,a tisa mawi leh sek tak țhinte kha a bo zo tawhin vunin a ruh a tuam ani ber tawh mai a.Megan hmel alo hmuh chuan a mitmeng ngui tak chu a lo de sar sar a, "Meggie, ilo kal chu ka lawm hle mai," tiin alo thlir tlawk tlawk a.Megan chuan sawi tur reng reng a hre lova,Nurse lah kha a kalbo daih tawh a. Anita chu a han melh a,ani pawh chu a lo awm tawh hauh lo mai a. Ryan Robards, a pahrawn ni si..... apa anga a en ngai miah loh nen chuan an pahnih chauhvin an lo awmdun tawh ani,chupa ngei chu ani apa in haw tura a duh em em chu.A chil a lem khawlh khawlh mai a, "Mr Robards,enge i an le?" a han ti chhuak hram a."Ka țha alawm,min zawh avangin ka lawm e. Ka awmdan te chu i ngaihven pawh ka ring chiah lova," khuh bawrh bawrh chung hian a han ti a."Chutiang a ni lo.... damlo ini a,nang ang hian tupawh na sela ka.....ka.....""Ka thi dawn tih i hria tiraw?" Ryan chuan a lo ti leh hram hram a."Ka hre hauh lo asin. Anita in i damlo satliah chauh niin min hrilh alawm," Megan chuan a han ti hram a, "Kan inhmuh lohna a rei ta hle mai," tiin chu damlo pa in a lo thlir ngawih ngawih reng chu awm thiam harsa ti zet hian a che sek mai a, "Anita leh Remy hmuh leh pawh a nuam hle a ni.""An hmu chu an lawm ve ngei ka beisei," tiin a han khuh leh bawrh bawrh a, a hmui a khur dar dar mai a, "I nu nen in inang hle mai maw,Meggie," a han ti leh hram hram a."Anita pawhin a ti asin.""A ti ngei ang," tiin a kut chuan a awm a dawm vang vang a, "I nu nen khan kan hlimdun rei ta lo em a ni, Meggie. Ka hmangaih em asin.....ka ngai em em reng mai anih hi," tiin a thaw kawk kawk mai a.Megan chuan a pahrawn chu a han en a,a biang thawp tawh takah chuan a mittui a luang ngiai ngiai a,a lo khawngaih em em mai a.A pa khan engthu pawh sawi sela Ryan chuan anu chu a lo hmangaih hle a lo ni, inngaihzawnna satliah mai mai alo ni awzawng lo mai,an lo inhmangaih em alo nih hi le!!Ryan chuan a kut cher zet chuan a mittui chu a han nuai fai a,a nui lui hram hram a, "A pawi hle mai,ka mittui a tla khat hle asin. An damdawi min pek hian min ti lungchhe hma deuh aniang," a ti nuah nuah mai a,a mitmenga lunglenna nasa tak chu thup rual erawh a ni hauh lova."Hei chawlh hahdamna in nuam zet i nei a,hotel lah alo changkang nasa tawh mai si a,ka pindan pawh a nuam lutuk.....""I lungawi amaw?""Tehreng mai.""Ka va lawm em."Ryan a aw chu a zawi ta hle a,a chau hle niin a hre ta a. Kalsan a duh tawh hle bawk a. Ryan chuan a nu a hmangaih zia a hrilh chu a awih thlap bawk a ni. An chhungkaw chunga thilthlengah chuan a ngaidam tihna a ni lova,mahse apa sawi anga leplerh vang mai mai chu alo nilo a lo ni."Ila cham rih anga tiraw?" Ryan chuan a rawn ti leh hram a, "K....ka.....ka sawi awmzia chu, Kar reilote tal ka tihna a nia. Anita pawh a lawm dawn asin."Megan chuan alu a bu nghat a, "Ka....ni tehlul mai," alo ti thuai a."A țha,a țha."Ryan chu a maimitchhing ta a, a thaw hle hle mai a. Megan chuan a muhil tih hriain a chhuak ta thuai a,pawn a thlen chuan a mittui alo tla ve ani tih a inhre ta chauhva. A nuaifai nawk nawk a, Ryan Robards avanga mittui a seng chu mak a inti hle nghe nghe a ni."Engkim a țha maw?"Anita chu hotel choka ațang chuan alo chhuak thuai a."In inbia em?""In be nual e, kal tawh mai ila a țha lo maw?" Megan chuan alo ti ta thuai a."Ni e," Anita chuan apa muthilh leh muthilh loh chu a en leh te te a, an kal ta nghal a, "Rei tak hmu tawh lo tu tana alo danglam nasat tur zia ka lo ngaihtuah pha hauh lova," Anita bawk chuan a han ti leh a."Ni e, a pawi ka tihpui ngawt mai che. Mahse Remy an a tuar thiam viau chu i tan a thawven thlak huai ang chu," Megan chuan alo ti ve thuai a."Doctor chuan kar reilote chauh a dam tawh tur thu a sawi a. Ka rilru hahzia thup reng harsatzia chu i hrethiam kher lovang, Remy hi ka fapa mah nise naupang ang maiin ka la en a ni si a," tiin za lo zet hian a țhen sawk a."Min rawn hrilh vat tur che ania,""Pawi i ti lovang maw?""Engvanginnge pawi ka tih ang? I pa in min hmuh a duh nachhan pawh min hrilh ta che." Megan chuan alo ti let thuai a."Ka pa chuan enge alo sawi a?" Anita chuan alo ti ha mai a."Min hmu chu a lawm hle niin a insawi alawm."Anita chu a inngaihtuah muk hmel hle mai a, "A lawm ngei ang, i nu a hriatrengna a lo kir leh anga,a tan tawrh a har hle ka ring ani," a ti charh charh a."Ka nu a hmangaih hle tih a sawi bawk a.""A hmangaih reng ani,i rin aia nasa in ka pa hian i nu kha a hmangaih ang," Anita chuan alo ti nghat a.Anita chuan engemaw helhkam riau a nei niin alo hre tlat a, apa bula awm turin a ring zolo pawh ani mahna! Giles Cross a fanu a ni miau a."Enge vawiin lam tih tum i nei em?" Anita bawk chuan a rawn ti leh a."Ka chawl hahdam mai mai ang chu.""Ani tak e,mahse zanriah ei hunah chuan min zawm ang che aw? Remy an Rachel i hmu vela a ti ngeiin ka ring ania. Bakah, anni pahnih bula awm chu upa riau hian ka inhre tlat zel ania," a ti ta zung zung a."Awle, awle.""Ka lawm e."Chapter - 5"Enge dik lo awm a?" Rachel chuan Remy chu a han hnaih țalh țalh a,a duh angin a la hnaih thei lo riau hian a inhre bawk a. A sam sei siau chu a thlah hniang mai a, "I nu em ni?" a han ti sar sar a."Engmah diklo a awm lo, ka inngaihtuah mai mai alawm," tiin Remy chuan a han en chhuk a."Port Serrat kawngtluanin i inngaihtuah anga maw? Thil diklo ka ti em ni, han sawi teh. Enge diklo awm tia i ngaihtuah reng ka peih lo ania," tiin no zetin a han melh a."Engmah anilo,Rachel," Remy chuan alo ti tawi tak mai a,a duh aia a țawng bung deuh chu a inthiam lo ta deuh hlek a, "Ka rilru a buai tlat ani. Rainbird ho thubuai leh ka pu damlo nen,ka rilru a hah ve anih hi," a han ti leh a."Ka hria e,ka hria e," tiin Rachel chuan a kut alo vaikhum a,a kawr chu a lo zut mam sak ta dalh dalh a.A kawr chu a chhing tiu teu hle a,a mal a lang thui hle bawk a. A kechawn nalh zet chu a chhuang țhin hle reng ani, "Ka zam riau ania,Remy. I ni phuahchawp hi ka la hmu ve hauh silova," a han ti nai nai a.Remy chuan a hmui alo chip hmak mai a, "Phuahchawp ani lo ania," a ti hlak a."Anih leh le,i tih tlat ahnu, i eng ni pawh nise pawi ka ti love. Ipu thih dawn hnaiha a rawn lang hlawl hi a mak ka ti hle mai," Rachel chuan alo ti leh hram a."Alo lang hlawl ani hleinem, kanu in a ko alawm i hriat kha. Kapu in a hmu chak em ani. Helai alo kal ringawt pawh hian kapu rilru a tidam huai huai ang chu," Remy chuan alo ti zung zung a."Inu sawmna a pawm awlsam lutuk hi mak ka la ti tho mai,kum hei leh chen a ral hnuah lehnghal. I pu ro a beisei chu ani em lovang chu maw?" tiin Rachel chuan a hmui alo kum phat phat a."Ka ring chiah lo ve."Rachel i thusawi danin a ti thinur ru țeuh chu Remy chuan mak a inti hle a.Megan in lo kal a tum thu a hriat tirh phat khan ani pawh khan a rilru a thilawm chu a nih ve tho kha le. Mahse Megan chu a damlo ve tho ani tih a hriatna chuan a rilru a tinem ta deuh mai pawh a.Chutah Megan hmel a han hmuh chiah khan.....!!"Engang mi nge a nih le? A chanchin min hrilh hauh lova,inu aiin a naupang zawk fe tih chauh ka hria a,pumpui țha lo vangin a thi țep tih nen," Rachel chuan alo ti leh hram a.Remy chu alo thaw halh a, "Enge i hriat duh? A sang hle a,nang aiin a sang zawk tihna anih chu. A cher hle bawk a,a damloh vang ania. A sam a buang a,a vun a ngo hle a, a mitmeng chu a pawl raih bawk a,a tawk mai em?" tiin a han nui hawk hawk a."Chutiang lamin ka zawt lo che. Ka ngainat zawng ani angem ka ti mai alawm," tiin nur nang hian Remy chu a han en a."I ngaina khawp ang," tiin motor chu Cycle lo kal pel zawng chuan a han herh kawi zawk a, "Thildang i sawi tawh teh ang," a ti ta daih a.Rachel chuan chik fahran hian alo en a, "I tih tlat chuan le," tiin a kawr tlang chu a zut dalh dalh a, "Enge ni ang?" a ti leh a."Eng maw?""Eng lampang nge kan sawi tak ang le?""Ka hre bik tawp nang. Engkim, engpawh. I unaunu chuan a exam na result a hre tawh em?" tiin Remy chu alo thaw huai mai a."Oh, Ruth i term exam result mai mai engatan mah iti hlei lovang e," tiin Rachel chuan a lo melh ralh ralh a, "A ti țha alawm," a ti a."A țhat chu.""Engatinge Remy? Ka hriatchian em che hi maw," tiin a tibuai tu chu hriat duh zet hian alo be ta sek mai a.Rachel chuan a hriat chiah loh ang bawkin amah leh amah pawh a inhrechiang lo a ni si a. Zanina a nute kianga a hruai ve tur chu a tifuh lo niin a inhre hial a."Ka hrilh tawh che kha,ka chau deuh ani. Zanina an bula zanriah eia kal pawh hi ka phur vak lo asin," tiin za lo zet hian a han nui hak a. Amah pawhin a awmdan chu mak a inti ve tho ani si a."I nu hian kan khawsa dun tih hi a hre reng reng em? Kan inneih hun tur hi alo ngaihven hle mai si a,tu neih a chak tawh anih hi Remy. Kei pawhin fa neih chu ka duh ve thova, mahse tun maiah ni lovin," tiin Remy ban chu a lo chulsak hauh hauh a."Ka nu ngaihdan hi chu a hmanlai riau alawm, bakah inluah tur kan la nei silova," Remy chuan alo ti hul hak a."Kan ngaihtuah ran a ngai hle ang, Remy. Kar ruk a kal leh chuan kum sawmhnih pakhat ka tling tawh dawn a. Ka pa in duh min thlantir ngei dawn ania," a ti sa sa a."A tilo mai thei asin."Rachel nena chendun chu alo ngaihtuah fo tawh țhin reng reng a. Rachel chu a ngaina hle a,mahse ala naupang deuh ani. Kumah chuan an inthlau lem lo nangin DC Vrees fanu naupang ber ani a, duatsual a niin a duh ang anga awm a tum chu a ngaithei dawn lova inhriatna alo nei fo tawh bawk a."I va nghahhlelh hmel ve loh ve!" Rachel chuan alo ti ngal ngal a, "A chang hi chuan i mize ril lutuk hi ka zo lo fo ania," a ti zui leh a."Ka eng mizia maw i sawi a?""Awle, i nu in hotel chungchanga a tibuai fo che hi ka thiamloh ani hleinem. Hotel enkawl zawk tur che hian a duh che tih chu kan hre vek alawm, tunah lah hei....he hmeichhia hi. Rei tak kalbo tawh nisi alo lang leh hlawl mai si a,a rawn tibuai tlat che anih hi," tiin Rachel chuan a hnar alo tum dat dat a."Megan hian min tibuai awzawng love," Remy chuan alo tibung vat mai a, "Ka chau anih hi ka chau,Rachel. Chawlh nei hauh lovin ka la buai char char anih hi i hria ang chu tiraw?" a ti zui mawlh mawlh mai a.Rachel chuan alo en vang vang a,chutah Remy rawn țawngchhuak chuan thil a hriatchhuah tir ta zawk a. A bag a hai rawk rawk a,lehkha them hi a phawrh ta nawlh a, "Orruba chungchanga i thil hriat duh kha hei hi ania. Lawng chhuak leh hmasa ber chu nilaini ah ani ang," a ti ta zawk a.****************Megan chu a pindan veranda sangah a ding vang vang a. A inbual zo tawh a, chaw ei tura inthlak hmabak chauh ani tawh a,mahse chumi tlai chuan chaw ei chakna reng reng a nei lova.Anita chu a chungah țhat chhuah hle mahse engemaw nuam lo tihna riau hi a nei tlat ani. Remy leh a bialnu chu engang takin nge an inhnaih ang le? Anita sawi danin Rachel chu nula fel tak anih hmel hle si a,an chhungkua ah pawh a pawm thlap tih a tilang chiang hle a ni.Phone alo ri a,Anita a nih ringin muangchang hian a han la a, "Hello, Simon," zawi sap hian a han ti a."Hi,Megs," Simon chuan a rawn ti zang vah mai a. Mut ka tum mek a,zanriah i ei tawh em?""Simon! Rawn biak che kha ka intiam a,tiraw? Ka buai ta riauva ka lo theihnghilh daih ani,min ngaidam ang tiraw?" a han ti thuai a."A pawi reng reng lo,mahse him takin i thleng tih tal hriat ka lo duh ve alawm....enge i an zel le? Rei tak inhmu tawh lo te inhmuh lehna boruak te chu enge a an le?" a rawn ti zung zung mai a."Ka laichinte chu ka hmu kim tawh alawm, Simon....""A țhat nasat chu, nuam i ti hle ang ka tih kha.""Nuam ka ti tih ka sawi em ni?" a han tih rual chuan a țawng lo hre palh an awm ang tih a hlau ru ta hle a, "Hmun nuam leh mawi tak a ni alawm, Simon. Anita leh a chhungte pawh an fel hle ania," a han ti leh thuai a."Phone a ka biak nu kha maw?""Aw,fapa a nei bawk a,Remy ania.Tin,ka pahrawn a awm leh bawk a,vanduaithlak takin a lo damlo nasa hle a ni.""I pahrawn chu maw?""Aw, Anita chuan amah chauhvin alo enkawl țhin a,a rilru a hah thei hle ani," Ryan a a pahrawn anga a sawi vawikhatna a ni hial a ni."Fapa a nei i ti a ni lawm ni? A tlangval ve tawh ang chu," Simon chuan a rawn ti leh a."Ni e,a tlangval ve tawh alawm. Mahse Anita tan chuan a kum rualpui ang deuh ka ni a,Remy chu ala naupang em ani.""Chutiang rual fa nei turin ila upa love,Megs. Mahse i nalh hle ania aw," Simon chuan nui chungin alo ti a.Megan pawh chu a nuih a za ve hle a, Simon hi chu a biak a nuamin a hlim reng mai a nih hi, thil reng reng hi a eng zawng hlirin a thlir thiam a,a ti rilru a."Enge i an reng reng? I lo haw chuan i vun pawh sen uk kharh turin ka lo beisei dawn ania."Megan chu alo nui hawk hawk a, "Chutiang tur chuan theihtawp ka rawn chhuah ange. Min rawn bia a ka lawm hle mai,ka ngai hle che ania, Simon," a han ti let a.Sumdawnna thilte sawiin an inbe zui ta zel a. Simon chuan New York leh Australia lam ațanga order an dawnte a hrilhin Megan chuan haw a chak ut ut hial a. Helaia engmah ti lova awm reng chu a peih reiin a inring lo ta hle bawk a.Simon nena an inbiak zawh chuan a hu hman tur karli zet chu a han ngaihtuah a,rei dawn hian a hre tulh tulh a. Mahse hna a thawh hma leh lutuk chuan ama tan bawka țha lo tur anih avangin a tawrh hram hram a ngai tih a inhre ve thova,a theihtawpa awm awl leh eitui tumin a inpuahchah ru ta sauh sauh a.Uluk zetin a inchei a,inhnuai lam chu a pan ve ta a. American khualzin ho nen chuan lift ah chuan an chuang thla hova,an ni ho chu tuipui kam lama intihhlim tum an ni a,an thawven hmelin Megan chuan a awt ve hial a.Anita chenna hmun a pan lai chuan khualchhawn nula pahnih te chuan an lo nuih var var a,tunge anih an lo hre ve tawh ani ngei ang. Anita alo awm tawh ngei beiseiin a lut ta nghal a.Anita chu alo awm tawh ngei a,a bul țhutthlengah chuan nula sam dum hmelțha zet hi a lo țhu bawk a. Remy chu hmeichhe pahnih te ep zawng chuan alo țhu awn duai a,Megan lo lut chu an lo en țhap a.Anita te pahnih chuan an thusawi lai chu tawpsanin an lo en reng mai a. Remy chu a rawn che chhuak hmasa ta ber a,alo ding thuai a. Megan chu țhu turin a han sawm a, "Tuisik bawk em ni i duh?" a lo ti thuai a. Anita chuan hneichhe pakhat lo awm ve nen chuan a inhmelhriat tir ta nghal a. Remy tih zawk awm tak anih nen a tih tak lohvah chuan anu chuan a ti ta mai niin a lang. Megan chuan a țhut hma chuan Rachel chu a han chibai te te a."I țha deuh em?" Anita chuan Megan hriselna chu an lo sawi mek niawm tak hian alo ti a. Nula lam chu a han hawi leh a, "Remy an a hrilh che ka ring a, Megan damlohna hi," a han ti a."Oh, ka....""Hrilh e,an zai che tih a sawi alawm. Pumpui lam natna neih chu a hrehawm hle ang chu tiraw," tiin alo nur nang nang a, "Upat deuh hnuah chauh nei ila ka ti ngawt mai,""Nei hauh lo la ka ti ngawt mai," tiin Anita chuan a kut alo chul sak hauh hauh a, "Vanneihthlak takin Megan harsatna ang chu kan nei ve lo alawm tiraw duhtak?" a han ti a."Awle, ka....." Megan chuan a han ti leh hram a."Londona cheng zawng zawng ten an nei emaw tih turin alawm maw in țawng le," tih pahin Remy chuan vurtlang tuia chiah chu Megan chu a han pe a, "Pumpui lawngte chu chhan hrang hrang vanga awm thei ani alawm," alo ti ro leh halh a."Thildang kan sawi thei lawm ni," Megan chuan a ti chhuak ve ta nge nge a. Rachel chu a han en a, "San Felipe ah hian i khawsa reng em ni?" satliah zet hian a han ti a."Ni mai e. Remy nen hian helai chhuak dik tak hi kan ni a, hmun danga chen bo daih chu kan theilo ve ve ang."San Felipe chu nuam an lo ti hlawm hle mai maw.....a nu thi tur pawh khan a ngaih thu a sawi țhin kha, "Anita in i hnathawh chungchang min lo hrilh a," Rachel in alo tih chuan Megan chuan hawihhawm chhuahin a lo en hram hram a."Ni e, kan thawmhnaw fak țhinte chu kan hralhchhuak ngai lova, a zawrhna hmunte kan tilang țhin a ni.""A phurawm hle dawn anih chu," Rachel chuan alo ti nangin a hna lam chu a ngaihven zawng anilo tih Megan chuan alo hrethiam mai a, "Mahse pasal neihte i tum lo em ni?" Chhungkaw din duhna te i nei ngai em?" a ti leh ta a."Tum lem rih love," Megan in a tih chuan Anita chuan alu alo thing nar nar a."I naupang reng dawn lo ania aw,duhtak. Kan taksa khawl hi a tar zel zawng anih hi.""Ka nu!" Remy chuan alo ti tawi tak mai a,anu chuan tifuh inti fe hian alo en thung a."Megan i chenpui tlangval kha a fel hmel hle asin. Ani hi chu ni ila ka nghak rei tawh hauh lovang," alo ti zui zat a."Simon nen chuan......." a han ngawi leh deuh dat a. An țhian dun inkar chu an hriat ve a țulna a hre lo hle bawk a, "Țhianțha tak ka ni," a ti ban ta charh a."Țhianțha ka lo hre tawh alawm....awle," tiin a fapa in rum zeta alo en chu a han melh zauhva....."I tana țha ber hretu tura ngaih ini alawm," a ti ta a."Ni e, ani alawm. Fa nei theilo tur khawpa upa ala nih loh tawp hi," Remy chuan alo ti ve nghat bawk a."Chutiang zawngin ka sawi lo....""In lehkhabu tihchhuah dan chanchin chu min han hrilh te," Rachel chuan alo ti ta thuai a, a bialpa leh anu chu an inhnial thinur thei takngial dawna alan avanga rawn inrawlh a ang hle a.Megan pawh chuan alo hrilh ve ta mawlh mawlh a."Thawmhnaw lampang chauh in tilang nange?""A tam zawk chu thawmhnaw lam chu ani alawm, mahse inchhung bungraw lampang tihlanna phek bik a awm a,thil chi hrang hrang kan tilang tel țeuh tho alawm.""Simon nen chuan in thil thlir dan a inang hle aniang,in hlawhtling em mai," Anita chuan alo ti leh a."Kan hna bakah hi chuan in anna kan nei tlem hle asin. Kan nalh tih zawng a inang tih mai loh chu," tiin Megan chu alo nui sak a."Enge i thawh ve țhin le, Rachel? Port Serrat ah hna i nei ve em ni?" a han ti a."Enge ka thawh ve țhin maw?" tiin Megan zawhna chu zawh thianglo zawt ang hial hian alo ti nawn leh a, "Enge ka thawh maw? Engmah.....engmah ka thawk ngai lo,hlawh nei tura hna ka thawh ve te chu ka pa in a phal teuh lo mai," tiin Anita chu a han melh ralh a, "Kapa chu a rilru ala hmanlai hle tlat ani," a ti zui leh halh a."Dinosaur ani ringawt alawm," Remy chuan alo ti ve thuai a,anu chuan alo melh nghek thung a, "Ni miau hek," Kum zabi sawm pakua na velah ala cheng a, hmeichhia te chu fa neihna khawl angah ala ngai tlat ani.""Remy!""Oh, Remy."Anita leh Rachel chu an țawng rual țhawt mai a, anu chu a thinur hmel hle laiin Rachel chu a lungawilo hnel hle thung a. Megan chuan alu nat chhuanlama chhuahsan daih tak hi a duh hlawm tawh a,a tu amah chuan an boruak tawn chu nuam an tilo vek niin a lang.Chutih lai tak chuan hotel hnathawk chuan an eitur peih anih tawh thu a rawn sawi ta hlauh a. Anita chu a thova, Rachel banah kaiin huana dawhkan lam chu an pan nghal a.Megan pawh chuan a no chu nghatin a zui ve ta nghal a, tuipui kam velah chuan khualzin intihlim thawm a țha hle a. Helaia hlim lo zeta awm ai chuan chung ho zinga telve chu a chak rilru hle zawk a. A reng rengah chawlh hmang tura kal ania....!!"I ning tawh hle elo?" Remy chuan a beng bulah chuan a rawn ti sar sar a, "Intihlim hram hram rawh. Kan eikham thuai hlawm anga, i hahdam huai mai ang. Kanu kha i ngaidam dawn nia, zanriah eipui tura a sawmte zingah ngaihdan thuhmun an awm ang tih nachang a hrelo anih kha."Megan chu alo ner sawk mai a, "I sawi awmzia ka hre nek love," tih pahin dawhkan lam chu a pan thuai a. Dawhkan chungah chuan nauban par var nalh zet leh tuipui kam pangpar sen chiai hi alo inkhawi a,an bati chhit en nen chuan a inrem hliah hliah mai a, "Ava mawi tehlul em," a tichhuak halh mai a.Anita chu a lawm hmel hle a,a ngai ang bawkin an eitur siam chu a tui hle bawk a, an chaw ei chhung zawng chuan Anita leh Rachel deuh hlir chuan titi an vawrh a, Megan chuan a ei tam phian ta bawk a.Chaw an ei kham a Coffee an in lai chuan Remy chuan a nu chu a han en a,chutah Megan lam chu a hawi leh ta a, "Kapu chu iva hmu amaw?" a ti ta a.Megan lo chhan hman hma chuan Anita chu a rawn inrawlh ta thuai a, "Ava hmu alawm,eng zawhna nge ni ta ngai? A hmu dawn tih i hre reng si a," alo ti ta zung zung mai a.Remy chuan a dar alo san zauh a, a taksa sen uk char leh a kawr hak rawng chu a inhmehin a lang pa zual sauh mai a. Megan chuan en reng ngam lovin a hawisawn san ta a, "Megan alawm ka zawh. Enge alo sawi a,kapu chuan?" a rawn ti nawn leh a.Zan thim avanga a hmai sen ap ap a lang theilo chu a lawm hle a.Remy hmaah chuan tleirawl ang maiin