Hk Renthlei

MY VALENTINE'SHK RenthleiEps - 1Ka school bang haw chu ke a kal ka châk deuh avangin țhiante, motora an chuan sap sap lai chuan keimahin kawngah ka kal ngauh ngauh a.Chutia ka kal mek lai chuan ka hnunglam ațang hian hmeichhe pakhat tuemaw hian min lo bia a."Hlutei kha i ni tiraw?" Min betu hmel chu ka en vat a, ka hmelhriat erawh a ni hauh lo nain, ani erawh chuan min hriat hmel em em thung. A hmelțha hle lehnghal a. Kei aiin a sang lo deuh hlek. A thawmhnaw hak ațang chuan khawsa thei tak ani tih a lang bawk."Aw ni e, mahse, ka van hre mai lo che ve," ka tih chuan a nui sak ringawt."Min hre tawh lova maw? Mahni țhiannu ber pawh han hriat tawh loh chuh." A la nui sang zui. Keilah chuan ka la hre chhuak thei chuang lo."Han insawi mai teh, mi hi ka hre thei lo lutuk a," ka ti ta tawp a."Rinpuii, school kan kal ho țhin kha. Mak thei țhin e...!"Awi, a ni maw? A rei tawhin i hmel a dang lutuk a, ka hre tawh lo che alawm, khawiah nge i thawh tak a? Kan in chibai țha leh hnuhnawh."Min hre duh tawh lo anih ka lo ring a, ka thinrim hman țep asin. Ha..ha..! Umm, Treasury office ah ka thawk a, nang zawk?""Kei chu High school ah zirtirtuin ka thawk a," ka ti ve mai."Aizawlah ami in la awm reng a?" Ka ti leh nghal zat a."Aw ni e, mahse Lunglei lama min rawn sawn tak avangin niminah ka lo phei a, vawiinah hna ka zawm nghal anih hi." Nui var var pahin a ti a."In i luah nge, khawiah nge i innghah reng reng a?" Ka ti leh a."In luah chu ka tum a, mahse luah mai tur hi a vang reuh lutuk a, tunah chuan ka nutei te inah ka innghat rih," a ti țha ve mai."Chuti chu kan inah vawikhat tal chaw ei i ba tihna anih chu," ka tih leh chuan a nui var var."Tehreng mai, ka lo ei ngei ngei ang. Kha ka ti khawtlai ta vek si che a, i phone number min pe la, ka lo call dawn che nia," tih pah chuan phone number chu kan in pe nghal mawlh mawlh."Anih, ka tlai tawh si a, ka kal phawt ange, remchangah kan inah chuan chaw ei pahin, i lo riak nghal bawk anga," ka ti leh a."Awle, kan la inhmu zel dawn alawm, inkawmna hun tam zawk kan la nei ang chu mawle," a tih hnu chuan ka kalsan ta nghal.In ka thlen chuan a lo tlai tawh hle mai a."I va rawn tlai ve a, thil țha lo a awm em ni?" Ka nu chuan min ngaihtuah hmel zet hian a lo ti vat a."Ka țhiannu nen kan inhmu alawm mawle, school ka kalpui țhin ania, hna avangin hetah Lungleiah an rawn sawn a," tia chhang pah chuan ka roomah inthlak turin ka kal nghal a."Han inthlak zo la, chaw kan ei nghal mai dawn nia," ka nu chuan min la au zui hram.Ka inthlak zawh hnu chuan chaw ei turin ka room ațang chuan ka chhuak lehnghal a. Mut dawnah ka inbual tawh mai aniang chu.Chaw ei dawhkan kan kil țhap a, kan ei hma in kan naupang ber chuan țawngțaina hmangin chaw kan ei ta nghal a.Chaw kan ei chu vawiina kan hun hman dan țheuh kan sawi a, ka naute pahnih pawh an la naupang deuh bawk nen, an chetchhiatna an han sawi dun chu chaw ei lai e ti lo chuan kan nui nasa ngei mai.Zanriah eikham chuan kan chhungin T.v kan en a, kan chhungkua hi inkawmngeih tak kan nih avang hian chhungkaw dang ka awt lem lo khawp mai.Ka hming chu 'Rohluzuali' a ni a, 'Hlute' tiin min ko mai țhin. Kan chhungkua hi panga kan ni a, unau pathum niin, a upa ber ka ni a, ka nau te hi mipa ve ve an nih avang in ka nu hi a buai thei em em. Keilah school kal a lo ngai ve țhin bawk nen, ka pa lah a hna a pension tawh a, kei chiah hi eizawngtu ka ni tawh mai. A theih hram chuan ka nu leh pa hi chhâwk theih ka duh a ni. Kan unau tana an lo thawhrim tawhna ka ngaihtuahin an hah ka phal tawh lo bawk a, a zawng a za chuan a thawk tawh lova, phal lo eng ang mahila, hnathawk lova awm hi a thiam thlawt bawk silova, a remchang ang apiang chu ka nu hian thawh ala tum hram țhin.Ka naute pahnih hi an thâ duh angin ala chhawr theih lova, school an la kal tlat bawk si a, ka naute nen hian kan kum a inthlau hle a, ka nu leh pa hian keimah chauh min nei dawn emaw an tih tawh hnuah ka naute pahnih hi an nei leh hnuhnawh an ni a, ka chhangchiah nen phei chuan kum ruk laiin kan inthlau nghe nghe.Tunah hian kei phei chu kum sawmthum pali niin, nula senior tia koh theih hial ka ni tawh. Chuti anih chuan ka chhang chiah chu kum sawmhnih pariat a ni ve tawh tihna a nih chu.Țhenkhat, pasal nei tawh tura min ti tawk an lo awm leh țhin. Mahse pasal neih lam hi ka rilruah a lang tawh lo. Vawikhat ka tisual tawh a, tihsual nawn leh ka hlau a ni. Mipa hrim hrim hi ka ring lo pawh a ni lo, mahse bum nawn in ka awm leh ang tih mawlh ka hlauh avangin ka ngaihsak chhunzawm duh tawh lo.A rûk tak chuan ka nu pawh hian min manganpui tih ka hria. Mahse ka bulah engmah a sawi ngai lo. Pawi ka ti lem lo bawk.Min duhtu chu an awm ve țhin ngei alawm, mahse ka duh zawng an nih loh mai bakah țhian atan bak chuan mipa hi ka mamawh lem tawh rih lo a ni e.T.v kan en zawhah in mangțha liam liam chungin mu turin kan room țheuh kan pan ta nghal a.Ka room ka luh a, ka phone lo eng zeuh zeuh ka hmuh chuan ka en vat a, mahse ka lak hmain, alo tawp leh hman chiah. Tunge tih ka en chuan Rinpuii alo ni a, ka call let nghal vat.Phone alo lak veleh chuan, "Ka roomah ka phone ka dah a, mu turin ka room ka lut chiah alawm mawle, eng thil nge ni ta a?" ka ti nghal sawt sawt."A, eng ni love, engtikahnge kan inhmuh leh theih ang tih ka lo ngaihtuah a, i hman theih hun min hrilh la...""Nia tiraw, tunlai chu exam a hnaih deuh tawh avang hian school hi kan ngawrh riau mai a, ka van hre mai love aw...! Inrinniah lo leng la a ni mai alawm, kan inte chu i hriatsa tho kha," ka ti ve nghal vat."Nia, a pawi lo ang, keini pawh kan buai thei khawp mai.""Rawn hruai kher i ngai em law'ng chu maw? Tlaiah chaw ei turin rawn kal la, i riak nghal bawk anga," ka ti leh a."Nia, pawi lovang. Office kal loh ni ania, a zia deuh alawm, anih ka dah ania, muttui le, Inrinni chuan kan inhmu dawn nia," Phone a dah hnu chuan ka nui sak. Kan school kal lai vel ka mitthlaah a rawn lang nghal uar uar.Flashback:School kal tur chuan ka insiam mawlh mawlh a, kum sawm pariat ka ni tawh a. Ka chhang chiah hian kum sawmpahnih na a hmang mek thung. Ka kum phu lohvin ka lian in ka sang a, ka rualpuiah chuan ka lian ber in ka sang ber. A chang chuan ka len a, ka san bik em avang hian ka zak thei țhin khawp mai.Class 12 ka zir mek a, kan exam a hnaih tawh em avangin school ka kal bak ka chhuak ngai lo. Len phei chu ka leng ngai lo hrim hrim. School-a țhian ka kawm bak pawnlamah ka kawm ngai lo tluk a ni. Inchhungah ka nu a indaih lo em em a, puih a ngaih țhin avangin len ai chuan ka nu puih ka thlang zawk.Rinpuii nen hian class khatah kan awm tlang a, school ah chuan ka kawm ber a ni. Ani tih lohvah chuan mipa kawmngeih deuh ka nei a, a hming chu Rinkima a ni. 'Akim' tiin kan ko mai țhin.Kan pathum chuan school compound chhung khawi kipah pawh kan inzui țhin. Akima te hi an hausa a, kan pathum eitur hi a rawn keng fova, Rinpuii nen chuan kan inthlahrung thei țhin khawp mai."Eitur i rawn keng ziah bik a, keinin leina kan nei ve țhin silova, a zahthlak thei em mai," Akima hnenah chuan ka ti a."Engvanginnge i zah a? Zahna chhan tur a awm hleinem, ka rawn keng a ni ve mai a. Ka eitur rawn ken hi i ei duh lo anih chuan...""Ka ei duh loh thu ka sawi hleinem, leina ka nei ve silova, a inthlahrunawm ka ti mai alawm," ka ti leh nghat."Nia, a inthlahrunawm alawm, Hlutei sawi kha a dik chiah, kan inthlahrun vang ania, nangni chu keini ang in ni ve lo alawm, huatah la suh aw...! Rinpuii chuan alo ti ve vat."Nangni pahnih hi engemaw in hriat a, Vawiin chu in zia a va dang ve mawle!" Akima tih ngaihna hre lo chuan a ti ta ringawt."Kan dinhmun a inthlau em alawm, kan tan a nuam lo. Eitur leina kan nei ve silova, nangin eitur min pe reng bik a, keinin pek ve tur che kan nei bawk silova, chuvang mai mai chu mawle," ka ti leh nghal a."Ni e, i eitur rawn ken kan ei duh loh vang a ni lova, kan lawm lutuk zawk, i zar kan zo thei hi. Mahse kan tan a inthlahrunawm zia hi min hriatpui la..." Rinpuii'n a rawn ti ve leh vat bawk."Huh! Nangni pahnih lah hi in la țangdun zui lehnghal. Anih chuan eitur ka lo keng tawh lovang a, naktuk ah in hawihil anga a ni mai alawm, a nih loh leh hna in neih hunah min la rul dawn nia," nui put put chung hian a ti leh a."Awle," tiin Rinpuii nen chuan kan chhang rang ngei mai.Kan exam a hnaih tawh em avangin lehkha zir kan ngawrh hle mai. Kan țhian thum pawh chuan class-ah bak pawnlamah kan inzui chhuak tawh rih lo. Exam zawh hunah ka tihțhat ve viau chuan zirtirtu hna ka dil ang ka ti ran a. Kum sawmpariat ka ni ve tawh a, ka hmu ve hlauh anih chuan kan chhungkaw dinhmun pawh a zia phah hle dawn a ni.Exam naa tihțhat loh ka hlauh em avangin ka nu pawhin kan exam lai chuan engmah ka tih a phal lova, keilah ka lehkha zir ringawt ka lo âtchilh thung. Mahse lehkha ka zirtheihna anih dawn phawt chuan ka nu chuan min awl hreh teuh lo mai.Kan examnaah pawh ka tițha thawkhat chuan ka hria. Mahse Board a nih avangin vanneih leh vanduai kar a ni bawk si a. Ka rilru a hrehawm tak zet a ni. Mahse ka chhan dan ka ngaihtuah let chuan ka fail em chu ka ring lo a ni.Result chhuah ni chuan ka nu puiin ka insu a, ka naute an la rintlak bawk siloh. Inchhung chet zawng zawng chu ka nu nen kan ti vek țhin. Mahse ka nu hian ka naute hi mipa an nih avang hian engmah tih loh a phal chuang lo. Inchhungah an phak ang tawk tih tur a hrilh a, an lo ti ve mai țhin. Nu tam tak fate tihtur ai pawh tihsak zelin an faten engmah an thiam loh phah țhin ang te hi ka nu duhloh zawng tak a ni.Chutia kan buai lai tak chuan pawnlam ațang hian, "A u, i pass ania aw," ka nau in a rawn ti lut nghal a. Ka awih thei lo. Ka lawm lutuk chu ka nu ka kuah nghal thuai mai.Chutia ka nu nena kan lo inkuah lai chuan kan V.c.p (Pu Rama)alo lut a, "Hlute, i pass țha khawp mai, hei i result i en duh em?" Tih pah chuan result lehkhabu hi a rawn keng a, kan han en chu 1st Div. ah ka lo pass reng mai. Ka lawm lutuk chu ka au lo chauh mawle. Pu Rama pawh chuan min lawmpui ngang mai.Ka pa lawm lutuk pawh chu a țap lo chauh a ni. Kan chhungkua chu hlimna avangin kan mittui a tla lo chauh hlawm."A lawmawm hle mai, i pass țha bawk a, kha pass lawm nan..." tiin Pu Rama chuan pawisa min pe a."Ka lawm lutuk e," tia pawisa lak pah chuan ka chhang let thuai."Hna i zawng nghal dawn em ni? I zawn nghal dawn chuan ka theih ang angin puih che ka tum dawn nia, min hrilh dawn nia aw, anih ka va haw phawt ange," tih pah chuan a chhuak ta nghal a.Zanriah ei hma chuan ka pa in, "Chhung inkhawm nei phawt ang u, Pathian hnenah lawmthu sawi kan ba nasa em mai," tiin țawngțaina hun a hmang nghal.High School zirtirtu hna a ruak tih ka hriat veleh ka dil nghal a, interview te ka neih zawh hnu chuan ka tlin leh tlin loh a tuklama ngaichang turin min thlah a.In ka thlen chuan ka helhhawlh nge ni ka eng tih tha mah a tho thei lo. Ka nu pawhin min nuih tawp ringawt.Zan ka mu te chu ka muhil thei lova, hetiang em em a rilru hrehawm hian ka la awm lo. Ka ngaihtuahnaah a lut ngut ngut a, ka tling ve hlauh a nih chuan tih leh ka tling lo a nih chuan tihah ka inkhâp buai reng mai.A tuk zingah chuan phak chuapin ka thova, zanah ka mutțhat vak loh avangin ka mit te chu a thip kher mai.Ka inphih fai sawk sawk a, ka nu ei rawngbawl pui turin choka ka pan nghal.Kawngka kik thawmah chuan ka nu nen kan in en vat. Keilah ka thin alo phu hmanhmawh. Kawngka ka va hawn chuan envelope hian lehkha ka dawng a, ka phelh sawk sawk a, a chhung ka en chuan ka tling tih min hrilhna a lo ni a, lawm vanga rak chulin ka nu chu ka kuah a, ka virpui lo chauh a ni."Nu, pa, ka tling a nih chu. Ka van lawm em!" Hlim takin ka ti a. Ka nu leh ka pa pawh chuan min lawmpui ve tih hriat tak hian an nui var var mai."Engtik ațanga thawk nghal tur in nge an tih che?" Ka nu chuan min zawt a.Ka han en chiang leh a, "Karleh ațanga zawm nghal mai turin min ti anih hi.""Pathian hnenah lawmthu sawi mawlh mawlh tur kan ni e, a lawmawm em mai," ka pa chuan alo ti ve chuar chuar a.Ka hna ka zawm ni chuan ka zam kher mai. Ka thlen chuan inhmelhriattirna te min neihpui vek a, an fel hlawm kher mai.Hetia ka hna ka thawh hnu lawk hian a ni, ngaihzawng ka nei ve tak ni! Mahse bumin ka awm ang tih ngaihna reng hre lovin kha mihring kha ka lo ring ve a. Ka hrechhuak hma hlauh chu ka vannei kher mai.Kha mihring khan ngaihzawng nei reng chungin min lo kawp a, a tirah chuan ka hrechhuak mai lo. Keimah chauh min duh anga a awm thiam em avangin rinhlelhna reng ka nei lo.Țumkhat bazara ka chhuakin hmeichhe pakhat raipuar nena an kal dun ka hmuh chuan makti zet hian ka en reng a, an pahnih chuan an induh hmel riauvin ka hria a, chîk zetin ka thlir reng a, min hmuh ve lo bawk a, ka tan pawh thlir a awlsam phah a ni.Chutia ka en reng lai chuan a hmeichhe dul chu khawihin a nui sak a, tuman an hmu lo emaw tih tur hian an khawsa a, an khawsak dan chu mak ka ti kher mai. Chutia ka en reng lai chuan a fawp ta zauh a, ka bing mum mumin ka hria.In ka thlen veleh ka room-ah lut nghalin, khumah ka bawk thlawp a. Ka mittui a luang nghal zawih zawih mai.Zana alo len chuan ka zawt ta nghal a, chutah chuan a nupui a ni tih a sawi ta nghe nghe. Ka thinrim lutuk chuan khua pawh ka hmu lo, "Min hawsan rawh, vawikhat pawh i hmel ka hmu duh tawh lo." Ka tih chuan a chhuak ta hna hna a. Kha kha ka hmuh tawpna leh a chanchin ka hriat tawpna a ni ta a ni.End of Flashback:Tunah chuan ka thawk rei ve tawh bawk a, nuam pawh ka ti tawh hle a ni. Rinpuii nena kan inhmuh lehna chuan ka naupan deuh lai hun leh ka nunhlui ngaihawm loh tak min hriatchhuahtir a ni ringawt alawm le.Ka hriatlohvin suangtuahna nen ka lo muhil daih chu niin:Zing ka harh chuan ka mutna chu niin alo chhun uar tawh a. Thawh ka hai chiang kher mai. Nidanga thawh ka hriat țhin tehlul nen.Vawiin chu School ah eng tak tawng ang imaw!Eps - 2School kal tur chuan ka insiam mawlh mawlh a, ka room chu ka chhuahsan a."Nu, Pa, ka kal nghal ania aw," tih pah chuan pawnah ka chhuak nghal."Awle, nuam deuhin hun i hmang dawn nia," ka nu chuan min rawn au zui hram.Ka thawhna school hi kea kal phâkna lek a ni bawk a, ke in ka kal mai zel, lirthei neih loh chu thuhran nise; ka thleng țep tih chuan car nalh zet mai hian min rawn tlan pel fua a, ka phu dawrh nghe nghe.School kawt ka thlen chuan min tlan pel fua tu car chu a lo ding reng tawh a. 'Tunge maw ni le?' tiin ka ngaihtuah nauh nauh.School office ka thlen chuan ka thawhpuite an lo thleng hlawm tawh a, ka tlai chhe viau lo chuan ka hria. Thawktu hi paruk kan awm a, kan indaih lo theiin keimah chiah hmeichhia ka la ni zui. Mipa rual zinga han awm chu a chang chuan nuam duh lo ve țhin khawp mai."Hlute, ilo thleng ve ta maw? Principal thar kan nei dawn ani awm e...!" Ka thawhpuite zinga mi pu Zuala chuan a lo ti vat a."Ani maw? A lo kal tawh ami a?" Zawi sapin ka ti a."Aw, Principal room-ah a awm mek." Pu Zuala chuan a ti leh a.Chutia kan lo inbiak mawlh mawlh lai chuan Principal leh mipa pakhat hi an rawn inzui chhuak a, principal bula ding ka hmu chiah chu mak tih vangin ka meng kâwk mai. Ani pawhin min rawn en ve chiah a, mak ti takin kan in melh dun reng ringawt."Nang maw?" Ka ti vak ringawt. Rinkima hmel ka hmuh chuan mak ka tiin a ngaihna ka hre lo kher mai. Principal leh ka thawhpui dangte chuan maktih hmel zet hian min en ho mai."Nangni pahnih chu in lo inhre tawh a ni maw?" Principal in a tih chuan ka lo bu nghat a."Anih chuan nangni pahnih chu inhmelhriattir in ngai lo anih chu. Midang hi kan hmelhriattir ange," tih pahin a inhmelhriattir ta hlawm a. Keipawh chuan a mawiah ka chibai ve tho mai."Engemaw avangin ka chhuah a ngai thut a, ka aiawhtu tur a nih hi. Ka hrilh lawk loh che u avangin min hrethiam dawn nia. Vawiin chu inhmelhriattirna ni a ni bawk a, naktuk ațanga rawn țan nghal mai tur a ni. Vawiinah school kalphung vel leh Naupang ho hmelhriattirna kan nei nghal anga, kan school dinhmunte a hriat nghal duh takin." Principal chuan a ti a."I van ngaihawm dawn ve!" Ka lo ti thuai a, a nui ve suk mai."Keipawhin ka ngai ngawt ang che u, thawhpui in nuam bawk si," Principal chuan a ti ve nuah nuah mai.Akima kan school principal tur a ni chu rin harsa ka tiin, ka hmuh leh avang erawh chuan ka lawm hle bawk. Mahse kan principal tur a ni tawh si a, a hma ang kha chuan kan inpawh theih ka ring lo a ni."Țha takin kan thawk tlâng hlawm dawn nia, school vel hi kan han thlithlai phawt ange," Akima chuan tih pahin principal nen chuan an chhuak dun ta nghal a."Kan principal thar tur chu a hmelțha hle mai. Kan nula neih chhun tan hian kan hauh dawn em ni? Hlute, țan la hle rawh aw..." Tiin min fiam nghal sap sap hlawm."In ho em mai a, nupui a nei tawh ang chu mawle!" Ka ti ve nghal vat."Tlangval ala ni tih an sawi ka hre tlat. Bakah a melh dan che kha kan hrethiam ve ania aw...!" Nui put put chung hian pu Hminga chuan a ti leh a.Ka thawhpuite hi nupui nei deuh vek an ni hlawm a, kei hmeichhe awmchhun leh nula awmchhun hi fiam nuam min tiin, ka lo senior ve tawh bawk nen, pasal nei tur hian min duh ve tawh hle tih tilang lem lo mahse an awmdan leh an țawngkam ațang hian ka hrethiam ve tho."Pasal ka neih chuan in bulah ka thawk thei tawh dawn lo asin, in kianga thawh nuam ka la tih chhung chuan pasal ka la nei dawn teuh lo mai," ka tih chuan an nui dar dar a.Chutia kan lo nuih dar dar lai chuan Akima leh principal chu an rawn lut ta a, kan ngawi nghal țhap."Tinge in nuih tawp daih a, kan hre ve chak ania," Principal chuan a rawn ti lut a."Hlutei hi kan lo fiam alawm mawle," pu Hminga chuan nui suk suk chung hian a han ti a. Ka lei ka lo chhuah khum zauh ringawt."Vawiin chu ka haw phawt ange, naktuk lamah kan inhmu leh țheuh dawn nia," midang hnena a tih zawh chuan ka lam a lo hawi a, "Min lo zui lawk thei em?" Tih pah chuan pawnlam a pan nghal a."Kha maw, zui nghal vat rawh. Tlangval ala ni tih kha hre reng la," Pu Hminga'n a tih chuan an lo nui leh dar dar a. Ka lei chhuah khum zauh pah chuan kawngkhar lam chu ka pan ve nghal vat.Car bula min lo nghak rengtu lam chu pan nghalin, min hmuh veleh chuan a lo nui var var mai."Mak ka ti hle mai. Hetah i thawk ve ang tih rinngaihna ka lo hre miah lova, ka hmu leh thei che chu ka lawm khawp mai," Akima chuan a ti a."Keipawh ka hmu che chu mak ka ti ve tho alawm. Kan principal ila ni dawn zui. Mahse ka pu en dawn miah lo che ania," ka ti nghal tawng ringawt."Chi nang mawle, min zah viau a ngai ang aw...!" A nui var var a. A lo lang upa ve ta in, A hmel pawh a țha tawh zawk bawk."Nupui ila nei lo ami a?" Ka ti leh a."Nei nang, nupui neih tur pawh kan hmu zo lo a nih hi,""Awihawm loh em mai a, i neih daih tawh ka ring asin," ka ti leh vat."Nang pawhin i nei bik chuang ami?""Nei bik nang," ka ti țha ve mai bawk."Zaninah ka lo leng dawn ania, i phal em?" A ti leh a."Phal lo ta ila, ilo leng tho ang em?" Tia ka chhan chuan, "Leng tho vang." A ti țha ve mai bawk. Ka lo nui sang mai."Tak taka, ilo leng dawn nia, anih ka lut phawt ange aw," ka tih chuan a lu a bu nghut a, car chhungah chuan a lut a, a ban rawn vaiin a tlan chhuak ta nghal a. A liam thlengin ka thlir zui ta vang vang a.Office chhung ka luh chuan min lo fiam nghal nak nak a. An nui țha hlawm lehnghal. Tihngaihna hre lo zet hian ka țhutnaah ka țhu ve nghal a."In class lak turah kal mai mai teh u, kei chu first ka awl ania," ka tih chuan class la tur chuan an tho ta sap sap a.Midangin Class an lak chhung zawngin a dawt leh class ka lak tur subject ka in en lawk a, ka zawh hnu chuan tihtur dang awm tawh rih hek lo le; whatsapp ah ka lut mai mai a, inbox kan en chu number ka hriat ngai miah loh ațang hian a lo ni a, a dp kan en chu Akima lek lo niin. Engtinnge ka number alo neih hman ka hre hauh lo. Min dil miah bawk silo; Principal nen an chhuah dun khan a lo dil a nih ka ring ta ber.Ka chhang nghal vat a. "Engtinnge ka number i neih a?""Kei te chu ka țuan a țha em! Kha ti kha a ni mai. I che ve hman mang lovang," tiin nui hmel a rawn dah a. Ka nui ve sak tho.Reilote kan inkawm emaw ka tih chhungin dar a lo ri a, țhiante an rawn lut sap sap a. "Class ka lak a hun tlat, ka dah phawt ania," tia phone off-in Class la tur chuan ka kal ve ta nghal a.Class room ka luh chuan naupang ho hnenah chuan an exam a hnaih tawh avangin lehkha zir taima turin ka hrilh mawlh mawlh a. Ka vannei khawp mai, ka class lak lai hian naupang ho hi an awm țha theiin an fel thei em em a, midangin an inhlei theih thu an sawi fo țhin hian kei chu sawi tur ka hre ve ngai lo. Țhiante ho pawhin mak an tih thu an sawi sap sap țhin. "Engtinnge i tih bik țhin le?" Tiin min zawt hial reng a."Ani te chu nula a nia, a hmel a țha bawk si a, nula an lawm ve tawh anih hi," tiin min fiam phah fo."In ti awm ang lo thei em mai a," tih bakin chhan ngaihna ka hre țhin lo. Zah vanga ka sen awp awp zel hi hmuh nuam min tih vang hian min fiam an țhulh phah duh der lo.Ban a hun ta der mai, ka thaw huai a, naupang zinga theihpatawpa țawng reng chu a hahthlakin, Ka aw pawh a chau vek thei. Mahse naupang zinga awm hi nuam ka tiin, zirtirtu ka lo ni hi ka inchhir chuang lo.In lam pan chuan ke bawkin ka kal leh a, kan in leh kan school hi a inhlat vak lo ka tih tawh kha. Minute sawmpanga kal lek a ni a, in ka thlen chuan ka pa chiah a lo awm."Pa, khawiahnge ka nu?" Ka luh rual rualin ka zawt a."Țhenawmnu damlo a kan lawk anih kha, alo haw leh thuai ang," ka pa chuan a ti mai a."Chuti chu ka han inthlak anga, rawng kan bawl ange, Mama te an lo la bang ve nange a?""Bang tawh e, inkhel turin an chhuak leh nghal anih kha, ni e, han inthlak la, rawngbawl chu nangman ti mai rawh, i chau viau ang tih chu ka hria a, i nu lo haw chin tur a hriat tlat silova," a tih chuan chhang tawh lovin ka room ah chuan inthlak turin ka lut nghal a.Ka inthlak zawh hnuah rawngbawl turin ka chhuak leh nghal a. Dawhkanah chuan chawhmeh siamtur ka nu'n a lo chhawpchhuak sa diam bawk a, chaw chhum vil pahin chawhmeh dang siam tur awmsa ka buatsaih nghal mawlh mawlh a.Ka peih țep tawh tih chuan ka nu alo haw ve nghal a, rawn luh pahin, "I lo haw tawh ani maw? Duh aiin ka rei ta alawm mawle, țhenawm nu chu alo na reuh riauva, rawn hawsan leh vat kha ka hreh deuh si a, mahse ilo haw tawh hlauh zawk a, a tihzia hle mai. I peih tawh em ni?" a rawn ti lut nghal bawrh bawrh a."Aw, ka peih țep e, hei hi ilo vil hman lawk em? Chaw ei hma in kan intifai lawk ange," ka ti a."Han intifai rawh, i chauh awm tehlul nen," ka nu hi chu min ngaihtuah țhin teh e.Ka thawmhnaw ka la a, bathroom ka pan nghal a, kan in hi a len vak loh avangin bathroom hi kan ințawm a la ngai a, in kan sak theih hun ka nghakhlel khawp mai. Engtikah emaw chuan kan la sa ve thei mahna le!Ka inbual zawh hnu chuan ka naute pawh an lo haw ve ta a, an han inbual leh hnu chuan chaw kan ei ta a.Kan tih țhin dan angin zanriah ei hma in chhungkaw țawngțaina kan nei ziah a, chumi hnu ah chaw kan ei chauh țhin. Chhungkaw inngeih tih takah kan inhau khâtin, a țhenin fiamthu an thawh a, kan nui dar dar țhin. Țhenawmte pawh hian kan chhungkua min hrechiang bawk a, kan ina lo len luh hi nuam an ti thei hle a ni.Zanriah kan eikham a, ka tihfel hnu chuan sitting room ah reilote kan țhu leh țhap a, chumi hnu ah ka naute pahnih chu lehkha zir turin an room an pan dun ta nghal a.Ka room ka pan dawn lai tak chuan kawngkhar kik ri ka hria a, ka va hawn chuan Akima leh Rinpuii pawna lo ding reng chu ka hmu a, hemi te pahnih hi engtiklaiin nge an lo inhmuh leh hman tawh ni?"Lo lut rawh u," tiin kawng ka kian a. An lo lut ve nghal vat.Sitting room-a ka nu leh pa țhu chu ka hmelhriattir nghal a. "Nu, pa, hei hi ka school kal laia ka țhiante an nih hi," ka tih chuan an in chibai nghal vat hlawm."In van fel ve a, kan inah te in rawn len a!" Ka pa in a ti a."Nia, kan fel vang alawm, kan lo len ni," nui țha chung hian Akima chuan a lo ti ve vat a. Ka pa nuih a za kher mai."Kan mutsan ang che u, tikhan lo inkawm rawh u," tih pah in a tho țuih țuih a. Ka nu nen inzuiin an room ah an lut ta a."Engtinnge nangni pahnih hi in lo inhmuh leh hman bik a?" Ka tih chuan, "Kei chu ka țuan a țha, ka tih mawlh mawlh kha," Akima zawk chuan nui țha chung hian a ti a."Ni e, i ti dik, a hma ang reng tho kha ila nih dawn hi," Rinpuii en in kan nuih vak vak a."Min nuih zat suh u aw, School ah i chak lo viau ang mawle," Akima bawk chuan a ti leh a.Maktih hmel zetin Rinpuii chuan min en tawn a. "Enge in sawi awmzia hi, min hrilh ve r'u aw...!""Ka thawhna school principal thar anih hi. Vawiinah keipawhin ka hre chiah alawm, ka hmu chu mak ka ti teh asin aw..." ka lo ti vat."A van lawmawm ve le...! Tun hma ang khan kan inhmu khawm leh fo thei dawn a," Rinpuii'n a tih chuan Akima nen a thusawi kan pawm dun kher mai."Ni e, Valentine's Day hi ka birthday ania, hmanpui tur kan hmu zo ve mang hlawm silova, kan pathum bakah țhian dang ka lo sawm anga, kan lawm dawn nia," Akima'n a tih leh chuan Rinpuii nen kan lo nui leh vak vak. Luck lo ho awmkhawm!"Thingpui kan lum ange aw..." tih pahin choka ka pan nghal a.Tray-a thingpui kengin sitting room chu ka pan leh nghal a, thingpui in pah chuan Akima birthday lawm dan tur vel sawiin kan ti ti siam siam a."I thawhna tur chu bialnu neih a va har duh dawn ve aw!" Rinpuii'n Akima hnenah chuan a ti a. Min lo melh pah zauh."Nia, har dawn khawp mai. A awmchhun lah nula senior lutuk tawh a ni bawk si," tih pahin a nui hak hak.Ka lo melh nghek thung."Hlutei tan pawh hmuh a har ve tho alawm, nupui nei lai vek an ni bawk si a, in pahnihin nula leh tlangval awmchhun in ni a, in inkawp hmiah anga a ni mai alawm," nui put put chung hian Rinpuii chuan a ti leh a."Kan chang teuh lo mai. Khawilaiah emaw a hung țha viau tawh ang chu mawle!" Ka lo ti ve vat."Teuh lo mai. Chutiang ang te chu awm se, ka nei daih tawh ang chu..." Akima'n a tih leh chuan kan lo nui leh nghek."In nui ring thei si, a zahthlak em mai. Zan a rei tawh tehreng nen nula senior ni awm reng pawh in lo nih hi," Akima bawk chuan a ti leh a."Kan nuih rin vanga senior pawh kan nih loh hi," Rinpuii'n alo ti vat."Ni chiah," ka lo tuihnih ve vat bawk."Hui ha! In hahthlak dun em mai a, haw tawh mai ang, naktuk class țan hun a ni tawh si a, kan la inhmu leh fo dawn nia," tih pahin a tho vut. Rinpuii nen chuan kan in melh zauh a."Nia, zan a rei tawh si, kan haw phawt ange, nidangah kan la inkawm leh dawn nia," tiin Rinpuii chuan Akima a zui ve nghal a."In ti tak tak elo, a fiamthu mai mai emaw ka tia, a nih chuan pawn thleng ka lo thlah ang che u," tih pahin pawn thleng ka zui chhuak a, kan in mangțha hnu ah an tlan zui ta nghal a. Keipawh chu ka lut ve nghal bawk.Ka room ka luh hnu chuan keimahin ka la nui sak sak a. Min hmutu awm ta se chuan mawl min ti awm mange!Ka lo mutui hle a ni ang, ka nu in vawi thum lai min koh hnuah ka harh chauh a, "I van mutui awm ve a, ka koh zin tehlul che nen," a tih chuan ka nui var var.A chhan hre silo hian School kal ka phur em em ringawt mai!Eps - 3Phur takin school chu ka kal leh ta a, ka thlen chuan pahnih an lo awm tawh a, Akima alo la thleng ve lo.Tinge maw ka phur em em reng ni? Ka ngaihtuah ngial pawhin a chhan ka hre thei lo.A hnu ah chuan țhian dangte pawh an rawn thleng ve ta sap sap a. "Morning, va hma ve a, i tûkchhuak a țha deuh a ni maw?" A ngai te bawkin min rawn fiam leh a."Nia, tukin chu ka hma ve deuh," ka ti ve mai a.A hnu deuhah Akima pawh a rawn thleng ve nghal bawk. Kan principal hlui pawh a chawl ta."Morning, in va hma hlawm ve a, tukin chu ka tlai deuh alawm mawle," a rawn ti lut nghal bawrh bawrh a.Midang pawh chuan nui chungin an lo lawm ve tliar tliar a. "Vawiin chu țha deuhin aw...!" Tih pahin a room bikah chuan a lut ta nghal a.Dar a rik chuan a rawn chhuak leh a, "Vawiin chu ka bul țanni a ni bawk a, Devotion ka va hmang ange," tih pah chuan a chhuak nghal vut a.A chhuah hnuah pu Hminga chuan, "Kan principal thar tur chu a hmel en ang a ni dawn miah lo mai a," a ti a."Ngati maw?" Ka lo ti vat."A hmel en khan a khawvel mi hmel tehlul nen," a ti ringawt. Kan lo nui țha hlawm."A ni reng asin, mi hi an hmel ațang ringawta teh tur a ni lo ania," ka lo tih zawm zat."I van thaw dik tak em! Nang nge nge, nula senior ni awm pawh ilo ni e," nui țha chung hian a ti leh a. Ka run tawk a lo tling leh hmanhmawh."Senior min ti chhen teh suh u, ka hmuh zawh loh vanga senior ka ni bik lo ania aw...!" Ka tih chuan an vaiin an nui ta vek a. Keipawh ka nui ve leh ta tho.Akima rawn luh pawh chuan kan lo la nui dar dar hlawm a."Tlaiah naupang kan ban hma tir anga, meeting nei lawk ang u," a tih chuan lu kan bu nghat nghat hlawm a.Class la tur chuan kan kal ta sap sap a. First ka neih avangin ka class tur ah ka kal nghal vat a."Good morning miss,""Good morning, sit down."Hming ka lam zawh hnu chuan ka zirtir nghal mawlh mawlh a. Ka subject bikah hi chuan an thiam lovang tih hlauvin theihtawp chhuah chuan ka zirtir ve in ka hria a. Ka zirtirna piahlamah erawh anmahni zir peih leh peih loh a ni tawh mai a, ka mawhphurhna a awm tawh lo.Tlaiah naupang kan ban hma tir a, keini zirtirtu ho chu kan awm hnufual ta a."Kan zirtir danah hian hmasawnna tur enge kan neih kan thlir ho dawn a ni," tiin Akima chu Principal a nih angin a rawn ding chhuak hmasa ber a.Kan sawi ho ta liam liam a. Kan hlawkpui hlawm viau chuan ka hria."A hmain hetiang hian kan la ti ngai lova, hetia kan inhmu khawm hi a țha khawp mai," kan zinga senior ber Pu Hminga chuan a ti a."Ni e," kan lo ti tliar tliar a."Chuti anih chuan a khât tawkin kan ti zeuh zeuh tawh ang. Hma kan sawnna te kan thlir ho țhin dawn nia. Hei lo pawh hi rawtna țha zawk hria in awm anih chuan hreh lovin, in sawi zel dawn nia, tunah chuan kan haw thei tawh e," Akima'n a tih leh chuan haw turin kan insiam sap sap."Ka rualin haw ta che, ka thlah ang che," Akima'n a tih chuan midang ho chu an lo nui tat tat hlawm."I haw na a kual thui mai mai, ke a haw nuam ka ti mah zawk," thawhpuite mitmei ven a na duh ngei mai."Haw ve mai la, a sawm duh phawt ahnu che," an lo ti ve vat hlawm."A hla lo em alawm," ka ti ve mai a."Hla lo mahse, ka thlah duh che chu lawm hle zawk la..." Akima chuan nui suk chung hian a ti a."Anih leh le, ka thleng hma ting ting a ni mai alawm," ka tih ve hnu chuan kan inzui chhuak ta a.Kan in mangțha liam liam hnu ah Akima car ah chuan ka lut ve nghal a, kan tlan chhuak ta nghal a."Min hruai haw kher a ngai hleinem, a hnaih tehlul nen," ka la ti hram a."Hruai haw che ka chak em em vang a ni lo ania," lehlam hawia nui var var chung hian a ti a."I ngeiawm mai e a, i motor a ka chuang duh chu lawm hle zawk teh," nui chungin ka chhang ve a.Kan in kan thleng thuai a, "Lo lut ve rih la," tia ka sawm chuan, "Nidangah le, taka, in luah tur min lo zawnpui teh aw..." tih pah chuan a tlan chhuak nghal daih.Ka en liam ringawt. A chanchin ka lo zawt chiang miah lo chu ã ka inti hnuhnawh hle mai. Inchhung ka luh chuan ka nu'n rawng alo bawl mek a."I va lo haw hma ve a,""Nia, Akima'n min rawn thlah a, ka lo thlen hma phah a nih hi," ka ti ve mai."I țhianpa chu a fel hmel khawp kha mawle.""Nia, ani te chu school kan kal lai ațang tawhin a fel reng alawm," ka ti ve mai."Nupui ala nei lo chu mak ka ti hle mai. A hmelțhat tehlul nen!" Ka nu'n a tih leh chuan ka room pan in ka kal daih. Eng eng emaw a sawi leh chiam palh ang tih ka hlau.Ka inthlak zo ka nu bula ka let leh chuan a lo la buai khawp mai a, "Enge ka lo tih ve dawn," ka ti vat a."Ka chawhmeh kan kha lo chawk phawt teh," a ti a. Ka chawk nghal rawk rawk."Nu, țhenawmnu damlo kha a boral ania," ka nau in a rawn tih chuan ka nu nen kan hawi phawk chiang kher mai."Chuti chu, ka va kal ange aw, in tih fel te a ngai awm si a." Ka nu melh pahin ka ti a."Va kal rawh," a tih chuan hmanhmawh takin ka insiam nghal mawlh mawlh a, ka tlan chhuak ta nghal vat.Ka thlen chuan tu vak an lo la awm lova, inchhung vel kan singsa fel a, tihfai ngai kan tihfai hnu chuan midang pawh an rawn thleng ve țak țak a.Reiloteah tlangau in chhiattawh thu a rawn puan chuan mite chu an rawn kal ta sup sup a. Keini pawh tihtur dang zawngin kan phe ve vat vat bawk.Kan zawh hnu chuan zanlama tlaivar turin ka haw a, in ka thlen chuan chaw ei an lo siam mek a, "Kan lo siam tawp mai asin, țhalai tlaivar hmain kan va lang ve zawk ang e," ka nu'n a ti a."Ni e, va kal rawh, kei pawh, in rawn haw hnuah ka kal ve dawn nia, mahse lo haw hma la, ka tlai chuan a zahthlak ania," ka ti a. Chaw kan ei ta nghal a.Kan ei kham chuan ka nu leh ka pa chu mitthi inah an kal ta nghal vat a. Keipawh hmunte ka tifel nghal sawk sawk a, ka room ah lutin kal thei nghal mai tur chuan ka insiam peih diam a.Rinpuii kalpuia sawm ka tum a, ka phone ka en mek lai chuan ka phone a rawn ri a, rawn call tu chu tudang ni lovin Akima a lo ni a, "Hello, enge ni ta?""Zanin chu lo len ka tum ania," a rawn ti a."Pawi lutuk, mitthi kan nei hlauh va, tlaivar a ngai dawn a," ka ti a."Chuti anih phei chuan ka lo kal ve ang, min lo nghak rawh," tih pah chuan phone chu a dah nghal daih.Pawi lo mai, Rinpuii kalpuia sawm ka lo tum tawh na in, Akima lo kal tur chu ka lawm tho mai, kalpui tur ka nei lo nen.Akima pawh chu a lo thleng thuai a, ka nute lo haw nghah pahin thingpui kan in a, "In luah tur chu i hre mai thei em?" A ti a."Ka hre hauh lo mai, zawn chuan a awm ka ring," ka ti țha ve mai."Min lo zawnpui la, mi ina awm reng chu a inthlahrunawm duh em mai," a ti leh a."Nia, kan zawng dawn nia,""Anih loh pawhin in inah hian min lo awmpui ve zawk ula, kan pahnihin a rualin kan kal thei anga," nui țha chung hian a han ti leh a. "Kan in angah te chuan i awm duh tawp nang, i ti ve mai mai anih kha.""Ti mai mai ni ila, ka sawi chhuak dawn em ni?" A ti ve leh tlat."Mutna tur pawh a awm lo,""Ha..ha..! In ina ka awm chu i hlauh hmel hle mai a, engvang nge ni ang le?" A han tih leh chuan ka lo melh nghek.Ka nu leh pa an lo haw chuan kan kal ve ta nghal a. Kan thlenin kal an lo awm ve nual tawh a, kan lut chu min lo en deuh țhap a, nula senior mah ni ila, ka zak ve deuh. Mipa ka kalpui an la hmu ngai lo bawk nen, a awm ve viau tho e...!A hnuah chuan rei pawh min en tawh chuang lo. Zai lah chu rinai takin a tui phian lehnghal. Keima tawkah pawh ka zai tui kher mai. Zun zunga kan chhuak lawk tih loh chu Akima nen chuan kan țhu char char a. Hmeichhe hovin an rawn melh leh zauh zauh țhin chu ka hmu reng a, hmelțha an ti a nih ka ring. Ani lah chu engmah hre lo ang hmiahin a awm ngaiin a awm miah miah thung.Naktukah emaw engtikah emaw chuan Akima vangin kan veng nula ho chuan min be țha dawn tih ka hre kiau mai. Keimahin ka nui sak a."Khatiangin mahniin an nui vur vur ngai lo," a tih chuan ka en vat. Min lo hmu ru reng tih ka hre mai."Ka nui vur vur lo aw...""I nuih vur vur kha, enge i ngaihtuah reng reng a?" Zawi sapin a rawn ti leh a."I hre mai lo mi? Hmeichhe hovin an en duh em che hi, kan inhria tih an hriat chuan nangmah vang hian biak țhat ka hlawh mai thei asin," ka ti let sap a.Alo nui ve suk ringawt."Khai a, an zingah hian ka duh tur awm ang ka hmu hauh lo ania, chubakah ka bulah nula hmelțha tak a țhut laiin nula dang ka lo melh anga maw, awm ang lo lutuk," a tih chuan ka nghawk sawk ringawt."Țawngthei bawk sia," ka ti hlak."Zai mai mai teh, ngaihtuah loh tur tur kha ngaihtuah tawh suh," nui var var chung hian a ti leh a."I van chhe tak!""Chhia min tih loh tawp kha.""Hui ha, ka hnial peih tawh lo che," ka ti ta thlâwt a."Kha kha a ni mai." Zawi te te mi hriat phâk loh tur si hian kan phun sep sep a. He pa bula awm zet chu nuihza insum a har duh ngei mai.Zanlaiah chuan thingpui leh sawhchiar an rawn sem a, ka rilțam ka pum a ri lo chauh tawh nen, ka lawm kher mai."I ril a van țam tawh awm ve a," tih pah chuan a nui sawng a, ka ngei tawk a tling leh khawp mai."Țam e mawle," ka ti ve mai bawk."Ei hi chu i duh ve ngawt mai, hman ațang tawhin," a ti leh ngat.Kan school kal lai a rawn sawi chhuah leh chuan ka nui hak."Nui ring suh, mitthi inah kan awm hi," a tih leh chuan ka ngawi hmak. Ani lah chu a nuih a za tulh tulh thung. A kun a, a nui dir char char mai chu ka ngei lutuk a, ka chúm lo chauh a ni.Thusawi a awm leh zauh țhin tih loh chu țha takin kan zai tlaivar ta țhak a. Zing alo nih chuan tihfel ngai kan tifel nghal zung zung a, in lam panin kan inzui phei leh ta a."Vawiin chu school ka kal thei dawn silova, min hrethiam mai dawn nia, tihian i hnenah ka sawi nghal ni mai rawh se," ka ti awlsam êt a."Awle, keipawh ka kal peih lo kher mai, i kal loh phei chuan patling hlir kan awm dawn ania, a nuam dawn lo em mai.""Thingpui lo in phawt la, chumi hnu ah i haw dawn nia, nge chaw ei ve nghal mai la?" Ka ti leh a."Thingpui chu in ila, mahse chaw chu ka ei lovang, ka tlai palh ange," a tih chuan inchhungah kan inzui lut ta nghal a. Ka nu te pawh an lo tho tawh a, "Nu, thingpui a awm em? Kan lo in ang chu, hei Principal liana hian a in châk deuh va," ka ti a."Chuti kher chuan min ti suh aw..."Ka nu pawh chu a lo nui ve var var a. Thingpui min siam sak chu dawhkan kilin kan in dun a."Vawiin chu i țhiante ho an khua a van har dawn ve mawle!" Akima chuan a ti leh a."Lo har ve mai mai teh se, tak taka, ka awm lohvin nuam an ti daih zawk ang," ka ti a."Kei phei chuan nuam ka ti khawp ang," a ti a, a nui pah sang mai."Van ngeiawm tak, vawiin chu mutthlûk awih loh aw," ka ti ve nghal zat."Teuh lo, ka muthlu ve ngai lo, a chhuah tak viau leh ka lo kal mai ang.""Ka awm dawn teuh lo mai, thingpui lumnaah ka awm dawn," ka ti a."Ka lo kal i hlau em mai, ka lo kal tawh miah lovang," titau der tih hriat zet hian a hawi vei hmak."Pawi miah lo, min be țha der tu an awm lovang a, a lawmawm zawk a ni mai.""Rohluzual, i va'n ngeiawm thiam tak e aw...!""Enge Lalrinkim?" Ka han ti ve ngat a."Sual thiam si, luhlul bawk si...!""A dang ila hria em?""Ka hnial peih tawh lo che, i țawngthei zet zawt em mai," a tih chuan ka nui ta nghek a."Nizana min tihdan ang chiah anih kha," ka ti zui leh zat."Huh, ka haw dawn, sual thiam em mai," tih pah chuan a tho nghal uaih."La țhu ve rih la, ila ninawm ve alawm," nui sang chunga ka han tih leh chuan ka banah min man in, a lamah min pawt dawrh a, ka kut hnunglamah a elh a, na tiin ka țhen tlawk tlawk."Khatiang khan min ti leh ang em?" tiin hnai zetah min melh run a. Kan taksa chu a insi lo chauhva, ka hmai zawnah chuan a rawn thaw lum ham ham mai. Reilote chhung chu kan in melh reng a, a hnuah min vawnna chu a thlah ve ta țawk a. Ani leh ni lo angin a khur dar dar nia!Maktiin ka en reng a, a hmelah chuan engmah a tilang lo na in, a mitmeng erawh chuan thu tam tak a sawi thung. Mahse enge tih ka hrethiam lo.Eps - 4Akima haw hnu chuan inbual ka duh avangin ka room ah ka lut a, ka inthlakna tur la in, bathroom ka pan nghal a.Akima awmdan leh mitmeng kha ka mitthlaah a cham reng a, ka lu ka thing leh nawk nawk a. Ka nu pawhin makti zetin min melh leh reng țhin."Enge maw i ngaihtuah a, khatia i lu i thin vak vak le?""Engmah," ka ti deuh hmak. Ka nu makti hmel ka hmuh chuan ka chhandan ka ngaihtuah a, khatiangin ka nu ka la chhang ngai miah silova, keimahah dik lo a awm tih a lo hre thei mai."Ka tihpalh ka nu, khatianga chhang tir che ka ni lo asin mawle, ka rilru a buai deuh alawm mawle, eng pawh nise, kan inbual phawt ange," tiin bathroom ah ka lut ta nghal a.Engvanginnge khatiang mitmeng khan Akima khan min en le? Ani nen chuan țhian kan ni si a, ngaihzawng enin min en em ni zawk le? Â... ka ngaihtuah tawh lovang, kei chuan țhian ang bakin ka en thei dawn chuang lo.Ka inbual zawh chuan mitthi in lama thingpui lum tur chuan ka chhuak nghal a. Ka nu leh ka pa te pawh an kal ve nghal tho bawk.Thingpui lumna ka thlen chuan zanlama ka rin ang chiah chuan nula ho chuan Akima chanchin chu min lo zawt ta ngei a. Nuam chu ka ti vak lo, mahse țha tak chuan ka hrilh ve tho."I bialpa a ni em?" tia min zawh chuan ka nuih a za ngei mai."Teh nang, ka țhianpa a nih kha," ka ti ve mai a, an awih lo hle nachungin min zawt zui tawh lem lo.A naupang deuh thingpui kan sem tir a, thu an awihin, tirh pawh an nuam a, an fel ve khawp mai.Tlaiah chuan rawngbawl tur midang an awm bawk a, ka hawsan ta a, ka chau ve ngang mai. In ka thlen chuan ka mutchhuak lutuk chu ka khumah bawk thlawpin ka lo muhil nghal daih chu niin; ka nu in chaw ei turin min rawn ko va, ka harh chauh."Nu, tinge min kaihthawh mai lohva?" Ka ti a."Nizan i tlaivar a, vawiinah i buai nileng leh bawk si, ka khawngaih che alawm, kaihthawh loh mai che ka tum a, mahse zana kal i duh leh dawn si a, chaw ei a hun tawh tho nen, ka kaitho ta mai che a nih kha."Ka phone kan en chu miscall alo awm țeuh mai. Akima leh Rinpuii call na a awm nual. Rinpuii ka call back vat a."Hello, phone ila thei miah lova," a rawn ti a."Ka lo muhil daih alawm, nizan ka tlaivar a, vawiin ka buai nileng leh bawk si a, ka chau lutuk mutchhuak bawk si, in ka thleng chu ka lo muhil nghal daih a," nui hak hak chung hian ka ti a."Nizanah min rawn hrilh ve tur che alawm, Akima pawh i hrilh tho si a,""Rawn sawm che ka tum lai takin Akima'n min rawn call a, ka sawm em em pawh a ni lo, ani hi chu mahni in 'bawrti' hi a ni ve a," ka han tih chuan phone ațangin a rawn nui nasa mai."Zanah Akima rualin ka rawn kal ve dawn nia, a nih ka dah phawt, chaw ei kan tum tawh a, kan ei phawt ange, zanlamah kan inhmu dawn nia," tiin phone a dah ta a.Akima phone ka tum leh zet na in, zanah an rawn kal dawn tho a, tiin ka be duh ta lem lo. Chaw ei turin min lo nghak reng tawh ang tiin ka room chu ka chhuahsan a.Min lo nghak țhap mai, ka inthlahrung ve det.Chaw ei kan siam pah chuan, "Nu, ka țhiante rawn kal ve an tum a, an tițha khawp mai, an awmna a hlat tehlul nen," ka ti a.Ka nu pawh chuan, "Ni e, an fel khawp mai, hetiang hun ah hian alawm kan tel ve țhin tur. Kan chungah a thleng thei ve vek a ni tih hriat reng tur. Mama te pahnih pawh kal rual in ni ve tawh a, kal ve țhin ang che u." A ti a."Ni e, kal ve zel tur," ka pa pawh chuan ka nu thusawi chu pawmpui tih hriat tak hian a lo ti ve boh a.Chaw kan ei khama ka inpeih vek hnu chuan ka țhiante pahnih pawh chu an lo thleng ve nghal mai."In van hma ve a? Lo țhu phawt rawh u," ka lo ti sawk sawk."Nia, hei zanin chu enge maw a hriat ni, nizan lamah hmuh țha a hmu a ni ngei ang, rawn kal loh a hlau teh ania," Rinpuii chuan a lo ti vat a."Teuh lo em mai a," Akima chuan a lo ti ve vat."Vawiin kan thingpui lumnaah pawh i chanchin min zawt nasa teh ania aw, nizana ka sawi lawk ang khan," ka ti deuh kher."Nangni pahnih bula awm chu hahthlak em mai, engtinnge maw ka lo kawm theih țhin che u zawk le!" A ti ta ringawt a.Rinpuii nen chuan kan nuih za chu kan in melh zauh a."Anih kan kal dawn em ni? Zanin chu kan rei lovang, nizan tlaivar ani si a," tih pah chuan kan inzui chhuak ta țham țham a.Kan thlen a, kan luh chuan an lo țhu leh far tawh hlawm, kan lut chu min lo en leh deuh țhap bawk. Rinpuii nen chuan senior tawh tih takah kan zak țhak lo. Țhutna awl ah chuan kan pathum chuan Akima laitat in kan țhu țham a. Hmeichhe ho chuan Akima chu an en duh hle a, an rawn melh leh zeuh zeuh țhin. Rinpuii pawh chu veng dang ami a nih vang nge an en duh viau mai bawk. A bikin mipa hovin."Kan veng nula leh tlangval mit in la dun khawp mai," an pahnih bulah chuan ka ti sa sa a."Chuti chu in vengah hian in luah tur chu min lo zawnpui vat la," Akima'n a tih chuan Rinpuii chu a lo nui hak a. Nui ri ngam si lo hian a kun ta daih ringawt."Sawi tur hi hre viau teh suh. Nuih In in sum thei silo," Akima chuan a ti leh a."Vel a che, nang zawk hi alawm sawi tur hria chu," Rinpuii chuan a lo ti ve vat bawk.Kan han zai chu hla sak a nuam kher mai. Thingpui in hunah leh thusawi a awm zeuh tih lohah chuan kan zai mawlh mawlh. Zai a nuam khawp mai. Rinpuii leh Akima paw'n zai nuam an ti ve ani ngei ang, maimitchhing meuhin an zai ve bawk.Zan hmasa kan tlaivar avangin ban hma an rawt a, kan in lam panin kan inzui phei leh ta hnak hnak hlawm."Thingpui in leh phawt ila, in haw dawn nia," ka ti a. Inchhungah kan inzui lut leh ta dial a.Thingpui ka lum nghal thuai thuai a, ka siam zawhah sitting room ah ka chawi phei a, kan ri hlut bawk."Zanin chu ka beisei ai daihin zai a nuam ka ti," Rinpuiin a ti a."Keipawh ka zaitui teh mai ania, Hlutei hi chu a zai ve pawh ka hre lo," hepa hi chu min khei hlak dan tur hi a hre thei ania."Ngawi mai mai teh, i zaithiam loh bei bui nen," ka tih chuan a nui ta vak."Mipa ve si, la nui ring em em zui," ka han ti leh zat zat. Ka nui duh țhak lo."Nang nu hi, i van châk dawn lo tak!" Tih pah chuan min rawn man a tum a, ka lo tawlhsawn hman vat, a nui hawk hawk a, a tawpa tawpah chuan ka nui ve ta tho."A inti mi tak rei thei thlawt lo, Rinpui, hawsan daih ang," Akima'n a tih leh chuan ka chum awk a. A nui nasa zual sauh."Ngeiawm lutuk suh aw, i duh leh nang chu haw la, Rinpuii chu a riak dawn," ka han ti ve ngat.Kan infiam vel chu Rinpuii chuan nuih za zet hian min lo thlir reng a, "In van naupang chhia tak, nula senior leh tlangval senior inkawm ah chuan in la naupang chhia ber ang mawle," a tih meuh chuan kan nui ta hawk hawk a."Haw tawh ila, a tlai tawh viau ania," Rinpuii'n a tih chuan Akima pawh chu alo bu nghut."Naktukah kan inhmu leh dawn nia, kan va haw phawt ange, riah i phal ve bawk silova," nui hak hak chung hian Akima chuan a ti leh a."Nia, haw teh u, min ti changel hmun," ka ti ve ngat.Kawngkhar thleng ka thlah a, an liam thleng ka thlir zui vang vang. Kawngkhar ka kalh fel hnu chuan mu turin ka room ka pan ve ta nghal a.Tlailama ka muthilh sek avang khan ka muhil lawk thei lova, whatsapp ka en a, rei pawh ka en peih leh bawk silo, youtube ațangin video te ka en ta vel mai mai a, atawpa tawpah chuan mutchhuakin min rawn zem chiai chiai a, ka phone off in ka muhil ve ta thuai a.Zing ka tho chu nizan ka mu hnem bawk a, ka harh kawkin ka hria. Parda ka hawn chuan ni a lo la chhuak lova, ka tho hma hle mai. Tukin chu ka nu kan awl ve tawh ange, ka intihfai hnu chuan choka ka pan a, thingpui ka lum a, siam sa vekin flask ah ka dah a, rawng ka bawl țan ta nghal a. Ka zawh hnaih tawh lamah ka nu pawh a rawn tho ve ta bawk."Tukin chu i va hma ve a," choka rawn luh pahin ka nu chuan a ti a."Nia, thawh hai ka hlau lutuk a, ka harh veleh ka tho nghal vat mawle," ka ti ve mai."I naute va kaitho ta che, class an tlai palh ange," a tih chuan ka naute kaitho tur chuan an room ka pan a, va kaihthawh ka tum chuan an lo tho ve mek a, "E, in tho tawh maw? Rawn kaihthawh pawh in ngaih loh hi maw!" Tih pah chuan ka kalsan leh ta nghal a."Nu, rawng ka bawl zo tawh a, chaw ei hma in kan in tleuh zawk ange, ka pa hi ala tho lo ami?" Ka ti a."Nizanah a khua a sik a, a tho peih lo anih kha," a tih chuan ka pa hmu turin an room ka pan vat."Pa, i khua a sik a ni maw? Tunah engtinnge i awm a?" Ka tih chuan a lo meng siar siar a."Nia mawle, ka khua a sik ringawt a, mahse tunah chuan a sik tawh rih love, ka zia deuh tawh," a ti a."Damdawiinah in entir turin ka nu nen kal ula, kalpui che ka duh viau na in, nimin ka chawl tawh bawk si, chawlh leh pawh chu a nuam bawk silo.""Ni e, va kal rawh, i nu nen chuan kan kal dawn nia,""Lo haw hma ka dil dawn nia," tih pah chuan insil turin ka chhuahsan leh ta a."Mambawih, chaw ei kan peih tawh ania, i naute class an tlai palh ange," ka nu chuan min lo au va."Ka zo țep, lo siam mai ula," ka tih chuan chaw ei an siam thawm ka hre nghal. Ka naute pawh mipa e tilo a an fel ve na chu, engmah tih hreh an nei lo hi a ni. A țul ang ang an thawk ve bawrh bawrh a, inchhung chêt pawh kan awmloh chuan an ti mai zel. Ka nu paw'n a thlamuanpui ve tawh takzet a ni.Chaw ei khamah school kal turin ka insiam nghal a, "Nu, ka kal ania," tih pahin ka chhuak a, kawngpui ka kal lai chuan ka bulah car pakhat hi a lo ding chawt a, ka han en chu Akima a lo ni a, "Lo lut vat rawh," tih pahin car kawngkhar a hawng a, ka lut ve nghal vat."Helamah te enge i tih a?""In luah tur min zawnpui duh mang silova, ka zawng ta mai.""I hmu em?""Hmu e, a țha in, a tawk tiu teu khawp mai.""In luah tur a vãn tehlul nen, a va lawmawm ve a," ka lawmpui tak zet a ni."Vawiinah an lo tifel anga, tun Inrinni hian insuanluh ka tum a, min pui ve la a țha ang,"Min sawm lo mahse inluah a tum ni chuan puih ka lo rilruk thova, mahse ka sawi lang lem lo."Min sawm duh chu ka lawm e, Rinpuii i sawm ve em?""La sawm rih lo, nakinah ka sawm mai ang.""Ni e, i tih dan dan a ni mai alawm,""Hlute...!""Enge?""Engvanga tun thlenga pasal la nei lo nge i nih a?""Nang pawh,""Ka hmeichhe duh tak ka hmuh leh hun atan ka khêk mawle,""Chu...ila hmu lo em ni?""Hmu tawh e, mahse ani paw'n ala hre lova,""Khai aw, i duh tih pawh ila hrilh lova maw?" Ka nui hawk hawk a."Anih nang, i duh zawng ila hmu lo nge i nei duh lo hrim hrim?" Thutak zeta, a tih chuan ka en ho mai."Ka la hmu lo chu a nih hi, ka hmuh hun meuh chuan..." sawi zo duh lovin ka ngawi ta daih a, min rawn melh zawk a, hmalam a en leh nghal daih. Tukin a awmdan chu danglam ka tih em avangin ka melh leh zawk țhin a, ani lah hmalam enin car a khalh mawlh mawlh thung.Inbe tawh miah lo chuan school chu kan thleng ta a, office chhung kan luh chuan maktih hmel zet hian min lo en a, mahse reilote bak a ni lo."Naktuk hi study leave kan neih tir ve dawn em?" Ka tih chuan an lo 'aw' tliar tliar hlawm a."Chuti chu class lak pahin kan puang dawn nia," Akima chuan a rawn ti ve boh a.Class la tur chuan kan kal ta sang sang a, a tukleh lawk exam a nih mai tawh avangin zirtirna pawh ka pe ngawrh khawp mai. Naupang hnenah pawh exam naa țha taka an tih theih nana fuih bak chu tihtheih ka nei tawh lo."Naktuk tuk leha in exam tawh dawn a, chuvangin naktuk chu study leave kan nei ang, in lamah țha takin in zir dawn nia,"Naupang ho lawm chu an haw haw dar dar a. School chawlh hi chu a nuam ve bawk em a ni. Keipawh zep lovah chuan kan chawl tur chu ka lawm ru khawp mai.Ban a lo hun chuan, "Ka haw nghal mai dawn ania," tih pahin ka chhuak nghal nalh a. Akima'n hawpuia min sawm leh ka hlau pawh a ni mahna! Tukin zinga a awmdan kha a bula awm nuam min tihtir loh phah vek alawm!Pawn ka chhuak chiah tihah, "Min lo nghak ve la," titu avang chuan ka pen lai ka ding chawt. Ka hawi let vat a, Akima chuan min lo melh run mai."Engvanga ka bula haw hreh tlat țhin nge maw i nih le?""Ka haw hreh pawh a ni lo," ka ne ne kual vel ta mai mai a."Lut rawh," tiin Car kawngkhar chu a hawng a, ka luh veleh kawngkhar chu a khar a, a țhutna tura a țhut fel hnu chuan a tlanchhuak ta nghal a."Engvanga min pehhel tum nge i nih a, tukina ka thil sawi vang kha a ni tiraw?""Pehhel che ka tum pawh a ni lo,""Anih engvang nge?" A tih leh chuan chhan ngaihna reng ka hre lo."Zanah Rinpuii nen kan rawn kal anga, ka inluah tur chungchang chu kan sawi dawn nia, thildang pawh," a nui suk a. Ka lo ngawi reng ringawt.Eng thildang nge maw ni dawn ni? Nge keimah hi ka dik lo zawk pawh ka hre tawh love a!In kan thlen chuan car ațangin ka chhuk thla thuai a, "I lo lut dawn lo em ni?""Zanah kan lo kal dawn tho a, ka lo lut lo mai ang e," tih pahin a car chuan a tlanliam leh ta nghal a.A tlanliam hnu ah in chhung ka pan ve ta chauh. Tumah an lo awm lo va, ka pa entir tura an kal an lo la haw lo a nih ka ring mai a. Inthlak sawk sawkin rawng ka bawl nghal a.Ka phone a lo rik chuan ka en vat a, Rinpuii a lo ni a, "Hello,""I bang chiah ami a?""Bang chiah tawh lo ve, rawng ka bawl mek a,""Akima'n min lo bia a, zanah inhmuh khawm a ngai a ti a, engemaw a awmzia le? Hepa tak hi chu min tihlauthawng țhin a nia,""Ka hre bik lo, chutia pu berin a tih te chuan kan hnial ngam nang," ka tih chuan a nui hak hak a."Chuti anih leh zanah kan inhmu dawn nia, eng tak ni ang maw?" Ti chungin phone a dah ta a.Rinpuii chu a hrilh duh miah loh danah surprise a tum chiang. Hemi te pahnih hi inngaizawngin innei se ka ti kher mai. A hrilh duh lo anih chuan ka lo hrilh bik kha a tihchi silova. A hriat hun hunah hre mai teh se...!Eps - 5Zanriah eikham hnu chuan kan chhungin sitting room-ah kan țhu dial a, "Pa, vawiin chuan engtinnge an lo tih che a?" Ka ti a."Khawsik satliah alo nia, damdawite min chawh a, kha ka ei nghal a, ka zia tawh khawp mai." A tih chuan ka lawm kher mai. Natna dangte a nih ka lo hlau lutuk a. Ka thaw huai nghe nghe."Mama, nangni pawh lehkha zir leh tawh rawh u, in exam a hnaih tawh kha," ka nu chuan a ti a."Nu, police an la dawn a, dil ve ka tum asin," Mama (Zuala, ka chhang chiah)chuan a ti a."Police ber kher te chu," ka nu in a ti nuah nuah a."Mama, a pawi teuh lo ania, tunlaiah hna a vang tawh si a, i tlin hlauh chuan a țha daih zawk. Mahse zu in phah nan i hmang hlauh ang e," ka lo ti vat a."Teuh lo mai, police zu in lo pawh an tam em mai,""Ni e, Police țhenkhat zu in an awm vang hian Police zawng zawngin zu an in vek kher lo," ka lo ti veleh a."Keipawh sawmpahnih ka zawh hunah ka dil ve ang," kan pang ber(Nunsanga) chuan a lo ti ve vat bawk."Umm, țha takin lehkha i zir anga, i dil ve dawn nia," ka nu'n a tih veleh phur takin lehkha zir tur chuan an room an pan ta nghal a."Ka mutsan dawn che u ania," ka pa'n a tih pah chuan room lam a pan ve ta vat a. Ka nu'n a zui lut nghal bawk.Țhiante pahnih pawh chu an va rawn kal har ve mawle tia ka lo ngaihtuah mek lai chuan kawngkhar kik ri ah ka va hawng vat a, kawngka bulah an lo ding reng mai. An motor thawm ka hre miah silova."In va lo kal har ve a, mut ka lo tum tawh mai asin.""Chuti chu kan let leh mai dawn em ni?" Rinpuii lam hawi chuan nui hak hak chung hian a ti a."Chimawm pa, lo lut mai mai teh u.""Chimawm min ti viau na in, min ngaih hle kha aw...""Lut ang u, enge sawi tur a neih te pawh lo ngaithla ila," Rinpuii'n inchhung pan pah chuan a ti a.Sitting room-ah kan țhu țhap a, inti puithu fahran hian Akima chuan, "Zanin kan lo kal chhan chu eng dang a ni lo ve..." a ngawi leh ta daih a. A nui duh țhak lo lehnghal."Sawi vat mai teh, eng thil nge ni a, pawimawh awm deuh khan i sawi bawk si a," Rinpuii'n a ngaihna hre lo zeta a tih chuan ka nui ta phut a, Akima inti mitak hmel leh Rinpuii hawihai hmel chuan ka nuih a ti za ngang mai. A tawpa tawpah chuan kan nui zo ta vek a."Lalrinkim, min tihder a ni maw? I van ngeiawm tak e aw...!""Ka tihder che pawh a ni lo, Inrinni hian inluah ka tum a, min pui ve ang chu ka ti mawle," a ti ta then mai si a."I van ho tak, chungte chu pangngai deuhin min hrilh ve mai ta che.""Hei, tunah pangngai takin ka hrilh reng che hi," keilah ka lo nui char char thung."Nang pawh ilo hre sa vek a ni maw? Nangni pahnih hi engtinnge maw ka tih dawn che u le?" Beidawn hmel deuh hian a ti ta ngawt a."Ka hre sa bik hleinem, vawiinah min hrilh ve chauh a, rawn hrilh na hman che a awm loh bakah, zana in lo kal chuan i hre dawn tho va tiin ka hrilh ta lo law law che anih kha," ka tih chuan a lungawi ve ta mai bawk."Puih pawh ka pui duh dawn em maw ni le," nui rah rah chung hian a ti a."Tihfai chu an tifai vek tawh a, Hlutei te in nen a inhlat vak lo, a nuam reuh phian asin," Akima chuan a ti leh a."Nia, kan pui dawn che nia, mahse i luah hunah chaw ei khawm i ti ngei ngei tur a ni," Rinpuiin a tih leh chuan ka lo zawm ve vat a."Tehreng mai, ka birthday a hnai tawh bawk a, kan lawm bawk ang chu mawle.""Tlangval senior birthday lawm chu kan phur zawng tak alawm, ni lawm ni, Hlute?""Yes, țhian hmelțha deuh deuh sawm bawk la, chhas tur pawh kan melh pah ang chu," ka tih chuan an nui nasa ngei mai."Ve tak che chuan, ka sawm ngei ang, hmelțha deuh țhian ka nei alawm, i duhzawng a nih ngei pawh ka beisei," ti chung hian min en vang vang a. A hmelah chuan engmah lang lo mahse, a mitmengah chuan engemaw a lang zawk a, mahse a rei loh em avangin ka hmusual emaw ka ti hman hial."Thingpui ka va lum ange," tih pahin choka ka pan a, ka lum zawh hnu chuan sitting room panin ka chawi phei ta a."Kha in rawh u le," tih pahin dawhkanah chuan ka hung a.Thingpui in pah chuan kan hnathawh dante kan sawi mawlh mawlh hlawm a. Akima nen chuan kan thawhna a inang bawk nen, kan titi a rual phian a, a changin Rinpuii a lo inrawlh zeuh tih loh chu kan titi a ngaithla ngar ngar."I subject bikah enge an an?""Ka zirtir țha thawkhat chuan ka hria, an mahniin an zir țhat peih leh peih loh a ni tawh mai.""Kei chu ka hrethiam rih lo, ka țanna a la rei lo em mai, mahse an thiam viau chuan ka hria. Oh, taka, naktuk enge i tih ang, kan chawl si a, in chu min hmuhpui ve la,""Ka hre rih lo le, a hun lo thleng phawt se," ka ti ve mai a."In duh tawk dawn tawh em? Nangni pahnih hian min thlim in tum a ni maw?" Nin hmel zet hian Rinpuii chuan a lo ti niah niah a."Nia, duhtawk mai ang, kan titi a man pha ve lo a nih hi, a tauh leh hma hian kan hawpui ange.""Ka tau lo e aw...! In thusawi ka man ve lo em alawm, thildang sawi ni ula chuan ka pawiti lova." Rinpuiin a tih chuan Akima chu a lo nui hawk hawk a."Aw ni e, haw a ngen leh tawh a nih hi, Inrinni chu ka beisei dawn che u ania, theihnghilh awih miah loh!" Tih pah chuan a ding nghal uaih a.Kawngka thleng ka thlah a, "Helai bak hi chu ka lo chhuak lo mai ang e,""Ni e, anih mangțha le," tih pahin an tlan ta a. Kawngka kalhin ka room ka pan ta nghal bawk.Akima ka ngaihtuah let leh in a nungchang inthlak reng chu mak ka ti khawp mai. A mitmenga engemaw lang leh zawk țhin kha enge niang aw ka ti vang vang. Tunge a hmeichhe duhtak chu ni ang le? Tun thlenga nupui a la neih loh danah a duh viau anih ka ring.Mipa ka ngaihsak loh vang a pasal la neilo pawh ka ni lova, miten senior min ti pawh nise pawi ka ti lem lo. Ka hmangaih leh min hmangaih em em tu ka tawn hunah pasal chu ka la nei ve mai ang. Mi min sawina te zawng engahmah ka ngai teuh lo. Ka hmuh loh tak leh neilovin ka nula reng anga a ni mai alawm.Hna ka nei a, chhungkua ka enkawl theih a, ka nu leh pa ten rei tak min dampuiin, chhungkua hlim taka kan awm tluka hlu ka tan a awm chuang hleinem le!Ka ngaihtuahna vakvel ruai chungin ka lo muhil daih chu niin, ka harh leh meuh chuan khua alo var der tawh mai.Ka tho vat a, bathroom ah lutin ka intifai nghal sawk sawk a, ka nu pawh alo tho ve chiah bawk."Nu, nizanah ka pa a khua a sik leh em?""Sik lo ve, mut pawh kan mu țha khawp mai.""Thingpui kan chhuang nghal ange aw, naupang an exam dawn vangin vawiin chu study leave kan pe a, mahse nizan khan Akima'n a in luah tur enpuiah min sawm a, ka enpui dawn nge dawn lo pawh ka la ngaihtuah lo," ka ti a."Chutia nang meuh a sawm che chuan enpui mawlh rawh.""Kan rei pawh ka ring lo, Inrinni ah luah luh a tum a, Rinpuii nen pui turin min phut bawk si a, ka chawlh ve theih hun pawh inchhungah ka awm hman dawn lo anih hmel hle mai.""Chutia nangni meuh a phut che u chuan pui ang che u, in țhianpa a ni bawk si a, nangni lo te chu țhian dang a neih bik loh hi.""Thawmhnaw suk tur hi ka su vat vat ange, nangin rawng lo bawl leh mai la," ka nu hi awl hram ka tum pawh hian ka hman lo leh țhin hi hrehawm ka ti."I naute pawhin min pui thei tawh tho alawm, ngaihtuah vak duh suh."Thingpui ka in zawhah thawmhnaw suk tur bal bawm ami chu ka la a, machine ah dahin ka nuai tir nghal a, chumi pah chuan ka nu pawh ka pui tho.Ka insuk zawh meuh chuan chaw ei a hun leh ta mai bawk. Ka pa pawh alo tho chhuak ve peih a, ka lawm kher mai. Chhungkua a pakhat tal damloh hi chuan rilru a hrehawm hma thei em mai.Chaw kan ei kham fel vek hnuah Akima pawh a lo thleng ve ta hlawl a. "Vawiin chu kan chawl si a, inchhungah tihtur i nei ang tih ngaihtuah miah lovin ka lo sawm thawt thawt che a, i hman loh viau chuan ka phut lui lo che ania," inthlahrung takin a ti a."A tihtur a lo inhmakhua diam tawh alawm, va kal rawh u," ka chhan hma in ka nu chuan a lo ti a."Ka pi, ka lawm lutuk ania, in chungchang engmah hriatthiam ka nei ve silova, ka tibuai khawp mai che u," a țawngkamah chuan inthlahrung tak tak pawh a ang ve khawp mai."Anih ka va kalpui ange, kan rei loh hram ka beisei,""Kan rei lovang," tih pah chuan a kal ta nghal vut a. Ka zui ve mai bawk.A inluah tur hmun kan thlen chuan ka beisei loh deuh mai a lo ni a, a hma pawha kan veng in saka nalh ka lo tih ber mai a ni a, a vannei kher mai. A sak dan a nalhin a changkang a, a hmunhma lah a zau nuam si, luah man pawh a to viau ngei ang. Kan in ațangin minute sawm kal lek a la ni zui. Helaia inluah tur a hmu thei chu mak ka tih tawk a lo tling leh khawp."A van nalh vele, kan veng in sakah chuan nalh ka tih pawl tak a ni asin," ka ti halh a."I duh zawng ani chu ka lawm hle mai, tirawh, a chhungah lut ang hmiang," a tih leh chuan kan inzui ta a. Chabi spare a kawl bawk a, awlsam takin kan lut nghal mai a.A chhunglam pawh chu a nalhin a hnum țha kher mai. Luah loh tih pawh a hriat loh a ni. A faiin a thianghlim sar mai bawk si. Inchung pan chhohna step nalh zet mai a awm bawk a, tah chuan chhovin a chhung vel kan en leh chuan ka thaw huai mai, a nalh em a ni. Room lian tak tak pali vel a awm a, Bathlar a awm kual vek a, khawhawina a rem em em bawk nen."Hmm, a nalh in a nuam kher mai, i vannei tak zet a ni," ka tih chuan a lo nui sak a. Ka hawi kual vel chu hmuhnawm tih hmel zet hian min lo thlir reng a, keilah chu ka hawi nasa reng lah tak a!"I lung a dum zan amaw?""Tehreng mai, hei aia țha leh nalh chu i hmu mai mai lovang," ka tih leh chuan a bu nghat nghat."Choka i hmu duh em?""Duh e," tih pah chuan inhnuai lam chu kan pan thla leh ta a.Choka pawh chu duhthusam bawk a ni. Ka rilru tak chuan hetiang in neih ve ka chakna a zual sauh thung. Inchunga room tinah lah khan bathhroom a awm vek lehnghal. Kan in nen chuan khaikhin chi pawh a ni lo."I duhtawk i hmu maw?""Hmm, lutuk ringawt," ka nui var var a."Chuti chu kan chhuak leh tawh mai dawn em ni? Engmah bungrua ala awm bawk silova, thingpui han intir che pawh chak viau mah ila...""A pawi hleinem, I luah luh hunah chaw kan ei nghal dawn tho alawm," nui chunga ka tih chuan a lo nui ve var var."I chungah ka lawm lutuk e,""Engvanginnge lawmthu min hrilh ringawt a? Engmah ka tih loh hi!""Engkim min tihsak asin," makti zetin ka melh a, a mitmeng de zauh chu ka hmu zuai a, mahse a reh leh vat."Kal ang hmiang," a tih chuan ka bu nghat a, kan inzui chhuak leh ta hnak hnak a.Pawn kan thlen a kawngka a kalh lai chuan in bul vel chu ka lo thlir kual leh mai mai a, a hmunhma leh a in hi chu a nalh mawle, a neitu te pawh hian an ui viau ania ka rin ni. Aizawl lamah an pem san ta daih si a, enkawltu an dah chuan a tifai reng zel țhin.Car chhung ka luh thlengin ka la thlir zui hram a, Akima chuan min nuih tawp."Khai, duhtawk tawh teh, i mit a tla ange," kan nui dun ta hawk hawk a."Rinpuii hmuh atan ka awt ve kher mai," ka tih chuan a nui nasa zual sauh."Khatia i awm khan i naupang chhia in, i lawmawm reuh tawp." nui țha chunga a tih chuan ka lo melh nghek thung."Ka naupang chhia lo ve...""Aw...aw...ni e, nula senior i nih kha ka lo theihnghilh tak alawm le," Hepa hi chu van chimawm chiang tak em!In kan thlen chuan, "Thingpui min hlawhtir mang silova, kan inah hian lo in mai ta che,""I chimawm min ti fova, nang tluka chimawm hi an awm lovang e,""Kei chu ka chimawm ve hleinem, nangma min tihkhawloh vek alawm, ka chhun tawh che a nih hi.""Nangni pahnih awm tlang hi inhnial turah in ngai hmiah tawh a ni maw?" Ka nu chuan a lo ti ve vat a."Ka pi, i fanu hi min hnial zawt zawt tawh lo turin hrilh teh.""Nang pawn min hnial reng tho alawm," ka la ti fan a."Duh tawk ve em em teh u, inhnial reng mai," ka nu nuihza bawk si chuan a ti ta thlawt a."Kha, chimawmpa thingpui chu in rawh le," a hmeh nen ka chhawp nghal a."I in luah tur chu i duhthu a sam amaw?" tiin ka nu chuan a zawt a."Duhthusam khawp mai. Hlutei duhthusam pawh a ni ngang aniang, a en kham thei hleinem," a lo ti vat a."A va lawmawm ve a, chutianga inluah tur i hmu hlauh chu.""Ni e, ka vannei khawp mai, nangni nen kan inhlat vak lo bawk a, zahtheihloh chhuahin chaw te pawh ka lo ei fo a ngai mai thei a ni," a tih chuan ka nu nuih za lutuk chu a nui hawk hawk mai.Hetiang khawpa ka nu nuih nasat hi ka hre tawh ngai lo. Akima bula awm chu nuam a ti ve ngang mai. A ngainat phah sauh lehnghal."Tehreng mai, i lo ei ziah dawn nia,""Ringawt a, mahni a in sawm chawp leh hmiah nia," nui kar kar chung hian ka ti a."I nu phalna ka la vek tawh. I thu lo khawp mai." Kan inhnial fo pawh hi ngaiah ka nei hman hial a ni."Tlaiah chaw ei ve nghal la," ka nu'n a tih chuan mit min lo la siai zauh zui."A, nidangah le, in ka luah hunah phei chuan rawngbawl ka peih dawn silova, ka lo ei fo a ngai ang," ta deuh deuh chuan. Ala nui sang zui."Ni e, kan in chu i in ang tho a ni ve alawm," ka nu a be thiam bawk a, ka nu pawh a nui ve reng mai."Ka haw tawh ang e, Hlutein min nin tak tak hma hian," a ti leh deuh kher a. Min hmer tel lo hian engmah a sawi thiam tawh lo a niang. Chimawm leh lutuk mai."Zanah i kal leh dawn em?" Ka ti vat a."Engatinge, leng leh turin min duh ami?""Chulam pawh a ni lo,""Ka hrethiam e, ka lo len loh chuan khawhar i hlau a ni maw?""Teuh lo mai, ka mut hma duh vang mawle!" Ka tih chuan ka biangah piaiin, "Duhawm reuh lutuk," tih pah chuan a kal nghal nal nal.Ka nu lo nui ruh ruh chu ka en nghal thuai a."I țhianpa zet chu, a ngainatawm hle mai,""Chimawm bawk," ka lo ti zui vat."Amah kha i duh mai lo mi?" Ka nuin nui chunga a tih chuan maktizeta en in, "Chu chu engvanga min zawt nge i nih?"Eps - 6Ka nu thusawi chu mutnaah makti zetin ka ngaihtuah chhunzawm a. Akima hian min duh anga maw? Ani nen chuan țhian ang bakin kan inen hauh silova.Min duh theihna chhan tur awm ang ka ngaihtuah ngial pawhin ka hre thei lo. School kal lai ațangin kan pathuma kan inkawm chawt țhin piah lamah ngaihzawng anga inkawmna a la awm miah lo lehnghal. Aizawlah an chhungkuain an pêm a, chuta țang chuan tun ah ka hmu leh chauh a ni a, chutianga han rintheih turin a khawsa der bawk silo.Ngaihzawng nei tur hian ka lo la inpuahchah ngai miah lova, neih tumna rilru pawh ka pu hek lo.Mite anga ka thinlung deng dawttu ka la hmuh loh vang te pawh a ni mahna le! Mahse chutiang ang chu a thlen ka ring der bawk silo. Thawnthu a thleng țhin ni mai awma mawi a ni. Ani khan min duh hauh lovang tih ka hrechiang, kei aia țha a hmu țeuh ang chu. Nge, a hmeichhe duh tak chu ala hmu rih lo zawk? A enga pawh chu nise, ka lo ngaihtuah vak na tur a awm hleinem le!School kal tur chuan ka insiam mawlh mawlh a, naupang exam țanni a nih vangin thlen hma ka duh avangin hmanhmawh deuhin ka insiam vat vat a."Nu, pa, ka kal ania," tih pahin pawnah ka chhuak nghal a. Akima min lo sawm leh ka hlauh avangin ka kal thuai thuai a. Ka beisei ang ngeiin ka hmu lo hlauh. Tinge tun a taka hmuh ka hreh em em le!School ka thlen chuan naupang ho an lo ri nak nak a. Office-ah ka lut nghal a, tumah an lo la kal lo hlauh. Ka subject question sem tur ka en fel lai chuan an lo thleng ve ta țak țak a."Morning, hma ve a," nui chungin an rawn ti lut a."Nia, exam țanni a ni si a tiin ka kal hma mawle,""Nang hi chu i hna i hrechiang a ni tiraw, hetiang hi a țha a ni," min fak der na pawh nise ka nui ve sak tho."Nangni pawh in ni ve tho alawm, kei aiin in țha fe zawk," ka tih lai takin Akima lo lut chu ka mitsirin a hmu reng a."Morning, in va hma hlawm ve a," a tih chuan midang chuan an lo chhawn ve tliar tliar a. Engmah sawi lovin ka lo melh tawp ringawt."Tukin chu i mood a țha vak nange a," nui sang chung hian a ti a."Țha teh reng mai." Ni e, ka țha lutuk mah mah zawk.Ka phone alo rik chuan ka pick vat a, "Hello!""Vawiin in bang hma ang em?" Rinpuii chuan a rawn ti lang lang a."Ka hre rih lo tlat, an exam zawh hma dan azir aniang chu, enge ni ta a?""I ban hma chuan bazarah min kalpui lawk la ka ti mawle,""Awle, ka lo tum dawn nia, ka hman tak leh ka rawn hrilh dawn che nia.""Okay." Phone a dah a. Ka hawichhuah nâk chuan Akima chuan min lo melh run a, ka hawi sawn rang kher mai. Tinge maw hepa hi a danglam tak em em le? Nge keimah zawk?"Exam hall-ah naupang an awm vek tawh a, eng subject nge an tih hmasak ber dawn? Zawh bik nei lo hian a ti a."Ka subject leh pu Hminga subject," ka lo ti vat."Chuti anih chuan kal nghal vat rawh u."Pu Hminga nen chuan kan inzui chhuak ta a, kan chhuah hnu lawkah pu Hminga chu a rawn nui ri hawk a. "Enge i nuih a?""Kan principal khan a duh chiang che tih ka hre mai.""Chungte a nuihzatthlak vak a mi?" Ka lo ti hlak."Nangni pahnih hi in in ngeih viau dawn emaw ka ti a, engemaw in inkarah a awm em ni a?""Engmah a awm lo, kan inngeih lo hran lo bawk," tih pahin Hall-ah ka luhsan nghal daih. A la nui kur kur zui.Naupangin exam paper an chhan mawlh mawlh lai chuan pu Hminga thusawiin ka ngaihtuahna a la peng chu duh lovin ka lu ka thing nawk nawk a, min lo duh tak tak ta ni se, ka hmangaih thei dawn silova, a rilru ka tihnat sak mai mai dawn a, hetia țhian anga inkawm reng hi ka duhzawk a ni."Miss, paper," tia an rawn au chuan ka ngaihtuahna ațang chuan ka harh zawk a. Paper lamtu hnenah chuan ka pe nghal a, ngawi renga chhang mawlh mawlhin inentawn tuma in be su su pawh an awm lo. An felfai khawp mai.Ka subject bik an zawh vek hnuah an answer paper vel ka check leh a, ka dawhkan lam panin ka chhuak ta nghal a. Subject dang exam leh tur neite an chhuak leh nghal a.Nikhat atan subject khat te te exam tur an ni a, ka subject pawh vawiin atan a zo na in, answer paper en nghal ka duh avangin ka en nghal mawlh mawlh. Ka en zawh meuh chuan midang pawh an lo lut ve chiah a."E heu, i zo nghal der bik elo?""Zo nghal der mai." Akima en pahin, "Sir, ka zo tawh si a, ka haw hma thei mai em?" ka ti a."I va hmanhmawh ve a...""Nia...!""Umm, haw mai rawh, i hmanhmawh bawk si a,""Ka lawm e," tih pahin ka chhuak a. Rinpuii ka phone nghal a. "Ka bang hma thei hlauh e, ka rawn kal nghal a nia, khawiah nge ka rawn hmuh ang che?""Kan office ah lo kal mai ta che.""Awle," tih pah chuan ka phone ka dah a, kal nghal mai ka tum chuan ka banah nghet zeta rawn man tu avang chuan ka hawi phawk kher mai."Enge tih i tum a, i hmanhmawh em em ni?""Ka tihtur lehzel chu i hriat duh pawh ka lo ring hleinem,""Ngeiawm viau lo mai teh, tukin ațangin i mizia a dang daih a, min pehhel tum reng che a hriatna ka neih tlat hi engvang nge ni ang tih ka hre chak khawp mai.""Pehhel che ka tum pawh a ni lo.""Anih engvang nge?""Chutiang engmah a awm lo, i ngaihdan mai mai anih chu.""Ka ngaihdan mai mai a ni lo. Nangte hian min lo duh deuh te hi a ni lo maw?" Nui țha chung hian a ti ta a."Teuh lo lutuk ringawt," uar fahran hian ka ti a. Engvanga chutiangtea min ngai nge maw a nih le?"Ha..ha..anih tak chu, awle, i kalna turah chuan kal tawh rawh, i tlai ang e," nuih zat hmel zet hian a ti a. Ka melh rawm rawm mai.Ka kal nghal sawk sawk a. Hnunglama a nui ri hawk hawk chu ka la hre thei hial mai.Rinpuii te office ka thlen chuan min lo nghak reng tawh chu niin, kan inzui chhuak nghal a."Enge bazarah tih i tum a?""Kawr ka țhuitir a, min enpui ang chu ka ti.""Van ho e aw, hmanhmawh em emin ka rawn kal ve a, chutiangte chu nangmah pawhin i kal ve thei tho si a," ka ti nang nang mai."Theih te chu thei e, mahse i kalpui kha ka duh alawm, ka treat vek dawn che nia,""Anih chuan ka rawn kal ta sa sa bawk a, kal vat ang," bazar lam pan chuan kan kal ta nghal a.I ril a țam em? Engmah ila ei bik lovang tiraw?""Ei nang, ka zo fel a, ka rawn kal nghal nal nal anih hi.""Chuti chu chawl hmasa phawt ang hmiang, kei chu ka rilțam tawh lutuk, khawiah nge kan chawlh ang?" A tih chuan, "Pizza Hot Restaurant ah chawl ila, tah chuan a tui thei lutuk," tiin kan inzui ta a.Kan luh chuan an lo awm ve nual a, room 1 ah kan țhu ve ta nghal a. Menu keu in kan ei duh zawng kan en a, lehkha them min pekah chuan kan eitur chu ka ziak a, kan eitur ziahna lehkha an rawn lak hnuah Rinpuii chuan, "Helaiah hian ka la chawl miah lo anih hi. Pawnlam ațanga en ang ani miah lo, a changkang reuh tlat," a tih chuan ka lo nui sak.Kan eitur chah an rawn dah a, kan ei dun mawlh mawlh lai chuan, "Tunlai hi Akima nungchang hi danglam deuhvin i hre ve em?" Ka ti ta phawng a."Engtizawngin maw?""Ka hre chiah lo. A hma a kan inkawm țhin dan ang kha a pha tawh lova hriatna ka nei tlat a," ka tih chuan a lo ngawi vang vang a."Chutianga a danglam pawh ka hre ve hauh lo mai. A va mak awm ve a, ka lo chîk tawh dawn nia," a tih chuan ka bu ve ta nghat a.Kan ei na man pe tura Rinpuii'n counter lam a pan lai chuan pawnah ka lo nghak a, chutia pawna ka din lai chuan mi pakhat hian min rawn su sawk mai a. Ka tlu tur bana rawn dawm pah chuan, "Ka tihpalh, i țha em?" Ka han en chuan a lianin a sang țha hle a, a bulah chuan naupang ang mai niin ka lang alawm le, a hmelțha tia sawi tur chu a ni lova, mahse a hmelah chuan ka hriatthiam siloh suai a awm tlat.En zawh pawha en nawn leh a ngai an tih ang chi hi niin ka hria. Ka melh ta reng mai a, ani pawh chuan min lo melh run mai. Kan mit a intawng chiah chu țek den ang mai hian ka taksa hi a hit chhuak vek thei. Hetiang mipa hi khawvel chu sawiloh Mizoramah an awm theih ka ring lo. Ka awmdan ang chu thawnthu ah chauh awm turah ka lo ngai țhin a, a taka ka tawn ve pawh ka ring ngai lo."Aw, ka țha alawm," ka ti sap a.Chupa ka hriatngai loh leh ka hmu leh ang em tih pawh ka hriat loh chu a nui suk a, a kal leh nghal ta mai a, ka en zui vang vang ringawt. Ka thinlung chu khawiah nge a kal dawn tih hriatchâkna in a khat a, mahse umzui tur erawh chuan huaisenna ka nei lo thung.Rinpuii'n min lo nghawk tak sawkah chuan ka harh chhuak zawk mai. "Enge i ngaihtuah veng veng le, khatianga i awm kha ka vawikhat hmuhna che, nangmahah hian diklo a awm a ni lo maw?" Zawhna mitmeng hlir ka hmu. Keipawhin ka awmdan kha ka hrethiam bik lo. Kha mihring kha hmuh leh châknain ka khat zawk a ni."Ka hre bik lo," tih pah chuan chupa kal liamna lam chu ka melh leh zauh a. Ka en na lam thlir chungin, "Tunge i hmuh a, mitthi tawh hmel hmu ang maiin i hmel a dâng vek alawm le!""Tumah ka hmu lo," engtinnge ka sawi fiah ang ni?"Anih chuan kal ang," tih pah chuan kan inzui leh ta hnak hnak a.A kawr țhui tir na kan thlen chuan, "Maruat, I zo tawh em? Rawn lam ka tum a," a ti nghal tawng a."A pahnihin ka zo ve ve tawh alawm," Maruati chuan a ti a."Țhui man engzatnge i tih ang, min tlawm ve deuh ang chu!""Nia, a puanthan man leh a țhuina manah 2500 a nia, nâ i ti em?""Ti love, kan ha chhin dawn em ni, Hlute?""Ha rawh, a nalh lutuk ringawt," ka lo ti ve thuai a."Pakhat hi i ta tura ka țhuitir ania, surprise a nih hi," nui var var chungin a ti a."Eng â, ka ta tur maw? A ngai ve zel hleinem." Ka lawm viau na in, ka inthlahrung zawk."Ha mai mai teh, i vun rawng nen khan i inhmeh dawn teh ania," a tih chuan lawm takin ka ha ve ta mawlh mawlh a."Kha, ka tih reng kha, i inhmeh lutuk,""Ni e, i inhmeh lutuk," Maruatin a lo ti zawm zat."Ka lawm lutuk e," tiin ka nui var var mai."Haw tawh ila," a tih chuan ka lu bu nghatin kan inzui chhuak leh ta a."Min kalpui bawk si a, i hawna tur ka lo treat leh ang che," tiin pawisa min pek a tum leh a."Ni em em lo ve, kawr min leisak tawh a, a lawmawm lutuk alawm," tiin ka hnar ve ta tlat a. Min tilui thei ta bik lo.Auto lo tlan chu pharin ka chuang ta nghal a, "Anih ka kalsan mai ang che," tih pahin kan tlan ta nghal a.In ka thlen meuh chuan dar nga a ri tawh. "I van tlai ve a," ka nu'n a tih chuan ka inthlahrung ve det."Nia, Rinpuii'n bazara kalpuiah min sawm a, duh aiin kan tlai alawm mawle, kawr a țhuitir a, min lo țhui kêp lehnghal a, ka lawm tak tak ani," tih pahin kawr chu ka hmuh a, ka nu pawh chuan nalh a tih ve hmel khawp mai."I vannei hle mai, i rawn haw tlai si a, ka lo ngaihtuah lutuk hman che alawm,""Ka tihpalh a ni, hetiangin kan tlai ang tih ngaihna ka hre lo alawm,""Han inthlak la, chaw kan ei dawn nia," a tih chuan ka room panin ka kal ta nghal vat.Ka inthlak thuai thuai a, chaw ei turin ka chhuak leh nghal a. Choka a ka pa lo awm ka hmuh chuan, "Pa, vawiin lam enge i an a?""Ka țha lutuk tawh e, chaw ei in siam nghal mai dawn em ni?""Kan țawngțai phawt ang chu, mami i naute han ko ta che," a tih chuan ka naute ko turin an room ka pan a, ka koh chuan an lo kal ve nghal mai bawk.Țawngțaina kan hman zawh hnuah chaw ei kan siam a, kan ei ta nghal a."Mam, in exam chu i chhang țha em?" Ka ti a."Chhang țha turah ka in ngai.""A lawmawm anih chu, țang nasa hle ang che aw, Sangte, nangpawh țang hle rawh aw."Sangtea pawh chu alo bu ve nghat nghat a.Zanriah ei kham hnu chuan tih tur hi a vang thei țhin si a, T.v en ka peih bawk silo, ka room-ah lutin ka online ta mai mai a. Mahse ka ngaihtuahnaah vawiin a ka mipa hmuh kha a rawn lang nghal a, khawiahnge a awm anga, Lunglei khua hi a ni ve reng em? Tih lah ka hre der bawk silo. A mitmeng thûk zet maia min melhna ka ngaihtuah let leh phei chuan ka la mur ar ar thei nia."Mami, i țhianpa a lo leng ania," tia ka nu min rawn koh vang chuan ka chhuak vat a. Akima bak a ni leh lovang."I lo leng a ni maw?""In in lo lenna tur ka hre si lo chu anih hi," nui hak hak chung hian a ti a."Zanin chu i lo len pawh ka lo ring lova,""Engvang ngawtin maw?""Tikhan lo inkawm rawh u, ka mutsan dawn che u ania," tih pahin ka nu chuan room a pan nghal a."Tinge Rinpuii i lo hruai ve lohva?""Ka rawn len apiangin ka hruai zel dawn tihna ami?""Ah, ni chuang love, in pahnihin in rawn kal dun țhin tho si a.""Nia, zanin chu ka sawm lo mai. Pawi i ti viau em ni?""Ti chuang lo ve, thingpui ka va lum phawt ange," tih pah chuan choka ka pan nghal a.Thingpui chawia ka phei leh hnu chuan kan ngawi dun vang vang a, nidanga kan inkawm țhin ang lo takin sawi tur kan van dunin, Rinpuii awm ve se ka ti kher mai."I subject chu an tihțhat hmel hlawm em?" a tawpah chuan a rawn țawng chhuak hlawl a."Aw, an tițha hlawm khawp mai," ka ti ve mai a."Tunlai i zia hi a danglam tlata ka hriat chu le! Engvang nge tih ka ngaihtuah a ni.""Danglam em ni? Ka danglam pawh ka lo hre hleinem," ka ti ve mai a."Danglam tehreng mai. Min hmu peih tawh lo ang maiin i awm alawm,""Ka lo hre miah lova, nangmah zawk hi i danglam anga, min puh i tum te hi a ni lo maw?""Ve a che, kei chu ka ngai reng,""Keipawh," ka tih chuan a nui hawk."In luah chu ka huphurh ang reng, rawngbawl ber hi ka peih lova,""Chuti chu chaw i nghei fo dawn anih chu mawle," ka nui san san a."Ka nghei ai chuan in inah ka lo ei zel mai ang, i nu pawn a remtih vek tawh kha maw!" nui țha chung hian a ti a."Nupui neih ila duh bawk siloh chuan awmpui la mai la," ka tih chuan a nui suk a."Engemaw hleka nupui nei tawh la tih reng mai. Min nei mai la...! Rawng min bawlsak tur talin...""Teuh lo lutuk," ka tih chuan a nui ta hawk hawk a."Inrinni a ka luah fel chuan tlaiah ka țhian dangte sawmin chaw kan ei ho nghal dawn nia,""Engzatnge kan nih dawn a?""Keini pathum bakah ka țhiante pathum an nia, mipa pahnih leh hmeichhe pakhat, Rinpuii nen rawngbawl chu in kutah ka dah dawn ania,""I thu vek alawm sir.""Khati khan min han ko leh teh, vawiin te kha school chu ni lo se, i chak lo viau ang mawle," a tih chuan ka nui hak hak a."Principal i nia, khati khan ko lo che ila, zah lo viau ah che min ngai dawn asin, lawm hle zawk teh,""Nia, a dik ve tho mai. Mahse i kâ ațanga chhuakah chuan a ni deuh huih in ka hria," a tih chuan kan nui dun ta hawk hawk a."Ka birthday ah chuan in ka luah hman tawh dawn bawk a, kan party ang chu mawle,""Engtiknge ni kha?" Tia ka zawh chuan a lungawiloh hmel ngang mai."Ni 14 february hi. Valentine's Day a ni nghe nghe mawle.""Hmanpui tur nei lo ho kawikhawm i tum deuh em ni?" Nui var var chung hian ka ti a."A ni mai aniang chu. Hmanpui tur nei pawh kan sawm tho ang chu mawle.""Chhas zawnnan hmang nghal hlauh ila a țhat dawn chu," ka tih chuan a nui huk ringawt."Zawnpui i ngai em law'ng chu maw?" Sana bih zauh pahin a ti a. "A va lo tlai tawh ve a, i bula awm hi chuan dar hi alo kal leh duai zel.""Khanglang a che, i kâ hi chu a kaw ve ngawt mai.""Kâ kaw lo an awm em ni?" Nui sang chunga a tih leh chuan, "Sawi tur lah hi i hre zûl mai a, hnial hrat lutuk mai," ka ti hlak a. Ani lah chu a nuih a za tulh tulh lehnghal."Anih min lo thlah rawh le, min nin hma hian haw vat țhin ila, min ngai tawlh tawlh mai ang,"Hepa tak hi chuh! A changin a nungchang han danglam leh zawk țhin mahse thil engmah hi a la thutak run ve lova, hei tak hi a bula awm nuam min tihtir tu a ni.Akima haw hnu chuan ka room panin ka mu ve ta nghal a. Mutchhuakin min zem chiai chiai a, ka muhil ta bawrh bawrh a. Ka mangah vawiina mipa ka hmuh kha ka lo hmu leh a. Zing ka harh chuan ka ui kher mai.Vawiin ah exam kan zo dawn a, rilru hah pawh a veng ve deuh mahna le!Eps - 7Inrinni chaw ei kham hnuah Akima'n Rinpuii rawn hruaiin a in luah tura kal turin min rawn sawm a, pickup in a bungrua a rawn phurh tir nghal chu a hnungah zui ve in, in chu kan thleng a.Bungrua rem ngai ang ang kan rem a, khum a awm sa a vangin a mutbu kan phah sak leh nghal vek a, chhun chawlh hunah chuan kan inpeih thawthang chu a ni tawh mai. Parawl tur a ni bawk a, bungrua a ngah lem lova, kan zo thuai nghe nghe.Thingpui in zawha tihfel tur tlem a la awm na in, Akiman chawlh a rawt tak tlat avangin thingpui inin kan chawl ta phawt a."In chau viau lo maw?""Chau lo ve, bungrua a tam lem lo bawk a, a hahdam phian," Rinpuii chuan a lo ti var a.Tlaiah chaw ei nghal tur anih kha aw, in lo theihnghilh leh ang e,""Teuh lo mai, ei lam te chu theihnghilh chi nang mawle!" Ka lo ti ve vat a, kan nui ta dar dar a."Nia, kan nula senior ei thei a awm bawk a, ei leh in tui tawk kan siam dawn nia." A tih chuan ka tûm ta bar a.An pahnih chuan an nui kar kar a, ka lo haw khawp mai."Rawngbawl kha in pahnih kutah ka dah ania, sa leh thildang pawh ka lei vek tawh a, khalaiah khan a awm ang, keini pathum bakah mi pathum ka sawm a, ka țhiante an ni a, kawm an nuamin, an fel a, nangni paw'n in nel nghal mai ang.""Tehreng mai, i thu vek alawm Sir," nui sang chung hian ka ti deuh kher a. Min melh hrawk mai.Thingpui ina kan chawlh zawh hnu ah tihtur la awm chu kan ti leh nghal zung zung a. Kan tihfel meuh chuan rawngbawl alo hun leh nghal der mai."Khai a, rawngbawl a hun nghal der a nih hi. I țhian sawm tur te chu an changkang awm si a, keini pahnih lah hi kan țawp dun si, intihfaina hunte min pe vela, hetiangte chuan i țhiante bulah min zahpui leh si ang e aw," ka ti a."Eng ang pawhin awm ula, in nalh tho tho alawm, in chei vak a ngai lo. Duh leh ka țhiante an lo kal hunah ka in enkawltu an nih hi ka ti mai dawn alawm," nui hawk hawk chunga a tih chuan Rinpuii nen chuan a samah kan țham a, a na ti chu a țhen chawk chawk mai."Duhtawk teh u, a nih leh intihfaina hun ka pe ang che u," a ti chul a, kan nui nasa ngei mai."Hmm, ngai lo mai rawh se, tihian țawp deuhin i țhiante chu kan lo hmachhawn mai dawn nia, min zahpui tak leh i thu thu," Rinpuii nen chuan kan ti vat a."Nangni pahnih zahpuitu chu mi â tak a nih a ngai ang," nui var var chunga a tih chuan kan nui hawk hawk a."Ti tak tak lo pawh ni la, a lawmawm tho ve," Rinpuiin a tih chuan ka lo bu nghat.Rinpuii nen rawng kan bawl mawlh mawlh lai chuan Akima chu engtiklaiin nge a chhuah pawh kan hre lo. Polythene khai chung hian a lo lut a, Rinpuii nen chuan kan en dun ho ringawt."In zawh tawh chuan intifai rawh u, inthlakna chu polythene ah khan a awm." A tih chuan makti zetin polythene chu kan en a, engtinnge maw kan hak tawk pawh a hriat ni?"Engtinnge kan hak tawk tur i hriat a?" Ka lo ti var a."Kha kha a ni mai," tih ringawtin min chhang.Polythene chhung kan en chuan Rinpuii nena kan hak tur kawr leh puanfen a lo awm a, underwear leh bra alo awm bawk. In enin kan nui tawp."Sa kha ala hmin lo deuh a, a dang chu kan peih vek tawh, lo vil lawk la, kan han intifai ve ange, Hlute, in bual tlang mai ang hmiang," nui rah rah chung hian a ti a."In van zak lo e...! Bathroom hran a awm ve ve kha, towel pawh a thar a awm diam kha.""Enge zahna tur awm a, hmeichhia ve ve kan nia lawm," Rinpuiin a tih chuan a lo chek nghek ringawt."Kal thuai ula, han inbual vat teh u, țhiante pawh an lo thleng țep a nia, in inbual chhungin an lo thleng hman mai thei a ni." A tih leh chuan hmanhmawh takin bathroom kan pan ta sawk sawk a.Kan inbual zo, kan inthlak fel hnu chuan inhnuaiah kan chhukthla a, Akima țhiante pawh an lo thleng tawh tih hriat tak hian an țawng lang lang mai.Rinpuii nen an awmna panin kan kal a, kan thlen chuan ka ding nghal chawt. Makti zetin ka melh ta reng mai. Min sutu pa kha a ni chiang lutuk. Akima nen an inhria ang tih ngaihna ka hre hauh lo. Rin ngaihna pawh ka hre hek lo. Ani pawh chuan mit khap miah lovin min lo en ve ngar a, a hmuh hnu ka ni tih hria ni awm tak hian a kiai sak a."Lo kal rawh u, hei hi ka țhiante chu an nih hi." Tiin min ko lut a.Akiman an hming a sawi diat diat a, "Hei hi Lalțanpuia a ni a, Puia tiin kan ko mai, hmeichhia hi Mabiaki, chuan hei hi Zomuansanga a nih hi. Rinpuii nen chuan hawihhawm chhuahin kan chibai ve a, kan hmingte a sawi ve bawk. Zomuansanga zawn ka thlen chuan a lo nui suk a, kan in chibai paha ka kut a vawnna chu a nghet cherh chawrh hle.Ka kut a vawn chiah chuan ka thisen a khang ta mai emaw tih tur hian ka awm a, ka hit mup a, ka lum leh up up a, ka awmdan chu ka sawifiah thiam lo. Ka hai chiai chiai ni berin ka hria.Ka kut a vawnna a thlah meuh chuan ka thaw huai mai. Ka taksa chu namen lovin a țang a, ka lungphu rawn rang ta lutuk chu tihngaihna hre lo zet hian ka dawm ta ringawt."Engtinnge i awm a, i țha em?" Min ngaihtuah hmel tak hian Akima chuan a lo ti vat a."Ka țha e, ka lu a rawn hai deuh alawm mawle," tih pahin Zomuana chu ka melh zeuh va, ani lah chuan nuihzat hmel zet hian min lo melh a, ka mit ka la sawn rang kher mai. Nula senior tia sawi ka ni ve tawh a, engvanga naupangchhia ang maia ka awm ni? Khapa vang vek kha a ni.Choka lam min panpui a, tui ka inkhawlh khawlh a. Ka hmuh leh pawh ka rin tawh lo, ka ngaihtuahna luah reng tu ka hmuh leh thut avang a ni tih ka hre ru reng si a, nuam lo ka tiin Akima lakah pawh ka inthlahrun phah leh zual a ni."I țhiante chu va kawm leh tawh rawh, min ngaihtuah suh, ka țha tawh alawm,""Tak tak maw? I țhat loh vaih chuan nuam ka ti dawn miah lo ania, vawiina ka chhawr nasat lutuk vang che a ni ngei ang.""Teuh lo mai, chutiang pawh a ni lo, choka lam hi ka lo buaipui rih ange," ka tih chuan ngaihngam chiah lo niawm tak hian min en vang vang a, a tawpah chuan a kal ve ta hram a, ka thaw huai mai.Inchung bathlar panin ka chhova, ka hawi kual a, tlangte chu romei vangin a paw chiai a, lung a ti leng duh kher mai."Hetah ilo awm reng a ni maw?" Tih thawmah chuan ka phu zawk mai. A aw ațang chuan tunge tih en lo mahila ka hre lutuk. Vawikhat a aw ka hriat ațang khan ka hai theih ka ring tawh lo. Ka thinlungah hian chiang taka chhinchhiah tlatin a awm a ni."Keimah em ni i tih?" Ka tih chuan a nuih a zat hmel kher mai."Nangmah lo hetah an awm silova," nuih za hmel zet hian a ti a."Oh! Ni e, ka tihpalh," ka ti leh nawk nawk a. A nuih a za zual sauh a."Ka tihpalh, ka rawn tibuai che a, tumah an awm ka rin loh vanga lo chho ka nia, Kima nen hian engtinnge in in hriat a?" Akima tia a ko ve miah lo chu mak ka lo ti deuh va. Ka ngaihtuahna ho zet vang chuan ka kiai sak a.Ka rilru hria niawm tak hian a nui suk a, "Mak i va ti awm ve a, kan inkoh dan alawm, hmeichhiate anga koh nem duai hi ka thiam ve lova," a tih leh chuan ka nui ve tawp."Kan naupan laiin School kan kal ho țhin alawm,""Anih tak chu,""Anih nangni zawk? Engtia inhria nge in nih a?" Ka ti ve thung a."Keini pawh chutiang deuh chu, kan inhmu chu ka lawm khawp mai," a tih leh chuan makti zetin ka en a."Nangni pahnih kha lo chhuk tawh ula," tia min rawn koh avang chuan kan chhukthla ve ta a.Chaw kan ei chu ka beisei aiin ka eitui daih mai. Kan chawhmeh siam an fak liam liam chuan nuam ka lo tiru veng veng mai."I hna chu i tluang zel amaw?" Akima'n Zomuana hnena a tih chuan ka lo melh zauh va. In ep chiaha țhu kan ni bawk a, ka melh leh zauh zauh țhin a, ani pawhin min lo melh ve leh reng țhin."Tluang a ni mai e, hna a tam deuh țhin tih mai loh chu.""Nupui neih lam te hi i la rilruk ve lo em ni?" Akima zawhna chuan a nuih a tiza tih hriat zet hian a khi suk a."Kan la inang reng chu a nih hi," a ti awlsam mai a. Kan nui dar dar mai."Puia te pawh chu engtiknge tih huk in tum ve dawn a?""A rei tawh lovang, ni lawm ni Mabiak?" A ti deuh kher a."Nia, a rei tawh lovang, a changtupa ber hi a la inpeih thei lova," Mabiakin a tih chuan kan nui leh dar dar a.Kan chaw ei chu rin ai takin kan hlim ta phian a. Hmeichhe hovin kan tihfel lai chuan mipa ho chu țhutkhawmna hmunah an titi a."Kima, i țhiannu nen hian kan thawk tlang i ti em ni kha?" Tia zawhna ri chuan ka beng a verh zar a. Ngaithla lo ang taka lan tum chung chuan ka beng ka dawh ran mai."Aw, ni e, tinge a?""Engmah ni love," a ti leh hlauh si a."Engmah lo chu a nih ka ring lo, nang hian i duh ru deuh a ni lo maw?""Chutiang lam pawh a ni lo," tia chhanna chuan min tihnual rawih thei. Kei hi engemaw ka hriat a, ka beisei reng reng ni? Tleirawl pawh ka ni tawh hleinem le!Hna chungchang lam an sawi ta daih a. Kan tihfel hnu chuan Mabiaki pawh an zingah a țhu phei ve ta nghal a."Thingpui hang in duh em?" Ka zawhna avang chuan an lo hawi deuh țhap a. Zomuansanga vang chuan ka lai leh ringawt tawh."Lo siam ta che," Akima zawk chuan a ti a.Thingpui ka chhuang nghal a, Rinpuii nen chuan kan titi dun malh malh a."Ka pa a dam lova, ni hnih khat chawlh dila haw ka tum deuh va," a tih chuan ka en zawk."Engtik ațangin nge a damloh va?""Nizan ațang khan a nia, nichin mai khan ka nuin min rawn hrilh a, a na hle a ni awm e!" A tih chuan ka khawngaih kher mai."A pawi ka tihpui hle mai che, mahse i haw hunah ka ngai ngawt ang che.""In thingpui lum chu...""Aw, ka lo siam nghal." Ka ti vat a. Ka siam zawh chuan ka va sem nghal a."Helamah lo țhu phei ve ta che u, in in thlahrun hmel bik em mai," Akiman a tih chuan, "Ni e," an lo ti ve vat a. Zomuana chiahin engmah a sawi lo na in, min en chîk hle tih erawh ka hre thei mai a ni."Thingpui siam a ngai si alawm," ka lo ti ve vat."Rawn inchawi phei ve rawh u,""Awle," tih pahin choka ka pan leh a, Rinpuii nen chuan kan thingpui tur chawiin Akima bulah chuan kan țhu ve ta a."Kima, a tu zawk hi nge i bialnu ni a?" Puia'n a tih chuan ka en vat a, Akima lah chu nuihza tih hriat lutuk hian a nui hawk hawk a. Keini pahnih chu kan lai dun khawp mai."Eng zawhna nge ni ta ngai â Puia?" Ala nui hawk hawk mai."Zawhna țha tak mawle, hmana i sawi țhin kha a tuemaw zawk zawk hi an nih ka lo ring deuh mai mai a!" a tih chuan Akima hmel chu ka lo en vat a. A sen ve awp awp in ka hria."Chutiangte inzawh ngai a ni ami, i hre duh viau anih te chuan a ruk deuh tal pawhin i zawt thei reng si a!" Ka lo ti hlak a."A pawi lo ve, Hlute, a sawi dik. Puia, i hre chak viau anih chuan chu nu chu ka hmu tawh alawm," a tih chuan makti zetin kan en hlawm a."Min la hmelhriattir aniang chu, i hmu tawh anih chuan," Zomuana chu a nui var var a."Mahse...amah ka la hrilh hleinem,""Khai aw...! I hmuh tawh te chuan tinge i hrilh mai lohva?" Puia chuan a lo ti vat a."Nia, hun ala awm lo em a ni. Ka hmuh lehna a la rei silova, han hrilh mai turin." A zak ve deuh a ni ngei ang."Karleh ni 14 khi ka birthday ania, in vai hian ka sawm leh vek che u ania, in lo kal leh ngei a ngai ang," Akima bawk chuan a ti leh a."Wow! Nuam leh dawn mange, intur lamte engtinnge ni ang?" Puia chuan a lo ti nghal ham ham a."Kha lam kha chu lungngaihna tur a awm lo, in tur leh eitur chu a awm sa vek tawh,""Țhian dang pawh in rawn sawm thei ang, Zomuan, nang pawh i bialnu kha rawn hruai ve la, kei chu Hlutei te pahnih hi ka kawp mai ang," Akiman a tih chuan Zomuana ka melh vat a. Ani pawh chuan min lo melh ve chiah bawk. Kan mit a intawng chiah chu ka thawk a tawp ta mai emaw ka ti hman hial. Ka lungphu rang ta dat dat chu an hriat ka hlau kher mai. Rang lutukin ka mit ka lasawn nghal vat a, ka thaw ham ham mai."Akim, kei chu ka hman ka ring lo, thawhțanah chawlh ka dil anga, eng chen nge ka chawlh dawn ka hre si lova, mahse rawn hman hram chu ka tum ang," Rinpuii chuan a lo ti ve vat a."Engvangin maw? Enge i hman lohna chhan tur chu, chhuanlam țha tawk tak a ngai ang aw...!""Ka pa a țha vak lova, ka haw a ngai alawm, tlaiah khan ka nu'n min rawn bia a,""Tinge chutiang te chu nichin khan i sawi nghal mai lohva, i țhian ka ni lovem ni?""Ka tihpalh, in hlim lai a, chutiang thu lo hrilh che u chu a inthlahrunawm alawm.""Inthlahrunna tur engmah a awm hleinem, pawi ka tihpui lutuk che, engmah hre lovin i rilru put dan tur pawh kan lo hre lo ania." Midang pawh chuan pawi an tih thu an sawi ve tliar tliar a."Akim, ka hawsan mai ang che u," Rinpuiin a tih chuan, "keipawh a rual hian ka haw ve nghal mai ange," ti ve in ka ding chhuak nghal a."Chuti anih leh haw vek mai ang u," Puia te pahnih pawh chuan an rawn ti ve a."Nangin Bike i keng a, Rinpuii hi phur haw nghal mai la, keiin Hlutei hi ka thlah ang e," Zomuana hnenah chuan a ti a.Kan inzui chhuak ta țham țham a. Bike an lo ken ve ve avangin Puia leh Mabiaki an inphur a, Zomuana leh Rinpuii an inphur bawk a, kei pawh Akima car ah chuan ka lut ve nghal bawk. Zomuana'n an tlanchhuah hma lawka mitmeng danglam zeta min rawn melh chuan ka lo ip chawih a, ka sa nghal ham ham thei.Engvanginnge Zomuana min melh apianga ka taksa ah danglamna a thlen ziah hi mak ka tiin a ngaihna ka hre lo kher mai. Akima bulah pawh kha leh chen ka awm tawh a, danglamna ka nei ngai der silo. Ka la hriatchian loh mihringin hetiang em a ka taksa a danglamna a thlen thei hi mak tih loh rual a ni lo a ni.Puia te pahnihin hma an hruai a, Zomuana ten an zui a, a hnung berah keinin."Ka țhiante chu enge i hmuh dan?" Akima min zawhna avang chuan ka phu zawk a."Er...aw...an fel hmel hlawm khawp mai," ka ti țha ve mai a."Puia leh Mabiaki kha an inzui rei ve tawh asin. An nu leh pa ten inneih an phal lova, an inthlah thei chuang silova, an khawngaihthlak khawp mai. Hetiang hi ka tawn ve ka hlau tlat," a ti duah a."Anih chu, tunlaiah te chuan nu leh pa hetiang em em hi an awm tawh lo asin mawle," ka lo ti ve nang nang a."Rinpuii chu a zialo hle tak tak mai a, a rilru a hrehawm viau ang," Ngaihtuah vang vang chung hian a ti a."Ni e, a zialo khawp mai. Mahse a țha ve leh turah ngai phawt mai ang, eng em a ti lovang chu maw!"Kan hmalam ka thlir chuan bike pawh ka hmu tawh lo. An tlan chak hle a ni ngei ang. Kan inkawt kan thlen veleh ka chhuk a, "Lo pên i tum em?" Ka tih chuan, "Peng tawh lo mai ang e, zan a rei tawh dawn tlat," tiin a car a tinung a, a tlan leh ta nghal a.Keipawh inchhungah lutin ka room ka pan nghal a. Ka inthlak zawha ka mut chuan ka mitthlaah Zomuana hmel a rawn lang zut zut a. A mitmeng thûk raihin min melh na te chu theihnghilh rual a ni lo. Ka thinlungah hian nemnghehin a awm tawh tlat.'Kha pa kha ka duh ta mai em ni le?'Eps - 8Nizan ka mu kha chhunlama ka chet hah deuh vang a ni ngei ang, ka chau lo emaw ka tih kha ka lo chau viau a ni ang chu, khum ka deh rual rual kha chuan ka muhil nghal mai lo tih chu ka hria. Mahse engtiklaiin nge ka lo muthilh ka hre hauh lo. Kha mihring ngaihtuah chung khan ka lo muhil a ni ngei ang.Engvanga kha pa kha ngaihtuah reng nge ka nih pawh ka hre lo ve. Ngaihtuah loh ka tum ngial pawhin ka thei lo chu a ni e. Ka ngaihtuahna zawng zawng a luahkhat nghal vek mai a ni. A aw ri thum deuh chhar te, a mitmeng zim deuh san a min melh run mai leh a pian nalh fahran mai, a chak a ni tih hriat hliah hliah mai te chu theihnghilh chi rual a ni lo a ni.Khatiang mipa kha ka tawn awm pawh ka la hre lo. Tawng tawh ni ila chuan theihnghilh phal mai chi a ni lo a ni. A sam buk lam lek lek leh a khabe hmul tlem a zuahte chu a inhmeh em em lehnghal a. Umm, a engkim mai kha a fuh vel vek a ni. Mahse ka chan loh tur zunah uai ka tum tawh lo. A hmaa ka tawn ang kha tawn leh chu ka zuam tawh lo a ni. Kha mihring tlaktlai lo leh bum hmang vanga ka nun a chhiat teuh zia te kha ka ngaihtuah chhuak uar uar mai.Theihtawpa theihnghilh tuma ka beihna avang chauhva tun hi thleng thei ka ni. Chuvangin Zomuana pawh hi engtikahmah ka ta a ni thei dawn lova, ka lo ngaihtuah ve vak vak a țulna a awm lo a ni.Ka mutna ațanga tho vatin, ka intifai a, ka nu'n rawng a lo bawl mek a, vawiin hi chawlhni(Sunday) tih ka theihnghilh chiang lutuk."I tho ve tawh maw? Akima in chu in peihfel sak thei maw?" Ka nun alo tih chuan, "Aw, peihfel e, a nuam reuh khawp mai.""Bawihi, Akima hi pasal atan i duh mai lo em ni? Ani hian a duh che tih ka hmu thei asin," ka phu zawk a, ka nu chu ka en vat. Ka nu pawh chuan chiang takin min lo en ve a."Akima'n min duh anga maw? Hmeichhe duh deuh a neih thu a sawi chu ka hria,""A awmdanah te hian i hrethiam miah lovem ni? A ngaihtuahzia che leh a ngaihsak zia che hi engmah i hrethiam miah lova maw?" Mak ka ti telh telh. "Ka bulah engmah a sawi bawk silova." Ka ti a."A sawi lo reng ang chu mawle, i mizia ațang hian sawi âwmah a ngai lo aniang chu!""Khai a, ka nu, i fiamthu a ni zawk lo maw?" Ka ti hliai mai."Fiamthu ah i ngai amaw? Engpawh nise, i duh lo anih chuan nawr luih che pawh ka tum lo. Mahse Akima tluka mipa țha hi chu i tawng tawh lo mai thei a nia." Ni e, ka nu hian a tidik a ni.Akima chu a țha lutuk ringawt. Mahse țhian ang bakin ka hmangaih thei silova. Ka lakah chutiang rilru a pu te anih chuan engtinnge ka tih tak ang le? A hmeichhe sawi țhin kha ka lo ni em ni? Ka nih loh hram ka beisei a, A rilru ka tihnat ka duh dawn silova.Â! Chutiang lam chu ngaihtuah tawh lovang, rawngbawl kan peih hnu reiloteah chaw kan ei nghal a.Kan eikhamah inkhawm turin kan insiam nghal sang sang a, inkhawm banah Akima nen Rinpuii te in lama kal rawt ila a țha ang. Ka phone nghal vat a."Akim, inkhawm i tum em? Inkhawm banah Rinpuii te inah leng lawk ila, i hman ang em?""Hman loh na tur pawh a awm hleinem, inkhawm ka tum lova, i ban hunah min lo call mai dawn nia," a ti a."Awle, anih ka dah ania," phone off in ka insiam nghal mawlh mawlh a.Ka inkhawm thusawi tu a din chuan ka mut a chhuak kher mai. Inkhawm laia mutthluk hi ka duh miah loh leh ka tihngai miah loh a ni a, mahse tun țum ka inkhawm zet chu ka muthlu nasa lutuk a, thuchah sawi pawh engmah ka hre lo. A vawikhatna atan ka inkhawm chu ka hlawkpui lo kher mai.Kan ban hnuah in lam ka pan vat a, ka inthlak leh nghal sawk sawk. "Hello, Akim, inkhawm kan bang chiah a, i hman dawn tawh em?" Tiin ka phone nghal a."Aw, ka rawn phei nghal e,"Sitting room ah ka lo nghak a, Rinpuii hnenah kan kal tur thu ka hrilh tawh bawk a. Ani pawhin min lo beisei reng tawh mai thei a ni.Akima a lo thlen chuan, "Pa, ka nu lo hrilh mai rawh aw, kan kal a nia," tih leh chhuah ka rual a, Akima motorah chuangin kan tlan ta nghal a.Rinpuii te in kan thlen chuan amah chauhvin a lo awm a, kan thleng chu a lawm hmel kher mai."In lo kal chu ka van lawm tak! Ka nu'n min lo phone leh a, nimin lam aia a țhat deuh thu a rawn sawi a, ka lawm tak tak a ni. Nizan lam te khan an inbeisei tawh lo a ni awm e.""A van lawmawm ve mawle! Phei chu i tum tho ang em?" Ka lo ti ve vat a."Aw, naktukah chawlh ka dil anga, ka hmuh chuan a tlaia tlaiin ka phei nghal ang," a tih chuan Akima nen kan lo bu nghat nghat a."I pa chu aw...lo dam țha vat se ka ti hle mai. Lo let leh vat tum ang che aw," ka lo ti a."Ni e, ka birthday chu rawn hman hram i tum dawn nia, mahse i pa a țhat loh viau chuan ka phut lui chuang lo che, țhiante nena hman ho hi a nawm ve em vang leh i tel lova hman ka duh loh vang a nia," Akima chuan a lo ti ve vat a."Nia, ka pa awmdan a zir a ni mai. Ka hna pawh hi chawlh reng theih chuang lova, rawn hman hram chu ka tum dawn nia, mahse engmah ka tiam thei lo che u,""Ni e, ni e, helam chu eng to vak duh suh, i pa chu dam țha se a tawk mai." Akiman a ti leh a."Engpawh nise, naktuk school in la chawl tiraw?""Aw, engatinge?" Ka lo ti vat a."Min lo kalpui la, bazarah kan kal nghal lawk anga," a tih chuan, "Awle," ka lo ti vat."Keipawh ka lo kal ve dawn," Akiman a tih chuan Rinpuiin, "Ngai lo, i tel vena chi a ni lo." A lo ti vat a."Enge ka tel ve na chi a nih lohna, ka lo kal tho tho ang," a tih leh chuan Rinpuii hnial ngaihna hre tawh lo chuan a 'aw' ta ringawt a.Khua te a lo tlailam ta bawk a, A tuka inhmuh leh tiam chungin kan in mangțha ta a.Kan haw kawngah chuan kan titi phei bawrh bawrh a. Chutia kan tlan mek lai chuan bike pakhat hi min tawk zawng chiah hian a lo tlan a, kan bul hnai alo thlen chuan a ding chawt a, Zomuansanga lek niin! Akima pawh chu a ding ve vat a."Nangni pahnih chu khawilamah nge in han fawr kual a?" Ngeiawm lek lek hian a rawn ti a."Rinpuii te inah kan va leng lawk a nih hi. A pa damlo chanchinte kan va zawt chiang alawm mawle, nang zawk?""Khawiah emaw ka kal zawk mawle, anih ka kal leh nghal mai ang," a tih pah chuan min rawn melh zawk a. A bike tinungin a tlan leh ta nghal daih a."Hepa tak hi chu aw!" Tih pahin Akima chu a nui hak hak a."Ani nen khan engtinnge in in hriat teh daih a?" Ka ti vat a."College kan kal ațanga inhria kan nia lawm, mahse, kan hnathawh duhzawng a inan tak loh avangin kan inkawm ta vak lova, helamah min rawn sawn ve takah chuan kan inkawm leh ta chu a nih ber hi," a tih chuan mak ka ti ang reng viau. An mizia a inpersan em a ni."Anih tak chu mawle," a ri chuan ka ti chhuak hram a."Mak i van ti awm ve a, nia, makti pawh nila, a awm ve tho alawm, kan mizia a inang lo em a ni," a ti ve mai bawk a.Kan in kan thlen leh meuh chuan rawngbawl a lo hun leh der tawh mai. Inchhunga inzui luh pahin, "Ei ve leh nghal mai la," ka ti a."Nia, ei ve nghal mai rawh," ka nu'n kan țawng ri hriain a lo ti ve nghal zat bawk a."Nangma min sawmna ringawt chu nise, ka hnial ang che, mahse i nu'n min sawm tel miau si a, ka hnial lo mai ange," nui var var chung hian a ti leh a."Ngeiawm pa leh! Chimawm thiam bawk si!""Ngeiawm min ti lovin, fel min tih em kha maw!" Ka nu leh pa pawh an lo nui ve var var mai. Akima bula awm hi ka nu leh pa hian nuam an ti hle a ni. Ani lah hian a titi pui thiamin, an lawm tawk hi a tithiam en bawk a ni.Rawngbawl pawh ka nu tih ve ngai lovin kan pahnihin kan bawl dun vek a, nuam a tih hmel kher mai."Tihian nupa ni ta mai ila, a nuam awm reuh," a ti zuk a, a nui suk lehnghal. Keilah ka lo lai ve tumhrang lehnghal."I ti nuihzatthlak e a!""Engvangin maw?""Engvang mahin!" Hetianga min chhaih hian ka lai țhin tih a hriat vangin chhaih nuam min tih phah fo. Huat dawna huat theih miah siloh a, țawngkam hman hi a hrat em em bawk.A tuk pawh school kan la chawlh avangin Rinpuii bazar kalpui tumin Akima nen bawk kan inzui chhuak leh ta a. Mi hmuhah chuan inngaizawng kan ang ngawt ang, mahse kan inngaizawng der silova.Rinpuii kan sawm phei a, ani pawh a lo insiam peih fel vek tawh bawk. A thawmhnaw dahna bag nen kawtah min lo nghak a, kan thlen veleh motorah a rawn lut ve nghal a, an office panin kan chhuak ta phawt a.Rinpuii te office kan thlen chuan chawlh a dilna tur a tifel nghal vek a, a tihfel veleh inzui zelin Counter-ah Aizawl kal tur chawhnu chhuak ticket kan la nghal bawk. A bag kan dah nghal bawk a. Bazar lam panin kan inzui leh ta țham țham a."He pa lo kal hian thil a ti bam vek dawn," Ka beng bulah Rinpuii chuan a rawn ti sa sa a."Tinge?""Nangni pahnih khan min rel s'u aw...!""Kan rel lo che," Rinpuiin a lo ti vat a.Bazar chhungah a tlan lut nghal a. Rinpuii nen kan chhuak vat a. "Tikhan min lo nghak lawk rawh, kan rei lovang," Rinpuiin Akima hnena a tih nghal sawk sawk chuan makti zetin ka en a. Ka zui ve nghal mai bawk.Akima kal ve a duh lohna chhan ka hre ta thuai reng a. "Ka haw dawn si a, ka pa awmdan azirin ka lo phei theih lawk loh takah Akima birthday present tur lei ka duh vang a nia," a tih chuan ka nuih a ti za in, naupanchhiatthlak ka ti ang reng khawp mai."Hre mahse a pawi viau ami a?" Ka lo ti vat a."Tuna ka pek te chuan ala hma bawk si a, ka lo phei hman leh ka pe anga, ka hman loh tak leh ilo pe mai dawn alawm, ka awmdan tur a hriat rih tlat silohva, pek loh ka hreh ve bawk si alawm,""Ni ve tho mai, ka lo kawl sak dawn che nia," ka ti ve ta a. Akima bula kan inzui phei leh chuan motorah ngawi rengin a lo țhu a. "In va rei ve a, ka hriat ve loh tur thil enge awm a?" Alo ti hmuk a.Rinpuii nen in enin kan nui hak mai. "Mipa hriat veloh tur thil mawle!" Ka lo ti vat a."Anih khawilamah nge kan kal dawn?""Restaurant ah chawl ila," ka lo ti vat a."Ala hma lo ami?""Hma tawh lo, Rinpuii a kal mai tawh dawn si a, thlah pah ani mai alawm," ka ti leh thuai a."Nia, chawl ang u, ka ngai dawn bawk si che u a!" Rinpuiin a lo ti ve vat bawk.ONO Restaurant ah chawlin, kan ei duh zawngte kan lam a, chutia kan nghah mek lai chuan Zomuana leh hmeichhe pakhat rawn inzui lut hi ka mitsirin ka hmu a, mahse hmu lo ang chiaha awmin menu chu ka thlir vel mai mai a.Akima chuan Zomuana te pahnih rawn lut chu a lo hmu chu niin, a lo au vat a. "Helamah min lo zawm ve ula," a ti a. Anni pahnih chu an rawn hawi phei thuai a. Min hmuh veleh min rawn pan ta nghal a."Nangni pathum chu, ka hmuh che u ka ring hleinem, enge in tih a?" A rawn ti a."Rinpuii haw tur kan thlah lawk dawn anih hi!" Akima chuan a ti vat a. Țhutna dang chu a kawhhmuh a, Rinpuii nen kan țhu dun a, Akima a mahin, Akima bulah chuan ka ep chiahah a țhu nghal a, a bulah a hmeichhe kalpui kha a țhu bawk a.Kan eitur an rawn dah pahin an eitur an chah ve nghal a. Ei pahin midang chu an titi mawlh mawlh a, ngawi rengin ka ei mawlh mawlh thung a."I va ngawi thei ve a?" Min rawn zawt tu chu ka en vat a. Zomuana chuan min lo en ngur mai a. Rang lutuka ka mit la sawn lehnghal vatin, zah vang chuan ka sen awp awp a.Kan ei zo tawh bawk nen, kal ka rawt ta vat a. "Kal tawh ila, Rinpuiin a nang hman lo palh ang," ka ti ta ringawt a. Chhuanlam dang sawi mai tur ka hre lo a ni."Ni e, pawi lovang, anih kan kalsan mai ang che u, Rinpuii la thlah kan ngai si a, ni 14 chu aw, i theihnghilh ange," tiin Zomuana hnenah Akima chuan a ti a."In va hmanhmawh ve. Nia, kan lo tum dawn nia," tih ve pahin min rawn melh zauh chu hmu in hmundang ka melh ta daih a."Rinpuii nen pawnah kan lo va nghak ang che," tih pahin Rinpuii nen chuan kan inzui chhuak ta nghal a.A hnu reiloteah Akima pawh a rawn chhuak ve ta a. A motorah chuangin Ticket lakna Counter chu kan pan ta nghal a. Kan thlen chuan minute sawm vel chiah chhuah nan a lo awm tawh a, a bag vel te an hlan fel hnu chuan passenger dang nghah pahin amah pawh sumo ah a țhu lut a, reilotea chhuah mai inpeihin an țhu ta țham a.Passenger dang an lo thlen hnu reiloteah chuan chanchin inhrilh reng tura inchah lawm lawm pahin an tlanchhuak ta nghal a. Kan in bye bye liam ta. Keini pawh motorah lutin in lam panin kan tlan veleh ta nghal bawk.In kan panna kawngah chuan ngawi rengin kan tlan miah miah a. Kan rilruah erawh chuan Rinpuii bak a awm lo ang a tihtheih awm e."A pa chu a beisei aiin lo țha se ka ti kher mai," ka ti chhuak phawng mai a."Ni e," tih ringawtin min chhang a, min rawn melh zauhva."Ka khawngaih em mai. Ka pa damlo zeuh zeuh pawh hrehawm ka tih nâkalaiin; a hrehawm dawn em mai,""Hmm, damloh hi chu a hrehawm vek a ni. Na tak nih leh phei chu a hrehawm lehzual. Thudang daih, Zomuana bialnu kha enge i hmuhdan?" A zawhna avang chuan ka sen awp awp a. Min en lo hlauh chu ka lawm kher mai."A bialnu tih ka lo hre miah lova, a chhiat loh kha le!" Tiin ka chhang ta ringawt. Tukverh lam ka hawi vang vang hnuah car seat nghengin ka maimitchhing ta daih a. Kha nu kha a bialnu maw ni a? A hmelțha hle in a inchei danah an khawsa thei viau ang tih a lang reng mai. Kei nen chuan tehkhin chi pawh kan ni lo. Ani ang el pha tur chuan kan dinhmunin a zir ve lova, Zomuana pawh beisei ngam tur ka nih loh zia ka hriatchhuah thar phah leh hial a ni.Theihnghilh tuma ka bei nasa hle a, tlem chuan ka thei ve deuh. Bialnu a nei tih hre reng chungin ka thinlung hi amah duhna avangin a sahal a. Ka lungphu ri te hian a hmingte hi an lam hial niin ka hre țhin. He mihring hi duh hle mahila, engtikahmah 'ka duh a ni' tih hi a hre tur a ni lo.A hmaa ka ngaihzawng neih ai khan ka thinlung a la na dawn tih ka hre kiau mai si a. Ka thinlung hliama a awm leh tur chu duh lo teh mahila, Keia dan theih a ni miau silo. Tun apangin ka na țan chu a ni der mai si. A kianga hmeichhia awm ka hmuh ațangin ka thinlungah nâ a awm tawh a ni. Chu chu tuma tihreh theih rual a ni tawh lo.In kan thlen lai hre lo khawpin ka ngaihtuahna ka lo kawm a ni tih ka hre chiah."Kan thleng tawh ania, i harh em?" Ka muhilah ngaiin min kova. Ka meng chhuak diar diar a. Kan kawtah kan lo ding reng tawh mai. Ka chhuk vat a, "I lo peng dawn em?""Peng tawh lo mai ang, naktuk chu school kal kan ngaih tawh kha aw...naktukah kan inhmu dawn nia," tiin a tlan leh nghal daih a.Inchhungah lut ve nghal vatin, "Nu, pa, ka lo haw e, in awm em?" Ka ti a."Awm e, i van lo haw hma ve a, Rinpuii chu a kal ta ami?""Aw, kal ta e, rawng i bawl tawh em ni?""La bawl lo deuh, ala hma deuhva.""Ka inthlak anga, ka lo bawl dawn nia, mama te an lo la haw nange a?" Tih pahin inthlak turin ka room ka pan nghal a.Ka inthlak zawhah ka nu nen rawng kan bawl dun leh ta a. Kan bawl zawh hnu lawkah ka naute an lo haw ve ta bawk a.Zanriah ei kan peih hnu ah chhungkuain Pathian hnenah inkawltirna kan nei leh phawt a, chaw kan ei ta nghal a.Kan eikhama ka tihfel vek hnu ah kan kawngkhar an rawn kik dat dat a. Ka va hawn nâk chuan le, ka rinloh leh beisei loh lutuk hmel ka hmu chu lut tura sawm mai nachang ka hre lawk lo lehnghal."Ka lo lut thei ang em?" Ka harh zawk a, kawng ka kian nghal a, nui sak chungin a rawn lut ve nghal a."Ka lo beisei miah lo che a?" zawi tein ka ti sap a."A lang reng alawm." tih pahin sitting room a pan nghal a.A pian nalh tak leh paa zet mai chu hnunglam ațangin ka thlir vang vang a. Zomuansanga chuan kan inah enge lo tih a tum ve teh tlat le?Eps - 9Zomuansanga kan ina a rawn lang hlawl chu mak ka ti kher mai. Sitting room panin kan inzui ta nghal a.Sofa ah țhu in a ep ah chiah ka țhu a. Min en ngar avang chuan ka zamin ka khur ru der der a. Ka zamzia a hria ang tih erawh ka hlau kher mai.Ka nu leh pa țhenawm te ina an leng a, ka naute pahnih an leng bawk si. Kan pahnih chauhva awm chu ka zam in sawi tur reng ka hre lo."Kima nen hian eng inkungkaihna nge in neih?" min zawhna avang chuan ka phu zawk a."