a zam chhe lo chauh zel chu a ni si a, "Min hmu chu alo lawm hle ani tih a sawi alawm," tiin Anita chu a han en a, "Kanu nen kan inang a tih thu te....min han hmu khan a lung a tileng zual pawh a ang hle ani.""A dik ngei ang," lungawi hmel zet hian Remy chuan alo ti ta nghat a, "Ka haw hmain ka va kan ve ang e.""Ka lo kal ve thei ang em?"Rachel chuan Remy no dawmna kut chu alo vuan thuai a, mahse Remy chuan alu a lo thinsan ta mai a, "A ngai lovang. Doctor O' Brien khan chhungkhat laina tak tak lo chu hmuh a phal lova, nang chu ini ve tlat lo ani...."Rachel chu a tho ta thut a, pindan lamah chuan a tlanlut ta daih a. Anita leh Megan chu pawiti zet hian an lo inmelh ralh a. Remy țawngkam chuan Rachel chu a tina hle ani tih an hai lo țheuh bawk a, Anita chuan a fapa chu a melh ta ran mai a."Khatianga tih kher a ngai hleinem. Doctor khan tlawhtu ngah lutuk lo se a duh thu a sawi chauh a nih kha! Rachel kal ve chu a pawi reng reng hleinem," a ti ta tawn tawn a.Remy chuan anu țawng chu pawisa lo zetin vanlam a thlir vang vang a, "Kal ve turin ka duh lo a ni mahna le," a lo tih chuan anu chuan a hnar alo tum khum dat a."Awmze neilo lutukin i khawsa ani, Remy. Va kal la,ngaihdam va dil thuai rawh, a țap nia hriatna ka nei ania," Anita chuan alo ti leh a.Megan chuan alo awm ve kher kher chu pawi a ti em em mai a, han kalsawn mai dawn sela Rachel luhna bawk chu a kalna tur ani mai si a, Rachel tih zah belh chu a duh hauh silova."Naupang ka ni tawh lo tih i hria alawm! Kanu. Rachel nena kan inkarah hian i rinna lo nghat lutuk suh ang che," tiin anu chu a melh ngar mai a."Ka rilru tihnawm loh tumin i țawng mai mai anih chu," Anita chuan alo ti hlar mai a."Anilo," tiin Megan chu a han en a, Megan chu alo hawisawn thuai a, "Tin hei hi ka rawn duh bawk che a, Megan hi helaia alo kal chhan dik tak hi hrilh tawh rawh," putara hrisel lohna chhuanlama hmang reng lovin," a ti ta a.Chapter - 6Megan chuan a lehkhabu chhiarlai chu dahin a bul dawhkana vuna hnawih tur bur chu a han ban a,a mutna pipu chu nihliap zar hnuaia awm ni mahse ni a inher zel a,a ke lam chu nisa chuan a rawn em tawh a. A ke vela cream a hnawih pah chuan a hawi kual vel a, a bul vel chu a nuam hle ani.Hotel tuikhuah bulah a awm a,tuipui kama awm mah nise hotel chuan tuichenna hmun a neih ve tho angai tlat ani. An mikhualte duhzawng inang lova,a țhen chuan tuicheng ngai hauh lovin tuikhuah bula tuichen thawmhnaw nena thlalak te an duh tlat țhin tih Anita chuan a hrilh a.Megan chuan tuipui ngeia chen a chak em em laiin ala dam chian loh em avangin a ngam lova,tuikhuah kam nisa vela inpho chu a duh tawk hle ani. Nisa a a inpho ngun ve tak avangin a vun te chu a uk ve kharh tawh a, Anita tibuailo thei ang bera awm tumin ke te in a leng vel mai mai țhin bawk a.Mahse Anita chuan a ruala tlai chaw ei turin a ngen tlat zel a. Rachel lo tel ve zan anga boruak nuam lo kha chu a thleng leh ta rih lo bawk a. Remy leh Rachel an lo tel ve leh hunah chuan hmun hrana chaw ei chu a tum rilru ran tawh a.Khami zan khan Anita chu Rachel thlem tur khan a kal ta a, Megan pawh chuan chhuanlam siamin ama pindan lam a pan ta daih ani.Ryan Robards a tlawh apiang chuan a nu chanchin an sawi ziah a,a tlawh zin poh leh chupa chuan a nu alo hmangaih zia chu a hriat belh zel bawk a.Chu putar chu a lainat rual rualin a pa a hrechhuak lo theilo bawk a. A pa khan ama ngaihdan alo kalpui thui lutuk nia hriatna a nei lian sawt hle bawk ani.A lehkhabu chhiar lai chuan a rilru a luah lo hle mai a, Remy chu a hrechhuak deuh reng nangin a ngaihtuahna chu a duhlo hle mai a. Rachel a rawn hruai zan ațang khan hotel ah chuan vawihnih alo kal leh tawh a. Hotel a lut kher lo pawhin a pu chu a rawn kan fo a ni tih a hre tho nangin a lo pumpelh lui hram hram țhin ani.Thaw huai chungin a han hawi kual a,tum thing hnah te chu thliin a chhem ri sang sang a, vanram tlafual ani ringawt reng ani. Anu dam lovin helai hmun a lo ngai ngawih ngawih te kha a hrethiam ta hle a.A han maimitchhing vang vang a,a men leh chuan a tarmit dum phenah chuan nihliap hlimthla satliah nilo,hlimthla dang awmin a hre ta a,a mit a khap ta fak fak mai a. Remy a ni a,amah chauhin alo ding reng tawh a."Lum i va tih hmel ve," tiin Megan i țhuchhuak thuai chu a lo en a."Lum ka ti khawp mai. Enge i rawn tih le? Hna i thawh ka lo ring a, nge, Port Serrat a ukil ho hian hnathawh hunbi in nei lo zawk?" tiin a țhu țha ta sauh sauh mai a."Ukil dang hnathawh danah ka buai love," tiin Remy chuan a kawrkilh na chu a han phelh thawl a, "I bula rawn awm rih ka duh alawm," tiin dil sirah chuan thatchhiat hmel zet hian a țhu thluang duai ta mai a."A finthlak vakin ka ring lo. I nu in i lo kal tih hi a hre ngei anga,i tihtur a hre ngei ang. Coffee khawl a chhiat thu a sawi ka hre tlat ani," Megan chuan alo ti thuai a."Electric lam ka khawih thiam hleinem, Megan, khawl chhe siamtu lah ka ni lo bawk a. Kanu chuan chutiang khawl chhe siam theite chu a hre țeuh alawm,chutiang mai mai te chu ka buaina a ni ve hleinem," alo tihsan ta duah a."Chu pawh nise....""Chu pawh nise....enge? Enge buaina i neih a? Helaia ka lo awm ve hi hnawk min ti em ni? Mahni chauhva chawlh hmante chu a nuam hleinem," tiin a lo nui sang mai a.Megan chuan a hmui ro halh chu a han liak huh hlap hlap a, "Heta i awm ve chu engvanginnge hnawk ka lo tih ngawt ang che.....i awm rei dawn em? Rachel i rawn hruai ve em?"Remy chuan alo melh kawk a, "A lo kal ve lo. Rachel nen hian kan inzui chawt lem lo asin, kanu in engpawh lo sawi sela,țhian a nei ve alawm,kei pawhin ka nei thova," a lo ti hmak mai a."Mahse in chengdun ani lawm ni?" Megan chuan alo ti ve țalh a. Rachel leh Remy dinhmun hriatchian chu a chak tlat ani."Chengdun love. Anu leh apa bulah a cheng alawm. Kanu in a hrilh che em ni?""Hrilh love," Megan chuan alo ti thuai a. Anu nena a chanchin an sawi anga a ngai tur ringawt pawh chu a duh lo hle mai a."A țhat chu."Remy chu a thova, a kekawr kawng kilhna chu phelhin a kawr chu a pawt chhuak a, a phelh nghalin țhutthlengah chuan a thehthla hnawk a, hrukpuan inbang chu la in a phah a, a jean kekawr dum hak chu a phelh zui leh ta nghal a.Megan chuan thawchham lo chauh hian a lo thlir a. Remy chuan kekawr bul alo ha tel hlauh chuan a ti thaw huai mai a.An ngawi dun ta vang vang a. Tuikhuah vel chu a lun loh hun lai tak a ni a, mikhual dangte chu khawpui lamah te an kalin tuipui lam te an pan sung sung mai a.Megan chu a hahdam thei ta hauh lo mai a,a mit chuan a bula tlangval lian zet, thatchhe fahrana țhu awn duai chu a melh lo thei lova,a thil hmuh chuan a tibuaiin a nalhin a pa em kher a ni.A lehkhabu chu a han ban leh ringawt a,awmzia a awm lo hle mai a,a chhiar ngai a chhiar nawn tlut tlut a, a thil chhiar lah chu enge anih a hre der lo lehnghal a.Remy te ang tlangval hmelțha leh nalh lutuk nena hmangaihna chen chu enge a an ang le? Hetiang ema nalh a tih mipa hi ala hmu ngai reng reng lo a ni si a. Mipa saruak la hmu ngai lo ang maiin a lai a, Remy chuan kekawr bul zahawm tak a ha chungin a lang nalh danglam em kher a ni. A mipat pian mawina chu hre hauhlo niin a lang bawk a. Ama landan ve chu nalhlo riau hian a inhre bawk a, a inzaina ser tereuhte chu langsar riau hian a hre bawk a."Putara nen chuan in boruak a țha zel em?""Kan titi tui thei khawp mai," tiin tuikhuah lam chu a en lui ngar mai a, "A chau hma em a, ka bula awm chu nuam a ti ve thovin ka hria. Kanu chanchin sawi nuam a ti hle a,a chang phei chuan ka nu emaw min ti țhin niin ka hria," a ti a."Laura," Remy aw chu a ril raih a, "Nu duhawm danglam tak a ni asin," a ti zawi sap a.Megan chu alo ngawi reng a,helaia a lo kal ațang hian a rilru a danglam nasa hle tawh bawk a. Mahse apa chu a theihnghilh thei chuang lo. A hunlai khan ala naupang em a, thil zawng zawng a hrethiam vek lo chu a thiamloh a ni biklo ani."Anih leh kanu ve hi? A bula khawsak chu enge anga i hriat le?" Remy chuan a rawn ti leh a."A țha khawp mai," tiin a tarmit chu a bun țha sauh sauh a."Kanu hi chu ka hria alawm,thil pehhel hi a thiam riau asin," tiin a nui hak hak a."Kan nih țheuh hi.""Enge i sawi awmzia?" Remy chuan alo ti thuai a."Engmah ani leh love.""Keimah min tihna em ni?""Ni lo ve.""Kapu chuan ka pi chanchin a hrilh tawh che em?""Kanu ni lo zawk maw?""Ni love,ka pi tak tak zawk mawle, a nupui hmasa zawk," Remy chuan alo ti a."Ala sawi hauh lo mai. A hmangaih hle thovin ka ring ani....! A lung a leng ngawt ang, an boral san ve ve tawh si a," Megan chuan alo ti a."I khawngaih leh khawngaih loh lam ka zawt hleinem che," Remy chuan a lo ti nang nang a."Min zawt ka ti hleinem,ka sawi ve mai ani. Nangmah khan enge sawi i tum zawk le?" tiin Megan chuan a han en a."I hre lo amaw? I pa in a hrilh miah lo che em ni?" tiin a taksa lian zet chu a kun deuh kho a, "Khapa khan sawi hreh a neih ka lo ring vak lova," a han ti deuh kher a.Megan chu alo khawng lah mai a, "Ka pa mawi lohna sawi i tum anih chuan.....""Ka tum lo. Ka rilru a ka pai chu ka lo la pai ve mai mai zawk ange. Mahse ka nu rilru a ti na fo kha ka ngaidam theilo fo țhin a ni."Megan chu alo thaw huai mai a, "A pawm tlat che kha i ti anih ka ring a," alo ti halh a."Chungte chu a țhen a zar chauh mawle. Mahse....ni e, i tel vena a awm hauh hleinem, tiraw? I ngaihdan han hriat ka chak mai mai ania, Ngaihdan thuhmun ilo neih ve.....""Eng ngaihdan thuhmun maw, Remy?""Engmah ani love.""I pa chungchang ah em ni? I sawi awmzia reng reng ka hre lo mai," Megan chuan alo ti zawi raih a."Engmah anilo ka tih kha," tiin a tho ta uaih a, "Ka tibuai rei tawh hle mai che,ka kal tawh ange," ati ta a."Remy...." Megan chuan rang zetin a banah alo vuan a,a ban chu a nghet charhin a hmul thap mai a, "Khawngaihin, thil kal tawh chu kan theihnghilh thei tawh lawm ni?" a han ti hram a.Remy chuan Megan kutin a ban a vawnna lai chu a lo en thuai a, Megan chuan a kut chu ala sawn ta thuai bawk a. "Thei ila ka ti ngawt mai," tiin a kalsawn a, a kekawr chu a ha ta mawlh mawlh a, "Ka hmel ka va inlan ange. Kan pitari chuan ka hmu duh lo emaw alo ti leh ange," a ti hul hak a.Remy tibuai riau tu chu enge ni ang le? Chutah ani lah chuan țha alo ti hle si a. Chu tlangvalin a hipna nasa tak chu a inthup thiam hle a ngai dawn a ni.Chhunchaw chu ama pindanah a ei ta a.Anita leh a fapa te bula awmloh hram hram chu a thilduh ber a ni ta mai a. Remy awmdan ah khan biak leh a chakawm lohva,a pa chungchang a sawi phei chuan a ti thinur riau anih kha. Tunlai angah te chuan pasal neilova fa neihte chu thil zahthlak a ni tawh lova,enge a pa chuan alo sawi le? Hun a liam tam tawh a, Anita sawn pawm chu a ngaihdan lo nilo țhin mahse theihnghilh a hun ve tawh hle lawm ni?Nihnih chu engmah thleng lovin a hmangral leh tawh a.Simon chuan a rawn phone leh a,țhian pakhat, amah aia thluak țha a tawn thute,an sumdawnna tihlen a rilruk dante a rawn sawi sauh sauh mai a. Dawrtu tur thar a hmuh belh țeuh thute sawiin damțha thuai thuai se a duhthu a rawn sawi duah mai a.Megan rilru chu a buai hle mai a, a hna ai chuan Ryan damlohna chuan a rilru a luah nasa ta mah mah zawkin haw lam a ngaihtuah manglo ta hial a.Anita hnena car hawh a, a nu thlan tlawh chu a duh ta hle mai a. Anita hnena a sawi chuan ani chuan alo phurpui ta hle a,thlanmual awmna te a hrilhin kalpui a hreh loh thu te a lo sawi thuai a."A ngai love, ka ngaihtuah awm lovang. Mahnia kal ka duh tlat a ni, Anita. Min hrethiam ang chu tiraw?" a lo ti tlat thung a."Tehlul mai."Anita chuan lukhum parh, nalh zeta chei hi a hawhtir ta bawk a. Port Serrat lam chu panin a inkhalh chhuak ve ta nghal a,a awm hahdam rei tawhin a ei leh in a fimkhur bawk a,a chak sawt hle in a inhre tawh a. A nu ang maiin helai hmun hian a lung a len anga,a haw hreh mai ang tih a inhlau thawng ru rum rum hial tawh a.Chunglai vel chu ala hre bel hle ani. Khanglai khan ala naupan avangin motor khalh an la phalsak lova,a nu emaw a pa emaw in an hruai țhinin Remy pawh an hruai ve fo țhin anih kha. Apa khan Remy kha hnawk tih chang chu a nei țhin ngei mai a, khatih lai khan anu kha alo ringhlel tawh em ni ang? Remy nen kha chuan engmah an hre ve hauh silova.A ngaihtuahna chu dah bovin a hmalam khua chu a han thlir a,in nalh zet zet, huan mawi tak tak neite, lawng chawlhna a lawng mawi tak tak intlar țhup mai te chu.....a mawi danglam hle ani.Port Serrat khawpui chu tlangin a hual pap a,a nuamin a boruak pawh a la țhing hle ani. Khawpui upa zet ani tawh a, Ryan a hrilh țhin dan chuan, hmanlai lawng suamhmang te tawm rukna khawpui a ni țhin a ni. Khawpui kawtthler tin te chu zu dawr leh khualbukin a tlar tuarh mai țhin reng a,a lo țhangin dawr te pawh alo changkang hlawm hle tawh a.Megan chuan car chu a hung țha te te a,tuipui litengsawl bazar lam chu a pan ta a. Lui sa chi hrang hrang, tharlam fe fe hi an lo zuar tuarh mai a, anaupan laia a duh duh anu a leitir lai te chu a hrechhuak uaih uaih mai a.Ryan khan lawng nalh leh mawi deuh kha a nei țhin ngei mai a,a lawngah khan anu leh apa te, khualzin hote an chuangin chunglai thliarkar te te a fanpui peih em em țhin anih kha!A tui alo hal ta huam huam,intur zawrhna dawr lam chu a pan a,theitui vawt raih mai, nihliap lian zar hnuaia a han in chu nuam a tiin manhla a ti ngang mai a.Thlanmual kal nan hun ala ngah a,a duh leh ala bazar hman ang chu! Hotel lamah chhunchaw eiturin a kir leh mai anga. Remy khan lawngchawlhna bul hnaiah in a luah thu a sawi a, chulai velah chuan in in luah țawm chi a awm lova,in mal din,nalh zet zet hi a intlar țhup mai a,chung zinga pakhat chu ani ve ngei ang chu a ti rilru nap nap a.Kawtthler lun zet chu a zawh zel a, chunglai bazar chu a hming pawh a lar hle a,khualzin ho pawhin an bawh hle țhin reng ani. Thil hun mawi leh inchhung cheina vel zawrhna chu a bih dan dan a.Remy chuan office a luah ve ang nge, a inluahah chuan hna a thawk ang aw, a ti rilru leh vang vang a. Ukil a ni a,ama mimal nun leh a pawnlam nun chu a chawhpawlh duh chu a ring leh ta lova.Chutah amah Remy ngei chu a hmu ta hlauh mai a, a hmalam la hla deuh fe ah chuan mipa pakhat nen an kaldun a,a pianphung leh sang zuih mai te, a dar pharh hlai hlap leh a kal vel reng rengah chuan hai chi rual ani tlat lo ani.Thawmhnaw pangngai tak a inbel a, a lang zahawm hle lehnghal a. Hna a thawk a ni ngei ang. Remy chuan amah chu a zawng niin a ngai tur a ni lovang. Hrechiang chak teh mahse a inthup hram hram tur ani.Megan chu a han ding khawtlai a, lawngchawlhna lam chu a thlir vang vang mai a,hmalam a han thlir leh chuan Remy leh a kalpui pa pawh chu an lo ding ve reng hi a lo ni a, an lo in mangțha mek niin a lang,a kut chuan kawngsira in kawngka chu chu a dawm a, a office ni awm tak hi a ni bawk a.A rawn hmu ve ta tlat mai a.Lukhum parh hlai zet a khum a,mipui zi nuaih nuaih kara a rawn hre nalh mai chu Megan chuan mak a lo ti hle mai a. Hriatloh dera kawtthler lehlam pan a rilruk lai tak chuan Remy chuan a țhianpa chu a vai liam a,a rawn pan ta ruak ruak a. Megan chuan thinphu dap dap hian alo nghak ta ringawt a.Chapter - 7Remy hmel hlim sarh a hmuh chuan Megan chu a lo thaw huai mai a, an inbiak hnuhnun bera a awmdan avang khan a lawm pawh a inring tawh lo kha ani si a."Engtinnge helai hi i rawn thlen theih le?" tiin a nu zawng niawm takin a han hwikual ruai a, "I lukhum chu i inhmeh hle mai," a tih zawm zat a."Mawi deuh asin. Motor ka rawn keng alawm," tiin a lukhum chu a han phawk a, "Helaiah hian em ni hna i thawh a?" a han ti a."Mahni chauhvin maw?"Megan chuan a chal alo chuar tap a, a zawhna chu hrethiam lo der tlat chungin alo en let thuai a, "Nangmah chauhvin i thawk niin ka lo hria a," a han ti leh ngat a."Ka sawi awmzia chu......" Megan lo nui hmel a han hmuh chuan, "I hrethiam reng si a," a ti ve ta hak hak a. "Kanu in a rawn hruai che anih ka lo ring deuh a. Motor i khalh thei tawh em ni?" a ti ta thuai a."Motor khalh phalna chu ka nei ve alawm," tiin Megan chu alo nui țha mai a, "Ka inzaina pawh kar ruk lai ani tawh a, ka dam țha hle tawh alawm," a ti zui zat a."Ni e, i țha sawt khawp mai," tiin Remy chuan a rawn en lawr dan dan a, "Helaia mahni chauhva ilo kal anih si chuan...chhunchaw eidun ila?" a ti ta a."Mahse....""Tihtur neia lo kal chu ini ngei anga, a pawi ngawt mai. Hotela kir leh thuai i tum em ni?" Remy chuan a ti leh thuai a."Oh thlanmual tlawh ka tum satliah mai alawm, engmah dang tih tur ka neilo.""Tichuan?""Tichuan....awle. Chhunchaw chu kan eidun dawn nia. Khawiahnge ka rawn hmuh ang che?" a ti ve ta nge nge a."Helaiah hian lo kir leh la,ka office te i rawn hmu ve ang chu! Sawlai inchhung panna kawngka ațang sawn i rawn lut dawn nia," tiin kawtthler ațanga office panna kawng chu a kawh hmuh a."Awle."Remy chuan Megan chu alo en vang vang a, "I lo kal chu ka lawm hle mai," a ti sup a,a ban a vai khum ta zauhva.Baptist thlanmual, Laura Robards i vap phumna hmun chu khawpui daia awm ani a, tlangpawng lai nisi, ram rai nuam ang reng zet hi a ni a. Lawngchawlhna te a lang chiangin khua a thlir zau theih hle a. Ryan chu a kalfo țhinin a ring bawk a. Chulai hmun, Garden of Remembrace an tih ah chuan sailungvar pheka siam thlan pakhat hi a awm a, anu hming a in ker kalh a. Nauban leh lily par inkhawi pawlh chukna bulah chuan, "Ka ngai em em reng che asin," tih hi a inziak kalh mai a.Megan chu chulai thlan bula țhutnaah chuan a țhu hnawk a, a nu thlan chu a thlir vawng vawng a. Anu chuan phum a duhna hmun ngei San Felipe thlanmuala hmun țha ber a chang a, a lung a awi ngei ang chu!Darsawm pahnihba pelh hnu chuan khawpui lamah chuan a let leh ta a. Chak tawh hle in a lo inhre ngawt nangin a chau hle a ni. Remy sawmna kha lo pawm lovin hotel lama kir leh mai a duh ut ut a.Infiamna bungraw zawrhna dawr sira kawngka chu a han nem hawng a, darthlalang kawngka phena hming lo intar chu a han hmu a. "Jeremy Robards. Attorney at Law," Remy hmingpum chu a hre khat tawh hle mai a.Inchung lam panna kailawn chu a chho hle mai a, a tawp a thlen chhoh phei chuan a thaw hlawp hlawp a, a han ding vang vang a, chutah kawngka chu a rawn inhawng a midang nu pakhat hi alo chhuak hlawl mai a.Nula nalh tak a ni a,a mitmeng chu a de sar mai a, "I țha maw?" tiin Megan i kawngah chuan a rawn kuah thuai a, Office chhunglam chu a panpui ta nghal a, "Tuisik i in duh em? Remy hnenah ilo kal thu ka va hrilh ang e," a ti zung zung a."Ka țha leh mai ang," tiin Megan chu țhutthleng lo awm hmasa berah chuan a țhu hnawk mai a. Remy secretary anih ngei a ring ringawt bawk a.Chunu chuan hmanhmawh zetin a kalsan ta nghal a, pindan chhungril lam chu a pan a, Megan chu alo zak em em mai a. Chuti ema chauh leh hah chu a inring pha hauh lova,na chu a nei hauh lo nangin alo la chak tawk lo hle alo ni.Remy chu alo lang ve nghal thuai reng a. Ngaihtuah hmel zet hian arawn en a, "Megan, enge i an le?" tiin a lukhum chu a rawn laksak thuai a."I office kalkawng hi a chho lutuk alawm," alo ti hram hram a."I dang vek alawm mawle,""Ka chau deuh anih hi, ka țha leh thuai mai ang," a lo ti let ta thuai a."Sylvie khawngaihin tui min lo pe ta che. Miss Cross hi chu ka lo enkawl zui mai ange," Remy chuan a ti ta thuai a.Sylvie tui rawn lak chu alo in khawlh khawlh a,a tui alo hal hle a ni, a ke te chu ala khur dar dar mai a, a han ding chhuak lui ve hram hram a."Khawia kal nge ila tum a?" Remy chuan alo ti ha a."Chhunchaw eiin kan kal dawn ani lawm ni, nge i office chhung min entir dawn?""Khatiang khawpa i chaklo chung chung kha ka hruaichhuak che anga maw?" a lo ti hul hak a."Ka chak lo hran hleinem. A lum lutuk a, tlanglam ka chhoh deuh khan min ti chau mai mai alawm, ka țha tawh e,"Remy chuan alo awih loh hmel ngang mai a, "I tih tlat chuan le, ka awih mai ani ang chu. Mahse dawrah chuan ei lo mai ang. Ka in a hla lova,i va ei zawk mai ang hmiang," alo ti a.Megan chu lo hnial tumin a alo ang zuau hman tawh a, Remy hmel chu a han en a, a ngawi leh ta zawk a. Remy ina kal chu enge a pawina? A chenna hmun hmuh pawh a chakawm tho alawm.Remy chu a zui ta nge nge a, a office chhung chu a fanpui te te a, a office chhung chu a eng nuamin nilum a lut țha hle a. Tukverh ațang chuan lawngchawlhna velte chu a lang thei vek