Țhian bak kan ni lo," tiin ka chhang sap a."I thusawi chu awih turin min beisei em lovang chu maw?""Chu chu engvanga min zawt nge i nih? I tan enge a țangkaina?" Ka zawt let ve khauh a."Ka duh vang che in.." a chhanna avang chuan makti zetin ka ang pham mai a."Awihawm loh lutuk. Bialnu i neih reng kha.""Ha..ha..! Kha nu kha ka bialnu a ni lo.""Kima paw'n bialnu i nei tih a sawi reng alawm,""Oh! I thik deuh tihna ami?" Ka sen awp awp chu hmuhnawm tih hmel zet hian min en reng a."Teuh lo mai, thik tur pawhin nang nen hian kan inngaizawng reng reng ami?""Ngaizawng love, mahse kan țan thei alawm,""Hah! Kawplai nei lakah ka intibuai ve ngai lo.""Kawplai ka nei lova, nang pawhin i nei bawk hek lo,""Ka neih leh neih loh i hria em ni?""Hre tehreng mai. Kima bak i kawp ngai tlat lova, Kima nen lah kan inngaizawng lo i ti bawk si a, chuvangin kawplai nei lo ve ve kan inkawp thei a ni mai lawm ni?""Ka duh lo ve.""Oh! I duh chiang khawp mai, kha i mitmenga min duhna lang kha ka hmuh hmaih i ring hauh lovang chu tiraw?"Ka meng khup ta zal zal a. Ka inthup ve hle emaw ka ti a, mahse a lo hre reng si. Ka zak lutuk chu ka kun ta reng mai a.Ka bulah rawn insawn pheiin ka si chet hian a țhu a. Amah en turin min kuai dak a, a mitah tak ka en chuan mitmeng de sawr sawr hian min melh a, ka sa pup pup a, ka taksa chu awmngaihna hre lo ang mai hian a za chhuak vekin ka hria. A rawn kun hniam riai riai a, "Ka hmuh hmasak ber ni ațang che khan he thil hi tih ka chak tawh," a ti nghut a, a aw pawh chu a zawi tham sap mai.A tirah chuan ka han țang ve viau na a, ka thinlungin hnar tura a duh ang chu ka taksa chuan a zawm ve thei tlat lo mai. Ka taksa chu a lamah hip beh tlata awm ang mai hian a chesawn thei tawh lo. Kan hmui a insik takah chuan ka thaw halh a, a ni pawh a rum nghut mai. Chutah duhthawh lutuk hian min fawp ta a, a lei hmanga ka ka chhung an suasam chu ka taksa chuan alo dawngsawng țha kher mai."I hmelțha in, ka duh lutuk che," min fawh karlakah chuan a rawn ti leh sup a. Ka mur chhuak vek mai. A hmuiin ka beng kawm te a nul thuak thuak a, nawmna hian min fan chiai chiai reng mai a ni."Min kuahin, min chul ve rawh," a ti leh sup a. A nghawngah ka kut lehlama kuahin lehlamin ka chul ve ta ruai a, a thaw hawk hawk mai.Kan inmamawhna a sang telh telh a, duhtawk leh khamtih reng a awm thei lo. A tawpah chuan ka inlahrang thei ta hram a, "Duhtawk ang," tiin. Ka aw pawh a khur deuh dar dar thei. Ani pawh a dang chuang lo. Ka chal leh a chal siktirin a thaw huai huai a, inenin kan nui ta ringawt."Hetianga ka taksa tidanglam theitu nang ang hi ka la tawng lo, ka hmuh che apiangin hetianga khawih che hi ka châk țhin. Ka duh che ka tih kha ka ti mai mai lo ania," a ti leh a. Châkna avangin a aw pawh a chhum bung rum mai.A țawngkam ringawtin ka taksa a tihdanglam theihzia chu mak tak a ni. "Min duh ve a ni tiraw?" A aw sexy zetah chuan ka tuiral lo chauh."Umm," tih bakin ka chhang thei lo. Ni e, ka duh a ni tih ka pha lo. Ka hmuh tirh ațanga ka ngaihtuahna luah rengtu chu hepa ngei hi a ni.A tawpah chuan ka inlahrang thei ta hram a, ka aw thian kharh kharh pahin, "Thingpui ka va lum ange," ka ti a. Ka tho ta nghal a.Thingpui kan in mek laiin ka nu leh pa leng pawh an lo haw ve ta a, ka thaw huai mai. A lakah khan sihhnip hmel zet khan ka awm ta si a, engangin nge min ngaih ang tih pawh ka ngaihtuah ngam lo."Mambawih, inleng i nei a ni maw? Khawilam mi nge ni a?" Ka pa'n min zawh chuan, "Ka țhianpa Zomuansanga, Lunglei khua ve tho hi a nia, hmanni Akima inluah ni ațang khan kan inhria a, zanin chu a rawn leng ve a nih hi.""Anih tak chu, i van fel ve a, lo leng ziah ang che aw," ka nu'n a lo ti ve vat a."Ni e, ka lo leng ziah tawh ang," tiin min rawn en pah chuan a nui suk a."Mambawih, thingpui chu min lo siam ve la," ka pa'n a tih leh chuan thingpui ka va siam sak leh nghal vat. Ka nu leh pa chuan Zomuana chu an be bawrh bawrh a, Zomuana pawhin kawm dan a thiam kher mai. Ka lo nui ru sak a."Naktuk Kima birthday chu tel i tum em?" Min zawhna avang chuan ka melh zawk a."Aw, tel loh chuan a birthday neitu a zahawm alawm le!" Ka ti ve mai a."Engpawh nise, ka va haw tawh ange, vawikhat lenna a rei deuh len chu a țha ngai lo," tih pahin thawh a tum uaih a."Ala hma alawm mawle, tinge i hmanhmawh em em a?" Ka pa in a lo ti ve vat a."Zan danga lo len leh hunah he pa hi a leng rei thei em mai tiin Hlutein min ning palh ang," a tih chuan ka nu leh pa chu an nui hawk hawk a. Ka lo melh rum hle thung a, ani lah chuan ngaihpawimawh loh hmel fe hian a kiai suk duh chauh.Veranda thleng ka thlah a, pawn kan chhuah veleh a lamah min pawt hnai dawrh a, a hmui lum hiam mai chuan ka hmui a rawn chuktuah leh nghal vat. "He thil hi ka zawngchhang dawn țan tlat mai," tih pahin a nui suk a. "Anih muttui phawt aw," tih lehin a bike ah lawn kai nghalin a tinung a, a ban a rawn vai zauh a, a tlanchhuak ta nghal a. "Muttui le," a hre pha tawh dawn lo tih hre reng chungin ka phun sap a. Inchhungah ka lut nghal thuai a.Ka nu leh pa pawh mu turin an room an lo pan dawn mek a, keipawh ka room panin ka kal ve ta nghal a.School ka ban hma avangin Akima present lei turin bazarah ka chhuak nghal a. Min kalpui a tum sateh na in, ka hnial thei ta hram.Tumah present ka la pek ngai loh avangin lei tur ka hre lo kher mai. Enge a duh ang tih pawh ka hrethiam pha lova, ngaihtuah ngaihna lah ka hre hek lo. Umm, ka lei ang ang chu a pawm leh vek thovang. Mipa hman chi perfume chu ka hmu hlauh mai, chu chu ka present mai ang tiin ka lei ta a. Ka tuam tir nghal vek bawk.Present ka leina dawr ațanga ka chhuak chiah chu ka hmaah tak bike a lo ding chawt a, ka han en chuan Zomuana a lo ni a, "I lei zo tawh em ni?" Engtinnge dawrah thil ka lei tih a hriat le? Makti zetin ka en ringawt."Engtinnge i hriat a?" Ka ti vat a."I lut lai ka hmu che a, ka lo nghak che mawle! Haw i tum nghal mai em ni?""Ka haw nghal mai lohvin, eng dang nge ka tih chuan ang?" Ka tih chuan a nui suk a."Keipawh present lei ka tum a, ka la lei lo, min kalpui la, ka thlah haw dawn che nia," a tih chuan bike ah lawn ve nghalin, kan tlan ta a.A present lei tur kan lei fel hnu chuan kan in lam pana tlan ta mai lo chuan khawiah nge min kalpui dawn tih pawh ka ngaihtuah thiam lo. A tlan mawp mawp a, in pakhat nalh zet kawtah chuan a ding ta chawt a."Khawi hmun nge min hruaina hi?" Ka ti a, hlauhthawnin ka khat nghal a."Hlauthawng duh suh, kan inah ka hruai che a nih hi, ka chhungte hmuh tir che ka duh vang ania," a tih chuan ka thaw huai mai."Min hrilh lawk ve mai ta che," ka tih chuan a nui suk ringawt.Ka banah chelhin Inchhungah min kai lut a, zui loh theih loh ni hek lo le, min kaih ang ang chuan ka awm ta ringawt a. A chhungten ka hmel an hmuh huna mak an tih dan tur chu ka ngaihtuahin ka huphurh ngei mai."Ka chhungte chuan an duh lutuk ang che," tia min hnem chu a tum ve khawp na in, a mi hnemna chuan awmzia a nei lo kher mai. Mahse kan han lut chu ka beisei loh leh ka hlauhthawn lutuk ang chu a thleng ta hauh lo mai le!"Lo kal rawh u, kan lo beisei miah lo che u na in, kan hmu che chu kan lawm lutuk," Zomuana nu niawm tak chuan a lo ti sawk sawk a. Midang pawh chuan min lo lawm ve liam liam a, ka zah pawh a reh ta deuh.An chhungkua chu an rual bik lem lo khawp mai. A nu leh pa, Zomuana nau mipa a awm bawk. Chu zawng chu an ni e.A nu phei chuan min hmu chu a lawm zual emaw tih turin min lawm bik a, fanu an neih loh vang leh an fapain hmeichhia an ina a hruai luh vawikhatna ni mai awmin a awm a, ka tan pawh a lawmawm lam a ni e. Zomuana nena kan la inzui rei loh zia ka ngaihtuah erawh chuan a nu leh pa hmu tura min hruai chu ka inthlahrung ru kher mai.Rei mawi tawk kan țhut hnu chuan Zomuana chuan a chhungte hnenah, "Hlutei hi ka va thlah tawh ange, a chhungten an lo ngaihtuah palh ang e," tih pahin ka banah bawk kaiin min chhuahpui leh ta a."Anih, i lo leng leh vat dawn nia," tiin min thlah ve liam liam a.Kan in lam pana a tlan lai chuan, "I chhungte chu an fel hle mai, engvanga tun thlenga nupui la nei lo nge maw i nih le?" Ka ti lang lang a."Nang ka tawn ațang che hian a hriat mai law'm ni?" A lo ti let vat a."Ah," chhan ngaihna reng ka hre lo. A hmaa a nundan engmah ka hre lova, engang mizia nge a neih ka hre hek lo. A chhungte ațang kha chuan misual tak chu a nih ka ring lo. Ka la hrechiang lo hle na in, he mihring hian ka thinlung zawng zawng a luah vek nghal.In kan thleng ta, ka chhuk vat a, "Zanin chu ka rawn sawm ang che,""Mahse, Rinpuii alo phei tawh a, kan pahniha kal kan lo tum tawh asin," ka ti niah niah a."Phone mai rawh. Anih loh pawhin Kima hruai turin ka lo hrilh mai ang." ka chhan let leh hma in a tlanchhuak ta daih a.Inchhung ka luh chuan, "I va tlai ve a?" Ka nu'n a lo ti nghal vat a. Nuam lo ka ti ru kher mai."Zomuanan an inah min kalpui alawm mawle," ka ti ve mai a."A chhungte chu eng ang mi nge an nih a?""An fel khawp mai, kan chhungkua ai pawhin an tlem zawk," ka ti deuh kher a. Ka nu chu a nui huk mai."Zanin chu fimkhur taka awm tur aw, hmingchhiatna hi ho te a ni țhin. Hmeichhe tan phei chuan vawikhat hmingchhiat hian damchhung a daih an tih kha," tiin ka nu min zilh mawlh mawlh na chu ka ngaithla reng a.Ni e, ka nu hian a sawi dik a ni. Hmingchhe zawnga khawsak loh hram ka tum ang. Nula senior nih tawh lama hmingchhiat te zawng ka duh teuh lo mai."Hello! Zanin chu..." Rinpuii call pick pahin ka ti a."Kan kalrual ang chu ka ti ania, Zomuana'n min rawn call a, a kalpui dawn che tih thu a sawi a, engtiklaiin nge nangni pahnih hi in lo inzui a?" A rawn ti nghal zung zung a."Nakinah ka hrilh ang che, phone a sawi chi pawh a nih loh hi, Akima'n rawn hruai che a tum em?" Ka ti a."Aw, min rawn phone alawm, a awmdan a mak lutuk a,""Engtizawngin maw?""Rilrua vei nei deuh țeuh ang hian a țawng a.""A va mak tak ve! Anih ka dah phawt, zanah kan inhmu dawn nia,""Lawk, ka kawr rawn thawn che kha ilo hmu em? Kha kha zanina i hak tur atana ka rawn hawn che anih kha,""La hmu nang, ka van lawm ve aw...zaninah enge ka hak ang ka lo ti rilru mek a, ka lawm lutuk ania," tiin zanlama inhmu tura intiam chungin phone kan dah ta a.Ka huphurh rualin ka helhhawlh bawk si, ka awmdan chu ka sawifiah thiam phak bak a ni e. Ka insiam mawlh mawlh a, Rinpuii kawr min rawn hawn chu a nalh kher mai. Zanin atana hak tur liau liau a țhui niawm tak a ni. Kawrfual hnalh mai a ni a, a kawng chin chunglam chu taksa rem chiaha țhui a ni a, a kawng ațangin a arh hliai a, ka pen zawng chuan a fawn delh delh thei. Hnute lang lo chiah chiaha nghawng zau a ni a, a sexy kher mai.Ka mit hnawihin, ka hmuiah lipstick tlem ka hnawih hlek a, ka hmai ka hnawih leh hlek bawk. Pheikhawk pencil heel ka kawr hak rem tur ka bun bawk a. Ka sam chu chunglamah ka vial chho vek a, ka nghawng var hai mai chu a lang sar kher mai. Darthlalang a ka han in en chu midang daih niin ka inhre hial mai. Kawrfual ka ha ngai lo na in, zanin atan chuan a pawi lo viau e.Ka purse la in, ka room chu ka chhuahsan ta a, chokaa ka nu lo chhuakin min rawn hmuh chuan min chhuan ve hmel zet hian a nui var var a, ni e, a fanu neihchhun ka ni ve miau alawm le...zanin chu ka lang nalh ve bawk em lah tak a!Rei pawh ka nghah hmain Zomuana chu a rawn thleng ve nghal mai a, a rawn nalh leh kher mai. A hmelțhain a palian si a, eng thawmhnaw pawh ha se, a inhmeh vek mai a ni. Min han hmu chu a meng phar ve ak mai. Ka lo nui sak a, zanin chu bike keng lovin motor a rawn keng ve tlat.Kan inzui chhuak ta a, a motora ka țhutluh hnu ah a ni pawh a rawn țhu lut ve nghal vat. A tlanchhuah hnu reiloteah a ding leh chawt a. Min rawn en vang vang a, Tleirawl zakzum ang maiin ka lo lai leh tawp tawh nia..."I hmel ka hmuh a, fawh che ka chak zia hi i hrethiam pha lovang," tih pahin a thaw halh a. Keipawh ka thawk a buai nghal vek. Ka lungphu rang lutuk chu a hriat hlauvin ka dawm nghal vang vang a, he pa bula ka awm apianga danglamna ka nei ziah țhin hi mak tak a ni.Ka kutah bawm tereuhte hi a rawn dah a, "Enge a?" Ka ti vat a."Hawng la i hre mai ang," ka han hawn chuan țhi nalh zet mai hi bawm chhungah chuan awmin, Zomuana chu ka en leh vat a, "Hei hi ka ta tur maw?" Ka ti bah nuai a."Hmm, i ta tura ka lei ania, vawiin hi Valentine's day ani a, present anih kha.""A mawi lutuk, mahse engmah pek tur che ka nei ve silova,""Hei hi min pe mai rawh," tiin ka thinzawn chu a rawn khawih a. Ka hrethiam lo hmel chuan a nuih a tiza kher mai."Ngaihzawngte pawh i nei ve nual tawh awm sia, hetiang mai mai pawh hriatloh te chu," tiin a nui ta kur kur a. Ka lo melh rum ngang mai."Anih leh, țhi chu min han awrhtir la," ka ti ta nghat a.Țha deuhin min awrhtir ve ta mai a, min awrhtir paha a kutin ka taksa a deh hlekna chuan ka taksa ah nghawng a nei rang kher mai. Ka taksa awmdan chu hrethiam niawm tak hian a chul pah zauh a, ka lo zauthau nghal der mai. Enge ka chungah thleng ta mai le!Akima te in kan thlen meuh chuan an lo kim titih der tawh a, keimahni chauh min lo nghak niawm tak hian kan lut chiah chu min lo en nghal vat hlawm. Akima chu ka bulah a lo kal vat a, "I nalh kher mai," ka beng bulah a rawn ti sa sa a. Ka lo nuih sak a. Zomuana hmel chu a rum kher mai. Mahse a inthup leh thuai a."Happy birthday," tih pahin present ka lei chu ka pe nghal a. Lak pahin, "Ka lawm e, mahse engvangin nge ka lakah zep i neih a?" Ka beng bula tih leh sap pahin Zomuana chu a melh zauhva, ka lo hrethiam nghal vat. Chhuahchhalh ka tawk nghal der mai!Mipa lamin intur an dawm far a, kei erawh hetiang lam hi ka la in ngai lova, in tumna pawh ka nei lem lo. Rinpuii nena țhu dunin kan ti ti mawlh mawlh a, "Engkim zep lovin min hrilh vek rawh, engtik ațangin nge ani nen sawn in inzui a?" A laka ka zep nia a hriat avangin a lungawi lo ve ngang mai."Kan inkawpna chu ala rei lo." Tiin kan pahniha Pizza Hot Restaurant a kan chawlh ni a, ka hmuh thute ka hrilh chuan mak a ti kher mai."Chuvang a ni maw, Akima inluahnia i hmuh pawh khan i lai deuh khan ka hre reng a," tih pahin a nui kar kar a."Niang chu, amah ka hmuh leh a bul hnaiha ka awm hian ka awmdan hi a danglam ziah țhin a," ka tih chuan mawl min tih hmel lutuk hian a nui ta kiah kiah a. Ka haw khawp mai a, mi hriat ka hlauh ve nakalaiin."I hmangaih a ni lo maw? Chu pawh chu i hre leh pek tawp nang," tia min fiamna chu amah zawkin a nuihpui leh hawk hawk a. Ka ngaihtuah chiang a, ngaihzawng nei tura experience ka neih lohzia hrechiangtu a ni si a, keipawh ka nuih a za ve leh hnuhnawh a, kan pahnih chuan kan nui dir ta char char a.Music play in, a țhen an lam a, keini erawh dawhkan pakhat kilin kan titi char char thung a, kan nui dun leh hak hak țhin."In va hlim hmel ve a, rawn zawm ve che u in remti em?" Tih aw ka hriat chuan ka phu zawk mai. Khawvela ka hmuh peih loh ber mai leh ka mihring huat lutuk mai ka hmaa lo ding reng nen chuan kan in melh ta siah mai a. A hmel chu zu in nasa tih hriat zet hian a puam ûk a, tunah pawh hian a rui hle lehnghal. Engtinnge Akima nen an inhriat le? A ngaihna ka hre lo kher mai."Lo țhu ve la," Rinpuii zawkin a lo chhang vat a. Kan pahnih inkar engmah ala hre lo bawk nen, a awm ve tho mai."I dam maw? I nalh ngaiin ila nalh reng a nih hi, hman aiin i nalh daih tawh zawk alawm le," a țawngdan vel chuan ka luak a tichhuak hluah hluah."Ka la dam chu anih hi, tinge i nupui i rawn hruai ve lohva?" Ka tih chuan Rinpuiin makti zet hian min lo en tawn sek a."Kan ințhen daih tawh alawm, ila hre nange a, nang ka lo....!" A ti hman chauhva."Rinpui, bathroom-ah kan kal lawk ange," tih pahin ka thova, he pa bula awm ai chuan inthirfihlim daih ka duh zawk.Chutia bathroom pana kal ka tum chu ka ban rekah a lo man chawt a, "Min thlah vat rawh," thinrim zetin ka ti a."Hmanah khan ka thlah tawh che a, tunah phei chuan i lo nalh leh zual tawh si a, ka thlah tawh dawn lo che." A rui chu a țawng ring bawk si a, a țawng hre pha te chu an lo hawi ta țhap a. Ka zak lutuk chu hawi pawh ka hawi chhuak ngam tawh lo.Akima chu ka bulah alo kal vat a, ka bana vuana min kaihsawn a tum lai tak chuan mi pakhat hian ka banah vuanin pawnlamah min kaichhuak ta a, ka țang nasa teh na in, ka hneh der silova, a hmel ka han en chu Zomuana alo ni a, ka thaw huai mai.Ngawi rengin a motorah min nam lut a, kawngkhar chu a lock nghal hmiah a, inchhung lam a pan leh a, Akima a biak zawh chuan a rawn chhuak leh nghal thuai a. A motorah rawn lutin reilote chu ngawi rengin a țhu a, ka lakah a lungawi lo em ni le? Ka hlau ru khawp mai."Kha pa nen khan inzawmna in nei tawh em ni? Engvanga khatianga rawb ti che kha nge a nih?" A thinrim insum chu a bek a thisen zam chu a pawng dat dat a."Eng inzawmna mah kan nei lo,""Inzawmna nei silo, i lakah engvangin nge khatianga a chet vak a, thudik min hrilh rawh?""Hmanlai thil tawh a ni e, ani nen khan kan inkawp țhin a, mahse nupui neilai alo ni a, min lo bum reng a, ka hrechhuak hma ta hlauh zawk alawm,""Anih i hmangaih reng reng em?""Teuh lo mai, zanin kha kan ințhen hnua ka vawikhat hmuh lehna ani. Engtinnge Akima nen an inhriat le?" Mak ka ti takzet a ni."Akima cousin pasal tih i hre nange? A nupui nen an ințhenna a rei tawh a, a zu in nasat lutuk avangin helamah an rawn dah phei alawm,""Akima cousin pasal maw lo ni a? Akima hian kan chanchin kha a lo hre ve ngei ang le? Chuvang chu em ni zanina a birthday ah a lo kal ve le? Akima rinhlelhna in ka khat nghal a."Ngaihtuah duh tawh suh, kan pahniha kan awm chuan a tawk a ni mai lawm ni?" Tih pahin min kuah a, Akima in chhuahsanin kan tlan thui tawh hle.A motor a tihdin veleh a ban tha chak zet chuan min kuah hlu hlu a, ka rilru pikna zawng zawng a kiang vek thei nia, a awm nghengin ka thaw dep dep a, kan thinphu ri bak thawm dang a awm eih lo.Zawi muanga ka khabe tikangin amah chu ka en a, a mitmeng thim raihah chuan takna ka hmu thei. Zawi muanga rawn kun hniamin kan hmui a insik takah chuan duhthawh zetin kan inkeih ta mawlh mawlh a, kan infawh karlakah kan thaw dun leh halh halh țhin a."Ka mamawhzia che leh, zanina i nalh zia hi i inhria em? Ka duh lutuk che. Ka damchhung atan ka VALENTINE'S ni rawh." Thawp sata a tih chuan ka mur er er a. He mihring hi ka hmangaih a ni tih ka hrechhuak ta. A kianga ka awm apianga ka danglam ziah țhin hi ka hmangaih vang a lo ni.Kan taksa innawk reng ta chu chhunglamah min nawr et et a, kan kut lah a awm hle hle thei lo. Kan inchul kual ruai a, kan thawk chham thleng kan infawp ngawih ngawih a, kan inhip tawnna chak lutuk chu kan tihtawp vat a ngai a ni.Thaw halh halh chung hian, "Duhtawk ang," ka aw khur dar dar chu a hriat loh hram ka beisei. Ani pawh insum tih hriat zet hian a thaw ham ham a."Ka nupui ni tawh mai rawh, innei tawh mai ang, i hmel hmuha suh tawka kuah theih siloh che chu min hrem a ni ringawt alawm," tih pahin hnuailam a melh a, a nui suk lehnghal. A melhna ka han en ve chu a kap zawn lo kawhluah mai chu ka hmu ve ta a, ka nui ve tawp ringawt."Haw ang, chutilo chu ka insum zolo palh ange," tih pahin a motor a tinung a, motor hma darthlalangah ka in en zawk a, ka hmel ka hmu chiah chu ka phawk chiang kher mai. Ka hmai chu a sen vek a, a phelhphang mai bawk si a, sex hmang zo hlim ang mai hian ka tai hlar lehnghal.Min rawn melh zawk a, "Tikhan i nalh lutuk ringawt," a la ti zui. Ka chum awk a. Alo la nui hawk hawk zui."Akima hnenah khan eng thu nge i sawi a?" Ka ngaihtuah chhuak thut a, ka zawt nghal."Engmah nilove, ka hruai haw tur thu che leh a ina tihmualphova i awm avanga ka lungawi loh thu ka hrilh mawle,""Mipa țhenkhat hi an lo zaktheilo em mai, Akima chu ka lakah a inthlahrunphah viau ang â...!" Ka ti vang vang a.Akima birthday chu nuam paw'n ka hmang thei ta lo. Kan boruak a chhe ta vek si a, ka khawngaih zawk kher mai, a inpuahchah nasat ve tehreng nen; Mahse kha mihring laktlak loh zet kha awm ta lo se chuan tunah hian Zomuana nen hun hlimawm tak kan hmang dun der awm silova.Valentine's Day hlimawm tak ka hmang a ni ringawt alawm!Eps - 10Akima birthday kan hman ațangin nihnih bak ala ral lova, khami zan ațang khan Akima pawh ka hmu tawh ngai lo. Kan ina lo kal chu sawiloh, school ah a lo kal ngai bawk silo. Chawlh a lak leh lak loh lah ka hre der bawk silo. Enge a chhan ni ang le? Rin ngaihna ka hre der lo mai.Chhungkua hi hlim takin a lo awm reng theih hauh loh mai le! Keini chhungkua pawh hlim takin kan awm emaw kan tih laiin, kan naupang ber chu a țhian kawm zir loh vang nge, zu in a ching tih kan hriat meuh chuan ka nu leh pa rilru a na kher mai.Inchhungkhurah sual a chhuah a, a ruih apiang lahin nu leh pa a vin khur khur reng a, ka hauh nasat poh leh a zualkai emaw tih turin a sual tawlh tawlh a. Ka chhang chiah hi Police a interview naah a tling ve hlauh mai. An post ah a awm nghal bawk nen. Kan lawm hle rualin kan naupang ber awmdan erawh chuan lu a tihai țhin ngei mai.Ka nu leh pa pawh rilru hah vangin an tar bawih bawih a. Ka nu leh pa hringtu ngei pawh zah nachang reng a hre lo. Kei erawh min hlau ve deuh hlek a, Inchhungah a ang nghek nghek a, kawngkhar a chhuih ri țhuai țhuai a, tun hmaa chhungkua hlim taka kan awm hun lai ka ngaihtuah phei chuan ka nu leh pa ka khawngaih lutuk hi a rukin ka mittui a tlak phah fo țhin.Ka school kal haw inchhung ka lut chiah chu ka nu leh pa Pawisa a lo dil a, an pek duh loh avangin a lo inhrosa leh nasa mai, "He in hi ka ta a nih hi, in duh leh chhuak rawh u," Ka nu leh pa chu a lo ankhum tawn tawn a.Ka nu leh pa lah chuan tihngaihna hre lo zetin an lo thlir reng ringawt. "Lalnunsang, i zak nange a, nangmah vang hian kan inchhung pawh a khawloh zawh vek tawh hi. Zahna chang hre ve teh aw, thawhchhuah nei silo hian ka rui e, i ti a, inchhungah i in hrosa chiam chiam ringawt mai. Ka nu leh pa hi zahin hlau ve deuh teh. A zahthlak em mai. Khua pawh kan hawi ngam tawh hleinem," ka ti a."Nang kha lo țawng ve suh, ka duh leh ka rui ang, ka thu thu a ni.""Mamte, i nu leh pa hi min khawngaih lovem ni? Zu in tawh lul suh aw," ka nu chuan a lo ti ve țawk țawk a. Ka pa paw'n hauh chu a duh reng. Mahse a thinrim lutuk in tih loh loh a tih phah a hlauh avangin ngawihah a tlak ta ringawt a. A hauh vek vek chuan a insum thei dawn lo tih ka hre ve vek thova, a ngawi reng pawh chu ka thiam lutuk."Pawisa min pe rawh u," a ti leh khur khur a."Mamte, i ruih tawh em kha, duhtawk ve tawh la," ka nun a tih chuan, "Lo ngawi hmak rawh,"Ka pa thinin a tuar ta lova, "I thawhchhuah pakhatmah a awm lova, i u te thawhchhuah vek ani a, i pa ka awm reng chung pawhin min zahna pakhatmah nei lo mai che, hetiang tur hian em ni kan hrin che," ka pa thinrim lutuk chuan a awm a dawm vawng vawng a. A na a chhuak leh tih a hriat reng mai.Ka lo dawm vat a, "Lalnunsang, engvang mahin pawisa ka pe lovang che, i duh leh i thawhchhuahin rui la, inchhungah hian inhrosak tum tawh bawk hek suh," ka ti ve hmak a.Thinrim lutuk hian kawngkhar chhir hawn țhuai pahin a chhuak ta nghal a. Ka nu chu mittui tla zawih zawihin a indawm kun ta reng a. Ka pa pawh a thaw kawk kawk mai. Lalnunsanga vanga ka nu leh pa in min damrei pui lo anih vaih chuan ka nau mah nise, ka ngaidam thei angem ka hre lo a ni. Mama hnenah pawh a nau awmdan kan sawi chuan pawi a tiin, tihngaihna a hre bik der lo mai."U, chawlh ka neih veleh lo haw ka tum dawn nia," tih ngaihna hre lo zetin phone a kan inbiak chuan a rawn ti a."Awle, lo haw ngei ngei tum ang che aw, nang i awm chuan a hlau deuh ang che, ka nu leh pa lah a hlau der bawk silo, kei chu tlemin min la hlau ve deuh a, mahse a ruih tawh chuan engmah a ngaihtuah tawh lo, keipawh min hlau hek lo.""Anih ka dah phawt ang, kan duty a hun tawh tlat. Nidangah kan inbe leh dawn nia," tiin phone a dah ta a.Mama lo haw hunah chuan mipa a ni bawk a, a u zawk ta chu tlemin a hlau ve deuh mahna le!Kan Inchhung thil thleng vanga rilru hahtaka ka awm avangin Zomuana lam reng ka lo ngaihtuah tawh miah lo mai. Mak pawh ka inti, mahse kan inchhung vang hian a lakah pawh ka inthlahrung zo vek tawh. Biak chak hle mah ila, ka be ngam silo. Akima lah a reh hmak a, kan inbe ngai bawk silo, Rinpuii nen kan inbe zeuh zeuh a, ani nen lah kan inhmu khat khawp.School ban veleh in lam panin ka haw nghal vang vang a, kan inchhung vang hian pawnlam nuam ka ti lova, ka nu leh pa ka ngaihtuah lutuk vangin ka taksa pawhin a tuar ve khawp mai. A tana țawngțaisak bak tihtheih kan nei lo a ni."Min van be duh lo ve a," phone ka lak rual chuan ka ti a."Ka buai thei em alawm, Akima'n a lo be ngai che em?" Ka ti a."Aw, Aizawlah a phei tih i hre miah nange a?""Hre nang, chawlh a la tih pawh ka hre hleinem, ka hmu ngai lo ka lo ti deuh reng a, chulam chu ka lo ngaihtuah miah lova," ka ti ve mai a."Hlute, engtikah nge kan inhmuh theih ang? Thil hrilh tur che ka nei a,""Ka van hre mai lo ve aw...ka nu leh pa hi ka ngaihtuah deuh a, lo leng mai la, i riak nghal daih anga,""Nia, a pawi lo viau ang, kan inhmu khat tawh bawk si a.""Ni e, lo riak rawh, engtiknge ni ang, i office chawlh hunah ni ta se...""Nia, Inrinni ah ka lo kal dawn nia.""Bawihi, lo tlan vat teh?" Ka nu chuan min rawn au a."Ka nu'n min au rih tlat, phone ka dah phawt ange, Inrinni chu lo kal ngei ngei ang che, anih Mangțha phawt le."Phone dahin ka chhuak nghal vat a. "Enge ni a?" Ka pa awmdan ka hmuh chuan hlauhthawnnain ka khat nghal."Nu, damdawiin pan mai ang," ka ti nghal sawk sawk."Ni e, nangin motor lo va ngaihtuah ta che, a rang thei ang bera damdawiin kan thlen vat a ngai ania," a tih chuan rang lutukin ka tlanchhuak a.Khua a tlai tawh si a, Motor lah chu a vang phian lehnghal. A rawn tlan zeuh zeuh țhin a. Chung rawn tlante lah chu private motor a ni zel bawk si."Hlute, i van mangan hmel ve a?" ka hnunglama aw ri avang chuan ka hahdam nghal suai suai thei."Ka pa awmdan a diklo thut a, damdawiin kan pan vat a ngai a ni, motor ka chang a, a vang lutuk.""Ka lo hruai ang che u," tih pahin inchhungah kan inzui lut vat a."Aw haw, nang i ni maw? I lo kal hlauh chu a van tihzia em!" Ka nu'n Zomuana hmel a hmuh chuan a lawm hmel kher mai.Zo lutuk hian ka pa chu a pawm chhuak nghal a, motor kawngkhar ka lo hawng vat a, kawngkhar ka nu'n a kalh zawh hnuah a hnungah ka pa a țhutpui nghal a, kei a hma seat-ah. Damdawiin pan chuan a tlan ta nghal a.Kan thlen chuan Doctor leh nurse te an che zung zung na in, ka pa chuan natna awm tawh ngailohna hmunah min kalsan ta der mai. Ka bing mupin ka hria. Chutihlai tak chuan ka thinlung hi huatna hlirin a khat. Lalnunsanga huatna, ka nau ni mahse, ka pa natna hre reng chungin a nundan a sim duh lova. Nu leh pa rilru tina zawng hlirin a khawsa a, atawpah zawng a nunna in a tlin ta ngang lo a ni.He mihring hi lo haw in, a hmel ka hmuh leh hunah chuan engtinnge ka tih dawn pawh ka hre lo. Nu leh pa hmangaihna pawh nei lo mihring hi ka nau a ni thei ngai lovang.Ka nu țap hawm hawm chu ka en reng ringawt. Ka țap thei lova, ka thinrim em em ringawt mai a ni."Mambawih, ka bulah hian lo țhu teh," ka nu bulah ka țhu ve nghal vat. Tihtur țul ang ang chu Zomuanan a lo tifel vek a, ka pa ruang phurtu tur pawh a lo be fel vek bawk. Mama pawh phone a biain a hrilh nghal bawk a."I nau hi ngaidam ang che aw, nakinah chuan a la sim ve mai ang," ka nu chuan mittui tla zawih zawihin a ti a."Nu, ka nau chu a ni tehmeuh mai, mahse amah vanga ka pa hi thi ah ka ngai hmiah. Hetiang hian khawsa lo se chu ka pa hian min la dampui ngei ang." Ka ti hmak a."Chutiangin an ngai ngai lo, a ât vang a nih hi, i pa vang pawh hian a nun a siamțha mai thei asin," a ti leh a.Ni e, mihring siamțhat nan khawdur a ngai an ti a, ka pa thihna hian Nunsanga hi kawngdik zawh tir hram se ka ti a ni."Kan kal thei e," Zomuana chuan a rawn ti a.Ka pa ruang chu zuiin Zomuana motorah chuan ka chuang a, YMA information ah an lo au vek tawh a, mahse kawngka kan lo kalh avangin tala vaw chhia in, inchhung an lo singsa vek tawh a, Nunsanga pawh a țhu ngui bar a. Tun atan chuan a hmelah inchhirna a lang thei.Ka pa hmel pawh a en ngam lo, a mittui a tla lova, mahse a hmel chiang taka hmutu tan chuan hai ruallohvin ka pa boral chu pawi a ti tih a hriat theih a ni."Hlute, an be duh che," Zomuana'n ka phone a ken chu min rawn pe a."Aw, keimah," tiin phone chu ka chhang a. Akima a lo ni a."Hlute, I pa chanchin ka lo hria a, pawi ka ti lutuk. Hei, tunah ka lo tlan mek a nia, lo lungngai reng reng suh,""Ka lawm lutuk e," tiin phone ka dah ta a. Akima aw ka hriat chuan ka pa nen an inkawmngeihzia leh a fiam nasat theih zia te ka ngaihtuah chhuak a, ka hnuk a ulh țeuh mai. A lo kal ve tur pawh chu ka lawm rual rualin ka pa min hriatchhuahtirtu a ni si."Nu, Akima'n a lo kal mek thu a rawn sawi a," ka nu hnena ka sawi chuan a țap leh ta zawih zawih a."Mambawihi pa, Akima a lo kal ve asin, rawn tho la, lo hmuak ta che, tinge i ngawih reng a? A bula awm nuam i tih țhin em kha mawle," a țah hla chham vang chuan ka mittui a lo tla ve zawih zawih.Rinpuii pawh a lo thleng ve a, "Ka bang chiah a, ka rawn tlan nghal a nih hi," tiin ka bulah a rawn țhu ve a.Mama a awm bawk silova, Zomuanan mi lo kal apiang a lo chhawn a, ka hmangaih a ni tih ka inhre tawh bawk a, ka lawmna a sang kher mai.Hmeichhe ho mit a la ngang mai. A pian nalh zet leh a darpharh hlai hlep hlawp te chuan a thawmhnaw hak apiang a inhmehtir zel bawk si. A hmelțha tak mai te chu ennin har ka ti a ni. Thihna vang chu ni lo se, fawh vawng vawng ka chak a ni. Hui ha, pa te boral lai laia, hetiang lam lo ngaihtuah daih te chu, tihchi loh lutuk mai, Zomuana hmelțhat lutuk vang vek a ni.Tlaivar tura țhalai rawn kal khawm ka hmuh chuan ka ngaihtuahna a la peng ta daih a. Mitthi kan neihin tlaivar a ngaih chuan tlaivar turin ka kal ve fova, kan chunga thleng turah ka lo dah ngai lo. Mahse kan chunga a rawn thlen ve takah chuan țhalaite hlutzia ka hrechiang lehzual.Akima pawh rawn thleng ve in, kan bulah a rawn țhu ve nghal a. A hmel kan hmuh meuh chuan kan țap bang deuh tawh pawh kan han tharthawh leh rih. Ka nu phei chu a lung a chhe zual kher mai."I chau lo ami? I rawn tlanna a thui si a," ka ti vat a."Chau lo ve, keini te chu ngaihtuah kan ngai hleinem, saw, makpa interview a nei a ni maw? A tițha khawp alawm, makpa interview ka nei ve hman ta silova," tiin min siai zauh a, ka lo melh lai tak a ni bawk nen, ka chum țaih a. Nuih za si, nui ngam silo hian ka awm a, Pa te boral lai laia nuih vur vur lah mawi bawk silo, a hrehawm duh ngei mai.Zankhuaa zaiin țhalai te an tlaivar a, ka chhang chiah Mama pawh a lo thleng ve tawh a. Ka pa thihna vang chu ni lo se an puten rawn kal an phal miah lovang.Lalnunsanga pawh engtiklaiin nge a bo pawh ka hre lo. A awm ve reng emaw ka ti a, pawnah chhuakin ka thlithlai a, kan inbul thim chin leh mi awmlohna laia a țhu chu ka hmu a, ka va pan hnaih chuan lungchhe taka țap ri ka hria a, ka ding chawt mai."Ka pa, min ngaidam rawh aw, keimah vang a ni, keimah vang vek a ni, i fapa hi ka lo sual em a ni," a ti mawlh mawlh a.A bulah zawitein ka va kal a, ka thawm hriain a lo hawi vat. Min hmuh veleh a mittui a hruhul sawk sawk a, a kal nghal daih. Ka thlir zui ringawt.Chutia ka thlir reng lai chuan ka lam pana mipakhat lo kal chu ka hmu a, a thim si a, ka hmuchiang thei lo na in, Zomuana ang ka ti riau a, a lo hnaih zel chuan ka ring dik. Zomuana a ni ngei e."Hetah ilo awm daih a, inchhungah ka hmu silo che a, ka rawn zawng che.""Nia, ka inthiarfihlim lawk anih hi,""Hlute, intipachang hram hram rawh, midang pawhin an tawng ve vek tho asin,""Ni e, a dik alawm, mahse ka rilru tina zual tu chu a natna chu thuhran, hlim takin mual liam tal se ka duh ania, a hun tawp lamah hlimna aiin rilru natna nen mual a liam ta hi a ni.""Ni e, mahse, a eng zawnga thil thlir tum hram hram rawh aw. Min mamawhna apiangah ka awm zel dawn alawm, ka kalsan tawp lovang che.""Ka lawm e, nang hi awm lo la chuan kan mualpho nasat dan tur hi ngaihtuah pawh ka ngaihtuah ngam lo zawk.""Chutiang ngaihtuah suh, ka tihtheih a awm a nih phawt chuan ka ti zel mai ang, lungngai reng reng suh," tih pahin a awm nghengin min kuah vawng vawng a. Ka rilru pikna te chu reilote mah nise a kiang huai mai."Lut ila, midangin mak min lo ti palh ange," ti leh in inchhungah ka lut ta a. Ani erawh pawnlamah a țhu thung.A tukah chuan ka pa thlah tura lo kal khawm chu an tam ngei mai, ka beisei phak bak a ni. Thlanmual thlenga zuitu pawh an tam nangiang mai. Mi te zarah mualpho lova kan awm thei hi ka lawm a ni. Ka lungchhiat zawng zawng lawmnaah a chantir tih ang deuhin ka mittui a hul hmak a, khawhar hla an sak te chu ka sa tui em em mai lehnghal a, mittui seng lova ka awm thei chu ka lawm zawk a ni.(A senior thlak in ti hial lo maw?)Ka pa kan vuiliam hnuah țhenrual țha te kan ina chuangkaiin an titi sap sap hlawm a, rinai takin ka nu pawhin a tuarthiam zawk. Ka pa khan a natna kha kan hriat silohvin alo tuar na em a ni.Rinpuiin min riahpui a, Akima pawh inriak anga awmin min tihhlim dan ringawt a zawng a, a nuih pawh ka nui nasa teh e. Zomuana pawh țhalai ho ban tawh hnuah reilote la awm hnufualin thingpuite kan in leh a, A mitmei ka veng lutuk chu keimah ka inhrem a ni ringawt alawm le! Akima lah chuan a tilui a ni tih hriat miah siloh hian ngeiawm ni bawk silovin Zomuana chu a kher a kher a, anih loh leh min ngaihzawng cheibawl thul. Zomuana'n min melh leh run run țhin chu ka mitsirin ka hmu leh țhin.A tawpah chuan a tho ta nulh a, ka en vat a, a lungawi loh hmel kher mai."Ka haw tawh mai ange," a ti a. A kal ta nghal a. Pawnah ka zui chhuak vat a. A kiang ka thlen rual rualin a lamah min lo pawt hnai dawrh a, "Kima saw hnaih tawh suh," a ti nghut. A thaw ham ham mai."Engvangin nge ka hnaih i phal lohva?" Ka ti ve vat."Mipa dang kianga i awm hi ka duh lo a ni,""Engvangin? Ani te chu ka țhian ania lawm,""Țhian satliah chu a nih ka ring lo. A endan che saw ka hai i ring em ni a?"Makti zetin ka en a, "Engmaw i sawi kha?""Engmah, theihnghilh rawh.""Theihnghilh rawh a, enge theihnghilh tur awm a?" Ka ti ve ngat."Min ngaidam rawh, ka thikthu chhiatvang a ni e, mipa dang kianga i awm ka hmuh hian ka thinrim țhin,"Zomuana'n Akima a thik anga maw? Mipa dang hrim hrim pawh, haha, nuihzatthlak zawk hian...Ka thinlung neitu zawk a ni tih a inhriatloh vang a nih dawn hi."Zomuan...""Hmm, tihian awm rih ang, min kuahna a tinghet sauh sauh. A rawn kun hniam deuh a, dim tein ka hmui a rawn fawp de de a. A aia uarin ka lo fawp let vat. Maktih vangin a chawl dat a, mahse a rei lo, duhthawh zetin kan infawp ta tawn tawn a. Kan inthlah meuh chuan kan thaw a chham lo chauh. Chal insiktirin kan inmelh ran a, kan nui dun sak a."Va lut tawh rawh, an ngaih a țhalo palh ange, ka thlen veleh ka lo bia ang che,""Kal liam phawt la, ka lut ang," ka ti ve tlat a.Nui suk chunga motor ah lutin a tinung nghal a, a tlan liam ta a. Keipawh inchhungah ka lut ve nghal thuai a."Kha i hmuia kha engemaw a kai ania," nui duh miah lova Akima'n a tih chuan ka hmui ka khawih vat a. A nui ta nghek nghek mai."Hmela leh! Min tihder a ni maw?" Ka tih chuan midang pawh chu an lo nui ve nasa ngei mai. Ka zak leh lai lutuk chu ka room ah ka tlanlut nghal daih."In thiltih i puang a ni ringawt alawm le!" La nui vur vur chung hian Akima chuan ka rooma rawn lut pahin a ti a."Khawiahnge Rinpuii?""Rinpuii vengtu ka ni em ni?""I ni ka ti kher hleinem, i hmu mial em ka ti ania,""I hmu em, i ti silova,""Ngeiawm pa, chimawm bawk si, chhuak teh, biak tlak loh lutuk mai.""A biak tlak pawh i hmu silo anih hi." La nui vur vur chunga tiin a chhuak ve ta mai a."Enge min hrilh tur i neih chu?" Rinpuii rawn lut mek hnenah chuan ka lo ti nghal tawng mai.Eps - 11"Enge hrilh tur che ka nei i tih kha? Tunah min hrilh tawh la," ka room a Rinpuii a lo luh chuan ka lo ti vat a."Akima nen hian...." a ngawi dat a, a zam ve deuh a ang khawp mai."Enge sawi mai la," ka lo ti vat a."Akima nen hian kan induh a," mak pawh ka ti lo, ni se ka duh a thleng chu ka lawmpui em em zawk."A van lawmawm ve a, in pahnih hian ni ula, ka lo ti reng asin.""Khai a, nangmah a duh che tih ka hria alawm, mahse Zomuana nen in ni ta daih si a, a beisei ngam ta lo che aniang."Akima'n min duh tih an sawi vawihnih ngawt ka hre ta chu mak ka ti kher mai."Kei hi Akima'n min duh anga maw? Awihawm loh lutuk anih chu.""A dik alawm, nangmah hi a hmeichhe duh a sawi țhin kha i ni alawm," a tih leh chuan ka kâ ho ringawt."Engpawh nise, ani nen in inkawp chu ka lawmpui lutuk che u ania," ka ti ta ringawt a."Ni e, țhian angin kan inkawm vek a, keipawh hetiang lam hian ka en lo hrim hrim, mahse engtiklai ațang khan nge ka hre lo, amah hi ka duh em em ringawt a, ani pawh chutiang ve tho chu alo ni awm e," nui har har chung hian a ti a."Kan inhrechiang hlawm bawk a, pasal atan pawh a țha viau ang chu." Tih ve pahin kan nui dun ta hawk hawk a.Mu turin kan inbuatsaih a, ka pa boral avanga ka lungngaihna pawh Rinpuii te pahnih hian min chawkhlim bawk a, ka nun nguai ruih tur pawh an tizangkhai khawp mai.Thawh tlai hlau tak chungin kan mu ta a, mahse ka muhil thei lo. Rinpuii muthilh hnuah pawh ka la meng reng mai. Zomuana ka ngaihtuah a, hepa hi ka hmangaih a ni. Ka ngaihtuahna avang chuan ka nui sak a.He mihring tluka ka taksa tidanglam thei hi ka la tawng lo. Ngaihzawng neih ka tum miah tawh loh laiin Zomuana ka tawng a, ani hian ka chhungrila khawhar rukna awm chu min tihreh sak chiang kher mai.A kianga ka awma ka marphu rang zaih zaih țhin te, ka thawkdan thlenga a danglam țhinte chu mipa dang kianga ka awm in a thleng ngai der silo. Tleirawl ngaihzawng nei hlim ang maiin a bulah chuan ka zakzum em em lehnghal. A mitmeng de ser sera min han melh țhin te hi ka tuiral lo chauh a ni.Ka hmangaih ani tih hrilh ka ngam ngang lo, sawichhuak hmasa zawk nih ka duh der lo mai. Eng angin nge min lo ngaih ang tih ka hre silova, min lo hmangaih ve ta si lo se, ka tan a zahthlak mai mai dawn si; min duhna ringawt avang chuan rei kan inkawp thei kher lovang le!Ka ngaihtuahna ka kawm mawlh mawlh lai chuan ka lo muhil daih chu niin; ni chhuakin ka hmai a chhun sat tak ah chuan ka harh hlawl mai.Ka kiangah chuan Rinpuii alo mu tawh hauh lo. Thawh ka hai a ni maw? Thawhhma ka tum ve tehreng nen chuan.Ka tho vat a, keimah chauh ka lo la mu chu niin, midang zawng chu an lo tho vek tawh a, an lo buai mam mam khawp mai. Ka intihfai sawk sawk hnu chuan ka pui ve ta mawlh mawlh hlawm a.Zomuana pawh zingkarah lo phei velehin a lo buai ve nasa mai. Ka nu pawh a lawm kher mai. Mama pawh nikhat chauh an pu ten chawlh an pek avangin naktuka kal leh nghal turin ticket a la sa a. Ka khawngaih khawp mai. Nunsanga erawh zing ațangin a bo leh hmak tawh. Ka thin a tirim hlur mai a ni."Ka u, ka hlawh leh i hlawh kan khawl anga, insak hi er ve teh ang aw..." Maman a tih chuan ka lawm kher mai."Ni e, ka rilruah a awm reng a, mahse tihngaihna ka hre silova, i lo sawi hlauh chu a tihzia hle mai. Kan tum dawn nia.""Engpawh nise, loan pûk te pawh kan dil anga, ka nu pawh kan hrilh dawn nia, a remti tho ang.""Ni e, i ngaihtuahna chu a țha ka ti lutuk. Insak hi ka rilrukna a rei tawh a, ka pa damlai te khan lo sa thei ila chuan aw..." tukverh lam hawiin ka ngawi ta vang vang a.Mama pawh a ngawi reng a, kan ngaihtuahna chu thuhmun tho a ni ngei ang le!Thlannghahni/țhutni a ni bawk a, țhenrual țhate an lo kal khawm leh liam liam a, nilenga zaiin kan inkhat in an awm a, min hnem ngei mai. Ka pa ka ngaih reh lo mahse, a tan a nuam tawh zawk dawn ani tih ka ngaihtuah hial țhin. Dam thlahlel hle mah ila, natna tuara dam reng ai chuan thih a nuam zawk ngei ang le! Mahse, thih erawh chu ka la duh hauh silo.YMA hun pawh a tawp thleng țhalaite an rawn kal țha kher mai. Kan phu vang a ni hauh silo. YMA hi awm lo ta se, khawhar in kal tur te, thlanlai turte an awm awm der silova. Nu leh pa lah bang bik hek lo.Mama pawh a hna lama kal a hun tawh avangin loh theih loh vangin a kal ta a, a rilru pawh a hrehawm ve khawp mai. Mahse tihngaihna dang awm hek lo le, khawvel a ni miau si a.Nunsanga kan naupang ber pawh ka pawh ka pa boral avangin a nundan a sim ang chu tih nakalaiin, sim te chu khawilam, a nasa sauh lehnghal a. Rilru a tihah țhin khawp mai. Ka nu pawhin tihngaihna a hre tawh bik lo. Kan enliam ta rih tawp a. Engtikah emaw chuan ala sim ve mai ka ring a ni.Ka pa thih ațangin karhnih a liam ta, kan hna ngai țheuh kan thawk a, ka pa boral tawh nen, ka nu chu a khua a har theiin inah lah duh angin ka awmpui hman der silova, ka khawngaih țhin khawp mai."Hello," phone lak pahin ka ti a. Akima a lo ni a. A chawlh ala zawh loh avangin Aizawl lamah a phei leh lawk a ni a."I ha kha lo tuaihriam ang che aw.""Engvangin maw?""I țhiannu Rinpuii nupuiah neih ka tum a, Rinpuii hrilh hma che in a rukin ka rawn hrilh hmasa che anih hi, nang chu ka best ah pawh best ber i ni si a," ka nui sak ringawt."Vel a che, Rinpuii min hrilh hun nghak ve mai ta che," ka ti hlak a."Aw, ka hrilh chak che alawm, nangte chu...!" A ngawi dat a."Enge kei chu?""A, engmah ni love, ka hrilh hmasak che avang hian lawm hle mai teh," a nui hak hak a."Phone ațanga min hrilh lovin, hmaichhanah min hrilh thei mai lovem ni?""Hmaichhanah chuan ka zam ve deuh a," a la rawn nui hawk hawk a."Tenawm mai e a, zamna chhan tur awm lo em mai a!" Tiin ka nui ve hak hak mai."Anih ka dah ania," tiin phone a dah ta a. Kan inbiak zawh hnuah pawh ka la nui sang reng mai."Eng thil nge i hriat a, i nuih reng le?" Ka nu'n a tih chuan, "Akima leh Rinpuiin inneih an tum a ni awm e," ka ti a, ka nu pawh a lawm ve kher mai."Nu, chaw ei min lo siam teh," Nunsanga rui lo haw chuan a ti a."Mamte, tinge maw i ruih reng le, i nu hi min khawngaih ve la..." rilru nat hmel zet hian a ti a. Ka lo khawngaih kher mai."Ni e, ka nu hi i khawngaih ve lovem ni? Ka pa lah a boral tawh bawk si. Khawngaihin insiamțhat hi tum ve tawh rawh," ka han tih ve chuan thinrim zetin min en a, engmah erawh a sawi lo.Chaw ei kan siam sak a, ngawi rengin a ei a, a kham veleh ngawi reng bawkin a chhuak leh ta nghal a. A chhuah pahin kawngkhar a khar ri bur mai. Ka nu hmel ka en chuan a mittui a lo tla zawih zawih a, ka kuah vat a, keipawh ka lung a chhe kher mai."Nu, i rilru tihrehawm duh suh aw, engtikah emaw chuan ala sim ve mai ang," tiin ka hnem ve mawlh mawlh. A hnemtu zawk pawh hi engteh ual ka ni bik silo.Zomuana pawh a hna avangin Aizawlah a zin a, ka hmuh loh hlek chuan ka ngai hman em em a, min biak loh hlek chuan keimahah kim lo tlata inhriatna ka nei țhin."Hlute, naktukah enge i tih ang? Engemaw sawipui tur che ka nei a," Phone a, Rinpuii țawng chu ka ngaithla a."School kan chawl tawh a, inah ka awm ang, tihtur em em pawh ka nei lo.""Chuti anih chuan ka lo kal dawn nia,""Awle, hmuh che pawh ka chak lutuk alawm," tiin phone chu ka dah a.In chhung ka tifel mawlh mawlh a, mahni tawkah ka buai ve khawp mai. Ka insuk karlakah inchhung ka hawl pah bawk a, ka phone lo ri ve chhen lah chuan ka hna a ti sawt lo kher mai."Aw, enge ni ta?""Hi, sweety, ka ngai lutuk tawh che, min lo ngai ve em?" thawp sata titu aw ah chuan ka tuiral lo chauh. Min kohdan lah chu nidanga min koh dan nen lah a inang der lo lehnghal. Ka mur sung sung thei alawm le."Umm,""Umm tih ringawta chhan ka duh lo.""Anih engtinnge ka chhan chuan ang che.""Țawngka in sawi ve rawh.""Ka zak e a,""Nula senior..." a sawi zawh hma hma in, "Nula senior ka nih chu ka hai bik lo. Țawngkam ah lah hian in hmang thla zen mai," ka ti hlak a. A nui hawk hawk mai."I van duhawm tak, tunah tak hian i kianga awm ka chak. I hmui thlum dep dep kha fawh vawng vawng ka chak," a thusawiin ka taksa a fan dan chu sawi thiam theih pawh a ni lo."Ngawi mai teh," ralkhat ațanga a țawngkam pawh hian min tihdanglam theih zia hi a mak zawk."I lai vel a ni maw? Lawmawm reuh lutuk mai.""Engtiknge lo haw i tum a?""Lo haw vat se min ti em?""Umm, ti tho mai,""Oh! ka lo haw vat chu i duh lo a va ang ve!" Ka lai țhin tih a hriat avang hian min chhaih vel lah hi nuam a ti em em lehnghal."Umm, i lo haw vat dawn nia," ka chhanna avang chuan a nui leh hawk hawk mai."Ka lo haw hunah palai ka rawn tir tawh mai dawn ania, i tello chuan ka awm thei tawh lo," ka thinlung hi lawm vangin a zuang zawkin ka hria."Chungte chu ilo haw huna sawi chauh chi a nih chu,""Ka lo haw vat ang, naktuk hi ka la awm anga, a tuk lehah ka lo haw ang. Ka lo haw veleha palai tir turin ka pate pawh ka hrilh vek tawh. Anni pawhin min remtihpui thlap ania. Anih hna kan thawk leh lawk ange, ka dah ange."Phone chu ka en tlawk tlawk ringawt a. Ka ngaihtuahna a vakvel ruai mai. Pasal nei tur hian ka inpeih meuh em? Ka nu leh ka naute avang hian pasal han neih mai chu ka zuam lo deuh a ni.Tlaia ka nu lo haw hnenah Zomuana thusawi chu ka lo hrilh vat a."Nu, Zomuanan ka lo haw veleh palai ka rawn tir dawn a ti a.""A va lawmawm ve a, min ngaihtuah vangin pasal neih lohte kha i lo tum ringawt ange, nei ngei ngei ang che, i nauten nupui a chhia a țha an la nei ve anga, mo kan neih hunah hrehawm i ti lutuk ang, hmeichhia chu pasal kan neih hi kan mawina a ni asin,""Ni khawp mai. Mahse...""Mahse...tih a ngai lo. A neih duh phawt che chuan nei ngei ngei ang che, i nau pawn hna a nei ve tawh a, kan hrehawm lutuk nang. I hma ka ngaih vang a nih hi.""Awle, ka lo inngaihtuah ange," ka ti ta ringawt a.Ka muthmunah pawh ka ngaihtuahna ka la siam fel hleithei lo. Ka naute hi chu ka ngaihtuah lem lo, mahse ka nu ber hian ka ngaihtuahna a tibuai a ni. Ka nau Nunsanga hi hetiang hian khawsa lo phei se chuan ka ngaihtuah nêp deuh tur!Zomuana hi ka hmangaih a, reife chu kan inkawp tawh bawk, mahse pasal neih lam ka lo ngaihtuah tel hauh lo. Min duh tih țawngka chuan a sawi fo na in, min hmangaih thu erawh a la sawi hauh lo. Chuvang chu ani mahna pasala neih lam ka lo ngaihtuah hauh loh ni. Ka ngaihtuah ngial pawhin ka huphurh ngawih ngawih.Tleirawl ât laia pasal neih vat hi a lo fuh ta riauva hriatna ka nei a, senior tawh hnua pasal neih tum chu a huphurhawm ngawih ngawih mai a ni. Rilruah chhungkua a tla na lo thei silova.Engpawh nise, ngaihtuah vak vakin engmah awmzia a neilo. A nih nih ni tawh mai ang. Zomuana chu ka tan chuan a țha lutuk ringawt. A lehlamah chuan vannei tak ka ni lawi bawk si. Ani te angin min duh ve chu lawm zawk tur ka ni tih pawh ka hai lo. A, engpawh nise, muthilh tum phawt teh ang. Hmangaihte kianga awm tluka hlu a awm hleinem le!Zing hma takah ka tho a, ka nau Sangtea(Nunsanga) pawh a lo awm ve mial mai. Dawhkan kilin thingpui a lo in a, keipawh ngawi rengin thingpui ka inthlit a, dawhkan ka kil ve a.Sangtea chuan min melh leh zuk zuk țhin a, ka mitsirin hmu reng mahila, ka hmu lo der tlat thung. A hmelah chuan nuam a ti chiah lo niin ka hria. Tukin chu a inthlahrung ve dûk mai.Thingpui a in zawh chuan ngawi rengin a chhuak a. Khawiah nge a kal țhin a, enge a tih țhin pawh kan hre lo. A changin zanhnih dawn te a riak bo va, a hnuah a lo haw leh tawp a. A hmel lah chu a zu in vangin a tla ve kawk mai. A hmelțhat ve țhin tehlul nen.Han hau ve țhin mahila, engahmah a ngai der mai silo. A tawpah phei chuan hauh pawh hau peih tawh lovin kan enliam tawp tawh mai a ni. Inchhung bungrua em a la hralh ve lova, kan vannei zawk a ni e.Inah tal hian chaw te ei ve se kan ti țhin. Mahse a awmdanah hian a inthlahrung ve deuh nge ni khawi khawiah nge a inhnawh puar lah kan hre der lo mai. Ngaihsak lo pawh min ti ngei ang, mahse kan ngaihsak lutuk, a rukin a kalna tur awm anga kan hriatah chuan kan zawng ru ve fo. Mahse hmuh tur leh tawn tur a awm eih lo mai.Chaw ei khama tihtur awm ang ang ka tihfel mek laiin Rinpuii pawh a lo thleng ve ta a."Lo țhu rawh, ka thiltih lai hi kan zo lawk ange, thingpui hang te kha lo chhuang la, ka hman țep." Ka lo ti vat a.Sitting room ah ka nu nen țhu in thingpui hang in pahin an titi malh malh a. Keipawh ka tihtur ka zo thuai a, "Thingpui chu min siam kep em?" An bula țhut phei pahin ka ti a."Aw, kha lo la ve mai teh,""Tikhan lo inkawm ula, ka va muzal teh ang, ka kawng a nuam lo em mai," tih pahin ka nu chu bedroom lam panin a kal ta nghal a."Ni e, va mu hahdam daih rawh," ka ti vat a."I nau hi a la rui reng ani maw? A mak e, a fel țhin tehlul nen, tinge a sim theih miah loh le! A pawi em mai," Rinpuii chuan a ti vang vang a."Ni e, tihngaihna pawh ka hre tawh rih lo. Ka pa boral khan a sim ve mai ang chu ka ti ania, a zual telh telh zawk anih hi. Ka nu hi ka khawngaih zawk.""Anih chu mawle, Mama kha chu a fel tiraw?""Aw, ani chu a ngaihtuahawm loh, a puitling em mai.""Engtinnge Akima'n a duh che tih i hriatloh theih zawk le?" Thudang daih a rawn sawi chuan ka nui ringawt."Khai a, hetiang lamin ka lo en hleinem, rin ngaihna pawh ka hre lo hrim hrim. Vawikhat erawh kha chu ka ringhlel ve hman deuh a, mahse a awmdan pangngai ang tho khan a awm leh si a, ka hresual anih hi ka ti mai.""Hetiang lamah hi chuan i tlaw ve ngawt mai," nui put put chung hian a ti a."Nia, hetiang lam hi ka ngaihsak tawk lo ve em bawk a ni.""Anih, Akima birthday zana tibuaitu che kha...?""Khapa chanchin kha chu sawi lo zawk teh ang. I thil min hrilh tur chu han sawi tawh teh." Ka ti ta daih a"Nia, Akima nen inneih kan tum a, mak i ti viau lo maw? Hetia Akima nen kan inzui ta daih hi!""Ti teh nang, inkawp ula ka lo ti țhin lutuk asin, ka lawmpui teh mai che u ania.""Țhian atan ka duh che a, nang lo chu hman tur ka hre miah lo ania.""Khai a, a tihchi loh vang.""Enge a tihchi lohvang? Ka ring dawn che ania. Tlanchhiat tum duh suh.""Tlanchhiat ka tum pawh a ni lo, anih engtikahnge in tum deuh a?""A ni tur kan la tifel chiah lova, Aizawlah invawn a ngai dawn si a." A tih leh chuan ka nu ka ngaihtuah chhuak zawk mai."Ka nu hi engtinnge ka kalsan theih anga, kei chu min hmang lo mai rawh, ka nau lah hetiang hi a dinhmun a ni bawk si. Ka nu lah a damțha bawk silo. Min hrethiam mai la, keimah chuan ka hreh a ni hran lo. Ka dinhmun hi a khirh em asin, engpawh nise, ka nu ka lo be rawn ve phawt anga, ka lo hrilh leh dawn che nia.""Ni e, i dinhmun chu ka hrethiam lutuk alawm, ka phut luih vang che a ni lo ania, mahse nangmah ngei hian min dinpui la ka duh vang a nia.""Umm, engpawh nise, ka nu ka lo rawn ve phawt dawn nia, bakah in la tifel chuang lo a ni lawm ni?""Tifel chuang nang, mahse ka lo thawt lawk che a nih hi.""Zanin chu lo riak ve leh mai rawh, naktukah office kal pahin i haw mai dawn nia.""Chhungte ka hrilh lawk silova, a nuam lo alawm,""Tunah phone in kan hrilh mai dawn nia.""Anih leh le," Ha..ha..! "Thlemsam min ti awm!" A nui rah rah mai."Ti teuh lo mai a," ka lo ti ve vat.Phone in a chhungte kan be nghal a, an lo phal ve mai bawk. Titi pahin chhun hmeh tur kan siam dun a, ka nu mu pawh a rawn tho ve ta a."Nu, i zia deuh em?""Ka zia tawh khawp mai," Rinpuii en pahin, "Zanin chu riak ve rawh aw," a ti a."Ka lo tum alawm."Thingpui kan in mek lai chuan Sangtea chu a rawn haw ve hlawl mai."Sangte, thingpui kan in dawn a, i duh ve angem?""Duh lo, ka mu dawn." Tih nghut pahin room-ah a lut ta daih a.Eps - 12Zomuana Aizawl kal pawh a reh ta hmak mai. Alo haw nge haw lo pawh ka hre hek lo. Min biak hmasak loh chuan biak ka tum bik der lo mai.Rinpuii te inneihna turah țhian a țang tura min tihna chu ka nu vangin ka hnial thei hram a, nuam lo chu ka ti kher mai. Mahse Rinpuii pawhin min hrethiam thova, ka lawm khawp mai. An inneihnaah erawh chuan kal hram ka tum ang tiin ka thlah tawp."Pasal i neih hunah ka lo kal ve lo ani mai,""Pasal neih lam ka rilruah a lut rih lo, ala hla viau ang," fiamthua ka chhanletna chu a nuihpui ar ar a."Chu chu thudik anih hram beisei ila,"Kan sawi mek lai pawh chuan Zomuana thusawi kha ka hre rauh rauh mai.Zanriah kan eikham hnu reivakloah kan kawngkhar chu an rawn kik ri a, ka va hawn nak chuan Zomuana a lo ding reng mai. Beisei loh lutuk hmu ka nih vang leh a lo haw dawn tih pawh ka hriat loh avangin ka hamhaih atalangin lut tura sawm mai nachang pawh ka hre lo."Kha ti khan min thlir reng mai dawn nge min luhtir dawn?" A nuih a zat hmel kher mai."Oh, tihpalh, lo lut rawh, ka lo beisei hauh lo che a.""A hmuhtheih mai e, nge keimah lo midang beisei i nei zawk?""Chulam pawh a ni lo, ilo haw dawn tih ka hre silova...""Surprise anih hi," a nui vur vur mai. Inchhungah kan inzui lut a, Ka nu leh Rinpuiin an hmuh chuan mak an ti ve kher mai.Sitting room-a țhu pahin kan titi hlawm a, Rinpuii te innei tur chu a lawmpui ve hmel khawp mai."Keini pawh hi ti ve tawh ila a țha ang," a tih chuan Rinpuii chu a lo nui vak a. Ka nu pawh a khi ve suk mai. Keilah ka lo zak em em thung."In pahnih hian inneih in tum amaw?" Ka nu'n a tih chuan Zomuana chuan, "Hlutei a inpeih phawt chuan ka duh reng alawm." Fiamthu maia sawi emaw an lo tih kha a fiamthu hauh lo tih ka nu leh Rinpuii chuan an hre ta a. Kei pawhin chuti maia a sawichhuah ka lo ring lo bawk nen, ka hamhaih chiang kher mai."A van lawmawm ve, a chi tur anih hi kan lo ti hman tawh asin, chutia nangin nupuia neih i duh anih chuan nei daih rawh," nui har har chung hian Rinpuii chuan a lo ti a. Ka lo melh rum ngang mai."Tak taka, ka pi, ka nu leh pa bulah pawh ka sawi tawh a, palai rawn tirh ka tum a, Hlutei lah hian a ngaihtuah che avangin engmahin min chhang duh silova, i phalna ka lak a ngai anih hi.""A neitu tur berin a tih dan dan ani mai. Kei chuan pasal nei se ka duh alawm, a nauten nupui an nei anga, hrehawm a la ti dawn chauh a ni." Ka nu chuan a lo ti ve vat a."Chuti chu palai ka lo tir vat dawn nia."An țawng mawlh mawlh lai chuan thingpui lum turin ka phei ta daih a. Rinpuiin ka hnungah min lo zui vat."Hlute, i vannei dawn e, nei ngei ngei ang che, a hmangaih che tih ka hria a nia.""Min hmangaih amaw? Awihawm loh a nih chu.""Ania lawm, Akima in luah zan ațang khan ka hmu thiam vek asin. A duh che piah lamah a hmangaih che tih a lang vek alawm, umm, nang hi chu i tlaw ve lutuk a, i hrethiam leh pek lovang," a nui kar kar a."Hah! Ve tak a che! Nang pawh Akima nen inneih tum lo ula chuan keimah ang hi ila ni ve thovang," ka han tih chuan kan nui dun tlawrh tlawrh mai."In thingpui lum chu a va so har tawh ve a?" Zomuana'n a rawn ti dut dut a."Ka siam zo," tih pahin ka chawi phei nghal a. Rinpuii nen nui hak hak chungin kan inzui phei leh ta a."Engtiknge invawn in tum reng reng a?" tiin Zomuana chuan a zawt a."Zaninah palai an kal leh anga, naktukah chuan a hriat theih tawh ang, keipawh leave ka dil a hun tawh a ni. Thil inruahman vel a ngai tawh dawn si a. Hlutei min dinpui se ka tih tehlul nen, a thei dawn silova, bakah experience atan pawh," nui sanga min melh ralh pah hian a ti kher a."Khati'n min melh kher suh aw, ka dinpui che chuan mi mit ka la daih zawk anga, inneih niah i tum bur mai tur ania," nui var var pahin ka ti ve hlak a. Zomuana pawh a nui ve suk suk mai."Ka mutsan mai ang che u, tunlai chu ka taksa hi a chaklo zual em mai," tiin ka nu chuan room a pan ta nghal a.Keini ho chu kan la titi liam liam a, a tawpah chuan Zomuana chu a rawn ding chhuak ta hlawl a. "A tlai tawh khawp mai, ka haw tawh ange," a ti a."A la hma alawm le," ka lo ti vat a."Anih chuan kan inneih vat a ngai anih chu." Tih pahin kawngkhar lam a pan a.Chhang lovin ka nui tawp a, ka zui ve ta ringawt. Kawngkhar kan pel chiah tihah a lamah min pawt dawrh a, ka petek nawk mai. Min vuan nghet viau lo se chu ka tlu chiang viau ang.A awm nghengin min kuah hlu hlu a, ka chhipah a lu nghatin a thaw ham ham a, "Hetiang hian awm reng thei ila."Talchhuah tuma ka taksa ka tihchet chuan, "Reilote tihian awm lawk ang, i kianga awm a, hetia tih hi ka châkna a rei tawh lutuk." A tih chuan talchhuah ka tum tawh bik lo.A hmuiin ka hmui a rawn zawng a, ka khabe ah min kuai dak a. "Ka hmuh loh che a, hrehawm ka tihzia hi, ka ngai lutuk che."A țawngkam chuan min ti tuiral lo chauh. Ka kaiza tha te hi a zawi vek theiin ka hria. Reivaklo chhung chu duhthawh zetin kan infawp tawn tawn a. Kan inthlah meuh chuan kan thaw a chham dawn emaw tih mai turin kan thaw dun halh halh mai.Reilote emaw kan tih chhungin a lo tlai leh duai tawh mai. "Ka va haw phawt ange, inneih lam chu lo ngaihtuah ang che. Naktuk lamah ka nu leh pa ka sawipui anga, An remti ngei bawk ang.""Ka lo inngaihtuah dawn nia,""Anih muttui aw," tih pahin min fawp leh vang vang a. A kal ta chu ka ruak huaiin ka hria. Inchhung lam panin ka lut ta hnak hnak a. Ka thinlung a kalpui ta hial emaw tih tur khawpin a kal ta chu ka ngui rawih mai.Zomuana nen chuan tibuaitu awm miah lovin hun rei fe chu kan inngaizawng ve ta. Kan inkarah inhriatthiamlohna tih ang reng vel hi a awm ve lo.Rinpuii pawh chawlh a la a, keipawh an inneiha kal turin min phut bawk a, kalsak ve ngei chu ka tum a. Sangtea pawh tunlai chu a nun pawh a zawi deuh a, ka nu nen kan lawm kher mai. Chuti anih chuan inneihnaah pawh ka kal theih ka ring hial a ni.Zomuana sawi ang chiah khan palai hmel an lo lang ta. Ka nau Mama pawh phone in kan hrilh a, a lawm ve hmel khawp mai. Kan rel ang ang a pawm thu sawiin, chawlh dil a tum thu a rawn sawi ve luam mai. Kan inneih ni tur leh a hunte an peih fel nghal vek bawk.Rinpuii Aizawl haw tur chu an inah Zomuana nen kan thlah a, a hlim hmel khawp mai. Ka lawmpui rual rualin ka lung a leng lawk kher mai."Rinpui, kan school kal lai vel ka ngaihtuah chhuah chang hian ka lung leng țhin. Tihian inneih chu in tum ve ta mai chu a ni si a.""Ni e tiraw, keipawh ka ngaihtuah let chang hian ka lung a leng țhin.""In lunglenna aho em mai. I duh ber i nei tawh dawn a, a lawmawm daih zawk alawm. Keipawh hi neih thuai thuai ka duh asin," Zomuana chuan a lo ti hluk a."I duh reng ang chu, nangpawh tlangval senior i ni ve tawh tho si alawm le!" Rinpuiin nui har har chunga a tih chuan ka lo nui ve hawk hawk mai. Zomuana erawh a lo ner nawng thung.Reife chu fiamthu leh thutak chawhpawlhin kan titi a. A tawpa tawpah chuan, "Kan haw tawh mai ange, hei a tlai mai dawn, naktukah tluang takin i kal dawn nia," tiin kan thlah ta a.Pawn thleng kan inzui chhuak a, Zomuana bike ah chuangin inneih nia inhmu tura intiam chungin kan tlanchhuahsan ta nghal a.Kan in kan pan mai dawn emaw ka tihlaiin, ani lo lamah min tlanpui ta daih a. "Khawiahnge min kalpui dawn?" Ka ti chul mai."Bengchheng suh, miin i duh lo chung ka hruailuiah che an ngai mai tur ania," a tih chuan ka ngawi ta hmak a.Hmun thengthaw nuam zet mai kan thlen chuan ka hawi kual a, vanlam ka han thlir a, arsi an pe tuar mai. Thla lah chu a eng em em lehnghal a. Current vangin thla en leh en loh pawh ka lo hre miah lo a nia, tlang dung te chu a lang ruih mai a, zan thla eng hnuaiah chuan a lang nalh kher mai."A van mawi em!" tih halh pahin Zomuana chu ka en a, ani lah chuan ngawi rengin min lo thlir reng chu niin; ka sen ap ap a."Ka mitah chuan i mawi daih zawk," tih pahin a lamah min pawt hnai a, a awm nghengin min kuah ta vawng vawng a. A thinphu ri dup dup chu ka bengin a hrechiang kher mai.Keipawh ka dang chuang lo. Kan thinphu chu a inthumrawn dawt dawt in ka hria. Pialtlêp țhutna nuam zet maiah chuan a țhu a, a kapkara min țhuttir chungin min kuah a. Kan taksa chu a insi ran mai a, ka thinphu dat dat zawnah chuan a kut a dah a, ka darah a khabe nghatin hmalam thui tak chu kan thlir dun a."Nang nena hetia awm tluka duh leh thlakhlelh hi ka nei lo, hrilh che ka duhna a rei tawh, mahse hun fal ka hmu thei silova; Hlute, ka hmangaih che, ka hmuh hmasak ber ațang che khan ka duh tawh che," a aw thum deuh chuan a ti sup a."Engmaw i sawi kha?" Ka hresual emaw tiin ka zawt nawn leh ngat a."Ka hmangaih che, tlem te tal paw'n min hmangaih ve em?" A ti leh sup a."Ka hmangaih che alawm, min hmangaih hi ka ring pha lo a ni. Min duh ringawtah ka lo ngai a," ka tih meuh chuan kan hmui a intawng nghal chat. Thawchham lek leka kan infawh hnu chuan kan innuih sak a."Min hmangaih avangin ka lawm e, min lo hmangaih ve lovang tih hlauhna vangin ka lungphu te hi a kal dik lo vekin ka hre hial asin." Ka nui hak a.Reife kan țhut hnu chuan in lam panin kan haw leh ta a.In ka thlen a, ka khuma ka muthnuah pawh Zomuana nena kan hun hman dun ka ngaihtuah atalangin muhil thei lovin ka let sek a. Kei hian ka hmangaihthu ka sawichhuak a, ka thawl huaiin ka hria.Zingah phone ri vangin ka harh zawk a. "Umm," mut chhuak tak ham bai bai chungin ka chhang a."Ila mu elo, hei kan chhuak dawn chiah a, ka rawn hrilh che anih hi. Kan thlenah ka rawn hrilh leh dawn che nia." Tiin phone a dah ta a.Ham bai bai chunga thovin intihfai turin bathroom ka pan ta nghal a. Ka beisei loh leh rinloh lutukin Sangtea'n rawng a lo bawl ka hmuh chuan ka hnuk a ulh hial mai. Kha chen zu vanga a buai hnuah hetiang hian a fel leh ang tih tunge ring ang ni?"Rawng i bawl ani maw? I van fel ve a." Ka ti hlut a.Rang zetin a rawn hawi phei a, a nui suk mai. Hmana ka nau kha ka hmu let leh chu lawm vangin ka thinlung hi a zuang dawrh lo chauh a ni.Ka țhutna bula lo pheiin ka kutah a vuan a, "U, ka awmdan diklo tak avang khan min ngaidam ang che aw..ka pa kha keimah vanga thi ah ka ngai a, zu in loh ka tum ve ngar ngar a, mahse ka pa ka ngaihtuahnaah a rawn lut zel a, ka thinlung tawt lutuk a reh beiseiin ka in ta vak vak a, mahse awmzia reng a nei lo. Ka nu ka ngaihtuah leh a, ka awmdan hi ka sim loh chuan ka pa ang khan ka nu pawh hi ka chân mai ka hlau ta a ni. Mahni inthiamlohnain ka khat a, hrehawm ka ti lutuk asin, min ngaidam ang che." a tih chuan mittui tla pur chungin kan inkuah dun a.Hnunglama insut ri hraih kan hriat chuan kan en dun vat a. Ka nu chu lawm avangin a mittui a lo tla ve zawih zawih mai. Kan chhungkua a hlimna thar rawn thleng chu Pathian hnenah lawmthu sawiin ka nu chuan țawngțaina a nei ta nghal a.Ka nu hmel chu hmuh theihin a țha sawt sawt a. Sangtea vanga a rilru hahna ten an kiansan ve ta bawk nen.Chaw ei laia ka phone rawn rik chuan ka la vat a, Hlutei call a lo ni a. "Hello, khawilainge in thlen tawh a?" ka han ti zang vah a."Hlutei a ni em?" A aw chu ka hriat ngai a ni miah lo mai. Ngaihțhatlohna ka nei nghal a. Tinge midang daihin Hlutei phone ațanga min rawn biak le!"Aw, ni e, enge ni ta?""Call hnuhnung ber kan en ațangin nangmah hi a biak hnunhnun ber ini si a, kan rawn call tawp che. He phone neitu chuanna sumo hian tunah accident a tawk a, thi an awm nual a, he phone neitu pawh hi a boral zingah a tel ve..." a ti chauh va."A ni thei lo, ka duh thei lo. Rinpui, enge thil awmzia ni ngai. Ka phal thei lo. Tinge min kalsan tak? Engtinnge Akima a awm anga?" Ka phone chu ka nauvin min lo laksak vat a, an inbiakna pawh engmah ka hre tawh lo. Ka pik mup mup a, ka â vekin ka hria.Ka phone a lo rik leh pawh chuan ka nauvin a lo la zel a, "U, an be duh che," tih pahin phone chu min pe a."Umm,""Hlute, a van mak ve, ka awih thei lo. Thudik a ni lo tiraw? Engtinnge Rinpuii hian min kalsan theih!" Akima insut ri ka hriat meuh chuan ka insum zo ta lo. Chhuak zet hian ka țap ta hawm hawm a. Kan pathum hian inthlah miah lovin school kan kal chhung zawng kan inkawm a, tunhnua kan han inhmuh khawm leh ațang hian kan inpawh leh zual chauh a nia. Akima tan pawh a nupui mai tur ni mahse, a țhian, kan pahniha kan țhian ințawm a ni si."Ka rawn kal dawn," tih pahin ka phone chu ka off nghal a.Zomuana pawhin a hriat veleh rang lutukin kan inah a rawn tlan phei a. Bike keng lovin motor a rawn keng a."I thawmhnaw ken tur han siam la, kan kal dawn nia," a tih chuan ka en ho ringawt. Rang lutukin ka room ah a lut a, bag ah ka thawmhnaw a duh ang ang a hnawh tawp tawp a ni ngei ang, a rawn khaichhuak a.Ka pa thih pawh khan hetiang hian ka awm silova, accident a nih vangin a mi den dan a dang a ni mai thei a ni."Ka pi, Hlutei chu ka hruai ange, lo ngaihtuah lutuk suh ang che. Ka awm alawm, Sangte, i nu kha lo enkawl țha ang che aw..." a tih chuan Sangtea pawh chu a bu nghut mai.Pawnah min kaichhuak nghal dawr dawr a, a motor kawngkhar hawngin passenger seat ah min țhuttir hnu chuan amah pawh driver seat ah țhu in, a tlanchhuak ta nghal a.Ngawi rengin kan tlan mawp mawp a. An chetsualna hmun pawh zawhna chang reng ka hre tawh lo. Zomuana'n a hre em ang chu maw!Eitur leia a ding zawk tih loh chu kan tlan leh char char a. "Khawilaiahnge an chetsual? Zawhna chang ka lo hre miah lova," ka ti chhuak phawng a."Thenzawl thlen hma in, tunah chuan Thenzawl damdawiinah an la dah rih," a tih chuan ka mittui a hnam sawk. Dawmhlumtu pawh nei lova, a boral chu ka lainat kher mai. Nizan te khan hlim taka inkawmin, hetiang dinhmun hi a ding ang tih rinngaihna reng kan hre silova. Tukin lamah nise, a kal dawn țepah min la rawn be hram te kha ania. Kha kha a aw ka hriat tawpna ber a ni ang tih rinngaihna reng ka hre silo.Kan thlen meuh chuan Rinpuii chhungte ho pawh an lo thleng ve nghal a, kan han țap leh hawm hawm hlawm mai. Tihngaihna awm der silo. Akima hmel ka hmuh chuan ka lungchhiat a zual a, kan pahniha inkuah chungin kan țap dun ngar ngar mai. Mipa zawk a nihna angin a inti paukhauh hram hram a, a hmelah erawh a rilru natzia a lang thei hial a ni.Zomuana pawh kan bulah a rawn kal ve a, "Kima, ka tawrhpui kher mai che. Nizan te khan hetiang hi a thleng ang tih rinngaihna kan hre der silo. A pawi tih bak chu sawi tur ka hre bik lo a ni.""Ni e, a pawi a nih ber hi."Aizawl panpui tur chuan kan inpeih ta a, Akima chu kan motor kenah chuang ve in, Aizawl lam pan chuan kan inzui ta diah diah a. Rinpuii nu leh pa, a unaute ho chu an țap nasa ngei mai. Chhungte tan chuan a nat dan tur ka hriatthiampui kher mai.Rinpuii te inkawt kan thlen chuan inchhunga awm te chu kan thleng tih hriain, an lo chhuak sap sap a. Accident a tawk tih hria an lo tam tawh bawk a, mi an lo tam hman kher mai.Rinpuii hun hnuhnung chuan lung a tiawi lo kher mai. Akima paw'n a tuar hle a ni tih a hriat hliah hliah a. A hmel pawh a tla ve dâwk mai.Zankhuaa tlaivar a nih hnuah a tukah Rinpuii chu thlahliam a ni ta. Ka țhian neihchhun, ka unau ang maia ka enin mual min liamsan chu nâ ka tiin, awmngaihna ka hre lo a ni. Ka kiangah Zomuana awm rengin, englaimahin min kalsan lo tih theih a ni. A mitmenga min khawngaihna lang chhuak chung hian min en vang vang a, kan inkawm ngeihzia hretu a nih ve avangin min tawrhpui ve em em mai a ni.Rinpuii thih ațanga karkhat hnuah Lunglei lam panin kan haw ve ta hram a, Rinpuii nu leh pa te chuan min chelh ve nasa hle na in, haw lo thei lo kan nih avangin, nidanga kal leh intiam chungin kan hawsan ta a. Rilru a pik duh kher mai.Eps - 13Rinpuii boral hnuah thla khat a liam leh tawh a. Kan inneih hun lah a hnai tial tial si. Ka huphurh ngawih ngawih mai, Hmangaih ber neih dawn te chuan hlim awm tak ka ni a, mahse hlim harsa ka ti a ni. Rinpuii awm ve se, tih ringawt hian ka ngaihtuahna a luah khat a. Rinpuii nena kan sulhnu tam tak ka hmuh țhin hian ka lung a leng țhinin ka ngai thei lutuk.Zomuana nen kan inneih ni a thlen nan karhnih chiah hun a awm ta, helama ka rilru ka pek loh chuan Zomuana ka tihlunghnur ka hlau bawk si. Lehlamah min kamrittu a awm bawk si. Ka nun hi a van hahthlak tak em! Hetiang ringawt chuan ka â thei mai ang.Kan inneihna tur vel buaipuia hun ka hman takah chuan ka rilru tlemin a lo zangkhai ve ta deuh va. Ka ngaihtuahna insawrbing lutuk tur min chhanhimtu a ni ringawt alawm.Ka nau Mama pawh kan inneihna hun hmang tura chawlh a dil angin a rawn haw ve ta a. Ka nu pawh a hlim kher mai. Sangtea lah a nungchang țha lo a thlah ta hmak bawk nen. Kan chhungkua chu ka pa awmloh hnua kan hlim lehna hmasa ber a ni hial awm e.Zomuana lah a hnaah a buai ve theih em avangin duh ang pawhin kan inhmu zing thei lova. Kan inneih hmaa a hna zualpui tihzawh hman a duh avangin thawh pawh a thawk rim narawh e.Engkim peihfel vek ni tawh mahse, a duh uluk em avangin tihsual palh awm thei tur leh hmaih palh awm thei tur zawng zawng a enfel leh vek a. Keiphei chuan engmah ka ti ve lo. A kutah ka dah hmiah a, anin a lo buaipui vek mai a ni.Ka nu nen pawh ka ken tur kan buaipui a, kan chhungkua hi ka bulh ve em avang hian tumah han pur tur chhungte kan nei lem lo. Mama hlawh leh ka hlawh bakah, Mama'n GP puk a dil kha a a hmu hlauh bawk a, chu chuan kan mamawh zawng zawng deuh thaw a phuhruk a, ka lawm kher mai.Kan inneih nan karkhat ala awm tihah Zomuana pawh a hna zualpui a tifel tawh bawk nen, kan inah a rawn leng a. Inah kan chhungkua te in kan lo awm țhap a. Mama nen pawh an inkawmngeih hmel khawp mai."Inneih hma in picnic lawk ila," tia a rawt dek dek chu Mama leh Sangtea phur zawng tak mai a lo ni a."Khawiah nge kan picnic anga?" Sangtea chuan a lo ti vat."JB Resort ah. In duh angem?""Yes, lutuk ringawt. Ka chak tawh hle mai. Engtikniah nge ni anga?" Sangtea chuan a lo ti leh a."Kan kal dawn nia, in duh hun hunah a ni mai. Nuam in ti viau ang." Zomuana'n a tih leh chuan an hlim ngei mai.Picnic ni an ruatah chuan kal turin kan inbuatsaih nasa hle a. Kan chhungkua leh Zomuana te chhungkua kan ni mai a, Zomuana te motor pahnihah kan leng vek bawk a, Chaw eikhamah chhuakin JB Resort kan pan ta a.Kan thlen chuan nuam kan ti hlawm kher mai. Chhungkuaa insiam mai tur kan ni bawk a, Zomuana nu leh ka nu pawh an inkawmngeih khawp mai. Ka pa awm ve se, a hlim ve tur zia ka ngaihtuah a, ka ngui rawih mai. Rinpuii thlengin ka ngaihtuah a."Enge i ngaihtuah leh tak vung vung a? Rinpuii boral ațang hian mahnia inngaihtuah veng veng i ching thar riau mai." Rawn titu Zomuana avang chuan ka ngaihtuahna ata ka harh zawk mai."Ka pa leh Rinpuii ka lo ngaihtuah a, aw ve se nuam an ti ve dawn em alawm.""Ni khawp mai. Mahse thil kal tawh hnu ngaihtuah vak vak hian engmah min thlen lo a nia.""Ni e, ngaihtuah tawh loh ka tum pawhin harsa ka ti leh țhin. A la reh ve mai ang.""Nuam i ti em?" Thudangah a pakai ta daih a."Nuam khawp mai. Kal leh fo chi anih hi. Chhungkaw picnic naa ka vawikhat kalna," ka tih chuan a nui hawk hawk a."Keini chu kan picnic fo țhin asin.""Kan dinhmunin a zir loh bakah kan hman lo em alawm, Țhian ho picnic naah pawh ka tel ngai chuang lo.""Chuti anih nuam deuha hun hman i ngai anih chu. Tirawh, tui cheng ang, i thiam em?""Teuh lo mai a, ka ngam lo." Ka tih chuan a nui leh vur vur a."Min nuihzat viau suh aw...! Tui cheng turin hun ka nei hleinem." Ka ti hmak a."Lo kal rawh, ka zirtir ang che," tih pahin swimming pool nawm hmel zet lampan chuan min kai hlawk hlawk a."Tuichen thawmhnaw pawh ka nei lo," chhuanlam ka zawg țang țang a."Tikhan min lo nghak la, tuichenna tur thawmhnaw ka lo la ange. Lo kal sawn miah suh. Anih loh chuan....!" Tih pahin a kal nghal nal nal.Reiloteah a rawn let leh nghal a. Bikini a rawn lak chu hak ka han tum a, "Hetiang hi ka ha duh teuh lo mai, ka zak e a!""A zahthlak loh. Ha mai mai teh, tuichhungah i awm daih dawn alawm mawle," a tih leh chuan tuilo chung chungin ka ha ve ta hram a. Ka inpawt ka inpawt mai chu min nuih min nuih lehnghal."Engemaw i inpawh sek le? Țha tak khan awm mai mai teh," ka beng bulah a rawn kun hniam a, zawi sap hian, "I nalh lutuk, hmangaihna chenpui che ka chak kher mai," enge a sawi awmzia ka ngaihtuah chian hmain tuiah a dive nghal daih a. Ka en zui ringawt."Lo kal rawh le, ka lo zirtir ang che, thil zir thiam tak i nih leh nih loh en ang hmiang," nui ruh ruh chungin a ti a.Tuiah chuan muangchangin ka lut a, Zomuana'n min lo chelh vat a, tuichen ka zir chu ka thiam lawk thei silo nen, ka nui nasa ngei mai. A tawpah chuan ka thiam ve ta mai a, nuam pawh ka ti ve ta khawp mai."I thiam chak kher mai. Thildang zir pawh i thiam vat ngei ang," awmze nei zet hian a ti a. A nui ruh ruh bawk. Ka lo melh nghek thung.Ka nu leh Zomuana nu leh pa ten rawng an bawl a. Tui kan chen zawh chuan an rawngbawl pui turin kan kal ve tak na in, puih ngai lovin an lo zo duak tawh mai."Lo va inkawm leh rawh u, kan zo tawh alawm," an tih chuan hmundangah kan kal sawn leh ta nge nge a."Chaw kan ei tawh mai dawn em ni? Kan tlai lutuk chuan a chi lohvang," Zomuana nu'n min rawn auh chuan kan chhukthla ve ta vat a. Kan han in au khawm a, chaw kan ei ta nghal a. An siam tuiin ka ei hnem kher mai.Kan ei zawh hnu reivak lovah chuan haw zai kan rel ta a. Nuam kan ti tlang bawk aniang, kan haw lam pawh kan ri chul hlawm mai."Ka haw tlang phawt anga, zanlamah ka lo kal dawn nia," tiin Zomuana chuan kan inkawtah min chhuktir a. Inchhung panin kan lut ta dial a."Vawiin chu a nuam kher mai," Mama chuan a ti a."Ni e, a nuam tak tak a ni, ka kal leh chak khawp mai. Remchangah u Zomuana hnenah sawi leh ila a țha ang," Sangtea pawh chuan a lo ti ve vat a."Khai a, a inthlahrunawm alawm le! Anmahni vekin an tum si a, kan kal leh te chuan an hek lutuk dawn asin." Ka nu'n a lo ti ve vat thung a."An hausa alawm, keini pawh a u te pahnihin hlawh an nei ve thova, kan kal leh thei thovang chu!" Sangtea chuan a ti leh a."Ni e, țha takin hna te han thawk vela, keini pawhin sum te kan khawl anga, kan la kal leh dawn nia," Mama chuan a lo ti ve vat."Nu, i chau viau lo maw?" Ka ti a."Chau lo ve, engmah ka ti ve hleinem, Zomuana nu leh pa kha an fel bawk a, min awl char char alawm," tih pahin a nui var var. Keipawh room panin ka kal nghal thuai a.Ka phone ri ah chuan ka la vat a, ka han en chu Akima a lo ni a, Khai a, Akima lam ka lo theihnghilh hmak alawm le!"Hello!""Hlute, min theihnghilh tawh a ni maw?" A aw chu nidang a ang lo tawp."Theihnghilh lo ve, i aw chu tinge a?""Engtinnge ka aw chu a awm a?" A ti leh a."Ruih nei i va ang ve?""Umm, i ring dik, ka rui alawm, ka rilru hi a na lutuk.""Tinge khatianga i awm a?""Ni e, ka hmangaih ber nangin pasal min neihsan dawn a, ka nupui hual lah accident vangin ka chân leh bawk a. Ka nun hi a hrehawm asin." Sawi tur hre lovin ka ngawi reng a. Akima'n min hmangaih tih a țawngkama a sawi vawikhatna a ni. Ka thaw halh a. Chhanngaihna ka hre lo kher mai."I rui a nih kha," ka ti ringawt."Ni e, ka rui alawm, ka rilru nâ chhawk nan zu ka in a nih hi." A ti mai a."Engtikațangin?""Rinpuii thih hnu min hawsan ațang khan."Rinpuii thih avangin a hna pawh Aizawl lamah an transfer kha a ni a, engtinnge a khawsak zel ka hre chhunzawm tawh lova, phone lah ka phone tawh ngai bawk hek lo. Hnem tu tur chu ka ni ve asin mawle, mahse min duh tih ka hriat ațang khan biak nuam ka ti tawh lo a ni. A rilru ka tihnat belhchhah mai mai dawn si a."Rinpuii boral chu i tuar ang tih ka hria alawm, mahse zu in phah kher tur a ni lo asin, zu hian rilru natna a chhawk thei lo, chhâwk ahnekin a tizual zawk.""I ti dik khawp mai. Mahse chatthla hmak khawpa ka ruih hian ka tan chuan a zia asin, ka ngaihtuahna a chawl vek țhin. Mahse zanin chu ka ngai lutuk che a, min biak i tum tawh bawk silova, ka rawn be tawp che anih hi.""Khawngaihin in tawh suh, i tan a țha lo ania.""Min lo ngai ve țhin em?" Chhan ngaihna hre lovin ka ngawi reng a."Ka hrethiam e, nang chuan min ngai ve tawh lo anih hi, ni e, nang chu pasal nei mai tur i ni tawh alawm, kei te chu min hre reng tawh nang, mahse maw, Hlute, ka hmangaih che tih tal hi chu lo hre ve reng ang che aw..." phone a dah nghal daih a.Thaw halh chungin ka phone chu ka en ringawt. Akima ka ngaihtuahin ka khawngaih bawk si, mahse țhian ang bakin ka en thei silo. A rilru tihnat ka duh lo asin le! Țhian angin awm dun reng thei zawk ila a țha mai tur...Ka phone rawn ri leh thutah chuan ka ngaihtuahna ațangin ka harh zawk a, "Hello,""Zanin kha ka hman lo tlat. Naktukah khawiah emaw hruai che ka duh ania, ka rawn lam ang che, lo inpeih har suh ang che aw." A tih chuan ka thaw huai mai. "Awle, a pawi hleinem.""I bula awm a, kuah che a fawh vawng vawng che ka chak lutuk," a rawn tih leh chuan ka nui hak."Nui suh, ka châk tak tak ania. I taksa nalh zet kha kan inneih hunah chuan ka ta a ni tawh dawn si a. Min hrem rei tawh mah mah lo maw? Ka nghakhlel takzet a nia." A țawngkam avang chuan ka lungphu a rang a, ka mur er er mai."Ka hrem che tih pawh ka lo hre miah lova.""Kan inneih zanah i châk lo vang mawle!" Tih pahin a nui ri hak a. Min hmu thei lo tih hre tho mahila, ka zak chu ka sen ap ap tho."Anih ka dah ange, tihtur pawimawh deuh ka nei thut alawm mawle, ka hmangaih che, muttui phawt le." Phone en chungin ka nui var var mai.Mahse ka nui rei lo kher mai. Akima bawkin ka ngaihtuahna a luah a, engtia tihchi nge maw ni dawn le? Hmaichhanah hmu in hrilhfiah thei ila chuan a zia deuh mai thei a ni. Chu pawh ka ring chiah lo bawk si. Rilru a van tihah tak em!Zomuana'n bike in min rawn lam a, kan chhuak dun ta a, enge kan tihtur engmah a sawi lo, a khalh mawp mawp a, keilah a hnungah beiin ngawi rengin ka ngaihtuahna ka kawm a."Sweety, enge i ngaihtuah a, ka biakna reng i chhan theih lohva?" A rawn tih chuan ka harh kawk mai. Kan kal tumna kan thleng tawh a ni ngei ang, a bike pawh a lo tithi tawh a lo ni a. Kei hi engemaw ka hriat a, inngaihtuah veng veng ka chin tak tlat ni."Ka tihpalh lutuk, thildangin ka rilru a luah hneh deuh hlek a ni," ka ti sep a."Min hrilh ve la, ka pui thei mai thei che asin.""A, engmah a ni love, Rinpuii thih ațang khan hetia mahni inngaihtuah veng veng hi ka hrat ta riau va, enge a chhan pawh ka hre lo. Kan kalna tur kan thleng tawh em ni?" Ka ti nghal zat a."Umm, thleng tawh e. Engpawh nise, i rilru tibuaitu chu i inpeih hun hunah min hrilh turin ka lo nghak reng ange."Kan dinna bul vel chu ka en kual a, in pakhat nalh zet mai hi a lo ding a, a sak dan lah chu a hmanlai ang reng hle na in, a nalh kher mai."Hei hi tu in nge?" Ka ti halh a."Kan honeymoon hmanna tur a nih hi. Kan in." Tih pahin inchhung lam panin min kai lut ta a.A pawnlam landan aiin a chhunglam chu a lang nalh lehzual kher mai. Ka thaw ham ham a, in nalh zet zet chu ka hmu ve nual tawh a, Akima in luah pawh kha a nalh hle na in, hei zet hi chu Akima inluah pawh khan a tluk lo a ni. Hawina lam apiangah mittlaina tur ka hmu a. Inchung panna step te chu duhthusama nalh leh mawi a ni."I duhzawng a ni em?" A rawn tih chuan ka thaw huai a."Umm, a nalh lutuk ringawt. Hei hi kan in tur maw?" Ka ti hliai a. Ka hlim hmel a hmuh meuh chuan a nui ve var var mai."Aw ni e, kan in tur anih hi. I duhzawng a ni chu ka lawm kher mai." Tih pahin min rawn pan hnai a, kan hmui a inzawng dun nghal chat. Engmah ngaihtuah hman lek lovin kan infawp mawlh mawlh a. Kan lungphu ri dup dup bak thawm dang hriattur reng a awm lo.Engtiklaiinnge ka kawr hak a inphelh hman pawh ka hre lo. A ni pawhin a kawr alo phelh vek tawh. Sofa ah min mut riai riai a, ka chungah bawkin kan taksa lawng innawk vel vang chuan kan thaw dun ham ham a. Thaw halh halh chungin ka taksa chu a chul kual ruai a, ka hnute hmur a ka sa ham hamin a rawn fawh meuh chuan nuam tih vangin ka eu zawk mai. Ka khur der der a. Ani pawh a thawk dan a dik hauh lo mai. Hnuailamah a fawp thla zel a, a kut pawh a awm hle hle hauh lo mai. Khawihna lai tur hre tak hian a duhna lai chu a khawih chat chat mai.Ka rum ngher ngher a, ka panty phelh a tum chiah chuan ka harh kawk mai. A kut ka vawn beh sak a. Ani pawh chu a tawp ve nghal chat."Duhtawk ang," lawi zetin ka ti a. Ka la khur dar dar mai.Ka awmah a hmai phumin a thaw ham ham a. Min rawn melh chhova, a mitmenga tisa chakna la chambang chu rei pawh en ngam lovin ka maimitchhing daih a. A nui hak zui.Kan inha sawk sawk a, ka zak lutuk chu melh pawh ka melh ngam tawh lo. Hmangaihna min chenpui hman teuhzia ka ngaihtuah chuan rapthlak ka inti kher mai. Innei tur ni mahila, inneih zanah ngei nupa kan nihna kan tilang turah ka ngai a. Harhchhuak hma lo ila chuan tunah hian ka thianghlimna ka hloh ngei ang le. Inneih hmaa mipat hmeichhiatna hman hi ka huat zawng tak a ni a, ka thil huat tak mai chu keimah ngeiin ka bawhchhe țep zawng a ni e.In lam panin ngawi rengin bike chuan kan inphur haw leh ta a. Kawng kawi kan thleng chiah chu truck lo tlan nen kan insu ta dawt mai. Kei chu kawngsirah ka lum a, Zomuana erawh motor hnuaiah thisen baw nuaih hian a lo awm a, truck pawh a ding chawt.Ka au tuar a, engtinmah ka awm ve lo, ka vannei tawp. Mahse, Zomuana kha...! Ka va pan phei chuan a mit meng hram hram chung hian min lo en țawk țawk a. A hmui phun sep sep chuan enge a sawi tih ka hre thei lo.Truck hnuai ațang chuan an la chhuak a, thisen a hloh hnem em avang chuan ka hlauthawng kher mai. Ambulance call turin ka au vak vak a, car pakhat hi a rawn tlan hlauh mai, zah pawh sawi lovin ka lo phar tawp.Car a chuang chung chuan damdawiin kan pan ta nghal a. Car chhunhah chuan Zomuana chu ka be mawlh mawlh a, "I thi thei lo, min kalsan suh aw, nang leh zelin min kalsan chuan engtinnge ka awm ang," ka ti mawlh mawlh a.Damdawiin kan thlen chuan Doctor ten hmanhmawh takin an en nghal sawk sawk a. Thisen a hloh hnem em avangin nikhaw hre lovin a awm a, ka manganzia chu. Ka rilru in ka țawngțai mawlh mawlh ringawt."Lalpa, khawngaihin thihtir lul suh aw...!""Mambawih, mambawih, harh teh, engtinnge i awm a?" Min rawn sawi nawk nawk ah chuan ka harh hlawl a, meng phelh deuh phung leh mittui tling piau chung hian ka nu chu ka en a, a thaw huai mai."Ka mumang alo ni reng a ni maw?" ka ti sap a.Eps - 14Thlantla hluama ka harh chuan ka nu chu ka kiangah awmin min lo en reng a."Ka mumang a ni chu ka van lawm tak em!" tiin ka thaw huai huai mai."Mangchhia i mang a ni maw? Enge i hmuh reng reng a, i rum nasa lutuk a, ka rawn kaitho ringawt che alawm," a tih chuan makti zetin ka en a."Ka rum chhuak amaw?" Ka ti let ha a."Umm, i țe țhawt țhawt bawk a," a tih leh chuan ka mang kha ka hrechhuak leh a, ka zak chu ka sen ap ap mai."Ka mangah Zomuana nen bike in kan lo accident a, Zomuana kha truck in a chil hman lo hlauh a, thisen a chhuak nasa lutuk a, ka mangang lutuk ka au nasa lutuk a, chu chu ka lo rum chhuak anih dawn chu," ka ti ringawt. Ka manga Zomuana nen hmangaihna kan chendun dan te kha sawi chhuah chi pawh ni nghal lo chuan..."Khai aw..! I mumang a ni hlauh chu a tihzia kher mai." Tih pahin ka nu chu room ațangin a chhuak ta a.Keipawh ka tho ve nghal vat a, ka nu nen rawng kan bawl dun a, ka mumang kha ka rilruah a lo lang leh țhin a, ka ngaih a țha lo ang reng khawp mai.Chaw ei khama Zomuana rawn kal chu maktih hmel deuh hian ka lo en vat a. "Engvanginnge khati khan min en vak kher a?" A ti a."Engmah ni lo ve," ka ti mai a. Ka melh leh zuk zuk țhin avang chuan ngaih țhatloh hmel zet hian min en kur a."Ka pi, Hlute i hian enge a hriat a? Min melh ang zuk zuk a, țap tur hmel ala pui zui," Ka nu hnenah chuan nui pah deuh hian a ti a."Umm, nizan a mangah ilo thi ani awm a, chuvang chu aniang, ka ve en chuan alo rum nasa mai a, ka kaiharh phah ringawt alawm," ka nu'n a tih chuan Zomuana chu a lo nui hawk mai."Khai a, hei ka thih loh hi mawle, ngaih i ti țhalo zo vek dawn alawm, vawiinah engemaw entir tur che ka nei ka tih kha mawle," a tih chuan ka lo meng kawk mai. Nizan ka manga thil thleng ang kha chu a thlen loh hram ka beisei."Vawiin chu kan chhuak lo thei mai lovem ni?" Hlauthawng aw deuh hlek hian ka ti a."Engemaw i hriat le? Engmah a thleng lovang. Mumang mai mai a nih kha, insiam thuai rawh, kan tlai zel a nia," a tih chuan ka room panin phur lo zet hian ka insiam ve ta mawlh mawlh a.Ka chhuah leh hnuah, "Hlauthawng suh, fimkhur takin ka khalh dawn alawm, bakah bike ka rawn keng lo hrim hrim," a tih chuan thawk khatin ka thaw huai thei mai."Ka pi, kan rei lovang," tih pahin a motor ah chuan min luhtir a, amah pawh țhu lut ve nghal thuaiin, a tlanchhuak ta a. Kan tlanchhung zawng chuan awm nuamin ka awm thei lo."Kan thleng ta," Hlauthawng takin ka hawichhuak a, in pakhat gate chhungah kan lo tlanlut reng tawh a lo ni a, chu in chu ka manga ka hmuh nen khan a inang hauh lo mai. Engvanginnge ka manga mi nena inang tura ka ngaihtuah rikngawt le! Kei hi ka diklo tawp mai. Hlauhthawnna ka ngah lutuk a ni e."Lut ila," min rawn en pahin a ti a. Ka darah kuahin inchhung lam min panpui ta a. A kut ka dara a nghahna chuan min tihahdam sawng sawng thei hial mai.Inchhungah chuan engkim a awm sa nghal vek a. Duhthusama mawi leh nalh, chên chakawm hliah hliah a ni ringawt mai. Mahse ina kan let leh hma chu hahdam takin ka awm thei lo a ni."Thingpui i duh em? I hmel a dik lo tlat." A ti a."Duh lo mai ang, min hrethiam la, in lamah let leh tawh mai ang, ka awm a nuam thei hlawl lo." Ka ti ta tawp a."Anih leh i awm a nawm hlawl loh chuan let tawh ila a ni mai alawm," tih pahin pawnah kan chhuak ta nghal a.Motora chuangin kan haw leh ta a. Kawng kan tlan chhung chuan ka inveng reng hi a ni ringawt. "Tlan chak suh aw," ka ti deuh reng mai.Engmah buaina tawk lovin in kan thleng leh ta hlawl mai chu ka thaw nghal ham ham mai. Ka inhumruh nasat zia chu ka kutphah ka hum na thei vek alawm."Kha maw! Țul lovah i intihah vak a nih kha. I ngaihtuahna țha lo zet kha dahbo hmak rawh. Nangmah i intihah mai mai a ni e, Sweety," a ti leh sup a."Ni e, ka tihpalh, keimah vangin vawiin kan hun hman a khawlo vek a, pawi ka ti lutuk, chawlh hahdam ka mamawh rih ani ang e.""Ni e, i chauh hmel tlat. Keipawh ka haw phawt ange, zanlam pawh ka rawn lang lovang. Awm hahdam hram hram tum ang che, kan inneih hunah i chau lutuk palh ange," ka hmuiah a rawn fawp zauhva, a tlan chhuak ta nghal a.Keipawh inchhungah ka lut ve nghal thuai a. Ka lu te hi a na ut ut in ka hria. "In va lo haw hma ve a, khawiahnge Zomuana?" a tih chuan, "A lo peng ta lo mai," ka tih chuan a bu nghat a."Nu, ka lu a na riau mai, ka mu mai ange aw...!""Nachhâwkna kha ei phawt la.""Awle," tih pahin nachhâwkna ka hmawm a, ka room panin ka kal ta nghal a. Inthlak pawh inthlak peih lovin ka mu nghal tawp. Ka lu chu a hma ai pawn a na tawh zawk alawm le, Muhil vang vang ila, a reh mahna le!Reilote ka muhil emaw ka tih chhungin ka harh meuh chuan khua a lo thim vek tawh. Ka nute'n min kaitho duh lo a ni ngei ang. Ka lu na pawh a reh hawk alawm. Vawiin ni ang renga hlauhthawnna ka neih kha ka la hre ngai lo. Ka mood a off vek.Zomuana pawh ka tihrilhai vek alawm, ka inthiam lo kher mai. Biak tumin ka phone ka han on a, miscall leh Message a lo awm nual mai. Ka han en chuan Zomuana miscall a tam ber a, a message nen. A message ka hawng vat a, ka țhat leh țhatloh bakah min ngaihthu a sawi chuan ka nui sak mai. Hepa ka hmangaih zia hi chu. Ani pawhin min hmangaih tih ka hai bik lo. Keimah avanga kan hun hman khawlo chu pawi ka ti ve takzet a ni. Tunah chuan ka zia tawh khawp mai, tiin message ka thawn let ve vat.A rawn call rang kher mai. "I țha deuh chu a lawmawm kher mai. Min timangang hman alawm." A rawn ti halh a."Ka thlen ațang khan ka muhil char char a, tunah chuan ka zia tawh tak ka ni. Chaw kan ei ve phawt ange, nakinah kan inbe leh dawn nia," tih pahin phone ka off ta nghal a.Chaw min lo eisan vek tawh a, mahnia ei chu ka hreh kher mai. Chaw ei ka siam sawk sawk a, ka nu'n min lo puih a tum chuan, "Ka insiam mai ang, lo țhu zawk rawh, nge ila ei lo em?" Ka ti a."Ei tawh e, ka lo vil ang che, mahnia ei nuam i tih loh hmel em mai.""Nia, ka hreh deuh hlek a, ei ve leh tho la.""Ka puar tawh em mai. Nangmah khan puar takin ei rawh."Ka ei peih loh tehreng nen rinaiin ka eitui ta phian a. Ka eikham ka tihfel hnuah school kan la chawl bawk nen, tihtur a awm lo kher mai. Ka nu ina awm ning lah a leng daih bawk si. Chhuat ka nawh lai takin, ka phone a rawn ri a, ka han en chuan Akima alo ni a, "Hello" ka pick nghal vat."Ka rawn kal mek ania, in inah ka rawn thleng dawn," tehtawp chuan â!"I rawn thlen duh leh duh loh ani mai alawm," ka ti a."Duh chiang e mawle, ka ngai tawh lutuk che a, hmu tur che in ka rawn kal tawp a nih hi.""Wow! Min ngaih tak tak pawh ka ring love!""Rohluzual, vela che, induh viau lo mai teh, ka rawn thlen hunah i chak lo viau ang aw," a nui hak hak a. Hmana Akima kha a ni leh tawh a ni tih ka hriat chuan ka lawm kher mai."Awle, rawn thleng phawt la, kan la hre mai dawn alawm,""Ka rawn thleng țep tawh. Lunglei ka rawn lut tawh ania.""Chutianga hmaa rawn thlen tum te chu lo sawi lawk tur che alawm, ropui takin ka lo hmuak tur che ania," tih pahin ka nui hawk hawk a. Lehlam ațanga chek ri hlak ka hriat chuan ka nuih a za zual sauh. Hepa hi chu tihluih hi a nuam țhin."Ka rawn thleng țep tak tak ania, rawn țhawn thut che chu ka tum ngei alawm, mahse ka hrilh leh ta mai che anih hi. Ka kâ hi a kaw ve bawk si a," a tih chuan kan nui dun hak hak mai.Phone a dah hnu pawhin keimahin ka la nui var var mai. Min hmutu chu awm se, a â em ni le, min ti ngei ang. Ka chhuatnawh chu ka chhunzawm leh nghal a. Akima chu ka hmu chak ve reng, mahse ka chunga a rilru putdan avang khan hmuh ka chakna aiin ka huphurhna a nasa zawk.Chhun chawlh hma in Akima pawh a lo thleng nghal mai bawk. "I va tlan chak awm ve a," ka ti ringawt."Zingah ka lo chhuak alawm, ka ngai tawh che a," a ti luam mai."Huh! Dawthei lutuk mai." Ka tih chuan a nui huk ringawt."Thingpui ka lo in dawn chiah a, i lo thleng fuh khawp mai.""Engtiknge in inneih hun tur kha?""Karleh khi a ni tawh, a hnai tawh khawp mai," ka tih chuan mitmeng danglam zet hian min en a, mahse a reh leh thuai a. A hmelah chuan lunglenna a lang thei hial a ni."Keipawh bialnu ka nei leh tawh asin, mahse nang ang em chuan ka duh lo," a tih chuan ka sen ap ap a."A va lawmawm ve, engtiknge in tihhuk ve dawn?""Ka hre rih lo, kan la inbelchiang lo em a, a la hla rih ang, chubakah pasal i neih hma ngeia hmuh che ka chak a, ka rawn kal vang vang anih hi.""Nupui chu nei thuai rawh, i tar mai dawn ania, zu i in tawh lo em ni?""Ka in lohna a rei leh tawh. Ka hmeichhe hmangaih duhloh zawng chu tih ka tum tawh lo.""Akim???""Enge?""Khatiang lam kha chu sawi tawh lul suh, nuam ka ti lo ania, Zomuana nen kan innei tawh dawn a, ka hmangaih a, ani pawhin min hmangaih bawk. I rilru tihnat ka duh lo, chuvangin beiseina siam sak che ka duh lo reng a ni. Ka țhian ang bakin ka en thei silo che a, min hrethiam dawn nia, hmangaih thei che ila ka ti lutuk asin, ka tana thil min tihsak zawng zawng avang khan ka lawm lutuk ringawt.""Ni e, ka hria alawm, bakah lawmthu sawi kher a ngai lo, ka hmangaih tana ka tihtheih ang ang tih khan ka lawm fe zawk a ni.""Kei aia țha daih hi i phu a ni. Zomuana hi tawngin hmangaih lo ila chuan nang hi pasalah ka nei mai thei che a ni. Mahse, min hmangaihna ringawt kha a tawk zo silova, ka damchhung pawhin ka hmangaih lo mai thei bawk che a, chuvangin kei min hmangaihna hi chu bansan hram ang che.""Ka hrethiam alawm, chuvang chu ania, ka rilru putdan enge tih hriat ka duh avanga lo kal ka nia lawm."Ka ngawi ta reng a, bialnu a neih thu a sawi bawk a, a bialnu chu hmangaih hlauh se ka ti kher mai.Tlaiah ka nu leng lo haw in Akima a hmu chu mak a tiin a lawm hmel kher mai. "Aw haw, ilo kal a ni maw? I thlenna a rei tawh em? Iva reh ve a, min do ta emaw kan ti mai dawn asin," tia nui var var pahin a chibai vat a."Nia, ka lo thlenna a rei ve tawh mai. Khai a, nangni ber ka do che u chuan a tihchi nang mawle," a lo tithuai a."Enge ilo tih dawn a, nge i lo zin satliah mai mai?""Ka lo zin satliah chu a ni thova, inneihnaah te pawh kan tel ve ang chu, ha te pawh ka lo tat hriam hle tawh asin," nui hak hak chungin a ti a. Ka nu pawh a nui ve hak hak mai."Mambawih, thingpuite i intir tawh em?""Aw, a in tawh alawm, vawi engemaw zat a in leh tawh kha," ka tih chuan Akima'n, "Ka pi, dawt vek a nih kha, ka hman lo, in lo mai rawh min tihloh leh, lo inchhuan mai rawh a ti thul. Ka thleng chiah a, min tir nghal char char mawle!" A tih pah chuan nui sak chung hian min rawn siai zauhva. Ka nu lah chu a nuih a za em em a, a nui hak hak reng mai."Mama te pawh chu an va lo haw har ve mawle," ka nu'n a tih chuan an ni inkhel pawh an rawn lut ve nghal chiah."Inkhelh hi in atchilh lutuk a, inah engmah inti hman lo," ka nu chuan a ti hlak a."Aw, ka nu, engmah tihtur a awm hleinem," Sangtea chuan a lo ti vat a."Tihdan țha deuh ka hria, Sangtea nghah turin dawr siam ang u hmiang, Sangte, i peih ang em?" Mama'n a ti nghal zat a."Peih e a, ka chak lutuk alawm," a lo ti ve vat bawk."Awi, i naupan lai kha chuan i u nih ang ang kha i duh ve țhin kha a nia," ka lo tifiam vat a, an nui dar dar a. Sangtea erawh a tum deuh bar mai."Engpawh nise, Chhung inkhawm nei phawt ila, chaw kan ei dawn nia," ka nu'n a tih chuan kan bu nghat nghat hlawm a.Țawngțaina kan hman zawhah chaw kan ei ta nghal a, Akima tan pawh inthlahrunna tur awm lo khawpin ka naute pawhin an be nghal bawrh bawrh mai. A hma pawha innel sa tawh tho kha an ni bawk nen."Kan in hi ala te deuh si a, ka u mami room luah rih mai la, ka u hi ka nu bulah mu mai rawh se," Mama chuan a ti zung zung a."Nia, a remchan phian chu," ka nu'n a lo ti vat a."Ni love, nula khum luah chu ka duh hauh lo mai, sitting room ah pawh a mut theih tho ania," tiin a țang ve sateh a."Kan room ah mu ve la han tih dawnin pahnihin kan ințawm bawk si a, duh leh ka khumah mu la, kei chu ka nu room ah ka mu mai ang,""Ni lo e, ka nu room ah ka mu mai ang e, pawi ka ti hleinem," ka lo ti ve vat a."Nia, pawi chuang lo. A țha vek alawm," Ka nu chuan a lo ti ve bawk."Kan ina riah loh i hlau bawk a, zanin ațang chuan i riak char char thei ta. A nuam lo i tih leh i thu thu a ni tawh mai." Ka lo ti vat a, ka chalah min la pen fawk zui. "Aiah, a na...!" Ka ti vak a, a la nui vur vur zui.Chutia kan lo nuih bawk bawk lai chuan kawngka kik thawm ka hriat chuan ka va hawng vat a. Zomuana chu pawnah a lo ding reng a. "Lo lut rawh," tih pahin kawng ka kian a, a luh fel hnuah kawngka kharin ka zui lut nghal vat. Akima nen an inhmuh chuan chibai te an han inbuk ve luam a."Engtiknge i lo kal a?" tiin Zomuana chuan a zawt a."Vawiinah ka lo kal," chhanna a tawi țha tek tawk hle mai."In dam amaw? Kn inneih hmang turin em ni i lo phei a?""Umm, ni deuh tho mai. Ka țhiani te hi a ngaihawm ve reuh em a, ka hmu chak ve pah deuh mawle."Akima'n min duh ani tih hi Zomuana'n a hre vek tawh a, a ngaihkawih loh hram ka beisei a ni."Thingpui kan lum ange," tih leh thawh ka rual a."Kan leng dawn em ni?" Mama chuan Akima hnenah a ti a."Pawi hleinem, leng ila a ni mai alawm," tih pahin an ding hluai a. "Kan rawn haw har lovang," tih pahin an inzui chhuak ta nghal a.An inzui chhuak lai chu ngawi rengin Zomuana chuan a thlir zui reng a."Kei chu kan mu teh ang," ka nu chuan a ti a."Keipawh ka țhianpa hmuh lawk ka ngai," Sangtea chu a chhuak nghal vat.Innei tawh mai tur ni mahila, ka nu leh ka nauten thil intihrethiam taka an inthiarfihlim hmak chu ka haw deuh rum rum mai."I chhungte chu an va fing ve a," nui suk chung hian a la ti zui. Ka sen ap ap mai.Ka bulah a rawn țhu a, "Mama sawi kha enge a awmzia? Akima kha hetah a innghat tihna ami?" Min melh run lehnghal a, ka zam kher mai."Aw, ka rawn thleng dawn a ti si a, chutiang na na na chu hnar a nuam bik hleinem," ka lo ti vat a."A endan che hi ka hai bik lo asin, aduh che tih i hria em?""Hria e,""Hre si, engtinnge heta i awm tir theih zawk a, kan innei țep tawh tih a hre tho a ni lawm ni?""Akima hi ka țhian chauh a ni tih ka hrilh tawh che in ka hria. I thikthu hi ani lakah chuan i tihchhiat a ngai lovang. Bialnu a nei tawh alawm," ka tih chuan a ngawi ve ta hram a."Akima vang hian ka neih leh duh loh che i hlau em ni?""Hlau ang chu mawle, ka hmangaih che alawm, ka nupui inih hma chu ka ngaih a țha thei tawh lo tawp mai," nui ruh ruh chung hian a ti a. A hmel ka en chu ka thaw huai mai. Ka chum awk a, "Ngeiawm thiam lutuk mai," tiin.Ka hmuiah a rawn fawp zauh a, "Zanin chu i bulah min riahtir ve mai la," ka beng bulah a rawn ti sa sa a. Ka nghawk sawk mai. Ala nui vur vur zui lehnghal."Teuh lo mai. Ka nu room ah ka riak dawn tlat. Lo mu lo mai rawh aw...!" Ka ti a, kan pahnih chuan in enin kan nui dun hak hak a."Umm, engpawh nise, kan inneih zan chu ka la nghak thleng thei em ang chu maw! Nangte hi dawithiam i ni ringawt alawm le."Eps - 15Zomuana nena kan inneih ni pawh nihnih chiah a ni ta, ka huphurh ang reng khawp mai. Man hlan nia ei turin Mama'n Vawk leh Âr a lei a, Akima lah hian ngawi rengin a lo thawh ve chu niin, Mama'n sawi chhuak hlauh lo se chu kan hre miah lovang mawle.Akima pawhin țhian a nihna a hlen chhuak țha kher bawk. Hmangaihtu tawng se ka lawmpui angin midang hian an lawmpui ve ka ring lo a ni."I senior tawh lutuk a, pasal neih i hreh vek tawh anih kha," Inneih kawr ha a min siam mawlh mawlh laiin Akima chuan nui vur vur chung hian a ti a. Midang awm ve te chu an lo nui ve var var hlawm a."Ka hreh lo ve a," ka han ti chu an nui ta hawk hawk hlawm a. Keipawh ka khi ve suk suk mai."Zomuana hi ka thik riau mai. Zanin ațangin a bulah i mu tawh dawn si a, ka lo zirtir hmasa phawt lo che a ni," a rawn tih leh chuan a hnungzangah ka chum awk mai. Midang lah an lo nui nasa ngang mai."Lalrinkim, i țawngthei ziah zuah em mai," tihngaihna hre lo zet hian ka ti ta ringawt. Min chei zo tawh bawk a, invawn hun chawhnu dar khat rik nan darkar chanve chauh a awm tawh a. Kan insiam peih hman loh an hlau bawk nen, min chei nghal zung zung mai a ni. Darthlalang hmaah dingin ka han inen chu mahni tawkah nalh ka inti kher mai. Ka nui sak a."I lang nalh in, i hmelțha lutuk ringawt," titu avang chuan ka melh zawk a. Akima chuan darthlalanga ka inen lai chu mitmeng danglam zet hian min lo thlir reng a, ka hawi let vat chu min rawn pan hnai a. Ka kut rawn vuan chungin ka chalah a fawp zauhva. "I nalh lutuk, Zomuana chu mipa vannei tak a ni, ka thik rum rum mai dawn alawm," tiin a nui sak a."Ka lawm e, nang hi chu ka tana Pathianin Vantirhkoh a rawn tirh i ni ringawt alawm le," nui sang hian ka ti na in, ka hnuk a ulh țeuh thung. Akima hi ka țhianțha tak anih zia vawiin hian ka hriatchhuah leh phah a ni. A tan hian țhian nih ka tling lo zawk. Ka tan chuan engpawh a huam a, hmangaih thei ila ka ti țhin. Oh, hmangaih chu ka hmangaih reng alawm, nulat tlangval hmangaih angin ka hmangaih thei silova, a tana ka tihtheihtawk chu natna chauh a ni. Pawnlamah chu hlim angin lang mahse a chhungrilah erawh a nâ a ni. Chupawh keimah vangin. Mahse ka duh reng vang a ni bik lo. Ka siamsak pawh a ni hek lo."Hlim takin awm la, hmangaih i tawn vat theih nan ka lo țawngțaipui ang che," ka tih chuan a nui suk."Vawikhat chiah ka lo kuah thei che ang em? A bak chu midang ta i ni tawh dawn si a."A lamah min pawt hnaiin min kuah vang vang a. "Nangmah ang hi tawng thei ila chuan min hmangaih theihnan țan ka la nghal ang," tih pahin min kuahna a thlah riai riai a. "Pawnah ka lo nghak ang che." Tih leh kal chhuah a rual nghal.Mama'n Biakinah min hruailut dawn emaw ka ti a, min hruailuttu chu tudang nilovin Akima ka hmuh chuan mak tizetin ka en a, a lo nui sak mai."Mama ka dil nasa lutuk a, an farnu neihchhun i ni a, hruailuh che chu atihtur a nih thu min hrilh na a, ka dil ngawrh em avangin min khawngaih a, a phal ta hram alawm," ka beng bulah a ti sap a. Biakin chhungah chuan min hruai lut a, Zomuana kuta min hlan thlap hnuah țhutna awlah chuan a țhu ve ta nghal a.Inneih thutiam kan chham lai chuan Zomuana chuan a chham ring ngang mai. Kei erawh ka zam deuh vang nge, a hma lawka Akima awmdan khan ka rilru a khawih pawh ka hre bik lo, zawi tein ka chham zo ve thei hram. Zungbun kan inbun tir zawh hnu chuan pastor in nupa kan ni tih a puang ta a. Akima hmel ka hmuh chuan ka thaw hawk mai. Mitmeng ngui riai hian min lo en a, ka khawngaih kher mai. Mahse tihtheih ka nei silo. Ka kuta chelhtu chuan a rawn vuan nghet sauh va.Hunserh a zawh hnu chuan biakin ațangin kan chhuak a, thlalakna te kan neih zawh hnuah Zomuana te in lam panin kan kal ve ta a. Present inpekna hun te kan hmang leh a, ka thuamhnaw ken tur ho kha Zomuana te țhenawmah an lo va dah hmasa a, Zomuana te ina lut nghal thei turin kan insiam sa nghal vek.Tlaiah chawhlui kil hovin hun kan hmang leh ta a, Zomuana te an khawsa thei bawk a, mi pawh an tam nangiang mai. Ka beisei phak bak a ni e.Hunserh kan hman zawh ațang khan Akima ka hmu tawh hauh lova, ka mit lenin ka zawng ru deuhva, mahse hmuhtur reng a awm lo. Khawiahnge a kal ang le?Zanah inleng an la awm ve neuh neuh a, keini erawh chu kan pindan turah kalin present kan dawn te en in kan awm daih a. Mutna ka siam fel a, inlengte thingpui lumsak an ngaih avangin ka va lum sak leh lawk a. Fel min tih hmel ve khawp mai.Ka mangțha liam liam hnuah ka room thar turah chuan ka lut ta a. Zomuana chu inngaihtuah mûk tak hian khumah a lo țhu a. Ka va pan hnai vat a. "Enge i ngaihtuah a, thil țhalo a thleng em ni?" Ka va ti a."Thleng love, zanin ațang chuan ka ta i ni dawn ta, he hun ka nghahlelh tawh zia mai hi," tih paha min rawn kuah a tum a."Ngawi lawk, ka insil phawt dawn," tih leh bathroom panin ka tlanlut nghal thuai a. A nui ri hawk hawk mai.Ka insilfai zawh hnu chuan zam deuh tak chungin khum chu ka pan a, ka inthawlh ve nghal thuai a, Zomuana pawh alo mu run tawh mai. "Lo mu vat teh, zanin chu i chak dawn lo teh ania aw," tih pahin a lamah min kuah hnai a, zah a sawi theih tawh loh. Ka thawmhnaw chu a mal te te a phelhin min fawp pah a, thaw halh halh chungin ka lo chul kual ve ruai bawk.Ka hnute a kut lehlama țhamin a hmur a nuai ne ne a, a hmuia min fawhna a duh hnuai telh telh a, keilah nuam tih vangin ka lo rum ham ham mai. Ka panty a phelh lai pawh ka hre hman lo, nawmna tinreng hian min fan chiai chiai a, ani pawh engtiklaiin nge a inphelh hman ka hre lo. Kan taksa lawng han innawk vel chu a țek hian a țek zawk zawkin ka hria."Zomuan, ka vawikhatna tur tih i hria em?" Ka tih chuan a mitmengah makti hmel a lang zawk na in, a reh leh vat a, lawm hmel a rawn lang nghal vat."Ka lawm lutuk e, ka rinphak loh a ni. Ka hmangaih lutuk che. I tana a hmasa ber tur ka nih avang pawh hian ka hmangaih leh zual sauh che. Ka dim viau dawn nia," tih pahin min chawhphur tumin hmanhmawh lo tak hian ka taksa hmun tin mai chu hriatchiana belhchian a duh a ni tih a chetzia hmangin a tilang a.Keipawhin uar zeta lo chhanglet ve zelin ka thawk a rang kher mai. "Ka thun dawn ania," tih pahin a rawn thun lut ta riai riai a, a na zawkah chuan ka țe țhat a, mahse rei a ni lo, a lutkim ta maw tihah duhthawh lutuk hian a che chhunzawm ta a, nupa kan ni tawh a, zah a awm tawh tur a ni lo tih hriain theihtawpin ka lo pui ve bawk.A tawp kan thlen meuh chuan thlan a tla hluam mai. Hah tih hriat zeta nui sak chung hian ka chungah chuan a la bawk ran a, "Ka tilawm che em?" Tiin min en ran a. Ka lo bu nghat thung.Ka chung ațang chuan a letthla a, a ban hrawl pui chuan min kuah bet tlat a, kan che nasa bawk a, kan chau dun ngei mai. Keiphei chu ka lo muhil nghal daih.Ka harh leh meuh chuan khua a lo var tawh a, ka bulah chuan Zomuana pawh a lo la muhil a, a hmelțha tak mai chu ka thlir vang vang a. Ka pasal a ni ta mai chu a nia, tiin ka ngaihtuahna avangin ka nui sak a. "Ka hmuhnawm viau em ni?" Ka nui hak a.Ka chungah a rawn lawn kai leh vat. "Ka la duhtawk lo ania, nizan khan i chauh ka hlauh vangin ka dim mah mah che a, tunah chuan ka dim dawn tawh miah lo che ania," tih pahin min khawih țan leh ta nghal. Ka point tak khawihna lai tur a hre si. Ka zauthau leh der tawh. Ka chhungah rawn lut lehin nawmna tinreng min han pe leh chu ka țe leh țhat țhat mai. A vawrtawp vawi engzatnge min thlenpui pawh ka hre thei lo. Ka mur uaih uaih a, keipawhin ka kham thei lo nghal der mai.Kan thaw dun halh halh a, inenin kan nui sak, kan infawp dun leh ngar ngar a. Ani pawh a tawp a thleng tih hriat tak hian a khur ngar ngar a, a thaw hawk mai. "Thil zirtir nuam tak i ni, i thiam chak lutuk," tiin min fiam zauh a. A nâkah ka sik zauh a, a eu awrh mai. A nui hawk hawk a, ka chung ațanga chhukin khumah a bawk zawngin a mu a, min kuahna erawh a lasawn hauh lo thung."Ka intifai lawk ange, bakah mothar te ka ni ve ang reng si a, thawh tlai chu a chi loh," tih pahin ka tho vat a. Min pawh leh hmain bathroom ah ka tlanlut nghal thuai a, ka insil zo ka chhuah leh chuan ani erawh khumah a lo la mu.Kan room hi chunglama awm anih avangin inhnuai lamah ka chhukthla nghal vat a. Ka nu(Zomuana nu) leh pa an lo tho tawh a, "I rawn tho hma duh anih kha, la mut tur alawm," an lo ti vat a."Nizan i muthei em?" tia min zawh vang chuan ka zak kher mai."Aw, ka mutui lutuk," ka ti ve mai a, ka sen ap ap mai."In pa chu a chau hle ani maw, a la rawn thawh chhuah peih danah," ka pan a tih leh chuan ka sen nasa zual sauh. Min fiam tih ka hre reng tho na in, hetiang hian min fiam ka ring miah lova. Zomuana hi a chaklo viau ang mawle. Keimah chauhvin a nu leh pa min hmachhawn tir a. Min fiam dawn tih pawh a hrechiang khawp ang le."Khai, fiam tawh suh. I tizak lutuk dawn alawm, hei a sen vek tawh hi!" Ka nu chuan a lo ti vat a. "Bawihi, thingpui siam sa a awm kha, lo inthlit ve mai rawh aw. I in a ni tawh a, i duh ang angin che ve mawp mawp mai rawh." Ka nu'n a tih leh chuan thaw huai chungin thingpui ka inthlit ve nghal a."Dawhkan kil hian lo țhu ve mai rawh(dawhkan kil chuan ka țhu ve nghal vat) fanu ka nei ve silova, fanu ka neih phah che a, ka lawm teh mai ania, nupui neih a tum tawh lo emaw kan ti hman hial tawh asin," ka nu chu a țawng bawrh bawrh a. Ka pa'n a lo zawm ve zauh zauh bawk.Ka nu nen rawng kan bawl dun leh a, kan titi mawlh mawlh a, ka nu bula awm chu nuam ka tiin ka nel nghal sarh mai. Ka pa erawh mipa tihtakah ka la nel chiah lo deuh. Rawng kan bawl zawh hnuah kan room panin ka chho leh a, Zomuana chu ala mu anih ringin kawngkhar ka han hawng a, khum chu thlehfel diam hian a lo awm a, makti taka ka hawi chuan ka hnunglam ațang hian min rawn kuah thut a, ka phu chiang kher mai."I rawn chho leh nghal dawn emaw ka ti a, i va rei ve?" A ti nghal tehngawt."Ka nu nen rawng kan bawl dun alawm," tiin ka pa min fiamna ka hrilh chuan a nui hawk hawk a. "Nui suh, ka zahzia chu a," ka ti leh hrawk a."Ka hria alawm, chuvang ania, la tho rih suh ka tih ni, ka thu awih lovin nangmahin i chhukthla thawt thawt anih kha," a tih chuan a dik viau bawk si a. Ka ngawi ta reng a."Mutna ilo siam vek a, rawn siam tumin ka rawn chho ve a, i van tițha ve!" Ka ti a."Mutna ka siam manah enge ka hlawh dawn?" Tih pahin kawngka a va kalh țha vat."I ho roh! Tuman mutna siam vangin hlawh an nei ngai lo.""Keiin hlawh neih ka duh alawm, ka duh ang hlawh min pek zel dawn phawt chuan khum chu ka siam zel mai ang," nui var var chunga min rawn pan pahin a ti a."Chutiang ai chuan keiman ka siam zel mai ang," ka ti ve tlat a."Chimawm lutuk mai," tih pahin ka hmuiah tak a rawn fawp ta siah a. Chhanlet phut zet hian ka ka chhung chu a leia hawl kualin ka hnute a țham leh nghal zat. Ka thaw hawk a, ka zauthau leh țan der mai. "I bulah hi chuan insum a har a ni," ka ti ta thlawt a, a nui hawk hawk mai. "Ka duhthusam chiah a nih chu, hetia i awm hi hmuh hlan ka nghakhlel lutuk tawh asin. Zanah nise, muhil thei lova ka awm chang a tam mai. Tun ațang chuan ka duh hun hunah ka tan inpeihin awm reng ang che aw," tih pahin min pawm kang nawlh a, khumah min muttir leh nghal.Duhthawh lutukin ka taksa hmun tin mai chu hriatchianloh hlauvin a chul pah ruai a, ka panty chhanah a kut chuan a khawih kual vel a, ka lo er ngang ngang mai.Ka kekawr hak a pawhthlak rualin ka panty a pawtthla tel bawk. Ani pawh a kekawr phelhin ka chungah a rawn bawk leh nghal a, ka chhunga a rawn luh leh rual chuan nawmna nasa lutuk hian min tuam nghal hlawp hlawp a, ani lah duhthawh lutukin a che sauh sauh mai bawk. Kan rum ham ham a, a tawp kan thleng rual chu ka kawchhung hi a rawn lum pup pup mai. Van angelte dai ngailoh ram nuam lutuk kan fang hi a ni ringawt. Ka thlawk delh delhin ka hria.Thaw sa phungin kan mu dun hle hle a. "Ka kham thei dawn lo tawp mai che, tunah pawh ka la duh reng mai," a tih sup chuan ka lo ner nawk mai.Phone ri ah chuan ka tho zawk a, ka han en chuan Akima number ațangin a lo ni a. "Hello, tinge i bo hmak a, ka zawng nasa lutuk che asin," ka ti nghal tawng mai."Hlutei i ni mial em?" hmeichhe aw daih a ni. Makti zetin phone chu ka en a."Ni e, tunge i nih a?" Ka tih let chuan Zomuana chu a rawn hawi vat."Akima nu ka nia, Akima hian a chanchin a hrilh lo che em ni?""Eng chanchin maw? Engmah min hrilh lo,""Anih chuan hrilh che a duh lo tihna a nih dawn chu. Mahse tunah hian Akima hian cancer stage 4 a thleng tawh a, in inneihna pawh kha rawn hman hram a duh avangin nachhâwkna chak chi hmanga injection in a rawn hmanpui thei hram che a, a ngaipawimawh lutuk che ani. A nuna hmeichhia a hmangaih awmchhun i ni tih min hrilh alawm. Damdawiinah kal a duh silova, tunah chuan inlamah kan inenkawl tawp mai a ni. Rei pawh a daih kan ring tawh lo," A rawn tih chuan ka mitsulh mai.Khumah ka țhu hnawk a, ka phone ken lai chu Zomuana'n a lo la vat a, a biak chhunzawm chuan a hmel a danglam ve nghal vek mai."Kan kal a ngai a ni," a rawn tih chuan, "Ni e," hrethiam takin ka lo ti a. Inhnuaiah chhukin ka nu leh pa chu a ko vat a. "Nu, pa, Aizawl lamah kan kal nghal a ngai dawn ania, kan țhianpa Kima kha tunah hian a țha vak lova," a ti zung zung a."A va zialo ve aw, ni e, va kal rawh u, in lam chu lo ngaihtuah lo ula," an tih chuan insiam turin kan room lam kan pan leh nghal vat a. Kan thawmhnaw bag ah khung mawlh mawlhin ken hmaih neih hlau tak chungin kan insiam mawp mawp a. Kan inpeih fel hnuah inhnuai lam kan pan thla leh nghal a. Chaw pawh kalkawnga ei mai turin kan inruahman tawp.Zomuana'n a motor a lakchhuah laiin keiin ka lo nghak a, ka bul a rawn thlen chuan ka țhu lut ve nghal a, muangchang lovin kan tlan ta nghal vang vang a.Kalkawngah chaw kan ei leh eitur eng eng emaw leia kan ding zawk tih loh chu kan tlan char char ringawt. Kan inbe leh zeuh țhin bak chu ngawi rengin a khalh mawp mawp mai."I chau em? Chawlh lawk i duh em?""Chau love, i chau zawk em?" Ka lo ti let vat thung a."Umm, nupui min ngaihtuah deuhtu ka nei ta reng mai a ni maw!" Tih pahin a nui suk a. Kan boruak rit tak pawh chu a zâng deuh hawk mai."Hmm, nupui fel tak neih i duh a ni lawm ni?" Ka lo ti ve var a."Tehreng mai. Ka duh vangin ka nei reng che alawm,""Nangpawh pasal fel leh nupui duat thiam tak i nih zel ka beisei," ka tih chuan a nui ta hawk hawk a."Sweety, I tana pasal fel tak nih chu ka tum ber a ni alawm,"Min koh duatna avang chuan ka sen ap ap a. Chu chu a hmuhin a nuih a za zual sauh va. "I han zak vel sen ap ap hian i lang nalh zual teh mai ania.""Min fiam reng teh suh, a nuam lo ania.""Khai a, ka nupui ka fiam lohvin midang nupui em ni ka fiam dawn.""Teuh lo mai. Midang i fiam vaih chuan...!""Chuan...engtin???""Engmah," ka chhanna avang chuan a nui leh hawk hawk mai.Chutia kan infiam bawrh bawrh lai chuan kan thleng dawn ta ruai mai a. Kan rilru chuan thil pakhat chiah a ngaihtuah leh tawh tih hriat tak hian kan ngawi leh ta kar a.Kan kal dawn thu kan hrilh tawh avangin min lo beisei reng tawh ang. Kan thlen dawn hnaihah kan call leh ta a. Min lo hmuah thu an rawn sawi vat.Kan thleng ta. Beisei loh leh rinloh dan deuhvin min lo hmuak a, kan phu lo kher mai. Kan thuamhnaw min kenluh sak a, Akima room ah chawl khawmuang lovin kan lut tlang nghal a.Akima muhil hmel leh awmdan ka hmuh meuh chuan ka mittui a hnam sawk mai. Ka khawngaih lutuk a. Engtinnge kan inneih te khan a lo kal theih zawk ni! Natna tuar reng chungin hlim taka ala awm thei kha mak ka ti kher mai.Akima lo harhin min hmu thut chu mak a ti kher mai. "In lo kal a ni maw? Engtinnge in hriat a?" thei leh thei lovin a lo ti a."Ka hrilh alawm, hrilh i phal lo na in," Akima nu chuan a lo ti vat a."Tinge i hrilh a, damlo hmel pu a min hmuh ka duh lo asin," a tih chuan ka țhut hnaih sauh a."Min hrilh i duh lova maw? Engvangin? I țhian ka ni lovem ni?" A hmuh laia mittui tlak ka tum loh tehreng nen, ka insum thei thlawt lo."Ka țhian i nih vang alawm, hrilh che ka duh loh. Ka natna i hriat chuan min ngaihtuah dawn si a, i pasal nen hlim taka in awm ka duh alawm,"Zomuana chu ka bulah a lo țhu ve nghal vat a. "I țhiana min ngai anih chuan min hrilh tur i ni zawk lovem ni?" A lo ti ve nghal vat bawk."I lehkha tur ka nu kutah ka dah a, ka thih huna a pek tur che in..." a ti hman chauhva. "Chutiang sawi suh. Nupui neih min tiam tawh kha, i thutiam i hlen ziah țhin a ni lawm ni? Engvangin nge chutiangte i sawi?" Ka mittui a tla zawih zawih. Zomuana'n ka darah nghet takin min kuah a."Ni love, Hlute, ka dam rei tawh dawn lo a ni. Ka ngai ngawt ang che. Ka aiawhin i pasal tan nupui țha tak ni reng ang che aw. Mahse, i fa ka hmu ve hman lo tur erawh pawi ka ti." Țawng a harsat hle tih hriat zet hian a thaw kawk kawk a."Zomuan, Hlutei hi țha takin enkawl ang che aw, ka hmangaih tih pawh i hre tho ang, mahse tunah chuan farnu hmangaihnain a ni ka hmangaih tawh ni," tiin a rawn sawi zawm leh hram a."Țawng tawh lo mai rawh, i hah a nih kha, i chau lutuk ang," ka lo ti vat a."Ni love, in lo kal hi ka lawm lutuk. Ka thih hmaa i hmel hmuh leh ka chak em em a, mahse ka beisei ngam tawh silo. I pasal zarah ka hmu leh thei che hi ka lawm lutuk, Hlute, ka ngai ngawt ang che u. Min han hre ve reng țhin dawn nia aw..." chau tih hriat tak hian a thaw leh kawk kawk a. A maimitchhing ta nghal a."Akim, Akim...!"A rawn meng leh zawk a, zawi sap hian, "Mangțha aw ka hmangaih," tiin.Akima chu a kal ta. Ka mittui a luang ngiai ngiai a, ka pasal awm nghengin ka țap khur zawih zawih mai. Ka pasal chuan min hrethiam zet hian ka hnunga chul heuh heuh pahin min hnem ve mawlh mawlh bawk.Akima nu leh pa pawh an insum thei lo. Chuti maia a kal an ring biklo tih hriat zet hian an hamhaih a. Engmah tih nachang pawh an hre lo. A nu phei chu a țap chhuak phawng a, "Bawiha, i va hmanhmawh ve, Hlutei te nupa hmuh i chak em em an rawn thleng ve chauhva, i kalsan leh ta nghal mai si. Ava na em! Bawiha, kan la phal lo asin," a ti ngawih ngawih. Inhnêm tur chuang kan awm lo a ni.Zomuana'n room ațangin min kuah chhuak a, "Intifai ve phawt ang hmiang," tiin.Akima pa bula a sawi chuan, "Khawngaihin hmundangah innghat suh u aw, tikhan in duh ang angin lo awm rawh u, chawlh hahdam in duh anih pawhin room chuang kan ngah tho ania," tiin room min kawhhmuh a. Tah chuan kan lut nghal a. Ka chau kher mai. Zomuana chuan a lama min pawhhnaih pahin min kuah vang vang a. A awm nghengin ka țap khur ngar ngar a."Țap bawrh bawrh rawh, a hunlai a nih hi. A pawi a ni tih bak sawi tur ka hre lo."Ka țah thawl deuh hnu chuan insil turin bathroom kan pan dun ta a. Kan insil zawhah kan thawmhnaw kan thlak leh nghal vek a.Kan room kawngkhar an rawn kik chuan Zomuana'n a va hawnsak vat a. Akima nu a lo ni a. Lehkha thleh hi min rawn pe a. A mit a sen ram mai bawk a. "Hei hi i tana a ziah a ni a, pasal nei tawh mahla, i lo chhiarsak hram dawn nia aw, a kutziak hnuhnung ber a ni si a." Tih pahin a chhuak leh ta nghal a."Han chhiar teh le, ka mitmei chu veng duh suh. Ka hrethiam vek alawm, a hmangaih che a, mahse nangin i hmangaih ve lo thung a, i tan chuan țhian bak a ni lo tih ka hria alawm, ka lak inthlahrun vak a ngai lo ania. Ka hriat ve i duh loh pawhin ka hrethiam tho.""Ni lo ve, kan pahnihin chhiar ang, i hriat ve ka duh alawm, nupa karah thuruk awm lo se ka duh," ka tih chuan lawm hmel zet hian min rawn fawp zeuhva. Akima lehkha chu kan chhiar dun ta a. Tihian a lo inziak a.Hlutei,He ka natna hian rei min damtir dawn lo tih ka hria a, in inneih naa lo kal loh ka hlauh em avangin nachhâwkna chak ber hmangin ka injection a, ka lo kal thei hram a ni. Hrilh che ka duh lutuk asin, min hnem la, tihte ka duh in ka châk em em a, mahse chu chu ka tan beisei a thiang tawh silo. Chubakah i hlim hmel hmuh reng ka duh avangin ka hrilh thei ta thlawt lo che a ni. I nau Mama hnenah khan ka sawi a, inneihna hmuna hruai luh che pawh ka dil avangin min phalsak a, ka lawm takzet a ni. A chungah khan lawmthu min lo sawi sak mawlh mawlh dawn nia aw.Mama kha ka natna ka hrilh vek avangin nachhâwkna a injiection a ngaih pawhin i hriat hlau em em in, min pui zel a, inneih zawh hnu khan ka damdawi a zawh tak thut avangin engmah pawh sawi lovin ka haw nghal vang vang a. In ka thlen chuan ka chau lutuk a, ka mu ta reng a. I hlim hmel ka hmuh khan min tihlim a ni.Zomuana khan a hmangaih lutuk che a, engtikahmah a tina ngai lovang che tih ka hmuh khan ka thlamuang huai asin. Nangmah ang hmeichhia ka tawng ka tih kha, ka tawng tak tak ania, mahse ka tan hian hun a awm ve ngang lo a ni e.Ka huntawpah chuan ka kiangah awm ve la, ka ti kher mai. Mahse ka beisei sang lua a ni e. Umm, ka chau ta, lehkhaziak pawh ka harsat zo ta. A tawp ber atan chuan farnu anga ka thlah thei che kha ka lawm em em a ni tih min lo hriatsak dawn nia.He lehkha i hmuh hunah meuh chuan kei chu he khawvelah hian ka awm tawh lovang. Mahse, englai pawhin i nuța hi i kianga awm rengah min lo ngai ve dawn nia, chuan fa mipa i neih hun hunah ka hming hriatreng nan lo put tir ang che aw...! Ngen lua min tih loh hram ka beisei. Ka chau tawh em mai. Ka duhtawk mai ange. KA HMANGAIH RENG ANG CHE. Tiin.Kan chhiar zo chu ka mittui a tla leh țan nghal. Zomuana lakah chuan ka inthlahrung ngawih ngawih. Mahse thi tawh thik tlat chu a duh bik lo. Ani pawh a hnuk a ulh ve țeuh mai."Hmangaih tlak ilo nih vang anih hi, hetiang em em a, a hmangaih che ni. A thil min dil hi kan tihhlawhtlinsak ngei dawn nia." A ti a.Ka pasal mah nise a rilru hi a va han tluang tak em! Ka hmangaih hluah hluah mai. Min lo hmangaih ve hi ka tan chuan phuloh malsawmna a ni ringawt.Ka pasal chuan thik chu sawiloh, a mitmenga min khawngaihna langchhuak chunga min enin, "KA HMANGAIH CHE. Ka damchhungin ka 'VALENTINE'S' i ni reng tawh ang," a ti sup a.Keipawhin 'KA HMANGAIH CHE. Ka damchhungin Ka VALENTINE'S i ni reng tawh ang,' tiin a thusawi chu ka lo sawi chhawng ve leh a, a hmuiin ka hmui a rawn chuktuah nghal a, kan infawp ta vawng vawng a.*Tlipna*---------------Thlakhat kan inneih hnuah nau ka pai tih kan inhre țan a, kan chhungkua chu kan hliam kher mai. Ka nu leh pa(Zomuana nu leh pa) lah tu hmel an hmuh dawn avangin an lawm em em a, duat salohvin min duat a. Nuam lo ka ti letling zawk.Ka pasal lahin ka ei châk ka sawi hlek lahin min tihhlawhtlinsak loh a hlau em em a, eitur hi kan room ah a awm hnur reng mai. Ka thau lutuk ka hlauh avangin zingkar walk min neihpui țhin a, ka naupai a len tawh viau hnuah pawh naute tan a țha an tih avangin ka walk pawh ka chawlhsan chuang lo.Nau kan neih hma in ka pasal nen chuan a hming turah kan buai deuhva. Mahse, Akima min ngenna tihhlawhtlin a duh miau si a, ka nu leh pa bula a sawi lahin a hming phuah an lo duh ve si a, mahse Zomuana'n a han hrilhfiah țhat takah chuan an remti ve ta mai bawk a.Nau ka neih niah chuan an zavaiin damdawiinah min kalpui a, nau neihna ward a ka luh chuan Zomuana chuan luh ve ngei a tum tlat a, Doctor te pawhin tihngaihna an hre lo. An luhtir ve tawp mai ani."Naute mipa i nei e," an tih chuan chau hle mahila ka hlim lutuk hi ka nui var var mai."Fapa min pek avangin ka lawm e," tih pahin ka chalah a rawn fawp zeuhva. Akima hming chawiin Lalrinkima tiin a fapa hming chu a puttir ta a.Akima'n han hmu ve se, a lawm dawn nen, mahse van ațangin a lo thlir reng nia hriatna ka nei a, tukverh ațang chuan vanlam ka thlir vang vang mai.Damdawiin kan chhuahsan meuh chuan kan hlim kher mai. Kan fapa Lalrinkima chu kan chhungkua tihlim ber tu leh kan nuna mi pawimawh tak a lo ni ta.Kan nupa chuan inkuah rialin kan fapa muhil lai chu kan thlir reng a, ka pasal chu ka en chhova, ani pawh chuan min lo en vat a. Duhthawh takin kan infawp ta ngawih ngawih a.*A TAWP TA*

• Get link
• Facebook
• X
• Pinterest
• Email
• Other Apps

May 11, 2020

Post a Comment

Read more

A TLAI ZO TA.Eps - 1"Zorinsang," tia min kotu ka hriat țhan em em mai ka pasal aw ri avang chuan ka phu zawk a, ka hawi chhuak nghal vat bawk."Enge i rawn tih dawn a, hetah ilo kal a? Engtinnge ka awmna i hriat?" tiin thinrim zetin ka en a. Ka pasal in ka chhuahsan ațangin nithum lai a liam leh tawh.Min rawn pan hnai a, "Ka zawn nasat zia che hi i hria em? Nang nu hian min tihbuai nasat zia hi i hre hauh lovang, ngaihtuah pawh i ngaihtuah tawp reng nang; nangmah bak i in ngaihtuah hleinem mawle! tiin huat hmel zet hian min melh khui mai."Ka tibuai che amaw, Huh...Nang hian engtiklaiin nge min lo ngaihtuah ngai reng reng a? Chuan, Min rawn zawng tur hian ka lakah thuneihna i nei lo tih hria ang che, nang nen hian inzawmna kan nei tawh lo. Chuvangin ka hmuh phak lovah kalbo ang che," ka ti hmak a."Inzawmna kan neih leh neihloh chu kan la hre dawn alawm, ințhen phalna ka pe hauh lo che ania, ka nupui ila ni reng tihna anih chu," min nuihsawh zet hian a ti a. Ka haw kher mai.Ni e, a sawi dik chiah, a lak ațangin ințhenna ka la reng reng lo. Kha Rody nen khan inngaizawngin mudun lo se chuan ka tlanbosan hauh lovang. Ka mithmuh lai ngeia an mudun ka hmuh khan ka thinrim lutuk ka puakkeh lo chauh a ni.#Flashback:`````````````````Thla thum chiah ka pasal Remsangpuia nen kan la innei a, kan inah party neiin a țhiante a sawm a, chumi zan chuan a ni an mudun lai ka hmuh ni. Ka luna chhuanlamin kan room ka pan a, kan room thlen hma chiaha room pakhatah chuan thawm ka hria a, kawngka ka han hawn nâk chuan ka pasal leh Rody saruak veka inkuaha khuma an lo mudun lai chu ka hmu a, kawngka ka hawng ri ah chuan an lo hawi vat a, min hmuh chuan an phâwk dun kher mai. Ka tlanchhuak nghal vat a, kan roomah tlan lutin ka thawmhnaw ka bagah ka khung mawlh mawlh a, min hmuh hmaa he in hi chhuahsan ka duh a ni.Min rawn umzui lo bawk a, tuma hmuh lohvin ka chhuak thei hlauh va, ka thinphu nasa lutuk leh ka rilru na mittui tla nen, ka kalna kawng pawh ka hmu țha thei lo. Engmah ngaihtuah lova kawnga ka kal lai chuan car pakhat lo tlan hian horn a rawn pe ri tuar mai a, ka phu zawk a, ka ding nghal chawt."I mawl em ni? I kalna kawng en ta che. Ka su țep che a nih hi," tih pah chuan car kawngkhar chu a rawn hawng hrawk a. Ka hlauh em avang chuan ka lo ding khur zawih zawih a. Min han hmu chiah chu "Zorin...!" Makti zet hian min melh reng a, keilah baga ka thuamhnaw kengin ka ding khur hlak hlak mai bawk si. "Malsawm!" Ka lo ti ve hau ringawt.A car lam pan chuan min pawt phei a, a carah chuan min țhuttir a, engmah min zawt lovin car chu a khalh ta nghal a, min melh leh zawk țhin tih bak chu a car khalh laiah chiah a rilru a dah emaw tih mai tur a ni."Khawia kal nge i tum a?" A tawpa tawpah chuan min zawt ta hlawl a."Ka hre bik lo, hotelah min dah phawt mai ta che, zankhat ka riak anga, naktuk lamah ka ngaihtuah chauh ang, tunah chuan mahnia chauhva awm ka duh rih tlat.""Heti chung hian hotela riah i tum amaw, i duh phawt chuan ka inah pawh ilo kal thei tho ania, tumah dang an awm chuang lova, room ruak pawh a tam alawm, hotela riah ai chuan a nuam daih zawk ang," Malsawma chuan a han ti a.Ka ngaihtuah a, pawisa pawh ka nei hauh silova, hotelah pawh riak ila, riah man pektur ka nei chuang silova, Malsawma inah chuan kal pawh ka pawiti ta lo mai. Ani hi ka țhianțha tak a ni tho alawm."I inah chuan a pawi lo ang maw? I sawmna ka hnar lo mai ange, pawisa ka nei lo tih ka hrechhuak chiah alawm le!" Ka han ti ve sap a."A țha lutuk, kal nghal mai ila, thil awmdan min hrilh duh chuan ka ngaithla peih reng a nia, rilrua kan veite hi han sawichhuak ila, kan thawl ve huai zel a nia."Malsawma hi chu ka tan hian a va han țha tak em! Ka mamawh hunah hian alo awm hman ziah zel hi thilmak tak zawng a ni. Amaherawh chu a zawng zawng hrilh ka tum lem lo, a tlângpui chiah ka hrilh. Mahse, hrilh lo mahila, thil awmdan engkim a hrethiam vek tho. Ani pawhin min zawt lui bik lo. A car khalh lai chu a tiding a, Min khawngaih hmel takin min en reng ringawt. A awm nghengin min pawm a, a taksa khauh zet mai chuan min kuahbet hneh kher mai. A awmah ka hmai phumin ka inhnip hlawp hlawp mai."Chupa chu leh! Ka van khawih chak ve le!" Malsawma chuan insehruh țeuh chung chuan a han tih pah chuan ka hnungah a chul heuh heuh a.Malsawma in kan thlen chuan a sawi ang ngeiin tumah an lo awm lo. A in chu ka beisei ai daihin a ropui a, inchhung kan lut chu a nalh kher mai. Heti khawpa in chhung nalh ka la hmu lo. Kan in pawh kha a nalh ve viau a, mahse kan in aiin a la nalh fe zawk."Malsawm, in i nei nalh kher mai, a hmaa i in kha engtinnge i tih a?" Ka han ti a."Ka hralh daih tawh alawm, pasal i neih hma lawk khan ka hralh a, he in hi ka lei ta a ni. Ka chei țha vak a, a siam ngai laite siam țha in ka luah ta a ni. Naktuk lamah ka fanpui dawn che nia, tunah chuan i room tur ka kawhhmuh phawt ang che, i chauh hmel em mai," a ti duah a.Ka zui ve mai a, ka room tura kan han lut chiah chu ka meng phawk chiang kher mai. "Karei leh! A van nalh tak em! A zau nuam bawk si a." Naupang chhia ang mai chuan ka hlim kher mai. Ka au chul mai.Ka chevel min en reng chung chuan alo nui ve var var a. Ka hlim hmel chu hmuhnawm tih hmel zet hian min lo thlir reng a. Ka en zawk a, ka awmdan chu ka zak leh hnuhnawh kher mai. Min en reng avang chuan ka lai em em lehnghal a, tunhma paw'n a kiangah ka awm fova, hetiang hian a bulah ka la awm ngai lo."Pawi ka ti hle mai," ka ti sap a."Engvangin nge pawi i tih a.""Ka awmdan vang khan mawle.""Nilove, pawi ti suh, i hlim hmel kha a hmuhnawm lutuk. Khaile, intifai la, i rilțam tawh ang, engmah pawh i ei hman awm silova, eitur ka lo siam ange," tih pah chuan a chhuak ta nghal a.Makti zet hian ka thlir zui a, chutah, bathroom ah chuan ka lut a, bathroom chhung pawh chu a zau nuam kher mai. Darthlalang sei, taksa puma in en theihna a awm a, drawer ka han hawn chuan Sahbon leh shampoo chi hrang hrang, inbualnaa hman tur chi chu a awmkim deuh vek.A sir deuhvah chuan bathtub lian tak mai hi alo awm bawk a, Inbual rei vak chi a nih loh avangin Shower chuan ka inphuhtir seng seng a, a nuam kher mai. 'Hepa hi a van hausa awm ve! Nupui ala nei lo em maw nile?' Ka inbual pah chuan ka ngaihtuah mai mai a.Ka inbual zawh chuan bathrobe ka ha a, ka sam chu towel chuan ka tuam bawk a. Bathroom ațang chuan ka chhuak ta nghal a.Rooma ka luh chuan Malsawma chu tukverh lam hawi chuan a lo ding reng a, ka thawm a hriat veleh a lo hawi nghal vat a, "Eitur ka peih tawh a, han inthlak la, a daih hmain kan ei dawn nia, i inthlak chhungin ka lo va chhuak ange," tiin a chhuak ta nghal a.Tuna Malsawma ka hriat hi hmana Malsawma ka hriat kha a ni tawh hauh lo mai le! Hmana Malsawma kha chu țawng duh zet mai leh nelawm zet a ni a, kawm pawh kan inkawm ngeih, an chhungkua hi an hausa a, Company neiin a pa hnuaiah a thawk țhin kha a ni a, hmundanga a awm daih avangin a chanchin ka hre zui tawh ngai lo a lo ni a. Tuna ka hmuh leh hian hmana Malsawma ka hriat nen khan an danglam takzet a ni.Tuna Malsawma hi chu induh hmel zet leh chapo hmel zet mai a ni a, a țawngkam a bungin, a ngeiawm lek lek țhin. Hmana mi ai khan a hmel pawh a țha tawh zawk, a mithmul dum chhah tak leh a hmui pan hlang mai te chuan a tilang pâ lehzual a, a piannalh zet chu a thawmhnaw hak chuan a tilang chiang lehzual kher mai. A palianin hnathawk țhang leh thahrui ngah tih hriat zet hian a taksa chu a phiar fat a, a hmuhnawm kher mai.'Engvanga nupui la neilo nge a nih ang le? Zawt ta tawp ila, min hrilh duh angem?'Ka inthlak sawk sawk a, ka rei chuan min lo koh leh mai ka hlauh avang chuan ka chhuak ta vat a. Dinning roomah chuan eitur alo chhawp mek a, appron a ha ka hmuh chuan inhmeh lo ka tiin ka nuih a za kher mai. Eitur a siam thiam pawh ka ring lo ania, ka lo ring dik lo hle tih ka hre chiah.Ka thawm hriain a lo hawi vat a, "Lo țhu rawh, ka peih țep," a ti a. Ka țhu ve nghal mai nain ka puih ve miah loh avang chuan ka inthiam lo leh deuh a, "Puih i ngai lo em ni?" Ka han ti veleh hnuhnawh a."Ngai lo e, hei hi ka rawn chhawp leh chuan a ei theih nghal a ni mai," a tih pah chuan plate rawn chhawp pah chuan a chair pawt chhuakin a țhu ve nghal a. Eitur ka en chuan a tui hmel hlawm kher mai."Hei hi nangma siam vek maw?""Ni e, i awih nange a?""Chulam pawh a ni lo, ei i siam thiam tih ka hre miah lova," ka han tih chuan a nuih zat hmel kher mai."Engvangin nge ka thiamloh ringawt anga? Eisiam zir chhuak ngat ka nih hi aw," tih pah chuan a nui suk a.Mak ka ti kher mai. "I pa company ah em ni ila thawh reng a?" Ka han ti leh daih a."Aw, ti ila, keiman ka enkawl tawh zawk a!""Tinge i pa, a dam țha lo em ni?""Dam țha e, company enkawl tur chuan a upa ve tawh a, a chawl ve tawh alawm.""Engtia awmzel nge i tum, i pasal nen chuan in inkarah enge thleng reng reng a?" A han tih zawm leh zat a."Umm, a tui kher mai, eisiam i thiam khawp mai," thudang ka sawi san daih a."Thudanga min pakaisan chu tum duh suh, ka la hre tho ang, min hrilh dawn nge dawn lo,""Sawi tur ka nei lo,""Anih engvangin nge i bag nena i chhuah si?" Min nawrluih dan a thiam khawp mai."A bialnu nena an mudun lai ka phawk alawm," tiin thil thlen dan zawng zawng chu ka hrilh ta nge nge a."Chupa mai mai chuh, nupuia a neih theih nan che ka hnenah lo kal...!" Sawi chhunzawm lo chuan a ngawi ta hmak a."Engmaw, tuna i sawi kha, i hnenah lo kalin engthu maw a sawi a?" Mak ka ti kher mai."Theihnghilh rawh, tihian ka inah i awm anga, duh leh ka hnuaiah i thawk ve dawn nia," a ti ta daih a."Nilo, i hnuaiah lehzel chuan ka thawk lovang, ka tibuai hnem tawh che, zanin hi ka riak anga, naktukah heta țangin ka chhuak ang," ka ti ta ringawt a. A kianga cheng reng tur chuan ka thei lovang."Engvangin nge i theih lohvang?""A chhan chu.....!" Sawi zawm tur reng ka hre lo."I chhungte i pan hreh anih chuan hetah i awm thei ang," a ti leh hmiah a. Ni e, ka chhungte ka pan ngam angem? Tih ka ngaihtuah mek reng a ni. Mahse ka tihsual a awm loh miau chuan ka tan hlauh tur engmah a awm hleinem. Unaupa pakhat ka neih ve lah chu Mizoramah a awm loh avangin kan inhmu khat khawp mai. Pasal ka neih hma kha chuan kan inkawm ngeihin kan inngai dun em em a, ka pasal neih ațang leh a hna avanga mizorama a awmloh a chin hi biak pawh kan inbe ngai lo. Ka chanchin hrilh ila chuan min khawngaih leh viau ngei ang le!"Ni e, naktukah ka chhungte chu ka pan ang," ka ti ve ta ringawt a.Ka nu leh pa chu ka pan ang nge pan lovang? Tih pawh ka la ngaihtuah hauh silova.Eps - 2Zing ni chhuakin ka hmai a rawn chhun chuan ka harh zawk a, kei hi thawh ka hai chiang mai. Ka mutna chu ka hre mai lova, ka han harh chian chuan nizana thil thleng kha ka hre chhuak leh uar uar a, Malsawma inah ka awm ani tih nen. Nizanah ka muthilh lai pawh ka hre hauh lo, ka lo mutui hle a ni ngei ang.Ka tho vat a, parda ka hlim chuan ni alo sang tawh hle mai. Kawngka kik ri ka hriat chuan ka va hawng vat a, hmeichhe pakhat upa lam deuh tawh hian tray hian thingpui leh a hmeh a rawn chawi a, khum bula dawhkana dah pah chuan, "Pu in i harh veleha pe tur che in min ti a, ani chu zingah walk turin a chhuak a, a lo haw țep tawh ang. E taka, ka hming chu Zuali a ni a, i duh dan danin min ko dawn nia, he in enkawl tu hi ka nia," a ti duah a, a fel hmelin, kei pawhin ka nel nghal hmiah mai."Kan intifai phawt anga, ka ei dawn nia, tikhan dah rih mai rawh, ka ei zawhah ka rawn dah dawn nia," ka han ti ve a."Rawn dah a ngai lo, keiman ka lo la leh mai ang, Pu in engmah i tih a phal lova, chuvangin ka kutah dah mai rawh, ka tihtur a nia, bakah min tihpui ka duh hauh dawn lo bawk ania," nui var var chunga tiin a chhuak leh ta a.A chhuah hnu chuan bathroomah ka lut ve nghal a, ka intifai sawk sawk a, ka thawmhnaw ka ken tam lemloh avangin hak tur vak pawh ka lo nei lo. Awmhmun kawrfual a pawdang hi ka ha tawp a. Ka sam ka khuih a, thingpui leh a hmeh pi Zualin a rawn dah chu ka pan a, ka ei dawn chiah tih chuan kawngkhar chu a rawn inhawng a, ka lo en vat a, Malsawma chu inbualfai hlim tih hriat taka a sam la hnawng deuh chap chung chuan a rawn lut a. Nidanga ka la neih ngai miah loh ka taksa ah hian engemaw diklo a awm ani chiang mai, ka lungphu a rang tlat."Nizan i va mutui awm ve a, thawh pawh i hre lo a nia," a han ti a."Nia, ka mutui khawp mai, i chungah ka lawm lutuk e,""Lawmthu sawi a ngai lo, engtia awm chu nge i tum tak a?""Ka nu leh pa hnenah chuan ka kal phawt ang," ka ti leh mai a."Ka kalpui dawn che nia," Malsawma chuan a ti leh a."Kalpui ka ngai lovang, ka tibuai hnem tawk tawh che," ka lo ti vat a."Min hnial lo mai rawh, hmana i hriat țhin, duh duha kawih her theih kha ka ni tawh lo ania."Ni e, a sawi dik chiah, hmana mi kha chu a ni tawh lo alawm, hmana mi kha chu nelawm loh lai pawh a nei lova, tuna Malsawma hi chu midang hlak a ni. Engtinnge hetiang em ema a lo danglam theih ni. Hnial a sawt lo tih hriain min hruai chu ka remti ve ta ringawt a. Pawi ka ti lem lo, mahnia ka nu leh pa hmachhawn chu ka zuam lem lo a ni.Eng huna kal nge i duh ang?" A rawn tih leh chuan ka lo inngaihtuah leh veng veng avang chuan ka phu zawk mai a, tunlai chu ka phu zawk zawk a, hetiang chuan lungphu țhalo te hi ka la nei thuai mai thei a ni."Er...aw...ka hre rih lo," ka ti ta ringawt a."Chaw ei phawt ila, chaw eikhamah kan kal dawn nia, thawmhnaw chu keng rih lo phawt la, duh leh a la lak leh theih tho alawm," tih pah chuan ka mutna room ațang chuan a chhuak ta a. Ka thaw huai mai, a bula ka awm hian keimahah diklo a awm tlat zel hi ka hrethiam bik lo.Balcony ah ka chhuak a, zanthim tawh hnu a he ina lut kan nih avangin pawnlam ka hmu thei lo kha a ni a, Malsawma in compound chu a zauvin a bul velah chuan pangpar nalh zet zet hi a awm țeuhva, enkawl ngun a ni tih hriat zet hian an par vul chûk hlawm a, an nalh hlawmin mit an tihahdam sawng sawng mai.A hmun ngeia en ka duh avang chuan ka chhuak vat a, ka rin ang ngeiin a hmunah chuan a lo nalh kher mai.#End of flashback#````````````````````````Ka hminga min kotu aw avang chuan ka ding chawt a, engtinnge helaiah ka awm ani tih a hriat theih le?Zam ru tak chung chuan ka hawi let a, (ka pasal ka ti dawn nge, ka pasal hlui ka ti zawk dawn pawh ka hre love a) Remsangpuia chuan mitmeng thip zet hian min lo melh run mai a, ka hlau ru kher mai."Eng...engtinnge min rawn hmuh theih a? Ka ti bah nak a."Ka zawn nasat zia che i hria em? Engvanga kan in ațanga chhuak nge i nih?" Vin zet hian a ti hrawk a."A chhan i hre reng a ni lawm ni?" Ka thinrim em avang chuan ka hlauhna a bo vek."Min hrilh loh chuan engtinnge ka hriat anga,"Ka ten lutuk hi ka luak mai dawnin ka hria. Engtinnge hetiang hian a awm theih ni? A hre lo der hmiah a nia, ka mit ngeiin hmu lo ni ila chuan a sawi chu ka awih leh ngei ang. Engtinnge ani hi pasalah ka lo neih theih zawk le?"Hre lo der duh suh, kha i bialnu Rody kha engvanginnge i neih mai lohva?" Ka ti veleh ngat a."Engvanginnge ani chu ka neih anga?" A lo ti hu a."In mudun lai chiang lutukin ka hmu che u, chuti chung chuan ila pha țalh a nia, eng ang mipa nge maw i nih le? Kan inneih hma ațangin i kawp tawh tih pawh ka hre vek, chuvangin i hnenah ka rawn kir dawn tawh lo," ka ti ve hmak a."Nang hian mipa i um zawk a ni lo maw? Min puhletna i zawng zawk a nih hmel hle mai. Nge Uire chhuahin ka chhuahtir zawk mai dawn che.""Eng maw i sawi kha, mipa ka um amaw, tu mipa nge ka um anga, ka uire lai finfiahna i nei em ni? Min puh let tum hauh suh ang che aw," ka ti let ve salh a.Chutihlai tak chuan Malsawma chu kan bulah alo kal a, thinrim hmel zet hian Remsangpuia chu a en a, "Zorini hi tibuai tawh suh, ka kut tuar i duh loh chuan," zawi thawp sat hian a ti a. Ka lo en vat a, a thinrim a insum nasa hle tih ka hre thei."Ka nupui ani a, ilo inrawlh vena tur a awm lo,""Ka kianga a chen chhung hi chuan ka inrawlh tur a ni, ka veng him zel bawk ang." Tham lo zet hian a ti salh a."Ni e, a dik alawm, nupuia ka neih hma daih ațangin nang hian ilo duh ve tawh alawm, mahse khatihlai khan i dawihzep em a, engmah i sawi ngam lova, keiman nupui atan ka nei ta a nih kha, tunah pawh ila sawi ngam chuang lo nge ni a, i sawi a, a rawn pan che?"A sawi zo chiah chu leiah a thal nghal tawp a, a rang lutuk a, ka hmu hman lo reng reng. A hmui thi ser ser khawih chung chuan a rawn tho chhuak a, "Kut min thlak amaw? Tu kutthlak mah hi ka la tuar ngai lo," tih pah chuan Malsawma chu rawn hnek a tum a, Malsawma chuan alo bum zauh va, chutia a bum zauh pah chuan a khabeah a hnek sak leh ta chawrh a, tuallaiah chuan a thal leh der mai a, tha ah a hneh loh chu thuhran, Remsangpuia ai chuan Malsawma chu a len zawk bakah exer ala ngun tih hriat zet hian thahrui a ngah a, a mipa pian zaih mai a ni."Duhtawk ru," tiin ka lo au chul a."Zorini i tihbuai leh chuan kha aia na khan ka khawih tawh ang che," tih pah chuan inchhung panin min kai dawr dawr a.Ka hawi let zawk a, Remsangpuia chu a lo tho chhuak mek a, a inbengfai thuak thuak a, gate ah chuan a chhuak ta hnu hnu a.Ka roomah min kailutin khumah min nem țhu hnawk a, "kha pa khan engthil nge a sawi a, engtinnge hetah i awm tih a hriat theih?" Min rinhlelh hmel zet hian min melh khui a, a hlauhawm lek lek zawk."Ka hre bik nang," ka ti hmak a."Nang hian i awmna i hrilh ani ém lo maw? A hnena i kir leh duh a nih chuan ka dang lovang che, i pasal a ni tawh a, khatia kut ka thlak pawh kha ka inthiamlo khawp mai, mahse ka thinrim ka insum hman lo anih kha," a ti duah a."Kir leh maw? Teuh lo mai, vawiinah ka nu leh pa ka hmu anga, ka awmdan tur a hriat mai ang, mahse i kianga cheng tur chuan min beisei thei lovang," ka ti ve tlat a.Mipa ka ûm tia min puhna kha chu hrilh hriat kher ka tum lo. A hria anih chuan a mawhphurhah ngaiin min chelh a tum ngei ang. Thil pakhat ka hre chhuak zawk a, Remsangpuia a hnek hma a, Remsangpuia thusawi kha."Kha thu kha tak tak a ni em?" Ka ti a."Eng chu maw?" A lo ti hû a."Ka pasal nen kan inneih hmaa nangmahin min lo duh tawh ani tia a sawi kha," thaw dep dep hian ka han zawt a."I ring em?" A ti mai a."Ring lo," ka lo ti ve mai a. Min en vang vang hnuah rang zet hian a chhuak ta daih a. Makti deuh hian ka enzui a, a ngaihna ka hre lo kher mai!Malsawma Pov*``````````````````````Engatinge Zorini bula ka awm hian ka danglam ziah mai le? Ka cara ka sut țep khan amah a ni tih ka hre hauh lo, ka hmuh khan mak ka ti lutuk a, bagah a thawmhnaw a dah bawk si a, engemaw tak harsatna a tawk a nih ngei ka ring.Ka hmuh phat ațangin Zorini hi ka duhin ka hmangaih nghal a, mahse khatihlai khan ka dawihzep em a, engmah pawh ka sawi ngam lova, ani nen chuan kan inkawm reng tho. A hlim hmel hmuh te chu ka kham thei ngai lo, min hmuh hlau tak chungin ka lo en leh reng mai țhin.Pasal a nei dawn tih ka hriat khan ka thinlung hi hlînga chhun ang mai hian a na ngut ngut a, mahse ka dawihzep lutuk vanga ka chan tawk a ni tiin ka inhnem leh hram hram țhin.A pasal neih hnuah a chanchin ka hre ngai lova, a pasal hi lerh zet ani tih pawh ka hria, ka khawngaih lâwk khawp mai. Nizan kha a pasal neih hnua ka hmuh leh hmasak na ber a ni. Ka hmuh phata ka lawmzia kha, ka lungphu hi a su dup dupin ka hre hial mai.Tukin zinga a rooma a mu tho hlim hmelțha zet ka hmuh a ka fawh chak ziate kha, ka insum nasa lutukin ka chhuahsan leh ta ringawt a ni tih pawh a hre awm tawp silova. Pawnah a chhuak tih hre lovin a roomah ka han kal leh chuan a lo awm lova, pawnlama a pasal nen an inbia ka hmuh chuan ka thin zawn hi a na veng vengin ka hria, ka chhuak ve nghal a, a pasal in diklo taka a puh ri ka hriat khan ka thinrim thutin kut ka thlak ta kha a nia, mahse ka inchhir lo. Kut thlak ngai leh dawn pawh nise, ka thlak leh mai ang, Zorini tan a nih phawt chuan...Inchhungah ka kai lut a, a roomah ka hruai nghal a. Ka thinrim ka insum hram hram a, a pasal hnena a let leh duh anih pawhin kei chuan ka hnial lovang, mahse hlim takin awm se ka duh a ni.A thil min zawh thutah chuan chhan ngaihna mai ka hre lova, "I ring em?" Ka ti a.Ani lah chuan a rinloh thuin min chhang ta mai bawk si a. Ka hrilh angem tia Ka en vang vang hnuah ka chhuahsan ta daih a.End of Malsawma Pov.````````````````````````````````Zing boruak chhe lutuk avang khan chaw ei pawh ka chak lo zo vek. Mahse ka eiloh chuan min tilui leh dawn tho si a, ka ei mai a ngai a ni.Dinning room ka luh chuan eitur an lo chhawp vek tawh a. Ngawi rengin ka țhu a, ka țhut hnuah Malsawma pawh a lo lut ve a, ani pawh a rawn țhu ve nghal a, ngawi rengin inbe miah lovin kan ei dun mawlh mawlh a. Kan ei lai chuan ka melh leh zawk țhin a, ani lah chuan a eilai chiah chu a ngaihven emaw tih mai turin ngawi rengin a ei mial mial a.Ka thimrim thut a, ka tho vat a, ka kham nghal hmak, ka chair hnuksawn thawmah chuan min rawn melh zawk a, a eilai bawk chu a ngaihven leh nghal.Ka kut ka sil sawk sawk a, thinrim țunin ka chhuak tau nghawng nghawng a, ka rooma ka luh hnuah ka thinrim chhan ka han ngaihtuah chuan a ho leh hle si a, min ngaihsak loh vang khan ka thinrim ringawt kha a ni si a. Engvanga min ngaihsak kha beisei nge maw ka nih le? Ani kha ka duh ta mai em ni dawn le?Remsangpuia nge Malsawma? A tu pawh chu ni rawh se; kei hi bumin ka awm tawh tur a ni lo..!Eps - 3Chaw ka eikham chuan ka roomah lutin ka nu leh pa ina kal tur chuan ka insiam nghal a.Malsawma min kalpui loh pawh keimahin ka kal mai ang. Insiam vak ngai lo turin, ka baga ka thawmhnaw dah ho pawh awm rei ka tum lem loh avangin ka la phawrh lova, a ngai ngaiin ala awm vek.Ka insiam zawh chuan room ațang chuan ka chhuak a, Malsawma'n min lo hmuh chuan, "Khawiahnge kal i tum a?" A lo ti a."Ka nu leh pa hnenah ka kal dawn," ka ti mai a."Min lo nghak rawh, ka kalpui ang che ka tih kha,""Tihtur dang i nei lo em ni? Keimah pawhin ka kal thei tho ania," ka ti vat a. Ka rilru tak chuan lo kal mahse pawi ka ti lo. Mahnia ka chhungte hmachhawn chu ka zuam lem lo a ni."Nei love, min lo nghak rawh, ka rei lovang." Tih pah chuan a room pan chuan a kal nghal a.Veranda ah chhuakin ka lo nghak a, ka chhungte ka pan hreh nachhan ber chu min nawrluih vanga pasal nei ka ni a, Remsangpuia in ka chhuahsan tih an hriat chuan an lungawi dawn lo tih ka hria a ni. Remsangpuia te hi an hausak em avang leh amahin min duh em avanga ka chhungte pawhin makpa atan an it a, chuvanga pasal atana min neihtir an ni."Tirawh le, kal ang hmiang," a rawn tih chuan ka ngaihtuahna ata chu ka harh zawk a. Ka kal ve nghal mai bawk.A car nalh zet mai chu rawn la chhuakin ka țhutna tur lam chu min hawnsak a, ka țhu lut ve nghal mai bawk. Ka țhu fel chiah tih chuan a tlanchhuak ta nghal a.Kan tlan chhung chuan kan ngawi dun reng a."Zorin, ka hnena thawh chu i duh mai lo em ni?" A rawn ti chhuak hlawl a."Ka hre lo le, hna chu ka duh alawm, thleng phawt ila, ka awmdan tur azir a ni mai, mahse ka tibuai viau ang che tih ka hlau a," ka han ti ve a."I duh phawt chuan hna chu a awm ania," a ti leh mai a.Reifê kan tlan hnu chuan kan in chu kan thleng ve ta mai a. Inchhung kan luh chuan ka nu leh ka pa chauh an lo awm a, kan lut min hmuh chuan makti zet hian min lo en a."Nizanah khawiahnge i riah a, i pasal thusawi kha a dik a ni maw?" Ka pa chuan alo ti nghal vat. A thinrim hmel kher mai."Enge a rawn sawi a?" Ka lo ti vat a.Malsawma awmlai chuan engmah sawi lo se ka ti kher mai."I pasal a rawn kal a, i chhuah thu leh mipa dang ûm ang che in a rawi sawi, Hepa hi em ni a mipa sawi chu." A ti nghal tawp a. Ka zak kher mai.Engmah sawi lo chuan ka ngawi reng a."Ka pu, i hre dik lo anih chu. Ani hian mipa dang ûm in a tlan lova, kawngah ka hmu a, zan a rei tawh si a, ka inah ka hruai ta mai a nih kha, in rin ang kha engmah a awm lo," a lo ti ve hmiah a."Nang kha kan chhungkaw thila lo inrawlh ve turin tunge i nih a?" Ka pa chuan a ti hmak a."Ka pa...!" Ka ti vak a."Enge, nang pawh kha, hepa hi i um anih loh chuan engvanginnge kan ina rawn kal lovin a inah kher i kal?" Thinrim zetin a ti leh a."Ka pu, ka thiamloh a ni e," a lo ti vat a."Khawngaihin min ținsan thei ang em? Hei chu kan chhungkaw thil a ni a, mihrang lo inrawlh na tur anih loh hi," a ti leh hmak a."Khawngaihin, min hawsan mai ta che, min hruai avang leh engkim avang khan ka lawm lutuk," Malsawma hnenah chuan ka ti ta tawp a.Min ngaihtuah hmêl takin min en vang vang a, a lu a bu nghat a, a chhuak zui ta nghal a.A chhuakfel ta maw tih chuan ka pa chuan, "Kha pa kha em ni i pasalin mipa dang um a a sawi chu?" A ti leh a."Ka hre nang, engtinmah pawh kan awm hleinem, amah zawk kha, a hmeichhe mutpui lai ka phâwk a, a lehlingin min puh hlauh zawk anih kha," ka han ti ve ngial a."I insawi thiam dawn tih pawh a sawi vek alawm, a rin ang chiah i nih hi, ilo tenawm hle mai, pasal nei reng chunga mipa nena awmdun chu. I zak miah lovem ni? I nu leh i pa min tihzah zia hi i hria em? I pasalin a ngaihdam thu che a sawi tawh a, i pasal hnenah i let leh tur a ni, min hnial reng reng suh ang che, i room țhin ah kal nghal ang che, i pasalin a rawn hruai hma che chuan i chhuak miah lovang." Tiin thutawp a siam ta hmak a."Ka fanu tiin ka lo chhuang ve em em che a, min ti zak ngawih ngawih," ka nu chuan tih pahin an roomah min luhsan a.Ngawi rengin ka room ni țhin lam chu ka pan a, khumah bawk thlawpin ka mittui a tla ta zawih zawih a. Ka pasal hian engchen nge ka nu leh ka pa hi dawt alo hrilh ang tih pawh ka ngaihtuah thiam lo. Kan inneih theih nana ka nu leh ka pa chunga a țhat der zia te ka ngaihtuah let phei chuan ka thin a rim a thar leh țhin. Mahse engmah tihtheih ka nei silo. Malsawma belh leh ringawt pawh chu ka tan a tlawmthlak ka ti ve si. Tlanbo dawn ila, kawngka min kalh hnan hmak bawk si a, ka tan chhuahna kawng a kawlo kher mai. Ka pasal hnena kir leh mai loh chu tihtheih reng ka nei lo a ni.Zan pawh muhil thei lovin khumah ka let ka let a, ka rilru chu a vak thui kher mai. Naktuk maiah ka pasal hnenah ka kir leh dawn ani si a, Thih hrehin ka hreh a ni. Ka nu leh ka pa min tihdan hi ka rilru a na a ni, an fanu ka ni ve a, hetianga ka duhlo chung ka pasal hnena min dah let leh hian eng hlawkna nge hmuh an in beisei le? Ka thusawi aia ka pasal Remsangpuia thusawi an ring zawk chu mak ka tiin ka rilru pawh a na kher mai.Ka rilru ka siam fel ta a, 'engpawh nise, ka pasal hnenah ka kir leh anga, thu tiamkam ka neihtir tawh ang, ka duh ang hna ka thawk ngei bawk ang, a phallo anih chuan ka chhuahsan hmak ang' tiin.Ka rilru ka siamfel hnu chuan tui vaklo chung hian ka muhil ve ta hram a.A tuk zingah chuan ka harh hma hle a, zan lama ka mutțhat vak loh avangin ka phak deuh chuap a, ka inphihfai a, ka room balcony ah chhuakin pawnlam chu ka thlir vang vang a.Ka room kawngkhar rawn kik ri ka hriat chuan ka hawng phur lo kher mai. Ka hawn lawk loh avang chuan a aia na in an rawn sawi dawt dawt a, ka va hawn chuan Remsangpuia chu ngeiawm zeta nui chung hian kawngka ah chuan alo ding a."Ka lo lut thei ang em?" Inti polite fahran hian a han ti vel a. Ka lo ner khum nang a, chhan pawh ka chhan hma in a rawn lut nghal mai a."Neih leh che hi ka duh tawh lo, engvangin nge ka nu leh ka pa bulah dawt i sawi a?" Ka ti hlawih hlawih a. Ka thirim lutuk chu ka puakkeh lo chauh a ni. A hmel ka hmuh phei chuan ka ten zual kher mai."I nu leh i pa chuan i thusawi aiin ka thusawi an ring zawk miau alawm le? Ngeiawm zeta nui sawng chung hian a han ti a."I thusawi an rin zawk avang ngawtin min nei leh thei tihna a ni kher lo, i bialnu Rody kha nupui atan chuan nei mai ta che, engvangin nge kei hi min neih ila tum cheu va? Rody nen pawh in mudun fo a ni lawm ni?" Ka ti ve ngat a."Ani te chu mutpui fo mahila, nupui atan ka duh hleinem, ani chu ka duh hun hunah ka mutpui thei," tiin a nui sawng a. Ka thinrim lutuk chuan engmah pawh ngaihtuah chiang hman lovin a hmaiah ka beng țhuai mai a, ka kut thip zawkah chuan kut ka thlak ani tih ka hre chiah.A kuta min rawn man bet chung hian, "Nang hian kut min thlak amaw? I va huaisen tawh ve a, nge kha pa khan a zirtir che em ni?" A ti hrawk a.Ben leh ka tum chuan hnunglamah ka ban elh in min chelh bet a, na tiin ka țhen tlawk tlawk a, khumah min thehthla țhuai a, min bawhbet nghal a, au ka tum chuan min nuihsawh zet hian, "Au ta che, i duhtawkin au rawh, tumah an awm lo, ka lo thleng chiah tihin i nu leh i pa chu an chhuak nghal daih," a ti a, a nui pah vur vur mai.Beidawng zet hian ka en ringawt a, "Hetiang hian min ti suh, ka duh lo chung min khawih theihna dan i nei lo," ka han ti veleh hram a."Ka nei lova maw? Dan ang chuan ka nupui ila ni tlat, chulovah kha pa min hnek man kha nang hian i tuar ang," a tih pah chuan ka kawr a pawt thler kawk a, bra ka lo ha silova, ka hnute a ngai ngaia lang chu ka hup țawk țawk a. Ka underwear chu a pawtthla leh nghal a, ka theihtawpa ka țang chung pawhin tha ah ka hneh ngang silova, ka chungah rawn bawkin a duhtawk a hmuh hnu chuan a tho nghal hmiah a, "In ha rawh, kan inah kan kal nghal ang," a ti hmuk a, room ațang chuan a chhuak nghal daih a.Ka mut ngaia la mu reng chung chuan ka mittui a tla zawih zawih a, ka nu leh ka pa ka huatna mai bakah Remsangpuia ka huatna chu a nasa ngei mai. Ka tho țhem țhem a, ka kawr a pawhthler chu chhuatah a let ngât mai a, towel la in, bathroomah ka lut nghal a, ka insilfai sawk sawk a, dim lo fahrana min khawih avangin ka na țhum mai nghe nghe.Ka insil zawh hnu chuan ka baga ka kawr dah chu la chhuakin ka ha nghal a. Remsangpuia kianga chên leh chu ramhuai bula chên nen a danglamna ka hre lo."I va inpeih har ve a, hnuhchhuah kher i ngai em ni?" Vîn zet hian a rawn ti a."Ka rawn kal dawn reng alawm mawle," a aia vîn chuan ka han ti let ve salh a."Mi te chu ila vin let ve khanglang a, rawn kal vat rawh, nangmah vangin ka tlai phah vek," a ti leh bawih bawih a.Zawimuangin phûr lo zet hian ka zui chhet chhet a, kal muang min ti deuh nge ni ka banah rawn chelh in min kaichhuak ta dawr dawr a.A car ah min nam lut nawk nawk a, car kawngkhar a khar ri țhuai a, a țhutna tur lam pan in a țhu nghal a, kan tlan chu a ni ta der mai a.Kawnga kan tlan lai chuan ngawi rengin ka maimitchhing daih a, biak ka chak thlawt lo."Nichina thil thleng kha ka tihpalh," a rawn ti chhuak hlawl a.Ka meng lova, ka chhang bawk hek lo, a tih tak tak pawh ka ring ther te lo. Hepa hi engtikahmah ka ring leh tawh lovang. Khatiang êm a nunrawng khan ka chunga a chet duh ka ring lo asin le! Nge a mize dik tak ka lo la hre chiang lo zawk ni le?Eps - 4Remsangpuia in lam pana kan tlân chhûng chuan ka lo muhil hman chu niin, ka han harh chuan a hmaa ka lo chên ve tawhna hmun, ka chhuahsan tak ngei mai kawtah chuan kan lo ding reng tawh a, engtia rei nge kan din tawh ang le?"Kan thlenna a rei tawh em? Tinge min kaihthawh mai lohva?" tiin Ka han be ve hram a."I mutui em a, i chau deuh anih ka ring a, ka tiharh duh lo che anih kha. Tirawh le, lut ang hmiang," a ti ve mai a. Ka laka a hawihhawm ta viau mai chu makti zetin ka en a."Tinge khatia min en a, ka hmelțha viau em ni?" Nui hawk hawk chung hian a han ti a."I hmelțhat vanga en che ka ni love aw," ka ti hmak a."Hmelțha an thinrim ngai lo.""Huh! A nih tak chu," tih pah chuan car kawngkhar chu ka hawng rawp a, inchhung lam chu ka pansan ta daih a.Inchhungah chuan tumah an lo awm lova, ka lawm zawk kher mai. Tumah ka hmu peih lo a ni.Malsawma in nalh zet kha ka mitthla ah alo lang uai uai a, Remsangpuia pawh hi a hausa ve viau na in, Malsawma in lakah chuan Remsangpuia in chu nêpte a ni ringawt.Kan room lo ni tawh țhin a han luh nghal mai chu ka tum hauh lo. Remsangpuia hnenah room ințawm ka duh loh thu ka hrilh ngei ang.Inchhung alo luh rual rual chuan, "Kan room ah khan awm ka tum lo ania, room dangah ka awm ang, chuan ka phalna lovin ka taksa hi i duh ang angin i khawih tur ani lo bawk," ka lo ti hmawk hmawk a."A dang...?" A ti leh mai a."A dang chu... i kianga cheng turin min tilui a, hnathawh ve ka duh a ni. Inah awm mai mai ka tum tawh lo, i thuhnuaia awm ni mahila, dikna ka nei ve tho ania, ka duh ang angin ka awm ve tawh ang," ka ti leh hmak a."A țha alawm," a ti leh mai a.Makti zetin ka melh reng mai a, he pa hi a va'n danglam ta ve...!"Ințhen ka duh," ka tih zawm leh zat a."Ințhen chu a theihloh, ka țhen dawn lo che," a ti a. Roomah a lut nghal daih bawk.Ka ding reng ringawt a; chutah, ka room tur ka duh zawng en turin ka kal a, kan nupa room ni țhin hlat thei ang ber tura room pakhat chu ka pan ta a. Chutah chuan ka thawmhnaw ka dah a, ka lakchhuah loh kan nupa room ami pawh chu ka la chhuak vek a, ka room thar turah chuan ka rem fel ta nghal bawk a.Ka room thar tur chu ka duhthusam ang thlap ani mai. Mahse engtinnge ka awm zel dawn tih ka ngaihtuah thiam rih lo. Hna erawh Malsawma hnuai ni lovah ka zawng ang, keimah avanga ani leh zelin a tuar ka duh lo.Ka room kawngkhar kik thawm ka hriat chuan ka țang țung a, Remsangpuia a ni ngei ang! Zawimuanga kawngka panin ka hawng a, a lo ni ngei mai."Chaw ei i hman tawh chuan lo kal tawh la, i rilțam tawh ang," a rawn ti vei luam a."Ka zo țep, ka lo kal mai ang," ka ti țha ve mai a. Ka laka țhat a chhuah ta thut hian engemaw tum rûk a neih ngei ka ring tlat a, A kal ve mai bawk a.A kal hnu chuan ka intifel sawk sawk a, a zualpui chu ka tifel tawh na in, tihfel tur ala awm nual avangin vawiina ka tihfel hman chuan a țha a ni mai. Chaw ei tur chuan ka room ațang chuan ka chhuak ve ta nghal a.Chaw ei tur chuan min lo la nghak reng a, ngawi rengin ka kil a, ka ei nghal mial mial a, ka rilțam tawh bawk a, ka ei hnem ngei mai."I in remfel zo tawh em ni?" A rawn țawng chhuak hlawl a."Zo lo deuh, chawhmaah chuan ka zo hman ang,""Puih i ngai angem?" Polite leh tlat."Ngai lo, ka ti thei alawm, i hna thawk zawk rawh," ka ti hmak a."A țha alawm, anih hnathawh chu i duh viau em ni a?" A ti leh a."Duh e, heta chên a, engmah ti lova awm a, hmuhsitna tawrh reng hi ka tum tawh lo.""A lo ni maw? Umm, hna chu i zawng dawn nia, ka thawhnaa thawh chu i duh awm silova, nge, Kha pa hnenah khan thawh i tum zawk?" Ngeiawm zeta nui chung hian a han ti a. Ka haw kher mai.Malsawma hnena thawh chu ka tum hauh lo na in, hrilh hriat kher ka tum lo. Khatianga min ringhlel niawm taka min țawngkhum avang chuan Remsangpuia runluih nan chuan Malsawma hnuaiah hna chu ka dil dawn emaw ni aw ka ti rum rum a. Mahse ka tlawmngai ve tawh si a, hmundangah ka zawng phawt anga, ka hmuh ngang loh chuan a hnena thawh ka dil tawp mai aniang chu.Ka ei kham hnu chuan ka room lam panin ka kal leh nghal daih a. Ka in tifel vat vat anga, ka zawh hma leh hna zawngin ka chhuak hma a ni mai. Vawin tut tut a hna zawn chu ka duh lo na in, office a kal dawn silova, kan pahnih chauhva ina awm chu ka peih hauh lo mai. A kianga ka awm lohna turin chhuanlam ka siam tawp ringawt.Tunah chuan a nih dan tur ang thlapa remfelin ka zo ta hram e.Ka thlan a chhuak hnem bawk a, in bual turin bathroom ah ka lut a, ka inbual zawh chuan ka insiam sawk sawk a, ka chhuak peih lo hnuhnawh kher mai. Mahse chhuanlam ka lo siam ve tawh bawk si a, ka chhuah ngei ngei a ngai tawp."Kal chu i tum țalh em ni?" Titu lam chu ka hawi vat a, Kawngka biang nghengin Remsangpuia chu a lo ding reng a, ka room kawngka ka kalh lo pek ani maw? A hawng ri pawh ka hre hauh lo nia! Ka fimkhur viau loh phei chuan...!"Tum e, nang nena inkhata awmdun a, inhmuh fo hi ka kham takzet a ni."A rawn lut a, ka lam a rawn pan chuan ka lo tawlhhnung vat a, min rawn hnaih zel a, keilah ka tawlhhnung zel bawk. A mitmenga min itna lo lang chu ka hmuh hmaih hauh lo mai. Bangin min lo dal tak avang chuan ka ding ta ringawt a, a kutphah pahniha bang nem betin, a bân pahnih inkarah chuan awmin min melh chhuk run mai a, keilahin zam hauh lo leh huat hmel zetin ka lo melh ve kar bawk.A rawn kun hniam a, min fawh a tum a ni tih ka hriat chuan ka lo thle sawn vat a. A kut pakhat chuan ka khabe ah dawmbetin, a kut lehlam chuan ka chetsawn theih loh nan ka ban pahnih chunglamah a dah chhova; a taksa rit tak chuan min nawr bet tlat bawk a, ka tan chuan chet sawn chu har tak a ni."Nang nen hian nupa kan la ni tlat, chuvangin ka kianga chen i peih emaw peih lo emaw pawh nise, engahmah ka ngai lo tih i hre dawn nia," a ti hmak a.Chhang lo chuan ka ngawi reng a.Thaw huai chungin min thlah ve nghal mai a. A chhuak leh nghal nal nal.A chhuah hnu chuan ka insiam peih tawh bawk a, ka chhuak ve nghal a.Taxi lo tlan chu ka phar a, ka chuang nghal a, hna ngaihven tura kal pawh ka ni lem lova, Remsangpuia hnenah kha chuan chhuanlam ka siam mai mai a ni. Kal hmasakna ber tur pawh hre lo chuan Mc ah ka kal ta phawt a, dawr vela an thil zawrh vel ka en lai chuan Malsawma ka hmu ta thut a, ka pa'n in ațanga a chhuahtir hnuah ka hmu lo vang vang a, tun hi ka hmuh leh chhun a ni a, ani pawh chuan min lo hmu ve chiah a, min rawn pan nghal vat."Engtinnge i awm tak zel a?" Ka bul a lo thlen chuan a ti nghal a."Ka haw leh ta phawt chu a nia, mahse.....!" Ka han ti a, hna chungchang chu ka zawt angem tihah ka buai deuh hlek.Ka rilru hria ni awm takin, "Khawilai dawrah emaw chawl lawk ila, kan sawi dawn nia," a tih pah chuan a car dahna lam pan chuan ka banah min kai nghal dawr dawr a."Ka ban hi thlah phawt la," ka tih chuan min thlah ve mai a.Carah lutin kan tlan ta nghal a.Restaurant changkang ve tak pakhatah chuan kan inzui lut ta a. Fianrial deuh hlekah hian dawhkan pakhat ruak hi alo awm hlauh a, chulam chu a pan nghal a, ka zui ve mai bawk a.Dawhkan kan kil chuan waiter hian menu alo dah vat a, a la a, a en a, "Enge i duh ang?" a ti a."Engmah ka duh lo, ka rilțam lem lo, coffee erawh chu ka lo in ang,""Chuti chu keipawh ka duh lem lo."Waiter hnenah chuan, "Coffee kan lo in mai ange." Malsawma chuan a ti a."Hna chu thawh i tum tak tak ta em?" Malsawma bawk chuan a ti leh a."Tum e,""I pasalin a phal em ni?""Ka sawi vek tawh alawm, vawiinah pawh zawn ka tum deuhva, bul țanna tur ka hre mai lova," ka ti a."Ka kianga thawh chu i hreh viau em ni?""Ka tibuai lutuk lovang che maw?""Buai love, ka lawm viau zawk ang.""Ka lo tum dawn nia, ka thawh tawk te a awm anih chuan," tih pahin ka nui var var a."Awm tehreng mai, i duh leh duh loh a ni mai.""Malsawm, ka pa in a chhuahtir che avang khan min ngaidam dawn nia aw; keimah vang vek a ni.""Ngaihdam i dil kher a ngai hleinem, i pa mizia te chu ka hre vek alawm," tih pah chuan dawhkana ka kut dah chu a rawn vuan a, a hum vang vang a. Ka taksa a deh rual chiah chuan keimahah danglamna a thlen tlat. Tinge maw hetianga ka danglam ziah le?.Eps - 5Malsawma nena Coffee kan in zawh chuan kan chhuak nghal a."Naktuk hi zirtawpni a ni a, karleh ațangin i rawn țan mai dawn nia aw,""Aw le, tehreng mai, ka lawm lutuk ania.""Lawmthu sawi a ngai lo, țhian kan nih kha, anih leh engtia haw nge i tum? Ka lo thlah dawn che em ni?""A ngai lo, kal kawina tur ka la nei a, taxi in ka haw mai ang," ka ti ve tlat a."I tih tlat chuan le, ka hmanhmawh deuh si a, anih leh ka kal mai ange aw, thawhțanah chuan ka lo beisei dawn che ania." Tih pah chuan a car ah lutin a tlan ta nghal a.Malsawma Pov*Mc a Zorini ka hmu phut chu ka phu zawk a, ka lungphu a rawn danglam nghal a, Zorini ka hruai haw ni a, a pa'n a in ațanga min chhuahtir ațang khan ka hmu leh lo vang vang a, tun hi ka hmuh lehna chiah a ni.Engtinnge a awm zui ang tih ka ngaihtuah reng a, mahse a chanchin hre turin ka huaisenna in a tlin lo a ni. Pasal nei lai a lo ni bawk nen.A pasal hnena kir tir leh kha a nu leh a pa khan an duh hmel hle mai si a, an kir tir leh ngei bawk a.A pasal kha a chungah a țha ang em? Engtinnge a khawih țhin ang tih ka ngaihtuahna avangin zan lamah pawh ka muhil țha thei lo.Ka ngaihtuahna ata ka paihbo thei thlawt bawk silo.Ka kianga hna a thawk tur chu ka lawm rual rualin, engtikahmah ka ta a ni thei dawn silova, chu ringawt ka ngaihtuah pawh chuan hrehawm ka ti a ni.Restaurant a coffee kan in dun laia a kut ka vawnsak khan kan pahnihah inhip tawnna a awm tih ka hre thei a, mahse pasal nei lai anih avangin ka duhna tihlan a rem silo.An in thleng thlah ka tum chuan pen kawina tur a neih chhuanlamin min hnial a, kei pawhin pawi ka ti lem lo a ni. A kianga ka awm chuan ka inthunun zo lovang tih ka hlau a ni.Ka car chuan ka tlansan ta a.End of Malsawma Pov*Malsawma tlan liam hnu chuan taxi ka phar vat a, in lam pan chuan ka haw ta nghal a.Malsawma dawt ka hrilh chu ka inthiam lo viau na in, tihtheih dang nei miau hek lo le. Remsangpuia'n min hmuh dun chuan min ringhlel anga, a hnena thawh a phal loh ka hlau a ni.In ka thlen chuan Remsangpuia chuan nidang ang lo takin min lo chiau au vat a, ka ngaih a țha thei hauh lo mai. Hetia ka chunga a țha ta thut hian chhan a neih ngei ka ring a ni."Duhtak, ilo haw ta maw? I tluang em?" A lo ti vei luam a."Duhtak' tia min koh kha a ngai lovang," ka lo ti bak hlar a."I tluang lo ani maw, i lungawi loh danah," a ti leh a. Thinrim pawh a tum lo."Engvanga ka laka țhat chhuah ta thut nge i nih a? Țhat der vak pawh a ngai lo," Ka han ti kha kha a."I laka țhat ka chhuah hi a der i ti amaw, ka ti tak tak asin," a ti vei ngial a. Ka awih lo kher mai. Inthlak turin ka room lam ka pansan ta daih a.Ka roomah inthlak tura ka luh chuan khumah ka țhu tawp a, engvanga ka chunga țhat chhuah ta viau nge a nih le? A bialnu khan a duh leh ta lo em ni le?He mihring mize hrang hrang nei hi engtikahmah ka ring leh tawh ngai lovang.Zanriah pawh a ruala ei ka châk lo kher mai. A hmel ka hmuh hian ka luak a ti chhuak hluah hluah a ni. Mahse ka duh anga ka awm theih nan ka tih lawm a țul ve bawk si. Lemchan a ngai dawn anih hi le! Ni e, lem chu ka chang mai aniang chu, amah pawhin a theih chuan enge ka theih loh bik ang le?Choka lam pan chuan ka chhuak phei a, Remsangpuia alo awm lova, ka thaw huai mai. A hmel hmuh ka châk thlawt lo a ni.Reivaklo hnuah Remsangpuia chu alo lut ve ta a, engmah sawi lovin dawhkan chu a kil nghal a, kei pawh chuan chaw ei ka siam zung zung a, ngawi rengin ka ei ve nghal mawlh mawlh a, kan ei kham hnu chuan ka tifel leh sawk sawk a. A awmpuinu a damțhatloh vangin nihnih khat chawlh a la a, keimah ka chet a ngaih phah ta anih hi.Karleh ațangin hna ka țan dawn avang chuan ka hlim ru veng veng tho a, mahse ka hlim rûkna chu a hria ang tih ka hlau hle thung.Min melh leh vung vung țhin avang chuan ka awmdanah hriat a nei ta hial anih ringin hlauthawng zetin ka melh leh zauh zauh țhin a. Mahse engmah a sawi chhuah tak lohvah chuan ka thaw deuh huai mai.Kawngka kik ri ka hriat chuan rang zet hian kawngka chu ka va hawng a, ka beisei loh lutukin kawngka bulah chuan Rody chu alo ding reng mai a. Makti zetin ka melh a, lut tura sawm mai nachang pawh ka hre lo.Chutia ngawi renga ding ta chu enge ni ta tiin Remsangpuia chu alo lang ve vat a, ani pawh chuan a beisei bik lo nge a inthup thiam hle zawk pawh ka hre lo, makti hmel hi a pu ve deuhva, mahse reiloteah a makti hmel chu a reh leh nghal vat a."Enge hetah lo tih i tum a?" Remsangpuia chuan alo ti hmuk a."Ka lo lut lawk thei ang em?" Rody chuan zawi raih hian a ti a.Kawng ka lo kian vat a. Rody chu a rawn pen lut ve nghal a, a hmel ka en chuan engemaw dik lo a awm tih ka hre thei mai. Sitting room lam pan chuan kan inzui ta hlawm a. Sofa pakhat ah chuan ka țhu a, an ni pahnih chu an țhu dun a. Ka en reng na in, thikna pakhatmah keimahah a awm lo.Rody chuan min lo melh leh zeuh zeuh țhin a, a mitah chuan rilru natna ka hmu thei hialin ka hria. Enge a chungah thleng le aw...!"Enge i rawn tih dawn?" Remsangpuia chuan a ti leh nghut a."Ka hriat ve loh tur thil sawi tur in neih chuan ka lo inthiarfihlim..." ka ti hman chauhva."Ni e, min lo hriatthiam theih chuan a lawmawm viau ang," Rody chuan a ti deuh hmak a. Mitmeng thip fahran hian min melh ran a."Ngai lo, awm ve rawh" Remsangpuia chuan a ti ta tlat a. Makti zetin ka en a. Mahse ka tho ta tho a, ka hriat ve loh tur thil engemaw sawi duh a nei anih chuan ka hre lo tawp anga a ni mai alawm, ka pindan panin ka kal ta daih a.Ka room ah chuan eng engemaw tifelin ka awm ren rawn na in, ka rilru chu sitting room lamah a awm daih thung a. 'Enge an sawi ang a, engvanga kan ina rawn kal nge a nih ang le? Eng thil nge a duh?' Tih ringawt ka rilruin ka ngaihtuah.Ka rooma awm reng lovin choka lamah ka chhuk thla a, Sitting room ah chuan țawng ri niawm tak ka la hria a, an la sawi zo lo emaw ni le?Chutia choka a ka awm lai chuan Remsangpuia chu a rawn lut ve a, "Zorin, Rody hi hetah hian a cheng ve rih dawn a, a room tur ilo kawhhmuh dawn nia," a ti bung nghut a."Engvangin nge hetah hian a chen ve anga, i nupui ka ni a, ka phalna pawh i la ve dawn miah lo em ni?""I phalna lak kher ka mamawh lo, ka in a ni a, ka thu thu a ni.""Ani maw? A laka țhat ka chhuah beisei suh ang che," ka ti ve hmak a."Chungte chu i thu thu alawm, a laka țhat i chhuah leh chhuah lovah ka buai lo, ka fa a pai a, a chhungten an hnawtchhuak bawk a, chuvangin hetah hian a awm ve ang, i remtihna ka mamawh lo."Ka thinrim lutuk chu ka khur der der hial a. A hmeinu heta chentir a tum anih chuan kei hian he in hi ka chhuahsan hmak ang."Rody heta a awm dawn avang hian nang hian he in hi chhuahsan ilo tum ange, chhuahsan i tum anih vaih chuan i lakah hian ka råwng viau ang, i nu leh i pa pawhin an tuar phah mai thei ania, chu chu hre reng ang che." Tih pah chuan pawnlamah a chhuak nghal daih a.A chhuah hnu chuan Rody pawh chu choka ah chuan a rawn lang ve nghal zat a. Remsangpuia thusawi kha alo hre vek a ni ngei ang, min nuihsawh hmel zet hian min la en zui.Ngawi rengin a room tur ka kawhhmuh a, biak ka chak thlawt lo, hemi te pahnih hi ka hmuh reng an ngai dawn chu a ni si a, ka huphurh ngei mai.An duh ang chuan ka awm awm lo chiang em mai!Nau a pai amaw? Ka pasal fa lehnghal, an duh dan chuan han awm phawt teh se, ka duh danin ka awm ve thei chiang em mai!A room tur ka kawhhmuh hnu chuan ka room ka pansan nghal hmiah a. "Ka mutna tur min siamsak i tum nange a?" Tiin min rawn au zui na a, ka hre lo der hmak thung. A mutna lehzel siam turin chhiahhlawh ka ni hleinem, awmpui pawh ka ni hek lova, naupai mahse a duh duha a tirhkah tur ka ni lo.Ka roomah chuan ka insawh tau nghawng nghawng ringawt a, a sawt der bawk silo. Ka rilru hrehawmna tumah hrilh tur ka nei der lo mai, ka nu leh pa lah chuan min țan dawn miah silova. Malsawma lah ka hrilh ngam der bawk silo. Ka tawrh rih phawt chu a ngai dawn anih hi.Remsangpuia ka huatna a nasa sauh mai lehnghal. Hunin ala hril ang chu!Eps - 6Rody kan hnena a awmna pawh karhnih lai a ni ve leh ta. Biak chu sawiloh hmuh pawh ka hmu ngai lo tluk a ni. Ina awm lovin nitin chhuahna tur a zawng reng a, engemaw a tihsen ni?Remsangpuia nen pawh in khata cheng dun e ti lo chuan kan inhmu khat khawp mai. A pawi pawh ka ti chai lo ve, an pahniha hmuh dun reng chuan ka luak an tichhuak hluah hluah.Hetia Rody kan hnena a rawn awm ațang hian Remsangpuia pawhin zu a in phah nasa leh zual sauh mai."Khawngaihin zu hi in tawh lo hram teh," ka han ti ve ngial a."I lo sawi ve tur a awm lo, ka duh a, ka in a ni mai a ni," a ti hmak a. Ka ngawi ta reng ringawt.Kalsan ka tum chuan ka banah min chelh bet tlat a, "Khawiahnge kal i tum a?" A ti chher chher a."Ka roomah ka kal dawn, biak tlak loh ka biak reng nachhan tur ka hre lo," zam hauh lo hian ka tih khum ngat a."Ka lo kal ve dawn, zanin chu i bulah ka riak dawn,""Ni lo, a theih loh, i duh leh i hmeinu bulah riak rawh," ka hlauthawng ru nghal em em a."Ka nupui i nih hi, min hnial ziah suh, min dan han tum vaih teh, i chaklo viau ang," thinrim zetin a han ti a.A rui viau emaw ka tih kha, a lo rui miah lo a nih dawn hi. Ka room lanpan chuan min pawt a, kei ka lo țang ve thung, mahse tha ah ka hneh ngang silova, ka roomah min pawt lut a, kawngka a kalh nghal hmiah bawk. Khumah min thehthlu țhuai a, ka thawmhnaw a pawtthler leh vek a. Underware leh bra nen chiah ka awm ta, puana inkhuh tum in ka la țang ve țang țang a. A thawmhnaw a phelh pawp pawp a, a hmelah chuan tisa chakna hlir a lang thei.Ka chauh em avangin chet pawh ka che thei tawh lo, ka chunga a duhtawka a chet hnu chuan khumah a let thla tawp a, a maimitchhing nghal daih. Nuam tihna pakhatmah ka nei lo, ka chungah rawng taka a khawsakna vawihnih a ni ta a, chhuahsan turin sum ka la ngah bawk silova, ka nu leh pa lahin an ring hlum lo chauh a ni si a.Bathroomah ka lut a, ka kap lah chu a na țhum lehnghal. Ka thinrim rilru na bawk si chuan ka pasal hnuhma chu a fai lovang tih hlauvin ka nuai nawk nawk a. Ka chunga a chetna hnuhma zawng zawng tihfai kan tum tak tak chu a thip hlur mai.Bathroom ațanga ka chhuah chuan alo awm tawh lova, inthiamlohna chhete pawh a nei lo. A duh hun huna a tihtur ka nih bik loh zia ka la hriattir dawn khawp alawm.Tunah chuan hna pawh karhnih lai ka thawk ve ta a, nuam pawh ka ti hle in, Ka thawh tur niawm tak mai thawkah ka inngai hial a ni.Bank Account ahma daihin ka lo hawng tawh bawk a, ka account ka khawih che ngai lo lutuk a, engzatnge awm pawh ka hre tawh lo. Hlawh ka neih ve tawh dawn takah chuan ka hlawh zatve zel hi ka account ah ka dah khawl zel thei tawh bawk anga, tun ațang chuan ka hmalam hun chiah ka ngaihtuah tawh ang.Ka hnathawhna hmun ațanga ina haw pawh ka chak lo, mahse tun atan chuan ka in a la ni rih miau si a, châk lo chung pawha ka haw a ngai tho tho si. Ka pasal leh a hmeinu hmel hmuh ka peih loh zia chu Pathian chauhvin a hria ang chu."I la haw dawn lo em ni?" Tia min biak thawmah chuan ka phu zawk a, ka hawi chhuak vat a, Malsawma chuan min lo en reng mai a, ka en ve chuan kan mit a in tawng zawk a, ka mit ka la sawn rang kher mai."Haw dawn chiah e," ka ti ve mai a."Ka thlah haw ang che.""A ngai lo, taxi in ka haw mai ang,""Engvanga min hlat tum tlat reng nge i nih a?""Hlat che ka tum pawh a ni lo,""Anih loh chuan engvanga ka sawmna che hnar ziah nge i nih?"Chhan ngaihna pawh ka hre lo, a sawi dik chiah. Kei hian amah ka hnaih apianga ka awmdan danglam ziah țhin hi ka duh lo mai a ni. Pasal nei tawh ka ni a, ka pasal hi hmangaih lo mahila, ka pasal a nih chhung chuan mipa dang ka hnaih thei lo a ni. Ka pasal lo rinawm lo pawh nise..."Ka hnar ziah che pawh ka hre hleinem," ka lo ti țha ve mai a."Min hnar ziah alawm, i țhian ka ni lawm ni? Nge i țhianah pawh min ngai tawh lo zawk?" A ti leh hmak a.Ka tana thil min tihsak hnem tawh zia ka ngaihtuah chuan hnial tawh lova, a duhdan anga zui mai chu ka tum ta a."Anih leh, lo va kal rawh, ka lo kal ang, ka dawhkan hi kan tifel lawk ange," ka ti ta ringawt a."Ni love, ka lo nghak ang che," tih pah chuan ka dawhkan piaha țhutna awmah chuan a țhu ta a.Min nghah reng avang ka chevel min en reng avang chuan ka lai deuh țut in ka chet a sak țalh mai. Hmanhmawh taka chet ka tum nasat poh leh ka buai nasa ting mai a, a tawpa tawpah chuan ka inpeih ve ta hram a."I zo thei ta maw?" Tih pah chuan a tho va, ka banah chelhin min kaichhuak nghal dawr dawr mai. Sana kan en chu alo tlai tawh hle a, Malsawma chuan a motor kawngkhar chu hawngin min luhtir phawt a, chumi hnuah a țhutna lam a pan chauh va, ngawi rengin a tlanchhuak ta nghal a.In kan pan nghal mai dawn emaw ka ti a, mahse kan in kawng pan ta lo chuan hmun pakhat ka la kal ngai miah lohna kawng min zawh pui ani tih ka hriat chuan țawng tumin ka ang zuau hman a."Ka in pakhata zanriah ei tura hruai mai che ka tum ania, min hnial leh dawn tih ka hriat vangin ka hrilhlawk duh lo che a ni," ka ngaihtuahna hria ang hrim chuan min lo țawngkhalh vat a.Ka lo en hau ringawt a, sawi mai tur pawh ka hre lo. Pawnlam chu ka thlir ta daih a, a in awmna chu a hla in a fâl awm kher mai. In engzat fakau nge a neih ang tih ka lo ngaihtuah chhunzawm mai mai thung."Kan thleng ta e," a tih chuan ka hawichhuak vat a, gate ah chuan kan tlanlut mek niin, engemaw ni hi a hmet leh zeuhva, gate chu a inkhar leh riai riai a.A in vel chu a eng țha bawk a, a nalh kher mai. A hmun a rem bawk si, a zau nuam hle bawk.A car a hun țhat hnu chuan inchhung lam pan chuan kan inzui lut ta a.Inchhung kan luh chuan tumah an lo awm lova, ka rilțam ru hle na in, ka sawichhuak duh bik lem lo."Tikhan hahdam deuh khan lo țhu la, kan inthlak lawk ange, nge inthlak ve i duh em? Helaiah hian thawmhnaw țhenkhat ka dah tho alawm, inthlakna ken kual vel kha ka peih lova," a ti duah a."Duh lem love, tihian ka awm zawk ange," ka ti mai a. Ka thawmhnaw hak chu hrehawm lutuk a ni lo bawk a, inthlak kher ngai ka ti lem lo a ni."Anih kan inthlak lawk ange, ka rei lovang," tih pah chuan inchung lam chuan a chho ta nghal a.Ka ngaihtuahna a kal ding khawp mai, ngawi rengin hmu miah lo chuan tukverh lam chu ka thlir reng a. Engtinnge ka awm zel dawn ni? Ka pasal leh a hmeinu min diriamna ngaithla reng tur ka nih bik loh zia ka ngaihtuah phei chuan ka thinrim hi ka sa pup pup thei maiin ka hria.Engpawh nise, tawrh rei ka tum hauh lo mai, min țhen duh lo mahse keimah zawkin ka țhen mai ang, an pahniha inphen nana min hman hi ka inphal bik lo."I ril a țam tawh em?" Tih ri ah chuan ka phu zawk a, ka hawi let vat a, ka lo inngaihtuah nasa lutuk a, alo let leh lai pawh ka hre miah lo nia."Zep loh chuan a țam ve tawh khawp mai," ka lo ti ve mai a.A nui hawk hawk a, "Frank ve bawk sia," a ti leh mai a."Enge, thudik ni miau hek, thusawi dawn a pehhel kual vel hi ka thiam ve zawng a ni lo. A nihna tak hian ka sawi hmiah zel.""Nia, kha khan alawm nangmah min ngainat zual tir, ka țhian tereuhte," tih pah chuan ka hnarah a rawn piai zauh va. A la nui var var zui."Ka te kher lo aw...i bialnu Nunsangi ai chuan ka lian daih zawk,""Ka bialnu maw? Bialnu engtiklaiin nge maw ka lo neih hman le? Kei pawhin ka lo hre hauh lo ania," la nui țha chung hian choka lam panin min kuah a."I eitur siam ka ei chak tlat, nangin rawng han bawl ta che," a ti a."Awle, mahse i ei duh zawng enge ni ang?" Ka han ti a."I siam ang ang kha ka ei thei vek, fridge ah khan eitur chu a awm ang, lo en mai rawh."Fridge ka hawn chuan eitur chu alo tam nangiang mai. Siam turin ka duh duh la chhuakin, ka siam ta mawlh mawlh a, rawng ka bawl zawh meuh chuan chokaah chuan a rim a nam chêk chêk a, a rimtuiin ril a ti țam kher mai."Enge i siam a? A va'n rimtui em em ve a," Malsawma chuan a rawn tilut a."Engvakmah ka siam lo, tui i ti ange maw?" Ka han ti ve a."I siam a nih phawt chuan a tui em em ang, i peih tawh chuan ei ila, kan haw tlai lutuk ange, i pasalin alo ngaihtuah ang che."'Ka pasal Remsangpuia lam reng reng ka lo hrechang tawh lo. Pasal nei ka ni tih pawh ka lo ngaihtuah hauh lo. Tuna ka awmdan hi nuam ka tihruk em vang pawh ani ange, ka inthiam lo viau dawn a, ani paw'n Rody a kawl ve tho alawm'"Ni e, haw tlai chu a tihchi viau loh ang," ka ti ve mai a. Dawhkanah chuan ka chhawp malh malh a, Malsawma chuan min lo pui bawk a, kan pahnih awmdanah chuan nupa te pawh kan ang hial zawkin ka hria...ka ngaihtuahna tehhrep chu! Ka inzahpui ru leh hnuhnawh khawp mai. Ani lah hian țhian ang bakin min en awm der silova, a hmaa kan lo ințhian tawhna avangin ka chungah a țha rih mai niin a lang.Kan pahnih chuan titi pahin kan ei dun mawlh mawlh a."I siam tui hle mai, eisiam hi engtiklaiin nge i thiam a?" tih pahin a nui var var a."Pasal ka neih hma khan kumkhat chu eisiam ka zir a, certificate pawh ka nei alawm, a tui i ti chu ka lawm e," ka han ti ve a."Chutiang khawpa thiam te chu i va han inthup rei ve a.""Min hmusit thiam viau teh suh aw," tia ka țhutna thawhsan pah chuan a hnungah ka chum awk a. A la nui hawk hawk zui lehnghal a, ka haw reuh kher mai.Kan eina ka tihfel hnu chuan sitting roomah ka phei ve nghal a. Ani lah chu thawven hmel deuh hian bawp khawkherh hian sofa ah chuan a lo țhu diai a, a maimitchhing daih lehnghal a, enge a ngaihtuah tur awm ang ka hrethiam hauh lo mai.Ngawi rengin amah ep chiah chuan ka țhu ve a, a hmel chu a chauh hmel kher mai."Khati khan min en reng dawn em ni?" A rawn ti thut mai a. A rawn meng chhuak nghal a."Ka en reng lo che," ka lo ti vat a, ka zak chu ka sen awp awp in ka hria."Kha, i zak a, i sen awp awp alawm," zah tawh sa nakalai chuan ala rawn ti ta deuh deuh."Huh, anih chuan kan haw tawh mai dawn em ni?" Ka tihngaihna hre lo chuan ka ti ta ringawt a."I pasal kianga awm hlan i va nghakhlel awm ve a?"A țawngkam hman chuan ka nihna min hriatchhuah tir leh phah a."Ni e, a dik alawm, pasal nei lai ka ni si a, ka haw tlai chuan a dik lovang," ka ti ve ta a."Ka thlah dawn che alawm, hetia nangnena hun hmandun hi ka châkna a rei tawh asin."Makti zetin ka melh reng ringawt a.Engthu nge maw a sawi tak le? Kei nena hun hmandun alo châk țhin amaw? Engmah a sawi ngai silova, tihian țhian angin kan inkawm a, a hnuaiah hna ka thawk leh a ni mai si a, ani hian min duh dawn em ni le? Lo Nuthlawi ta pawh ni ila, Malsawma te ang tlangval hnahkhat tan hi chuan ka tling lo chiang sa...!Eps - 7Malsawma in kan chhuahsan chuan zan dar 9 a ri tawh a. In thlen ka huphurh kher mai. Ka pasalin ka haw tlai viau hi engtinnge a lo ngaih dawn lah ka hre hauh silova.Ka ngaihtuahna hrethiam deuh niawm hian Malsawma chu amah ang lo takin a țawng deuh reng a, ka rilru a la pêng chiang kher mai lah tak a! A kianga awm nuam ka tihzia chu zahthlak zawk tak a ni!Kan pahniha kan titi barh barh lai chuan kan in kan lo thleng reng tawh mai alo ni a, gate pawnah chuan a car chu tidingin kawngka hawng chuan ka chhuak nghal a, kan in mangțha hnu chuan Malsawma pawh chu a tlan liam ve nghal mai.Gate bulah chuan ka ding deuh vang vang a, inchhunga luh chu thih hrehin ka hreh a ni.Inchhung chu alo la eng kalh mai a, meng an la awm a ni ngei ang, kawngka lam pan chuan ka phei chhat chhat a, kawngka ka hawng tur chiah chu tuemaw ni hian min lo hawn khalh a, ka tawlhlet dawrh nghe nghe.Kawngka rawn hawngtu chu ka rinlâwk ang ngeiin ka pasal a lo ni a, thinrim hmai sen vek hian min lo melh khuih mai a. Ka rilru chuan a hlau ve tho mai."Tun ang thleng thleng khawiahnge i kal? I bialpa nen in lengdun ani maw?" A ti khur khur a. Inchhung pawh ka la luh hma hauhva chutiang tehhrepa min ti chu ka lungawi lo ve ngang mai."Nang ang lo takin ka nei ve hauh lo tlat!" Ka tih khum salh a. Inchhungah ka lut nghal a."Khanglang che chuan; khatianga min ti ngam tur kha i ni lo aw...!""Ka ni lova maw? Nang i duh dan dana i awm laiin kei i duh dan zawm turin min ti bik amaw? I hmeinu pawh heta a awm i phalsak ani lawm ni?" Ka thinrim lutuk chuan ka țawngkhum ve ta salh salh a. A duh leh min țhen daih rawh se, pawi ka ti chai hleinem le!"Ka hmei a ni lo, vawi engzatnge ka sawi dawn,""I hmei nisilovin tinge i fa a pai si a?" Ka ti let veleh salh a."Awle, tun țum chu ka ngaidam ang che, nidangah khatianga i awm leh chuan ka ngaidam tawh lovang che.""I ngaihdamna ngai khawpa ka khawsak ka hre love," tih pah chuan ka room pan chuan ka kal hmak a.Ka room chhung ka luh chuan kawngka ka kalh hmak a, bathroomah ka insil sawk sawk a, mutkawr hak nuam deuh mai ka la chhuak a, khumah inthawlhin ka mu ta kak a.Khumah chuan muhil thei lovin ka let ka let a, ka phone la in, number ka enkual a, ka u phone number ka lo la nei hlauh a, mahse ala hman leh hman loh ka hre hauh lo mai le! Ka call chhin a, a lo la hmang hlauh ve, ka van lawm tak em!"Hello...!!!""U, nangmah i ni tiraw? I dam em? Tinge min lo call duh miah lohva,""Ni e, nangpawhin min biak ngai bik loh kha aw...""Keite chu ka buai em alawm, i number ka nei tawh lo emaw ka ti a, mahse hei ka lo la nei hlauh va, ilo thlak hman ka hlau lutuk a,""Engvang teh tlatin nge min lo phone a? Ka nu leh pa an dam maw?""Dam ang, ka hmu ngai lo," sawi zawm ka duh chiah lo a ni."Ka nu leh pa chu i tlawh ngai lo em ni a?""Tlawh ngai lo," an mi tihdan ka ngaihtuah let leh khan ka rilru a rawn na leh zawk a, ka u ka han biak takah phei chuan ka lung a chhe tel ta riau mai lehnghal a. Ka mittui a rawn tling nghal piau a, ka u lah chuan ka aw ațangin a rawn hre nghal chat mai reng a!"Mate, i țap elo! I pasal nen in inkar a țha vak lo em ni a?""Nia, chutiang lam deuh chu a ni," tia chhangin thil awmdan chu ka hrilh ta vek a."Eng hunah pawh ka kiangah ilo kal thei ang," thinrim takin a ti a."Ka tum alawm, mahse hna ka thawk ve tawh a, sum ka inkhawl ngah phawt anga, ka lo kal dawn nia.""Lo kal ngei ngei ang che," tiin phone chu a dah ta a.Ka unaupa nena kan inbiak zawh hnu chuan rilru thawveng ve angreng tak chuan ka muhil ve ta siai siai a.Zinga ka harh meuh chuan ni alo sang tawh viau mai, ka mutna chu ni chuan a rawn chhun lut raih a, zi mar ar ar chung chuan ka nui sak a. Ka rilțam chu ka pum a ri raih raih a.Ka intihfai hnu chuan choka lam ka pan a, kan awmpuinu pawh alo awm leh tawh a, eirawng alo bawl peih leh diam tawh.Eitur min chhawp chu ei tumin dawhkan chu ka țhutchilh a, a eitur min chhawp ka han ei tur chu ka pum hi engtin emaw a rawn awm nghulh mai a, ka luak a chhuak em em mai lehnghal. Zing ka thawh khan engtinmah ka awm silova, mak ka ti kher mai.Bathroom panin ka tlan vat a, ka uak tuar tuar a, ka kam ka țhuah zawh hnu chuan choka lam ka pan leh ta a, kan awmpuinu lah chuan mangan hmel zet hian min lo en a."Ka pi, engtin nge i awm a, i țha deuh tawh em? Pu ka hrilh dawn em ni?" A ti chul mai a."Hrilh a ngai lovang, vawiinah ka va incheck up ange," ka ti mai a, rilțam hle mahila, ka ei theih tak thlawt loh avang chuan ka kham ta tawp a."Malsawm, vawiin chu hna ka rawn kal thei dawn tlat lo mai, min hrethiam mai teh aw," ka va ti ta ringawt a."Engtizia nge ni ta a, i chungah enge thleng a?" Min ngaihtuah hmel takzet."Damdawiinah kal ka ngai a," ka ti ringawt, engmah ka hrilh duh lem lo."Ka kalpui dawn che nia, min lo nghak ang che, ka rawn kal nghal ani mai,""Keimahin ka kal mai ang, min kalpui beiseia rawn sawi ka ni hleinem, hnathawhnaah chuan ka pu i ni a, chawlh ka dil tur che ania lawm!""Vel a che, i pu ka ni kher lo aw...! Chuan kalpui che ka duh vanga sawi ka ni a, chuvangin min hnial lo mai teh,"Phone ka dah a, ka hnial duh ta lo mai. A thu a titlang leh dawn tho thova, hnialin awmzia a nei lo.Insiam turin ka room ka pan a, ka awmdan mak tak mai chu ka ngaihtuah neuh neuh a, naupai lampang phei chu ka rilruah a lut lo hrim hrim.Ka insiam mek lai chuan Remsangpuia a rawn lut thut a, "Khawnge kal i tum a?" A rawn ti a."Ka hnaah lo khawnge ka kal anga," ka ti ve tlat a."I hnaa kal i tum lo tih ka hria, kan awmpuinu in i damlo niin min hrilh a," a ti leh a.Kan awmpuinu chu hrilh lo tur khan ka ti mawlh mawlh si a, alo hrilh chu ka haw reuh kher mai."Damdawiinah ka kal dawn, i duhtawk em?" Ka ti hmak a."Enge damdawiinah tih ngai a, i dam lo em ni?""Dam e, ka lu a hai thut a, ka kal mai mai dawn, khatia min ngaihsak niawm taka țawng vel kha a ngai lo ania,""Ka ngaihsak der cheah i ngai anih chuan pawi ka ti khawp ang, ka lo kalpui dawn che ami?""Kalpui ka ngai lo, keimahin ka kal mai ang, chulovah i buai kha, Rody kha ngaihven la a țha zawk ang, a naupai a len tawh em kha. Bakah Malsawma'n min kalpui a tum thova," ka tihkhum ve salh a."Khapa nen khan eng inzawmna nge in neih a?" A ti khur khur a."Nangni ang lo tak leh i ngaih ang zawng khan inzawmna kan nei ve hauh love, chuan ka roomah hian ka phalna lo chuan lo luh tum tawh suh ang che," tih hmak pah chuan ka chhuahsan a. Ka chhuah pah chuan, "Ka room kawngka hi kalh ka duh a..." hawi let pah chuan ka ti leh a. Ngawi rengin a rawn chhuak ve mai a. Engmah sawi tawh lo chuan min kalpel hmak a.Kei pawh chu in ațang chuan ka chhuak ta nghal a. Gate ka thlen chuan Malsawma pawh alo thleng ve chiah. Car kawngkhar chu hawngin ka lut ve nghal a.Damdawiin kan thlen chuan Doctor chu Malsawma țhianpa alo ni hlauh a, a phone sa tawh bawk a, kan lut thei nghal mai.Checkup hrang hrang min tihtir hnu chuan Doctor chuan, "Nau i pai anih hi, ka lawmpui lutuk che, inenkawl țha ang che. Naupai hlim hi chuan inenkawl uluk a ngai ania," a ti a.Nau ka pai amaw? Mak ka ti kher mai! He ka nau pai hi ka pasalin ka duh lo chung min tihluihna rah anih chuan he naute hi ka pawm thei lovang, ka pasal mahnise, khawvela ka mihuat ber a ni si a, a fa pai phei chu ka duh hauh lo mai."Doctor he naute hi ka duh lo," ka ti ringawt a.Makti zetin Doctor leh Malsawma chuan min en a. Mahse Malsawma chuan ka dinhmun min hriatthiampui hle thung."Inngaihtuah chiang leh phawt la, chuta ila duh lo cheu anih chuan kan paih dawn nia," Doctor chuan a ti a."Awle,""Min lo va chhuahsan lawk la, Țhiana hi kan be lawk anga, ka rei lovang," Malsawma chuan a ti a."Awle," ka ti leh mai a. Ka rilru a mang vekin ka hria. Engtia awm tur nge ni ta ang le? Hna ka țan ve chauh si a, ka pasal Remsangpuia ka huatna a nasa sauh lehnghal a. Ani khan min pawngsual lo se chuan nau ka pai hauh lovang.Reilote hnuah Malsawma chu ka bulah alo kal ve nghal mai a."Doctor hnenah khan i dinhmun ka hrilh tawp anih kha, a hriatthiam loh hmel em a, a pawi i ti em?" A rawn ti a."Pawi lo e, nia, ka dinhmun diktak a hriatloh chuan min ngai khawlo ang tih pawh a hlauhawm alawm," ka ti ve mai a."I țha amaw? I țhatloh hmel riau ania, khawilai restaurant ah emaw kan chawl lawk dawn em ni?" Min ngaihtuah hmel zet hian a ti a. Ka tan chuan țhian diktak a ni ka ti lo theilo.A car chuan Restaurant chu kan pan ta a, engmah ei pawh ka chak lo, mahse Malsawma min ngaihtuahna tihhlawhtlinloh ka hlauh avangin ka hnial duh lem lo.Restaurant kawta a car a tihdin hnu chuan kan lut ta a, dawhkan pakhat chu kan kil dun a."Enge i ei ang?""I duh ang ang kha chah mai rawh, engmah ei chak pawh ka nei lem lo," ka ti mai a."Châklo chung pawha i ei a ngai ania, nau i pai tawh kha! Naute tan a țha ngai lo." Tiin eitur chu a chah a."He naute hi a pa vang hian ka hua a ni, mahse ka rila rah ani si a, engtinnge maw ka tih dawn ni?""Chulam chu ngaihtuah duh suh, rilru tihhah vak kha a țha ngai lo ania," min hnem chu a tum ve khawp mai."Ka lawm e, min ngaihtuah a,""Englai pawhin ka ngaihtuah che alawm."Eps - 8Restaurant a kan chawlh lai chuan ka pasal Remsangpuia leh Rody lo lut dun chu ka hmu a, min hmuh hlau tak chuan ka hawisawn daih a.Anni pahnih hi chu engtikahmah an ințhen ka ring tawh lo. Min țhenin Rody hi nupuiah nei mai se an hlim dun zawk ngei awm si a. Keiin ka țhen dawn lahin min vauna kha a tihhlawhtlin ka duh bawk silo.Chutia kan țhut lai chuan Rody chuan min lo hmu a, ka pasal Remsangpuia chu a kheuh zeuh a, kan lam a rawn hawi chuan a hmel ah chuan thinrimna a lang chiang kher mai.Kan lam an rawn pan a, kan dawhkan bul an rawn thlen chuan, "Nangni pahnih hi ka hmu dun zing riau mai che u," Rody chuan a rawn ti ham ham a. Ala nui sawng zui lehnghal."Nangni pahnih pawh kan hmu zing ve tho che u alawm," Malsawma chuan alo ti ve vat a."Kan lo țhu ve thei angem?" Polite der tih hriat zet hian Rody chuan a ti leh a. Remsangpuia erawh chuan engmah a sawi lo."Lo țhu rawh u, mahse pawi khawp mai, kal kan lo tum chiah a, min hrethiam dawn nia," a tih chuan ka lawm ru kher mai."Ni e, kan lo ei zo chiah a, kan kalsan mai ang che u, nuam deuh khan hmang rawh u," ka ti ve kher a. Kan kal ta nghal a. Remsangpuia chuan min enzui reng tih ka hria. Mahse engahmah ngai lo niawm tak hian ka kal ngauh ngauh a. Kan chhuah hnu chuan ka thaw huai mai.Malsawma nena cara ka țhut luh hnu chuan, "I pasal chuan khanu kha ala thlah nange a," a ti a."Kan inah a awm alawm, ka pasal fa a pai a, a chhungten an hnawtchhuak niin a insawi a," ka ti ve mai a."Chutiang anih te chuan I pasal chuan tinge a țhen mai loh che a.""Ka țhen anih chuan ka nu leh pa in an tuar tur thu in min vau si alawm," ka ti halh a."A van tenawm ve aw...! Kut thlak hial mai ka duh a ni."Ka nui sak a.Remsangpuia Pov*Ka nupui leh Malsawma inzui hi ka hmu tam ta in, ka mit an tikham ta khawp mai. Mahse ka nupui lah hi a luhlul zêk mai si a, Rody'n ka fa a pai tih a hriat ațang phei hi chuan ka lak ațanga tal hran a chak lehzual tih ka hre reng mai si a.Mahse enginnge min mawlh ka hre lo, ka nupui hi țhen harsa ka ti tawh a ni, Rody hi ka hmangaih țhinin ka hre si a. Ka nupui leh mipa dang awmdun ka hmuh apiang hian, a bik takin, hepa Malsawma phei hi chuan a hmangaih hle tih ka hre si a, țhen chiah ila chuan Malsawma hian nupui atan a nei nghal ngei ang le!Ka nupuiin min huatzia ka hria a, theihtawpa tihlawm ka tum pawhin engkhaw ka ang thei chuang lo. Mutdun chu sawiloh room hran ve ve ah kan awm dun a, a laka ka chetdan mawi lo zet avang khan a lakah hian inthiamlohna hlirin ka khat a, mahse ka chapo na avangin inthiamlohna nei lo ang hmiahin a lakah chuan ka khawsa țhin.Ka nupui hi ka hmangaih țha leh ta em ni dawn le? Ani lah chuan min haw hle mai si a.Rody lah chuan ka fa alo pai veleh tumhrang bawk nen, kan inah rawn chengin a awm ve tlat bawk si a, kan nupa chauhva awm a, ka tihsualte siamțhat ka tum rilruk laiin hetiang hi a thleng ta a ni si a.Engpawh nise, ka nupui leh Malsawma hi an inngaizawng chiang a ni. Ka la man chhuak em em ang.End of Remsangpuia Pov*In ka thlen chuan ka chau kher mai, ka room ah ka lut a, inthlak lovin khumah ka mu nghal tawp mai. Ka chau hle a niang chu ka lo muhil daih a, ka harh leh meuh chuan a lo tlai ruih tawh mai.Ka tho vat a, ka inthlak hnu chuan choka ah ka lut a, kan awmpuinu Seni chuan rawng alo bawl malh malh a."Pi, tukin kha pawi ka ti lutuk, pu in min zawt dilchhut lutuk a, ka hrilh ta mai anih kha," a lo ti vat vat a.Thinrim hle mahila, tihngaihna awm tawh hek lo le...!"Pawi love, awmzia a awm tawh chuang hleinem," ka ti mai a. Nuam lo a tih hmel kher mai."Rawng i bawl zawh tawh chuan ka va inbual lawk anga, ka rawn ei mai dawn nia, ka ril a țam tlat," tih pah chuan ka room bawk chu ka pan leh ta a.Bathroomah lutin ka inbual nghal a, he naute hi engtinnge ka tih tak ang le? Hmangaihna avang nilova ka pai hi ka chhung ațanga lo țhanglian turin ka phal bawk silo, ka rilru a insual nasa kher mai. He naute hi ka duh loh vang ringawta ka paih anih chuan tualthat ka ni mai dawn bawk si. Thutlûkna ka siam mai thei lo a ni.Shower chu off in, bathroom ațang chuan ka chhuak a, ka lu chu towel chuan ka tuam bawk a. Ka inthlak sawk sawk a, thutlûkna siam turin tuemaw min puitu ka mamawh a ni. Mahse tunge ka hrilh tak ang le? Malsawma lah min pui nasa tawh bawk si a, kan nupa inkar thu hre vek mahse hrilh ka duh bawk silo.Chutia ka ngaihtuah lai tak chuan ka phone alo ri a, ka han lak chuan Malsawma a lo ni a."Hello!""I țha em? Ka ngaihtuah lutuk che a, eitur te kha ei țha ang che aw. Chuan thilțhalo lam kha ngaihtuah miah suh ang che,""Chutiang lam ka ngaihtuah lo, mahse ka rilru ala buai rih," ka ti țha ve mai a."Ka hrethiam alawm, mahse naute kha i duh vang ni lo mahse tihtlâk lam te ilo ngaihtuah ange, i pasal pawhin a ngaihsak phah mai thei che asin,""Ani min ngaihsak ka ngai lo, tunah hna ka thawk țan ve chauh a ni a, ka lungawi lo mai a ni.""Chulamah buai a ngai lo, naute leh nangmah in hrisel theih nan khan țha takin inenkawl la ka duh mai chauh a ni," a rawn ti leh a."Engvanga min ngaihtuah em em reng nge i nih a?" Ka han tih chuan a nui hak ringawt."I țhian ka ni alawm."Malsawma Pov*Zorini hospital a ka kalpui khan nau a pai ang tih rin ngaihna reng ka hre lo, he nu hi engvangin ka kalsan theih tlat loh ni? Pasal a nei tih hre reng chung lehnghalin!A pasal lah hian a ngaihsak lo hle mai si a, hmingchhe deuha a chhuah ka phal hek lo. A dinhmun ka ngaihtuah hian ka thinlung hi chemte hriam tak in na taka a chhun ang mai hian a chhun a.Țanpui ka duh, mahse ka puihna engtikahmah a duh ngai dawn silo. A țhianah min ngai tih ka hria a, pasal nei lo se chuan ka hmangaih thu hi ka hrilh tawh ngei ang le!Mahse engpawh nise, ka puih theihna kawng kawngah chuan puih zel ka tum tho a ni. A naupai pawh hi a duh vanga pai a nilo tih ka hria, mahse a rilru tihrehawm lo tura ka fuih reng fo a ngai dawn a ni. A chungah thilțhalo a thlen ka phal ngai lovang.End of Malsawma Pov*Chaw ei tur chuan choka ka pan a, ka pasal te pawh an lo la haw lo, engemaw an tih chen chen ni? Pawi lo, duh leh lo haw lo daih rawh se, an awm loh hian a nuam daih zawk.Chaw ka ei kham chuan ka roomah lutin ka thawmhnaw ka remfel a, inngaihtuahna hun nei lek lo chuan mahni buai buaiin ka buai ve a, ka rooma ka pasal lo luh lai pawh ka hre lo.Han khuh khak khak ri ka hriat chuan ka hawi chhuak vat a. Kawngkhar biang ngheng chuan rui tih hriat tak mitmeng sen rûm chunga min lo melh reng chu ka hmu a, a hmelah thinrimna hlir a lang lehnghal a."Vawiin chu nuam i ti hle mai maw?" A ti khauh a."Engvanginnge nuam ka tih ngawt anga, nang inih kha nuam ti zawk chu; min puh let hlauh zel suh." Ka ti hmak a."Ka kalpui i duh lohna chhan chu khapa khan a kalpui dawn che tih i hriat vang ani em?""Hria e, mahse i ngaih ang kha a ni lo, nang pawh Rody bulah bak i awm ngai hleinem, min țhen la, khanu kha nupuiah nei ang che,""Zorinsang, heti em em hian em ni min lo huat a, ka nupui i nih hi aw!""A hminga i nupui ve mai ka nih hi," ka tih ruala ka hmai sa zawk chu ka hre nghal a. Ka biang ka hup nghal vat bawk."Kut min thlak theihna i nei lo aw, chuan he in hi ka chhuahsan bawk ang, chuan ka țhen bawk ang che, nang nupuite bum hmang lutuk mai," ka thinrim lutuk chu ka mittui a tla zawih zawih. Ka room ațang chuan ka tlanchhuak nghal a.Min rawn umzui vat a, ka banah a rawn man hman a, ka ban a chelhna kut chu paihthlaksak tumin ka țang nasa hle na in, thaah ka hneh ngang silova, room ah bawk chuan min pawt lut leh a."Țhu rawh." Ngawi rengin ka țhu ve mai a."Ka tihpalh, khatia kutthlak che kha ka tum ani miah lo ania,""Thil thleng tur a thleng vek tawh, kut min thlak hma khan inngaihtuah hmasa ta che,""Ka tihpalh ka tih chu.""Awmzia a awm tawh lo. A hma ang khan ka hmangaih thei tawh lo che," ka ti ta khawl a.A ngawi reng a, min en vang vang hnuah, "I thin ala rim anih kha, naktukah kan sawi țha leh dawn nia," tih pah chuan min chhuahsan ta nghal a.A chhuah hnu chuan ka rilru ka siam fel ta. Ka phone la in ka u number chu ka dial ta nghal a."Hello, bawihi, enge chanchin ni ta?" A rawn ti a."U, naktukah i bulah ka lo kal dawn ania," ka ti ringawt a."Ka nu leh pa hnenah i sawi em?""Sawi lo, an hriat ka duh lo, an hriat chuan an phal dawn chuang lo.""Chuti chu tumah hrilh lova lo kal i tum amaw?""Aw, a ni mai ang chu, tuma hriat ka duh lo alawm, U.. tumah hrilh suh aw.""I tih tlat chuan le! Anih pawisa i nei em?""Tlem a zawng chu ka khawl hman alawm,""Anih chuan ilo kal hunah chanchin kan inhrilh zel dawn nia, tunah chuan ka dah rih phawt ange, ka buai deuh a.""Awle, chanchin ka lo hrilh zel ang che," tiin phone ka dah ta a.Ka thawveng hawk mai. Mahse ka hna hi engtinnge ka tih ang? Malsawma hnena ka sawi chuan engkim hriat leh vek a tum dawn si a, ka nawmloh chhuanlamin chawlh ka dil mai aniang chu.Ka phone nghal a, phone a lak veleh chuan engdang sawi lo chuan, "Chawlh rawn dil che ka tum a," ka ti nghal tawng a."Ni engzat?" A rawn ti awlsam then a."Karhnih vel," ka ti ringawt. A thlaa thla ka dil chuan min rinhlelh ka hlau si a, duh leh ka u bul ka thlen hunah ka dil belh leh mai ang, anih loh pawhin ban ka dil tawh mai aniang chu."Ka lo tihsak dawn che nia, rilru tihah duh suh, i damțhat hun hunah i rawn zawm leh mai dawn nia," a ti mai a."Ka lawm e, ka tibuai nasa si che a, ka inthlahrung vek alawm,""Inthlahrunna tur a awm hleinem, țha takin inenkawl ang che," tih pahin phone a dah nghal a.Malsawma hi chu ka tan chuan vantirhkoh a ni ringawt mai. A lakah pawh ka inthlahrung ngawih ngawih. Amah lah hi ka duh ngawih ngawih tawh mai si a, ka dinhmunin a zir ngang silova. Duh ngam tur pawh ka nilo tih ka hria, pasal nei lai ka la nih miau avang leh tunah phei chuan nau ka pai tawh lehnghal a, ka kalsan mai a ngai dawn ani. Ka hmuh zin poh leh ka duh zual zel si a.Eps - 9A tuk zinga kal turin zanah chuan ka insiam mawlh mawlh a, phallo eng ang mahse ka kallui thovang. Kan nupa inkarah hian ser a tam lutuk tawh. Kan damchhung hian kan hlimdun ka ring tawh lo a ni.Hma tawkah ka mu na in, ka muhil mai thei chuang lo. Nau ka pai thu hi ka u hrilh ni ila chuan a hnena kal a phal hauh lo ang le! Mahse ka thlen hunah ka hrilh tawh mai aniang chu.Zing thawh hai ka hlauh avangin Alarm ka set a, reilote ka lo muhil ani ngei ang, ka harh leh chuan sana ka en vat a, ka alarm set ka thawhkhalh hlauh mai le!Ka tho vat a, ka intifai sawk sawk a, ka thawmhnaw ka dahna bag chu la in, thawm dim tawkin ka chhuak ta țhem țhem a.Khua ala thim vek bawk nen, thawh pawh ala hun lo hrim hrim.Kawngkapui chu dim tein ka hawng a, ka chhuak ru ta zal zal a, thil tiru tur ka ni bawk a, ka ți duk mai lehnghal a, ka nuih te lam lam a za hial zawk.Gate ka pelh hnu chuan ka thaw huai mai. Ka țang țung bawk a, ka na vek hmanin ka hria.Ala hma viau na in, taxi pakhat hi a lo tlan hlauh mai a, ka lo phar vat a, ka kal tumna ka hrilh hnu chuan ka țhu lut a, kan tlan nghal vang vang.Zanlamah Guwahati pantur sumo ticket ka book lawk tawh avangin hauh hran leh pawh a ngai tawh lo.In lampang ka ngaihtuah chuan ka kal hmain ka awm lo tih an hre hauh lovang le! Ka la mu emaw an ti thovang.Guwahati panna tur Sumo stand ka thlen khua a eng deuh det det a, ka phone sana ka en chuan zing dar 5 a lo ri țep a, la nghah rei a ngai dawn khawp mai.Ka rilțam viau na in dawr inhawng pakhatmah ala awm silova, ala hma ve bawk em a ni.Min rawn phone ka hlauh avangin ka phone pawh ka swich off daih. Ka u ka hrilh tawh bawk a, min lo chang ngei ang chu; motora ka chuan hunah duh leh ka phone ka on leh mai aniang chu.Darkar chanve lai ka țhut hnu chuan dawr țhenkhat pawh an rawn hawng ve ta sap sap a. Inhnawhpuarna tur eng engemaw ka lei a, dar ruk chhuak tur anih avangin counter pawh an rawn hawng ve ta a. Ticket pawh ka tifel ta thuai a. Motora ka chuan hma chu hlauhthawnnain ka la khat reng mai. Tunah phei chuan an tho tawh ngei anga, min zawng hial tawh mai thei a ni.Tunah chuan chhuak turin kan inpeih ta, kan thawmhnaw an hlang fel vek tawh bawk a. Sumo chhungah chuan ka lut nghal a, kan tlan chhuah hma chu ka la thawveng thei chuang lo.Flight a kal duh hle mahila ka hun neihin a zir miau silova, bakah tuma hriatlohin ka kal thei dawn silova, kawng hla mahse Sumo a kal mai loh chu tihtheih ka nei lo a ni.Kan chuanna pawh chu a tlan țan ta, Mizoram chhung chu sawi loh, Aizawl khawpui chhung tlanpelh thuai thuai ka nghahhlelh zia lah chu tuman min hriatpui der mai silova.Ka chuanpuite chu tutenge ni a, eng ang hmel nge an put, tih pawh ka hre lo, ka bula țhu ngei ngei pawh tunge tih ka en chuang lo. Ka maimitchhing hmak a, ka rilru a chawl eih lo. Hlauthawng thaw dep depin ka awm reng a, tuma hriatpui loh hian ka hahin, ka chau ngawih ngawih mai a ni.Darkar tam tak kan tlan hnu chuan Mizoram chin chu kan pel fel ta. Ka hlauhthawnna zawng zawng chu vawmbo ang duak mai hian a kiang duak a, ka thaw ham ham mai. Tunah chuan ka hlauhthawn a ngai tawh love; ka mit pawh ka meng ve ta țawk a.Ka țhutpui chu mipa, tlangval anih ngei ka ring, la naupan hmel deuh mai hi a ni a, kei ai pawhin a naupan hmel zawkin a hmelțha phian lehnghal.In lam ka ngaihtuahna ah chuan a rawn lut zawk a, Malsawma ka ngaihtuahin dawt ka hrilh chu ka inthiam lo ru khawp mai. Amaherawhchu tihtheih ka nei miau silova, min hnialin min dan a tum ngei dawn si a.Ka pasal thinrim dan tur pawh ka ngaihtuah vek hman. Mahse enge tihtheih a neih chuan ang ni? Ka kalbo tawh a, a duh leh a hmangaih ber Rody chu nupuiah a nei tawh aniang chu; ka naupai thu hi ka hrilh ta lo bawk a. Hrilh tumna pawh ka neilo, ka pasal ni mahse a nawmchenna ang leka min ngaitu leh min pawngsual hialtu hi ngaihdam tumna rilru ka pu lo a ni.Ka phone chu ka han on chiah chu ka phone a rawn ri nghal zawt zawt a, miscall message a rawn lut zut zut a. Ka pasal min call na vawi engemaw zat a awm a, Malsawma min call na awm țeuh chu mak ka ti kher mai. A ina ka awm a ring leh em ni dawn le?Chutia ka phone en paha ka ngaihtuah neuh neuh lai chuan ka phone ri ah chuan ka phu zawk a. Malsawma a lo ni a."Hello, enge ni ta?" Ka han ti a."Khawiahnge i awm?" A mangan hmel khawp mai."Khawiahmah," ka ti ve tlat a."Tukinah i pasal alo kal a, ka inah a rawn zawng che a, a thinrim hmel khawp mai. I țha chiah em? Tinge min tih mangan kher hi i tum le?""Ka ti mangang che ami?""Aw, ka ngaihtuahzia che hi i hre lo em ni?""I țhian ka nih vangin maw?""Aw, a ni a, a ni lo bawk."Eng a sawi tumna nge maw ni dawn le?"Ka dah dawn ania," ka ti a."I kalna tur min hrilh phawt rawh.""Ka hrilh thei rih lo che, ka thlen veleh ka rawn hrilh ang che," tih pah chuan phone chu ka dah ta a.Malsawma Pov*Zorini zawng tura Remsangpuia ka ina alo kal khan a thinrim hmel khawp mai."Khawiahnge ka nupui i thuhruk?" Tehngawt chuan."Engvanginnge i nupui chu ka ina a awm i rin ringawt a.""A hma pawhin i inah i hruai ani lawm ni? Ka nupui lo hi buaipui tur i nei miah lovem ni?""I țawngkam kha fimkhur rawh. Mahni nupui lakah pawh rinawm thei silo, nupui nei reng chungin hmeichhe dang i fa paitu i la kawl zui a, Zorini hi thlah hmak ang che. A tlanbosan che pawh hi mak ka ti nek love.""Engmaw i sawi a?" Tih pah chuan min rawn hnek a tum a, ka lo thle zeuh a, a mah zawk chu ka hnek thal tawp mai."Nang hian min hnek ngam amaw, i van chak lo dawn rua em!" Tih pah chuan min rawn khawih leh a tum chu a hnarah tak chuan ka lo hnek leh siah mai a. A hnar ațang chuan thi a rawn chhuak zawih zawih nghal."Vawikhatmah ka inah hian lo kal tawh suh ang che. Ka inchhungah kut min thlak ila tum ngam zawk ania, ka hlatah hian awm la, Zorini hi hlat bawk ang che. Chutilo chu i tan a pawi ang. Dan ang chuan i nupui ala ni mahna, ka hmeichhe hmangaih hi i tihnat vaih chuan tun aia na khan ka khawih tawh ang che," ka ti ta duah a. Ka thinrim kher mai.Ngawi rengin a chhuak ta hnu hnu a, a chhuah hnu chuan ka phone ka la vat a, Zorini chu call ka tum char char a, ala tlang thei lo zui. Khawiah tehhrep nge a kal ang ni? Ka manganzia leh ka ngaihtuahzia a hre der silo. A tello chuan ka nun hian awmzia a nei lo a ni. A hmel ka hmuh leh a kianga ka awm ringawt pawha ka hlimzia te hi a hre ve der mai silova. Ka thinlunga thuawm te hi hrilh ngam a la ni silo.Vawi tam call ka tum a, a tlang theihloh hnuah beidawn nan vawikhat chiah ka call leh anga, ala tlang loh fo chuan police hnenah report ka thehlut ang tiin ka ngaihtuah a.Ka call leh chiah chuan beiseiloh takin a tlang mial a, ka lawm kher mai."Hello," a rawn tih chuan ka thaw huai mai."Khawiahnge i awm?" Ka ti nghal tawng a.Min la hrilh țha duh lo zui. Motorah a chuang tih chu ka hria a, mahse eng motorah nge a chuan ka hre thei lo. A kal tumna a thlen huna a awmna min hrilh a tum thu sawiin phone a dah ta daih a.Ka phone chu ka en reng ringawt a. Engtinnge a awm ang? Min hrilh țha ve thei mai lovem ni le! Hei vang hi ani maw chawlh te kha min lo dil ni. Ka phal dawn lo tih a hriat vangin min lo hrilh ngam lo a ni ngei ang.End of Malsawma Pov*Ka mut a chhuak hle na in, motor ka chuan hian ka muhil thei țhak lo hi hrehawm ka ti țhin. Ka chuanpui te ho lah chu an muhil bawrh bawrh hlawm a, kei ve chu nghate rep ang mai ka meng kar mai a, kawng zau nuam chin kan han tlan chiah chu kan motor pawh a chak fia fia ngei mai.Driver hnung chiah seat ah ka țhu a, tukverh lam ka hawi vauh vauh reng a, ka nu leh pa in engtin tak ngai ang maw? An hnen pan ila chuan Remsangpuia hnenah bawk min tir kir leh ngei dawn si a.Ka hlimna aia midang hlimna ngaipawimawh ni zawk țhin kha, ka hlimna tur nia ka hriat lam pan chuan ka kal mek chu a ni si a.Ka kalsan tak lam chuan ka ngaihtuahna a luah reng thung. Ka pasal in ka chenna lo ni hial tawh chu ka ngai lem lo. Mahse ka nu leh pa engmah pawh hrilh ngam lova ka awm chu nuam ka ti lo kher thung.Ka maimitchhing chial a, ka ngaihtuahna a vak vel ruai a niber mai. Ka phone ri ah chuan ka meng zawk a, tu chu ni ang maw? Ka phone ka han en chuan number ka hriat ngai loh alo ni a, hlauthawng ru deuh tak chuan ka han pick up a."Hello...!""Engvang tehhrepa tlanbo nge i nih?" Remsangpuia a ni tih ka hria. Phone ka dah leh țep a ni."Ka kalbo dawn tih ka hrilh che kha," zawi deuh tak hian ka ti a. Ka bula mite chu ka melh zak zak a. Mahse tumahin ka țawng an hre lo mai thei, an muhil tui hlawm em mai."Tunah hian khawiahnge i awm?" A rawn ti leh a."Ka awmna maw? I hre lovang, keipawhin ka hre lo, ka buai deuh a, ka dah mai ange," tih pah chuan phone ka off nghal daih a. Min lo biak leh ka hlauh avang chuan ka swich of nghal hmiah bawk.A thinrim tur zia ka ngaihtuah thiam pha vek. Mi chapo tak a ni a, chuvang tak chuan Amahin min țhen lova, kei zawkin ka chhuahsan hi a la na viau ngei ang le!Remsangpuia Pov*Ka nupuiin min chhuahsan chu thawven huai awm tak, ka thawveng hauh lo mai. Zanlamah Rody nen khum kan ințawm a, zan dangah pawh kan ințawm fo. Ka nupui Zorini chuan min ringhlel thovang, mahse engmah a tilang lo.Țhen mai hi chu ka duh ve reng, mahse ka chapona avang leh mualpho dawn tlata ka inhriat avangin ka țhen thei mai lo a ni. Rody hmangaih a min puhna pawh a dik vek. Kan inneih hma daih ațanga inkawp tawh kan ni tlat a, kan inthlah thei bik lo a ni.Kut hial ka thlak a, chumi avanga chhuak a nih ka ring. Zing ka thawha a room ka va en chuan a o awm lova, bathroom ah pawh a awm chuang lo. A thawmhnaw ka en a, a lo thawl deuh huai mai a. Ka phone a, a ring thei țhak lo lehnghal a, khawiahnge a kal reuh le? Malsawma inah hial ka va zawng a, ani nen lah hian kan inmil thei țhak lo. A kut lah ka la tuar hrep zui, Hrep tak hian!Khawihmunah pawh kal mai teh se, ka nupui anihna a bo chuang hleinem le!End of Remsangpuia Pov*Eps - 10Darkar sawm pariat zet kan tlan hnu chuan Guwahati chu kan thleng ta hlawl a. Kawngah harsatna em em tawk lovin, kawng lakah kan ding zeuh zeuh tih loh chu kan tlan char char a, kawng a thui bawk a, ka chau ve kher mai.Ka u chu ka phone lâwk tawh avangin min lo châng a, ka u nen kan han inhmu chu kan inkuah chung chung mai. Kum engzatnge ka hmuh tawh loh pawh ka hre lo,ka pasal neih ah pawh alo kal thei lo a ni a; ka u bula ka kal thei chu ka lawm kher mai."Mami, i lo kal chu ka lawm kher mai, i chau awm si a, tirawh, kal ang hmiang.""Awle," tih pah chuan a auto hire chuan a chenna hmun chu kan pan ta nghal a.A chenna kan thlen chuan a in luah chu a nuam reuh kher mai. Te fel ran mai hi a ni a, room pahnih mutna tur a awm tel ve thlap mai."Ka in luah hi a te deuh na in, mahnia awm nan chuan a tawk lek ka ti a, in dang lian deuh chu a awm tho na in, duh aiin luahman a to deuh si a, heta țang hian ka hnathawhna hmun pawh a hnai zawk a, ka luah ta mai anih hi, i ril a țam tawh viau lo maw?" A ti duah a."Țam khawp mai," ka ti ve mai a. U te bul thleng ta chu ka inla pangchang ve deuh hlek."Chuti chu ei nghal mai ta che, i ei khamah inbual te i duh awm si a, tui ka lo lum sak ang che."Chaw ei min siam sak a tum chuan hnial pawh ka tum lem lo. Tuna ka chak ber chu chaw ei vat vat a, tui taka muthilh vang vang a ni.Ah, ka sawi hmaih, ka u hming hi Laltlansanga a ni a, Guwahati ah hian company pakhatah hnathawkin a awm a, thlatin hian ka nu leh pa te a hlawh hi a thawn ve țhin a, nupui neih lam hi a ngaihtuah thlawt lo a ni. A lehlamah chuan ka nu leh pa tan sum lamah a harsat phah lo hlauh zawk a, mahse nupui nei se, fa nei ve tawh se tih hi chu an duh. Mahse a hmaa alo tihsual ve tawh avangin nupui neih lam hi chu a ngaihtuah duh tawh lo a ni."U, nupui neih lam hi ngaihtuah ve tawh la,""Mami, nupui ka neih daihin tunge ka nu leh pa chawm anga," a tih chuan a ti dik ang reng."Mahse, nupui i neih pawhin i chawm thei tho ang chu.""Nupui neih lam hi chu sawi tawh lovang, i hriat vek kha." Sawi zawm a duh tawh lo tih hriat tak hian a kalsawn hmak a.Ka eitur chu ka ei ta mial mial a. Ka rilțam tawh bawk nen, ka eitui kher mai. Ka eikham hnu chuan ka u chu alo lut leh a."Zanin chauh ka tihfel sak ang che, naktuk ațang chuan i tifel ve tawh anga, eirawng i bawl vek bawk ang," nui rah rah chung hian a ti a."Awle awle, i thu vek alawm, mahse i mikhual hi min duat loh vaih chuan aw...!" Ka han ti ve a. Kan hlim dun phian mai.Ka tihfel vek hnu chuan tuilum sa ver vawr chuan ka inbual ta a, ka hahdam sawng sawngin ka hria.Ka inthlak fel hnu chuan ka u chuan min lo ko leh a. Ka va phei chuan ani chu ngawi rengin a lo țhu a."Enge ni a? Muthilh hmak ka chak tawh asin," ka va ti nghal thawr a."Chuti anih leh naktuk lamah ni mai rawh se, ni e, i chau awm si a, thil sawipui che ka duh viau na in muhil phawt mai rawh," a ti leh ta zawk a."Nia, naktuk lamah hrilh che ka tum tho alawm, ka zinkawng a thui em a, kalkawngah ka muhil hleithei silova, zanin chu ka mu phawt ange, min hrethiam mai rawh," tih pah chuan ka mutna tur lam chu ka pan ta nghal a.Khum ka deh rual rual chuan ka muhil nghal hmiah mai. Ka chau tawngkhawng bawk ani ange.Zing ka han harh chuan ka awmna chu ka hre lawk lo lehnghal a, ka hawi vel a, ka hrechhuak leh nghal thuai tho.Bathroomah intifai turin ka lut a, ka intihfai zawha ka inthlak pah chuan ka phone chu ka han en a, ka battery a low vek alo ni a. Ka charge nghal chiah chu message a rawn lut nghal zut zut mai. Malsawma message a rawn thleng tam ber a. Remsangpuia miscall na pawh vawi thum vel chu a awm, ka kalbo ta chu a thaw huai dawn anih hi.Malsawma chu ka call nghal vat a, ka thlen veleha call ka tiam tawh si a, nizan ah lah khan ka theihnghilh mai piah lamah ka battery lo low bawk nen ka call ta lo chu a ni a, a lungawi lo leh ngawt ang chu."Hello, i thleng tawh em ni? Vawi tam rawn call che ka tum. Min be peih thlawt lo em ni? Ka ngaihtuah tehreng che nen, engtinnge i awm ang tih ringawt ngaihtuahin hun ka hmang a, nizan pawh ka muhil lo," a rawn ti nghal bawrh bawrh a."Ka battery a low daih alawm, tukinah a low tih ka hre chiah, ka charge a, ka rawn call nghal che a nih hi,""Khawiah nge i kal reng reng, min hrilh rawh, i awmna tal hria ila, ka ngaihtuahna che a nep deuh mahna."Tunlaite hian ka laka Malsawma țawngkam hman țhin hi a danglam tawp. Min duh ta mai emaw tihtur hian min ngaihtuahna țawngkam hlir hi a hmang lehnghal a. Mahse kei ang te chu țhian angin min ngaihtuah a ni ve mai."Enge i ngaihtuah veng veng a, ka biakna che pakhatmah i hre lo ania," a rawn tih chuan ka ngaihtuahna ka lo kawm leh char char chu niin;"Engmah ngaihtuah lo ve, min ngaihtuah suh, ka țha lutuk ania.""Khawiahnge i awm?""Ka u bulah ka awm, Guwahati ah," ka tih chuan a thaw huai mai."Tehdaih chuan, țha takin min hrilh thei mai lovem ni?""Pawi ka ti khawp mai, khatihlai khan ka rilru a buai em a ni. Min hnial ka hlau bawk si a, nau ka pai bawk nen...""Eng thu nge i sawi kha?" Tih ri ah chuan ka hawi chhuak zawk a, ka u in maktih hmel zet hian min lo en reng chu niin. Ka phone chu ka dah nghal a."U...!" ka ti ringawt a."Min hrilh rawh, eng thu nge i sawi kha, tinge min hrilh nghal mai lohva, naupai chungin hei chen hi motorah i rawn chuang ania, Lalpa leh, ka lung i van ti awi lo tak!""Ka hrilh vek ang che, mahse thinrim lo hram rawh." Ka ti mawlh mawlh a."Sawi rawh, engkim min hrilh vek ang che, zep awm miah lovin," a ti leh nghut a."Awle, lo țhu phawt la," ka tih chuan alo țhu ve nghal mai a. Thil awmdan engkim chu zep awm miah lo chuan ka hrilh ta vek a. Ka u chu a thaw huai a, a hmelah engmah a lang lo na in, a lungawi vak lo tih chu ka hre tho."Lungngai suh, heti hian ka enkawlna hnuaiah i awm reng dawn nia, naute pawh țha takin i nei dawn nia."Ka u min țawng thlamuanna chuan min tilawm ngei mai. Ka hlauhthawn tehlul nen, thinrim viau dawn mahse tihngaihna awm tawh miau hek lo le!Ka u kuah pah chuan, "U, hna ka zawng ve anga, kan pahnihin kan thawk dun dawn alawm," ka han tih chuan a lu a thing mut mut a."Ni rih love, tikhan hahdam takin awm phawt rawh.""Hetia awm ringawt te chu ka peih hleinem,""Kan la ngaihtuah dawn nia, ilo thleng ve chauhva, hnathawh lam chu theihnghilh hmiah rawh." A chhuak zui nghal nal nal.Ka u hian min duatin hna ka thawh phallo hle mahse, ka thawh awm tawk chu ka la zawng ve thovang. Tihbuai lutuk loh hram ka tum a ni.Ei rawngbawl ka tlai phah ta vek mai. Choka lam ka pan chuan ka u chuan rawng a lo bawl mek a, "Tinge min bawl tir mai lohva," ka va ti a."Tukin chu kan bawl leh anga, tlailam ațangin i bawl dawn nia. Hna ka bang tlai thei si a, mahnia awm i hreh lem lovang chu maw?""Hreh love, mahse a khawharthlak viau dawn anih hi," ka ti ve mai a."Ka bawl peih tawh a, kal hma ka ngai si a, kan ei nghal mai dawn mi?""Pawi lo, ni e, ei mai ang," tih pah chuan ka siam nghal a.Ei pah chuan kan titi mawlh mawlh a. Ka u hi țawng duh ve tak mai a ni a, kawm pawh kan inkawm ngeih hle bawk. Kum li zetin kei aiin a upa a, min duat em em bawk."U, Malsawma kha i hria em? School kan kal laia ka țhianpa kha." Ka han ti a."Hria e, tuna i biak kha ani nghe nghe lo maw?""Engtinnge ka biak kha amah a ni tih i hriat a?" Makti zet hian ka zawt let hau a."Ani lo țhian dang nei hek lo che mawle, i pasal i be awm bawk silova," a tih chuan ka nui tawp.Ni e, țhian ka nei ngai lova, kawm pawh ka kawm ngai hek lo, ka chhuah ve apiangin Malsawma nen kan inzui tawp zel kha a ni a, ka u in alo la hria pawh chu mak ka ti ta lem lo."Mate, ka nu leh ka pa tal chu hrilh ve tur che alawm," a tih chuan ka ei lai chu ka hawichhuak zawk a."U, an mahni avanga hetianga awm ka nih hi, ka pasalin a bum hneh lutuk tawh a, an fanu hian pawngsual ka tawh phah tih pawh an hre tawp nang. Hrilh ta ila, min dang dawn tih ka hriat vang alawm, tumah hrilh lova hetia ka lo kal ni.""Ani khawp mai, mahse i pasal khan sum hmang khan a bum hneh em mai a, a hmangaih viau turah che an ngai ani ngei ang. Tunah chuan i rilru ala dam lo pawh ani mahna, nu leh pa an nihna a bo dawn chuang lova, i tana țha tur ngaihtuahah an in ngai pawh a ni mai thei asin. Hriatthiam hun ila nei mai ang," a ti leh bauh a."Ni e, ka la hrethiam ve mahna le! Tun atan chuan ka thei rih lo a ni. Sawi tawh lovang."Kan eikham hnu chuan ka u chu insiam turin a roomah a lut nghal a. Keiin kan eina ka tifel nghal mawlh mawlh bawk."Ka kal ania aw, vawiin chu rawn haw hma ka dil dawn nia," tih pah chuan a chhuak ta nghal a.Kei pawh kan eina ka tihfel hnu chuan ka room ah ka lut a. Ka phone lo ri ral ralah chuan ka han en a, Remsangpuia call alo ni a, ka off hmak a, a beidawng duh hauh lo lehnghal, vawi li a rawn call naah chuan ka la ta hram a."Enge i la duh fova, min rawn tibuai tawh suh. Min tihbuai loh pawh hian buaina ka ngah tawk ania," ka ti hmak a."Zorin, ka tihpalh, i awmna tal min hrilh rawh.""Engvangin nge ka hrilh ang che. I fa paitu kha nupui atan nei ta che, kei chu min tibuai tawh lo mai rawh.""Kan ințhenna kan tihfel hma chu nupui dang ka nei thei hleinem," a chhuanlam siam mai mai chu ka van haw tak em!""Ințhenna tihfel kher a ngai em ni? I duh chuan i nei thei reng alawm.""Ni e, i ti dik. In țhen i duh em em na chhan hi kha pa Malsawma kha neih i tum vang chu a ni em lo maw?""Nang ang ka ni love aw, i zak theilo kher mai. Vawikhat pawh min rawn tibuai leh tawh suh ang che," tih tuar pah chuan phone chu ka dah hmak a. Ka thinrim lutuk chu ka sa vek hian ka hria.Remsangpuia thusawi chu ka ngaihtuah zui neuh neuhva, Malsawma chu ka duh tih chu ka pha lo, mahse neih lam chu ka rilruah a lang pha lo hrim hrim. Ani khan keini ang chu min duh lul lovang tih ka hria a ni.Inchhung tihfai hna chu ka thawk mawlh mawlh a, chu chuan ka ngaihtuahna kalding lutuk tur lakah min veng hlauh zawk a, chawhnu lamah phei chuan ka rilru pawh a zangkhai leh tawh hle.Chutia ka buai viau lai chuan ka phone ri pawh ka lo hre miah lova, vawi engemaw zat a rik hnu chuan ka hre ta chauhva, ka va en chuan ka beiseiloh lutukin ka pa alo ni a. Ka la ang nge la lovang tih ka ngaihtuah mek lai chuan a tawp hman ta hlauh. An rawn call leh mai ringin ka ngaichang reng a, mahse an rawn call ta mai silova, call let erawh ka tum hauh lo thung.Ka ngaihtuah reng lai chuan ka phone rawn ri leh thut ah chuan ka phu zawk a. Ka en vat a, ka u a lo ni a, "Hello, enge ni ta?" Ka han ti a."Tinge call i lak theih miah lohva? Ka pa in min rawn call a, rawn call che a tum thu a sawi a.""Ka awmna i hrilh em lovang chu maw?" Hlauthawng tak hian ka ti a."Hrilh love, i phalna lo chuan i awmna tumah hrilh ka tum hleinem," Ka u duhtak hi chu a van fel țhin tak em!"Inchhung ka tifel a, nilenga awm ngawt ngawt mai chu ka thei ngang lova lawm, chuvang aniang phone ri ka hriat loh ni. Anih leh ka pa chuan enge a sawi a.""I awmna ka hriat leh hriatloh min rawn zawt mawle.""Thildang a sawi tel em?""Ka bulah chuan sawi lo, i phone a ring ral țhak tih a rawn sawi a. Nangmah ngei biak che a duh aniang,""Keimah ngei min biak a duhna chhan chu engdang ani lovang, ka ti mualpho lutukah a ngai leh pek ang chu; A fanu ai pawhin sum a duh zawk alawm." Ka ti hmak a."Chutiang a ni lo mai thei asin, a rawn phone leh anih chuan vawikhat tal bia ang che aw, keimah vang tal pawhin.""Awle, ka lo tum dawn nia."Engvanga ka pa chuan min be duh nge ni ang le? Tlai thleng pawh chuan min rawn phone ta chuang lova. Phone let kher ka tum lo bawk. Min rawn phone leh hunah ka bia anga, a tawk mai.Malsawma phone pawh a reh hmak mai. Mahse pawi ka ti lo, ka rilru luah tam lutuk lo se a țha zawk ang. Thildang rilru la pêngtu ka zawn a ngai dawn a ni. Ka naupai lai theihnghilh țhaka ka awm chu le!Ka naupai hi ka duh lo nilovin, a pa hi ka duh loh vang a ni. Ka pum chhunga awmin ka thisen ringin alo țhanglian ve dawn chu a ni si a.Tlaiah chuan ka u hnathawk pawh alo haw ve ta a. Ei rawng ka bawl peih vek tawh bawk a, a in luah hi a lian lem lo na in, a kim ve biai thova, sitting room thlengin a awm ve vek. Ka u lo haw lai chuan Sofa ah chuan ka lo mu vel mai mai."Ka pa chuan a rawn phone chhunzawm che em?" A rawn ti a."Aih," ti ringawtin ka chhang."Vawikhat tal i inentir tawh em?" a tih chuan ka phawk hra mai. Min zawt teh thut bawk em a ni."Ka pai tih ka hriat hnuah ka la inentir lo.""Chuti chu naktukah kan inentir dawn nia, Doctor hmelhriat ka nei alawm.""I hman ami?""Aw, kan pu ka dil alawm,""Awle, chuti chu a remchan hlauh chu. ATM ațangin pawisa ka la chhuak nghal hlauh dawn nia, ka khawl ve hman nual alawm.""A țhat hlauh chu, mahse in ren hle ang che. Nakinah ila mamawh dawn chauh a nia, nangmaha naute enkawl i tum a nih chuan...!"Eps - 11A tukah chuan in check up turin ka u nen chuan kan chhuak ta a. A hmelhriat nia a sawi chu a lo be sa diam tawh a. Kan va thlen chuan kan lut nghal mai, test hrang hrang ka tih hnu chuan a dawhkan hmaah chuan ka țhu leh ta a."I naupai hi thla khat a ni tawh a, inenkawl țha hle la, eitur pawh a hrisel lam pang hlir ei tam a țha khawp mai. Naute hi thlathum an tlin hma hian ala insiam kim loh avangin indim a pawimawh bawk a, chhiat a hlauhawm zual hle bawk. Nangmah pawh i hrisel țhat a ngai dawn bawk ania," a ti duah a. A fel reuh khawp mai.Damdawi min chawh lei tur chuan kan chhuak ta nghal a. Damdawi ei chu ka peih lo ngei mai. Kan lei zawh hnu chuan in lam panin kan haw dun ta a.Tunah chuan Guwahati ah thlahnih lai mai ka awm ve ta. Ka nun pawh a hlimin ka taksa pawh a țha sawt sawt mai. Nau ka pai avangin ka indim ve viau.Tukkhat ka zing tho chu ka pum a na riai riai mai a, mahse a reh leh mai ka rin avangin ka ngaipawimawh lem lova. Mahse bathroom ka pan tur chu ka lu a hai thut mai, ka tlûk lai pawh hre lo chuan chhuatah ka lo bawksawp reng mai alo ni a.Ka han harh leh meuh chuan damdawiinah ka lo awm reng mai. Makti zetin ka hawi kual a. Ka u chu chauh hmel tawk hian a lo muthlu bawrh bawrh a. Ka tihbuai nasat zia ka ngaihtuah chuan ka inthiamlo takzet a ni.A lo harh hlawl mai a, "Mami, tinge min hrilh vat mai lohva, ka chân tawh dawn che emaw ka ti asin, khatiang khan min tihlauthawng tawh suh aw," a ti a."Engtinnge ka awm a, ka pumna riai riai leh ka luhai thut kha ka hria a, a bak chu engmah ka hre tawh lo.""Ka rawn hmuh che chuan thisen nen i lo awm nuaih a, a rang thei ang berin damdawiin ka panpui nghal che alawm, ka mangan zia hman zia chu!""Anih chuan naute a țha em?""Nau...naute maw?" Sawi hreh hmel deuh hian a ti bah nak. Ka ngaih a țha lo tawp."Aw, naute chu a țha tiraw?" Ka ti leh a."Mami, naute chu a awm tawh lo. I chhiat alawm!"Bang lam ka hawi hmak. Ka inthiam lo em em a, ka naute ka duh loh țhin zia te ka ngaihtuah let a, Pathianin nau pai tlâkah min ngai lo a ni ngei ang le! Mahse ka naute kha ka duh țanin ka hmangaih ve țan tawh asin mawle. Ka mittui a luang zawih zawih a. Ka rilruin, ka naute min ngaidam rawh aw... ka ti mawlh mawlh ringawt.Ka u pawhin min hnem ngaihna a hre bik lo. Kan ngawi dun reng ringawt."Mate, chhel takin awm hram hram rawh, Pathianin kan tana țha lo turin ro a rel ngai hleinem. Pawngsual avanga nau i pai hi i pai tluan Pathianin a phallo te pawh a ni zawk mai thei asin."A dik ve theih tho rualin, ka naupai ka duhloh zia ka chhakchhuak fo si a, ka inthiam thei lo a ni.Nithum vel damdawiina ka awm leh hnu chuan ka chhuak ve thei ta a. Ka lawm rual rualin hrehawm ka ti tho bawk.In kan thlen meuh chuan ka chau lutuk chu khumah ka mu nghal tawp.Guwahati ka lo kal ta kher kher hi ka inchhir rum rum. Kal lo ila chuan ka u hi ka tibuai awm tawp silova. Midang tana hnawksak zawnga awm hi ka thiam ve chhun anih dawn hi.Ka lo muhil sek aniang, ka phone ri chuan min ti harh zawk a, ka han en chuan ka pa alo ni a."Hello," ka han ti a."Bawihi, khawiahnge i awm? I chungah thil țhalo a thleng em ni?"Makti zet hian ka phone chu ka en ringawt a, ka pa țawngkam a va ang ta lo vele! Nidang ang chu ni se, min hrawk leh hrep tawh awm si a."Ka țha e, min ngaihtuah suh u," ka ti ringawt. Ka nu leh pa mah nise, an mahni pawh pan ngam lo tur dinhmuna an fanu min dah avang hian ka la ngaidam thei lo a ni."Min ngaidam ang che aw. Kan tihsual a ni e, kan hlimna chauh kan lo ngaihtuah vang ani. I nu leh pa hi i tan chuan nu leh pa ni tlak kan ni lo a ni. Ngaihdam tlak loh ni mahila Khawngaihin min ngaidam ang che aw. Lo haw leh lul rawh."Ka phone ka dah tawp ringawt. Nidanga ka pa țawngkam nen a inan loh em avangin ka mittui a hnai a, ka ngaithla thei tawh ngang lo a ni.Ka awmna pawh chu ka hrilh ta chuang lo. Rinhlelhnain ka khat a, Remsangpuia tih tir pawh alo ni mai thei asin, ka ring ringawt nghal tur a ni lo. A hma ami ang kha a thleng leh ang tih ka hlau tawh a ni.Tunah nau ka chhiat a, ka taksa chauh lai ngat phei chuan rilru hahna tur ka mamawh lem lo khawp mai. Țhenkhat te anga thawveng taka awm ve theih hi ka chak țhin.Tunah chuan ka taksa a dam fel ta bawk a, hnathawh tur ka zawn ve a ngai tawh a ni. Ka u min chawmin ka awm reng thei lovang. Naupai enkawl ngai ka ni tawh lo bawk a, ka duh duhin ka teichhuak thei ve tawh alawm le."U, heta ka la awm rau rau chuan hnathawh tur hi ka zawng ve dawn ania.""I thu thu alawm le, ka zawnpui dawn che nia, ka țhianpa in hnathawhna tur min zawn hmuhpui thei ngei ang, nilenga awm chu ninawm i ti viau ang chu." A tih chuan ka lawm kher mai.Phone chu phawrhin a țhianpa chu a be ta nghal a. Reivaklo an inbiak hnu chuan a phone chu a dah a."Private company pakhatah hnaruak a awm thu a sawi a, a lo sawi chhin dawn anih chu." Ka lawm kher mai.Hna ka thawk anih chuan ka u pawh ka tibuai nep deuh tawh ang chu."Mahse lo hlim viau rih suh, ala chiang lo ania."Ni e, ka thawh theih leh siloh khan ka rilru a na palh ange."Zan ka mu chu ka helhhawlh nge pawh ka hre lo, ka muhil thei reng reng lo mai. Muthilh ka tum poh leh ka harh tulh tulh thung. Ka thova, choka ah lutin tui ka in a, ka mut leh meuh chuan zinglam darhnih alo ri tawh a. Reilote tal pawh ka chhin sek loh chuan ka taksa a chau vek mai ang. Darkar tlemte chu ka lo chhing sek a ni ngei ang, ka harh chuan dar li alo ri tawh a. Muhil thei tawh hek lo i, khum ațanga thovin ka intifai sawk sawk a. Choka ah lutin thingpui ka lum nghal a."Mate, i va tho hma ve a, chanchin lawmawm lo deuh a thleng tlat mai. Ka nu a țha vak lo a ni awm e, ka pa'n nizan khan a rawn phone a, nangmah pawh hrilh tur chein min ti a. I mu tawh si a, ka hrilh duh ta lo che anih kha.""Engtin chiah nge a awm a?" Ka thlaphang nghal ringawt."A thin a Cancer tih Doctor ten an hmuchhuak alawm.""U, ka pa chu kan be ve ange." Tih pah chuan ka phone la in, ka pa chu ka call nghal a."Pa, keimah ka nia, ka nu chu engtinnge a awm a?""Kan tihdanah che khan a rilru a nuam lo lutuk a, a hma daih ațangin a damlo fo tawh a, i pasal lak ațang khan sum kan hmuh theih zel avang khan i hlimna tur pawh kan lo ngaihtuah duh lova, ka tihpalh ani, min ngaidam ang che aw, chuan i u bulah i awm tih ka hria a, ilo haw theih chuan a lawmawm khawp ang, i nu pawhin a hmu chak lutuk che.""Pa, keipawh ka tihpalh, ka lo haw ngei ngei ang." Tih pah chuan ka phone chu ka dah a. Ka mittui a tling nghal piau mai."U, engtinnge kan tih tak ang?""Motora kal chuan kawng a hla si a, ila damkawr bawk si a, flight ticket dar sawmpahnih chhuak kan book mai dawn em ni?""Aw, a pawi lo, motora chuang tur chuan ka la infit lo em mai."Airport lam chu bia in flight ticket chu a va book ta nghal a. Keipawh chuan rawng ka bawl nghal sawk sawk a, ka bawl zawh hnuah ka thawmhnaw ka siam leh nghal.Kan awmna ațanga a hlat ve deuh avangin kal hma a ngai a, chaw ei kan peih tawh tho bawk nen, kan ei nghal mai.Ka u erawh chawlh a dil phawt loh chuan ka rualin alo kal ve thei rih dawn lo.Chaw kan ei kham a ka tihfel vek hnu chuan Airport lam chu kan pan ta a. Airport chu kan thlen chuan kan ticket book tawh sa chu tifelin a chhuah hun kan nghak a.Suangtuahna ka lo neih ve tawh te chu