a, a office aiin a nuam zawk daih ani, a thik rum rum hial a. A office țhutthleng leh dawhkan te chuan a neitupa nihna chu a tilang hliah hliah hian a hre bawk a."A nuam hle mai," tiin chhuar nalh zeta lehkhabu intlar tuarh te chu a thlir vang vang a."Nuam ve deuh asin," tiin a pawisa bag a ak a, "Ka inpeih e, chawhnu lam hian rorelnaa ka kal a ngai dawn a, darhnihah ka inpeih a ngai ang," a lo ti a.A sawmna alo pawm ta mai chuan a hna a tihbuai hlau ru hnuhnawh zet hian a han en a,ani lah chuan pawisak nei lo hmelpu zet hian a ban alo vai khum mai a. Megan pawh chuan engmah a sawi zui ta bik lova. A lukhum chu khum lehin Remy chu a zui chhuak ve ta nghal a.Pawn an thlen chuan ni alo sa hle mai a, a thlan nghal zawih zawih mai a. Remy in chu a hlat loh hram a beisei hle bawk a.Remy chuan a banah a rawn vuan a, a vawnna chuan tibuai ru hle mahse alo dawh hram hram a."A hla lo ania," ti a a en chhuk chuan Megan chu alo nui var var a."Khatiang mai mai a chauh kha a atthlak hle ani tiraw?" alo ti hak hak a."Ka lo kalpui zawk mai lo che ani, kanu emaw tak pawhin Mahnia kal nan chuan thlanmual kha a hla ve tho alawm," Remy chuan alo ti vat a."I nu pawhin min kalpui a tum thova, ka lo hnial alawm. Enteh, mahni chauhva kal ka duh tlat alawm," Megan chuan alo ti ve țang țang a."Engatinge ?"Kawtthler kawi lai an thlen chuan an peng a,kawng chu alo daihlim ruai mai a. Megan in a chhan hma chuan kawng dang an pawh a, leirawhchana hung, kawng an zawh lai tawpah chuan tualzawl piaha in lo lang lam chu an pan ta zel a."Moonraker Yard ah hian ka lo lawm a che. Kailawn dang i lawn leh a la ngai ang tih ka hlau ngawt mai," Remy chuan alo ti ro halh a.Megan chuan chulai hmun mawi danglam zet chu a lo enkual ruai ruai a, phul hring dup kara in nalh zet zet dingte, inkara ni zung lo lut sung mai te chu a nalh danglam em em bawk a. Inchung chhohna thinga siam chu a thlir vang vang a, "Hetah hian maw i chen a?" a han ti halh a."A landan ai hian a chhunglam a mawi ve vak lo ania," Remy chuan alo ti ngal ngal mai a."A nuam awm em mai," tiin ala hawi kual ruai ruai a, Remy chu alo nui hak a."Lo kal rawh, ka pindan chu khilaia mi khi anih khi," a lo ti a.Thinga siam kailawn chu an zawh chho ta zel a,pindan inkalpawhna thui zet an zawh hnu chuan Remy chuan chahbi a phawrh a,tukverh sang zet ațanga ni zung lo lut chuan chu in chhuat chu a chhun tle sar sar mai a."Lo lut rawh le."Pindan zau zet hi a rap lut ta a,sasaw thinga siam țhutthleng leh chhuar nalh zet zet hi a awm a,a tle hnum hlarh mai a. Bangah chuan lemziak mawi zet zet hi a intar thluah a, bang kilah chuan bel tung sei lian zetah hian pangpar a inkhawi buk luai mai a,a nalh danglam hle ani.Pindan chhung chu a thianghlim hle a,lehkhabu dahna chhuar nalh fe ah hian lehkhabu chi hrang hrang a intlar țhup bawk a,bang kil tinah chuan hnah mawi a inkhawi thluah bawk a.Tukverh sang pui pui a awm a,tukverh ațanga thil lang thei te chu thawk tichham thei khawpa mawi a ni bawk ani. Lawngchawlhna leh tuipui kam vel te chu a lang ruih a,thlifim a rawn lut heuh heuh bawk a,tuipui tle sur sur chuan a mit a tivai lek lek hial a."A mawi lutuk. Hetiang thil mawi ka hmuh hi ka lo beisei hauh lova," a ti halh halh mai a."Eng ang nge a nih ilo rin reng reng a? Khawilai chawmpang karah emaw tui awm lohna hmunah emaw a cheng turin min lo ring deuh elo?" Remy chuan alo ti zang vah mai a."Ni love, mahse hei kher kher hi chu.....""Ka....""A mawi lutuk tlat! Hetiang hmun mawi lutuka i cheng bik hi i vannei hle ani," a lo tih khalh zung zung a."Chuti maw?"Remy aw chu ngeiawm riau mahse alo haider lui ve tlat a, tukverh chu a hnaih sauh sauh a, "A va mawi tak em. I thlir ning thei lovang tiraw! Zanah phei chuan a mawi lehzual ngei ang chu," a lo ti hmiah hmiah mai a."Zana a landan hmu tur chuan i lo kal a, i rawn en a ngai dawn anih chu," tiin kawngka lehlam chu a pan ta daih a, "Thil tuihnai deuh eng tehchiam mah phei chu ka kawl lova,mikhual neih ka lo in beisei lem silova," a ti zung zung a."Khawngaihin in tibuai duh suh. A awm ang ang kha ei mai ang. Ka ril a țam vak hleinem," Megan chuan a lo ti ve mai a.Remy luhna lam pindan chu a pan ve ta thuai a. Choka lian lem lo, felfai tak leh mamawh kim thlapna hmun hi a lo ni a, a nalh hle lehnghal a,tukverh ațang chuan phul hmun hi a lang raih bawk a.Remy chuan eitur dahțhatna bawm ațang chuan chhang leh thei vel a lo la chhuak mawlh mawlh a, eng engemaw chu a lo kawl ve nual niin a lang."Lo awm hahdam rawh,ka rawn ti vek mai ang," tiin Megan lo puih tum chu alo en thuai a."Ka hahdam tawh alawm," alo ti let var a. In bang chhah tak avang chuan inchhung chu a dai ruih a,a hahdam thlak a ti hle a.Dawhkan bula țhu chung chuan lawngchawlhna vel chu alo thlir vang vang a. Anita hnenah Remy bula a kal thu chu a sawi ang em le? Remy chenna hmun chu anuamin a reh raih mai a,a hahdam thlak hle mai si a.Remy eitur rawn chhawp ho chu mawl te te mahni se a tuihnai hlawm hle a,rilțam lova a inhriat nen a eitui ta phian bawk a."Engvanga nangmah chauhva lo leng chhuak maw i nih a? Ka nu bula awm chu i ning ta deuh em ni?" nui sang hian alo ti a."Ning lo ve, inu nen chuan kan inkawm ngeih viau asin. Mahni a han lenvah vel ka duh vang mai mai ania,""Chuti chu hetah hian enge i rawn tih tak le?" a rawn tih leh takah chuan Megan chu alo sen ap ap mai a."Ka tum lawk anilo tih i hria alawm,""A nilo amaw?""Nilo. Anih loh avang chuan helaia ka lo kal hi ka lawm lo tihna ani miah lo ania," tiin alo en let ran a.Remy chu alo meng thim deuh salh a, "A va lawmawm vele," alo ti sap a.Megan chu alo thaw ham ham a, "I nu in heta ka lo kal hi hria se a lawm ang em le?" a han ti a."Lawm hauh lovang.""I nu hian i lakah ngaihdan engemaw deuh ka neih a hlau niin ka hre tlat ani. Pasal ka la nei lo hi a ngaimawh riau lehnghal a," tiin an boruak tih zangkhai tumin a han nui hak hak a."I ti dikin ka ring e. Ka in chu nuam i ti amaw?" Remy pawh chuan alo ti zang vah a.Megan chuan tuisik vawt zet chu a han in a, "Ka hmuh chin hi chu a mawi thlawt ani," tiin a hmui a han liak huh hlap a, "In inneih hunah Rachel nen chuan helaiah tho hian em ni in chen ang?" a han ti a.Remy chu alo meng thim khap khap a, "Tunge kan inneih dawn thu sawi a?" a lo ti ro halh mai a."In innei dawn lo em ni?""Ka hriat ve danah chuan inneih kan la tum rih lo chu a nia lawm. Engtikahnge Simon nen in inneih dawn,Megan?" a lo ti let ve ta ngat mai a."Kan innei dawn hleinem. Ka sawi awmzia chu.....! Kan la sawi dun ngai reng reng lo ani," alo ti ta ringawt mai a, "Țhian kan ni ka tih kha,chu zawng chu a ni mai. Sumdawnna a ka kawppui țhianțha tak ani," a ti nawn leh ngat a."Rachel leh kei pawh hi țhian tho ka ni alawm. Hna chu a nei hauh lo nangin sumdawnna kawnga ka kawppui pawh a ni ve mahna," tiin a dar alo san khum zoh va.Megan chuan a hmui alo chip hmak mai a. Remy chu cho fahran hian a han en a, "I ti tak tak lo tiraw?" a han ti a."I hria em ni?" Remy chuan zamna nei hauhlo hmelpu hian alo en let reng a."Rachel nen hian.....awle,in mudun ngei alawm. Țhianțha te nen an mudun ngai hleinem," Megan chuan alo ti zat zat a.Remy chuan a hnar alo tum khum dat a, "An mudun ngai lova maw? Ka nu țawngkam chiah i rawn hmang anih chu," alo tihsan mai a."Mahse,i nî tur ka ni ve tho alawm.....i nî hrawn. I hmalam hun tur ka lo hre ve chak te chu a awm lohna a awm chuang hleinem. Lo inrawlh buai ka tumna lam pawh ani chuang lova," mahni inthiam zet chuan alo ti leh zat zat a."I tum lo maw?" tiin Remy chuan a thil eina thleng chu a nawr sawn a,a ding chhuak ta hluai mai a, "Min chhaih vel te chu tum lo mai teh aw. Ka nî ni tur anga rilru input chawp tir kha tum lo bawk la. Ilo ngaihven nachhan te chu hre lovah min ngai em ni? Țha min ti hle tih ka hre reng alawm,i pa in kei țha min ti hi, a lawm dawn lo tih i hre bawk a," a ti ta hmiah mai a."Teuh lo lutuk!" Megan chuan alo ti țhat mai a. Megan țhu chu a pawt tho ta lawp mai a, "Țha min tih vang chiahin vawiin pawh hian ilo kal ani,hotelah chuan in biak falna hun kan nei thei der silova," tiin Megan darah chuan a tuai pah hauh hauh a."I ngaisual der....""Ani maw?" tiin a kun hniam a,a hmui chuan Megan hmui chu a nul na na a, "Mahni inbum țalh tum mah ta che,Megan. Ilo thlen phata min hmuh ațang khan kan hre dun ve ve alawm," a ti sa sa mai a.Megan thin chu alo phu zaih zaih mai a, a lum pap pap a, Remy chuan rawn fawp mai se alo ti rilru ta hial a, "Anilo," alo ti lui țang țang thova. Remy chu țha a ti hle ani tih chu a thup hneh ve hle emaw a lo ti si a,alo hre tho si chu a zak hluah hluah bawk a, "Min thlah tawh ta che," tiin alo tal laih laih a.Remy chuan ala kuah lui ta thova,a thlah meuh chuan Megan chu alo khur dar dar hman hial a. Remy hmelah chuan a ngaihtuah awm chu a hriat theih der silova, a mangang ru hle mai a. A zah thup nan a han ding mar a,luhai map map chungin choka ațang chuan a kal chhuak ta ringawt mai a. Amah leh amah a inti mualpho der ani, damkawr mai ani a, a hriselna bak engmah ngaihtuah a nei tur anilo reng reng ani.Remy chuan ngawi rengin a rawn din hnaih sauh sauhva, Megan i kalsawn tum leh chu a hnunglam ațangin a kawngah a kuah ta a, a pawnfen leh a kawr inkarah chuan a kut dah lutin a vun lawng chu a rawn chul ta hauh hauh mai a."Engthilnge tia i inhriat?" tiin a lo ding khawng ta reng a, "Ka kal tawh dawn. Chhunchaw min eipui avangin ka lawm hle mai. A tui khawp mai," a ti nawk nawk mai a."Megan.....""Enge?" Remy kut lum thar tharin a rawn tawhna leh a hnungzang si runa a rawn din hnaihna avang chuan a bing chum chum a, "Enteh, Remy, i laka nelawma ka lo lang anih chuan a pawi ka ti hle mai. I hna thawhdan leh i inluah vel chungchang hriat chu ka chak ngei alawm. Mahse thildang lo thleng leh nia i ngaih ang hi chu ka lo ngaihtuah thlen loh thil ani tlat ani," a han ti hlap hlap a."Tak tak maw?""Tak tak ni e," tiin a lukhum chu a han melh kual nghal a,helai hmun hi a chhuahsan thuai tur ani, mahse Anita lukhum tello chuan a kal thei mai silova."Hetiang zawnga infiamna neih i duh zawk anih chuan a țha alawm,a țha e," Remy chuan alo ti ve halh a."Infiamna a? Engthilnge sawi i tum Remy? Ka ngaina em em che alawm, mahse mipa naupang ka infiampui țhin ang bak khan ka en thei tlat lo che a ni," tiin a lu a thing nar nar a."Huh....""I awih nange?""Ka sawi tum chu.....""I sawi tum chu ka hria in ka inhria e. I awihloh anih pawhin a pawi ka ti chuang lova,mahse thil nih dan a ni miau si a," tiin a chil a lem khawlh khawlh mai a."I thusawi zawng zawng kha ka awih miah lo ania,i inngaihtuah fim hman mai mai anih kha," Remy chuan alo ti chang fak mai a."Enteh he thil hi inu in a hriat ngat phei chuan a lungawi lo hle dawn asin," Megan chuan alo ti leh vat a."Ka nu! Ni e,ka nu chu kan theihnghilh tur a ni hauh lovang,ani lawm ni? Mahse enge thil diklo awm a? Ka nu lung kan tihawi loh i hlau amaw? Enteh, ka nu thu anga ka awm lohna hi a rei tawh asin," Remy chuan alo ti ta ngal ngal a. A luhlul hmel hle mai lehnghal a.Megan chu a che sek mai a, "Remy....""Enge ni?"Kawngka lam chu a hnaih hrat hrat a, "He thil hi a atthlak hle ani," a han ti leh hram a."Ka pawm thlap alawm," tiin a rawn hnaih leh ruak a,Megan hmai sen țan chu a kut pahnih chuan a dawm sak a, "I hrethiam mai lo em ni,Megan. I awm rih phawt chuan ilo kal chhan lam ka ngaihtuah hauh lovang," a ti sa sa a."Ka awm thei tawh lovang," Megan chuan alo ti hlap hlap mai a."Engvangin maw? He thilah hian midang rawn tel vena leh an rawn inrawlh vena tur a awm hauh lo tih hria ang che. Kan pahniha inkar chauh a ni,Megan. Thudik tak chu maw,ka duh nasat ang bawk chein nang pawhin min duh ve tho ani," a rawn ti chhuak ta hrawih mai a."Nilo."Megan chuan tawlhsawn leh a han tum a, "Kawngka inkhar chu a ngheng ta tlat zawk a,a ka a ro huam huam a,Remy kut zungpui chuan a hmui hnuailam chu a rawn tuai sak nauh nauh a,ani lah chu alo buai ru em em mai a.He thil hi a thleng thei lovang,Remy chuan a fiam mai mai ni ngei ang,mahse a hmel a han en chuan tifiam hmel apu hauh silova,a thutak hmel em em a,kalbo mai turin a duh lo tih hriat rengin a kalna tur chu a dal tlat bawk si a. Remy thusawi chu a dik a ni,chu tlangval chuan mipa dang a hriat tawh zawng zawng țhinte ang lo takin a hip tlat a,a hmeichhe nihna a hriattirin a thawk a tibuai a,a thisen a tilum tlat ani. Remy chuan kuah se fawp se a duh alawm,amah pawhin kuah leta amaha turtu awm ang anga lanchhuah tir mai chu a duh ut ut ani si a. Remy chuan a lukhum chu a rawn laksak a,a nek hnai sauh sauh mai a, "I khur leh tawh anih hi," a ti thawp sat mai a. A kun hniam a Megan lo ang phiau hmuiah chuan a fawp ta vang vang mai a.Chapter - 8Hotela a kir leh chuan Anita chuan alo nghak reng tawh a, "Ka lo ngaihtuah tawh hle che asin, Chhunchaw ei nghal i tum tih i sawi silova," alo ti bawrh bawrh mai a."Ka tum thut mai mai alawm," a tih chuan Remy chuan a nu chu an chaw ei dun thu alo hrilh mai ang em tih a han ngaihtuah zawk a."Remy biak ka tum a,a office a i kal takin ka ti a,mahse Sylvie in a lenchhuah thu min lo hrilh si a," Anita chuan alo ti leh a.Sylvie in alo hre lo chu a lawm hle mai a, Remy dawrtu emaw alo ti ani ngei ang."Thlanmualah chuan i kal ta em? A nuam i ti ve hle lo maw? Ka pa hian a tlawh ngun țhin teh asin," a ti zui bawrh bawrh a."Kei pawh ka va țhu reng alawm," Megan chuan a lo ti let ve sap a."Chuti maw?" tiin Anita chuan a banah alo kuah a,hotel lamah chuan a hruai ta nghal a. Megan hmel chu chik zet hian a han en a, "I chauh hmel hle mai,i hah lutuk ani lo maw?" a lo ti leh thuai a."Hah lo ve," tiin Megan chu alo sa pap pap a, "Ni a sa lutuk a,zanriah ei hma in reilote chawl ila a țha ang," a lo ti ve vat a."Ka pa tlawh i phur vak lo em ni? A lam a lam che asin. Khawpuiah i kal tih ka hrilh a,a ngawi thei chauh ani," Anita chuan alo ti leh a.Megan chu alo rum hak mai a, "Engvanginnge ka phur lohvang? Ka va kalna chanchin te ka hrilh anga a lawm dawn em asin," a ti ta nge nge a."Ka va lawm em," tiin Anita chuan a ban chu a hmer sak vang vang a,Megan chu a kalchhuak zui ta nghal a. Tlailam darthum a ri tawh nangin ni ala sa hle a,a lukhum parh hlai tak chuan nisa laka a hmai achhan țha hle chu a lawm ngang mai a.Ryan a chenna hmun chu a thleng thuai a,nurse chuan alo lawm hle a,a awmchhung chu alo hahdam ve thei țhin a,chu chu alo thlahlel ve țhin hle niin a lang.Ryan chu a muhil a ang hle a,mahse a muhil lo tih Megan chuan a hre thova. A natna avang chuan muhil ve zeuh zeuh mahse a muhil tam ngai lo hle tih alo hrilh tawh tlat ani.Megan in a khum a va hnaih chuaj a hnara a thawk țanpui tura an thil vuah chu alo phelh a, "I lo kir leh tawh ani maw?" alo ti hram hram a. A thaw chu a hah hmel hle mai a,mahse Megan chuan ngaiah a neih ve tawhin a en thiam ve hle tawh a."Enge i lo an le?" tiin khum bula țhutthlengah chuan a han țhu a."A ngai reng ka ni mai. I leng chhuak chu nuam i va ti em? Thlanmual a kal i tum tih Anita in a sawi a," a rawn ti leh hram hram a."Ni e,ka kal alawm. A nuam ka ti hle asin, ka hahdam huai huai mai a," tiin Megan chuan a ban cher zet chu a lo en sak vang vang a."A lawmawm anih chu," tiin alo țhen deuh sawk sawk a, "Ka kal thlen theih lai kha chuan Laura bulah ka hun ka va hmang țhin a," alo ti leh a.Megan chu alo khap fak fak mai a, "A ngai hle che in ka ring asin.....! Oh, a duhna lai takah i zalh ngeiin ka ring ani,a lung a awi ngei ang," a han ti let leh hram hram a."Chu chu i ring amaw? Chutianga min thlamuan avang chuan ka lawm hle mai,Meggie," tiin Megan kut chu a rawn vawnsak a, "Chuti chu min ngaidam tawh tihna em ni?" a rawn ti thawp ta sat mai a.Megan chuan thawk a han la vang vang a,chu putar kut cher zet chu alo chul hauh hauh a, "Rilru diklo engmah ka pu hleinem," alo ti nem diai a."Ka lawm e. Min tilawm hle ani,Meggie. Remy pawhin min huatna engmah i neilo tih a sawi alawm," a lo ti leh hrawih hrawih a.Remy an maw? Remy chu ngaihtuah loh hram hram a tum a ni si a. Kha thil ah khan engmah thiamloh a nei lova,Remy khan a fawp mai a ni."Ka tupa hi i ngaina tiraw Meggie,i ngaina em?" Putar chuan a lo ti leh țalh a."Ka țhian.....ka țhian a ni țhin alawm," tiin a hmui a han liak huh zauh a, "I chau tawh em?" alo ti ta thuai a."Ka tuar thei alawm. Remy i ngaihdan hi hriat ka duh ani,han sawi teh le. Anu hian a chhuang teh a nia,""I chhuang velo em ni? Megan chuan alo ti let thuai a."Ka chhuang alawm. Remy hi chu a tum leh nihna ah hian a chiang a,hotel pawh hi a la enkawl tho tho dawn ani tih a inhrechiang hle a ni. Engkimah a rilru hi a puitling thlap mai a," alo ti mial mial a."Ka kalsan tawh ang che chu?" Megan in alo tih chuan putar chuan alo vuan nghet sauh sauh thung a."A hrilh tawh che em le,apa chanchin a hrilh tawh che em,ala hrilh lo che anih chuan a hrilh ngei tur che asin," khuh bawrh bawrh hian alo ti leh a."Eng maw min hrilh ang?" tiin Megan chu alo hawi hi nasa mai a."Ipa khan a hrilh lo che amaw? Engvanga hrilh lo che nge anih le? Min hmuhsit phah tehlul nen," Putar chuan alo ti leh hram a."Mr Robards...."Ryan ti rawh,""Ryan, i thusawi awmzia hi ka hre reng reng lo ania," Megan chuan alo ti ha mai a."Ni e, ilo hre hauh lo alo nih hi," tiin a khuh bawrh bawrh mai a,a khum bula puan nem chu banin Megan kut a vawnna chu a thlah ta nge nge a, "Hun dangah kan sawi dun mai dawn nia aw,Meggie," thaw hlawp hlawp hian a rawn ti a."Tehlul mai,"Ryan chu a mu țha leh ta a,Megan pawh chu a chhuak ve ta nghal a. An inhmuh leh hunah chuan putar chuan an thusawi chu a theihnghilh a beisei hle a,a cancer natna vei damdawi chuan a ti haihawt hle tawh reng reng bawk a.Hotel lam chu muangchangin a pan a,Ryan chuan eng thu tak sawi tum ang maw? Remy lo chawrchhuahna chuan a tan enge awmzia a neih ang le? Remy chu țha tiin duh hle mahse an inkawp zui dawn tihna pawh a nilova,a hriat bak chu engmah hriat belh a duh tawh lo ani.Hotel chu athleng a,a pindan pan tur chuan inkhaichhohna ah chuan a lut nghal a,bamg vawt thlar chu nghengin a thaw hla hla mai a. Remy kha lo fawp letin a taksa in a duh ang kha lo zawm ta zel chu nisela Anita leh putar chu a hmachhawn ngam tawh hauh lovang le!A pindan a thlen chuan a inphelh sawk sawk a,bualin lam a pan nghal a. Tuivawt taka a inphuh tir sang sang chuan a chhungril thleng chuan dai sawng sawngin a inhre hial a.Mahse a inbualna tuivawt tak pawh chuan Remy a ngaihtuahna chu a tibo chuang hauh lova. Kha thil,thil diklo leh thleng lo tur, mahse a hnar phal hauh si lo kha....Remy kutin a taksa a chul sak han han leh a hnute hmur lo pawng alh a rawn chulsak lai te kha.....!A han thaw ham ham a, Remy fawhna rilțam tak te kha, fawh let phut em em a a rawn ngen dan te kha.....! Megan chu khur dar dar chungin bualin bang ngheng chuan a ding a, a maimitchhing chial mai a.Kha thil kha a thleng tur anilo asin! Remy office chang nilo, a chennna hmunah ngat phei chuan a kal tur anilo hulhual ani si a. Remy sawmna kha engvanga lo hnial mai lo nge a nih le? Hotel lam pana haw leh mai tur kha ani si a.A zak thar ta riau mai a,Remy tan pawh alo beisei awm em alo ni. A inbual ta thuai thuai a, Remy an alo hrechiang lutuk chu a pawi em ani. Tlangval hmelțha tak tak te chu a kawmin an beisei ve fova,mahse Remy anga a taksa nghawng danglam thei ala tawng ngai tlat lo a ni.Megan chu a han thaw rang sauhva,a rawn fawh paha a mipatna in a kap zawn a rawn nawk laia alo insum zawhloh teuh zia kha! Remy laka tlawm chu a awlsam hle dawn a ni, thil lo thleng zel tur ngaihtuah zui hauh lova thlemna duhawm taka chim pila awm kha a har dawn lo hle bawk a. Mipa mawina leh itna a neih vawikhatna ani hiak ani. Remy chu a duhin a it ve tak zet a,a ngaihtuah ringawt pawhin a mur chiai chiai thei hial a.Khatiang khawpa mutpui a chak mipa laka a insum thei si kha lawmman hmu tlak niin a inhre hial a. Vai ruai chungin Port Serrat kha a tlanchhuahsan ta anih kha! Remy pawh khan a kaltir ve ta mai bawk a, engvanga kaltir ve mai nge a nih le?Zanriah ei alo hun chuan Remy lo kal ve a hlauthawng em em mai a. Anita chenna a thlen thlak a Anita chauh a hmuh chuan a thaw huai mai a. Anita chuan bill chi hrang hrang hi alo inchhawp