a thamral dawn chu a ni leh ta mai si a. Ka nun hi tinge pangngai tak hian ka hman ve theih miah lo le!Hlimna ka tawng ve dawn chauhva, harsatna bawk hian ka nunah hmun a chang leh țhin si. Mizoram pawh thleng ta tehreng ila, harsatna bak ka hmaah min hmuaktu an awm pawhin ka hre lo.Ka ngaihtuahna kawma ka țhut ngawih reng lai chuan kan chhuah hun a thleng ta. Thlawhna chhungah chuan lutin ka seat turah ka țhu nghal a, ka bul chiahah chuan hmeichhe pakhat, la upa lo tih hriat tak mai hi a lo țhu ve a.Min hmuh chuan a nui sak a, a hmel chu ka ngainat zawng tak mai a ni."Nula, Aizawlah em ni in awm a?" Min be nghal siam siam a."Aw ni e, nang zawk?" Ka ti let ve sap a."Aw, enge hetah i tih a, hnathawh i nei em ni?""Nei love, ka u hnathawkin a awm a, ka tlawh lawk." Ka ti mai a."Anih tak chu mawle, eng hna nge i thawh țhin reng reng a?" A ruk tak chuan zawhna min zawt peih lutuk chu ka ning deuh hlek."Hnathawh pawh ka nei lo," țha tak chuan ka chhang ve zel tho."Anih tak chu mawle, Aizawl kan thlen hunah pawh kan la inhmuh leh ngei ka beisei a ni. Aw taka, ka hming chu Ruatsangi a ni a, 'Masang' tiin min ko mai dawn nia. Nang engtinnge an koh ve che a?""Zorinsangi ka nia, 'Zorin' tiin min ko va.""Ka be buai ta hrep che a, min hrethiam aniang chu. Ka hmelhriat ngailoh chu hetiang hian ka be vak ngai lo a nia, nang chu ka hmuh phat ațang che khan ka ngainat zawng tak i ni. I hmel pawh a țha kher mai." min nuih var var mai."Ka lawm e, nang pawh i hmelțha khawp mai," tih pah chuan ka nuih let ve sang a.Thlawhna a thlawh chhuah dawn chuan inhreng nghet turin an rawn puang a, kan thlawk chhuak ta diai diai mai. Ka mutchhuah em avang chuan ka lo muhil veng veng a, ka bula țhu Masangin min lo ko harh chuan kan lo thleng reng tawh mai alo ni a.Ka chhungte emaw tuemaw tal min hmuaktu tur an awm lo chu a ruk tak chuan ka hrilhhai kher mai. Mahse tunge maw ka beisei chuan le?"Tumah hruai tu tur che i nei lovem ni?" A rawn tih chuan ka zak chem chem mai."Aw, nia, ka nu a damțha lova, tumah pawh ka beisei lo," ka ti let sap."Chuti chu ka rualin lo kal mai rawh, i awmna thleng ka thlah ang dawn che nia," a tih chuan ka hnial duh ta lova.An motorah lutin Lengpui Airport chu kan tlanchhuahsan leh ta a.Kawngtluanin kan titi a, a bula awm a nuam kher mai. A fel in, a hawihhawm em em mai lehnghal a. A nu leh pa tan fanu chhuanawm tak a nih ngei ka ring."I nu damlohna vangin maw i haw?""Aw ni e, ka hriat veleh ka lo haw vang vang a nih hi.""A pawi ka tihpui hle mai che, i rilru a hah hle dawn anih chu," min khawngaih hmel taka min en chung hian a ti a.Masangi hi ka hmuh ațangin a hmelțhat ang bawkin mi rilru țha leh tluang tak a nih ka ring reng a ni.Eps 12Masangi hi kei aia a upa a nih pawhin a upatna a tam vak ka ring lo. Ka ngaina nghal em em ringawt, a chetdan velah chuan mi hausa chhungkua ațanga seilian anih ngei a rinawm.A chapo lova, a polite em em bawk, kan inhmuh țanphat ațangin min ngaihsakna a la tilang char char.Ka tlanbosan tak ngei mai Aizawl khawpui chu ka thleng leh ta, kan hnaih tial tial a, ka huphurh tawlh tawlh bawk."I rilru a va nawm loh hmel ve a, tinge a?" Min rawn zawh leh chuan ka hawi chhuak vat a."Chutiang lam pawh a ni lo, ka nu ka ngaihtuah deuh alawm mawle," ka ti daih a. Ka chanchin hrilh tur meuh chuan kan inhmelhriatna ala rei lo deuh em mai.Kan inpêng ka thlen meuh chuan khua a thim tawh ang reng hle a, motor ațanga ka chhuk pah chuan Masangi hnenah chuan, "Ka lawm lutuk, awm lo la chuan ka buai viau mai thei ani," tih pah chuan chuan man chu pek ve ka han tum a, alo duh țhaklo mai."I ti ang love a, ka puihna ah che ngai hmiah rawh, chuan hei hi la la, i nu damlo ka kan vena atan a ni mai. Thildang tihsak theih che ka neih chuan min hrilh hreh suh aw, ka unaunu ang maiin ka hmuhtirh ațang che khan ka ngai nghal hmiah che ania. Hei hi ka phone number leh ka card a ni a. Hna pawh i mamawh anih chuan min rawn phone tawp dawn nia, anih phawt le," ka hnial hman hma chuan an tlan nghal ta daih a.A pawisa min pek ka han en chuan a lo tam kher mai. Zahthlak zawk hian. A thlawna pawisa dawn hi ka duh ngailoh thil a ni a, ka thawhchhuah ngei ațangin sum chu ka nei tur ani tih hi ka thupui a ni ve a. Mahse chutiang zat zat mihrang lak ațanga dawn chu zahthlak ka ti kher mai.A card min pek ka hmuh meuh ka phu zawk hial thei. An hausakzia hrelo hi chu an vang khawp ang le. Chutiang khawpa mi hausa chu ka tawng ta chu ania, ka rin phak bak a ni. Mumangah pawh ka la mang chhin eih lo.Kan inchhung ka luh dawn meuh chuan ka tim kher mai. A hmaa ka haw lah khan khati tehhrep khan ka nu leh pa khan min țawngkhum tawh bawk si nen, an hriatlohvin ka u hnenah ka kal leh daih bawk si a. Lut mai lova ka tawi deuh hrut hrut chu ka pa chuan min lo hmu hlauh mai."Ilo thleng tawh maw? Kan lo hruai thei silo che a, pawi kan ti lutuk, tirawh lo lut ta che." A tih chuan kan inzui lut ta a.Ka nu chu khumah a lo mu bal mai a, a lo cher tawh zia ka hmuh chuan inthiamlohnain ka khat a. Min hmuh veleh chuan min lo ban țawk țawk a."Mambawih, ilo thleng thei ta maw? Min ngaidam ang che aw, i chungah thilțhalo tak i pa nen hian kan lo ti a ni. I hlimna tur aia sum kan lo ngaihhlut zawk avangin kan thiamloh liau liau a ni e.""Nu, keipawh ka diklo ve tho alawm.""Ni love, a bik takin i nu hian i dinhmun hrethiam tur che ka ni a, ka lo hrethiam lo che a ni. I thusawi aia i pasal thusawi dik vek tura kan lo ngai kha kan tihsual liau liau a ni. Ani vang leh i nu leh pa vang hian i tuar hnem ta lutuk hi a tawk tawh viau e.""Nu, inthiamlo duh tawh suh. Hriatlohna vang a nia lawm, hei, ka rawn haw kawngah hmeichhe pakhat ka tawng a, ani chuan i inenkawl nan pawisa min pe a, kan inhmuh vawikhatna a ni lehnghal, a zahthlak rual rualin a lawmawm bawk si a.""A va tilawmawm ve mawle, engang chhungkua nge maw an nih le!""An hausakzia te chu i hriat ka ring. Aizawlah pawh an lar lutuk alawm.""Anih chu mawle, engpawh nise i chau awm si a, intihfai te pawh i duh ang, va intifai rawh. Ilo haw dawn tih ka hriat vang aniang ka zia lutuk ringawt.""Anih ka ring a ni, ka beisei ai daihin i harh țha a, ka lawm khawp mai, ka pa in a sawi chauh tehlul che nen. Anih kan intifai lawk ange," tih pah chuan ka room ni țhin lam chu ka pan nghal a.Ka rooma ka luh chuan ka rilru a kalthui kher mai. He rooma ka chunga thilthleng kha ka hrechhuak lo thei lo a ni."U, ka thleng tawh a, ka nu pawh beisei aiin a țha khawp mai." Tiin ka u chu ka bia a."Nangmah kha i țha zawk em?""Aw, ka țha alawm, min ngaihtuah suh, a nih ka dah ania," tiin phone chu ka dah nghal a.Inbual tur chuan bathroomah ka lut a, ka inbual zawh chuan kawrfual hnalh mai hak nuam zet tur hi ka inbel a. Ka room ațang chuan ka chhuak nghal a."Mambawih, chaw kan ei mai dawn em ni? I siam peih mai em?" Ka pa chuan a ti a."Awle, ka nu khan a ei peih dawn em?""Peih lovang, i duh leh han zawt chhin la, ilo haw ve si a, tlemte pawh a ei peih ve mai thei asin,""Nu, chaw tlem tal ei rawh aw," ka nu mutna bula kal pah chuan ka han ti a."Ni e, tlem tal chu ka lo bar ve ange, min han kaitho ta che," a tih chuan khum ațanga kaithovin choka lampan chuan ka kuah phei a."I pasal Remsangpuia khan a fa paitu kha nupuiah a nei tih kha i hria em?" Ka nu chuan a ti leh a."Hre nang, chutia aneih chuan a țhat hlauh chu," ka ti mai a."I vei miah nange a, hmangaih tak ang che khan a awm vel a, a tenawm khawp mai. A mizia kan lo hrechiang lo em a ni. Tunah chuan a zia dik tak a langchhuak ta alawm.""Sawi tawh suh, engahmah ka ngai tawh lo. Ka rilru pawh a tina pha lo, chaw ei phawt ang u,"Chaw ei ka siam sawk sawk a, dawhkan kilin kan ei ta mawlh mawlh a."Pa, awmpui kha in nei țhin si a, khawiahnge a awm daih a?""Kan dinhmun hi a chhe ta em alawm, i nu awmpui a ngai reng ta bawk si a, engmah thawk theiin ka awm tawh bawk silova, i u pawisa min rawn thawn hian kan khawsa ve țawk țawk tawh a ni." A tih chuan ka khawngaih ngei mai."Lungngai suh u, hna ka zawng anga, ka hmu te anih chuan kan zia leh em em ang.""Ni e, i țhian chhar thar chu bia la, a fel hmel em chu. Hna hmuh sak che pawh a tiam che a ni lawm ni?""Ni e, min sawi hmuh ngei a, mahse a tih tak tak leh tak tak loh ka hre bik silova lawm, nakinah kan mamawh viau tak leh ka lo be dawn nia." Ka tițha ve mai a."I ei tui em?" Thudang ka zawt ta daih a."Eitui khawp mai. I lo haw vang a niang," nui var var chung hian a ti a.Ka nu nui hmel hmuh leh chu a nuam kher mai. Ka pa pawh ka nu awmdan avang chuan a hlim hle tih a lang thei.Ka nu chu khumah bawk chuan ka kuah phei leh a, a hlim tih hriat tak hian a țawng ve barh barh a. Choka lamah ka pheisan leh ta nghal a, ka tihfel vek hnu chuan ka nu bulah reilote awmin ka room ka pansan ta a.Ka khumah chuan mu in, ka ngaihtuahna ka kawm vel a, Remsangpuia leh Rody chu an innei ta ngei chu a ni a, An hlim dun hle pawh ka ring.Malsawma ka ngaihtuah leh a, engvanga min biak tum tawh miah lo nge maw a nih le? Ani hi bialnu a nei anga, kei min buaipui chu a sim ta anih ka ring. Hlim takin nupui neise ka tih rualin keimahah hian diklo a awm tlat si...! Mahse ka phu loh zia hi ka hre reng tur a ni ang.Ka chauh em avangin ka lo muhil tui hle a ni ngei ang, ka pa in ka lua min sawi dawt dawtah chuan ka harh hlawl mai."Enge ni ta?" Hlauthawng tak hian ka han ti a."Mambawih, i nu hi damdawiin kan panpui mai a ngaih hmel a ni, a dinhmun a chau thut a, ilo haw si a, a intiharh lui hram hram anih dawn kha."Ka tho vat a, ka insiam nghal sawk sawk a. "Tinge min kaihthawh vat lohva?" Ka tih chuan ka pa chu a nui suk. Keipawh chuan ka muttui zia ka ngaihtuah chhuak leh hnuhnawh.Ka pa chuan motor alo ngaihtuah vek tawh avangin ka nu chu damdawiin kan panpui ta nghal a. Hmanhmawh takin Doctorin a en nghal sawk sawk a."A dinhmun hi a țha vaklo a nih hi, rei a daih lovang tih a hlauhawm khawp mai." Frank deuh chuan a sawi a."U, ka nu dinhmun hi a derthawng riau ania, lo haw tum hram rawh." Ka mangang kher mai."Aw, flight ah ka lo chhuak nghal dawn nia.""Nu, ka u a lo haw dawn asin, lo nghak hram hram rawh aw...!" Ka mittui a luang nghal zawih zawih.Ka pa pawh chu mipa e tilo chuan a mittui a tla ve fap fap mai. Ka hmuh erawh a hlau hle.Ka nu chu oxygen nen a thaw țawk țawk a ni ber tawh. Rei kan va awm tlâng hman lo em! Remsangpuia ka huatna a zual leh sauh. A dawt sawi nasat avanga chhungkua kan buai nasat zia ka ngaihtuah chhuah leh chuan ka thinrim thar leh țhin.Doctor an buai ta mam mam mai chu ka ngaih a țha thei lo, ka nu awmna ward ah lah luh an phal ta bawk hek lo. Doctor lo chhuak tur chu kan lo ngaichang ta ringawt a. A lo chhuah veleh chuan ngui zeta min en in, "Kan chhan hman ta lo a ni e, pawi ka ti khawp mai," atih chuan ka insum hman ta lo. Ward ah chuan ka pa nen kan tlanlut nghal vat a, ka nu chu a hmai an lo khuh vek a, ka țap nghal zawih zawih. Ka pa pawh a insum thei bik lo ani ngei ang, țap ri ngam silo hian a mittui a tla ve zawih zawih mai."Nu, kan inhmu leh chauhva, min kalsan leh hma em mai, ka u pawh a lo haw mek asin, nu min ngaidam rawh aw, i bula ka awm rei hman loh avangin." Ka tan chuan țahna tur a van tam tak em!Remsangpuia vang vek a ni.Eps - 13Ka nu chu Ambulance in kan in lam pan chuan an phur a, ka pa nen chuan a bulah awmin midang awmve pawh an awm lo. Ka va inkhawngaih tehlul em!Mahse ka beisei loh lutukin kan in khatin mi an lo awm țeuh mai. Engtinnge an lo hriat hman hlawm ni? A țul țul an lo tifel a, inchhung pawh an lo singsa fel vek tawh.Ka phone a rik chuan ka u a lo ni a. "U, i lo thleng dawn tawh em? Ka nu chuan min kalsan tawh asin, ilo thleng har lutuk a," tih pah chuan phone ațang chuan ka u chu ka țahkhum leh rih a.Remsangpuia te nupa pawh an rawn kal ve alawm, mahse thinrimna tihlanna chi a ni silova, makti zet hian min rawn en a, a nupui thar mitmei a veng ve ta ngang mai. A hmaa kan inneih laia ka mitmei a ven ngai loh tehreng nen. A nupui chuan a hneh hle a nih dawn hi.Ka nu ruang bulah chuan țhu in ka nu biang vawt thler mai chu mittui nen ka khawih a, Țah pawh ka țap hleithei tawh lo.Ka u alo thleng an tih chuan ka tho vat a, ka va kuah chûk chûk mai. Ka u pawh a mittui a tla ve zawih zawih a, A inthiam lo em em mai lehnghal."Nu, min ngaidam rawh aw, fapa laktlak loh tak ka lo ni e, i damlo tih hre reng chung pawhin ka rawn kal thei silova, ka hna vang ani," a ti mawlh mawlh mai.Ka nu pawh kan vui liam ta, ka pa hmel ka en a, a tla ve deuh kuam mai. Ka nu boral chu keini ai pawhin a tuar zawk ngei ang le!Ka nu kan thlahliam ațanga nithumnaah chuan Masangi a rawn lang hlawl mai."I nu boral thu ka hre ve chiah a, ka rawn kal nghal vang vang anih hi, a pawi ka tihpui hle mai che, hei hi a ral nan ka rawn kensak che a," tiin pawisa envelope a tuam chu min pe a."I ti lawmawm lutuk, mahse a hma pawhin min pe tawh si a, a ngai tawh kher lo asin.""Ni lo ve, ka tihtheih tawk a nih hi. Thildang tihsak theih che ka nei silova. A hma a ka card pek che kha ilo ngaihtuah ta em? Hna i mamawh anih chuan ka hnenah i thawk thei reng ania.""Nia, ka lo ngaihtuah tawh alawm, mahse ka nu damlo nen, tihian kan ni leh ta thut si a, engmah ka rawn sawi hman lo a lawm.""Ka hrethiam lutuk. Tunah mai chuan ila thei lo pawh ani ang, mahse min rawn be ngei ngei ang che.""Awle, ka lo tum dawn nia," ka ti ve ta ringawt a."Anih kan kal phawt ange, min biak i hreh lo turah ngai ang aw," tih pah chuan an chhuak ta a, an liam thleng chuan ka thlir a, chumi hnuah ka lut ve ta chauh va.Tlai lamah chuan Remsangpuia chu kan inah a rawn lang leh hlawl mai. Biak pawh ka be lo, ka pa chuan alo be hram a, a hmel ka hmuh hian ka luak a tichhuak hluah hluah."Engtikinnge ilo haw a?" Min rawn zawhna chu ka chhang lo țep a ni. Ka pa nen an awm dun reng emaw ka ti a, engtiklaiin nge ka bulah a rawn kal hman ni?"A la reilo," ka ti mai a."Engvanga tlanbo nge i nih reng reng a?""Ka duh vang ani mai. Chuan khawngaihin nupui i nei tawh a, min tibuai tawh suh. Nang leh kei hian sawi dun tur kan nei tawh lo. I dawtsawi tam lutuk avanga kan chhungkua min chawhdarh zia te hi ka hre vek. Nangmah vang hian ka nu pawh a damrei loh phah." Ka thinrim in up rei tawh bawk nen, ka an khum ta piap piap a. Tumah inleng dang an awmlo bawk a, min tihhrehawm tamzia ka ngaihtuah chuan ka la insum hle zawk a ni."Kha i bialpa kha ila beisei anih chuan i tisual der ang. Bialnu a nei an ti ania, an innei țep tawh mai thei a ni.""Khawngaihin min chhuahsan mai ta che," ka pa chu a rawn inrawlh ve ta a."Khatiangin inlengte an ti ngai lo asin," Remsangpuia chhuah veleh chuan a ti a."Pa, ka thinrim em ani, bakah a hmel kha ka hmu peih lo, kan inah hian lo kal tawh lo se ka duh."Malsawma chanchin min hrilh kha dawt a nih ka ring lo. Hei vang hi anih dawn hi min biak tawh ngai miah loh ni! A pawi hleinem, a duh duh nei thei a ni alawm. Keia lo buai ve na tur a awm hleinem le!Ka nu boral ațanga thla khat a liam leh hnu chuan Masangi chu ka phone ta ringawt a."Ka tihpalh lutuk, keimah zawkin rawn call tur che ka ni asin mawle, ka hnaah hian ka buai thei lutuk a, hna ka kawhhmuh che chu i rawn dil dawn ta em ni? I rawn dil dawn tawh lo emaw ka ti a.""Nia, ka inthlahrung deuh hlek a," tiin ka nui hak a."Inthlahrunna tur a awm hleinem, naktukah lo kal la, i hna tur chu ka kawhhmuh dawn che nia.""Ka lawm lutuk ringawt, nang ka tawng che hi ka vannei tak zet a ni, naktuk chuan ka lo kal ngei ngei ang." Tiin phone chu ka dah ta a.Ka thawveng deuh hawk mai, tunah ațang chuan hna ka neih ve leh anih chuan kan dinhmun pawh a zia ve leh deuh tawh ang chu. Ka pa lah ka nu boral ațang hian a hriselna a pan hle mai a. Ka pa enkawl tura hna ka hmu tur chu ka lawm kher mai.Ka u lah ka nu boral ațanga karkhat hnuah a hna avangin Guwahati ah a kal leh nghal mai si a. Ka pa nen chuan khawhar takin kan awm dun rak rak a, kei ai mah chuan ka pa hi a khawhar zawk dawn tih ka hria, ka khawngaih khawp mai.A tukah chuan Masangi te hotel ah chuan ka va kal ta a. An hotel ropui zia chu a thu chauhvin ka lo hria a, a hmuna han hmuh meuh chuan alo ropui nangiang mai. Hausa awm reng pawh an lo ni e. Mizoramah chauh lo pawh hotel an lo nei thluah mai.Chuta thawk nghal tura min ti chu ka lawm kher mai. A hahthlak dawn viau na in, a hlawh a țha hle thung.A tirah chuan hotel hna chu ka thiam vak lova, amaherawh chu thawhpuite an fel a, min hrilhfiah peih em avangin ka thiam chak ve khawp mai. Nuam pawh ka ti.Tunah chuan kan dinhmun pawh a zia ve ta viau.Ka thawhna hotelah chuan țhian țha tak mai, a nu in a boralsan ve tawh tho Mahmingi a awm a, ani nena kan in hmuh phat ațang chuan kan inthlah thei ta reng reng lo. Unau pianpui dang alo nei bik lo a lo ni a. Kan dinhmun a inan deuh em avang chuan thinlung lamah pawh inzawmna kan nei aniang tih tur hialin kan inkawm ngeih nghal.Kan pahniha inzui chawtin kan bang rual a, Mahmingi hian scooty a nei bawk a, kal lamah chuan kan kal rual thei lo nangin haw lamah erawh chuan a ruala haw turin min phut ngei ngei a, ka inthlahrung zawk hial țhin."Mahming, i rual hian min haw tir ve ziah țhin si a, ka inthlahrung riau ania.""I ho mai mai e a, nang chu ka unaunu ang hiala ka ngaih i ni a, mahnia haw ai chuan ka duh daih zawk. Naktuk chu ka rawn sawm dawn che ania, lo tlai suh ang che.""Tlai lovang, nangmah zawk hi ania tlai țhin chu ni," tih pah chuan kan infiam zui a, kan nui hawk hawk a.Chutia kan lo nuih bawk bawk lai chuan Malsawma leh nula pakhat chhe lo zet mai hi hotela an lo lut chu ka hmu ta thut. A kalpuinu lah chu a hmelțha in, a nalh thlarh mai lehnghal a. Keini ang nena tehkhin chi pawh ani lo. A thawmhnaw hak lah chu a inhmehin model niawm tak a ni.Chutia ka lo en reng lai chuan Malsawma pawh chuan min rawn hmu ve ta a, a meng phawk chiang kher mai. Mahse reiloteah a inthup leh vat a. A hmeichhe kalpuinu lam hawi chuan a phun sap a, kan lam chu a rawn pan a."Engtikin nge i rawn haw a?" Kan bul a rawn thlen chuan a ti nghal tawng a."A rei leh tawh," ka ti mai a. Ka țhiannu chuan makti zet hian min melh reng tih ka mitsirin ka hmu reng."Darling, kan kal tawh dawn em ni ang, kan tlai palh ange," tih pah chuan Malsawma banah chuan a rawn chelh a."Awle, kal ila," Ka lam lo hawi leh pah chuan, "Kan la inhmu leh ang chu," tih pah chuan an kal ta nghal a."Awi Lalpa leh, a van chhe lo chiang tak em! Kha nu kha a bialnu em ni? An inhmeh dun kher mai." Mahmingi chu a rak chul a. Ka lo nui ringawt.'Engvanga kan la inhmu leh ang chu' tinge a nih le? Ani hmuh leh kha ka bat a ni hleinem le? Ka hmuh leh nachhan tur ka hre hauh lo."Kan haw tawh mai dawn em ni?" Ka han tih chuan, "Haw ila ani mai alawm," tih pah chuan kan inzui chhuak ta nghal a.Mahmingin a scooty a lak hlan chuan hotel kawtah ka lo nghak a, chutihlai tak chuan Malsawma te pahnih car lam pana an kal dun chu ka hmu leh chiah mai a. A bialnu cara a țhutluh tir hnu a kawngka a khar leh pah chuan ka lam a lo hawi thut a, a ban min rawn vai zauh a, Ka hawi let hmak thung.Chutihlai tak chuan Mahmingi pawh alo thleng ve chiah a, a hnungah chuang nghalin kan tlan chhuak dun ta nghal a. A khalh chak bawk a, karlovah kan inpeng kan thleng ta mai."Chaw lo ei la, i riak nghal bawk anga," ka han ti a."Nidangah ni mai rawh se, naktuk zan chu concert en ila.""Hetiang lam hi ka tuipui pha ve lo. Ka kal lo mai ang.""In tiharh ve teh, hetia awm reng tur pawh a ni lo ania, nula ve lem si, a chut em mai an ti mai tur che ania," nui har har chung hian a han ti a. A ngeiawm viau rual hian a bula awm hi a nuam phian bawk si a."Nia, ka lo inngaihtuah dawn nia, ka pa hi ka khawngaih ve deuh alawm, ka nu boral ațang phei hi chuan a khua hi a har zual a. Amah pawh hian a tuar phah hle asin.""Ka hrethiam lutuk alawm, mahse lo tum ve chhin phawt la aw, ka beisei dawn che ania, naktukah min hrilh leh dawn nia, Mangțha phawt." Tih pah chuan a tlan ta nghal a.A tlan liam hnu chuan in lam chu ka pan ve ta chhat chhat a, ka hnunglamah hian min zuitu awm hian ka hria a, ka kal chak sauh va, ka bana a rawn vawn beh takah chuan ka țe tuarh a."Ka tihpalh, tihhlauh che ka tum miah lo asin," a tih chuan ka en vat a."Nang maw? Enge hetah i rawn tih a? Khawnge i bialnu kha a awm tak a?" Thikthu chhe lutuk ang maia zawhna ka zawh duah tak mai chu a!"Ka thlah haw tawh, nang pawh bialpa i nei ani lawm ni?""Engvangin nge hetah ilo kal a? Min diriam turin em ni ilo kal a. Hmuhsit tlak pawh ka nih tawh loh hi. Khawngaihin i bialnu nen chuan hlim takin in awm dawn nia, min hmu turin rawn kal tawh suh, ka țhian pawh i ni tawh lo."In lam pan chuan chak zetin ka kal hlawk hlawk a, inchhung ka thlen thleng chuan hnunglam pawh ka hawi eih tawh lo.Ka room ka thlen chuan ka khumah ka bawk thlawp a, ka mittui hi dan rual lohvin a luang nghal zawih zawih. Malsawma ka hmuh hma kha chuan ka rilruah pawh a lang tawh lem lo, mahse tum loh deuhva ka hmuh vang nge ni, ka thinlungah hmun pakhat a lo la luah reng ani tih ka hriatchhuah lehna chuan min tina a ni.Engvanginnge ani kha ka hmuh leh kher kher ni? Ka tana beisei awm loh tur lakah kei hi ka inham buai leh dawn ta em ni le?Eps - 14Malsawma ka hmuh ațang chuan karhnih a liam leh tawh a, ka sawi angin a awm ta anih pawh ka ring. Min hmu tur pawhin a rawn kal leh tawh lo. Ka lawm viau rualin a hmel ka hmuh loh avang chuan ka thinlung hi a rum vawng vawng thung.Hna ka thawk nasa sauhva, ka hna ka thawh țhat em avangin bonus pawh ka dawng hial nghe nghe.Ka pa natna a zual zel a, engtia tih tur nge pawh ka hrethiam lo. Doctor te lahin a natna ber lah an hre bawk silo."U, ka pa hi khalamah khan kan entir mai dawn em ni?" Tiin ka u chu ka phone ta tawp a."Ilo kalpui thei dawn em ni?" A tih chuan ka inngaihtuah nasa hle mai. Han kalpui loh lah chu kawngah a buai ka hlau bawk si, ka mang a va ang tak em! Kan hna lah tunlai chu kan buai zual lai ani bawk si a. Umm, engpawh nise, ka pa ania lawm, chawlh ka dil mai aniang chu."Boss, ka pa a dam țha vak lova, hetah doctor ten a a natna an hre thei silova, Guwahati ah inentir mai kan duh a, khawngaihin chawlh karkhat vel min pe phal em?" Tiin ka dil ta tawp a."Kan pi ber ka lo dil ve chhin phawt ange aw," tih pah chuan phone a la a, a be nghal mawlh mawlh a."A phalsak che anih chu, i vannei hle mai, pawisa a țanpui che pawh a tum hial ania," a ti a."Ka lawm e," tih pah chuan ka chhuak ta nghal a. Ka duh chuan direct pawhin Masangi hnenah ka dil thei reng tih ka hria, mahse a hnuaiah a staff te engemaw zat an awm ve a, hotu bik kan nei țheuh bawk a, Masangi chu kan pi ber a ni bawk nen, direct a va biak chu ka duh bik lo a ni.Boss office ațanga ka chhuah hnu chuan Mahmingi bulah kalin a hnenah chuan, "Ka hawsan mai ang che aw, ka pa a damțha lo lutuk a, ka u hnenah, Guwahati ah kalpui ka tum a, Boss pawh ka dil vek tawh a, a remti vek tawh." ka ti a."Haw hman tawh ila chuan ka thlah leh tur che ania, ka la haw hman ve der silova, zanah tal lo kal ka tum dawn nia.""Ok, ok, tehreng mai, i rawn riak nghal dawn nia, anih ka kal ani, bye." Tih pah chuan ka chhuahsan ta nghal a.Kawnga motor ka lo chan lai tak chuan car nalh fahran mai hi ka bulah chuan alo ding chawt mai a. A driver seat ațang chuan Malsawma hi a rawn chhuak hlawl a, makti zetin ka lo melh reng ringawt."Lut rawh." Passenger țhutna lampang hawng chung chuan a ti a."Engvangin nge i carah ka chuan ringawt anga?""Lut ringawt mai rawh, nge ka pawm lut zawk dawn che em ni?"A tih leh duh tak tak ka rin avang chuan tum bur chung hian ka țhu lut a, kawngkhar chu ka khar tau țhuai lehnghal. Ani lah chu pawisak neihloh hmel zet hian alo nui suk duh chauh. Ngeiawm hian!A rawn țhutluh hnu chuan chak lutuk hian a tlanchhuak nghal a. Ka hlau lutuk chu ka maimitchhing tawp."Tlan muang deuh teh? Min tihhlum i tum em ni a?" Tiin ka ankhum tawn tawn a. Ani lah chuan engahmah ngai lo niawm tak leh ka țawng hre miah lo ang mai hian a ngawi hmak."Ka chhuk dawn," tih pah chuan kawngkhar hawnna chu ka vuan a. A la tlanlui cheu anih chuan ka zuangthla mai ang tih rilru ka pu hman hial a ni.A tawpa tawpah chuan a ding ta hlawl mai a, ka thaw huai ringawt. Ka tha te hi ala khur dar darin ka hria.Reilote chu ngawi rengin kan țhu a. Chutah a rawn țawngchhuak hmasa a, "I naupai kha engtinnge i tih tak a?" A zawhna avang chuan ka phu deuh zawk a. Nau ka pai tih hretu chu ka u leh Malsawma chiah hi an ni. Kei pawhin engtinnge ka lo theihnghilh theih le?"Ka chhiat," ka ti sap a."Engvanga i kal tur min hrilh lo nge i nih? Ka ngaihtuah zia che i hre lo em ni?" Makti zet hian ka en hau a."Ka kalbo chu i tan enge a pawi em em na ka hre ve lo tlat. Ka hrilh nachhan tur che lah ka hre hek lo.""I ti dik e, ka lo ngaihtuahna chhan tur che a awm lo reng a ni.""Ni e, chuan kan kir leh thei tawh angem?""Engvanga hmanhmawh em em nge i nih a? I bialpa chuan mi nghah a peih vak nange a?" Ti el zet hian a ti a. Ka lo ner sawk thung."I hriat kher a ngai lo ve. Min hruai haw dawn lo anih chuan ke pawhin ka haw mai ang," tih pah chuan car kawngkhar chu hawn ka tum a, a la in lock zui.A lam hawiin min pawt her sawk a, a awm ngheng chuan min kuah bet ta thlap a, A thaw ham ham mai. Ka tal nasat poh leh min kuah nghet ting a ni mai, A lungphu ri dut dut chu ka ngaithla ran a."Reilote tihian awm lawk ang,""Ka thaw țha thei lo ania," ka tih chuan min thlah ve ta mai a."Ka ngai thei lutuk che.""Engmaw i sawi?" Ka bengchhe ri anih ringin ka han zawt nawn leh sak a."Tirawh, haw ang, ka thlah tawh ang che, naktuk enge i tih dawn?" A ti ta daih a."Ni e, haw tawh ang, ka pa in min lo ngaihtuah lutuk ang." Thudang a sawi daih chu ka haw ngei mai. A zawhna pawh chhan enah ka en tawh lo.A motor tinungin kan tlan leh ta nghal a, kan in peng ka thlen chuan rang lutuk hian ka chhuk nghal vat, min biak leh hmain ka tlansan ta dawr dawr a.Inchhung ka thlen chuan ka hah lutuk chu ka thaw hlawp hlawp mai."Khati fahrana i rawn tlan chiam a? Tunge rawn um che?" Ka pa chuan alo ti a."Pa, ka tihpalh, ka lo haw tlai deuh pawi ka ti lutuk. Naktuk chuan kan kal thei dawn ta anih chu. Chawlh ka dil kha min phalsak hlauhva." Ka ti zung zung a.Ka inthlak a, rawng ka bawl nghal sawk sawk a, zanlamah ka insiam tawh mai aniang chu."U, chawlh chu ka hmu a, naktuk hian ka pa chu ka lo kalpui ang, hospital chu lo be sa la, a țha ang em?" Tiin ka u chu ka han be leh rih a."Aw, ka lo be sa dawn nia. Tunah chuan hna laklawh vawiina zawh hman ngei ngei tur ka nei a, phone ka dah phawt ang e."Rawng ka bawl zawh meuh chuan alo tlai ta hle a, Malsawma vang vek a ni, duh aiin ka tlai phah."Pa, i ril a țam tawh em? Ei mai ang aw, a tlai zel hma in.""Awle, han siam la," a tih chuan chaw ei chu siam nghal sawk sawk a. Ka pa nen chuan dawhkan kil dunin ngawi rengin kan ei dun mawlh mawlh a.Chaw kan ei kham hnu chuan, "Pa, naktuk kal kan tum sia, mu hma la, i chau lutuk palh ang," ka tih chuan, "Awle," tiin khum lam chu a pan ta nghal a. Ka pa tlakhniam chakzia ka hmuh chuan ka khawngaih kher mai. Tihtheih lah chu ka nei der mai silova.Keipawh insiam ka ngaih avangin roomah ka kut nghal a, ka pa thawmhnaw ken tur ka siam peih vek tawh a, ka ken tur tlem azawng ka siam veleh a, ka siam zawh hnu chuan la hma viau mahse tihtur dang a awm tawh lo bawk nen, mut mai tuma ka intintuah lai tak chuan kawngka kik ri ka hre thut a, zandangah inleng kan nei ngai silova, tu nge maw ni le?Kawngka ka han hawn nak chuan pawnah chuan Remsangpuia hi alo ding reng mai a. "Enge i duh?" Țawngkam țha pawh a lakah hian ka chhakchhuak duh lo."Ka lo lut thei ang em?" A ruih hmel em em lehnghal. A rim lah chu chhe tak a ni."In inah i nupui kiangah haw ta che. Engtin nge helaiah ilo la kal ngam zawk a?" Ka tih khum fak."Ka lo kal a ni mai ani, ka nupui ila nih kha aw...!""I lo zaktheilo kher mai. Engtiklaimahin I nupui ka nih ka hre lo. I nupui angin min en ngai bawk hek lo. Heta țanga i kal lo anih chuan police ka ko ani mai. Nang nen hian inzawmna pakhatmah kan nei tawh lo. Neih pawh ka duh bawk lo. Chu chu nang leh kei aia hrechiang an awm hek lo." Ka tih khum piap a.Chutia kan inbiak lai chuan Rody a rawn lut ta thut a. "Nang hian ka pasal hi i lo kherh leh a ni maw? I zaktheilo kher mai." A rawn ti phar phar a."I pasal hi hruai haw la, vawikhatmah lo kal tawh lo turin hrilh nghal ang che." Zâm map lo chuan ka tihkhum ve salh a.Min huat hmel zet hian min melh rawm rawm a, Remsangpuia chu a kai chhuak nghal dawr dawr bawk. Keilah chuan engatanmah ka ti der mai silo. Duh ni ila chuan khang lai hun zawng zawngah khan ka tlanbosan tawp lovang chu mawle!An chhuah hnu chuan kawngka ka kalh nghal hmiah a, ka mood an ti of vek lehnghal. Ka khumah ka mu nghal hmiah, reiloteah ka lo muhil daih chu niin, ka harh leh chuan ni alo chhuak iar tawh.Ka tho vat a, bathrooma ka intihfai hnu chuan choka ah ka lut nghal a. Chawhnu lama chhuak tur kan nih avangin hmanhmawh lutuk angai hran lo. Rawng ka bawl peih vat a, ka pa pawh alo tho chhuak harh ve riau mai.Darkhata thlawk tur kan nih avangin chaw ei kham veleh Lengpui panin kan chhuak ta nghal a. Thlawhna ticket kan tihfel hnu reiloteah kan thlawk chhuak nghal mai dawn a ni.Ka phone a rawn rik chuan ka en vat a, Malsawma a lo ni a, "Hello, enge ni ta?""Khawiahnge i awm?""Airport ah""Enge i tih dawn? Khawiah nge i kal dawn, a hma ang bawk khan min hrilh miah lohva kal i tum leh ta a ni maw?""Hrilh che a țulna ka hre miau lo a ni,""Zorinsang, khatia min chhan kher kha a ngai em ni? Țha takin min hrilh thei mai lovem ni?""Min vin reng reng suh. I bialnu ka nih loh hi.""Ka bialnu ni tura sawm che ka lo tum mek a..." a la nui zui."Huh, anih vel tak chu! Ka dah dawn, thu ho mai mai ka ngaithla hman lo." Phone ka dah hmak.Kan thlawhna tur pawh a chhuak dawn ta, kan lut ta diah diah a, kan țhutna tura kan țhut fel hnu chuan, "Pa, i țha em?""Țha e, ka țha lutuk. Min ngaihtuah reng reng suh."Kan thlawh chhuah hnu chuan ka pa pawh chu hahdam hmel zet hian a muhil siai siai a. Ka pa natna hi hrechhuakin dam vat vat se ka duh ber a ni. Ka nu a awm tawh silova, ka pa tal hi chuan min la dampui se tih hi ka duhin ka beisei a ni.Eps - 15Guwahati Airport ah chuan ka u in min lo hmuak a, ka u inluah lam pan chuan kan tlan ta vang vang a.A tuka inentir tura alo book lawk tawh avangin rilru hahdam takin kan awm a. Kan thlen chuan kan intifai sawk sawk a. Chaw kan ei nghal mai bawk."U, nupui neih hi ngaihsak ve tawh teh," kan chaw ei lai chuan ka han ti a. Ka u lah chuan min melh rum kher mai."Nupui neih hi sawi ve ziah suh. Ka duh lo ka tih tawh kha.""Ni e, mama ka damlai hian nei ve tawh mai la, tu hmel hmuh pawh ka chak tawh alawm, i nau lah hi a tihsual tawh avangin a ngaihtuah duh tawh der mai silova, nang tal chuan ngaihsak ve deuh la.""Ka pa, a dik khawp mai, mahse ka enkawl duh zawk che u alawm, nupui ka neih chuan ka enkawl thei tawh dawn lo che asin,""Nih chu a ni thova, i nau in kan khawsakna tur chu a thawkchhuak ve tawh tho alawm, i nu pawh khan tu neih a chak ngawih ngawih asin,"Ka nu chungchang a rawn sawichhuah chuan kan ngawi țhap a. Ka nu chanchin hi a sawichhuak duh ngai lova, tun hi a vawikhat sawichhuahna a ni hial ang chu. Ka ngaih a țha lo hial zawk a ni."Pa, ka nu chu kan ngai vek alawm, mahse nang tal chu inenkawl țha ang che aw. I dam hi kan duh ber a ni asin.""Mambawih, i nu hnena kal ve tawh mai hi ka duh a ni. In unau hian kalsan che u pawh ni ila, in ngaihtuahawm loh tih ka hria a ni.""Pa, tinge chutiang lam te i sawi a, min kalsan te chuan engtinnge kan awm anga, i dam leh vat dawn alawm." Tih pah chuan ka mittui a tla sawk a, Ka insum hman lo.A tuka inentir tura kan kal chuan Doctor chuan a han en vel a, test ngai zawng zawng a test vek bawk, result erawh tlaia a lam theih tur thu sawiin, "U, lo lam haw mai rawh aw."Ka u chu office kal a ngaih avangin min kalsan nghal a, ka pa nen chuan ka u chenna lam pan chuan kan haw ve ta nghal bawk a.In kan thlen chuan ka pa chu a chauh hmel hle mai a, khumah muttir nghalin reiloteah a muhil nghal mai bawk.Room ka chhuahsan hnu chuan ka phone lo ri char char chu en in, ka pick up nghal a."Hello, țhiannu, khalam chanchin enge ni a?" Ka lo tihkhalh thuai thuai a."I phakar lutuk, min rawn phone duh miah lova, ka rawn phone veleh che khatia rawn tih vel kha a ngai hauh lo ania." Thinrim der tih hriat tak hian a rawn ti a. Keilah chuan ka lo nuih tlawn vel bawk.Eng eng emaw thu ho tete sawiin kan nui tlawrh tlawrh a. Mahmingi bula awm leh biak tawh hi chuan rilru hah te hi a dam huai zel."Engtiknge in lo haw theih hun tur a chiang tawh em?" A rawn ti leh a."Tlaiah result kan hre phawt anga, chumi ațang chuan hriat theih awm tak chu ania.""Lungngai reng reng suh, a dam țha leh vat mai ang, upa lam te an ni ve tawh a, i nu boral hi a tuar ve em a nih hi. Anih ka dah phawt ange," tiin phone chu a of a.Inchhung tihfel ngai te ka tihfel sak a, ka u hi mipa e tilo hian a chefel fai khawp mai. Han tihfai em em tur a awm lo bawk a, ka pa mu chu ka va bih leh zawk a, a la muttui hmel khawp mai. 'A țha e, tui taka a muthilh theih chuan a lawmawm a ni mai.'Ka phone ri bawk chu: "Hello, Enge ni leh ta?" Vin zet hian ka han ti a."I pa chu a țha zel maw? Min hrilh ve mai hi a harsa viau em ni a?" Malsawma chuan a rawn ti chhar chhar a."Harsa lo ve, ka pa pawh a zia deuh ve, tunah chuan a muhil a" ka ti țha ve mai."I țhiannu zawt lo ila chuan ka hre tawp nang, nanglah hi duh hunah țawngtheilo ang mai, a châng leh i țawng leh chiam zel bawk si...!" A rawn nui huk huk a. Ka van ngei teh kher em!"Ka dah dawn, thu ho mai mai ka ngaithla hman lo ania," ka ti let hmak. A la rawn nui hak hak a, thinrim țeuhin phone ka dah hmak.Kawngka kik thawmah chuan ka phu zawk a, ka va hawn nak chuan Malsawma chu kawngka bulah a lo ding reng chu niin!"Hmela leh! I rawn kal te chuan rawn phone kher a ngai em ni?""Enge? Ka duh a ni mai a, ka phone ania, ka duh duhin ka ti ang chu." A van ngeiawm thiam tak em!Chum awk tumin ka pan hnai a, alo la inveng hman zui, nui hawk hawk chung hian ka darah min vuan a, chuveleh a nui hmel a tawp nghal riai riai a, thutak hmel zet hian min melh ran a."Engmah sawi lovin kalbo tawh suh aw...!" A ti ringawt.Ka lo ka ho ringawt."Engvangin maw? I tan enge ka nih a?""Mi mawl nu, i hrethiam miah lovem ni?""Eng chu nge ka hriatthiam tur awm a!?"Rang lutuk hian ka hmuiah eng khaw sawi set set lo hian a rawn fawp nghal tawn tawn a. Kei lah chu a ngaihna hre lovin ka ding ngawi reng a, chhanlet nachang pawh hre lo chuan ka dawh mawl tawp.Reilote hnuah min thlah ve ta hram a. "Tikhan i hrethiam tawh mai em?"Ka ngawi reng chu a ngaihdan a ni lo a ni ngei ang, "Ka tihpalh, i duh loh zawnga awm ka tum miah lo asin, min ngaidam rawh.""Oh, ngaihdam i ngaihna a awm hleinem, ka beiseiloh lutuk a nih vang zawk a ni. Mahse kha nu, i bialnu kha...?""Ani kha ka bialnu a ni lo, nangmah chauh hi ka duh awmchhun i la ni."Ka beisei phak loh leh ka lo duh rilruk ve reng a lo ni bawk nen, a hnua min fawh leh na chu ka chhang țha tawh kher mai."Oh, tihpalh lutuk!" Tih ri ah chuan kan inthlah nghal vat. Kan hawi vat a, ka u lah chu a lo laih ve hmel em em lehnghal a, engtiklaiin nge a lo luh pawh kan hre lo. A inthlahrun hmel lutuk chuan ka nuih a ti za hial zawk."Enge result chu? A țha em?" Ka lo ti vat a."Țha lo khawp mai." Tih pah chuan sofa ah a țhuthla hnak a."Doctor chuan engtinnge alo tih. Enge a result chu han sawi vat teh." Ka ti leh a.Kan pathum chuan ngawi rengin sofa ah chuan kan țhu a.A tawpah chuan, "Mami, ka pa dinhmun hi a ngaihtuahawm khawp mai, Doctor chuan cancer rang ber chi a ni a ti a, rei pawh a daih loh tur thu a sawi." A tih chuan ka mitsulh nghal. Ka nu pawh cancer vangin ka chan tawh a, tunah ka pa pawh a ni leh a, hlim taka hun ka hman ve dawn apiang hian tinge maw harsatna hi ka chungah alo thlen ziah bik le?Malsawma chuan min lo kuah vat a, ka mittui a tla nghal zawih zawih."Insum hram hram rawh, i pa'n a hre palh hlauh ange," a tih chuan rang zetin ka mittui ka hru nghal sawk sawk a. Ka nui lui thei hram ani ber."U, engtia tihchi nge ni dawn le? Doctorin inenkawl dan tur engtinnge a sawi?""Inenkawl vak ngaihna pawh a awm lo. Naktuka kal leh turin min ti a, Damdawi chawhte a la ngai a." Rilru hah hmel tak hian a ti a."Chuti chu heta awm reng pawhin awmzia a neilo tihna a ni maw?""A nih hmel ani. In lama inenkawl tawp a ni mai."Khuanu hian engvanginnge kan chungah hetiang harsatna hi min thlen reng bik le? Eng thilsual nge maw kan tih fahran bik ni? Hlimna hi ka tan a thleng ve thei dawn lo anih chuan keipawh hi ka tan dam hian enge awmzia a neih le?"U, ka nu kan chân tawh a, ka pa lehzel kan chân chuan engtinnge kan awm anga, nang chu hetah i awm char char zawk a, kei ve thung hi engtinnge ka awm tak ang?""Ni e, Mate, kan chunga khuanu rorel dan hi hriatthiam a har a nih hi.""Enge i lungngaih vak a, ka awm alawm, i pa chu ka enkawl pui dawn che alawm, i kiangah ka awm reng ang." Malsawma țawngkam chuan min hnem kher mai."Ni e, hei Malsawma a awm hlauh a, a lawmawm khawp mai. Ka farnu leh ka pa hi i kuta ka dah mai loh chuan kei lah helaiah hna neiin, Ka kalsan thei bawk silo.""Ni e, lo ngaihtuah reng reng suh, ka lo buaipui vek mai ang.""A hahdamthlak khawp mai. Tunah chuan ka ngaih pawh a nuam huai mai."Ka pa ka ngaihtuah chhuak thut a, kan thusawi te kha alo hriat vaih chuan a rilru a hah zual dawn si a. Ka pa chu ka va en vat a, ka hlauh ang ngeiin alo mu tawh miah lo. Khumah chuan ngawi rengin a lo țhu a, a hmelah erawh engmah a lang lo."Pa...!"Ngawi rengin min lo en a."Pa, enge i an a?""Ka țha alawm, mambawih, in thusawi kha ka lo hria a, mahse min ngaihtuah suh aw. I nu hnena ka kal vat thei tur hi ka lawm zawk.""Pa, chutiang te engatinge i sawi a? Keini hi min ngaihtuah ve lo em ni?""Ngaihtuahawm in nih loh avang tak hian alawm ka rilru a dam vek reng ni!""Pa, chutiang ringawt ani lo asin, ka nu a awm tawh bawk silova, nang lehzelin chutiang chuan sawi lul suh." Ka mittui a lo hnai nghal mai.Ka pa nen chuan kan inkuah a, "Pa nang lehzelin min kalsan chu ka ngaingam lo a ni.""I rilru a no em mai, Pachang takin awm teh," keimah zawk chu hnem ngai ka ni ta hial zawk mai. Ka pa chuan ka hnungzangah min beng thak thak a."Pa, ka tihpalh, ka rilru alo no deuh ani e, rawng ka va bawl ange," tih pah chuan ka mittui hru hul sawk sawkin ka chhuak nghal ta daih a."Ei ve nghal rawh aw, ka bawl kep dawn che ania," Malsawma hnenah chuan ka ti a."Pawi lo, tihtur dang ka nei chuang lova. Ka lo pui ang che, rawngbawl chu ka thiam ve zawng tak a nia," A ti awlsam ve mai bawk.Rawng kan bawl dun a, ka rilru tak chuan nuam ka ti phian mai. Ka pa dinhmun hi hetiang hi nilo phei se chu...!Eps - 16Tunah chuan Guwahati chhuahsanin Mizoram kan pan leh mek a, ka pa damdawi an chawh tih mai loh chu Doctor pawhin engmah a sawi tawh lo.In kan thlen meuh chuan ka pa chu a chauh hmel ngei mai. Mahse chauh hmel viau e tilo chuan a hmel a hlim phian thung. Malsawma pawh kan ruala kal ve zelin kan in thleng min thlah thlap a, chaw ei ve mai tura ka sawm erawh chuan min hnial tlat thung."Inah ka haw ve phawt ange, zanlamah lo kal leh ka tum zawk dawn nia, mahse ka tiam ngam lo ania, eng eng emaw tihfel ngai ka nei a. Ka rawn hrilh leh dawn che nia." Tih pah chuan a tlan leh ta nghal mai."Mambawih i țhianpa chu a fel hle mai, ani kha a awm lovang tih a hlauhawm alawm le." Ka pa chuan a ti ve ngial a."Ni e, a fel alawm," ka ti ve mai bawk."Ka chau deuh hlek a, ka va mu hahchawl ange," tih pah chuan room lam pana a kal hnak hnak chu ka en zui reng a, ka khawngaih kher mai.Keipawh kan thawmhnaw ken te phawrhin a bal chu suk nghal turin Machine ah ka dah a. Ka inbual zawha tleuh theih turin ka nuai tir nghal.Ka inbual zawh chuan ka thawmhnaw suksa pawh chu ka tleuh nghal zung zung a, tihtur a tamin chauh pawh a sawi theih loh a ni.Rawng ka bawl leh vat vat a, ka pa ka va en leh zeuh zeuh tih loh chu ka buai char char."Pa, chaw i ei peih ve angem?" A lo harh chuan ka zawt a. A peih loh thua min chhan hnu chuan keimahin ka ei a, mahnia chaw ei chu eitui a har kher mai. Kâ ah a lut hleithei lo a ni e.Mi te anga awmpui neih ve ka châk kher mai. Keimah chauhva ka pa enkawl chu a thlaphan awm bawk si. Ka hnaa ka kal hunah engtinnge ka pa ka enkawl tak ang le? Awmpui nula fel tak ka zawn mai loh chuan sum lamin ka pa ka enkawl thei dawn chuang silo, ka rilru a van buai tak!Ka roomah lutin ka phone ka la a, Mahmingi call tawp mai ang, ani chuan a hre leh mai ang."Hello, Mahming, chaw i ei tawh em? Zanin chu min lo riahpui la, zawh duh che ka nei ania.""Ei tawh e, min zawh tur pawh ka hre mai," tih pah chuan a rawn nui har har a. Eng chu a hria ni maw?"Eng chu maw? A zawh pawh ka la zawt hauh silo che a!" Ka ti let hau."Aw..aw...ka rawn kal dawn nia," la nui har har chung hian a ti leh puat a. He nu tak hi chu, țha taka biak theih reng reng loh mai. Phone ka dah hmak a, A rawn kal tho ang.Eng chu nge maw a ngaihtuah ni? 'Malsawma pawh chu ka lo phone ang che a ti si a' tia ka lo ngaihtuah mek lai chuan a rawn call ta a, a rawn kal theih dawn loh thu sawiin thupha a rawn chawi luam, Ka rin ang chiah. Mahse pawi chuang lo, Mahmingi alo riak dawn tho alawm le.Reivaklo hnuah chuan kawngka kik ri ka hre ta a, Mahmingi a ni tawh ngei ang, ka va hawn chuan alo ni reng bawk a. Ani lah chu a rawn ri chûl nghal mai."Nanglah hi i ri chul zel mai, ka pa a mu ania,""Oh, ka tihpalh, ka lo theihnghilh leh țhin alawm mawle. Sim hi a har ve em anih hi, min hrethiam teh," tih pah chuan a nui ar ar a. A nun hi awh chang ka ngah țhin. Mahse a thawveng leh lutuk hi nin thut chang pawh ka nei tho bawk."Tikhan i lo țhu lawk dawn nge ka pa i lo en ve dawn?""Aw, ka lo kal ve ange."Ka pa chu a lo la mutui hle mai a, tihharh hlau tak chuan kan chhuak leh țhem țhem a."Tirawh, ka roomah lut nghal mai ang, zawh tur che ka nei ka tih kha." Kan inzui lut nghal a."Enge min zawh tur chu ni a, riah meuh a ngaih phahna chu?""Chutiang em ema pawimawh pawh a ni chuang lo. Ka sawm ve hrim hrim che. Mahnia awm chu a thlaphan awm deuh em alawm. Chulovah hna kal ka ngaih hunah ka pa ka enkawl hman dawn silova, awmpui fel tak min lo zawnpui teh.""Ka va hre mai lo e aw...hmm..naktukah ka lo zawnpui dawn che nia. A reng rengah i va lo inzep thei ve a?""Eng chu maw?" Ka ti let ha a."A hre lo der vel. Guwahati ah pawh a rawn zui che kha." Ka hrethiam chiah."Malsawma kha maw? Ani te chu school kan kal lai ațang tawha ka țhian alawm a nih.""Țhian chauh ani lo deuh a niang, i kalna i hrilh lo em ni? Min zawt dilchhut lutuk a, ka ngaih a țha lo hial zawk mawle. A mangan hmel lutuk a, ka hrilh tawp mai anih kha.""A lo kal alawm, a țangkai khawp mai." Ka ti mai a."Nah, chu ringawt chu! Ka awih lo mange.""Enge i awih loh?" Ka ti ve tlat."Nia, ka awih lo ani tawp mai.""Naktuk chuan lo zawng tak tak teh aw, ka mamawh teh mai ania," thudang ka sawi san ta daih a."Aw aw, nangin i tih te chuan ka hnial ngam nang mawle!""Vel che hian a! Mu ang."A tuk zing nichhuak eng mawi tak maiin ka hmai a rawn chhun chuan ka harh chauhva, ka lo mutui hle aniang, harh miah lova kan muthilh chu le! Mahmingi pawh a lo la muhil barh barh mai.Ka pa kha! Ka hrechhuak zawk a, ka tho vat a, inphihfai pawh ka ngaihsak hman lo, room ațang chuan ka tlanchhuak vat a, ka va en chu ka thaw huai mai. Engtik emaw lai ațang khan ka pa hian ka hriatloh laiin min kalsan mai ang tih hlauhna ka nei tawh a, Ka veng ru deuh reng mai a ni."Pa, i lo harh tawh ani maw? I mutui em? Damdawi ei phawt ang che aw.""Ka mutui khawp mai, nizan ka mangah i nu ka lo hmu a, ka ngai khawp mai," lunglen hmel zeta a tih chuan ka ngaih a țha lo khawp mai a. Mahse engmah ka sawi lem lo."Pa, kan intifai lawk anga, thingpui kan in dawn nia aw.""Awle." Lunglen hmel zet hian tukverh lam a hawi vang vang a, ka lam pawh a rawn ngaihsak tawh lo. Mittui tling pam chung hian ka chhuahsan ta ringawt.Ka inphihfai sawk sawk a, thingpui ka lum mek lai chuan Mahmingi pawh alo tho ve ta a."Awi leh, i tho tawh a ni maw? Tinge min kaihthawh lohva, ka van mutui em em vele, tiang reng renga muttui hi ka la nei ngai miah lo," a rawn ti nghal bawrh bawrh a."Thingpui i duh ve em?""Umm, duh ve mai ang, kha, tinge i hmel a dik miah lo a nia, i pa engtinnge a awm a?""Ka ngaih a țha thei lo, nizan amangah ka nu a hmuh thu a sawi a, lunglen hmel tawkin tukverh lam hawi reng a, min kalsan a tum hnai a nih ka ring tlat.""Chuti anih chuan en ngun deuh a ngai dawn anih chu. Vawiin chu ka awmpui nileng mai dawn che emaw ni le? Chawlh ka dil ve mai ang.""I thei dawn em ni? Ka lawm viau ang, ka rilru a nuam thei thlawt lo.""Kha, thingpui hi in phawt rawh, ka pa ka va pe ve ange,"Thingpui ka pa pe tura ka va luh chuan ka chhuahsan lai ang chiah khan a lo la awm a, van lam a lo la thlir char char mai."Pa, thingpui ka lo keng asin, in phawt la," Ka țawng ri ah chuan a lo hawi ta hram a."Lo dah la, hetah hian lo țhu ve teh." A mutna bula țhutthlengah chuan ka țhu nghal a."Mambawih, ka kalsan hunah che chuan lo lungngai reng reng suh ang che aw, i nu ka hmu vat tur hi ka lawm asin.""Pa, engemaw i sawi le? Khawngaihin chutiang lam chu sawi tawh suh aw, tunah khan nâ i nei em?""Nâ ka nei tawh miah lo asin, a mak lutuk, ka dam vek tawh. I nu ka hmuh dawn tawh vang ni ngei ang." A tih leh meuh chuan mittui tla chungin ka tlanchhuak tawp ringawt.Mahmingi chuan ka awmdanah a lo hrethiam nghal a ni ngei ang, phone in a pa te a be nghal vat a, kan hnathawhna lam a be bawk a."Chawlh ka dil chu min phalsak e, vawiin chu inah ka awmpui thei che. Ka pa te pawh ka be tawh a, anni pawh an rawn kal ang." A tih chuan ka thla a muang huai huai mai."Ka van lawm tak em! Awm lo ta la, engtinnge ka awm ang le? Aw, taka , ka u kan hrilh ve ange," tih pah chuan ka phone chu la in, ka u ka hrilh nghal a, a ni pawhin chawlh a dil theih thu a rawn sawi chuan ka lawm kher mai."U, ka thlaphang riau a nia aw, rawn haw vat vat teh.""Lo intipachang hram hram teh, vawiin tlai flight ah ka rawn chhuak dawn." A tih chuan ka lawm lutuk chu ka zuang lo chauh. Mahni chauha hmachhawn chu ka zuam hlawl lo ani."Rawng ka lo bawl anga, nangin i pa lo awmpui ta che, ka pa te pawh an lo thleng țep tawh ang." Mahmingin a tih chuan hnial lovin ka pa bulah chuan ka kal nghal a. Ka pa chu a mutnaah chuan a lo mu fel diam tawh a. A hmelah chuan hahdam hmel ka hmu nangin a hmel a dik tlat lo."Mahming, lo kal vat teh." Ka ko tuar a, a rawn tlan nghal vat."Enge ni ta?" Ka pa hmel a hmuh chuan a mar a han khawih a, a lo awm tawh miah lo chu niin; ka țap nghal hawm hawm a."Pa, heti mai hian min kalsan dawn tih hria ila chuan i bulah ka awm reng tur ania, ka lo hre lo a ni." Ka mittui ka dang thei lo. Mahmingin phone a biak ngai zawng zawng a be vek a, engmah ka rilruah a lang tawh lo.Mahmingi pa te pawh an rawn thleng ve nghal a, "A va rang ve mawle," an rawn ti lut a. A hria apiang an rawn tlan khawm nghal sap sap hlawm a. In chhung an singsa nghal sung sung bawk."Malsawma ka hrilh dawn em?" Ka beng bulah a rawn ti sa sa a."Ka hre lo, i duh duh kha hrilh mai teh, awm i tih ang ang kha a ni mai, engmah ka ngaihtuah thei lo."Phone la in a chhuahpui nghal a, reiloteah a rawn lut leh nghal mai. Engmah sawi lo chuan ka bulah a rawn țhu veleh nghal mai bawk a. Zinglama boral anih avangin lumen a theih lohva, mahse YMA te min hriatthiamna avangin min lumen sak dawn a ni. Ka u pawh ka pa hmel a rawn hmu ve hman tur chu ka lawm kher mai.Vawihnih lai mai chhiat kan tawk ta chu a ni a, ka nu boral ai mah pawh khan mi an tam zawk emaw tih mai tur a ni.Ka pa boral chu Remsangpuia pawh a rawn lang ve leh ta hlawl mai. A hmel ka hmuh chuan huatna pawh ka nei tawh lo, ka pa vanga lo kal a nih ve avangin a rawn la ngaipawimawh ve chu a lawmawm hranpa ve reng reng. Pasal ka nei tawh a ni tih hi Mahmingi'n a hre miah lova, hriattir kher tumna pawh ka nei lo. Pasalah ka lo nei tawh a ni tih phei chu hre lo se ka duh mah zawk.Malsawma pawh a rawn lang ve a, makpa a ni ta emaw tih mai tur hian tihtur awm apiang chu a lo ti ve zung zung mai a. Ka u hruaina tur pawh motor alo ngaihtuah fel diam mai."Remsangpuia hi i hmelhriat em?" Ka beng bula Mahmingin a rawn tih chuan ka phu zawk a.Ka lu ka bu nghat ringawt."A nupui nen an ințhen a, tuna a nupui hian a fa a pai avangin a luahlan an ti asin, mahse tunah hian an ințhen leh ani awm e," a tih chuan makti zetin Mahmingi chu ka en a.Mahmingi thusawi chu mak ka ti kher mai. An inngeih viau emaw ka lo ti a, engvang nge maw ni le? Á, ka lo ngaihtuah tur a awm love.Ka u lo thleng chu ka lo kuah vat a, ka lo țahkhum nghal tawng mai. Ka u nen hian inkawm ngeih tak ni mahila, kan awmna a inhlat em avangin duh angin kan inpawh thei lo zawk a ni. A hmelah chuan a inthiamlo hle tih ka hmu thei."Mate, ka tihpalh a ni. Ka nu leh pa pawh ngaihsak hman lo khawpin ka hna ka lo ngaipawimawh zawk a, ka thiamloh vek a ni." A mittui a tla ve zawih zawih.Ka pa hmel a hmuh phei chuan a rilru na lutuk chu a indawm kun ngar mai a, Ka khawngaih kher mai. Ka u kuah pah chuan ka țap ngawih ngawih a, inhnem tur chuang kan awm lo.Ka pa kan vuiliam hnu ah pawh inleng neuh neuh kan la nei ve zel a, a khawharthlak rih loh khawp mai. Mahse inlengten min ținsan hun tur hi ka huphurh ngawih ngawih.Ka u pawh a la chhukthla lova, chawlh a dil belh hial a, Mahmingi pawhin min la awmpui ve zel bawk. Ka u nen an inhmuh phata an inmelh dan ațangin an induh tawn ani tih ka hre nghal mai, an pahnih chuan inbe chak si, ngam chiah silo hian an lai dun em em a, ka nuih an ti za dun kher mai."U, Mahmingi hi i duhzawng a ni tiraw?" Phawk hra hian min melh a."Mate, eng thu nge maw i sawi le?"A hre lo der vel nia, hepa tak hi chu!Eps - 17"Hey! Mut duh nu, tho tawh teh."Ka meng siar siar a, ka pa boral ațanga ka muttui ber zan ala ni hial ang chu. Sana kan en chu, dar riat a lo ri țep tawh."Awi leh, thawh ka hai a ni maw?" Ni chhuak uar chu ka en a, ka room parda lah chu an lo hlim vek tawh lehnghal. Tho vatin ka intifai sawk sawk a, choka ka pan nghal a, Mahmingi chuan rawng alo bawl zo diam tawh a, ka pa boral ațang hian min la awmpui ta char char a, ka u lah a hna avangin a chhukthla leh tawh bawk si, mahni chauhva ka awm tur chu min ngaihtuah ve si a, ka u nen an lo inngaizawng ta bawk nen, ka fiam deuh reng mai a ni."Hi! Mo thar rawngbawl chu a tui viau ka ring a ni." Ka han ti a."Mo thar ka la ni lo ve aw, ka nih hunah chuan i chaklo viau ang mawle," nui har har chung hian a ti a."Tehngawt a, ka mo atan ka duh ringawt dawn che ami?" Min chum awk a."Min duh reng kha aw...Oh, taka, khalaiah khan tuemaw ni'n thilpek niawm tak a rawn dah a, a kal leh nghal daih a. I ta tur a ni awm e.""Eng thil nge ni a?""Hre bik nang le! En mai rawh."Ka en chuan Remsangpuia lo thawn a ni tih ka hre mai. Hepa hi tinge a la beidawn duh miah loh le? Fapa pawh a nei tawh hial si a."Tu rawn thawn nge a?" Tih pah chuan Mahmingi chuan lehkha chu min chhuhsak nghal a, makti zetin min en a."Remsangpuia maw? Ani nen hian eng inkungkaihna nge in lo neih tawh a?""Ka pasal hlui a nia lawm,""Maw...!? I ti tak tak em?""Aw,""Khai leh! A van mak ve le. I bula a chanchin ka sawi lai te khan i lo hre vek tawh si a." Min dem hmel lek leka min en pah chuan a ti a."Sawi nuam ka ti lo alawm, tuman ka chanchin hi hre lo se ka duh a ni. Theihnghilh vek ka duh a, nupui a nei tawh chung pawha min la rawn tibuai chhen pawh hi ka ning tawh teh asin.""Min han hrilh vek teh," a ti a. Ka unaunu tur hial a ka ngaih a nih tawh avangin engmah zep awm lovin ka hrilh ta vek a."A van ngam zawk ve a. Anih Malsawman eng angin nge a ngaih?""Ani chu tinge i rawn sawi chhuah kher a, a bialnu bulah a awm leh tawh ang chu!"Mahmingi chu a țhu hnawk a, min kuah pahin, "I van lo tuar nasa em em ve mawle, tun ațang chuan ka unaunu i ni tawh alawm, ka pui zel tawh ang che.""Ka lawm e, tunah chuan ka u nen hian ka neihchhun in ni tawh a ni. Oh, ka ril a țam tawh khawp mai, hna a kal kan ngaih kha, chaw ei tawh ang."Chaw ei kham chuan kan insiam a, infiam pah reng chung chuan kan chhuak dun ta a. Mahmingi scooty bawk chuan kan inphur chhuak leh ta a.Hna kan thawk leh mawp mawp a, chhun pawh chawl hman lo khawpin ka buai nghal char char.Dar hnih rik hma lawkin Mahmingin chhun chawl turin min lo sawm a, kan thawhna bul lawkah Restaurant a awm a, chumi pan chuan kan kal dun ta a. Dawhkan pakhat kan kil dun a, eitur kan lam hnu chuan titi paha kan ei mawlh mawlh lai chuan, "Ka lo zawm ve che u in phal em?" Rawn titu chu kan en vat a."E he! Sammy, nang elo? Engtikah nge i lo haw a?" Mahmingin a tih chul chuan ka lo en dun ringawt."Nia, keimah ngei ka nih hi. I țhiannu chu min hmelhriattir dawn nange a?""Oh, tihpalh lutuk. Sammy, hei hi ka țhiannu Zorinsangi a nia, chuan Zorin, hei hi Samuela ania, 'Sammy' tiin kan ko țhin a, i duh leh Sammy tih chuan i ko ve mai dawn nia.""A nih tak chu, i hmelțha kher mai," tih pah chuan țhutna awlah chuan a țhu ve nghal a."Enge i ei ve dawn? Kan ei mawlh mawlh tawh asin." Mahmingi bawk chuan a ti leh a. Kei chuan ka la be lo, vawikhat hmelhmuhnaah mi ka be thiam mang tlat țhin lo hian țhian pawh min neih tir theih loh phah fo a ni.Ka va melh leh zauh țhin a, ani lah chuan min lo en reng chu niin; kan mit a intawng leh zauh țhin a, rang tawkin ka mit ka lasawn leh vat. Ani lah chu a nui suk ringawt."Khawiah nge i thawh zel tak a?" Mahmingi bawk chuan a zawt leh a."Helai lawka Hotelah hian vawiin ațangin ka rawn thawk țan alawm, hmelhriat lah ka nei silova, ka hmu che u chu ka lawm khawp mai," tih pah chuan min rawn melh zauh va."Kan thawhnaah hian maw? A van tihchi dawn ve a, hmelhriat dang han awm veleh chu a nuam phan dawn anih chu," Mahmingi chu a nui har har a."Deuh vel a che. Nula pahnih bula awm chu ka luck ve hmel deuh alawm le! Tlangval dang pawi te kan sawi em lawng chu maw!" Min rawn en deuh kher lehnghal."Chutiang an awm hauh lo mai, nula dang pawi kan sawi loh hram ka beisei," ka ti ve ngat."Wow! Kan inang anih chu! Mahming, min zawnpui tur te hi i hre lo maw? Entirnan, i țhiannu ang te hi!" Mit min siai pah zauh a."Kan kal dawn ami?" Ka ti ta daih a."Aw, kan kal rual ang chu mawle! Chutia in kalsan bik te chu; hawihhawm loh thlak deuh lo maw?" A la nui zui."I duh leh lo kal ve mai rawh," tih pah chuan ka ding nghal a. Ka din veleh chuan an pahnihin an rawn ding ve vat, kan inzui chhuak ta țham țham a.Restaurant ațanga kan chhuah hnu chuan mahni hna țheuh thawk leh turin kan ințhen ta hlawm a. Sammy chungchang chu ka ngaihtuah chhunzawm a, Nula lamah pawh a tlatlum hle ang tih ka ring a ni.Sammy lam chu dahțha in, hna ka thawk ta mawlh mawlh a, vawiina ka zawh hman loh chuan naktukah a tam leh sawt dawn si a, chuvangin thildangin ka rilru a luah hman lo a ni.Tlai ban a lo hun chuan ka zo thei hram a, ka inrem fel nghal zel loh chuan keima hna leh tur tho a ni si a, ka tihfel vek hnu chuan ka hnung kham lutuk chu ka zi ar ar a."Haw i hman tawh em ni?" Mahmingin a rawn tih chuan, "Aw, kal ila," ka ti nghal zat.Chhuah pah chuan, "Sammy khan a duh hmel tlat che in ka hria, be țha deuh la," Mahmingi chuan a rawn ti sap a."Awihawm loh a nih chu, keini ang te zawng engatanmah min ti lovang e, kan phu lo em mai.""Ka ti tak tak, vawiina a melh dan che kha ka hmu ve reng alawm, bialpa pawh i neih theih loh hi.""Bialpa nei rual pawh ka nih tawh loh hi, ti teh, kal vat teh ang, tuilum sa ver vawra inbual ka chak tawh teh ania, vawiin ka hna chu a hautak teh ania aw, ka hnung kham zia chu a!" Ka tihsan daih."Ok, boss! Scooty ka lak chhungin tikhan lo ding rawh."Chutia Mahmingi ka lo nghah lai chuan, "Haw i tum ami? Tu nen nge in haw dawn?" Rawn titu aw ah chuan ka hawi vat a. Sammy chuan a car nalh fahran mai khalh chung chuan min lo en reng mai alo ni a."Aw, Mahmingi nen haw kan lo tum chiah a, scooty a la ka lo nghak lawk a nih hi." Ka ti ve mai a."Ka lo thlah zawk dawn che em ni?""A ngai lo, ka lawm thove, tunlai chu kan inah min awmpui rih a, kan haw dun thei nghal zel bawk a," ka tih lai tak chuan Mahmingi pawh alo thleng ve nghal mai bawk."Anih kan kalsan phawt mai ang che, mangțha le!" Ti leh in kan tlanchhuak ta nghal a."Kha, a hmuh tawh che chuan be lo chein a chhuah theih miah loh kha." Nui hawk hawk chunga a tih chuan a hnungah ka chum awk a."Sawi tawh teh suh, kei aia țha a hmu hnem dawn em mai a!""I bialpa neih ve te lah hi an laktlak loh thei em mai. A dang neih hmiah chi," a ti hmak hmak a, ka lo nuih ringawt."Nui suh, ka thin an tirim teh ania, tikhan an duh hunah an rawn tibuai leh che anga, zah hre lo lutuk hlawm mai. Malsawma reng reng pawh hi ka haw ngawt mai." Scooty khalh chung chuan a ang hmarh hmarh a."Duhtawk teh, kan accident phah ange aw...!" Ka han ti chiah mai chu a ngawi chiang teh e. Ka la nuih zui tlawrh tlawrh lehnghal."Hmeli, in kan thlen hunah i chaklo viau ang aw..!" A han ti chu kan nui dun ta nghek nghek a. Kawnga motor lo tlan ve te chuan maktih hmel taka min thlir zui chu ka hmu ru reng na in, ka ngaipawimawh peih vel lo. Enge, kan hlim vangin kan nuih a za a ni ve mai a!Kan inkawt kan thlen thleng chuan kan la nui dun char char mai. He nu bula awm hi chuan hah te hi a dam sawng sawng thei alawm le!Kan in kawta mipa ding ka hmuh chuan ka nuilai chu ka tawp chiang kher mai. Enge a duh a, ala rawn tih cheu dawn ni?"Enge i duh a, i rawn tih dawn?" Mahmingi chuan a ti hmak a."Nang ni lovin, i țhiannu hi ania ka biak duh.""I zaktheilo kher mai, i duh hunah i rawn bia anga, i duh hunah hmeichhe dang i kawp leh anga maw? Chutiang a tihkual mai mai theiah i ngai em ni a?" Mahmingi chuan a ti let leh khar khar a. Min thinrimpui viau pawh hi a awm hle a ni. A sawi pawh a dik chiah."Ni e, Mahmingi sawi kha a dik chiah, nang nen hian sawi dun tur kan nei lova, kan nei ngai hek lovang. Chuvangin heta i lo kal hi i tisual ani, haw leh mai rawh." Ka ti ve hmak a."Sawi dun tur kan nei lova i ngai anih chuan i hresual a nih dawn chu. Sawi dun tur tam tak kan nei zawk niin ka hria asin.""Malsawm, khawngaihin min kalsan rawh. Ka ring em em che a, ka duh ve hman hial tawh che a. Mahse nang hian engkim i tikhawlo vek a ni. Chuvangin ka rilru hi rawn tihnat belh tawh suh. Bum nih hrehawmzia ila hre ve lo a nih ka ring. Kei chuan ka duhtawk e. Ka ring leh thei tawh bawk lovang che." Ti hmak chungin inchhungah ka luhsan ta daih a.Ka roomah tlanlut nghalin ka khumah ka bawk thlawp a, ka mittui a tla nghal zawih zawih. Malsawma ka lo hmangaih hmanzia ka hriatchhuah lehna chuan min tina takzet a ni.Mipa hi ka damchhung hian ka ring leh thei tawh lo hial ang chu! Bum a han awm reng bik mai chu ka zak lutuk hi ka sa vekin ka hria. A hmasain Remsangpuia bumin ka awm phawt a, tunah Malsawma a ni leh a. Ka dinhmun chhiat vang hian bum ka awl pawh a ni ange.Tun ațang chuan ka hma hun chiah ka ngaihtuah anga, mipa reng reng ngaihzawng lam hawiin ka inhnaihtir tawh lovang. Ka ngaihdan chuan mipa zawng zawng an inang vek.Mahmingi ka bula a lo kal lai pawh ka lo hre hauh lova, "I rilru tina duh reng reng suh. I hmangaih tih ka hria alawm, tihdan ka hria ania, rawng bawl phawt ila ka hrilh ang che." A tih chuan ka tho a, ka inphihfai thuai thuai a, Mahmingi chu ka zui chhuak ve nghal mai a.Kan pahnih chuan rawng kan bawl dun a, min tihhlim a tum bawk a, a hlawhtling kher mai. Ka nui leh bawk bawk thei tawh."Sammy hi kawp mai rawh, Malsawma thik tur hrim hrim pawhin, a ngeiawm thiam bawk a.""Tehngawt a, Chutiang ka duh teuh lo mai. Midang rilru tihnat ka duh hleinem, kan bum chuan anmahni ang kan ni ve dawn asin.""Anih, kawp tak tak la, a la hrilh thuai che ka beisei. A melh danah che khan a duh che tih ka hai lo ania aw, mi â pawhin an hai lovang.""I uar mah mah. Chutiang em em a awihawm loh lutuk ringawt.""Ila hre mai dawn alawm, lo ngai reng mah rawh. A rei tawh miah lovang."Eps - 18Kan inkawta Malsawma a rawn lan ațang chuan nithum a liam leh tawh a, khami hnu ațang khan ka hmu leh zeuh zeuh tih loh chu ka hmu khatin a chanchin pawh ka ngaihven lo khawp mai.Mahmingi leh ka u pawh an la inkawp tluang ve zel a. Ka u lah zeilo chi lo ni nen, hahthlak veleh chhawng khawp mai."U, hetia awm reng hi in tum em ni a? Mahmingi hi nupuiah nei vat la, tihian kan pahnihin kan awm dun mai dawn alawm, innei mang silova, hetia ka țhiannu anih vanga kan ina awm reng chu a tan pawh a a mawi loh mai bakah a pa te mitmei pawh ven a ngai ve bawk asin," tiin ka hrilhfiah ve ngial a, hrethiam chhunzawm ve em ang chu."Ni e, i ti dik khawp mai. Ka lo ngaihtuah ve a, tunah hian chawlh ka dil mek a, ka rawn haw veleh palai ka tir nghal ange, mahse lo hrilh miah suh ang che. Ka lo haw hunah kan hrilh chauh dawn nia." A ti ve ta. Ka hlim ngang mai."I tițha lutuk. U, lo haw thuai thuai la, surprise ka chak teh ania aw." Phone dah pahin ka hlim lutuk chu ka nui reng mai."Enge maw i hriat a, i nuih reng le? Thil engemaw a awm em ni?" Hna a kan kal pah chuan Mahmingi chuan min zawt ta reng bawk."A, engmah a ni lo, ka hlim ve satliah a nih hi." Ka insum deuh loh chuan min zawt chhuak palh ange, ka hrilh chak nasa mai si a."Hello! Nula te u, in va hma ve a," Mahmingi nen chuan hotel chhung kan lut dawn chiah tih chuan Sammy chuan min rawn um pha a."Kha, nang pawh i thleng hma ve tho alawm, kan thleng rual reng anih hi," Mahmingin a tih chuan ka lo nui sak. Ngeiawm chiangkuang thiam ania."A reng thu ah vawiin chu i va nalh ve a, nidang nen inang lo tlat. Engemaw nalh deuh chhan te i nei a ni lo maw?" Mahmingi bawk chuan a ti leh a, min rawn signal zauh lehnghal. He nu tak hi chu ka khawng dawn emaw ni!"Enge maw i hriat le?" Sammy tih ngaihna hre lo chu kan nuih ta chiam a."In van chak dawn lo e aw, vawiin chhun chu ka treat ang che u ka ti ania, mahse midang ka treat mai ang, ngeiawm thiam lutuk mai." A kal nghal nul nul. Mahmingi lah chuan ala nuih zui tlawrh tlawrh a."A lai hmel kha i lo hmu em? A zak ve ngei nia mawle, nuihzatthlak zawk hian.""I ti lutuk deuh lo maw?" Ka lo ti vat."Teuh nang, kan infiam nasa thei lutuk alawm, ala zakzum ve reng a nih dawn kha." A ti awlsam leh mai. Thawveng thei bawk sia."Hna țan tawh ang, hna a tam leh dawn si a, kan zo hman lo palh ange." mahni hna ve ve thawk turin kan ințhen nghal.Chawhma chhung chu chawl miah lovin ka thawk leh ngar ngar a. Dar engzatnge ri tawh tih lam pawh ka lo ngaihtuah miah lo. Masangi he hotel neitu kha Delhi ah a awm daih avangin ka hmu tawh ngai lova, a aiawh turin a cousin a rawn dah tih chu ka hria a, ka la hmu hauh lo. Ka ngai khawp mai, amah vanga he hna hi hmu ka ni si a, min duhsakin kawng engkima min puitu a ni ziah lehnghal. A tana theihtawp chhuah hi ka tihtur ah ka ngai ve hmiah tawh.Chhun chawlh hmang tura Mahmingi nen kan inzui chhuah pah chuan, "Țhiannu, naktuk zanah hian Hotela thawk zawng zawng tan party a awm dawn a, Delhi ațangin kan pi ber pawh a rawn kal dawn ani awm e, helam a enkawl hman vak loh avangin a aiawhtu tur a cousin a rawn dah a, tunge niang le, i hre tawh em?""Hre nang, party maw? Kan kal ve ngei a ngai awm si a, ka van peih lo tak!" Ka ti niah niah a."Kei chu ka chak tawh teh ania, hetiang party a ka kal lohna rei tawh zia hi, kan kal ngei ang chu mawle, kan thawhna a ni bawk si a.""Nangni pahnih kha min lo nghak ve teh u.""Mipa ve si, hmeichhia zui duam duam mai," ka lo ti hlak a."Engmaw i sawi kha, han sawi țha leh teh." A lo hre pha reng chu niin;"Engmah ka sawi lo." Ka inthiam lo leh deuh."I sawi ngei kha le! Hmeichhia ka zui duam duam ngai lo aw. Nangni pahnih chauh hi ka hmeichhe zui awmchhun in ni; Wow, min ngaithei vak lo tih ka lo hre lova, ka tihpalh a ni e." Kal mai a tum chu ka inthiam lo lutuk chuan, "Ka tihpalh, kan bula awm hi i ning ang tih ka hlauh vang zawk ania," ka ti ta ringawt."Anih chuan ka ngaidam mai ang che. Hmeichhe zui duam duamah kha chuan min puh tawh suh. Hmeichhe ho hian min zui duam duam zawk ania.""Kei chu ka tel veloh ka beisei." Ka lo ti nghat."I telna turin ka bei anga a ni mai alawm, ka duhtawh nei tur chuan ka bei țang țang zel ania, ka beidawng ve mai mai ngai lo bawk." Ka ngawi ta kar mai."Oh! Kal ang u, hna kan ngah si a, naktuk zan party na tur buaipui a ngai leh dawn bawk nen, tihtur tam lutuk a nia," Mahmingin a lo tih chuan ka thaw huai mai. Restaurant lam pan chuan kan inzui ta hlawm a.Kan luh chuan an lo tam ang reng khawp mai. Mahse dawhkan pakhat ruak alo la awm hlauh. Vanneihthlak hian!Mahmingi nen kan țhu dun a, Sammy amahin a țhu thung. Eitur kan lam a, kan nghah lai chuan kan bul lawkah hian thawm ri hak kan hriat chuan ka hawi vat a. Malsawma nen kan mit a intawng siah mai. Hmeichhe pakhat hmelțha zet leh piannalh fahran mai hi kan chawlhnaah chuan an rawn lut ve hi alo ni a. Chunu hmelțha zet chu hmuh tawhna ka nei tlatin ka hria a, ka ngaihtuah ngial pawhin ka hrechhuak mai thei lo.Ka hawi let vat a, ka sen awp awpin ka hria. Ka țhian te pahnihin ka hmel an hmu lo hlauh chu ka lawm kher mai."Chu pa mai mai chuh," Mahmingi chuan a ti sap a. Sammy chuan a hre pha nge phalo ka hre lo.Engmh enghelh leh vei nei lo ang hmiah hian kan eitur chah alo thlen chuan ka ei nghal mawlh mawlh a. Ka thinlung chhungril erawh chu a so bulh bulhin ka hria. Mahse ka rilru puthmang hi tuman an hre tur a ni lo."A hmelțha kher mai. Mizo a ni lo emaw nile?" Zawh bik pawh neilo hian Mahmingi chuan a ti sap a."Ni e, a hmelțha khawp mai, mahse ka mitah chuan Zorini hi a țha daih zawk." Ka melh vat a, ka thil ei ka hak lo chauh a ni."Engmaw i sawi kha?" Ka ti bah nak a."Ani ai sawn ka mitah chuan i țha daih zawk." Mitmeng fiah kak hian min melh ran a, a thutak kher mai lehnghal."I fiamthu a ni lo maw?""Fiamthu sawi hmel ka pu em ni?""Ka awm ve lai em em hi chuan insum teh u," Mahmingin a rawn tih chuan ka thaw huai mai."Mahming, i țhiannu hi lo hrilh ve teh aw,""Nangman hrilh la ti nia.""Ka hrilh reng alawm, a hrethiam duh tlat lo a nih hi.""Min lo hrethiam lawk thei em?" Kan hawi vat hlawm. Malsawma chuan min lo en run a."Enge i duh a? Thil kan la ei laklawh hi." Ka țhiani tak hi chu a va han țangkai țhin tak em!"Ka be lawk duh che. Min lo zui dawn nge hetah hian kan sawi i duh zawk?" Min en ngar chung hian a ti a."Tunge i nih a? Khatia i rawn tih ngawt a?" Sammy chuan alo ti ve vat."Tunge ka nih i tan hriat a țangkai lo. Lo inrawlh ve turin tunge i nih zawk a?" A ti khur khur a."I duhtawk thei angem? Nang nen hian inbiak ka duh lo ka tih tawh kha, khawngaihin min kalsan rawh." Malsawma lam hawi chuan ka ti a. Restaurant chhunga awm te lah chuan min thlir țhap lehnghal a, ka zak lutuk chu ka tlanchhuak nghal dawr dawr mai.Malsawma Pov*Ka awmdan pawh hi ka hrethiam tawh lo. Ka company hum nan ka pa in, nupui nei turin min ti a, mahse ka hmangaih ber chu Zorini a ni si. Min hua se ka duh avangin nula dang a hmuh laiin ka kawp a, mahse ka thlen thui pui ngai lo. Ka thei thlawt lo a ni.An inkawta ka lo nghah pawhin min biak chu sawiloh, phatsantuah min ngaiin, ka dinhmun hi a hrethiam lo a ni. Hrilhfiahna hun min pek a tum lo kher mai. Hmeichhe luhlul ve tak leh lu zo veh vawh a nihna a lang chiang khawp mai.Restaurant chhunga Milly nena kan luh khan ka hmuh ka beisei hauh lo. Milly kha ka pa in ka nupui tura a hual a ni a, Delhi ah awm in a pa hian company lian tak tak a nei thluah a, ka pa hian an hausakna zar zo a tum tlat hi ka hrethiam thei lo a ni. Milly pa hi hnamdang a ni a, ka mizo rilruah chuan mizo dik tak lo chu nupuia neih ka tum bau lo.Milly hi ngaihzawng angin ka en lova, amah pawhin a hre nghe nghe. Ani pawhin hmangaih deuh anei ve thova, a pa bum nan inkawp angin kan lang mai mai a ni. Kan awmna Mizoram hmuh ve a chak avangin vawiin khan alo thleng a, helai hotel hi hotel țha ber a an sawi anih avangin, a thlenna tur ka buaipui a, a tuka kir leh mai a tum avangin ka buaipui lo thei lo a ni.Restaurant a Zorini ka hmuh khan helaiah hian a thawk ani tih ka hre chiah a. A hma khan a thawhna zawh nachang reng ka hre lo a ni. A kianga mipa țhu lah chuan a duh hmel kher mai lehnghal a, a țhiannu Mahmingi pawh chuan a duhpui hmel hle bawk. An pathum chuan an hlim hle a ni tih ka hmu mai. Ka thinzawnah hian engemaw min vit sawktu awm ang nai hian a na vawt vawt mai. Milly kal hnu chuan ka pan vat a, ka duh aiin ka vin phah lehnghal.Min biak duh tawh loh thu a sawi khan ka na zawk a, ka thin a rim bawk. A bula mipa țhu lah chuan a thlavang hauh alo tum ve khanglang. Zorini'n duhtawk tur leh amah kalsan tura min tih pah chuan a tlanchhuak nghal daih.A țhiante pahnih chuan rum tawka min en chung hian an umzui ve nghal vat a, Restaurant chhunga awm ve te chuan min en duh hle ani tih ka hmu chiah. Ka tihzah zia ka hriatchhuah chuan ka inthiamlo ngei mai. Zanah an inah kalin thupha ka chawi tawh mai aniang chu. Kei hi Zorini chân mai thei dinhmunah ka ding tlat.End of Malsawma Pov*Restaurant ațanga ka chhuak chu ka kalna pawh ngaihtuah lo chuan ka kal hlawk hlawk a. Mi awmlohna hmun remchang zet mai ka hmuh chuan ka țhu nghal tawp. Malsawma min tihzahzia leh min tih mualpho zia ka hmuhin Ka thinrimin ka zak ngawih ngawih a, khatiang renga mualphona kha ka la tawng ngai lo.Zawimuang hian hotel lam chu ka pan leh ta a, ka hna pawh ka thawk tui tawh lo. Haw vang vang ka chak ber tawh.Ka chhuak ta tawp a, hetia ka awm reng chuan ka rilru pik lutuk hi ka â thei mai dawnin ka hria."Nang nu hi, kan zawng nasa lutuk che asin, khawilamah nge i kal daih a?" Mahmingi chuan alo ti nghal bawrh bawrh a. Manilomaha rilru hah nakalaia min vin hrep chu ka thin a rim hlur mai."Khawiahmah, ka haw dawn ania." Ka ti nghal tawng a."Min lo nghak rawh, ka inpeih țep.""Ka lo va chhuak ange, inchhunga ka awm chuan ka pik zual tlat." Tih pah chuan ka chhuahsan nghal a.Pawn ka chhuak chiah tih chuan ka banah nghet lutuk hian an rawn man chawt a, ka țe țhawt. Malsawma bawk chu!A car lam pan chuan min kai dawr dawr a, car kawngkhar a hawng a, "Lut nghal rawh.""Engvangin?""Lut mai rawh, tihluihna ka hman kher ngai lovin.""I bula kalna chhan tur ka nei lo," ka ti let hmak a."A țha e," tih pah chuan car chhungah chuan min nawr lut nghal a, kawngka a khar nghal țhuai. Amah pawh a rawn țhu lut nghal a, chak deuh hian a tlanchhuak nghal a, "I khalh chak lutuk, tlanmuang deuh teh," ka au chul chu a ngaipawimawh lo kher mai."Khawiah nge min hruai i tum?" A thinrim hle ani tih a bek pawn țawlh țawlh danah chuan a lang reng mai a, a hmel ka en chuan hlauhna ka nei thut, a ngawi ngul bawk si nen. Ka țawng pawh hre awm in a awm map lo.A tawpa tawpah chuan a ding ta dawt a, ka han en chuan a inah min hruai a ni tih ka hre nghal.Car ațang chuan a chhuak a, ngawi rengin ka țhutna lam chu a rawn hawng a, ka chhuak ve nghal mai bawk."Engvangin nge hetah hian min hruai a? Ka lak ațang hian enge i duh?""Inchhungah lut phawt ila, kan sawi dawn nia." A kal nghal hmiah. Ngawi rengin ka zui ve mai a, zui mai loh chu tihtheih nei hek lo i le!!Eps - 19Malsawma inchhung chu ala ngai reng mai. A nalh in inchhung bungruate chu a changkang hle bawk. A hmaa ka kal ai khan tlemin a danglam deuh tih loh chu danglamna dang tehchiam a awm lo."Țhu la, intur ka lo lak ang che." Sofa ah chuan ka țhu nghal a. A rawn kir leh chuan tray hian no pahnih leh bottle pahnih hi a rawn chawi a, pakhat zawk chu theitui a ni a, pakhat chu whisky a ang khawp mai. Zu lampang a in ka hre ngai silova, engtiklai ațangin nge zu lampang hi a lo in ni?"Engtik ațangin nge zu lampang hi i lo in tak a?" Ka zawt hlawl a."Nangman min țhen ațang khan." Teh tawp chuan."Chu keimah vangah min puh deuh tihna mi?" Ka ti let salh a."Ni love, keimah vang mawle, tumah ka puh lo. Ka rilru nawm nan ka in mai a ni.""A chhâwk che in i hria em?" Ti el zet hian ka ti leh a."I duh leh min nuih rawh. Pawi ka ti lo. Ka pa in company tihlen nan nupui min neih tir a tum a, vawiina i hmuh hmeichhia kha a ni." Tih pah chuan intur chu no ah a thli nghal a, A in nghal pawp.Kei pawh chuan theitui chu ka inthlit nghal a, ka in zeuh zeuh. "Ka in ang hi i duh ve em?" Makti zet hian ka en a. "Teuh lo mai. Zu ka in ngai lova, zu in mi pawh kawm ka duh lo, pasalah leh ngaihzawngah pawh ka duh lo bur." Ka tihkhum leh hmiah. Ka țawngkam avang chuan alo ner sawk mai."Chuti chu zu ka in si a, i duhzawng ka ni lo tihna a ni maw?" A ti leh kher a."Aw, ka duhzawng i ni lo.""Anih khapa kha i duh ami?" Ka en nghal thuai a, ka thil in pawh ka hâk țep."Tu chu maw?""Restaurant a mipa i bula awm kha, a melh dan che kha ka hmu reng alawm." Ani meuh pawhin a hmuthiam anih chuan Mahmingi sawi kha a dik a nih dawn hi."Ni e, a fel khawp mai, min ngaihsak bawk a. Ka la duh mai thei a ni." Eng thu nge ka sawi tak le? Ka sawi zo tawh si.Thinrim lutuk mitmeng sen vek khawp a min rawn melh chuan ka zâm kher mai. "Eng thu maw i sawi kha, han sawi nawn leh teh." Min rawn pan hnai nghal ruak a, ka lo tawlhsawn ve zel bawk. Tawlhsawnna a awm tawh loh hnu chuan chet pawh ka che ngam tawh lo. A mitmengah chuan min thah mai pawiti lo hmel hian min en run lehnghal."Khawngaihin, min kaltir rawh." Ka ti ruai ringawt."Teuh lo mai, mipa dang hnenah ka kaltir che anga maw?"Ka darah nghet takin min vuan a, talchhuah tumin ka theihtawpa țangin a theihna apiangah ka ham bawrh bawrh a. A thil in vang khan a rui deuh tawh bawk nen, pawisak a nei tawh lo kher mai."Khawngaihin i inchhir leh na tur tilul suh aw, i rui anih kha," ka ti ta ngawih ngawih.A tawp a tawpah chuan ka thusawi vang chuan nge, min thlah rang kher mai. Inthiamloh hmel zet hian a indawm kun ta reng mai a."Ka tihpalh lutuk, min ngaidam rawh, chân che ka duh loh vang a ni.""Ka haw dawn, vawikhatmah min hmuh tum leh tawh suh ang che," ka ti hmak. Ka thin te hi ala phu zawih zawih mai a ni.Chhuah tumin kawngka ka pan nghal a, rang lutuk hian ka banah rawn man bet leh nghal mai a tum chu rum lutuk hian ka lo melh a, a kut chu a la leh zal zal a. A hmel pawh en duh tawh lo chuan ka chhuahsan ta hmak.Pawna ka chhuah chuan min rawn zui vat a, "Ka lo thlah ang che, hetah ka hruai che a, ka thlah leh tur che a ni alawm," tih pah chuan car chu a rawn la chhuak nghal a.Amah vanga hawna tur neilo ka nih avang chuan car kawngka a hawnah chuan hnial lovin ka țhu lut ve nghal mai bawk.Kan tlanchhung chuan reife chu țawng miah lo chuan kan țhu dun a. "Ka tihpalh aw, ka thinrim lutuk ka inthunun hman lova, min ngaidam tur pawhin ka ti lo che. Mahse i ngaihdamna chu ka dil tho che." Inthiamlo ve tak tak pawh a ang ve khawp mai."Khatianga rawng taka ka chunga che duh turah ka lo ngai lo che asin. Kan lo ințhianțhat tawhna leh kan chhungkaw chunga thil min tihsak zawng zawng vang khan ka ngaidam hram ang che. Mahse khatianga vawikhat pawh ka chunga i ti leh anih chuan ka ngaidam tawh ngai lovang che.""Ka lawm e, mipa dang kianga awm tura ka suangtuahna che khan awmdan min hlohtir vek ani. Hloh che hi ka duh lo ani.""Anih engvangin nge ka rilru tihnat i tum tlat si a?""Ka thiamloh vek a ni. Ka pa in kan company tana țha tur a ngaihtuah aleiah ka chân mai ang che tih ka lo ngaihtuah lo a ni. Ka hrilhfiah hunah che i hriatthiam mai ka lo ring a, mahse ka tisual der a ni. Kan company inthlunzawm nan Milly nena inhualna kan hriat miah lovin an lo nei a, kan hriat meuh chuan kan lo inhual der tawh si. Milly pawhin min hmangaih chuang lo, midang hmangaih a nei ve thova, kan pa te bum nan inkawp anga kan lan rih a ngai si a. Engmah ka hrilh lo che kha ka thiamloh vek a ni." Ka ring ngam ang em tih pawh ka la hrethiam rih lo a ni."Rin mai che harsa ka la ti rih tlat. Min hrethiam dawn nia.""Anih khapa kha i duh em ni?""Sammy kha maw? Nia, a hmelțha khawp mai. A fel bawk." Ka ti lui ve ngat. Car a break tuar a, hmalamah ka bu dawrh."Eng thil....eng thil nge ti a i inhriat a?" Ka ti piap a."A hmelțha amaw, a fel bawk maw? Khapa kha i duh tih min hrilh hlek suh. Chuti lo chu...!" Sawi zo duh lo chuan a ngawi leh daih a."Chuti lo chu...! engtin maw? Engtinnge i tih anga, ka duh duh ka kawp thei. Nang nen hian inzawmna kan nei tawh hleinem.""Han sawi leh teh." A lamah min pawt hnai dawrh a, car chhung a chep si a, amah chu ka bawh rawk rawk a, ka khabeah kuai dakin a hmui chuan ka hmui a rawn zawng a, a thaw ham ham mai. Ka hmui a rawn chuktuah nghal a, ka thin a phu nghal dawt dawt. Ka kâ chhunga a lei hman thiam tak mai a rawn hawl luh chuan ka hik mup mupin ka hria. He thil hi a hma ațanga ka lo thlakhlelh em em țhin a ni tih ka hrechiang kher mai. Insum thei bik lo chuan ka lo chhanglet ve nghal tawn tawn a, kan thaw a chham dawn ta hial emaw tih tur khawpa kan infawh hnu chuan kan inthlah ta hram. A chal leh ka chal chu insiktirin kan thaw dun halh halh a."Ka mamawhzia che chu i hrethiam tawh em? Chuan nang pawhin kei ang thovin min mamawh ve a ni tih hi pawm mai rawh." A ti dik a ni. Mahse ka chapona hian min pawmtir mai thei lo.Ka inlahrang nghal vat a, "Haw ka duh tawh." Ka ti a. A lo rum nghut a. A car chu tinungin ngawi rengin a tlan leh ta nghal mai bawk.In ka thlen meuh chuan khua a thim ruai tawh a. Mahmingi a lungawi lo viau ang chu le! Haw dun turin kan inbe vek tawh a ni si a, Malsawma vang; han ti dawn ila ani puh vek lah chu dik bik silova, mahni inchhung luh pawh ka hreh phah em em ringawt.Phone ri reng reng ka hre lo, chutia phone ka ngaihtuah chhuah chuan ka bag chu ka en vat a, ka phone a awm miah lo mai, khawiahnge maw ka dah le! Malsawma inah khan ka thlauh a ni mai thei a ni.Malsawma lah chu a tlan leh daih tawh bawk si, van buaithlak tak em!Malsawma Pov*Zorini ka ina ka hruai a, a laka ka awmdan kha a diklo tih ka hria, mahse ka mipatna kaitho tura a țawngkam hman khan ka insumtheihna min hlohtir a, zu ka in lo chu ka ti hauh lo, mahse mahni inthunun theilo tur khawpin ka in lo thung.Ani kha chuan ka ruiah a ngai mai thei. Mahse ka rui lova, a țawngkam dengkhawng ve tak mai khan ka thinlung a tina in, midangin a taksa an neih ai chuan hnehchhuh hial kha ka tum a ni a, ka awmdan tenawmzia pawh ka hria, a tak ka thlen hmaa ka insum leh hman kha ka lawm kher mai. Chuti nilose a damchhungin min haw tawh anga, keiin ka hmangaih ber ka chân bawk ang.Damchhunga chân tura ka inngaih hian ka thinlung hi a tawt up up mai țhin. Mipa ka ni tih vang ngawtin ka na theilo ani bik silo. Hetianga awm hi ka duhdan a ni bik lo.Zorini in ațangin thinrim lutukin a chhuak a, ka inah ka hruai lui a, a chungah tihluihna hman ka la tum zui chu ka zak ngawih ngawih a ni. Mahse ka zahtheihlohna sawmkhawmin amah chu ka zui leh ta nghal vat a."Ka va thlah ang che," tih paha car kawngkhar ka hawn sak chuan ka rinloh deuhvin a lo lut ve mai. Ngaihdam ka dil ngei a ngai a ni. Tuna ka dil anih loh chuan hun remchang min pe duh tawh miah lovang.Cara ngawi renga kan tlan dun fe hnu chuan a chunga ka chetdan avang chuan ngaihdam ka dil ta a. Ngaihdam harsa min ti hle tih a awmdan ațangin ka hre mai. Min ngaidam thei lo ta se....! Ngaihtuah pawh ka ngaihtuah ngam lo zawk. Zorini vang hian ka khawvel a dang zo vek tawh. A tellova awm thei tawh lo hial khawpin ka nunah hian a bet nghet tawh a ni.Khapa 'Sammy' a kha a han fak vel ania, ka huat tura sawi nge a nih pawh ka hrethiam lo.Ka lama pawt hnai dawrhin ka fawp nghal hmiah a, ka rinloh lutuka min chhanlet ah chuan reilote ka chawl deuh det a, mahse tun țum hi chu ka tisual tawh lovang. Kan pahnih chuan thawk lakna chang pawh hrelo khawp chuan kan infawp ta a, car chhung a ni si, a chepin ka duh ang pawhin ka che țha thei lo. Ka rooma ka khum chu nise....!"Haw ka duh tawh," a tih chuan, Ka taksa thunun tuma ka beih fe a ngai hial mai. Harsa ti tak chungin a thu ka zawm a, chuti anih loh chuan a luhlul ve ropui si a, ka ti lungawi lo leh vek palh ang tih ka hlau a ni. Heti em em a hmeichhia ka duh leh hmangaih hi ka la tawng ngai lo.An inbul thleng ka thlah a, ka hawsan ta a, kan awmdan ka ngaihtuah a, ka nui leh suk suk. In ka thleng țep tih chuan a țhutna ka han en a, engemaw tla hi ka hmu a, ka en chian chuan phone alo ni a, a thlauh a ni maw, a hre miah lovang le?A phone chu ka en a, midang phone en ruk hi ka thil duhlo ber a ni a, mahse Zorini phone chu ka en chak riau va, Miscall pawh alo tam ngei mai. Mahmingin vawi sawmhnih dawn a rawn call a, Sammy a tih pawh khan vawi sawm zet a rawn call bawk. Kha Sammy nen khan an inpawh viau em ni le? Mahse amah ka fawh laia min chhan let danah kha chuan min la duh ve ani tih ka hrethiam mai.Kha Sammy kha a duhlohna tura ka beih a ngai dawn a ni. A phone chu ka off nghal a, ka off veleh chuan call a rawn lut nghal a, ka han en chuan Mahmingi call alo ni a, "Hello, Zorini phone a nia, ka carah a thlauh palh a," ka ti nghal vat."Oh, ka lawm lutuk, hmundangah ka tibo anih ka ring hial a. Ka theihnghilh ngai miah lo asin mawle," Zorini zawk a lo ni a. A aw ka hria chu ka thinlung hi a su dup dup hialin ka hria."Zanah ka rawn dah dawn nia," tiin phone ka dah ta a. Zanah ka pe ngei ang, amah hmuhna chance a ni mai alawm!End of Malsawma Pov*In ka thlen chuan kawngka a lo inhawng tawh a, Mahmingi chuan kan chahbi dahna țhin a hre bawk a, alo hawng ve mai țhin."Ka lo haw e," ka tih chuan rang lutuk hian ka hmaah tak a rawn ding nghal a."Khawiahnge i kal a, ka rawn phone nasat zia i hria em?" A ti hmarh hmarh."Ka phone ka thlauh daih alawm.""Malsawma bulah i kal tiraw? Ka zawng nasa lutuk che a, ka rawn call a, ila thei bawk silo, engtinnge Malsawma chuan a tih che a?""Zawhna i van ngah tak. Engpawh nise, ka number kha han call.lawk teh, Malsawma bula alo awm anih chuan a țha a ni mai." Tih pah chuan Mahmingi phone ațang chuan ka number chu kan call ta a, reiloteah chuan, "Hello, Zorini phone a nia," a rawn tih chuan ka lawm kher mai. Zana rawn dah a tum thu a sawi pah chuan phone a dah ta nghal a.Ka thaw huai mai, ka phone alo kawl avanga lawm nilovin a bo lo chu ka lawm a ni."I u in a lo phone a, naktuka lo haw a tum a ni awm e," Mahmingin a tih chuan ka lawm kher mai. Mahmingi pawh a lungleng tih ka hria a, mahse amah hi a thawven ve em avang hian lungleng miah lo ang hian a awm thei a ni. A chang chuan ka awt thei țhin khawp mai."Chaw ei ang hmiang," ka han tih chuan ngeiawm ner nawnga min en chung hian, "Malsawma inah i ei dawn anih ka lo ring asin." Mahmingi ngeiawm thiamzia hi chu!"Ka u lo haw dawn vangin i lawm teh hawrh anih kha aw!" Ka ti ve thung a, kan pahnih chuan kan insawisa tawn a, kan nui dun kiah kiah mai."I u lo haw dawn chuan kan in lama ka awmphei a ngai tawh awm si a, ka ngai ngawt ang che," a ti vei luam."Vela che a! Kei aiin ka u i ngaih daih zawk kha.""Teuh lo mai,""Chiah maw? Ka u ka hrilh dawn ania." Ka tih chuan min chum awk."Sammy hi engtinnge i tih dawn?""Ani chu enge? Kan pahniha kan țhian a ni lawm ni?""Țhian chauh maw? Mahse ani kha chuan țhian angin a en ve miah lo che tih ka hria ania, nge Malsawma hian i thinlung alo tituiral leh hman tawh zawk?""A ni lo ve ve.""Ka awih lo em mai a, vawiinah pawh a kiangah i awm reng ani lawm ni?""Awm pawh lo ni ta ila, a danglam chuang lo.""Oh! Taka, i lo haw hma khan Remsangpuia alo kal a, i lo awm silova, ka lo be lem lo bawk nen, a chhuak leh ta daih a.""Eng a? Enge a rawn la tih fo a, tinge min rawn tihbuai reng mai le?""A nupuiah hian a lungawi na tawk a hmu lo aniang," chimawm thiam ania he nu hi chu."Huh, chulam pawh va ni suh.""Enge a nih lohvang? A la beisei reng che aniang chu, chuvangin pasal neih lam hi ngaihtuah vat rawh.""Teuh lo mai, vawikhat ka tisual tawh a, tihsual nawn leh ka tum tawh lo.""Malsawma hian a duh hmel em che hi, anih loh pawhin Sammy pawh. An pahnihah i duh i thlang thei," nui har har chung hian min tihkhum a."I van ngeiawm zawt zawt tak! Ka u lo haw hunah i chaklo viau ang aw." Tihngaihna hre lo zet hian ka ti ta ringawt a. Ala nui kur kur zui.Eps - 20"Tho tawh teh, tinge mut hi i duh tak em em le? Tih pah chuan ka puansin lai chu Mahmingi chuan a rawn theh hlim țhuai a.Zanlama ka men rei vangin ka lo muhil rei lutuk a, mut ka la kham lo fo.Nizanah Malsawma ka phone min rawn pek pahin a leng reng a, kan pahniha awmdunin Mahmingi lahin min mutsan daih si a. Insi rialin sofaah kan țhu dun a, a kianga ka awm apiang hian keimahah hian danglamna a awm ziah, chu danglamna ka neih lah chu a nuam hle mai lehnghal.Kan taksa innawk ah chuan inthunun harsa ka ti hle a, Malsawma pawh a dang chuang lo. Kan infawp a, kan innuih leh ringawt țhin. Mahse a hma ang khan min tihluih a tum tawh hauh lo; ka zai ngaiin thiam takin min thlem ani ber mai. Ka kawr hak chhana ka hnute a khawih chuan ka thaw hawk a, chumi chu duhtawk mai lo chuan ka kawr hak chu a hlim a, ka hnute bu țha leih lawih, kawh fahran mai a kut lawnga a han khawih chuan nuam tih lutuk vangin ka chhing diar diar a, chuti chung chuan kan infawh a bang chuang lo.Sofaah chuan ka tlu riai riai a, ka hnute hmur a ka lum hiam maiin duhtawka a han hmuam vel chu nuam tih lutuk avang chuan ka lo er leh ngang ngang țhin. Ani pawh a thawk dan a dik bik lo tih ka hre thei mai. Malsawma pawh chuan a kawr a phelh a, taksa lawng a han indek chu a dan a dang kher mai. Châkna avang chuan ka mûr sung sung thei hial a ni. Hetiang hian vawikhatmah ka la awm ngai lo. Ka pasal Remsangpuia lakah pawh khan ka la awm ngai lo. Malsawma nena hmangaihna chendun chu engang tak ni ang maw? A tawp thlen chakna min neihtir hial a ni. Zahthlak zawk hian."Duhtawk ang," ka tih sap chuan a hrethiam ve mai bawk. A insum nasatzia chu a hmai sen țan țan danah chuan a hriattheih mai. Ka hmuiah a fawp leh vang vang a, min thlah ve ta hram a."Ka khum chu nise, i him tawh miah lovang mawle, hmangaihna ka chenpui chak zia che hi," a rawn ti sa sa a. Keilah zah vangin ka lo sen țawn țawn mai."Zah avanga i han sen țawn țawn hian i hmelțha khawp mai," nui var var chung hian a han ti a. Ka sen nasa zual sauhin ka hria."Ka va haw phawt ange, chutilo chu min ning palh ange," ngeiawm thiam ve chiang asin.Mu tura ka room ka pan pah chuan mi â ang mai hian ka lo nui leh var var țhin. Mahmingi chu alo muhil tawh a, mutkawr ha in a kiangah chuan ka inthawlh ve ta than a.Ka pa boral ațang hian Mahmingi hian min la awmpui char char a, ka unaunu ang hiala ka ngaih tawh avangin a pa hnenah ka țahawh tawp a, a pa'n alo phal hlauh bawk nen, khawhar lo takin ka awm theih phah a, ka tan chuan țhian mai piah lamah ka u nen an lo induh ve ta bawk nen, ka unau dik tak angin ka ngai hial tawh."Ka van mutui em em vele!" Thawh pah chuan ka han ti a."Nizan i che țha deuh aniang chu mawle!""Teuh lo lutuk ringawt, chetțhatna vak tur a awm ami?" Ka han tih chuan a nui kur kur mai."A zep vel a, ka hre reng.....""Min bihthla a ni maw?" Ka han ti chu a nui ring ngei mai."Buichhia laih lohvin a inpuang ta der mai," a la nui kawr kawr zui."Hmeli leh! I van chaklo dawn tak!" Tih pah chuan man ka tum a, a tlanchhuak nghal daih a. Choka thleng in umzui pah chuan zing kar karah kan nui dun nasa ngei mai."Rawng ka bawl zo vek tawh, mumang thlengin Malsawma i hmu ani ngei ang, i la țawngvai ang nawk nawk a," a la ti zui. He nu tak hi chu tihngaihna thlawt a awm lo."Vawiin tlaiah ka u a lo thlen dawn kha aw. Lo inpuahchah rawh." Thudangah ka pakai san daih."Enge inpuahchah vak a ngaihna, fai tawkin ka inbual anga, a tawk mai alawm," nui țha chung hian a han ti leh a. Ka nui ve tawp. Ka thusawi apiang fiamthua lak a tum zel tawh mai. A tihtheih thlawt lo."Chuti anih leh chaw ei ang, hna kan tlai ange, ka u lo haw dawn bawk nen, tlailam chu haw hma kan ngai awm si a. Mahse zanin kha Party kha a ni si a, engtinnge kan tih tak ang." Ka han ti a."Ni dawn tak, ka lo mangnghilh daih. Party naa hak tur thawmhnaw pawh kan ngaihtuah loh ten.""Keipawh ka nei miah lo. Hetiangah hian ka kal ngai silova, kal pawh ka peih lo khawp mai.""Khai a, kal e a, nuam deuhin hun kan hmang ang chu. Kan party neihchhan pawh kan hmu ve ang chu. Tlangval hmelțha deuh an ti ania aw." A ti deuh kher a."Tlangval hmelțha ah ka buai lo nang angin," ka ti let ve kher bawk."Hna a kan kal haw lamah zanina hak tur chu kan enkual mai dawn nia, nalh deuhva lan ka duh ania.""Awle, chaw ei phawt teh ang, ka rilțam tawh teh ania," ka tih chuan chaw ei kan siam dun mawlh mawlh a, kan pahnih chauh pawh hian awm mahila, tudang hi kan ngai bik lo.Kan eina tifela kan insiam peih hnu chuan kan pahnih bawk chuan kan chhuak dun leh ta a, kawngka ka kalh fel chiah tih chuan kan kawtah Remsangpuia a rawn lang hlawl mai."In kal tawh dawn em ni?" A rawn ti nghal vat a."Aw, kan lo tum chiah a," ka ti ve mai a, biak țhat emaw biak chhiat emaw pawh ka tum lem lo. Enga ang pawhin hnar mahila, engahmah a ngai dawn chuang lo."Enge lo tih i tum a? I nupuiin heta ilo kal fo hi a remti em ni?" Ka ti fak a."Ka kal duhna ah chuan ani remtihna ka lak kher a ngai lo.""Nia, i tidik. I la ngai lo țhin reng a ni." Ka ti ve hmak."Ka lo thlah dawn che u ami?""Thlah kan ngai love, Mahmingi nen kan kal dawn a,""Zorin....!" A ngawi leh daih a."Enge?" Ka ti bak hlak."A, engmah ni love. Mahmingi awm vangin a sawi leh duh lo pawh ani mahna le!"Kan kal dawn asin, a pawi ka ti khawp mai, biakna hun che ka nei tawh tlat lo." A lakah hian pawitih thute ka la sawi chu ania."Chance min pe leh hram rawh." Zaktheilo mah mah."Ni love, nang nen hian engtikahmah kan awmdun thei ngai lovang. I nupui kha hlim tak leh hmangaih tak khan enkawl zawk rawh. Fapa i neih tawh kha." Ka ti deuh hrawk a. Min la beisei ngam cheu chu mak ka tiin zahna hi a nei hlawl lo ni maiin ka hria.Kan kal hnu chuan, "Ka rinaiin a zaktheilo kher mai, nupui neiin fa a nei tawh tho si a, nang lahin i be țha em em ngai bawk silova, tinge le?" Mahmingi chuan a rawn tichhuak hlawl mai."Ka hre tawh bik nang. Zahna hi a tlachham ve a nih kha," ka ti mai a.Kan hnathawhna hmun kan thlen thleng chuan inbe tawh lovin kan tlan char char a, mahni ngaihtuahna ve ve kan kawm a ni ber mai.Zanlama party na tur kan buaipui nghal char char a, kan tifel thawkhat bawk a, chawlh kan nei thei ta hlauh mai le.Intiamrual niawm fahran hian Mahmingi nen chuan kan chawl rual leh chiah mai. Party naa hak tur lei tum chuan kan chhuak ta a, hetiang lamah hian ka la kal ngai silova, thawmhnaw hak tur pawh ka hrethiam lo. Mahmingi min hruaina apiangah kal mai ang.Thuamhnaw lei tur chuan kan chhuak ta nghal a, dawr kan thlen chuan kan lut nghal a. Kawrfual hringduk nalh zet mai hak nuam deuh tur hian ka mit a la nghal zar mai a, ka han en a ka han khawih vel chuan taksa deh nuam zet mai hi a ni a, fual hnalh mai ka duhthusam chiah chiah a ni."Kha kha i inhmeh ngawt ang," a zuartu pawh chuan a ti a."Ni e, a nalh lutuk, i inhmeh viau ang, han ha chhin teh," Mahmingi pawh chuan a lo ti ve nghal vat a."Ni e, han ha chhin teh, khalaiah khan inthlakna room a awm ania," min kawhhmuhna lam chu ka pan a, a chhungah lutin ka in ha chhin a, kawrfual ha chunga ka chhuah leh chuan, "I inhmeh lutuk ringawt, i ta tura țhui niawm tak a ni ringawt alawm," Mahmingin alo tih chuan ka nui ringawt. Darthlalang hma a ding chung chuan ka han inen vel a, inhmeh ka inti ve tho mai."Ka la ange," tiin a man ka zawh chuan a to phian lehnghal a, mahse nge maw nile, zanin chu nalh loh kan hlau ve viau alawm le! Kawr rem tur pheikhawk inah ka nei sa thova, pheikhawk chu lei ngai ka ti lem lo."I duh i hmu ve tawh em?" Mahmingi hnena ka tih chuan a lu alo bu nghut a, ani lei tum pawh chu a nalh kher mai.Kan duhtawk kan lei hnu chuan inlam panin kan haw ta nghal a. Ka phone ri ah chuan ka u a nih tawh ngei ka ring. Ka phone ka en chuan a lo ni ngei e. "Hello, ilo thleng tawh ami?" Ka ti nghal a."Aw, Lengpui ațangin kan lo tlan mek e,""Kan lo nghak reng tawh che ania, anih ka dah phawt ania," tiin phone chu ka dah ta nghal a."Ka u a lo thleng țep ania...! Mahse zanin chu kan inah la riak tho rawh aw, naktuk ah duh leh i phei dawn nia," ka tih chuan pawi a ti bik lo kher mai.In kan thlen chuan kan thawmhnaw lei kan dahfel hnu chuan rawngbawl kan țan dun ta nghal a.Zana kan party na tur vel sawiin kan nui bawk bawk a, "Kei chu ka lam chak tawh lutuk," Mahmingi chuan a han ti a."Ka lam thiam teuh lo mai, hetiang lamah hian vawikhatmah ka la kal ngai lo bawk nen, chinchang ka hre lo khawp mai.""Ka zirtir dawn che nia," a tih chuan kan nui nasa ngei mai."Engtinnge ka u hi kan tih anga, kan hruai ve mai dawn em ni ang?" Ka han ti a."A peih te chuan a kal ve anga ni mai lawm, mahnia ina lo awm chu a duh bik lovang.""A, lo thleng phawt se, kan zawt dawn nia."Chutia kan titi lai chuan, "Ka lo thleng e," tih ri ah chuan rang lutuk hian kan tlanchhuak dun a.Ka u te pahnih inhmu chu ka awm vang nge an lai dun viau lehnghal a, ka nuih an tiza dun ngei mai. Lai rual pawh an ni tawh der silova."Inchhungah lut ang u," tih pah chuan ka lut nghal a, min rawn zui ve mai bawk."Ka nau ilo awmpui char char a, ka lawm khawp mai.""Lawmthu sawi kher a ngai hleinem, ka țhian ania, ka unaunu a ni bawk alawm," a lo tih chuan ka u lawm hmel chu ka lo hmu ru reng mai."U, zaninah kan hotel ah party an buatsaih dawn a, a neitunu alo kal dawn a, helamah a awm tawh rih dawn loh avangin a aiawhtu lawmna leh a mah thlahna kan nei dawn a, ilo kal ve peih ang em? Nge chau i inti viau?""Ka lo kal lo mai ang, nuam deuhin in hmang dawn nia, ka chau deuh a, inah ka lo awm mai ange.""A pawi loh chu, kan rei vak pawh ka ring lo. Engpawh nise, han intifai phawt teh." Ka ti leh a. Ani pawh chu intifai tur chuan a kal ve nghal mai bawk."I u hmelțhatzia hi ka lo theihnghilh țep alawm le," nui har har chung hian Mahmingi chuan a han ti a."Ka hrilh dawn," ka lo ti hmanhmawh."I hrilh vaih chuan aw...!" Kan nui dun kar kar."Ka sam hi engtinnge kan tih dawn?" Ka han ti a."Roll ang hmiang, a sei si a, a nalh dawn em mai, khawi ka lo tihsak nghal ang che, chaw ei hma in," Kan han buai leh hnuhnawh. Nalh loh hlau ve miau hek.Kan zawh meuh chuan ka landan a danglam kher mai. "Wow, nalh lutuk, tinge tihian i tihziah loh?" Mahmingi chuan a ti chul a."Ka peih vel lo alawm, inchei hi ka peih thlawt lo a ni," ka ti tawp."Tuemaw chu a luangliam chiang leh zual ngawt ang mawle," a han ti vei ham ham a."Tu chu maw luangliam ang?" Ka han ti ve nghauh a."I hriat reng kha.""Ehiau, Mate, i sam chu i van inhmeh ve a," ka u veiluam țhin hi."Tak tak maw? Min fiam mai mai a ni lo maw?""Teuh lo mai. Zanin chu mipa kal ve zawng zawng mit i la ngei ang mawle!""Ka u, i ti mah mah." Ka han tih chuan Mahmingi nen chuan an nui ta var var a."I lang nalh tak zet alawm, kan fak der miah lo che ania," Mahmingin a tih chuan ka nui ve var var.Party na a kal tur chuan kan insiam ta mawlh mawlh a, nuam taka hun hman tum ran chung chuan ka inchei mawlh mawlh a, ka inchei lai Mahmingin min hmuh chuan a duhkhawp hauh lo mai. "Ka lo chei ang che, lo țhu rawh.""Ka inchei ve reng hi," ka ti hlar a."Awi leh, khatiang te chuan tu mipa mit mah ila lovang e, tuemaw mit kan ti pawngzawrh dawn alawm," tih pah chuan min chei ta mawlh mawlh a. Min chei zo Darthlalanga ka han inen chu midang daih ka ni ta emaw tih tur khawpin ka landan a danglam hial."Hetiang hian ka inchei ngai silova, ka confi lo tawp.""Hui ha, i hahthlak em mai a, i nalh lutuk ringawt. Kal vat teh ang, kan tlai ang e!"Eps - 21Party na hmun pan chuan ka u chu amah chauhva awm tur chuan kan kalsan ta a."Ka lo awmpui mai dawn che mi, ilo thleng chiah bawk si a, kan chhuahsan lehnghal daih che chuan..." Mahmingi chuan a ti a."Kal rawh u, ka lo awm hahdam ang, in lo haw hunah engemaw sawi tur ka nei ania," a tih chuan kan kalsan ta a.A hmun kan thlen chuan kal an lo awm ve nual tawh a."Ka tih reng kha maw, mipa mit i lak zia hi, an enzui vawng vawng che alawm le," Mahmingi chuan ka beng bulah a rawn ti sar sar a."Awihawm loh em mai a! Nalh min tih vanga min enzui an nih loh hi, ka inchei an la hmuh ngailoh vang anih hi.""I indahhniam lutuk anih kha.""Hi, nula te u," rawn titu aw ah chuan kan hawi let vat a, Sammy a lo ni a. Ani pawh chu a nalh kher mai. Sammy mitmenga min ngaihsanna lo lang chu ka hmu thei."Wow! I van nalh em em ve a, ka hre lo dawn che alawm le!" Tih pah chuan a nui sang a."Nang pawh i inhmeh lutuk," ka lo ti ve vat."Ka kalsan lawk ang che u, lo țhu rawh u," tiin min kalsan ta nghal a.Sammy țhutna min kawhhmuhah chuan Mahmingi nen chuan kan țhu ta nghal a. Hunserh țan a hun țep tawh a, Masangi leh a aiawhtu tur an lo la thleng lo a ni ngei ang.Intur an sem zingah chuan theitui a awm hlauhva, zu lampang ka in ngai silova, Mahmingi nen chuan theitui kan la a, in pah chuan mi chetla vel chu kan thlir mai mai a.Thawm ri hak ah chuan kawngka lam chu kan hawi phei vat a, maktih vang chuan ka meng kawk. Mahmingi nen chuan kan inen ringawt. Masangi lo hruai chu tudang ni lovin Malsawma ngei a lo ni. Masangi Cousin anih ka lo hre hauh lova.An țhutna tur an pan dun ta a, mak ka ti kher mai. Malsawman hetah ka thawk tih a hre reng si a, Masangi a hriatthu a sawi hauh silo. Ka en reng ringawt.Malsawma hawikual velin min rawn hmuh chuan a meng kawk a, mit thim raih hian min rawn en a, "Ka ta i nih kha, mipa dang melh suh," ti hmel pu hian min rawn melh in ka hria. Ka hawisawn ta daih a. A ngaihdan a ni lo leh ang chu aw..!Masangi a rawn dingchhuak a, "Zaninah hian kan hriat țheuh angin kei hi helaia awm reng thei ka nih loh avangin ka cousin ka aiawh turin ka dah a, amah hmelhriat tirna hun lo nei ila, tunah hian lo hetah lo kal sela, amah lawm nan kut kan lo beng dawn nia," a tih chuan ka rinloh lutukin Sammy a rawn chhuak ta a. Malsawma nen in cousin emaw an nih ka lo ti hman tawh ania, Sammy reng reng pawh chu. A tirah min hrilh țhat ve hle hle awm, kan mawl hmel tawp.Mahmingi nen chuan kan inkheuh zeuh a, mak kan ti dun kher mai. Mahse, Malsawma hi engvanga lo kal ve nge a nih le?Sammy lawm nan chuan kut kan beng dar dar a, kan lam rawn hawi pahin mit a rawn siai zauhva, Malsawma lah chuan alo hmu reng mai a, rum lutuk hian min rawn melh lehnghal. Helai hmuna ka kal hi ka tifuh dawn lo a ang hle mai.Masangi bawk chuan, "Mi pakhat hmelhriattir tur che u ka la nei a, ani pawh hi kan hotel nena inzawmna tunhnai maia kan neihpui ani a, an ni nen hian thawh hona țha tak kan neih ngei ka beisei a ni. He hotel hi a ni leh Sammy hian thawkdunin an enkawl dawn a ni. Ka dintir hunah kut bengin kan lawm leh dawn nia." A tih chuan Malsawma chu a lo ding ta a, kut ben nachang pawh hre lo khawpin ka lo ngaihtuah hman leh pek.He mi te pahnih hi inhre ngai miah lo angin an lo awmdun ania, ka rei leh! Min lo nuihzat awm mange. He Sammy ker kawr pawh hi a. Ka be tawh miah lovang mawle. Mi mawlah min chhuah lo chauh alawm.Ka thin a rimin ka zak kher mai. He party a ka lo kal hi ka inchhir ta rum rum hial mai. "Pawnah ka chhuak lawk dawn ania," Mahmingi hnenah chuan ka ti a."Lo lut leh thuai rawh aw, lam an țan țep ania," a tih chuan lu bu nghatin ka chhuak ta nghal a.Pawnah chuan thla a eng nuamin hawi vel pawh a nuam kher mai. Ka nu leh ka pa ka ngaihtuahna ah an rawn lut thut a, ka lung a leng kher mai. Țhutna nuam zetah țhu in, vanlam chu ka thlir ta veng veng a, ka mittui te hi a lo hnai kuar mai. Van ațang chuan ka nu leh pa hian min rawn thlir ve reng niin ka hria a, ka tho thut a, ka kalna pawh ngaihtuah lo chuan ka kal mawp mawp ringawt a.Ka hminga min au ri ka hriat leh ka hma taka motor eng lo lang thut chu ka hriattheih hnuhnung ber a ni ta. Ka nu leh pa in min lo nuih sen sen ka hmuh chuan ka nui ve var var mai."Zorin....!" Min kohna chu hla tak ațangin ka hre ruai ruai a. Ka nu leh pa ka hmuh vangin ka kalna tur pawh ngaihtuah lovin ka kal mawl tawp ringawt.Ka meng diar diar a, damdawiin ah ka lo awm reng tawh alo ni a. Motorin min su tih chu ka hre chhuak leh ta uai uai a. An țawng ri ka hriat dan chuan ka na hle ani awm e, thisen pawh ka hloh hnemin rei ka daih tawh lo mai thei tih an sawi te chu ka hre thei vek.Ka bulah chuan Malsawma hi a lo țhu reng a, ka harh tih a hriat chuan lawm hmel zet hian min rawn be nghal a, mahse ka chhang thei hauh lo. Ka rilru chu a harh vek tho si a, ka țawngchhuak thei lo. Damdawiinah chuan engtia rei nge ka awm pawh ka hre hek lo."Enge i an? I na em? Dam thuai ang che aw," a ti mawlh mawlh ringawt. A piahah chuan Mahmingi chuan mittui tla zawih zawihin min lo en reng a. Ka u pawh a awm, ka hrechhuak leh chiah, ka u in Mahmingi nupuia nei turin a sawm dawn tak alawm le!Accident ka tawh dawn vang ani ngei ang, zanina ka nu leh pa ka ngaihtuahnaa an rawn luh a, ka lunglen em em ni. Zan dangah hetiang hian ka awm ngai silova.Malsawma hmuiin ka chal a rawn sik tir zeuh a, chutah ka beng bulah chuan, "Ka hmangaih che, ka damchhungin ka hmangaih reng ang che." A rawn tih chuan ka thinlung hi a nui ver ver a, ka rilru chuan ka hmangaih thu a sawi ve mawlh mawlh a, mahse a ri chhuak thei silo.Țawng tumin ka han in sangmar a, a rawn ri chhuak ta hram a, enge ka sawi a hre thei lo. A beng a rawn dawh hnai a, "Enge i sawi ka hre thei lo, i sawi fiah thei deuh em?" A tih chuan ka han insangmar leh zual a, "Ka hmangaih che, ka thih thlengin ka hmangaih ang che, Mahse, 'A TLAI ZO TA'." ka ti zo chiah chu ka taksa hi a ral riai riaiin ka hria. An țawng pawh chu hla taka ri ang maiin ka hre ta hial.Malsawma Pov*Party na a kal chu ka phur lo kher mai. Mahse Masangi te nen kan thawk tlang țan dawn chiah a, peih lo chung chungin ka kal ve ta hram a. Zorini thawhna a ni tih ka hriat avanga kal ka ni pakhat bawk.Khatia Party na a Zorini ka hmuh a, a thawmhnaw hak ka hmuh chuan maktiin ka meng kawk a, hetianga a inthuam lai hi ka vawikhat hmuhna a ni hial. A hmelțhatna a lang chiang leh zual kher mai. Ani pawhin ka kal ve chu mak a ti tih hriat tak hian min en a, Masangin a aiawhtur a koh chhuah chuan makti zet hian a rawn melh reng mai a. Sammy hi he hotel a Masangi aiawhtu a ni dawn tih a hre miah lo niin a lang. Min kohchhuah leh hnu phei chuan maktihna in a khat a ni ber mai.A tawpah chuan pawnlama a chhuak chu ka hmu a, alo lut leh mai turah ngaiin ka ngeihven lawk lova, inhmelhriattirna leh chibai bukna ka chhan zel a ngai ve bawk nen. Amah umzuia ka chhuahtheih meuh chuan ka tlai ani tih ka hre mai. Ka au ri tuar leh motor ri hrawihah chuan ka tlan vat a, thisen a chhuak hnem hman kher mai. Ka rilruin, "Min kalsan suh aw," tiin ka rum vawng vawng a. Ka bing mup mupin ka hria. Midang an lo tlan khawm zung zung a, Mahmingi nen car chhungah dahin kan țhutpui a, midangin car an khalh a, hetiang chung chuan ka khalh thei hauh lovang.Zorini kutah chuan chelh tlatin a kutte chu ka fawp mawlh mawlh a. Ka thlaphang a ni. Mipa ka nihna ang pawhin ka lang thei lo. Min kalsan ta se ka nun hi engtinnge ka hman tak ang le tih pawh ka ngaihtuah ngam lo a ni.Hospital kan thlen chuan Doctor ten an tih theih ang ang an tifel a, an hmel ka en chuan beiseiawm a awm lo tih ka hre thei mai. "Zorin, engtia min awmtir nge i tum le? Min kalsan chuan engtinnge ka nun ka hman tak anga, i tellova damchhung hun hmang tur chuan min kalsan thei lovang," ka ti mawlh mawlh mai.A harh thei lawk lova, nihnih vel ka awmpui tawh, chauh pawh ka sawi lo, kalsan ka duh lo a ni. Ka awmloh hlanin min kalsan mai ang tih ka hlau a ni.Nithum ka awmpui hnu chuan a rawn meng ve diar diar a, a harh ve dawn tawh ani ngei ang le. Ka lawm kher mai. Ka be mawlh mawlh a, ka țawng chu a hre vek si a, mahse a țawng a ri chhuak țha thei lo.Ka beng ka han dawh hnai deuhva, a thusawi chu ka thu hriat a zawnga la mawi ber a ni hial ang chu. Chu thu sawi chu damțha se chuan thih hrehin a hreh ang tih ka hria. Chu thu a sawi chu ka damchhung hian ka theihnghilh tawh lovang. "KA HMANGAIH CHE, KA THIH THLENGIN KA HMANGAIH ANG CHE, MAHSE, 'A TLAI ZO TA'.A sawi zo chiah chu nui sen sen chung hian min kalsan nghal chu a ni ta mai. Ka mittui hi dan rual lohvin a far zawih zawih a, ka khawvel chu a kehchhe ta vek hian ka hria. Damchhan nei hian ka inhre tawh lo. A kianga awm a, a ruala kal ve nghal mai ka duh hial a ni. Ka thin zawn chu a tawt up up a, ka khawhmuhte hi a phe ruai mai. Zah pawh ka dawn zolo. "Zorin, ka hmangaih che asin, ka duh ang pawha ka hmangaih thu che ka hrilh hman lo che hi hrehawm ka van ti tak em! Min ngaidam rawh aw." Tiin ka thinlung hi a rum vawng vawng mai.Doctor ten a ruang an singsak lai te chuan a hmel chu ka thlir ngawih ngawih a, a hmui sen siah mai duhthawh tak maia ka fawh țhin chu reiloteah a dâng tial tial dawn si a, a taksa lumna nei tawh lo chu ka kuah ngawih ngawih bawk. Mipa ka ni tih lam a lang thei tawh lo. Ka bulah chuan Zorini u leh Mahmingi an lo țap zawih zawih bawk. Inhnem tur chuang kan awm lo ani.Min demtu tam tak an awm rualin min khawngaihtu pawh an awm țeuh mai. Ka hmangaih ber hun tawp lamah chuan zahpui miah lovin ka hmangaihna ka tihlan theihna sang ber ka tilang ngei ang. Duh leh ka hmangaihna ka tihlan avanga min nuihzat an awm anih chuan min lo nuihzat mai rawh se. Zorini ka hmangaih avanga mualpho pawh ka huam a ni.Sammy pawhin kan chanchin alo hriat chuan min khawngaih ve ngang mai.Zorini an dahna kuang an chhin dawn meuh chuan kei mipa meuh pawh ka țap chhuak hawk mai. A hmel hmu tawh ngai lo tura damchhung hun ka hmang tur hi ka huphurh a ni.Tunah chuan thlan khur chhung thuk takah an zalh ta. A zalna hmun chu ka in a ni ve tawh mai. In tia sawiah hian haw ka chak hlawl lo a ni. Nakina a hnenah ka kal ve hun tur ngaihtuahin ka haw ve ta hnak hnak a.*Aw, kohkir theih chang silo,Nunhlui mualliam hnu,Luaithli nulin au mahila;Kir leh hian i mawi silo,Ngaiin ka au bang dawn lo ve.THE END.  

• Get link
• Facebook
• X
• Pinterest
• Email
• Other Apps

May 11, 2020

Post a Comment

Read more

HLIMNA KAWL ENGby HK RenthleiPART - 1Bathtub ah țhu in tuilum chuan ka inchiah vang vang a, ka taksa chu na lo lai pawh a awm lo, maimitchhingin reife chu ka awm a, ka room kawngkhar rawn inkik dawt dawt ri ah chuan ka meng chhuak zawk mai. Phawk fe hian kawngkhar lam chu ka melh a, bathtub ațanga chhuakin bathrobe chu ha in kawngkhar ka hawng nghal a, hlauthawng tak chunga kawngka ka han hawn chuan ka thaw huai mai. Kan awmpuinu chuan tray hian eitur hi a lo chawi a, khawiahnge ka dah dawn tih melha min melh chuan ka mitmeiin dawhkana dah mai turin ka hrilh a, a dah zawhah a chhuak leh ta nghal mai a.A chhuah veleh chuan rang lutuk hian kawngka ka kalh nghal a. Ka inha sawk sawk a, khumah țhuin ka eitur pawh chu ngaihsak lovin reife chu ka melh ngai melhin ka awm reng a. He in hi chhuahsan ka duh, mahse khawiahnge ka kal tak ang? Kalna tur ka hre lo a ni.Ka pa boral lai hian ka la naupang em em nain, engkim hrethiam rual chu ka ni ve tawh, ka nu hi lepler deuh mai a ni a, mipa lova khawsa theilo an tih ang mai hi a ni a, ka pa damlai pawhin ka pa hi a uire san fo țhin. Mahse ka pa hian a hre ngai hauh lo han ti ila, a hria anga ka nu hi a hmangaih em avangin a haider țhin zawk em niang, a hriselloh phah ta em em a, a ni telin a chau deuh deuhva, a tawpah phei chuan rilru na tak chungin min boralsan ta nge nge a ni.Ka nu awmdan hi kei pawhin ka naupan lai ațang tawhin ka hmu fo țhin a, a chang chuan mipa hrang hrang nena an mudun hi ka phâwk fo țhin. Ka pa hnena ka sawi a hlauh țhin em avangin min vau nasa thei khawp mai. Ka pa hi a hmangaih vanga nei nilovin a sum hi a neihchhan a nih thu ka pa hi a țawngkhum fo țhin. Ka pa rilru na taka a mittui tla lai hi ka hmu fo bawk.Ka pa damlai pawha a nundan sim lo khan ka pa a boral tûk, a ruang thlâk zan ațang ngei ngei pawhin a awmdan a thlahthlam chuang lo. Mi pawhin arukin an sawi sep sep hlawm a, ka la naupan em avangin midangin an sawina te kha ka lo hrethiam lo mai a ni. Khaw eng pawh zah zo lo khawpin mipa hrang hrang a kawpkual țhin.Ka nu nungchang chu țha lo viau mahse min hringtu a ni miau bawk si a, ka nu ni lose ka duh fo țhin a ni. Nula tam tak ai pawhin a la nalh zawk em em mai lehnghal a, a han inchei ngat phei chu nu, fa nei tawh a nihna a lang lo reng reng, chutiang khawpa nalh si chu a nungchang lah a chhe em em bawk si, a mipa kawp te lah hi a duhtui lo phian lehnghal. A chang chuan keimah avang hian a duhanga a awm theih țhinloh avangin engmah sawilo hian min vaw leh hrep ringawt a, mahni han inenkawl tur in kum sarih mi chauh ka la ni bawk si. Awmpui pakhat kan nei ve a, chu chuan eitur te min pe in, min bual țhin a, min khawngaih țhin lutuk hi a mittui te a tla fo țhin a ni.Ka eitura a rawn dah chu ka ei mial mial a, ka ei zawh awm velah kawngka an rawn kik leh a, awmpuinu chuan zawite hian, "Keimah ka ni e, lo hawng rawh," a rawn tih chuan rang takin ka hawng nghal thuai a. Dawhkana tray chu lain chhuah leh mai hi a tum a, "Ka nu a awm lo mi?" Zawi te hian ka han ti sep a."Aw, a chhuak leh tawh," tih ringawtin min chhang a, a chhuak zui ta nghal a, kawngka ka kalh zui nghal zat bawk a, ka nu hi a hlau ve hle tih a awmdan ațangin ka hrethiam ve tho. A chanchin kan sawi a hria anih vaih chuan min vawhlum duh hial ang chu, chuti khawpa a fanu lakah pawh a nunrawn theih chuan mihrang lakah phei chuan a nasa viau ang.Oh....! kan awmpuinu hi 'Kimi' a nia, ka hming ve thung chu 'Ramnunmawii' a ni a, 'Nubawih' tiin min ko țhin a, mahse ka nu chuan ka hmingpum hlirin min ko thung.Tunah chuan kum 21 ka ni ve tawh a, amaherawh chu ka naupan laia ka nu ka hlauh lutuk na hi a reh thei lo, ka thauvah min man tlat tawh ni berin ka hria.Chutih lai chuan kum 10 ka ni ve tawh a, choka a eitur ka ei mek laiin ka nu leh a țhian pakhat, hmel bumro deuh mai hi an lo kal a, an ruih dun hmelin ka nu phei chu a rui lehzual kher mai, chupa nen chuan roomah lut dunin an pahnih chuan thawm dimna nei map lovin an khawsa dun a, An awmdan ka phâwk ngun tawh em avangin an thiltih pawh hmu lo mahila enge an tihtur ka hrethiam ve vek, an bengchheng lutuk chu u Kimi nen phei chuan kan beng kan hup ringawt.Ka eitur ka eizawh veleh chuan inchungah ka tlanchho vat a, ka nu min hauh leh hmaa rooma inkalh khum leh daih ka tum a, mahse ka nute room kaltlang a ngai si a, kawngka lah chu a inhawng huau lehnghal a, ka melh zawk a, an pahnih chuan saruak ngalngat hian an lo mudun a, ka nu phei chu a lo muhil deuh hman a, ka nu țhianpa chu a rawn hawi phei a, min rawn melh run run mai chu hlau lutukin ka room panin ka tlan lehnghal a, mahse min rawn man hman a, mitmeng râwp lutuk hian min han melh a, ka hlau lutuk chu chet pawh ka che ngam tawh lo, ka roomah min pawt lut dawr dawr mai a, min kuaha min fawh a tum chuan ka theihtawpin ka lo țang ve a, ka kuta ka chum loh leh ka ham thul, engahmah a ngai silova, ka kawr a pawtthler kawk mai a, ka hnute a um țan ve ek ek chauh a ni a, ka hnute chu a țham a, a na lutuk chu ka țe tuar mai. Khumah min paihthlu țhuai a, min bawhbet nghal a, chutihlai tak chuan ka nu a rawn lut ta thut mai a, ka lawm kher mai, mahse ka lawmna chuan rei a daih lo kher mai, a bialpa chu a hau dawn emaw ka tih nakalai chuan kei chu ka chhipsamah min țham nghal a, ka room pawnah chuan min hnukchhuak nghal a, ruak deuhthawin ka awm bawk si, ka hnungzangah leh a theih theihnaah min han hlap tak tak mai chu nâ ka ti lutuk chu țah pawh ka țap thei lo zawk."Mihurnu, ila naupan tehreng nen, mipa ilo mamawh ve tawh a ni maw?" tiin țawngkam chhe tinreng leh zahmawh ngialngan hian min hau paha min han hlap chu kawr ka ha bawk silo nen, ka taksa chu pilh lo lai pawh a awm lo, a thip sup sup a, a thi pawh a far zaih zaih thei hial mai.Pawngsual ka tawh teuh zia ka ngaihtuah let hian ka tha a la khur zawih zawih țhin. Chubakah ka nu ka râpna nen!U kimin zankhuain ka hliam min enkawl sak a, ka khuate sikin ka tlûn nasa lutuk a, a châng phei chuan a hnua u kimin min hrilh leh dan chuan, "Zankhat chu i khawsik a sang lutuk a, ka tlaivar hial alawm, ka hlauthawng lutuk a, i țawngvai char char a, i pang a sa em em bawk si a, i thi mai dawn emaw ka ti hman hial tawh asin, nang chu awm lo la chuan he in hi ka chhuahsan daih tawh ang, ka chhuahsan anih chuan tunge enkawl ta ang che tih ka ngaihtuah a, ka chhuahsan thei thlawt lo che a ni." tiin.Ni e, u kimi hi ka tan chuan ka nu ang tluk hial a ni. Min hringtunu pawhin ka nunna hial lak a duh lai pawhin ani chuan min enkawl dam a, hmangaih takin a nawmna hmun tur zawk pawh thlahlel thei lovin keimah avangin kan in hi a chhuahsan thei bik silo. Ka khawngaih ve leh chhawng țhin.Nitin school ka kal ve ziah a, ina ka nu hauh tuar ai chuan school nuam ka ti zawk hle țhin a ni. Ka zirlai erawh ka la zir ve thei zel zawk a, a chang chuan ina haw ka hreh lutuk hi ka haw tlai lui fo țhin. Ka nu fa tak nilovin a fahrawn ni hial hian ka inhre țhin a, Ka nu nisi hetiang em em a min hua hi mak ka ti em em țhin a ni.Pawl 7 ka nih laiin ka school bang ina ka haw chu ka nu leh a bialpa niawm tak hi an lo awm a, biak pawh ka be ngam lo, min ngaihsakna chhete pawh a tilang lo, a bialpa zawk chuan min lo bia a, khatia min lo be ve chu tiin țha takin ka chhang ve mai a, ka nu lah chuan min lo melh rum ngang mai, a bialpa a haw tir sauh sauh a, min sawisa chiam mai a, engmah ka sawi ngam der silo, ka tuar tlawk tlawk mai a ni. Thichhawngin ka awm hial a, ka pa in damdawiinah min hruai a, reivaklo chu damdawiinah ka awm nghe nghe. Ka pa pawh hi a chang chuan ka haw lek lek țhin, ka nuin ka chunga heti khawpa min ti chung pawh hian engtinmah a ti ngam lo hi. Mahse ka nu nunrawn zia a hria a, kan pahniha kan tawrh a hlau hle nachungin engmah awmzia a neih phah chuang lo.Ka pa hi a hausa a, dawr lian pui pui pathum vel a nei a, amahin a enkawl lo nangin manager fel leh rinawm tak a nei a, chupa kutah chuan a dah vek a, a boral hma khan a ukil hnenah engkim ziakin a lo dahfel vek a, kum ka tlin hma chu engmah min hrilh lo turin a lo hrilh a, kum ka tlin chiahah ka pa ukil chuan ka pa thurochhiah chu min hrilh ta a, dawr pahnih leh in hi ka rochun vek turin a dah a, ka nu chan turin pakhat a dah ve a, ka nuin min chuhpui a tum a, neih a tum anih vaih chuan hnuchham pual tan a dah vek thu a lo ziak fel thlap mai. Ka nu thinrimzia chu rapthlak tak a ni.Teenanger hunlai ka nih ve takah chuan hmel leh pianah ka nu ka chhun a, hmelțha leh nalh tak ka ni ve tawh. Mahse nungchangah ka nu ka chhun lo hlauh thung a, ka lawm kher mai. Ka nu anga mipa kawp lawr leh lepler nih hi ka duh ngai lo, mahse mipa te hian enge an hriat hlawm ni? Ka nu ang ni ve turah min ngai ve nge ni, min beisei an tum ve hlawm nain, an mi rin ang ka lo nih loh takah chuan mi an beisei chhunzawm ngam tawh lo.Pawl sawm ka zirlai chuan ka nu chu thla khat vel thang tura a zin bo avangin ka birthday ka lawm ve a, ka țhiannu leh u kimi nen, kan pathuma kan lo awm lai tak hian hmeichhe pakhat hian kawngka rawn kik pahin a rawn dak zawk a, ka țhiannu hi damdawi zuar a nih avangin damdawi a mamawh ang a neih leh neih loh a rawn zawt a, ka țhiannu chuan a neih loh thuin a lo chhang mai a, chunu chu a chhuak leh mai a, keini pawh chuan kan eitur siam chu hlim takin kan ei ta hlawm a.Ka birthday ațanga a nili naah chuan ka nun zawng zawng tidanglamtu mipa ka tawng ta tlat mai. Kan inah lo kalin min fiam nghal bawrh bawrh a, ka nui ve ringawt, ka nu țhianpa emaw ka ti hman hial a, mahse a lo ni lo hlauh. Ka nu chu awm se hlauthawng thaw dep depin ka awm leh ngei tawh ang chu.Chupa a hming pawh ka la hriatloh chu nitin mai hian kan inah chuan lo kalin ka lehkha zirna bulah te a lo țhu ve ziah a, lehkha pawh ka zir theih loh phah fo. Kan inkawm tam tial tial a, a mizia lah chu ka ngainat zawng tak mai ani lehnghal. A kianga ka awm tawh chuan ka nui nasa theiin ka naupan lai ațanga chhûtin ka nuih tam ber a ni hial ang chu."U.....ã... engtinnge ka koh dawn che?" Ka han tih chuan a nui var var a, a nui hmel mawi tak maiah chuan kei chu ka lo tuiral leh hmanhmawh pek."Ka hming maw? tih paha nui var var chung hian, Lalmuanpuia ka ni a, i duh dan danin min ko dawn nia," a han ti a.Nui sang chung hian ka han en a, ani pawh chuan mitmeng de sar chung hian min lo melh ve reng a, ka mit ka la rang khawp mai."Mate, engtikah nge i nu a lo haw dawn a?""Ka hre bik lo," ti ringawtin ka chhang a."A va mak awm ve a, nu te zin lo haw hun tur pawh hriatloh te chu," a ti leh a.Chhan pawh ka chhang tawh lo, ka nu nena kan inkar a hre lo anih ka ring, a hriat loh chuan hre lo ka hrilh hriat kher pawh a ngai ka ti lem lo."Mate anih ka va haw phawt ange aw," tih pahin a lamah min pawt dawrh a, min fawp ta thut a, țan nachang pawh ka hre lo, vawikhat fawh ka tawnna a la ni zui, infawh lah chu ka thiam loh tehreng nen, ani chu a bu ang thlap a ni mai. A zei lutuk chu chhanlet nachang pawh ka hre lo, ka dawh tawp ringawt mai.Min fawh karlakah chuan "Mate, min chhanglet ve la," a han ti a."Ka first kiss a nia, ka thiam lo alawm," ka tih chuan a nui suk mai. Keilah ka zak chem chem.l"Anih ka va haw tawh ange, ka hmangaih che ti ta ila min chhang ang em?" a han ti leh a.Vawikhat inhmuhna hmangaihna hi a piang thei ngai ang tih pawh ka lo hre lo, mahse min hmangaih thu a sawi chu ania, ngawi rengin ka en ringawt a, min chhuahsan ta nghal a.Hriatpawh ka la hriatchian loh zûnah ka uai chu a ni ta der mai, zankhat a lo len loh hlek pawhin ka ngai hman em em zel mai a, ni e, dem pawh min dem mai thei a ni, mahse nu hmangaihna dawng ngailo, tuma hmangaihna dawng ngailo, ka pa kha chuan min hmangaih ve ni kha chuan ka hria a, mahse min hmangaih dan kha a thiam lo a ni ngei ang. Chutiang anih tak si ah chuan ka laka hmangaihtu awkâ ka han hriat khan a lakah ka tuiral ta riai riai nghal a ni ber mai.Zankhat chu Matric kan exam dawn tawh avangin lehkha ka zir a, ka zir mek lai chuan Mpa chu a lo leng leh a, ka lehkha zirna bulah a rawn țhu ve a, engeng emaw sawiin kan titi dun a, kan in en a, kan nui leh san san țhin a, nuam ka ti kher mai. Vawilehkhatah min pawm thut a, a malchungah min țhuttir pah chuan min fawp leh ta a, a vawihnihna ah chuan ka thiam ve ta deuh, a nghawngah kuahin ka chhanglet ve thuai a, kan duhthawh dun bawk a, thawchham lek lekin kan infawp tawn tawn mai.A hnuah la inkuah reng chung chuan kan ti ti leh sap sap a, zan a reilo duh ngei mai. A tuka rawn len leh tiam chungin min hawsan leh ta a.Muthmunah ka ngaihtuah neuh neuh a, keimahin ka nui leh sak țhin, ka hmuite ka han khawih leh ringawt a, min fawhna kha a la cham reng niin ka hria. Tunah chuan ka hmangaih niin ka hre tawh.Mpa nen chuan kan inhmuh zin poh leh ka hmangaihna a zual zel niin ka hria. Kan inhmuh apiangin infawh bak kan pel ngai lo bawk. Min hrethiam em em a, tunah phei chuan a hmel hmu lova nikhat lek awm pawh hi hrehawm ka ti tawh. Mahse mihringin hma hun kan hriatloh avangin ka hma hunah enge lo thleng dawn tih ka hre lo a ni.Ka nu zin pawh a thang rei ta khawp mai, chanchin min hrilh ngailova, phone pawhin kan inbe ngai hek lo, a chang chuan ka nu tak a nihte hi ka ring lo rum rum tawh a ni. Nikhat chu ka pa study roomah ka lut a, lehkhabu chhuar vela awm chu ka en vel mai mai a, lehkhabu pakhat chuan ka mit a la ta riau mai a, ka la a, ka han en chuan a kar ațang hian envelope hi a rawn tla nawlh mai a, a kawmah chuan ka hming a lo inziak kalh mai a, a ziahna a rei tawh hle tih hriat tak hian a chul deuh rap tawh mai. A chhung ka han en chuan ka pa kutziak tih hriat tak hian hraw deuh hian a lo inziak a, a thu ziak ka han chhiar chu mak tihna hlir hian ka khat a.Lehkhathawn:-----------------------Ka fanu duhtak, he lehkha i chhiar hunah chuan kei chu he khawvelah hian ka awm tawh lovanga, mak pawh i ti hle ang tih ka hria. Tuna i nu emaw i tih hi i nu, nangmah hringtu che a nilova, nangmah hringtu che chu tunah hian a la dam a, khatihlai khan kan rethei lutuk a, i nu pa hian kan inneih a phalloh a vangin i pian hlimah ka hnenah i nu hriatlohvin i pu in a rawn dah nghal che a, tuna i nu ka nei hi khawvela ka tihsual lian ber a ni. Nangmah enkawl turin ka buai thei țhin si a, bakah nausen mai ila ni bawk nen, nausen enkawl kha ka tan a hautak lutuk a, tuna i nu hian amah nei tura min nawr nasat em avang leh nangmah enkawl tu tur ka lo mamawh ve bawk nen nupuiah ka nei ta ringawt a, i chunga a thiltih zawng zawngte kha hmu reng țhin mahila ka hmuhloh der a ngai țhin si a, ka khawngaih țhin che asin. I nu(hringtu) hnenah ka hrilh tawp mai dawn em ni aw tih ka ngaihtuah reng țhin. Mahse i pu hnenah ka lo intiam ve tawh bawk si a, i nu chu nangmah ngeiin ilo zawngchhuak dawn nia aw, i nu zawngchhuak thei tur khawpin i dinhmun pawh a țha tawh alawm, a hming chu Sangpuii a ni a, hmelțha tak leh zaidam tak mai a ni, i nu i chhun em em bawk, i pu hming chu Ramtluanga a ni. Aizawlah hian an awm ve thova, Aizawl mi hausa zinga sawi an ni. Nangmah hringtu che hian i la dam tih a hre lova, i pu khan i thi tiin i nu hnenah a sawi a, kei hian ka enkawl ta che a ni. I nu hian a hmuh hunah che chuan a hmangaih lutuk ang che. Kei pawhin ka hmangaih lutuk che ka fanu.I pa.tih hian a lo inziak a. Thlalak hlui tawh tak mai hi a lo awm bawk a, chu thlalak chu hlui tawh hle mahse thlalaka chuang chu nu hmelțha tak a ni tih hai rual a ni lo. Ka pa nen hlim taka an nui dun lai thla alo ni kher lehnghal a.Ka chhiar zo chu mak ka tih rualin ka lawm kher mai. Ka nu emaw ka lo tih țhin hi ka nu a lo ni lova, ka nu lak ațanga hmangaihna ka dawng ngai miah lo kha tunah chuan ka hrethiam ta, a fanu diktak ka lo nih loh vang anih hi. Ka nu(tak) chu ka hmu châk kher mai, engang hmel nge a put ang tih ka hre châk kher mai.Aizawla an awm chuan zawn hmuh a harsa miah lovang le.Mahse.....!Engtinnge ka zawn chhuah tak ang le, a thlalaka a hmel ang kha ala pu angem? Ka pa study room ațang chuan ka chhuak vat a, ka room ka pan nghal a, khuma mu chungin ka ngaihtuah a, zawn țan dan tur ka van hre lo tak em! Lehkha chu ka thukru vat a, tuemawin an hmuh hlauh chuan a pawi dawn lutuk a ni.Tlailam a lo nih chuan u Kimi rawngbawl ka pui a, ka nu a awm lo bawk nen, kan inthlahdul dun kher mai. Chutia kan lo nuih bâwk bâwk lai chuan ka nu a lo haw thut mai a, mipa pakhat hi a rawn hruai haw a, makti takin u Kimi nen chuan kan en dun hau mai a, kan ngawi dun chiang kher mai.Ka nu leh a țhianpa lah chu an rui dun em em mai a, u Kimi chuan rawngbawl kêp an ngaih leh ngaihloh a han zawt dek dek a, ka nu chuan vin zet hian an ei dawn loh thu sawi pahin an room ah a țhianpa chu a hruai nghal a, room an lut fel ta maw tih chuan u Kimi nen chuan kan thaw huai mai. Kan in en a, kan innuih tawp. Buai kan țan chho leh dawn chu a ni ta der mai. Huphurhawm leh dawn mange!Tlaiah chuan u Kimi nen chaw kan han ei dun a, țawng pawh kan țawng lo, ngawi rengin kan eidun mawlh mawlh ringawt. Chaw kan ei zawh chuan ka roomah ka chho ve nghal a, ka roomah lutin kawngka ka kalh nghal hmak a, engemaw min mawlhtu awm ang hian ka awmdan hi a dik thei tlat lo. Mpa ka ngai hle mai.Rinloh deuhin buaina awm lovin tui takin ka mu a, ka harh leh chuan ni alo chhuak uar tawh a, ka lo mutui hle a ni tih ka hria a, ka lawm kher mai.Ka thawh veleh ka inphih fai a, inhnuaiah ka chhuk a, ka nu leh a țhianpa chu ka thawh hmain an lo chhuak leh daih tawh mai. Thingpui ka in a, u Kimi nen rawng kan bawl dun leh rak rak a. Chaw ei kan peih thuai mai a, kan ei leh nghal mai.Tunah chuan dawr lam ka kuta a awm ve takah chuan nitin ka kal a ngai ve ta a, dawr hmun thuma nei kan nih avangin ka buai ve em em a, ka nu lah chuan enkawl a tum ve der bawk silo, kan manager te an fel em avangin an kutah dahin dawr pakhat thawmhnaw dawrah chiah ka inthlurbing a, dawr dang chu report min pe mai zel a, thlakhatah vawi hnih khat tal ka tlawh ziah țhin a, ka tlawh țum chuan min lo lawm thiam ve hle țhin.Dawrah chuan a neitu tih avanga țhenkhat ten an hnathawk te an duh duha an chhawr ang hi ka duh miah lo. Hnathawktu kan chhawr tam viau nain, angkhat vekin ka en a, keimah pawhin ka pui nasa ve viau. Hnathawk țhenkhat phei chu an lawm thiamin nuam an ti ve khawp mai. Thawmhnaw lo thleng thar a awm reng a, kan vannei a, min dawrtu pawh kan ngah thei țhin khawp mai.Chau hnâpin in ka thleng a, ka thlen chuan ka nu alo awm ve teh tlat. Mak ka tih lehzual chu Mpa a lo awm ve bawk. Ka nu nen chuan innel hmel deuhin an lo awm dun nghe nghe. Min han hmuh chuan a meng phar ak na in a inthunun leh nghal vat a.Ngawi rengin ka room ka pan a, ka rilruah mak tihna leh rinhlelhna a lo awm nghal a, mahse chu rinhlelhna chu ka paihbo leh nghal mai a, ka lo awm silovin ka nu nen an inkawm anih ka ring leh ta a. Ka inthlak mek lai chuan ka room kawngka kik ri ka hriat chuan Mpa a nih ka ring a, ka be châk lo kher mai. Ka inthlak zawh chuan,"Lo lut rawh," ka lo ti ve mai a.Rawn luh pah chuan, "Mate, i va lo haw har ve a, ka lo nghak char char che a, i nu a lo awm hlauh a, kan lo inkawm mai mai a," a ti nghal vat a.Ka ngawi reng a, a thusawi chu awih tur nge awih loh tur tih pawh ka hrethiam lo."Min chhang ve ta che, tinge i ngawih reng a?""Sawi tur ka nei hleinem," ka ti ve mai a."I lungawi vak lo em ni a?" a ti leh a."Lungawi lo lo e, ka chauh deuh vang aniang," ka ti ta ringawt a."Naktuk enge i tih ang? Dawr kal leh i tum em ni?""Hmm, kal leh ang, kan buai ve em a, min dawrtu kan ngah ve thei em alawm, kan insilfai lawk ange," tih pah chuan bathroom ah ka luhsan ta a.Bathrooma ka la awm lai chuan, "Mate, ka haw mai ange aw, inkawm duh viau mahila i chauh viau chuan mu hma mai rawh, Muttui aw," a tih paha kawngka inhawng ri leh a chhuah paha inkhar ri chu ka hre zui nghal a.Ka inngaihtuah nasa hle mai a, hmm, ka nu nen ka hmuhdun avang ringawtin ka ringhlel a, kei hian ka thik a ni chiang mai. Hahthlak hian!Bathroom ațang chuan ka chhuak a, ka mutkawr chu ha in, khumah chuan ka inthawlh ta kak a, ka chauh em avangin engmah pawh ngaihtuah lovin ka lo muhil nghal leh pek!Zing hma taka thovin inhnuai ah ka chhuk a, u Kimi pawh a ngai te bawkin a lo tho leh hman tawh. Thingpui te in in, kan ti ti dun barh barh a, tukdang ang lo takin ka nu chu choka ah a rawn lut ve hlawl mai a, tukdang ang chu nise a chhuak leh daih tawh awm si a."Kimi, thingpui ka lo in ve ang chu!"U Kimi nen chuan mak kan ti ngang mai, mahse engmah sawi lovin thingpui chu thli in a pe ve mai a."Nubawih..!"A vawikhatna atan ka nu in țawngkam pangngaiin min be ve nia, makti zetin ka melh ringawt a. Eng thil nge a chungah thleng ta le?!!"Dawr kal i tum leh ami?""Aw, tinge min zawh a?" Ka ti let hau a."I chungah ka lo țha lo țhin hle a, min ngaidam dawn nia aw..." ka nu chuan a ti leh a.Awi leh! Ka nu in ngaihdam min dil nia, makti lutukin ka melh reng a, chhan nachang pawh ka hre lo. A kawchhungah engemaw lut ta le! Tukin chu a zia a va dang em em ve mawle!Chaw pawh ka nu in kan rualin a ei ve a, u Kimi nen chuan kan in melh leh zeuh zeuh a. Ka nu chu a țawng siam siam a, a ti ti kan ngaithla ani ringawt mai. "Vawiin chu inah ka awm ve ange, Kimi, i duh leh vawiin chu chhuak harh vela, in ka lo nghak ange, chaw eina pawh hi ka lo tifel vek mai ang," a ti a. U Kimi nen chuan makti zetin kan in en a,"Awle, ka lawm lutuk e, ka mamawh lai tak a ni a." u Kimi chuan a ti a.Kan eikham chuan Insiam tur chuan kan room ve ve kan pan nghal a, kan insiam zo chu kan kal nghal mai a, tukin ka nu awmdan chuan kan ngaih a tițha lo dun kher mai.Dawr ka thlen pawh chuan rilru nuamlo deuhin ka awm a, hnathawh lam pawh ka rilruah a lut theilo. Ka nu ringawt ka rilruah a awm mai, kan hnathawktute pawhin ka awmdan chu mak an tih ngei ka ring a ni. Nidanga ka hnathawk nen kan inang lo em lah tak a, makti awm reng pawh an ni e. Keimahah hian engemaw thleng dawn tlata hriatna hi ka nei a, ka awm a nuam thei hauh lo mai.Ka haw hma ta ringawt a, in ka thlen chuan kan kawtah hian car nalh zet mai hi a lo ding vang mai a. Ka nu chuan inleng a nei leh tawh a ni maw ka ti rilru a, a awmdan țhin kha vawilehkhatah chuan bansan mai a harsa viau ngei ang.Inchhung ka luh chuan tumah ka hmu lo a, ka nu chu a inleng chu a roomah a awmpui leh anih dawn hi ka ti mai a, ka room ka pan dawn lai tak chuan ka nu roomah chuan rum thawm hi ka hria a, an rum dan ațang chuan enge an tih chu hrilh ngai lovin ka hre mai, ka room kawngkhar ka thleng dawn chiah tih chuan ka nu room kawngka ri rak chu ka hria a, ka hawilet chuan Mpa hi kekawrte nen chauh hian alo chhuak ta mai a, min hmu chu phung hmu ang mai hian a meng phar awk mai a, "Ma...te....!" a ti bah ve nawk nawk mai.Kei chu ka roomah ka tlanlut nghal a, kawngka ka kalh sawk sawk a, ka khumah ka bawk thlawp a, ka chi-ai vek, ka sa pup pup a, ka thin zawnah hian na vawt vawt hian ka hria. Ka mittui a tla zawih zawih a, engtinnge ka chungah khatiang kha a tih theih? Nizan lawkah pawh inkawm mai mai angin a insawi a, eng chen nge ka hmuh loah an lo inkawp tawh ang le! Ka hmangaih che min titu ngei chuan ka nu mutpuiin nuam alo chen chu a ni si a, eng chen nge min lo bum tawh ang le?Ka room kawngkhar chu a rawn ri dawt dawt a, "Mate, keimah ka ni, kawngka hi lo hawng teh, thil thleng kha i hmuh ang kha a ni lo ania," tih pah chuan a rawn chum leh dawt dawt a."Kal bo rawh. Ka hmu peih lo che.""Khawngaihin lo hawng teh, ilo hawn loh chuan ka tichhia a ni mai," a rawn ti leh a.Ngawi rengin ka thova, kawngka chu ka hawng a, ka hawn veleh rang lutukin a rawn lut nghal a. Kawngka chu a kalh ve lehnghal hmiah a.Kei chuan khuma țhu chung hian ka lo en reng ringawt a. A lo inha fel leh vek hman tawh."Mate, i hmuh ang khan engmah a thleng lo ania,"Khatiang khan khawsa lo nise chuan kekawrte nen chauh ka nu room ațang khan alo chhuak hauh lovang. Bakah an khawsak dan pawh ka hrethiam vek. Ka luak a chhuak lutuk chu toiletah ka tlanlut vat a, ka luak ta nghek mai a, ka chhuah leh chuan ngawi reng hian alo țhu a, ka ten ngawih ngawih.Engtinnge khatianga a khawsak hnuah min hmu tura alo la kal ngam ni? Zaktheilo leh lutuk mai. He mihring hi ka lo hmangaih ve hman khan ka hria asin le, ani pawhin min hmangaihthu a sawi ve a ni lawm ni? Hetiang hi em ni hmangaihna chu? Anih chuan hetiang hmangaihna hi ka duh ve hauh lo mai. Min hmangaih tak tak nise chuan min bum hauh lo ang le."Tun ațang chuan nang leh kei hian inzawmna pakhatmah kan nei tawh lo. Engtikahmah nang hi hmuh leh che pawh ka duh hek lo, ka lo hmangaih che kha ka tihsual lian tak a ni e, min hnaih pawh tum leh tawh ngai suh ang che nang bumhmangpa.""Mate.....""Khatiang pawh khan vawikhatmah min ko tawh suh ang che.""Min ngaithla ve la....""Ngaihthlak tur a awm em ni? Ka nu nen in khawsak dun dan ka hai bik lo, nang hian bum nuam min lo ti viau em ni? Engtikahmah ka ring leh tawh ngai lovang che. Chhuak mai teh, ka hua che, vawikhatmah ka hmuhah rawn inlan tawh suh ang che."Ka thinrim lutuk chu ka vin nghek ringawt. Min rawn kuah a tum a, ka lo vaikiang lawp a, a tihngaihna hre lo chuan kawngka chu a pan ta ringawt a. Min han en leh vang vang a, kawngka kalhna chu a hawng a, a chhuak ta nghal a. A chhuah veleh chuan khumah bawk thlawpin ka țap ta zawih zawih a.Ka țah zawh chuan ka hmai ka phih a, darthlalangah chuan ka in en vang vang a, ka mit bui lutuk tur a lan loh nan make up ka inhnawih leh nghal a, ka inpeih hnu chuan engmah thleng lo ang hmiaha lang thei tur chuan ka insum hram hram a, inhnuaia ka chhukthlak chuan thawm engmah hriat ka nei tawh lo. Ka nute pahnih chu an chhuak leh ta ani maw? Choka ah thingpui ka lum mek lai chuan u Kimi pawh alo haw ve chiah a.Tukina ka nu awmdan chu u Kimi nen chuan kan sawi dun malh malh a, kei chuan mak pawh ka ti tawh lo, engtikahmah a nungchang chu a sim dawn lo, mahse engvang kherin nge Mpa nen an inkawp le? Hui ham, ka ngaihtuah zui peih tawh lo, an duh dan danin awm ang hmiang, Mpa lakah chuan a aia thuk ka lo thleng hman lo kha ka lawm kher mai, a mizia ka lo hrechiang lo em a ni. Tun ațang chuan tu mipa mah hi ka ring leh tawh lovang.Zanriah ei hunah pawh ka nu chu alo la haw hauh lo mai. Zanriah chu u Kimi nen bawk chuan titi pahin kan ei leh mawlh mawlh a."Nubawih, Mpa leh i nu hi an lo inkawp reng ani maw? A hmangaih viau che emaw ka lo ti asin." a rawn ti chhuak phawng mai a.Kei chu ka lo phu zawk a, "Nia tiraw, an duh tawkin han inkawp teh se, mahse an chanchin hi sawi lo zawk teh ang, ka thin an tirim dawn tlat," ka han ti hmarh hmarh a.U Kimi chuan min lainat hmel tak hian min en vang vang mai a.Ka nu vang hian engchen nge ka tawrh la ngai dawn le? Tunah chuan nula puitling ka ni ve tawh alawm le, ka naupan laia min tihduhdah ang khan a duh duhin min ti thei tawh lovang. He in leh dawr zawng zawng ka kuta awm vek a ni a, dawr pakhat a kuta awm ve pawh a enkawl peih lo ania, ka duh chuan ka hnawtchhuak thei alawm, mahse chutiang em ti duh tur khawpa sual leh rilru chhia ka ni ve lo tlat.Zanriah kan eikham hnu chuan ka roomah lutin kan dawr ațanga pawisa kan hmuh zat report ka en fel a, ka en zawh meuh chuan mut alo hun leh der tawh mai. Ka zi ar ar a, ka tuihal em avang chuan inhnuaiah ka chhukthla leh a, fridge ka hawng a, tui ka in chiah tih chuan ka nu hi rui tawkin a lo haw leh a, ka nu tak a lo ni lo hi ka lawm hnuhnawh kher mai. Mahse kawng lehlamah chuan ka khawngaih ang reng, fa ama hrin ngei nei ta se, a nun hi hetiang hian a hmang kher lo mai thei a ni.Ka nu chu a room pan chuan step ah chuan a pai chho nawk nawk a, a tlu leh lek lek țhin a, ka umzui vat a, kuah mai ka han tum chuan ka ban chu a lo vaikiang lawp mai a, thinrim deuh hian mi han melh a."I puihna mamawh ni ila ka ko mai ang che," a lo ti hrawk a.Kei chuan ngai pawimawh lo zetin ka kuah lui ta thova, tha ah min hneh tawh lo bawk nen a room thleng chuan ka hruai a, a rim lah chu a chhe em em mai lehnghal a, khumah chuan a mu tawp a, a pheikhawk ka hlihsak a, blanket ka sintir leh hnu chuan chhuahsan leh mai ka tum chuan, "Ramnunmawi....!"Ka phu zawk a, ka nu hian ka hmingpum hlirin min ko mahse engtik ațangin nge ka hming pawha min koh tawh loh ka hre tawh lo, ka han hawi let chuan ka nu chuan min lo melh kar mai a."Min ko em ni?" Ka han ti sap a."Ka koh loh che in tudang nge ka koh anga," a ti leh mai a."Enge ni a?"Ka fanu dik tak i ni lo tih hi i hria em?"Chhan mai ngaihna pawh ka hre lova, ka ngawi reng a."I nu dik tak ka nih loh avangin i chungah ka sual hle tih pawh ka hria, mahse enge ka tih chuan ang? I pa hian min hmangaih vanga min nei a ni tlat silova, i nu hi a la hmangaih miau si a, ka awmdan pawh hi a dik lo tih ka hre ve tho asin, mahse ka rilru a dam beiseiin tihian ka khawsa ta mai anih hi. Nang chuan engmah i hre pha ve silova. Ka fanu dik tak nila ka ti țhin asin, I pa nen hian inhmangaih vanga innei kan ni lova, inremsiamna kan nei a, a tawpah chuan kan lo inhmangaih chho ve ta a, mahse ka lo tlai tawh a ni, mahse i pa khan kan thutiam kha vawikhatmah bawhchhe velo, keimah zawk hian ka bawhchhia a ni." a ti ta duah mai a.Ka nu hmel chu ka han en a, a ruiin ka hre si a, tinge heti hian a awm tak le? Tunah chuan a tihhrehawma ka awm theih tawh loh vang hian ka chungah țhat chhuah tumin a laka phuba ka lak a hlau zawk em ni le? Mahse a thusawi chu ka ngaihtuah chiang a, rilru hrehawmna nasa tak a lo tawk ve reng zawk em ni? Tuna a thusawi zawng zawngte kha naktukah chuan a hre leh tawh hauh lo ang chu.Ka nu chu ka han en leh vang vang a, a muhil ta nia ka hriat hnu chuan kawngka chu dimtea kharin ka chhuahsan ta a.Ka roomah chuan muhil theilovin ka let ka let mai a, ka ngaihtuahna a kal thui ngei mai. Țha takin nung sela, ka chunga a thil lo tih zawng zawng te kha ka ngaidam thei mai angem? Mahse ka chiang ngam bik lo.Ka nuhrawn niin ka lakah lo sual țhin hle mahse ka hriat theih ațanga nu ka hmuh hmasak ber a ni si a, ka ngaidam thei ang nge theilo vang tih chu ka sawi thei lo a ni. Ka ngaihtuahna ka sen nasat leh ka buai tulh tulh mai dawnin ka hria a, ngaihtuah loh law law mai tumin muthilh ka tum ta a, reiloteah ka lo muhil ve ta mai bawk a.Zing ka harh chuan ni alo sang tawh hle mai, thawh ka hai chiang hle mai. ka inphihfai hnu ah inhnuai lam ka pan a, ka nu room ka pelh hma chuan ka ding dat a, kawngka hawng dek dek chuan ka han bih a, ka nu chu alo la mu reng mai. Zingah a tho hma thei hle țhin si a, tinge tukin hi a va tho tlai ve mawle?Ngawi rengin ka khar leh mai a, choka ka thlen chuan u Kimi chuan rawng a lo bawl peih der tawh a."Thingpui i duh em?" tiin u Kimi chuan min han zawt a.Ka lu ka lo thing mai a, chaw ei nan a la hma deuh avangin veranda ah chuan ka țhu chhuak a, kan kawta pangpar te chu ka thlir mai mai a, chutihlai tak chuan Mpa hi a lo lang hlawl mai a."Hi! Kan va inhmu khat ve," tih pah chuan ka bulah a lo țhu ve nghal a.Kei lah chu ka lo tawlhsawn vat a, a la nui suk zui. Ka melh rawm rawm mai.Biak ka chak hauh lo, inbe lo chuan reife kan ngawi dun reng a."Mate...!""Khati khan min ko tawh suh," ka han ti let ve sak a."Min ngaidam ve tawh la, ka la hmangaih reng che asin," a han ti veleh a.Zak theilo ka ti kher mai."I zak miah nange a, ka nu nen khatianga in awmdun hnuah pawh min hmangaih thu ila sawi ngam amaw?" ka ti ve sak sak a."I mize dik tak ka hmu ah ka ngai, ka lawm khawp mai." tih zawm pah chuan inchhungah ka luhsan ta daih a.Inchhungah min rawn zui lut ve nghal vat a, u Kimin min hmuh chuan makti zet hian min lo en hau mai a. Ngaihțhatloh hmel deuha min lo en ka hmuh chuan ka mitmeiin ka hrilh vat a, hrethiam takin a hawisawn leh ta mai a."Ka nu hmuh i duh anih chuan ala mu a, i nghak dawn em ni?" Ka ti hmak a."I nu hmu tura lo kal ka ni lo,""Anih enge rawn tih i tum a?" tih pah chuan u Kimi chu ka melh zawk a, a ni lah chu a buai ngaiin alo buai leh mawlh mawlh tawh."Nangmah rawn hmuh che ka tum a...!""Nangnen hian inhmuhna chhan tur kan nei tawh lo, chuvangin min hmuh tum tawh ngai suh ang che," ka ti leh hmak a."Pawi ka ti khawp mai, mahse hei hi hre rawh, ka lak ațang hian i kalbo lo tawp ang," a han tih chu u Kimi chuan a lo hre pha ani ngei ang, thinrim zet hian a rawn kal ve a."Lalmuanpui, i zak theilo kher mai, Nubawihi hi vawikhatmah lo tibuai tawh suh ang che, tunah hian min hawsan mai rawh, buaina a thlen hma hian..." a rawn ti ve ta piap piap a. Ka lawm kher mai.Mpa chu ngawi rengin a chhuak ve ta mai a."A va han zaktheilo tak em! Hetiang mihring hi ka la hre ngai lo reng reng," tih bawrh bawrh pah chuan u Kimi chuan min rawn kuah a. Choka ah chuan kan lut dun ta a.Chaw chu kan han ei a, u Kimi chuan, "Nubawih, i rilru tihah duh reng reng suh, khatiang mihring khan i hmangaihna a phu thlawt lo, ani aia țha ila tawng leh em em ang," tiin min hnem mawlh mawlh a.Ni e, ka rilru tihhah phah nana hman ka tum hauh lo, khatiang mihring kha chuan hmangaihna awmzia pawh an hre lo ang.Inchungah chhovin dawr kal ka ngaih avangin insiam turin ka room ka pan a, ka nu room zawn ka thlen chuan thawm engmah ka hre lova, ngaihțhatlohna riau hi ka nei a, ka nu room kawngka chu ka han hawng leh dek dek a, ka nu chu khumah alo la mu ta reng mai a. Ka hawng zau deuhva, ka nu mutna chu ka pan vat a."Ka nu....!""Hmm....!"A chal ka han khawih chuan alo sa vur mai a, u Kimi ka ko vat a, rang deuh hian alo tlan chhova, a han en chuan a khawsik alo sang hle mai a."Damdawiin kan pan vat angai ang, a khawsik a sang em mai," a han tih chuan ka nu car chahbi chu ka la vat a, ka nu chu kan kuah thova, inhnuai lam pan chuan u Kimi nen chuan kan kuah thla ta a. Car dahna kan thlen chuan a hnungah kan muttir a, u Kimi chuan kawngka a kalh leh sawk sawk a, kei chu driver seatah țhu in car chu ka khalh nghal a.Damdawiin kan thlen chuan doctor kan hmu vat a, doctor chuan a thisen chu test turin a la nghal a, thildang dang test ngai tur pawh a awm nual mai."Result chu tlailamah a chhuak ang, lungngai suh u, a țha leh mai ang," tiin min hnem ve mawlh mawlh a. A thlamuanthlak huai mai."Nubawih, he damdawiin hi ka hria, a neitute hi an fel lutuk, a thawktu te pawh hi an felin biak an nuam em em a, damlo tan pawh a thlamuanthlak lutuk, an damdawiin hian mi fak pawh a hlawh nasain Award pawh an dawng hial asin." A han tih chuan phawk zetin ka lo en a, ka lo la hre ve hauh lo chu niin.Ka nu mutna bula kan lo awmlai chuan doctor leh hmeichhe pakhat hmelțha zet mai hi an lo lut dun a, chu hmeichhia chu a hmelțha kher mai, a fel hmelin hlim hmel hi a pu sang mai a, min rawn be bawrh bawrh nghal a. A hlim hmel chuan min tihahdam sawng sawng mai."I nu em ni damlo chu, enge a an tawh a?" a rawn ti nghal bawrh bawrh a."Test ngai an test mek a, enge kan an dawn ka la hre hauh lo mai," ka han ti ve vat a."Lungngai reng reng suh u, a dam veleh mai ang, a result te kan han hria anga, anih ka kal leh phawt ange, doctor țha takin ilo enkawl dawn nia aw," tih pah chuan a chhuak leh ta a."Kha kha alawm ka sawi chu, a neitunu ber anih kha, tikhan damlo te a kan kual a, mi harsa deuh chu a thlawn liau liau in an enkawl țhin asin," a han tih chuan mak ka tih rualin ka ngaisang kher mai."Ni e, a fakawm asin, a inpekna avang leh damlo te hmangaih taka a en țhin avang hian kan damdawiin pawh hi hetiang dinhmun hi thleng thei kan ni asin," Doctor chuan alo ti ve nghal zat a.A chanchin hriat zawm zel ka chak kher mai. Mahse chutiang lam ngaihtuahna hman a awm ta lo.Doctor chuan, "Khawngaihin min lo zui lawk thei ang em?" a han tih chuan ka lu ka bu nghat a. Kan inzui chhuak ta nghal a."I nu hi a khawsik satliah mai bak hi natna engemaw tak a vei ani. Chu chu a thisen result kan hriatchian hunah a hriattheih ang," Doctor chuan a ti ta a.Ka hlauthawng kher mai, eng natna țhalo nge ni ang le?Ka nu awmna ward a ka luh leh chuan u Kimi chuan, "Engnge doctor chuan a sawi a?" a lo ti var a.Ka nu a harh nge harh lo en zauh pah chuan zawite hian, "Ka nu hian natna țhalo tak a vei mai thei tih a sawi alawm, ka hlauthawng riau mai," ka han ti sap a.U Kimi pawh chu a phâwk chiang kher mai.Tlailamah chuan Doctor kha alo kal leh a, "I nu thisen test result chu a chhuak tawh a, min lo zui lawk ta che," a ti leh a.Hlauthawng tak chungin ka zui ve nghal vat a.Doctor room kan thlen chuan, "Țhu phawt teh, a țhawng mai thei che ania," a ti leh var a.Ka țhu ve mai a, "Doctor han sawi vat teh, a result chu a țha lo ani tiraw?" ka han ti ve nghal zat a."Aw, a țha lo khawp mai, i nu hi eng ang mi nge tih chu ka hre lo na in, i nu hian Aids a vei a ni, a rei tawh a nih ka ring, inrinhlelhna chang a hre miah lo em ni a? Rei pawh a daih ka ring lo," a ti ta tawp a.Ka hamhaih vek maiin ka hria, ka nuhrawn mah nise, chutiang natna țihbaiawm chu vei turin ka duh bik lo, mahse a nundan tenawm lutuk avang khan hetiang natna hi vei theihna chance a nei tlat a ni. Ka hlauhthawn ang ngeiin maw!Doctor room ka chhuahsan chuan ka pik vekin ka hria, ka naupan laia min tihretheih țhin lai kha chuan ka nuhrawn tih ka la hre lo bawk nen, ka hua in, thi se tih ka ngaihtuah hial țhin anih kha. Mahse hetiang dinhmun a han tawh takah chuan ka nu hi ka lo haw miah lo mai tih ka hriatchhuah phah.Ka nu awmna ward ka thlen chuan chauh hmel deuh hian ka nu mutna bulah chuan ka țhu hnawk a, u Kimi chuan min lo kuah vat a, ka awmdanah thil țhalo a awm tih a hrethiam ve mai.Ka nu dinhmun chu a țhat vak loh avangin inah pawh haw theilovin kan awmpui char char a, dawr lam pawh ka phone tawp mai."U Kim, nang chu va haw la, inthlakna tur leh chaw min lo ken dawn nia," ka han tih chuan a lu bu nghat pahin a tho ve mai a. U Kimi hi a awm lovang tih ka hlau kher mai.Tlaiah chuan u Kimi chuan inthlakna tur leh chaw kan pahniha eitur a lo keng a, kan pahnih chuan kan eidun a, ka ei chak lo hle nain, ka rin aiin ka eitui phian mai.Zanah chuan u Kimi nen ka nu kan riahpui a, chhungte dang nei ta lo chu kan pahnih chuan kan buai dun zak zak mai.Zantir lamah chuan Mpa chu a lo lang ve hlawl mai a, hmu chak lo viau mahila ka nu rawn ngaihventu awmchhun a nih avangin engemawti kawng zawng tak chuan ka lawm hle thova."In inah rawn kal ka tum a, in lo inkalh țhiap si a, in țhenawm ten min hrilh hlauh a, ka rawn kal vang vang anih hi," a ti zung zung a."I va ti lawmawm ve a, kan beisei ngam hleinem che," u Kimi chuan alo ti vat a. Ka rilru a hriat avanga min lo chhan khalh pawh ani reng a."Engtinnge a awm reng reng a?" tia min en pah chuan a ti leh a."A khua a sik a, vawiin khan a thisen an test......" ka ti hman chiah a, ka nu dinhmun a hriat vaih chuan a tihchi loh viau ang le! Sawi chhunzawm tawh lo chuan ka ngawi ta hmak a.Zan dar sawm thleng chuan a awm ve ta reng a, a hmaa a mizia ang tho kha ala pu reng nain, ka thinlung chhungril hian țihna a nei tlat tawh."A tlai tawh si a, i hawna tur a hla awm bawk si a, va haw tawh mai rawh, eng em kan ti lovang," u Kimi chuan a lo ti ve vat a."Anih chuan ka va haw ange, naktuk lamah ka lo kal leh dawn nia," tih pah chuan a chhuak ta nghal a.Zankhua chuan eng em kan ti lova, ka nu pawh rin aiin a mu țha. Nurse ten englai pawhin an rawn ngaihven ziah bawk a, Keini pawh kan in mut chhawk nain, in muthilhsan chu kan tum lo ve ve a, kan pahnih chuan kan titi dun barh barh a, zinglamah chuan kan chau ve deuh aniang, kan lo muhil ve sek a.Ka han harh chuan u Kimi chu alo la mutui khawp mai a. Ka nu chu ka han en vat a, alo meng harh ve viau a, ka lawm kher mai.Zingkarah chuan Doctor in a rawn endik leh a, a bp te a check a, en ngai tur zawng zawng a en vek hnu chuan, "Min lo zui leh lawk thei em?" a ti leh a. Ka zui chhuak veleh nghal vat bawk. Kan chhuah veleh chuan, "Doctor, ka nu dinhmun hi chiang takin min hrilh rawh," ngenngawl takin ka han ti a."I nu dinhmun hi a țha vak lo ania, hetia en hi chuan a țha viau angin a lang a, a chhunglamah hian Aids natna hian a țaidarh nasa tawh tlat. Damdawi chu ka chawh tho che u anga, mahse rei a daih lovang, in lama in enkawl in duh anih chuan kan tihsak thei tho che u ania, mahse kan pi ber hian engtinnge a tih ang ka hre tlat lo a ni," tiin min hrilh ta khawl mai.Kan awmna ward lamah bawk chuan ka let leh ta a, kawngkhar ațang chuan ka thlir ta ringawt a. Ka nu an dahna hi ward hran daihah a ni a, keini pawhin kan awmpui dawn chuan mask leh glove min vuahtir vek a, a natna hi tihpalh thilthuah kan kai palh an hlau a ni.PART - 2Ward chhunga lut lo chuan a pawn ațang chuan ka nu chu ka thlir reng a, mipa chi hrang hrang a kawp avanga Aids vei ani tih a lang reng mai si a. Engtia inenkawl tur nge tih ka hrethiam ve silo, ka rilru a hah tak zet a ni.Doctor in ward a fan pah chuan nimin lama ka hmuh tawh hmeichhe nalh leh hmelțha zet mai kha a lo kal leh a, min hmuh chuan a nui sang mai, a hlim hmel chu hmuh nuam tak a ni. Ka nu awmna Ward chhungah chuan kan inzui lut ta nghal a."Enge in lo an a? I nu result ka lo hria a, a pawi ka tihpui lutuk che, mahse lungngai reng reng suh, kan enkawl dawn alawm," tiin min han hnem ve mawlh mawlh a, ka thlamuang huai mai."Enge kan an zel dawn ni? In lama inenkawl mai tur em maw ni?" ka han ti let ve a."Ni e, khalam kha chu in tih dan dan a ni mai, in duh phawt chuan nurse pawh kan pe thei reng che u a nia," a han tih chuan ka hahdam huai mai."Ka pi, ka lawm lutuk ringawt, dawr ka kal a ngai ve reng bawk si a, nurse min pek a buaithlak viau dawn loh chuan in lama inenkawl ka duh mai e," ka han ti ve leh a."Awle, tehreng mai, doctor ward fan zawhah doctor nen hian in sawi dun dawn nia," a tih pah chuan ward fang chhunzawm tur zawm tur chuan an inzui dun leh ta a."Engtinnge kan tih tak ang? In lama inenkawl chu kan tum mai dawn em ni?" tiin u Kimi chu ka han râwn a."In lam enkawl a ngai bawk si a, kârtawn chhen a ngai dawn bawk si a, nang dawr enkawl i ngai bawk si nen, in lama inenkawl chu a zia hlauh zawk ang chu," a han ti ve a.In lama inenkawl chu kan titlu ta a, ka nu pawh rin ai chuan a harh ve rih a, zankhat kan awm leh phawt anga, a tuka chhuah chu kan dil mai dawn ani.#Damdawiin kan chhuah dawn ni chuan Doctor ward rawn fang leh tur chu nurse leh nu hmelțha tak khan an rawn zui veleh a, "Chhuah chu in tum ta amaw?" a rawn ti nghal bawrh bawrh a."Aw, kan chhuak mai ange, in lam nen kartawn a ngai a, a buaithlak ve em mai, nurse amah enkawl tutur min pe a, kan lawm lutuk ringawt." Ka han ti ve vat a."Harsatna engemaw in neih chuan min hrilh hreh reng reng suh ang che u, kha, hei hi kan damdawiin phone number a ni a, tupawh in rawn phone thei ang, anih ka kalsan leh phawt ang che u," tih pah chuan a chhuak leh ta nghal mai a.Doctor chuan tihfel ngai leh check ngai te a han check leh zung zung a, "In in peih hunah Nurse alo kal anga, in rualin a kal ve nghal dawn nia, a hming chu Lydia a ni e." a ti leh zung zung a."Nubawih, kan haw thei tawh ami?" Ka nu chu a rawn țawngchhuak ve hlawl a."Aw, inlam ngaihtuah a ngai ve bawk si a, i țha chho ve zel mai ang, inlamah hahdam takin i awm thei dawn alawm," ka han tih chuan a nui ve sak mai.#In kan thlen chuan ka nu chu a room ah kan hruai chhova, kan muttir lehnghal a, a chau ve viau aniang, reiloteah a muhil zui ve nghal mai.Ka roomah lutin shower hmangin ka inbual nghal sar sar a. A nuam ngei mai, ka harh sawng sawngin ka hria.Ka inbual zawh chuan ka inthlak leh vat a, ka ril a țam ve deuh avangin inhnuaiah ka chhukthla nghal a, u Kimi leh Lydia pawh an lo awm ve reng tawh a, thingpui te lumin kan in a, kan in pah chuan kan titi mai mai a."I nu hi a ngaihtuahawm hle in ka hria," Lydia chuan a rawn ti chhuak phawng a."Ka hria alawm, amah pawh hian a inrinhlelh hial ka ring," ka lo ti ve vat a.Ka nu natna hi engchennge kan zep theih ang tih ka ngaihtuahnaah alo lut a, miten hre ta se, an thinhrik mai awm si a, ka tan tak pawh a zahthlak dawn hle in ka hria a ni. Ka nu avang hian mite pawhin min hmuh serh vek phah ngei ang le!Thingpui kan inzawh chuan ka nu roomah kan chho dial a, u Kimi nen chauhva kan awm lo chu ka lawm kher mai. Lydia chu kei aiin a naupang deuh na a, a felin a bula awm a nuam kher mai. Englai pawhin min hnem ve malh malh mai.Lydia leh u Kimi chuan an chhuah pah chuan, "Engemaw a thleng anih chuan min lo ko vat dawn nia," tiin min chhuahsan a.Ka nu chu a lo harh ve tawh a, "Ka nu, i ril a țam em? ka han tih chuan a lu alo thing nar nar a."Ka bulah hian lo țhu teh," a han ti a.Rang zet hian a bulah chuan ka țhu nghal a."Nubawih, Aids ka vei tiraw..." a han tih chuan ka phu zawk a, makti zet hian ka en a."Ka.....n....nu...!" ka ti ringawt."Ka hre vek alawm, a hma pawhin ka in test tawh a, ka hriatna a rei tawh mai, ka vei tih ka hriat chuan ka mang a ang lutuk asin, i pa boral hma lawk khan ka hria a, i pa pawh ka hrilh duh lo, a kianga mut kha ka duh loh phah bawk, ka rilru hah khan ka awmdan ang khan ka awmzui phah ta zel anih kha, ka khawloh man ka hmu a nih hi, tunah chuan ka rilru a dam vek tawh, i lakah pawh ngaihdam dil che ka duh a, ka thih hma ngei hian ngaihdam dil che ka duh a ni," a han tih chuan a kutah ka lo vuan vat a."Ka nu, ka chungah eng ang pawhin sual țhin mahla, ka nu anga ka en na che a la bang chuang hleinem, ka ngaidam vek tawh che alawm, hei nurse Lydia hian a enkawl che anga, i țha leh vat dawn alawm," ka han ti ve a, ka mittui a tla zawih zawih a.Reilote chhunga a cher chhiat hmanzia ka hmuh chuan ka lainat kher mai."Ni love, ka thi țep tawh tih ka hria asin, i pa hnena ka kal a hun ve tawh, mahse i pa thinlung ka tihnatsak nasa lutuk a, hmuh pawh ka hmu ngam dawn em ka hre lo," a han tih pah chuan a mittui a tla ve zawih zawih mai."Ka nu, inngaihtuah nasa lutuk suh, i țha leh mai dawn alawm, i dam anga, hlim takin kan awm tawh dawn alawm," tiin ka han hnem ve tak nangin kei ngei pawhin ka thusawi chu a dik lohzia ka hria.Ka nu chu a rawn thaw hrawk hrawk a, Lydia te chu ka ko vat a, rang zet hian an lo tlan a, Lydia chuan a bp leh a mar a check vat a, a mar a zawi tial tial a, reiloteah ka nu chuan min chahthlaksan der chu a ni ta mai. "Nubawih, i nu a awm ta lo." Lydia chuan a ti a.Ka mittui a luang zawih zawih a, ka huatna zawng zawng kha a bo vek tawh, ka nu ka hmuhtheih hmasak awmchhun a ni si a, Aids vanga a boral ta mai chu ka khawngaihin ka lainat ngei mai.#Ka nu min boralsanna pawh thlakhat lai alo ni ve ta. Ka nu boral ni khan kan Damdawiin awmna neitu(pi Aremi) te nupa pawh an lo kal ve a, min tuarpuina thute min hlan ve nghe nghe a ni. An chungah pawh ka lawm kher mai.Tunah chuan ka nun hi a pangngai thei ang bera hman ka tum chho a, dawrah kalin nitin hun ka hmang a, in lamah u Kimin min la awmpui zel bawk. Ani hi chu pasal a neih duh hunah pawh kan in ațangin a nei ang. Kan inngaiin kan inthlahlel em em a ni.Christmas a hnai ve ta hle mai a, kan dawr pawh a lunin hunawl pawh ka nei thei meuh tawh lo, tute mai pawh chu min dawrtute avang chuan kan phe suau suau mai. Thawmhnaw kan ti thleng thar deuh reng bawk.Chutia kan buai map map lai chuan min dawrtu zingah chuan hmeichhe pakhat hi ka hmu thut a, ka phu deuh zawk mai, hmuh tawhna nei tlatin ka inhria a, ka hmuh tawhna lah chu ka hre chhuak thei mai silo, kan dawrah chuan thawmhnaw thleng thar a rawn en ve hi alo ni a. Ka en reng lai chuan a kalpui nen chuan an chhuak leh ta mai a.Ka buai em avang chuan ngaihtuah chhunzawmna hun pawh ka nei tawh lova, min dawrtute lo chhawn a ngai bawk nen, thil engeng emaw chhinchhiah a ngai bawk si. Kan indaih lo tlang hlawm kher mai.Christmas hmang tur chuan tute mai pawh chu kan inbuatsaih nasa hle mai a, kei pawh ka inbuatsaih ve nasa khawp mai. Kan in chhung rawng ka kahțhat tir a, a lang thar sur mai.Zankhat chu Mi rethei leh chanhai te pualin free concert Vanapa Hall ah an nei dawn a, u Kimi chuan kal ve a rawt tlat mai a. Ka peih lo kher mai, manilomaha chauh nakalai chuan kalpui tur a neihloh chhuanlamin min sawm tlat mai a, peihlo teh mahila ka kalpui ta thova, motor dahna a van dawn avangin scooty in kan inphur dun a, kan thlen chuan an lo tam tawh ngei mai. Hetiang huau huau hi ka lawm ve vak loh avang hian kal pawh ka kal ngai lo.Ticket kan han la ve a, u Kimi lah chu a phur nasa mai a, kei aia upa daih ni mahse engemaw ni kawng zawng tak hian naupan chhiatna hi ala nei ve leh tlat țhin.A hnunglamah kan țhu a, ka nin deuh huna chhuah mai remchang turin kawngka bul hnaihah kan țhu ve ta a. A bengchheng ka ti khawp mai. U Kimi lah chu awmhmunah a lo lam ve nasa mai a, keilah chuan ka lo nuih char char thung."U Kim, ka va inthiar lawk ange aw, ka rei lovang," ka tih chuan a bu nghat a, ka chhuak nghal a.Toilet lam pan chuan ka kal a, ka inthiar zawh chuan ka chhuak leh nghal mai a, kan țhutna lam pan tuma ka kal mek lai chuan ka hma ah chiah hian ka kawng dal hian mipakhat ka hriat ngai pawh nilo, zu rui tih hriat zet mai hian min lo dang a."Hey,,, bawihi, lam ila," a rawn ti ham ham mai a."Ka lam ngai lo, khawngaihin kawng min lo kian thei ang em?" ka han ti ve ngat a."I kal mai bik ang maw? Ni love, kan lam dun hma chu kal mai bik lo ve," a ti leh chhar chhar mai.Min rawn kuah a tum nghal mai a, ka hlau kher mai. Tlanchhiat ka tum leh min dang tlat bawk si. Rui viau e tilo chuan a chak phian mai bawk si, min rawn man a tum leh chiah tihah chuan a balance a hloh ta hlauh mai a, ka tlanchhuak nghal vat. Tuemaw hi ka su nawk mai a, keimah zawk chu ka petek dawrh mai, ka pai khat khat chu min lo dawm vat a, ka zak lutuk chu ka kun ngar mai a, nuihzat hmel tak hian min melh a, ka han melh ve zauh chuan a palian hle in, a hmel pawh a țha hle tih ka hre thei. "Min ngaidam rawh," ti vatin zak ru tak chung chuan ka tlansan nghal hlawk hlawk.U Kimi awmna ka thlen veleh chuan hawpuiah ka sawm vat a, a ner nasa mai, mahse ka hmel a hmuh chuan engmah sawi lo chuan min zui chhuak ta vat a, ka scooty dahna kan thlen chuan mipa ka sut kha ka va hmu leh a, chupa chu car nalh zet maia a lut tur chiah hi ka hmu a, car hmaah chuan hmeichhe pakhat hmelțha zet mai hi a țhu a, a nupui niawm tak a ni, chu hmeichhia nena an tlanchhuak tur chiah chu ka va hmu hman hram.In kan thlen chuan u Kimi chuan, "Enge thleng a, haw i rawt vat bawk si, i hmel a diklo a nia," a ti vat a.Ka hrilh ve mai. Mahse kha mipa lian leh hmelțha tak ka hmuh erawh kha chu ka hrilh tel lo.U Kimi chu a thinrim ve khawp mai a, "Ka lo awm lo chu a van pawi ve aw," tih pahin min hnem ve mawlh mawlh.Ka roomah chhovin ka inthlak nghal a, ka chau hluah hluah. Khapa kha.....! Ka naupan laia pawngsual ka tawh teuhzia ka ngaihtuah chhuah leh phah a, tlanchhuak thei lo ta ila, min puitu tur an awm dawn silova, ka ngaihtuah let leh hian ka tha a la khur zawih zawih thei.Reivaklo ah chuan ka zia chho leh ta a, ka rin aiin ka mutui phian mai.Zingah ka thova, tukin zing ațangin ka walk țan ve a, midang walk pawh an awm ve nual mai."Hey,,, tukin chu i walk ve a ni maw?" Tia min lo be tu aw ah chuan ka ding chawt a. Ka han hawi let chuan Mpa alo ni a, ka biak chakloh ber a ni."Nia, ka han ti țan ve a nih hi," ka ti ve mai a.Kalsan ka han tum chuan min lo zui ve zel mai si a."Biak che ka duh,"Tehtawp chuan a, "Engatan nge min biak duh? Ka hmanhmawh tawh ania," ka ti ve ngat a."Khawiah emaw chawl lawk ang hmiang,""Ka hman rei lo ania, tihian sawi mai rawh."A han hawikual a, kawngsirah chuan țhutna remchang deuh a hmuh chuan ka bana min chelh pah chuan țhutna lam chu min panpui a. Min chelh tlat avang chuan chak lo hle mahila ka zui ve ta mai a."I nu boral hnu khan ka zin daih a, i nu khan Aids a vei avang khan kei pawh hian vei turah min ngai ngei ang tiraw, i nu nen khan vawikhat chiah sex kan hmang dun, chutah pawh CD hmang chungin. Min ring lo pawh a ni maithei, hei ka test result a nih hi." a tih chuan ka en ringawt."Chu chu engvanga min hrilh nge i nih? Ka tan enge a țangkaina?" Ka han ti ve ngat a."Ramnunmawi, sual thiam viau suh aw, i nu khan a zir em anih kha, mipa te chuan khatiang khawpa hmeichhia in min zar chuan kan insum thei bik hleinem.""Ka nu chuan a zirlo tih chu ka hre teh meuh mai, nanglo pawh mipa dang a kawp hnem lutuk, min hmangaih tak tak nila, ka tan i rinawm ngei ngei ang. Ka nu nena in awmdun hnu ațang kha chuan ka tan i thi tawh, chuvangin min rawn zarbuai tawh suh ang che," ti hmakin ka kalsan ta daih a.Ka thinrim țun a. Ka mood a ti off vek alawm le. Engtinnge maw min la rawn beisei ngam zawk le? Ngaihzawng nei ta ila, min tihbuai hi a bansan mahna le, mahse ngaihzawng neiturin mipa hriat ka nei bawk silo. Mipa khat ka sut kha ka hrechhuak a, mahse a ni chu kawppui nei a ni tawh si, engthil nge maw ka ngaihtuah tak le? Ka lu ka thing nawk nawk. Midangin min lo hmuh hlau chuan ka hawikual zuk zuk mai.In ka thlen chuan ka roomah chhovin bathroomah shower chuan ka inphuh tir sar sar a, a nuam kher mai. Bathrobe ka ha a, ka lu towel in ka tuam bawk a, bathroom ațang chuan ka chhuak ta nghal a. Ka room kawngka chu an rawn kik a, tunge maw ni le? "Lo lut rawh," ka han tih chuan u Kimi lek hi alo ni a."Zingah i walk thu i sawi silova, min ti mangang hman alawm, chaw ei ka peih tawh ania," a ti barh barh a."Ka tihpalh lutuk, ila tho silova, ka lo let hma leh ka rin vang alawm mawle," ka han ti ve a, a lungawi ve leh mai."Kan inthlak zawk anga, ka lo chhuk dawn nia," ka han ti leh a, a lu bu nghutin a chhuak veleh mai bawk a.Ka inthlak zawh chuan Choka pan in ka chhuk thla ve nghal a, u Kimi chuan chaw ei alo siam zo diam, ka țhu a, ka ei pah chuan, "Vawiin chu dawrah lo kal ve ta che, i Mas kawr tur i duh zawng i thlang ve dawn nia," ka han tih chuan a phûr ngei mai.Kan eikham chuan insiam turin ka room ka pan a, vawiin chu engemaw ka hriat ni? Make up pawh ka hmang uar khawp mai. Darthlalang hmaah chuan dingin ka in en vang vang a, ka lungawi kher mai. Ka bag leh car chahbi ka la a, inhnuai lam pan chuan ka chhuk thla a, u Kimi'n min lo hmuh chuan, "Awi ka rei, i van nalh tehreng em! Khatiang khan i in chei ngai silova.....!!?" A lo ti chul mai."Tun ațang chuan hetiang hian ka inchei ziah tawh dawn," tih pah chuan ka nui var var.Kan inzui chhuak a, kawngka kan kalh fel te te hnu chuan car chuan kan dawr lampan chuan kan chhuak dun ta a.Dawr kan thlen chuan ka cabin bikah lutin ka bag te chu ka dah nghal a. Chumi hnu chuan min dawrtute buaipuiin hun ka hmang ta char char a, u Kimi chu a duhzawng kawr thlang turin ka ti a, a han en vel chuan thlan tur ber pawh hre lo chuan a enkual nasa."Min thlanpui mai teh, a tam lutuk a, thlan tur ber pawh ka hre lo."Chutia u Kimi kawr tur en a, kan lo buai lai chuan ka mitsir hian kawngka ațanga mipa lian leh sang deuh mai lo lut hi ka hmu a, a bulah chuan hmanzana ka hmuh hmeichhe hmelțha zet mai hi a kal bawk a. Chu hmeichhia chuan inti neitu tak mai hian chupa banah chuan a kuah a, thawktu dang an awm thova tiin ka ngaihven duh lem lova.Chu hmeichhia chuan thawmhnaw chu a han en vel a, a duhzawng apiang chu inthlakna roomah a ha chhin a, a thawmhnaw hak apiang chu a inhmeh zel mai.Chupa chu a han hawi kual a, min rawn hmuh chuan a mit ti zim san hian min rawn melh a, keilah chuan ka lo melh ve lai tak ani a, kan mit a intawng sak mai. Current in min man ta emaw tih tur hian ka țek sawkin ka hria. Ka taksa chu a zawi nghal hiai mai. A nui suk a, min rawn pan chuan kei chu ka thin a lo phu zawih zawih a, "Hello! He dawr neitu hi i ni tiraw, ka hming chu Ricky Lalhmingsanga ka nia."A aw chu a pä kher mai. "Aw ni e, Ramnunmawii ka ni e, 'Nubawih' tiin min ko thei ang," ka han ti ve a."I hming chu a nalh kher mai, chuan a putu pawh i nalh tel bawk."Awi Lalpa leh! Hmeichhe han tihvel dan a va han hriat hmel em em! Zei tak a nih ka ring bawk.U Kimin min rawn kheuh zeuh chuan ka harh chhuak zawk mai. Ka nui sak a, "Ka hmu che chu ka lawm e," ka han ti ve a.A hmeichhe rawn kalpui chuan a rawn ko ta a, ka lam a hawi chuan rum tâwk hian min rawn melh a, Ricky lam a hawi chuan a nui sang thung. A kawr leite chu khai chung chuan an chhuak ta a, an chhuah pah chuan Ricky chu a rawn hawi let a, mit a la rawn siai zauh zui."Ehem! Kha vang kha a ni em vawiin nia khatianga i incheina chhan?" u Kimi'n a han tih chuan ka chum awk mai."I duh i thlang fel tawh ami?" Ka tihsan ta daih."Thlang nang, kei aiin midang i melh nasa lutuk a, ka thlang hman hleinem," nui țha chung hian a ti a. Ka melh hrawk ringawt.U Kimi thawmhnaw tur kan thlanfel hnu chuan chawlh a lo hun ta der mai a. "Eitur kan lam dawn nge kan chhuak dawn?" u Kimi chuan a han ti a."Dawra thawkte tan eisiam kan nei alawm, kan ei ve mai dawn nia," ka han ti a."A va tihzia ve, an siam tui viau em?""Tehreng mai, i ei chuan i zawngchhang mai ang," tih pah chuan ka nui var var.Midang zawng chu eiturin ka chawlh tir a, keini pahnih chuan dawr nghak pahin kan eitur kan lam chu kan ei dun a."A tui bawk em, ka sawi dikzia chu i pawm tawh em?" Ka han ti a."Hmm, ilo chhuang em em pawh hi a awm viau e, a tui em anih hi."Kan eizo chiah tih chuan hmeichhe pakhat la upa lo tih hriat tak, hmel pawh chhe lo tak leh mipa rawlthar hi kan dawr chhungah chuan an rawn lut hlawl mai a. Chu nu ka hmuh chuan ka phu zawk mai, hmana kan dawra lo kal tawh, ka hmuh tawh hnu ni tlata ka hriat, ka hriatchhuah theih siloh kha alo ni reng mai a, "Lo lut rawh u, englam nge mamawh in neih a?" Ka lo ti vat a.Chu nu in min han en chuan makti zet hian min han en a, a mit a khap zawk zawk mai. Kei pawh chuan ka lo en reng a, "Ka hriat zawng i ni mial em?" A han ti ringawt a."Min hre tawh mai thei asin, he dawr hi ka ta a nia, ilo kal ve fo tawh kha," nui chung hian ka lo ti ve a."A ni tak ang, ka hriatna hi a țha vak tawh lo ani ngei ang, i hmelah khan tuemaw ka mi hriatchian tak an deuh i nei a, chuvang ania ka han zawh che ni," a ti duah a."Kei pawh hmu tawh tlat che in ka inhria a, ka hrechhuak thei mai silova, kha kha i fapa em ni?""Ni lo ve, ka vahpa a nih hi, kei chuan fa ka nei ve lo alawm, ka fa chu a pianhlimah a boral tawh a," a tih chuan ka phu zawk mai. Ka hrechhuak chiah. He nu hi ka nu a ni thei mai angem? A hmel ka en khan ka pa lehkhathawna thlalak ka hmuh nen khan inanna lai tak an nei lehnghal.Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.Group link : https://www.facebook.com/groups/991354610918230/"Ka cabinah kan inbe lawk thei ang em?" Ka han tih chuan makti zet hian min han en a, a lu a bu nghat a, "u Kim, he tlangval te hi lo awmpui lawk rawh aw," tih pah chuan ka cabinah chuan kan inzui lut ta a."Engthil nge ni ta a?" A ngaihna hriatloh hmel tak hian min en a."Pi Sangpuii i ni mial em?""Aw ni e, engtinnge ka hming i hriat a?""Anih i pa hming pu Ramtluanga a ni mial em?"Makti zeta min en hian, "Aw ni e, tinge min zawh duah a,"Ka pa hming ka han sawi a, a lehkha min hnutchhiaha a thuziak ka han sawi chuan a meng phawk nasa mai."Chuan...chuan...nang hi....ka fanu maw i nih a?" A ti bah nawk nawk."A dik anih chuan i fanu chu ka ni ngei alawm, nang chuan thi tawhah min ngai a, i tan chuan tunah pawh ka la thi reng mai thei ani," ka han ti ve khauh a."Thudik chu a ni si amaw? A va han mak em em vele! Ni e, i pa leh kei kha ka nu leh ka pa in inneih an phal lova, nang kha ka lo pai hman tawh che a, ka neih dawn hnaihah che khan i pa nen kan ințhen ta a, ka rilru a na lutuk a, ka taksa a chaklo em em bawk a, țha takin ka nei theilo che emaw ka tih lai khan ka inthiamlo em em a, pasal neih leh lam pawh ka ngaihsak tawh lo, mahse, tunah ilo la dam reng bawk si. I pa chuan engtikah nge a hrilh che a.""A thih hnuah a study roomah a lehkhabu karah ka hmu chhuak alawm, ka naupan lai chanchin erawh ka sawi duh lem lo, i thlalak pawh a awm a, chuvang ania ka hmuhhnu ang riau che a ka hriat.""I pa chanchin ka hre zui tawh hauh lo, nang ka neih hnu che khan ka pa'n kum nga lai hmundanga awm turin min dahbo nghal a, kei pawhin i pa kha ka ngaihsak chhunzawm tawh lo a ni."Nufa inhmu thar ni mahila kan lai dun kher mai."I pi leh i pu pawh an boral tawh a, tunah chuan i putea te bulah ka awm a, kan in lah kha an hralh daih bawk si a, i pu thiltih kha Pathianin a duh lo a niang, kan dinhmun a chhe tawh khawp mai. Tuna ka ngaihtuah hian Pathian hremna a nih ka ring ta hial mai.""Ka bulah ilo awm thei reng alawm, keileh u Kimi chiah kan awm a,""Ni e, ka lo inngaihtuah dawn nia, ka fanu a thi emaw tia ka damchhunga sun tawh tura ka inngaih Pathianin min han hmuhchhuahtir leh hi ka lawm kher mai. Kei chuan i thi tawha ngaiin zawn ngaihna che ka hre lova, min ngaidam dawn nia aw ka fanu.""Ngaihdam i ngaihna a awm hleinem, i tihsual pawh a ni lova, tunah hei Pathianin min intawn tir leh ta anih hi," tih pah chuan kan inkuah vawng vawng mai."I rilru a țha hle mai, i pa chuan alo enkawl țha hle che anih dawn hi," tih pah chuan a nui var var a.Ka cabin ațang chuan kan chhuak dun ta a, u Kimi chuan ngaihțhatloh hmel tak hian min lo en a. "U Kim, ka nu hi hmelhriat ve rawh," ka han tih chuan min rawn pawm nawk nawk a."Ka va han lawm tak em! I nu dik tak anih ka ring reng a ni. In hmelah inanna deuh in nei reng a ni, a hai theih loh."Kan hlim kher mai.Kan awmna veng kan inhrilh hnu chuan ka nu te pawh chu an chhuak ve ta a."Engtinnge i nu ani tih rinhlelhna i neih zawk a?""A fanu a pian hlima a boral tih thu a sawi khan rinhlelhna ka nei a, ka pa lehkha ziah kha ka hrechhuak a, ka zawhfiah hnuah kan hrechhuak dun ta a ni.""I nu nen in han inhmu chhuak leh hi ka lawmpui kher mai che, anih i nu hi awmpui i tum em?""Tum ta ila, i huphurh em?""Teuh lo mai, ka lawm viau zawk ang," a han tih chuan kan hlim dun kher mai.Tlaiah chuan inlam panin kan haw dun leh ta a. Vawiina ka thil tawn ka ngaihtuah chuan ka lo nui leh var var țhin. U Kimi pawhin min hrethiam takin min lo nuih veleh san san bawk.In kan thlen chuan ka inthlak zawk zawk a, u Kimi rawngbawl chu ka pui ve a, kan nui deuh reng mai."Vawiina dawra mipa lo kal kha....!" A han ti thut a.Ka phu zawk a, ka nu nen kan inhmuh atalangin ka lo hre chang tawh hauh lo mai."Enge mipa chu....alo kal ani ve mai a," ka han ti hmak a."I duh chiang mai, ani pawh khan a duh che tih ka hria,""Min duh awm lo em mai a, kha a nupui pawh a rawn hruai kha,""Nupui a nei tawh tih i hria ami?""Hre chuang nang? Mahse an in duh hmel em kha,""Huh! Induh hmel tih ringawt a nupui alo ni lo mai thei asin.""Ahh! Sawi tawh lo teh ang, ka nu lamah ka rilru ka dah zawk. Engtikahnge kan awmpui theih ang tih ka ngaihtuah."Christmas thlen nan karkhat chiah a awm ta. Mipui an sahâwk tawh viau mai. Kei pawh kan dawrah ka la buai ve khawp. Thawktu țhenkhatin chawlh ve tawh an duh avangin chawlh ka pe a, chubakah chhungkuaa hlim taka mas an hman theih nan pawisa an hlawh bakah bonus ka pe vek bawk a, an lawm ve kher mai.Ka nu pawh ka tlawh ve ang ka ti zet a, thawktu țhenkhatin chawlh an lak tak avangin ka buai a zual ta bawk si nen, ka tlawh leh hman ta lo. Kan dawr hmun dang ami phei chu ka ngaihsak lo law law tawh. Kan manager te ka bia a, hralh mai ka duh thu ka han sawi chuan, "I thu thu ani mai, keini chuan kan enkawl thei tho na in, nangin i tih tlat chuan kan hnial thei lo che." An han tih chuan thawktu țhenkhat chu chhungkaw harsa ve tete an ni hlawm si a, chubakah ka pa damlai ațanga lo thawk tawh te an nih hlawm avangin keima thu ngawt chuan ka ti tlang ngam bik lo a ni."Anih chuan manager te in fel bawk a, in kutah ka dah leh hmiah dawn ania, pawisa chu zaa sawmli ka hauh anga, hnathawkte hlawh in pe vek thung anga, in remti em?" Ka han tih chuan an lawm hmel kher mai. A hma kha chuan keima kutah vek a lut a, an rinawm bawk a, an hlep duh ngai lo. Tunah chuan a neitu hming chauh ka pu anga, an niin engkim an ti vek tawh dawn a ni. Mi duham tak nih ka duh lo a ni.Dawra ka awm lai chuan ka phone alo ri ral ral a, ka han en chuan ka number save loh hi alo ni a, "Hello, Nubawihi dawr a ni e," ka han ti a.Lehlam ațang chuan, "Oh, hello, ka fanu, kan inah tlaiah ilo kal thei ang em? an rawn hruai ang che," a rawn ti a."Ka hman theih mai chu ka ring, awle, ka lo kal dawn nia," ka han ti a. Phone chu ka dah ta a.Ka nu ka hmu leh dawn e, ka phur tawh kher mai. Chutia dawhkan bawha ka ngaihtuah lai tak chuan, "I va ngaihtuah nasa awm ve," rawn ti ri ah chuan ka phu zawk mai. Ka en vat a, Ricky kha alo ding reng a, min lo en reng hi alo ni a."Engtik laiin nge ilo luh a, enge ilo tih dawn?" Ka han ti vat a. A hnunglam chu ka melh nghal vat bawk.Ka ngaihtuahna hria ang hrim hian, "Keimahin ka lo kal," a ti thawp sat a."Tinge i nupui i rawn hruai ve lohva?" Ka han ti leh a."Nupui â?" Nupui ka la nei reng reng lo. Tunge nupui ka nei tih hrilh che a?Ka zak kher mai. "Tuman sawi love, i nupui anih ka ring ve ringawt.""Khai aw....! Engtiklaiin nge nupui ka lo neih ka hre hauh lo mai," tih pah chuan a nui suk suk a."Chuti chu i bialnu a ni maw?" ka ti veleh ringawt. Sawi tur ka haihchham der mai."Bialnu tih lemah bialnu hlui," a tih pah chuan min en chik kher mai. Ka rilru hriat a tum a ni chiang mai. Ka hawisawn vat."Ka lo țhu ve thei ang em?""Oh, ka tihpalh, lo țhu rawh." tih pah chuan țhutna ka pe vat a. Ka zak kher mai.Engeng emaw sawiin kan titi a, mahse nel lutuk ka hlau tawh, ka inveng ru tlat a, ka awmdanah a hriatthiam vek ka ring hial mai. Ka khur der der a, "Vawt i ti deuh elo?"Ka hamhaih lutuk chuan chhan nachang reng ka hre lo, ka awmdan chu a hrethiam vek tih ka hre mai. Ni e, a hrethiam ngei ang, hmeichhe lakah a theihna a lantir hnem tawh viau ngei ang chu. A hmel pâ zet mai leh hmelțha zet mai chu tu hmeichhia mahin an hnar thei hauh lovang le!Mpa nen chuan an inang lo kher mai, engvanga Mpa chu ngaihtuah chhuak nge maw ka nih le?"Enge i ngaihtuah tak veng veng a?"Ka phu zawk mai. Hepa bulah hi chuan ka phu zawk zawk reng mai dawn anih hi. "Engmah ka ngaihtuah lo,""Ka awih lo, i hmel ah a lang vek, dawtsawi i thiam lo kher mai.""Nia, dawt ka sawi ngai lo tlat.""Zanin chu min chhuahpui la,""Ka hman lo tlat, tihtur ka lo nei tawh a.""Anih naktuk zanah?!""Ka hre lo, engvanga min chhuahpui duh nge i nih a?""Ka duh vang che in."Tehtawp chuan. "Bialnu i neih reng kha, i bialnu chu sawm mai rawh, ka ngaihven zawng ani lo tlat." ka ti hmak a."Ka duh tawh chu ka nei zel ania aw, chuvangin min hnial eng ang mahla, ka la nei tho ang che.""Ka duh lo che ka tih pawhin maw?""Aw ni e, ka duhzawng ka neih hma chu ka um peih viau ania," a ti thawp sat a. A la nui suk zui. Mipa kawlhrawng tak anih dawn hi."A teuh lo mai," uar fahran hian ka han ti ve a."Kan la hria ang chu." Tih pah chuan a chhuak ta nghal daih a.Hmangaihna tello duhna ringawt vangin ka nei awm lo em mai a. Ka thinrim ru kher mai. Nundan mawi a hre lo hle mai ti pahin ka insawh tau nghawng nghawng a.Tlaiah chuan min hruaitu an lo kal chuan dawr chu ka khar a, ka nu awmna pan chuan kan tlan ta nghal a. Thla a sik tawh bawk a, a vawt kher mai. Ka lo inha lum hlauh a, a zia zawk a ni.Ka nu awmna Durtlang chu kan thleng ta. Ka thinphu te hi a rang riauvin ka hria. Ka nu chuan min lo hmuak a, kan inhmuh chuan min lo kuah chung chung mai."Enge thil pawimawh a awm em ni a?" Ka han ti a."Inchhungah lut phawt ang u," a tih pah chuan kan inzui lut ta hlawm a."Pawimawh awm em em love, i putea te bulah i chanchin ka sawi a, an hmu ve chak lutuk che a, ka rawn hruaitir ta ringawt che anih hi." A han ti a. A hlim tih hriat zet hian a nui sang reng mai."Ka lo kal tak rau rauvah chuan engtiknge kan inah chuan ilo awm dawn?" Ka han ti a."I putea te thu thu a ni mai,an bula awm ka ni a, an remtih tho chu ka ring nain, an thu lova thu tihtluk ka duh lo a ni.""Pute, ka hnenah Mas rawn hmang pah se, a awm nghal anga, in remti mai lawm ni?" Ka han ti zui ve zat a.Putea pawh chuan, "Ama thu thu alawm, hun rei tak hnuah in in tawng ani a, kan phal loh theih ngawt pawh a ni lo. Nufa in ni tlat si a.""Chuti chu ka haw phawt anga, naktukah ka rawn hruai ang che, i thuamhnaw bak ken a ngai lovang," ka ti ve vat a."Awle, ka lo insiam vek dawn nia," hlim takin a ti barh barh a."Ka haw tawh phawt ange, a tlai tawh si a, taxi in ka haw mai ang, ka car dawr kawtah ka dah ringawt si a," ka han ti leh a."Manuna hian a thlah leh dawn che nia," Putea chuan alo ti vat a."A tan a buaithlak zawk alawm, lo let leh nan a tlai tawh dawn si a, taxi a tam alawm, ka kal mai ang," ka ti ve tlat a.Ka chhuak a, taxi lo tlan mek chu ka phar a, ka lut ta nghal a.Ka dawr ka thlen chuan taxi ațang chuan ka chhuk vat a, ka hminga min au ri niawm tak hi ka hria a, ka han hawi nak chuan ka beisei loh lutukin Mpa a lo ding reng mai a."Khawnge i kal a, ka nghak rei lutuk che, i motor a awm bawk si a." A han ti a."Eng atan nge min lo nghah a?" Ka ti deuh hmak a."Min ngaithei lo viau teh suh, i bialpa a min pawm thei tawh ngang lo anih pawhin țhian ang tal chuan min pawm ve la,""Țhian anga pawm tur che pawhin ka inngaihtuah fe a ngai ang," ka ti leh hmak."Ka vawikhat tihsual avanga hremna min pek hi a na mah mah i ti velo maw?" A han ti leh hram a."Lalmuanpui, midang tihbuai tur i hre thlawt lo mi, ngaidam tur che hian eng thil nge ka chunga i tih kha ngaihtuah let rawh, ka ten lutuk che, hmuh pawh ka hmu peih lo che," ka thin a rim tawh ngang mai.Min pawt dawrh a, ka banah a vuan tlat a, talchhuah tuma ka țan nasat poh leh min chelh nghet sauh mai si a. Ka hnunglamah a kut khingkhatin ka kut pahnih a elh tlat a, na tiin ka țhen tlawk tlawk mai, lehlamin ka khabe ah nghet tawka vuanin min fawh a tum a, ka tal nghal phat a, ka khupin a kapah tak ka tauh chawrh mai a, nã a ti lutuk chu min thlah rang ngei mai. A kap a hup nghal vang vang."Khatiang khan min han tilui leh teh, kha aia na pawh khan ka la ti thei che ania. Min zuam ringawt tawh suh ang che. Chuan vawikhat pawh min rawn hmuh leh hi tum tawh ngai suh ang che." Tih pah chuan ka car chahbi ka la a, ka cara lutin ka tlansan ta nghal hmak a.Ka inthiam lo leh hnuhnawh khawp mai, mahse ka nu nena an khawsak dan kha ka mitthlaah a rawn lang zel mai si a, ka thei thlawt lo a ni. Min khawihluih tum kher lo se chu khatiang khan ka ti kher lovang. Amah khan a cho chhuak a nih kha.In ka thlen chuan u Kimi chuan, "I va tlai ve a, thil thleng a awm em ni?" A han ti a."Hmm, Durtlangah ka kal a, naktuk ațangin ka nu hetah a lo awm tawh dawn a, naktukah kan han hruai dawn nia aw.""Lutuk, ka châk tawh lutuk, chaw ei nghal mai ang aw, a tlai tawh tlat," a han ti leh a."Lo siam la, ka han inthlak lawk anga, ka lo chhuk leh nghal ang," tih pahin inthlak tur chuan ka tlanchho ta nghal a.PART - 3Ka nu pawh ka bulah awm ve tawhin, a hlim em em a, keipawh hringtu bula awm tluka nuam tih ka neilo, ka naupan laia ka hrehawm țhin zia te u Kimi'n alo hrilh vek a, a hrilh lai chuan min lainat lutuk avangin a mittui alo tla zawih zawih mai.Christmas hma ni thum ațangin dawr ka khar hmak a, kan nufa a inpawh lehzual a, awm ka duh avangin ka nu nen kan lengchhuak dun a, Mc ah te a duhzawng en in hun kan hmang a, dawr pakhata kan awm lai chuan min en rengtu awm tlat hian ka hria a, ka han hawi chhuak chuan Ricky mitmengin chiang fahrana min lo en hi ka hmu a, ka nghing lawih. A bulah chuan kan dawra alo kalpui țhin kha a lo ding ve reng bawk a, chu nu chuan min melh rum ngang mai.Ka nu banah kaiin ka chhuahpui vat a, min enzui reng tih pawh ka hria, a chhan pawh ka taksa hian a hre tlat a ni.Ka bialnu hlui ti siin an in zui tam hle bawk si a, mak ka ti khawp mai. Nupa ni tawh ang maiin an awm alawm le. Nupa nilose a mei ang maia a zui reng nachhan tur a awm hauh lo mai. Ka lu ka thing nawk a, ka nu chuan, " Eng thil nge ni ta a, i lu i thin vak a?" A han tih chuan ka harh zawk.Duhtawka kan han tei kual hnu chuan ka chau viau na in, ka nu hlim hmel ka hmuh chuan ka chauhna zawng zawng a reh vek hial.Inlam pana kan haw chuan kan titi barh barh a, kan nui dun leh hak hak țhin.In kan thlen chuan u Kimi chuan min lo chhawn vat a, "In hmel ațang chuan in hlim hle tih a hriat mai" a lo ti var a."Nia, nuam kan tiin kan hlim khawp mai." Ka han ti ve vat a, ka nu pawh alo nui ve hak hak mai.Christmas urlâwk zanah chuan kan pathumin eitur eng eng emaw kan siam ve a, zan rei tak thleng kan meng a, tlêmte ni mahila kan hlim ve khawp mai."Zanin chu i bulah ka mu dawn ania," ka nu hnenah chuan ka han ti a."Tehreng mai, nuam ka ti viau ang.""Ka rawn mu ve dawn," u Kimi pawh chuan alo ti ve a. Ka nu roomah kan lut ta dial a.Mut pah chuan kan titi a, ka nu chuan a naupan laia a chanchin nuihzatthlak deuh te a sawi chuan kan nui nasa ngei mai.Kan muthilh hnu reivaklovah chuan thawm mak deuh mai na tuar thawm niawm tak hian min tiharh hlawl mai a, makti zetin thawm rikna chu ka han ngaithla chiang a, ka bul lawk niin ka hria, light ka han on chuan, karei leh, ka nu chu a thlan alo tla bawrh bawrh mai a. A pang ka han khawih chuan a sa bawk silo, u Kimi ka kaitho vat a."U Kim, tho teh, ka nu awmdan hi a mak lutuk,""Enge ni ta a?" A rawn tho vat a.Ka nu chu kan buaipui char char a, a rawn thaw hrawih hrawih mai a, tihngaihna kan hre lo dun khawp mai.Reilote ah chuan a pangngaiin a rawn mu țha leh thei ta a. U Kimi nen chuan kan lawm kher mai. Mut pawh muhil leh ngam tawh lo chuan ka nu chu u Kimi nen chuan kan veng dun ta ringawt a.Hetiang hian a awm țhin em ni le? Engtinnge ka tih tak ang le? Zing a ni anga, engkim a țha leh mai ang chu maw! Ka nu chu min thihsan leh mai tur anga ka han dah chuan ka mittui a parawl nghal mai. Ka pa ka chân tawh a, ka nu ka tawng leh chauhva, min kalsan leh mai chuan ka tuar zo tawh lo ang.Zing khua a var thleng chuan ka nu chu engtinmah a awm leh ta lem lova, reilote ka lo chhing leh sek ani ngei ang, ka nu in min rawn kaihthawh chuan dar riat alo ri der tawh.Ka tho nghal vat. Christmas ni kan thleng ta. Ka inphihfai nghal sawk sawk a, hlim takin inhnuai lamah ka tlanthla nghal a, ka nu leh u Kimi chu ka wish nghal a, kan hlim hlawm kher mai, ka pian ațangin tun Christmas ka hman tawha ka hlimni ber a ni.Chaw eilai chuan, "Nu, nizan khan engatinge khatiang khan i awm a? Natna i nei em ni?" Ka han ti a."Neilo ve, engtinnge ka awm a?" Min zawt let hlauh mai."Engmah nâ i neihloh chuan a țha vek e, vawiin hi Christmas a ni a, hlim taka awm i tum ang u," ka ti leh mai a."Inkhawm ve ila, kan inkhawm banah Durtlangah i putea te kan tlawh dawn nia," ka nu chuan a ti a."Awle, kan kal dawn nia,"Durtlang kan thlen chuan ka Putea te chhungkua pawh an inkhawm an lo bang ve chiah a, inah chuan kan lut hova, kan inchibai nak nak hlawm.Ka Putea hi ka nu chhang chiah a ni a, fa pali an nei a, hmeichhia pathum leh mipa pakhat an ni a, pakhat a tet laiin a boral tawh a, hmeichhe pahnihin pasal an nei a, an naupang ber a mipa awmchhun manuna hian nupui ala nei lova, an pathumin an khawsa ve a ni. Ka putea leh ka nu hi an unau rau rauvah chuan an inngaina bik a, chuvanga ka nu pawh an kianga awm ve ani nghe nghe. Ka pitei hi alo fel em kher bawk nen. Ka nu hi enhranna pakhatmah a neilo. A pasala u a nih angin a zahthiam em em. Ka nu pawh hian a duhsakin a theihna angah chuan puih a hreh ngai bik lo.Choka ah chuan thingpui ka pitei nen kan lum a, "Nubawih, i nu chanchin hi i hre miah lo tiraw?" A țawng ri an hria nge hre lo a han ngaichang te te a."Eng chanchin maw?" Ka lo ti hu a."A natna mawle, I nu hian cancer chikhat a vei mek a, a na hi a chhuak leh zeuh zeuh țhin a, chutianga a nâ chu i hmu tawh em?" A han tih chuan nizan lawka a awmdan kha ka hrechhuak nghal vat."Nizan khan a awmdan kha a mak ka ti reng a ni, kan mu tlâng vek a, chutihlai chuan nâ tak tuar ri ka hria a, tukina ka zawh lahin engmah nâ ka neilo a ti tlat alawm, engtik ațangin nge a nat?" Ka han ti ve a."A rei tawh, amah hi a harh ve hrim hrim a, nang a han hmu chhuak leh ta che hian a nâ a chhawk deuh te pawh anih ka ring, karkhatah vawi hnih thum hi a chhuak ngei ngei țhin a," a ti leh a.Karei leh, ka nu dinhmun chu ka ngaihtuah phak bak a ni, kan intawng chauhva, reilote bâk kan awmdun leh dawn silo, tinge hetiang hi ka tawn bik reng le? Ka hlim ve dawn chauh asin...!"Anih, engtinnge in enkawl țhin?""Engtia enkawl theih vak pawh a ni lo, amah hian damdawiina kal hi a duhlo bur mai bawk si a, mahse nang chuan i tilui thei ngei ang""Ni e, ka thei ngei ang, kan intawng chauhva, chân leh nghal mai ka duh hleinem," ka mittui a rawn tling nghal pam a."In thingpui lum chu in va rei ve a" ka nu chuan alo ti lauh lauh a. Rang zetin ka mittui tla tur chu ka hruhul nghal vat."Kan siam zo, kan rawn la ani mai e" ka han ti let a."I hria ani tih hi i nu hrilh rih suh aw, tihian hlim takin awm phawt rawh se,"Ni e, ka nu hlimna tihchhiatsak hi ka duh lo a ni.Thingpui leh a hmeh chu kan chawi phei a, hlim takin kan ei a, ka hmelah a lan hlau ru tak chung chuan ka nu chu ka lo en leh veng veng țhin. Ka insum theilo țep zawng a ni e.Hlim taka kan inkawm hnu chuan kan haw veleh ta a. Christmas ni a ni a, ka nu a hlim em em bawk a, ka hlim ve rih tur a ni ang, kan hlimna hi ka tichhe tur ani lo, ka ngaihtuah tawh rih lovang.Christmas kan hmang zova, kumthar kan hman zawh hnu chuan keipawh chu dawr lamah bawk ka țuan țan leh ta a, ka nu natna chu ka ngaihpawimawh sak tur a ni. Amahin ngaipawimawh lo mahse....!E, taka, ka nuhrawn awmna damdawiin kha pan leh mai a țha in ka hria a, ka nu chu inentir a duh theih nan eng chhuanlam nge ka siam ang aw.. tiin ka ngaihtuah a.Tihdan tur ka hrechhuak ta."Nu, Vawiin chu hmun pakhatah kalna tur ka nei a, min lo kalpui vela, kan pahnihin kan leng dun pah leh dawn tihna a ni mai alawm," ka han ti a."Awle, ka kalpui dawn che nia, ka fanu kianga hun hman tluka duh ka nei hleinem," a lonti thên a.Ka thiltum a hriat chuan a lungawiloh ka hlau bawk si. Ka hrilhsa chuan a duh dawn bawk silo.Kan insiam zawh chuan ka car chu khalhin ka kal tumna hmun chu ding takin ka pan nghal a, gate chhungah chuan ka tlanlut a, ka nu chu ka mitsir leh zeuh zeuh țhin. Mahse a hmelah makti hmel a lang miah lo. Car ațang chuan kan chhuk a, damdawiin chhungah chuan kan lut ta a.Inentir tur an lo awm ve nual mai, hming chu ka ziahtir ve nghal a. Ka let leh hnu chuan, "Bawihi, tinge hetah kan kal a, nâ i nei em ni?" Tiin min zawt let hlauh a. Amah zawk na tuartu a ni reng si a."Ka nu, ka hrilh hmasak loh che avangin ka tihpalh, Pitein i natna chungchang min hrilh a, inentir i duh dawn lo tih ka hre si a, sawi lâwk lovin ka kalpui tawp che anih hi. Min ngaidam rawh aw. Ka pa leh ka chan tawh a, nang nen kan inhmu veleh chauhva, chan che hi ka duh lo a ni." Mittui tling piau hian ka nu chu ka han en a."Bawihte, ka tihpalh zawk a ni e, hetiang hian min ngaihtuah dawn ani tih ka lo hre lo alawm, i hriat chuan i rilru a na lutuk ang tih ka hlauva, ka hrilh duh lo che a ni.""Ka nu, ka enkawl thei tur che hi ka lawm zawk asin, kei chuan ila dam tih ka hria a, zawn chhuah che ka tum mek laia kan inhmu hlauh hi Pathian ruat a ni ngei ang." Tih pah chuan kan inkuah vang vang.Ka nu hming an lam chuan a lut ve nghal a, kei lah chu awm hle hle thei lovin ka lo tei a, ka inngaihtuah nasat em avang chuan mi pakhat hi ka su chawrh a, ka han en nâk chuan Ricky bawk hi alo ni a, a lo nui sung lehnghal."Nang bawk chu...! Helaiah enge i tih ve a," ka tih rual chiah chuan kan bulah he damdawiin neitu Pi Aremi kha alo kal ve a."Ehe, Nubawih, enge i lo tih leh dawn a?" A rawn ti bawrh bawrh a. Ka hming ala hria chu mak ka ti zawk kher mai."Ka nu entir turin ka lo hruai a," ka han tih chuan makti hmel zet hian min han melh a."Ka nu â...! I nu te chu a boral tawh ani lawm ni?""Ka nu boralta kha ka nuhrawn ania, tuna mi hi ka nu, min hringtu, ka hmu chhuak chiah alawm" ka han ti ve a. Hriatthiam hmel takin a lu a bu nghat nghat.Makti zet hian Ricky chuan min entawn sek a, "Nangni pahnih hi engtik laiin nge in lo inhriat a?" A han ti a."Kan inhriatna chu i tan enge a pawimawhna ka fapa,"Khai aw, Pi Aremi fapa maw lo ni a, makti zet hian ka en reng a, " Pi Arem, hei hi i fapa maw?" Ka ti hau mai."Aw ni e, ka fapa neihchhun a nih a hi, kan duatsual a, a buaithlak lutuk, nupui neih nachang pawh a hre lo, nangni pahnih pawh chu in lo inhria ani maw, kan khawvel hi chu avan zim tak em!" Tiin a nui var var a."Ka nu, duatsual chu min tikher lola, nupui ka la neih loh avang hian nupui ka nei dawn lo tihna a ni kher lo, tun ațang chuan ka nupui duhzawng tak lakah ka mit ka lo len tawh dawn nia," a tih pah chuan mit min rawn siai zauh a. A kal nghal nal nal."Hepa tak hi chu aw, a luhlul lutuk a, a nupui neih hun kan nghahhlelh ve tehlul nen, a ngaihsak lo lutuk a. Hmm, thudang, i nu i hmu leh chu ka lawmpui khawp mai che, nuhrawn i hrawn tih ka lo hre hauh lova, nula fel leh rilru țha tak i nih hi, i nu pawhin a chhuang ngawt ang che" a ti a."Khaia, min fak lutuk suh, fel tak chu ka ni bik lo ania, ka nu laka ka tihtur ka hlen ve mai chauh alawm" ka han ti ve a."Nu te laka tihtur hlen lo, nu te hmangaihna pawh nei lo an tam tawh tehreng nen, nang chuan i nuhrawn pawh i theihtawpin i enkawl a, tunah i nu i hmu leh a, chupawh enkawl turin i kutah a awm leh ta a ni a, i mawhphurhna i hlen ngei ang tih ka hria a ni" a ti leh a."Nangpawh i fakawm ka ti khawp mai, ka ngaisang takzet che a ni," ka ti ve a. Kan nui dun var var.Chutia kan titi mawlh mawlh lai chuan ka nu pawh alo chhuak ve ta hlawl mai a, a hmel ka en chuan a rilruah vei nei tih hriat zet hian mitmeng dul raih hian min rawn pan a, "Ka nu, i hmel chu a va dâng ve a, thil diklo a awm em ni?" Ka han ti a.Ka nu chuan mitmeng ngui riai hian min melh a, a hmel ațang chuan ka ngaih a țha lo tak zet a ni."Nu, engnge doctor chuan alo sawi a," tih pahin ka lo kuah vat a.Pi Aremi en chuan, "Pi Arem, hei hi ka nu anih hi, ka nu, hei hi Pi Aremi, he damdawiin dintu hi a ni a, a hma pawhin engkim min ngaihtuahsak vek, a chungah hian lawmthu sawi senloh ka ba a ni." Ka han tih chuan ka nu leh Pi Aremi chu an inchibai a."Fanu fel tak i nei a nih hi, țha takin a enkawl ang che tih ka ring tlat ani. Anih ka kalsan phawt ang che u" tih pah chuan min kalsan ta nghal a."Bawihi, kal phawt ang hmiang, damdawi lei ila, in kan thlen hunah ka hrilh dawn che nia" ka nu chuan chauh hmel zet hian a ti a, nidanga a hmel nen a inang lo. Ka ngaih a țha lo kher mai."Aw le," tih pah chuan damdawi leitur chuan kan chhuak ta nghal.Damdawi kan lei dawn chuan Ricky ka hmu leh. Tun țum chu amah chauhvin, bike khalhin gate a tlanchhuak tur chiah hi ka hmu hman a. Tinge maw hepa hi ka hmuh reng mai le?Damdawi kan leifel a, ka nu nen chuan kan haw leh ta a, in kan thlen chuan ka nu chu a chauh hmel kher mai. A room lamah mu hahdam turin a kal a, ka zui ve nghal a.A mut fel hnu chuan, "Ka nu, doctor chuan enge a sawi a?" Tiin ka han zawt a."Bawihi, kan intawng chiah a, min enkawl ka ngai nghal ringawt mai si a, pawi ka ti khawp mai, ka chhul a cancer bakah ka mit hian khua a hmu lo țep tawh, zana ka na vak țhin kha ka mit vang hi a lo ni awm e, bawihi ka thiamloh vek a ni. I tan phurrit ka siam che a ni ringawt anih tak hi" tiin a mittui a tla zawih zawih a.Vanduaina pawh hian chintawk a nei lovem nile? Tinge ka chungah hetiang hi a thlen le? Ka nu ka tawng chiah a, ani nen hun rei tak kan awm dun leh hman dawn silo, mahse ka nu hmuhah tuar zuau takin ka awm tur a nilo, a rilru hahna ka thlen belh lovang. Ka theih ang ang chuan ka han hnem ve ngial a."Nu, ka awm alawm, lungngai reng reng suh, hemi tur vang hi ani mahna nang nena ka in tawn ni! Pathianin ka enkawl tur che in nang hi min tawntir anih hi." Tiin ka han hnem ve mawlh mawlh na in, keipawh chu ka lungchhe kher mai."Ka nu, damdawi ei la, muhil phawt rawh aw, engmah lungkham tur a awm lo ania. Ka inthlak anga, Inhnuaiah ka chhuk thla ve ange." Tih pah chuan ka chhuahsan ta a.Ka room ka thlen chuan ka mittui a tla ta zawih zawih a, 'Aw, Pathian, ka nu hi tidam leh hram rawh, ka nu nena hun rei tak hman dun hi ka duh asin.' Ka țap chhuak hawm hawm mai, ka țap ri an hria ang tih ka hlau leh hnuhnawh chuan ka kâ hupin ka țap zawih zawih a.Reife ka țah hnu chuan ka inphih fai a, inhnuaiah ka chhukthla ta nghal a.U Kimin min lo hmuh chuan, "Nubawih, enge thleng a, tinge i țap elo?" A lo ti vat a."U Kim....tih pah chuan ka mittui a tla leh nghal zawih zawih a, ka insum thei thlawt lo a ni.U Kimi chuan min rawn kuah pahin ka hnungah a beng thek thek a, ka țap nasa tawh bawk nen ka zâng huai mai."U Kim, ka nu hian cancer a vei a, chubakah a mit hian khua a hmu thei lo țep tawh a ni, tinge ka vanduai em em mai le? ka han tih chuan u Kimi pawh chu a mittui a parawl kiang mai. Inkuah pahin kan țap dun leh ringawt.Sawi tur hre lovin kan ngawi dun vang vang a.Hun te a liam zel a, ka nu pawh a la pangngai ve rih zel a, treatment kan la reng bawk a, tunah phei chuan a cherin a dawldâng em em tawh a, hrehawm pawh a ti ve khawp mai. Mahse ka nu enkawl theia ka awm hi ka lawm ani.Dawrah pawh harsatna awm lovin ka la kal ve zel a, kan buai lutuk pawh a zia ve deuh na in, dawrtu erawh kan la ngah tho mai.Chutia dawra kawr lo thleng thar en a ka buai lai tak chuan ka hma takah hian Mpa hi a lo ding chawt a. Ka han en chuan a ruih hmel kher mai. A hma in zu a in ngai silova, mak pawh ka ti ang reng."Nubawih, nangmah hlat hian ka awm thei thlawt lo a ni."Ka hawi vat vat a, midang min hmutu an awm loh avangin ka cabinah ka hruai lut a, "Tinge min tihbuai reng zel a, ka tan chuan i thi tawh, min tibuai tawh suh." Ka han ti hmak a."I tello chuan ka awm thei lo a ni, ka la hmangaih reng che asin, khawngaihin min ngaidam thei tawh lovem ni?""Kei chuan ka hmangaih ve tawh lo che a ni. Chuvangin min chhuahsan la, min hmuh pawh tum tawh suh ang che.""Ila hria ang, ila hre khawp ang." Tih pah chuan a chhuak ta nghal a.Ka țhu hnawk a, manilomaha rilru hah nakalaiin, ka thin a rim hlur mai.Ka cabin ațang chuan ka chhuak a, kawngka a Ricky lo lut chu ka lo hmu hauh lo mai a, "I va lungawi loh hmel ve a, buaina i tawk ami a?"Ka lo en hau mai, ka hmelah ka tilang viau em ni le? "Lo leng rawh, mamawh i nei em ni?""Nei e," tih pah chuan a nui sang a, a hmel hmuh a nuam kher mai. A hmel pâ tak mai chu thlir nin har tak tur a ni."Ka hmelțha tih te chu ka hre ve tho ania," tih pah chuan a nui leh sak a. A nui hmel chuan ka lungphu a tirang ngei mai. Tinge hepa ka hmuh apianga ka awmdan a danglam ziah mai le?Ka țhutna ah ka țhu leh nghal a, "Lo țhu rawh, mamawh i neih chuan lo en la," ka han tih chuan a nuih a zat hmel kher mai."Kei hian hmeichhe thawmhnaw ah hian duhzawng ka nei anga maw?"Ka nui ve var var a, ka han en chuan mitmeng danglam deuh hian min lo en reng mai a, ka nuilai chu a reh riai riai nghal."Khatia i nuih khan i hmelțha tak zet a ni." Tih pah chuan ka hmuiah a mitmeng a fu tawp chat. Ka heh a ro nghal halh mai. Ka hmui ka han liak huh a, mitmeng zim san hian min en a, ka biangah a rawn chul a, ka hmui chu a kutzungțang chuan a khawih nep nep a, ka lungphu chu a inthum rawn tlut tlut. Ka lungphu ri chu a hriat theih hial ka ring. A rawn kun hniam a, min fawh a tum chiang mai.Khuh kherh kher thawmah chuan ka harhchhuak chiang hle. Ka han hawichhuak nak chuan Ricky bialnu hlui kha kan bulah a lo ding reng tawh a. Min melh rum ngang mai.Ricky banah chuan inti tatu zet hian a kuah a, Ricky lah chuan a lo hnar hauh lo. Chunu lah chuan duh hmel fahran hian a melh no vel a, ka lo eilo ngang mai. Ricky pawh chuan chunu lam a hawi chuan a nui sang a, an pahniha inkuah chung chuan an chhuak ta daih a. An chhuah pah chuan chunu chuan mitmeng thip zet hian min rawn nuih suk mai. Vawm zui awrh ka chakna chu ka inthunun hram hram a.An chhuah hnu chuan ka țhu hnawk a, ka chau kher mai. An pahniha ka hmuh dun apiang khan ka thinzawnah hian nâ hi a awm ve ziah. Ka hrethiam lo kher mai. Khanun lah khan min huat hmel em em lehnghal.Dawr ațang chuan ka haw hma a, in ka thlen chuan ka nu pawh ka beisei aiin alo harh țha a, ka lawm kher mai.Zanah pawh ka nu kiangah hlir ka mu a, ka nu pawh a hlim țhin khawp mai. Kan nufa a hun tam kan inkawm theih nana a kianga mut hi ka tum a ni reng a ni.Zanah chuan kawngka kik ri ah chuan ka phawk hle. Inleng kan neih ngai vak loh avangin tunge ni ang ti a kawngka ka va hawn chuan ka beisei loh lutukin Ricky hi pawnah alo ding reng mai a."Lo leng rawh, teh mial che chuan, enge ilo tih dawn a?" Tih pah chuan kawng ka kian nghal a."Ka lo kal chu mak i va ti awm ve a, nge min lo beisei zawk?" Tih pah chuan a nui suk."Teuh lo mai." Ka ti hmak.Sofa ah chuan a țhu a, ka nu a mut tawh avangin u Kimi nen kan awm a, u Kimi lah chu chhuanlam siamin a inthiarfihlim nghal zui zat.Ka ngawi reng a, Ricky chu ka melh leh zawk țhin a, ka en apiang chuan mitmeng danglam zet hian min lo melh reng țhin a, kan mit a intawng leh sak țhin. Ka sa pup pup mai."Ricky, enge i tih țhin a?" sawi tur ka hriat mai loh avangin ka rilrua lo lang hmasa ber chu ka zawt ta ringawt a."Doctor ka zir zo tawh a, ka nu leh ka pa hian an damdawiina thawk tur hian min duh a, engtinnge ka tih dawn ni? Ka la inngaihtuah mek a," a han ti a."Chu, i nu leh i pa hniakhnung i zui der ani maw?" Ka han ti ve a."Anih ber mai hi." Tih pah chuan ka bulah a lo țhu a."Nubawih, ka lo kal chhan hi i hria em?" A han ti a."Hre nang, enge ilo kal chhan ni a?" Ka han ti ve a."Ka hmuh hmasak ber che ațang khan ka duh tawh che.""I fiamthu ani lo maw? I bialnu khan a hria em?"Bialnu ka nei lo, tun hma chuan ka nei țhin, hmeichhia pawh ka kawp tam ve tawh, mahse chu chu nang ka tawn hma che ami a ni. Sex pawh ka hmanpui fo, mahse indanna hmang lovin sex ka hmanpui ngailo thung. Chu chu i hre duh anih chuan." A han ti kher a."Awih tur chuan min beisei ka ring chiah lo" ka han ti ve hmak a."I awih emaw awih lo emaw thudik a ni ka sawi. Hmeichhia tumah hi ka duh che ka la ti ngai lo bawk, nang chiah hi ka hmeichhe duh awmchhun i ni. Min awih lovang tih pawh ka hria, insawithiam ka tum bawk lo. Ka duhah ka chiang a, chu chu nangmah hi i ni. Chuan ka duh chu ka nei ngei bawk.""Lo duh lo ta che ila, min tilui dawn tihna em ni?" Ka han ti let ve sak a."Tihluihna hmanga ka nei thei che a nih chuan tihluihna pawh ka hmang mai ang," a han ti leh a."Min tilui thei lovang, chuan tihluihna hmanga inneih hi ka pawm ve lo.""Engvang chuan nge ka tihluih theih lovang che, ka duh ang che hian min duh ve tho tih hre lo tur khawp chuan ka hrechiang thawkhat che in ka hria. I pawm duh lo mai anih kha."Chhan ngaihna hre lovin ka ngawi reng a, kei hian ka lo duh ve reng em ni zawk? Ricky kianga ka awm apianga ka danglam ziah țhin ang hian Mpa kianga ka awm khan ka danglam ngai silova, hei hi duhna a ni thei mai em?"Ka sawi chu dik i ti hle anih ka ring" a han ti leh khauh."Hmangaihna tellova duhna ringawtin tumah ka nei lovang, ka nei ngai bawk lovang," uar zet hian ka han ti a.A lamah min pawt hnai dawrh a, amah si chetin min kuah bet a, a hmui chuan ka hmui a rawn bawhthuah ta nghal a, a tirah chuan dimlo baksak hian min fawp tawn tawn a, min fawhdan a thlak thut a, chhanlet phut zeta min fawh takah chuan ka chungah enge thleng ta le! Ka tirilah ka khur der der a, nuam tihna in ka khat a, hetiang em a infawh nawmna hi ka la tawng ngai lo. Engtiklaiin nge ka chhanlet pawh ka hre lo, a nghawnga kuahin ka chhanglet ve tawn tawn mai. Min fawh pah chuan ka taksa chu a chulkual ruai a, a kut chu a awm hle hle lo chiang kher mai. Vansang taka thlawk del del ang mai hian ka thlawk del delin ka hria, ka taksa chul kual ruai chung chuan a duhthawh tulh tulh a, ka hnute kawhlah mai chu a țham tawn tawn bawk a. Ka taksa chu nawmna hian a tuam hlawp hlawp mai. Kei pawh chuan a hnungzang vel chu ka lo chul ve ruai a, a rum nghut a, a tawpah chuan min thlah ta hram a, kan thaw dun halh halh mai.La insum tih hriat deuh hian ka chal leh a chal chu a siktir a, a thaw ham ham bawk."I hmui chu a tui kher mai, ka zawngchhang dawn tlat, tunah pawh fawh leh nghal che ka duh. Ka kham thei dawn hauh lo mai che. Hei bak pelh chakna hial min neihtir hial mai." A ti thawp sat a.Keipawh ka dang chuang lo, ka la khur der der mai. Hetiang renga infawh nuam ka tih hi ka la tawng lo.Mpa nena kan infawh hmasak ber khan ka zeilo hle nain, nuam ka ti ve tho khan ka hria a, mahse kha kha chu a ve lek chauh alo ni, ka taksa fan chhuak vek thei fawh ka tawn vawikhatna a ni hial."Nubawih, ka ta a siam che ka chak tawh kher mai," a ti sup a.Keilah ka lo mur leh er er tawh. A țawngkam tinreng mai chuan ka taksa ah danglamna nasa tak a thlen thei hial.Engmah sawi lovin kan in en a, kan infawp leh ta mial mial a, a hma ami ai pawhin a nuam zawkin ka hria, sofa ah chuan min mut riai riai a, a taksa rit tak chuan min delh bet a, a hmui fawh thiam tak chuan zei fahran chuan fawhna lai tur a hre kher mai. Ka kawr hlimin ka hnute a kuta a khawih chu duhtawk mai lovin a hmuiin ka hnute a han fawh chuan nuam ti lutuk hian ka lo kang ak ak a, chhing diar diar chungin ka lo rum nghar nghar mai. Ani pawh a sosangin a kekawr chhanah chuan a rawn kawh luah mai a. Ka harh chhuak zawk mai. Ka awmdan chu a lo man rang kher mai bawk.A tho ve ta vat a, a insum nasa hle tih hriat tak hian a thaw ham ham a. Kei pawh ka tho vat a, ka insiam țha nghal sawt sawt bawk."Tunah chuan kan inpawhzia i hre tawh em? Nang leh kei hi inkawp tur dik tak kan ni. Ka mamawhna che san zia ang bawkin nang pawhin min mamawh ve tho." A ti thawp sat a.Ni e, a sawi dik. Hepa hi ka mamawh a ni."Min hmangaih hleinem," ka la ti ve fan a."Ka duh che ka tih chuan a tawk mai lo em ni? Kan inmamawh tawnin kan inhip tawn bawk a. Chubak enge la awm se i tih a.""Ni lo e, hmangaihna tello chuan ka nei thei lovang che.""Ka hmangaih che ka tih kher i phût em ni?""Min hmangaih lova, kei pawhin ka hmangaih lo che a, init tawnna ringawta nupa a insiam chuan damchhung a daih ngai lo," ka ti ve hmak a."Tunah mai pawh khan ka duh chuan ka taah ka siam lui thei che asin, mahse chu chu gentleman tihdan tur ani lo. I duhthu ngeiin ka taah ka la siam ang che, lo inngaihtuah ang che, kan damdawiinah thawk turin ka rilru ka siam fel tawh e. Chumi hnuah chuan kan innei ang, min hnial tum eng ang mahla, ka nei tho ang che." Tih pah chuan a chhuak ta nghal hmak.Reife ngawi rengin ka lo țhu ani ngei ang, u Kimi ka bula alo țhut chuan ka harh zawk."Nubawih, thil awmdan min hrilh duh ang em?" Min kuah pah chuan a han ti a."U Kim, ka hrethiam lo ani, min duh thu leh min neih a duhthu a sawi a, induhna ringawta nupa a insiam chu ka duhzawng ani ve silova, ka hmangaih tak lo chu pasala neih ka tum lo asin," ka han ti a."Anih nangin i hmangaih em?""Ka hre lo, a bula ka awm apianga danglamna ka neih ziah ațang hian ka duh anih ka ring, mahse chu ringawt chu a tawk silova.""Nghak rih la, i hmangaih mai thei asin, ani pawhin a hmangaih ngei ang che tih ka hria a ni," a ti leh a."Chu chu dik se ka ti alawm, min hmangaihthu a sawi silova, ka ring thei dawn em ni?" Ka ti leh a."A nu leh a pa ațangin mi rinawm an ni tih ila hre nange, mi sawi dan chuan a nu leh a pa pawh inhmangaih lutuk an ni a, a pi avangin an ințhen a, a nu hian Delhi ah a kalbosan a, chutia a kalbo chu a pa hian a tuar lutuk a, a damloh phah a, a thi phah țep asin, Delhi ah mi hausa lutukin an fanu angah ngaiin an pui a, tuna an hospital pawh hi Ricky pa te hospital a ni țhin a, mahse an hmingchhe nasa lutuk a, Ricky nu rawn haw hian an hospital hi a lei ta a, Ricky pa damlo chu a enkawl char char bawk a, a rawn dam leh a, an innei ta alawm. Ricky hian a chhun ngei ngei ang, a hmangaih tawh lakah chuan a rinawm viau ang," A ti duah a.Ricky nu chu ka ngaisang zual kher mai. Kan dinhmun pawh alo inang chiah leh nghal. Hmeichhe tumruh tak ani tih ka hre tawh bawk nen. Ricky chungchangah pawh a sawi dik mai thei a ni."Ni e, ka lo inngaihtuah dawn nia, ka nu lah hi ti hi ani bawk si a, pasal neihsan hi ka rilruah ala lang ngai lo reng reng," ka han ti ve a."I nu chu a hlim khawp ang tih ka hria alawm," a ti mai a.PART - 4Kan ina Ricky a lo kal zan ațang chuan thlakhat a liam leh tawh a, amah pawh a reh hmak mai. A thusawi zawng zawng kha a ti mai mai anih ka ring ta hial mai. Dawt min hrilh ém chu ka ring bik silova, mak ka ti kher mai. Kei hian ka lo duh viau tawh em ni le? Hetiang em em a ka vei tak mai le!Ka beisei aiin ka nu pawh a țha ve rih zel. Kartin in check up in ka kalpui ziah a, ka hmanloh changin u Kimi'n a kalpui ve thung. Damdawi a ei țha bawk a, a hmel dâng del țhin pawh kha tisenin a rawn tuam veleh țan.Kei pawh dawr lamah kan buai deuh țhin avangin ka haw tlai thei hle a, ka tlai dawn chuan ka phone ziah bawk. U Kimi hnenah pawh in lamah thil thleng engemaw a awm anih chuan min phone nghal turin ka chah ziah bawk.Tlai khat chu kan buai zual deuh avangin ka tlai viau mai a, midang zawng zawngin min hawsan tawh a, dawr ka khar fel tawh a, ka car lam pan ka tum mek lai chuan Mpa hi ka bulah rui tawk hian alo kal thut a, ka phu chiang ngei mai. A hma aiin a lo cher tawh zawk a, ka bana min kaih a tum chuan ka lo phih sawk a, amah lah chu a ding nghet der bawk silo chu a thal țhuai mai a, chumi lo tho leh thinrim chuan min rawn khawih a tum ta mai, a meng sen rum lehnghal a, "Ramnunmawi, ka ta i nih loh chuan tuta mah i ni ngai lovang, chu chu hre rawh," a tih pah chuan min rawn kuah a tum leh ta mai, a pai nawk nawk a, min rawn kuah hma chiah chuan mi pakhat hian hneh zet hian a banah a lo mansak a. Ka han en chuan Ricky alo ni reng mai a, ka lawm lutuk chuan ka kuah ta chawt a."Nang hi tunge i nih a, ilo inrawlh ve rikngawt a, Ramnunmawii hi ka ta a nih hi aw, ka nupui tur a nih hi, keimah lo chuan tumahin an nei lovang," tiin a inhrosa a.Ka zak lutuk chu ka kun reng mai a. Ka khur zawih zawih bawk."Nubawihi hi lo tibuai tawh suh, kalbo nghal rawh. Nang hian i phu thlawt lo, i rui lehnghal a, ka khawih lo mai ang che. Nubawihi kianga ka hmu leh che anih chuan ka kut hi i tuar tawh ang," a ti ta hmak a.Ka en reng a, a thinrim insûm nasatzia chu a beka thisen zam pawn țawlh țawlh dan ațang chuan ka hre thei.Ka banah kaiin min kalpui nghal dawr dawr a, a motor kawngkhar hawngin min chuantir nghal hmak, ani pawh driver seat ah a rawn țhu ve nghal vat a. A hmelah chuan a thinrim tih hriat tak hian hmalam a en ding ngar a, a thinrim a insum nasa tih hriat tak hian a thaw ham ham a."Kha pa nen khan engang inlaichinna nge in neih a?" A ti hmak a."Engmah inlaichinna kan nei lo.""Inlaichinna nei silo, envanginnge khatiang khan a tih che a, thudik min hrilh rawh," a ti khur khur a. Ka hlau kher mai."Ka ngaihzawng hmasa ber ania, mahse kan inngaizawng reilo, ka nuhrawn nena an khawsa dun ka man a, ka țhen nghal hmiah. Ngaihdam min dil nasa țhin khawp mai, ngaidam mahila amah kha ka pawm thei tawh chuang lo a ni." Ka ti sap sap a."I hmangaih em?""Hmangaih maw? Teuh lo mai, ka lo duh ve țhin pawh kha mak ka inti zawk. Ka la naupang em a, hmangaihna ka dawn ngailoh avangin ani lak ațanga ngaihsakna ka dawn hmasak ber anih avangin ka duh anih ka ring. Ka nuhrawn nena an awmdun ka hmuh pawhin ka na miah lo, min bum avang khan ka thinrim mai chauh a ni," ka han ti duah.A thaw huai a. Min rawn kuah nghal."Engtinnge min rawn hmuh a?" Ka han ti leh a."In inah ka rawn kal a, ilo la haw loh thu an sawi a, rawn lam tur chea ka lo kal laiin khapa nen khan ka hmu che u. Khapa phiangsen kha rui lose chuan ka khawih hrsp ang mawle, ka khawih lo kha a vannei anih kha.""Khawiahnge i kal daih a, i reh hmak a, i rawn lang leh thut bawk si," ka han tih chuan a nui hak mai."Ka training mawle, ka nu leh ka pa in training turin min tir thut a, kan damdawiinah chuan ka thawh dawn chuan training a ngai an ti tlat si a, chanchin pawh ka rawn hrilh hman ta lo che a nih kha. Khawiah emaw kal lawk ang, hmelhriattir tur che ka nei ania," tih pah chuan a motor chu a tinung nghal a."Ka car kha, dawr kawtah ka dah tawp si a, bakah ka nuten ka haw tlai lutuk chuan min ngaihtuah tawh ang," ka ti chul a."I nu te chu engkim ka hrilh vek tawh, an hrethiam vek, chuan i car chu ngaihtuah duh suh," tih pah chuan a phone a phawrh a, tuemaw hi a be nghal mawlh mawlh."Car chahbi ka keng daih si a, engtinnge a khalh haw anga," ka han ti dek dek a."Lungngai suh, tihdan an thiam lutuk, i car chu a chhe chuang lovang, chubakah an dah zawh hnuah chahbi hmang lo a khawih theihloh turin an siam nghal dawn alawm," a ti leh mai a."Anih khawia min hruai nge i tum a?" Ka han ti leh a."I hlau deuh em ni?" Tih pah chuan a nui suk. A nuih paha a biang sum lo khuar kelh țhin hi nalh ka ti lutuk. Ka lo en reng a."Min en reng chuan ka motor khalh lai hi ka titawp anga, kan kal tumna kan thlen hma hian ka fawp duh mai ang che."A ti leh duh tak tak ang, sen awp awp chung hian ka hawisawn vat a. A la nui hawk hawk zui.Min hruaina hmun kan thlen chuan gate chhungah chuan a motor chu a tlanluh tir a, "hm, kan thleng ta," tih pah chuan motor ațang chuan a chhuk a, ka awmna lam rawn panin motor kawngkhar chu min hawnsak nghal a, ka han hawi vel a, in nalh zet mai hi alo ding a, "wow, nalh lutuk," tih pah chuan ka thaw huai mai."Kan in anih hi, ka chhungten hmuh che an châk lutuk a, ka hruai ang tiin ka lo tiam ve tawh si a, ka hruai ta mai che anih hi," a ti thawp sat.A chhungte hmu tur chuan Ka inring lo kher mai, "Min hrilh lâwk nila chuan hei aia nalh hian ka inchei ve deuh tur ania," ka han ti a."A ho lutuk, ka mita i nalh chuan a tawk," a ti leh hmiah a.Inchhung kan luh chuan ka zam kher mai. Ricky chuan a chhungte a hrilh vek anih chuan an lo awm kim vek dawn si a. Ka zam ani tih hriain Ricky chuan ka kutah chelhin min hmer nghet sauh a, tlemin ka zamna pawh a reh.Țhutkhawmna ah chuan an lo țhu țhap a, Ricky nu in min han hmuh chuan mak ti zet hian min en a."Nangmah hi maw, ka fapa hmeichhe sawi chu," a han ti a."Ka nu, in lo inhre tawh ani maw?" A han ti a."Hre tawh e, nula fel tak anih zia pawh ka hria alawm," min rawn pan a, ka kutah vuanin "Nubawih, ka fapa tan nupui țha tak i ni ngei ang tih ka chiang a ni. Fanu thar kan nei tur che hi ka lawm e." A ti sap a.Ka huphurh tehlul nen, ka beisei ai daihin min lo lawm a, an bula awm pawh nuam ka ti khawp mai."Kei pawh ka lawm e," ka ti ve sap."I nu chu enge a an zel a?" Ricky nu chuan a han ti leh a."Tunah chuan a zia rih viau e," ka ti ve mai a.Engeng emaw sawi chuan kan inkawm a, kan hlim hlawm khawp mai. An chhungkaw inenkawl dan chu a felin, tu lakah pawh an fel ngei ang tih ka hria."Zan a rei hmain ka va thlah tawh ang che," Ricky chuan a han ti a."Ni e, a pawi lo, ka nu pawhin min lo ngaihtuah tawh ang, ka va haw phawt ange, Pi Arem," ka ti a."Ka nu tiin min ko mai rawh, ka fanu ni țep tawh mahla...""Anih leh ka nu.... ka lai deuh tlat."Kan in mangțha hlawm a, kei leh Ricky chu kan chhuak dun ta a.Kan tlan pah chuan Ricky chuan, "Ka chhungte chuan an ngainat hmel hle mai che," nui vur vur pah chuan a han ti a."An fel em anih kha, keini ang pawh tlângnel takin min siam ania," ka han tih chuan alo ner sawk mai."Inngaihtlawm der vel kha a țul lovang," a ti hmak a.Ka lo nui sak thung. "Min fiam a ni maw? I chak lovang mawle," tih pah chuan a motor khalh lai chu a ti ding thut a, min pawt hnai dawrh a, na zet hian min fawp nghal bawrh bawrh. Ka hmui ka chip hmak a, a tawpah chuan min fawhdan a thlak nghal a, dam zet hian min han fawh leh chuan ka chhanglet rang kher mai. Kan tawp thei dawn lo emaw tih tur khawpin kan uar dun, ka taksa a chulkual ruai a, kei pawh ka bang bik lo.Duhtawka kan han infawp chu a bak pelh chakna ka nei hial a, Ricky pawh chu a thaw ham ham a, tisa chaknain a bual tih hriat zet hian a mipatna chuan min do ul mai. Mahse tuna ka tihtawp loh chuan nula thianghlim ka ni tawh dawn lova, innei tur ni tho mahila a hun hmaa sex hman hi ka duh ngai lo."Ricky, duhtawk ang, kan duhloh ang thil a thleng palh ange," ka han tih chuan rang zetin min thlah ve mai.In kan thlen chuan ka car pawh Ricky sawi ang chuan garage ah alo awm diam mai. Ricky hnena lawmthu sawi tuma ka kâ ka ang chiah chu ka hmuiah rang lutuk hian min rawn fawp nghal vat, kan infawp leh vang vang hnu chuan inchhungah ka luhsan ta a, inchhung ka luh chuan ka nu chu sofa a mu chung hian ka haw hun min lo nghak tih hriat tak hian a lo muhil bam mai a, ka khawngaih hle mai. Ka han koh chuan a mit nuai chat chat chung hian a lo thova, "Ka lo muhil ani maw! I lo haw chiah em ni?" A han ti a."Aw, ka lo lut chiah, min lo nghak em ni? Min lo mutsan mai tur che alawm," ka han ti ve a."Ricky kha alo kal a, an inah hruai che a, a chhungte hmuhtir che a tum thu sawiin min rawn dil a, ka phalloh a hlau ngang mai, a chhungte chu an fel bawk em? A nu kha chu a fel hmel em kha maw,""Nia, an fel hlawm lutuk, ka inthlahrung zawk," tih pah chuan ka nui sang a, kan pahnih chuan kan nui dun var var mai.Thlasik a reh a, nipui alo thaw țan a, khua a lum tawh kher mai. Ricky pawh zanah a hman changin kan inah alo leng ve ziah a, chhunlam erawh chu hna a neih ve tawh avangin duh ang pawhin kan inhmu tam theilo. Nitin phone ah min rawn bia a, a chhungte pawh in an fiam phah hial țhin thu te nui hawk hawk chung hian a rawn sawi țhin."Palai ka rawn tir tawh dawn ania, ka nghak thei tawh lo," a rawn ti thawp sat a."Hmm," ti ringawtin ka chhang a. A ngaihdan a nilo kher mai."Hmm tia chhan ka duh lo," a ti hmuk a. Keilah ka lo nui ver ver thung. Min hmu theilo hlauh."Engtia chhan nge beisei a," ka fiam chak thut."Ka bula i awm hunah i chaklo viau ang aw," a rawn ti halh a."Engtinnge min tih anga," nui har har pah chuan ka ti let a."Ka bula i awmloh chuan min cho hle mai maw, ka hmuh leh veleh che min chona chu ka tihhlawhtling khawp ang mawle," tih pah chuan phone chu a dah ta a.Kan inbiak zawh chuan ka buai leh char char a, a lum tawh kher mai, thlan a tla zawih zawih thei, ka cabinah chuan table fan awm mahse ka buai em avangin thlan tidai tur pawhin ka țhu hman der mai silova.Chawhnu lamah chuan buai zualpui a reh ve ta deuh a, ka țhuchawl ve thei ta hlauh mai. Chhun chawlh lai bak chawl miah lovin kan buai char char hlawm a, kan thawk hah hlawm khawp mai.Tlai alo nih chuan haw tumin ka insiam mek a, chutia ka insiam mek lai chuan Mpa alo lut leh hlawl mai a, hman zana ka hmuh bak kha ka hmu leh tawh miah lo."I haw dawn ami, ka be lawk thei che ang em?" Inthlahrun hmel tak hian a rawn ti a."Haw ka lo tum chiah a, enge ni leh ta a," ka lo ti hmak a. Min tihbuai hi nuam a ti viau anih ka ring."Hmanzana thil thlengah khan ngaihdam dil che ka duh a, khawngaihin min ngaidam thei ang em? Ka tibuai leh tawh lovang che tih ka tiam a che, chubakah nupui neih ka tum a, min ngaihdam theih chuan ka lawm viau ang," a ti leh a."Awle, ka ngaidam ang che, nupui i nei tur chu ka lawmpui lutuk che, țha takin enkawl la, pasal țha tak nih tum ang che," ka han ti ve a."Ka lawm lutuk e, anih hlim takin i awm zel dawn nia, ka kal tawh ange," a tih pah chuan a chhuak ta nghal a.Ka thaw huai mai. A nupui neitur chu ka lawmpui ang reng khawp mai.In lampan chuan ka inkhalh haw ve ta a, in ka thlen chuan ka roomah ka chho nghal a, bathroomah lutin shower chuan ka inphuhtir leh sar sar mai.Inhnuai ka chhukthlak chuan ka nu hi kawngka ațangin a lo lut a, "E he, bawihi ilo haw der tawh elo, țhenawm te inah ka kal lawk alawm, rin aiin ilo haw har si a, in buai deuh anih ka ring a," a rawn ti lut bawrh bawrh a."Hmm, ka thlenna a la reilo, ka inbual zo a, ka rawn chhukthla nghal a. In lo awm silova, ka ngaih a țha lo hman hial alawm," ka han ti ve a."Leh ngawt țhin a, i ngaih hi i tițhalo hma thei lutuk. Ka zia tawh em hi mawle,""Nih chu ni viau, mahse indim tho ang che," ka ti leh vat."Awle, awle," nui var var chung hian min kuah a, " ka fanu hi a țha ber mai a han tih chuan kan nui dun hawk hawk a.Zanah chuan beiseiloh takin inleng kan nei a, Ricky palai hmel kan hmu thut mai. A va mak awm teh vut ve mawle, 'Engmah min hrilh lâwk silova, vawiin chhunah kha chuan palai ka rawn tir tawh dawn a ti ringawt a, 'aw' ka pawh der bawk silova, hmm, a thu hi a duh lutuk a, a thu tihtlang a tum leh tawp anih dawn hi.' Tiin ka ngaihtuah neuh neuh a.Ka nu pawh chuan mak a ti ve tho mai, mahse engmah sawi lovin a lo lawm ve tho mai.Thingpui luma choka a u Kimi nen kan awm avangin enge an sawi ka hre lo. Chutih lai tak chuan Ricky chuan min rawn phone a, "Tinge engmah min hrilh lâwk silova, palai i rawn kaltir ringawt a, Ka nu nen kan bangbo lutuk alawm," ti chuan ka chhal nghal mawlh mawlh.Lehlam ațang chuan, "Ka hrilh sa che chuan min hnial dawn tih ka hria alawm, chhuanlam fahrah te te i siam leh anga, inneih ni te kha a hma thei ang ber turin lo tifel ang che u, ka nghak rei tawh lutuk che." Tih pah chuan phone a dah nghal hmak.Hui ha, hepa zet chuh, tihngaihna a awm lo a ni ber e.Thingpui ka va pek chuan ka nu in, "Bawihi, lo țhu ve lawk teh," a tih chuan ka țhu ve nghal mai a.Palai pakhat zawk chuan, "Ricky lah chuan a hma thei ang bera inneih ni ruat turin min chah bur mai a, enge maw in ngaihdan le?" A han ti dam diai a."A inneitur te thu thu ani mai ang chu," ka nu lah chuan a ti awlsam thên."Anih chuan a nî turte sawifel nghal mai ila, a rem tho te chuan, tun thla hi March thla a ni a, thlaleh lehpek khi ti ila, chuti anih chuan May thla tir ah ti ila a pawi ang em?" an ti leh a."A rem mai alawm, chhungte dang han rawn tur chuang an awm lo bawk a, tikhan kan tifel ani mai a, a lawmawm khawp alawm," ka nu chuan a han ti ve a.Tun ațang chuan pasal nei tura ka inbuatsaih țan a ngaih dawn avangin ka buai leh zual kher mai. Ngaihzawng nei mahila pasal nei tur meuh chuan ka la suangtuah ngai lo, chubakah ka nu kalsan ngailo se ka ti kher mai. Mahse hmeichhiain pasal kan nei a, chhungte kalsan ngai tur hi a hrehawm țhinin ka ring a, tunah a takin ka tawng ve dawn ta.Tunah chuan Ricky hi ka hmangaih ani tih ka inhre tawh. Mahse a ni ve thung chuan min hmangaih thu ala sawi miah lo chungin pasalah neih ka tum chu a ni si a. Min lo hmangaih leh silovin, hmangaih dang lo tawng ta se, engtinnge ka awm tak ang le? Suangtuahna țha lo pui pui ka neih phah nasa mai.Ni a ral ve bek bek a, kan inneih hun pawh a hnai ta khawp mai. Ricky lah kan inah a tam tulh tulh a, ka nu nen pawh an innelin, ka nu phei chu a ngaihsakin, a duh zawng chu a ngaihtuah sak vat țhin.Chutia an inkawm hlim lai chuan ka room panin ka chho lawk a, engtiklaiin nge min lo zui hman ka hre lo, ka hnungah ngawi reng hian a lo kal ve chu niin, ka hmuh phut chuan ka zuang lo chauh. Ka phu nasa lutuk."Min van tiphu nasa ve, ka nu bulah i awm reng emaw tia, tinge ngawi renga min rawn zui a, rawn chhuk leh nghal mai ka tum alawm," ka han ti a."Ka hmuh phak lovah ka awmtir dawn lo che, ka nupui ni dawn mahla," a tih pah chuan ka hnunglam ațangin min rawn kuah nghal thlawp a."Kal sawn phawt teh, thil engemaw tih tur ka nei ania,""Thil engemaw tih tur chu kan ti phawt dawn em ni?" Ka beng bulah chuan a rawn ti sar sar a. Ka lo thaw dep dep a, ka thinphu a rang nghal zaih zaih.A lam hawi chuan min kuai her a, min kuah nghal chat, kei pawhin a nghawngah ka lo kuah ve chial a, duhthawh takin kan infawp dun mawlh mawlh a, kan inthlah dun meuh chuan kan thaw a chham lo chauh."Hetiang renga hmeichhia ka lungphu ti rang thei hi ka tawng tawh lovang, ka mamawh lutuk che." A ti thawp sat a.A țawngkam hman chuan min tituiral lo chauh.Inhnuaiah chuan kan inzui thla leh hnak hnak a."Ka va haw tawh phawt ange, kan inneih hun ka nghakhlel tawh khawp mai, kan inneih zan chu......!" A nui suk ringawt.Ka lei ka chhuah khum zeuh. Kawngka thleng ka thlah a, a hawi zuk zuk a, min fawp zeuh, "Ka ngai ngawt ang che," a ti leh sup a, a kal nghal nal nal.Kawngka ka kalh a, ka nu chuan, "I hlim hmel hle mai, a hmangaih hle che anih kha, ka hmu thiam mai," tiin a nui var var a, ka nu nen chuan ka inkuah chial a, inchunga a room lamah mu turin kan kal ta a.Kan inneih nan karkhat chiah a awm ta, a țul zualpui chu kan tifel thawkhat tawh bawk. Ka buai theih em avangin hun reng ka lo hre chang lo. Ka nu pawhin awm awl ve deuh turin min ti nasa, mahse ka hnial ve tlat thung. Ka tellovin dawr pawh a kal thei lutuk, kan inneih hma ni thum velah ka chawl ang tiin ka hnial ve fan.Kan inneih ni a thlen hma chuan hritlang neiin ka khua a sik ve hluah mai a, ka nu ngaih a țha lo khawp mai a, Ricky pawh a mangang kher mai, mahse eng em ka ti ta lo hlauh. Damdawi ka ei char char a, ka zia veleh ta deuh a.Ka samte siam tirin ka kawr hak tur ka țhuitir pawh ka la tawh bawk. Lan nalh loh ka hlau ve khawp mai.Kan inneih ni alo thlen chuan dar hnihah invawn tur a ni a, Ricky lah chuan min rawn phone chhen mai, a nghakhlel tawh bawk a ni. Ka nui var var mai.Tunah chuan nupa kan ni ta, thu kan han chham chuan Ricky chuan ring leng lawng hian midangin an hre lovang tih hlau niawm fahran hian a sawi a, kei pawh chuan ka sawi ve sap.Thla kan lakte chuan kan hlim lutuk chu ka nuihna ka biangki pawh a kham vek mai. Ka nu pawh a hlim kher mai, ka damchhunga hlimna ka tawnna ni a ka nu in min hmanpui tluka hlim hi ka nei lovang.Ricky te inah chuan ka lut ve ta phawt a, lawițhat zan hmang turin kan inbuatsaih mek a, ka hlim hle rualin ka huphurh ngei mai. Bathroomah lutin ka insilfai a, ka nun hi hlimnain a khat ni mai hian ka hria.Ka lo rei deuh nge ni, bathroom kawngkhar chu Ricky chuan rawn kik pahin, "Bawihi, i zo dawn tawh em?" A rawn ti a."Aw ka rawn chhuak dawn e," ka tih pah chuan bathroom ațang chuan ka chhuak nghal a, mutkawr hak ka han tum chuan, "I mutkawr kha hak kher a ngailo, phelh a buaithlak mai mai," a tih chuan ka chum nghek ringawt.Ka bathrobe hak chu a phelh a, khumah chuan min mut riai riai a, "Tunah chuan ka duhthusam ka nei ta e, ka hmangaih che, ka hmuhtirh ațang che khan ka hmangaih nghal che, ka nupui inih hun hi nghakhlel takin ka thlir reng asin," a tih pah chuan thlahlel takin min fawp ta vawng vawng a.Ricky an min hmangaih thu a sawi chuan ka hlim kher mai, "Kei paw'n ka hmangaih che," ka han ti ve a.Tunah chuan nupa niin kan inhmangaih dun tih kan hre tawh bawk a, damchhunga nupa ni tur a kan intiamna chu hlena awm mekin Insumkârna awm lek lovin hmangaihna kan chen dun ta a.***Thlathum kan inneih hnu ah ka nu damțha vak lo enkawl a ngaih avangin ka nu leh ka pa(Ricky nu leh pa te) phalnain kan in lamah kan awm rih a, nau ka pai nghal a, raino ka lo haw kher mai bawk si a, ka pasal Ricky chuan min ngaihsakin min duat em em a, pasal nih a tlin khawp mai.Nau ka neih chuan mipa kan nei a, Ricky lawm lutuk chuan min pawm pahin min fawp ngawih ngawih mai. "Ka nupui duhtak, ka fapa nen hian ka damchhungin ka hmangaih reng ang che u," a ti thawp sat a."Kei paw'n ka hmangaih reng ang che, ka damchhungin," ka ti ve hnâp a.Tunah chuan ka tan 'HLIMNA KAWL A ENG VE TA'. Ka pasal leh ka fapa hmelțha tak, ka hmangaih em em te muhil dun mêk chu ka thlir dun vawng vawng a.THE END.