hnawk nuaih a, Megan lut lai a lo hmuh chuan a thil buaipui lai chu alo dahthla thuai thuai a."Enge i an le?" Anita chuan alo ti var a."Ka țha alawm, ka lawm e," Nichin ah kha chuan a țhat leh țhat loh kha a ngaihsak hmel hauh silova, Anita awmdan chu mak a ti deuh hle mai a."A țhat chu, ka pa bulah khan i awm rei em?" tiin thildang daih ngaihtuah hmel a pu a."Reilote," tiin vurtlang leh tuisik chu a pawlh a, "Thlanmual ka tlawh kha a lawm hmel hle asin," a han ti zui a."A lawm ngei ang,a thil hriat chak ber i sawi anih chu,kal a chak dawn em asin," Anita chuan alo ti mawlh mawlh mai a."Ani ngei ang," tiin Megan chuan a tuino chu a han lek kang a."Inu chanchin alo sawi leh em?"Anita chuan engkim hriat vek a duh niin a lang. Ryan bula a kal apiangin thil a zawt chik em em zel a, "Ngaidam turin min duh ani, a rilruah ka ngaihdamna mamawhin a inhre tlat a,kan inrem ta nia hriatna ka nei hial asin," alo ti ve mai a."A lawmawm nasa anih chu! Chuvanga hmuh che duh pawh ani ngei ang," Anita chuan alo ti leh vat a."Remy rindan pawh ania lawm," Megan chuan alo ti ta hram a. Anita chu alo meng zau kawk a."Ani maw? Engmah lo hrilh ve tur che ah ka ngai lo asin. Ka lo bia ange," a ti ta a."Oh,nilo....enteh,ka hriat a ring tho tho niin a lang tlat ani. Nang pawhin a pu damloh dan a hriat i rin bik miah loh kha," Megan chuan alo ti thuai a."Ka pa hnenah chuan Remy thusawi chu i sawi em lovang chu.....""Oh,sawi love. Remy chanchin kan sawi ngai lem lo ani," Megan chuan alo ti dam thlap a."Mahse sawi chu in sawi tawh ngei a tiraw?" tiin Anita chu alo meng thim sar a."Kan sawi zeuh ngei alawm," Megan chuan hreh zet hian a lo ti a."Eng kawng hawiin nge in sawi a? Hotel chungchang ah em ni?""Hotel chungchang a? Hotel chanchin hi kan sawi ngai lo reng reng,""Remy hian hotel hi enkawl se tih a sawi lovem ni?" Remy an hotel a ngaihsak lo hi a ohun nawi nasa thei hle alawm," Anita chuan alo ti leh a."Enge kan zanriah tur le?" Megan chuan a ti ta daih a. Anita lah chuan alo la en kal mai a."Remy hian ama duhthlanna anga awm tir mai mai turin alo rawn chu ani lo maw? Nichin lawka ka va kan khan a lo za ruai mai a,chutiangin a hma in a awmlo tih nurse in min hrilh si a," Anita chuan alo ti leh ta tlat a."Enteh,chutiang thil.....""Engmah i tih phei chu ka ring lova,mahse Remy chungchang i sawi chuan....""Remy chungchang kan sawi reng reng lo," Megan chuan alo ti ta charh a."Enge in sawi a?""Thu ho mai mai mawle,""Enge a sawi reng reng a?""Tu in maw? Remy an maw?" Megan chuan alo ti he haw mai a."Ni lo ve,ka pa chuan ka fapa chungchang chu enganginnge a sawi?" Anita chuan alo ti leh țalh a."I pa chuan Remy an apa chanchin min hrilh leh hrilh loh min zawt alawm," Megan chuan alo ti ve ta nghat mai a. Anita dilchhut em em chu mak a ti hle mai a, "Engvanga min zawt nge anih phei chu ka hre hauh lova,ka tana hriat a țulna lah ka hre hek lo," a ti leh ta kher a."Ni e,a țul hauhlo reng ani,"Anita chuan engemaw tak vei zawng a nei ani ngat mai. A pa chuan mikhual hnena an chhungkaw chanchin sawi angah a ngai ani ngei ang!"Awle, Remy hian apa chanchin min hrilh hauh lo alawm,kan ti ti tam lo hle a ni," alo ti ve leh hram a. "I tan sawi a nawm dawn loh ang bawkin a sawi chak lo ani ang,""Remy pa chanchin sawi chu enge nuamlo ka tih nachhan tur awm? Enge ka pa chuan ala sawi?" Anita chuan a ti leh ta tlat mai a."Engmah a sawi lo. A sawi chin ka hrilh che kha ka inchhir hle mai," tiin Megan chu alo thaw halh mai a."Anih leh ipa tal khan ka chanchin a hrilh țhin che em?" Anita chuan alo ti leh țang țang a."Sawilo. Kanu nena an ințhen hnu khan in chhungkaw chanchin hi kan sawi ngai ta reng reng lo ani.""Tak tak maw?""Tak tak ni e,i chanchin kal tawh chu engpawh nise, ka hriat ve a ngai lovang," Megan chuan alo ti let ve hmiah bawk a."Ka chanchin kal tawh maw?" Anita chuan alo ti hraih mai a, "Engmah i hrethiam lo ani maw? I pa in engmah sawilo mahse thudik chu i hriat tho ka ring asin," tiin tirhkah lo kal chu a lo vai kiang nghal a, "Ipa chuan ka nu chanchin pawh a hrilh miahlo che tihna a niang chu maw?" tiin Megan bawk chu a han en leh a."I nu chanchin maw? Engvanginnge min hrilh ngawt ang?" Megan chuan alo ti h mai a."A chhan chu maw, kapa hian San Felipe lam a pan nachhan hi ka nu vang ani tlat ani. Kanu hi mihang ani alawm, Megan. Sangkhat zakua sawmnga velah kha chuan tunlai anga inneih pawlh hi an la ching lo em ani," Anita chuan a ti ta a.Chapter -9Megan chuan mak a ti em em mai a,sawi tur reng reng a hre lova. Chi inthliarna nasat hun laia Ryan an mihang nula a hmangaih tlat chu thilmak chu a niin a ngai chuang lova,a hrehawm hle erawh chu a ring ringawt mai ani."Mak i ti hle mai tiraw? Kha vang kha ania, ipa khan kan nufa hi hnawk min tih riau țhin ni," Anita chuan alo ti zui lehnghal a."Mahse i vun a hang hleinem,ka.....""Ka vun ngo hi maw? San Felipe a awm ve ngam tur khawpa ngo ka ni ve miau alawm," tiin Anita chuan tukverh puanzar phe hlap hlap chu a en reng a."Mahse Anita, chutiang thu chu ka lo hre ngai reng reng hleinem, rin ngaihna pawh ka lo hre lo asin," Megan chuan alo ti vang vang a."Hre lovang. Nang leh Remy pa hian in lo hre lo ani. Mihang fanu ka ni tih a hriat chhuah chuan helai hmun chhuahsan hi a duh nghal ut ut mai a,thlawhna thlawk chhuak hmasa berah New York a pan ta daih reng ani," Anita chu a nui hak hak a."Remy nen chuan a thlahthlam ta che u amaw?""Thlahthlam chiah love,helai a chhuahsan chuan nau ka pai ani tih a la hre lo alawm. Mahse a hriathnu chuan a nu leh pa te hmu tura min hruai a tum a,zirlai mai ala niin nipui chawlh laia rawn inhlawh ve mai ala nia," Anita chuan alo ti dap dap a."Oh,Anita. A va pawi vele aw,sawitur reng reng ka hre lo mai. I hmangaih em? A kalbo san che chuan i tuar nasa em le?" Megan chuan a ti ta mawlh mawlh a."Ka tuar chhuak thei alawm. Ka pa hian min puiin min hnem thiam hle bawk a,Remy alo pian phei kha chuan khawvela hmeichhe vannei ber niin ka inhre nghe nghe asin. Ka fapa hi ka hmangaih ani,Megan. Ka hmangaih em avangin ka chunga thil thleng ang kha a chunga a thlen ve hi ka phal lo a ni," a ti a."A thleng hauh lovang," Megan chuan alo ti thuai a."Chuvang chu alawm,College a zawha San Felipe a alo kir leh pawh ka lawm em em ni. Tunah phei chuan Rachel nen an inkawp lehnghal a,rilru hahna tur ka neilo ani tawh ber mai. Rachel te chhungkua hi....awle thliarkara cheng dangte ang bawkin......thlahpawlh an ni ve thova. Fa, mihang an neih palh hlauh pawhin ama lam chauh ani dawn tlat lo ani," Anita chuan a lo ti leh dap dap a.Megan chuan alu alo bu nghat nghat a. Anita țawngkamah chuan amah chu a hmer tel nia hriatna a nei tel bawk a. Anita chuan a fapa nena an inkar boruak țang ru zet chu alo hre thei em ni ang le? Ryan pawh hi chuvang chu emni Remy pa chanchin a hriat leh hriat loh a zawh loh?"Tichuan, Megan,kan thuruk chu i hre ta ngei mai a,kan chunga i rilru putdan a danglam loh hram ka beisei," Anita chuan a rawn ti leh t ngei mai a."Anita,in nihna avanga kapa in alo hmusit țhin che anih chuan ka zak ngawt mai. Africa rama rawngbawla awm reng ani a,engvanga hmusit che nge a nih le?" alo ti zawi riai mai a."A pawimawh tawh hleinem,Megan,""Ka ngai pawimawh hle ani,""Awle....ipa tan kha chuan a kohhrana an rawn inrawlh buai loh chuan a țha ani mai a. Africa a a hruai duh ngailoh nachhan che u pawh kha mihang ho in ngainat ahlauh vang ani mahna le! Ka pa leh inu an inkawp tak tlat ah phei kha chuan a la nhle a ni,""Mahse engmah min hrilh ngai silova?""A thiltih țhat chhun a ni hial ang chu. Theihnghilh tawh ang,Megan. Thil kal tawh vek ania,engmah tihdanglam theih ani tawh hleinem," tiin a nui ta var var a, "Țhian kan ni tho alawm,ipa rilru chu engpawh ni sela tiraw?" a ti ta a.Hotel hnathawk chu alo lang leh a, "Awle,Jules,chaw chu kan lo ei tawh ange. Tin, Michel hnenah khan O' Brien alo thlen hunah min rawn hriattir turin lo hrilh rawh aw," alo ti ta a."Doctor lo kal nan chuan a tlai tawh hle lo maw," Megan chuan a lo ti ha mai a."Kapa leh Doc hi an inkawm ngeih țhin hle asin. Vawiin tlaiah khan kapa in ko turin min ti alawm. Ka sawi tawh ang khan i kal hnu khan a phe deuh sek mai a,doctor lo kal sela,a ziaawm mai ka ring," Anita chuan alo ti leh a."Anih tak chu."Putar khan an inhmuh leh huna Remy chanchin sawi kha a tum ani a,eng tak sawi ang maw?Coffee an indun lai chuan Jules chuan doctor alo thlen thu a rawn sawi ta a. Anita chuan ngaihdam dilin Megan chu a han en a, "Kapa chu ngaihtuah reng reng suh,alan dan ai sawn a hnuk a fei ania," a ti a, a nui var var a.Megan chuan putar chu a chau hle tih a hre thova. Anita hlim hmelte chu alo awt hle zawk a. Remy nena an inkar boruak țang zet khan a tihbuai ruk tlat avangin a sawipui ve hleithei tlat lova. Coffee a inzawh chuan hotel tuallaia marble phah duai chungah chuan akal dalh dalh a, helai hmunah hian karkhat awrh a cham chu ani a,thilthleng a tam tawh hle ani.Remy kha a kalsan lai khan apu chungchang a hriat avanga kalsanah alo ngai angem le? Remy biak chu a duh ta hle mai a. Anu in a hrilh hma chuan a pu chu mihang ani tih a hriat bik loh thua hrilh ngei tur ani ang. Remy hriatthiamna chu a mamawh nachhan a hriatloh hle laiin hrilh ngei chu a duh lawi si a.Hotel pindan zauvah chuan phone engemaw zat a awm a,hotel phone dahna pakhat lam chu a pan a,hotel phone enkawltu chu bia in Jeremy Robards a phone number chu a zawt ta a.Phone chu chhangtu a awm lawk lova, chutah a nghah fe hnu chuan hmeichhe aw hian thinur awka zet hian, "Enge ni?" a rawn ti ta a. Rachel ani ngei mai, Megan chu a ngawi ta vang vang mai a, "Remy tumah an nilo," a tih ri chu a hre zui leh ta a.Muangchangin phone chu a dah riai riai a, Rachel chu Remy bula awm tura ngaih chu ani alawm,a â hle a ni,phone awmna ațang chuan a kalsawn ta nghal a.***********Remy chu muhil thei lovin a tal a tal mai a.Zinglam darhnih a ri tawh a, chhin khat pawh ala chhing lo chu a ni si a. Helaia Megan lo kal ațang khan muthilh lamah harsatna a nei ta tlat a ni, Rachel riah chak chung chung a haw tir ta chu a inchhir tawh hle mai a.Mahse engtinnge a tih chuan ang? Mutpui a hmangaihna chenpui chu a phur hlawl silova,a ti muhil thei lovanga, an inkar a buai tulh tulh dawn ani.Rachel hmangaihna chenpui chakna chu anei tawh tlat lo ani. An tleirawl chhuah phat ațangin an inkawp a,College ațanga alo kir hnu pawhin an inkawp zui zel a,an inkara inhip tawnna chu ama lamah chuan a awmlo tluk ania,Megan i alo lan chinah phei chuan Rachel in a beisei vel chu a ning dawn dawn hial ta mai a, inthup pawh harsa a ti lek lek hial ani.A han inlet leh thawk a,a muthilhna tibuai fo tu chu a hmuh leh a ngai ani. El Serrat a a kal a țul reng reng a, a pu in a ko a ni. Apu chuan ala ko ngai reng reng silova,enge lo sawi a tum ang le? Hotel a tlawh lohna pawh karkhat lai ani tawh a,anu pawhin mak alo ti tawh ngei ang. Megan i hmuh a hreh em avangin tlawh lohna chhan tur a insiam chawp zel a ni si a.A thova, choka lam panin intur a dap ta nge nge a. Engpawh tise Megan chu a theihnghilh thei tlat lo ani, hmuh a hreh rualin a chak em em bawk si a.Zinglam a amah dawrtute hmuh a țul avangin chawhnu lama a pu hmuh chu a tum a ni a,tlem tal mut a mamawh ani. Rorelna lama a kal pawh a țul thut thei bawk a,khum lam bawk chu a pan leh ta a.Khawvar dawn ruaiah chuan alo chhing ve sek ani ngei ang,a sana kam chuan a tih harh rual rual chuan a zuang thova,bualin lam a pan nghal thuai a.Rorelna hmuna kal chu alo ngai ta nge nge a,a office a a kir leh meuh chuan chawhnu darhnih alo ri ta der mai a. An hnathawh a an hlawhtlin avang chuan an lungawi tlang hle in a ruaitute pawh an lawm hle nghe nghe a."Thuthawn lo thleng a tam hle mai a, inu in a rawn phone deuh reng bawk che a,chhunchaw ei turin alo beisei che niawm tak ani," Sylvie chuan alo ti nghal mawlh mawlh a."Ka tum ang ka ti chauh anih kha mawle," tiin Sylvie lehkha lo dah chu a han en a, "Heng ho hi chuan an la nghak thei alawm,Sylvie. Mahse a pawimawh zual pahnih khat hi chu bia la,naktukah ka hmuh theih tur thu hrilh mai rawh aw," a han ti a."Awle,mahse i hah hmel hle mai. Hetiang renga i phar buai chuan maw,kum sawmthum i tlin hmain a tar mai ang asin," Sylvie chuan alo ti a."Ka mu hma thei khawp asin," alo ti tawi tak mai a."Chuti chu, De Vries nula chu en mai aiin thahrui a ngah anih dawn chu," tia a kut phar chungin ama office lam chu a pan ta daih a.El Serrat lam pana a inkhalh chhuak chu a in ngaihtuah nasa hle a. Rachel nen chuan an inhnial ve zeuh zeuh a,a bak chu engmah harsatna a nei ngailo,mut hmuhloh phah nan phei chuan ala hmang ngai reng reng lova,alo ngaizawng tak tak ngailo em ni le,an inkar chu zau sawt hle hiam a hre tlat tawh a.Hotel mikhual te hmuhlohna lamah chuan a car chu a dah a,khualchhawn hovin an lo chibaina chu chhang letin a pen pawk pawk a. A nu chu a va hmu ta thuai a,anu chuan mikhual te harsatna a ngaihven peih em avanga an hotel chu lun reng niin a hre hial a.Remy alo hmuh chuan a lu a bu nghat a. Khualchhawn ho kuta mi harsatna dah chi an ni lova,an chinfel sak hma chu an mikhualte harsatna chu an buaipui char char țhin tlat ani."Harsatna i nei em ni?" tiin a nu pindan lam pan pah chuan a han ti a."Thil alo hre fuh lo deuh ani. Nimin tlaiah a chaw chah ang an lo pe lo ani awm a,a sawisel chuan an lo hresual ani tih an lo hrilh ani awm e. Lordace ka biak thuai a ngai ani,tunge alo dawngsawngtu a hre ngei ang, thil tihsual nawn leh a awm tur anilo," Anita chuan a ti bawrh bawrh mai a. Chutah lungawilo hmelpu fe hian a fapa chu a han en a, "I rawn tlai lutuk, darkhatah chhunchaw ka ei țhin tih i hre reng ani lawm ni? I rawn ei tawh nge ila ei lo?" a han ti a.Remy chuan Beer dahvawh chu a la a, a in khawlh khawlh mai a,a nu in chhunchaw alo ei tawh chu a lawm hle mai a, "Engmah ka lo eilo,mahse pawiti suh,ka ril a țam hleinem. Rorelna ațangin ka lo chhuak fel chiah a ni," a lo ti a."Darthum a ri tawh anih hi, Remy, i ril a țam ngei ngei ang. Ei leh in hunbi vawng țha rawh ka tih fo che hi. Rachel nena in awmdun hunah a enkawl țhat deuh che ka beisei," tiin huan lam chu a thlir vang vang a.A nu chu a chhang buai duh ting lova,a nu chuan nupui fanau nei thuai thuai turin a duh hle tawh tih chu a hre tho alawm le."I pu chu a muhil rih a,pawnah hian i țhu ang hmiang,kan inkawm khat hle mai," anu bawk chuan a rawn ti leh a.Remy chuan a beer inlai chu kengin anu țhutna lam chu a pan ve ta a. Tuipui a lawngleng tawlh zal zal te chu a thlir vang vang a."Kartluanin enge i tih le? Ipu rawn tlawhna hun pawh i neilo chu awih harsa ka ti ngawt mai. Ipu hi a thi mek zel anih hi,Remy, i theihnghilh ta em ni?" Anu chuan alo ti ngal ngal a."Theihnghilh lo ve. Enteh,kanu, i hriat angin ka hnaah hian ka buai ve tawk em ani," alo ti var a."Ipu laka i tihtur i țhulh tur anilo. Tuna i hna i thawh theihna tur pawh hian ama puihna chauh che a hlawhtling inih hi, i hun tlemte i pek fo chu a phu i ti ve hle lo maw?" anu chuan a ti hmak a."Helai lo kal chhung leh haw chhung hunte chhut ve ta che," a han tih chuan a chhuanlam mai mai a ni tih a han hrechhuak zawk a, "Awle, lo kal zin deuh ka rawn tum tawh ange," a ti leh ta zawk a."Ka lawm e. Office ațangin ilo kaltlang ani si a,a pawi ka ti ngawt mai,ka fapa. Lo hauh che ka tum lo asin,mahse ipu awmdan hian min tibuai em ani," a ti zawi ta raih a."Min hmuh a duh hle em ni?"Anu chuan alu alo thing nar nar a, "Hmuh che chu a duh ngei alawm. Mahse tunkar chhung zawng khan Doc O' Brien min kohtir sek mai a, min tibuai rilru hle mai," alo ti leh nai nai a."Engatinge? A tlahniam deuh em ni?" Remy chuan alo ti thuai a."Chutiang vang pawh a ni lo," tiin anu chu a sen ap ap mai a, "Tunlai phei chu a harh țha riau lehnghal a," alo ti a."A țhat nasat chu,ani lawm ni?""Thil lawmawm tak ani alawm. Mahse Michel hi a buai hle ani. Megan i awm lo phei se chuan kan buai hle dawn ani.""Megan maw? Megan chuan enge a tih ve a?" Remy chuan beer inkhalh pah chuan alo ti a."Min pui alawm. Office vela thil lo ziak fel turin ipu in a duh tlat si a.""Office ah a?""I pu hnenah chuan damkawr ani a,chawlh hahdam a mamawh tih ka hrilh alawm,mahse hna a tam em a ni. Phoebe a damlo a,Tina lahin pasal alo nei bawk si nen...""Anih tak chu," Megan chuan alo ngaihtuah ve hauh lo anih dawn chu,alo buai thei lutuk anga, a piang ve ani tih pawh a rawn hre chang lo ani ngei ang."Megan pawhin ilo kal khat lutuk hi mak a ti ngei ngei ang. Tlailamah chuan Rachel nena in inkawm țhin thu chu ka hrilh ngei mai a,bakah,a tlangvalpa khan nitin a rawn be țhin bawk a,a ngaihtuah lutuk lo che niin a lang," anu chuan a ti ta zung zung a."Simon a maw?" Remy chu a insangmar nghal țeuh mai a."Aw,ni e. Sumdawnna thilah a rawn bia niin a sawi țhin tak nangin ka awih lo deuh tlat ani," a ti a."Engati maw?""Engahnge ka awih ang? Remy, he tlangval hian Megan hi a hmangaih a ni ngei mai,hmangaih lo se engvangin nge a rawn ngaihtuah em em ang ni?" tiin a fapa chu a han melh kawk a."Mahse Megan hian a hmangaih ve angem le?" Remy chuan alo ti thawp sat mai a. Anu chuan a han en vang vang a, "Simon a lak ațanga talchhuah a duh avanga lo kal remti ta mai pawh ani mahna le,i ngaihtuah ve chhin reng reng em?" tiin a nu chu a han zawt a."Lo ngaihtuah buai lo ila a țha zawkin ka ring ani. Kan lo sawi ve tur a awm hauh lo, Remy. Karleh lawkah Megan chu a haw mai anga,helai chu alo kal leh tawh ngai lovang," alo ti chang fak ta mai a."Engati maw?""Engmaw i sawi?""Engvanginnge Megan chu alo kal leh tawh lohvang," Chhungkua a insiam thar leh tura sawm i ni a,kalbo se lawm hle tur niawm fahranin i țawng leh si a?" alo ti charh charh a."Awle,haw sela ka thaw a veng huai mahna le! Hmuh leh kha ka chak em em a,mahse ka beisei angin thil a kal ta tlat lo ani. I pu hian a ngaina leh lutuk a,bakah amah Megan hi a hlimlo riauva hriatna ka nei ani," anu chuan nuamti vak lo hmelpu hian a lo ti duah a."Engatinge ni le?""Ka hre bik lo. Amaha awm hi nuam a ti riau a,kar hmasa pawh khan Port Serrat ah amahin a kal alawm,kalpui ka tum pawhin a duh lova. Enteh,a rawn zawn che kha ka lo hlau deuh hlek asin," tiin a nu chuan a dar alo san zauhva."Min rawn zawng anga maw? Engvanga chutiang rindan chu nei nge inih a?" makti hmel zet hian alo ti a."Awle....kei aiin a be thiam tlat che ani. Rachel i rawn hruai zan pawh khan a ngawi reng nangin nangmah ringawt kha a en che a,kan chaw ei chhung zawng khan," tiin a nu chu alo thaw halh a.Remy kut chu a thlan dap dap mai a, "I ngaihbel mai mai anih chu," alo ti satliah mai a. Port Serrat a an inhmuh thu chu Megan chuan anu chu alo hrilh duh lo alo ni."A nilo asin,Remy. Hun remchang pe in beisei awmin han awm zauh la chuan akawp hreh hauh lovang che. Mahse hei hi hre reng rawh,a pa fanu anih hi," anu chuan alo ti hmak mai a."Enge i sawi awmzia?""Thil awmdan hi ka hrilh vek alawm. Ipa chanchin te,i pi chanchin te pawh. I pu in ipa chanchin hrilh a duh tlat a,ka hrilh ta mai ani."Remy hrawk chu a ro halh mai a, "A nih tak chu," tiin a thova,beer țin ruak chu a va dah ruai ruai a, "Megan chuan engtinnge alo dawnsawn a?" a han ti leh a. Api leh apa chanchin a hriat avanga Port Serrat a kal chu em ni ang? A rawn zawng tak tak em ni ang le?""Mak a ti hle a ni....! Tilang lem lo mahse mak a ti khawp ang. Ka sawi tawh ang khan a pa fanu ani miauva, a kawr vawt raih chhungah hian eng rilru nge a put a hriat theih silova," anu chuan alo ti leh mai a.Remy chu a han thaw huai a, "Chung thil chuan a tibuaiin i hria em ni? Chung thil a hriat avang chuan Port Serrat a kal a duh phah niin i ngai em ni?" alo ti leh a."Thlanmuala kal a duh niin a insawi alawm.""Engtikah nge ka pa chanchin chu a zawh che a? Port Serrat a a kal hmain nge a kal hnuah? tiin a bawp sei zet chu dawhkanah chuan a hlang a."Engatan nge i tih a?" tiin anu chuan alo en hau mai a,Remy awmdan chu a hrethiam niin a lang tlat bawk a, "Port Serrat a a kal tlai khan mawle. Alo haw khan ipu in a ko leh a,ipu in ipa chanchin chu i hnena zawt turin a lo ti ani.""Chutiang chuan Megan chuan a hrilh che amaw?""Ani ber alawm""Enge chu chu a awmzia?""Ipu hian enge alo sawipui ka zawt a. Enteh,thil engemaw