• Get link
• Facebook
• X
• Pinterest
• Email
• Other Apps

May 10, 2020

Post a Comment

Read more

HEARTLESS LOVE (M&B)Lettu: Zohmangaihiby HK RenthleiChapter - 1Chumi tlai nipui lai chu nuam hle mahse Clare chenna lama a haw lai chuan China i chu a inngaihtuah nasa mai a, van dumpawl thiang kuk mai leh boruak nuam tak te pawh chuan a rilru an la peng hman tawh lo.Chanchinbu lei tumin luikama dawr chu a pan a,beisei takin hna ruak awm leh awmloh chu a en nghal vat a,mahse nidang ang bawk - Awm lo.A chanchinbu lei țangkai lo zet chu a kawrchung ipteah chuan a hnawh lut nawk a,a boot bun chuan lei chu a khawng tlauh tlauh ringawt a.Hnathawh tur a mamawhna chauh hian a tilungngai ani lova,chenna tur hmun a mamawhna hi a harsatna lian zawk chu niin a hria ani.A chhan chu karhnih emaw lek ah Clare chuan pasal anei tawh mai dawn si a,chumi hunah chuan kawtthler bak chu chan a nei dawn lo tlat ani.Aw,hetiang harsatna ațang hian engtinnge ka talchhuah ang? Pathian chauhin a hria ani,a ti rilru nauh nauh a.A kwngzawh tetakte ațang chuan kawngpui lam chu a pan leh a,Italy a a hnathawh a bansan mai kha thil atthlak tak chu alo ni e.Mahse a hun lai kha chuan thlan tur dang nei miau si hek lo le!A rilru chuan Rome a a hun hman tawh dan te chu a chhui let a,khanglai hun kha chu a nuam ani,ka hlim em em bawk si a,a ti rilru nep nep reng a.Kum 18 anih a,fahrahte Convent ațanga alo chhuah lai kha chuan a tan hna a harsa lova,Magazine lar tak pakhat ațanga Italian naupang pahnih awmtu tur an duh thu an rawn chhuah veleh khan lawm takin a duh thu a thawn vat a,tichuan Londona hotel pakhatah Signor Cencelli te nupa hmaah Interview a nei nghal a.Cencelli te nupa chu an nelawmin,karhnih hnu maiah chuan China pawh Rome ah a awm ta mai reng a.Cencelli te fa pahnih Franco,kum ruk mi leh Guilia kum li mite a hmuh hnu phei chuan chawp leh chilhin a ngaina nghal a.Kum hnih zet Cencelli te chhungkaw zinga a khawsak hnu phei chuan khawpui bul lawka an in ropui zet chu China pawhin nuam a ti tak zet tawh a,an chhungkaw zinga tel ve zelin,Europe khawmualpui pawh a tlawh tam hle tawh a,Italian țawng pawh a thiam tawh hle ani.An chhungkaw zinga mi ang chiah chiaha an endante chu China chuan mak pawh a ti hial zawk a.Adeli Cencelli pawh China aia kum hnih chauha upa a ni bawk a,reiloteah kawmngeih tak tein an inkawm ngeih nghal a,chuvang tak chuan ,Naupangte kalsan harsa a tih chu thuhran nise,ani zawk chu kalsan harsa a tih chhan tak pawh ani.Thla tam tak ral tawh mahse,tun thleng hian Italy a a hun hman tawplam a ngaihtuah hi chuan China chu ala khur thei deuh thaw hial ani.Cencelli te nupa chungchangah hian rinhlelhna chhete mah ala neih ngai loh avangin rapthlak a ti a,engemaw changa Signor Cencelli an a en vung vung țhin te kha hetiang lamah hian alo ngai hauh lo țhin kha a ni a,alo tisual deuh chu ani.Inzaina tenau deuh a neih dawn țuma Adele damdawi ina a luh țumin, China chu Signor Cencelli nen chauh inah an awmdun a.Hemi țum hian China chuan him lo riauva inhriatna a nei țan a,Signor Cencelli pindana zanriah a han pek ațang phei chuan him lova inhriatna chu a nei nasa zual ta ani.Tlai khat chu China lo beisei loh ber a chungah a rawn thleng ta a,a thinrim lutuk chuan khur zawih zawih chungin Cencelli hmaiah chuan a beng țhuai a,mangang zet chungin a pindanah chuan a inkalh khum ta hmak a.A duh lohna khatiang tehhrepa a lantir avang khan Signor Cencelli chu a thinrimin,China nun chu hremhmun tluk zeta hrehawmin a siam ta hi ani ngawt a.Tunhma lam zawng te khan tlaktlaina reng alo nei ngai lo emaw tih tur khawpin thinrimna tur leh sawiselna tur hlir adap ta mai a.Dinhmun khirhkhan takah a ding ta miau mai si a,a hna chu bansan a,haw vang vang a duh a,mahse Adele nidang zawng aia amah mamawhtu han kalsan hmiah chu harsa a ti si a,mahse loh theih lohvin Signor Cencelli chuan a chhuahtir ta tho ani.Adele chu damdawiin ațanga alo chhuah hnuin tlai khat chu Guilo leh Franco te a muttir hnuin a tlu zal ve mai mai a.Zanriah ei tura inthlak a tum lai takin Signor Cencelli chu a hmaah chuan alo lang hlawl mai a.A mitmeng rawpntak chu a hmuhin,huatna namen lova khat chung chuan rang lutukin azuang thova,mahse a kilah dang chepin,Signor Cencelli chuan fawh a tum ta a.China chu keite ang maia kawlhin a che a,an hnung maia Adele lo ding reng an hmuh tak thutah chuan Signor Cencelli pawh chuan a tawpsan vat a.Adele pawh chuan a tuar nain,hrehawm pawh a ti ngei mai! Han awm luih zelna chi ziazang a nih tak loh avagin a tukah chuan China pawhin rilru na tak chungin a chhuahsan ve ta nghal a.Chung thil zawng zawng chu thla hnih liam taa thil thleng kha an ni a; chumi hnu chuan a țhianțha ber leh a țhian neihchhun Clare hnenah a kal nghal a.Clare hi a ngilneiin,a țhatna hi rulh zawh sen chi ni pawhin a hre lo hial ani.A duh chen chen a hnena awm turin leh Rome a a chunga thil thlengte theihnghilh tir tumin theihtawp chhuahin a lo țanpui zui ta ani.A chunga thil thleng zawng zawngte kha theihnghilh thei se chuan a tan pawh a țha ber ang tih a hria a,mahse chuti mai chuan a theihnghilh thei mi bik silo.Signor Cencelli chuan a naupanna rilru leh hmangaihna kawnga mipa te a thlir dan a tidanglam vek a,Signor Cencelli ang vek turah erawh chuan ngai bik lo mahse,mipa te chunga rinna nghah chu har dawn hle in a hriat phah ta ani.A inngaihtuah muk em avang chuan kawngpui a pawh leh tawh tih pawh a inhre hauh lova.Chutah Car horn ring zet maia han ri țhawt leh a hnua Car break han ri chik tuar chu a hre zui nghal zat a,a phu chiang kher mai! A mitmeng paw raih mai chu a meng zau kawk a,chu Car in a chil teuh zia a han hriat avang chuan hlauvin a ding khawng ta reng ringawt a.Car ațanga driver lo chhuk a hmuh chuan China chu ngaihdam dil inpeih sa atin a lo ding a,a kalna kawng enna chang alo hre lo chu a tidik lo ani.A chilhlum lo emaw,hliamna tak a tuar lo emaw si chu thil mak tak zawk ani!Chung thilte a han ngaihtuah phei chuan a hlau thar zual leh hle a,chutihlai chuan driver chu a hmaah alo ding tawh a.Pa sang tak leh hang lam deuh hi ani a,a thinrim chu a hmel a dur khuih mai lehnghal a."I va han chhaw ve! I kalna i en ngai miah nange?" a rawn ti tuar a.China chuan hlauthawng hmel tak hian a en hau a,chupa thinrimzia a han hmuh chuan ngaihdam dil alo tum lawkna zawng zawng pawh chu a hrawkah a thamral zo ta vek maia.A chhan tak lawk loh avanga thinrim zual ta sauh ang mai hian chupa chuan a darah na zet mai hian a țham ta lawp a,a sam țawnna a inphelh thleng mai chuan a sawi ta nawk nawk mai a.A chetdan em em chuan China thin chu a tirim ve ta phat mai a.Mahse a țawng chhuah hmain chupa vek chuan, "I awmdan chu engtizia tehhrep nge maw nile? Ka chilhlum teuhzia che hi i hre lo em ni?" a han ti leh a.China pawh chu a thinrim ve takzet tawh a,a sam phelh darh niaih tawh chu hnunglamah a thing khawm a,chupa chelhna ațang chuan a talchhuak ta lawp a."Nang pawh i ti lutuk deuh ani lo maw? Hei hi vantlang kawng ani a,i khalh chak lutuk anih ka ring bawk," tiin a tum aia ring mah chuan a ti ve ta siah siah mai a,a mit paw reih te chu thinrim avangin a eng phat tawh zawk a.Chupa chuan a en reng ringawt a,a mitmengah erawh chuan engmah a lang lova.China chuan chupa Car pawh chu a va hmu a,Sunday News paper a a chhiar ațangin Porsche ani tih a hre nghal a.Chupa chu a han nui suk a,mahse a mitmengah erawh chuan a nui tih reng a hriat chuang loh.Mit la miah lovin chupa chuan a en reng a,en zah a tum anih chuan a inngaihtuah nawn leh a ngai ang,China chuan alo ti rilru a.Pian thiam tak leh mi hipna ngah tak chu ani phawt mai tih China chuan a hre thei a; tin,pa hausa tak a ni ngei ang tih pawh a car leh a suit țhui nalh tak ațang chuan a rin theih a.Chutah, "chu chu min puhna a ni maw?" tiin a hma aia aw dam deuh zawk chuan a han ti a.a aw ki a thlak thut mai chu China chuan a hmaa a thinrim aw aimah khan hlauhawm zawkin a hria a.Chutia indinchilh reng eingawt mai chu China chuan a ning ta deuh a.Hetiang tehhrep hian lo ti lo sela chuan ngaihdam dil pawh a lo tum kha ani a,mahse a rawn chhalh danin a zir tak miau si loh avangin luhlul a chhuah khum ve mai tur lah ni!Zamna nei miah lo chuan a en ve kal mai a, "I duh dan danin ngai rawh,tunah chuan min hrethiam la......." tia kal mai a han tum a.Hepa lak ațang hian kalbo vat zawk sela a țha ani.A darah chuan a la vuan ve bawk na a,mahse awlsam takin a talput leh mai a,a hawi sawn nghal a."Oh,la kal mai rih love," tih pahin rang zetin chupa chu a hmaah bawk chuan alo ding leh a,an indin hnaih em avang chuan an insi deuh thaw hial a.China chuan Italy a a awmdan kha a hrechhuak ta zawk a,a hlau thar leh ta hle mai a.A hmun chu inang lo mahse hetiang chiah hian Signor Cencelli hmaah khan a ding kha a ni si a.Chupa chuan a kuta rawn vawn a tum lai tak chuan ani chu chi ai tak chungin alo inveng a,mahse rang zetin a man a,a vuan nghet hle mai leh nghal a.China chuan chupa chu a kut lehlam chuan a han nam nghek a,ani lah chuan ngaipawimawh lem lo tih hriat fe hian a lo en reng ringawt mai si a.China chuan, "I kut hi la sawn vat rawh," a han ti țhat a,thinrim leh hlau bawk si chuan a meng alh phat tawh mai a.Chik zet maiin chupa chuan a en rwng nain,a thinrimna chu a haider sak tlat a.China in chupa mitmeng buang thang mai a han en leh chuan tun lawka a ngaihdan kha a thlakthlengtir leh ta vek mai le! Hepa hi Signor Cencelli a ni lo tih a hre chhuak a,chuvang chuan a hlauh ngawt nachhan tur a awm lo.Chupa kut chu a sen vek tawh a,a chak hmel hle nain, a kutzungțang chu a sei sel sawl hle mai thung a.Muangchang hian China a vawnna chu a thlah a,a huhang chu a tuar lo nge,China chu a khur dar dar mai a.A nuihzat hmel em avangin China chuan a hmel pawh a en duh tawh lo."I dam lo em ni?" bung ang reng takin chupa chuan a han ti nghut a.China chuan muangchangin chupa chu a han en a,a hmelah chuan nuihzatna engmah hmu tawh lo mahse,engemaw ti tak hian a chhungril chu a tina ru tlat mai a."Inphahhnuai luih hi i ching viau em ni?" alo ti ve vat a.Thil nuihzatthlak tak a sawi ta emaw tih mai tur hian,a kareh mawi tak mai chu chupa chuan a han pet sawi a,amah a nuihzat leh tawh ani ngei ang.China thinrim lutuk chu a mittui a tling piau tawh mai a."Chutiangin ka inphahhnuai tih pawh ka hre lo.""Chu pawh nise,i ching thuai ta ve ang.......Ngaihdam dil i nghak em ni?" Chupa chuan a han ti leh a.A awmdan chu a naupan thlak hle chuan a hria a,mahse a ngei ve tlat ani.Chupa chuan a hmui a chip hmak chu China chuan alo hmu reng a."Nghak pawh ni ila,tih awm loh chu a ni lovang chu,mahse nang ang naupang chhe lakah chuan engmah ka beisei love," chupa bawk chuan a ti leh a.A tham loh dan em em chu a hmaia ben sawk mai China chuan a duh a,mahse a thinrim poh leh chupa chuan nuam a tih hmelin a lang si a.A tihngaihna hre lo chuan a ha var thianghlim tak mai lang țhah khawp chuan a nui ve ta ringawt a."I nunrawng kher mai,vanduaithlak taka kan inhmuh leh tawh loh hi ka beisei," a ti hmak a.Chaltlai zeta a lo chhan leh a lo rin tehlul nen,chupa chu za awm zet hian a nui ta hawk hawk zawk a,China chu a hrilhhai lehling kher mai.Makti zet hian a en hau a,amah nge maw chupa chu â ta zawk le? Chup chuan a lu chuba thing nar nar a,la nui reng chung chuan, "I chhaw reuh hle mai," a han ti zui a.China chuan a haw ta hle mai a,chutihlai ngat phei chuan chupa tluka huat a neih pawh a inring lo hial a ni. "I țawng,ngeiawm zet zet mai ngaithlaa helai hmuna chawhnu pum mai hmanral ka tum lo," ring zet hian a han ti ta a.Chupa chuan a mitmu buang thang mai chuan a rawn en a, "Ka tikhawtlai che elo?" ti el tih hriat tak hian a lo ti a.Chiang zet mai hian China taksa pum mai chu a han en a,A fur jacket tawite,velvet kekawr hring leh leather boot bun nen chuan a lan nalh vak pawh a ring lo kher mai.Thudang engmah sawi leh tawh lovin China chu a han in her nghat a,chupa car chak hmel zet chu pelin,lehhawi leh tawh hauh lovin a kal ta hnak hnak a.A kalpah chuan mi nuihzata awm hi chu ka Talent dawn vw anih ber awm hi maw! a ti rilru nauh nauh a.Chutihlai chuan Car Engine ri ham ham chu a hre zui nghal a,lehhawi miah lo mahse chupa chu a kal ta ani tih hre thei mai a,a thaw huai nghe nghe a.A kal liam rual ruala theihnghilh nghal daih a duh tehlul nen Clare chenna in a thlen leh thleng pawh chuan a ngaihtuah chhunzawm ta reng a.Kha Porsche pa nui ring zet mai kha,chuti maia theihnghilh theih mai chi ani tlat lo ani.A thinrim deuh em bawk avangin nidanga a kal aia chakin a kal a,Clare chenna chu Victorian in lian zet mai hi ani a.Kum nga vel kalta ațang khan kaw tam takah an siam a,Clare luah chu chhawng chung ber,lian leh thawveng nuam tak hi ani a,China pawhin a pasal nwih huna luah ve a tum a.Mahse a vanduai kher mai,Clare pasal neih tur chu lo hre hma deuh an awm a ni ang,chu in chu inneitunu chuan a fanu pasal țhen lo kir leh tawh luah atan a hauh ta tlat mai a.Kawngkhar lianpui chu nam hawngin,inchung lamah a tlan chho zai zai a,a chahbi chu phawrhin Clare hming inziakna kawngkhar chu a hawng leh a,a lut nghal a. "Clare, ka lo haw tawh asin," tih pah chuan a jacket chu a phelh a,kawngkhar hnungah chuan a bang nghal a.Ani chuan, "I va luck em?" a rawn ti a.Choka lam ațanga rawn chhuakin, a rawn nui sang a,a sam chu a hnunglamah a țawn khawm laih a.China chuan a lu a thing nar nar a,nui chung hian, "Vawiin chu luck lo," zangkhai tak hian a lo tive tawp ringawt a.Athin la phu dup dup avang chuan ama aw pawh chu ang lo riauvin a hria a.Clare pawhin engemaw tak zawng a hria ani.A chhan chu a hmelin nidang a ang lo tlat a,a thutak riau mai ani, "Engemaw chu ila hmu ngei ngei ang,hmanhmawh duh lo la," hnem tum tak hian a han ti a.China chu a nui leh sak a, "Ni e,rei tak nghah hi ngai lo hram sela. Tihpui i ngai em?" a ti zui ta daih a,an thusawi chu thlak vat a duh ani.A rilru lakpenna tur thil a awm loh chuan a rilru hahna chuan a mittui a ti hnai mai dawnin a hria a,Clare chu țha in fel teh mahse mahni inkhawngaihna a nei lo thei silo.Clare pawh chuan hriatthiam hmel takin a rawn en a, "Parbawr chu i rawn hawn em?" a ti ta daih a.Chuveleh China chuan, "Oh,ka theihnghilh daih mai," tihpahin pawi ti awm fe hian a chal chu a dawm a. "Ka va kal leh ange,a pawi hle mai,ka thluak a thawl thut ani ta ve ang," tih leh kawngkhar lam pan chu a rual a,a coat chu a ha leh a."A ngai lovang,i chhuah hnu lawk khan Mrs Collen in anțam min rawn pe țeuh mai a,zanin tlaiah chuan kan siam mai dawn nia," alo ti thuai a.China hrilhhai hmel chu a hmuhin, "Hey,pawiti mah ta che,parbawr ai chuan duh pawh ka duh zawk reng reng asin," Clare chuan a han ti leh ngat a.China pawh chu a nui ve leh ta a,an pahnih chuan choka lamah an lut leh ta a.Oven awmna lam pana kal pahin China chuan a hnar a len vat a, "Bawngsa ka roast anih kha," Clare chuan alo ti vat a.China chuan Apron hreng mawlh mawlh chung chuan, "Enge ka lo tih ve ang?" a han ti a."Alu kha lo siam mai rawh.""Awle," tih pahin China chuan chhuara Alu leh a velna chu a lathla a,dawhkanah chuan a chhawp chhuak nghal a, "Engzat ei tur nge ni ang?" a han ti leh a.Clare chuan a dar a san ak a, "Min zawt ta hram mai maw? Ka hrechiang lo nain, pali,panga vel kan nih ka ring." China in a ngaihna hriat loh hmel zeta a en hau avang chuan, Paul a te an ni a,an țhian țha tak mai leh a țhianpa unaupa chu an ni a.Mahse a unaupa erawh chu vawiin hian London ah alo kir lo mei thei bawk," a han ti barh barh a.Clare sawi dan chuan China nuih a ti za hle mai a.A chhan chu Paul hi a chiang lo riau mai țhin a,Clare hian a khuh hneh mai pawh a.Kum kalta ațanga Art College a inchhar an ni a.An in date hmasak ber țuma an inhloh teuh zia pawh Clare chuan a sawi fo țhin.Paul chuan chumi țum chuan an inhmuhna tur a hai pek a,Clare in an intiamna hmuna alo nghah reng lai chuan Bus a Theatre dang pana Paul chuang chu a va hmu ta a,Red Light avanga Bus din lai tak chu a ni hlauh a,Rang zetin Clare chuan ava pan a,a va nang hman leh ta hram ani.A țhiannu a han en chuan a țhiannu chu China chuan a itsik rum rum a.Clare chuan hmangaih leh innghahna a hriat theih tirh ațanga neih a duh em em chu a nei a.......Ni lo,mahni inkhwngaih bawk a țan leh dawn.....!Ei an peih ta! Dining roomah chuan dawhkan chu an remfel a.Zinglama Clare in pangpar a lei chu China chuan dawhkan lai takah chuan a khawi a.Lungawi zeta an chaw eina tur a thlir vel hnu chuan inthlak hmaa inleih tleuh zawk a tum ta a.Minute sawm hnu a Clare i,hair dryer a a sam a chhem ro hauh hauh lai chuan eng kawr nge a hak ang tih a lo inngaihtuah ve a.Tin, kawnga mi tawhkhirh zet mai a tawh chanchin kha engvanga Clare chu hrilh miah lo nge anih chu a ngaihtuah let bawk a.A thinrim hmel kha a mitthla ah alo lang a,rinhlelh rual lohvin pa hausa tak leh hmelțha tak ani phawt mai.A.rilru a luah mai bakah a chanchin dang pawh la hriat a chak ani.Mahse chutiang hre tur in an inhmu leh tawh awm silo,a tlai deuh ani.Nidang ang bawkin zanin pawh hian make up hman vak a tum lo.A rilruah thildang a tam avangin inchei pawh a chak vak lo ani.Mascara leh lipstick a inhnawih hnu chuan wordrop lam a pan a,kawnga a mi tawh bawk kha a rilruah a lo lang leh a.An intawh dan leh an inbiak dan zawng zawng kha a hrechhuak leh a...."Engatinge maw ka ngaihtuah leh țhin chu ni....?" a ti sap nghe nghe a.Ngaihtuah tawh loh tum rilru tak chuan a kawr hak tur chu a la chhuak a,Indian cotton rawng dal lam,silver rawnga țhuipar hi ani a,a kal zawng chuan a tle zet zet thei a; a sam leh a mitmu rawng nen pawh inhmeh hle hian a hriat ani.A hmel a hmuh ngai miah loh,a nu thlalak chuanna silver țhi chu a awrh leh a,he thil chauh hi a nu laka a rochun awmchhun chu ani.Sandal pheikhawk keartui sang deuh a bun leh hnu chuan a inpeih ani ta mai a; Choka lama eitur vel te chu ava endik leh phawt a.Clare chu eirawngbawl thiam tak ani bawk a,engkim mai chu a tui hmel ser sawr hlawm hle a.Alu a en lai tak chuan Intercom chu alo ri a,Paul a lo ni a.Hmehkhep pakhat chu a han hmet a,kawngkapui chu a inhawng a,Paul chu lut tura hrilh pahin Clare chu a han ko a."In turte pe in lo dawngsawng lawk ta che,minute nga velah ka inpeih ang,"tiin khum pindan ațang chuan a rawn au va."Awle,rawn hmanhmawh lutuk suh." China chuan a ti veleh vat bawk a.An awmna kawngkhar an rawn kik takah chuan China chuan a va hawng a,Paul leh ahriat ngai loh mi pakhat hi an lo ding a. "Hello,Paul,lo lut rawh u," nui var var chung hian a lo ti a."Hello,Love, i dam em?" tih pahin Paul chuan a biangah a rawn fawp zauh a.China pawh chuan a fawp let ve a,a ngilneiin abula awm hi a hahdamthlak em em a,a hna pawh tling taka thawh tum hram țhin mi ani.A hmel te pawh a țha in,a sam te pawh a fai hmel hle a,a smart zeih zawih hle ani; wine bur hnih hi China hnenah chuan a pe a.Nui chung hian, "Kan eitur ka hre lo na a,chaw ei tih tui nan a um hnihin ka rawn keng ani," a ti a."I ti lawmawm hle mai,tihvawh ang em?" phur tak chung hian a lo ti ve a.An hnunga han khuh der khak khak ri a hriat veleh Paul chu a lehhawi vat a."Aw....James,a va han pawi em! inhmelhriattir tur che u ani a...." tiin China chu pawitih hmel tak chuan a en a,China lah chu a nuih a za ru hle thung a."Clare i ni ang chu maw? Paul hian i chanchin hi a sawi fova, alo sawi țha duh lo mah mah zawk anih hi," tih pahin China kut chu a rawn vuan a,nelawm tak hian a nui sang a.China pawh chuan alo nuih let ve a, "Clare chu ka ni lo tlat! Nang tunge i hming?" a han ti ve a.Paul chu a rawn inrawlh ta vat a, "Duhtak, keima thiamloh vek ani,a bul ațangin kan țan țha leh ange; China,hei hi James Galloway a ni a, tin,James,a ni hi chu China Harmon, Clare pindan luahpui tu leh a țhianțha ber ani," a rawn ti ta zung zung a.Chutah an han inchibai ,ha leh a,James chu a nuihzat hmelin,a mit paw ram maite chu a eng deuh phat a. "Min ngaidam rawh Miss Harmon,mahse Clare i ni lo hlauh chu a lawmawm ka ti khawp mai," a ti a."Khawngaihin China tiin min ko zawk rawh," tiin nui chung hian a han ngen ve a,a kut ala vawn reng pawh chu a lasawn ta a."James tia min koh duh a thu a ni ang chu," thutak hmelpu deuh hian a han ti a,a mitmengah erawh chuan ala nuihzat hmel hle tho a."Awle,James chu ni rawh se; sitting room ah hian lo lut ula,intur ka han siam ange," a ti ta a.An kawrchung a hlih sak lai chuan James chuan, "Khawiah nge Clare chu?" a han ti hau a.China chuan, "A inthlak lawk a nih kha,a lo kal thuai ang," alo ti vat a.Hall a an coat a khaisak hnu chuan Refrigerator ațangin wine var ala chhuak a,an vaia intur chuan a thli chhuak ta a; chutihlai chuan Clare pawh chu a rawn lut ve ta chiah a.A silk kawr hak chu a inhmehin,a sam a suk fai hlim pawh chu a tle siau mai a.Tichuan introduction chu an han țan țha leh a,China leh James chu dembel deuh tih hriat fahran hian Paul chuan a han sawi vel a.China chu choka lamah a va kal leh leh a,a lo let leh chuan James hmel chu chiang deuh zawkin a han en nawn leh a.Clare leh Paul chu alo titi pui bawrh bawrh a,kawm a nawm hmel hle pawhin a hria a.Kum sawmthum chu la tling lo deuh chuan aring a,a sam chu a tamin,a buang deuh bawk a,a hnar ngul sang veh vawh a han en chuan tuemaw a hriatchhuah tir zawk mai lehnghal a.....! Porsche a a mihring hmuh kha ani a hriatchhuah chu ni.James chu a han en nawn leh a,a kareh chu a zim deuh nain Porsche ami nen kha chuan an inang a ni! A thawmhnaw rawng pawh chu China duhzawng tak ani a,kekawr buang leh a rem tur tak waist- coat a ha a,silk kawr var thianghlim tak a ha bawk a; ala naupan hmelin,a hmel pawh țha ve tak ani.A chanchin pawh han hrechiang mahse a mi duhzawng tak a nih ngei pawh a ring hial ani.Pindan sir lehlamah chuan ațhu a,hruihnanga siam,an țhutthleng te chu Clare in an inneih buatsaih vel nana a lei a ni a,mi sale a lei a ni nain a nalh hlawm hle ani.Amah chauhva a țhu chu James chuan a rawn hmu a,nui chung hian a rawn pan ta a."I khua a va han har awm rauh rauh ve?"China chuan a lu alo thing a, "Khawhar love,ngaihthlak hi nuam ka ti zawk ani," ti chauhvin alo chhang a."Engtik ațang tawh khan nge Clare nen hian in lo inhriat tawh?""Kei kum ruk ka nih a,ani kum sarih anih lai ațanga inhre tawh kan ni.""Ah,naupan lai ațanga țhian maw? I va vannei ve China! Kei erawh chuan ka naupan lai ațanga ka țhian neih ve chu ka unaupa chiah ani," lungawi lo hmel deuh taka a han tih chuan China nuih chu a za hle mai a."A va vanduai thlak ve,khawnge i țhiante zawng zawng chu an awm zawh tak a?" alo ti a.James chuan a dar alo chhin ak a,amah chu a innuihzat hel hle mai a, "Rapthlak deuh asin,ni lawm ni? Khawvel zaupui maiah mahni unaupa chauh kawm tur han neih mai chu.....! Naupangte ka nih lai ațangin hmun dang dangah kan insawn kual țhin a,țhian bulbal deuh nei tur chuan University ka luh hnuah chauh awmhmun nghet kan nei ani," a ti a."I pa chuan enge a tih țhin a?" dilchhut hmel takin China chuan a han ti leh a.Chhungkhat laina hnai a neih miah loh avang hian mi chhungkaw chanchin han hriat vel hi a chak riau țhin ani."Diplomat(ram aiawha palai) ani.""Chuti chu zin kual vel reng a ngai ang a,a nawm viau awm chu mawle."James chuan a rawn en a, "Kei pawh a nawm viau ka ring.Anih leh nang i pa in enge a thawh țhin?" a han ti veleh thung a.Chutah zet zawng China chu a kun ngaih a, "Ka hmu ngai lo,mahse doctor anih ka ring," tiin a chhang ta nghat ringawt a.James chuan a kut pahnih chu a vawn sak a, "Pawi ka ti takzet ani China, sawi tur leh tur loh pawh hi ka hre țhin lova," inthiam loh hmel tak chuan a ti ta a.China chu nui chung hian a rawn dak chhuak a, "Pawi tih viau leh ngaihdam dil vel pawh a ngai chuang hleinem,mi chhungkaw chanchin han hriat vel hi nuam nuam ka ti a,ka han zawt mai che ani.I unaupa chanchinte chu mi han hrilh ve teh,zanina lo kal ve tura Clare in a sawi kha a ni em?" a han tih zawm ve a.An boruak rit deuh hlek chu a zia awm leh tawh tih hriain James chu a thaw ve huai a. "Aw,Bena a ni.Hetah hian in anei a,kar hnih chhung zet chu a chei țha tawh ani.London ațanga an rawn koh țhin avangin a kal a,vawiin chawhnu lam hian a lo thleng lehin ka ring," a han ti ve thuai a."Ben Galloway, chu hming chu ka hre tawh thanin ka hria?" China chuan a han ti a."Hre tawh mai thei, sumdawng hausa ve tak ani a,a hmingthang ve khawp asin," chhuang hmel takin James chuan a han ti ve a."Anih tak chu,kar hmasa pawh khan chanchinbu ah a chanchin hi ka chhiar tawhin ka hre tlat ani.""Duh aia tam mawle.Tleirawl chimawm zet ang mai hian chanchin hi a ngah ve thei teh ania," hul hak hian James chuan a han ti leh a."I ngaina hle ani lawm ni?" nui chungin China chuan a han yi leh a."Ngaina e," James chuan a ti mai a.Chutih lai chuan Clare chuan choka ațangin China chu a rawn hui zauhva,chu chu a hmuhin China pawh chu a tho vat a."Min lo hrethiam lawk teh,choka lamah Clare ka va pui lawk ange," tiin a kalsan ta nghal a.Clare chuan ei chu alo siam peih deuh thaw tawh a,China chuan soup chu no ah a thli ve nghal a.Clare chuan nui chung hian a lo fiam a, "James nen chuan in inngeih hmel hle mai," alo ti a."A duhawm ngawt mai," China pawh chuan a ti ve mai a."Ni e,a duhawm ngawt asin,i lak ațang khan a mit pawh a lasawn hleithei lo ni hialin ka hria," alo ti a.China chu alo nui har har a,a dik leh dik loh hre tur erawh chuan a hmel pawh alo enchik ve lem lova.Puar taka an ei kham hnu chuan wine in an han tuihnih leh sak a,an boruak pawh a zangkhaiin a nuam hle nghe nghe a."Hnathawh tur kha i hmu ta em?" tiin Paul chuan a rawn zawt thut a.Ani chuan a lu a thing a, "La hmu rih lo,hna han hmuh mai harsatzia chu nang pawhin i hria anga, mahse ka la hmu ve mai ang," a theih anga aw zangkhai chuan China chuan a han ti ve a."Ni e,ila hmu em em ang," fuihna awka lam deuh hian Paul chuan alo ti ve leh vat a.An țawng ngaithlaa lo ngawi reng James chuan phur hmel tak hian, "Oh,chutianga chenna leh hnathawhna tur mamawh in nih chuan a tihdan tur ka hre thei maiin ka ring," a rawn ti ta a.An ngawi ta țhap a.Chutah China chuan awih harsa ti deuh tak chung hian, "Enge i thusawi awmzia chu?" a rawn ti ta hlawl a."Ka sawi awmzia chu hna leh chenna i mamawh a nih chuan ka țanpui thei ang che ka tihna a ni," muang charh hian James chuan a rawn ti ve ta a."Oh, James, min han hrilh thuai la anih chu," hrilh nghakhlel tih hriat tak hian Clare chuan a lo ti vat a."Ka hre lo le......! Thupui vaitu a han țan te hi chu nuam ka tih zawng tak mai ani a....." James chuan a han ti te te phawt a.Chutah China hmela beisei leh hlauthawng bawk si a han hmuh chuan, "Helai lawk maiah hian Ben an in a lei a,in hre mai thei a,Aspenmere Hall ani a.Chumi enkawl tu tur chu a zawng mek a,vawiin chawhnu khan London lama a awm chhung chu henglai khuaa lo zawnsak ka tum thu ka hrilh a,tunah chuan China,i duh phawt chuan hna chu i ta ani tawh e," a rawn ti ta a.Chapter - 2A tuk dar sawmpakhat rik chuan James Car chu China te chenna kawtah chuan a rawn ding dawt a.China chu a hlimin a phur bawk a,James an bell a rawn tihrik hma hma chuan kawngkhar chu a va hawnsak thuai thuai a.A hna tur vel a ngaihtuah atalangin mut pawh a mu țha lo kher mai a; mahse alo lungkham ruk em em țhin chu kiang dawn taa a hriat a vang chuan James pawh chu phur tak maiin alo dawngsawng barh barh a."Good morning,hmelțha," nui chung hian a rawn ti a, ngaihsan hmel takin China han inchei velna te chu a en vawng vawng a.China chuan, "Hello,James,ka kal thei tawh angem?" alo ti ve thung a.Nui chung bawk chuan, "Coffee in tur pawhin min sawm dawn nange?" China mitmeng phur tak mai en reng chung chuan a han ti leh a.Han khawtlai leh chu a hreh hle mai a,mahse, "Tehreng mai,lo lut ta che," tiin a sawm ve ta a.James chuan a en zawk a,a nui ri ta hawk hawk a,China rilru lah chu hriat a awl nasa si a. "Ka fiamthu mai mai anih kha,chuti takin ka tui pawh a hal love," a ti leh ta a.China chuan a lei a chhuah khum zauhva, "Hrep tak che hian," a ti hlak a, a nui zui leh ta ar ar a."Kal ang hmiang," tih pahin a ban chu a rawn pe a.China vek chuan James sira țhut pah chuan, "In chu hmuh ka chak tawh em ani," a han ti leh a."I rilru tur chu ka hriatthiam pui khawp mai che a,mahse tun thleng pawh hian chu hna chu i thawk duh chiah angem tih erawh chu ka hrechiang lo ani.I hriat angin in lian tak ani a,Ben a awm loh hlan chuan nangmah chauhva i awm a ngai dawn a...." China hmel ngui ta rawih a hmuh chuan, "I hlimna tihchhiat chu ka duh vang ani hauh lo ania,Love; ka hrilh duh zawk che chu.....he hna chauh hi khawvela hna awmchhun a ni lo tih hrilh che hi ani.I duh loh zawng alo nih hlauh pawhin hna dangah pawh ka țanpui thei tho ang che.Aw, thildik lo tak ka lo ti zawk ani," a ti chuai ta raih a.A motor khalh tibuai lo tur siin China chuan a banah a va vuan a, "Min țanpui tura i inpeih avang hian ka lawm ngawt mai," a han ti a.James chuan a rawn en zawk a, "Kei tak pawh le,țhian țha tak kan nih chhoh zel pawh hi ka ring tlat ani," a han ti a.James sawi awmzia chu a hriatchiah loh avangin China chuan chhan mai ngaihna a hre lova.Nakin deuhvah chuan, "Ka chanchin hi i unaupa chu i hrilh tawh em?" tiin James chu a zawt a."Ka tum na a,ka be pawp thei ta lo,ka hmuh ang apiang chu hnialna a neih ka ring lo," James chuan alo ti a."Anih,a hnena thawkah chuan min lo duh ta lo sela?" hlauthawng rilru tak chuan a han ti leh a."Chutiang engmah a awm lovang," awlsam takin James chuan a ti ve mai a.A chhanna chu a beisei ang chiah chu ani lo nain,James chu a inrintawk hmel em a,chuvangin a kuta innghah tawp mai chu țha berin a hre ta ani.Lo hlauhthawn viau lah a sawt bawk hek lova.Minute sawm panga hnuah chuan kawngpui ațanga inherin,gate hmanlai tawh tak,lunga siam mupui lem bawk vung mai awmna ah chuan a ding ta a.Hung chhunga motor luhna sir tawnah chuan huan enkawl loh tih hriat tak mai hi a awm bawk a."Chhe lutuk lo ani lawm ni?" James chuan nui chung hian a han ti a. Chutah, "Ka sawi tawh ang khan he hna hi i duh chuan i thawk lo thei a,hlauh pawh i hlau deuh mai thei ani...." fiamthu tih hriat tak hian a han ti leh a.Chu building chu uluk fe hian China chuan a thlek vang vang a,James a thusawi avang chuan a nui ve sak a. "Clare chenna in nen khan ka tehkhin deuh a," a han ti ve a.James chuan a rawn en a, "Kal teh,i han en chiang teh ang hmiang," a ti a. Rang zet hian China chu Car ațang chuan a chhuak ve vat a.Kawngkhar lo awm hmasa ber, rawng var hnawih chu James chuan a hawng a,an inzui lut ta a.A chhung chu rawng hnawih thar vek ni mahse,luahlum tawk loh ani tih chu hai rual lohin a heiat theih mai a; rawng lah chu hnawih thar tih takah a rim ala nam rum rum a.Ben Galloway chuan rawng inchawih tur chu hre hle pawhin a hria a."Engchen nge i unaupa chuan a luah tawh?" tiin amah en rengtu James hnenah chuan a han zawt a."Ala luah chiah lo,thla hnih kal taa a lei chauh kha ala ni a,a chei thar lehin rawng te pawh a hnawih țha leh vek a,chung chu hei i hmuh ang hian a zo tawh a,reiloteah a insuan lut mai ang," tiin alo chhang a.Luah loh rim a nam nachhan pawh anih ngei a ring a, "Khawnge tunah a chen a?" la hawi kual reng chung chuan a han ti leh a."London ah in a nei a,tun kumthum kalta chhung kha chu chutah hlir chuan a khawsa ani," a ti a.A nin hmel deuha a hriat avangin thildang chu a zawt kai duh ta lova,chu in fan kual puiah chuan a sawm ta zawk a.China rin ai chuan a te zawk a,mahse a tunlaiin a ngainatawm riau a.Drawing room chu rawng uk buang lampang deuh hnawih hi a ni thung a.Chhuatah chuan carpet dup leh mawi zet mai hi a inphah dulh a,chair nalh tak tak bakah lung leh hluma siam mile leh lemziak tam tak bangah chuan a intar thluah bawk a.Pindan chhunga thil awm reng reng mai chu a mipa thil hliah hliah mai hian a hriat hle hlawm a.Pindan tam zawk a hmuhte chu China chuan ngaiah a neih tawh a,a mit la ber tu zawk chu swimming pool lian țha zet mai chu ani.A velah chuan thingbuk tawi tete leh cane chair a awm bawk a.Tui lah chu chen vel chakawm tak hian a fim dumpawl kuk mai bawk si a."A nawm hmel kher mai," a han ti sap a.Thlasik khawvawh lai taka chulai tuikhuah,tuiluma khat luau maia han hleuh kual vel chu a nawm tur zia ringawt a ngaihtuah nauh nauh reng a.James chuan nui chung hian, "Ben hi chuan khawsak nawmdan hi chu a hre teh mai ania," alo ti a.Chutah China banah chuan a kai a, "Tunah chuan chhiahhlawh ho chenna ka entir tawh ang che," a ti ta a.Tichuan in hnung lamah chuan a kai phei leh ta zel a.Chhawng hnuai berah chuan chu in ațanga hrang nalh hian a awm a; sitting room zau tak leh huan han thlir pah vel theih na tukverh,meichhemna,bedroom leh khum lian țha tak pakhat,wordrop leh private telephone,bual pindan leh pindan dang pakhat țhutmut theihna awm bawk hi a awm a.Chu hmun chu China tan chuan Lal in a ni ringawt mai a,chen a duhna hmun ngei pawh ani.Chuvang chuan, "A nuam ngawt ang,hna pawh chu ka thawk ang e; tin,he hna remchangtak mai min kawh hmuh avang hian lawmthu ka hrilh nawn leh che a,ka theih anga nasa in ka thawk anga,nang pawh ka theihnghilh hauh lovang che," meng de sar chung hian a ti ta a."Ni e,min theihnghilh chu tum duh ting lo la a țha zawk ngei ang," James chuan a lo ti ve vat a."Ka thusawi awmzia chu i hria em?" nui har har chung hian China chuan a han ti a,lak thutak loh hram hram chu aduh ani.James chu tukverh lamah chuan a kal a,hla taka tlang lo lang te chu a thlir a; chawhnu lam a ni tawhin,chhum tam danah chuan ruah pawh a sur ngei a rinawm bawk a. "A khawhar thlak dawn hle mai a,pawi i ti lo maw?" tiin China hnenah chuan a han zawt leh bauh a."Min thlauh thlak leh i duh ta elo?" nuih rah rah chunga a dara va vawn pahin China chuan a han ti ve a.James chuan, "Ni lo,chutiang lam a ni lo,i duh ngei dawn em tih hi hriatchian ka duh ani," alo ti a.Chutah China lam hawi chuan a rawn in her a,a mit taka lo en pah chuan, "Mahnia awm pawh ka pawiti hauh lo asin,nuam ka ti zawk mah mah ang.Thurualpui lohte nena chenho ai chuan mahnia chen pawh nuam ka ti daih zawk ang," alo tihsan ve mai a.James chuan a dar a chhin ak a, "I tih tlat chuan le...." a ti ve ta ngawt a."Ka hria alawm James,tunah chuan ka hna a ni ta bawk a,a hrehawm tur zawng hlir chuan sawi tawh lo zawk teh," tiin ngen titih mah hian a khap ta a."Engemaw min tiam phawt la," ngeiawm ang reng taka nui chung hian a han ti ve leh a.China chuan a mitko a san ak a, "Eng maw?" a lo ti ve hau a."Zaninah zanriah min eipui tur ani," James chuan alo ti ta lek a.China pawh chu a nui ta har har a."Chaw maw? Nang chaw han eipui che chu ka chak zawng tak alawm.An inrem hnu chuan a hna tur bawk chu an sawi zawm leh ta a.Study room ațangin James chuan a unaupa chu a bia a.Ben Galloway chuan last minute chiahah pawh ala rawn hnawl leh mai thei ang tih a hriat avangin China chuan ngaihthlak ve pawh chu a chak lova,chuvang chuan amah leh a ruaitupain hun an hman tam ber na tur choka lam chu alo fang kual vel duh zawk ani.Choka chu room dang an fan tawh zawng zawng ai pawhin a ropui zawk hialin a hria a,a bungrua te lah chu a changkang em em vek mai lehnghal a.Choka lai takah chuan maimitchhing chungin a ding a, "Khawngaih takin Ben Galloway chuan hna chu min pe hram sela aw...." tiin a rilruin a țawngțai ta a.James lo luh lai pawh chuan a lo la ding ta ran a,a hmel a va hmuh chuan a hlauthawng leh deuh thut a.Tun hi a tana hun pwwimawh tawpkhawk ani,hna chu a hmu ngei ngei tur ani.James țawng lawk loh chhung mai pawh chu tuar har a ti hman hle a, "A țha em?" zawi tak hian a lo ti a."Hna chu i ta ani ta e," hlim hmel vak lo hian a ti ta a.A sawi zawh hma kha chu thawk pawh ala mai lo hialin China chuan a inhria ani."Oh, James, ka lawm lutuk tlat!" tih pahin James chu a kuah ta nawk nawk mai a.James pawh chuan a lo kuah let ve a.Chutihlai tak chuan ani China chuan a tana țhian rinawm a chhar ta ani tih a inhriat tak ni!An inthlah hnuah China chuan, "Engtinnge a lo sawi a?" tiin hlim hmel tak hian a han zawt a,a chhungrilah pawh a hlim tih chu hai rual ani lo."A.......a duhdan tak chuan nupa tuak ni thei sela a duh a,a mipa zawk chuan eng engemaw chhe lai lo awm palh te pawh a siam thei anga.Mahsela rintlak tak tur i nih thu leh nang aia țha chu a hmuh ka rin loh thu ka hrilh a.Tichuan eirawngbawl i thaam leh thiam loh min zawt a,i theih tur thuin ka chhang leh a! I thei angem?"Aw,thei ang.Eirawngbawl vel chu ka thiam ve zawng tak niin an sawi ve hial țhin.....! Chu....min duh vak lo deuh tihna a ni maw?" China chuan a han ti leh daih a."A....a rilruah nupa alo dahsa vang mai ania.....! A engapawh chu nisela,i hna tur a ni tawh a,engmah danglamna a awm chuang lo ani lawm ni?" James chuan a ti ve ta a.China chuan, "Anih leh Interview emaw,thildang tih hmasak leh ngaite a awm angem?" a ti leh a.A rilru chuan.....lo ngai ta se,James a unaupa hausa tak hmaah chuan eng anga inchei ngai tur nge ni ang tihte chu alo ngaihtuah nauh nauh a."Awm lovang,a hnaah hian a buai khawp a,naktukah pawh hian Italy ah a thlawk leh nghal dawn a,chuvangin a in chahbi pawh hi min pe ani.I duh hun hunah i insu thei anga,kei pawhin ka țanpui thei ang che," tih pah chuan pawisa tel chu a pe ta a. "Kha kha i hlawh tur a ni anga,a sawi danah phei chuan, hemi a i lungawi tawk lo anih pawhin alo haw hunah in pahniha in la sawi dun turin a rawn ti nghe nghe ani," a ti zui a.China chuan ngawi rengin a pawisa fun dawn chu a phelh malh malh a,chutah mak ti deuh hian James chu a en ta hau mai a!"A tam lutuk zawk ani mah mah hi.....!" a ti sap a.China chu a lawm hle mai a,a rilrua a suangtuahnaah tak phei chuan mumang hlimawm tak nei a,a rawn harhchhuah leh huna hna nei lo bawk a Clare ina lo la awm reng tur angah te chuan a inchan hial ani!James pawh chu a nui ve hawk a, "Ka tan chuan a tam lutuk lo asin; tin,a phu tawk awm chu Ben pawh hian a thawhtir ngei bawk ang che," alo ti ve maia."Thildang ala awm em?""Umn,awm e,zingtinin Mrs Stephenson alo kal țhin anga,in tihfai lam chu a rawn khawih vek ang a,chutiang lam chu i khawih ve a ngai lovang. Tin, hei hi......"tih pahin Bank note dang chu a pe leh a, "I thlakhat hlawh advance a i lak tur leh eitur leh thil țul dang i leina tur anih hi!""A va tam em em ve! Tak tak anih tur pawh rin a harsa thei mai dawn alawm le," tih pahin pawisa chu dawhkanah chuan a thlauhthla tap a."Kha zawng kha a nih ka ring," James chuan a ti leh mai a; China tana thil thar leh lawmawm em em mai chu ani tan chuan eng ual pawh anih ve vak hmel loh hle mai a.China lah chuan a harsatna ber,darkar sawmhnih pali chhung maia chinfel an ni ta duak mai chu ngaihtuah loh theih pawh a ni hauh silo.Darkar hnih hnuah chuan Clare chenna inah chuan China chu a va dah leh a; leng lut tura a han sawm zui pawhin James chuan hna a ngah thuin a hnial a,a hawsan ta zawk a.A kal liam tak hnu chuan eng hna tak thawk ang maw? tiin China chuan a ngaituah zui nauh nauh a,an han inhmuh ve chang lahin amah leh a unaupa chanchin bak chu engmah lah a hrilh ngai silo.Zanriah ei dun turin an intiam lehnghal a,a chanchin zawh nachang a lo hre miah lo chu China chuan â a inti em em ani.An pindan pawn berah chuan Clare chuan puan a lo țhui malh malh a,China in a hnathawhna tur chanchin a han hrilh meuh chuan ani pawhin alo lawmpui ve em em a."Aw,China,ka lawm lutuk! Heta i awm zui thei lo hi keimah vangah ka ngai a,hrehawm ka tih tehlul nen,tunah chuan ka ngaih pawh a țha ve ta huai e," tih pah chuan a puanțhui lai pawh ngaihtuah chang lek lovin China chu a rawn kuah chung chung a.Chumi ni chawhnu chu a khat tawka coffee in reng chungin China insuan chhuah dan tur vel sawiin an titi a,tunkar tawpa Aspenmere Hall a insuan luh chu țha berin an hria a.James nena chaw eidun tur chuan uluk takin a inchei țan ta a.A kwrlum lampang hakah chuan lunghlu pin tereuh te te,Adele Cencilli pek chu a kilh a,make up pawh nidang zawng aiin a hmang uluk a,a sam pawh a dar velah a thlah darh siau bawk a.Ani ngei pawhin amah rau rauvah a nalh ve țum ber ni pawhin a inhria ani.James chuan dar riatah chiah a rawn lam a,Ani pawhin China incheina chu nalh a ti ani tih a mitmeng ațang chuan a hriat theih mai a.Restaurant changkang zet maiah hian zanriah chu an ei dun a,chutah chuan James pawh accountant ani tih China chuan a hre ve ta a.A sawi lo nain,a unaupa hnena a thawk ve mai lo chu mak a ti deuh a,mahse James chuan amaha sumdawn nan bul a țan mek tih a han hriat chuan mak pawh a ti ta bik lem lo a.Tin,khawpui pawna building nuam takah a cheng tih a hre bawk a,thil ti tak tak mi a ni tih a hriatin a unaupa tluk zeta hmingthang ve tur ala ni ang tih pawh a ring a.Mahse a bulah hi chuan a uangin,fiamthu te hi a thawh deuh reng ang lawi si a.Aspenmere Hall a a insuan luh hunah chuan puih ve a tum avangin a hun tur te chu a zawt deuh reng a.China pawh chuan tunkar tawp lama insuan luh a tum thu chu hrilh ve in,hawihhawm takin puih a ngaih loh tur thuin a hnial ve thung a.Engmah hautak tham tur ken tur a neih loh thuin a chhang a,amah chauhva insuan mai chu țha zawk dawna a hriat thu te nen a hrilh ve a.James an Clare chenna kawta a va dah leh chuan chumi tlaia a nuih hnem zia leh a hlimzia chu China chuan a hrilh nghal mawlh mawlh a.Leng lut tura China in a sawm lehna pawh chu James chuan a tuk zing lama hna a neih tur thuin a chhang leh a,a chalah chuan dimte hian a han fawp zauh a,Aspenmere Hall a a insuan luh veleh a rawn phone a tum thu a hrilh a.Chumi hma pawha a rawn phone mai theih a rin thu leh Clare pasal neih ni pawha an inhmuh ngei a rin thu te a sawi a.An inthlah liam hnua inchhunga a lut chiah chu a chauh zia China chuan a inhrechhuak a,Clare hmel a lang lem lo bawk a,ama khum lam chu a pan ding ta nghal a; a lu in a lukham a delh thlak rual rual chuan a muhil chu a ni zui ve ta nghal mai a.China chuan Clare pasal nwih ni tur chu Ben Galloway ina insuan luh nana hman a tum ve ta a,chu chu a hna hmuh ațanga kar khatna chiah tur ani.Clare leh Paul chu Register office ah an innei a,James chu mopa țhianah a țang a.Mo thuam vara a han inthuam meuh chu Clare chu a nalhin a thianghlim sar mai a,thu an chham lai te chuan China mittui chu a tla a tla thung a.An hlim dun hmelin an thuchhamte chu an titak hle mai bwwk nen,China chu a hnuk alo ulh țeuh mai a.An inneih zawh veleh Paul inah chuan tukțhuan an ei a,China pawhin a hun tam ber chu James nen titi dun nan a hmang a.Aspenmere Hall a a unaupa alo haw tawh leh tawh loh te chu a zawt a,mahse James chuan Ben chu Italy a ala awm thu leh alo haw hun tur a hriat loh thute a hrilh a.An party an zawh chuan Clare leh Paul chu Airport lamah Mexico a Honeymoon hmang turin an kal nghal vang vang a; thlahtu tam tak zingah China pawh chu a tel ve a.An thlah liam tak hnu chuan midangte pawh chu an mahni carin an haw ta thliah thliah a.James chuan China nen chauhva an awm hnu chuan, "Vawiin chu a nuam hle mai," a han ti chhuak hlawl a.China pawh chuan, "Ni e,a nuam khawp mai.Kei pawh vawiin chawhnu hian insawn chu ka tum ta asin," hlim hmel tak hian a han ti ve siam siam a."Chu anih leh ka puih che chu i duh lo tak zet maw?" tiin James chuan a sana bih zauh pah chuan a han ti a."A ngai lo,i buaizia lah ka hria a,mi puih i inhuamna avang ringawt pawhin ka lawm tho tho mai James.""Anih zanin tlai zanriah lam te hi?"China chu a han inngaihtuah zawk a,chutah, "Awle,a tihchi khawp ang chu," tiin a nui ta var var a.Car dum sei reng rawng hi an bulah chuan a rawn ding chawt a,driver chuan James chu a rawn nuih sak a.James chuan, "I car i rawn keng em?" China hnenah chuan a lo ti ve a."Khilai lawkah khian ka dah," tih pahin an chhak lam hla vak lo chu a han kawk a."Nih leh ka kalsan ang che aw,zanin dar riatah ka rawn lam dawn che nia. Ui hi i ngaina em?""Aw,mahse......" a sawi zawh hma chuan a biangah a rawn fawp zauh a,Car dumah chuan a lut ta nghal a,an kal chu ani zui ta mai a.China chuan James a awmdan chu mak ti rilru tak chung hian a thlir liam a.Chutah a lu a thing nar nar a,inngaihtuah buai a ngai love ti niawm takin a car awmna lam chu a pan ve ta a.An chenna ava thlen leh chuan a bungrua bak chu hmuh tur alo awm tawh lova,ngui angreng tak chuan a incheina thuamhnaw chu hlipin,hnathawh kekawr jean leh kawr dumpawl chuan a inthuam ta a.Chutah tukverh bula țhuin coffee a in a.Uluk taka a intel fel hnu chuan a Car te takte hmang pawhin vawihnih kal ngai lo turin a inrem fel thei mai a.A tawp nan pindan chu a han enkual leh a,thil pawimawh engmah theihnghilh nei lovin a hria a.Chutah kawngkhar chu zawi tein a khar a,chahbi chu inhnuai lamah a pe ta nghal a.Aspenmere Hall a thlen dawn hnaih meuh chuan rilrute pawh a hlim leh țan tawh a,he hna a han hmu hlauh chu vanneihthlak hle pawhin a hre thar leh a.Darkar khat hnuah chuan a thawmhnaw te chu wordrop hlui lam,mahse nalh tak maiah chuan a dah lut zo hman vek a,a bungraw dangte pawh chu an hmun turah țheuh a dahfel thlap bawk a.A neih zinga a roh em em,Italian lemziak thiamina ram lem mawi zet maia a ziah chu a khum ep chiahah chuan a tar vah bawk a.A awmna chu duhthusamin a lum nuam a,a ngaih a țha thawkhat ta bawk a,alo muhil ni ngei tur ani,pawnlama hmehrik rawn ri ral ral chuan a tiharh ta zawk mai a,a sana a han en chuan dar riat alo ri chiah tawh a,inpeih diama James an rawn lam a tum hun chiah ani.Mahse ani lah chu chei pawh alo la inchei hauh silo.A ri a hriat rual rual chuan a zuangtho vat a,kawngkhar chu ava hawng a,James chu a kut lehlam lehlama basket khaiin pawnah chuan alo ding reng a."Oh, James, pawi ka ti lutuk! Ka lo muhil a,insiam pawh ka lo la insiam reng reng hleinem," inthiam lo hmel tak chuan a ti ta hau mai a.Ruah a sur tih pawh a hre nghal a,James a lu pawh chu a huh chap mai bawk nen. "Lo lut rawh,ruah a sur tih pawh ka lo hre hauh hleinem," tih pah chuan a kalna tur chu a kian nghal a.A thilkhai a han hmuh chuan, "Kha enge ni ta ngai?" tiin a kawk a."Lo nghak la i en dawn nia," James an a tih chuan hnial tumin China chu a lo ang hman ziau a.Chutihlai tak chuan James chuan, "Lo ngawi rih teh,ka lo thlen ațangin țawng ve na hun pawh ka la nei hman hleinem," nuihza hmel tak chuan a ti a,China pawh chu a nuive ta ar ar bawk a."Min hrethiam teh,ka muhil kan tho thut kha alo tlai tawh nasa si a,ka buai zo vek anih hi; lo lut rawh," a ti mawlh mawlh a.Sitting rooma an inzui luh hnu chuan James chuan pindan vel chu a thlir kual dan dan a,chutihlaiin China chuan thukah thing a lo tuah belh sauh sauh bawk a."A nawm dawn reuh viau hi le," tih pahin James chuan a basket khai chu a nghat a,a coat hnawm chuap chu a phelh nghal a.China chuan a coat chu a lo laksak vat a, "I ti lawmawm e,coffee i duh angem?" a han ti a.James an a chhan hman hma hma chuan, "Enge ni basket ah khan i khung a,ka hre chak tawh teh ania," a han ti leh zung zung a.James chuan a darah a vuan a,han kawih țhut pah chuan, "Țhu la,lo awm hle hle mai rawh,ka hrilh em em ang che," nui chung bawk chuan a han ti leh a.China pawh chu a sawi ang chuan a awm ve nghal a.Chutah James vek chuan, "Zanriah ei tura pawnlama kal chhuah chu i chauh deuh ka rin avangin kan pahniha ei tur chu ka rawn keng ta mai zawk ani. Tin,hei hi......." tih pah chuan a basket khai pakhat zawk bulah chuan a țhingțhi nghal a,a chung țawnna chu a phelh a, ".....I in luahlumpuitu turin a thilpek che anih hi," a han ti a.China in lawm hmel taka a va en ve chuan Ui note duhawm zet mai hi alo awm a.Hlim em em chung chuan, "James,a nalh reuh lutuk," tih pah chuan ala chhuak nghal a. "Hei hi ilo tum vang ani maw tukin khan min zawh?" a ti a."Nih pawh a ni ta ve ang,i khawhar hnem atan leh nangmah chauhva i awm changa vengtu atan che a țhain ka ring a,mi rinawm tak hnen ațanga ka lei ani a,in vengtu atan pawh zirtir finsa diam ani tawh nghe nghe a,engmah hlauhthawn tur a awm lovang," hlim tak hian a ti ve sauh sauh a.China chuan a lu chulsak heuh heuh pah chuan, "Engtinnge ka koh ang?" a han ti a."I bulțanna hriatreng nan 'Fortune' ti mai ila.""Fortune," China chuan an lam chhin a,uite chuan a bemg tun hra chungin a hmuiah a rawn liak hlap hlap a. "Ani pawh hian a duh ve hmel khawp mai,chuvangin 'Fortune' tih hming chu pu hlen rawh se," a ti ve ta a.A uite han khawih vel chu James chuan alo thlir reng a,a hlim hmel hle mai bawk a.China in a han hmuh chuan James hian a duh hle tih chu a hre nghal mai a,James hi thildang ni lovin, țhian atan a ni a duh ni. James pawh chuan a rilru chu a hriatthiam hmel hle a.China chuan, "Coffee kha i duh em kha?" sawi tur dang a hriat loh avang chuan a han ti leh daih rih a,a aw te chu a lai deuh rat hial a.James chuan, "Duh lo mai ang," a ti a, a mitmeng pawh chu a lo danglam leh tain,an boruak pawh a pangngai leh ta bawk a.""Chawei chu siam nghal tawh mai ila?" James chuan a han ti a."Puih i ngai angem?" China chuan a ti a,James erawh chuan a lu a thing mai a, "Fortune kha lo enkawlin,a in thar turte chu lo hmelhriattir rawh.""Rawngbawl i thiam pawh ka lo ring lova," bag a thil lakchhuah pahin China chuan a han ti a.James erawh chuan, "Mipa, theih leh thiam ngah tak ka ni asin," choka lam pan pah chuan a ti ve mai a.Han insiam vakna hun a awm lo bawk a,China chu a insil bawrh bawrh a,a sam a khuih lwh tawp a,Fortune lah chuan a nelin,a kalna apiang maiah chuan a zui ve nghal zel mai a.China pawh chu a lawm ve kher mai! Tun hmain ui hi ala nei ngai lova,a nghawngawrh tur leisak a,a hming pawh chu awrh teltir ngei a rilruk ta a.James a eirawngbawl chu a tui kher mai,a sawi ang mai khan thiam pawh alo thiam nangiang reng ani.Tin,an boruak inkar pawh a hahdamin a hlimawm a,nichin deuh lawka a mitmeng danglam tak a hmuh pawh kha a hmu leh tawh hek lo.Chuvang chuan China pawh chuan a ngaihruat thil mai mai anih a ring ve ta zawk a.A tukzing a han harh hlawl chuan a awmna chu a hai deuh rum rum a.Chutah han hrechhuak leh thutin a pindan vel chu hlim tak chuan a enkual leh ta a,a lemziak tarah chuan a mit chu a fu ta chat a.Tukverha a va dahchhuah leh chuan ruah alo sur cherh cherh a,favang ințan hun ani bawk a,pawnlama thinghnah te chu an lo tla nasa tawh hle mai bawk a.Khum ațang chuan a tho a,chumi tuk khaw nuam lo tak pawh chuan a hlimna erawh a bawhbuai chuang lo.Choka ah Fortune chu chaw a pe a,ama tan coffee a insiam bawk a.Mrs.Stephenson lo kal tur leh tur loh te chu a ngaihtuah a,inbual zeta chumi hnuah in chu fankual leh a rilruk ta a; chhun lamah chuan ala hmelhriat ngailoh Ben Galloway a eitur lo buatsaih sak a rilruk ta a.A coffee a inzawh chuan inbual turin bualin lam chu a pan a,a inthlak hma law law a han inbual zawk chu a duh ani.Tuilum herhchhuahna chu a han herh a,mahse engmah a rawn chhuak ta hauh lo mai a,tuidawt lamah chuan engemaw ri deuh rawk rawk hi awmin a hria a,a off leh ta hmiah a.Reilote a nghah leh hnu chuan a han on leh a,mahse engmah a ni thei ta chuang lo! Kut silna lam ami chu a han herh leh a,a ngaite bawkin,far khat pawh a rawn haw ta bawk lo lehzel si a,a hrethiam lo kher mai.Tuivawt herh hawna chu an țha vek si a,mahse tuna ang khawvawt deuh vurah chuan tuivawt te chu sawiloha leng ani si a.Chutah bualin dang,chu ina mi tho chu a han ngaihtuah chhuak a,a enchhin ve mai tur alawm,tumahin an hmu dawn chuang silo.A towel leh shampoo chu ala lawk a,Fortune chu choka ah chuan kawngka a khar hnan a,a mutkawr nen chuan inchunglamah a tlanchho ta a.Pindan a han hmuh chu Ben Galloway a bedroom ni ngei tur ani,nuam zet mai leh mipa pindan tih hriat zet mai hi ani a,a khum lian zet mai chu satin puan senduk hian a inkhuh dulh a.Han țhutchhin a chak em avang chuan a va țhu a,a kut chuan a zut dan dan a,nula a nei țhin angem? tih te chu a ngaihtuah a.Chutianga khum nuamah chuan ala țhu ngai hauh lo ani.Wordrop nalh tak tak inhung thluahte leh chu pindana thil awm reng reng chuan a mit an la hle vek mai a.A hotu thar chu eng mi tak ni ang maw? Inbual tur anih kha a han inhre chhuak leh thut a,bath room lam chu a pan ta vat a.A bathroom chhung vel pawh chu rawng senduk tak hnawih chhuah vek hi ani a; darthlalang seipui mai leh mipa inhnawih chi eng eng emaw te a awm bawk a.China chuan zawite hian, "Mipa rawngsen lam ngaina mi tak chu a nih awm hi maw," a han ti sap a.Darthlalanga a han in en chuan danglam deuh huin a inhria a, ala awmna ngai loh pindan anih vang pawh a ni ta ve ang.Tuilum herh hawna chu a va herh vat a,mak tak maiin tuilum chu a rawn chik ta seng seng a.Thildang a ngaihtuah kual vel atalang khan a rin aiin a lo tlai dawn tawh mai a.A mutkawr chu a phelh a,tuilum chuan a inphuhtir ta nghal a.A tawpna atana a lu phuan buah mai a tleuh fai lai tak chuan chu pindana lo lut thawm chu a hre ta thut a; chuveleh a hlauthawng lutuk tihngaihna hre lo chu a maimitchhing ta ringawt a.Mahse Mrs.Stephenson i lo kal thawm anih zawk ringin a han thaw leh huai a.Mahse rilru ngaihțhatna a neih hman deuh chauh tih chuan a thawm hriat chu mipa thawm ngei ani tih hriat tak maiin,a lam pana lo phei zel thawm a ni tih lah a hrechiang hle mai bawk si a,a rilrua a ngaihțhatna pawh chu a bo leh duak a.'James ani ngei ang' Hlauthawng rilru tak hian a ti rilru nep nep a.Kawngkhar kalh nachang alo hre lo chu anchhia a inlawh ru mawlh mawlh bawk a,bualinah em chuan a rawn luh chu a ring chiah lo deuh a."Bualinah ka awm e, James, reilote ah ka lo chhuak thuai ang," tiin ring tawk leng lawng chuan alo au hmasa ta ringawt a.Pen ri pawh chu a tawp nghal chawt a,eng thil nge lo thleng tih pawh a hriat hma chuan bualin kawngka chu a rawn inhawng zui ta rawp mai le! Awki hniam tak, mahse thinrim tih hriat tak leh thuneih hmel tak hian, "Tu phiangsen nge ka bualina lo inbual ta mai?" a rawn ti ta a.Chapter - 3China thil tawh chu a damchhunga a thiltawh azawnga hreawm ber ala ni thei hial awm e.Chupa thinrim hmel,kar hmasa nge a hmasa leh zawka Porsche Cara chil țhelhtu hmel kha a han hmuh meuh chuan a pum mai chuan a khawng vek a,a zawhna chhang tur pawhin a hamhaih lutuk ani.A hamhaih lutuk chuan a taksa ruak ngalngata awm chu inkhuh nachang lah a hre hek lo."Sawi tur i haihchham elo?" a han ti zui ta mai lehnghal a,China zak lutuk chu a sen awp awp tawh a.A mit buang thang mai chuan ngun zet hian a thlek vel a.China lah chu chupa mitmeng chuan a tiza uai uai mai a,a hnutehmur te chu a kawh auh tawh mai bawk a.A taksa velah chuan a inbualna tuihuh vel chu ala far tluah tluah thei a.Chupa chuan, "I nalh kher mai! Ka unaupa hmeichhe kawm țhin ang lo tak i ni," a han ti leh nghut a.Chuveleh China chuan ruaka awm a ni tih chu a han inhrechhuak leh ta thut a,a bula towel inbang chu a phih thla vat a,a intuam hmanhmawh leh ta hnuhnawh a,a hmel chu zahna hlirin a khat ta a,a sen zual ta awp awp mai a.A lo thlen tirh kha chuan rukru anih a han ring ringawt phawt kha a ni a,mahse 'ka unaupa' tih thu a han sawi veleh khan China chuan a hrechhuak ta uar uar a,amah ruaitu tur Ben Galloway a ngei a lo ni reng mai!China chuan han chhan ve pawh chu duh teh mahse,sawi tur abar pawh a hre ta der lo mai a,a hrawka hnawh phui tlat tu awm ang mai ani ta a. Chutihlaia a duh ber chu a awmna chhuat chu rawn inhawngin,rawn dawlh pil vek se a duh ber ani.A heh ro halh chu a han liak huh a,engemaw tal chu a sawi ve ngei tur ani,ani lah chuan a rawn hnaihin,a țawng ve chu a nghak tlat bawk si.China chuan, "Pawi ka......ka ti........ngawt mai......." zam tih hriat tak hian a rawn ti ve ta hram a.A sam sei tak ațang chuan tui chu a la far tluah tluah thei a,a kawchhung chu sa hulh hulhin inhre mahse a khur chhe lo chauh chu a ni lawi bawk si!A hmel chu a han en zawk a,engmah a hriat theih lo na a,chutia en reng chu nuam a tih hmel hlein a hria a, "Ka....." a han ti leh hman chauh a,Ben a chuan a rawn țawng khalh ta thung a.Ben chuan, "Ka hria alawm,pawi i ti ani tih chu.Mahse a tlai hret tawh ani lo maw Lalduhawm?" tiin a sawi khalh a.Ben vek chuan, "Unaupa James chuan inhnuai lamah breakfast a lo siam vel em ni?" a han ti leh kher a.China thin chu a sa ta zak mai a,a in control theih hma chuan a hmaiah a bensak ta chawrh mai a,a towel ven lai pawh chu a tla leh țhelh nghe nghe a.Na tham khawp tur chuan a beng thei lo tih chu a inhre reng a,mahse a makti hmel chu darthlalang ațang chuan a hmu zawk a.Chutah nghet zet mai hian a banah a lo mansak chawt a,han tal deuh eih dawn pawh nise a towel ven chu a tla thla thei mai dawn bawk si."Min thlah vat rawh bawlhhlawhpa!" a ti leh tuar ringawt a.Ani chuan, "Tichuan min beng leh anga maw? Ka duh ka ring chiah lo.Chubakah tikhan damlai thla inlar i an hmel riau lehnghal," alo tih san mai si a.Hepa hi chu engtikawng zawng mahin a hneh dawn lo tih China chuan a inhre reng a,a fimkhur viau loh phei chuan tun aia nasa pawh hian ala ti duh ang tih chu a ring ani."Hetianga tharum nen i hmeichhia te i tilui țhin anih chuan tikhan i duh tawkin min han thlir leh rawh le," China chuan a ti ve ta hmak ringawt a.A rindan chuan a thlah ve nghal mai anga,tichuan a tlan chhuak anga,he thil hreawm tak hi a tawp nghal thei turah a ngai ani.Vanduaithlak takin China thusawi chuan awmzia a nei lo kher ta mai a.Ben Galloway chu a țhen sak ringawt a,a mitmenga nuihzat hmel zet chung hian, "I rilru a va han tenawm reuh ve! Ka unaupa mit i lak nachhan anih pawh ka ringhlel love," a ti ta nghut a.A hmusit kher mai.Dim lo zet chuan a thlah nawk a, "In ha vat rawh," ram hmak hian a ti ta a.A cigarette chu phawrhin a țan nghal a,a hah hmel hle nain ,mi hipna zawng a ngah ani.China pawhin a hmel a han en apiang chuan eng thil emaw tak,a hriatthiam chiah siloh hian tinatu awm tlatin a inhre ta mai a."I awm lai hian maw ka inhak ang?"A rawn melh leh zawk a,hmanhmawh zet chuan a kalsan zui ta nghal a.China chu a thaw ta huai a,a kut pahnih chuan a hmui a hup ta a.Hetiang hian maw amah ruaitupa nen chuan an han inhmelhriat tak ni? A hmuh tirh ațang pawh khan, hmana a hmuh tawh,Car a su țhelhtu kha a ni tih a hre mai a,James a unaupa chu lo ni rengin! Rin harsa pawh a ti kher mai.Ani khan a hre ve angem? Hria nisela,engatinge tunah khan a sawilan ve hauh siloh?Thawk a han la vang vang a,la khur deuh dar dar chung chuan bualin kawngkhar chu a hawng a,Ben Galloway mut pindan lam chu a pan ta a.Tlawm lutuka awm pawhin awmzia nei vak dawna a hriat loh avang chuan a lu chu a dak deuh vah a.Ani chu tukverh bula dingin sikret alo la zu a,a rawn hmuh chuan a chhungrila a hlauhna chu a tilang mai palh ang tih China chuan a inhlau ber a.A mutkawr pan tak hak chhana a taksa thla lo lang chu ngun fe hian a lo en leh a; chutah bualina a luh hmaa a khuma a lo țhutna khuar deuh dam chu en in a hmui chu a chip ta hmak a. James nena a khuma mudunah a ngai ngei ani tih China chuan a hre mai a.China chuan sawifiah tum chuan, "Mr.Galloway...." a han ti țan chauh va."Tunge ka nih ilo hre hman reng tawh ani maw?" mak ti hmel tak chuan a rawn tih khalh leh rih a.China chu a bu nghut a, "Min sawifiahtir........"Ani chuan rum zet hian a rawn melh a, "Insawifiah hranpa chu a ngai hauh lovang,chhuak turin ka duh che ani, Sweetheart, tunah hian.Chu chu i hrethiam em? Insiam la,chhuak nghal rawh," alo tihsan hmiah mai a."Mr.Galloway, James an min pe....." A rawn hnaih lehzual sauh va, China erawh chu bang lamah a tawlh dawrh thung a.A thinrimzia a hmuh rual rualin a insum nasat zia pawh a hre nghal a."Ka sawi chu i hre lo em ni? Zaninah hian chhuak nghal turin ka duh che ani," a han ngawi leh rih phawt a.Chutah han sawizawm lehin, "Tlang takin ka hrilh mai ang che, James a sawi emaw,tih emaw pawh nise engahmah ka ngai lo.Lo mudun ta pawh ni ula ka pawisa bawk hek lo,ka khumah a nih loh phawt chuan.I chiang em? a han tih zawm leh sak sak a."Chutiangte chu engtia sawi ngam mai nge i nih? I rin angin Mr.Galloway, i unaupa James nen kan mudun lova,tum pawh kan la tum chhin hek lo.....Lo duh ve ta tehreng pawh ni ila,i khum kher kher chu ka thlan loh hmel ani.I khum khuhna puan sen te saw ka ngei zawng tak ani," a han tih khum ve piap ringawt a.Ben chuan a mitko a san awk a, "Chuti chu min lo nghak a nih ngei zawk dawn chu," tih pah chuan a rawn hnaih leh sauh a. "Chutia James awm loh lai a nih chuan a ai ka lo awh mai ang chu! Bakah, ka bualina hmeichhe saruaka inbual pawh ka la hmu zen zen silova," a ti leh a.Amah chu a nuihzat tih China chuan a hria a, "James aiawh thei tura engtia in ngai mai nge i nih? Khawvelah nangmah chauh hi mipa awm ni mah la ka duh chuang lovang che.Ka ngaihdan che chu a chiang tawk em?" a han ti ve sak sak ringawt a. A rilru chhungril takin a sawi lo tih erawh chu a inhre reng a; rapthlak leh chhe pui puiin puh mahse,engtin emaw tak a hip tlat ani.Chu tak chuan a thin a tirim zual a.Nui hmel pu lek lek hian, "Chu, hneh i va har awm ve! Anih leh James nena kaldun in nih si loh chuan engti tihin nge he inah hian i luh theih? Nge, James hmeichhe khawi dangte ațangin Gate luh theihna i nei em ni zawk?" a ti leh a.China chu a thaw halh a,tun hi a sawifiahna hun tur chu ani. "Keimah hi i in enkawltu tur chu ka ni,min sawifiah tir theih chuan......." a tih lai mek chuan....."Oh,ni lo ve,min sawifiahtir zawk teh.He thil hi James a fiamthu a lo nih pawhin pawi ka ti khawp mai,mahse ban i ni tawh."Lehlam a hawisan nghal hmak a.China chuan hmai var pap hian a hnunglam chu a en a.Darkar khat hmalamah kha chuan a nun a hlimin,a buainate chu kiang duak tawhin a hria kha a ni a,tuna a chhuah leh rikngawt chuan khawiahnge a kal chuan ang? Kalna tur pakhatmah a nei tawh lo.Clare lah pasal neiin,honeymoon hmang turin an kal daih tawh bawk si.Han sawifiah tir sela chuan.....!Ben Galloway chu a rawn inher leh a, "Ka thusawi awmzia kha i hre lo em ni? Ban i ni.Thla khat hlawh ka pe ang chia,mahse tunah hian i chhuak nghal tur ani," a awki vawt raih chu thlakin, sumdawnna thil sawi hi a ng tawh zawk mah a."Min ban ngawt thei lovang," hlauthawng fe chung hian China chuan a han ti ve leh ngawt a."Ka ban zo chiah che alawm," a lo tihsan mai a.China chu han intihuaisen ve leh hramin, "In enkawltu țha tak ka ni asin,rawngbawl thiam tak ka ni bawk," James a sawi hre reng chung khan a han ti ve lehngial a."Chu phei zawng i ni mai thei," ngainep awm fe hian a dar chu a han chhin ak a. "Mahse ka tan chuan i rem lo ani.""Engvangin maw?""Ka sawi vek kher a ngai lem em ni? I la naupang lutuk a,i mumal lovin,ka unaupa nen inzawmna in nei bawk.Chhan țha tawk tak tak pathum a nih chu!""Min sawifiahtir chu i tum lul lo em ni? Bualin chungchang kha chu ka sawifel theiin ka ring," a han ti ve leh bauh a.Chhang mai lova a ngawih tak reng avang chuan China chuan a sawi zawm nghal vat a: "Ka bualina tuilum herhchhuahna ah khan engemaw chhia a awm a,tuilum a herh haw theih tlat loh va.Chumi avang chuan i bualin lo hman hawh mai chu a pawi ka ring lova,i lo haw mai ka beisei lo bawk.....""Chu chu a lang tlang sa reng alawm,mahse engmah a danglam chuang lo.Ngaithla teh Miss......"'Miss' a tih chu China chuan 'Harmon' alo ti vat a.Harmon tia koh a phut ani ngei ang.Ben pawh chuan, 'Miss Harmon' tia han ko țha ve lehin, "Ka chauvin ka ril a țam tawh teh ania,inhnial thui vak pawh ka peih lo.James a hmuh dan che alo dik lo anih chuan pawi ka ti khawp ang.Mahse i tan hetah hna a awm lo ka tih chu ala ngai reng tho," nin hmel tak chuan ala ti ta fo mai a.China chuan tihtheih dang anei ta lo,a kal mai tur ani.Chuveleh a mittui chu dan rual lohvin a rawn far ta zung zung mai a."Khawvel a tawp pawh ala ni em hleinem,hna dang te pawh a tam a,hna dang i hmuh leh hma chuan i nu leh pa hnenah pawh i awm thei ang chu."A mittui kar ațang chuan a va en a, "Nu leh pa ka nei lo," zawi sep chuan a han ti a.Chuti taka a nunrawng thei chu mak pawh a ti em em ani."Fahrah khawngaihthlak tak i nig reuh chu mawle!" awih lo hmel zet chuan a han ti el ve leh ngat a.Chutah meuh zawngin China chuan a tuar thei ta ngang lova,mittui nen chuan rilru na lutuk chungin kawngkhar lam chu a pan ta rawk rawk a.A hmanhmawh lutuk chuan a mutkawr fual tak chu a pal nawk a,Ben Galloway chuan rawn chelh vat lo phei se chuan hmai lei si chawrhin a tlu ngei ang chu.Amah a palen ang bawkin a chak tih pawh a dawm ngheh zia ațang chuan a hriat theih a.Thlah leh ta mai lo chuan China hmai dang var pap leh a mitmeng, rilru na tih hriat fahran mai chu a en ta ngawih ngawih mai a!Chutah pawi tih hmel zet hian, "Tihhlauh che ka tum hauh hleinem,pawi ka ti tak zet ani......" a han chawl leh dat rih a. "Han inthlak la,artui leh coffee kha han siam la, choka ah min lo nghak ang che," aw zaidam tak chuan a han tih zawm ta thung a.China chuan a han en a,a ti tak tak angem le? A thupek ang chuan han ti phawt sela,a chinfel leh dan pawh ala awm ang chu.Chutah China chu a bu ta nghat a,inhnuai lamah chuan a tlan ta nghal a.A bedroomah chuan a inthlak sawk sawk a,a sam chu hnunglamah a țawn tawp a, jean kekawr leh kawrlum a ha a.Darthlalanga a han in en chuan a țhen sak a,a duh aia a lang naupang chu pawi a ti rilru hle mai a.Ben Galloway chu hua pawh nise,a hna chu a duh ve miau mai si a,a tihdan huatthlala tak tak te pawh chu haider a țul rih dawn tlat ani.Choka a thlen chuan a rilru tawt up up pawh chu a zia awm leh deuh huai tawh a,Fortune chu huanah kaltirin eitur vel chu a buatsaih ta nghal a.Ben Galloway lo kal lai chuan a eitur siam chu plate ah alo dah khu vang vang a,vawksa leh pâ, coffee nen a lo siam peih diam tawh a.Dawhkan a rawn kil chu ngawi rengin a lo en a,ala chauh hmel hle nain,a inbual chuan a tilang tharlam sawt a.A thwwmhnaw pawh kekawr dum leh sweater dumin a rawn thlak vek tawh a.Engemaw ti tak hian a dip chu na hlein a hria a,a rawn en veleh chuan a thin chu phu dat datin a inhria a,coffee a thlitsak lai chuan alo nuih suk a."A tui hle mai,i in siam kep ve nange?" a han ti zui a.Ani chuan a lu a thing a, "Ka....ka ril a țam lo," tiin a lo chhang vat a.Chutah Ben a ngei chu a tho va,ketli a coffee la awm chu a va thli ve ngat a,dawhkanah chuan a rawn dah a, "Țhu la,in rawh," a ti ta a.China pawh chuan thuawih taka thupek chu zawm mai țhaa a hriat avangin a țhu ve nghal vat a.A hmel chu lang dang lutuk lo sela a duh hle mai.Chutah, "Hna chungchang hi mi han hrilh teh," a ti ta a.China chuan, "Nimin khan ka rawn lut a,James an he hna hi min pe niin a sawi che a,a rawn phone che khan?" zawi te hian a han ti sep sep a."Ka unaupa hi i hriatna a rei tawh em?" tih pah chuan an panhniha noah coffee chu a han thli leh a.China lah chuan a chak tawh lo hle nain,hrilh chu a tum bik lo."Karhnih vel ani tawh ang.""Enge i hmuh dan?" a hmel chu ngun zet hian a en a,a rilru hriatsak tum niawm takin. China lah chuan chutianga a zawh a rin loh em avang chuan han chhan mai ngaihna pawh a hre lova,a hmai chu a sa hat hat mai a."Ka hrethiam e," alo ti vat a.A sikret chu a phawrh a,a pe ve a,zahzelah China pawh chuan alo la ve vat a.James nena an awmdan chu a duh duhin lo ring mahse chhan pawh a tum chuang lo,a ngaihdan zawng a hrilh chian tawh khawp kha.A va en chuan ani chuan a lo la en reng a.Ben chuan, "Tunhmain kan inhmu tawh," tiin a zawt ta phawng mai a."Nia,kei pawhin ka hria asin," nui chung hian China chuan a chhang ve vat a."I hriat pawh ka ring lo va," nui chung ve bawk chuan a ti ve a."Chuti chu i hresual anih chu." Engtin emaw tak alo khak leh a rin tehlul nen mahse engmahin a sawi zawm ta lo va.China chu a tho va, "Thleng vel hi kan sengfel tawh ange," a theih anga aw zangkhai chuan a ti ta a.Mahse Ben Galloway chuan, "Țhu rawh," alo ti leh hmiah a.China pawh chuan eng khaw sawi set set lo chuan a țhu ve leh ta a."James khan upa ve deuh ang khan a sawi che a,chu chu han sawifiah teh?"China chuan a dar a san ak a, "Min țanpui a duh vang chauh anih ka ring,hnathawh tur leh chenna tur ka mamawh tak zet si a; khawngaihin ani chu dem suh," a ti ve ta a."I țan hle mai maw? Anih leh engtizia a chuti taka dinhmun harsa a awm nge i nih?"A aw chuan ngaihno bei lo teh mahse,a chanchin hriat chu a duh tih hriain, "Nichina ka thusawi kha i ring lo tih chu ka hria a,mahse fahrah chu ka ni," China chuan a ti nghat a.Chutah zawngin, "Pawi ka ti ngawt mai," lainat hmel tak chuan a ti ve ta a."Sikul ka zawhin Italy ah hna ka nei a,mahse ka chhuahsan a țul leh ta si a," Cencelli chhungkua nena an intih dan kimchang tak erawh chu a hrilh tel kher duh lem lo a; alo ngaihdan a hniam tawh laklawh a,hrilh pawh nise amah bawk chu a thiamlo leh thovang tih a hresa reng a. "Ka lo kir leh chuan ka țhiannu bula chen ka tum a,amah vanga James pawh hi hria ka ni.Mahse ka țhiannu chuan pasal a nei ta si a,chuvang chuan ka dinhmun chu a lo harsa zo ta ani," tiin a chanchin chu a hrilh ta malh malh a.A hmui chu a chip hmak a, engmah han sawi belh pawh anei hek lo. "Italian țawng i thiam em?" tiin a lo zawt ta daih thung a.Makti takin China chuan a en hau a, "Thiam tehreng mai!""Anih leh țawng dang?""French chauh. Mahse engatinge.......?"Nal tak leh thiam taka țawng chi hnih tal hmang thei Secretary ka mamawh a,heta țanga thawk tur hi.Khawl chhut i thiam em?""Aw,mahse..........."*Mahse...* tih a ngai lo,Miss Harmon," a rilru siam fel tawh tih hriat tak hian Ben chuan alo ti mai a.A thluak chak tak chuan kiltin dapin, a hlawkna tur pawh a dap chhuak rang kher mai. "Chuti taka i mamawh anih chuan hna chu i thawk anga,mahse secretary han pawh i thawh tel a ngai ang.Chumi awmzia chu i zing hun țhenkhat leh zingkar kherah lo pawh ka mamawh dawn che ani,i hrethiam em? Office hunbi pangngai angin ka kal ve lo va,mahse i hnathawhah chuan hlawh țha tawk tak pek i ni ang," nui chung chuan a ti ta a.A han nuih meuh chuan a hmel, tihhar hmel takte kha a bo duakin China chuan a hria a.A paihchhuak tawh mi dawn emaw a intih tawh nakalaiin hna pahnih ngawt mai a pe leh ta chu ani a.A duh phawt chuan he hna hi thawk lovin Aspenmere Hall hi a kalsan vang vang thei - kumkhua atan. A taksa peng te chuan, "heta awm hi a hlauhawm ani," tia rawn hrilh hian China chuan a inhria a.Ben Galloway duhawmna leh hlauhawmna inkawp chu China chuan a hlau va,heta a awm phawt chuan an in hnim hnai leh zual ngei dawn a,mahse a pawm mai loh chuan eng hna dang nge a thawh chuan ang?"Ka lawm e, Mr,Galloway," a ti ta sap a,a huat em avang chuan en pawh a en chuang hauh lova.A nui sak chauh a, "Enge i hming hmasa?" tiin a zawt leh ta daih a.Ani chuan, 'China' tiin a lo chhang a."Hming nalh tak anih chu,i inhmeh ngawt ang.""Ka lawm e,ka nu leh pa te nena kan inzawmna awmchhun chu hei chiah hi a ni tawh si a," a ti sap a.Chutihlai chuan Fortune chuan choka kawngkhar chu rawn hawn a tum rak rak a."Oh,Bawihte! Mr.Galloway,ka lo hrilh theihnghilh hlauh che a, Ui ka nei asin! A mitmenga hlim tih hriat tak mai chuan Ben Galloway pawh a ti thinrim thei ta lo.A tho a,kawngkhar chu a va hawnsak ta a, "Pawi i ti em?" a ti a.Ani chuan a lu a thing a,a kut pahnih chu phar chhuakin,Fortune chu a liah tir hauh hauh a."Engvangin maw.....?" a han ti phawt a,nuihza tih hriat fe hian a țhen sang a. "Tukin zing kha chuan sava tluk zetin ka zalen a,tunah chuan in enkawltu riangvai tak leh a Ui ka nei ta a,engahnge pawi ka tih ang ni?" tiin ngeiawm zawng nilo hian a han tifiam a.Chutah zawng China pawh a vawikhatna atan a nui ve ta var var a,a mitmeng te chu a lianin,a pawisawi lo mitmeng hliah hliah hian a lang a, Ben Galloway pawh chuan alo en ve reng a.Ani chuan, "Ben tia koh ka duh zawk," a han tih chuan China chu alo meng zau kawk a."Awle" alo ti leh mai a. "Mut lawk ka duh a,nakinah ka rawn hmu leh ang che," tiin a tho a,a chhuahsan ta a.Dawhkanah chuan China chu a țhu vang vang a,a hlim nge maw ni dawn ni le? He hna hi a thawk zel anih ngat chuan a hlimawn phian ta ve ang.Chapter - 4Ben Galloway chu chwwhnu lam zawng a mu a,amah biak tumin Telephone lah chu a ri deuh reng mai a,China in thleng vel a sil zawh chiah chuan a vawikhatna chu a rawn ri ral ral a.Chu aw chu hmeichhe aw thawp sat mai hi ani a,China aw a han hriat zet chuan mak a tih hmel kher mai! Chiang tawk fek fawk hian Ben Galloway a biak duh thu a rawn sawi a,chuvang chuan a harh tawh em tih va en a a kal lawk hlana lo chelh rih turin a chah a.Inchungah chuan tlan chhovin,a bedroom kawngkhar chu a han kik ta a,mahse chhang tu a awm lo.Dim tein kawngkhar chu a nam hawng a,a lut ta a.A va luh chuan pindan chhung thim riai ah chuan Ben chu ala muhil tih a hre nghal a.Muttui tih hriat tak hian ala thaw sak sak a,China chu a khum bul hnaiteah chuan a va ding a,a hmel chu ngun takin a en ta reng a.A naupan hmel sawtin leh a ngilneih hmel sawtin a hria a,a taksa pengtinte chu a hrechiang tawh hle ani.A duh vang reng pawh ni lovin a thinphute chu a rang tawh hle a.Chutia a en reng lai chuan hmeichhia rawn phone tu kha a han hrechhuak leh thut a,a hrawk chu rawn hnawh deuh up up tu awm hian a hre nghal a.A muttui hmel em avangin kaihthawh loh țha zawkin a hria a,dimtein a chhuahsan leh ta zawk a.In hnuaiah chhukin,a rawn phone tu hnenah chuan Ben chu tihbuai theih ani lova,a duh chuan thu a chah thei ang tih a hrilh nghal a.Lehlama mi chu a alawm loh hmel kher mai.Mahse tih theih dang nei si hek lo,thu chu a chah ve ta tho a,chutah phone chu a dah ta țhuai a.Lehkha thema a thuchah chu en in China chu a thaw halh a,Olivia chu eng ang tak ni ang maw tiin a ngaihtuah a,a hmel pawh a țha hle ang tih a ring bawk a.Bena ngaihzawng tawh chu chhe zawk zawk an ni hauh lovang tiin a rilru chuan a ngaihtuah nauh nauh a,nuam a ti tehchiam lo kher mai.Chutiang ngaihtuah hman ka ni lo ve,ti niawm takin choka lamah chuan a kal a,Bazar nana thil a mamawh velte chu a ziahsan ta zawk a.Bazar ațanga alo haw leh chuan dar li a pel tawh a,a car chu inhnung lamah dahin,basket pahnih chu a khai a,choka lam chu a pan a,a hahin lum pawh a ti hle mai bawk a.Choka ah chuan Ben chuan coffee in pahin chanchinbu alo chhiar mek a.Ben an China bazar lo haw a hmuh veleh chuan a basket khai chu alo lakthlak sak vat a.China chuan, "Ka khai thei alawm," alo ti a.A hmel chu a han en a,a pum chu a ti deuh nghulh ta mai a,mahse a rilțam vangah a han puh deuh thlarawk a.A hmel chu a lang tharin,a hahdam hle a,a kum zat awm te ahan chhut pawhin kum sawmthum paruk,sawmthum pasarih vel anih a han ring deuh ngawt a."I thlauh țep anih kha," tih pahin dawhkanah chuan a han dah a,coffee chu a thlitsak bawk a.Chair a țhuin China chuan a in a; vawiin chu a chauh deuh vang nge ni chu rei a ti hle mai a.A rilru hriatpui niawm takin Ben chuan, "I hna hi hahthlak deuhin i hre lo maw?" tiin a han zawt a.China chuan, "Kan bulțanna kha a țha vak lo tih ka hria," lungawi vak lo hmel chuan a han ti țan chauh a."A tawk e,naupang thinrim ham tak inih hi,i ri leh hlat mai țhin a; ka sawi khachu theihnghilh leh daih rawh," nui hmel lek lek hian alo tihkhalh a.China chuan - A awlsam lo ngawt ang,a ti rilru a.A coffee chauh chu ngaihtuah niawm tak hian a en ran a,an boruak chu nuam lo em a a hriat avangin, "Telephone a thuchah kha i lo hmu em?" tiin a zawt ta a.Ben chu a bu nghauh a, "I țuan a țha kher mai," la nuihzat hmel deuh tak chuang chuan a ti ve a.China chuan a melh zawk chauhva,a chawhmeh leite phawrh tur chuan a thawhsam ta a.A hawihhawm duh loh dan em em chu mak a ti deuh a,hetiang reng a a awm anih phei chuan an inkarah inhriatthiamna awm thei dawnin a ring lo hial ani.A sangha lei, vur bawma dah pah chuan, "Hetah zanriah i ei angem? Phone a rawn betu Olivia inti kha hrerengin,a ei loh ngei pawh a beisei ani.Ben chuan a chanchinbu ken lai kar ațang chuan a rawn en a, "Aw,pawi i ti deuh em ni?" a rawn ti ve a.A rilru hriatsak tum niawm tak chuan ala rawn en reng a."Rawngbawl dan tur ka hriat theih nan ka zawt mai che ania," thinrim insum tak chungin China chuan alo ti a; Ben chu kal chhuak se,amah chauh chuan awm thei zawk se a duh ani.Mahse kawng lehlamah chuan nula hmelțha Olivia bula a awm lo thei tur chu a lawm rilru ang reng hle lawi a."Nia,ka hria alawm," a lawm chiah lo tih hre reng chungin Ben chuan a han ti a.A tho va,a bulah chuan rawn kal hnaiin a biang chu a han khawihsak a, "Inren thiam tak i nih awm hi,hriatreng tur anih hi," a ti ve ta sap a,a chhuak ta nghal a.China chuan makti tak chung hian a kalchhuak lai chu a en reng a,a bianga a khawihna chu sa deuh hut hut hian a hre tlat mai lehnghal a, "Hrep tak hian," a ti sap a.Rei vak loah chuan ei peih diamin Dinning room chu a siam fel a,khua a vawh avangin pindan tinah chuan mei a chhem vek bawk a; a chhuahsan ațang khan Ben chu ala hmu leh miah lo va,mahse a pindanah hna a thawk reng tih erawh chu a hria a.Choka vel a duh ang thlapa a tihfel tawh chu lungawi hmel tak hian a en kual a,a eirawngbawl pawh a uluk a,a hna hi a tlin tih hriattir a duh ani.Pindan chhuahsan tura a inher chiah chuan kawngka dal taka Ben a lo ding reng chu a hmu ta a,uluk taka a thil lo rem fel vel a en hnu chuan amah chu a rawn en leh a."Ka bulah ei rawh China,mahnia ei hi ka chak lo teh ania," a ti a. A Christian hminga a kohna hmasa ber a niin, a hmui chuan a rem thlap mai a."Chokaah ka ei thei alawm," China chuan a lo ti ve vat thung a.Ani chu a nui a, "I hlau em ni?" a lo ti vat a."Teuh lo mai," China chuan amah pawh enlem lo chuan a lo ti ve mai a."Chuti chu insiam kep rawh.A reng reng thuah James nen pawh in ei dun fo awm si a," a ti ta a.China chuan Ben a țawng duh dan chu a ngei kher mai.A thleng tur a lakna drawer pawh chu a duh aia ring mah chuan a khar ri bar a,amah hlat thei ang ber turin a thleng chu a dah a,a che vel chu Ben chuan ngawi rengin a lo thlir a,a tih zawh chuan chhuah mai hi a han tum a.Mahse ani chu a din ngaiin alo la ding reng a."Min lo hrethiam lawk rawh," a ti a,a thinrim em avang chuan China mittui chu a tla țep mai nghe nghe a.Ben chu ala chesawn ta chuang lova,amah chu ala en reng mai a.Amah hnaih taka China kun reng,a khabea a han kuai dak chuan a mittui tling piau chu hmuin, "Engtizia nge ka bula chaw ei chu thih hrehin i hreh elo?" fiamthu tih hriat tak chuan a han ti leh a."Engatinge ka chungah hian i ngilneih loh em em?" China chuan alo ti hlar a."Ka ngilnei lo amaw? Ka ngilneihna chu i duh reng em ni China?" makti hmel tak chuan a ti a."Ka hre chiah lo," China chuan a ti ve nghat a.Ben chuan dimte hian China mittui chu a hruksak a, "I duh ka ring lo," tih pahin a rawn kun hniam a,a hmui nel thap mai chuan China hmui chu a rawn dek a.An hmui a intawn veleh chuan China chu rilru na tak leh,pawnlama nuam ti rilru tak si chuan a khur der der a,a ban tha chak tak mai chuan rawn kuah se,amah chu duh tak maiin rawn kuah se a ti rilru em em mai thung a.Chutah inthiamlo tak chung chuan a talchhuak a,a chhuak ta nghal daih a.A inbual zawha zanriah eitura a inthlak lai te chuan Bena hmuiin a rawn khawihna laite chu a la hre ru reuh reuh reng a.Darthlalanga inen chungin a hmui chu dimtein a han khawih ringawt a.A sam chu țawn loin a thlah darh hniang a,Mascara leh lip gloss tlem a hman chu duhtawkin,Ben Galloway hmachhawn a hreh deuh tih mai loah chuan a landan chu a duhtawk hle a.A pheikhawk sang a bun leh hnu chuan a hmel pawh pangngai thei ang bera lantir a tum tlat a.Ben nena chumi tlai an hman dun dan tur chu ngaihtuah reng chungin choka lam chu a pan leh ta a,chawhmehte chu dawhkanah chuan a chhawp țan ta nghal a.Hmu lo mahse Bena pawh alo ve ani tih erawh chu a hre thei a; thawm a dim thiam avang leh a chetran em avang hian amah chauhva awm anih leh nih loh pawh hi a hre thei lo ani."Ka lo pui ang che," nui chungin Ben chuan a rawn ti a.Ani pawh chu a inthlak ve tawhin,dinner jacket leh kekawr dum a ha a,a kawr var hak chuan a vun sen uk deuh chu a tilangsar hle a.A palianin,a hlauhawm hmel hle pawhin China chuan a hria a.Ben an a rawn en chuan a ka chu ro deuh hulh hian a hria a,a ip deuh chaih a."Tihtur vak pawh a awm tawh hleinem,chubakah heng hi ka hlawh hmuhna chhan a ni alawm," zangkhai tak chuan alo ti mai a."I duh zawk chuan le,keiin wine ka lo lem ange," lawm vak lo tih hriat tak chuan a han ti a, chutah "I lang nalh kher mai," nui țha chung chuan a han ti leh a."Ka lawm e," tiin China erawh chuan lehlam a hawi vat thung a.A hmel lo danglam leh vak țhin chu hmuhtir loh hram a duh ani.Chaw an eikham chuan a hah tawh ringin Ben chuan coffee siam chu a chuh ta vat a.Mei alh hlap hlap bulah China chu hahdam tak hian a lo țhu thung a.Tray a chawiin coffee chu a rawn pe a,China chu hlim tih hriat tak hian alo nui var var a."I siam tui hle mai," sikret țan paha nui var var chung chung chuan a han ti a.China chuan, "Ka thiam ka tih reng kha," tiin alo nui ve var var a.Ben chu a nui hawk hawk a, "I sawi amaw? Ka lo ngaithla mumal hauh lova,naupang danglam tak i ni China, engatinge hetiang ni si a,hetiang inhlui zet enkawltua i țan mai theih,min han hrilh teh?" a ti ta duah a."In enkawl hi nuam k tih zawng ani a; tin, he in hi nuam tak ni pawhin ka hria a,mahse min hiptu ber zawk chu mahni chauhva chen theihna awm hi ani.Tunhmain mahnia luahtur ka lo la nei ngai lova.......!" a hriatthiam hmel loh em avang chuan a sawizawm zel duh ta lo va."Chuti lam chu alo ni maw?" a mit pawh lasawn chuang lovin Ben chuan alo ti ve mai a.China chuan hn sawizawm leh vak ngaihna pawh a hre lo va.A va en leh chuan hepa hian a hip takzet a ni tih a inhria a; hetiang hian tunhmain a awm pawh a la inhre ngai si lova,mak pawh a tiin,a tibuai rilru hle ani. 'Duh loh' hei chiah hi hepa lak ațanga a inven theihna tur chu ani.A coffee chu a tlak thuai a,thleng sil tur chuan a tho nghal a,sil zawh vat a,mut a duh ani.He Ben Galloway hi ngaihtuah tawh miah lo turin a intiam a,Tih aiin sawi mai hi chu awl tak ani.A sengkhawm vel lai chuan, "Sil a ngai lo,dah rawh," Ben chuan alo ti vat a.China chuan a en hau a, "A ngai lo,reiloteah ka zo mai ang," alo ti ve vat bawk a."Vawiinah i thawk hah tawh a,chuvangin dah mai rawh," Ben chuan alo ti leh a."Tih ka duh alawm," ngai pawimawh lo tak hian Chin chuan a lo ti ve leh a."Mi hnial hi chu i peih ve ngawt mai,i hah hle chung pawhin. Mahse,ka hrilh tawh ang che khan ti mai rawh."China chuan thinrim tak hian a hmachhawn a, "Chu tak chu ania heta ka dinhmun hi chiang taka hriat ka duh ani.He in enkawl tur hian hlawh mi pe a,thlengsil hi chung zinga pakhat chu ani. I chhihhlawh ka ni lova,hlawh neia rawih ka ni zawk; thlengsil tura rawih.A tawk em? a thinrim tih a hriat avangin a hmel chu a en duh hauh lo va.A tho va,luhlul hmel tak hian a rawn en a, "I sawi chiang khawp mai," Ben chuan a ti ve nghat a,a chhuak ta nghal a.Chutah China pawh chuan a tih lai chu a chhunzawm ta zel a.An hlim tawh tehlul nen a tichhe zo leh ta vek mai!A thlengsil chauhva a rilru pek tum chuan fimkhur takin a sil ta mawlh mawlh a,a sil zawh chuan choka light chu tithimin,a khum lam chu a pan nghal a.Ben a sawi ang khan a hahin,a țum a țha lo deuh reng a.Naktukah zawng a țha ve tawh ang chu,a ti rilru nauh nauh a.Muhil mai thei lovin China chu a khum lianpuiah chuan a let a let a,thawm a han ngaihthlak deuh vang vang pawhin thawm hriat tur reng a hre lo; Ben chuan Study room ah hna a thawk leh anih a ring a.Reitak hnuah chuan a muhil ve ta hram a,a mak teh e,ngaihtuah hauh loh pawh hi mumanga hmuh tlat chang hi chu a awm ve țhin reng a; A mumangah chuan Italy ah alo awm leh a,Signor Cencelli bawk khan alo tibuai leh a,meng sen rum mai leh hmel hlauhawm pui chung hian alo man bet tlat mai a, alo tal chhuak thei hauh silo.A hlau lutuk chu alo au vak vak mai a.A han harh meuh chuan a dara Ben a kutin alo kuah reng chu a han hmu a,khua a vawh tehlul nen thlan hian a lo bual huh chap mai a."Ben" ama hriat tawk lek chuan a han ti sap a,a lungphu,phu dawt dawtte chu a hria ang tih a hlau hle mai a."Mumang mai ani a,tunah chuan i him tawh e," zaidam takin Ben chuan a rawn ti hlawl mai a.Khum bula khawnvar chu Ben chuan a ti eng a,dim tein China lu chu a lukhamah chuan a nghat thla leh a.Mutkawr dum lianpui a hain,a awmhmulte chu a lang chhap thei a.China chuan a hmai hliaha a sam chhawlleng chu a huihkiang a, "A pawi ka ti hle mai," a han ti sap a.Ben chu a nui sak a, "Engmah pawitih tur a awm hleinem,enge ni i mumangah i hmuh a?" a han ti a.China chuan hrilh nge țha ang hrilh loh? tiin a han inngaihtuah phawt a. Chutah, "Italy a ka awmlai thil ania," ti chauhvin lehlam hawi chung chuan a chhang ta a.Ben chuan chuti mai chauh chu alo duhtawk ta hauh lo mai a,a lamah a kuai her a, "Min hrilh rawh!" a ti ta tlat mai a!China chuan a mitmeng ngilneih hmel tak a han hmuh takah chuan sawi mai pawh chu țha zawka hriatna a nei ta a.Tichuan, "Rome ah chuan nau awmin ka awm a,nuam pawh ka ti em em a; ka thawhna nu, Adele nen phei chuan kan inkawmngeihin,naupangte pawh an țha em em a.Mahse Signor Cencelli erawh chu......Rapthlak tak ani.Min khawih a tum laiin Adele chuan a rawn hmu ta hlauh a,min tawpsan leh ta hlauh a.Ka țhianțha em em Adele chuan......" sawi hrehawm a tih em avangin a khur ta dar dar a.Ben mitmeng chu a rum kher mai a,a hmui chu a chip hmak ta mai a, "Chu chu ila mangphan ta reng ania maw?" a rawn tichhuak ta hlawl a.China chu a bu nghat a. "Ka mangah chuan min lo manbet a,ka lo talchhuak thei si lova......." a ti ta a. Chutia a han hrilh vek mai chu amah ngei pawh chuan mak a inti deuh hial a.Ben chuan a hmai chu a chulsak a, "Ka nau khawngaihthlakte," a ti sap a,a mittui parawl kiangte chu a hruksak a,a lainat hmel kher mai.A chhan ber pawh a hriat hauh lohvin China chu a hma aimaha lungchhe zawk chuan a rawn țap ta hlap hlap mai a; Duat taka enkawltu Pa kianga fanu awm hi a ang ber awm e.Ben chuan a han kuah a,a sam te chul sak heuh heuh chung chuan a hnem pah malh malh a; China pawh a thla a muang huai huai a,lungawi hmel takin a awmpharh hlai hlap maiah chuan a hmai a phum kak a.A lungchhe zualpui a han reh chuan Ben chuan a muttir ta a.Ani chu a ding chhuak a, "Engemaw intur ka han siamsak ang che,i muthilh theih nan," nui chung hian a han ti a."Ben......" amah chauhva awm chu a ngam lo tih a hmel ațang chuan a hriat theih a."Minute hnih emaw lek chauh ani ang,bawnghnute ka va chhuang anga,i duh leh mi rawn au vak mai dawn nia," China hmai danglap han piaisak zauh pah chuan a ti a,a nui pah hawk hawk a.Choka lam a pansan ta a.China chuan kohlet leh mai a duh deuh rum rum a,a hlauhna chuan a thauvah a man a,amah leh amah pawh chu dawi a inti hle a; mahse choka lama Ben a thawm ri rak rak a hriat chuan a tithlamuang leh huai a.A sawi ang ngeiin Ben chu reiloteah a rawn lut leh ta a,chocolate la khu vat vat chu a rawn chawi lut a. "In rawh le,far khat pawh bang awm hauh lovin," a han ti a.Khum tlangah chuan țhuin China chu a en reng a,China pawh chuan no chu lain a han in a,a lo tui kher mai lehnghal a,a chhawk huai huai pawhin a inhria a."I ngilnei hle mai," a ti ta sap a.A biangah chuan mittui sulhnute chu a la chambang val raih a.Ben chuan, "Vawiin tlaia i ngaihdan kha chu anih loh kha," alo ti hmuk a.China chu hnial tumin a han ang ziau a,mahse Ben bawk chuan, "I chocolate kha in rawh,țawng a ngai lo,kha khan a tilum dawn che alawm," alo tih khalh zat a.China pawh chuan Ben a hrilh ang chuan a tlak ta vek a,a hmui chu a han liak zauh a,Ben an alo en reng chu nuam lo pawh a ti deuh hle a.A harh tawh hle nain,a kawchhungah chuan hlauhna chuan ala fan reng tho a,han mut leh pawh chu a huphurh ang reng hle a."Tunah chuan mu tawh rawh - Naute," tih pahin Ben chu a ding ta hluai a.China chuan, "Ka tiharh che em ni?" a kal nghal mai la ui tih hriat tak chuan a han ti a.Ben chuan, "Min rawn ko alawm," a han tih chuan China zak chu a sen ta ap ap a.A hmingin a ko a ni awm si a,inchhung vel enkawl tura rawih mai chauh si tan chuan a inawm lo deuh mange!"Ka la muhil lo reng reng a," China sakhmel a han hmuh chuan nui hawk hawk chung hian a lo ti leh a."Pawi ka ti ngawt mai,tihbuai che ka duhloh tehlul nen.""Ka hria alawm." Kawngka a pel țep tawh tihah China chuan, "Ben,khawngaihin min kalsan teh suh,awm ve rih rawh," mangan hmel tak chuan a ti ta tlat mai a!Makti hmel takin Ben pawh chu a ding leh chat a. "China,i sawi awmzia chu i hre lo ani," tiin a sam dum chhah tak chu a tuai a tuai ta mai a."Ka sawi loh tur ka lo sawi ani - ka ât vang ania,pawi ka ti khawp mai!" hriattham chang chang chauh hian a han ti niah niah a.Amah chauhva chu zan thim tak kara a han mu tur a ngaihtuah chuan a hlau tlat ta mai ani! A dawih lutuk chu a inhaw ru em em a."Pathian hmingin,ngaihdam hi dil reng lem teh suh," bung vutin Ben chuan a ti a.Chutah Chin bulah chuan rawn kir lehin a rawn kuah ta chat a,China pawhin lawm rilru tak leh khur dar dar chung chuan a kuah let ve nghal a.A thla pawh a muang nghal siai siai a,muthilh mai erawh chu ala tum lo nain,a chau deuh em si a,reivak lovah chuan a muhil ta mai a.Zinga a han harh leh chuan Ben a kuah reng chung chuan alo la mu a,cje lovin nizana a chunga thil thleng kha a ngaihtuah let leh nauh nauh a.Ben lah chu ala muhil tuiin a pangti chu a lum țha thar thar hle a.Khaw eng țan raih chuan inchhung pawh chu a rawn kap eng rii riai tawh a.China chuan alu che sawn lo pawhin a lemziak tar chu a hmu thei a,chu lemziak en reng chung chuan engtinnge a tih leh ang tih chu a ngaihtuah nauh nauh reng a.Aw hepa bula awm a,a kuah chu a nuamin a hahdam thlak siai siai hle ani.....!Mahse amah vekin chu ngaihdan chu a paihthla leh thuai a,eng thil atthlak tak nge a ngaihtuah tak mai!? ani in enkawltu mai siin chutiangte a han ngaihtuah tak ni! Chu lo rengah hepa hi a bulukin,a nun a rawng si a,a duh lo hle ani lawm ni? Mahse nizanah a bana kuahin a bulah a mu zankhua si! Thil atthlak tak chu a ni; han nuih chhuah nghek mai a duh rilru rum rum a,mahse tihharh a hlau si a.Mahse a han che hlek khan a lo tiharh hman ta tho a,China chu nghet zetin a rawn kuah leh vat a.China chuan fiah kel kawl hian alo en kiau mai a,Ben pawh chuan la men peih loh hmel tak chung chuan alo en ve a.China chuan engemaw han sawi chu a duh hle nain,han sawi mai tur erawh chu a hriatloh bakah a hrawk chu phuar ang tlat hian a awm si a.China kuah reng chung chuan, "Good morning China," a han ti a,a thatchhiat hmel hle a.China erawh chu a ngawi reng a; zing thawha a nula mutpui țhinte laka a tihdan țhin em ni ang? Hmeichhia tih thiam tak a nih hmelin,a nulate chu tilungawi thei hle pawhin a ring bawk a.A hmui chu an petsawi zauh va,engtiziaa chutiang thil te chu ngaihtuah ta mai nge anih?A ngawih reng avangin Ben chuan, "I lei an phuar elo? a ti ve hial a."I hriat angin ka hamhaih em ani," China pawh chuan a ti ve ta thlawt a. Ben chu a nui ta hawk hawk a.China bawk chuan, "A nuihzatthlakna lai tur ka hre hauh lo," a lo ti leh nghauh a,a mit tak pawh chu a en ngam lova.A kuahna ațang chuan talchhuah a duh rilru ang reng hle a,mahse Ben lah chuan ala kuah tlat si a."I thophang hmel pawh a țha kher mai," ngaihtuah zui vak lo hmel tak chuan a han ti leh daih a.China chuan, "Chu pawh chu ala nuihzatthlak chuang lo," a lo ti leh sap a,a ban tha chak zet mai chu a hneh der silo."Ani lo mai thei e.Zingah hian i țum a țha vak lo țhin em ni?" Ben chuan a han ti leh daih a,a hmui chuan a sam chu a nulsak vel a.China chuan, "Engatinge nuihza siam nana mi hman a,engahnge mi kaltir mai zawk loh?" a han ti hlar a,a marphu lo rang ta sauh erawh chu haider hram a tum a.Ben chuan a rilru tak niawm reng chuan, "Nuihza siam nan ka hmang lo che a,la pawm reng che hi nuam ka ti ani zawk," la nui pah reng chung chuan a lo tihsan mai a.A ngei kher mai! A tham loh dan leh he thil hi fiamthua a ngai anih chuan.....! China chuan, "Ka hua che,min kaltir tawh rawh - tunah!" a han ti tuar a.A taksa khawng leh a hmui chip hmak danah chuan a kalthui lu hret anih a inring a."I gheihnghilh ta mai em ni - Sweetheart? Nangmah ngeiin a nih kha heta kal tura min sawmtu chu," vawt ruih hian Ben chuan a ti ta a.China chuan hlauh hmel tak hian a han en chho dak a, "Ni lo!" a ti zawi raih a.Ben chuan China lu ah chuan dawm betin,a hmui chuan China hmui chu a zawng ta ruai mai a.A hmui a rawn zawn hmuh meuh chuan zei lutuk hian a rawn nawr kau a,dimna tel map lo chuan a fawp ta bawrh bawrh mai a,China ban pahnih te chu a kut lehlam lehlam chuan a dawmbehsak tlat bawk a.China chu țang nasa ve teh mahse a chhungril tak erawh chuan Ben a fawhna chu nuam a ti vawng vawng hle lawi a.Second reiloteah Ben chuan a thlah leh a,lukham chu a delh leh nghal mai a.A kut chu a tukkhum lama suihin China chu a en a, "Hrep tak che hian China, min ti thinrim hle ani," ro hulh hian a ti ta a.A hmui chu a khawih nauh nauh a, "Ka tum reng ani lo asin," tih pahin China chuan a sam darh niaih chu a huih mam a; chupa taksa lum thur thur chuan ala hnaih em reng si avang chuan a tirilah a la mur uai uai thei a.Ben an a han fawh chiah khan ala hriat ngailoh a taksaah engemaw tak chu chawhthawhin a awm a,chu chuan a taksa pum mai chu a fan chhuak vek a,a thisen kalte chu lum deuh pap pap in a hre bawk a.A rilru tak chuan thlah mai lo khan kuah reng sela,mutpui hial sela a duh ani zawk si a!A lu chu a thing nawk a,amah a lo la en reng tih pawh a hria a,a zakin a ngaihtuahna ngei pawh chuan a tihlau hial ani. "Ka ngaihtuah i hre thei em?" alo hre thei mai palh ang tih hlau rilru tak chuan a ti ta ngawt a."Ka hriat theih ka ring," nuihzat hmel takin Ben chuan alo ti mai a. "Ka rilru i hriat theih chuan ka duh che tih pawh i hre theiin ka ring," a han tih zawm leh zat a.China chuan a ka ro halh leh thinphu dat dat chung chuan a en chho va, "Ka......i kal a țha zawk ang," a rawn tichhuak ta niah niah a.Ben chu a nui sak a, "Ni e,ka kal ange," tiin khum ațang chuan a tho va,a chhuak nghal ta daih a.Ben Galloway an a duh ani.Chu thu chu a thu hriat tawh zawng zawng zingah a la mak ber hial mai! A thinphu dawt dawt chu tihreh hram hram a tum a,chu pindan ruakah chuan ama hriat twwk lek hian, "Ka hua ani," a ti ta ringawt a.Mahse chu a thusawi chu ama beng ngei pawh chuan a awih thlawt lo mai! A dik reng a,mahse mi hausa leh ropui takin ani housekeeper mai mai chu nawmchen nan mai hman a duh ni lekah a ngai a,a chhungril tak chuan a duh chiang alawm!Chapter - 5Chumi ațanga ni thumnaah chuan, China chuan breakfast a siam laiin Ben chu alo kal a, "Vawiin hian mikhual pahnih kan thleng dawn a,engchen nge an cham dawn ka hre thei rih lova,i lo kep thei ang em?" tiin a rawn zawt a."Aw, thei tehreng mai," tih pah chuan a rilru chuan tute tak ni ang maw? China chuan a ti rilru nauh nauh a. "Pindan engzatnge ka lo buatsaih ang a,hetah zanriah an ei nghal ang em?" a han ti ve leh a."I ngaihtuah thui hle mai,double room pakhat a tawk thei maiin ka ring. Nia,zanriah pawh hetah an rawn ei nghal ang," Ben chuan a ti a."Awle," tih pah a chhuah nghal mai a tum laiin Ben chuan a banah a lo man sak a."I hah hmel hle mai - ka naute," a hmai dang del en pahin Ben chuan a han ti a.China chuan, "Ka țha alawm" alo ti ve mai a.Zana a mut țhat theih loh thu erawh chu hrilh a tum hran bik lo. Ni reilote ațang khan hepa hi engtikawng zawng pawhin a duh lo lem lo tih a inhre chhuak a,a hmuh dan leh ngaihdante chu a danglam tawhin,khami zana a ban tha chak takin thlamuan tuma a kuahnate kha ala theihnghilh thei hauh bik lo.Chu thil chu zana amah chauhva a mutte hian alo ngaihtuah veng veng țhin ani si a.Ben chu a sumdawnna thilah a hlawhtlingin,a hausa em em a,a thluak a țhain hna harsa pawh a thawk zung zung thei țhin a.A chakin amah a inring tawk a,a thu a duh thei hle bawk; mahse lehlamah chuan ngilnei leh zaidam awm fu hian a lang bawk si. A rilru leh pianphung chuan China ngaihtuahna chu a tibuai ani."Țha,mahse mahni tana țha pawh hre lo khawpa luhlul," China chuan a ti hmiah mai a.Chupa hmaah chuan langtlang vekin a inhria a, "Engatinge min kalsan mai loh?" a thil vei ruk reuh reuh chu a hriatpui ang tih hlauthawng tak chuan a han ti sap a.Tichuan amah zawk chuan Hall lam chu a pansan ta a. Hepa bula a awm tawha a nervous viau zel mai chu mak a inti hle nghe nghe a. Kawngkhar lam chu panin a nam hawng a,pawnlam chu a thlir a; khua a vawtin,Ni chu no sar hian a lo eng raih a,huana thinghnahte chu silver rawngin a luan ta emaw tih mai tur hian an tle siau hlawm a.He in ațang hian a kalchhuakin,reilote tal chu a vak harh ang a, Ben pawh a ngaihtuah lo hram tur ani ang.A Fur jacket chu hain kutkawr lum leh boot a bun leh a,chutah Fortune chu a ko a,uite chu lo kal vatin a rawn zuan nghal tar tar a.Chumi tuk zing boruak thiang nuam takah chuan China chu a pen chhuak ta a; khua chu a vawtin a harh vawk hian a inhria a,tichuan a tawmna ngaia a suangtuahna kual vel țhin pawh chu pawn boruak chuan a lapeng ve ta zawk a.Tukin zingah te khan hawihhawm teh mahse an inkar boruak chu siam hla thiam hlein a hria a.Car thawm a han hriat chuan Ben a mikhual turte an nih ngei a ring a,amah Ben a ngeiin a lo hmuah chi ni zawkin a ring a.Mahse alo ring dik lovin, James kha alo ni zawk a.China chuan hlim tih hriat tak hian alo nuih a,kawm a nuamin China pawhin a ngai hle ani. Car ațanga rawn zuang chhuakin, China kut chu a rawn vuan a,a biangah chuan a rawn fawp a."Hello, Love, engtinnge i hna te chu?""Ka țha e, ka hna pawh....."James chu a nui hawk hawk a, "Ben chuan sal ang maiin a chhawr lo che maw? .......uuhuh!""Chutiang....." fiamthu deuhva chhan a tum lai chuan.....!"Hrilh rawh China,ka lo enkawl dan che chu engtinnge i hrilh dawn? hriat ka chak viau ania!" a hnunglam ațangin Ben chuan a rawn ti ta thut mai a.China hmai chu a sa ta hat hat mai a,a hmel a rawn hmu thei lo hlauh chu a lawm hle ringawt a. James erawh chuan a hmel sen țawn țawn a han hmuh chuan a meng zim sat a."Ben, kan inhmu chu a alawmawm hle mai - unaupa," China chu kalsanin James chuan a va chibai a."Engtika lo kir nge i nih?""Nihnih kalta khan." Ben a aw chu a hniamin,nuihzatna hi a lang tel a; a rawn en tih hriain China chuan a en duh lo lui ve ngat a."Ka lengkual vel a." Hrilh bik pawh nei chuang lo hian China chuan a han ti a.Fortune chu kovin an kal țan leh ta a.Reiloteah James chuan a rawn um leh a, "Hey, min lo nghak teh," nui hawk hawk chung hian a rawn ti a.China pawh chuan lo nghakin, "Ben a hmu tura lo kal i nih ka ring a?" a han ti a."Naupang â lutuk,nangmah hmu tura lo kal ka ni alawm," fiamthu titih hian a han ti a."Oh, a lo ni maw?" China chuan a ti ve mai a. "Nang i hna lamte,rim lutuk khan em ni i la thawh reng?" a han ti ve a.James chu a nui a, "Chanchin lawmawm lutuk hrilh tur che ka neih vanga lo kal ka ni zawk. Ka țhian,Clare leh Paul inneih nia min rawn hruaitu kha ila hria em?" China chu alo bu nghat a. "Aw,khapa nen khan kan thawk dun dawn a,Athens ah Hotel kan lei a, chu chu kan enkawl dun dawn ani," phur tih hriat zet mai hian James chuan a rawn ti ta a.China chuan makti hmel tak hian, "I hnathawh lai nen chuan a inpersan daih dawn tihna anih chu," a han ti a.James chuan a dar chu a chhin ak a, "Pawisa lam tho Hotel ah chuan ka khawih dawn a, ni e,hnathawh han thlak ve hrim hrim pawh hi ka mamawh reng ani," a ti mai a."I ngaih ang mai aiin i pa chu i chhun a nih ka ring," China chuan a han ti a."Ani maithei.Ka hriat zawng chu - hamțhatna tur hlir ani tih hi ani; nunthar nen."James chu nidang zawng aiin phur hmel zawkin a hria a,mak pawh a ti zawk hle a.Helaia awmhmun bengbel ve turah alo ngai ringawt kha ani si a; a chhan pawh a hnathawh ah chuan a ding chhuak țanin,in lah a nei țha a,chutiang han kalsan ngawt tura a lo rin loh vang ani. Mahse ani,fahrah dinhmun nen chuan khaikhin chi rual pawh a ni lo tih chu a ngaihtuah neuh neuh a."Engtikah nge i kal ang?" huphurh lawk takin China chuan a han zawt a.Chutianga țhianțha a han țhen mai tur chu hreawm a ti lawk a,mahse kawng lehlamah chuan a hna duhzawng tak anih avangin a lawmpui ang reng bawk ani."A theih hun hmasa berah,a ni tur chiah chu ka la hrechiang thei lo.Tukin khan Athens ațangin ka lo thlawk haw chiah a,chuvang chu ania ka rawn lan ngai loh. Helaia thil tih tur ka tihfel veleh ka kal nghal mai ang.""Ka ngai ngawt ang che,ka tan chuan țhianțha tak i ni si a," China chuan ngui raih hian a han ti a."Chuti maw?" lawm tih hriat takin James chuan a han ti hau a. "Kei pawhin ka ngai ngawt ang che,ka bulah lo kal ve mai ta che,nang anga thil thiam ngah tan chuan hnathawh tur tam tak a awm thei zel mai ang chu," a han ti a.China erawh chu a nui mai a.James chuan, "Ka ti tak tak asin, duhtak, hna i duh phawt chuan lo kal ve mai rawh," titak hmel deuh hian a han ti leh a.Mahse China chuan a lu a thinsan a, "Hna chu ka nei alawm," zangkhai vah hian alo tihsan leh mai a. Ben chu kalsan tur anga a han indah chhin ngawt pawhin a rilru chu a na nghal a,engemaw a awm tawh tlat mai!"Anih leh le,i duh phawt chuan englai pawhin hna chu a awm thei reng ang. Ti ta daih ila Ben nen chuan in in mil em?"China chuan, "In mil vak lo," meng khup deuh lap hian a han ti bauh a.James chuan, "Engvangin maw?" ngaihven hmel tak chuan a han ti ve zat a.Ani chuan a dar a chhin ak a, "Oh, ka hre lo, ka tithinrim reng niin a lang,a nelawm lohvin........" a tum loh deuh a a hrawka hnawhtu rawn awm awl awl avang chuan a sawi tum ang pawh chu a sawi zo thei ta lova. A mittui rawn tla tur dan tum chuan a mit a han khap sak sak a, "Oh, dear, pawi ka ti lutuk," a ti ta sap a.Chuti taka a mittui tla hma lutuk leh James a han barakhaih ta chu a inhaw rum rum a,a mut tlem lutuk chu a chhan pakhat niah a ngai a, "Ka hah deuh vang mai ani e,ka tihrilhai viau che em?" a mittui hru malh malh chung chua a han ti leh a."Tihrilhhai lo ve," a ti nain a hmel ațang chuan dawt a sawi tih chu a hre thei mai a. Chutah James an fawh pangngaia fawh a tum ngai reng reng lo chu mak a ti deuh thut a,ințhianna bak engmah James lak ațang hian a beisei ngai lova,engtia hetiangte ngaihtuah ta nge maw ka nih le? Engpawhnise a tan chuan ka țha tawk lo ani phawt mai China chuan a ti rilru a. Ben a hmui lum hiamin a thinrim laia a han fawhte chu a ngaihtuah chhuak a,a thinphu chu a rang ta sauh mai a.A inngaihtuah muk em avang chuan James a țawng mawlh mawlhin a sawi pawh chu alo hre reng reng lo mai a,inthiam lo hmel tak hian, "Pawi ka ti hle mai," zawt titih hian ti ta ngawt a."Haw tawh ila a țha ang,Fortune pawh a kal hla lutuk ang e, bakah Big Brother pawhin alo ngaihtuah lutuk ang che,ka bula i kal pawh hi a lawm vak lo mai thei ani.""A pawiti hauh lovang," tiin James chu alo hnial a.Mahse Ben chanchin a hriatloh zia chu a inhria a.Kut insuih rialin in lamah chuan an kir leh ta a,an țawng mawlh mawlh chu hrethiam lo tih hriat takin Fortune chuan a rawn zuanin a rawn chhaih vel țhin a.China pawh pawn boruak vawt thiang țha tak chuan tiharhin a hlim sawt a,leia hnahthel rau iar tla te chu a chhar khawm a.Mi hmuh tur aneih thu sawiin,coffee intura China sawmna chu James chuan a lo hnial a.A kal liam hnu chuan a lut ve ta chauh va.James sawi ang ngeiin Ben chu alo thinrim hle a, Hall a a Fur jacket a phelh mawlh mawlh lai chuan a va hmu a,ava nuih ringawt a,a kutkawr bun pawh phelh lo chuan a phar chhuak a, "En teh, heng hnah te hi mawi i ti ve em?" tiin a han zawt a.Ani chuan thinur tih hriat tak hian a rawn melh a. "Maithei, mahse khang hnah lakhawm tur khan hlawh ka pe lo che," Ben chuan alo tihsan hmak a."Ka.....reilote ka va vak chhuak mai chauh alawm," hrethiam lo tak hian a han ti ve ngawt a."Study room ah Italian țawng tam tak Type tur a awm a, nangina reilote vahkual i tih ang vela hun khawhral hman tur ka nei ve lo - ka unaupa angin," meng thip khui chungin Ben chuan a han ti leh a.A țawng dan chu a ngei bawk a,insum duh bik lovin, "I awmdan hi awmze nei lo niin ka hria Mr Galloway, zawlnei ka ni lo va,chutiangin note a awm ang tih pawh ka hre hek lo. Tin, ka hriatsual loh chuan office hun hi hunbi hmang ngai lo khan i insawi bawk a," a ti ve ta piap mai a."Hnathawh tur a awm chuan thawk turin ka beisei che ani," aw dam deuh zawk hian Ben chuan a han ti a."A țhat chu - Tunah ka țan nghal ang a,ka zawh hma loh chu ka thawk ang. Chu chubi duhtawk em? Nge ngaihdam dilin 'ka pu' ka han ti kher dawn em ni?" China chuan a han ti ve leh sak a.A laka țawngkam țha a rawlh duh lo lutuk chuan a tithinrimin,a lo hlim ve na zawng zawngte chu a țawng chaltlai leh dengkhawng tak mai te chuan a tihchhiatsak leh zo ta vek si a. "Khawngaihna leh mi hriatthiamna i va han tlachham tehlul em!"A țawng chu a la na bawk ani ang, Ben a kut tha chak zet mai chuan na fe hian a darah a rawn țham a,dimna a nei lo kher mai."Ramhuainu" thinrim zet hian Ben chuan a han ti tuar mai a,a lamah chuan a pawt hnai dawrh bawk a,rawng tak mai hian China hmuiah tak chuan a seh - fawh leh ta ngawr ngawr mai a, China ka chhunga thisen lum pap a rawn awm thleng chuan.Hlau zet hian China chuan a taksa rit leh tha chak zet mai chu nem kian a han tum ngial a,mahse kulhbang ang tlut hian a nghet hle mai si a.A rin loh deuh maiin Ben a chetdan chu a danglam leh ta thut mai a, thlipui ang maia che buan buan kha a reh leh ta duk a.A hmernate chu thlahdulin, dim tak, nghet tak si hian a kuah a,a hmui pawh chuan dimdawi tak si,mahse duhthawh tak si hian a fawp ta thung a."China" tiin a hming chu a lam mawlh mawlh a, a biang tai tek maiah chuan a hmuiin a nawr kual vel a, "Aw Pathian, min ti â lo chauh tih hi i hria em?" tih pah chuan a pawm nghet sauh sauh ta mai a. China chuan lei pawh a rap lo hial a,lo hnar chu duh teh mahse,a chhingril turtu avang chuan a thei tlat tawh lo. A khawihna te chuan a tha a tizawi zovin,a thisen zam te chu a fan chhuak chiai chiai a,duh lutuka lo kuah ve mai loh chu tih theih anei tlat tawh lo!An hnunglama aw thian kharhin Mrs.Stephenson chuan alo thleng ani tih chu a han inhriattir ta thut a.An pahniha an lo inpawm reng chu mak a ti tih pawh China chuan a hre thei a. A coat kilhna phelh mawlh mawlh pah hian, "Morning Mr.Galloway, China," a rawn ti a."Mrs. Stephenson" Ben pawhin alo ti ve vat a.China thung chuan, "Hello" nuihza insum tih hriat tak hian a lo ti ve thung a.Ben chuan a biang lehlam lehlama han fawh leh zawk pah chuan China chu a thlah ve ta a.China chuan, "Ka type tur kha," nui chung hian a han ti ve pah zauh bawk a."A hmasain - copy," tih pahin Ben chuan choka lamah a kai phei ta nghal a.Hmel hlim takin Ben chu a han en a,ani pawh chuan a mitah tak alo en ve a. Rei pawh inen thei lo chuan an inpawm dun leh ta chawt a. Reilote emaw an tih chhung chuan an hriat ngei tura ringin Mrs Stephenson in Fortune a hau ri chu an hre leh ta mai a.Choka ah chuan coffee no dawmin an țhu ta țham a, Mrs Stephenson chu a ngainat zawng tak mi ni dawn pawhin China chuan a hria a. Engtikniah emaw chuan Ben chanchin pawh chiang zawka la zawh a tum rilru ran a.Ngawi rengin Ben leh Mrs Stephenson ti ti chu a lo ngaithla ve reng ringawt a,a fapa upa ber Geoff tana hnathawh tur a neihsak theih a rinthu te Ben chuan a hrilh a.An thusawi nilovin Ben chezia zawk chu China chuan alo thlir ve reng a.Ben chu a nui sang a,a mitmengte chu a nelawmin a de sar mai a,a lo en tih chu hria niawm tak hian a mitko a san ak a,China lam chu a rawn hawi ta a. Ani chuan chhungril tak ațanga hlim tih hriat tak hian a lo nuih ve var var a.An coffee in lai an inzawh chuan hnathawk turin study room ah Ben chu a zui lut nghal a. Dawhkanah chuan typewriter a dah a,a ep chiahah chuan țhuthmun a rem ve nghal a. Chutiang taka inhnaiha hna an thawh dun chu a lo ring ngai lo bawk a,a han dah chhuah apianga Ben a hmel a hmu tur ringawt pawh chuan a tibuai thei hial a."Tunah heng note......" a ti hman chauhva,phone ri chuan a rawn tibuai leh ta a. Dawhkan pawhdawha paper a lakhawm lai te chu China chuan a lo thlir reng a, jeans kekawrtlawn a hak lai te chuan a mipa pian hliah hliahna chu a khuh bo chuang lo.A pianphung rengah pawh a chungnungin thil a tihtheih hmel hliah hliah a, Women Magazine a chhiar țhinah pawh chutiang mipa chu an duhzawng anih zia an ziak kur ngiai nguai a,engmah țhat bikna ka nei silo, ti rilru neuh neuh chungin China chuan Typing paper leh Carbon(tunlai mite chuan an hre lo mai thei) te chu a rawlh țan ta a.English ațanga Italian țawnga lehlin leh tih a han hriatin China chu a phur sawt a,a tui em avangin Ben pawh ava melh zawk chauh a. Ani chu tukverha dakin huan lam a lo thlir vung vung a,a mitmeng a danglam deuhin a hria a.Chhun chawfak hun alo nih chuan China pawhin a chhu zo ve țep tawh a,zing ațang khan chawl hauh lovin ala thawk ngar ngar a; Ben an coffee in tura a tih pawhin a hnial tlat a.Nichina a hlim hmel kha chu a paih leh daih tawh niin a hria ani.An pahnihin chokaah chhunchaw chu an ei dun a, Ben a hnenah chuan a sumdawnna chanchinte China chuan a zawt a.University a chhuahsan ațangin a thawk nasa em em a,ram hrang hranga zin kualin a sumdawnna chu a țan zel a,tunah chuan khawvel khawi hmunah pawh ram zau tawk a neih lohn chu a tlem hle tawh ani.An chaw eikham hnu darkar khat emaw lekah chuan a chhu zo ta mai a.Tunah chuan an mikhual turte pindan tur singsak nan,Fortune nena an infiam nan pawh hun a nei thei leh tawh ang.Khum a siam lai chuan an mikhual turte chu duhsak kai chin an ni tih Ben a lo buaipui dan ațang chuan a hre thei a,Ben a pindan dawt chiah chu an luah tur a niin,pangpar tharlam tak takte chu a khawi a.Chumi ni chawhnu lam chu a buai ang reng hle a,a chhan chu thlai tharlamte khuaa va lei a,zanriaha ei hman tura siam a ngai dawn ani. Khua ah chuan a va kal zawk a,a lo haw leh lam chuan a hmaa Sports Car sen hniam sat mai tlan hi a hmu a,rinhlelh rual lohin Ben a mikhual turte an ni ngei ang. A rin aia hmain an lo thleng a, China chuan an inthuamna te chu a han en pah zawk a,kawrlum thawl deuh leh jean kekawr tawt lampang a hak chu an mikhual te hmuhpui loh a thlang zawk a,chuvang chuan zanriah ei hma chu inhmuh tir pawh a tum lo ani.Mahse a thiltum chu an kawta Ben a lo ding chuan a tisukuk zo leh ta vek a.A lo hmuh veleh chuan alama kal turin a lo hui vat a,lawm lo rilru tak chunga kalin Sport Car darthlalangah chuan a han in bih leh hram a. A sam chu hnunglamah a țawn khawm ringawt a,a hmaiah make up a hmang miah lo bawk a. Mikhual lo lawm tur chuan a inpeih chiah lo ani.Engpawh chu lo nise, Ben a duhdan a nih phawt ahnu a ti rilru a, Car ațang chuan a chhuak a,a pan phei ve ta a. Mi pahnih hi Sport Car ațang chuan an lo chhuak a,mipa leh hneichhia an niin, Ben a bul a thlen dawn chuan a mipa zawk leh Ben chu hlim tih hriat tak hian an in chibai lawp lawp a. Ințhian hlun tak an nih ringin China pawh chuan hlim takin alo thlir ve mai a.Chutah hmeichhe nalh tak slip a lo ding reng lam chu rawn hawiin a biangah chuan a fawhsak a.Chu hmeichhe lam a rawn hawi ațang chuan Ben a hmel landan chu inthlak daih in a hria a,ințhianna mai aia thuk zawk an karah chuan a awm em ni dawn aw? China chuan a lo ti rilru a.Ben chuan a lam rawn hawi lehin, "China, hei hi ka țhian hlun tak tak pahnih - Olivia leh Charles Daniel te nen hian ka han hmelhriat tir ang che: Olivia, Charles, hei hi China Harmon a nih hi," a han ti zung zung a.China pawh chu a nui sak a,anmahni lawmna thu chu a sawi ve niah niah a.Charles Daniel an a kut apek chu alo vawn sak a,ngaisang awm taka a en erawh chu China chuan Olivia Daniel zawk a lo en reng avang chuan a hmu lem lova. Chunu a han țawngchhuah takah chuan, hman deuha phone ațanga Ben rawn betu kha a ni tih a hrechhuak ta a.A kut rawn phar chhuah chu chak vak lo hmel takin chunu chuan a lo vawnsak ve a, "I dam maw Miss Harmon? Oh, min ngaidam rawh 'Miss' ka ti ringawt a,i ni em?" ngaihno bei tehchiam lo tak hian a ti a."Hello, Mrs Daniel, nia pasal ka la nei lo" tia nui pah deuh chungin China chuan a lo chhang a.Olivia Daniel chu kum sawmthum chuang tawh mah nise a nalhin a pianhmangah pawh a zei tih hi a hriat hliah hliah mai a. A taksa rem thlap,sweater dum leh knicker bocker a hak leh boot rawngsang a bunte chu a inhmeh hle mai a. Ka neih loh zawng zawng a nei ani,China chuan a ti rilru nauh nauh a.Olivia Daniel chuan chu nula naupang te chu ngaihsak lo tih hriat tak hian Ben a lam chu a hawisan a; a banah chuan a kut a va rawlh a,China leh Charles ten an hriat phak loh si hian a phun sap a,Ben chu a nui ta var var a.China a rawn hmuh chuan Olivia a vawnna chu dimtea thlahin Ben chuan a basket khai chu a rawn laksak a, "Ti r'u,inchhungah in tur vel i va ngaihven teh ang u Charles, puanthuah vel chu nakinah kan la mai dawn nia" a ti ta a.Hmer tel ve lova inngaiin China chuan choka lam chu a pansan thung a,a zanriah buatsaih tur chauhva a rilru dah a tum ngial pawhin Ben leh Olivia chu a rilru ah an lo lang leh țhin a.Hai rual lohvin Mrs Daniel in Ben a endan chu a hriat theih a,an lo thlen ațang khan a pasal a melh awm pawh China chuan a hre lo hial ani. Ben a nen an inkawp anih a ring ta ber a; khuma an mudun tur a han suangtuah phei chuan a thisen chu vawt rawih rawihin a hre hial thei ani. "Oh Pathian, hei hi thil atthlak tak ani,ka lo ngaihtuah tur a awm lo ve" a ti chhuak ta phawng a."Eng chu maw?" Ben a aw chuan a rawn ti ta phut mai a. China chu a inher vat a, Ben chu a kut lehlama basket khaiin kawngka bulah chuan alo ding reng a. China thin chu a phu dawt dawt a, chu palianpui huhang chuan pindan chhung chu khat nghal vekin a hre hial a."Eng maw i ngaihtuah loh vang China?" nui chung hian a han ti leh a. A bulah chuan lo kalin a basket khai chu dawhkanah chuan a dah a, "Engmah,ka țawng ve mai mai anih kha" China chuan a ti ta niah niah a.Ben chu a nui suk a, "Naupang thu zep thei tak i nih reuh hi mawle! kal teh,kan bulah in tur rawn lam ve rawh, Charles leh Olivia te nen pawh inhre chiang ve ula k duh alawm" a ti ta a.China chuan, "Ka inchei lo em mai" tiin a han hnial niah niah a.Ben chuan, "Ho lutuk,keiin nalh ka tih phawt che chuan a tawk mai" tih pahin a kai ta nghal a.A duhdan ngaichang lo leka a duh duha kaihphar a tum ringawt chuan China rilru chu a tina angreng hle a. Olivia mitmeite kha a hmu lo nge, zahzelah a rawn sawm mai mai lek zawk? Nge a țhiante chu kawm chak ve viau turah a ngai em ni?"I duh apiang hi i ti thei anih hi - ni lawm ni?" a han ti hmak a, Ben a makti hmel chu cho tak hian alo en hau a.Ben a hmui chu a chip hmak a, "I lo ring ngai nange - Sweetheart?" a ti ta a."Ring e, a chhan pawh i tilui țhin tlat a," a lo ti leh salh a.Hepa hi a rilru zawng zawngin a vei a,ani lah chuan a thu chauh leh duhdan chauh lo chu ngaihchan pawh a nei duh der silo.Ben chu a meng zim sat a, a kut a vawnna pawh chu a thlah nghal a, "Anih leh tunah hian?" vawt ruih hian a ti ta a.A insehruh dan ațang chuan engemaw tak chu a awm tih a hre nain, China chuan han sawi zawh law law chu țha zawkin a hre ta a: "In tur pawh ka duh lo theiin, i țhiante kawm pawh ka duh lo thei tih te hi ngaihtuah miah hek lo che" a han ti leh tan tan a; Olivia Daniel i hming han sawilan kher erawh chu a tum bik lo.Ben a mitmeng chu a rum ta kher mai a. "I tidik e,ka ngaihtuah lo reng ani. Tin,tihluih pawh i ni bawk hek lo." a inher nghut a,sitting room lam chu a pan ta a.China chu a ding vang vang a,a țawng chaltlai zia chu amah pawhin mak a tiin,a țim sung sung hial a.Chutah a inher nghat a, Ben chu a um leh ta lawi a!Engmah pawh zawt lovin a kut pek chu Ben chuan alo la ve mai a, "Ben, pawi ka ti khawp mai - ka hawihhawm lo hle tih pawh ka inhria ani; in tur pawh ka duhin, i țhiante kawm pawh ka duh e" a mitmeng ațang pawha ngaihdam dil tih hriat tak hian China chuan a va ti hnuhnawh leh a.Chiang zet hian a rawn en a,a kut chuan a hmer na sauh a; "Kei pawh pawi ka ti ngawt mai,thuneih ka lo tum lutuk deuh pawh ani ang e," nui chung hian a lo ti ve a.Inkuah rialin sitting room ah chuan an lut dun a, Charles Daniel chu tukverh bulah no dawm chungin a lo ding a,huan vel chu a lo thlir a. Olivia erawh chu mei bulah a lo țhu a, Ben leh China inkuah rial chunga an lo lut ta mai chu mit zim san hian alo en a. A hma lawkin inhnial bap bap mahse,nupa ang ve awm hle pawhin China chuan a inhria a."Enge i in ang?" tih tlangnel tum tak hian a han ti a."Vodka leh tonic ka duh ka ring," a lo ti vat a. A zamna tireh turin chak deuh hlek chi mamawhin a inhria a.Ben chuan a mitko chu a san awk a,mahse engmah sawi lovin a pe ta tho a; ama intur chuan whisky a thli nghal bawk a.