sawipui lo sela chuan,ipu kha a buai ruai lo tawp ang," a nu chuan alo ti leh a. "Megan khan a ti chiai a ni ngei ang...."Remy chu alo thaw leh huai a."A reng rengah, kan chanchin hi kan thup pawh a nilova, apa khan alo hrilh ka rin tehlul nen.....! Hrilh lo mahse alo hriat tho ka lo ring a,naupangte in pasal nei lovin ka pawm che tih bak kha alo hre hauh lo alo ni," anu chuan alo ti leh charh charh a."Mak a ti hle amaw?""Mak a ti ngei alawm. I pa chanchin ka hrilh chuan min khawngaihin pawi a ti hle a. Mahse a tih tak tak ka ring lo, i ring ve em?"Megan helaia alo thlen tirh ațanga a rilru tibuai tu ber thil a ni tlat reng ani. Apa khan a pi mihang anih thu chu a hrilh tawh ngei alo ring ve tho va,a laka a awmdan alo thlir ruk reng lai ani si a,engtinnge a ngaih ang le?"Rachel a țha maw?""A țha alawm,a țhat ka ring..ka hmu khat hle ani."Engatinge a?""Ka hmu lo satliah mai mai mawle. Putara chu ka va hmu tawh ange," tiin a tho ta nghal a.Chapter -10Megan chuan niin tui a chhun tlet sar sar chu a thlir reng a,a inher a,mit vai chum chum hian hotel lam chu a pan ta a. A tlai tawh hle a,hotela thil ziah fel tur a tam avangin a leng chhuak hma thei lo ani. Remy nen chuan an insu lo chauh mai a.Remy chu hotela alo kal reng reng a ring lova,anu in a sawi bawk silova,a phu nasa hle mai a."Hi..." Remy an a rawn tih khan a aw ah chuan engemaw riau hi a awmin a mitmeng pawh chu a danglam deuh bawk a,zak hmel erawh chu a pu hauh lova."Hello,ipu i rawn hmu dawn em ni?" alo ti thuai a."Tu dang nge ka rawn hmuh chuan ang?" elsen deuh taka alo tih chuan Megan chuan mak a ti deuh hle a. A haw luih san avang khan ala hua em ni ang? "A lum hle mai," alo tih zawm leh daih a."Ni e,ka lengvel mai mai a," tiin a hmui alo seh nauh nauh a."Megan,nang anga vun no hi chuan nisa hi in ngamlo hle ani lawm ni? Fimkhur deuh ta che," alo ti leh ta ngat a."A dik alawm. I nu nen in lo inhmu tawh ani maw," Megan chuan a ti ve ta thuai a."Hmu e,mahse ka ina ilo kal thu kha chu ka hrilh lo alawm,ilo hrilh lo tih ka hriat rualin ka ka zau zet hi ka chip ve ta mai ani.""Ka lawm e,zep țul em em phei chu nilo mahse sawi kher țul pawh ka ti chuang lova," Megan chuan alo ti ve ta nghat a."Engvanga zep nge i nih? Ka tan nge i tan?" Remy chuan ner nang hian alo ti a."I nu hriatthiam loh zawng tak tur ani tlat ani. Rachel chunga a rilru put dan i hre vek a,i nu nena inhmel mak hi ka duh lo ani. Port Serrat ah khan nangmah rawn hmuh tuma lo kal anga min ngai tur hi ka duh lo ani," tiin mikhual dang vei suau suau chu a han melh ralh a."I duh lo amaw?""Duh lo. I chenna hmunah te khan kallo tawp tur ka ni asin," Megan chuan alo ti leh nghat a."Engvangin maw? Chhunchaw kan eidun ani mai a,ka nu lo hnial theih tur ani em ni?" ngei awm fahran hian alo ti let var a."Enteh, min tih thinur tum i ang hle a.....""Ani maw?""I hriat reng kha! Enteh,i nu hian keini pahnih hi a fala kan awmdun a phal hauh lovang," tiin a lo thle bak a."Engvangin maw?""A phal loh dawn avangin. I hre duh tak tak anih chuan....i nu hian min ring lo ani," tiin Megan chu alo hawisang vah a.Remy hmel chu alo danglam deuh hlek a,tum thing ngheng chuan a ding rem sauh sauh mai a, "Nangmah zawk hian min ringlo ani zawk lo maw?" tiin a inkuangkuah than mai a. A vun rawng sen uk kharh leh a kawr var zet hak chu alang nalh hle lehnghal a, "Min rin tawk loh vanga engmah sawi duh lo i ang hle ani," alo ti zui leh bak a."Sawi tur awm hek lo le," tiin kalpelh mai hi a han tum a. Rang zet hiaj Remy chuan alo vuan chat mai a."Ka tawh che hi i duhloh vang ani mahna le! Giles Cross a fanu kha i ni miauva, ka nu leh kei a chunga a rilru put dan lah kan hre țheuh va," Remy chuan a ti chang ta rat mai a.Megan chuan a bana a dawmna chu alo phih thla lawp a,haw zet hian a han en a, "Chutianga min țawngkhum chu a ngai lo asin. Nangmah hi zak zawk tur chu inih hi. Rachel hian bialpa rinawm lo lutuk a nei ani tih a inhriat ka beisei," a ti ta tawn tawn mai a.Apu pindan chu alum hle a,ama thawpik zawk vang pawh a ni mahna le.Megan thinur pawh kha a awm hle ani. Tih thinur kha a chak hle anih kha.....! A phu tawk a hmu ani mai a,an inkar a tichhe zo ta ani.Mahse Megan a tih thinrimna chuan a duhna leh a itna chu a ti danglam ve chuang hauh silova.Apu chuan lo en reng a,alo che sek bawk a,a khuma țhu tur chuan alo hui vat a."Iva reh vele,tlangval. Ipu hmu hman lo khawpin i buai tih sawi hlek suh,ka awih dawn chuang lo ania," a pu chuan a lo ti a.Remy chuan apu lukham chu ngheng ve in a tie te chu a pawt thawl a, "Hna ka thawk alawm,bakah ka ngaihsak tawk lo deuh reng reng che ani tiraw?" a han ti sauh sauh a."Laura pawh hi i ngaihtuah lo lutuk.....Oh,Meggie ka tihna. He nula hi i ngainat zawng ani tih ka hria alawm,nge kha nula laktlak loh zet kha ila buaipui?" tiin a pu chuan a lo fiam hram hram a.Rachel hnathawk lova inchei a leu vel mai mai chu apu chuan a ngaimawh fo țhin reng ani. Apu chuan hna a thawk rim thei hle a,a nu pawh a thawh tir nasa hle bawk ani. Hmeichhia chuan an mipa te an pui zel turah apu chuan a ngai tlat ani.Megan nu hming a rawn lam zauh chuan Remy ngaih chu a tițha lo hle a. A nu chuan a sawi dik ani! A pu chuan Megan chu a atchilh tlat niin a lang. Anu nena an inan em avang leh a natna avang pawhin a buai zo pawh ani mahna! Megan a haw hunah a pu chu engtinnge a awm ang le? a ti rilru nauh nauh a."Rachel pawh ka hmu khat hle asin. Ka nuin min hmuh duh thu a sawi a,ka hmelțha tak hi ilo hmu chak tawh hrim hrim nge harsatna i nei?" tiin a han nui hawk hawk a.Ryan chu alo thaw huai a, "A hrilh che em! Meggie in nitin min rawn tlawh țhin hi?" a lo ti leh a,a thaw a hah hle mai a."A va ti lawmawm vele.In inkawm ngeih chu ka lawm hle ani," Remy chuan alo ti thuai a, apu kut cher tawh tak chu a chul hauh hauh a."Ka ngaina hle ani,Remy. Helai hmunin a mamawh hmeichhe diktak anih saw. Nunthar, thisen dang nei,ngaihdan hran nei bawk....""Ngawi teh,ngawi teh,kapu. Megan chu helaia cheng ani ve hleinem, London lam a pn leh thuai dawn alawm," tiin apu lam hawi chuan a han nui lui hram hram a."Ka hria alawm, tlangval. Chutiang hrelo khawp tura â ka ni bik hleinem," tiin Remy kut chu a han hmer ngher sauh a. "Mahse a haw duh tawh lo mai thei asin,a tan haw a ngai kher hleinem. Hotel ah pawh hian chanvo a neih vena daltu a awm em ni? A nu in leh lo ani alawm," a han ti leh hram hram a."I ti tak tak lovang tiraw?" Remy chuan alo ti hau mai a."Engvangin nge maw ka tih tak tak loh vang le?""Oh,ka nuin midang telve a remti thei lovang. He hotel tan hian a thawkrim em asin," Remy chuan apu rilru hriat chak zet chuan a han ti a.Apu chuan duat hmel zet hian alo en a, "He hotel hi ka ta ani tih hrilh nawn i ngai lovang tiraw,Bawiha? Ka la thi em hleinem tlangval," alo ti leh duam duam a.Remy chu a lo rum hak a, "Ka hria alawm. Mahse maw ka pu,Cross chhungkua te hian helaia chanvo neih hi an duh lovang," alo la ti țang a."Giles kha chuan a duh lo ngei ang. Khapa kha chuan min haw ngawih ngawih alawm, ami huatna avanga intihlum a ni reng ani. A nupui khan a ngaihdamna dila a hnena let leh turin a beisei reng a,a beisei anga a thlen tak siloh avang khan a nun a beidawng ta ani.""Chu pawh ni sela....""Meggie hi chuan apa chhunna a neilo reng reng ani bawiha. Ka hria alawm, Anita in ipi leh ipa chanchin a hrilh pawhin a pawm thiam hle a ni. Kan han ti ti dun chang phei hi chuan Laura emaw tih chang ka nei fo țhin asin.....! I nu pawhin ka na â tawhah a ngai hial ani.Mahse Meggie ani tih ka hre chiang a,a mamawh pawh ka hria ani.""A mamawh maw?" tiin Remy chu alo meng kawk mai a, "Megan hian engmah mamawh a nei hleinem ka pu. A sumdawnna ah a hlawhtling hle a,a țhian a kawppui pa lah kha.....A tlangval ani mai thei lehnghal a," bung deuh tak hian a lo ti hmak mai a."A tlangval pa ani hauh lo," zawi leh nghet charh hian apu chuan alo ti hmiah thung a. Remy chu alo lawm rilru hle mai a."Engtinnge chutiang thleng thlenga i hriat a?" alo ti leh țang țang a."Ni miau hek lo le. Ka hriatloh i ring em ni? Meggie hi anu ang chiah ni asin,engmah a zep ve țit țet ngai lovang. A nu pawhin a zep ngai lo. A tlangval anilo a tih chuan a nilo ani mai," a ti a.Megan leh apu han ti ti vel tur chu lo ngaihthlak ve te pawh a chak ut ut hial a."Anih tak chu," tiin khum ațang chuan a thova,tukverh lam chu a pan ta a."I awih lo ani maw?" Apu chuan alo ti leh a.Apu aw chu a chau hle tawh ani. Remy chu nui sang hian a inher a,ani lo ngaihtuah ve mai mai te chu enge a pawimawh na le? Apu chu a thi țep tawh ani a, a lungawi nana Megan i hotela chanvo chhete a neih ve a duh chuan enge a pawina awm le? a ti rilru ta a."I sawi anih phawt chuan awihloh ka nei hleinem," tiin a pu chu ava pan leh ta a, "Mahse Megan i lakah hian i beisei ti sang lutuk suh ang che. Hotel enkawl dan kalhmang engmah hriat a nei lo ania," a ti ve ta a."Engmah zirtir a mamawh lo asin. I nu hnenah thil ziakfel tua hmang turin ka ti a,a thiam hle ani tih inu ngeiin min hrilh alawm," tiin a khuh bawrh bawrh a."I rilru hi ka nu in a hria em?""Eng ber chu maw?""Megan hnenah hotela chanvo neihtir ve i tum hi mawle."Ryan chu alo nui hawk a, "Hre nang aw, nang leh kei chauh hi a hretu kan la ni alawm tlangval. Inu chuan a hriatlohna avangin a nat phah hauh lovang," alo ti hmiah mai a.***********Remy chuan hotel lam chu rilru nuamlo zet chuan a pan leh ta a. Ryan a thusawi vang pawh nilovin Megan a tih thinrim vang kha a ni ber zawk a. Megan chuan thinur chung chung pawhin a țul chuan a hmachhawn tho tho a ring tlat bawk a. Apu rilru pawh kha a hre lo ani ngei ang,hria se chuan a nu hnenah a sawi ngei ang chu! Putar chuan a ukil kovin an vaia hriatah ala sawi duh lo ani mai a,an vaiin a bum kual vel vek ani. Apu fing inti hle tur a ngaihtuah chuan a nuih te a za lek lek hial a.Megan chuan hotelah chuan chanvo nei ta se engtinnge a tih ang le? Anu hnena hralh let leh a duh ang nge a sum peipunna atan a dah ve ang le? Helai hmuna chen ngheh chu a tum lo ngei ang a.....!!Anu chu hotel pindan zauvah chuan alo awm a, a puin a kohna chhan chu hriat ngei a duh dawn tih a hmel ațang chuan a lang reng mai a."Engkim a țha vek amaw?" tiin a rawn pan thuai a."A țha alawm. Enge ang tura ilo ngaih a?" tiin Remy chuan pangpar huan mawi zet chu a thlir vang vang a."Ka lo ngaihdan maw? I hria alawm ka ngaihdan. A nunhlui ah a cheng nasa lutuk ani. Megan i puihna ngeiin," tiin a nu chuan a lo melh ralh ralh mai a."Engvanga chutianga Megan chu puh ta mai nge i nih le?""Ipu hi ka hria alawm, Remy,a ngaihtuah pawh ka hria ani. Megan hian a nu chhun turah a dah tlat a,a ni hauh silova. Laura kha chu ka hmangaihin ka ngaina tih nang pawhin i hriat kha! Mahse Megan hi chu khapa fanu kha a ni miauva. Thil a kal thui thei hle ang tih ka lo ngaihtuah pha lova,lo ngaihtuah pha ila chuan Megan helaia lokal turij ka sawm lui hauh lovang. Ipu ngenna pawh nise. Helai hmuna awm ve tur chi hi ani tlat lo," anu chuan alo ti ta tawn tawn a.Remy chuan a pangpar vawn chu alo hmetsawm nawk nawk mai a, "Ka pu nen in ngaihdan a inang lo hle anih chu," alo ti chang fak mai a."A inang lo maw? Enge a awmzia?" a rawn ti nghal sawt sawt a."Engmah ani love,""Ani awm em mai. Thil engemaw sawipui che a nei ani maw? Min han hrilh ve teh,ka hrechhuak tho tho awm si a," tiin a nu chuan rinhlelh hmel zet hian a lo ti leh a."Amah va zawt ve mai la ti nia," a tih rual chuan a ngawi ta mai lo chu a inchhir leh hnuhnawh nghal zat a, "A thiltih hian nang leh kei atan engmah buaina min thlen lovang," alo ti zui leh thuai a."I fiamthu mai mai anih chu. Helaia Megan i awmtir ve na tur remruatna engemaw a siam ani ngei ang, a ni em?" Anu chuan alo ti sawt sawt a."Ka hrelo le.""Ani chiang ang.Megan chu bumna hmanga helaia awmtir ve a tum a ni ngei ngei ang. Engtia tih nge atum le? Nangmah hi a lawmman atan a hmang che anga maw?" Anu chuan alo ti mawlh mawlh a.Remy chu alo phu zawk mai a,anu lah chuan hnehtu chan chang inti fahran hian alo en ran mai si a. "Megan helaia a cham theih nan tawktarhah a hmang dawn che anih chu le....""Kanu! Kapu chuan chutianga tih chu a tum hauh lo asin. Megan chu la cham se chu a duh ngei mai a,mahse kei hi min sawi tel ve hauh lo ve," alo ti chang ve ta fak mai a."Chugi chu enge ni ta ang le? Hotel hi...hotel hi chuan a thlem em lovang chu maw?"Remy chu alo thaw huai a, "Engmah sawi ka peih rih love.....""Hotel chu anih chiah chu le!" tiin a nu hmai chu a dang lawp lawp mai a, "Nilo,nilo,chutiang thil chu ka chungah a ti thei lovang," a ti tlawk tlawk mai a."Enteh,ka nu.....""He hotel tan hian ka theihna zawng zawng ka hmangral a,ka nun pumpui ka lo hmang tawhin.....""Ngawi rih hram teh! Tupawhin i thawh hah zia te chu kan hre vek alawm,kapu pawhin a thawk tho alawm,a bul țan tu ani a,i hria alawm kanu. A hmeichhe hmangaih em em fanu chu chanpual tlemte a pek ve chu enge a pawi em em na awm a?" alo ti vin țhawt mai a.Anu chu a ang chawp chawp mai a,a hmel a țhat tehlul nen le.....! Megan lo chhuak a han hmuh phei chuan a nu chuan lungphu țhalo a neih phah a hlau hial a."Megan i alo kal ania," tiin a nu ban chu a han vuan a,anu lah chuan rang zetin alo phih thlak sak leh lawp a,hnathawk tu ho chenna lam chu a pan ta daih a.Megan chuan a rawn hmu lo ani mai thei,mahse Anita kal dawr dawr chu hmuh hmaih chi a ni tlat lova. Remy zawk chu anu ti thinur tuah ngai niawm fahran hian a rawn melh ngar mai a. Rawn pawh hreh hmel zeta a din vang vang lai chuan Remy chu thawk pawh alo thaw țha ngam lo hial a,chutah Megan chuan a rawn pan ta a."Anita kha engatinge?" tiin nichina an inhnialna kha hre tawh lo niawm tak hian mak ti hmel a rawn pu a."Tunge hria ang?" tiin Remy chuan alo en ngar mai a. Megan chu a hmel a țhain a nalh thlawt tlat ani."A lungawi loh zawngin i țawng pek em ni?" a rawn ti leh ha mai a."Enge ka sawi ang? Ka lak ațanga tlanchhia pawh ani lo mai thei asin," alo ti chang ve fak mai a.Megan chu a dang lawp lawp a, "Enge i sawi awmzia chu?" alo ti a."I hre zawk ang chu," tiin Remy chuan a dar alo san khum zauhva. A ruk tak chuan Megan hrilhhai hmel chu a khawngaih hle mai a.Megan chuan a hmui chu a han liak huh hlap hlap a,Remy chuan it zetin alo en reng mai a, "Engmah inu chunga ka tihsual ka hre love," alo ti ro halh mai a."I nu i ang hle tih chauh lo chu maw?" Remy chuan alo ti salh a, "Engahmah ngai suh,a theihnghilh leh vek mai ang,a dan ve ania," alo tihsan leh ta mai a."Engmaw a theihnghilh ang?"Megan chuan alo en ran mai a,a tumloh thil a sawi a hlauh avangin a sana chu a han bih zauhva."Ka kal a hun tlat tawh mai, dar rukah hian mi hmuh tur ka nei a," a ti ta a."Remy""Enge ni a?""Kan inbiak a ngai ani," Megan chuan alo ti vai riai a."A ngailo,a ngai reng reng lo," tiin kawngka chu a nem hawng a,a chhuak ta nghal a.Chapter -11Megan chuan zanriah ei huna Anita biak chu a tum ran a. Biak chu a chak hauh lo nangin a lungawi lohna hriat a duh ani. Engthilnge thleng tih ngaihtuah reng rengin a buai a ni si a.Zanriah ei alo hun chuan hotel hnathawk chuan Anita chu a lu a nat thu leh chaw a eipui theih loh tur thu te,zinga a hmuh tur thu te a lo hrilh thuai thuai ta mai a. Megan chuan lungawilo zetin Jules a thusawi chu alo pawm mai a,tihngaihna dang awm chuang hek lo le. Anita chuan a hmu duh lo ani ngei mai,va luhchilh a thil awmzia va zawh a duh ut ut a.Hotel tualah chuan a chhuk a,Anita zia chu a danglam hret hret tih pawh a hrethiam ve thova. Putar damlo kan a tum pawhin a muhil a tih loh leh damdawi a lak lai ani tiin chhunlam a siam ta fo bawk a,apa a hmuh chu a phal lo a ang ta hle niin a lang tlat a ni.Eitur an rawn chhawp sakna dawhkan nuam zet lam chu a pan a,a eitui lo ngang mai a. Hotela Anita a puih vena pawh Ryan a ngenna vang ani ngei ang,alo â em a ni. Anita chuan a lakah engemaw hlauhthawn ruk a nei ani ngat mai! Coffee pawh nghak lo chuan a tho ta a. Mipa pakhat bike bula dingin beisei hmel zet hian a lo thlir reng mai a,Megan chuan a tuino chu chawiin huan lam a pan ta daih a.Simon biak a duh hle a,mahse London ah chuan zanlai ani ngei anga,a mutui lai kaihthawh chu a lo lawm dawn der silova, bakah engmah han hrilh em em tur a nei ani lova,biak tur a mamawh chauh ani si a.Anita chuan a pa thi mai tur nena an ințhianna pawh tihchah sak a duh anih si chuan a fapa nena an inbiakna phei chu hria se a thi thei ang chu.....!!Hotel hnunglam huan chu a pan a,hotela midang thleng ve chaw eikham tawh te pawh an lo awm zeuh zeuh va. Car dahna hmun chu athleng ta hlawl a, hotel hnathawk ho leh hotel motor dahna lai ania,motor pawh an ngah hle ani.Motor a va thlen chuan a chahbi alo la invuah vang a,a han hawi kual ruai a,motor dangah chuan chahbi reng reng a awmlo. Mikhual haihawt tuemaw theihnghilh a ni ngei ang! Anita chuan an motor chahbi vawngtu a hrilh ngun hle a ngai dawn anih hi. Tang, tlanchhuahna tur hmu ta ang maiah inngaiin motor ah chuan a lawn ta thuai a."Port Serrat ilo thleng ta e,fimkhur takin motor khalh rawh," tih intar a hmuh hma chuan a pan lam pawh alo hrechang hauh lova. Boruak thianghlim dawn a, thlifim in a chhem heuh heuh chu nuam a ti danglam ve hrim hrim bawk a. Port Serrat chu a thleng chu a ni ta mai a, khawilam nge a pan leh ang le? Lawngchawlhna lam chu a han en a,in lo ding tlar țhap te chu a thlir vang vang a,khualzin tam vanglai ani a,dawr leh inruak a vang hle anga, zana lawnga lengvel pawh an tam hle ang,mahse țhian leh hmelhriat dang a nei hauh silova.Remy a chenna hmun panna kawtthler lam chu a han thlir leh vang vang a,a motor chu chulam kawngah chuan a her ta nghal a. A in panna kawng leh kailawn te chu alo eng pap hlawm a,a awm angem le? Ina a awm chuan Rachel pawh a awm ve ngei ang.Motor chu a ti ding a,a chhuak ta nghal a,Remy bula han kal ringawt chu hreh teh mahse pan tur dang hre miau hek lo le. Anita thinurna chhan hretu chu Remy chauh chu a ni. Rachel chu lo awm mahse hloh tur a nei chuang lova,alo awmlo anih pawhin a țha ani mai a,a kal chhan chu zawh ngei a duh tlat ani.A rilru a thlak leh hma chuan Remy in lam chu a pan ta thuai a,a thaw hlawp hlawp mai a,thing kawngkhar lianpui chu a kik ta karh karh a. Chhangtu an awm tak mai loha avang chuan a han kik nawn leh a,a hmui a pet fan fan mai a.Beidawng zeta kir leh a tum lai chuan kawngka chu a rawn inhawng ta hlawl a, Remy chuan thawmhnaw dang a inbel hauh lova,awmhmun kawr fual ha in kelawngin a rawn en ta reng mai a."Hello" Megan chuan alo ti chhuak hram a, "Rachel a awm ve em ni?" a han ti nghal ringawt a.A.awm ngei ang, Remy pawh thawmhnaw inbel mumal lovin a lo awm ani a, a va tibuai ani ngei ang,kawngka lah a beidawn hnu ah chauh a inhawng lehnghal a."Rachel hmuh i duh deuh em ni?" Remy chuan alo ti let nghat mai a."Ka....nilo....duh love," Megan chu a zak ngang mai a, "A awm ka rin vang mai mai ania. Ka....ka...a awm si a, ka...."Remy hmel chu a nelawm fahran lo hle lehnghal a, "Engtikah maw a awm a? Ilo kal a,alo awm tih chu sawi lo hram teh," alo ti hlur mai a."Ka lo kal hauh lo. Tlai khat kha.....ih....ka rawn phone a," tiin a che sek a, "Rachel in phone alo lak tak khan ka dah leh ta mai a," a ti ta nge nge a.Remy chu alo meng thim ta raih a, "Nangmah ilo ni maw,mak ka ti deuh reng ani," alo ti thawp sat a."Mak ti tawh suh," tiin alo tawlh hnung a, "Ka....ih....ka rawn tibuai che a, a pawi ka ti hle mai. Mangțha mai," tiin a tawlh hnung ta zel a."Ngawi rih teh, Megan. Rachel a awm lova,ilo kalna a hla hle si a,lo lut la a țha lo maw," Remy chuan alo ti ta thuai a."A awm lo maw?"Remy chu alo ner deuh sawk a, "Awmlo. Engvanga awm tur anga ngai tlat nge i nih?" tiin a han in en a, "Oh, anih tak hi, ka lo inbual alawm mawle," a ti ta a."Oh....!"Megan thawveng huai hmel chu alo hmuhhmaih hauh lova,chutah inchhung lam chu a pan ve ta nghal a.Țhutkhawmna pindanah chuan khawnvar nalh deuh hi alo eng pap a,tukverh puanzar chu a inzar phui loh avangin lawngchawlhna chu a lang chiang hle a. A thim raihin eng chi hrang hrang a de chhuak neuh neuh a,a mawi danglam em em reng ani. Remy chuan alo lawm leh lawm loh ngaihtuah lek lovin lawngchawlhna landan ringawt kha alo buaipui a,a kal chhan lah a hrilh der silova."Intur i duh em?" a hnunglam ațang chuan a rawn ti ta nge nge a."Coke a awm leh ka lo in ange""Enge Remy bula a kalchhan chiah kha? Enge a duh chiah? An inhnialna kha inrem leh a duh em ni?""Kha le"Remy chuan coke a thlitsak hnu chuan țhutthleng lam chu a pan a,a țhu ta a. Megan chuan la ding reng chungin coke vawt tui zet chu a in khalh khalh a, "A va tui em,ka lawm e," a ti zawi sap a."Kei pawh ka lawm e,"Remy chu tawh a khirh hle ang le, a kal thlen hma khan a sawi duh te lo ngaihtuah chian hmasak tur anih tehlul nen, in ngaihtuah nan hun a duh avangin chhuanlamah lawngchawlhna lam chu a han en leh a, "Zana a mawi zia saw i hmu em?" a han ti ringawt a."Saw mi en tur sawn em ni ilo kal a?" alo ti ta fak mai reng a."Eng a?""Zana i hmuh duh chuan ilo kal a ngaih tur thu kha chu ka sawi ngei a, chhan dang vanga lo kal inih ka lo ring lova.""I ring lo maw?""Ring lo. Heta ilo kal hi kanu in a hria em?" a lo tihkhum leh ta ngat a."Hre nang aw," alo tih chuan Remy chu alo meng zau kawk a, "Tuman helaia ka lo kal hi an hre lo,kei pawhin lo kal ka tum lawk bik hleinem," alo ti zung zung a."Anih hle tak chu""Inhnial pui tur che a lo kal ka ni lo asin, Remy. Inu phalna la tur pawhin biak phakah a awm tlat lo ani. Enteh, Jules an alu a nat thu a sawi a,ka awih lem hlei lova," alo ti nawk nawk a."Lu na hi chu a nei ve reng reng a," Remy chuan alo ti zui sup a."Inchung ațanga ka lo chhuk veleh ațang khan a luna chu a chhuak anga maw? Remy,nimin maia piang ka nih loh hi. Thil engemaw ka tih vang ani ngei ang.....nge ka tih anga a hriat zawk vang le?" tiin Remy an it zeta alo thlir reng chu a han en chhova, "Min hmuhlohna tur ringawt a zawng ani in ka hria ani tiraw? A dikna chu i hria alawm, enge ka tihsual min hrilh thei em le?" a ti ta mawlh mawlh mai a."A thik che ani mai lo maw?" a rawn tih takah chuan Megan makti chu a ang pham mai a."Min thik anga maw? Engvangin maw?" a ti țial riai mai a."Putar an a ngaina hle che hi mawle,a ngai hle si che a," Remy chuan alo ti zawi leh sap a."Kanu ka chhun vang ringawt hian maw? Ka awih lo tawp mai," tiin a inher a,a țap lo chauh mai a."Ani mahna le," Remy chuan a hnung mai ațang chuan a rawn ti leh sup a, "Putara hian London a kir lo turin a duh che ani mai thei asin," a rawn tih zawm leh takah chuan Megan chu a lo phu deuh zawk a. Remy chuan a rawn din hnaih hle nangin a rawn tawk hauh lova,mahse a rawn hnaihna avang ringawt pawh chuan alo buai ru em em lawi a."I sawi dik lovang, Remy. Ipu hian keini pahnih hi inkawm ngeih se min ti a ni chauh zawkin ka hria," tiin a lo ngheng lo chauh tawh a."Chutiang lo zawngin ngai ta tlat sela....." tiin Remy chuan a sam darh niaih chu alo zut sak dalh dalh a."Londonah ka kir leh dawn tih chu a hre tho alawm," thaw chham lo chauh hian alo ti a. Remy chuan a kut chu ala thla ta nghal a."Simon a vangin maw?" Remy chuan alo ti a."Ni love. Mimal thil vang ni lovin hna vang zawk ani," alo ti thuai a."Hmm...." Remy chuan lungawi hmel zet hian alo ti ham ham a, "Engvanga min rawn phone nge i nih a?" a rawn ti leh ta thut a."Ka hre tawh lo....""Dawt i sawi ngai lo ani lawm ni?" Remy chuan alo ti hluk a."Ka sawi lo.....a pawimawh lo aniang. Biak che ka duh mai mai aniang," a ti nawk nawk a."Eng thilah maw?" hriat ngei a tum niin a lang a,Megan chu alo buai ru hle mai a."Oh....inu thu min hrilh chungchangah mawle.....Ih....inu min hrilh hma kha chuan engmah ka hre lo,ipa.....ipa....""Min duh loh dan te maw?" tiin alo en ngun kher mai a."Anih ka ring. Ka â ngawt asin," tiin a kun ta daih a."Min rawn phone vang chuan maw?" Remy chuan alo ti ha mai a."Aw""Engati maw?""I hre reng""Ka hria maw?""Rachel kha alo awm ve si a""Tichuan?" tiin a kut chuan Megan hmui bul vel chu a rawn rin riak riak a, "I rawn phone hnu lawk khan a haw tih hrilh che ila enge i ngaihdan ni ang le? Keiman phone kha lo la ila ka ti ngawt mai," tiin Megan hmui chu alo tuai sak nauh nauh a.Megan chu alo khur dar dar a, "Engahnge i lo lak loh reng a?" alo ti lai rat mai a."Oh, ka thawmhnaw ka inbel khawtlai vang ani lova, chutiang te a ilo ngai anih chuan....." tiin Megan hmel en ran chung chuan alo ti thawp sat a, "Rachel khan min lo lak khalh mai ani," tiin aw ngaihawm zet hian a ti leh ta sap a."Enge a rawn tih reng reng a?" Megan chuan inti thu deuh tak hian alo ti a.Remy chu alo nui hak a, "Zanriah kan ei dun alawm," tiin Megan ir no leh a nghawng vel chu alo chul sak riak riak zel a, "I chanchin ania kan sawidun," a ti sa sa mai a."Engatinge?" Megan chuan alo ti hul hak a. Remy tawhna chuan a tibuai em em bawk a,a thaw halh halh mai a, "Rachel khan min ngaina lo tih ka hre si a?" a ti tham țiak a."A ngaina che ka ti em ni?" tiin dim te hian Megan chu a han kuai hnaih a, a dar ruak kang lo lang chu alo fawhsak nar nar a, "Rachel hian i chunga ka rilru put dan hi a hria niin a lang," a ti thawp sat mai a."Remy....""Enge ni a? Tawp turin min duh em ni?" tiin hnai fe ah a melh ran mai a,a kut chu a la sawn ta nghal a, "Awle....""Enteh Remy, hei hi ka lo kalchhan a ni lo ania," a ti khur dar dar mai a."A nilo maw? Ani emaw ka ti a," tiin a lo meng thim deuh salh a, a mitmenga a ngenna chu hnar har hle hian Megan chuan alo hria a."Min nuihzat elo?" tiin a ding ran mai a."Keimah leh keimah hi ka in nuihzat ani mahna," tiin a hnaih zual sauhva,a mipatna ruh țul chuan Megan chu a nek ran mai a, "Ka sawi awmzia chu i hrethiam tawh em?" a ti sa sa mai a."Oh, Remy....." tia thaw hak chungin a inher ta nghal a, Remy chuan a mawngtam bawrah lo kuahin alo pawt hnaih nghal sauhva. An thawmhnaw chhana an taksa a in nawk zawng ringawt pawh chuan Megan khup chu a zawi zo ta vek a. Remy chu a kun hniam ta nghal a.Dim tein a fawp țan a,a uar tulh tulh a, hei ngei hi ani alo nghah reng fo chu inti chungin Megan chuan alo kuah let a,an hmalam hun tur chu ngaihtuah zui chi nilo mahse engmah pawisak a nei tawh bik lova,a fawp let ve ta ngawng ngawng mai a.An infawp duhthawh tulh tulh a,an in it tawn em em a ni tih chu sawi ngai lovin an inhre tawn reng alo ni. Remy taksa nghet charh leh lum thar thar chu a hnaih zual sauh sauhva.Lawngchawlhna vela khualzin hlim nui ri te,lawnglenga lungleng taka zai ri te chu an hre chang tawh hauh lova.Megan chuan chutiang renga mipa mutpui chakna chu ala nei ngai lova,Remy an zei zeta a thlem zelna tuipui ah chuan a pil riai riai zel a,mipa dik tak, a duhzawng chu a tawng ta ani.Muangchang leh dim te hian Megan kawr bahna chu a phelhsak ta a,reilote a hmui a laksawn zeuh chhung pawh chuan Megan chu alo rum hak hman a, a kawrhnuai pan tak chhanah chuan a hnute chu chul sakin Megan lo thaw hawk hawk ri chuan a tiphur zual sauh tih hriat tak hian a kawrhnuai kilhna chu a phelhsak leh ta a. A hnute lang kawh lah chu mawiti fahrana a en vang vang hnu chuan fawp turin a kun hniam ta nghal a.Megan phur tawh chu a lo rum hak hak mai a. Remy chuan a kawr chu a kawng lama nem thlak sak zelin a mamawhna zawn lai takah chuan a kut chuan a hupsak ta chat mai a. Megan chu alo khur dar dar mai a, a kekawrte pan tak chu a huh chhuak hlap tawh tih a inhre rei ruai a, a duhna nasa lutuk chu Remy chuan a hmuh a hlauh avangin alo maimitchhing ta ringawt a. Chutianga a rawn tawh velna avanga a duhtawk alo ngah teuh hle mai chu a zak rilru hle bawk a.Remy kut chuan a kekawrte chhungah zen lutin a tak chu a khawihsak ta na na a. Megan chuan rang zetin Remy kut chu alo dawm bet a, "Khawngaihin," alo ti tham țiak mai a. Remy pawh chuan hrethiam zetin a kut chu a lasawn thuai a, a pawmkang ta nawlh mai a.Khum phah chu alo vawt thlaf a,mahse a hre rei lo kher mai. A taksa chu tisa chakna avang chuan a sa ham ham a, Remy an a kawrfual hak a phelh a,a bula a rawn mut ve chuan a lo hnaih sawt sawt a. A kekawrte a rawn phelhsak lai te chuan Remy hmel chu alo en ran mai a.Remy mipatna nungțha zet a han hmuh chuan a ip chawih chawih mai a, Remy chuan muangchangin a sam hnawk niaih chu a chul mam sak heuh heuh a, "He thilah hian i rilru a damin i chiang chiah amaw?" tiin Megan hmel chu ngun zet hian a en chhuk reng a."Chiang e,nang i chiang em?" alo ti vai riai mai a."Oh, baby, hetiang ema ka thil duh leh ka neih dawna lungawi na hi ka la nei ngai lo," aw ngaihno bei zeta tih pahin Megan bawp chu a nawr kau ta nghal a.Muangchang leh dimte hian an taksa chu a inzawm tir ta a. Megan chuan a tihlawm zawhloh alo hlauh rilruk tehlul nen, reilote ah Remy chuan a tilut ta vek a. Megan chu alo thaw hawk hawk mai a."I țha maw?" tia a en chhuk chuan Megan chuan alo kuah țawk țawk a.An infawp vawng vawng a. Remy an chet ala dawn țan chauh tihah chuan Megan chuan a vawrtawp thlengin a lo kuah chawih chawih mai a, "A pawi lutuk, Remy....." a ti nawk nawk a."Shh.....pawiti reng reng suh, darling."Remy chu a che uar zual sauh sauhva, Megan pawh chuan alo beisei hauh loh nawmna chu tawng lehin Remy chu alo kuah țawk țawk a. Remy pawh chuan a rawn zawm ve ta a, Remy taksa khur dar dar leh a lungawi thaw ri ham ham chuan Megan nawmna chu a belhchhah nasa hle a. Megan chungah chuan a bawk zawi ta thlar mai a.Chapter - 12El Serrat lam chu zing lamah a pan ve ta chauh va.Remy chuan thlah a tum nangin ngai a ti lova,a kalna chin hria an tlem poh leh a tan a țha ani tiin a țang tlat thung a, "Inu nena kan inkar a țhat tawh loh avangin kan awmdun ani tih a hriat phei chuan......" tiin Remy chu a fawp zauh a."Hre mahse pawi ka ti reng reng lo asin. A la hre chhuak tho tho dawn a,mahse,hre rih lo tura i duh anih si chuan.....""Ka duh alawm""Engtikah nge kan inhmuh leh ang le?" Remy chuan alo ti nghat a,ala thlahlel hle tih a lang reng mai a."Rei anih loh ka beisei," tiin Remy awmhmul deuh dap chu a lo chul riak riak a. Remy chuan alo fawp leh vawng vawng a."Awm reng mai ta che. Ka nu hnenah i awmna chin chu ka hrilh mai anga,thil thleng tur a ti danglam thei chuang hleinem," alo ti sar sar a. Megan chu alo nui har har thung a, "I thlen veleh min rawn bia ang che," a ti zui leh nghat a."Awle," Remy han kalsan chu a hreh ta riau mai a. A dingdihlip ak ak a,a fawp leh vang vang a, "Naktuk lo thlen hma chu a nih leh aw? Darkar tin nghakhlel takin ka lo chhiar dawn ania," a ti ta a."Keiin minute tin ka lo chhiar thung anga," tiin hreh hmel zetin a thlah ta a, "Fimkhur hle rawh aw," a ti zui ve ta a.Megan in hotel a thlen chuan zing dar hnih a ri țep tawh a. Mak takin hotel vel chu alo ka eng pup mai a. Station Wagon, hotel ta pakhat chu hotel kailawn bul maiah chuan alo inhung a,a bula motor dang inhung chu Dr O' Brien a car ngei alo ni a. Anita chu a damlo nasa ta hle em ni ang tiin a inthiam lo rilru hle mai a.Chutah a harhchhuak ta thut a,a khup a zawi nghal hnawk mai a. Ryan a ni ngei ang, Ryan chu a zual em ni le?Motor chu a dahna ngaiah pawh dahlo chuan hotel kawtah a hung dawt a,a chhuak ta nghal a. Ryan awmna lam pan tur nge tia a ngaihtuah lai chuan Anita leh mipa pahnih hi an lo chhuak hlawl mai a.Megan chuan engtia lo dawnsawn tur nge tih a hre lawk lova,Anita chuan a hmu duh lo kha ani si a, va biak hmasak teh huam chu a tlawmngai deuh tlat bawk a.Mahse Anita chuan a rawn hmuh rual rual chuan a kalpui te chu tlansanin Megan chu a pan nghal dawr dawr a, "Oh, Megan....." tiin a mittui a luang ngiai ngiai a, "A kal ta ani. Ka pa chu a kal ta," tiin Megan chu a kuah thlawp a, "A thi alawm,Megan. Ka awih phal hlawl lo," a ti a,a țap hlawp hlawp a.Megan pawh chuan awih harsa a ti ngang mai a,mahni inthiam lohna in a khat ru tlat bawk a. Helaiah Anita bulah awm ve tur ani a,alo hnem tur ani si a. Mahse Remy kha...! Remy nen khan lungawina khawvelah an cheng dun a,thildang leh midang reng reng an hre chang silova."Remy...."Anita chu a tawlh hnung hrat a, "Oh,a ni tak e. Remy hrilh thuai a ngai ani. A tuarna teh ang chu....! Oh, an in ngai hle mai si a, ka phone lai khan inah lo awm sela a țha tur ania. A in leh a office ka phone a, Rachel nen an lengchhuak a ni ngei ang,min chhang hauh lova," tiin a mittui chu a hru mawlh mawlh a.Megan pawh chu alo tawlh hnung hrat a, "I....Remy chu i phone amaw? Engtik hun laiin nge i phone a?" alo ti fan raih mai a."Engatinge? Dar sawm pelh hret velah khan aniang. Engatinge?" a ti ta ha mai a.Anita chuan Remy chu a phone hauh lo tih a hrechiang hle ani. Dar sawm velah chuan Remy nen a khumah hmangaihna an chen a ni a,khum bulah phone a awm reng bawk si a.Engatinge Anita chuan a fapa phone anga dawt a sawi le? Dawt a sawi avang chuan enge hlawkna a neih ang le?"Dar sawm pakhat velah phone ka tum leh a.....""Engtikah nge Ryan chu a thih a?" Megan chuan a lo tichhuak hraih a. Ryan chu a tan alo pawimawh hle tawh alo ni, pawi a ti ru vawng vawng mai a."Darsawm pakhat velah chuan mawle....! Sama awmpui zan ania....min rawn ko thuai a,a thawkna khawlin hna a thawk țha lo tih a hriat veleh....." tiin a inhnit leh hlawp hlawp a, "A theihtawp chhuaha a enkawl pawhin awmzia anei ta lo ani," a tih chuan Megan chuan alo kuah leh thuai a.Mipa pahnih te chuan an rawn fin ve ta a. Megan chuan Dr O' Brien chu khawngaih zetin alo en a,Ryan nena inkawm ngeih tak an ni a,a upat pui a niin a tuar ve hle ang chu."Megan," tiin a rawn beng thak thak a, "A pawi teh anih hi," tiin a rawn hnem ve nghal a."Damlo na tak mah nise,alo thleng rang tehthut em ani," Megan chuan alo ti ve hram hram a."A thlen hun tur kan thlir reng tawh zawk alawm," Anita chuan alo ti ve leh ta tlat thung a. A lungchhiatna chu a thup veleh tawh niin a lang."Megan hian Ryan hi a țha deuh emaw alo ti anih dawn hi. Keini pawh min barakhaih țheuh alawm," Dr O' Brien chuan alo ti let thung a."I ti tak tak lovang, țha emaw i tih lai khan a lo țha lo hle anih dawn chu," Anita chuan alo ti nghat mai a."Megan lo thlen ațang khan a harh ve hle alawm. Chu chu nang pawhin i hai hauh lovang tiraw?" Doctor bawk chuan alo ti leh a."A pawi hle mai," Anita chuan alo ti nghat a,ala lungawi loh hmel hle thova."Hei hi Superintendent Lewis anih hi, Megan. Zanriah kan lo eidun laiin Anita hian min rawn ko ta ani. Frank, hei hi Megan Cross, Mrs Robards fanu ania," tiin Dr O' Brien chuan a in hmelhriat tir ta zung zung a."I țha maw?"Police hotupa chu alo nui sang a, "Nang ai chuan ka țhat rih ka ring. Tun ang hun harsa a kan inhmu chu a pawi hle mai," alo ti var a."Megan hi karkhat vel chauh ala awm a,anu kha chu i hria ang tiraw?" Doctor bawk chuan alo ti leh a."Laura maw? Hre tehlul mai. Inu nen chuan kan inkawm ve țhin alawm,Miss Cross. Ipa pawh kha vawikhat chu ka hmu ve tawh a," hawihhawm zet hian alo ti a.Megan chuan alu alo bu nghat nghat a. Anita chuan ngaihsak lo nia inhria niawm fahran hian a rawn inrawlh ta a, "Inhmelhriatna hun țha zet in nei anih hi le," a rawn ti kha fak mai a, a hmela lungawilohna chu thup tumin kawngka lam chu a han en a, "Min lo ngaidam ula,pu te u.....""Tehlul mai,tehlul mai,"Superintendent Lewis chuan alo ti thuai thuai a,doctor chuan Megan banah chuan a vawnsak a,ngun zet hian a han en a, "I ngaihtuah awm lovang chu maw?" a han ti dam duai a. Megan chu alo bu nghat a."Tuemaw in Remy hrilh a ngai ani," a han ti leh hram a. A nu emaw amah emaw nilo, midangin hrilh se a awlsam zawk a rin vang ani a,mahse Anita chu a rawn inrawlh leh ta phat mai a."Keiman ka hrilh mai ang," tiin mipa pahnih te chu alo en ran mai a, "Inah a awm tawh ngei ang. Port Serrat ah chuan ka va kal anga,ka va hrilh ange," alo ti hmiah hmiah mai a."Oh,mahse...."Megan chu alo melh kawk a. A fapa leh apu thihna ah chuan inrawlh ve turah a ngai lo niin a lang. Remy pu chu a thi ta si a,enge an chanchin tur ni zel ta ang le? Hotel chu a rochun tur ani a,harsatna a awm angem le? a ti rilru nauh nauh a.Karhnih liam ta ah kha chuan Ryan Robards thihna chuan a lakah awmzia a neilo ngei ang,tunah erawh zawng a tuarna hle mai si a,Ryan chu a ngai hle dawn ani.Mut a hmu dawn lo tih a inhre reng a,mipa pahnihte chu kawngkhar thlengin a thlah a,Remy chu a rilru ah a awm reng mai a.Anita hnenah chuan Remy bulah a kal tih a hrilh thei lovang tih a chiang a, Anita lah khan Remy a phone nia in sawiin dawt a la sawi lehnghal si a.Mipa pahnih te chuan an motor lam an pan a,an in mangțha hnu chuan an inkhalh chhuak ta a. An beisei aiin Ryan chu a boral hma hret niin a lang țheuh ani.Anita in a rawn pan leh chuan a hmelah chuan Megan i huatna alo lang chhuak chiang hle a, "I leng chhuak ani maw? Khawilamah nge i kal le?" a rawn ti ta ngal ngal mai a."Ka inkhalh kual vel mai mai ani. A lum ka tiin ka chau deuh a,i motor pakhat kha ka hawh anih kha," tiin Anita chu a han hnaih hrat a, "Enge i an le,i lu na chu a dam tawh em?" alo ti ta daih a."Ka lu na maw? Chutiang pawh ka lo hrechang tawh hleinem. Ka pa a zual tih min rawn hrilh ațang khan na reng reng ka hre tawh lo," tiin a lu a lo thing nar nar a."A pawi ngawt mai, Anita. A hrehawm hle ang tih ka hria alawm," alo ti thuai a."Pawi i ti ngei ang tih ka hria alawm,"Anita aw chu a kha fak mai a, Megan chuan a vawnna chu a thlah thuai a, "Enge i sawi awmzia?" a ti hau mai a.Anita chuan engmah sawi lovin a kalsan leh ta mai a, Megan chu a thinur ve ta hle mai a."Anita, enge i sawi awmzia kha? Engvanginnge ka chungah hetianga i awm le? Ipa thihna ah hian mawh ka phur em ni?" a ti zui ta bawrh bawrh a.Anita chu a ding chawt a,a inher ta nghal a, "Ka pa thihna ah hian maw? Nilo,i nei hauh lo,a thihna ah hian engmah demna che ka neilo. Kapa hi thi turin i duh lo tiraw Megan? A thih chuan i tan țangkaina a nei dawn hauh silova," a rawn ti ta mai a."Eng a? Ipa chu engatan nge ka tih ang?" Megan chuan alo ti țhawt mai a."Hotel a chanvo i neih ve nan hian mawle. Keiin ka sawm che a, ka pa in nang nena inrem hi a duh tlat avangin! Kei lahin â takin kapa lawmzawng tihsak duhin ka rawn sawm che ani si a. Eden huana rul lut ang chauh kha ini,i sum hmuhna tur atana chanpual neih nan ilo lang a ni si a," Anita chuan alo ti let tawn tawn a."I ti tak tak lovang tiraw?""Engvangin nge ka tih tak tak loh vang?""Thil diklo tak anih avangin," Megan chuan alo ti nghet charh a."Kapa nen khan hotel chungchang hi in sawi ngai miah lo amaw?""Sawi tehlul mai. A hlawhtlinna hi a chhuang hle ani. Engvanga sawilo tur nge kan nih ang?" Megan chuan alo ti let ta khauh mai a."Hotelah hian chanvo neih ve i duh tih i sawi lang hauh lo amaw?" Anita chuan alo ti leh hram a."Ipa hi chanvo mi pe turin ka dil anga maw? Teuh lo mai Anita. Hotelah hian chanvo engmah min pe hauh lovang. I ngaihtuahna mai mai anih chu," alo ti lt hmiah mai a."Engmah ka ngaihtuah love. Mahse a tu zawk zawk emaw chuan chutiang ngaihdan chu in nei ngeiin ka ring tlat a ni," Anita chuan alo ti vawt raih mai a."Ipa nen khan kan inkawm ngeih hle a,hotela chanvo neih nan erawh chuan ka ti hauh lo. Ka ta ani lova,ka lo inrawlhna tur a awm hauh love,ka sawi hi awih mai rawh...""Chuti si engatinge kapa khan Ben Deyer min kohtir si le? Ben Deyer chu a ukil ani a,naktukah hmuh a duh tih min hrilh tlat ani," Anita chuan alo ti leh fak fak mai a."Ka hre bik lo le. Ka hming a sawilang reng reng emni?" Megan chuan alo ti let ve tlat a."Sawi love. Chutiang thil chu a sawi hauh lovang. Mi â ka ni lova, kapa rilru hi ka hre ve tlat ani," alo ti a."Chuti chu a kalta chu a lawmawm anih chu tiraw Anita? Mitthi chuan a ukil hnenah chuan engmah alo sawi hauh lovang. I hotel hlu tak chu a him alawm," Megan chuan thinur khur zawih zawih chuan alo ti ve ta nge nge a."Anita hmel chu alo danglam nghal vek a,inchung chhohna kailawn bulah chuan a țhu ta hnawk a, a hmai a hup a, a inhnit hlawp hlawp a. Megan chuan kalsan mai a duhna thinlung pawh chu a thlak ve ta nghal a."Anita, nangmah tina thei thil engmah a thlen ka duh hleinem,i hria alawm," tiin Anita țap hlawp hlawp chu a kuah leh ta a.Anita chuan lo nemsawn duh mai hmel a pu a, mahse a lusunna chuan a ti na hle ani ngei ang, Megan darah chuan alu a nghat a, a țap ta hlawp hlawp zel a.Chapter - 13Megan chu a mu meng kar reng a, Anita nen chuan țha takin an ințhen nangin a puhna khan a rilru a luah tlat a. Anita chuan ngaihdam ala dil ngei ang,a in ngaihtuah harh hunah chuan....! Megan chu a chhungrilah a na ut ut a, khatiang em a puhna kha pai dam mai mai chi a nilo tlat ani. Amah ngeiin helaia kal tur hian a sawm a,a puh chhe leh hle si a.Khua alo var chuan a thova,Remy chu a ngaihtuah nauh nauh a, apu thihna avang chuan an inkar chu a danglam vek angem le? A inbual a,a inthlak fel hnu chuan inhnuai lam a pan ta a. Simon a ngai hle mai a,ani chu awmse sawi tur a hre leh țeuh awm si a. Inhnuai lamah chuan hotel chu an kalphung pangngai rengin an kal a, Anita chuan a pa thihna avanga chulai hmun boruak tih danglam chu a duhlo ani ngei ang, hotel bak chu engmah ngaihtuah a neilo emaw tih mai tur hi a ni a.Coffee in in a țhu vang vang a,thil chi hrang hrang a chunga thlengte chu a ngaihtuah neuh neuh a. A lam pana Remy lo kal chu a hmu ta a. A suit dum hak leh a kawr var hak chuan a tilang lianin a ti hang zual a,chauh hmel hle mahse a hmel zawng a țha thlawt ani. Anita fapa a ni a, an inkarah inpawhna thuk tak awm mahse anu puhna chhe tak avang khan a rilru ala na hle ani."Helaia i awm hi ka ring reng a," tiin Megan hmachhawn zawng chuan a țhu ve ta nghal a."A pawi ka ti hle ani, Remy. I rilru a na hle ang tih ka hria alawm," alo ti thuai a."A dik alawm,putara kha ka tan a hlu em asin. Mahse lo thleng tur ani tho tho a, Mr O' Brien pawhin tun thlenga ala dam hi mak a ti alawm," alo ti dam thlap a."Ka tawrhpui tak zet che a ni," a lo ti leh sap a."Min tuarpui chauh amaw? Kan ngai hle vek dawn ani tih sawi mai ta che. I ngai ve thovin ka ring a," alo ti deuh ha a."Enve i sawi awmzia?"Remy chuan mit chhing sar sar hian alo en reng a, "Ka sawi awmzia maw? Enge sawia min rin le? Ka pu chu i ngai ve lo em ni? Ngaina lovin ilo kawm ve mai mai em ni zawk?" alo ti ta khauh mai a."Nilo, ipu kha ka ngaina tak zet alawm. Mahse nang leh inu nena alaka kan nihna chu a hrang daih ani, nangni dinhmun nena khaikhin chi ka ni hleinem," fimkhur zet hian alo ti a.Remy chuan mak a tih hmel ta hle mai a, "Megan, putar pawh khan a ngaina em em che tih ka hria alawm....""Ka ring lo....""A sawi alawm. Tuemaw in a ngaina lo che niin a hrilh che em ni?" Remy chuan alo ti chang ta fak a."Nilo, ipu nen khan țhian chauh kan ni....! Kanu ka hriatchhuah tirin kan inkawm mai ani, engmah dang a awmlo," alo ti thuai a. A nu țawngkam chu sawichhuah tumna pawh a nei chuang lova, an nufa inkar tizau tu nih chu a tum hauh lova."Mahni invenna țawngkam ava ang vele. Thildang ti ah ka puh che emaw i ti elo? Kapu nena in ințhian na kha ka lo duh lo emaw i ti em ni zawk? A nun tawp lam hlim taka i rawn hmantir hi ka lawm hle zawk ani. A țha tawk em?" Remy chuan alo ti khauh mai a."