Țhuthmun a han rem chuan hmeichhe pahnihte inkarah Ben chu a țhu a, Charles pawh a țhu ve tawh a.Pindan chhung boruak chu rit deuhva a hriat vang nge China chu a rawn be sawt sawt a.Charles Daniel chu mipa tling tak niin China chuan a hria a,a ngilneih hmelin a rilru pawh a zau hmel hle a. Olivia erawh chu a lu nat chhuanlamin a ngawi reng a,a mitmeng erawh chu chemte hriam tak ang niin China chuan a hre thung a."Ben a housekeeper i ni tiraw, engchennge a hnenah hian i thawh tawh?" Olivia chuan a rawn ti thut mai a. A hmui tlang sen mawi takah chuan nui hmel a pu nain,ngilneihna lam erawh chu a lang tel hauh lo."A la rei vak lo,karhnih pawh ala tling lo mai thei," China chuan a lo ti ve vat a. Olivia chuan a mitko a lo san ak a."Nupui ai chuan a hniam maw- Ben, my darling? A hmel ațang hian a thawk hah lutuk a ang hle mai" tiin China sam pawr deuh phang leh a inthuamna hlui tawh takte chu a mitmeng hring nghalh chuan a en pah ran a.Ben chu a ngawi reng a,nui hmel a pu deuh nain,a mitmeng chu a chawmawlh riau thung a; chu ramhuai hmeichhe lakah chuan a chha ngei China chuan alo ring a,mahse chutiang lam reng hriat tur a awm lo."A hmangaih ka ni asin" thinrim rilru tak hian a han ti a,chu nu a ngeizia chu a mitmengah pawh a thup duh bik lo.Mak tiin,thinrim se, heta țang hian chhuah hma phah nghe nghe se a duh hial ani.Charles an khawngaih hmel taka a lo en chu haiderin a thil in lai chu hmanhmawh tak chuan a in mawlh mawlh a; a tawpna tura a ka khat pawpa a han in chu a lem sual deuh a,a awm chu a dawm vang vang a. Olivia Daniel chuan deusawh tih hriat tak hian, alo nuih zui ta lehnghal a. Chutah a tho ta a, Ben a ngaihdan tur pawh dawn lovin ngaihdam dil niah niah chung hian a chhuak ta a.A theihtawka ulukin eirawng chu a bawl a,swwisel tur awm hauh lova siam a tum ve ran a.An mikhualte bula ei ve a lo tiam kha a inchhir leh rilru hle tawh a; tukin zinga a khawl chhut lai khan Ben chuan rawn zawtin,ngaihtuah chiang mang hlei lovin a lo aw ve mai kha a ni si a, â a inti hle a ni.Rawng a bawl peih hnu chuan nimin lama Fortune nen an lennaa an pangpar thliah a khawi te chu a la par nalh hle a,a khawina bur chuba birthday a Clare in a pek ani. Tin, Italy a a awm laia a cushion siam te pawh a awm bawk a. He hmun hi ama in angin a cheibawl a,a chhuahsan hun chuan a thinlung pawh a kehchhe ve ngei ang.Olivia Daniel a han ngaihtuah kai zel a,he nu lo thleng hian a dinhmun chu a tipawnlang riau in a hriattir a, Olivia Daniel emaw hmeichhe dang reng reng pawh Ben a ngaihzawng anga a han ngaihtuah chuan a thinlung chu a na nghal em em a,a thik tih loh rual a ni lo.Ben a veina hi a thuk em ani.Phat rual lohvin Ben hi a hmangaih ani.Chapter - 6A ngaihtuahna kawm chuan minute sawmhnih dawn lai a țhutna ngaiah China chu a țhu a.Engtinnge Ben hi a hmangaih mai theih? A hriatna pawh a la rei lovin,a hun tam zawk phei chu amah huat nan a hmang kha a ni si a,a lo haw lutuk mah mah em ni zawk?Thil chiang tak pakhat leh chu - Ben chuan a hmangaih lo ani,chu chuan a thinlung a vit na kher mai! Ka chhuahsan tur ani a han ti na a,an hawi kual vel leh meuh chuan a chhuahsan thei lo ani tih a inhre leh a,vei tak tak si lovin a thinlung chu a runsakin a hnehsak a,hnung leh hma, sir tawn tawnah a duh ang angin a vir kual tir vel a - Hrep tak a!A thova,a malchunga Fortune muhil chu a bawmah a dah a,tuiluma inchiah vang vang chu a tum ta a. Tuiluma inchiah luau chung chuan zanriah ei huna a kawr hak tur chu a ngaihtuah a,nalh takin a inchei tur ani. Tichuan Olivia Daniel leh Ben pawh zam bik hauh lovin a hmachhawn ve thei tawh ang chu.Tuilum tihrimtuia rei tawk a inchiah hnu chuan a lu su leh a,chutih chhung zawngte pawh chuan Ben chu a ngaihtuah lo thei lo.A inbual zo,a rawn pen chhuak chuan lungawi vak lo hian a taksa ruak kung chu a han en vel a; Olivia inkhaithli thlarh mai chu a ngaihtuah a,ani ve zawng a hnute a lian lutuk a,avunte chu a var lutukin sen ve deuh se a duh hle ani.Darthlalang hmaah a sam hnawng chiap chu a khuih malh malh a,nalh lo hlein a inhre thar leh ta a.Inngaihtuah neuh neuh chungin sitting room meilum bulah chuan a sam chu a hem ro a; a inngaihtuah muk em avang chuan kawngkhar rawn kik ri pawh chu a lo hre hauh lova. Ben chu no pahnih keng hian a lo lut a,a chauh hmel hle hian alo hria a. A lo nuih sak a,a sam la ro chiang lo chu a hmai velah chuan a tla darh hniang a, "Hello" alo ti a.Ben pawh chu a nui a, "Hi, coffee ka rawn ken che a,ka rawn zawm ve thei che angem?" no pek pah chuan a han ti sap a."Lawmluh i ni e,coffee min rawn pek avang pawh hian ka lawm e," tiin chair țha deuh ber chu meilum bulah chuan a hnuh hnaih sak nghal a.Ben pawh chu a țhu ve nghal a,China sam khuih dalh dalh chu a lo thlir reng a,light eng sen pakhat chauh hi a inchhi a,an pahnih chuan an lang sen no raih mai nghe nghe a. Pindan dang chu a thim hlawm hle thung."Khawiahnge i mikhual te kha?" China chuan a ti a.Ben chu a nui hawk a, "An pindanah an inhau a,lo inthiarfihlim san țha zawkin ka hria ani" a ti a."An chanchin min han hrilh teh,kum tam tak ațang khan ilo hre tawh em ni zawk?""Charles hi chu University ka kal lai ațanga ka hriat twh ani a,kan luh ni a inrualin, chuta țang chuan kan inkawm țan nghal a.Ka la hriat reng chu - Charles hian University a kal aiin Art College a kal duh zawk a,mahse a nu leh paten an phalsak lova; tunah hi chuan Architect a niin,a hlawh pawh a sang fu ani." A țhianpa chanchin a han sawi vel lai chuan Ben chu a hlim loh hmel riau a."Anih leh Olivia hi?" a aw chuba theih ang tawka pangngai thei ang berin China chuan a ti ve hram hram a."Kum li kaltaa Charles nen an inneih țumin Olivia hi chu ka hmu a.Model lar tak a niin,amah neih a remtih hma loh chu Charles hian a rim tlut tlut a," Ben chuan a ti mai a,engahmaha ngai lo hi a ang hle a.China pawh chuan mak a lo ti deuh a,an chanchin vel sawi chu ning tawh niawm tak hian pindan vel chu a en kual a, "Tunhma ang lo takin he pindan chu i luah nuam hle mai,ka lo kal ve hi i pawiti lem lo vang chu maw?" a han ti chawt a."Ti lo ve le,i lo kal hi ka lawm zawk asin," a ti sap a, Ben a hmel a han en chuan khawhar leh mal riauva hriatna a nei ta thut a, "Ben......" a mit a han en chuan a ka chu a ro hulhin,sawi leh tur pawh chu a hriat zawm ta hauh lo mai.An mit ve ve chu an la sawn thei lovin,a rilțamna chu China pawhin thup a tum tawh bik lo.Ben chuan a rawn hnaih ruak a,China hming lam reng chung chuan a rawn kuah ta chawt a.Vawi tam tak alo suangtuah lawk fo tawh țhin ang ngeia fawh rem taka a hmui lo dawh kau phat chu Ben chuan duhthawh zet mai hian a fawp ta vawng vawng a."Min kuah rawh China," Ben chuan a han ti sap a,a mamawh zia chu a hriat theih a,China pawh chuan nghet fe hian a kuah ve nghal chial a.A biangah te,a mit leh ir no var hai maiah te chuan a fawp mawlh mawlh a; chutah zet zawngin China pawh a zauthauna leh phurna chu a chawhthawh sak chiang kher mai.A hmangaihin a mamawh takzet ani.Ben an a hmui taka a han fawh leh takah phei chuan China thisen chu a lum zual ta pap pap a,a tirilah chuan a khur dar dar a, Ben a taksa lum tak chuan a taksa chu kng ham hamin a hre hial a.Chutah China hmai chu a kuai dak leh a, "I hmelțha kher mai China,ka mamawh takzet che a ni," a ti sap a.Ben an a kawrfual a phelhsak lai te pawh chuan China chuan lo hnial emaw, țan lo khawh emaw pawh a tum tawh hek lo; Ben an a khawih ang ang chuan a lo inpe ve hmiah tawh mai ani. A mitmeng te chu hlimna leh phurnaa khatin a de sar sar tawh mai a."China,hmangaih che ka duh a ni,ka hmuh hmasak ber ni ațang che khan......"A țawng lai chu China chuan a hmuiin a lo kharsak hmiah a,a dar pharh hlai țha deuh maite chu a kut chuan a chul ve riai riai a. Ben chu hmeichhe chinchang hre tak leh zei tak a ni tih pawh a khawih vel dan ațang chuan hai rual a ni lo. Ani China ve lah chuan mipa chinchang chu a hre lovin,a hmeichhe kawm țhinte nena Ben an a khaikhin dawnte a nih phei chuan tling lo leh zeilo a ti hle pawhin a inring a,mahse a rilru zawng zawngin a hmangaih si a.Chutia phur tak leh zei tak,duhthawh tak maia Ben an a hrawm vel lai tak chuan phone a rawn ri ta ral ral tlat mai le!"Ben....." China chuan a tisap a,kal lo zawk se a duhin,duh leh phone chu lo ri zankhua zak mai ang hmiang.Ben chu a nui suk a,a mitmengte chu a dam thluam a.Mahse telephone lam pana a kal chu a lawm vak lo tih a men dur leh tak deuh dan ațang chuan a hriat theih a.Reiloteah China bulah chuan alo kal leh a,a mitmeng chu a dur khui mai bawk a, "James" a ti sup a."Ben, khawngaihin......"Ani chuan, "Pawi ka ti khawp mai China" a ti sup a,pindan ațang chuan a chhuak a,kawngkhar chu a khar ri pah bur a.Khur dar dar chungin China pawh chu a thova,a kawrkilhte chu kut khur hlawk hlawk chung chuan a kilh ve leh ta malh malh a.A phurna sosang tak chuan a kiansanin,hnuchhawn leh mal ngawih ngawihin a inhria a. Oh, Ben! tia țah vawng vawng mai tak a chak a.Nula chuan phur lo takin phone chu a la a,James erawh chu a phur hmelin,a aw chu a rawn zangkhai țha veh vawh hle thung a.A tuk zana zanriah eipui turin a rawn sawm hi a lo ni a,England a a awm chen tur a hriat loh avangin a sawmna chu pawm ngei tur pawhin a rawn ngen a.China chuan a aw ve mai nain, Ben rawn ve leh phawt a duhthu a hrilh a,kalbona a hria chu Ben chuan thawven thlak huaia a rin a ring nghal a.A theih anga aw pangngaia James chu biak a duh hle nain,a hlawhchham titih a ni ber mai.James pawh chuan thildik lo a awm anih a ring nain, chulam phei chu engmah a rawn zawt duh bik lem lo a.Muangchangin zanriah eitur chuan a insiam ta a. Kawr var thianghlim tak,a ruk taka pangpar pawl zam reih hi a ha a; silver țhi a awrh leh a,chutah sandal keartui sang pawdal lam hi a bun leh a,nidang zawng aiin make up pawh a hmang uar a.Darthlalang seipuia a han inen leh chuan amah pawh a lungawiin, Olivia Daniel han hmachhawn leh pawh chu a huphurh lo sawt tawh ani.Choka lama a eitur siamte a endik leh hnu chuan dinning room lamah dawhkan rem turin a kal leh nghal a,sitting room a Olivia Daniel nui har har pawh chu a hre thei a, Ben a tihnuih vel a ni ngei ang chu.A inpeih fel hnu chuan sikret a țan a,hip vang vang chungin tukverhah chuan a dak a,van thiang kuk maiah chuan thla pawh chu a bial teuh tawh hle a; thlasik rimte chu nam rum rumin a hria a. Enge ka tih tak ang? tiin a inngaihtuah neuh neuh a. Heta a awm a,a hmangaih dan pangngai renga Ben hi a hmangaih anih chuan ka thinlung a kehchhe vek ang, a ti nep nep a.A dar kut hrawlpuiin a rawn vawn chuan a hawi chhuak nghal zawk a, a bul maiah Ben chu a lo ding reng a. "I țha maw?" aw dam thluam hian a rawn ti a,a lamah a kuai her a,muang zet hian a han en a.China chuan ngawi rengin a en a, a țawngkam leh mitmeng ringawt pawhin a hneh theihzia a inhriat chuan mak pawh a ti zawk hle a. Hei aia nasa pawhin Ben chuan a ti thei si a.Zanriah ei tur chuan a lo inthlak ve tawh a,a sam dumchhah tak chu a la hnawng chap a. Dinner jacket var leh kekawr rawng thim lampang deuh a ha a,a rawn hnaih em avangin a scent rim pawh a hre theiin, a lungphu chu a rang leh ta sawt a."Țha e, ka țha khawp mai,khatianga min han kuah vel khan kehchhe tak vek turah min ngai em ni?" a ti hmak a.Chutah Ben a mitmeng ngilneihna chu a bo nghal vek a, "Ngai love,ka ngai hauh lo mai; i lak ațanga engmah beisei loh hi ka zir bawk," vawt ruih chuan a ti ve ngat a. A țawngdan chuan chemte ang maiin a khei na a. A dara a vawnna kut chu enin, "I kut hi lasawn rawh,min timur sung sung ania," a han ti leh a.A thlah chuang hauh lo,vawt ruih hian a en a, "Chuti chu lemchan thiam tak inih chu,min lo chhanlet dan te kha a bu ang thlap a ni si a," a han ti leh a."I hre dik lo anih chu, ka hua che," China chuan a han ti ve leh hram a.Ben chuan a dar a san uk a, "Ka hria,ka khawih i ngaithei lo tih pawh; i ka lum hiam maiin phur lutukin min lo chhawn ve tih loh chu - i pha thei bik lo vang China. Ka hriatnaah hian nemkai a ni tawh," a țawngkam tin mai chuan China chu a tizak hle mai."Ben.....ka.....i....." Ben a hmel rum tak a hmuh chuan a thusawi lai chu a tawp leh chawt a."I vun var no tak te kha chance ka neih lai khan lo hneh ngei tur che hi ka ni a," pehhel hmel deuh hian a han ti a."Chutiangin chance i nei hauh lo vang," a lo ti ve leh vat a.Za lo tih hriat tak hian Ben chu a țhen sak a, "Min dang thei lo vang,ka duh nasat tluk zet chein min duh ve a ni darling," a lo tihsan hmiah a.China chu a ngawi ta reng a,sawi leh tur a hre tawh lo ani. Deng na hle mahse Ben a sawi chu a dik tlat bawk si a. A vawnna chu thlahin sikret a țan a, dawhkan tlanga țhuin China chu a en run a, a thinrimna pawh chu reh tial tial hian a hria a.China chuan thawha chhuahsan daih tur niin a hria a,mahse chutianga ti turin a chesawn thei hauh silo.Pâ tih hriat hliah hliaha mei a pak vel chu a lo thlir reng a,hmuhnawm a tih hmel hle a. Ben chuan a rawn nuih ta suk a, "A pawi hle mai,inhmuh apianga in hauh tak ziah mai hi, kan inkarah hian eng nge awm pawh ka hre lo. Naktuk zanah zanriah eiturin ka hruaichhuak thei ang che angem?" China mak ti lutuk hmel a han hmuh chuan, "Engmah hlauhtur a awm lovang Naute,zanriah ei chauh tak tak - bul țan țhat nan," a han tih zawm leh a.'Aw' ti thei sela a duh kher mai. Bul țan țhat leh chu an mamawhin, an inkar boruak pawh a siamțha mai thei a ni. Mahse James a hnenah a lo aw diam tawh bawk si. "Ka thei lo vang tih ka hlau khawp mai," a ti ta zawk a."Engvangin maw? Min han hrilh teh China,ka hre ve ngei tur ani.""James nen ei dun kan lo tum tawh ani," dul raih hian China chuan a han ti a."Ka hrethiam e," a aw chuan ngaihno a bei lo ta kher mai!China chuan han sawifiah a,zan dangah te pawh a theih ang,tia han sawi a tum a,mahse bung vut hian Ben vek chuan, "Pathian hmingin,sawifiah a ngai lul lo mai," a ti hmak a,a chhuak nghal ta daih mai a.An zanriah ei chu a tuihnai hle nain China chuan a ei tlem kher mai thung,a ril a țam lo tlat ani. Soup tlem a in ve tih mai loh chu,an mahni vilin a tho chhen ringawt a, mahse chu chu ei thei mang si lova țhut ve reng ai chuan nuam zawkin a hria ani.A kawr dum hak,lunghlu leh rangkachaka cheimawi a hak chuan Olivia chu a tilang nalh lehzual hle a,a pasal awm ve pawh hre lo ang maiin Ben chu be bik deuh reng a. Ben a ngihsak a phutzia chu Ben a ep chiaha țhu China chuan mak alo ti hle a. Ben chu a nelawmin a hawihhawm hle na a,tilui a ang zawk mahin China chuan a hria a.A nupui chetdan mawi lo tak lam pawha a rilru la peng hman lo lekin Charles leh China chu an lo ti ti tui ve hle a; sangha chanchin sawiin,Olivia țawng dengkhawng tak an hriat hma phei chuan an titi tui hle ani."Thawnthu ang mai lah ni - mahni rawih laite chaw han kilpui chuh! I rilru hi a zau lutuk ani, Ben my love."An ngawi ta țhap a,China zak lutuk chu a sen ap ap bawk a, thla neiha thlawh chhuah daih hi a duh ber tawh ani. Ben chuan thildang daih ngaihtuah niawm tak hian a lo en reng a,a dawhkana thil thleng chu hria pawhin a lang lo."I lei kha veng țha rawh, Olivia!" hmai sen awp awp khawpa Charles an a rawn tih chu a ring duh kher mai.Olivia chu za lem lo tak hian a nui hak a,a pasal lam chu hawiin, "Charles hi chuan a chan chhe lam apiang hi a țan zel mai țhin a ni," a ti duh lek a.Charles hmai chu a sen nasa zual sauh a,thinrim insum tih hriat tak hian, "Ka hrilh nawn tawh lovang che Olivia," a rawn ti ve ta hmiah a."Oh, Charles, nuih i ti za em mai," Olivia chuan a han ti leh hram a.China chuan a chaweina thirkut ken lai chu dawhkanah chuan a thlauh tawp a,kut khur hlak hlakin a ka chu a hup chawt a; a hmai te takte,zam hmel em em mai chu Ben chuan mit tizim san hian a rawn en a."Olivia, i room lamah kal mai la a țha ber ang," ban charh si, thupe aw tak bawk si hian Ben chuan a ti ta a.Olivia lah chuan a rawn en vat a,a hmui sen hlar chuan a cho hmel kher mai! Mahse Ben hmel chu a rumin hnial hneh chi ni dawnin a hre ta lo va, Charles leh China chu rum zeta melh chung hian a chhuak ve ta a. Ri bur khawpin kawngkhar chu a rawn khar tau sawk a."Ben, sawi ngaihna pawh ka hre lo," China lam chu rawn hawi lehin, "Olivia nungchang mawi lo zeta ngaihdam dil mai loh chu," Charles chuan a ti ta vat a.Charles hreawm ti hmel a hmuhin China chuan, "I thiamloh a ni hleinem," țhensak chung hian a lo ti a."Olivia tan coffee kensak la a țha ang," zaidam takin Ben chuan alo ti a.Chu pindan chhuahsanna remchang a hmu chu a zuang tho ta vat a,a lawm hle a.China chu a kun ngaih a, a coffee la sa țha tak chu a inlui ve hram hram a."China khawngaihthlakte, i zanriah tui tak chu a chhe leh ta," Ben chuan a ti a.Tunah chuan a hmasa ber atan hmangaih a lo nei ve ta a,engtinnge a a sawi kha? Hmangaih neiha chan leh chu neih loh ai chuan a țha zawk! Ben chu a hloh a,mahse a damchhungin a hmangaih dawn a ni. Tunah tak hi chuan hloh leh chan lampang chu a rilruah a awm lo,a hlim ve em em ringawt mai ani. 'Ka rui a ni hial ang,' innuihzat rilru tak hian a han ti sap a, amah chauh chuan a nui hak a.A hnu lawkah chuan dil kotlanga Ben a lo ding ve reng chu a va hmu ta thut a. Ani chuan thatchhiat hmel zet hian mei a lo petkawh a,a tuicheng lai chu a lo thlir reng niin! Ka â ta emaw a ti ngei ang,tun ang zana mahni chauha tuia chen a,han nuih tak hawk hawk chu, tiin a inngaihtuah a."Enge i rawn tih dawn?" tui beng per sak sak chung chuan a ham ti ngawt a."Huana ka leng velin i eng chhit hi ka hmu ani.""Rawn cheng ve ta che.""Mahni chauha awm i duh lo em ni?" nui chungin Ben chuan a han ti ve a."Duh hran lo ve,mahnia awm ka duh vanga kal ka ni hleinem,reilote han chen zawk ka duh vang mai ania,tui lah chu a lum nuam nasa mai si a," China chuan alo ti zung zung a.Chutah rei pawh rial lovin Ben chu a rawn zuang lut ve ta a,tuichen thiam tak a niin, a taksa hrawlpui mai chu tuiah chuan a leu kual pawp pawp a."I hlim hmel hle mai," China bul a hleuh thlen chuan a han ti a.China rilru chu a na zawk a, Ben a han en phei chuan a taksaa tui awm te chu lunghlu ang maiin an eng sar hlawm a. "Engmah ngaihtuah ka neih loh vangin ka hlim a ni," nui chung hian a lo ti ve mai a.Ben chuan, "I vannei hle mai," amah en reng chung chuan a han ti a.Chutah awki hniam leh titak hmelpu zawk hian, "China, thu sawipui che ka duh a ni," a han ti leh a. China erawh chuan lehlam a lo hawisan vat thung a."Thutak viau teh suh - Ben, zanin chu ka tuar thei lovang," tih paha han kalsan mai hi a tum a. Mahse Ben chuan a banah manin, a lamah a pawt hnai ta sauh a."I tuar thei ngei ang.""Ni lo.""Anih leh min fawp rawh." A talchhuah theih loh nan Ben chuan a pawm bet tlat a,rilțam leh duhthawh zet chuan a fawp hmasa ta a,a kut chuan a taksa huh te chu a chul pah zel a. China pawh chuan insum thei bik lovin a lo kuah ve a,a fawp let ve ta a.Mahse reiloteah China chu a inhre chhuak leh thut a, țan a han khawh leh hnuhnawh a.A rin loh deuhin Ben pawh chuan a kaltir ve leh ta mai a."Chuti lutuk chuan khirh viau reng teh suh Naute, i hmui khan min sawm tlat alawm. Naktukah Charles leh Olivia pawh an chhuak ang,helai an rawn tlawh chu tifuh an inti lo ngawtin ka ring; Olivia han tihdanah che khan Charles lahin hreawm a ti em em bawk si," a ti ta a."Engmah a pawi hleinem,i țhian a ni a,keimah avanga an chhuah chu ka duh lo asin," China chuan a lo ti vat a.Ben chu a nui a, "Ka hria alawm, Charles tan chuan ngaihzawn i awl ngawt ang," a han ti ve a.Hrethiam lo tih hriat tak hian China chu a meng phar ak a, "Ka hrethiam hauh lo mai," a han ti a."I hrethiam lo maw? Mipate i hipzia hi i inhre lo tak tak em ni?" Ben chuan alo ti hu a."Min nuihzat hle mai maw?" rilru na ang reng takin China chuan a han ti ve a."Oh, China, i inveng reng mai a," nui deuh chung hian a ti a. A hmai hliaha a sam rawn tla te chu a huihkian sak a, "Charles chuan a vawikhat ennaah che khan i hmelțhatna te,i ngilneihna te a hmu nghal vek a,a mit pawh a lasawn hleithei lo anih kha; ani tan chuan thlalera tui tlukin i hlu a ni," a ti ta duah a.China chu a sen ap ap a, "I rilru a bawlhhlawh em mai," a aw control tum tak chung chuan a han ti bauh a."Chutiang a ni lo tih chu i hre chiang a ni, James a chanchin min han hrilh teh," aw pangngai tak hian a lo ti a.An thusawi a thlak ta thut chu makti deuhin Ben a hmel chu a en a, James a chanchin hrilh tur reng a hre lo. A thinlung chu amah Ben a ngei chuan a luah vek si a."Ka ngaina khawp mai," a ti ta sap chauh a."Ngaina-! Thu i va han pehhel thiam awm ve mawle," awih lo tih hriat tak hian a han ti a. China chuan a ngei kher mai; a fimkhur thiam viau loh phei chuan amah a hmangaihna hi a sawi chhuahtir mai ang tih a hlau va,a fing ropui si."I lo inrawlhna tur anih pawh ka hre lo," a ti ta hmak a."I ring sual a nih chu,ka hna chu ka siam mai țhin. Min hrilh teh China,i mitmenga thil suangtuah nei tih hriat taka ka hmuh che hian James hi em ni i ngaihtuah țhin,nangmah chauhva i awm te hian?" a aw chu a hriamin a dar a vawnnate chu a hmer na zual sauh a.Chu October zan thla engah chuan thlifim a thaw heuh heuh a.Chuti takin hriat a lo awlsam em ni? A hmangaih tih pawh hi a lo hre daih tawh ang a?"Lo ni ta se, enge ni hmangaihna awmzia pawh i hre lo," a han ti ve sak a.Ben chu a nui hawk hawk nain,ngaihthlatu tan chuan a hlimawm fahran lo hle a, "Thudik chu kan pawh ta nge nge maw? Ngaina tih ai chuan Hmangaih tih chu a dang deuh lo maw? I pawm zawng a ni em?"A aw chu a changin,a thusawi chu a ngaisual tih a hria. James chu a hmangaih nia ngaiin,amah chu a in dah bo der ani."Min tina a nia," China chuan a han ti a. A dara a vawnna chu a na a tiin,a ruhte chu hmer tliah a tum ni hialin a hria a."Thah hial che ka duh a ni," Ben chuan a ti hmuk a,mahse a vawn chu a thlah ta tho va."Engvangin maw?" China chuan a ti ha a,a hlau deuh bawk a. "I â a ni," lu thing nar nar chung hian a han ti leh a."I ti dikin ka ring. Ti ta daih ila,naktuk hian ka kalbo dawn a,chawhnu lamah ka thlawk chhuak ang," Ben chuan a ti ta a.A thu hriat chuan China chu a țhawng nasa kher mai a, a aw te chu a lai ta hial a."Kalbo i tum amaw - khawiah - engchen nge?""I va phu nasa ve! Min ngai hle dawn em ni China?" ngai thutak lo zet hian a lo tihsan mai a.Chhiahhlawhin a pu a ngai ang maw? a harsa ngawt ang." A rilru tak a sawi chhuak ang tih hlauvin,fiamthua han chhan liam mai a tum ve na a,mahse a hlawhchhamin deusawhna lam a ang ta mah mah a.A inhum khawng danah a thusawi chu a ngai haw hle tih a hriat mai a.Chiang zet hian a rawn en a, mahse engmah chu a sawi lo. Oh, chhuahsan lo tura ngen mai a va duh em! "I hna lam em ni?" a aw chu a zawiin a sin hle a."Ni e,i ngaihven ve anih chuan ka hrilh ang che,ka kalna tur chu Egypt ania. Tahchuan ram zau tak min zawrh a,lei ngei ka rilruk bawk,i lungawi tawk em?""I thang rei angem?""Thla khat emaw,a aia rei emaw pawh ni mai thei,engvanga min zawt nge i nih? Ka tukkhum lam hmuh chu i chak viau lawm ni? Nge ka kalbo hlana James nen in awmdan tur siamfel nghal i duh em ni zawk?" a ti a."Ka hriat duh chhan chu - phone chhan tur leh ei tur leh thildang.""Lungngai suh,ka lo haw dawn chuan warning ka pe em em ang che, tichuan i bialpa pawh a lo insaseng hman anga, tin, phone lam kha chu ka kal hmain tihdan tur ka hnutchhiah dawn che nia," a ti a.Dil kotlang lam chu a pan ta nghal a.China chu a chhing vang vang a,kal tir a duh lo ani. Hetia inrem lo taka an awm lai phei hi chuan. Ben a hming chu zawi te hian a lam sap a, Ben chu a rawn hawi let a, a hmel ngui tak chuan China thinlung chu a khawih hle nghe nghe a."Enge ni ta?" chang fal hian a rawn ti a."Engmah....! Min ngaidam rawh," a inher a. Ben a kal lohna lamah chuan a hleuh phei ta nghal a. An inkarah chuan thu inbat leh sawifel ngai a tam hle pawhin a hria ani. Ben nen chuan an sawifel hmasa ngei tur a ni. A awmna lam chu a va en a,a dak phei a,mahse, Ben reng hmuh tur a lo awm tawh si lo; a mittui chu a rawn far ta zawih zawih a.A tuichen tawh hnu pawh chuan a rin ang rawk chuan a muhil thei ta mai chuang lo va,kar tam tak Ben a thangbo tur chuan a rilru a luah hneh lutuk a,awmngaihna pawh a hre lo hial ani. James a ngaizawng angin Ben khan a ngai a,nuihzatthlak zawk hle ten a hria a. Buai deuh nuaih chung chuan a muhil ve thei ta hram a.Sana chiri vang vang chuan China chu dar sarihah a kaitho ta a,a nun chu a nguaiin,a inbual pawh chuan a tiharh hleithei chuang lo.A inchei peih hnu chuan choka lam chu a pan a,nizan lama a lo rem sa,Tray pahnih leh Ben a coffee tur leh a mikhual Olivia Charles a coffee turte nen chuan a siam a. Tray chu fimkhur tak chungin a chawi a, Fortune chu huan lamah a chhuah ve ta nghal a.A coffee nghah chhung chuan a sam chu a țawn malh malh a,a jeans kekawr hlui lam tawh leh a sweater kawr da lam tawh chu a en vang vang a; mahse nalh zawka inchei pawh a engto thei tawh lo, Ben a kalbo ni tir a ni tawh miau si a.Coffee chu jug pahniha dahin Olivia te nupa chu pek hmasak a tum a.A Tray chu fimkhur taka chawi lehin inchung lam chu a pan ta a. Ben a room zawn a thlen phei chuan thawm a dim lehzual a; Ben a kawngkhar chu a inhawng a,a beisei loh lutukin pindan chhung ațang chuan Olivia Daniel ngei mai chu a rawn lang ta hlawl mai a,a rawn hmuh tirh chuan makti hmel a pu nain,a reilo kher mai. Hnehtu chanchang inti hmel fahran hian a nui deuh sawng a. "Ah, coffee......" tih pahin China kut ațang chuan a la a,lawmthu pawh sawi der eih lovin ama pindan lamah chuan a luhpui ta nghal hmiah a.China chu damlo na tak ang mai hian a petek nghal dawrh a,thil awmdan chu hai rual a ni lo. Olivia Daniel chu Ben nen an riak dun a ni chiang mai! An piah lawkah a pasal ngei amah chauhva a mut laiin China in a lo rinhlelh rilruk ang ngeiin an inngaizawng chiang a lo ani.China chu a pum mai chuan a khur ta hlawk hlawk a.Engtinnge nizanah te khan khatianga phur leh duhthawh tak khan a lo fawh theih? A bialnu nen an riakdun dawn tih hre reng chung lehnghalin?Mittui nen China chu inhnuai lamah a tlan thla leh dawr dawr a,a thinlung chu a na ngawih ngawih a,heti khawpa khawngaihna nei lo mihring hi engtinnge a lo hmangaih mai theih?Chapter - 7Karthum hnuah chuan Athens thlawhna țumhmunah China chu a lo chhuak zan zan a, passengers dangte nen chuan Airport building lam chu an pan ho va.James hmuh mai tum chuan a hawi vel ruai a,mahse a hmu mai ta hauh lo. Vawiina a lo thlen tur hi a theihnghilh em lovang chu maw a ti rilru nauh nauh a. Mahse passport endikna hmunlam a pan lai chuan James chu ava hmu ta a,a hmuh veleh chuan hlim takin a rawn nui var var a; China pawh chuan a lehkhate an endik a,an kaltir leh hnu chuan hlim takin a va pan a. James hlim hmel chuan a tihahdam sawng sawng a."I la hre reng maw?" nui hawk hawk chungin China chuan a han ti a."Aw, tehreng mai," tih pahin a biangah chuan a fawp zauh a, "I cher hle mai," a han tih zawm leh a."Min hmusual a nih chu," tiin a lo pha zaih a. Mahse tun ni reilote ațang khan a rihna a tlahniam hle tih chu a inhre ve reng a ni.James chuan a dar a san ak a, "I thawmhna kha ka lo keng ange,tichuan Hotel chu ka entir dawn che nia," tih pahin China suitcase pahnih chu a khai ta a. Sport Car var inhawngsa lam chu a panpui a,a dahfel hnu chuan passenger țhutna lamah chuan hruai leh a,han chhaih fiam vel pawh a tum chuang lo."I țha maw James?" China chuan a ti a. Tunah chuan Airport building tlanpelin,kawngpuiah an tlan leh tawh a."Țha e,tunhma ai chuan țha chuang lo.Thu hrilh tur che ka nei asin - Ngaihzawng ka nei a...." hlim hmel tak hian a han ti a.China pawh chuan rawn en zawk pahin a kiai ve sak a.China chuan mak a ti deuh nain, a lawmpui em em a, "Ka lawmpui hle mai che,ka hriat mi a ni angem? Greek mi em ni James?"James chuan a lu a thing a, "Ni lo, Greek mi chu a ni lo,i hre mai thei ani,mahse tunah chuan ka hrilh vek thei lovang che. China,ka hrilh theih zawng che chu a hmelțha em em a,nang pawhin i ngaina ve em em ang tih hi a ni mai," a ti a."Ka ngaina ve ngei ang tih ka ring,tunah rih chuan ka dilchhut lo mai a ni ang chu; engtikah nge min hmuhtir theih ang?""Ka hre lo,a rei lo vang," tiin James chuan a lo chhang a."I lo țuanrang hle mai maw?" melh relh pahin China chuan a han ti a."Chutiangin min dawpchhuak mai mai lovang," nui hawk hawk chungin James chuan a lo ti ve a."Tu hnenah mah ka la sawi lova,i bulah ka la sawi mai mai chauh a nih chu. Nang engtinnge i awm zawk,i țha em? Kan inhmuh hnuhnun ber ațang khan thil awmdan engkim min han hrilh teh,engvanga dang leh cher em em nge i nih?"A chhan theih loh tur thil tam tak a zawt a ni. "Ka țha e, han sawi vak tur thil engmah ka chungah thleng lo. Tin, ka cher leh dan thu min hrilh avang pawhin ka lawm e," rilru na ang reng tak chung chuan a ti ve ta bauh a."A pawi hle mai Love, ka ngaihtuah em che a ni. Engtinnge Ben kha?"Ben a hming han lamrik mai pawh chuan a thinlung a tina a, "Ka hmu bik lo,a țha ang ka ring; Egypt ah a awm daih a...." a ti zung zung ringawt a."Engtinnge a ngaih i hna bansan chu?" aw pangngai tak hian a lo ti leh a.China chu a sen ap ap a, James an a hmalam chauh a en chu a lawm rilru hle a."A lawm lo khawp mai,mahse tihtheih dang nei si hek lo," China chuan a ti ta ringawt a. Mahse Ben chuan a hna a bansan thu hi ala hre kher lo ang, James a han hrilh chu a tum bik lem lo a.A lehkha hnutchhiah kha a hmuh hunah a la hre tho dawn a.Athen khaw chhung laili an thlen chuan kawngpui te deuh zawkah an peng a,kawngsira thingphun tlar țhut chu tlanpel zelin,reiloteah an ding ta a."Hei hi ania," tiin James chu a zuang chhuak a, China zawn kawngkhar chu a rawn hawnsak a.Hotel laihawl vel,changkang tak leh nawm hmel tak kawtah chuan an ding a. A hualvel chuan huan,nihliap lianpui pui zar leh a hnuaia chair inhung khapte hi a awm zel a.James chuan a banah kaiin,inchhung lamah chuan a luhpui a, "A vai hian rawng kan hnawih țhain kan chei țha vek ani," chhuang hmel tak hian a han ti a. China pawhin nuam a ti hle nghe nghe a.Mahse China chu a lo kalna khawlum nen,a chauvin a tuite a hal riau mai a,mahse James chu a hlimin a phur nasa si a,a sawichhuak hreh deuha ni.Mahse a hmel a rawn en chuan a awmdan chu James chuan a rawn hrethiam ta a ni ang,a chal chu James chuan a han beng tlauh tlauh a, "Aw Pathian,ka chhaw lutuk! i tui a hal dawn tehreng nen,kei lah chuan țhu hman pawhin ka siam si lo che a!" pawiti tih hriat tak hian a han ti ta hluai a.Inchung berah chuan hruaiin,țhutchawlhna pindan nuam zetah chuan an țhu chawl ta a."Enge i duh ang?" tiin a han zawt a."Khawngaihin thingpui leh sandwich min pe ta che," China chuan a lo ti ve vat a. Tukverh lam a pan lai te chuan a pum chu a ri raih raih a."I sawi te chu thupek tluk alawm,ka thang rei lovang,i in ang chiahin ngai rawh," China in a chhan ve hma chuan a chhuak a,a nui ta sak a.Ben nen chuan inang lo a ti kher mai.Tukverha a dah lai chuan a chung zawnah thlawhna hi thawm ring zetin a lo thlawk a,khawchhung lamah a thlawk lut zel a. A en reng lai chuan China chuan mal riauva inhriatna hi a nei leh t thut a,enge hetah hian ka tih? tiin a inzawt a. Heng thleng thleng hian Ben a tlnchhiatsan tuma kal em ni a nih?A inngaihtuah ding lutuk hman hmaa James a lo lut leh hman hlauh chu a lawm zawk kher mai. Ben a ngaihtuahna chuan a rilțamna hnawt hle mahse,thingpui leh sandwich chu a in lui hram hram a."Henglai hmun hmu tura Holiday i rawn hmang duh chu lawmawm ka ti kher mai,i rilru i siamfel hma chu i awm ve rih dawn nia," thingpui han thlitsak leh pah chuan a ti a."Kei tak ania,ka hmu leh thei che hi ka lawm tak tak a ni. Engtikahnge i haw leh theih ang," China chuan a lo ti ve sauh sauh a."Thlakhat hnuah chuan kan haw leh thei mai ang. Ka partner Paul kha State ah a awm rih a,karhnih hnuah a lo haw theih ka ring a; tichuan kan pahnihin karhnih vel endik lehna hun kan nei bawk anga,nang pawhin i rilru siam fel nan hun tam tak i nei a nih chu," James chuan a ti a.China chu a nui sak a,Helaia hnathawhna awm thei chu a țha mai thei a ni,mahse thutlukna han siam nghal mai chu țhain a hre rih lo va. Muangchangin a thova, "James,reilo deuh han chawlh rih rem i tih chuan ka zinnaah ka chau deuh riau mai," a ti ta a.James chu a bu nghat a,a tho ve ta nghal a, "I pindan tur ka entir ang che," tiin a pindan tur ruatsak lamah chuan a hruai ta a. Zanriah ei huna hmuh leh intiamin a kalsan ta rih a.China chuan a bedroom a pan nghal a,tuivawtin a inbual a,harh phah sawng sawngin a inhria a. England a a awm lai kha chuan vawt tiin a khur lo chauh kha a ni si a. Khuma muzal chung chuan Aspenmere Hall lam chu a ngaihtuah leh ta vang vang a.Ben a pindan ațanga Olivia lo chhuak a hmuh ațang kha chuan awmreng thei a ni lo tih a inhre nghal a,tichuan coat a hmuh hmasak ber chu la in,ramhuaiin an rawn um ta emaw tih tur khawpa chakin in chu a chhuahsan ta vang vang a.Huan chhungah chuan lutin,thing sang pui karah chuan a ding a,a mittui chu dan rual lohvin a far nghal zung zung a. A rilru na lutuk chu thi thei dawn hialin a inhria a,darkar tam tak thing bulah chuan țhuin a inngaihtuah nauh nauh a,hun lam reng a ngaihtuah chang lo. Chhum a rawn zin tak chuai chuai ah chuan hreh zet chungin a haw ve leh ta a.Egypt a Ben a zin hma:-------------------------------------Ben an a lo hmuh chuan a thinrim kher mai; dar sawm pahnih a pel tawhin, Olivia leh Charles pawh an lo haw tawh a. "Khawiahnge i tawmbo daih?" thinrim zetin China khur zaih zaih chu a en reng a.China chuan, "Ka chhuak zawk," ti chauhvin a chhang ve mai a."Ka mamawh huna heta awm hian hlawh pek i ni, Mrs Stephenson lo kal hlauh lo phei sela chuan....."hachang țhial rawp rawpin Ben chuan a han ti leh a."I lungawi lo a nih chuan engatinge min ban mai loh?" China chuan alo ti ve hmak a.A banah chuan a rawn vuan a,a.pangti vawt thler mai a han khawih chuan, "Engatinge,i dam lo em ni?" a ti a."I hmel hian min ti dam lo a ni. Engatinge min kalsan mai loh? Chhuak tura min duh chuan ka chhuak ang,i rilru siam fel vat rawh," China chuan a ti hmak a.Ben pawh chuan a vawn chu a thlah a,engmah a zawt chhuak dawn chuang lo tih a inhria pawh a ni mahna. China chu a roomah a inkalh hnan ta hmiah a.Tun thleng hian mahni țhianțha ber te nupui mutpui duh turin Ben chu ala ring thei lo. Mahse mipa dang Signor Cencelli te ang lek a lo ni.Mi danglam tak turah a lo ngaiin,engtik niah emaw chuan a hmangaih ve te pawh a lo beisei ve kha ani a. Nuihzatthlakin!Airport a a kal hmain Ben chu a hmu zawk a,a pindana a tawmbo reng chuan a rilru thlakin a kalbo leh lo mai ang tih a hlau a ni; a dam lo pawh chu a thil ei dik loh vang mai mai anih a rinthute a hrilh a.Ben pawh chuan a lo awihsak ve mai a. Tihtur te hrilhin rawn phone pawh a tiam a. China chuan nui chungin a be bawrh bawrh a,a pangngai zia lantir chu a tum ber a. Mahse a hmu leh dawn tawh lo tih hriain a thinlung chu a na takzet a,a rum chhuak lo chauh a ni. A chhan chu Egypt ațanga Ben lo kir leh hun chuan he Aspenmere Hall a lo awm hi a tum tawh lo a ni.Ben chuan pawma fawh a duh tih a hria,mahse tawh hlek pawh a tum tawh si lo. Ben a hmui chu a chip hmak a,an inbiakna pawh a tawiin a bung thei hle a. Tichuan thinrim tih hriat zet hian a kalsan ta a. A car tlan liam tur a han hmuh phei chuan China chuan a thinlung chu kehsawm hialin a hria a; James nena zanriah eitur pawh chu a țhulh a,khumah a mu nileng ta ringawt a ni.Aspenmere Hall chhuahsan pawh a rin loh takin a awlsam hle a,Ben a kal hnu lawkah James chu Athens ah a kal ve a,China chuan a phone nghal a; hman deuhva hna a sawi hmuh kha engtinnge tih a zawt a ni. James chuan hlim tak leh engmah pawh zawt buai si se lovin,chawlh hman paha enthlithlai turin a lo sawm zui nghal mai a.A bungraw neih ang ang te chu tel felin,a thilneih țhenkhat leh Fortune chu a lo kir leh hma atan lo enkawl rih turin Mrs Stephenson kutah chuan a dah a. Aspenmere Hall hi a lo ngaina hmanin,sulhnu engmah hnutchhiah nei lova a chhaahsan ngawt tur chuan a tilungngai ve hial reng a ni.Ben awm loh hlana lo chhuah daih mai pawh chu dawihzep thlak hlein a hre na a,mahse ti lo thei niin a inhre tawh si lo. Ben a hmangaihna chuan amah pawh a tihlau a ni. Ani lah chuan a hmangaih lova,Olivia Daniel a hmangaih zawk a ni si a. Hetiang reng chunga in khata awm a,nitina inhmuh chu a thei lo a ni. Mahse tuna Athen a a awm hnu pawh hian,mel sang tam dan nimahse theihnghilh hmak zawng a har a ni.Chaw chu chak lo teh mahse, James a zah vang chauhin zanriah eitur chuan a inthlak a,kawr hringdal leh a chawih tur tak jacket a ha a,a sam chu athlah tawp ringawt a,a bek tawn tawnah hian sang deuh vahin a kilh bet a.Chumi tlai boruak chu a lum nuamin,tukverha a va dah chuan chu khawpui chu a che țan ve dawn chauh emaw tih mai turin mihring chu an phu nuaih nuaih a, "Helaiah zawng nun pawh a hlimawm deuh vang chu," a ti sap a.James nen chuan lift ah an intawk a,khawpui chhung Restaurant lam panin zanriah chu an va ei ta a. An coffee chu a tui hle bawk mai.A hmaa a rilțam loh aiin China chuan a ei hnem zek a,ouzo an in chuan a pui deuh pawh a ni maithei.James lah chuan tihnuih a tum deuh reng mai a,ouzo chu a thlum tui em avangin a chak tir zia lam pawh China chuan a ngaihtuah lovin a in ve hmiah mai a. Mahse James a thusawiin a nuih a tihzat tak em zel avang chuan rui khawpin a in a ni tih a inhre chhuak ta chauh a.James chuan Hotel a plan dan vel chu phur takin a sawi bawrh bawrh a, China chuan ngun takin a lo ngaihthla ve thung bawk a."Hna chu lo thawk dawn ta ni ila a eng ber nge ka thawh ang?" a lo ti a; Athen a hnathawh chu a phur ve sawt hle a.James chu a nui hak hak a, "zawh awm tak ani,hnathawh tur chu a tam ang; Secretary han lam te, Supervisor hna te,booking te leh hotel enkawlna lam thil zawng zawngte a huam vek ang," a ti a."Hna pui tak a nih dawn chu" alo ti a,a coffee chu tui ti takin a inkhalh khalh a."Aw ni e,bul țan tur ka nih avangin,thawhrim pawh a ngai hle ang a,mahse hlawh țha tak pek i niin,chhawng chung bera appartment pakhat khi i luah nghal ang a. Mi taima tak,ka rin ngam tuemaw ka mamawh a,nang ang țhian țha tak hi ka mamawh tak pawh a ni," nelawm taka nui chung hian a ti a."Ngun takin ka lo inngaihtuah ange," tiin China chuan a tiam a,a thawh chi tak ni dawn pawhin a hria a. Buai taka a awm chuan Ben ngaihtuahna hun pawh a nei lo thei deuh zawk ang a,chu tak chu a mamawh a ni si a. Engvanga chu hna chu la pawm mai lo nge a nih zawk?An haw veleh chuan a mu nghal hmiah a,a mu fel hman chauh tih ah chuan tui em em maiin a muhil nghal bawrh bawrh mai a. A manga motor thawm ring tak a hriat chuan zingah a kaiharh ta chauh a.Pawn lama thawm ri nuaih nuaih a hriat chuan mak a tiin a ngaihna a hre lo hle mai a. Ben a inah kha chuan thawm a rehin,zinga an thawm hriat ve pawh sava hram nak nak leh thinghnah ri sung sung te an ni mai si a.Thawh pawh tum chuang lovin khumah chuan a mu meng kar reng a. Nizana a mumang chuan a rilru a luah hnehin Ben a hlir mai chu a lo hmu a,a hmu reng mai dawn ava nih mai hmel ve!A han maimitchhin leh chuan a mitthlaah Ben chu chiang takin a lo lang a,a hmel paa tak, meng de sar mai te,a kareh kual mawi tak, athinrim changa han chip leh hmak țhinte kha - â,a taksa pum mai chuan......! Ben hming chu a lam sep sep a,lukhamah a hmai chu a phum ta ringawt a.A tawpah chuan a tho ta nge nge a,a inbual leh phawt a,coffee in turin a chhuak ta a,make up pawh a hmang buai vel peih si se tawh lo.A lo thlen tirha an țhutnaah khan James chuan breakfast ei chungin phone ah mi a lo be mek a. A rawn hmuh veleh chuan zaizirin a bula tray chu a lo kawhhmuh a,a mi biak chu a be pah reng tho va.China chuan coffee chu a inthlit ve nghal a. A in zawh chuan bowl a theite chu lain chemte chuan a vel malh malh a. James pawh chuan phone chu dahin a rawn nuih sak a, "Nizan i mu țha em?" tiin coffee chu a rawn thli leh a."Umn,ka mu hlum lo chauh mawle, ouzo kan in vang kha a nih ka ring," nui hak hak chung hian a lo ti ve a. James hmel hlim reng chu hmuh hahdamthlak a tiin,chutiang țhian a nei hlauh chu a lawm ru veng veng mai a ni."Vawiinah enge i tih ang?" a theite ei lai en reng chungin James chuan a han ti a."Ka hre lo,ka lo ngaihtuah lem lo va,hetah hian lo puih theihna che ka nei ang em?" tiin a ngilneihna chu rulh ve theih a duh hle a."Chawlh hmang i nih kha," nui chungin James chuan a han ti hak hak a."Ka hria alawm,mahse ka theihna zawngah chuan ka pui hreh......""Awle,dik tak chuan lehkha sawmthum vel chhut ngai ka nei a,dar sawm hian Assistant Interview tur ka nei bawk a; tin,........""A tawk, a tawk, ka hrethiam e; puih che chu ka chak zawng tak alawm," James a inthiam lo hmel chu nuih var var chungin China chuan alo ti ve vat a.James pawh chuan lawm hmel tak chungin type writer leh a țul tur thildangte chu an rawn chhawp chhuak ta nghal a. A hnathawhna tur chu Ni chuan a rawn chhun raih mai nghe nghe a.A thawh tak tak hmain coffee a han in thlit leh tete phawt a,in pah chuan a hnuaia Hotel swimming pool mihang pahnihin an tikhat lai chu a en a. Hnathawk reng chung chuan a chang leh an zai dun a,a chang leh inhau niawm takin an rawl an rin leh hluai țhin a. Chutah China chu rawn hmuin, Greek țawnga chiar nawk nawk chung hian an kutin an rawn hui a; chuveleh China pawh chuan hnathawh a hun tih hriain a kalsawn ve ta nghal a.Chhun chaw ei hun chuan James chuan a rawn hruai chhuak leh a; thawmhnaw nalh tak tak leh lunghlu an zawrh tiar tuar te chu makti takin China chuan a thlir a,han awh em em chu a nei hran lo nain, hmuh nuam a ti ve hle ani.Nite chu a lo ral zel a,karkhat lai Athenah chuan alo awm ve reng ta mai a. A rilru pawh a nghet ve țanin a nundan pangngai thlak chu a mamawh tak ni pawhin a hria a. Dan pangngaiin James an hna a neih chuan chawhma lamah a pui ziah a,chawhnu lamah erawh hun a neih chuan Beach velah te a inpho ve țhin a. A chang chuan dawrte fang kualin, khawpuiah chuan intihtlangnel a tum pah ve ani.Chawhnu vawikhat chu kawtthlera a kal laiin Ben a hmu tlat hian a inhria a, mahse Ni a sat em avangin a mitvai emaw, Ben a ang tak mi tuemaw a hmu a nih a ring ta zawk a.Chupa chu motor kian hun nghakin kea kalna tura an siamah chuan a ding a; amah pawh a palianin Ben a hak țhin ang suit rawng thim lam deuh a ha ve in,a sam pawh a dum ve chiah bawk a.Ben a a lo nih hlauh takin tih thuah China chuan a va pan hnai a,a thaw te chu a rangin a mumal lo nghal nuaih a. Mahse a rawn lehhawi meuh chuan Ben a awzawng a lo ni lo va; an hmaifang pawh a inang lovin, Ben a anga ngaihnobeina reng a nei bawk lo.Rilru hnual rawih chungin chupa chu a kalpel leh ta a,chupa chuan a rawn en duh hle tih pawh a hre hauh lo. Chu thil chuan a thin a tițhawngin,Ben a a thlauhthlak theih loh zia chu a ngaihtuah zui neuh neuh a.Tuk khat chu breakfast ei tura James a pan laiin Bena chanchin a hre ta a. Coffee inthlita James a hmaa țhuthmun a rem lai chuan mitmeng danglam deuh hian James chuan a lo en reng a."Tukin chu i inhmuam up hle mai,chanchin țha lo i hria chu a ni em lovang chu maw?" nui chung hian a han ti a."Ni lo ve,chutiang lam a ni lo. Tukin khan Ben an min rawn phone a," țhen deuh sak chung hian a ti ta a. A sawi dan chu a pangngai hle nain China tan chuan bomb thlak tluk zetin a ring a,a coffee in lai pawh chu a hak țhelhin,kut khur dar dar chungin a no chu dawhkanah chuan a nghat a."Egypt ațangin maw?""Ni lo, England ah a lo kir leh tawh,i awmna chin a hriat loh avangin a â țhelh ani. Tichuan keiin heta i awm thu ka lo hrilh a,pawi i ti lovang chu maw?""Ti lo,pawi ka ti lo," China chuan a ti ve sap a.James chuan a endan pangngai khan a lo la en reng a, China chu a thaw halh a, James lo ngawichawi viau pawh a chhan hre tain a inhria a."Thudik tak ka lo hrilh lo che a,pawi ka ti khawp mai,mahse Aspenmere Hall chhuahsan kha thil hreawm tak a nih avangin mittui seng lo chuan ka sawi thei tlat lo a ni," a hriatthiam beisei tak chuan a ti ta a.James chuan akut chu a vawn sak a, "Ka hrethiamin ka hria China, i hmangaih a ni tiraw?" a ti ta phawng mai a. China mengphawk tak a hmuh chuan a nui sak a, "Nia rawn hmu tur che a zinga ka lo kal pawh khan ka hre tawh a,kei chuan i lakah awmzia ka nei lo tih pawh ka hria a ni. Mahse min rawn phone a, i awmna min han zawh meuh chuan min tiphu chiang kher mai." a ti a.China chu a ngawi reng a, Ben a duhna a lo tilang viau chuan a tihamhaih zawk hle a. Chutiang taka a lo ngaihven pawh chu awih harsa a ti a, James chuan a uar deuh mah mah a nih pawh a ring deuh rum rum a."Engtinnge a awm?" tiin rilru na tak chung chuan James chu a han zawt leh bauh a.James chu a țhen sak a, "Nidang ang bawk. Egypt a ahna chu rin aiin a tifel hma thei a,a aw ațang chuan lawm awm phei chuan a lang lo; Ben hi chu mi danglam tak a ni a,chu chu nang pawhin i hria anga?" a han ti a.China chu a lo bu ve nghat a, "In in pawh em?" a chanchin chu hriat zawm zel chak tak hian a lo ti zauh a. Hun rei tak a hmu tawh lovin,a hming lam rik pawh a hre ngai tawh lova, James an a han sawi chhuah leh takah chuan hriat chaknain a khat leh ta a ni."Kan naupan lai chuan inpawh tehreng mai,mahse Ben hi chu mahnia khawsak ngaina mi a niin, hriatchian pawh a harsa,mi chak tlemte zinga mi angin.University kan chhuah ațangin kan kawngzawh a hrang nghal a; Ben chuan khawvel hmun hrang hrang a tlawh kualin,kumthum zet kan inhmu lo va - A, kan inpawh lutuk lo a nih ka ring zawk. Engatinge?""In danglam em a,mak ka ti deuh mai ania,"China chuan a lo ti ve mai a."Lawm tur anih leh nih loh pawh ka hre lo ve," James chuan a tisap a. A tho va,a sana an en chuan, "Tun minute sawm chhung hian mi hmuh tur ka nei a,ka thlawhchhuah a ngai hial tawh ang," a ti ta hluai a.A jacket leh car chahbi a lak lai chuan, "Vawiina lo tihsak tur che a awm em?" China chuan a lo ti a.James chu a han inngaihtuah zawk a, "Ka hre mai lo,tukin zing chu lo awl mai rawh,i phu tawk bawk a,Holiday hmanglai i ni bawk nen," kiai sak chung chuan a han ti a,a chhuak ta nghal a.China chuan muangchangin breakfast chu a ei zawm a,dawr vela len kual mai mai a rilruk ta a. Nidanga a phur țhin tehlul nen,tukin chu a khua a har ru riau a, Ben a chanchin an sawi vak khan a tinguai anih a ring ta ber a.Darkar khat leh a chanve hnuah chuan Hotel chu a chhuahsan leh ta a; James a kekawr jean leh T shirt pawl ban bul tai mai chu a ha a, a bag chu a darah bat liamin ala fan loh lam khawpui chhung chu a pan leh ta a.A tih ber sawi tur bik pawh awm lem lo chuan zing lam hun chu hlim ang reng tak chuan a hmang zo ve leh ta mai a. Kawtthler chu a lunin a bengchheng hle a,hnathawk tura an vei suau suau te chu hmuhnawm ti tak hian a lo thlir reng a.Chawhnu lamah chuan a chauvin, lum a ti tawh hle a,kawngsir maia cafe ah chuan a lut a; chair ah chuan a țhu hnawk a,a ke kham ut ut pawh chu reiloteah areh ta huai huai a.Sandwich leh theitui vawt tak a han chah a,palian takin a dawhkan lam a rawn pan pawh chu a lo hmu lo reng reng a. Chupa chuan a bul arawn thlen chuan aen vung vung a, "Rawn zawm ve che ila pawi i ti angem?" aw thum takin a rawn tih takah chuan China tan chuan hai chi rual a ni ta lo. A rawn dak chhuak a,chutah khawvela hmuh a lo inbeisei loh ber mai Ben Galloway chu a hmu ta tlat mai le!Chapter - 8Chutihlaia a thidang mai lo chu China chuan mak a inti hial zawk a,a sandwich ei lai chu thlauhvin dawhkan chu a hmer ta ngawt ngawt ringawt a.A chhanna pawh nghak chuang lovin Ben chuan chair dang chu a pawt hnai ve nghal a,waiter lo kal hnenah chuan coffee a chah nghal bawk a. China chuan thinphu dawt dawt chungin a lo en ran a."Thlarau hmu ni awm tak ini!" China hmel dang del mai en reng chungin Ben chuan a han ti leh tawng a."Engtinnge.....engtikahnge i lo thlen?" makti tih hriat ngawih ngawihin China chuan a han ti ve ta sap sap a. Ben hmel chu a lang pawrin,mu țha thei vak lo hi a ang hle lehnghal a."Tukin zing khan ka lo thleng," awlsam deuh hian a lo ti ve mai a."Engvangin maw?" China chuan a lo ti vat a. A hmel a hmuh leh meuh phei chuan a duhawmzia leh ngaihawmzia chu a hre thar lehin,a hmangaih ve dawn lo tih inhre mahse ani hi chuan a hmangaih lo thei lo a ni.James rawn hmu tur leh Hotel hmu ve turin, ka chan ve tur rawn enfiah turin a ni mai ang chu."Nangmah hmu tura lo kal ka ni han ti mai sela! Thil awm lo lutuk chu a ni. Mahse a chhanna chuan a rilru a tina si a."Enge ni 'ka chan ve tur' i tih awmzia chu,Hotel hi James leh Paul te ta a ni si a?" tiin China chuan a han zawt leh hau a. Khatiang hrep hnua țawngkam pangngai taka an han inbe leh thei chu mak a ti zawk hle a,an in zawmna chah tawh zia lantirtu ni zawk awm hialin a hria a ni."James an a chanchin zawng zawng a hrilh lo che em ni?""Chanchin a?""Ni e, he Hotel senso tur hi ka pawisa ka puktir a,chuvangin za a sawmhnih leh panga hi chu ka chan ve tur a ni," a lo ti mai si a. Mak a tih em avangin China chuan chhan leh ngaihna pawh a hre mai lova; engatinge James pawh chu a lo hrilh tel ve loh ni? Ben bawk chuan, "I hre lo em ni?" a rawn ti leh a.China chuan a lu a lo thing mai a. An han ngawih leh deuh hnuah Ben chuan, "Engvanga min tlanbo san mai nge i nih?" thinrim thar leh ta ang mai hian a rawn ti thut ta mai a."Lehkha in ka sawi vek tawh kha.""Kha lehkha tenawm zet khan engmah min hrilh lo."A țawngkam chuan China chu a deng na kher mai! naupang chhia ang maiin hlauhna chuan a rawn man leh țan ta a. A tihnat tluk zeta han tihnat let ve chu a chak ta a. "A langtlang chiang ngawt ang," a han ti ve leh hmak a."Eng chu maw? Pathian hmingin eng chu nge langtlang chiang tur chu?" a han ti leh tuar a,an bula mite chuan an en duh hle tih lam pawh a ngaihtuah lo."Min tihțhaih chu tum duh ting suh,a sawt chuang lovang," vawt raihin China chuan a ti ta a. A tho va, "Min lo hrethiam la....." a han ti zui sap a.A kal pah chuan rin ai daiha a inthunun thei chu a lawm rilru hle a. Oh, hremhmunah liam daih rawh se,tia anchhia lawh rilru chung chuan kalna tur bik pawh hre chuang lovin a kal hmak hmak a; a mitmu lian takah chuan mittui a tling piau a. Engvanga lo kal kher nge a nih? Aspenmere Hall kalsan chu alo har ngang a nih hi.Kawng kan tura motor a nghah lai chuan a bulah car dum phek duai hi a rawn ding chawt a; Ben chu lo chhuakin Passenger țhutna kawngkhar chu a hawng nghal a."Lut rawh!" a aw chu a nelawm loh kher mai."Hremhmunah kal rawh," tih nghauh pahin China chuan lehlam a hawi daih thung a."Lut rawh China, tunah," Ben chuan a han ti leh țhawt a,a luh ve mai loh chuan engtin emaw tak a ti duh ang tih a aw ațang chuan a ring ta a.Chutah Bena sirah chuan a lut ve ta nge nge a,a kawngkhar chu a khar tau țhuai a.Ngawi rengin Ben a a ngeizia tihlan nan a hlat thei tur ber chuan a țhu a, Ben chuan a rawn en ve zawk na a,mahse engmah a sawi tawh lo. Motor tlan nguah nguah karah a car dum lian zet chu hnehsawh zet hian a khalh pur pur a.A tawpah chuan kawng reh lai takah car chu a ding ta hlawl a, Ben chu a en vat a,ani lah chuan hmalam chu a lo en vung vung mai si a.Muangchangin Ben chuan sikret tlawn hnih a han țan a,pakhat chu a rawn pe ve a; a chezia chuan China chu a tithinur kher mai. Engtia sikret a duh han ring eingawt nge maw a nih? Lak a, tukverha paihchhuah daih mai chu a duh a,mahse a kut khur thup nan leh naupanchhiatthlak em a a hriat avangin a insum leh hram zawk a."Tumahin.....nang ang hian min la tithinur ngai lo,i tum loh thil pawh ni se," a ti ta nghut a."Chu zawng nangma mimal thil a nih chu," pawiti awm lo fe hian a han ti ve nghauh a."Nang pawh i tel a ni," rawn en run chungin Ben chuan a han ti leh a."Ben, engatinge kan intihbuai reng?" China chuan a ti ta ringawt a, Ben a nunrawnna chuan a tihah hluah hluah tawh a ni."Engahnge kawngkhar ka pel fel chauh tihin min tlansan daih mai?"Thudik han hrilh nghal phawng mai chu a duh hle nain, a huaisenna chuan a tlin ngang si lo va, "Ka awm thei tawh ngang lo a ni, James an hna....."China sawi mek mek lai chuan, "James a teivet hi,a lo inrawlh ve ziah mai - ni lawm ni?" a lo ti hmuk a,a sikret ken chu a paih nghal daih a.An inbiakna chu a tawp chu a ni leh ta der a. China chuan a nghenchhan chu a ngheng ar ar a, Ben a a hmangaih thu a sawi chhuak lo thei chu a lawm hle a ni.Minute sawmhnih hnuah chuan a chenna Hotel kawtah Car chu a ding leh ta a. Ben an engmah a sawi hman hmain China chu a zuang chhuak vat a,inchhungah chuan a lut ta vat a. A room ah lut nghalin a țap ta zawih zawih a.A mittui tla tur a awm loh thleng rakin a țap a,Ben a a hmangaihna chu la pung deuh deuh te chuan a la hre ta lehnghal a.Darkar khat lwh a chanve hnuah chuan a kawchhung so but but a a hriat pawh ziaawm ta deuhin a inhria a,mahse a nat hian a na vawng vawng thung a ni. Bathroom darthlalanga a hmel a va en chuan a mitte chu a buiin a sen deuh arh a,tuivawtah chuan a chiah vang vang a. A sam chu a khuih leh nawk nawk a,balcony lamah chuan a chuang chhuak ta a.A sikret țan chu hmuhnawm ti niawm tak hian a thlir vang vang reng a,Ben a lak ațanga zalen tawha a lo inhriat vei nen; chu Hotel hmun lia țhena hmun khat chu a ta a lo la ni cheu mai si! Thawh a lo tum rilrukna ngei chu!Chhuahsan lehnghal mai chu a himna zawk tur niin a hre ta a. Mahse lehlamah chuan James, amah ring em em tu leh a puihna mamawh ve em em chu a thlauhthlak a țul a ni dawn bawk si. Awm ve turin a beisei em em tih pawh a hria a,Ben nena an inkar thil a hre lo bawk a.Lehlam lehlamah chuan buai deuh nuaih in a inhria a,a chunga ngilnei tak James han kalsan chu a hrehin,lehlamah lah Ben a hnuai bawka thawk leh tur han nih chu thih hreh takin a hreh tawh bawk si. Amah a hmangaih tih Ben chuan a hre lovin, James zawk emaw a hmangaih a ti tlat reng si a,a tan chuan khawimah kalna tur a awm lo,engatinge maw Ben a lak ațanga tlanbo hi a tum reng mai le?Hmun hrang hrangah hna a neih avangin Athen ah hi chuan a cham rei pawh a ring lova,chubakah a inpui chu England ah daih a awm bawk si. Aspenmere a han hriatchhuah ringawt pawh chuan a rilru chu a na vawng vawng a.Athen a a awm chhung hi chuan țha tak leh hawihhawm takin lo kawm ta sela,engkim a țha zawk mai thei a ni. A hmel hmuh hian a rilru tina țhin mahse,hmuha biaka a țawng ngaihthlak ringawt pawh hi a kham zo lo tih a inhre reng bawk si. A vei ve mawlh lo tih han hriat chu hremhmun tluk zet a ni.Chutia a lo ngaihtuah mek lai chuan a kawngkhar chu an rawn kik ri dat dat a. Chhuahsan mai chu țha zawka a hriat avangin James a hnena sawi dan tur la ngaihtuah reng chung chuan, "Lo lut rawh," a han ti ve a.Reiloteah chuan a bulah Ben a ngei mai chu a rawn ding leh ta reng mai a. James a turah hlir a lo ngaih avangin makti tak chuan a en ta reng a,a nui deuh hmel pawh chu a reh ta hmak a.Ben a sam chu a la huhin,a thawmhnaw pawh a lo thlak tawh a,Denim jean kekawr leh kawr dum ban bul hi a rawn ha a."Enge i duh?" a mit laksawn pah chuan a han ti ngawt a. Amah a hnaihna chuan a tirilah engtin emaw tak hian a rawn țham leh ta seng seng a,a ka te chu ro deuh hulh hian a hria a."I hriat ka ring," Ben chuan a lo ti mai a.China chu a sen awp awp a,kal leh vat sela a duh tehlul nen,a hma siahah chuan a rawn ding ta lehnghal a! Chiang zet hian China hmel leh taksa chu a han en a,a mit sen ram leh a taksa cher leh dawldang takte chu a hmuh hmaih hmel loh kher mai. China chuan thawh lawka a hmuh phak loh tura tlan chhuah daih mai chu a chak et et a."Thu sawi dun a hun ta in ka hria," a mit la sawn chuang hauh lovin Ben chuan a han ti leh nghut a."Sawi dun tur kan neih ka hre hauh lo mai," kun reng chungin China chuan a lo ti ve niah niah a."I nei lo amaw? Sawi sen loh kan nei zawk emaw ka lo ti mai asin - hrep tak chuan! China,titi tluangtlam tawite pawh kan sawi dun thei lo em ni?" a han ti leh a."A chhan chu i thin butut vang vek a ni," China chuan a lo ti leh hmak a."Ni e,ka hria,i tel venaah lek phei chuan ka pha hauh lo; tin,nang pawh nu zaidam thliam chu i ni bik hauh lo alawm," thinrim insum tih hriat tak chuan a lo ti ve leh ngat a.China chu khur hlawk hlawk chung hian a tho va, "I țawng huatthlalaawm deuh ngaithla tur hian ka awm dawn lo," tih paha kal mai hi a han tum a.Ben chuan a lo man chawt a,a lamah a kuai her nghal lawp a, "Tih thinrim ka tum lo che - Naupang â te," a ti sup a,a mitmeng pawh chu a dam hle a. "I leng kual mai mai ang hmiang,engemaw entir tur che ka nei ania," a ti ta duam a.Bumna a ni thei ang em? ti rilru chungin Ben a hmel chu a han en a; a nui hmel deuh a han hmuh phei chuan a lungphu chu a rangin, khawvela duhawmna zawng zawng hi Ben a hmelah chuan a kim biai ta mai emaw a ti hial a.A ngaihtuahna chu hriatsak niawm takin, "Engmah bumna lam a awm lovang,ka tiam a che," Ben vek chuan a rawn ti leh nghal a."Awle," China chuan a ti ve ta nge nge a.Hotel ațang chuan chhuakin, Ben a car lam chu an pan dun leh ta a. Ben chuan a kut chu a rawn vawn sak a,China chuan a rilruin,min hmu apiang chuan inngaizawng emaw min ti ngei awm si a, aw...han dik tak tak hlauh zawk sela aw..! a ti rilru neuh neuh a. A tumah mah chu an țawng lo nain,inhrethiam dun tak hi an ang hle a.Darkar chanve dawn an tlan hnu chuan lawngchawlhna hmun lian vak lo hi an thleng ta a. Ni a sain,khua a lum hle a, Car ațanga an han chhuak pawh chu nisa chuan a rawn em sar mai a."Engtizia nge?" tiin China chal dawm chu Ben chuan a han zawt vat a."A sa lutuk deuh em ani," nui chung hian a lo ti a."Tah hian lo awm rawh...!" China in a chhan leh hma chuan a kalsan zui nghal vut a. Reiloteah lukhum parh hlaipui mai hi kengin Ben chu a rawn let leh thuai a, China mit ang maia dumpawl raih mai,ribbon hi a insuih bawk a.A mit hliah țhelh khawpa kun lap hian Ben chuan a rawn khumtir nghal a."Ka lawm e," China chuan a lo ti ve sap a. "Enge helaiah hian min entir tur i neih?" a han ti zui zat a.Ben chuan a bana kaiin Yatch awmna lam chu a panpui ta a; China in a han hmuh meuh chuan a thaw a chham lo chauh hi a ni mai. "I ta maw..?" a chhanna tur hresa reng chung hian a han ti halh a."I duhzawng a ni em?" Ben chuan a lo tihsan mai a."A nalh kher mai,lawng hi chu ka ngaina ve reng reng a," nui hawk hawk chung chuan a ti ve ta chul a."Han fan kual vel i duh em?"China chu a bu nghat a,Ben chuan lawng chhuatah chuan a kai nghal a. Chu Yatch hming chu 'Hallowen' a ni tih dar pheka lo intar vah ațang chuan a hre thei a.Lawng bathlarah chuan China chu a kal zai zai a,tuipuiah eng tak ang ang maw tihte chu a ngaihtuah a. Tunhma pawhin lawngah hian a la chuang ngai lova,mahse a ngaina hle tih chu a inhre mai a.Kawngkhar pakhat chu hawngin, hnuai lam pan thlakna tura siam thing leihlawn chu a zawh thla ta a."En ngun rawh,step kha a chhuk viau a nia," a hnung lawk ațangin Ben a aw chuan a rawn ti a, China chu a phu deuh zawk a. Ben a hrilh ang chuan fimkhur takin a chhuk ta zel a; pindan,hnehsawh taka cheibawl vel,nuam zet hi a zu pawh ta hlawl mai a.China chu a nui sak a,chutiang khawpa pindan nuam leh engkim awmsa vek bawk si chu hmuh pawh a lo inring pha hauh si lo va. Chu lo pawh chu cabin dang pathum, te deuh zawk hi a la awm ta fo a, khum, bathroom, toilet leh mamawh dang engkim mai chu a awm thlap vek a.Cabin lian bera a va kir leh chuan Ben pawh a lo awm reng tawh a,ani chuan a lo en reng a. "In tur i duh em?" a lo ti a."Khawngaihin engemaw vawt deuh min pe ta che," China chuan a ti ve a.Ben chu Galley lamah chuan a kal nghal vat a,vur bawm ami, theitui vawt țha zet mai chu a rawn la ta a.No pek pah chuan China kut chu a vuan lui deuh salh a; China pawh chuan a kut chu țek deuh chuaiin a hre ve a,a lasawn nghal vat a.Țawng chhuah ngei chu țulin a hre ta a, "Duhthusam alawm le, Yatch i nei tih reng ka lo hre lo va," zangkhai vah hian a han ti ta a."Chu chauh lo pawh,keimahah hian hriat loh tam tak i la nei,chu chu kumkhat dawn lai ka nei tawh a ni," hul huk hian a han ti a."I zinna apiangah i hmang țhin em ni?""St.Lucia ațangin helai hi a ni leh mai. Siamțhat ngai a awm nual a,hun ka nei thei bawk si lo va," Ben chuan a han ti a."Hetiang Yatch hi nei ve ila chuan khawvel pum hi ka fang chhuak anga,ka kir leh tawh ngai lovang," meng de sar chungin China chuan a lo ti ve sarh sarh a.Ben chu a nui chhuak ta hawk hawk a, China en reng chung chuan, "Chu - helai chu nuam i ti vak nange?" a han ti a."Chutiang lam a ni........!""Ka hria."An mit ve ve chu a intawng siah a, Electric current in a rawn man ta chuai chuai ni ber hian China chu a inhria a. A rilru zawng zawng bakah chu cabin chhung zawng zawng pawh chu a lan chhuak vekin a ring hial a ni.A mit han de sar leh a hmui inkau deuh tiar chu Ben chuan a man rang kher mai. A rawn hnaih nghal ruak a,a a pawm ta chawt a, a kut lehlam chuan a sam ngil tle siu mai chu a chul heuh heuh a; fawh cho taka China ka ang deuh phiau leh a dar leh ir no chek mai te chu a en vung vung a.Chutah muangchang chuan a rawn kun hniam a,a luhlulna leh tihhar hmel tak te kha a bo tawhin, a meng de sawr sawr a. Ben a hmuiin a rawn khawih veleh China chuan mei kan,na si lo ang hi niawm berin a inhria a; tichuan Ben a duhnaa a rilțamna zawng zawng nen chuan a inhlan ta hmak a.Ben a fawhna chu uar takin a lo chhang let ve a,an inthlah thei tawh dawn lo emaw tih tur khawpin an infawp ta vawng vawng a.Ben a kut chuan a dap thlang tial tial zel a,a nghawng leh dar te, a hnute te chu a chul zel a.Rihna a nei ta lo emaw tih mai turin Ben a darah chuan a uai hnawp a, la fawp pah reng chungin Ben chuan chair, țhutmutnaah hian a nghat a. A kut leh malpui chuan a khuap tlat a. China pawhin Ben a darpharh hlai țha zet mai chu a chul ve ruai ruai a.China hming chu a lam reng a,a thawk dan pawh a mumal lovin,a mitmeng pawh chakna hlirin a khat tawh a, "Pawma hrawm vel tur che hian ka nghak rei lutuk ani," hul huk hian a han ti a.China mit dumpawl raih pawh chu khawsik ang mai hian a sen ram tawh a, "Ben,ka duh ber, min khawih lul rawh aw....!" zawi sep hian a ti ta riai a.Ben chu a rawn kun hniam zual sauh a,China thaw pawh a rang zaih zaih ta kher mai; a rilru zawng zawngin Ben a tihlawm chu a duhin, a chakna chuan a luahkhat hneh tawh em ani. A taksa pum mai chu Ben chuan a chul kual dan dan zel a.A ir te, a bengkawm te, a dar te fawp pah zelin a fawp thleng zel a,a hnutehmur kawhlah mai chu a fawp thleng ta a. Chuveleh China chu a pum maiin a khur der der tawh a,chik ngher ngher chungin Ben a dar ruak kung mai chu a hmer ngawt ngawt a.China chu a meng diar diar a,Ben a vun sen uk deuh khak mai chu a taksa ngo takah chuan a langchiang hle a; a ban chak tak lah chuan a kuah hneh em em mai si. Aw...a hmangaih nasat zia hi engtikahmah a hrechhuak lo ang.Thawklehkhatah hlauhna chuan a rawn man leh ta phut a, "Ben, khawngaihin......" a aw ah pawh a hlauhna chu a lang chiangin, Ben pawh chu a rawn dakchhuak vat bawk a,a hlau mitmeng chu a rawn en a.A mitmeng chu a damin a duhawm em em a,a zah em avangin China biangah chuan mittui a rawn luang chhuak ta ngiah ngiah a. A hmangaih lo tih hre reng chung siin engtinnge hetiang hian a inpumpek hial theih si? A aa ta em ni? Ni e,Ben a hmangaihna hian a ti aa reng a ni.Ben chuan, "China,tihhlauh che ka tum hauh lo, ka ti takzet a ni," a ti ve ta vat a.Ben ban kuah chung chuan a mu hle hle ringawt a,in control a tum nasatzia pawh a inhre thei a. "Pawi ka ti khawp mai," a rawn ti ta sap a.Nui chung hian a rawn kun hniam a,a mittui chu hruk hul sakin, "Ngaihdam ila dil reng mai maw?" a han ti sup a,a chalah chuan a fawp pah zauh va.Ben chu a tho va,lehlam hawiin a kawr iptea sikret chu a țan nghal a. China pawhin a rilruin Ben chu lawmthu a hrilh mawlh mawlh a ni.Ben chu a inthunun hneh leh hle tawh tih a lam a rawn hawi chuan a hre thei a,sikret a țankai sa a rawn pek lai a a mitmengte chu a hma lawka thil engmah awm lo ang mai a ni leh tawh a. A ngaihtuah awm ang pawh a hmel leh mitmeng ațang mai chuan a hriat theih loh.China chuan hamhaih hmel tak hian, "Hotelah kir leh tawh ila țhain ka ring," meng hnuai raih hian a han ti a, an ngawi reng mai chu nuam lo a ti hle a."Engvangin maw?""James an min lo ngaihtuah...."Ben a meng dur khui mai leh khirh zet mai,bawng kawlh sual tur ang khui maia meng tur ngun mai a hmuh chuan China chu a tawp leh chawt a."Anih, tun lawka kan awmdan kha i hrilh angem?" ngeiawm zet hian Ben chuan a han ti ta nghut a.China biang chu a sen awp awp a, "Engtia sawi ngam nge i nih?" a han ti sap a,a țawng dan chuan a tihlau hle a ni."Ka ngam....China,a chhan chubka duh che a ni, chu chubi hria; keimah ngeiin James chu ka hrilh mai ang," aw hlauhawm zet hian Ben chuan a ti ta a."I hrilh hauh lovang...." rilru na em em in China chuan a lo ti a. A telvena thil a nih chhung chuan khatiang thil kha James emaw, midang tuma hnenah emaw pawh a sawi hauh lo vang."Oh, mahse ka hrilh dawn tlat a ni; ka khuma mutpui tur che chuan engpawh ka ti duh ang,chu chuan a tilawm lo viau che em ni? Kei leh James pawh kan in el ang chu! deusawh hmel fein Ben chuan a han ti a."Mi nunrawng tawpkhawk,vawk ang mai i ni....Ben Galloway, ka haw lutuk che," thinrim khur hlawk hlawk chungin China chuan a han ti ve leh hmarh hmarh a.Ngaipawimawh lo zetin Ben chuan a dar a san uk a, "I ti ngawt a,minute nga lek raltaa i thawnthu sawi ngaihnawm tak nen kha chuan a va in ang ta lo ve! Duh ila chuan ka kuthmawr pawhin ka kuaithlu thei che a,nang lah chu țan pawh i țang der eih si lo. Inkhelh nan mai zawng mi hmang duh suh Chin, kan pahnih hian thudik chu kan hria a ni," a han tih meuh chuan hruihruala vuak țhuai țhuai ai pawha na zawk ni hialin China chuan a hria a.A tho thut a,cabin ațang chuan a tlanchhuak ta nghal a,Ben pawh chuan a rawn um zui ve vat a; tichuan ngawi rengin Hotel lam chu an pan leh ta a.China chu a chwmawlhin a vawt raih mai a,a lu rawn na tlut tlut chuan men pawh a men țhat tir thei lova.Hotel an thlen veleh chuan vawikhat te pawh Ben chu melh chhin eih lovin a zuang chhuak nghal a,a lut ta vat a.James chu Receiption ah lo awmin,a rawn hmuh chuan a nui var var a, "Hii, i bazar em ni? i lukhum chu a țha hle mai," a lo ti a.Arang a rangin China chuan a lukhum chu a lathla vat a,chal chuar nang hian a en a, "Engatinge hetah Ben a lo kal tih min hrilh loh?" cho tak hian a han ti ha a."Ben! Hetah maw?" China chu a lo bu nghat a. "Nilengin ka chhuak a, tunah hian ka rawn thleng ve chauh a ni. Khawiahnge a awm?" mak ti zawk awm tak hian a han ti a."Ka hre lo,tukin khan ka hmu a ni..." Ben chuan a rawn zui luh loh hram a beisei hle a."Amah a ni tih i hrechiang amaw? Min rawn phone lai chuan engmah a sawi hleinem," James chuan a ti leh mai si a."Hrechiang tehreng mai, rei zet mai kan inbe lehnghal," bung vat hian a lo ti leh a."A țha e,inbeng dai deuh teh,pawi ka ti khawp a nia; ralkhat ațanga hmu mai emaw i nih ka lo ti a," James chuan a han ti nuah nuah a.China chu a thaw huai a, James chunga thinrimna han tihlan vak pawh chu dikin a hre lo va,a thiam loh ni miau hek lo le!"Kei pawhin pawi ka ti khawp mai,ka lu a na deuh em bawk a ni," tiin thupha a chawi let ve ta zawk a. Chutah Ben a thusawi kha han hrechhuak lehin, "Engatinge he Hotel hmun lia țhena hmun khat hi Ben a chan a ni tih min hrilh tel ve loh?" a han ti țha leh ngat a."Ka hrilh lo che amaw?""Min hrilh lo tih chu i hria alawm.""A pawimawhna vak ka hre lo em ani. Tun thleng pawh hian enge chu chuan pawina a neih?" dilchhut hmel zeta en chung hian a han ti ve leh a."Engmah - a pawi lem lovang ka ring,min lo hrilh ve mai mai awmah ka ngai ka han ngai ve mai a nia," a ti ta ngawt a. Ben nena an inkar thil lungchhiatthlak tak chu a hre ve lo reng a ni."Pawi ka ti takzet a ni - Love, a țangkaina tur ka hre lo takzet a; tin, sumdawnna lam thil hi i ngaihven lo niin ka hre bawk a ni.James a inthiamlo lutuk hmel a hmuh chuan China pawhin hreawm a ti leh zawk hle a. "Oh, James,ka thil sawite kha ngaipawimawh lutuk duh lem suh,ka mood țhat loh vang mai mai a nih zawk kha, Aspirin mum hnih khat eiin han tluzal lawk ila,ka țhat leh mai ka ring, nakin deuhah ka rawn hmu leh ang che," tih pah chuan a han inher nghat a; mahse James chuan a rawn be leh hram a."Oh, ti daih ila,zanin chu zanriah min eipui ta che? Dar riat atan dawhkan ka lo hauh lawk tawh a - Aw ti hram rawh China," inthlahrun hmel tak chuan a han ngen leh hram a."Aw, i bula ei te chu ka chak reng alawm," hlim hmel takin China chuan a lo ti ve a."Țha lutuk! Dar sarih leh a chanveah ka apartment ah i lo kal dawn nia. I damdawi mum chuan hna a thawh țhat ngei ka beisei."China chuan a room lam chu a pansan ta a. A room vawt raih maiah chuan a tluzal a,vawiinni zet chu a va hreawm em! Ben ngaihtuah reng chung chuan a muhil ta a.A han harh leh chuan dar sarih a lo ri țep tawh a,hmanhmawh tak chuan a inbual nghal a; chutah James nena eidun tur chuan a insiam ta thuai thuai a. A lu na pawh kha a la reh vek lo nain,a ziaawm tawh hle a,mahse a mut hnem ang ai chuan a harh lo hle thung a.A hmai chu ngun takin a chei a,bengbeh Cream rawng, sainghoa siam chu behin, kawr engdal a ha a. Silver țhi awrh lehin sandal eng lampang bawk chu a bun bawk a, a sam chu thlah a tum zet nain,a bengbeh leh țhi avangin a chhipah a vial khawm ta zawk a; darthlalanga a han in en leh chuan a sam chuan tidanglam hlein a inhria a.A inpeihfel meuh chuan dar sarih leh achanve chu a lo pel hman der tawh a,perfume a han inkap leh țhat țhat a.Chutah a handbag leh showl,cream rawng bawk chu khua a vawh deuh a rin avangin a la leh a, James a apartment pan turin a room chu a chhuahsan ta hlak hlak a.James pindan a thlen chuan kawngka chu lo inhawng phatin, James nui ri hawk hawk pawh chu a hre nghal a, a awmpui chu Ben a nih loh hram a beisei kher mai.Thaw dep dep chung chuan a lut ve ta a.James lo chiau au na pawh chuan a maktihna chu a hkiahkhuh zo ta chuang lo! James hnunga lo ding chu Ben chauh pawh ni lovin, a dan pangngaia nalh leh hmelțha zet mai, Olivia Daniel ngei mai kha a lo ni tlat mai! Engtiziaa heng hengah te Olivia chu rawn kal ve zel nge maw ni chu le?!Chapter - 9Vawiin zet chu thin phut zawk zawkna ni a nih ber mai hi mawle! China chuan a tirilru neuh neuh a,a rilru a nuam lo kher mai! James an intur s duh leh duh loh a zawh pawh chu a hre mumal ta tlat lo!"Min ngaidam rawh!" chi ai tak James en chungin China chuan a ti ta ngawt a."In tur i duh em?" nui sak chungin James chuan a han ti leh a.Olivia Daniel en reng chung ve thung chuan, "Sherry ka lo in ange," a han ti ve leh bauh a.James chuan a mitmei chu chhuiin, Olivia leh Ben hian zanriah min kilpui dawn a,pawi i ti lo ang chu maw? a han ti a.China chuan, "Pawi ti lo ve," a lo ti sap a, engdangin nge a chhan chuan ang? Thudik lah chu a sawi ngam der si lo. Ben an a lo en reng tih chu a haider lui tlat a, Tukina Ben a hmuh te khan amah maiin Athen ah hian a lo kal lo vang tihte chu lo hriat nghal awm!James chuan no rawn pek pah hian, "China, Olivia hi i hriat tawh ka ring?" a han ti a."Aw ni e,kan inhmu tawh," nui lui hram hian a han ti ve bauh a.Olivia chuan chiang zeta rawn en chung hian, "I vak kual vel a ni maw - my dear?" a han ti a,nuihzat niawm tak hian a han nui zui har har a.China chuan henu laka hawihhawm chhuah reng pawh hi țulin a hre tawh bik lo va,chuvang chuan Olivia aw ang vela nem si hian, "Nang zawk pawh chu,vawiina lo kal em ni i nih?" a han ti let ve ngat a."Nia, Ben a ruala zin ve hi ka ngen a,mimal thlawhnaa zin hi nuam berin ka hria a ni."China awih zawng tak a ni! Ben chuan ama pualin thlawhna a nei tih pawh a hria; mahse Athen kal nana a rawn hmang chu mak a ti deuh a,a hmanhmawh viau em ni ang le?Biak zui zel a chak lo tih hriat takin Olivia chu James lam hawi chuan a be nghal sawt sawt a, China chuan ala en reng a. A tlailam kawrfual hak hringduk chu a nalhin a inhmeh kher mai a; model nge nge chuan a inhmeh tur rawng pawh a hre hlein China chuan a hria a. Ben tan pawh han iai phal chi rual a ni lo! Chu rilru chuan a chhun na kher mai a, a hawisan ve ta nghat a."Bravo - my love," Ben chuan a bul maia dingin a lo ti sup a. China chuan thaw dep dep chung hian a enchho vat a,velvet jacket dum leh kekawr dum a hak chuan a tilang thim lehzualin, thunei hmel hi a pu hliah hliah a. A scent rim nam ram ram a han hriat phei chuan hip veng veng hian a inhria a."Khawiahnge Charles?" a han ti bauh a."London ah a nih ka ring, Olivia nen hi chuan an cheng dun tawh lo. Olivia lo kal ve chhan chu......" a tawp leh chawt a. "Ka rawn thlit sak leh ang che aw?" a ti ta daih a.Duh tawh lem lo mahse a kalsan chhung zawk pawha lo inngaihtuah a duh avangin a bu ta nghat a.A sawi zawh tak loh kha chu - 'Ka bula awm ve turin' tih chauh niin a ngai thlarawk a. Chuvang chuan vawiin chawhnua Ben a nena an awmdan te kha hreawm a tih phah lehzual sauh a. Engtinnge Olivia nena lo thleng dun chauhvin, a bula khatiang khan a khawsak leh theih?A kianga Ben landan chu rinawm, fing, ngilnei, zahawm, heng zawng zawng hi a pianpui ang hialin a lo hmu țhin a. Chu chu nise engtinnge hetiang leka a khawsak leh si? Hmeichhia hi a duh tak tak lo a ni ang,tia a ngaihtuah rual chuan niin a hre leh thei bawk si lo. Hmeichhe pakhat chauh chu a duhtawk lo pawh a ni mai thei- mahse chu pawh chu a ring thei chiah bawk si lo! Nupui la nei lo nimahse a hmangaih tawh vek vek lakah chuan rinawm tlut mi niin a hre bawk si.A bul a lo thlen leh chuan, "Zanin chu i duhawm kher mai," sherry han pek leh pah chuan a han ti sup a. "China, vawiin chwwhnu......""Khawngaihin Ben, chutiang sawi ka duh lo,tunah hi chuan," tiin China chuan a lo dang vat a.Chiang zeta a rawn en chuan a rilru zawng zawng pawh a hmu tlang vekin a rinawm hial mai! "Anih leh naktukah kan sawi dun ang?" China chuan a chhang lo.Kha thil sawi dun leh kha a țulna a hre lovin, han hnial erawh chu sawtin a ring chuang bawk hek lo va.An kalna Restaurant chu a lianin, a hautak hmel kher mai. Dawhkan lian ber chu an kil a, waiter engemaw zat hian an vil țaih a.China chuan wine chu tlem tete hian a in a,thawklehkhatah damlo ta thuta inhriain,a thil ei chakna zawng zawng pawh chu a bo ta duak a. An bul vela dawhkan kil ve te chu Greek hausa hmel pui pui an niin, American pawh tlem a zawng an awm ve a.American hmeichhe pakhat chuan a duh tih hai rual lohvin Ben chu a rawn en reng a, China in Ben hmel a han en ve thung chuan a hre lo nge, ngaihsak hmel lah a pu der si lo va. James nen chuan Hotel account vel sawiin an ti ti bawrh bawrh a; Olivia chu an inkara țhu a ni bawk a, an thusawi chu ngaihven hmel zet hian a thle tawn chhen mai bawk a.China thung chuan a ngaihven peih lovin salad hlang ringawt chu a lo chah veleh a. "Thildang i ei tel dawn nange?" makti hmel takin James chuan a lo ti ha a."Aih, a ngai lo, ka ril a țam lo em a ni," China chuan a lo ti mai a. A awmdan chu danglam riau hian a hria a; a hmai chu a dangin, Olive rim a hriat te chuan a tidam lo lehzualin a hria a. A salad pawh chu ei si lovin a khal a khal ringawt a; hmeichhe room ah va inphih harh phawt se a ziaawm deuh a inring a.Inthiam lo rilru tak chung hian a tho a,kal mai a han tum a. Mahse a kete chu rit ta riau hian a hria a, ke lem vuah niawm tak hian a inhria a; țap lek lek chung hian, "Oh,Pathian, hetah chuan min damloh tir lul suh, a rapthlak dawn em mai," a ti buai niaih a.A lo kal tih pawh a hriat hauh lovin Ben chu a bulah a rawn ding a, dawm din tum hian a rawn vuan vat a; China pawh chuan a lo dawm ve vat bawk a.Olivia chuan makti tak leh thinrimna inpawlh nawk hian a rawn en a,engemaw inbumna thil tel ni ngei hian a lo hria a. James thung chu hamhaih tak leh tihtur pawh hre lo hian a lo awm ve thung a."Hotelah ka hruai haw ang che," Ben chuan a ti a.Chu zawng a duh vak lo, "Mahse, i chaw ei tur...." ti niah niah chungin China chuan a pum a dawm ran a."Chaw te mai mai, i kal thei ang em?""Ka thei lo mai thei..... Oh, ava rapthlak em!" a ti sap a; an bul vela miten an en țhap tih pawh a hria a.Head waiter pawh chu,puih an ngaih leh ngaih loh zawt pahin a rawn kal vat a, mahse Ben chuan ama mawhphurhna a nih thuin a lo chhang mai a. Nui chungin China biang chu a khawih a, "I pui thei lovang," a ti sup a. Chutah naute ang mai hian a pawm ta lawp a."China hi ka va hruai haw ange, nangni chuan tikhan lo ei zawm zel rawh u," James rawn ding uaih hnenah chuan a han ti zung zung a."Nia.....khawngaih takin....." China chuan a lo ti ve hram a. Ben an a hawpui tur mah tih nakalaiin, James leh Olivia han tihbuai leh zel chu ni theiin a hre lo ve a ni.Ben chuan pawnah a pawm chhuak ta a. China chuan, "Taxi ka la mai ang," a han ti leh a."Aa aa teh suh," Ben chuan a lo tihsan hmiah a, A car awmna an thlen chuan dimte hian a nghat a, Hotel panin an tlan zui ta nghal a.China hnialna chu pawisa lovin, a room an panna ah pawh chuan a pawm zel a, a khumah China chu a nghat ta a."I dam mai lo dawn hmel em?""Ka hre lo le," China chuan a lo ti ve mai a. A pumna lutuk chuan a mittui a titla țep ta mai a; harsa ti taka thawh a tum chu Ben chuan alo pui vat a, a thawmhnaw vel chu a phelhsak țan ta a.China chuan lo hnial chu a duh hle nain,hnial hlei thei ni pawh chuan a inhre si lo.Bing chuk chuk chung hian a kawrfual a phelhsak chu a lo dawh ve ringawt a; Ben pawh chuan rang tak leh dim tak si hian a phelh zo ta thuai a. A mutkawr chu haktir turin khuma țhu tur chuan a hrilh a, a sam kilh khawmna pin pawh chu a phawisak nghal a. A hmelah chuan amah duhna emaw, itna emaw a awm hauh lo niin China chuan a hria a. A haktir zawh pawh chuan khumah muttirin, puan a sintir leh thliam a."Doctor kan phone ang a, min lo mamawh i nih chuan min rawn ko dawn nia," tih pah chuan a chhuahsan zui ta nghal a.Darkar khat leh a chanve hnua Doctor lo thleng chu pa te deuh, nui hmel pu reng mai hi a ni a, zei tak maiin China chu a en ta zung zung a. Beisei loh deuhin, a chaw ei a Tur tel avang leh khawlum lutuk tuar lo niin Ben chu Doctor chuan a hrilh ta tlat mai! Khuma muttir reng tur leh chaw eitir rih miah lo turin a hrilh bawk a. A en zawh chuan damdawi lei turte ziakin a hawsan leh ta a, Ben chuan a va thlah a.China chuan engtia a chaw eia tur lo tel thei nge tih chu mu chung chuan a ngaihtuah ta vang vang a. Chutah zinglama cafe naran taka sandwich a ei kha a han hrechhuak a,kha chiah kha niin a hre ta a.Reiloteah Ben chu a lo lut leh a,thleng kum hian tui a rawn chawi lut a, a jacket leh tie chu a phelh tawh a, a kamis hma chu a rawn hawng huai bawk a. China hmai chu tuivawt chuan a phihsak ta a - Oh, zanin tlai phei chu a ngaihsakin a duat si a, a va han hmangaih tehlul em!"Muthilh tum rawh le Naute," a hmai hrukhul pah chuan a ti a, thleng kum chu a khum bul dawhkanah chuan a dah nghal a."Ben, reilote tal min awmpui thei lawm ni?" tiin China chuan a han ngen a. Hriat ngai loh rama han damloh zet chu a hlauthawngin, mal riauvin a inhria a ni.A rawn en zawk a, "Aw le, i duhdan a nih chuan," tih pahin khum bula chair chu Ben chuan a pawt hnai a, a țhu ta nghal a.China chuan Restaurant a Ben a chaw ei zawh hman tak loh kha a han hrechhuak thut a, "Oh! i zanriah kha - i kir leh zawk tur a ni.......Olivia" a rawn tichhuak ta phawng mai a.Ben chuan, "Hetah ka awm zawk tur a ni,chubakah ka ril a țam lo reng reng," a lo ti ve mai si a. Chutah țhu hle hle thei lo ni awm tak hian a tho leh vut a,tukverh lam chu panin a va hawng a,khawpui chu a thlir vung vung a; China pawh chuan a chezia chu a lo thlir ve reng a.Hausain thil tithei hle mahse, a chhungrilah chuan khawhar leh mal ve riauva hriatna China chuan a nei ta tlat a; mahse James thusawi kha hrechhuak lehin, Ben chu chak tak, hriatthiam har tak a ni a tih kha. Chutiang tak chuan tuna a ngaihtuahna pawh hi a hriatpui hauh lo reng a.Tunah chuan a pumna pawh a reh țanin, dam leh mai dawnin China chu a inhria a. "Eng chen nge Athen ah hian i cham ang?" tiin Ben chu a zawt a, a haw leh hun tur chu a lo huphurh lawk em em a ni.Ben chuan a rawn en a, "Min hnawhbo i chak tawh deuh em ni?" a lo ti nghut thung a."Teuh lo mai, ka ngaihtuah vel mai mai....." tiin China chuan a chhang ta niah niah a."Ka hre chiah lo,heta țanga hmarlam, Thessalonika ah hna ka nei a,chu chu ka haw hmaa chinfel ka duh deuh. Tin, Hotel hawn huna awm ve nghal pawh ka duh bawk a,nang zawk hi - China tereuhte, Athen ah hian engchen nge cham i tum?"A chhang nghal mai thei lo; a la cham rih tur chuan a tilawmin, a lehlamah thung chuan a tilungngai bawk si. Chutah, "James a min mamawh hun chhung chu a ni mai ang," a ti ta ngawt a.Chuveleh Ben hmel chu a ruhin, thinrim hmel hi a pu ta thut mai a. "I va rinawm awm ve! Anih heti taka i rinawm hian enge i hlawhchhuah dawn - inneih em ni?" a ti ta vut a.A tihdan chu a haw kher mai a, "Chu zawng nanga lo hriat ve tur a awm lo," a ti ve ta hmak a."James hi ka unaupa a ni a,ka hriat ve chu a thiang a ni," a ti vawt ta ruih a."I lo inrawlh ve chu James chuan a duh hauh lovang. Chubakah nangma thil buaipui tur pawh i ngahin ka ring," Ben a aw ang vela nelawm loh chuan a han ti veleh ngat a."Enge i sawi awmzia?" aw chang fein Ben chuan a han ti leh ngat a."A awmzia chu - Olivia Daniel," China chuan a ti ta hmiah a.Makti tih hriat takin Ben chuan a mitko chu a san awk a, "Mrs Daniel lakah hian ka inhnamhnawih i lo ring a ni maw?" a ti ta hu a.China chuan, "Ka ngaihtuah hrep lo ve," a lo ti hlar a, Ben a nui hmel te chu a ngei hle a. Chutah a pum chu engtin emaw rawn awm leh nghulhin a hria a, a tho va, bualin lam a pan nghal vat a. Ben chuan a rawn zui vat a,chawhtawlh chunga a kun khur ngar ngar chu a lo en reng a.A tithangtlawm riauva hriain, "Engatinge min kalsan mai loh?" tuivawta a hmai phih bawrh bawrh chung chuan a han ti a.A damlo a vil reng pawh chu a duh tawh lo tlat mai!Ben lah chuan, "Awmpui rih turin nangmahin min ngen a nih kha, chubakah Doctor pawh khan lo mitmei rih tur chein min chah a ni," a lo ti awlsam theuh si a.Khum lamah chuan a hruai leh a,a kut vawt thler te chu a kut pahnih chuan a hum lum sak thur thur a.China chu a chau hle nain,Ben a awm ve chuan a ruk tak chuan a tithlamuang takzet a ni. "Ka mut a chhuak hle mai," a han ti a."Chuti chu muhil ta che," nui chungin Ben chuan a lo ti vat a.China chu a maimitchhing a,thlamuang tak chuan a muhil zui ta bam a.A rawn harh chuan zanlai a lo ni tawhin, a luak a rawn chhuak leh ta hle a; a bul chair a Ben lo muhil ve chu light a in on en iar sa avangin a hmu nghal mai a. Tichuan a tho a,bualin lam chu a pan a, a va luak bawrh bawrh a; a inphihfai leh hnu chuan a khum lam chu a rawn pan leh ta a.Ben a hmel a han en leh chuan tawhkhirh leh rorum hmel tak kha a bovin, zaidam leh nelawm tak awm hian a lang a.Chutihlai chuan a rawn harh ve hlawl a, China chu makti hmel zet hian a en a, "Engtizia nge?" a rawn ti chhuak hlawl a."Ani chuan, "Ka dam lo leh deuh a," a ti mai a."Naute, khawngaihthlak," a ti sup a; "Eng hun nge ni tawh?" a han tih zawm leh a.A khum sira sana chu enin, "Dar li," a lo ti a."Coffee kan siam ange, i lo țha zel ang tiraw?""Țha ang ka ring."A chhuah hnu chuan light chu a tithim a, Ben chu a ngaihtuah zui leh ta veng veng a, a nui deuh seih a. A lo luh leh lai chuan a lo maimitchhing siar siar a, a bula Ben rawn țhu leh chu light eng rii riai hnuaiah chuan a han en a, a kut phar chhuah chu Ben chuan lo chelhsakin, a nuai sak nar nar a.Mutchhuak hmel taka meng diar diar chung hian, "Min fawp dawn em Ben?" a han ti sap a,ama aw ngei pawh chu hla taka ri ang mai niin a hria a.Ben chu a che ve vat a, a hmuiah tak chuan dimte hian a zuk fawp a, a hmui chu a lum thar thar a.Nui seih chungin China chuan a en chho va, Ben thaw dap dap pawh chu a hria a, "Dam ver vawr ila ka duh hle mai," a han ti leh niah niah a. Ben chuan pawm reng mai se a duh a ni."Kei tak hian asin duh," tih pahin China biang chu duat tak hian a han fawp leh a. A hmel chu han en lehin, "Aw Pathian, ka duh che a ni - ka hriat theih chinah nang tluka duh ka la nei ngai lo," a ti a, a aw chu a hniamin a thawp sut a, a țawng apiang chuan China hmel chu a en run zel a.Ben a awmdan chu a hria, a chhan pawh a duh em a ni - Oh, a va han duh tehlul em! Mahse a hrilh ngai lovang, Ben chuan a taksa a duh em em laiin, a hmangaih thu vawikhatte pawh a la sawi lovin, China hmangaih pawh chu a duh lovang.Ben han thaw huai chu a hria a, khum bula țhutmutna chair ah chuan a țhu leh ta daih a."Mei zu ila pawi i ti em?" a aw chu a changin, a nelawm loh em em mai a."Pawi lo ve," zawitein China chuan a lo ti sep a.Ben a hmu thei lo zawng chuan a inlet thawk a,rilru na leh khur der der chungin lukham chuan a hmai chu a hup ta tlat a. Ben a lighter hmeh rik khauh khauh chu a thil hriat hnuhnung ber a ni tain, tui zet hian a muhil ta sek sek a.Zing a han harh chuan a lo tlai tawhin, Ben pawh chu a lo awm tawh lo va. A ke chu tlemin a la zawi deuh tih lovah chuan na pawh a nei tawh lovin, a harh hle tawh a, a tuihal em avang chuan a tho va, tui in tur chuan a chhuak ta a.eptember 17th, 2017, 3:25 pmZawitein corridor carpet inphah zui maiah chuan a kal a, James a hmuh tumin a apartment chu a pan zel a. Mahse James chu țhutchawlhna pindanah chuan a lo awm lo va, dawhkan hniamteah chuan Jug a lo awm thung a.A va kal hnaih chuan hai rual lohvin James a nui ri chu a hre ta thut a, a bedroom ah James chu amah chauhvin a awm hauh lo mai.Țhutmutna hnunglama duhdah taka hmeichhe kawrfual in bang chu a hmu ta a.Tlailam kawrfual hringduk, nizan an zanriah einaa Olivia Daniel, aw ngaihnobei zetina hmangaih thu a sawi chu nemnghettu a ni ngei ang.Thudik a han hriat meuh chuan Jug chu a lo hmer ngawt ngawt a. Bedroom a an khawsak dan ațang chuan James leh Olivia chu inngaizawng an ni tih a hriat ta hle a. Chuveleh biang sen țawn țawn hian a kalsan leh ta nghal a.Corridor ah Ben nen an intawk a, Ben chuan a kutin a lo dang a, a ke, pheikhawk pawh bun lo chu a en vung vung a, "Engvang phiangsenin nge khum ațanga i thawh?" a jug ken en reng chung chuan a han ti a.China chuan ngawi reng hian a en a, kekawr bul chauh hain, a darpharh hlai zetah chuan towel hi a bat hnup a. A vun buang thung chu zing ni chhuak chuan a chhun tle deuh hluau a, a bulhnaia a awm ve mai pawh chuan ti deuh huih hian a inhria a."Tui in tur ka mamawh a," hmui ro tak hian a ti a.Ben chuan a jug ken chu laksakin, a kiuah a bat a, a pindan a panpui ta daih a. Tui chu noah a thlitsak a, tukverh puanzarte chu a hlim tawm nghal a. "Tunah chuan i khumah mu leh tawh la, thawhsan tawh suh ang che," thupe aw deuh tak hian a han ti a.A hmel thim deuh khui a va en chuan China chu a nuih a za deuh hle zawk a. A hrilh ang chuan khuma țhu chung chuan tui chu a in ta khawlh khawlh a.Ben chuan nui lek lek chung hian a lo en reng a, "Vawiin chu i țha leh deuh tawhin ka hria," a han ti a."Nia, engmah na pawh ka nei tawh lo, tlemin ka la chau deuh tih mai chauh a ni," tiin China chuan a chhang a."A țha, mahse khum i thawsan hi ka hmu duh tawh lo ania, Doctor in mu hahdam rih turin a ti che a, chu chu i awmdan tur a ni mai. Thil engpawh duh leh mamawh i neih chuan au vak la, ka rawn hre zel mai ang. I hria maw?""Mi vau hmang tak i nih awm hi mawle," a no a tui bun leh pah chuan China chuan a han ti a."I bulah chuan a ngai tlat reng a ni," nui chungin Ben chuan a ti leh mai a, kawngka lam chu a pan nghal a."Ben, lawmthu hrilh che ka duh asin, nizana i thil mi tihsak zawng zawng, heta min hruai haw leh Doctor min kohsak te...." A thawmhnaw a phelhsak leh khuma a muttir lai te a han hriat chhuah chuan a sen leh ap ap a, "I tlai hun hman turte lah ka tihkhawlohsak ta vek si che a," a lo sawi zawm sak hlau takin a ti ta sawk sawk a.Ben chu a rawn inher a, nui suk chung hian, "Lawmthu sawi a ngai lovin, ka engmah min tihkhawlohsak hleinem. I muthilh lai khan i hmelțha tak zet ani," tiin a chhuahsan ta nghal a.China pawh chu a mu leh ta riai riai a, Ben a țawngka chhuak chuan engtin emaw tak a tiphur riau va, a muhil lai kha a lo en reng em ni ang? A, ka ang phuau lo leh hnar ri barh barh chuan ka muhil em lovang chu maw.....ngaihțha lo rilru tak chuan a ti rilru a.A ngaihtuahna chu Olivia leh James lamah chuan a peng leh ta a, hmai hnih neia Olivia khawsak dan chuan a tilunghnur hle a. A ngaihzawng Ben nen hetah an lo kal a, tunah lah James nen an mudun leh lawi si!Ben chuan hre tak ang maw? Hre lo hram se a duh hle zawk a. Ben hi ka ngaihzawng chu ni ve se, mipa dang chu a der pawhin ka melh chhin lovang, ka thei lo reng reng ang, a lo ti rilru ve nauh nauh a.A hnu deuhah James pawh chuan a rawn kan a, a hmel chu a hlimin, Olivia nena an chanchin a lo hriat chuan China awm chu a tinuam lo zawk mah a."Engtinnge i awm zel?" hlim awka tak hian a rawn ti a, a biangah chuan a piai sak zauh a."Ka țha tawh lutuk, nizan kha chu pawi ka ti hle mai," China chuan a lo ti barh barh a."Engmah a pawi lo, nangmah i țhat tawh ber chuan," dar chhin akin James chuan a lo ti ve a."Ka țha e. Khawiahnge Olivia?" a tum lawk reng pawh ni hauh lo chuan a han ti thut a. Oh, a lei hi a veng zo lo leh țhin!James chuan a rawn en vat a, "A bazar anih ka ring. Engatinge?" ngaihțhat loh hmel tak hian a han ti a.A hrilh law law mai zawk tur a ni, a hma emaw, a tlai emaw, engemaw chu sawi a la ngai tho tho vang, a barakhaih lutuk palh ang.Thawk a han la vang vang a, "James, engtia han sawi tur nge pawh ka hre lo, mahse.....ih......tukin khan nang leh Olivia ka hria....! Tui in tur ka rawn zawng a, engmah sawi lo tur hi ka ni zawk a...!" inthiam lo leh sawi chhuah hreawm ti tak hian a han ti bah nak a."Khum khuhna zut nauh nauh pah hian, "I hre ta bawk a, ja hrilh vek law law mai ang che: Olivia hi ka hmangaih a, an ințhen fel veleh nupuiah ka nei dawn a ni," a ti ta a.China chuan mak a ti kher mai, "Hman deuhva min hrilh kha a ni em?" a ti a.James chu a bu nghat a, "Khatihlai khan ka hrilh thei lo che a, a chhan pawh Charles nen an la awmdun rih miau si a. Mahse tunah chuan an awmhrang tawh a, ka hriatchian anga i hriatchian ve hunah chuan in pahnihin ințhian țha tak in ni ngei ang," a pawmpui ve beisei tak hian a rawn hnaih sauh a, China chu a lo nui sak a."Ni e, kan ni ngei ang," tiin a rilru lo deuh chu a han phuh chhuak ve zaih a, engtikahmah Olivia te ang hi chu a kawmngeih dawn lo tih chu a inhre reng a, "Ben an a hria em?" a han ti veleh a."La hre lo, kan inhualna kan puan hma chu Olivia hian la zep rih turin a duh a," lawm vak lo hmelpu hian a lo ti a. Sawi thuai thuai chu a chak hmel zawk a ni.A zep ngei ang, China chuan a lo ti rilru nauh nauh a. James nen an inhmu țhin tih chu hria se, Ben chu a lawm vak lo ngeiin a ring a ni."Kei pawhin hrilh miah lo tur che ka ni a, mahse ka țhian țha ber i ni tlat a; midang tumah hrilh loh min tiam thei em, Ben pawh tiamin?" tiin James chuan a ngen ta a."Aw, ka intiam e," China chuan a lo ti ve vat a, Ben a han ngaihtuah chuan nuam lo chu a ti rilru hle a."I ngawichawi hle mai - Duhtak, min lawmpui ve lo em ni? Tumah ka la hmangaih ngai lo va, ropui deuh ani asin!" a kut rawn vawn pah chuan a han ti leh a.China chu a nui lui sak a, "Ka lawmpui lutuk che a; tin, khawvela vanneihna awm zawng zawng pawh ka hlan nghal a che," aw tihzangkhai tum tak chuan a lo ti a. "Tunah chuan min hrethiam rih la, ka la chak lo va, ka thuthar hriat hian min barakhaih bawk si," a tih zawm leh a.James kut chu a vuan ve a, Olivia chungchanga Warning han pek ve pawh a duh viau a,mahse han hrilh pawh ni tehreng mahse, James a duhna chu a nasa em a, a awih duh chuang dawnin a hre bawk lo a ni."Engtinnge Ben nena in inkar lampang zawk?" James chuan a han ti ve ta thut a."A pangngai reng a la ni mai," tiin China chuan a lo chhang ve zat a."Nizan kha chuan a veng hneh ngawt mai che, chhinchhiahna țha tak a ni lawm ni?" inti hre tak chuan a han ti ve leh a."Ni vak lo, min dembel i tum hle naa, min hmangaih ngai lovang tih ka hrechiang a ni," sawi zawm zel hreh takin China chuan a han ti ve a."Min ngaidam rawh, tihhreawm che ka tum hauh lo a nia," hamhaih hmel takin James chuan a lo ti vat a."Min tihreawm lo ve," nui chungin a lo ti ve a."Ka chawlhtir tawh ang che, ka unaupa tihdan takah Doctor thupek angin," hlim hmel tak hian a han ti a. Han thawhchhuah pah hian, "Engemaw tal han tihsak theih che ka nei em?" a han ti leh a."A ngai lo, ka lawm e." A kal tak hnu chuan China biangah mittui a rawn lum thla zaih zaih a, James chu koh let leh a, warning pek a duh a ni. Charles, Ben, tunah James, Olivia hian mi tihchhiat chuba awlsam a ni. Mahse hrilh ta lem lo chuan a hmai chu lukhamah a phum ta zawk a.Chumi hnu ni engemaw zat chhung chu China chuan a hun tam ber chu khumah a hmang a.Ben pawh ni thum vel thang turin a chhuak bo va, James thung chuan hna a thawk ngawrhin, hlim tih hriat tak hian a kual vel ruai reng a. China pawh a rawn kan deuh reng bawk a.Olivia pawhin vawikhat chu a rawn tlawh vein, pangpar bawr nalh zet hi a rawn pe ve a; an inbiakna tawiteah pawh chuan an inpawh loh zia chu a lang thei a ni. Rei pawh awm lovin a chhuak leh ta thuai a, China pawh chu a thawveng huai zawk a.Tunah phei chuan a țha tawhin, duh duhin a kal vel thei tawh a, mahse James bulah chuan la chak lo hrih angin a la in sawi tlat thung a. Chaw pawh a khum chungah hlir a la ei a, khumah chuan nileng lengin a muin, ceiling chu a hmuh zin ber a ni ringawt mai.La tho chhuak peih lo anga a awm chu James tan chuan thawventhlak zawkin a ring a, a chhan chu a hun awl zawng zawng Olivia hnena a pek theih vang a ni. China chuan ala hlauhthawnpuiin, engtik niah emaw chuan rilru nat hun a la nei ngeiin a ring a, kalsan thei sela a duh ber a ni.Clare leh Paul hnenah pawh lehkha thawnin, Athen a ahun hman dante chu a hrilh a. An honeymoon pawh an hmang zo dawn tawhin, Mexico ațanga an lo kir thuai a beisei tawh bawk a ni. Clare han hmuh leh tawh chu a chak hle bawk a.Ben a ngaihtuah apiang chuan a rilru chu a na ngawih ngawih țhin a, a mamawhnaah chuan Ben chuan duat tak leh ngilnei takin a pui țhin - a vei vang ni lovin.Olivia hi a hmangaih a nih chuan, Ben pawhin a unaupa, pasalah a nei dawn tih a hriat hunah chuan a rilru a na ngei ang; mahse lo hnem turin a hnenah hi chuan a lo kal hauh lovang. Rilru kehsawm vek pawh nise, amahin a tuar mai ang.Ben a hmangaihna chauh lo pawh rilru hreawmna dang China chuan a nei leh ta tlat a,tunah chuan a dinhmun a derthawng leh țan tawh a ni. James an Olivia a neih hunah chuan Hotel hi a chhuahsan a țul tawh ang! Hnathawh tur chu awm mahse, Olivia lakah hnawksak mai a ni dawn si a - chumi avanga James tihbuai a duh lo a ni. Mahse khawiahnge a kal anga, enge a thawh tak chuan ang? Mi tuemaw talin hmangaihna leh hlimna hi an pe thei lo em ni?Nikhat chu, a rilru hreawm zual ni deuhin, a suitcase mawnga Italian lemziak a dah chu a phawrh a; Mrs Stephenson hnena dah tel ve a tum zet kha a ni a, a rilru thlak lehin a phawrh leh a, a suitcase mawngah chuan a dah ta zawk kha a ni a.Khuma mu chung chuan a enin, a khal a khal vel a.Darkar tam tak a khalh vel hnu chuan a pawm chial a, a dinhmun khirh tak ngaihtuahin ceiling chu a melh ran a. Ben an a rawn hmuh lai pawh chuan che map lovin a lo la mu reng a.Ngawi rengin pindanah chuan a rawn lut a, China mu chu en reng a."Thessaloniki pana ka chhuah ni ațangin he kawngkhar hi i la pel miah lobtih James an min hrilh a, eng rilru nge i put China?"Chu aw a hriat veleh China chuba zuangtho vat a, Ben a hmel erawh chu a en ngam lo. "Ka țha vak lo a ni," inveng rilru tak chung hian a ti ta ngawt a, a lemziak ken chu a pawm nghet zual sauh a."Chutiang thu bawlhhlawh chu sawi teh suh, ka kal ni pawh khan i țha tawh hle a ni; chuvangin engvang hrep nge ni? a chhan mi hrilh rawh," bung vut chuan a rawn ti ta a, a khum bulah chuan a rawn kal hnai a.A bula a rawn țhut chuan khum chu hniam ta sawtin China chuan a hria a, a hmel țha tak mai a han en chuan luhlul hmel a lo pu leh hle tawh a. China thin chu a phu rang leh sauh a."Engvangin nge i ngaihtuah? Engatinge min kalsan mai loh?" a han ti a, Ben a mamawhna chuan a duh aimah chuan a țawng rintir leh nghal a."Enge ni Naute, min ring thei lo em ni?" a aw chu a hniamin a nem hle a, China chu a lungchhe ta thut a, a mittui tla mai tur chu a khap sak sak a."Engmah țhat lohna ka nei lo, kalchhuah ka chak lo va, chu mai chu a ni," a ti ta sap a."Zanriah ei turin zaninah min chhuahpui duh ang em?" Ben chuan a lo ti vat a."Engatinge Olivia i sawm zawk loh?""Nangmah ka sawm che a ni.""Aw le," China chuan a lo ti ve ta a.Hlim hmel taka nui chungin Ben chuan a rawn en a, chutah China thil ken lai chu kawkin, "Kha kha enge ni?" a ti ta a."Khawvela ka lemziak ngainat ber a ni," tih pahin Ben chu a entir a, "I duhzawng a ni ve em?" a han ti zui sap a.Ngawi rengin Ben chuan a lo en a, "Aw, ka duh khawp mai, kan ina i pindan bangah pawh khan i tar țhin tak e," a ti ta sup a.'In' - A țawngkam chu pangngai hle mahse, China thinlung chu a khawih riau va, ani 'in' ni ve lovin, Ben a 'in' a ni; engtikahmah a in chu a ni ve thei lovang. A mittui chu a rawn far tak zaih avangin a kun ta vat a.Ben chuan rang taka rawn kuahin a kuai dak a, a mittui luang ngiah ngiah chu a kutin a hruksak a, "China, my love, i va hlim lo em em ve!" khawngaih tih hriat tak hian a ti ta a. "Enge a chhan min hrilh thei lo em ni? James vang em ni?" a han ti a.Ngawi rengin China chuan a lu a thing ringawt a. Ben chu rawn kun hniamin, dimte hian a hmuiah tak a rawn fawp ta a. Reiloteah a thlah leh a, a kekawr ipte ațang chuan thil fun sei it et hi a rawn phawrh a, "Hei hi i ta tur anih hi," tih pahin a pe nghal a. China chuan meng zau kawk chung hian a lo en a."Hawng rawh." China chuan a tuamna chu phelhin a han en a; silver ngun, China mit dumpawl rem chiaha mit dumpawl nei ve hi a lo ni a."A nalh lutuk!" a han ti halh a. "Mahse enge a chhan?" a han ti zui a."Lukhum ka leisak che i khum duh avang khan. Awle dar sarih leh a chanveah ka rawn lam ang che," tiin lawmthu han hrilhna hman pawh awm lek lo chuan a chhuahsan leh ta a.China chu a nui var var a, tun ni tam tak chhunga a hlimna hmasa ber ni hialin a inhria a! Chubakah Ben a alo ngaihzia chu a inhre chhuak ta nghal a ni.An zanriah einaah chuan Olivia leh James an tel lo tlat a. Olivia chuan a țhiante a tlawhin, James chuan a hna lamah meeting a nei a; mahse Ben a sumdawnpui, American nupa an lo tel ve thung a.An boruak chu a zangkhaiin, China pawh a hlim ve takzet a, mitmeng danglam zetin Ben lah chuan a lo en leh reng mai țhin a. Chutah China silver ngun bunna banrek takah chuan nui chung hian a rawn vawn sak a.Hotel a an kir leh hnu chuan Ben chuan a hmuiah a han fawp leh vang vang a; chau hle mahse rilru hlim takin khumah chuan a lawnkai a, "Oh, Ben, i lo haw chu ka va han hlim tak em!" a ti sep sep a.Chapter - 10Bualthlengah China chu a inchiah vang vang a,sahbon phuan buaha innuai chung chuan eng kawr nge a hak ang tih a ngaihtuah neuh neuh a. Tui chu a lum nuamin a rimtui hle nghe nghe a. Hun a neih loh țhin em avangin tunlai chu inleih tlen zawk chauh hi a tihdan ber a ni a, tuna muangchanga inbualna huna nei thei chu a lawm hle a.Zanin phei chu an Hotel hawn zan tur a niin, nalh taka inchei a tum ve a, a sam chu shampoo in uluk takin a su a, nidang ang lo takin curl kir ve deuh pawh a tum a. Bualthleng ațanga chhuakin a sana chu a han en zawk a,hun a la nei tam hle in a inhria a.Vawiin zet chu buai runpui a țet hi a ni ringawt a, James a puiin a buai nileng țhak a ni. Hotel chu a nalh thei ang bera lantir an duh avangin khawih tur apui a tam em em a,an pangpar khawi ringawt pawh chuan hna a titam hle ani.James a partner Saul pawh an chhunchaw ei laiin a lo thleng a. Amah chu tawi deuh, sațha lampang, hang leh ngawichawi zet hi a ni a. James an hmelhriattirna a han neih chuan China chu ngaisang awm deuh hian a en ha a, China pawh chuan a ngaina ve nghal mai a.Darkar khat leh a chanve vel chauh Hotel ah chuan a awm ve hman ang tihin, Saul chu Banker ho hmu turin a thawkchhuak lehnghal a; China chuan a hmu leh ta lo.James chu a hahin, a zam deuh tih a hmel ațang chuan a hrethei a, a kalna apiangah lo bawr tawk an awm reng bawk si a.Olivia leh Ben hmel chu a la lang hauh lo. Ben chu khawpui lehlamah bungrua buaipuiin a kal a.Ni hnih ni thum vel ațang khan Ben nena an inkar pawh a tluang ve tawh hle a,an inhnial tawh mang lo a ni. A hawihhawmin, a ngilnei em em a, inkawp rem tak pawh an ang tawh hle mai.China chuan a sam chu khuih rovin a set malh malh a. A wardrobe chu hawngin,lungawi lo fe hian a thawmhnaw vel chu a en kual dan dan a. Kawr nalh danglam deuh tak hak pawh a duh ve hle nain,chutiang ang chi lah chu a nei hauh si lo. Olivia zawng el phak rual lohvin a rawn nalh leh hle pek awm si a; a tluk dawn lo tih chu inhre reng mahse, han inchhin ve reng reng chu a duh a ni.Chutah hman lawka Clare in a kawr a hawhtir kha a han hrechhuak thut a, a suitcase ah a dah reng tak kha. Tum loh deuhin a thawmhnaw dang zingah chuan a lo tel ve a, Athen ah hian a rawn keng tel hlauh a ni.Wardrobe chunga a suitcase dah chu pawt chhuakin a hawng nghal a, a han hai nauh nauh a, a rawn phawrh ve ta hlawl a. Duhthusam a ji ringawt mai! Kawr zahawm tak chu a ni hauh lo nain, pianphung zawng a tilang ve thei chiang alawm. Bawkbawn rawng anga sen pawl muk raih mai, taksa rem tawk chiaha țhui, nghawng leh ban nei lo, hnute chung chiaha hak theih mai chi hi a ni a.A kawr chu hain darthlalangah chuan a han in en a,ama tan chuan hetiang ang kawr hi chu a lei hauh lo vang; khuh loh lai a ngah em mai. Mahse zanin atan chuan a duh ang chiah a ni ve tlat thung.A hmai chu uluk takin a chei a, a complexion chu a nalhin a tai deuh tek a; han hnawih belh vak ngaihna a hriat loh avangin a mit lam chu a ngun ta thung a. Ruahsur bur bur ni, Italy ațanga a haw hlima Clare in a zirtir ang ngei chuan eye shadow leh mascara nen uluk takin a chei ta a.A inchei zawh meuh chuan a nalh ngei mai! A hmai ngo paw heu maiah chuan tuipui dumpawl ruih ang mai hian a mit chu a paw raih bawk a. A hmuia lip gloss tlem a tah leh hnu chuan darthlalangah a han inen a, a landan chuan a tilawm ve hle mai.A sam curl na chu phelhin a han khuih a,inchhawk nghawlh tawk chauhvin a darah chuan a invaw tle suau mai a. Chutah a kawr chu ha țhain, a zipper te chu a endik leh a.Darthlalang hmaa a han din leh chuan a lungawi kher mai. A kawr hak chuan a dar ruak var hai mai chu a tilang chiang hle mai a; a hnunglam darthlalang ațanga hmeichhe nalh takin a rawn en reng pawh chu a hre hauh lo. A tlereuh inbel dang zawngte chu dahin, Ben an silver ngun a pek chauh chu a bun a, chutah high heel pheikhawk a bun leh ta a.Minute sawm zet ala awm tih chuan a inpeih ta der a,inhnuai lamah han chhuk nghal mai dawn se, vawiin James mood a fuh loh em avangin a lo țim hrep ang tih a hlau si.Chuvang chuan a balcony lam chu panin Athen tlai boruak thiang tak mai chu a dawng ta rih zawk a. Pot a pangpar khawi, rimtui tam tak te chu a hre vang vang a. Chumi tlai boruak chu a nuamin, van thiang kuk maiah chuan thla pawh a rawn chhuak țan tawh a. A dinhmunin zir lo teh mahse he khawpui hi a ngaina țan tawh hle a ni.Thawm ri a hriat avang chuan a hawisawn vat a, a piah lam balcony a Ben a lo țhu reng chu a va hmu ta a. Ben chuan sikret a lo țan mek a,chair hniam taka țhu chung hian a hnuai lama khawpui chu a thlir vang vang a, duhdah fein a sikret chu a zu a.A rawn hmu ve lo. Hmuh chian deuh tum chuan China chu a tawlhhnung hret a, a taksa lian leh chak hmel zetah chuan a ruka khawharna leh mal ngawih ngawiha inhriatna hi hmu tlatin a inhre ta a. Va pan a, va hnem theih nise a duh kher mai. Aw, hlim taka siam theitu ni ila ka va duh tak em! a ti rilru neuh neuh a. A hmangaihna hi dawngsawng duh chu nise thildang zawngte chu a theihnghilhtir thei hial tur a!A kawngkhar bula pen thawm a hriat takah chuan a lut ve ta a; Ben an a rawn hmu lo hlauh chu a lawm hle a. James chu kawngkhar bulah a lo awm a, a rawn hmuh veleh chuan a faifuk raih a."I nalh kher mai, i nalh takzet a ni!" nui var var chung hian a rawn ti a."Ka lawm e," nui chung vekin China chuan a chhang let a, a fakna chuan a tilawm hle nghe nghe a ni."Vawiina khati taka ka chhawr hah che avang khan ngaihdam ka dil duh che a ni, chhuanlam tur ka nei lo, pawi ka ti hle a ni," Mipa naupang ang mai a ni - China chuan a biangah a fawp zauh a, a ngaidam nghal a ni.Inhnuai lamah chuan an chhuk dun ta nghal a, mi pawh an lo thleng țan tawhin, James leh China pawh chu an ințhen zui ve nghal a. Hah hmel tak, mahse tum lui tih hriat takin lo thleng thar apiangte chu James chuan a lo lawmin a lo ti ti pui luam zel a.Minute nga hnuah chuan Ben pawh a bulah chuan a lo kal ve ta a; ngun zeta a thawmhnaw inbel a en hnu chuan a hmai tereuhte chu a han en leh a. "I nalh kher mai!" a aw chu a hniamin a hul hak a. China chuan a wine in lai han dawt hlak pahin a lo nuih sak a, amah ang bawkin Ben mitmeng pawh chu a de ve sar a."Ka thawmhnaw hi i duhzawng a ni em? Clare ta ka hawh ania," China chuan a han ti a; chutah a zam ta deuh thut ni hian a inhria a."Thawk a tichham thei mai dawn alawm," tia chhan pahin China dar ruak kung lam chu a han melh a.A aw chu hniam deuha a hriat avangin Ben a hmel chu China chuan a rawn melh vat a, mahse engmah a lang chuang lo.Zanina a dinner jacket var hak phei chu a nalhin a inhmeh lehzual a, kekawr dum, thawl hek hawk a hak nen phei chuan Paa hliah hliahin China chuan a hria a, engvangin nge maw a hmangaih ve mai loh le?Pindan chhung chu a han enkual a, tun maia lo thleng, Olivia leh James chu a han hmu a. Silk var nalh zet, lace a cheimawi a hak chu Olivia chuan a nalhpui ngei mai! a tilangsar zual hle hian a hriat a."A nalh tak zet ani," amah leh amah inhrilh niawm takin China chuan a tisap a."Tu maw?" a țawng chu Ben chuan a lo hria a.China chuan, "Olivia..," a ti chuai raih a."Ni e," Ben chuan a lo ti mawl ve tawp a. James nena an chamchin hi a hre tawh ang em? A lo hre reng tawh em ni ang?China chu a thaw halh a, hetianga inbumna leh inthlim kual velna hi a kham hluah hluah tawh a. Ben a a hmangaihna thianghlim leh mawl tak si hian ani hi chu a ti aa a; Olivia te ang thil chinchang hre tawh han che kual vel hi chu a ngei hluah hluah mai a ni. Chhuanlam siamin hmeichhe roomah chuan a lut ta ngawt a.A lo kir leh chuan Ben chuan Olivia a lo lampui mek a, Olivia lah chuan zak hauh lovin Ben chu a kuah hle hle a, no em em hian a melh vel a. China rilru chu chemtea vih ang maiin a na vawng vawng a, mahse a tilang tur a ni lo.Hlim hmel em em hian mite chu a biain, a kawm ve bawrh bawrh reng tho va, nui hawk hawk chungin James leh Saul pawh a lampui a, wine a in khan a tiphur deuh bawk a.An party chu a hlawhtling kher mai; darkar khat a han ral leh meuh phei chuan China chu biak a nuamin, a nui sen sen reng a, a bik takin mipaho chuan an bawr buai hle a ni. Ben an a rawn en reng țhin chu a haider ve tlat a, amah hlat thei ang bera awm chu a tum tlat a ni.Zan rei tawh lama a va inthiar zo lo lut leh tur chu James a American țhian, rui zet mai chuan a lo dang ta tlat a. China chu rawn pan hnaiin, a hmai sen țul mai leh a mitmeng sen rum mai chuan a en run mai a, an awmna lah chu corridor zim lai tak berkher chu a ni lehnghal a.Hnawhkian awlsam tak anih beiseiin China chuan nui deuh chung hian, "Min lo hrethiam la, Mister....." a han ti țan a."Andy, tiin min ko rawh - hmelțha," chupa chuan a lo tihkhalh vat a. A aw te chu a ngeiawmin, kalsawn a tum loh hmel kher mai."Khawngaihin min kaltir ta che Andy," hlau rilru tak chungin China chuan a han ti leh a.An awmna lah chu an party na ațang chuan a hlain, țanpuitu han au dawn mahse, music leh țawng ri nuaih nuaih karah tumahin an hriat theih a ring si lo. Hepa hrep hian a rawn zui ru a ni ngei ang, tiin a inngaihtuah a."A theih loh - Baby, he hun hi ka lo nghak ngar ngar ani; ka thil hmuh hi ka duhzawng tak a ni si a. Engtinnge ni ang, nang leh kei hian hun kan hmang nuam thei fu lawng maw?" a ti ta mai a.A rawn hnaih sauh va, a thaw rimchhe zet mai lah chuan a ur huam huam mai bawk si a."Min kal tir rawh," tih pahin China chuan tlansan a han tum a. Mahse chupa chuan bang kilah nambetin, che thei lovin a dang ta hmiah a.Chupa chu ring zet hian a nui ta kuah kuah a, China hlau lutuk lah chu a var pap tawh mai a."I fing kher mai, mahse a sawt chuang lo vang, i kawr hak hian a zir tlat alawm," tih pahin fawh nghal a tum ta mai a. China rilru ah chuan Signor Cencelli kha rawn lang ta thutin, hlau chung chung chuan chupa chu a tlawh ve ta țhuai mai a.Zurui pa lah chuan a ngaihpawimawh loh hmel nasa mai si a. "Min kaltir vat loh chuan ka au vak dawn ania," China chuan a han ti ve leh ngawt a.Hlauh avanga khur leh maimitchhing chungin, China chu a theihtawp tak meuha ring hian a au ta rawng rawng mai a. Reilote hnua a han men leh chuan - rin loh deuh maiin, mumang ang mai zawkin Ben a hmel dur khup chu a hmu ta a. A mitmeng hlauhawm zeta zuruipa chu melhin, a kut chak zet mai chuan a țham kang ta lawp a, a vawikhat khawih pawh chu tuar lovin a thal ta der a.China chu a inher a, Ben a kohna pawh chu ngaihsak zui tawh chuang lovin a tlan ta vak a. Hotel ațang chuan a tlan chhuak a,kawtthler thim tak lam chu a pan a, reilote tal midang han inthiarfihlimsan chu a duh a ni- Ben pawh tiamin. Khawiahnge a kal tak ang? Ben a Yatch kha a han hrechhuak ta thut a, Taxi in a kal mai anga, tumahin chulai hmuna a awm chu an ring hauh lovang.Vanneihthlak takin Hotel kawtah chuan Taxi a lo awm remchang hlauh a, hmanhmawh takin a lo hnai berah chuan a lut ta a. Ben a Yatch dahna hmun pawh kha a la chhinchhiah kiau a, darkar chanve pawh tling lovah an thleng thei mai dawn a ni.Ben a Yatch chu a hmu ta thuai a, lawng chhuatah chuan a pheikhawk sang bun nen chuan a kal ri ta khauh khauh mai a.A mittuiin a hmai chu a lo bual huh vek tih pawh a inhre hauh lo va, harsa ti tak chungin cabin lian ber chu a thleng ta hlawl a. Eng a inchhi lo nain, chuti lutuka thim chu a lo ni lo va, a bul vel lawnglenga an eng chhit chuan a rawn en ve raih a. Nui ri leh music ri te pawh a hriat theih a - an Party ve a ni ngei ang.Dawhkana sikret awm chu China chuan a țan a, ngaiawh tum tak hian a hip vang vang a. Bawp kawkalh nalhin chair dupah chuan a țhu a, engmah hmu si lovin thimtham lam chu a en reng a.Party naah khan a che buai hle tih zawng a inhria, mahse a boruak khan a tihlauvin, Italy a a awm lai kha ang riauvin a hria a, inthunun thei lovin a tlanbo ta mai a ni. Mahni chauhva helai Yatch a awm hi a him ber - tumahin an khawih phak si lo va.Darkar khat a han ral chuan a pangngai tawhin a hahdam tawh hle a. Mahse Cabin kawngkhar rawn inhawng a, Ben a lo lut hmu tur erawh chuan a lo inring pha lo a ni.Banga khawnvar pakhat inkhai chu a han hmet a, cabin chhung chu a eng ta raih a; chair a China lo țhu sawp nalh chu ngawi reng hian a rawn en ta vung vung a. "Heta i awm hi ka ring reng a ni," tih pahin cabin kawngkhar chu a va khar leh rih a.Meng zau kawk chungin China chuan a lo en a, a rilru zawng zawng a hriatsak vek em ni dawn le! "Party kha i rawn chhuahsan ve mai em ni?" zawitein China chuan a lo ti a.Ben chuan a dar a chhin uk a, sikret han țankai ve pah chuan, "Anih ka ring," nui hmel pu lek lek hian a lo ti ve mai a. China hnaih takin dawhkan tlangah chuan a rawn țhu a, a chhan tak pawh hre chuang lovin China chu a hik deuh chem chem a."I țha maw?" tih pahin China hmai chu Ben chuan a han kuai dak a."Țha e," a lo ti ve sap a. Ben rawn khawihna chuan rawn kang ham ham hian a hre bawk a."A tina hman che em?" thinrim hmel takin Ben chuan a han ti ta a.China chuan khur dar dar chung hian a lu a thing nar nar a, "I khawih na zawk em?" a lo ti ve sap a."Ka duh aiin ka khawih na lo zawk, vawikhat khawih pawh a tuar lo." A hmel leh țawng danah chuan tharum thawh leh chak et et hmel hi a pu a. Mahse China han tal deuhah chuan a vawnna chu a thlah leh mai a.Mahse a chevel leh awmdan tinreng mai chu hriat hmaih tum hauh lo ang mai hian a en run reng mai a, chu chu China pawhin nuam ti lovin, lehlama a hawisan ta vat a. Hepa hipna na zet hi a do zo mawlh lo a ni."Athen hi ka chhuahsan dawn a ni," tiin a tumdan chu a han sawi chhuak thut a. Engemaw tal sawi chhuah chu țulin a hria a ni. "Khawiahnge i kal ang?" hawi kher lo mahse a la en reng tih chu a hria a."Khawi hmun pawh nise ka pawiti lo," a lo ti zawi raih a, a hrawk chu hnawhtu awm ang mai hian a rawn tawt nghal up up a."Aspenmere Hall ah ka rualin i lo kal thei alawm," a lo ti a."Zawite hian, "Ni lo, ka thei lo," a lo ti sep a, a ngilneihna chuan a thinlung chu a dek hle thung a."Engvangin maw? hna a awm a, nangin hna i mamawh si a," chher deuh chhuaiin a han ti ve leh thung a.China chu thinrim tak hian a rawn hawi nghauh a, "Ni e, hna chu ka mamawh a ni, mahse innghahna tur leh dinhmun nghet ka mamawh zawk a ni," a duh aia ring mah chuan a rawn ti ve ta phawng mai a.A aw chu a khurin, a mitmu paw raih chu mittuiin a rawn bual nghal a, Hmangaihna ka mamawh a ni, i mi hmangaihna ngei mai hi, han tih chhuah phawng mai chak em em hian a thinlung chu a rum a."Dinhmun nghet leh i himna tur chu James an a tiam lo che em ni?" tiin a lo zawt a.China chuan, "Olivia a nei a, min mamawh tawh lo a ni," a lo ti vawt ve raih a; James leh Olivia chanchin chu a hrilh hauh tur a ni lo, duh pawh a duh bawk lo, amah Ben an a la hmuchhuak ve mai tur a ni. Mahse chung zawng zawngte pawh chu tunah chuan a ngaipawimawh thei tawh lo. Ben a hmel chu a va en a, a thusawi chuan Ben chu a tihphut deuh zawk emaw a rin tehlul vei nen, ani lah chu engtinmah a awm pawhin a hriat si loh va."Chu chuan a ti na deuh che em ni?" a lo ti hu ringawt chauh a."Hlim takin James chu awm se ka duh ani," ti chauhvin a chhang ta niah niah a.Ben chuan thawk a han la hulh a, thinrim tih hriat tak hian a tho a, pindanah chuan a vei tawn ta sek a. "Dinhmun nghet leh i himna chu ka pe thei ang che, min nei thei ang," aw pangngai leh hmel pangngai pu reng chung hian a rawn ti ta a.China chuan a en ran ringawt a, a mitmengah chuan a rilru a na tih hi a hriat hliah hliah mai a, a diriamna chiah nia a hriat avangin a haw kher mai! "Hetiang hi i fiamthu thawh dan a nih chuan......" thinrim zet hian a han ti leh țan chauh a."A nuihzatthlakna ka hre hauh lo, indawrna puithu tak a ni zawk! Nangin himna i duh a, chu chu ka pe thei che a ni," Ben chuan a lo tih khalh zat a.China chuan ben chawrh mai hi a duh a!"A man engzatnge?""Man a nei lovang, nangin i duh loh chuan ka khawih hauh lovang che.""A theih loh - !" tih țhawt pah chuan China chu a zuang tho va, cabin kawngkhar lam chu a pan ta nghal a. Pasalah a nei thei lovang, amah hmangaih ve miah lo tu, khawngaih avang chauhva neih duhtu, anin a thinlung zawng zawnga a hmangaih laiin - engtinnge a neih theih ang? Rilru na reng rengin a awm dawn si a. Ben a ngilneihna ringawtah chuan a innghat thei lovang; chubakah Olivia neih let lehna hmanruaa hman a tum pawh a ni mai thei! Engvang pawh chu lo nise, a duh lo vel vek a ni.Kawngkhar pawh a thleng hman lo, Ben chu a che vut a, chhuahna tur dal tak chuan a ding ta ngut a, a kut chuan a darah na zet hian a han țham a. "Engvangin nge i duh loh, James vang bawk em ni?" rum zeta en run chung hian a han ti a."Ni lo, ni lo," a ti țhawt a, Ben a vawnna chu na a ti hle bawk a. "James vang a ni ngai lo, i ngaih ang kawng zawngin ka ngaihtuah ngai lo," a ti ve ta ringawt a, thudik chu a sawi ta nge nge a. Pawi pawh a ti tawh lo, engtin emaw tak hian zan phah deuh huai pawhin a inhria a."I hmangaih niin min han rintir a, Pathian hmingin, engvang nge, min hrilh rawh?" Ben a țawng chu a bung vut mai a.China chuan a chhang thei lo, engtinnge a hmangaih vang a ni tih a hrilh theih ang?Ben chuan a thing nawk nawk a, a insum zo lo ni ngei tur a ni, China sam, a mittuiin a tih huh hniang chu a en run a, "Min hrilh rawh - China, hrep che hian, a vawikhatna atan thudik i han sawi dun teh ang," a ti ta a.A thinrim hmel chu China chuan a han en a, thudik a hre duh anih chuan a hre ngei ang. Thil kal hnu chu engpawh nimahse, "Olivia Daniel nen in inkawp tlat a," chiang fak chuan a ti ta a.Ben a makti hmel a han hmuh takah phei chuan hlawhtling a inti kher mai. Ben chuan, "Teuh lo, tunah emaw, tunhmain emaw, ka hmuh ațang che khan tumah midang ka tan an awm lo. Olivia nen chuan engtia min han ring dun thei mai nge i nih?" a ti a."Ka....ka.....ka hrethiam lo," chi ai rilru takin China chuan a han ti ve ta niah niah a. A chhungrila a lo beiseina tetakte inphum ru lo awm ta chuan a pum maiin a rawn fan chhuak ta a; a mitmeng chu a duhawmin, pawisawi lo tih hi a hriat hliah hliah a ni."I hrethiam lo maw?" Ben a mitmeng pawh a lo eng ve leh tawhin, a vawnna pawh chu a thlahdul ta nghal a. "Ka hmangaih che tih hi i la hrethiam ngai hauh lo amaw? Ka damchhungin ka nghak dawn che emaw ka lo ti tawh asin."China chu a thaw ta hiam hiam a,beiseina chuan a mitte chu a kap de sar sar a, sawi tur bar pawh a hre ta lo zawk hial tawh a ni! A lawm kher mai! Ben vek chuan, "Ka hmangaih em em lai chein kan inkarah James a awm tlat reng a, nangin i lo hmangaih lo anih chuan....." a thusawi lai chu tawpin, duh tih hriat zet maiin China hmel chu a han en leh rih a."Ben..! Ka hmangaih che...." China chuan a ti ta sep sep a.Ben chuan thaw ham ham chung hian a han pawthnai a, a pawm ta vawng vawng a. A hmui rawp tak mai chuan China chu a fawp ta ngawih ngawih a, ani pawhin timna nei map lovin uar takin a lo chhang let ve ta vat a. Ben tukhum sam te chu chul pahin China chuan a kuah nghet ve ta sauh sauh a.A tawpah Ben chuan a pawmna chu thlahin, mitmeng de sar hian a han en a. "Min neih chu i tum thei dawn em China? I tello chuan ka khawvel nun hi a ruak a ni; sum leh pai leh thuneihna duhtawk a awm lo - țangkaina a nei bawk hek lovang," awki hniam ruai hian a ti ta a.China chu Ben kuah reng chung chuan a thaw hle hle a, a sam sei tle siau mai chu Ben darah chuan a hnawk niaih a. A hmangaihna chu a mit ațangin a eng chhuak phat a."Aw, ka nei ang che Ben, ka hmangaih...." ati ta sap a. A sawi laia Ben an a kuah nat deuh salh pawh chu a hai lo. "Mahse i room ațanga Olivia lo chhuak lai kha ka hmu a, Egypt a i kal dawn ni khan...." zawite hian a han ti niah niah a.Ben chuan dimte hian a rawn fawp leh a, "Mahse i hriat loh chu sawm lohin a lo lut tih kha a ni. Ka chhuah tir lehnghal bawk tih nen hian, ka ti takzet a ni. China, kan karah engmah a awm ngai lo; hmeichhe rapthlak lutuk a ni a, min beisei tih chu ka hria, mahse ka ti thei ngang lo a ni. Charles chunga a awmdan hi ka hua a,tunah chuan a tinhriam tak pawh James chungah a phar mek a, i hre ve kher lovang a, a laka venhim che hi ka tum reng a ni." Thudik a sawi ngei ang, a lo rinchhiat theihzia chu ngaihtuahin China chuan anchhia a inlawh ru ta mawlh mawlh a."Tukkhat an awmdun lai ka phawk a, James chuan a hmangaih thu pawh min hrilh nghal a, Olivia nen in inkawp tlat nia ka hriat avangin i tuar viau pawh ka ring a."Ben chuan nui chung hian a lo en a, "Naupang aa tak i ni, ka ngaihsak ngai der hleinem, James pawh pawi ka tihpui thei tawh ang chu, i hmangaih lo tih ka hre tawh si a.China chu hlim takin a lo nui hak hak a, "Min lo ngai tenawm awm mange," a han ti zui sap a."Nia, ka hria, min ngaidam rawh - my love. Ka bual ina ka hmuh ni che a James i lo ko kha, khami ni ațang khan nikhat mah ka la theihnghilh lo che asin. James a ta emaw i nih ka tih avang khan ka that lo chauh che a, ka hmangaih che avangin i chungah pawh ka rawng hle a, James bula i khawsa tur ka han ngaihtuah phei chuan thah hial che ka duh a, James nen. Ka duhna che hian min bual aa a, k beiseina neih chhun chu ka hnemna mamawha min rawn pan hi a ni. Egypt ka kal hma zanthum kha chu ka mu hauh lo va, ka kalchhan pawh kha i lakah ka inveng thei dawna ka hriat loh vang chauh a ni. Ka lo haw a i lo awm lo phei kha chu ka aa lo chauh va, James rawn phone in, ka lo thlawk chhuak nghal ta a ni."Olivia nen," China chuan a lo ti hmanhmawh a."Airport ah James pan turin thlawhna a lo nghak a, ka bula kal ve a rem em tih min zawt a, ka rawn kalpui ta a ni. Nangmah bak ka rilruah engmah a awm lo reng reng a, ka tihdan che pawh a a mawi lo tih chu ka hria, mahse nitinin ka siamțha leh zel ang, ka tiam a che." A nghawnga a rawn fawhna chu a lum ham ham a.China chuan Ben a sam chu a chul nep nep a, a hlim lutuk chuan thih mai palh a hlau kher mai!Ben a a han hrilh chuan a lo nui suk a, "Engtikah nge min neih ang? Enkawltu tur i mamawh a ni, ka tiam a che, Aspenmere Hall a khum khuhna sen zawng zawngte pawh kha ka dah bo vek ang," nuihzat hmel deuh tak hian a han ti a.A chhaihna chuan China biang chu a ti sen ap ap a, hmana a hnena a sawi tawh kha a rawn sawi chhuak leh tih pawh a hria a ni."I duh hun hunah ka nei ang che. Tin, puan sen kha dahbo a ngai lo, ka duh alawm," a ti sap a. A hmangaih ve tak tak a ni tih rin chu harsa a ti hle zawk a."He lawng hian khawvel kan fangkual ang a, Honeymoon hmangin - Tichuan kan kir leh tawh lo vang a!" Ben chuan a han ti dam duai a.Hmana a sawi ngai bawk a han hre nawn leh chu China pawh a nui leh ta sak a, hei baka Honeymoon hmandan nuam tur chuang awm pawhin a hre lo a ni.Ben a nghawngah chuan him inti tak hian a kuah hla hla a, "Tunah hian Honeymoon chu kan țan thei tawh nghal mai lawm ni?" Ben a hmui bul setah chuan a ti se se a. Ben a kawrhma kilhna chu phelhsakin, a awmhmul te chu a chulsak neuh neuh a.Ben chu a thaw halh a, thawp sat hian, "China! a han ti a.Mahse China chuan a țawng chu chhang lovin a hmui chuan a lo chhang zawk a, Ben pawh a thusawi lai a tawp chiang kher mai. Ben kut tha chak zet chuan a kuah vawng vawng a. Tunah chuan thinlung inhmu tawn leh an chhungril inkharkhipna zawng zawng inhawnsak tawnin an awm ta a, an khawvel damchhung hun atana an duhthusam ang takin, duh ber ve ve an inpawm ta.Tunah zet chuan China pawhin chenna in leh dinhmun ngelnghet tak a nei tain, 'ka in' tih ve theih turin Aspenmere pawh a ta ngei a ni ve dawn a ni.