Țha e," tiin Megan chuan a chil alo lem khawlh a."Kan pahniha kan inhriatthiam chuan a tawk ani mai," tiin Remy chu alo thaw ham ham mai a.Ryan chuan hotelah chuan chanvo lo pe ve ta sela Remy chuan engangin nge a ngaih ve ang le? Remy chu anu ang ani ve hauh lo ang a,mahse sum thilah chuan an lo inchhun ve mai thei bawk a."Anita a țha maw? Nizan khan a rilru a buai em mai a," a ti ta daih a."A țha ang. Hotela i kir leh khan alo nghak che em ni?" Remy chuan alo ti a."A hrilh che em ni?" tiin a lo thaw halh a."Dr O' Brien te haw dawnin i thleng ve chauh niin a sawi alawm, i muthilh theih loh avanga inkhalh kual vel niin a sawi che a," alo ti mar pat a."Oh, ka kalna chin ka hrilh theilo tih i hria alawm," alo ti ngal ngal a."I hrilh theilo amaw. I thei khawp ang," Remy chuan luhlul hmel zet hian alo ti bak hlak a."Hrilh ka duh lo alawm, Remy. Hre ngat sela chuan a.....a...." a ti nawk nawk a, "Ka kal hma....""I kal hma in maw? Kapu vui zawh thlengin nge. I rilru i sawifel thlengin? London i pan leh hunah maw?""Ni love, a hun a zir.....""A hun te chu sawi lo mai teh. Eng hunah pawh hria se pawi ka ti nek love. Kapu chu a thi ta chu ania,kei aia ngai tur an awm hleinem,mahse chuvang chuan ka nu duhdana awmtur ka ni tihna a ni chuang lo," alo ti hriam hraih mai a, "Hunlo i ti pawh ani mai thei e, mahse ka laka i rilru put dan dik tak hi hriatchian thuai ka duh ang," a ti zui ta chhar mai a."Ka rilru te chu i hre reng alawm," zawi sapa a tih chuan Remy hmel ruh țeuh chu a danglam chuang hauh lova."Ka hria amaw?" alo ti let hmiah mai a."Hria e. Nizan khan.....nizana kan awmdan kha a lungawi thlak hle asin," tiin a kut thlan dap dap chu a tuai nauh nauh a."Kha kha ka sawi ber anilo. Kha thil thleng kha chu mipat hmeichhiatna inhman tawnna mai chauh ani a,a nuamin a lungawi thlak hle reng ani., chu chu em ni.....""Nilo, ka.....""Anilo maw?""Min hrethiam lo lui tlat teh suh," Megan chuan alo ti halh mai a."Chuti chu hriatthiam theih turin thil sawi ta mai che," tiin Megan kut chu a vawnsak a, "Nizana thil thleng khan ilakah engangin nge nghawng a neih le?" a ti thawp sat a."Oh, Remy....""A țha deuh ve. Ka hming i lam rik dan hi ka duhzawng tak ania," tiin a nui ta var var a."Remy....enteh,hetiang thil hi tuna sawi chi anih loh hi. Inu tihnat belh ka duh lo ania....""Kei min tihnat chu a pawi lova maw?" tiin a tho ta thut mai a, "Min lo ngaidam la,kanu aia min ngai pawimawh zawk nia inngaihna atthlak zet ka lo nsi pek a, ka lo ring dik lo nasa alo nih hi," tiin a kal ta daih mai a. Megan chuan hrilhhai zetin a thlir zui ta reng a.Ryan Robards vuina chu tlailamah neih ani ta a. Khua alum em avangin mitthi ruang kawl reng chi a ni lova,hun an khawhral lo hle bawkin alo hria a.El Serrat hmuna Baptist biakin ah vuina hunserh hman a ni a, mipui an tam hle mai a. Ryan a țhiante, St Nicholas lam ațang te,thliarkar hmar lam ațang te in an lo tel țha hle hlawm a.Megan chuan țhutna hnunglam a chuh zel a, Anita nen chuan inbe țha hle mahse a puhna khan ala ti thinur riau a, Remy pawh chuan a rawn hnaih leh ta hauh lova.Remy bula Rachel ding te, an chhungkhat leh țhiante alo biak pui vel te chu a lo mitsir zauh zauh reng a, alo thik hle tih chu a pawm thlap tawh a.Tuman an ngaihsak lem lo leh an chik lo chu a lawm hle thung ani. A mittui a hnam reng a,an vaia boruak chu a nuamlo dawn chauh niin a hre tlat bawk a. Remy chuan ani aiin Rachel chu alo hmangaih a ni tih hrilh ta sela a tuar zo ang em le?Thlanmual ațanga an haw meuh chuan khua a thim chhalh tawh a, Ryan chu a nu vap an phumna hmunah ngei chuan phum ve ani ta ani.Anita zanriah buatsaih pawh chu kiltu an țhahnem hle a. Rachel chu Remy bulah hlir awmin an mikhualte chu an be kual zel a, Anita bulah pawh awm lovin mipui nawlpui phenah hlir alo awm thung a.Dr O' Brien chuan a rawn pan ta nawlh mai a, Megan chuan alo nuih lui hram hram a."Hetiang hun hman hi a ninawm duh teh ania, mahse kan tițha khawp e, Ryan a lungawina thlap ani ngei ang," a rawn ti sawt sawt a."Ni e. I telve chu a lawm ngawtin ka ring asin," Megan chuan alo ti ve hram hram a."In inrem ta nia a inhriat khan a hlim teh asin. Inu nen khan...an hmangaih hle che ani. I hria ang chu tiraw?""Ni e, ka hria alawm,""San Felipe a ilo kir leh nachhan hi inu khan hria se a lawm ve ngawt ang," a ti a."A chhan maw? Oh,ka pahrawn nena kan inkar lo țha ta hi i tihna em ni?" alo ti hau a."Ni nang. Hotel chungchang kha mawle, Ryan khan a hrilh lo che em ni?"Megan chu a khawng ta lah mai a, a vawt sung sung hial a, "Engmaw min hrilh ang?" alo ti țial rian chuan O' Brien chu a lo nui hak mai a."Oh, a hrilh lo che anih chu le. A pawi hle mai, Megan. Ka lo theihnghilh der a ni,a hrilh hman ta lo che a ni.....hrilh che chu a tum ngei a,engvanga ngawi mai mai lo nge ka nih le?" tiin a chal a dawm vang vang a."I ti thei lovang.....Ryan chuan... a ti lovang......a ti lo tih sawi teh," a lo ti nawk nawk mai a."Hotela chanvo pek ve che maw? A thei alawm, a ti ngei bawk a ni. Mahse tlemte chauh a nia. Mahse Ben Deyer hnenah ka hrilh thu che hi lo sawi suh ang che," a ti zui ta hmawk hmawk a."Mahse ka duh hleinem. I ti tak tak em ni?" a han ti nawn leh sap a. Anita in thudik a hriat huna a awmdan tur chu a ngaihtuah a,rapthlak a ti tak zet a."Ti tak tak e""Mahse Anita.....ka sawi awmzia chu, Anita khan Ryan an a ukil a koh tir thu chu a sawi ngei a,mahse a hmu hman ta lo ani awm e," alo ti lawi rat mai a.Doctor chuan a hnar alo phit dat a, "Anita chuan a va hrilh duh zawk che vele. Ryan khan Ben chu a ko ngei alawm,a ro chungchang ti danglam tur ni lovin. Chung thil chu keimah kaltlangin a ti vek tawh ani. Pa fing tak ani asin, Ryan a kha," tiin a lo nui hawk a."Mahse engatinge chutiang thil te a tih le? Ka lakah engmah bat a nei hauh si lova," Megan chuan alo ti hniam raih a."A duh ani mai ani nula. Ka fiamthu hauh lo ania aw Megan. Ryan khan a ngaina em che a ni. Remy nen hian in inhlat a hlau a ni ngei ang,ani nena in inhlat ang khan," Doctor chuan a lo tidam thluam mai a.Megan chuan kut khur hlawk hlawk hian a hmai chu a han chul a,alo thlan ban chap mai a,a bek lo kham at at chuan a lu a tina ngei dawnin a hria a. A dik lovang, Ryan chuan engmah a hnutchhiah ve tur a nilo, Anita rilru a hre reng awm si a."I țha maw?"Remy aw chuan a rawn tivawt sung sung thei hial a. Nilengin Rachel bulah a awm a,inthiamlohna leh lungawilohna neilo ang maiin alo lang leh hlawl mai si a."Ka țha alawm. Nang i țha em?" a lo ti chhuak thei hram a.Remy chu alo meng thim deuh khap a,doctor nena an inmelh zauh chu Megan chuan alo hmu ru ran mai a, "Ka țha alawm,nichin khan ka hmu lo che a?" tiin a rawn en chhuk run mai a."Megan hi alo inthiarfihlim alawm mawle," doctor chuan nui hawk hawk chuan alo ti ta a."Engatinge a?""Inu nen in buai deuh niin a hria ani," khauh fara ti chungin a sana a bih zauh a, "Min ngaidam ula.....pastor saw ka va be teh ang," a ti ta a.Apu thiltih a hriat hunah Remy chuan engtin tak ngai ang maw? Megan chu a țah a chhuak ut ut mai a. Anu anga a pu thlemtua a puh ve teh anih chuan le!!"Min lo ngai em?" Remy aw mawi zetin a rawn tih takah chuan a zawi nghal huai mai a. Remy aw chu a mawi em kher ani.....! Mahse Ryan a thurochhiah chhiarchhuah anih hma chuan a be țha thei tawh lovang."Inkhawmna ropui tak anih kha le," tiin Remy mit thim khap khap chu alo en ran a."I chau hle lo maw?" Remy chuan a rawn ti leh a."Chau lem lo e. Khawnge Rachel kha a awm tak a?" tiin a zawt zui zat a. Remy hmela beiseina chuai hmel chu a hmu reng a,na alo ti ngang mai a."Engthilnge ni ta Megan? Rachel chungchang chu enge ilo ngaihven deuh a? Nizan lam kha chuan i ngaih pawimawh loh hle si kha le?" alo ti ta salh salh a."Ka lo rindan.....""Engmaw i lo rindan chu?""Nilengin i bulah a awm alawm""Midang tam tak pawh an awm alawm. Ka bulah awm i duh lo anih kha. Rachel chu i dem ngawt thei lovang," Remy chuan alo ti chang rat a."I bulah ka awm thei lovang," Megan chuan alo ti rang kher mai."Kanu i hlauh vangin maw? Awle, ka pawm thei mai e. Mahse mitthi chu vui ani tawh alawm Megan. Ka nu hnenah khawpui lamah ka hruai tur thu che hrilh ila a pawi.....""Hrilh lovang...."Apu thiltih a hriat hma chu engmah a ti tur anilo. Remy chuan alo do ve anih ngat chuan engtinnge a tawrh zawh ang le?"Megan...."Remy aw chu tawrh a har ngang mai a, "Khawngaihin hun tlem min pe rih rawh, Remy. Inu chu ka kalbo san mai thei rih lovang,min lo mamawh takin helaia ka awm hi a țul ani," alo ti țawk țawk a.Remy chuan huat hmel zet hian a rawn melh kawk ta mai a, a kun zawk a, alo hawi chhuah leh chuan a hmel chu a pangngai leh hman tawh a,a mitmeng erawh chu a vawt raih mai a."I danglam emaw ka lo ti a Megan. Mahse ka lo ring sual alo ni. Kei nena inlaichinna neih hi i duh lova, engthilnge i tih le? I chawlh hman chhunga i nun tihlim tu atan min duh em ni?" a ti ta a.Chapter - 14Remy chuan a beer um ken lai chu a han intulh khawlh khawlh a, a nu coffee dawhkan chungah chuan a nghat chawrh mai a. Beer um ruak a inchhawp țeuh tawh a, ala rui hauh silova,a lungawili ngang mai a.Anu in zanriah eitura a sawmna a pawm chu a inchhir hle tawh a. Thla kalta chhung khan a nu sawmna reng reng a hnial zel a, mahse a hmachhawn hun a thleng dawn tho tih a inhriat avanga kal ani reng a ni.Tumah a lawm peih lova....anu leh lek phei chu. A rilru natna chu a thuahhnih em a, anu chu a huat hlen mai pawh a hlau hial ani.Beer aia chak deuh intur a duh hle mai a. Anu chuan tunhma anga a thu awih zel tura ala beisei fona chu a tihtawp tir a hun tawh tak zet ani. Huan lam chu a han pan a, khualzin ho hlim nui leh zai thawm te chuan a ti thinur zual sauh a. Megan chu alo kir leh dawn tawh lo tih a pawm thiam a ngai tawh a ni.Apu an phum fel a,anu pawh a hahdam deuh hunah Megan chu a rilru a hrilh anga,alo ti rilru kha ani a. Apu vui nia a awmdan kha Megan chuan a hrethiam ngei ang. Anu a dah pawimawh zawk kha a thik a,a bula awm a thlahlel lutuk khan a ti thinur ani tih te a hrilh anga. Mahse chutiang hrilhna hun a nei ta tlat lo a ni, anu thiamloh vek ani bawk a. A pu in hotela Megan i chanpual alo dah ve tih a hriat rual rual chuan a nu chu a tal buai ta mai a,anu tal buai but but a reh meuh chuan Megan chu London pan turin alo inpeih at tawh ani.Anu țawngkam chhe tinrenga a au laia Megan hmela rapthlak tihna lo lang kha a theihnghilh ngai lovang. A rilru chu a na vawng vawng mai a,anu khan khatianga rilru chhia tinrenga Megan a puh khan a ti dik lo a ni. Megan chu a ruka phiarru tu angah chhuahin anchhe tinrengin a hau anih kha.Apu chuan hotela an chanvo chu a nu nen inang chiahin alo sem a,chuta a chuang tlemte chu Megan alo pe ve ani lek chauhva, han thinur pui vak tur pawh awmin alo hre ve hauh silova.Anu lah chuan Megan rilru tur lam reng reng ngaihtuahna nei hauh lovin a ang buan buan a, Megan i nek chhuah chu a thil duh ber ani tih a zep hauh lo bawk nen, tuman khatiang hrepah khan chanvo neih an duh alo ring lo hul hual a.Amah hmu leh lova Megan chuan London a pan alo ring pha hauh lova. Hotel ațanga a haw pawh chuan a tuka va hmuh tum ran a haw a ni a. Mahse hnathawh țul tak alo neih si avangin a kal hma thei ta lawk lova. El Serrat a thlen chuan Megan chu London lam panin a thlawk haw hman tawh alo ni a.Ala rawn biak pawh alo la beisei fan a. Sylvie hnenah pawh Miss Cross in a rawn biak chuan lo hrilh thuai turin a chah ngun hle bawk a. Rorelnaa a kal anih pawhin kohtir turin a chah hial a ni. Megan biak pawh leh tluka duh chu thildang a nei hauh silova.Mahse a rawn be hauh lova. Karthum a ral hnu pawha ala reh vang vang si avangin a va be ta nge nge a. Megan phone chu a ri ral țhak țhak zel a,chhangtu reng reng an awm ta lova. Megan te țhiansun company chu a hre lova,anu chuan a hre ngei anga,mahse anu chu a be peih der silova.Karli zet a ral hnu chuan Megan chanchin hriat a chak vang ringawtin a nu sawmna chu a pawm ta hram chu a ni a. Megan biak pawh theih dan a zawt anga, an inhnial anih leh in tuithlar hial pawh a cho ut ut hial tawh ani. Megan i angin a nu ngaihdan chu a ngai pawimawh ve dawn lo reng reng."Remy?"Anu aw chu a han hria a, "Hetah hian ka awm," tiin pawn lam ațang chuan alo chhang a, "Boruak ka va hip lawk a," a ti zui nghal a."I mamawh reng ani," tiin a awki hniam hraih chu a thlak thuai a, a fapa chu a lakah a hel ani tih a hai bik tlat lova. "Ka rawn rei deuhva, a pawi hle mai. Mikhual sawmkua panga kan neih belh dawn a, a awmsa ho nen, eisiam lamah kan buai deuh ani," a ti zui mawlh mawlh a.Remy chuan a dar alo san zauh va."Engmah i rawn ngaihtuah ve lo hi mak ka ti hle ani. Engtikahnge helaia i mawhphurhna hi rawn lak i tum dawn le? Ipu khan thawk dun turin mi duh a ni si a?" a han ti halh a."Chuvang chu aniang Megan kha chanvo alo pek ve tiraw? Keini pahnih hi chu kan thawk dun thei dawn lo tih a hrethiam vek awm si a," Remy chuan alo ti ta hmak a."Ni e, chuvang chu ania biak che ka duh ni. Vawiin khan Ben Deyer nen kan inhmu a, Megan chuan a chanpual kha tihral a duh a ni," anu chuan a ti ta a."Ni lul love,"Megan in hotela a chanpual a tihral chuan a hmu leh ngai dawn tawh lo tihna a ni dawn si a."A ti ang tih ka hlau khawp mai," tiin a nu chuan intur a inthlit ve nghal a, "Awih duh lo mahla ka ti dik chiah a ni Remy. Ka lo ngaihdan kha a lo dik a ni. Megan chu a thiltih ah a inchhir tawh a ni ngei ang," a ti zui barh barh a."Putara rilru hneh a chanvo dil ve ah ila ngai cheu elo? Ngai tawh suh ang che. Kapu kha a rilru a fimin a thiltih kha a duhthu ang ngeia a tih a ni tlat ani. Nang leh kei hian rilru inhmu taka kan thawhdun theih a rinloh avangin Megan i a rawn rawlh lut ve mai a ni," alo ti fak mai a.Anita chuan alo hnial duh hauh lova, "Awle, thudik chu a enga pawh chu lo ni sela, Megan chuan a chanvo chu a duhlo tihna alo ni ta a," tiin a țhutna bula țhutthleng chu a han beng thak thak a, "Hawh teh, darling, țhu ta che. Kan nufa inkara Giles Cross a fanu inrawlh hi ipu khan a phal hauh lovang," a ti sarh sarh a."Mahse a rawn inrawlh miau si alawm," tiin Remy chuan alo chhang mar pat a. Țhut ve pawh tum lo chuan intur dahna lam chu apan a, beer u dang ala leh ta a, "Hei hi ilo hriat a țha tawh ang. Megan nen khan kan mudun tawh asin. I thinur a hlauh em avangin kan zep rih mai mai a ni," a ti ta a."Ka awih love!""Awih lo mahla a dik miau si alawm,""Nilo," tiin Anita chu a tho ta hluai a, "He thu hi min tihnat i duh vangin i sawi mai mai a ni tih ka hria alawm. Engvanga ka chunga țhalo viau nge i nih le? Rachel nen.....""Rachel nen chuan kan inkawp tawh lo a ni. Thlawhna țumhmun ațanga Megan i ka rawn phurh thlen ni ațang khan a tawp vek tawh asin.""I ti tak tak lovang!" anu chu alo thaw hraih mai a."Ka ti tak tak a ni""Mahse....nang aiin a upa si a""Ani pawhin a ti tho alawm""Chuti anih chuan le, a țha anih chu.""Mahse kumin awmzia nei hek lo le," Remy chuan alo ti bung ta nghut mai a."Nang aia a upat avanga kalsan ta che a nilo i tihna em ni? Ka hrilh lawk reng che alawm," tiin a nu chuan a hmui alo kum phat phat mai a."Ka pa mihang anih vanga min kalsan pawh ani chuang lo. Chu chu i sawi duh anih chuan. Helai a chhuahsan chhan chu atan a awm harsa khawpa i awm vang ani," Remy chuan a lo ti hriam hraih mai a."I sawi a,ka hre chauh mai.""I hre tur a ni. England a an company hming leh an phone number ka hre duh a," alo ti leh a."An company maw? Engatinge?""Ka hrilh zo chauh che alawm. Enge a chhan tura ilo rin le? Biak ka duh ani mai alawm," Remy chuan nui hak hian a lo ti a."Mahse helaia a hotel chanvo ve kha tihral a duh tih ka hrilh zo chauh che alawm.""Tichuan?""Kan nufa nena in kungkaih theihna engmah neih a duh lo a ni mai alawm,""Nang nena inzawmna neih hi a duh lo a ni. Megan nen khan thil la chinfel dun ngai kn nei a ni," Remy chuan ako ti leh hmiah a."Nilo" tiin Anita hmui chu a lo khur hlak hlak a."Ni tehreng e a,""Mahse Remy, hetiang thil hi i ti thei lovang, tunah ngat phei chuan. A chanvo ve kha tihral a phal tawh anih chuan.....min pek let leh a phal.....""A remti maw? Enge i sawi awmzia? Ben Deyer an a rawn bia che emaw ka ti a," Remy chuan alo ti ngat mai a."Ni e, min rawn bia alawm. Ka sawi awmzia chu.....ih,"Anu chu a meng buai nak mai a,Remy chuan thil awmdan tur chu a man thiam ve ta mai a. A nu chuan Megan chu a be pawp hauh lova, Ben Deyer a dawr tir a ni ngat mai. Megan hnenah chuan hotela a chanvo ve chu a hralh phal leh phal loh a zawhtir ani ngei ang chu. Anu chu a haw ta hluah hluah mai a. Engtinnge chutiang thil te ala tih zui duh le? Megan chungah te, a pu leh amah te a nghawng thei vek si a,apu thlarau pawh a zah lovem ni le?"Nang hian....nang hian...."Engmah a sawichhuak thei ta lo hial a,tun hi a hun remchang hnuhnung ber pawh ani mahna! Mahse anu chuan a kawr banah alo vuan a, "Khawngaihin Remy,lo ngaithla hram teh aw. Ipu damloh nasat zia kha i hria a, a chakloh zia te kha...! Miten khatianga natna nasa an tawh chuan thlem an awlsam hle asin. Megan khan anu nen ipu iin a ngaihpawlh fo tih a hre ran a,khatih lai remchang kha alo chuh ta a ni, I hrethiam mai lo em ni? Londona a sumdawnna chu eng ang pawhin sawi lian mahse, alo thlen tirh phat ațang khan rilru nei ranin ipu kha a kawm a.....""Ngawi ringawt rawh!"Anita chu a ngawi ve nghal hmiah bawk a, Remy an a kut a lasawn lai chu alo en reng a, "Ka sawi hi awih hram hram rawh Remy. I tana ka thawh nasat zia hi Pathianin a hria alawm, i tan leh Rachel nena in fate tan ka ti a...""Ngawi tawh rawh ka tih chu. Hna ilo thawk nasa anih pawhin midang tan nilo,nangma tan ani ngei ang. Enteh,kapu in Megan i thil tlemte a hnutchhiah ve dawn anga i hriat lek pawh a i buai nasat zia kha ka hria alawm....""Dollar maktaduaih tela za a sawm chu thil te tham a ni hleinem. Ipu khan engemaw tih a tum tih chu ka hria alawm, ka hria ani. Mahse putar fing tak ani a, Ben Deyer a koh khan a thurochhiah a thlak dawn emaw ka lo ti a, a thiltih dan ka hriat chhuah meuh kha chuan ka lo tlai hman der a ni. Doctor kaltlangin alo tifel vek tawh si a," Anita chuan a ti hmawk hmawk a."A lo tlai amaw? Enteh, kapu boral thutna leh i thusawi chuan inkaihhnawihna a nei i tihna em ni?" Remy chuan alo ti ban charh mai a."Chutiang anilo," tiin a nu chu alo meng kawk kawk mai a, "Chutiangin min ti thei lovang,a sawi pawh i va sawi ngam zawk ve le. Ipu kha ka hmangaih asin,ani tina tur khan engmah ka ti lovang tih i hria alawm," a ti hlawk hlawk a."Mahse a thihni kha.....i beisei aiin a lo thleng thut ve tho ani lawm ni, Kei min kohna hun pawh a awm lova....""Ka rawn phone ngei che alawm. I awm lo ani,""Eng hunah maw? Min rawn phone ngei amaw?" tiin Remy chuan alo en ngar mai a."Ipu....ipu boral zan khan, ni e, kan sawifel a hun ta hle ani," tiin Anita chu a inha ta nghal a."Kapu thih zan khan zankhua in inah ka awm a, min rawn phone nila chuan ka lo la ngei ang," alo ti hriam hrak mai a."Engtinnge i hriat ang? Kar a liam leh țeuh tawh a, ipu boral zana i awmna chin chu engtinnge i hriat a?" tiin anu chuan a kut alo phar hiang a."A chhan chu maw, khami zan khan Megan nen kan awmdun tlat a ni. I hriat zel duh phei chuan kan mu dunin kan hlim hle asin. Ka theihnghilh ngai lovang,"Anita chu alo ang pham mai a, "Number diklo ka lo hmet em ni dawn le...""I hmet lo zawk pawh ani mahna le. Min rawn be pawp lo hrim hrim ani, ani tiraw? Min rawn be lo hrim hrim a ni. Pathian hmingin, kanu engvanga min rawn hrilh thuai lo nge i nih le?" a ti zui ve ta bawrh bawrh mai a."Engmah tihtheih a awm tawh chuang lo tlat a ni, Remy. Tuman engmah tihtheih an nei tawh lo," alo ti mial mial a."Tuman tihtheih kan nei tawh lo tihte chu kan hre vek alawm Kanu. Mahse kapu chuan a thih hma a min hmuh te a duh ve ang tih ngaihdan i nei miah lo em ni?" alo ti leh khauh a."Megan nen in awmdun ani tih hre ngat ila chuan timna ka nei hauh lovang," Anita chuan alo ti nghat mai a, "Oh, ni e,ipu in i hnena thu a sawi duh chu hriat ka lo duh lo pawh ani mahna le," a ti zuai ta raih mai a."Engthilnge sawia ilo rin a?" Remy chuan alo ti leh ta tlat mai a."A ro sem dan chungchang mawle. Remy, ka hrilh tawh che kha, a thurochhiah kha a thlak dawn emaw ka tih laiin alo tifel vek tawh a ni," alo ti nawn leh sap a."Tichuan, a thil sawi duh tur chu Megan hnena ka chanvo sem ve turin min ngen ilo ring tihna ania maw?""Aw""Enteh kanu, he hotel hian chuti em em in ani maw awmzia alo neih thui le? Putar thi tur thurochhiah pawh zah zo lo khawpin ilo....""A thi tur duhdan ani lo. I hming leh Megan i hming a lam a lam a....ka.....ka.....""I rochan tur chunga bum tu ah che ila ngai amaw?""Ipu chuan ni lul love. Megan in mawle. Enteh Remy, kha thilah khan min ngaidam rawh aw. Min hua tih sawi lul suh. Thil țha ber tura ka ngaih....kan tan.....kan tana țha ber....""Kan tan a ni lo," Remy chuan alo ti ta hmiah mai a. "Khai aw, Megan in London lam a pan ta chuk chuk pawh kha alo mak love. Kan nufa hian rosum chungchang avangin kan â emaw a ti hial dawn anih chu le!" a ti ta vawng vawng a."Ani ngaihdan in enge awmzia a neih?" tiin a fapa hmai chu a va chulsak hram hram a, "Khawngaihin Remy. Hriatthiam tum hram teh aw, keimah vang chauh tal pawhin. Kha hmeichhia khan i nun a tihchhiat ka phallo ani, ipa in ka nun a tihchhiat ang khan," a lo ti țawk țawk mai a.Remy chuan a nu kut chu alo paihthlak sak dawrh a, a nu tawh chu duh lo tih hriat zetin a tawlh hnung rawk rawk a, "Hei hi lo hre rawh aw Kanu. Nangmah hi ka nun tichhe tu chu i ni. Megan kha ka hmangaih asin, heng thil zawng zawng alo thlen hma kha chuan ani pawhin min duh ve asin. Mahse kan inkar i tichhe vek a ni. San Felipe a lokir leh duhloh nachhan hial tur khawpin i siam a. Ka ngaidam thei ngai tawh lovang che, englai mahin," tiin a nu chu a kalpel thuak a, "Min lo ngaidam tawh la, boruak ka va dawng teh ang," a ti ta hmiah a.Chapter - 15 (Last)London ațangin tlailam thlawhna ah a chuang a, San Felipe thlawhna țumhmun an thlen chuan dar ruk a ri tawh a. Thlen hma deuha Remy a hmuh hma a hotel danga innghah fel hman a duh hle nangin a chhuak hma thei bik tlat lova.Hotel thlenna tur a ngaihtuah chiam a. Zing khua alo var a Ben Deyer a hmuh chuan Remy hmu lova, London lam a pan leh hman ngei a inring a. Remy hmel hmuh chu a finthlak ber lovang. San Felipe a chhuahsanna pawh thla khat aia rei a ni tawh a, a rawn be pawp hauh silo. Hmuh leh duh chu ni sela, rawn biak pawhna hun a ngah hle si a, alo beiseina chu a thlawn mai ani ta si a.Simona lah chuan bialpa thar a nei a, pafing leh remhre tak ani lehnghalin an inrem hle bawk a. Simona nen inluah dun zai an rel ta bawk a, Megan chu an ngaihtuah dun hle mai a.Megani inluah an zawng a, Simona chuan an in inleițawm chu khul mai se a duh hle a. Mahse an in chu mi pakhat chauh tan a len em avangin hralh zai an rel ta zawk a. Simon leh Keith chu an hlim dun hle ani, Keith a țhianpa in, London chhim lama mi chu luah zai an rel a,Keith a duhdan chu Simon chuan alo phurpui zel lehnghal a. Simon an kawppui țha tak a hmu leh ta chu a lawmpui a,in an inleițawm dawn pawh khan Simon chuan midang hmangaih neih leh a,tihsual a hlauh vang a ni. Keith chuan a tihnat tawh loh a beisei pui hle bawk a.Sydney lama hna an hmuh belh leh chu lungrual taka thawk turin an inrem a, a hna a a buai em em laiin Anita lehkha alo thleng hlawl mai a.San Felipe lam ațanga lokal ani tih a hriat chuan chhiar a chak em em mai a,mahse a han hawn a, a han chhiar meuh chuan a țim sawk sawk thei hial a. Anita chuan Ryan Robards a ro sem ah chuan chanvo neih ve a phu loh thu te, a lo tel ve a thian loh thu leh aman a chhiar anga a chanpual ve chu leitir mai tura a rawn tihna alo ni a.A duh aiin ala rawn tina zui fo mai a, a ngaihdan a ni zozai tawh bik lova. Apa ro an chhiar laia a țawngkam leh a khawsak dan avangin thliarkar a chhuahsan phah tawh a, ala rawn umzui fo chuan a thin a ti ur ve riau tawh a ni.England a pan hnu khan Remy rawn biak pawh ngaichang reng rengin a lo awm a, chutah Anita lehkha a dawng ta nawlh si chuan an inkar chu a ti chat chiang hle in a hre hial a.Mahse Remy nena an inkar chu tawp fel vek turah chuan a dah phal mai thei lova,hotela a rochan ve chu a duh hauh lova, a mamawh bawk hek lo. Anita pawisa chu a mamawh ngai lovang! mahse Remy han hmuh leh chu a chak hle tho mai si a, Ben Deyer bia in chhuanlam remchang tak a siam ta a ni. A chanpual a hralhna lehkha ziahfel te a ngai anga, ukil hriatpuina ngeia chinfel tur an ngah hle a ni. Taxi ah chuangin Port Serrat a Remy chenna lam chu a pantir ta a."Helai hi em ni i kal duhna chu nula?"A rilru buai tak chu taxi khaltu țawng chuan a rawn tibuai ta a, chupa chuan a mit chuan Remy kailawn eng pap chu a en ran a. Megan chu a lainat hmel viau lehnghal a,chulai vel chu a reh țhap mai bawk si a."Aw, a ni alawm," tiin motor kawngka chu a hawng a,a chhuak ta nghal a."Ka lo nghak dawn che em le?" tiin ngaihtuah hmel zet hian alo en reng a."A ngai lovang, min ngaihtuah suh, ka lawm e," tiin alo nuih var var a.Motor khalhtupa pawh chuan alo buk khum nghat a, Megan in kailawn a rah chhoh thleng chu a nghak ta thova.Remy kailawn a rah chhoh zel chuan Rachel i alo awm ve a hlau leh ta thut a,mahse a kal tawh a, khawvar a nghah chuan a hmachhawn ngam dawn hauh silova.Remy kawngka chu a kik ta karh karh a, inchhung chu thim ruih mahse awm chu an awm ngei a ni, hna a thawk pawh a ni maithei asin.....kawngka kalhna chu a rawn ri rawk a,a rawn inhawng ta nghal a.Megan ke chu a zawi hnawk mai a,hmuh chak hle mahse a taka Remy landan a han hmuh meuh chuan sawi tur a hre lawk lo hial a,alo in ngaihtuah lawk vena zawng zawng chu a bo diak mai a.Remy lah chuan makti hmelpu em emin alo en a,Megan chu a hrilhhai hle mai a."Megan! Enge....enge i rawn tih le?" tiin a nghawng hnunglam chu a vuan ringawt mai a.A han inti pachang a, satliah zeta chhan tumin a han țhen sak a, "Enge ilo rindan?" alo ti hram a."Rindan ka nei hauh lo mai,"Enga Remy hmel ti deuh tak leh pawr fap chu a han en a, hna a thawk nasa lutuk a ni ngei ang, a pu a awm tawh silova hotel pawh a buaipui hle ang chu. A han tim deuh a,mahse engmah hloh belh tur a nei tawh chuang lova, a huaisenna zawng zawng nen a bei ang chu."Lut turin min sawm dawn nange?" a han ti leh hram a.Remy chu a phu deuh zawk hialin a lang a."Oh....tehlul mai," tiin a tawlhkir a, Megan luhna tur chu alo kian ta thuai a.Inchhung chu a lo hnawk nuaih mai a, lehkha chi hrang hrang hi țhutthleng leh dawhkan te, chhuatah thleng chuan a darh nuaih a,thawmhnaw a inbang hnawk hle bawk a, umruak engemaw zat hi dawhkan pakhat ah chuan a intlar bawk a, boruakah chuan zu rim a nam rum rum mai a.Megan chu a ding chawt mai a. Remy chuan thaw hak chungin a rawn kalpel a, "A pawi hle mai," tiin lehkha darh nuaih chu a khawm rawk rawk mai a, choka lamah a keng a, "Tumah ka lo beisei lova," a ti hul hak mai a.Megan chuan alo en reng mai a, a awmdan chu mak a ti hle bawk a, Remy chu a inziat fai lova,a hmai a thawpin a meng thim raih mai a."Vawiin chu in lamah hna ka thawk a," tiin Megan i ip khai chu a han en a, "Eitur i duh em?" alo ti ta thuai a."Duh rih love, i buai hle anih dawn hi," tiin a hawi kual ruai mai a."Ka hnathawh dan rawn endik tura lo kal inih ka ring lo. Sylvie in a rawn tir che em ni?" alo ti bung vat mai a."Sylvie â?""Ka office a i kal hmasak ka rin vang ania. Awle, ka hrilh ang che, kanu in nimina min hrilh hma kha chuan a rawn be pawp che tih ka hre hauh lo ania," tiin alo thaw huai mai a.Megan chuan a thusawi awmzia a hriat chuan alo meng zau kawk kawk a, "Hotela ka chanvo chungchanga helaia lokal hi ka nih i ring a, awle, chutiang te chu phone ațang pawhin ka rawn ti thei reng alawm," alo ti ve hmak mai a.Remy chu a han ding ngil a, "Chuti chu engti turin nge hetah i lo kal a?" I lo thleng chauh em ni?" tiin Megan i zin ip chu a melh ta reng mai a."Thlawhna a chhuak tlai a, ka rawn tlang nghal a ni," tiin a jean kekawr hakah chuan a kut thlan chu a tat nawk nawk a."Min rawn hmu turin i lo kal amaw? Engatinge?" Awih loh hmel fe hian a lo ti he haw a."Biak che i harsa hle mai maw?" alo ti ta sap a."Engatinge?""Awle....kan inkar thil engemaw kha tihfel ka duh deuhva," tiin beidawn hmel zet hian alo en a."Eng ber maw?""Awle, a hmasa berin ipu ro min hnutchhiah chungchangah khan engmah hriat ka neilo tih hria la ka duh a," a han ti a."Ka hria alawm,""I hria amaw?" tiin Megan chuan alo en he haw mai a."Hria e. Ka hriatloh i ring em ni?" tiin alo thaw ham ham mai a."Chuti si engatinge......?"Engvanga rawn be pawp lo nge anih si? Mahse a zawt thei lovang. Anita kha alo buaipui lutuk na lamah Remy lam a lo ngaihtuah lo a lo ni."Engmaw? Han sawi zawm teh. Kanu hnenah thiamlohna i neilo tih ka lo hrilh anga maw? Ka tilo emaw i ti em ni?" tiin a lo en hra mai a."Inu chuan a awih lo amaw? A pawi ka ti ngawt mai, mahse tihtheih ka la nei ang chu," tiin a kut chu all tuai nauh nauh a."Putar thilpek che chu ilo hnar anga tiraw? Kapu duhdan anih i ring chiah em?" Alo ti thum ta chhar mai a, zu rim a nam huam lehnghal a."Mahse inu in ti tura min duh dan ngeia ka tih a țhat zawk ka ring alawm," Megan chuan alo ti ve ngal ngal a."Chu chu ka sawi tum anilo,""Anih ka lo ring ringawt a,mahse ka bum lo che tih ilo hria chu ka lawm reng reng e. Bakah, in chhungkaw sum chu midang kuta a awm ve a rem lo ani, Remy," tiin a che ta sek a.Putara khan kan chhungkaw zingah a pawm tlat che a ni. Helai hmuna ilo kal fo nachhan tur hi a ngaihtuah a, inpawh taka awm reng turin min duh a ni," alo ti a.Remy nen chuan an indin hnaih hle nangin an intawk hauh lova."Kan pahnih hian maw? Nge kei leh inu zawk?" Megan chuan alo ti leh hram a."Kan pahnih hian, ni e, Megan, nang leh kei hi ani a tih chu," tiin ala rawn hnaih sauhva.Megan chu alo pai khawt khawt mai a, Remy chuan alo vuan thuai a, mahse kuah emaw pawh a tum hauh lova,tawk turin a inring zo lo ni mai hian a lang a.Megan chuan a awmah a lo nem a,nem chu a nem sawn phal hauh lova, a kut chu a nghat a ni ber mai. "Hotela ka chanvo chu ka tihral i duh lo zawk tihna em ni?" a han tih tak sapah chuan Remy chuan alo kuah bet ta chial a."Ka duh chu maw....." tiin Megan nghawng karah chuan a han thaw ham ham a,a khur dar dar hial bawk a....Min tih hrehawm hi ti tawp la ka duh ani. Oh, he thil hi sawi ka duh lo, mahse mipa hian tawrh theihloh chin hi kan nei ve asin," a ti ham ham a.Megan chuan a hmel pawr zet chu a han en a, "Ka lo ti hrehawm che amaw?" tiin a kut hmawr chuan Remy a hmul ziah fai loh chu alo chul dan dan a, "Oh, Remy, tih hrehawm che hi ka duh lo asin. Heta ka lo kal nachhan pawh hi min lo la duh takin tia lo kal ka ni alawm," alo ti sa sa mai a."Nilo," Remy chuan alo ti hrawih mai a."Min duh tawh lo em ni Remy?" a hlauthawng lutuk chu a thin a lo phi zawih zawih mai a."Duh e," tia rum hawk chungin alo kuah hnaih leh sauhva, "Mahse, Megan, Mangțha pawh min mangțha lo khan i kal ta daih si a," a ti tham țuak a."Oh....." Megan chu a thaw ta huai mai a, a kuah let ve nghal chial a, "Ka....min hmuh duh tawh loh ka ring alawm. Inu kha a țawng na hle mai si a, kalbo thuai thuai kha ka duh ber a," alo ti leh sap sap a."Mahse min rawn biak pawp pawh i tum hauh silova," Remy chuan alo ti leh ngal ngal a."Hei, heta hi ka lo kal alawm. Nang pawhin i tum bik hleinem," tiin alo melh ralh ralh mai a."Ka tum alawm Megan. Ka tum asin, mahse inah in awm ngailo aniang," alo ti ta halh a."Oh, Simon nena kan inluah kha kan chhuahsan tawh alawm. A ruakin kan dah a," a ti chhuak ta hluai a."In ințhen em ni?""Ni e, kan ințhen a ni mi ang chu,""Keimah vangin maw?""Ni love," tiin Remy mitmeng thim khap khap chu alo en reng a, "Simon chuan tlangval fel deuh a tawng a, Keith ania, țhian kan ni ka tih kha," alo ti nem diai a."Tuai ani tih min hrilh lo alawm. Oh, Lalpa leh, in mudun țhin emaw tiin hrehawm ka lo tuar tlawk tlawk a," Remy chuan a ti sar sar a."Kan mudun ngai reng reng lo. Mahse maw, nang hi chuan min han sawm chhin leh la chuan ka lo hnar phallo mai thei....."tiin alo sen ap ap a."Hetiang chung hian maw?" tiin Remy chuan a landan pawr zet chu a han inkawk a, a insum zolo tih hriat zet hian a fawp ta vawng vawng a. "Min thlem eih suh aw. Lo hnial tur che in chakna ka nei tlem hle ania," a ti thawp sat mai a.Megan chu alo khur dar dar a, "Min hnar turin ka duh lo che asin, I landan kha ka ngaipawimawh bawk love," tiin a nghawngah a lo kuah chial a."Kei hian ka ngaipawimawh alawm," tiin kut khur dar dar hian a han nem sawn a, "Inbualfaina hun reilote min pe la, mihring pangngai ka ang ve leh deuhin ka inring," tiin a nui ta var var a.************Remy chuan a hmul ziah loh te chu a met fai zung zung a, sahbon phuana innuai chungin tui a inphuh tir sang sang a. Bualin kawngka chu a rawn inhawng a, Megan lo pen lut chu makti zet hian alo en ta reng mai a, Megan chu a rawn nui lut tat tat bawk a."Inbual ka mamawh ve tho alawm. Rei tak ka rawn thlawk ania. Bualin țawm ve che i phal em? I duh leh i hnung kha ka lo nuai fai anga," a rawn ti a."Ka duh te chu i hre reng alawm," tiin a mipatna lo nung țual țual chu thup a tum hauh lova. "Oh, Megan engthilnge i tih le? Oh, enge pawi awm? alo ti nawk nawk a.Megan chu alo kuah ta chawt a,a taksa a sahbon phuan chu tui chuan a tleuh fai duak duak a, Megan ka chhung hnawng chap leh lum hama alei a nawr luh chuan ani chuan alo nek hnai țalh țalh a. Megan i anga hmeichhe nihna hmang thiam an awm a ring lo hial ani. A thil khauh furin Mega i dul nem a tawk run mai chu thil tawrh nuam leh hrehawm tak si ni hian hre hial a."Megan...Megan, ka insum thei dawn lo tlat," a ti ro halh mai a."Kei pawh le," tiin alo hnaih zual sauh sauhva, Remy kutin a hnute a rawn hup takah chuan a lo thaw ri hak mai a."He thil hi a atthlak hle ani," ti chung zelin Megan bawp chu a rawn kauva, a mawng tam bawrah chawi kangin a insiam rem ta sauh sauh mai a."Thil atthlak tak, nuam tak si ani," tiin a taksa nal zet chuan alo nek nalh nalh a, "Ka hmangaih che asin," a tih sa sa chu chiang taka a thil hriat theih awmchhun a ni ta rih a.********Megan i chu Remy sirah mu in an inkherh chial mai a. Bualin chhunga țang zeta an chet hnuah khum lam an pan a,chutah chuan muangchang deuh zawkin a bul ațangin an țan țha leh ta anih kha."Eng hun nge ni tawh?" tiin Remy chu a han hnaih leh țalh țalh a."Darkua a pel tawh anih hi. Engatinge? I ril a țam em ni?" Remy chuan alo ti thuai a."Nangmah duha a țam bak chu țam love. Remy, ka lo kir leh a,ka lawm hle mai," tiin a khan chial a."Kei deuh hi asin lawm. Ka rilru ang ipu nia hriatna ka nei țan ta e," alo ti thawp sat a."Eng rilru nge i put a. Min hrilh ta che,""Sawi ngai lovin chetzia in ka tilang lovem ni? Ka hmangaih che a ni, Megan. Kanu pawh ka hrilh tawh alawm. Ka hmuh hmasak ber ni ațang che khan ka hmangaih che a ni," alo ti a."I nu i hrilh maw?""Kan mutdun thu pawh ka hrilh alawm.""I hrilh lovang.""Ka hrilh ngei ani. Kapu boral zan khan min rawn phone niin a insawi a, rawn ti tak tak ni sela ka hriat ngei tur thu ka hrilh mawle. Mahse ka lo chhan dawn leh dawn loh phei chu ka inhre lova," tiin alo nui hak a.Remy hnenah chuan ani pawhin a nu dawt sawi chu a hriat thu a hrilh ve ta nge nge a,reife an titi hnu chuan an lungawi dun ta hle a, an in en a, an in nuih var var reng a."Remy, ka chanpual ve kha i nei thei ang," tiin a fawp ta vang vang a."Nanga chanpual kha ka duh love. Putar an nei tura a duh che chuan i nei mai tur a ni, chhan dang vanga tihral i duh anih loh chuan," Remy chuan alo ti thum chhar chhar a."Pawi i ti lova maw?""Pawi ka tih ring ngai suh ang che.""I nu khan.....""Kanu chuan sawi tur a nei leh țeuh tho ang. Megan, i chanpual tura dah chu nei mai rawh, ka malsawmna nen, ka hmangaih che alawm,"Remy chuan alo ti leh hmiah a."Mahse inu.....""Ka nu chuan ka nupuiin hotela chanvo chhete a neih ve chu alo hnial thei hauh lovang. Min hmangaih nia i insawina hian inneihna thleng a huam tel anih chuan," thutak zet hian alo ti a."Chu, inneih puiah min sawm tihna em ni?" tiin alo en ran mai a."A ang khawp mai.""Chuti anih leh hotela ka chanvo ve chu ka pawm mai ange, ka thil rawn chhawm ve angah ilo ngai anga," tiin a nui har har a."Chuti chu ka sawmna che chu i pawm tihna ani maw?" tiin a inbeng kang uaih mai a."A ang khawp mai. Hotel han enkawl vel chu a phur awm hle dawn anih chu," tiin alo nui leh hawk hawk a.Remy hlim nui thawm leh lukham hniam sata a rawn delh behna chuan a lungawi zia a tilang chiang hle bawk a.************Thlakua alo ral chuan Anita tu pakhatna tur chu a piang ta a.Thla kua a hmanral chhunga a buai ber ala ni hialin Megan chuan a inring a. Remy nen chuan Honeymoon hmangin an zin dun a,chutah England ah a sumdawnna Simona te hnena hralh fel turin an kal kha, nau a pai ani tih an hriat phei chuan an hlim dun ttak zet zet ani.Anita pawh chuan a fapa chu a hloh hlen thei mai ani tih a inhriat avangin Megan i chu rem a tum ve hram hram a. A chang phei chuan Megan chuan a tuar lo lek lek țhin hial ani. Mahse Megan in nau a pai takah chuan Anita chu a danglam ve ta hle a, țhat a chuh ve ta hle bawk a. Bakah monu atan chuan Megan anga tling zo tur an awm dawn chuang lova hriatna a nei ve ta tlat bawk a. Naute alo pian phei chuan a hlim ber leh lungawi ber ani ta hial reng a ni.Ryan an Remy fapa a hmu hman lo chu Megani pawi tih ber ani ta a,Anita lah chuan a rilru hria niawm fahranin a lo sawilang sek bawk a.Robards chhungkua nena inzawmna kumhlun neih chu nu leh Ryan Robards a duhdan alo ni ngei aniang, an țawngțaina chhanna chu a lang zel nia ngaiin an lungawi tlang hle a. Mahse Megan chuan a pa thlarau chunga ngaihdam dil chungin a hmangaih ber Jeremy Robards ațang chu belh a thlang ta zawk si a. Apa pawhin a ngaihdam ngei a ring bawk a ni.THE END.