• Get link
• Facebook
• X
• Pinterest
• Email
• Other Apps

May 10, 2020

Post a Comment

Read more

HIS BOARDROOM MISTRESSBy - HK RenthleiTranslated by - L.H VarteCHAPTER - 1"I mipa duhzawng chu ka hria alawm,Liz.! Nupui duat deuh chi mipa.........!"A laizawn te pathumin a pasal la neihloh an buaipui a,an titi laih2 lai chuan an nu ber chuan a rawn fin ta a,an ngawi ta țhap hlawm a.A laizawn te chuan thurawn pe in an fuih laih2 mai a.Brendan chuan an inkar boruak chinfel nan inngaihtuah na hun neih pahin Nepal lama kal a tum thu a hrilh kha a ni a.Nepal chu Sydney ațang chuan a hla hle ani.A duh leh Himalaya tlangah bo daih sela,a duh leh Buddhist ho țawngțaina inah tawmbo kumkhua mah sela pawi a ti bik hauh lova.Thawk lak an mamawh ve2 ani.Mahse a chhungte bula an ințhen thu han sawi nuam a ti lo hle a,a pa kum sawmrukna piancham an lawm ani a,Brendan a tel ve loh chhan chu sawi loh theih ani si lova.An panga chuan.....a nu leh a laizawn pathum te nen.....choka ah an țhu țhap a,mipa ho eisiam an eina a seng fel zo hlim ani a.A nu leh a pa in tuala naupang hlim authawm ri lelu leh an pa ber nui thawm chu an ngaithla țhap mai a.Anu chuan thil awmdan zawng2 hriat a duh leh ngei dawn ani.Kumthum zet Brendan nen chuan an lo awmdun tawh a,an ințhenna chuan tina lo mahse mal riau hian a inhre ve tlat a.A laizawn dangte chuan pasal fanau neiin awmhmun an bengbel a,an hlim hle hlawm ani si a."Enteh,Liz,mipa hnathawh nghet nei zawng tawh rawh," an upa ber chuan a rawn tichhuak leh ta hlawl mai a, "Fa i neih hunah chutiang mi chu ila mamawh ngei dawn si a," a han ti zui sap a.Jane chu kum sawmthum pali a ni a,fanu pahnih anei a.A pasal chu Company sum vawngtu a niin a hna ah a rinawm tlur mai a,siki pawh ziah bo tir chi a ni lo tih hi a hriat reng a.Chhungkaw pangngai taka seilian mi ni sela,chutiang mi chuan chhungkaw hlutna an hrethiam țhin ani, Sue chuan a lo tihzawm ve nghal zat a.Sue chu kum sawmthum a ni a, ukil pasalah neiin fa,mip phir an nei a,an hlim hle a,a nupui chu a hmangaih hlur mai bawk a.Liz chuan Brendan an sawi chhan tih chu hre reng mahse a ngawi lui tlat a.Brendan chuan hnathawh nuam ati ber a,chhungkua tia sawi tur mumal a nei lova,nu leh pa lem kara seilian a ni bawk a.Brendan nena an inchawmna khawp chu a hlawh a ni tih a hrilh fo țhin nangin an lungawi ngai chuang lova.Brendan kha chhungkaw pa ber atan chuan an iai tlat ani."I pu hi enge a an ang le.?"Diana chuan a rawn tichhuak t hlawl mai a.Diana chu kum sawmhnih pariat ani a,a hnathawhna a an hotupa ber,thawmhnaw dawr tam tak neitu a awk fuh a,fa an la nei lovin an hlim phian lehnghal a."Enge ani chu?" Liz chuan a lo ti hmak a."Cole Pierson a hausak zia te chu tlang hriat a ni alawm.Billionaire a ni hial tawh ani lawm ni......an ințhenna kha a fel tawh em? An awm hranna a rei tawh hle si a? a nupui lah hi a lerh khawp a,chanchinbu phek hmalam hi a awh reng mai anih hi.A mipa kawp lah a thlak sek a,Enteh,Liz, Cole Pierson hi i tan a țha ngawtin ka ring asin," a nau chu a lo en ran a.Chhaw lutuk teh suh.A nupui a țhen avanga neih theih ani kher hleinem, a lo ti hlar a.An hotupa mit la tur khawpa țan han lak chu thir hlawm sut keh tum ang ani ngei ang le,a nuih a za hial a.Ala naupang alawm,kum sawmthum paruk chauh ala ni a,i tan a țha lutuk.Nang,kum sawmhnih panga.....I duh phawt chuan i nei thei ngat ang mawle,a ring che in nangmah ah a innghat nasa hle si a, Diana chuan a ti leh zat2 a."Cole Pierson hian hmeichhia anga min en pawh ka lo hre ngai love," Liz chuan alo ti bak hlar a.Hmangaihna tih vel sawi tel hauh lova pasal zawn sak an tum chu a lo haw hle mai a.Bakah, a pu chu chutiang zawngin a lo en ngai reng2 si lova."Engtinnge a en theih reng ang che? Brendan ringawt i buaipui a,I pu mit la tur zawngin awm ngai hek lo che," Diana chun tifuh inti fe hian a lo ti let ve leh hmiah a."Kei chu țha ka tih zawng tak a ni asin.A pa lianin a hmelțha hle a,hausa bawk si,si hlir ani ringawt alawm," Jane chuan a rawn ti ve ta hlut a.An chhungkaw naute leh sumdawng hausa han hmehbel chu nuam a tihzawng leh a phur zawng tak niin a lang lehnghal a, "Țha i ti ve reng2 em,Liz?" ala rawn ti țalh a."Teuh lo lutuk," Nupui fanau neia pa hlim thei tak anih lai kha chuan țha chu a ti thei teh meuh mai.Pa hausa leh lar tak,nupui hmelțha zet nei kha ani miau a.Mi awh pawh a hlawh hle anih kha! Han beisei ngam chi rual a ni lo anih kha.Bakah, Brendan kha....khatih lai kha chuan Brendan bak mipa ngaihsak a nei ngai tlat lova,a pu chu alo ngaihtuah ngai reng2 lo ani."Engtinnge țha i tih loh theih zawk a? I office a ka lo kal chang te hian a lo fel hmel thei hle si a.....a hmelțha chang ani lo,kawm anuam hle bawk alawm,a mitmeng lah kha,a paw duk raih a," Sue chuan uar fe hian a rawn ti ve leh ta a.Awih awm loh2,mitmeng paw vawt ruih,nelawm loh ropui si.Pawh theih loh hmel a pu ani reng si a.A fapa,thla sawm pariat kal taa a boral ațang phei kha chuan Cole chu a nun a dang ta daih ani.An fapa boral hnu lawkah a nupui nen an awmhrang a,an nupa nun kha a buai reng2 ani.Chumi hnu phei chuan a pu chu pawh a harsa zual sauh ani.A hna lamah chuan a ber niin mi dawr lah a thiam a,mahse a chhungril a hlim lo ani.Hmeichhe tam tak, amah hnaih tum tute pawh an beidawng fo reng ani."Kan inkarah chutiang thil a awm lo hrim2.Cole chuan sumdawnna bak ngaihtuah a nei lo bawk," tiin ning zetin Sue chu a han melh nghek a.Sue hmel lah chu a phur tulh2 lawi a,tum nei ranin a nau chu a han melh a, "A thluak chu tihchet sak deuh angai dawn anih chu," a lo ti zawi sap mai a.Diana lah chuan alo pawmpui hmel hle leh nghal a."Mipa,puitling tawh lehnghal rilru inthlak danglam hlei lovang e," a lo ti hlar a.Diana chu alo nui har2 a, "Office bungraw pakhat angin a en ve mai2 che ani maw? Han in en ta che! Engtikah nge i sum senga incheina thawmhnaw i inlei tawh le?" a rawn ti leh ta a.Liz chu a thinur hlur tawh mai a.Diana tan chuan chutiang sawi chu thil harsa a ni nang,pasal hausa zet anei a,a hnathawha a sum lakluh ve chu ama incheina lei nan bak a hmang ngai hleinem."Hnathawhna thawmhnaw zahpui awmloh zet2 ka ngah alawm," a lo ti tawi hmak a.Thawmhnaw nalh te chu engatan nge a tih ve ang?"Thawmhnaw țhing lutuk hlir," Diana chuan alo ti leh nghat a, "Thawmhnaw dum suit leh pheikhawk țhing zet2.Dik tak chuan maw,Liz, i lang hmanlai em ani.In tihdanglama,i landan diktak pholan hi hun i ti ve tawh lo maw?" a lo ti hmiah mai a.A laizawn pahnih te chuan an lo pawmpui ngang mai a,an chhungkaw naute,an duat rawn luai2 țhin chu han chei danglam an chak hle niin a lang, "I sam hi a sei hian i lang upa tlat țhin alawm.i țawn khawm tawp phei chuan kei aiin i lang upa daih zawk.Tan la,siam țhat tir ve ang che," Jane chuan alo ti sauh2 a."A rawng pawh kha.Thawmhnaw dum leh sam uk a inrem lo,ti danglam nghal rawh aw,i nalh reuh ngawt ang," Sue chuan alo ti ve bawk a.An țhut hual laih mai a."Thawmhnaw man tlawm leh zahawm ve si i thlang khawm a,thlak vek ang che,i ti angem,Liz?" Diana chuan alo ti leh aNi e,chu chu a hnial thei hauh lovang.Sam siam tir nana pawisa sen ai chuan zuah a.țawn fel mai kha a duh zawk a,Brendan lahin samsei alo ngaina bawk nen.A thawmhnaw nise aman tlawm leh zahawm ve tawk chu a lei duh chi ani reng bawk a."Enge a pawina awm a? Tuman ka thawmhnaw leh ka sam an sawisel ngai lo," tiin a u te pathum chu a han melh ra2 a."Oh, I mawina zawng2 i thupbo vek tlat alawm," Diana chuan alo ti chiam a, "Han inchei parh ve deuh la chuan i nalh ber dawn tih kan hre țheuh alawm,naute," alo ti zui a."Ngawi mai2 teh u.Kan chhungkaw zingah ka te berin ka țhing ber ani mai a,a pawina ka hre love," tiin a thin a rim hlur tawh a.A û, Jane i,sang thlarh mai leh nghawng sei zet,englai pawha nalh reng chu a han en a,model ang mai a niin a che reng2 chu a zei thlarh mai reng a.Sue chu sang lutuk lo mahse a hmeichhia hnap mai a, a meng nung sarin a sam kir lek2 chuan a ti hmelțha zual sauh a,mipa mit ala țhin reng ani.Diana chu mitmeng pawl ram leh sambuang thang ani a,a kal tawhna chinah chuan mi thlir zui a hlawh ziah bawk a.An pu ber pawhin a duh chat danah a mit a del bik lo tih a lang reng bawk a.A laizawn pathum te chu an țha in an nalh hlawm em ani.Pasal an neih hma pawhin a nu chu a buai thei hle țhin anih kha.A laizawn te lakah chuan a te bik deuh reng2 a,a sam uk kharh chu a tam hle a,enkawl pawh a harsa reng ani.A mitmeng pawh a paw bik thak a,a ha rual țha zet tih loh chu a u te aia hmelțhatna leh nalhna a neih alo inhre ngai lo reng2 a.A nui mawi hle ani tia an fak fo chu a ning hlur a.Nuih chakna pawh anei lova,țah vak a chak ut2 zawk a, "Ngawi teh u, nula nalh deuh anga min chhuah chu tum lo mai teh u.Thluak țha deuh leh hna țha zet ka nei a,min buaipui lo zawk mai teh u," a ti hlur tawh mai a."Cole Pierson a mit la turin kan chhuah dawn che anih chu,a ngaihlu sa reng bawk si che a," Diana chuan alo ti leh thuai a."Khawngaihin kan pu chu he thilah hian telh lul teh suh u!" Uar fahran hian alo ti a, Cole a reu2 in an unau titi chu a hriat a hlau ut2 mai a."Nula mawl leh nalh lo i nilo tih i tihlan a hun tawh alawm.Han inchei ve deuh la,i inchei ngai lo lutuk reng2.I sam tih danglam leh thawmhnaw țhui dang deuh inbel a ni mai a....""I sam rawng hi ti sen deuh hlek ila,hei ai hian," Sue chuan Jane țawng lai chu a lo țawng khalh zung2 a.I beng hnuai zawn ah khan tanrual phei ila,i sam alo sen deuh chuan i mit kha a lang hring ngei2 ang," a ti leh țalh a."A hring lovang!" Liz chuan a lo ti tuarh a......"Ka....""Hmm....a sen ngei tur ani.Ka sam siamtu ka lo bia ange,ka hruai ang che," Sue chuan a ti ta nghat mai a."Keiin ka bazar pui che anga,thawmhnaw chi dang,i inhmeh deuh tur ka thlansak ang che," Diana chuan alo ti ve thuai a.A man tlawm2 kha thlang lul suh u aw, Diana.Aman khan kan naute hi a ti thlabar hlauh ange," Jane chuan alo ti har2 a."Awle,awle,""I sam,a hmasa berin,chutah i thawmhnaw," Sue chuan hnial rual loh hian a lo ti nghet charh a."Hmai chei thiam hnena hruai a ngai bawk ang.A landan thar turah inhnawih loh2 tur kha a lo inhnawih ange," a ti a."Pheikhawk mawlh kha! Ka nu pheikhawk niawm tak hi a bun reng a,""Tehlul mai,a ke chawn nalh zet rem tur ngei hi lei angai ani,""A ke rek te reuh hi a nu hrep asin,a no nalh hle si a,mipa nalh tih zawng tak tur a ni reng si a,"An hlimpui nasa mai a.An naute chungah chuan Cinderrella anga dawihvaih thila lan danglam tir an tum ni ngeiin Liz chuan a lo ngai a.An hlawhtling hauh lovang,a țap lo chauh tawh a."Duh tawk lul teh u.Nangni naute lem ka ni love aw! Ka duh duh ka inbel ang,ka duh2 in ka awm ang," alo ti țhawt2 mai a.A û te pathum chuan an lo en ta țhap mai a,an hlimna lakbo sak tu ni mai awm hmel pu hian rilru nat hmel fahran hian an en a.An unau ami ni lo,hmun dang ațanga lo chawr chhuak ve ni maia inhriatna a nei ta hial a,a men par mai a."Liz i bulah hian keimah chauhvin ka han awm ange aw," an nu ber chuan a rawn ti ta hlauh va.Engmah sawi lovin a ute pathum chu an thova,an pasal fanaute awmna lam chu an pan ta dial a,a nu chuan a û te chhuah fel hma chu engmah a sawi duh lova.Anu chuan duat hmel zet leh hrethiam hmel tak hian a rawn en ta a,a rawn kuahin Liz i țap chu a lo chul heuh2 a.Brendan laka a thilphalna zawng2 hnawl a nih avanga a rilru natna chu a nu chauh chuan a hrethiam ani.A û te pathum chuan an inkawp tirh phat ațang rengin an ngeih lo nghal ringawt anih kha."I tana mipa dik tak ani lo ani, naute. Siamțhat i tum nasa hle tih chu ka hria alawm,mahse innghahna tlak tura enkawlna leh zirtirna dawng ngai lo ani a,a harsa anih kha," a lo ti dam diai a."Mahse zinvah pui te kha a nuam hle asin,ka nu," a lo la ti hram a."Mahse ani nena in inkawp khan i laizawn te leh inu leh i pa te hi min thlauhthla tlat ani.I lo hre lo pawh ani mai thei a,mahse ani ringawt i ngaihtuah avang khan i û te hian hloh ta che ah an in ngai ani ber mai.Neih let leh che an duh a,țanpui che anduh anih hi,hrethiam hram rawh Liz. I laizawn te an niin an hmangaih em2 che ani," a nu chuan a ti dam thlap a."Mahse an ni ang ka ni ve hleinem," ala ti ta fan a."Ni lo mahla i țha em2 tho alawm,bawihte ka fanu te zinga thluak țha ber leh fing ber i nih hi," tiin duat tih hriat zet hian a nuih var2 a, "Hmeichhia,I laizawn te ang ve tho i ni a,nangmah hi i in ngaihtuah lo rei tawh em ani.I û te thiltum pawh kha awm lo ti suh,i hlim nana antih anih kha,a tihlim phian mai tur che asin.Anni aiin i nalh daih zawk ang," tiin a nu chu alo nui hawk2 a. "An pasal te sawn țha an ti zawk daih che in an veng reng mai ang," alo ti a."Nang pawh chu.....?"A nu chuan a lu alo thing nar2 a, "I hnathawh hi an chhuang hle che asin Liz. An sawi fo alawm,an duh ang chu tihtir mai rawh,an tihtheih ve tawk ania,an hlim dawn em asin,an naute inih kha hre reng ta che," a lo ti dam thliam a."An thusawi kha i hria em? Rapthlak ka lo ti hle asin.."A nu chu a lo nui hawk2 a, "Kha aia rapthlak a chei che an tum hma in zawm mai rawh bawihte"Liz chu alo thaw huai a.Ni e,a nu sawi angin a hlimpui phian mai thei asin, "Awle,min tichhe vek em lovang chu!" a ti ta halh a."An ni ang chu ini hauh lo,nang aiin an fing lo vek ania aw," tiin a nu chuan a biangah chuan a piai zauh a. "Va kal la,an hlimna chu va tihhlawhtlin tir rawh le,in vaiin in hlimpui phianin ka lo ring asin," a ti ta a."Awle, Mahse Diana khan Cole Pierson a mit lak tir min tum tlat alawm,a mumang mai2 anih kha," a la ti zui hram a.A pu te chu arsi dang daiha cheng a ni si a.Arsi vawt chi. Huh!Khapa thisen vawt lutuk kha sam senin a tilum anga maw? Nula nalh lutuk.....Model lar ber pawl......Tara Summerville pasal ani alawm! Diana mumang chu a thleng dawn lo hrim2! A nui hak mai a.CHAPTER - 2A nu chu a hlim lo hle mai a.Cole chuan anu hlim lo hmel hmuh chu hrehawm a ti hle mai a.A pa thih hnu ațang chuan a nu chu a khua a har em2 a,a duh angin a awmpui hman der si lova.Kum kalta mai ațang khan a nu chuan bridge a khel ve a,a țhiannu Joyce Hancock nen an inkawp a.Joyce chu School Principal chawl tawh ani a,a nu nen an zin dun țhin in an hlim ve hle a.Mahse vanduaithlak takin Joyce chu a tlu sual palh a,a khel ruh a sawh palh avangin Asia chhim chhak lama zin tuma an tihfel diam tawh chu țhulh angai dawn ta ani.Chumi kartawp chawlh chu a nu bulah hmangin tihhlim tumin a bei a,mahse anu chu a hlim hleithei tlat lo ani.Mona Vale Hospital ah Joyce chu an kan a,a nu chenna Palm Beach chu an pan leh ta a,a nu chu a țap țeuh mai a,anu kut chu vuanin alo thlamuan a."Joyce chu ngaihtuah reng2 suh.Khel ruh tliak te chu an enkawl dam leh mai ang. I rin aia hma in a țha chhuak leh mai ang," alo ti dam thlap a."Keimah a zin mai turin min ti nangin mahni chauhva kal chu ka zuam si lova.,"Anu chuan a zinna turah chuan a rilru a lo pe nghet hle tawh alo ni.Amaha kal tur chuan tihchi ani chai si lova.Hotelah a buai ngei anga, thil a theihnghilhin hun a vawng dik lo zo leh anga,a thlenna hmun te a hai leh anga,a bo thei hial ang chu.A pa boral hnu ațangin a nu chu a haihawt em2 mai a.Cole chuan a in nuam leh zau zet enkawltu chu a dah sakin a harsatna a ngihven sak reng chung pawhin anu chu ho te ah a buai viau zel mai ani si a."Ka nu,zin chu nangma thu2 ani mai.Joyce kha a inthiam lo hle ani," a han ti leh hram a."A rilru kha ka tihrehawm zawk ani.Captain's Choice Tour Company chuan engkim an buaipui thei vek thova.Damlo leh inhliam palh thlengin doctor rawnna senso pawh an tum vek alawm.Joyce khan kal se min ti hle a,ka heilh chhawn veleh theih nan.Țhian thar ka chhar a rin thu te.....""A ti mai2 anih chu," Cole chuan alo ti thuai a.Joyce chu anu nena khaikhin chi a ni lul lo mai.A ni chu a kawlhrawng deuhin țhian siam te a awlsam a,anu erawh chu chutiang mi ani si lova."Ka kal mai dawn emaw nile.Engmah țhulhna kan la tifel lova,naktuka tihfel ah ka lo ti a," tiin a nu chu a che sek mai a.Zin sela a buai hle anga,zin lo sela a buai hle bawk anga,a nun a buai leh zo dawn ani. "Kalpui i neih a ngai ang,ka nu.Nangmah ringawt chuan i khua a har lutuk ang," a han ti leh a."Mahse Joyce aiawh tura hruai mai tur ka hre hauh si lova"Anu zinpui thei tu tur awm ngaihtuah chuan Cole chu a han ngawi vang2 a, "Zin chu i duh tak zet si amaw?" a han ti leh hram a."Ka tumna a rei tawhin ka chak hle chu a ni alawm.Mahse Joyce tello chuan......" tiin a aw chu a zuih ral ta mai2 a.Cole chuan a rilru a siam fel ta a.A tan chuan channa a ni ngei ang le. Liz Hart, ama mimal Secretary chu chawlh hmangin karhnih a thang bo tawh a,a rawn zawm leh hun a ni tawh alawm.Chu nu tello chuan a buai em2 reng a,a tello chuan a hna a sawt thei reng2 lo.Mahse anu zin hruai tur chuan Liz Hart tluk tur an awm hauh lovang," Engkimah a rintlak dawn tlat ani."Joyce aiah ka P.A nu ka rawn tir mai ang," anu hlimna bak chu enge tihtur a neih chuan le? A hmangaih neihchhun a ni miau tawh si a.Anu chu alo dakchhuak thuai a, "Chutiangin i ti ringawt thei lovang,Cole," alo ti ro halh a."Thei tehlul mai.Naktuk zingah Liz chu ka lo hrilh ange, pawi a ti hauh lovang," a lo ti leh thuai a."A hriat pawh ka la hre ngai si lova," anu chuan alo ti leh nghat a."Naktukah khawpuiah lo kal la,chhunchaw kan ei ho dawn nia.I ngainat zawng anih chuan....a țha ani mai a.I ngainat zawng anih loh leh i zin loh a ngai mai dawn ani,"Anu chu a dilchhut țan ta hle mai a, "Engang mi nge anih.....I hnathawk tunu chu?" aw zangkhai deuh hian a rawn ti ta a."Ka duh ang apianga hna fel taka thawk thei ani," tiin alo nui var2 a."Ani ngei ang,anih ngei a ngai ani.Nang ang hrawn thei tur chuan.....Cole. Mahse amah chu engang hmel pu nge anih a?"Cole chuan a chal a chuar nang2 a,chhan mai ngaihna a hre lo hle a, "A pangngai ani mai," a ti ta ringawt a.Anu chu alo meng bial pap mai a, "A hmel a țha em?""Mi chefel leh fimkhur tak ani,""A upa tawh em?""Kum sawmhnih panga vel aniang""Engang mitmeng nge a neih le? A mitmu rawng ania ka zawh che," a ti a.A lo hre hauh lo mai a,hriat tuma a ngaihtuah ngial pawhin a hrechhuak zo ta lova, "Mitmu rawng mai2 in enge awmzia aneih a?" a ti ta ringawt mai a.Anu chu alo thaw halh mai a, "I hre lo ani maw? I lo en ngai hauh lo anih chu. I nun hi thlak danglam teh aw Cole. I nun hlimna kawngka i khar hi hawng tawh rawh,ila naupang hle ani," a lo ti zui mawlh2 mai a.Anu chuan a zilh leh dawn ani tih a hrethiam mai a, "A mitmeng chu a de sar a,a fing hle tih a hriat alawm,a mitmeng rawng aiin chu chu kan hna atan a pawimawh zawk ani," alo ti hraih a.Anu in beidawn hmel zeta a lo en chu haiderin Liz awm loh chhunga a aiawhtu tur a ngaihtuah zui san ta daih a."A hmel a țha in.......a nalh em.....a lian nge.......a sang nge a tawi?"Cole chu alo thaw huai a,anu chu a dilchhut mah2 ani, "Hmeichhe pangngai ani e.Lungngai suh, a buaipui hneh em2 ang che ka nu," a han ti a.Anu chu alo thaw huai a, "Min hrilh belh chu tum tawh lo mai teh Cole," a ti ta halh a.Anu dilchhutna chu a hrethiam mai a,a khawngaih letling hle a, "Zin nuam ti chi ani a,a chawlh hman ve apiangin a zin bo daih zel ania.Zinpui che chu a chak khawp ang,a tan a remchang dawn em asin," a han ti leh hram a."Chuti chu kei min hruaichu a tan hnawksak mai ka nilo tihna ani maw?""Teuh lo mai,Zinpui nuam i ti ngawt ang""Nangin i ti em?""Engmaw?""A bula awm nuam i ti ve em?""Awle,ka lo ngai ngawt ang""Ah"Anu lam chu a han hawi thuai a,anu chu alo lawm hmel hle mai a,enge a ngaihtuah anga aw......a ti rilru a."Ka lawm e, Cole. Ka tan hian i in pe zo hle ani. Liz chu ka hmu ve chak tawh hle mai" tiin a lo nui var2 mai a."A țhat chu"Anu hmel chu a hlim ta! Ani pawh chu a hlim ve ta deuh sawt a.*************************Thawțanni zing alo thleng a...!!A office pindan zau leh ropui zet dawt chiaha Liz office kawngka chu a rawn inhawng ta a.A dan pangngai tein dar riat leh a chanve chiahah alo thleng leh ta ani.Liz hi chuan a hna hi a tlin in a hlawh pawh a phu hle reng ani.Nu rintlak tak ni lo se chuan anu zin chu hruai tir a tum hauh lovang.....karhnih chhung zet chawlh la in a zinbo san tawh a,a lo buqi tehlul nen,mahse karhnih dang a liam leh chuan engkim an dan pangngai angin an thawk leh thei tawh ang chu!A țhutna ațang chuan thovin an inkalpawhna kawngkhar lam chu a pan ta a.Joyce aiawha a kal bo leh hma a hna a thawhtir duh chu kengin a bih ngar2 mai a.Hun hi pawisa ani a,hun khawhral mai2 thei an ni tlat lo ani.Liz chuan a zinna turin Passport te,Visa te leh a țul ang2 a ngaihtuah ve a ngai bawk anga,hun a pek leh a la ngai dawn si a.Kawngkhar a hawn chuan mikhual hmeichhe pakhat hian Liz i lukhum khaina ah chuan a bag leh a kawrchung hi a lo khai mek a,ama ta niawm taka tlangnel hian a che zei lehnghal a.Chu hmeichhia chu a sam a sen uk kharh mai a,kawr hring mar zet,a hnunglam zau fahran hi a ha a,a kawr khuh phak baka a chawn nalh fahran chu mawza pan te chauh hian a tuam bawk a.Hmeichhe bun chi hliah2,pheikhawk ke artui te reuh te leh sang zet hi a bun bawk a.Tu tehlul chu ni maw? Engemaw a rawn tih dawn chu le? Liz i office ah lehnghal.Liz i aiawhtu tumah ala chah si lova.Hnathawk tumah an chawlh hun pela chawlh phalsak an ni lova,an aiawh tirh phal ani bawk lova.Liz chuan a hrechiang hle si a.Chu hmeichhe kawng fek rat leh a mawngbawr nalh zet chu a han melh leh hram a,a rawn inher a,a kawr chhana a hnute bu bial laih chu a melh ta ran mai a.A kawr nghawng zau zet chuan a awm no zet chu a pho lang chiang hle bawk a."Chibai,Cole"Chu aw ril leh dam raih chuan a tiphu nasa mai a.A han en chho deuh a,ala hmuh ngai reng2 loh hmui sen hlar mai hian a sam a beng hnuaia kum phat ang maia hmui ku. phat hian a lo en a.A mit chu.....a lo hmuh țhin ai khan a lo lianin a de sar mai a.He nu hi Liz Hart, alo hriat țhin kha a ni ta hauh lo mai le.A aw chauh chu a pangngai alo hriat țhin chu ani."Engthil tehlul nge i chunga i tih le?" Liz lo men pharh awrh2 na tur khawpa vin hian a han ti ta a.Chutah,chu nu te chuan khabe poh lah hian a rawn en chhova, "Min lo ngaidam la?" a rawn ti ha mai a.A benga rangkachak bengbeh tle zauh2 chu a la hmuh belh ta lehnghal a, "Tehchai che hian,nangmah ang lo takin" tiin a innghahna ber nula,a lo rin em2 țhin chu a en ta tlawk2 mai a.Chunu te lah chuan cho zet hian alo en a, "Ka inchei dan hian a tilungawi lo che elo?" a lo ti khai2 mai a.Cole chu a harh zawk mai a.....Liz tereuh chuan engangin nge arawn cho le,engang pawhin vawiin hian rawn inchei danglam mahse,a landan aia tawhkhirh leh rilru lian a ni tlat ani."Ti lungawi lo hran love. I landan chu a țha khawp mai. I lo kir leh ta chu ka lawm hle mai Liz" a tichhuak thei ta hram a."Ka lawm e" tiin a lu chu a dah hniam ve ta nghal a,a nui var2 a, "Kei pawh ka lo kir leh hi ka lawm hle ani" a ti zawi ta riai a.Cole chuan chu nui hmel chu a lo hmu fo tawh a, mahse chuti em a a mawi chu alo hre ngai hauh lova.A sam rawng danglam vang ani mahna le,nge a hmui hnawihsen zet chu,a enga pawh ni sela,a lang danglam hneh em ani.En tawh lo se a țha ang,a hmai chu a sen vek tawh a,a tai hlar mai a.Hna a thawh chhung bak chu hetiang hian em ni a lo inchei țhin ang le? A lo inthup ru țhin em ni ang?"Kha thil kha ka thawh tur em ni?" tiin Cole lehkha ken chu a rawn kawk ta nge2 a.Cole chu a lo phu zawk lo chauhva, "Aw, ka nu Asia chhim lama zinpui turin ka duh che ani" a tichhuak ta hram a.Liz chuan a lo en reng a,awih lo lutuk hmel a pu a.An phu ve2 anih chu! A țha e,an in tiphu tawn ani mai alawm,a lehkha ken pakhat chu dawhkanah chuan a han dah a.Liz chuan a tikhur lo chauh reuh ani.The Captain's Choice Tour ani a,Borneo,Burma,Nepal,Laos,Vietnam,Cambodia....ni sawmpanga chhungin Oantas thlawhna hmanga kal tur ani.Passport chi dang leh Visa te i mamawh anga,hri danna chi hrang2 i lak a ngai bawk ang,Passport i nei sa em?""Nei e" Liz chuan a lo ti zawi sap a."A țhat nasat chu"Liz chu a dinna ngaiah chuan zung a kaih dawn emaw tih mai turin a ding khawng reng mai a,a hma a lehkha inpharh pawh chu en a tum chuang lova.Cole chuan dawhkan chu a han kik ri kauh2 a."Hetah hian ticket țul apiang dah vek ani a.Engkim hi a man pek vek a ni tawh bawk.Joyce Hancock hmingin i kalna tur hi tihfel ani tawh ani.""Joyce Hancock!" Liz chuan a lo ti hram a."Ka nu zinpui țhin ania,a khelruh a ti pelh a,a kal thei ta lo a ni.Han hruai mai tur dang a hre si lova" ati a.Liz chuan a lu a lo thing nar2 a, "I nu chu....Mrs Pierson maw......Hriat pawh min hre si lova?" a lo ti a."Ka hria che alawm.I bulah chuan a him tur thu ka hrilh tawh bawk a""Mahse.....""Ka nu hian kalpui a mamawh ani,nang hi ka mi rin ber ini a,bakah,zin țhang ilo ni bawk a.A dik em?" tiin a han en a.Liz chuan thawk alo la vang2 a,a thawk lak zawnga a hnute lo pawng al2 chuan Cole mit chu a la rang kher mai lehnghal a.A landan danglam mai avangin a endan a ti danglam ve tur ani lovang."Ka lawm e.....i mi rinna ah chuan. Mahse inu chu hmu ve ila a țha....""Vawiin chhunah hian chhunchaw kan ei ho dawn nia.Level 21 ah dawhkan lo hauh la,ka nu chu a lo kal dawn ani,hmuh che a chak hle asin" a ti ta a."Mrs Pierson chu....a damlo em ni?""Damlo love,mahse a haihawt hle a,hun danglam dan leh inthlak dan te,in kal hun turah te a buai ka hlau ani.Nangmahah a innghat tawp mai ang.A chiang tawk em?" a ti ta a."Min kalpui chu a duh amaw?""Kal ngei a duh avangin a hnar thei lo che ani""Chuti chu a tana hun vawngtu atan min ti anih ber chu""Enteh,tuna a zinna tura zin tum hian a lo inbuatsaih rei tawh em a,hlim taka zin theih nana puitu țha ber leh rem hre bera ka hriat ini tlat ani""Min lo ngaina lo ta sela?""Enge a pawina?" A duh aiin alo chhang bung mah2 ani.A nu chuan he Liz Hart thar hi a ngaina ngei anga,nula satliah ang leka a chhuah kha a chhuahchhal duh hial ang chu!"He thil hi i kawl dawn em ni ang? Harsatna i nei angem?" tiin an in melh tawn ran mai a."Nei hran lovang" chapo hmel pu deuh hian a lo ti a.A mitmu chu a lo hring reng ani!"Awle,a țha anih chu,buaina i nei anih chuan min hrilh thuai ang che"Ama office ah bawk chuan a kir ta thuai a.Chu nu landanin a tibuai ruai chu a thin a ur hle ani,hmeichhe mawina a ngaihsak lohna a rei tawh tehlul nen.A thin a ur hlur mai a.Engvanga rawn intidanglam nge maw anih reuh ni? A ang lo lutuk.A kalbo leh tur chu a thawven thlak huai ang chu! nula itawm zet secretary a lo nei reng ani tih ngaiah alo neih hman anga.Hna a ngah tehlul nen,anu chhunchaw eipui a lo ngai leh anga,Liz Hart danglam chuan a tibuai zo vek ani.Zing hnathawh țan a tiphur awm loh zo vek alawm.Level 21 a an chaw ei chu a tui hle ang.Mahse a hak lo chauh a,anu in a kawppui thar tur a han hmuh chuan a lawm dawn em asin,chu nula tih lunghnur chu a duh hauh lovang.Chapter - 3Liz chuan thawk a han la vang2 a,a dawhkan lam chu a pan ta a,Diana zirtir anga pheikhawk sang buna kal leh chet vel te chu a ning hluah2 a,țhut a chak hle tawh ani.Cole Pierson makti hmel lah khan a ti zam chhe lo chauh ani si a.Han inhera han hmachhawn kha a huphurh em2 a,chutah ani lah khan a hnute zawn kher a lo en lehnghal si a.A hnute hmur lo pawng ta țalh2 te kha a haw hluah2 a,Cole khan alo hmu ngei ang.A taksa en lo tura duhin a han be lui hram a,chutah a hmui kha a rawn ensak leh ta si a,thawk pawh alo thaw țha ngam lo anih kha....Cole Pierson avangin a landan chu a tidanglam lovang,a inchhir tur ani lo.Hnathawhna ah sam rawng tihdanglam phal loh tih dan a awm lova,a hmaihnawih aia nasa a hnawih midang a hmu hnem em mai.A hna leh a landan chu inrem lohna reng2 a awm lo.A û te ho lah chuan nalh an ti em2 a,anu pawhin hlim zetin a kuah in an fak laih2 mai a.Ani pawh chuan a landan thar chu inhmeh riauvin a inhre ve hial reng ani.Cole Pieeson vanga a hlimna thar tihchhiat chu a duh lova,a phal bawk hek lo.Office bungraw pakhat ang mai leh Computer ang maia a ngai leh tur chu a duh tawh bik lovang.Mahse mak takin khawl anga entu chuan a nu zinpui turin a lo ring hle mai si a.A dawhkana lehkha chu a han en a,Cole Pierson chuan a tiphu nasa hle ani,ala hriat ngai miah loh kutah anu chu a dah ngam ani a,man lova a zinna tur remchang zawng ani ngang mai,engkimah a ber a enkawlna an dawng ngei bawk ang.Nepal maw? Brendan pawh Nepal ah a awm alawm.Brendan hmuh chu a duh hauh lo,an inkar chu a tawp hmiah tawh tur ani.Brendan khan a nun alo pawt hniam zo vek a lo ni."Brendan Wheeler tello hian i changkang zawk ang" anu in a lo ti kha alo dik reng alo ni,damchhunga kawppui atan chuan a lo tlakloh em alo ni.Nute chuan thil țha an lo hre nge2 țhin ani lawm ni kha....An zinna tura lehkha pawimawh chu a han keuva, engkim mai chu a ber hlira remruat vek alo ni a.A nuam hle ang chu,hmun nuam leh ropui zet2 tlawh tur te,hotel changkang ber2 a an thlenna tihfel sa diam te alo ni si a.Ei leh intur man pek lawk vek ani a,riahna leh sum ngaihtuah ngai der silo.Nuam lutuk tur chu ani reng ani.A landan chuan a pheikhawk ațanga thlawhchhuah tir tura a û te beisei anih nakalai a,chutianga zinna tur a han nei ta hlauh mai chu ropui tak ani ringawt a.Nuam a ti zual sauh a.Level 21 ah dawhkan a hauh fel a....Cole Pierson te ang milar tan dawhkan awmloh a awmlo bawk a,alo harsa lo khawp mai a.Chawhma zawng chu a zinna tura pawimawh chu a buaipui char2 a.Cole chu a office ațang chuan a lo chhuak leh ta hauh lova,koh pawh a rawn ko hek lova,a tawm char2 mai a,a buai viau ani ngei ang.Dar sawmpahnih a pelh chuan Liz chu intifai turin bualin lam a pan ta a,darthlalang ah chuan a han in en a,a pu awmdan chuan a ti zam tur ani lo tiin a infuih mawlh2 a.A pu chuan alo seh em lovang chu...!A pu kawngka chu ava kik karh2 a,a lut ta nghal a,ani chuan dawhkanah lehkha alo la bih ngar2 mai a, "I nu hmu tura kal a hun tawh e" ava ti ta a.Sydney a Restaurant changkang ber pawl chu a ni ngei mai a,Chiefly Tower a awm a niin a sang veh vawh hle a.Cole nen chuan an inrem hle ani mai thei e,mi hausa tawntaw a ni miau a,ani erawh chu kutdawh ang mai ani si a.Mitmeng paw muk raih hian vawt zetin a en reng mai a.Liz chuan nuam lo a ti ru hle nangin a pu a ni a,a lo hriat țhan em2,nelawmna nei lo kha ala ni reng tlat ani.A sam a dum hlap a,a hnar sang vah leh khabe ruh kual invuah nghet charh chuan a ti lang luhlul hmel hle bawk a.A mitmengah chuan thuneihna a lang chiang hle bawk a.Armani suit a hak chu a inhmeh hle a,pa neinung tak a ni tih chu a hriat reng mai a.Mahse mihring pangngai a pha tlat lo ani.Khawl thluak nei,mawi taka chei ang chauh ani,lumna leh nelawmna a nei lova,a thaw ve țawkin sum bak a ngaihtuah ngai lo."Ka nu thlwn tawh leh tawh loh i zawt tawh em?" a rawn ti chhuak hraih a."Zawt lo.A hunah kan thleng hman thovang chu""Ka nu hi khawvela hun hmang dik thei lo ber pawl ania,chuvanga mamawh che chu ani" tiin kawngka chu a hawng lawp a."Keimaha a innghah lehzual a ngai dawn anih chu" Liz chuan alo ti let salh a.Cole hmaa kala,a kawr nghawng hnunglam zau tak ațanga a hnungzang lang a hmu tur chu hrehawm a tiru em2 a.Cole chuan a en ngei ang,eng tak ngaihtuah ang maw?Cole nu engang nge anih ve ang le? A fapa ang maia nelawm loh leh zawhna khirh pui2 zawh ching a nih teh chuan le.Dawr neitu chuan Mrs Pierson chu a thlen tawh thu alo hrilh ta thuai a."Alo phi chung tawh mai thei ani" tiin hmeichhe pakhat,savun țhutthleng lianpuia lo țhu chu an pan ta zel a.Ani chuan tukverh ațang chuan Sydney khawpui chu a lo thlir vang2 a.A sam chu a țuak var siau tawh a,a hmai chuar ve deuh tap tawhah chuan alo darh deuh niaih a.A vanglai chuan a hmelțha ngawt ang Liz chuan a ti rilru a.Kum sawmsarih mi vel niin a lang a,a hmel chu a zahawm hle bawk a."Kanu!"A fapa aw a hriat rual chuan a rawn inher nghal thuai a,a phu zawk ni mai hian a lang.Mitmeng paw raih leh hlim hmel tak hian a fapa chu a han en chhova, a ang pham mai a."Kanu!" Cole an a han tihnawn leh chuan a nu chuan harhchhuak zawk hmel hi a pu a,a hmui chu a chip ta a.Liz chuan Cole insehruh hmel chu alo mitsir zauh2 a,engvanga thinur hmelpu riau nge maw anih chule? "Hei hi ka secretary Liz Hart chu anih hi.....Kanu, Nancy Pierson," a tichhuak hram a.Nancy mitmeng chu a de zak2 mai a,Liz lamah chuan a kut a rawn phar chhuak a, "Ka duhtak, engtinnge he pa hi hna i thawhpui theih zawk le?" a rawn ti ta a.Cole a nu chu nu tlang tak a ni ngei mai le!"Cole hi pu țha tak ani alawm.A hnuaia thawh hi nuam ka ti hle asin" a lo ti let ta thuai a."Hna!" Nancy chuan nin hmel zet hian alo ti a. "Tui kawng thim takah a lut reng mai anih hi,nem awmzia a hre tawh hleinem.A hna bak hi engmah hmuh leh hriat a nei tawh lo""Kanu!" Cole chuan a lo ti thum chhak a.Liz chu a lo inrawlh ta thuai a, "Cole an i zinna a hruai tur che in min ti a,a nawm hle kq ring asin" tiin alo nuih var2 a.Alo inrawlh fuh hle ani,Nancy chu alo nui ta var2 a.Liz kut chu a rawn vuan nghet zual sauhva, "Keipawh nuam ka tih ka ring asin,han țhulh leh mai chu a uihawm hle mai si a" a rawn ti ta sarh2 a."I kawppui atana min ruat duh hi ka lawm teh asin.Hmun ropui tak2 han hmuh te.....""Awle....." Nancy chuan mitko san ak2 hian a fapa chu a en a, "A chang2 hi chuan maw,remruat te hi a thiam ve leh fu țhin a" a han ti leh hram a."Intur in duh em? Liz, enge i duh? Kanu,ila duh belh em?""Tuisik ka lo in ange" Liz chuan a lo ti thuai a."Champagne" Nancy chuan alo ti thung a,a mitmeng chu rinhlelh hmel zetin a de rah2 mai a, "Ka hmu che hi ka lawm hle ani,Liz. Cole,intur chu chah rawh le,i Liz i ka hmu hi ka lawm hle ani" a ti nawn leh ta ngat a.A Liz i maw? Cole chuan a nu bulah chuan engangin nge alo sawi ang le? Ama ta angin alo sawi em lovang chu maw."I lawm avangin keipawh ka lawm e,kanu" ti nghat chungin intur dahna lam chu a pan nghal a.Nancy chuan Liz kuta vuan lehin țhutna lam chu a panpui ta nghal a, "Hawh, țhu ila,i han inkawm teh ang" a ti ta a."Enge hriat i duh le?" tiin Liz chuan a țhutpui ta nghal a."Hna lampang nilo.In chhungkaw chanchin han sawi teh le""Kanu leh ka pa te chu Nuetral bay ah an cheng a....""Hmun nuam tak ani asin""Ka pa chu doctor ani a,ka nu chu nurse ania,mahse.....""Pasal a neih hnu ah a chawl ta a""Aw ni e.fanu hlir pali a nei alawm.Kei hi a naupang ber ka nia""Khai aw! Hmeichhe rual chhungkua in nih ngawt chu le"Liz chu alo nui hawk2 a, "Ni e,kapa pawhin a ti fo alawm.Mahse tunah chuan makpa pathum a nei tawh a,a phunchiar a ziaawm tawh khawp asin""I û te pathum chuan pasal an nei vek tawh amaw? Ava hlimawm dawn vele! Pasal an nei țha hlawm em?"Liz chuan a û te pathum leh an pasal te chanchin chu a sawi ta sar2 a.Cole chu intur nen alo kir leh tawhin an bula dawhkanah chuan a hung a,an țhutna ep ah chuan a țhu ve ta nghal a.Nancy chuan Liz chhan hreh zawng tak zawhna a rawn zawt ta khauh mai a."Enge nangma chungchang ve hi le,Liz? Nge Cole ang mai hian....." tiin a fapa chu a han melh zauhva......țhian i kawm ngai lo zawk le?"Liz chu a ngawi deuh vang2 a,ama mimal nun chu a hnathawhna a an pu ber hriata sawi chu a chak lem lo hle mai a.Cole chuan beisei loh takin a rawn chhan ta hlauh mai a, "Mimal thil lutuk chu zawt teh suh,kanu," a lo ti ta hlauh a.Nancy chuan a fapa chu a en a, "I lo ngaihtuah thleng ve em,Cole,hetiang nula hmelțha leh fing hian tlangval amah ngai em2 tu a zinbo phal lo tur a nei ve ang tih hi?" a han ti leh ta a.Cole chuan anu chu alo melh ra2 mai a. "Chutiang bialpa te chuan an lo ngai lutuk hman bik nang.Karhnih chhung chauh tur a niin nang lah han thik chi i ni si lova" a lo ti tawi hmak a."I hrilh chawpchilh hle si a,tihtur engemaw te pawh an lo nei ve mai thei asin.Liz hi i zawt reng2 em,nge thupek i pe mawl tawp,i thu zawm tura ngaiin?" A nu chuan a lo ti let hmiah a.Cole chu alo thaw huai mai a."Mrs Pierson......""Nancy tiin min ko rawh,duhtak""Nancy....." Liz chu a nui var2 a....."Tunah hi chuan bialpa ka neih loh lai tak ania.Cole an hetianga zinna hun remchang min siamsak hi ka lawm takzet asin" alo ti ta thuai a."I lung a awi tawh em?" Cole chuan a nu lam hawi chuan alo ti a.Anu pawh chu lungawi hmel zetin alo nui ta a, "Tehlul mai" tiin a lu alo bu ta nghat2 a."Malaysia ah chuan ka kal tawh ngei a,mahse,Kuching ah chuan ka la kal ngai miah lova" Liz chuan an nufa țhelh nan chuan alo ti leh thuai a.An zinna tur chanchin chu sawiin Nancy nen chuan an phul ta char2 mai a,Cole chuan a thil ei lai ei mawlh2 pah chuan Liz chu a melh zauh2 va,anu in amah a tawng tur chu Liz chuan alo țhelh zel ani tih alo hrethiam ve ani ngei mai.Nancy chuan a ngainat hmel ta hle a,Liz titi chu mitmeng nung sar hian alo ngaithla a.Cole chuan a awmdan chu hrethiam tak hian alo melh zauh2 a,an mit a intawn zawng chuan Liz chu a thin a phu leh dawt2 țhin a.Hetiang hian ala awm ngai hauh silova,tuna taka engvanga danglam ta riau nge anih le? Anu vang nge a landan danglam vang? Asecretary nula satliah ang ni lova a en tak vang em ni ang? A pu ang ni lova Nancy fapa anga a en vang em ni ang?A ngaihna ahre lovin a awm a nuam lo ta hle mai a.Cole nena thinlung lama inhnaihna neih a duh lova,a nu hova an inhmuh khawmna hi a zawh rual2 in vantlang ang mai a ni leh ngei dawn ani."Inrinni hian tihtur i nei em,duhtak?" Nancy chuan a lo ti leh a."Enge ni a? tihtur em2 phei chu ka nei lova" tiin a lo en ha a."A țhat chu! Palm Beach a ka inah lo kal la,ka thawmhnaw ken tur te min rawn en fel pui ta che.Joyce in min tihsak vek țhin a.Car i nei em? Mipui vantlang zinga kal hi a hrehawm deuh țhin a,car i neih loh chuan.....""A harsa lovang,ka rawn kal thleng em2 ang" Liz chuan alo ti thuai a.Car a nei ngai reng2 lo.Khawpui chhungah chuan car a mamawh ngai lova.Palm Beach chu ni e,a hla deuh ngei mai a,mahse a kal thleng em2 ang."Cole an a rawn hruai thei tho vang che tih sawi ka lo tum a" tiin a fapa chu a han en a, "I thei ang,i thei ang tiraw? Bakah, Cole, sumdawng pawl ho,intawhkhawmnaa sawm i nih kha theihnghilh hauh suh ang che" tiin a chal a han chuar nang a, "Dar sawm pakhatah nge darkhat ah kha aw" a ti ta vang2 a.Cole chu alo thaw huai a, "Ka lo kal ngei ang,ka nu, Liz chu ka rawn hruai nghal bawk anga" nin hmel zet hian a lo ti a.Liz chuan taxi chuan man chawi aia a pu hreh zeta inphurh tir chu duhzawk lo mahse alo hnial duh lova,alo ngawi ta mai2 a.A pu dawhtheihna chu a pan hle tawh tih a hre tlat ani."Lo thlen hma deuh i tum dawn nia aw,dar sawm pakhat hma ni thei sela.Chhunchaw tui deuh kan eidun dawn nia.Thawmhnaw inbel loh tur zinna a ken hi a hnawk duh a,thlan thiam a ngai hle si a" a ti a,a nui sang mai a.Liz chuan thawmhnaw ken tur awm chu a hre mai nangin a sawichhuak duh lem lova.Nancy tan pawh ala enfel sak dawn a,engang nge a ken duh ang le? Ken țeuh a tum loh hram a beisei a.Mahse Cole a telve zel tur chu a ngaimawh ta hle a."I duh ang i sawi zo tawh em kanu?" Cole chuan alo ti ro halh a."Zo tawh e" tiin hlim zetin a fapa chu a nuih var2 a, "Ka lawm e duhtak.I Liz nen hian kan hlim dun hle ka beisei tlat ani,min hawhtir phal avangin ka lawm e,a tello chuan i lo lungleng hle in ka ring asin," a ti leh ta sar2 a."A aiawhtu an awm tho alawm"Liz chuan makti zet hian Cole chu alo en a,anu a hruai avangin a hna țha zet a chan phah twh chuan le,a hna chan chu a phal hauh si lova.Cole chuan alo en let thuai a, "Liz tluk tur chu an vang hle anga,nge in zinbo chhung chu chawlh lo la ve mai ila"Nancy leh Liz te chu ngawi rengin an in en ran mai a.Cole chawlh la tur chu an awih lo dun ngang ani.A ei a,a in a,hna a thawk a,a mu chauh ani si a.Vawiin ni zet chu an phu zawk2 vek mai anih hi!Cole an alo ngaihlu der chu Liz chuan alo lawm tawk hle a,a awm a ti nuam huai2 mai a.Chapter - 4Cole chuan anu chu Liz chuan a enkawl hneh hle a beisei tlat a.Anu in lungawi taka Liz a lo lawm mai chu mak a ti hle ani.Chawhnu lam zawng pawh chu hna a thawk sawt lo hle mai a.Anu lah khan chhaw deuhah a chhuah a.Liz vang vek ani.Anu khan Liz nen khan hmehbel ala tum zui lehnghal a,inrinni ah pawh hruai turin ala ti leh nghal a.Liz vang vek ani,rawn intidanglam vel chiam lo sela chuan anu chuan khatiang rilru kha a pu hauh lovang le.Liz bialpa țhin kha khawiahnge a awm tak le? Mipa,rei tak kawp tawh chu a nei khan a hre ngei mai a.Brendan anih kha! Liz in zin a sawi apiangin a hming a sawi tel ve ziah țhin kha.'Ka' ti lovin 'Kan' a ti țhin kha a ni sia.Anu phunchiar na tih reh nan dawt a sawi mai2 em ni ang le? A bialpa chuan zin a phal tho a rin vang ani ngei ang.Cole chuan hriatchian a duh ta hle mai a.A bialpa nena an ințhenna chuan chaichimte chu phengphehlep ah a chantir ta em ni le?A hna chungchangah khan Liz khan hlauthawng hmel engatinge a put le? Hnathawk țha ber leh thiam ber pawl a ni a,a in hre ngei tur ani si a,hlauthawng tur ani lo tih inhre awm tak anih vei nen.Inrinni a anu ina an kal leh hma chu engmah a hrechiang dawn lo ani.Thawhlehni zing alo thleng a,Liz chu sakei zia ang maia thawmhnaw de țhak mai,a taksa rem zaih hi a rawn inbel leh ta a.A kawr rem tak pheikhawk nalh zet hi a rawn bun bawk a,a kerek te chu a no chek lehnghal a,a buai tulh2 mai a.Nilaini ah chuan kawr pawl tawt zet,coat nena hak chi hi a rawn inbel a,a sam sen duk nen chuan a inrem hle mai a.Cole chuan a tum loh deuh2in a melh sek mai lehnghal a.Ningani alo thleng a,pawnfen chhing leh kawr phiar dum a rawn inbel leh ta a,a rangkachak bengbeh beh chu a tle zauh2 a.Cole chuan intihhlimna a neih khat zia a inhre chhuak ta hial a,Liz Hart te reuh chuan a hna leh hlimhlawp chawhpawlh duh ta sela......chutiang ngaihtuahna a nei ta chu a inhaw hlur tawh mai a.Zirtawpni alo thlen meuh chuan a thin a ur hlur tawh mai aa.Liz chuan kawr buang,kawrkilh ngah zet hi a rawn ha leh a,a kawng fek rat ah chuan kawnghren hi a hreng bawk a,a itawm hle reuh ani.Liz Hart chu nula duhawm tak ani.Mahse eng inlaichinna mah neih a duh lo,Liz nen ngat phei chuan a duh lo lehzual.! Amah beiseina mitmei ala hmuh hauh lova,a dan pangngaiin a hna a thawk mawp2 tho si a.Zirtawpnia an ban dawn hnaih chuan Liz chu a office chhungah chuan a lut ta ngei a,hreh hmel deuh tak hian a rawn be ta a, "Naktuk chungchang kha......inu chenna hmuna kaldan......""Ani tak e,khawiah nge, enghunah nge ka rawn lam ang che?""Min hruai ngei2 turin ka phut hauh lo che a""A awlsam zawk tlat si alawm" tiin a chair hnung chu a ngheng ur2 a."Bus hmang pawhin kal ila pawi ka ti hauh lova" a lo la ti țalh a."I tellova Palm Beach ka thlen chuan buaina ka hmachhawn nghal dawn asin" awmze nei fe hian alo ti a."Oh,anu nen an inhau nghal dawn tihna ani a,pawi ti hmel zet hian a han en a, "Tihbuai che ka duh lo hle asin Cole" a ti sap a."I tihbuai ka ni hleinem,kanu vang ania.A duh ang tihsak hi ka hreh ngai reng2 hleinem Liz.I awmna hmun min hrilh la""Khawilai remchangah emaw ka lo chang mai ang che""I awmna" alo ti nawn leh nghat a."I buai phah lo zawk......""I awmna hmun min hrilh chu a harsa viau em ni Liz ?" Cole chuan a lo ti ram hmak a."Bondi Junction ah ka cheng a,i kal kual phah vak a ngai dawn tlat ani,ka lo......""Benelong Point a ka chenna ațangin minute sawm tlan chauh anih chu""I pan tur lam pan nan minute sawm hun i khawhral dawn tihna ania" Liz chuan alo ti ve nghat a."Minute sawmhnih pawh nise enge pawi !"Liz chu alo thaw huai a, "Rawn tlan let kher ngai lovin kawngah lo nghak che ila ka rilru pawh a nuam zawk ngei ang,rel pawhin ka kal thei....""In a ka rawn lam tur che chu i bialpain alo remti dawn lo tihna wm ni ?" A inthunun hman hma chuan a ti chhuak ta hlawl mai a.Liz lah chuan mak ti hmel zet hian alo en reng lehnghal a.A chapona avang chuan inchhir hmel chu a pu duh bik hauh lova,kartluanin a hre chakin a ngaihtuah ber ani bawk a,chhanna nghakin Liz chu a en run mai a.Liz chu alo sen țawn2 a,a meng dul raih mai a,an inkar boruak chu a danglam hle ani,tlawm zawk nih chu an tum lo ve2 hle niin a lang bawk a."Bialpa ka nei lo ka tih tawh kha" a ti tawi tak mai a."Kanu min hnial tihtawp nan dawt i sawi emaw ka lo ti a""Thudik tak anih kha !""Engtik ațangin nge? Ka hriat hnuhnun ber kha chuan zindun in tum kha ania......Brendan em ni kha?"Liz chu alo ngawi reng a."Heta i rawn thawh ațang khan in in kawp chawt kha ani a,i rawn thawh hma ațang tawhin ani mahna""A kalbo tawh" chapo hmel vah hian alo ti a."I kalbo tir em ni,a ni em?""Ama thu a kal ani alawm" zamlo zet hian alo ti let hmak a."A chhuahsan che tihna em ni?""Ka rorel a ngaithei lo ani mahna""A â anih chu""Ka lawm e" Liz chu alo kiai sak a.Chupa awmdan chuan a tina thei ngei ang chu,hna a thawkrim hle lehnghal a,a nungchang a mawi tehlul nen."I inah chuan ka rawn lam ang che.I awmna hmun sawi rawh le" a ti leh ta a.Hnial buai tawh lovin Liz pawh chuan alo hrilh ve ta mai a,a aw ah chuan phurna reng2 a lang lova,Cole chuan ngaihnawm a ti lo hle mai a, "Kanu vanga buai i ni a Liz.Hruai tur che a rawn pen zawk te chu ka pawiti reng2 hleinem.Darsawmah aw?" alo ti ta thuai a."Awle,ka lawm e" a hmai chu a sen hlar nangina kut che sek chu a reh tawh a."Kanu buaipui awmzia i hre dawn chauh ania aw.Thil reng2,a tawk chin chiah a inhriat ang chauhin tilui zel ang che,i hrethiam em?" Tiin alo nuih var2 aLiz chu alo bu nghat a.Cole chuan a sana chu a ahan bih zauh a, "Invenna atana inchiuna la tura i kal a hun tlat,kal tawh rawh,zingah kan inhmu dawn nia" a ti zui a."Ka lawm e" hrilhhai hmelpu mah2 hian alo ti a.Liz chuan a tlangval â zet khawi chu a tir bo ta amaw? Khapa khan a nun alo tih nguai sakin alo awp hlum lo chauh alo nih hi le! A nupui hluiin a puhna te kha a han hrechhuak uarh2 a,an inneihna kehchhiat chhan kha ama thiam lohah a puh vek anih kha.A hunlai kha chuan pawi a ti lova,an hlimna a dai zo ta anih kha.....an naute awm ta lo bawk si nen.Mahni inthiam loh na avangin a nun chu a hlim lo hle reng ani.Mahse thil kal tawh chu kohkir theih ani tawh lova,hnathawh tur a ngah a,a rilru la peng turin a thawk mawlh2 mai ani.Computer chu a tinung a,a thilduh chu a hmet kual ta zung zung a.Liz chuan eng ang thawmhnaw pawh inbel sela,a tibuai tawh lovang,alo it deuh anih pawhin a reh leh thuai mai ang chu,ngaiah a neih thuai mai ang.A dawhkana phone chu alo ri aLiz chuan a chhuahbo dawn avangin alo thlunzawm ani ngei ang,a rik rei tak em avang chuan a han la a."Pierson""Cole......a tawpa tawpah chuan ila hram alawm maw" a nupui hlui aw chuan a rawn ti no ta hnap mai a."Tara..." A nupui hlui hnenah chuan engmah sawi tur anei lo.A rawn sawi tur ngaichang chuan alo țhu țha sauh2 a."Kar kalta kartawp chawlh lai khan rawn biak che ka tum reng a,i chennaah i awm lova...?" a rawn ti ta a."Palm Beach ah ka kal...." Tara kohna leh a duh duha a tihkual theih nih chu a duh hauh lo.A mamawh rawn sawi tur ringawta a rawn be fo mai pawh chu a duh bawk lova."I nu hnenah maw...?" nuihzat hmel deuh tak hian a rawn ti a.An inneih lai pawh khan ani aiin a nu a ngaihsak zawk tiin a phun nawi fo țhin anih kha! Tara chu hlimhlawp ngaina mi ani a,a naupai leh a nau neih pawhin hlimhlawp khawvel chu a thlahthlam phah chuang lo ani.David chu nau awmtu kutah dahin party na vela kal kha a duh reng mai a."Sawi thuai thuai teh,Tara!" ning zet hian a han ti a.Tara chu a rawn thaw ri halh a.A aw chu a no nalh hle mai a, "Kan ințhenna lehkha kha karleh khian tihfel ani dawn a....!""Ka hria alawm""Inhmu ila ka lo ti deuh a,ka.....!""Kan ukil ve ve ten an sawifel thei alawm"Tara chu a duham em em a,a phu tawk aia tam a pe reng ani."Darling,i thilphal ka ti ngawt mai.Mahse.....ințhen hi i duh tak tak chiah em...?" no fahran hian a rawn ti leh ta a.Cole tukkhum sam chu a tho sang sang mai a. "Enge i sawi awmzia?" a han ti tawi tuk a."Kan awmhran ațang khan mipa ka lenchhuah pui zeuh zeuh tih chu i hria anga.Mahse maw,Cole.! A tuamah hian an lo tluk lo che ani.Tumah ila kawp ve lo tih ka hria alawm.Ka inngaihtuah nasa hle asin.David kha boral lo sela chuan......! Kha thil khan engkim a ti khawlo zo vek ani.Kan tuar dun em em a,mahse hunin min hnem ve zel a,kan hlimdun țhin em kha.Cole,enteh,han bei nawn leh chhin ila,reilote tal han tum leh chhin ta ila....?""Ni love!" Cole chuan alo ti ta tuarh mai a.Thil theihloh tawp rawn rawt a tum alo nih leh chu.!"Cole, naute dang neih leh pawh tum dun ta ila...?" tiin a ngen hian a rawn ngen hi ani ber a.A aw lah chu a tidanglam thiam hle bawk a. "Naktukah inhmu ila i sawi dun ang hmiang.Chhunchaw ei dun ila...?""Theihnghilh hmiah rawh," Cole chuan alo ti vin ta tuk mai a.Tara chuan fa neih a duh ngai reng reng lova,David pawh a enkawl ngai lova,nau awmtu kutah adah chawt mai anih kha.! Cole leh an nau awmtu khan an enkawl a."Ka nu bulah chhunchaw ka ei dawn" a han ti hriam hraih a. "Kan ințhen lehkha ti khawtlai zawngin thil engmah ka ti dawn lo.Nang nena kan inzawmna chu a chahna a rei tawh hle ani tih i hriat kha,Tara.! Tin,inzawmna neih leh duhna ka nei lo bawk ani tih hre bawk ang che," a han ti nghat a."Oh.! Han inhmuh ringawt te chuan enge pawina a neih chuan ang,Cole? ti ti satliah sawi tur tal.......""Theihnghilh rawh ka tih kha"Phone chu a dah nghal ta hmak a,a computer chu a ti thi a,office chu a chhuahsan ta nghal .A nupui hlui nena inhnimhnaih leh chu a duh tawh hauh lo.Tara itawmna khan a hip bet tlat țhin kha ania.An inneih hnu pawhin reitak chhung chu a in hrethiam chuang hauh lova.Nikhua alo rei a,tisa in itna mai chu alo chuai zo ta ani.David vang chauh tal pawhin an inneihna kha humhim a duh a,mahse David a awm tawh silova.Nupui a nei leh anih ngat chuan,tuemaw,a hmangaih leh a innghah thlap ngamna tur.......Liz Hart i te ang hi a nei tawh ang.Liz a rilru a alo lang hlawl chu mak a ti hle mai a.Liz Hart,rei tak alo kawp tawh mipa in a kalsan chu, chu hmeichhe rilru tluang tak chuan a rilru a luah tlat ani.Tihnat a awlsam hun lai tak ani reuh anga,duat a mamawh hle ani.Tara in arilru alo tih khakna zawng zawng tih damna chu Liz Hart i ah chuan a awma hriatna a nei ta tlat mai a.Ngaihdan âtthlak zet ani mahna.Chhaw leh lutuk.Chapter -5Vanneih thlak takin hri danna an pek chhung chu a rei lo hlauh a.Doctor chuan an kalna chin tur lehkha chu a en zung zung zel a,amah chu endikin a mamawh tur an pe zung zung zel a.Liz chuan Cole Pierson leh anu hmu tawh lova thlawhna hmasa ber mana kal nghal mai a duh ut ut hial a.Pu ber enin alo en rei tawh a,mipa pangngai anga a han ngaihtuah chhin ringawt pawh chuan a thisen a lum pap pap thei hial a.A pu chu a pa lianin a hmel a țha hle a,a hausa nasa mai bawk si a.A nuih ve ngat phei chuan a buai ru tlat zel tawh mai si a.A unau te ho vang vek ani.! Cole mit la turin an fuih vang vekin a endan a danglam phah a,a lai zo vek zel tawh an si a.Amah a beisei anga a hria anih chuan a thi thei hial ang chu! A beisei tlat si lova.A hna chan a phal teuh lo! A nu zin a hruai hlana a aia țha secretary alo hmuh mah a hlauh nak alaia! A hnaah chuan himlo riau a inhriatna a neih phah a ni si a.Cole Pierson an a chenna in a rawn hmu tur chu a duh lo hle bawk ani.Brendana chanchin leh an ințhen thu a hrilh leh nghal a,lo hrilh tak loh tawp tur hi ania.A chenna hmuna a luh rual rual chuan phone alo ri nghal a.Diana a lo ni a, "Vawiin lam enge chanchin ?" tiin an nau lo danglam ta chuan a tiphur hle tumih hriat zet hian arawn țawng zang vah mai a."Inchiuna ka lakna lamah ka ban a na hlur mai" Liz chuan alo tihsan daih a."Oh,Liz,i kawr hak nalh zet khan enge nghawng a neih le?" tiin a rawn nuih har har a."En zawng a en ve ngei mai a.....mahse engmah a sawi lo"Diana chu alo nui leh hawk hawk a, "Nghawng zawng a nei khawp ang,lo ngai reng mah rawh," a rawn ti leh hram a."Alo haw viau pawh ani mahna! Thawhțannia a awmdan ka hrilh tawh che kha," Liz chuan a lo ti ngal ngal a."Mak a tih lutuk vang anih chu.Mit tharin a hmu che a,a thinur chu hlau reng reng suh.A thinur nasat poh leh a țha ani mai,a rilru ila peng tihna anih kha," a ti a."Mahse Diana,min duh ang tih ka hlauthawng hle asin.Kar nuam lo zet ka hmang ania""Tawrh phawt loh chuan hlawkna a hmuh theih loh" Liz chu alo meng bial pawp pawp mai a, "Enteh,nang leh keia dinhmun chu inang lo tak ani," ring zet hian a han ti a."Lungngai reng reng suh Liz. Cole Pierson kha a buai tur zawk chu ani alawm.Nalh tak tak khan inchei ringawt mai la,kan thu hi awih phawt mai rawh" a ti leh ta a."Mahse.....""I rinhlelhna rilru kha dahbo hmiah rawh.Thil lo thleng tur kha lo thlir ringawt la a ni mai" Diana chuan alo ti leh hmiah a."Ka hna ka chan phah teh chuan le" Liz chuan a ti rilru neuh neuh a."A nu hmu turin a hruai dawn che amaw?" Diana chuan a rawn ti leh a."Kan zinna tur chungchangah ania"Diana chuan a thawmhnaw hak tur chu a rawn sawi leh ta zung zung mai a,ziak a a kawl ni awm tak ani,a bahlah renv reng lova."I ti mak lutuk" Vawiina a kawrhma kilh loh pathum te pawh khan Cole an a en apiangin a lo zak hlum lo chauh zel kha ani a.Diana lah chuan a pawi loh zia sawiin a rimtui hman tur thlengin a rawn sawi zung zung mai a."Diana ka zei lo teh ania" a ti nai nai mai a."Ka hrilh ang che chuan ti mai rawh.Ward alo haw tlat.Naktuk atan duhsakna ka hlan a che,nuih kha theihnghilh lo la,"Phone dah pah chuan a thaw huai huai mai a.A û te pathum chuan an lo hlimpui teh meuh alo ni,a hlawhchham an phal hauh lo lehnghal a,an rawn zawt chipchiar thei hle lehnghal vei nen,a hah ut ut hial a.Diana thawmhnaw hak tur rawn hrilh chuan Cole a nu chu a tilawm ngei ang chu.Palm Beach a mi hausa ho chenna hmuna hak awm tak ani reng ani.Inrinni zing dar sawm rik hma hret chuan a kawngkhar dar chu a rawn ri ta ral ral a.A bag chu lain kal nghal mai inpeih at in kawngka lam chu a pan ta nghal a.Cole a hmel a hmuh avanga a thawk a buai lo inring pha hauh lova,a hnathawhna suit nen hlira hmu a ni a,a bak enge awm chuang ang le? a ti rilru a.Kawr phiar dum a rawn ha a,savun jacket dum leh Jean kekawr dum nen,a sam chu a thur deuh chhap bawk a,a mipa hliah hliah ani.A mitmeng paw muk raih a a rawn en chuan Liz chuan a lungphu a chawl dawn emaw alo ti hman hial a."Hi....i sam kha tuam ta che,ka motor chung ka hawng ania,khua a țha em a,anuam danglam hle ani" a rawn ti lut lawng lawng mai a.A thawmhnaw rem tur nghawng awrh a neih tak kha le, "Ka rei lovang" tiin thinphu dap dap chungin a mutna pindan lam chu a pan ta nghal a.Inchhungah lut tur pawhin a sawm lova,kawngka pawnah a kalsan ta mai chu a ni si a.Mutna pindan ațanga a chhuah chuan Cole chu țhutkhawmna pindanah a lo awm a,a lo hawi kual ruai ruai mai a, "A nuam reuh hle mai,inchung lah chu a sang țha hle lehnghal a," alo ti thuai a."An sakna a rei tawh em ani" tiin kawngka lam chu a pan nghal dawr dawr mai a."I ta nge i luah hawh?""Ka ta ani țep tawh.Bank ah ka rul zo țep tawh a""I va rem hre ve le""Mahni ta ngei in neih ve ka duh alawm""Hmeichhe tam tak hi chuan an pasal te tih atan an dah țhin alawm" Cole chuan alo ti leh hram a.Ințhenna ațang pawhin,a nupui hlui chu engzata tam nge sum leh in a pek ang le?"Oh,chutianga tih ve chu ka duh silo alawm" tiin kawngka bulah chuan a ding ran mai a.Muangchang hian Cole chu a chhuak ve ta a.Liz chuan kawngka a kalh fel a,an inzui chhuak ta a.Ni a lum nuam hle a,van a thiang kukin khaw hawi a nuam hle ani."Office chhunga inkhung bo lova kan awm hi a vanneih thlak hle mai" tiin a nui var var mai a.Cole chu alo nui var var a."Hna chauh hian i rilru a luah niin ka hria asin" Liz chuan Cole nun zalen hmel en ran chuan alo ti a.Mitmeng de ralh ralh hian a lo melh a, "Hna bak tih tur danv ka nei ve bawk alawm," alo ti awlsam et a."I nu hi i ngaihtuah hle ani maw?""Hmm......ka nu leh thildang dang pawh"A rawn melh dan teh sawr chuan Liz thinphu chu a ti rang nasa hle mai a, "Eng thil nge ni a?" a han ti leh hram a.Cole chu a nui ta hawk hawk mai a.Cole Pierson a nui ri ala hre ngai reng reng lova,a hriat vawikhatna a niin a ngaih nawm hle ani.A lang naupang sawtin a hlim hmel a,a lang țha zual sauh lehnghal a,Liz chu a lo sen ap ap mai a."Enge i nuihzat a?" alo ti ha mai a."Keimah hi.....nangmah pawh....kan pahnih hian" la nui sang chung hian a car chu a kawk ta va a.Ama car hman țhin pangngai,Mercedes emaw Rolls Royce emaw anih alo rin nen,car kawngkhar a hawnsak chuan Liz chu a lo ding khawng lah mai a."Maserati elo i khalh a?" a tichhuak hak mai a, "Leh....huh..Spider Cambio Corsa," tiin alo sawi belh duah a."Maserari anih hi" tiin a lo en ran mai a."Thil diklo a awm em ni?"Liz chuan a lu alo thing a,car nalh chungchuang lutuk leh a neitupa hmelțha lutuk chu, "He thil hi......""Maserati pawlah ka lo lawm lut a che"Cole Pierson chuan fiamthu alo thawh ve țhin anih dawn hi.Liz chu ngunthluk fe hian a lo thlir vang vang a,ani lah chu alo sen țawn țawn a.Cole chuan a inthlak danglam chu a hmu ning thei lo ani ngei mai,car kawngka chu a lo hawnsak a,Liz pawh chu a țhu lut ve ta nghal a."Car chak chi ah ila chuang ngai lo em ni?" tih pahin a țhutna lam chu apan nghal a."A hmasa ber na tur" Liz chuan alo ti nghat a."Inhreng nghet rawh le""Awle!""I lu tuam rawh" Liz chuan thuawih fe hian a sam chu a tuam mawlh mawlh a."Tarmit"Intlansiakna a tel tur ang hrimin maw!Amah pawh chuan a tarmit chua vuah țha ve sauh sauhva, "Ramsa ang maia thawmhnaw rang inbel i ching țan riau mai, Liz! Khang ho chunga chuan kha i chak deuh ani mahna," alo ti huk huk a.A car manto zet chu a ti nung a,an put chhuak ta zur zur mai a.Liz rilru chu a buai map map mai a.Chapter -6Ti ti hlimawm tak sawiin an nui dun hawk hawk reng a,ala fan ngai loh lam tak anih avangin Liz chuan nuam a tiin a hawi kual ruai mai a.Palm Beach chu an thleng ta hram a.In lianpui leh ropui fahran hi a ding lurh mai a.Cole chuan a car chu in kawtah chuan a han din tir a.Tui chik chhuak leh pangpar mawi zet zet awmze nei taka an siam te chuan a ti lang ropui leh zual a."Wow!" tiin Liz chu a han thaw halh a."Ka nu tan chauh chuan in hi a lian lutuk a,a enkawl a hautak hle mai si a,mahse chhuahsan duh hek lo le" Cole chuan a ti ro halh a."Kei pawh ni ila ka chhuak duh hauh lovang.Helai hmuna awm hi nuam a ti ani mai a,kalsan phal chi rual ani hleinem" Liz chuan alo ti halh halh mai a."Amah chauhvin a awm a,a upa ve tawhin kan inhlat hle si ani" Cole chuan a lo ti leh a.Liz chuan alo hrethiam hle a, "I ngaihtuah hle mai maw?" alo ti vang vang a."Ka nu ani tlat alawm" a ti nghet charh a.A nu chu a hmangaih hle ani,Brendan ang lo takin an chhungkua chu a hmangaih ngei ang le.Liz chu a ngawi ta vang vang a."Ka enkawl ngun hle ang tih ka tiam a che,Cole" a ti chhuak ta sap a."I kutah ka dah ngam alawm.I bialpa hlui chuan i mawhphurhna chu a do zo lo anih chuan keiin ka lo do ange.Mi tam tak,rin ngam loh ka nei alawm," tiin alo nui var var a."I lu tuamna kha i phelh dawn em?"Liz chuan rang fe in a lu tuamna leh a tarmit chu a phelh sawk sawk a,a sam chu a tuai mam puat puat a, "A țha em?" tiin Cole chu a en chho vah mai a.Mitmeng danglam zet hian a lo en a, "Nalh leh duhawm lutuk" alo ti mar pat mai a.Car ațanga a pen chhuak chu a lo vuan vat a,an han ding dun chu an in lenhleih ngang mai a,an indin hnaih bawk a.Cole a savun jacket hak rim leh a rimtui hman chuan a hnar a verh hak hak a.Chutianga mipa uapna nasa bul hnaiah chuan ala awm ngai lova,a zam ru chem chem hial a."I lo te reuh hle mai,ka lo hre ngai hauh lova" a lu chhip chung fe ațang chuan Cole chuan a rawn ti thawp ta sat mai a.Liz chu a dak chho vah mai a,a meng alh phat mai bawk a, "Tet hi ka haw takzet asin" a ti ta hlar mai a."Ka han sawifiah ange.Duhawm deuh leh dimdawi ngai hmel i pu ani" tiin a lo melh rulh rulh mai a."Oh,keh thei ka ang leh ta hle mai maw!""Thir em ni i nih a?" Cole chu a meng de sawr sawr a,a nui ruh ruh bawk a."Oh,pathianin țhanna a rawn sem laiin pawnah ka lo awm pek a" tiin a thaw ham ham a."Mahse finna a pek che kha ka nu chungah i hmang țangkai dawn nia" tiin a nui ta var var a.A nu in luhna kailawn zau zetah chuan an pen chho dun ta a.Liz chuan a laizawn te anga san ve deuh thlarh a chakna chu a zual sauh a,Cole lakah chuan a te in engtham mah ni lova a inhriatna a zual sauhva,a ni erawh chuan engahmah a ngai zui lo niin a lang.Veranda an thlen chhoh rual rual chuan kawngka chu a rawn inhawng a, " In lo thleng ta maw?" Nancy chuan a rawn ti ta hlawl mai a,nghakhlel leh vei nei hmel a pu in a meng buai nak mai a."Darsawm pakhat chiah anih hi,ka nu" Cole chuan a sana bih chungin a lo ti a."Ka heia alawm,duhtak.Mahse Tara lo thlen ațang khan minute tin hi ka lo chhiar tawh asin.Min lo hrilh lawk la chuan......""Tara â?" Cole hmel chu a ruh nghal țeuh mai a, "Enge a rawn tih a?" a lo ti a.Nancy lah chu alo hawi buai nasa mai a, "A sawi dan chuan......""Lo luh tir lo la a țha tur"Nancy chu a meng buai zual sauh a,a kut chu avai zauh zauh a, "I nupui ala ni tlat ani" a ti ta ringawt a."A hming chauhvin.Kar leh ațang chuan a tawp tawh bawk ang"Anu chu a lo thaw huai a, "Tara chuan helaia inhmuh in tum thu a sawi a" a lo ti a."Chutiang engmah sawi a awm lo,bum i awl lutuk ka nu" Cole chuan a lo ti hmuk a."Awle" Tara in rem a ruat thiam zia i hrechhuak ta ani mai a,azia i hriat belh a,ka lawm e" a nu chuan a lo ti ta nghat a.Tara chu a ngaina lem lo niin a lang. "Thingpui ka lo buatsaih a,a ni lah chu ama in ang maia tlangnelin alo nghak che a" a ti zui nang nang a."Nuam a ti hle ngei ang chu" Cole chuan a lo ti tawi tuk a."Awle..i nun ațanga lo hnawt bo tu tur ka ni tlat lova,nangmah ngei hi a ti tu tur i ni alawm,i duh tak zet anih chuan""Ka duh tak tak lo angin alo ngaih tir hman pek che ani maw?"A nu chuan a hnar a lo tum dat a, "Engtinnge i rilru ka hriat bik ang,Cole? Engmah min hrilh duh ngai lova.Ka lo rindan chuan saw hmeichhia saw i duh em em niin ka lo ngai ve a" a ti a."Teuh lo lutuk....!""Chuti anih leh va kal la,a kut hmawr a chet zeuh pawha i um dawr dawr țhin kha i ti dawn tawh lo tih va hrilh ta che,ka....""Awle,awle,ka nu" tiin Liz chu a han melh zauhva, "Beisei loh mikhual dang kan nei a ang hle mai" a ti ta sup a."Liz hi inchung lamah ka lo han hruai ange," Nancy chuan alo ti ta thuai a,Liz chu khawngaih hmel zet hian a han en a, "A pawi hle mai,duhtak.Ka lo beisei hauh loh thil a lo thleng ta miau si a" a ti zui nang nang a."Chuvang tak chuan Liz chu ilo hruai bo loh a țha zawk ang.Ka nupui hlui sawm loha a lo kal ve avanga lo bihruk pui a ngai reng reng hleinem" Cole chuan a lo ti vin hlur a."Chutiang rilru ka pu lo....""Oh,thiltih awm tak ani alawm,Cole.In pahnih a a fala inbiak a ngai tho tho ang chu" Liz chuan alo ti ve ta thuai a."Tara duhdan tihlawhtling turin......! A teuh lo lutuk ka nu,hawh u,i lut ang u le.Liz ka nu nena inkawp in ni a,a thingpui lo siam chu kan in ngei ang chu" Cole chuan alo ti ta hmiah mai a.Cole chuan inchhung lamah chuan a nawr lut ta nawk nawk a.Liz chuan a nu chu a han en a,Nancy hmel lah chu a lo danglam leh daih tawhin lungawi hmel hi a pu a,a nui rah rah mai a.Liz chu lut turin a lo hui ta thuai thuai a, "Min ngaidam rawh aw duhtak.He mite pahnih inkar ka hriatthiam lohna hian min tibuai em ani" tiin alo vuan ta thuai a,nuam lo a tih hmel hle bawk a."Tehlul mai.I in chu a ropui hle mai, Nancy" tiin a nuih let ta san san a."Ka lawm e," tiin Liz chu kaiin inchhung nuam zetah chuan a hruai lut ta zel a.Inchhung chhuatphah sailungvar chu awmze nei taka phah vek hi ani a."He in hi kwima duh ang thlapa sak a nih hi,a chhuatphah thleng hian" chhuang fe hian a han ti lar lar mai a."A mawi lutuk" Cole a kawngka khar ri leh an boruak tawn tur chua a huphurh ru hle a.Tara chu duh neiin a lo kal a,Cole chuan pek a tum lo hle niin a lang lawi si a.Nancy chuan a in zau zet chu a kawk kualin an sak laia a duhtui zia te a sawi sar sar a.An sawm ve loh mikhual chu a ngaihven vak lo niin a lang.Tara innghah tir reng chu pawi a ti lo hle niin alo hre bawk a.Cole chuan a nu chu a lo tur hmanhmawh hauh lova,an ruala kal a,a nu thusawi ngaihthlak chu nuam ti hle hian a lang vei roh a.Mahse Liz chuan a nupui lo ni tawh țhin chuan enge a duh hriat a chak tawh hle a lo ring a.Tara chu alo hmangaih tawh țhin si a.An inhmangaihna chua a chuai zo ta em ni,nge an fa an chan avanga tawrhna chuan a tițhen zawk le?A pu nupui chungchang chu alo ngaihven ngai hauh lova....alo buai ve na tur a awm lo bawk a....mahse chu mi te nufa in melh danah chuan hriat a chak ru ta riau a ni.Engvanginnge an inkar boruak chu a chhiat a? Ințhen hlen duh tak tak hmel an pu angem le? A bika takin Cole hian enge a ngaihdan?Amah maia a nupui chu hmachhawn a duh lo nge a inring zolo le?Tara lo nghahna pindan an thlen dawn chuan an boruak chu a rit ta hle a,thil țhalo tak thleng tur ang mai a hriatna a nei ta hial a.Chulai hmuna a awm ve kher kher chu pawi a ti rilru ta hle mai a.Chapter - 7Hrui hnanga siam țhutthleng, puan par nalh zeta inkhuh awmna pindanah chuan hnah mawi chi hrang hrang a inkhawi thluahin a ropui hle a,mahse a mit la tur ber chu chulai țhutthleng pakhata hmeichhe lo țhu chu ani."Cole,darling...." A aw chu ano hle mai a,a hmui sen hlar chuan Cole chu lo fawp zauhin a nui sang mai a.Chanchinbu hovin a nalh zia an sawi reng chu thil awmlo a lo ni hauh lo! Tara Summerville chu a nalhin a hmelțha em ani.Savun Jacket dum a ha in a taksa landan tur chu a hrethiam hle tih a hriat reng mai a.A hma inhawng zau zeta a taksa no nalh zet lo lang chuan mipa mit a la ngei dawn tih a hre ran ang chu! A ke chawn sei zet,a lar pui em em chu boot rawng tawite hian a ti tawp a,a nghawngah chuan puan var pan te hi a suih bawk a.Thawmhnaw fak nana thla la tur ang maia nalhin a rawn in chei niin Liz chuan a lo hre hial a.Chutiang ema hmeichhe nalh chu an awm thei dawn em ni? Mahse a û te pawh chutiang chuan inchei sela an nalh ve tho ang chu! Cole a lo melh danah lah chuan ui nei hmel a pu hauh si lova."I lo tho chhuak chu ka lawm hle mai,Tara.I bag kha la la,chhuak nghal mai ta che" Cole chuan alo ti ta mai a."Oh,i ti ang lo em mai,darling! I nu min sawmna anga lo awm mai ka nia" tiin zawhte lungawi ang maiin a țhutna ngai bawk chu a pan leh a,țhutthleng ngheng chuan nalh fahran hian a ding zaih a."Ka nu hnenah dawt i lo sawi alawm" Cole chuan a tichhum hmak mai a."Oh,i chapona avanga inphah hniam hmasak i duh loh avangin hma ka rawn la ta mai anih hi.Chapona hian...." tiin a khel bawr nalh zet chu a han ti sawi a, ".....Mihring nun a ti chhe fo țhin ani tih i hriat kha" tiin a hmui nalh zet chu a ti kum phat mai a."I hun i khawhral mai mai ani,Tara. Kal mai la a țha ang.I nun chu i duh ang angin va chen rawh,kei pawhin ka chen alawm" Cole chuan a lo tihsan hmak a."I nundan mi sawi ka va hre si love," tiin ala nui var var a,Cole chu hneh theih ala inring hle tih a lang reng mai a."I hriat turin i țhenrual kawm ang te ka kawm ve tawh ngailo tlat ani" a lo ti a."Thuthar i ni alawm,Cole.Engemaw chu ti zeuh zeuh la,chanchinbu tinah a lang chuai chuai ang chu" alo la ti fan a."Ka mimal nun hi ka thup nasa hle reng ani"Lungbang sut tum ang mai ani.Tara hnu ah hmeichhe kawp nei nise chuan amah chu a hre hmasa ber tur a ni tlat.! Phone lo dawn te,an inhmuhna tur remruatna siam sak te.! Tara laka insawi theih nan dawt a sawi nge a duh tawh loh vanga hnar nan a hmang le?"Ka awih chu ring duh suh,Cole" Tara chuan a lo ti leh hak hak a."Hmeichhia zawng zawng hian nang angin hlimhlawp an ngaina in lar an chak vek lem lo asin.Party na leh puipunna ah lang lo mah ila a pawi ka ti reng reng lo.I duh leh nangmah ti lar thei tu tur che mipa dang va kawp leh la,helaiah hian engmah hlawkna hmuh tur i nei si lova" Cole chuan a lo ti hmiah hmiah mai a.Tara chu alo meng zim san a,tlawm zawk nih a hreh hle tih a lang reng mai a.Liz chu a melh ta ralh ralh mai a,a lu chhip ațanga a ke ler thlengin a en chik hle mai a.Nancy chuan Liz bana a kuahna chu a thlah duh der mai si lova.An lo beisei loh zawng takin Tara chu a rawn țawng chhuak ta nawlh mai a.Nancy chu a en ran a."Min duh ngailo reng reng ani tiraw,Nancy?" a rawn ti ta fak a.Nancy lo ding khawng ta deuh lah chu Liz chuan alo hrethei a,mahse tlawm bik nih chu a tum hauh lo tih hriat tak hian a dak vah mai a, "Mahni chauh in hmangaih chi hi chu ngainat an har em ani,Tara" alo ti zang ta vah mai a.Chutah Tara chuan Liz chu a han en a,za lo zet leh hmuhsit hmel fahran hian a rawn nuih a, "Phat rual lohin ka awm loh veleh Cole a lungleng ilo hnem țhin ani ang maw? Tunge i nih reng reng chu le?" tham lo zet hian a rawn ti leh ta mai a."Liz hi helaia ka hruai hi ania,helaia a awm avang hian i chhuahna kawngka a in khar tihna a ni hauh lo ania" Cole chuan alo ti ta thuai a."I duhthlan a nia maw,Cole? Kei aia i thlan maw?" tiin a nui tat tat a.Ani nena khaikhin nih chu thil zahthlak tak a ni tlat ani,hmel leh pianah chuan engtikah mah a tluk lovang.! Tara anga hmeichhe mawina a nei ve lova,Tara hmuhsitna chuan a tina hle mai a."Ngawi mai mai teh,Liz hi kumthum chhung zet ka hnuaiah a thawk tawh a,tunge a nih hriat pawh tum lova i pal liam mai mai țhin kha a ni" alo ti hmiah mai a."Chaichim ang deuh kha maw!" tiin Tara chu dak meuhin a nui ta hawr hawr mai a, "Ava remchang leh zel vele.Cole hnuaia i thawk chu hun remchang i hmuh veleh ilo zuan chat mai ani maw? A nu rilru hnehin nula fel leh a fapa phu tawk niin i inlantir a" a ti zui tawn tawn a.Liz hmai chu a sa pawp pawp mai a.Cole țawng ri pawh chu a hee zui ta mang lova.Tara in a bag ala lai leh a dara a bat chu a han hmu ruai a,a la tawi khawtlai ta țalh a."Ila lungawi rih pawh ani mahna le,Cole.....mahse a dawl lovang che ka ti.....khumah chuan min tluk hauh lovang tiraw? Lo inngaihtuah țha leh teh aw, darling, a la tlai lo ania" a ti zui leh hram a.Pindan ațanga a chhuak tur chu Cole chuan a zui ta nghal a,a kal pah chuan Liz darah a rawn dawm vang vang a.A kalbo hma aTara i biak leh duh hmel ala pu bawk a.Liz chu a zak em em mai a,a ngawi reng ringawt mai a.Nancy chu a rawn che ta thuai a.Liz chu țhutthleng lamah chuan a hruai a, "Tara hi zawng a duh a hmuh loh hi chuan inhauh leh intihbuai hi a peih at zel mai a.A thusawi te kha engahmah ngai duh suh,duhtak.A țawng ve mai mai anih kha.Hahdam takin awm rawh,thingpui kha lo inthlit la," a rawn ti ta zung zung a.Liz chu a țhu hnawk mai a,dawhkana eitur inchhawp chu a melh ngar bawk a,engmah ei chakna a nei lo,a hak thei hial ang chu..!Nancy chu intur dahna chhuar bulah a ding a,an awmna pindan ațang chuan tuichenna hmun siam chawp,nalh zet hi a lang euih bawk a.Liz leh Cole chu lo inkawp pawh nise pawi ti hmel a pu hauh lova,alo ringhlel tawh zawk pawh ani mahna,! A zinpui atana a thlansak danah te hian alo ngaihbel tawh alo ni mai anga,hnathawktu leh hotu mai an ni tih a hrilh thuai a ngai ani."Cole nen hian engtinmah kan awm ngai lo reng reng.Kan la mudun lo......ka....ka.." a ti chhuak ta nawk nawk a.Nancy chu alo dakchhuak thuai a, "Ka hria alawm,duhtak.Kan inhmuh hma khan i chanchin hi Cole ka lo zawt tawh a,ka hrethiam mai ani.Min hruaitu tura i țhat ber a rin vang chauh ania" alo ti dam ta thliam mai a.Liz hmai chu ala sen țan țan mai a.Diana te chuan Cole hneh tir tumin an bei ani reng a,mahse a rilru chu a buai zo ta ani.Mahse Tara vang erawh chuan a intih danglamna chu a ngai angin a thlak leh phah lovang."Cole hi......neih ka tum miah lo" a han ti leh ringawt a.Nancy chu alo thaw huai a, "Tum la pawi ka ti hauh lo asin.Mahse mipa chhaih lungleng chi i nih hmel lohin i zia a danglam hle mai si a" alo ti ta mai a."I pawi tilo.....?" Liz chu a lo ang pham mai a."Sawi chhuah kher țul pawh ka ti love.Mahse Cole hian Tara hi a duh leh mai ka hlau hle ani.An ințhen ațang khan hmeichhe dang ala kawp leh hauh lova,țhian a kawm ta lovin a nunphung hi a thlak nasa ta em ani" a ti ta a."Tara hian rawn man beh leh tumin a rawn che leh ta chu nia......Cole hi a harh chhuak hlen tawh turah beisei ila" a ti leh a.Liz chu alo ngawi reng a.Cole mimal nun chu a nu sawipui chu a duh lova,Cole leh Tara inkar chu anmahni chinfel tur ani a,a lo inrawlh ve na tur a awm reng reng lo.Nancy chuan a monu hlui chu a lo ngaina ngailo anih pawhin a lo sawi ve tur a awm chuang lo."Oh,Cole chuan a mi hmuh tur chu a hmu ta ngei a!" Nancy chuan a rawn ti ta hluai a.Tukverh ațang chuan Cole leh mipa pakhat inbe mawlh mawlh lai hi ava hmu ve ta a.Nancy hmel chu a hlim leh ta sarh mai a.A fapa chuan a nupui hlui chu a kawp leh a hlau hle tih a lang reng mai a."Thingpui hi in teh ang" tiin Liz bulah chuan țhu in a nui sang mai a, "Ka dilchhut deuh nih leh min ngaidam la,duhtak,mahse tunkar liamta mai ațang khan em ni i incheina hi i thlak danglam a?" a rawn ti ta a."Chwwlh ka hman ațangin mawle.Ka laizawn te min tih danglam ka nih hi.Cinderella a min chhuah an tum alawm," tiin a lo nui ve ta hawk hawk bawk a."Awle,an chhuah nalh hle che ani,i hmelțha hle mai si a""Ka lawm e""Thingpui ila duh em?""Duh e""Tichuan,thawhțanni ațang khan i landan thar nen chuan i hna i rawn zawm ta a" tiin alo nui hawk hawk mai a."Ni e""Nalh lo min ti ngang mai mawle""I landan thar chu nalh a ti lova maw ?""Ka landan danglam chu duh hek lo le,mahse ngaiah ala neih ve mai ang""Oh,Cole pawh alo kir leh ta e" Nancy chuan a han ti leh thuai a.Liz a han inher chuan Cole a tuichenna lam ațanga a lokir mek ava hmu a,chulai panna kawng chu a mi biakpa chuan uluk zetin a lo tehin senso zat a chhut niin a lang.Liz chu alo zak ru chem chem mai a,Tara nena an inbiak zuina chu hriat pawh a chak lova.Kawngka chu a rawn inhawng a,boruak chu a țang nghal at hian alo hria a,a kut chu a khur dar dar a."Liz.......i țha maw?" ngaihtuah hmel zet hian ala rawn ti ta lehnghal a.Hreh zetin a han inher a,Cole hmel chu a pangngai thlapin a rawn ngaihtuah hmel hle a, "Țhatlohna chhan tur ka nei hleinem" zam ru zet hian alo ti hram a."Tara khan a rawn hmer telve loh hram che ka lo beisei tehlul nen,arawn telh ve ta țalh che kha a pawi ka ti hle mai""Thil pawi engmah a thleng hleinem.I nu hnenah pawh a thusawi kha a dik lo ani tih ka lo hrilh tawh alawm" alo ti let thuai a."Ka nu, Tara thusawi kha ilo ring em lovang chu maw?" a han ti nawn leh ngat a."Ring love,Liz in min lo hrilh tawh a""A țhat chu.Hnathawk tu saw ka va be leh ange""Thingpui hi i in dawn lo em ni?""Nakinah le,ka nu"Cole chu a chhuak leh ta nghal a."A țha hle mai," Nancy chuan alo ti halh a, "A ngaihven hle che ani,Liz" tiin a nui var var a.Chapter - 8Naute dang neih leh......!!Tara țawngkam hnuhnung chu a han ngaihtuah let a,a thin a eim ut ut mai a.A nu tuichenna dil rahka siamțha tute hnathawk chu a thlir reng a,engzata tam pawh a siamțhat manah chuan țhing sela pawi a ti lova.Khawvela pawisa zawng zawng pawhin a fapa nunna kha a lei zo silova.Hmui chauhva nu nih inhuam Tara te ang țawngkam nalah leh a tisa mawina hmanga a thlemna ah chuan a tlu tawh lo chiang hle ang chu.!Tara chuan a hnaih tawh tur ani lova,fa a nei leh anih pawhin a hmuh pawh a hmu tur ani lo.David kha mite hmuha nu,fa nei tawhah chuan ala nalh hle ani tih mipui hmuha tihlan nan a hmang țhin ngei mai a.Thawmhnaw chhuak thar ber ber in a la rem thlap tho tih tihlan nan a hmang țhin ani.A boral pawh khan a nun a ti danglam hauh lova,Cole a tawrhna chu a hrethiam ngai lo bawk a,vuina leh phunnawina ringawt azawngțhin anih kha.Thlahthlam anga in ngaiin hlimna a um a,Cole chu nupuite tihlim zo lovah a puh fo țhin ani.A taksa mawina leh itawmna chuan ala hip rengin ala hneh theih a inring anih chuan a ti sual hle ani.Saruak pawhin a hmaah rawn inlan sela a thlemthlu zo tawh lovang.Tara puhna avang khan Liz khan pawi ti lo angin lang mahse a zak hle ang chu.! En pawh alo en ngam lo anih kha! A hmeichhe mawina a tilang ve țan chauhva,a rilru a tihhnual phah em lovang chu maw!Ina a kir leh chuan Liz leh anu chu a nu thawmhnaw vel enfelin inchung lamah an lo awm tawh a.Kha hmeichhe chaltlai zet avanga an inkar boruak zangkhai tak a chhe leh zo anih chuan a pawi hle ang.Tara alo nei kha a tisual nasa hle ani.Ninga a ral leh chuan anupui a nihna a tawp tawh anga,thleng thuai thuai se a ti hle bawk a.Thingpui a insiam a,chanchinbu chu a ban ta nghal a.A nu leh Liz chu reife hnu ah chuan an rawn inzui thla leh ta a.Chhunchaw tur chu an buaipui chhunzawmin an ri le lu mai a.An peihfel chuan alo nghahna pindanah chuan an rawn nawr lut ta nghal a."Ka insiam peih ta thlap mai a" a nu chuan lungawi fahran hian a ti lut al al a. "Dawhkan kha lo tifai teh.Cole, Wine kha lo va la bawk la""Enge kan ei dawn a?" Liz i awm tihnawm nan chuan a han ti zang vah a."Tui ber ber chi hlir mawle.Hmanhmawh teh,Liz hian bazar a mamawh ania,darkhat a rik tawh hi," a nu chuan a ti zung zung mai a."Enge a mamawh a? Ka nu,Liz hi a mamawh lo tur thil lei turin i ti em ni?" alo ti a."Thil ho te te mawle.Liz hian Rangoon a,Colonial Night hman tur kha alo hrethiam lova,hmeichhe ho reng reng thawmhnaw var ha tura beisei an ni țhin a......""Dan angin maw?""Dan anga an lo neih dan ani alawm,duhtak,"A nu chuan Liz i sum a sen tir țeuh chu a țha lo hle ang, "Liz hian pawisa nei lo deuha zin hrehawm a tih ka hlau hle ani," a ti chhuak ta nge nge a."Chuti anih leh bazar pui la ani mai alawm," a nu chuan alo ti et mai a."Ni lul love! Zinna man senso engmah ka tum dawn lova,pawisa chu ka nei ve tho alawm!" Liz chuan alo ti ve ta thuai a.An nufa chuan a melh ran mai a.Chaw an ei chhung zawng chuan Liz chuan a en duh hauh lova,Tara tihdan khan a deng na hle tih hai rual ani lova,Cole chuan hrehawm a ti hle mai a.An haw lehna kawng boruak chu ala hrehawm zual ta cheuva.Liz chu a hla thei ang berin a țhu a,a kut chu a mal chungah a suih thanin an kal lam anga hlim hmel chu a pu tawh lo kher mai.A lak ațanga kal hran hlan a nghakhlel et et nia hriatna a nei bawk a.A thin a rim phah hlur mai a.Tara chu a haw zual tulh tulh bawk a.Tara anga sang leh nalh ni lo mahse a nalh tawk hle reuh ani.Asam a tihdanglam chu inhmeh a ti hle a,a thawmhnaw rawn inbel țhin lah chuan a hma zawnga alo khuh bo țhin a taksa no zet chu a ti lang tam ta in alo nalh reuh hle si a.Kartluanin a rilru a tibuai anih kha.!Han sawi chhuah chu chak hle mahse sawi ngam chi a ni rih tlat lo.Liz chu a tihrehawm zual ting mai dawn si a,a ngaizawng emaw a ti anga,an inkar a tibuai zo ting mai dawn ani si a."Mosman bazaar hnai,Military Road ah min chhuk tir mai ta che," Liz chuan alo ti sap a.Cole chuan a sana a han bih a,darthum a ri țep tawh ani.Darnga ah chuan dawr an khar fur tawh anga,khualzin ho bazar na hnai ho dawr lo chu an khar hma thei hle si a.Mosman chu a hla tawh lova, "Ka lo nghak ang che,i bazar zawhah ka thlah haw dawn che nia," alo ti a."A ngai lo.Tih khawtlai che ka duh hleinem" Liz chuan alo ti rang vat mai a."In i thleng tlai lutuk ang.Ka nu sawi ang zawng zawng chu lei duh suh.Coffee te ka lo in anga,ka lo nghak ang che."Cole,a țullo tak tak alawm,ka hmanhmawh phah anga,ka buai zo vek ang," tim zet hian alo ti a."I duh chen chen va bazar rawh,haw hma duhna chhan tur ka nei hleinem," alo tihsan ve leh ta tlat a.A lak ațanga a tlanbo mai chu a phal hauh lo. "Dik tak phei chuan bazar pui che ka duh nghe nghe asin,ka lo enpui che anga"Liz chuan mak a ti ngang mai a,a han en a,tarmit phena a hmel a hmel awm chu Cole chuan alo hrethiam mai a."Engmah min leisak tur ani lo.Ka thil lei turah hian ilo.......ilo.....""Ka nu vanga bazar ngai ini alawm.Bazar pui chu ngai lo mahla ka chak ve hrim hrim alawm.Bakah,hmeichhe tam tak chuan mipa in inhmeh an tih lei an ching fo asin,Coffee ina lo țhut ai chuan ka hlimpui phian ang chu," Cole chuan alo ti duah a."Cole,i secretary mai ka nih hi,i.......i......"Nupui.? Bialnu.?Hmei.? Liz chuan a sawichhuak ngam ta lova.Cole chuan remchangah a lo hmang ta vat mai reng a."I pu ka nihna angin he i zinna turah hian ka nu tihlawm i duh avanga sum i sen țeuh hi ka rem ti hauh lovang""Ka hre ve tho,ka inbel leh duhloh tur thawmhnaw ka nei ngai lo" Liz chuan alo ti hlar mai a."Chuti chu a țha a nih chu.Ka lo țangkai ve hle mai thei asin,i thil leite ka lo khai anga"Liz chuan beidawn hmel zet hian alo en a,a lu a thing nar nar a,Liz Hart hlim lohna chu Tara vang ani a,a tihlim leh ngei ngei tur ani.Chapter - 9Engvanga Cole chuan bazar pui tum țalh nge maw anih le? A thawmhnaw lei tur alo thlanpui anga maw? A thillei te alo khaisak anga maw?Thawk a han la vang vang a.A bazar pui peih dawn em ni? Brendan kha chuan a peih lo țhin ngei mai a,a hruai ve chang pawhin an hmuh hmasak apiang lei turin a ti mai zel anih kha!Model lar tak pasal hlui ani a,a lo ti țhang viau tawh a ni mahna le.Tara a hriatchhuah rual chuan Cole hma a kawr han hak chhin vel chu a hreh zual sauh a.Tara chu a el phak ani lova,eltu nih pawh a duh hek lo.A rilru hnualna chu amah chauhva tawrh mai mai a duh zawk a.Cole chuan a car chu khar țha in a bulah alo ding luah tawh a,han hnar bo theih chi zia zang in a khawsa mang si lova.A luhlulna a chhuak leh tawh ani ngei mai,! A rilru a siam tawh chuan dal rual a ni lo tih hre ber tu a ni si a, "Khawi ber ațangin nge kan țan ang?" a ti sauh sauh mai si a.Bazar lunlai takah an ding a,pawisa a hmang nasa tawh hle si a,thawmhnaw dang lei chu a hreh hlur tawh a.Dawr lah chu a changkang hlawmin thawmhnaw man a to hlawm hle mai si a,a buai ru hle bawk a."Veilam kawng ațang hian le,"Cole chuan a banah rawn kaiin kawng chu a kanpui ta nghal a.A bula a kal ringawt pawha a buai tehlul nen,a rawn kai kher chu țullo a lo ti hle mai a."Dawr kal duhna bik i nei em?" tiin Cole chuan an kal pelh dawr te chu a en let ha ha a."Nei e," tiin a lei phak loh na dawr te chu kalpelh tumin hmalam a en ding ngar a."Ngawi lawk teh aw," tiin Liz chu a pawt ding a,kawr hring,dawr tukverh a milem an haktir chu a han kawk a, "Saw saw i inhmeh ngei ang,Liz," alo ti a."Ka duh ang ani hleinem," tiin chu kawr man to hmel lutuk chu en pawh a en țha duh lova.Cole chuan chal chuar nung hian alo en a, "Engang chi nge i zawn a.?" a lo ti bai bai a."Ka duh lo," tih pahin a dawr hriat țhan tawh tak chu a pan ding nalh mai a.Thawmhnaw chi hrang hrang a in khai dul a,Liz chuan a enkual țan ta dan dan a.Kawr khaina bawm pakhat pawh a enchhuah hman hma chuan Cole chuan a banah kaiin a pawt chhuak ta dawr dawr a."Thawmhnaw hlui zawrhna dawr em ni?" tiin a meng rang nasa maia."Ni mahse enge pawi.Reilote te hak hnu chauh ani a,a țha hlawm hle asin," Liz chuan alo ti ram hmak mai a."Hmeichhe dang hak hlui ka hak tir lo tawp ang che," thinur fahrana a tih tak hlur ah chuan Liz chu a lo meng phawk hra mai a.Engvanga chutiang thawmhnaw a hak chu phallo nge anih ringawt ang? Cole kut chuan a biangah rawn dawmin amah en tur chuan a kuai dak ta a, "A hlui i ha tur ani lo,a ber i ni tih inhre rawh,Liz Hart. A țha ber hlir i inbel tur ani," a lo ti chang fak a.Liz darah chuan kuahin an kalsan tawh dawr lamah chuan a hruai let leh ta a.Liz hmai chu a sa hat hatin a thin aphu dap dap mai a,an taksa insi ringawt pawh chuan a marphu a ti danglam zo vek a,a buai nasa hle ta mai a."Cole,ka.....ka pawisa chuangtlai zawng zawng ka hmang zo....""Ka leisak ang che.Hnathawh țhat lawmman ah ngai mai la" alo tihsan hmak a,a kai dawr dawr mai a.Dawr chhungah chuan a hnuk lut hi ani hrim a, "Saw kawr hring saw kan en hmasa ber ang," tiin dawr nghaktu chu a han kova.Dawr nghak tunu chu a che rang kher maia.Cole te ang chu nitin chanchinbu a lang an ni a,hre lo an vang hle mai si a.Liz chu inthlakna pindan lamah chuan an hruai lut ta thuai thuai a."Ka lo enpui ange,a thawmhnaw hak tur inhmeh awm hi i hre zawk anga,lo en thuai thuai teh aw," Cole chuan a ti zung zung mai a.Thawmhnaw hlui zawrhna dawra thawmhnaw lei chu a hreh hauh lova,Cole chu awm lo se alei ngei bawk ang.Mahse Cole kawr hring thlansak chu nalh a ti ve ngang mai a,Cole lah chuan lungawi tih hriat zet hian alo buk khum nghat nghat a,Liz thin chu a phu dawt dawt reng a.Thawmhnaw dang an rawn phawrh leh a,Liz chu an haktir chhin zung zung a.Cole lah chuan lungawi hmelpu fahran hian a kut zungpui alo tih pir khum va va zel a,Liz nuih chu a za ta hial a."Thawmhnaw var kan zawng tawh ang,"Cole leh dawr neitunu chuan thawmhnaw var,țhui dan chi hrang hrang chu an enlawr ta chiam a,a thlan rem tur pheikhawk nen,a han inbel chhin chu a lang nalh hle ani tih a inhre ve thova,awih harsa ti zetin darthlalangah chuan a in en vang vang a.Inthlakna pindan ațanga a chhuak chu Cole chuan a lo en reng a,a mitmeng chu a danglam hle bawk a,Liz chu alo mur sang sang a.Dawr nghak tunu chuan a mi chhawrte chuba thil nalh tih leh Liz i inhmeh tura a ngaih chu a laktir zung zung a.Cole lah chuan lungawi hmel zetin alo buk khum zel mai a, "A inhmeh ngawt ang," a lo tithei zel mai a."Engmah ka mamawh tawh lo,Cole,ka ti tak tak ania," a ti ta chul mai a."Hei chauh hi tihbelh leh ang,hmanni a i pheikhawk leh i pawnfen rem tur khan,"Dawr an chhuahsan meuh chuan Liz chu a inthiam lo nasa hle mai a,an in khaibawr dun nasa mai si a."I lungawi em?" mitmeng de sar hian Cole chuan a han ti a."Tehreng mai.Mahse min leisak turin ka duh lo che asin," a lo ti hlap hlap a."Ka thlan vek anih kha" intithei hmel pu fe hian a lo ti leh hluk a."I thilphal hle mai,ka lawm e,""Nuam ka ti hle asin,Liz. Khatianga intihhlim te kha ka lo mamawh ani ange," a ti a,a nui hawk hawk mai a.Diana lo beisei ang ngei chu a lo thleng ta ani! Cole chuan a melh dan a danglam tlat.! Tara chu a tluk lo ngei mai a,mahse a hrechiangtu ber ani tlat si ani.An inkar boruak chu a țang ta at in an inhip tawn hle tih an inhai lo ve ve bawk a.Car chhunga an thillei an dahfel hnu chuan Cole chuan a han en a, "Tina kan tih leh tur chu......heng ho hi i ina dah a zanriah ei tura kal ani tawh mai," tiin an thil lei chu a kawk va mai a, "Kan lawm ang chu," a ti a."Engmaw kan lawm ang?" Liz chuan alo ti a."Hlimna hi lei zen zen theih ani lo asin,Liz. Heile,kan hlim dun ta phian chu ania," tiin a nui hawk hawk mai a.Thawmhnaw thar neih mai avanga a hlim viau țhinna chu a rei tawh hle reng ani, "Hlimna chu kan lawm anga maw?" alo la ti hau mai a."Engvangin nge kan lawm lohvang? Kan kawppui hlui te ve ve theihnghilhin intihlim ve teh ang," tiin car kawngkhar chu a hawng ta nghal a.Brendan nena an inkawp chhung khan an intihlimin an leng vak khat hle a,nun zalen taka awm anei ngai lova,țhian dang an kawm ngai lo bawk a,a nun kha alo danglam nasa hman hle alo ni."Doyles,Rose Bay ah aw niang? Lui sa ei ila" a ti sauh sauh a.Inah engmah tihtur anei bik chuang hleinem. "A nawm viau dawn chu.Mahse Inrinni zan ani a,dawhkan kan chang dawn em ni?" alo ti ve ta a."Harsatna a awm lovang.I in ațangin kan phone mai dawn nia,ka cell phone hi ka ngaina lem lova,hnawk ka ti riau țhin ani," tiin a phone kwn lohna chhan chu a han sawi zung zung a.Zankhat intihhlim chu enge pawi ang? Cole lah chu a phur hmel hle mai si a,a thawh dan ang zela awm ve mai a ngai ani.Thil engkim a kutah dahin a lo ngaihtuwh fel vek țhin a,a kova innghat a tam țhin avangin hlimna awmzia pawh alo hre tawh lo țep a lo ani......Zankhat chauh pawh ni sela,a chen ve ang chu.!Cole chu a pu ani a,a thu thuin zanin chu a awm mai aniang chu, an inkar thil chu a boruak zangkhai zawngin an hmang tur ani.Chapter - 10Chuti taka a hnuaia thawk nula chuan a tihhlim alo inring ngai reng reng lova.A hmuha zu lampang a in vawi khatna atan champagne a in ve a,an hna chungchangah chaw eipui an nei fova,zu lampang a in ngai hauh silova.A zin chakna hmun te sawiin Liz chu a titi sar sar a,a thil hmuh chak zawngte sawiin a nui hak hak reng mai a.Liz hmel nung sar chu hmuh nuam alo ti hle a,a khawvel a lo ti zim lutuk hman țep a lo ni.Intihlimin zin harh ve țhin tawh sela,Liz chu hruai ve țhin ngei bawk sela,ahlimpui thei hle ang chu.Hmalam hun beiseina leh remruatna engmah a nei lova,hna a thawk ngawr ngawr ani ringawt a.Hmeichhia a mit lak tuma phe sek ho lah chu a hne hlur bawk si a.Liz chu a han en a,engkim hlimpui thei,a tawn apianga lungawi thei zel mi ani tih a lang reng mai si a.A rilrua thil lo lang thut chu azawt ta phawng mai a."Pasal neiha chhungkaw din lampang te hi i ngaihtuah tawh em,Liz ?"Liz hmel hlim sarh mai lo danglam ta riai riai a hmuh chuan a inhaw rilru nghal hle a.Zawh loh loh tur a zawt ta ani ngat mai le."Nupui atana ka țhat ka ring lo,min nei duhtu ka la tawng tlat lova," a lo ti mar pat a.Kawng engkimah a tling vek ang.Khapa tehchai khan mipa dang chetna a dal rei lutuk ani,alo haw hluah hluah mai a.Hmeichhe dang thawmhnaw inbel ang a inbel meuh chuan a lo nalh hle si a.A nungchang a mawiin a rinawm hle a,a ber ani ringawt ani ber mai.Han kuah a,a rilru natna te tihreh sak chu a duh ta hle a,fawh a chak hle ani.Fawh pawh anuam hle ang chu,a hmeichhia hnep reuhva,a tawh vel a nuam hle ang.Mipa in hmeichhia an itna nasa tak chuan arawn tuam a,chu hmeichhia chu a rintlak a ni tih a hriatna chuan a ti phur zual sauh bawk a."Nang ve le? Nupui neih leh i tum em?""Ka la hmanhmawh rih love" tiin alo nui hak a."I tihsual tawh vangin maw?""Ka lo thlan fuh loh vangin.Pa nih leh chu ka duh ngei mai a," tiin a nupui neihna avanga a hlimna awmchhun a hloh tak chu a sawi chhuak ta a.Liz chuan a laizawn te leh an fate chanchin a sawi zawm a,chhungkaw hlim tak an nih zia a hriat mai a.Cole chu f mal ani a,a pa chuan fa pakhat chauh a duh tlat a.Cole chuan a pa chu a tilawm hle bawk ani.A nu chuan Liz te ang fanu neih hi a duh ve ngei ang mawle.! A titi pui tur leh a mamawh a hrilh theihna tur,! Tara anga mahni hmasial ni lo kha. Liz Hart ang hi! a ti rilru a.Engvanga Liz Hart duhawmna chu lo hre ngai lo nge a nih le?A hmeichhiat mawina thupbo țhakin mipa pakhat tan a inpe a,a ni lah chuan a kal bosan leh ta nghal a,ani lahin ama tlinlohna vangah ala ngai lehnghal a.Inah a haw anga,khawhar takin a awm dawn ani si a.Chu ngaihtuahna chuan Cole chu a tina zawk mai a,Liz chu khwwhar taka a awm a phallo tawp alo ni.************Liz chu a ngawi rauh rauh mai a,a duh aiin a țawng hnem mah mah ani,a champagne in ve vang kha ani ngei ang.Cole lah khan a titi kha ngaihnawm alo tihhmel hle si a,a ngaihven hle ani.Mahse a en dan ang khan amah dawr țhin tute pawh alo dawr țhin ngei ang chu,a tan engmah ani lovang.A inlam panin an tlan zel a,a insangmar țeuh leh a thinphu rang reng mai chu a haw hlur mai a,lawmthu a hrilh nawn leh anga,hlim takin an ințhen mai ang chu! Mahse a thinlung chhungrilah chuan chutia ințhațhen mai aia duh chu engemaw a nei tlat si a.A thil beisei chu enge a nih reng reng? Nilengin Cole lakah chuan beisei engemaw a nei tlat a,a âwm hnawh tlat a,a thawk ti danglam tu chu a thawl a beisei em ni? Thil beisei phak loh a beisei ani,thla ngena țap ang chauh a ni alawm,reilote a rawn eng anga a thim leh mai dawn si a.Cole chuan a car chu a chenna in kawtah chuan a han din tir dat a,a eng a tithimin thim zingah chuan an țhu dun ta ran mai a.....a in thim țhap leh reh raih chu a han en a,a khua a har ru ta riau mai lehnghal a,Cole chu inthazo zetin a chhuak a,a chhuahna tur car kawngkhar chu a hawnsak ta a.Ngaiah i neih mai ang, nula, ani hi chu i ta tur ani love, tiin a infuih ru mawlh mawlh mai a.Kawngkhar a inhawn rual chuan a pen chhuak ve ta nghal a,tun țum chu rawn kaih a tum ta hauh lova,Liz chu a tho chhuak ve ta nghal a.Cole chuan rawn ban lehin a kut chu lo vuan leh ngat sela chuan a thlah hreh tawh hle ang tih a inhre ru ran mai a.A pu ani a,a tihtur chin nia a hriat bak a ti lovang. Thawhțanni a hnathawk tura inpeih at a a awm leh theih nan a inpeih a ngai zawk ani.A in pan chuan an in zui ta hnak hnak a,a pheikhawk ke artui ri khap khap chuan a nun ruak leh khawhar zia chu a rawn hriattir niin a inhria a,a thil lo beisei țhin zawng zawng mumang ang maia a lo tham ral ta te kha.! A u te anga pasal neih ve mai chu a tan a țha ani. Mahse neih tur awm ala hmu silova, tunge neih duh ang le? Amah hrechiang tu leh amah pawhin a rin ngam zan tur......a hre mai lo chu a ni rih si a.Champagne kha alo in ve kher kher ani,hetianga khawharna hi Brendan an a kalsan zan ațang khan ala hre ngailo reng reng a,a thil in khan a rilru ti no zovin a nihna a hriattir tlat ani.A pu chu lawmthu a hrilh anga, a mangțha mai tur ani ang.A chunga a thilphalna avang chuan lawmthu a hrilh bawk anga.A kut khur tur chu thunun hram hram tumin a kwngka chahbi chu a han vuah a,a hawng ve ta mai bawk a,a nem hawngin a chahbi chu a bagah a khung leh ta a.Thaw ham ham chungin a han inti huaisen a,a bula mipa lian leh sang zet chu a han enchho ha a."Engkim avangin ka lawm e,Cole," tiin han nuih luih hram hram hi a han tum a,a hmel hlim lo ru zet chu a lo hmuh a hlau em em mai a. "Mangțha le, a hlimawm ngawt mai," a han ti zang vah a.Cole chu alo insangmar țeuh mai a,chu nula tereuhte in a mangțha na chu chhanlet mai harsa alo ti em em a.Liz mitmu lian kal maiah chuan khawharna a langin a mittui a tling chiang ani.A nui hmel te chu a tilui chiang a,hlim hmel awzawng a pu tawh lo tih a hmu chiang hle mai a.A kalsan mai tur ani,tunah chuan an pahnih chauhvin an awm tawh a,a pawh lui anih ngat chuan an inkar chu a danglam zo vek tawh dawn ani. A hnathawk ania.....!!A la pen hma ta thova.A rilru duhdan chu a taksa chuan dan rual lohvin a um si a.A kut chu a han phar a,Liz hmui khur dar dar chu a han tawk a,a bulah chuan hlim leh lawm takin awm sela,thlamuang sela a duh a,hlim hmel pu takin en sela a duh ani.Tihnat awlsam tak hmel a pu a,hlauthawng hmel apu hle bawk si a.Chu nula chu tihnatin a awm tawh tur ani lo,a tihtheih zawng anih phawt chuan a theihna zawng zawng leh a sum pawh a seng mai ang chu.Mahse a thisen a tilum tlatin tisa takin a duh hle si a,a inthunun zo lo chu a ni ber mai chu a nia,a kut chuan a hmai mam thal chu a han chul sak a,a no reuhvin a duhawm hle ani,a nghawng no chek te chu chula fawh sak a,a ta a siam a duh ta ut ut mai a.Hnar rual lohva nasa in a nawr takah chuan a lu a kun a,a hmui nel thep leh khur dar dar chu a hmui chuan a tawhtir ta a.Liz chu a lo tim nasa hle mai a,Cole chuan tihluihna tel hauh lovin chhaih pahin a fawp zel a,a duhdan tak phei chuan,uar zeta fawha,a ta atana a duhzia lantir nghal mai a duh hial ani.A lo hnialin alo hnar hauh lova,a lei lum zet te chuan tim dai hian alo hawl let ve zauh zauhva,Cole boruak chu a sang rang kher mai,chu nula chu a thlem hi ani ta ber mai a.Chu thil a tawn mek chu a tan a danglam hle ani, Tara,tisa nawmna kawnga engkim hre lutuk vek nena khaikhin chuan a nawm dan leh a phur dan a inang hauh lo mai.Chu nula chungah chuan thiltih theihna nasa tak anei nia inhriatna a neiin a zirtir tur nia inhriatna a nei a,a kuah bet ta chial mai a.Liz chu alo che deuh hrat a,mak a tih vang nge alo duh lo le,! A kut chuan a awmah a rawn nem a,a hmui chu a la sawn ta nghal a.A thawk zawnga a hnute lo pawng dat dat te,a mithmul sei sang khup lap leh a ngaihna hre lo hmel zeta a rawn enna chuan a ti lungawi ru ta hle mai a.Liz chuan lo hnar a tum awzawng lo,thil lo thleng thut chu a hrethiam lo mai mai zawk ani."Engatinge hetiang thil hi i tih a?" hlauthawng hmel zet hian a ti khur dar dar a.Cole chuan alo hrethiam hle ani.Liz chuan thil a hretlem em a,a tawn china a rah phak ram chu a zau lo hle tih a lang reng bawk si a.A chalah chuan dimte hian a fawhsak ta zauhva."A chhan chu maw,nuam ka ti tlat a ni," tiin ama thinphu nasa tak chu thup tum lovin a thaw huai huai mai a.He hun remchang,a tana nunna thar pe thei nia a hriat hi a bawh pelh tur ani lovang."Mahse.......Ka......i nula lenchhuahpui pawh ka ni lova.....Ka ni em ni?" alo ti leh ha a."Ni lo.Chutiang ai chuan i hlu fe ani,""Cole......khawngaihin," alo ti tham țiak a.....hnathawktu leh a hotu ka ni si.....""Hna chu kan thawk dun ngei alawm,kan thawk țha dunin kan inrem hle bawk a," tiin Liz hmai chu alo chul hauh hauh a. "Kan inremna dang ka hriat belh zel anih hi," alo ti a.Inremna dang? Liz chuan a ti vai riai a.Cole chuan alo nuih var var a,Liz rinlohna hmel chu tih bosak a,a duh ang chu duh tir ve chakna in a khat a, "He thil hi thlentir mai rawh,Liz. A dik ani tih i hre mai ang. Brendanan a pek theih aia tam kawng engkimah ka pe ang che," a ti sar sar a."Bren.....dan"Chupa hming chuan a tihrilhhai zual niin a lang,a han sawi ri leh kher kher chu anchhia a inlawh mawlh mawlh mai a.Chupa eltu nih chu a duh lova,el phakah a ngai lo hrim hrim bawk.Chupa theihnghilh țhak a siam a duh a.Liz chu a kuah thut a,a inchhung lamah chuan a luhpui ta thuai thuai a.Liz harhchhuah chian hman hma chuan a savun jacket chu a phelh ta thuai thuai a,vawt a ti tawh lovang chu,! Chu nula taksa a nghenna daltu reng reng chu dahbo vek a duh ta hial a.A han kuah leh chuan a te hle a hriatna a nei thar leh thut a,a hmeichhia zan reuh lehnghal a.Mahse a chakna do tur chuan rilru khauh zet a nei thung reuh ang chu,a hria alawm.A lo do lohva alo hnaih ve tak sauhvah chuan a lawm nasa mai a.Liz ban no zet chuan a darah a rawn kuah a,dingdihlip ak a rawn fawh turin a hmui chu a rawn dawh ta heu mai a.Cole kut chuan a sam hnawk niaih chu a tuai mam sak heuh heuhva,a thinlung chu nula lakah chuan a tuiral ani ber mai a.An hmui a intawn chiah chuan an in mamawh tawn hle ani tih a lang chiang hle bawk a.Uar fe hian Liz chuan alo fawp let ve ta a,an boruak chu a lum ta in chutiang em a hmeichhia neih a duh chu ala tawng ngai reng reng lo.A tan kir lehna awm tawh lo khawpin a duhna chu a nasa a,a ta ah a siam ngei tur ani,a hloh phal tawh hauh lovang.Liz jacket hak chu a phelhsak ta a.Liz pawh chuan a kawrlum hak lai chu a rawn phelhsak ve ta a,zahna leh hlauhthawnna a nei ta lo niin a lang.A ke pen tin chu a rawn chhawn let ve ta zel a.An chetdan chu a dang telh telh a,an inhnaih tulh tulh a,an rilțamna chu an inhriatthiam tawn sakin an inkuah nghet sauh sauh mai a.An infawp chu......chutiang ema infawhna ringawtin a tih phur theih alo hre ngai lova.Chunu chuan a ti lungawiin thuneihna a neih tirin a ti phur tak zet ani.A pawmkang nawlh a,zo zeta kuahin a mutna pindan lam chu a panpui ta a.A taksa nem tak leh mam han,lum ther ther si chuan ala hriatphak ngailoh phurna nasa tak a pe in,mipa anih zia a hriattir hluah hluah mai a.Liz chuan hmeichhia a nihna angin mipa hma a tlawm a thiam hle ani.A tih luih a ni hauh lo,ama nunphung ve reng ani,a phur zual sauhin a taa neih ngei a tumna chu a zual sauh a.Chapter - 11 Thim chuan a ti lawm hle a,Cole an hmangaihna a chenpui laia a saruakna a hmu thei lo tur chu a lawm ani.Hmeichhe itawm tak anga a cheibawl chu a lo lawm tawk em em a,thim zingah chuan a mawi lohna a lang dawn hauh si lova.Khumah chuan a mu zangthal dar mai a,chu khum chu Brendan nena an lo mutdun țhinna a ni a,a hriatchhuahna chuan a ti na zawk nangin chutiang em a tisa chakna avanga phurna nei chuan an la mu dun ngai reng reng lo.Cole chu a danglam a,a lianin a chak a,mipa a nihna hre rana rawn tawkin a hrethiam em em si a,Brendan nen chuan khaikhin chi rual a nilo.Cole a kutin khum bula khawnvar a ban takah chuan a lo tim nghal chawih mai a, "Nilo," alo ti țhat a."Engmaw.?""Êng kha,êng ka duh lo,""Engvangin maw.?""Min hmu ang....""Hmuh che ka duh reng alawm""Oh,i lungawi lovang," Liz chuan alo ti fan raih a.Tara ang ani ve lova,a hnute te chu a te in,a bawp a sei ve silova,itawmna a nei ve lo tlat a ni."Ka lungawi em em ang tih ka tiam a che," aw thawp sat hian a han ti a.Liz chuan a nupui hlui nena khaikhin a duh lo turah a ngai ani ngei mai."Oh, ti eng lo mai teh,ka nalh lo em asin," tiin alo la hnial ta hram a.Cole chu a bulah a mu ve ta nghal a,khawnvar chu theihnghilhin a kut chuan a dul chu a chul sak ta zai zai a, "Liz, nula duhawm leh mitmeng mawi zet,fing leh rintlak tak i nihna hi ka hre reng alawm.A hmel dam raih phena meiling,chhem alh theih mai a awm,nalh leh hmeichhia hnap mai hi ka hmuh hmaih hauh lo asin," a ti sa sa mai a.A kutin a chulna avang chuan Liz chu a lo thaw halh halh mai a,chu kut chuan tawh tur leh tawh dan tur a hre em ani."Tunkar kal ta chhung zawng khan.....a nihna dik tak a rawn pholang ve țan a....Thim zinga tawmbo i mamawh lo asin,i inthup thei chuang lovang.Ka hrechiang em che asin....."A kut chuan a dap hnuai zel a,a duh tak a dap thlen chuan dim zet hian a kut zungțang chu a tiche țan ta a,Liz chu alo khur dar dar a.An infawp vawng vawng a,an taksaa a thawhdan ang zel chuan an che in uilai leh tawh leh fawh phalloh chin reng reng an nei lova.Cole a mipatna lian zet a han tawh chuan Liz thin chu a phu dap dap mai a,an in len hleih hle mai si a,engtinnge ni ta ang le? Mahse an thiltih lai chu tawp mai turin a phal hauh si lova.Cole a kutah a innghat tawp mai ani ang chu.!!Mipa ania....Cole chuan a hnute hmur kawh va chu alo fawpin a lo seh nar nar a,a kut lehlam chuan a fawh loh lam chu a chulin a hmur chu a hmet hrual nar nar a.Liz hlauhthawnna chu a reh chawpchilh nghalin a tiamna ram lam panpui tur chuan a taksa chu phal takin alo hlan ta zawk a.Cole chuan a fawp duhthawh telh telhin a kun hniam zel a,a kutin a tawhna hmun a fwh thlen takah chuan Liz chu alo ip chawih chawih a,Cole thiltih chuan a thawk a tichham a,a kut chuan khum puan chu a țham tawn tawn a.Chu mipa hmui leh lei chuan a tihtur a hai lo hle ani.Zei leh remhre fahran hian a fawpin a liak kual zel a,chutiang ema nawmna nasa chu ala tawng ngai lova,a țek chuai chuai a,a khur zawih zawih a,a țe chhuak țhawt țhawt mai a.Mipa laka alo beisei phak ngai hauhloh nawmna chuan a taksa pum chu fanin a thaw hawk hawk mai a.Chutah Cole chu a chungah a rawn bawk chho ta a,Liz chu alo zawi hnakin chet pawh alo che peih lo hial a.Cole chuan a ti lungawi hmasa ani,ani chuan a duhtawk ala hmu ve hauh silova,lungawi hmelpu zet hian a rawn en chhuk a,a mitmeng chuan thil thui tak ala tiam tlat ani.Muangchang hian a thil chuan a rawn nawr ta a,Liz hmel en ran chung leh a thiltih chu a hre ran tih hriat tak hian a che a,a dim thiamin engkim a kutah a innghat tih a hria tih a lang reng ani."I ke khan min han kherh leh teh le,"Engtin tin emaw Liz chuan a ti ve thei hram a,Cole chuan a nawr na deuh salh a,a ti lut zo ta vek a.Liz chu alo thaw hawk hawk mai a.Chutiang ema mipa in a chunga an mipatna an tihlan chu a lo inring ngai lova,a taksa pawh chuan alo rem ve thlap ani,an inrem thlap thei mai chu a ni a,a lungawi thlak hliah hliah mai si a."Min chetpui ve rawh le," tiin a rawn nuih chhuk var var a.Chutiang ema hlimna leh phurna nasa chuan ala tuam ngai lo,an che dun ta sauh sauhin,a taksa chhungril ber thleng chuan a fan chiai chiai a.Cole an a duhtawk a ngah hma chuan amah zawk bawk chuan a tawp thleng lehin a lo kuahin alo țe țhat țhat leh ta mai a.Chutah Cole rum ri hak leh a rawn nawr uar zual sauh te,a taksa khur dar dar leh a chunga a rawn bawk thla ta chu lungawi em em hian alo kuah vawng vawng a.Reife chutianga an mutdun hnu chuan Cole chu a che hrut a,a inlet ta thawkin Liz chuba pawm kang nawlh a,an taksa la insi chial chung chuan a chunglamah mut tirin a kuah ta hle hle mai a.An ti zota le! Engtin tak awmzui ang maw? Mahse a chauvin a lungawi em a,khaw lo var leh hun tur pawh chu a ngaihtuah zui hleithei ta lova.Lungrual taka tisa pumkhata an awmchhung chu eng anga reilo pawh ni sela,a hunlai ang angin a awmthiam mai tur ani.Khatiang ema mipa phur thei leh thisen lum kha a pu a,Cole Pierson,thir tum ang maia a lo ngaih țhin kha a ni thei dawn em ni le? a ti rilru a.A lo ni ngei chu ani si a.Nge Tara rawn tihdan khan a ti na in phuba lak nan a hmang mai chauh le? A nupui laka a dawn loh chu a chungah a lantirin a hmu ta zawk em ni? Mite hian an rilru buai vangin thil tum loh loh an ti fo țhin a ni si a.A mutpui reng lai hian Tara chu a ngaihtuah tho angem le? Liz chu a vawt rawih rawih mai a.Mahse Cole chu a bulah awmin a kuah reng a,a bula awm chu duh lo se a awm hauh lovang.A kut chu a han ti che a,Cole chuan a duh tak zet em le? An thiltih zawh chauh khan enge alakah nghawng a neih ve ang?Cole taksa chu a chul ta dan dan a,a hmui chuan a hnute hmur tereuhte chu a fawpin a lei chuan a hawl nak nak a.Cole chu a rawn thaw huai a,a thaw rang țan ta hle mai a.An inkar boruak chu a țang leh ta hle ani,an taksa la insi chial chuan an lungphu lo danglam leh ta chu an inhre tawn rang hle bawk a.Liz kut chuan a dap thui zel a,a tawh duh tak chu a vuan ta chat a,a chulin a khalh ta nak nak a,Cole chu alo rum hawkin alo kuah nghet sauhva,nuam a ti hle ani tih chu thup a tum hauh lo bawk a,Liz chu aphur telh telhin a huaisen sawt hle mai bawk a.Cole kut chuan a kawngah a rawn dawm a, "Ka chungah khan bawk teh aw,ti lut rawh le," a rawn ti ta a.A dan a dang hle ani,ama duhdan ngei leh a thiam dan anga a han che ta chuan a tiphur danglamin hnehtu ni riauva inngaihna a neih tir hial a,Cole chuan lo puiin alo siam rem sauh sauh maia."Rawn bawk rawh le,"An chetzui zel dan chu ngaihtuah pawh a ngaihtuah let hleithei lo hial a,Cole chuan a hnute chu lo khalhsakin a lo fawp tawn tawn bawk a,an boruak sa lutuk chuan achetdanchu a ti țang zualin zahna reng reng anei lova.Cole a chunga bawk zawi thlawp chung chuan a fawp vawng vawng a.Cole chuan alo fawp let ngawr ngawr a,an inpawh țha em ani.Cole chuan a awmdan thlakin a rawn bawhbet zui ve ta nghal a, "Hetianga hlimna nasa hi ka la tawng ngai reng reng lo," tiin a fawp zui mawlh mawlh a, "I la tawng ngai bik lo tih han sawi teh,Liz,""Ka la tawng ngai bik reng reng lo,""Chuti chu,engmah ringhlelin buai zui suh ang che.Kan hmalam hun lo awm zel turah pawh,""Ni e.....zankhat thil atan chauh! Hetiang ema lungawina leh hlimna a tawn ang hi tawng leh ngai dawn tawh lo pawh nisela.....damchhunga theihnghilh chi a ni tlat lo ani,""Nilo.....tun hi a tawpna a ni hauh lovang,a bul țanna chauh ani,Liz. Nang leh kei hian hetiang hian kan ti dun fovin kan awmdun fo tawh tur ani.Hawh le,ram tiam chu min han fan pui leh teh le," a ti leh ta a.Cole chu a che țan leh ta a,Liz chuan alo kuah let nghal thuaiin a lo nek chho na na a.He thil hi tawp mai tur chuan a phal lo ani......!"Liz......." Cole chu a thaw rang sawt hle a.Liz chu alo che ve sauh sauhva,Cole an a duhna chu a tihzual sak a,hmeichhia a nihna anga a laka a lungawi chu alo duh ber a."Yess...." alo ti sap a,engmah dang reng reng a hrechang tawh lova."A rualin aw," tiin Cole chu a rawn che uar zual ta sauhva,lungrual taka an tum ram an thlen thleng chuan an chawl hauh lova.Inkuah rialin an mu dunin an thaw hle hle mai a.Zan chu a ințan dawn chauh ani......ala tawp mai dawn lo.Chapter - 12Liz a harh meuh chuan Cole chu alo awm tawh lova.A rawn fawh a,tihtur a nei tih a hrilh laite chu a hre rei ruai a.A in ha fel vek tawhin kal mai inpeih diamin a rawn kaitho kha a ni a,Liz chuan alo muthilh san leh ta mai anih kha.A khum bula sana chuan dar sawm pakhat leh a chanve alo kawk reng tawh mai a.Chawhnu lam chauh hun awl anei tawh ani.Insuk angai a,eitur leia bazar ala ngai zui a.Khum ațang chuan a zuang thova,bualin lam a pan nghal a.Boruak vawtin a saruak a rawn chhem chuan a khur hlak hlak mai a.Tuiluma a han inphuh tir chuan a taksa sil țhum a han chiah chu nuam a ti hle mai a.Cole chu a hmangaih a inti hauh lo nangin mipa a nihna chuan a ti lawm ani.Hmangaihtu duhawm tak ani a,hmeichhe itawm tak angah a in ngaihtir tlat ani.Brendan nena an hun hman dun țhin dan te chu a han hre chhuak a.Brendan lakah khan dawn alo nei lo em alo ni,petu ni lovin laksak tu mai alo ni! Cole erawh chuan a pe in,ala a,lo dawngtu anihna avanga lawm em em hmel ala pu lehnghal a.Mahse he thil hi a kal dik lo anih hlauh chuan a hna,a hlut em em hi a chan mai thei ani.Mahse a hna ai chuan Cole a hloh chu ala hlauhawm fe zawk ani.Engmah a ngaihtuah zui duh ta lova.Bualin ațang chuan chhuakin a inthlak a,Cole nena an thawmhnaw lei te chu phawrhin a khai țha a,Cole hmela lungawina lo lang te avang khan a nuih a za in a hlim rilru hle bawk a.Hmanhmawh zetin a che ta zung zung mai a,a zinna a ken tur thawmhnaw te chu enfelin a phe sek mai a.Nancy in Tara aia a thlang zawk reng reng pawh kha a lawmawm tawk hle ani.Zan dar sarih a lo rik chuan a phone chu a rawn ri ta ral ral a.A û te an nih teh chuan le....Cole nena an awmdan chu hrilh chakna a nei hauh lova,a û te chu an hlim lutuk anga,an rawn tibuai zo vek ngei ang.Bakah,Cole nena an hun hmandun kha a hlu lutuk a,han sawi mai mai chi ani tlat lo ani.Phone chu a han la a,a nu alo ni mai thei asin....."Hi,Liz ka nia,""Cole ka nia," aw nalh danglam zet,ala hriat ngailoh khawpa zangkhai hian a rawn ti ta a."Oh....!" makti zet hian alo ti halh a."Nilengin ka rilru ah i awm a,rilru la pengtu țha zet ilo ni e," tiin a rawn nui hawk hawk a."A pawi ka ti dawn nge dawn lo?" phone a han chhaih vel chu a nuam hle ani."Pawi hauh lo mai.Ka rilru i lakpen dan lah chu ngaihtuah let a nuam hle lehnghal a.I kawngkhar kha rawn tihchhiat mai hlauvin ka insum țang țang anih hi.Hnathawk turin muthilh ka mamawh tih hre lo ila chuan.....""Chawhma lamah mi hmuh tur i ngah hle kha aw," Liz chuan alo ti har har a.A pu chuan a hna a tlin loh phah ang tih a hlauvin amah pawh chu a in hlauthawng ru hle a."Hmm......midang ho hriat lohva kan inhmuh fal theih dawn tho chuan.......""Cole hnathawh tur kan ngah hle kha," a lo ti hlak a.Hnathawh loh a duh anih leh an thawk lo dun anga pawi chai hleinem."Ka hria alawm.Mahse hmanni a kawr uk i rawn hak kha rawn ha leh la,a hmalam tluana kawrkilh invuah tlang vek kha.Min hip hle ani......min tiam a nei tlat a,"Liz chuan zan lama Cole an a tihdan zozai kha a han hrechhuak a,a mur ar ar maia."Mawza rawn bun la,mawza,i mal chanve vel thleng chauh khuh thei,i kawr khuh phak tawk,nang leh kei bakin kan hre hauh lovang.Liz,ka hlimpui teh mai ania,min ti phur tlat ani," a ti a.Cole a aw a thlemna lo lolang chuan Liz chu a ti tho at mai a,a lum pap pap bawk a."Ka ngen che anga i rawn inchei ngat chuan.....ka thleng sang hle ang.Ka mi hmuh turte ka biak chhungin ka ning hman lovanga,thil engemaw,min nghaktu țha deuh ka nei tih ka inhre dawn tlat a"Liz chu alo khur dar dar mai a.A sawi awmzia chu a mi hmuhtur te a hmuh zawh hnu ah......a office ah mutpui a duh tihna ani maw?"Liz ?""Enge ni ?""Mak min ti viau elo ?""Aw......aih....ka....engti tur ber in nge min duh ka hrechiang thei lo ani !""Engti tur mahin ka duh lo che.Keimah hian nangmah kha ka duh zawk che ani,nangmah kha," arawn tih let takah chuan Liz thin chu a phu zaih zaih mai a.Cole chuan engangin nge a ngaih le? A mipat chakna hrikthlak nan mai mai nge nia amah hi a duh hrim hrim? Hlauhthawnna leh phurna inchen chuan a thaw dap dap a.A rawn sawi anga tihsak chu a duh hle in a hmeichhe duh ngei chu a ni tih hriat a duh hle a."Engangnge anih kha ila hre reng em?" Cole chuan a rawn ti thawp leh sat a."Hria e," Liz aw chu a ril raihin a ri chhuak chang chang chauhva."Naktukah pawh khatiang bawk khaa ni leh thovang,ka tiam a che, Liz," Cole a aw chuan a hip thlawt ani,a zawi hnawk thei hial a."I sawi ang chuan ka lo kal ange,""A țha lutuk! Tui takin ka mut theih phah ngei ang,mangțha aw,"Liz chuan a lu thing nar narin a mutna pindan lam chu a pan ta nghal a.Cole Pierson chu a duhna ah chuan mi hneh thei tak ani tih phei chu a hre tawh nangin ani chungah lehzel chuan a thiltihtheihna chu a hman alo ring lova.Cole an a chunga thuneihna a neih chu dan theihna a nei hauh lova,an nih ang ang an ni chho mai ang chu.******************Cole chuan a dawhkana Computer chu a thlir reng a,a rilru erawh chuan a hnathawh lai chu a ngaihtuah lo hle mai a.Liz lo thlen hun nghakhlel in alo phawklek tlat ani.Hmeichhia a hmuh dawn mai avanga phurna a neih lohna rei tawh zia a inhriatchhuah phah ta hial a.Liz i rilru chu a hneh angem le? A hrechiang ngam tlat lo ani.Inrinni zana an awmdun kha chuan hlim leh lungawi hmel kha a pu ve hle kha ania,a bialpa hlui tehhrep khan a phu tawk alo pe ngai lo ani ngei ang....! mipa mawllutuk ho hi,mahni hma chauh sial,an kawppui te hlimna ngaihtuah tello hian an phuloh hmeichhia an tawng fo lehnghal a.Liz chu a lak ațanga a pilbo a phal hauh tawh lovang,an inbiak lai pawh khan a ti phur hle tih a hre thova,mahse eng rilru chiah nge a put ang le.?A lo kal ngei anga.....amut hmunah pawh a rawn ngaihtuah zui ngei ang! An inkar boruak danglam ta chuan a ti phur ve angem le? An hun hmandun avang khan a inlahrang ang nge an inhnaih sawt ang? A thawmhnaw inbel tura a hrilh ang kha a rawn inbel tak tak anih ngat phei chuan.......?A kawngka chu an rawn kik ta a."Lo lut rawh!" a aw chu rinhlelhna hian a khat a.Liz chu a pen lut ta nghal a,asawi ang chiah chuan a rawn inchei ta ngei reng a.Cole a thinphu chu alo rangin a mipatna chu a tho nghal țual țual a."Chibai le," Liz chuan a rawn ti zang vah mai a.A hmai sen țan țan leh a taksa inlek khawng auh avang chuan a zahtheih loh a rawn chhuah ve nasa hle tih a lang reng mai a.A tumruhna chuan a hmel te chu a ti lang ruh țal a,Cole rilru chu a hneh hle mai a."Zing nuam tak anih hi tiraw?" tiin alo melh rulh rulh a,a chhuan hmelin a lung a awi hmel hle a.Hmuh theihin Liz awmdan chu a danglamin a inthlahdul ve ta nghal a,Cole a lo țhutna lam chu panin lehkha pawimawh hmel zet hi a rswn pe ta nghal a, "I mi hmuh hmasak ber tur atan,"An hna a dah hmasa ber dawn amaw? Cole chu alo nui ruh ruh mai a. "Kha kawr i hak ka hmuh hmasak ber che kha chuan a hnuailam kilhna kha i kilh kim silova," tiin Liz kawrhma kilhna inkilh thla kim thlap chu a han en a.Hmai sen ap ap hian a kawr hmawr chu a han en a."Pathum anih kha.Pathum kha kilh lovin i dah ngei kha le," Cole chuan alo ti leh ngat a.Liz chuan makti zet hian alo en a, "I lo chhiar pek elo?" a ti ha mai a."Thil chhiar hi ka thiam zawng tak ania,"Liz chu alo nui hak a."Vawiin ni hian i rawn kilh kim thlap mai a,a landan a dik thei tlat lo.Hna kan thawh țan tak tak hma a pakhat tal kha min phelhtir loh chuan.....""Pakhat chiah," Liz pawh chu alo meng kalh ta ralh ralh a."Pakhat chiah. Mi pakhat ka hmuh apiangin kawrkilh pakhat dang phelh belh zel.......""Pali phelh angai dawn anih chu,""I tlin em ang chu maw,"Liz chu alo meng phar arh arh mai a,Cole a hlimna chu alo hrethiam hle niin a lang, "I hna aiin kawrkilh i ngaihtuah zawk mai tur ania," alo ti ngal ngal a."Teuh lo mai.Hna țha taka ka thawh avanga lawm man ah ka ngai ang," alo ti a.Dawhkana lehkha chu a keuva,a kawrkilhna hnuai ber chu a phelh ta nghal a,a han ding ngil a,a thaw ham ham mai a, "I lungawi rih mai em?" a ti ta hak a."Hma kan sawn hret e....tun atan chuan," tiin Liz i kawrhma tluana kawrkilh tlar thla țhap chu a enchho zai zai a,a rilru thup hauh lo hian a mitah chuan a en ta ran mai a.Liz chu alo sen ap ap maia,a lehkha pharh chu Cole a hma lamah chuan a nawr phei ta nge nge a.Ami hmuh tur chu alo thleng țep tawh anga,chawhma chu ral thuai thuai se a ti hle mai a.Darkar khat a ral hnu chuan a mi hmuh tur pakhatna chu a chhuak ta a.Awmze nei fahran hian Liz chu a han melh a,ani pawh chuan ngawi rengin a kawrkilh pahnihna chu alo phelh ve mai a,a mi hmuh leh tur atan pawimawh lehkha chu a rawn pe leh ta a.A dawt leh alo luh pawh chuan boruak zangkhai zeta lo chhawnin an indawr tluang hle a.Kawrkilh dang phelh ahun leh ta a.A pen zawnga a khup no zet lang chu a hmu thei tawh a,a hrilh angin mawza chu a rawn bun angem le?Ami dawr leh pawh chu hneh taka kaihruaiin pawisa bazar ah chuan a thluak țhat zia alo lantir leh zung zung a.A inleng a thlah pah chuan Liz kawrkilh phelh hmabak chu a melh rulh rulh mai a.A vaia phelhtir mai chu a duh ut ut tawh mai a.An inleng chhuah lai chuan Liz chuan ngawi reng bawkin alo phelh veleh mai a.An inleng pa chu inkhaithlakna bawm thlenga thlahin a mangțha mawlh mawlh a.A luhfel hnu chuan rang zetin a inher a,a hmeichhe hmuh duh lam chu a pan ta thuai a.He thil hi nileng daih tura alo tih chu ani ngei a,mahse amah chu a tuar thei lo tu ani ta zawk tlat ani.Zan a nghak thleng thei lovang.Hna mai mai te chu......thawk lo pawhin a tu chhuan te thlenga chawmna daih pawisa a nei tawh alawm,chhun chawlh hun a ni tawh reng reng a.Liz Hart i a duhna chuan eitur lam reng reng a ti chak lova,a boruak tawn chu a țang at mai a.Liz i office chhunga a luh rual chuan kawngka chu a kalh nghal rap mai a.Liz chuan chhuara lehkha dahțhat tumin alo ban arh arh a.Kawngka inkalh ri khap hriat chuan hlauthawng hmelpu zet hian a lo hawilet a,an mitmeng intawng chiah chuan ati meng zau kawk kawk a."Engkim a țha vek e.Kan pahnih chauhvin kan awm ta.Rang takin ka duh che a ni,Liz," a han tichhuak nghal tawng mai a.Che lovin alo en reng ringawt a.Cole an a mamawhna nasa tak chu a rawn hrethiam ve mai niin a lang.Cole chuan a va pan hnai a,a hnunglam ațanga a kawnga va kuahin a mawng tam zawnah chuan a va nek ta run mai a.Liz lo thaw ri halh chu ahre thei a,a bek thla no zet chu a han nul zai zai a,a mah turtu tisa chakna nasa tak chu hrikthlak thuai thuai chu a duh ber tawh a.Chu nula it chuan chawhma hun a hmang ral tawh a,a dul zawnah a kut dahin a han pawt hnaih zual sauhva.Chutah,a mawza bun a hriat chakna te,a kawrkilh phelh hmabak te chu a han hrechhuak leh a.A kut chu dahthla in Liz kawr chu a keu ta nge nge a.A duhthusam ang chiah alo ni,a mawza bun chuan a mal chanve a khuh tawk a,a bak chu.......a han tawh zawng chuan Liz chu alonkhur dar dar a,a kekawrte pan zet chhanah chuan a kap chu alo lum thar tharin a lo huh tlang par tawh a,a phur ve tawh zia chu thup tum hle mahse a lang reng tlat ani.Cole chuan akuai her lawp a,a dawhkan chungah chuan a țhuttir ta a,a țhutna țhutthleng chu pawt hnaiin a ke a nghah tir a,a bawp chu a pawt kau ta nghal a.Chutah amah chu kunin,a fawp a,a mamawhna rim lo chhuak chuan a ti phur zual sauhva.A lo duh ve nasat zia ahriatna chuan na dawhtheihna a ti pan sawt hle bawk a.Liz chuan thil lo thleng chu a awih thei lo hial a,Cole chuan a kekawrte pan zet chu a rawn keuva,a rawn fawp ta ngawr ngawr mai si a,a ka chhung lum zetin a rawn tawh rual chuan a lo hit chuai a,tuifawn ang maiin nawmna chuan a tuam hlup hlup mai a.Dawhkan chungah chuan atlu ta riai riai a,a tuar zo ngang lo ani,chutiang ema nawmna leh phurna chu a han tawng leh anga maw?Vurtlang ang maia alo ngaih țhin mipa hnen ațanga a dawn ani lehnghal a.Liz i bawp chu dahthla in a rawn ding ngil ta nghal a,Liz chuan a kekawrte a phelhsak lai chu a lo hre rei ruai a.An in entawn ran mai a, "Chhun engah enge ang i tih le,Liz ? Zanthim kher i mamawh hleinem.Hetianga inhmu tawna tih hi a țha zawk fe asin......"Dim lo zet hian a thil chu a rawn lut ta nghal a.Liz chuan inpeih zeta lo dawngsawngin alo kuah hram hram a,a tawp wn thlen dun thawm phei chu a na hle ani,an infawp ngawr ngawr mai a.*****************An zinchhuah ni alo thlen hma zawng chu an inkawp ta chawt reng ani.Office ah chuan an insum ta hram hram zel a,Office banah Liz i inah emaw an awm dunin a changin Cole a chenna lamah an kal a,zanriah eiin chaw dawr an pan țawk ani ber mai a.An inkham thei lo tawn ani ber mai.An zin bo san tur chu Liz chuan pawi a ti rilru hle mai a.Ningani zan alo thlen chuan Cole chu a thutak hle mai a, "Kan ințhenna lehkha chu vawiin chawhnu khan tihfel ani ta e,zalen ka ni ta e," a ti ril raih mai a.An hmalam hun tur engmah sawi zui lovin a hruai haw a,an zin bo mai tawh dawn avangin an zan hun hnuhnung a ni rih dawn a.Cole chuan a kalsan hreh hle niin a lang a, "Zinlo mai la ka ti ngawt mai," tiin a kuah a,a fawp vawng vawng mai a, "Ka lo ngai hle dawn che ani," tiin a en reng mai a.Liz rilru pawh chu a buai hle mai a,an inkar hla ta hle tur chuan an boruak chu a ti țha sawt ang nge a tichhe zovang le,an ințhen hlen phah ve daih thei tlat ani.Chapter - 13Zirtawpni chawhnu alo thlen meuh chuan Liz aiawh tura a lak nu chu a hmu ning hlui tawh mai a.Liz angin a chhawr pawh a chhawr rim lova,engvanga meng vai riai reng nge a nih le? Liz hruai ngaia zin a tum kher kher chu a nu chu a haw ut ut tawh mai a.A nu chu a thlawhchhuah hma ngeia biak a duh avangin Palm Beach chu a be pawp ta a."Enge ni ta le?" A nu chuan alo ti thuai a."Engmah ani love,ka nu. Hmanhmawh lo khan insiam la,theihnghilh nei lo hram ang che,""Oh,Cole ! Engkim enfelin inchhung pawh ka fang hneh tawh hle asin," a lo ti a."Naktuk lamah ka rawn endik leh dawn nia,""Awle,bawihte,ka lawm ngawt ang.Thil buaipui tur a tam em a,I Liz i pawh ka be tawh a,a inpeih thu a sawi alawm," a ti a.A Liz maw? Mahse a ta ani reuh tlat silova."Nula fel tak ani,Cole.A bialpa kha kathmandu ah a awm a,hmu hlauh ila ka ti ngawt mai.A zin bosan daih hi a inchhir hle tawh ka ring asin,""Eng â ?" Cole chuan alo ti țhawt mai a.A nu chu a phu zawk hialin a ring a."A chanchin i hria ang chu tiraw? Brendan Wheeler anih kha.Kumthum chhung zet an inkawp anih kha," a nu chuan a rawn ti leh zung zung a."Ka hria alawm,ka nu.Mahse Kathmandu ah a awm ani tih ka hre lo ani.Liz chuan engtikah nge a hrilh che a?""Inrinni khan.Bialpa nei lova a awm hi ațha ka ti lo,ka zawn....""Ka nu,Brendan khan a kalsan alawm.An inhmuh leh theih nan engmah tisuh.""Mahse ala duh ka ring tlat ani.Liz hi han hmu leh ngat sela chuan,a nep thei hauh lovang....""Ka hnathawk tunu țha zet kha a bialpa um a Kathmandu a awmbo ka phal hleinem,chutiang ti tura hlawh pek ani lo.Chutiang thil ti tura i ti anih ngat chuan......""Oh,bawiha! Chutiang zawngin engmah tih ka tum hleinem.Min tlanbo san hauh lovang.I sawi angin Liz hi nula rintlak tak ani a.Brendan chu lo hmu pawh nise a zui haw leh duh tawhin ka ring tlat asin.""Ngaihtuah duh suh," Cole chuan alo ti chhum hmak a."Khuanu ruat thil thleng chu ka lo dan theih ani nang le,duhtak," a nu chuan alo ti leh hram a.Chhaw lutuk! Liz khan zin alo inpeih at na chhan chu Brendan a hmuh a inrin vang alo ni ngei mai le! A thu kha hnial lo khan a lo pawm hmiah anih kha.An intawng ngei ang,a nu hnena alo sawi danah a lo tum ru reng alo ni ngei ang le!"Ka nu,engthilahmah lo inrawlh suh ang che.Brendan kha Liz tan a țha lo ani," a han ti leh ringawt a."A țha lo maw? Mahse engatinge kum thum lai a kawp si a? Fa a nei lova,Liz hian a kalsan zawk pawh ani silova?" a nu chuan alo ti țang țang a.Liz chu a ta ani tawh tia lo hrilh tak hi a loduh tawh a,mahse a nu chuan innei nghal turah alo dah leh ngei anga inneihna hmachhawn nghal mai chu ala in zuam silova."Brendan chuan a kalsan alawm,ni e, Liz chu a dik lo zawk anga lantirin a kalbo san ani..Ka hria alawm,ka nu. Brendan tellovin Liz chu a nuamsa zawk daih ani," a lo ti nawn leh a."I lo ngaihtuah hle ani maw,a ni em?" reife hnu ah chuan a nu chuan a rawn ti ta a.Ni e,a ngaihtuah alawm,a ngaihtuahin a tana țha tur a duh a,Brendan te ang mi â laka hloh leh a phal tawh ngai lovang."Hun hrehawm tak a tawng mek ania,ka nu.In zinna hi nuam ti deuha a hman ka lo beisei hle asin," a han ti nawn leh a."Ka theihtawp chhuahin tih hlim ka tum ange," a nu chuan a rawn ti ta sap a.Cole chu alo thaw huai a, "Hun nuam tak in hmang dun dawn nia," a lo ti a."Tehlul mai,bawiha.I car rawn tirh alo thleng e,Bawiha,dam takin lo awm ang che,i mi puihna avangin ka lawm e," a ti a.Cole chuan phone chu a en vang vang a,Liz chu biak a chak hle a,mahse enge a sawi ang? Nizanah khan a ngai hle dawn tih a hrilh tawh a,a tan a hlutzia a hriatthiam theihna tur khawpin a lantir tawh alawm.Brendan chu a duh tawh lovang.Bakah,Brendan a pawmleh duh khawpin a â lo tawp ang.Nge alo la duh reng ang le?A office chhungah chuan a vei ta tlut tlut mai a.A rilru a buai hle mai a.Liz chuan a pawisa khawl te chu pasal fanau enkawl nan alo ti em ni ang? Alo la ngai em em angem le? Brendan a aiah alo pawm ve mai mai em ni ang? Brendan chu hmu leh ta sela....?Kathmandu chu khawpui lian tak ani a,Brendan chu an hmu kher lovang! An kalna tur leh an hmun tlawh tur thlan fel sa vek ani bawk a.A nu enkawl angaiin a nu chuan a mithmuh ațangin a kalbo tir hauh lovang.Liz chu a hnenah alo kir leh ngei ang.Chapter - 14Nancy Pierson chu zinpui a nuam hle mai a.Chu nu chuan hun a vawn dik leh thil a theihnghilh leh nghilh loh enpui chu a țul a ni mai a,Liz i tihtur chin alo thliar thiamin a puih theihna ah chuan alo pui zung zung zel a.Khualzin zahnih zet kalkhawm an ni a,an hlimin an phur tlang em em bawk a, "Min kalpui thei hi ka lawm tak tak a ni,Liz," Nancy chuan a ti sap sap a."Keipawh le,Nancy. Champagne kha in hnem lutuk suh aw," alo ti let thuai a.Nancy chu alo nui hawk hawk mai a, "Duhtak,min ngaihtuah reng reng suh.Cole pawhin a nupui a țhen fel tawh a,nupui nei turin a zalen leh tawh ani," a ti zui sar sar a."A țhat nasat chu," alo tihsan mai a,chhan ngaihna a hre lo hle mai a."Hmeichhe dik tak a tawn hunah chuan pasal țha tak ani ngei ang," tiin alo en vang vang a.Liz chuan a hmai sen țawn țawn chu thup theih a duh hle mai a, "An tihsual laklawh tawh chuan nupui neih leh hi an hreh hlur tawh țhin asin," nui sang hian alo ti let a."Mahse Cole chuan a fapa kha a chhuang em asin.David a a hloh ta khan a ti na em em a,a tuar chhuak dawn lo emaw ka ti hial asin.Mahse a naupang reng dawn lova,fa neih leh chu ala duh ngei ang," Nancy chuan alo ti leh țalh a."Mipa te chuan fa an nei thei reng alawm.Hmeichhe ho zawk hian siamtu renruatna dawn chin kan nei a," tiin alo nui lui hak hak a."Chhungkaw dintur chuan upat hun nghah a duh ka ring lo.A pa pawh hi ani alawm,fa neih tam a duh tlat lova,Cole hi chu a ni ve lovang,pa nih kha nuam a ti em a,fa neih țeuh pawh a pawiti hauh lovang," tiin Nancy chu a thaw halh halh a."Chuti chu engtik niah emaw chuan ala nei țeuh ang chu," alo ti a."Fa neih i duh ve em,Liz?" a rawn ti leh ta daih a."Engtik ni ah emaw chuan le," tiin a lo sen awp awp mai a."Keipawh engtik ni ah emaw chuan tu neih leh ka chak asin.I nu chu a hlim țhin ngawt ang chu," a ti ta vang vang a."Ni e,a bik takin phir te chu a ngaihven zual a,fapa nei hek lo le," tiin alo nui leh hawk hawk a.Vanneihthlak takin an titi chu ama chhungte lamah a kai her thei ta hlauhva.Nancy fapa nupui nih mai chu ala inpeih bik lo ani,thil a thleng rangin an inkar chu engang nge a nih dawn ala chiang silova.Kuching an thlen chuan an khawvel lo hman țhin nen chuan a dang ta daih mai a.An thlenna hotel tukverh ațang chuan Sarawak luipui chu a lang ruih mai a.Kuching awmzia chu 'zawhte khawpui' tihna ani a,thilhlui dahna hmunte tlawhin an hlim hle hlawm a.A tuk khua alo var chuan bus in Semengoh Orangutan Reserve an fang lehin ramsa chi hrang hrang an thlir tir a,an mit a tlai hlawm hle a.Zawng chi khat,Borneo an tih phei chuan mihring an ang a ti em em mai a.In sei an tih mai,mihring sang tam tak chenna chu an tlawh leh a,in pakhatah chhungkaw tin chu an in ping hrang ve nangin veranda pakhat an ințawm vek a,an khawsak dan nen chuan a inang lo hle ani.Mahni a khawhar taka awm lai an nei ve dawn hauh lo tihna a ni a,a ninawm chang leh a nawm chang a tam hle ang chu.Damchhunga mahnia awm chu a tum bik hauh lova,a nu leh a pa te bula kir leh tumna a nei chuang bawk lova.A in lei ve chu nuam tiin hlim hle mahse chenpui tu tur ala mamawh ngei ang.A vela cheng ve te lah chu mi in kuah hawh hlir an ni si a.Cole chuan nupuia neiha,fa neihpui te alo ngaihtuah ve chhin angem le? Nge reitak hmeichhe kawp lova alo awm tawhna chu kaih harhin a awm mai mai? An inkar chu hriatthiam a har hle ani.A tukah chuan Bako National Park an fang leh a,South China tuipui te fangin thliarkar mawi tak tak te an fang a,nuam an ti hlawm ngang mai a.Hun a liam duak duak mai a.Kuching ațang chuan Rangoon an thlawk thleng leh ta a.Shwedagon pagoda te fangin rangkachak in te an en a,an nuamsa in ngaihsak an hlawh bawk a,harsatna an nei hauh lova.Rel changkang leh nuam zetin a ram vel chu an fang bawk a, "England lalnu ang mai niin ka in hre hial mai," Nancy chuan a ti halh halh mai a,nuam a ti hle tih a chiang reng mai a.English hnam sulhnu ala tam hle a,an khawpui duan dan te,an rorelna insang sak danah te,sipai hote chenna hmunte chu London a an sak dan nen a inang hle bawk a.Rangoon a an cham hnuhnun ber zan chuan Grant Colonial chu an tan The Strand Hote ah an buatsaih sak a.Chu hotel chu English mithiam pakhatin 1901 kuma a sak tawh ani a,hotel lian leh changkang ber ala ni reng ani.Mipa ho chu hmai kawr pek țheuh an niin hmeichhe ho chu thinga siam nihliap leh hmai zahna,lehkha mawi tak taka siam pek an ni a.Thawmhnaw var vek ha tura beisei an niin Liz pawh chuan Cole a leisak chu ha in an leilai te chu a hrechhuak rum rum a.Cole chuan a lakah enge a beisei chiah ang le? A hmangaih nge mipat hmeichhiatna hmanpui mai mai atan a duh le? A hmei anga neih a,engkim ngaihtuah sak a tum zawk em ni?"I kawr kha i inhmeh lutuk!" Nancy chuan a ti mawlh mawlh mai a."I fapa thlan anih hi.Nang pawh i lang nalh hle ani.Nancy," tiin alo fak let thuai thuai a.Nancy chu a lang nalh hle reng ani.A hnunglam ațang phei chuan nula nalh tak emaw tih mai tur hi a ni reng a,a hmel hlim sar mai nen chuan a lang naupang sawt mai reng a."Zanin chu hlim takin i hmang ang aw,duhtak.Naktukah Kathmandu kan pan dawn si a," a ti a,a phur hle mai a.Liz chu alo ngawi vang vang mai a.Kathmandu ah chuan Brendan a awm ngei ang,a hlim angem le? Inhmunleh ta se ala duh angem le? Ani hi chuan a duh tawh lo ngei anga.A tan kumthum chhung zet alo khawhral tawh a,minute khat pawh a tan a inpe tawh lovang.Bus chuan Strand Hotel chu an pan a,an incheina chu an hlimpui hlawm hle mai a.Chu hotel nuam leh changkang zetah chuan an zi huai huai mai a.Eitur leh intur a hnianghnar hle a,ngaihven an hlawhin buaina an nei hauh lova.Hotel pindan zau chung lamah chuan inchung chhawng hungna thinga siam,nalh zet hi a kual ruih mai a.Nancy chu a hawi kual nasa mai a,hmanlai hotel hlui zet chu hmuhnawm ti takin a hawi kual ruai ruai mai a.Liz chuan makti zeta a thaw hraih chu a han hria a.Nancy enna lam a han en ve chuan makti zet hian a ding khawng ve ta reng mai a."Lalpa leh! Cole ani reng mai!"Veranda sangah chuan alo ding zan mai a,hnuailama mipui zi nuaih nuaih chu alo thlir a.A nu in a han hmuh rual chuan a rawn hmu ve nghal thuai a,a rawn nui sang mai a.A kut a rawn vai khum zauhva,anmahni awmna lam pan tur chuan a rawn chhukthla ve ta nghal a.Liz chu alo insangmar țeuh mai a.Engvanga Cole chu lo kal ve nge anih le? Lo kal ve a tum thu a sawi lang hauh silova.Buaina an neih hlauvin a rawn endik dawn em ni? nge a nu chuan sum a hmang nasa lutuk ang tih a hlau le?"Awle,awle,awle," Nancy chuan alo ti ngal ngal mai a,a lungawi hmel hle mai a. "Cole chuan chawlh la in min rawn zawm ve dawn a ni ngei mai.A va lawmawm vele!" alo ti halh mai a."I sawm ve em ni?" Liz chuan a ti ha mai a.Nancy chuan alu alo thing na na a, "Ngaihtuah pawh ka lo ngaihtuah phalo reng reng a,mahse,Kathmandu kan pan hmaa alo thleng hi ka lawm hle ani," tiin alo meng de sar mai a."Engati maw?" Liz chuan alo ti leh hauva."Oh,thil țha tak a rawn ti ani," tiin a lo nui var var a.Liz chuan engmah a zawt zui thei ta lova.Cole chuan a rawn pan zel a,mipui zingah pawh chuan a langsar hle a,a kalna tur chu an lo kian duak duak in an lo en zui sup sup a.Hmeichhe ho chuan an enduh zual bik niin a lang.Linen suit var leh T shirt dum a rawn inbel a,a landan maiah pawh pa hausa tak ani tih a hriat hle ani,a rawn hnai zel a,Liz thinphu chu a nasa zual sauhva.Cole chu a rawn nui sang a, "Hmeichhe nalh ber ber te pahnih chu in ni chiang alawm," a rawn ti lawng lawng mai a.A nu chu alo nui hawk hawk a, "I lo kalve thei chu a va lawmawm em!" a lo ti a.Mitmeng de sar hian Liz chu a han en a,a nui hmel chu a danglam raih a, "I aiawhtu nen a nikhat office a inkhung kha ka duhtawk viau ani.Chawlh hman min ti chak riau alawm.I aiawh zo an awm lo anih hi,Liz," a rawn ti ril ta raih a.Liz chu alo lawm rilru hle mai a, "Kan zinna hi i rawn zawm ve zel dawn em ni?" alo ti a."Vawiin tlai atan chauh hian le.He hotelah hian ni engemaw zat cham theihna tur chuan ka tifel ngei a,zanin chauh hi chu kan hmang dun ang chu ka ti a......"Zankhat chauh maw? He hotelah hian maw?"..........Zanriah ka kil ho ang chu. Ka nu,i zinna chu nuam i ti em? a han ti a."Tehlul mai,bawiha,I chawlh chu enganga hman nge i tum le?" alo ti thuai a."Mandalay te pawh ka tlawh ang chu.Tlawh ka duhna a rei tawh a......"Kathmandu ah ilo kal ve dawn lova maw?"Dawn love," Liz chu a han melh zauhva, "Vietnam tlawh tel ka tum thova,chutah chuan kan inhmu mai thei asin," alo tihzawm leh a."Vietnam ah chuan kan buai dawn lutuk," a nu chuan alo ti hmak mai a.Cole chu alo nui hawk hawk a, "Zanriah te tal chu min kilpui hman thovang chu.I zinna chanchinte kan sawi ho anga," alo ti then a.Liz chuan Nancy in an inkara thilawm chu a hriat alo hlau hle a.Nancy chuan innei mai tur leh tute neih mai alo in beisei ngei dawn si a.......Nancy hlimna chuan a ti zak hle dawn ani."Liz, nuam i ti ve emaw chu?" nelawm zet hian a rawn ti a."Tehlul mai,ka lawm e,""Harsatna in nei lova maw?" Chik fahrana rawn en chung hian alo ti a."Nei lo,""Rawn endik tur che u a lo kal ka ni lo ania,min lo ringhlel deuh te anih chuan," tiin alo ner nang nang a."Hun leh pawisa kan khawhral lo hle asin,Cole," tiin alo nui hak a.A rawn hnaih lutuk loh nan Liz chu alo inlahrang hram hram a,Cole a mitmeng chu a de sawr sawr mai a,a awmdan chu a rawn hriatthiam sak ngei niin a lang.A nu hmuha an awmdan tihlan chu alo hlau em em si a."Lamna hmun i pan tawh ang u," tiin Nancy chuan eitur leh intihhlimna te,lamna te an buatsaihna lam chu pan turin a inher ta nghal a.Cole an an pahnih a bana kaia an kalho dal dal ta mai chu a nu chu a lo lawm hmel hle a.Liz chuan nui hmel pu lui hram hram chung hian a lo dawh ve mai a,alo hnial hlauh chuan a nu rilru a tihnat sak dawn tlat ani.Mi an tam em avangin an in nek tawlh tawlh a,Liz chuan hnaih loh a tum lui hram hram a.Nancy chuan an zinpui te chu a fapa chu hmelhriat tirin a be buai sek a,Liz chu alo lawm ngang mai a,chu pindan chu a ropui hle a,a bang te chu rawng chi hrang hrang,inmil zeta chei aniin inchung sang zet ațang chuan electric khaibawr nalh zet leh ropui tham fahrana lian hi alo uaithla dulh bawk a.A chhuat thingphel phah chu a hnum hlurh a,dawhkan khuhna puan thleng chuan a var thianghlim sar mai a.Milian leh sum ngah deuh tan lo chuan hmun chan a har hle dawn ani tih a lang reng mai a.Nancy chuan dawhkan a thlang a,mi sawm zela țhutna tura buatsaih hi a ni a.Midangin an rawn zawm thuai a.Liz chu alo lawm hle mai a.Cole chu a nu leh Liz inkarah chuan a țhu a,midang titi pui tur an awm chuan a thaw a ti veng huai mai a.A lo hlauhthawn tehlul nen, Cole chuan a rawn en a, "Zanin chu lampui che ka lo chak hle asin," a rawn ti ta mai a.An lamdun anga maw? Cole chuan a kuah anga,a nu hmuh laiin an lamdun anga,enge a sawi tak ang le? A pum chu a so but but mai a.Engtinnge a tawrh theih ang le?Chapter - 15 World vision hovin naupang nu leh pa neilo an lak khawm te chuan hla an sa a,naupang pawldang an rawn lam bawk a,thu sawiin an ngaithla zel a.An eitur rawn chhawp te chu a tui leh tui loh pawh hre mang lovin alo en mawp mawp mai a.A bula mipa țhu chuan a ti buaiin ngaihtuah mumal a nei hlei thei lo ani.Rimawi tum tute an lo chhuak a,rimawi chu an rawn tum țan ta nghal a.Lam duh te chu thovin an lam țan ta sang sang a.Eng hunah tak Cole chuan rawn sawm ve ang maw?Hawihhawm takin alo hnar thei alawm.A ti lui thei lovang.Mahse an hun lo hman dun tawh țan chhan khan a tilui thei lutuk tlat,a sawmna pawm turin a beisei thei ang.Lo hnar ngat sela chuan Nancy chu alo buai hle awm si a,a lo tir lui tho thovang.A ke a na tiin alo hnial thei mahna! chu lah chu Nancy chuan a awih dawn der silova,a na lo tih a hrechiang tlat ani.Cole chuan a țhutna chu nawr sawnin a tho ta a.Rimawi tum tute chuan, "Moon River," tih hla an tum ri ruai ruai a,chu hla a lamte chu an inkuah chial hlawm a.Cole an a kut a rawn pek a a lam rawn hawi chuan alo khur lo chauhva, "Lam ve ang hmiang?" a rawn ti ta nge nge a.Liz chuan alo en ringawt a,chhan ngaihna reng reng alo hre lova."Lam ve rawh,duhtak.In lam lai ka lo thlir ang che u," Nancy chuan alo ti ta thuai reng a.Chhuanlam siam tur reng reng a hre ta lova,ke khur dar dar chuan a han ding a,Cole a bula zan hun hmang lo turin a rilru a siam sauh sauh mai a.Engang pawhin thlemin chawk tho mah sela,a bulah a riak lovang.Cole a banin a rawn kuah a,lamna lama a hruai lai te chuan a thluak chu a buai nuaih nuaih mai a.Taksa insi chiala,a kuah a,rimawi rema an suk takah phei chuan rilru mumal reng reng a pu tawh lova.Cole chu a kun hniam a,a beng bulah chuan, "Liz,engvanga lawm lo hlawh lo nge ka nih le?" a rawn ti ta nge nge a.A thaw lum ham hamin a bek vela a rawn thawk khum chuan a tum ruhna te chu a kehchhe zova,a lo inven vena te chu sawichhuah a ngai ta si a."I nu hruaitu ka ni alawm," alo ti chhum hmak mai a."Chuti chuan........" tiin ala rawn kuah nghet zual sauh sauhva."I nu ngaihdan.....i nu in thil awmdan hi.....a hria ang asin," a ti nawk nawk mai a."Hria se enge a pawina? Kan duh ang anga awm turin kan zalen ve ve alawm," tiin a hnungzangah chuan a chulsak hauh hauhva,a nek hnai zual sauhva, "Ka duh che ani,nang pawhin i duh ve tho ka ring," a rawn ti thawp sat ta mai a.Liz chu rang zetin a han dakchhuak a,Cole a mita tisa chakna avanga lo de sar sar chu a han hmu a, "Kan pahnih chauhva tihtheih ani a,midang tel lovin," a beng bul setah chuan a rawn ti leh a.Liz chuan alu alo thing na na a."Kan thuruk hi midangte hriata puanzar ka hreh hauh hleinem,Liz. Ka nu pawh sawn min hnial hauh lovang.A ngaina hle che a ni.Hmeichhe ngainat a ngah lemlo asin,""Chutiang vang ani lo," Liz chuan alo ti hlar mai a."Enge ni a?""I nu sawn thil tak tak a duh ani.Nupui nei leh a,tu neih a chak thu a sawi alawm," alo ti hriam hraih mai a."Inneihna chu kan pahnih atan a dik lovah i ngai em ni?"Chona te pawh a ang hle ani.Liz chuan a rilru alo siam sauh sauhva.Cole lah chuan chhan beisei zetin a lo en reng mai a."I sawi......i sawi danah khan,nupui neih i hmanhmawh loh thu kha i sawi a ?" alo ti nawk nawk mai a."Phur thuta nupui neiha,inchhir leh maw? Khatiang thil kha tih ka tum tawh lo reng ani.Mahse ka rilru siam fel nan chuan kumthum chhung hun ka mamawh ve lovang?" ngeiawm zet hian alo ti ta a."Kum thum maw?""Brendan a nena in inkawp chhung kha mawle,Liz,"Liz chuan a lu alo thing nar nar a.Brendan a alo kawp kha alo tisual hle reng ani.Cole pawhin a awmdanah a hre ngei ang.Rimawi chu a tawp ta a.Lamte pawh chuan an țhutna an pan ta sang sang a.Cole chuan ala kuah tlat a,an dawhkan lam panpui tum hmel reng reng apu lova,Liz chuan a vawnna chu thlahin inher mai a han tum a."Engvangin nge Brendan chu Nepal ah a awm tih min hrilh loh?" Cole chuan a rawn ti ta mai a."Eng â?" Cole hmela thinurna lo lang chu a han hmu a,a thin a phu nasa zual sauhva."Ka sawi i hriat reng kha,"Liz i thluak chu a vir muai muai mai a......."Brendan chuan office lamah min rawn biak pawh a tum em ni?" a han ti chhuak hram a."Chutianga ti tur chuan ilo duh reng reng em ni? I zin dawn tih hrilhin ilo be pawp em ni?" a ti leh ta a."Teuh lo mai......ka......" Cole zawhna awmzia chu a hre lo tulh tulh mai a."Kathmandu ah in in hmuh theih dan tur rem ilo ruat reng reng em ni?" Cole chuan alo ti leh hram a."Kan inkar a tawp daih alawm!" Liz chuan alo ti hlur mai a."Ka tan chuan ala tawp tlat lo ani,ka hriat duh ka la hre lo!" Cole pawh chuan alo ti hriam ve hrak a.Lamna tual ruak huai chu a han enkual a, "Miin min en țhup ania," a ti lai riai a."Chuti anih leh chhuak ila ani mai alawm.A fala awmdun i duh em? I duh chuan kan awm anga,"Liz in alo hnial hman hma chuan a kawngah a kuah thut a,Nancy lo țhutna lam chu a panpui ta nghal a,Nancy lah chuan alo en dauh dauh mai a."A fala awm ka duh lo," Liz chuan alo ti zawi sap a."Min ngaihsak lo zeta i awm hmuh hi ka tum tawh lo,kan inkara thilawm hi awmlo anga lantir tum hi ka duh tawh lo bawk.Mipui vantlang hmuhah emaw a fal emaw,i duh zawk zawk thlang rawh le," a ti ta hmiah mai a.An dawhkan kilpui te lah chuan an lo melh hrek hrek a,a nu lah chu alo lawm hmel nasa mai bawk a.Pindan chhunga awm huai huai hote mit fukna berin an hmuh laia ata ni awm ang hrima a cheibawl vel tur chu.......Cole lah chuan a kuahna chu thlah a tum hauh lovin a kuah nghet tulh tulh mai si a.Midang hriata thudang a sawi leh hman hma a chet a lak vat a ngai ani.Nancy chu a han nuih var var a, "Nancy,Cole nen hian sumdawnna thilah inbiak lawk kan ngai a.Reilote min lo ngaidam ta che?" a ti ta nge nge a."Kan rei deuh mai thei bawk.Midang ho rual hian in thlenna hotel ilo pan ve thei angem,ka nu?" Cole chuan a rawn ti ve ta nghal a."Thei tehlul mai.Ka pindan chahbi pawh Liz in ka bag ah a khung thlap alawm," Nancy chuan alo ti zang vah mai a.Talchhuah lehna kawng a awm ta lo."Kan rei lovang tiraw, Cole?" Nancy rilru tihnawm nan chuan a han ti leh hram a,a pumin a sa pup pup mai a."Thil thlen danin a hril ang chu.He thil hi kan chinfel hma dan a zir ani mai a.Ka nu, Liz chu hotelah him takin ka rawn dah leh thlap dawn nia,lo ngaihtuahin lo nghak duh suh aw,"Liz zak lutuk chu a khur lo chauh tawh a,Cole chuan inbiak fel satliah lo deuh a lo rilruk tel ngei ani pek ang chu."Awle,bawiha," tiin Nancy chu a rawn en a,a nui ver ver mai a, "Min rawn tihbuai hlau reng reng suh aw,duhtak.Vawiin ni chu kan hah em a,ka mut tui hle ka ring ani," alo ti thuai mai a.An va thiam nufa em ve le!"Cole chuan dawhkana Liz i bag dah chu a han la a,a pindan chahbi leh a pawisa chu Cole a kutah a awm ta ani, "Ka lawm e,ka nu," tiin Liz chu a kaisawn nghalin chulai pindan lun zet chu an chhuahsan ta nghal a."Ka bag kha rawn la rawh," sehchilh nak hian alo ti a,a ken sak daih chu a duh bik lova,a țul palh hlauh takin taxi lak a kalsan te a ngai dawn si a."Tlanbo i tum deuh elo, Liz?""Engmah ti thei lova danchep nih hi ka duh lo ani,""Ani maw," bag chu a pe ve ta mai a, "Hmeichhe intodelh leh inveng ran mai maw! I thil lo tum ruk ran lam pana min thlawhbo san hian i lakah hian enge ka nih tih hriatchhuah ka tum tlat ani,Kathmandu a thlawhna kal theih na ticket petu che ka nihna bak hi.......""Eng â? Kathmandu man lova kal theihna ticket chu ka dil che em ni?" tiin Liz chu a ding chawt mai a.Cole chuan a puh chhe hle ani,a lungawi lo ngang mai a."Helai hi ala lun hle ani," tiin Cole chuan pawna meizu a lo ding ho chu a han melh kual a. "Ka nu beng thleng thei thil mawilo thlentir i duh siloh chuan......."A rawn kai ta dawr dawr mai a,a chet ran em avang chuan Liz chuan inrin na hun pawh alo nei lova.Inkhaichhohna ah chuan nawr lutin a hmehna chu a han hmet nghal a."I pindanah ka lo kal dawn lo," tiin a duh duha a tih theiha awm tir a tum chu alo haw hle mai a."Kar hmasa lam kha chuan harsatna i neih loh kha le," ngeiawm zet hian alo ti let a,a mitmeng chu a nelawm loh hle mai a."Khang te chuan......a dan a dang alawm," tiin hlauthawng hmel zet hian alo en a."Enge a danna? Midang hmuh lohva thil sawipui che ka tum ani mai a,nge naktuka Brendan a i hmuhna tura inbuatsaih ilo duh zawk?" a ti ta a.Brendan bawk chu!Inkhaichhohna kawngka chu a inhawng a,Liz chuan Cole a awmdan chu mak a ti ta riau mai a.Cole chuan a rawn kai leh nawk nawkin a pindan lam chu a panpui zel a,Liz chuan a lo en reng ringawt mai a, "Mahni inrintawkna ka neih nana lo mutpui velah che min ngai amaw?" a ti ta hlawl mai a."A ni mahna,"Cole chuan tum nei rana mutpuiah alo ngai amaw,mak a ti em em mai a, "Nang enge ilo rilruk ve le,Cole?""Tara in kan mutdun fo a rin thu a sawi ni ațang khan a sawi anga awm chu ilo tum ta tihna em ni?" alo ti ve ta ngat mai a.Cole chu alo hawi hu mai a, "Khami zana ka awmdan ah khan Tara in awmzia a nei hauh lo,a nei lo reng reng," alo ti hriam hrak a."Chuti anih leh engvanga Brendan a chu sawi lang sek nge i nih si a?""Khawnvar tih en i duh lova,""I nupui nalh zet nena min tehkhin vel tur kha ka duh lo ani.A ni aiin ka itawm lo ropui si a,""Tara anga ngai tur che in min lo ring amaw?" Cole chuan a ti ta tuarh a."Ring e,i nupui ani alawm," Liz chuan alo ti let ve hlar mai a."Ka nupui țhen hnu ani.Ka fa a boral rual khan ka nupui a nihna chu a tawp daih tawh bawk," tiin Cole chu alo hawisang vah mai a, "Tara kha mahni țanghma chauh hai thiam a ni a,amah bak a inngaihtuah ngai lo.Awih mai rawh,chutiang mi bula awmchu a hah thlakin itawmna reng reng anei tawh lo ani.Bakah,hmeichhia in a an duhzawng neih nana min hmang nia ka inhriatna hian.....ka ngilneihna.....nei lovah min siam ani," tiin Liz chu rum zet hian a melh khui mai a."Chutiangin ka ti lo che," Liz chuan alo ti let ve nghek a."Min ti lo maw? Chuti si engatinge zanin hian min lo hnar si?" alo ti leh hmak mai a."Ka hrilh tawh che kha,i nu nena....""Chhuanlam a tling lo!" tiin inchhungah chuan a nem lut dawr dawr mai a.Liz chuan mipat hmeichhiatna avanga hmu duh ani ringawt lova hriatna a nei ta a,an inkar chu tihfel a duh ani ngei ang.Cole a chuan a tuka Brendan a hmu tur anga a ngaih avangin alo thinrim ani ngei mai.Cole chuan kawngkhar chu na zetin a khar zui țhuai a, "Tunah.....thudik sawi rawh le," a rawn ti nghal chhar chhar ta mai a.Cole chuan alo duh ngei alo ni,tisa in itna satliah mai bakah a lo duh anih chu!Rilru hlim zetin inchhungah chuan a lut a,alo nuamin alo ropui ngang mai a,bualin kal pelin mutna pindan te,khum lian zet leh zaupui te chu a kalpel zel a.Tukverh sang zet,huan mawi tak lan theihna zawnah chuan a ding ta a,Cole chuan dawhthei zetin alo en ran a,a thinurna chu thup hram hram hmel a pu a."Brendan a Nepal ah a awm tih ka hrilh loh nachhan che chu țul ka tih loh vang ani, Cole," a han ti zawi raih a."Thil țul tak ani," Cole chuan alo ti let tukmai a. "Amah vang khan Liz Hart i nihna diktak ka la hmuh ngai reng reng loh ka hmuh theih phah a..""Amah vang ani hleinem.Ka û te vang ania,Min tihhlim nan leh mipa dang mita ka lan mawi nana min chei an ni alawm.Ka nu pawhin an thiltih chu alo pawmpuiin ka hlimpui alo ring bawk a.Cole,Brendan a nena inrem leh chu ngaihtuah pawh ka lo ngaihtuah chhin hauh lova,kan inkar chu a tawp daih tawh alawm," tiin a lu alo thing nar nar a."Mahse......i lang danglamin i nalh hle mai si a.....Nepal a i kal chuan,in hmu thei a,a nep zolo mai thei che asin,""Kathmandu ah alawm kan kal dawn.Brendan chu Nepal khawi berah nge a awm pawh ka hre hleinem.A awmna chin ka hria emaw hre lo emaw,pawi ka ti reng reng lo.Lo hmu fuh palh ta hlauh pawh ni ila,engmah danglamna a awm chuang lovang,ka nuna lo let leh tur hian ka duh tawh lo ani," a ti ta a.Cole chuan a chal a lo chuar nung nung a, "Anih leh kei ve hi..? I û te beisei ang chuan țha ka lo ti viau mai si che a.....nuam i tih phah deuh em?"Thudik hrilh sela enge hloh tur aneih chuan? A han dak vah a, "Thudik i hre duh em, Cole?""Duh e," alo en ngun kher mai a."Țha ka ti fo țhin che ani.Mahse nupui nei i ni a,Tara Summerville te ang nupuia neitu chu manglamah pawh beisei chi i ni hleinem.Brendan a țhen mai kha mualpho leh tlawm thlakah ngaiin ka dawh hram hram zel a,ka hmangaih tak tak lohna khan a tibuaiin min kalsan ta ani......! Kumkhua a hmangaih lotu bula awm chu alo peih lo ani ange,""Țha min ti awmin i awm ngai der silova?" Cole chuan alo ti ngal ngal mai a."Enge awmzia awm chuang ang,bakah,i bula hnathawh kha a nuamin kan hlawh phu tawk turin kan thawkrim tlat ani.""Thlalera ka tuihna i ni alawm,""Eng â?"Cole chu alo nui hak a, "Ka nun thim lai bera ti eng tu i ni asin,ka bula hnathawka ilo awm ve ringawt pawh hi a hahdam thlak hle ani,Liz," a ti a."In ințhenna tihfel anih hma khan......i ni leh zan hman te kha.......Tara theihnghilh tir tur che in ka tling tawk em le?""Brendan nena in ințhen hma daih ațang tawhin a ni chu ka hre reng ngai tawh lo ani.Brendan khan a tingui che in hmeichhe nun hlimna nei lovah a siam che niin ka lo hre țhin a.Tara lah khan......""Min lo khawngaih amaw?" Liz chu alo tawm chawih mai a."Teuh lo mai.I in dah hniam lutuk avangin i chungah hian ka thinur zawk ani.I hlu in midang tan i țha hle si a.I nihna dik tak hriattir che a,tih harh che ka duh ani.A tawpah chuan,kan hnathawhna a kan nihna te zah zo lovin hmangaihna chenpui che ka duh ta hial a," a ti ta a."Hmangaihna......a sawi ringawt chu a awlsam hle alawm,mahse a landanah chuan mipat hmeichhiatna hmang dun ang chauh kan ni.Tisa thila in itna satliah ang chauh ani," Liz chuan alo ti let hmak a."Liz,nang nena khatiang hun hmandun kha a hlu asin,ka tan chuan thil hlu ber ani tlat ani.Thil dik tak ti anga inhriatna ka neiin nuam ka ti asin," aw nem tak hian alo ti ta a.Nawm zawng a nuam alawm,phat rual ani lo,mahse a rilru a thil awm chu a chhanna hriat vek a duh tlat a."Kei pawhin nuam ka ti ve tho alawm.Mahse nang hian.....Ka lo remchan avanga min mutpui satliah......""Ni love,Liz, nang chu nang i ni a......""Zanina helaia ilo kal ve ka lo hmuh che ațang khan,tumah reng rengin,an duh ang anga min mutpui mai mai lo turin ka rilru ka lo siam fel twh ani,nang pawh tiamin, Cole. Mipa ka hriat tawhah chuan nang aia duh chu ka nei chuang hauh lo nangin.....," alo ti hmiah hmiah a.Cole a hmel chu alo hlim ta deuh sawtin a nui ta lek lek a,thawveng deuh huai hmel a pu a, "Kan inang anih chu," alo ti nghat a.Liz pawh chu alo thaw huaiin a nui var var a, "Tak tak maw?" alo ti ha a."Enge insum tuma ka buaina em em hi hriat i duh em?" tiin a rawn hnaih ruak a,a rawn kuah chawt mai a.Thutak zeta rawn enin a țawng pawh chu a sehchilh lek lek hial a, "Min hnar tawh suh aw,Liz. He kan inkara thilthleng hian enge nghawng a neih zel dawn i ngaichang tawp mai ang,hunin hril sela,rem i ti em?" a rawn ti ta a.Awi har a ti ngang mai a.Beiseinain an thlir dun anga,an pahnih in,a mipa duh ber chuan duat zeta kuahin hun pe turin a thlem ani si a.An inkara tla zep an awm a hlauh avangin hei leh chena hla hi a rawn pan ani si a."Min chhang ta che,Liz."Thu a pe hi ani hrim mai a.Hepa hi a hmangaih ani.....a engkim mai hi.A han kuah a, "Awle,Cole," a ti ta sap a.A hlim ani,hlim na chuan a tuam hlup hlup a,lungawina famkim chuan a lung a awi ani ber mai a.Cole chuan duhthawh em em hian a fawp ta vang vang a.Cole a khum lianpui ah chuan an mudun a,an hlimin,an duhthawh hle a,zan rei reng reng an hre chang lova.Cole a hmeichhe duh ber nia inhriatna a nei a,chutianga inngai thei tur chuan a siam tlat ani,lo hnial țalh thei ani lova,hnial tur pawhin theihna a nei reng reng lova.A nu a ngaihtuahna te chu vawm bo ang mai ani a,Nancy chu alo lawm hle zawk ngei dawn tih a hre reng mai si a.Cole an an hotel lama a thlah meuh chuan khua a var dawn hnai tawh a,anu chu a lo harh a,Liz i a hmuh loh chuan a buai mangan ngei an ring a,Liz chu hlimna avang chuan a muhil thei chuang lovang."Brendan chu Nepal ah a awm tih engtinnge i hriat a,Cole?" a han ti a."Ka nu in min hrilh alawm,in zinchhuah dawn țepah khan," alo ti a."I nu in maw?" Liz chu a phu zawk hial a, Nancy bula a bialpa hlui chanchin a sawi chu alo hre zui leh tawh reng reng lova. "Engvanga hrilh che nge anih le?" a ti he haw mai a.Cole chuan alo nuih var var a, "Ka ngaihven zia che a hria anga,hloh che ka duh leh duh loh min fiah a duh ani mahna le," alo ti mai a.Liz chu hlim zetin alo thaw halh halh a, "I lo kal chu ka lawm hle mai," a ti ta sap a.Cole chuan a kut chu alo vuan nghet sauh sauhva, "Kei pawh le,"An kut insuih chial chu a han en a,Tara in Nancy in a chhuahsan laia Cole an thlamuan a tum lai kha a han hrechhuak zawk a.Nancy țawng kha a ngaihtuah chhuak lehin a nui ru var var mai a.Nu te hian an lo hre zel anih hi.Thil țha hriat sak tute an lo ni.Cole chuan alo duh hle si a.Liz chu a lawmin a hlim sarh mai a.**********************Thla ruk liam hnu ah chuan...Liz i leh a laizawn te chu an choka ah chuan an țhu țhap a.Chawhnu a niin an chhunchaw eina an seng fel zo chauh ani a......Cole nena an inhualna chu an lawmin an ri chel chul mai a.Cole leh a pa te,mipa dang hote chu varanda ah țhu in an titi mawlh mawlh hlawm a.Liz i nu leh Nancy chu țhutkhawmna pindanah țhu in inneihna buatsaih dan tur an rel dun a, Cole chuan a rang thei ang bera inneih a duh tih a sawi si a."I tlangvalpa chu a țha in a itawm lutuk,ka thik lek lek hial mai che ka ti,tun meuh chuan," Sue chuan a rawn ti chhuak ta hlawl a,mitmeng kal ralh ralh hian Liz chu a melh a."Kan inkawp ațang hian hma a sawn nasa hle ani," tiin Liz chu alo nui har har a."Oh,nang hi! Thil zep țet reng teh suh," tiin Sue chuan hrukpuan chuan a vai thuak a."Engmah a zep hleinem,Sue. Kan chei danglam ni ațang khan kan hriat loh lamah par alo chhuang a.Ka lo rawt fuh hle lo maw,a rahchhuah hi en teh u," tiin Liz kut chu a han la kang a, "I zungbun manto leh nalh zet hi en mai a har ngawt mai," a ti a,a nui har har mai a.Lunghlu sen chi a ni a,a tle chi in a hual pap mai a,Liz pawh chu alo nui ve hawk hawk a."A rawng nen hian in in rem hle ani,Liz," tiin Cole khan a buntir dawn khan a hrilh ngei mai a, "Ka ngaihtuah chhuah che apiang hian ka rilru hi a lawmin ka hlim țhin ani," a ti anih kha."Zungbun mawi tak ani,Liz.He thil hian a pe tu che rilru a ti lang reng alawm. Hepa i man bet ta hi i vanneih zia i inhria ang chu tiraw," a ti zui sar sar mai a."Cole te chu ka hriatna a rei tawh alawm," Liz chuan alo ti ro halha.A laizawn te chu an lo nui ham ham a, "A pasal atana țha a i hriatna maw?" Diana chuan a lo ti leh a,an ri leh ta hak mai a."Ka ngainat zawng tak ani.....ka faten an ngainat nghal mai danah naupang hip a thiam riau anih saw.An bawhin an zuan reng a,ning hmel lah chu a pu eih silova,ka lo mitmei ru reng alawm," Jane chuan a rawn ti ve ta a."A ning teuh lo em mai.Pa nih a chak nak alai a,"Jane chu alo thaw halh a, "A fapa a hloh chu a pawi hle mai.Chhungkaw din pui thuai che a tum em,Liz?""Tehlul mai,""Liz...." a nu chuan a rawn ti ta hlauh va, "Cole nen lo kal teh u.Nancy nen ilo inbe tlang ang u."A û te pathum chuan a hnunglam ațang chuan chhuang zetin an lo en a,a rual hian, "Monu alo kal e......" tih hla an lo sa țhap țhap a.Liz chu nui har har chungin a chhuak ta nghal a.A û te ho bula hlim taka awm chu a lo nuam hle ani.Brendan a nen kha chuan an chaw ei kham rual rual khan an haw daih zel a,an inkawm hlim naah an tel ngai lo,a û te chuan an naute chu an lo la duat reng alo ni.Cole bula a awm chiah chuan an in hmangaihna chu intihsiakna ațanga lo piang a nilo tih a hriatchian țhin ni.Hmangaihna chuan mahni nihna ang angin alo pawm mai a,midang nih ang nih ve chakna leh tu emaw nih ve chakna a neih tir reng reng lova.A lam pana a kal a lo en laia a hmela hmangaihna lo lang a hmuh chuan a tihlim zual sauhva,a nuih let var var mai a."Kan nuten min hmu duh ani awm e,inneihna buatsaih hma deuh tura i tih vang khan an buai deuh ani ngei ang," a va ti lang lang a."Kan tih khawtlai phah hauh lovang," tiin alo țhutpui,a û pasal te ho chu a han thawhsan a,Liz chu panin intitatu zet hian a kuah a, "He thilah hian kan țang dun tlat tur ani,Liz. Innei vat ang,nghah reng ka duh lo ania," a ti zui mawlh mawlh mai a."An duh anga an buatsaih loh chuan an lung a awi dawn lo teh mai ania,bakah, hei hi hre reng rawh,vawi khat chiah pasal neih ka tum ania," tiin alo nui har har a.Thutak zet leh duh em em hian Cole chuan alo en a, "Ka tiam che,pasal dang i nei tawh hauh lovang.Monu hmelțha tak ini ngei dawn ani," alo ti thawp sat a.An nute pahnih lo awmna pindana an va luh chuan anni chuan an remruatna te chu an lo sawi zung zung a.Inrinni ni sela,hun a tepter em avangin an duh ang zana remruatna an nei thei dawn lova, Nancy in,Palm Beach ah an ruahman mai dawn ani tih te an lo sawi a.Ei leh in lamah chuan harsatna a awm loh tur thu te nen,an lo hlim dun nasa mai a."Mahse Liz," a nu chuan thutak zet hian alo ti a, "Sawmna semchhuah nan kar ruk tal hun min pe thei ula,kan mi sawmte pawhin.....""Teuh lo mai," Cole chuan a rawn tichhuak ta hluai mai a, "Thla khat chiah kan nghak ang.Kan mi sawm lo kal thei lo an awm anih pawhin an lo kal thei lo ani mai a,a pawi hle nangin chuti chen chen kan nghak thei lovang," alo ti a."Engvanga hmanhmawh viau nge in nih le,duhtak," Nancy chuan mangan hmel zet hian alo ti a.Cole chuan Liz chu a melh ta ngar mai a.Liz chuan alu alo bu nghat nghat a,an thuruk chu an nu te hrilh mai chu an remti ta ani."Liz hian naute thla thum mi a pai mek a,naute pai puitling tur anih leh nih loh a inhriat chian hma chu inneih a duh tlat lova," alo ti a."Nau a pai amaw?" Liz i nu chuan alo ti tham țiak mai a."Naute,naute!" Nancy chuan alo tiin a kut alo beng thlap thlap mai a,a hmela phurna leh hlimna lo lang chu pawisa a leisak theih chi rual hi ani lova."Ka duhdan ang chuan thik kal thei sela chuan,nau a pai hma khan kan innei daih tawh anga,Mahse Liz hian naute neih a duh tlat si a," Cole chuan alo ti leh dap dap a."Kan fa," Liz chuan alo ti sap a."Cole a lo en dan chuan aruh thlengin a ti zawi thei hial a. "Kan fa,kan naute tur," chhuang zet hian alo ti nawn ve sap a."Ka tu tur," tiin Nancy chu a lo thaw halh halh a."A inneih kawr a nalhpui loh a hlau hle ania aw," Cole chuan nui sang hian alo ti leh a."A nalhpui em em ang," Nancy chuan alo ti var a."Liz....." tiin a nu chuan alu a lo thing nar nar a,a fanu,pasal neih hma a naupai chuan a nghawng hle tih a hmelah chuan a lang reng mai a.Liz chu duat fahran hian a kuah ta a......."I rilru lian zet hi tuman an ti danglam thei lo anih hi tiraw,duhsakna ka hlan a che,duhlai," a ti a,a nui var var mai a."Ka hlim hle asin,ka nu.""Hlim tur i ni reng ani""Ka lawmpui a che u,Liz hi i tan a țha ani,Cole. A hmel vawikhat ka hmuh a,ka biak phat ațang khan i tan a țha ani tih ka lo hre daih tawh ani," Nancy chuan tifuh inti fe hian alo ti lar lar a."Hetiang ema hlimna kan tawng hi a mak hle ani," tiin mitmeng tle sar hian Liz chu a han en a."Kumkhua in min hmangaih ang tih i intiam kha," Liz chuan a lo ti no hnap a.An vai chuan an nui ta dar dar mai a.*******************Thlaruk a ral leh chuan Liz leh Cole chuan fanu duhawm tak an nei ta a,Jessica Anne tia a hming phuah ani a,a kut tereuhte chuan a pa kut chu vuanin damchhunga a sal atan a siam ta nghal a.A TAWP TA..

• Get link
• Facebook
• X
• Pinterest
• Email
• Other Apps

May 10, 2020

Post a Comment

Read more

SINFUL PLEASURELettu : LH Varteby HK RenthleiChapter - 1London a chhuahsan lai chuan vur a sur sung sung mai a. Thlawhna tukverh leh a tlanna ah te chuan a tling ten tun bawk a. Thlawhna chu vurtla nasa avang chuan a thlawh theih loh a ring hial anih kha! Thlawk chhuak thei lo mahse pawi a ti chuang lo bawk a. In a awmna tur chhuanlam a nei a nimai dawn a ni.Vur tla chu a nin vang a ni lo,khawvawt chu a ning a ni.January thla chuan nilum nuam leh phul hring hmuh in beisei chi a ni lova,mipui nawlpui chawlh hman hun a nih avangin dawr inkhar pawh a tam hle țhin. Christmas chu damdawiin khumah a hmang a, kar li zet Carribean tuipui kam, boruak nuam tak dawn chu a phu ve reng pawh a ni mahna le! Kalna hun remchang a lo awm lehzel chu tute emaw zawng nise an lawm hle ang chu.!Mahse ani chuan a chak lo hle ani. A thlawhna țhutthlengah chuan a in siamțha sek a. Carribean lama kal chu a chak lo a ni, a hrisel emaw sello emaw pawh nise! A pahrawn leh a chhungte va hmuh chu phurna vak a nei lova,hmuh leh pawh a inring ngai lo reng reng a. A nu boral hnu phei chuan Robards chhungkaw chamchin chu hriatzui a nei ta reng reng lova,a pawi pawh a tichuang lo bawk a. Pawi a ti ngai reng reng lo.Thlawhna tukverhah chuan a han dak a,hnuailama tuipui chu a lo lang hring nghulh mai a. A duh emaw duh lo emaw, tunah chuan a kalna tir a thlenlohna chu darkar chanve vel chauhin a dang tawh tho tho a ni. Thlawhna lian zet pawh chu a thlawk hniam țan tawh a, Cap Saint Nicholas țumhmun lam a pan mek a ni. San Felipe thliarkar a lo lang țan a,hreh teh mahse a nu chhungkaw pahnihna te chu a hmachhawn ngei a țul tho tho dawn a ni. Thlawhna ațanga a penchhuah lai te chuan phurna reng reng a la nei chuang lova.Helam pan hi dam țha nisela a duh reng reng lovang. Damdawiina a awm laiin a unaunu hrawn chuan a rawn phone a. Simon an alo chhawn a,an inkar boruak chhe zet chu hre ve hauh lovin a damloh thu chu Anita a lo hrilh kur nguai mai a.Anita in an hnena a damkawr chhung awm tura a tih pawhin Simon chuan a lawmpui zawk hle anih nghe nghe kha! Kal a duh leh duhloh pawh hre hauh lovin a kaldan tur a lo tihfel sak vek a, Anita chu ngilnei a ti hke nghe nghe a ni.A dik alawm,Anita chu a ngilnei reng a ni! A lakah chuan a ngilnei fo țhin a, an chhungkaw boruak chhe ta hle lo sela chuan kawm pawh an inkawm ngeih zui hle mai thei reng ani. Anita chu a aiin a upa zawk hle a,mahse an inkawmngeih tho țhin a nih kha. Anita leh a fapa Remy chu awmlo se anu leh a pahrawn bula chawlh hman te kha a hreawm țhin hle ang chu.Mahse a sawmna lo dawngsawngtu nisela chuan Anita sawmna chu a pawm hauh lovang a,Anita pawh chuan a pa phalna lo chuan a rawn sawm hauh lovang. Ryan Robards chuan a fanu chu a thuhnuaiah a dah hneh hle tih a la lang reng a ni. Megan chu San Felipe a kal tura sawm anih chuan Ryan Robards a thu a ni ngei ang.A dam lov,zai hial a tawk a,Simon an chawl tur leh zin ngei tura a tur tak tlut tlut ah chuan hreh zetin a remti ve ta mai a ni. Simon a chuan Robards chhungkua te chuan an ngaihtuah hle niin a ngai tlat bawk a.An ngaihtuah vang chu a ni hauh lovang. Hmeichhe puitling a ni tawh a, Meggie,hmeichhe naupang kha erawh chu an la hre reng mai thei a ni. Khatih hunlai khan kum sawm a pel chho awrh a nia,a nu leh a pa te chu an ințhen thei ang tih a lo ring ngai reng reng lo anih kha.Simon chuan phone leh thuthawn lo kal lo dawnsawn pawh a phal lova. Kumriat kalta ațang khan Simon Darton nen chuan thawmhnaw chhuak thar chi hrang hrangte thehlarna lehkhabu an chhuah a,an hlawhtling chho ta hle reng a ni. Hna a thawk ngat ngat a,thildang reng reng hrechang lo lekin,a hriselna thlengin a lo ngaihtuah chang lo a lo ni.San Felipe a chawlh hahdam chu thil harsa tak ni dawnin a hre tlat a,thlen pawh a chak hranpa lo hle bawk a ni. A pahrawn chuan a lo hmuh chak em em a ring bik bawk lova,Ryan Robards bula awm ai chuan a nu kalsana a pa bula awm a thlang anih kha. Apa, Giles Cross chu thi tawh mahse an inkar boruak chhe zet chuan a la kalsan thei lo a ni.Anita chuan a damloh thu hre hauh lovin a rawn phone a,hun rei tak chu a piancham leh Christmas a card an inthawn tih bak chu an inbe ngai reng reng tawh lo a ni.Christmas boruak ten a rilru an chawkphur ve te pawh a ni mahna le! Kum sawm paruk zet a hmuh tawh loh te nena titi han vawrh tur chu a vang hle lo vang maw? A harsatna te chu mikhual mai bulah a sawi ngam dawn em ni? Anita chuan pasal a neih leh neihloh lah a hre tawh der lovin a fapa kha engtiat nge a nih tawh ang le?Remy kha lo țhanglian ve zel ta sela engang tiat nge a nih ang le? Kum ruk emaw vel lek a ni lo maw? Mipa naupang sam dum hlap mai,kekawr chauh ha a tlankual reng mai kha a ni a,kawr kha a ngaina lo hle a nih kha.Megan kha infiampui atan khan a duh ber țhin kha a ni a.Anita in a rawn biak lai khan a fapa chanchin chu a zawt hauh lova,kal lohna chhuanlam ringawt a lo ngaihtuah a. Anita lah khan a lo hnialthla zelin Simon a a lo ni bawk a,Anita chuan anu duhdan anih ngei tur thu a rawn sawi nawn sek avangin a hnial zui zel duh ta lem lo a ni.Thlawhna kailawn chu a rapthla zel a,tualzawl chu kalpelin midang zin ve ho te awmna chu a va thleng a. London a vawh tehlul nen San Felipe chu a lum huam mai a, chulai in a boruak vawn daihna an hmang chu a lawmawm hle hian a hre bik a.A bungraw lo thleng chu phur lo zet hian a han la a,pawn a thlen a Anita hmel a va hmu mai ta lo phei chu lawm tur nge lawm loh tur pawh a hre lo hial a. Taxi a la mai ang chu,a hmanhmawh lem lo ang a.Khua chu alum huam huam mai a,boruak lum uap churh chuan a ti chau zual a."Megan"Chu aw chu a hriat ngai a ni hauh lova, mahse a hmingin a rawn ko miau si a.A rawn ko tu chu a han en a,Ryan Robards a motor khalh tute zinga pakhat a ni ang chu.Chupa chuan jean kekawr da lampang leh kawr phiar hi a ha a."Min ko em ni?" tiin khualzin thil awmze hre lo deuhte bum tum ni mai awm a nelawm loh hian a han en a. A suitcase chu a han melh a,a secretary nula chuan Miss M Cross tih chauhin a hming a lo ziak si a,Megan a ni tih a rawn hre tlat si ani."Megan ini lawm ni?" tiin nuihza insum hmelpu zet hian a rawn ti leh a,kalbo mai tum hmel lah chu a pu der lova. Kalbo tum ahnekin a rawn en chik tulh tulh mai a, Megan chuan Ryan Robards tal lo lang se a ti ut ut tawh a."Ni ta ila enge?" A lo ti let hmak a. Chu tlangvala lah chuan dawhtheih hmel fahran hian a lo thlir veng veng mai a. Anita chu khawnge a awm a,a thlawhna thlen hun tur te chu hriat awm tak a nih nen."I lo nih chuan rawn lam tur chea lo kal ka ni" Megan hmel lo nur nang en reng chung chuan a han ti a. Megan thawmhna chu a khai nawlh a, "Ka ruala ilo kal dawn chuan sawlaiah sawn car ka dah a," a ti zang vah mai a."Ngawi lawk teh. Ka tih chhan chu....ih,tunge inih le? Mr Robards an a rawn tir che em ni? Anita a lo kal ka lo beisei a," a han ti nawk nawk a.Chupa chu a han thaw huai a,a thil khai chu ala khai reng thova,a rih awm tehlul nen,rit ti hmel pawh a pu chuang lova. A vun chu a sen uk kharh mai a,a ban te chu a seiin a sek țha hle mai a, "Min rawn tir a ni," luhlul hmel zetin a lu a lo thle bak a,chutah tak chuan a hriat hnu ang hle hian a hre deuh zawk a,mahse tunge nia hriatna erawh a nei zui ta lova. A lian thelh thulhin a pian a țha hle a ni. A inher a,a kal ta mai a,a zui loh chuan a thawmhnaw te chu a chan mai dawn tih inhre chungin a zui ta hlawk hlawk a.Car an thlen meuh chuan a thlan ban chuap tawh a,car chhunga boruak tihvawhna khawl hnuai a țhu ta chu Megan chuan nuam a ti hle mai a, "Ka nuin buggy aiin Andi i duh zawk tur thu a sawi a."Megan chu a lo meng kawk kawk mai a, "Ka nu?" tiin a bula tlangval țhu, lo nui țha chu a han en a, "Remy?" tiin a han melh kawk kawk a, "My God,a pawi lutuk,i ni ang tih ka lo ring pha lo reng reng a," a ti tham țiak mai a."Ring lo tih a chiang reng alawm.San Felipe ah hian ka lo lawm a che,Aunt Megan. I awm chhunga nuam taka i hun i hman ka beisei," ner deuh nak hian a lo ti a.Megan chuan amit a han khap leh fak fak a, a duh aia rei a enin a lo enchik lutuk mah mah a ni,a han zi mar ar ar a. Mahse Remy chu le,tlangval hmelțha leh lian zetin a bungrua car hnunglama a dah lut chu a va en nawn leh ngat a. Lo țhanglian ve tur chuan a ring ngei mai a, mahse chutiang em a.....a lu a thing nawk nawk a. Enganga țhanglian turin nge a lo rin reng reng le? Kha mipa naupang kha hetiang em a tlangval hmelțha a țhanglian thei turah hian alo ngai lo em ni?Anu nena San Felipe an lo thlen tirh khan naute mai a la ni a,Megan chuan upa ta riau hian a inhre ta thut a.Aunt Megan a ti maw......a tihtur dik tak a ni reng ani.Enge a thawh ang le? A pu Hotel chu a enkawl pui em ni? Lawngchawlh hmun zau tak an nei a,Coffee leh thlai huan zau zet an nei bawk a,eizawnna tur te chu a ngah a ni. San Felipe ah chuan an ni aia langsar an vang hle si a.Car hnung chu a inkhar a,Remy chu a lut ve ta nghal a,Megan chuan a lo nuih ta var var nangin a awm chu a la nuam thei chuang lova."Ka rawn hre nghal mai che asin. I danglam vak lo ani. I sam sei țhin kha i lo tan tawi ta tih loh chu," Remy chuan a rawn ti sawt sawt a.Megan sam chu a ngilsei siau țhin a,khatih hunlai kha chuan a tikir țhin a ni,tleirawl chhuak hlawl a ni a,a kir buk nalh an tih hunlai a lo ni bawk a."Khang hunlai khan ka lo lang pawr țhin awm teh e,ka thau thei ropui si a," Megan chuan a han ti hak a."Mahse i thau tawh hleinem," tiin a mitmeng buang thar chuan Megan chu chik zet hian a en vang vang mai a, "Ka nuin zai i tawh thu min hrilh a,kum sawmhnih leh tih a pumpui na neih chu a pawi ka tihpui hle mai che.""Pumpui na a ni hleinem,bawk engemaw a awm a,paih loh chuan a dam lawk si lova," a lo ti a."Ka nu chuan thil pawi tur engmah a awm lo a ti alawm. I bialpa kha engkim a lo hrilh alawm.""Chutia law?" Simon chu a bialpa a nih loh thu chu sawi a tum zuau nangin a țhulh leh ta a. Simon nen chuan inkhatah an chengdun ngei alawm,an hnathawhna atan a awlsam phah em em bawk a. Mahse an cheng dun chauh a ni....an pahnih inkar chu tuman an hre lo,an pahnih chauh chu a hretu an ni."Hna i thawkrim lutuk ani ang, chawlh hahdam i zir ve a ngai pawh ani mahna le," Remy chuan a lo ti halh a.Megan chuan ngawi rengin an tlanpelh kawtthler te chu a thlir vang vang a. Tunge Anita fapa chu chuti taka tlangval hmelțha ah a lo țhanglian ang tih ring pha bik ang le? Helai thliarkar hi chhuahsan duh ngat sela chuan Model hna,hlawh țha tawk a hmuhsak ngei ang tih a inhai hauh lova. Mahse Remy chuan Model nih chu a duh hauh lovang le!Remy chuan a pu a chhun hle a ni,a pu ang maia mipa rothap anihna a lang a,a pa a lo chhun tel a nih pawhin a pu a chhunna chu a lang tam zawk a ni.Anita in Remy a pai chuan kum sawmpanga vel lek ala ni tlat a ni."San Felipe chu engangin nge i hmuh le?" Remy chuan a rawn ti leh ta a. Megan chu a han inthing harh a,a pa khan San Felipe chu khawvela hmun nuam lo ber ani pawh ti sela a nuam hle a ni tih a hai bik hauh lova."A.....a mawi ngawt mai," tih tak zet hian a lo ti a. Tuipui kam var vuk te,a hual veltu thlai hmun hring dup mai te chu hmuhhmaih chi a ni lo tlat ani.Pangpar vul chuk te, hnim țo buk nalh zet zet te leh Orchid Bay lang tle sur sur te chu mawi lo tih rual lah a ni si lova, "Helai hmun hi chu nuam ka ti țhin reng ani," a han ti zui sap a."Chuti si engvanga awm bo reng nge i nih? Ka nu hian hmuh leh che a chak fo țhin tih ka hria alawm. I kalbo dan chanchin leh lokir leh tura a duh thu che a sawi fo a ni," a ti a."Chuti maw? Kei pawhin ka hmu chak ve tho alawm," tiin Megan chuan a heh ro zet chu a han liak huh a, "I....i pu chu enge a an le? Chawlh te a tum hnai ve tawh em? a hriat duh tak chu a zawt ta a.Remy chu a lo ngawi deuh vang vang a,a chhanna turah a inngaihtuah uluk hle niin a lang a, "Oh.....ka pu chu a țha alawm," a ti tawi tak mai a, a pu chanchin chu sawi a chak lo hle niin a lang.An ngawi dun ta vang vang a,an vel ram mawi tak te chu hmu hauh lovin a thlir vel mai mai a. Car chhung chu dai hle mahse a sahal huam huam a,a zam hle a ni. He a zinna hi a inchhir zui hle dawna hriatna a nei ta ut ut hial a.A bula tlangval țhu chu a han en a, ani chuan kawng lam chu a lo melh ngar mai a. A pianphung lian thlur leh nghet charh mai te, a hmel pa rat mai a a mitmeng dam thlap lo lang te, a sam thlan avanga hnawng charh a bek vela lo bet te chu.....tlangval hmelțha tak a ni,hetiang em a mipa hipna nasa a tawn hi ala hre ngai reng reng lova. Chu tlangval chuan a hip hle tih chu phat rual ani lo nangin a vahpa tur a ni miau a, upa ngawih ngawih hian a inhria a ni."Engthilnge ni ta?"Tlangval fing tak a ni, a ngaihtuahna a hmela tihlan loh a zir nasat hle angai dawn ani."Engmah ani love," a aw chu a han ti zang lui hram hram a, "Helai ka rawn thleng leh ta mai hi a danglam deuh huaia inhriatna ka nei mai mai ania. Thliarkar lo la danglam tam lo hi ka lawm hle a ni," a rawn ti halh halh a.Remy chuan a mithmul chhah zet chu a lo san khum zauhva, "Keimah anglo deuhvin an la pangngai reng i tihna a ni maw?" A lo tih deuh salh ah chuan Megan pawh chu a lo bu nghat a."Nangmah ini tih ka hriatchhuah rual che khan i inthlak danglam nasatzia chu ka hmu thei alawm....""Megan, naupang anga min kawm chu tum tawh teh suh.""Chutia tih che ka tum lo....""Chutianga tih chu i tum niin ka hre tlat thung a ni," tiin Remy chu a lo meng dur khap a. Megan chu a lo țim sawk mai a, "Kei aia i upatna chu tihlana, naupang chhia ang maia min la biak vel i tum a ang riau a ni," a lo ti leh hmak mai a."Naupang satliah i ni hleinem,kum sawm pathum ka nihin nang chu kum nga emaw kum ruk emaw awrh i ni alawm. Kan kum a inthlau hle a ni.""Kum kua ka nih kha. Megan, school ațanga inzir chhuak hlawl ang lekin alawm min chhuah i tum," a lo ti ngal ngal mai a."Chutianga tih che ka tum.....""I tum lo anih leh kei aia i upat zawkna kha sawi lang fo lo la a țha ang," tiin a car chu El Serrat panna kawngkawiah chuan a her ta nghal a, "Engvanga pasal te hi la nei lo cheu nge i nih le?" a han ti zui zat a.Megan chu a nuihte a za lek lek hial a, "Ka buai lutuk a ni. Mahni chunga hotu nih hi a lo buai theih khawp mai, a nawmna aiin buaithlak a tam a nih hi," a ti ta ringawt mai a."Ka hrethiam e."Megan chuan makti zet hian hian a lo en a, "I hrethiam amaw?" a lo ti ha mai a."Hrethiam tehreng mai. Keima hna alawm ka thawh ve tho. Hlawh phei chu a țha lutuk lo nangin senso a tum ve alawm," a lo ti ve a."Hotel i enkawl ka lo ring a?" Megan chuan a lo ti hau mai a."Ni lul love. Ka nu hnuaia thawh ka duh i ring lovang chu tiraw? Hotel chu ka enkawl lo alawm. Dan ka zir a,ka thawk ve tawh alawm, Port Serrat ah hian ka awm ani.""Ukil....!" Megan chuan mak a tihzia chu a thup zo lova."Ni e,ukil ka ni alawm. Ka puitling ve tawh ani tih lanna pakhat anih chu. Rorelna lamah mite ka țanpui ve țhin a ni."Megan chu a lo sen țawn țawn mai a, "Min tih el nana hman kher a ngai hleinem," a lo ti hlar mai a."Chuti anih leh ka nu aia upa ang hial khan insawi lo la ti nia,kei aiin kumhnih khat chauhvin i upa ani si a.""Awle,awle,a pawi ka ti ngawt mai. Puitling anga en che ka zir a ngai dawn anih chu. Tunah,i nu chu enge a an le, hotel chu ala enkawl zui zel em ni?" tiin Megan chu a nui ta hawk hawk a.Remy chu alo thaw ri huai a, "Aw,a buai ve thei khawp mai," a lo ti let halh a."Pasal a nei leh ta miah lo em ni?" Ti ti satliah mai mai sawi anga lan a tum nangin hriat a chak ber a ni lawi a. Remy a rawn en dan lah chuan a awm a tinuam lo hle lehnghal a."Fa lak ka nihna tibo turin maw? Nei lo,ka pu tih chauh lo chu! tunthleng hian pa anga en theih tur ka la nei lo chu a nia lawm," Megan chuan a zawhna zawh chu inchhirna hlir hian a lo khat a."Chutiang zawngin ka sawi lo tih i hriat reng kha. Englo....a la naupang hle si a,bakah,tuemaw,hmangaih te alo tawn takin ka ti ani," a ti ta nawk nawk a."Ka pa chu a lo hmangaih hle a ni mahna," Remy chuan a lo ti el nghat a, "Chu thil chu ang lo hlein lang mahse....hmangaihna tih vel hian nangmahah pawh hian nghawng a nei vak lo a niang e," a ti ta nghat mai a."Eng i tihna....?""Awle,nangmah hmangaih em em tu che hmeichhia kha pa nunrawng tak bula awm i duh zawk vangin i kalsan ta anih kha. I nu khan a hmangaih hle che ani,Megan. I tgeihnghilh zawk em ni? I nu thinlung i tihkehsawm vek theih laiin engtinnge hmangaihna thu i sawi theih zawk chu le?" ner sawk sawk chung hian a rawn ti ta mai a.Chapter - 2Remy kut chuan motor khalhna kual chu a vuan nghet hle mai a,Megan hmel pawh chu en duh lo hmel hi a pu hial a. Ama chunga thleng niawm fahran chuan ala huat hmel em em lehnghal a. Engvanga huat hmel em em nge a nih le? Khatihlai khan ala naupang hle si a,engmah hrethiam rual anih loh kha le!Mahse sawi tur reng reng a hre lova. Remy chuan a hmai dang ta lawp lawp chu a rawn hre lo nia a lo inhria anih chuan a tisual hle ani ang,inthiam lo hmelpu zet hian a rawn en ta a."Enteh.....a pawi ka ti hle mai," a han ti hraih a. El Sarrat kawng te leh chep zetah chuan tlanlo sela chuan ding meuha ngaihdam dil a duh hial a."Ka....ka pa khan min hmangaih hle asin. Min hmangaih ani,ani khan engmah tihsual a nei ve hleinem. I pu leh ka nu khan an lo bumin an thlim fo ani tih a hriatchhuah khan engang rilru pu turah nge i ngaih le? My God! I pu kha a țhianțha ber ani lehnghal a! I chunga thleng nise eng anginnge i ngaih ve ang le?" Megan chuan a ti ta mawlh mawlh mai a."Ka sawi tawh kha, a......""A pawi i ti maw? Awle,kei pawh pawi ka ti ngawt mai. Mahse pawi tih ringawt chu a sawt hleinem. I ngaihdan hi i nu ngaihdan alo ni ve anih phei chuan, awle, thlawhna țumhmun lamah min hruai let leh mai ta che," Megan chuan a tikhur hlak hlak a."Chutiangin a nin a ngai ve hleinem. Oh, a pawi lutuk. Ka thusawi te kha hre ngat sela chuan,a thinrim tur zia mai chu.....awle,i hriatrengnaah ila cheng a ni mai a,ka pawm thei mai ang. Mahse i pa nena in kalbo hnu kumruk chhung chu i nu bulah ka cheng zel ani tih i hre dawn nia. Tlawh pawh i rawn tlawh duh tak lovah khan a rilru a na em em a,a fa neihchhun i ni asin," Megan lam chu a han hawi a,a hriatreng țhin Megan kha chu a ang tawh hauh lo reng ani. Tleirawl hmai tai tak țhin kha nula hmai danglap leh rilru khauh tak hmel a pu tawh a,a thusawi chu a pawm duh angem le?"Ka ni amaw?" awmze nei fe hian Megan chuan a lo ti nghat a."A nauchhiat kha i sawi anih ka ring. Naute a hloh khan a nghawng nasa zual a,i pain lehkha a rawn thawn a,a phu tawk a hmu ani tih a rawn hrilh ngat phei chuan a thi lo chauh asin."Megan chu a lo thaw hawk mai a, "Ka pa in chutiangin a ti lovang," a lo ti ngawt a."Ti lo. Mahse a rawn ziah dan dik tak chuan maw, "Pathian hian rorelna hi mak tak takin a thlentir a," I nu chunga thil thleng kha pawi a ti ve hauh lo tih a chiang reng ani. A rilru tur awm kha a rawn hriatsak chiang a,a hrehawmna tizual turin a rawn deuhsawh ani ber mai," a ti a."A rilru ana....""I nu pawh le."Megan chu a lo in humruh țang țang a, "Engvanga ka nu chuan a nauchhiat chu ka pa rawn hrilh kher nge anih le,a hriat ve tur niawm tak a," a ti zawi raih mai a."Thlamuantu aw hriat a thlahlel pawh ani mahna le. I pa kha Pathian rawngbawltu a ni a,mitin thlamuan tu tura ngaih ani alawm,tehchai khan," Remy chuan alo ti chhum hmak hmak a."Mihring ve tho a ni tlat a," Megan pawh chuan a lo ti ve vat a, "Naute kha dam takin piang sela duhsakna ahlan i ring em ni? a han ti zawm zat a.Remy chu hnar tum dat hian a lo ngawi ran a.A pa tlinlohna avanga dem hlawh chu a duh bik der lova,a pa dinhmunah chuan ding ve ngat se tunge ti lo bik ang? A tuartu ni lo tan chuan sawi a awlsam hle reng ang chu.Thawmhnaw fakna lam maw i thawh ber? Ka nu khan a lehkhabu te in tichhuak țhin niin a sawi a,an rawn chah mai țhin che u em ni?" Reife hnuah chuan Remy chuan a rawn ti ta hlawl a."I hre duh tak tak em ni?" Megan chu ala thinur ru țeuh mai a. Anita chuan hliam chu tuam dam a tum anih pawhin a fapa chuan a tum velo niin a lang."Enteh,ka thusawi zawng zawng kha theihnghilh vek rawh aw. Enge hriat ka neih ve reng reng tiraw? Khatih lai khan naupang mai ka la ni si a,thil ka lo la thlir thiam lo ani ang e," Remy chuan a ti ta zung zung a.Megan chuan a han en vang vang a. Remy chuan alo en let ve reng a. Megan chu a hmelțha hle ani,mitmeng mawi tak a nei a,a mithmul sei sang mai chuan a mitmeng nalh tak chu a hliah lek lek bawk a. A biang vun mam thal mai chu han chul chhin a chak ut ut hial a. A beka a marphu dat dat chu a hmui ngeia fawhsak a chak riau mai bawk a. A turtu nasa tak chu a insum hram hram loh chuan a tihlau mai ang. Megan chu amah vanga San Felipe a lokal a ni tlat lo ani.Kawnglam chu a melh lui ta hram hram a,a thisen a lum ta phat phat leh a mipatna lo nung ta tlat chu mak a inti hle ani. A â ta a ni ngei ang,engvanga Megan chu it ta tlat nge a nih le? Chunu chuan a tawh pawh a duh awm hauh si lova."Helaia lokal tur hian min duh lo tiraw, Remy?"Chu zawhna chuan a tiphu nasa hle mai a,chutiang zawnga ngaih ahnekin a mutpui chak hluah hluah ani si a. A awmdan chu a rawn hriatthiam pui lo chu a țha hle ani.A jeans hak kap lo mar țeuh pawh chu a rawn hmu lo tihna ani a,a lawmawm hle ani."Chutiangin ngai reng reng suh," tiin a kut thlan dap chu a han tuai nawk nawk a. A inthunun vat vat zel loh chuan a che buai mai dawn ani."Chuti nisi engatinge min ngaithei lo riau hmel i put tlat a?" tiin ngun fahran hian alo en reng a."Chutiangin ka awm lo. I nu leh pate chanchin ka sawi avangin min ngaikawi mai mai anih chu...I pa kha chu a sual em ani," a lo ti chang ta bawl mai a.***************Megan chu hotel chung sang bera pindan nuam zet chu an pe a. Hotel chu chhawngruka sanga sak ani a. Chulai vela hotel chu tuipui awmdan mila sak zau zel anih hlawm avangin chhawngruk aia sanga sak phal a ni tlat lo ani. Chunglai velah chuan hotel thar tam tak a lo awm belh tih a hmu thei bawk a.Robards chhungkaw tlemte chuan an hotel tih changtlun nan chuan sum an seng hnem hle ang chu.....hmanlai angin anmahni chauh hotel nei an ni ta si lova.Hotel an thlen dawn hnaih ațang khan Remy nen chuan an inbe khat ta hle a. Anita chuan a lo lawm hle a. Kum sawmparuk zet inhmu tawh lo an ni tih a tilang hauh lova. A unaunu hrawn chu ani pawhin a lo chhawnlet țha hle a.Anita chuan hotel kailawnah dingin a lo hmuak a,hotel hual veltu pangpar mawi zet zet te pawh chu thlirna huna nei hman lo, Megani mittui lo hnam par chu a kuah chawt a, "Oh, Megan, kan va inhmu lo rei em. Kan sawmna i pawm hma a natna i lo tuar hrep chu a pawi lutuk," a ti vang vang mai a.Anita chu alo la danglam lo hle ani. Tleirawl ang maiin a hmai a tai tak a,ala thau nalh bawk a. A nuih zawnga a biangsum lang kak kak chuan a hmel a tilang țha lehzual sauh bawk a. T-shirt thawl hek hawk leh kekawr bul a ha tauh mai a,a sam dum hlap, kir deuh hlek chu a țawn khawm a,a la nalh hle ani.Hlim hmelpu takin lo lawm mahse Anita chuan phurrit a nei ru ani ngei ang. A mit hnuai lam chu a lang val kalh a,a mittui a hnai hle bawk niin a lang. Remy lam chu ngaihsak lo lui hram hram chungin Anita chu a zui ve ta zel a. Inngeih tak anga lan tum mahse an nunhlui chuan a tibuai ru dun hle nia hriatna a nei tlat bawk a.Hotel pawh chu an lo chei danglam nasa tawh hle ani. Tum thing te alo ding sung mai a,tui chik chhuak phuh seng seng te a tualah chuan a lo awm tawh a. Thlaler a tui awmna hmun ang maia mawi leh thlen chakawm hliah hliah hi a ni reng ani."I pindan thleng ka hruai che anga,zanriah ei hma a intihfai te i duh awm si a," tiin Anita chuan inkhaichhohna ah chuan a luhpui ta zel a, "Chawlh hahdam te pawh i mamawh ang chu. I rawn tluang em?" a ti zui zel a.Inkhaichhohna te chu a tunlai ber chi an lo hmang tawh a. Helai hmun hi a nu khan nuam a ti ve ang em le? Robards chu chulai hmuna hotel neituah chuan a fing ber pawl a ni tih a sawi țhin ngei kha!"Thil hrilh tur che ka ngah lutuk ania. Hun kal tawh te kha ka ngai țhin asin,enge i tih zel țhin tihte hriat vek ka duh dawn ania. I bialpa i kawppui Simona mawlh kha? A fel hmel hle mai. Pa fel tak enkawl țha thei tu tur che i nei chu ka lawmpui hle che ani.""A ni lo.....ka.....ka....." Megan chu a ngawi leh ta daih a. Khawlum lutukin a ti chau nen, Simona chungchang an ngaihdan chu engang pawh nise pawi a ti tawh lova, "Helaia lo kal tura min sawm hi ka lawm hle a ni," a lo ti sap a."Ka lawm hle ania,keipawh. Laura nen in inang tak zet ani," tiin Megan hmai mam thal chu a han chul sak a, "Ka...ka pa tan tawrh a har hle dawn anih hi. Mahse i hmai te hi a dang em a,tisen a lan hma chu ngun taka enkawl i ngai dawn anih hi," Anita chuan a ti sauh sauh mai a.Anita in a chhuahsan pindan nuam leh ropui zetah chuan a hawikual ruai ruai a. Ryan Robards a hmuh hmaa thawk lakna hun a nei tur chu a lawm hle nangin a rilru chu a hahdam chuang hauh lova.Hotel tirhkah pakhat hian a bungrua te chu a rawn dahsak a,Remy a lo beisei ruk laia midang an lo lang ta chu mak a ti deuh hle a. Mahse Remy chu hotel a thawk ve lovin ukil a ni miauva.A pindan veranda chu a han en a,țhutthleng nalh tak tak a lo inhung in a nuam hle dawn ani. A inbual anga,ala chawl hahdam ang chu! Tunge chulai hmun mawi leh nuam lutukah chuan hahdam lo awm ang?Bualin zau leh chagkang zetah chuan a han pen lut a,karli chu a rei lutuk ang em le? A hna chuti chen chena rei kalbo san chu Simon a lo buai lutuk ang em le? Hnial thei dinhmuna a din laia rem lo ruatsak tu ania,chawlh a hmang ngai lo lutuk tih hrilhin a chakna pangngai nei let leh tura hahdam leh eitui hna a neih turin a rawn a nih kha.Zanriah eitura a chhuk chuan a hahdam huai tawh a.Bualina a awm chhung khan a pindan dawhkanah chuan a eitur tuihnai zet zet an lo chhawp țeuh mai a. Rilțam pawha a inhriat loh tehlul nen a ei țeuh mai anih kha. Chutah tuipui lan theihna tura mutna thlir theihah mu in Carribean tuipui pawl ruih chu a thlir vang vang a. Tuipuia nitla tur mawi zet a hmuh takah chuan a lo muhil sek ani tih a inhre ta mai a. A thawmhnaw te chu phawrhin zanriah ei nan a la hma bawk a,a muangchang hle mai a. Chhuk thla sela, Anita chu lo buai hlein Ryan Robards chu hmu ta sela,enge a sawi ang le?Robards chhungkaw chenna chu hotel chhunghnuai bera khualchhawnna pindan hnunglama awm a ni a. Megan chuan ala hrechiang hle ani. A nu leh a pa ințhen hma chuan chutah chuan an leng fova,chutih lai chuan Ryan in pakhat chu an luah ve țhin kha a ni a,lawnga zin vel kha a pa khan nuam a tih em avangin Ryan nen pawh an inkawm ngeih phah hle ani.Thawmhnaw a keng tam lova,silk kawrfual dum,țhui mawl zet a ha a, a mil tur bengbeh dum a beh bawk a,a nalh pui hle tih erawh chu a inhre hauh lova. Anita pindan a luh chuan Remy chauh chu ava hmu ta mai a. Tukverh ah a lo dak a,anmahni chauvin an hman țhin huana kawng lam chu a lo thlir vang vang a,a kut lehlam chuan zu no a lo keng bawk a.Megan han thaw halh ri ah chuan a inher thuai a,mitmeng thim raih hian a en ta reng a. A mitko a san zauh chuan enge a ngaihtuah ang tih a tihre chak hle mai a. An inbiak dan a ngaihtuah letin han rin mai tur a vang hle bawk a.Remy mitmenga țha a tihzia lolang chu Megan chuan alo hmu reng a,ani lah chuan thup tumna nei lek lovin a lo en ngar mai a. Chu tlangval chu amah leh amah a inring tawk hle ani.Megan awm chu a nawm loh ruk hle lai chuan ani lah chuan nuam a tih hmel hle mai a."I hahdam deuh tawh em?" tiin a rawn en ngar mai a, "Intur i duh ve em?" a lo ti a.Megan chu a han in ngaihtuah vang vang a,eng ber emaw chu in ve sela titi pawh a tinuam deuh ngei anga,mahse a tan a țha lovang,damloh leh chakna a nei hauh silova."Tui dahvawh a awm em?" tiin Remy mit chhing sar sar chu a han en a."Tui vawt a?""Damdawi eilai ka la nei a," tiin pindan chhungah chuan a penlut ta zel a, "Khawnge i nu hi a awm,helaia kal tur hian min ti si a," a han ti a."A lo kal thuai ang," tiin Remy chuan intur dahkhawmna lam chu a pan nghal a, "Tui....tui ringawt hi i duh tawk anga maw?" a han ti zawi sup a."Tawk mai e," tiin Megan chuan tukverh lam a pan ta thuai a. Chu tlangval bul hnaia awm chu him lo riauvin a inhre tlat bawk a. Hotel huan mawi zet piahah chuan tuipui chu mit tlin tawkin a cham put mai a, zan boruak nuam zetah chuan far thing leh pangpar rim a nam chem chem a."Kha le,"Remy chu a hnung chiahah chuan a rawn ding ta a,tukverh darthlalang fai zetah chuan a hmel thla chu a lang thei bawk a. A rawn hnaih mah mah ani,a sangin a lian hle mai si a,a uap a na nghal hle bawk a. Remy laka awmdan chu thiam harsa a tiin a lai riau mai a. Naupang mai a ni tawh lo tih chu a pianphung leh a mitmengah lah a lang chiang reng mai si a."Oh....ka lawm e," no chu alo ban thuai a,a kut tawh palh hlau zet hian a va vuan a,no chu a lei ta bawih a,tuivawt zet chuan a ke a leih ta puat mai a."Khai aw!" Remy chuan Megan i ke huh hlap chu a en vang vang a,Megan chuan chhaw a inti hle mai a, "Engvanga khatianga ti kha nge i nih a? Hri kaichhawn theih ka vei hleinem,i hria alawm," a lo ti ngal ngal mai a."Ka tihluih anih loh kha," Megan chuan a lo ti hlar thung a, "Min rawn tiphu anih kha," tiin a ke chu a dahsawn a, "A pawi love," a tizui leh thuai a."A pawi lo maw?"Remy chuan enge sawi a tum a hrethiam hauh lova,a ngawi ta reng mai a. Intur dahna lam a pan leh chuan a lo thaw huai mai a. Mahse Remy chu a lo kir leh ta thuai a,thil hruk faina puan a rawn la a,Megan i ke chu a rawn hru ta thuai thuai a."Oh....khwwngaihin," chu tlangval chuan a ti lai tak zet ani. Hrukpuan chu laksak tumin a han kun a,aninlah chuan a lo melh rulh duh lek a,a thiltih ngai chu a ti zui mawlh mawlh mai a.Megan chu a han kun leh a,loh theihloh hian a lu chu a en reng ringawt mai a. A sam chu a la huh tle sar a,a inbual emaw tui a cheng emaw ani ngei ang. Chu tlangval tluka tibuai rutu mipa chu ala tawng ngai reng reng lo,a kut a thlan dap dap a.A han thaw huai a,engvanga en liam mai mai thei lo tlat nge anih le? Mahse chu tlangval uap chu a na em em tlat ani, a mipatna chuan a marphu a ti danglam theiin a thisen a tilum thei tlat ani. A pu ang maia mipa a nihna tilang thiam a ni tlat ani."Mr.....Mr Robards a lo kal ve dawn em?" Aw khur lo chauh hian a han ti a. Remy pawh chu a lo ding chhuak ve ta nghal a."A pawi hle mai, ka thiamloh ani," Megan zawhna chhang hauh lo chuan a lo ti daih a."Oh....keima thiamloh anih kha.""I intur tihbuak kha ka tum hauh lo asin. Tin, nichina i bula ka țawng danah pawh khan ngaihdam ka ngai ani. I pa leh nangma chungah țawngkam mawilo hmang tur ka ni hauh lova," a lo ti ro halh halh mai a.Megan chuan thawk alo la raih raih mai a. Chu tlangval chuan a tihrilhaiin sawi tur a tihre lo fo dawn a ang hle ani, "Theihnghilh vek ang," a lo ti ta thuai a."Ngaihdam ka ni amaw?""Tehlul mai.""Tui chauh kha i duhtawk amaw?"A tui ken chu in pawh a la in hauh lo tih a han hrechhuak zawk a,rang fe hian a han in pawp a, "Tawk e, i pu chuan zanriah a rawn kil ve dawn em?" a han ti nawn leh ngat a.Remy chu a han ngawi deuh vang vang a,a lu a thing ta na na a, "Zanin chuan a lo tel ve lovang. Keipawh hi khawpui lama kir leh ka ngai dawn a," a ti ta charh charh a."Hetah hian i cheng ve lo em ni?""Lawng chawlhna hnaiah in ka luah ve alawm. Office hmun atana hnai deuhah. A chang chuan tlai tak tak thlenga hnathawh a ngai țhin a," mitmeng de sar sar hian Megan chu a en reng mai a, "Vawiin tlai ang te hian," a han ti leh zauh a."Vawiin tlai hian hna i thawk amaw?" a han tih tak hluaiah chuan Remy chu a lo nui hawk hawk a."Hotela thawk pakhat dawrtu ka nei a,a hman hunin a zir loh avangin tlai lam hun kan chuh mai țhin alawm," a lo ti leh thuai a."Tichuan nangman i pan amaw?""Pa țha deuh ka nia," a lo ti leh mai a. A duh hunah chuan kawm pawh a nuam hle dawn ani tih a lang reng mai a."Hnathawh tlai i ching viau elo?""A țul dan a zirin le. Mahse ka nu nena zanriah kilpui che u ka duh si a. Nangmah leh nangmah intihlum dawn țhelh khawpa i hnathawh țhin dante hriat ve ngei ka duh si a," tiin a nui sang mai a."Chutiang ani lo," Megan chuan alo ti halh a."Ka hriat hi a dik ngei ang. Hei tunah pawh i awm a nuam lovin i ți hra mai ania, tihphut lah i awl nasa mai si a,keimah vang em ni?" a la rawn ti ta zel a."Ka ți love. Ka chau deuh mai mai alawm. Ni a rei em a," tiin a sa pap pap mai a."Ni e,a dik ngei ang," Remy aw chu a dam thlap mai a,a kut zungțang sei thlurh mai chuan Megan i khabe chu a chul dan dan a, "Zingah i harh huai mai ang,zanah țha deuhin muhil la," a ti thawp sat mai a.Megan chu a lo tawlh hnung thuai a. Chu tlangval kutin a rawn tawhna chuan a tidanglam leh zo ta a. Remy pawh chuan a kut chu dahthla in Megan i zam taka a thaw halh halh chu a lo en reng a."Hahdam takin awm rawh. Enge hlauh i neih le? Tihnat che ka tum hleinem," a lo tih khum bawk a."Ka.....ka....." Megan in a lo tih nawk nawk lai chuan Anita chu a rawn țawng ta lawng lawng mai a."A pawi hle mai,Megan....." tiin pindanah chuan a rawn lut nghal thuak thuak a,chutah a fapa a han hmuh chuan makti hmelpu zet hian a han ding a."Remy! darkar chanve liam taah khan i haw tawh emaw ka ti asin," a ti ta chul mai a.An ngawi țhap mai a. Chutah Remy chuan muang fan ruih hian, "Awle,hei, min hmuh ang hian ka la awm ta reng chu anih hi. Ka awmna chin apiang i hnena sawi zel tur ka ni tih ka lo inhre hauh lova," a lo ti charh charh mai a.Anita chu a sen ap ap mai a, "I ni lo reng ani. Mahse min pui vela chuan hna a awlsam phah hle dawn asin. Boruak vawn daihna khawl pakhat a chhia a,Carlos a ka be pawp thei silova," a lo ti a."In siam țha thei em?"Remy aw chu a danglam ta deuh hlek a, a nu pawh chu a lo thaw deuh huai niin a lang, "A tawpa tawpah chuan siamțha hram e....mahse....vawiin tlai chu i pu a nuam lo zualin a phun chiar hle mai a,ka buai em ani," a ti ta mawlh mawlh a."A va pawi vele,"Megan chuan alo khawhar loh thu sawia lo thlamuan a han tum ve a, "Anita, Remy hi ka lo be khawtlai a,ka lo ti khawtlai deuh ani ang," a lo ti ve ta thuai a.Anita chu a lo nui sak a, "Pawiti reng reng suh," tiin a fapa chu a han en a, "Ka lo phut lutuk deuh che anih chuan a pawi ka ti ngawt mai, Remy. Hotel enkawl buaithlak zia tilangtu anih hi," a ti ta a.Remy chu a han ding ngil a, "Chuti anih chuan kal tawh ila a țhat chu," tiin Megan chu a han en a, "Ka nu a lo kal ta bawk a,min mamawh tawh lovang chu ka ti mai a,hun nuam tak hmang ang che u. Khawhar taka ka hna ka thawh lai pawhin ka rawn ngaihtuah zui reng dawn che anih hi," a ti ta mai a."Oh,sual viau teh suh! Remy. Hun i neih te chuan engahnge i awm ve rih mai lohvang? Nangman i hman loh tur thu i sawi anih kha," Anita chuan alo ti let ta thuai a."A dik alawm," Remy chuan alo ti nghat a, Megan lamah chuan a han thle zauhva, "Kan la inhmu leh dawn nia. Beaufort Plantation ah kal ka ngai a," a ti ta a."Awle, darling. Rachel kha ka hmangaihna i rawn hlan dawn nia aw? A lo leng khat tawh hle tih rawn hrilh bawk la," Anita chuan a lo ti zui ve ta thuai a.Chapter - 3Megan chu a mu țha hle a,mahse a taksa chuan London lam hunbi a la vawn rih avang chuan a harh hma hle thova. Khumah chuan a mu meng kar mai a. Anita chuan alo lawm viau nangin leh an zaina te avang chuan a ngaihtuah em em laiin enge maw tak tibuaitu a nei tlat a hriatna a nei a. A unaunu hrawn chuan San Felipe chu chhan neia tlawh tura sawm a ang riau ani.Remy kal tak hnu khan an titi dun a, Megan in a damlohna chungchang a sawite chu a lo ngaithla dauh dauhva,doctor te thurawn a sawi te chu a lo ngaihthlak sak ngun hle a."I pindan chu a nuam i ti em?" Megan i thusawi tawpah chuan a lo ti ta nge nge a. Nuam a tih loh a hlau hle niin a lang."Nuam lutuk tlat. Khitiang lo deuh pawh khi min lo dah la ka lawm hle thovang. Pindan in indaih lo hle awm si a," Megan chuan a lo ti thuai a."Kan chhungkua ami ini alawn,khawidangah nge ka dah ang che?" Anita chuan alo ti hmak mai a, "Helaiah hian kan lo lawm reng che asin,Megan. I nu awm tawh lo mahse phone in min rawn bia la,engkim a fel zel mai dawn alawm," a ti ta zel a.Megan chuan a lu a lo bu nghat nghat a. Chutiang țawngkam chu midang lak ațang pawhin a dawng fova, Robards ho an nih avanga a zawmna chhan tur a hre bik chuang lova."Engpawh nise, hei ilo thleng tawh a,chu chu a pawimawh ber chu a ni. Remy kha i hre tawh lo tih min hrilh alawm,tlangval tei rawlai satliah ah i ngai niin a sawi a," Anita chuan nui hawk hawk chung hian a han ti a."Ka lo hre tawh reng reng lo ani, Anita," a han tih chuan Anita chu a lo nui leh hawk a."I hriat ka ring lo reng ani. I hmuh hnuhnun ber khan naute mai ala ni alawm. A lehkha zir dan te a hrilh che em? Khawpuiah hna a thawk ve tawh alawm," a ti a."Min hrilh nual alawm,""Kan chhuang hle asin. Apu pawhin a fak hle ania,hotel hi a ngaihsak lo tia phun chang lah a ngah bawk a. Lehkha zira US lama a kal kha a lo kir leh loh kan hlau teh asin," Anita chuan a ti sar sar a."Mahse a lo kir leh alawm,"Anita chu a lo bu nghat a, "Ni e, helai hi a in a ni miau si a ni. Boston te, New York vel te chu nuam a tih tak tak ka ring lo reng ani,hlawh nei țha zawk dawn pawh ni sela a awm peih chuang lovang.""A dik alawm."Anita in a fapa a chhuang chu a awm hliah hliah ani. A fa neihchhun a ni miauva. Pasal dang nei leh miah lova a pawm tlei a ni a,a tan a hlu dawn em a ni."Rachel nen pawh an hlim dun viau ania," Anita chuan a lo ti zui leh a."Rachel maw?""Rachel De Vries. De Vries thlai huan zau zet neitu fanu mawle. Thliarkar lehlama kan ram nena inri chiah neitu te an ni a, a pa chu helaia roreltu langsar zet hi a ni bawk alawm. Remy leh Rachel chu an tleirawl chhuah phat ațangin an inkawp chawt ani.""Anih tak chu."Chu thuthar chuan a nghawng danglam riau ta mai a. Engvang tehlul a lo buai nge anih chu le? Helaia a awm reng hi a țha dawn lo tawp ani, haw thuai a,a nun ngaia hman leh thuai a țul a nih hi le."Beiseina in ka lo nghak a," Anita chuan tihtak zet hian a han ti a. Megan chu a harhchhuak zawk mai a."Engmaw i nghah a, Anita?" a han ti a."Remy nupui neih hun tur hi mawle," tiin Megan i kut chu a han vuan a, "Ka upat lutuk hma hian tu neih ve ka duh alawm," a han ti zui leh a. Megan chuan wine no chu a ban ta nge nge a. Damdawi ei mahse wine no khat tal in a mamawh tlat ani. Pindan chu khawl hmanga vawn daih mah nise lum a tithar ta riau bawk a. A beisei angin thil a kal dawn hauh lo mai,Ryan Robards lah ala hmu der si lova."Remy chanchin ringawt ka sawi a, i hna chungchang min han hrilh ve teh," Anita chuan alo ti leh ta a. Megan ngawi reng chu a inthlahrung deuh niin a lang."Oh, ka hna chu i tuipui ve zawng a nih ka ring lo.Simon an a hrilh nual tawh che ka ring a,a awlsam phianin a buaithlak ve thei hle bawk a," Megan chuan a lo ti thuai thuai a."I sawi ang ngawta awlsam chu anih ka ring lo. Enteh...i pa khan hria se a chhuang ngawt anga che. A fanu neihchhun kha i ni miau si a," Anita chuan a lo ti leh a."A ni mai thei e."Giles Cross chuan a fanu hnathawh buaithlak zet chu a duhzawng a nilo mai thei ani, a fanu laka a beisei kha a sang hle țhin si a."A hnungzui tur khan a beisei lo che tiraw?""Beisei love,""Hmeichhe sakhaw rawngbawltu hi an tam tawh a....mahse helai velah hi chuan an awm ve lo niin a lang. A hna kha a la thutak hle mai si a....i nu in a ngaihtuah em em nachhan che pawh nangmaha i awm fo a rin vang ani,""A pawi kan ti lo alawm," Megan chuan a lo ti thuai a."Ka nu chuan pawi a ti lo tihna em ni?""Laura kha nu fel leh rilru țha tak ani a, Megan. Ni e, nangmah maia i awm fo tur kha pawi a tiin a ngaihtuah em em țhin che a ni. Enteh, i pa khan Africa lama rawng a bawl te khan engatinge i nu kha a hruai ve țhin loh le?" a rawn ti ta a.Megan chu a lo țhu ngil auh mai a, "A hruai duh lo mawle," a lo ti mai a."A nilo asin. I nu khan i pa kalna apianga zui kha a hreh reng reng lo asin. I pa khan kalve a phal ngai lo a ni.""Enge sawi i tum chiah?""Thil thlengah khan i nu thiamloh vek a nilo tih i hriat a țul ani,Megan. Ka pa nen khan inkawp kher lo mahse mipa dang tuemaw a kawp thovang. I hrethiam em? I nu khan kawppui,amah hmangaihtu kha a mamawh em ani. A mal em em a,a nun khua a har a ni.""Helaia kan lo kal hma kha chuan a hlim hle asin,"Anita chu a lo țhensak a, "Oh, Megan,puitling i ni ve tawh alawm. Ka thusawi tum chu i hrethiam thei mai lovem ni? I nu kha i pa ngaihdan ang em a nu sual a ni lo asin. A nun khua kha a har em a,a nun kha a ruak tlat ani.""Chumi denchhen chuan i pa a lo che ta a!" Megan chuan a lo ti kha fak a, "Enteh Anita, he thu ah hi chuan kan ngaihdan a inang thei rih lovang.....thudang i sawi zawk ang hmiang,khawngaihin," a ti ta hial a."I tih tlat chuan le," Anita chuan lungawi lo hmel zet hian a lo ti bal bal a."Remy khan hotel hi nangmah maia i enkawl thu a sawi a," Megan chuan a han ti a."Oh,God!" Anita chuan a han ti vang vang a, țhu hle hle thei lo chuan a thova,a vei tawn ta sek mai a, "I hre lo tiraw? Remy an a hrilh lovang che tiraw? Ni e,amah pawhin a hre bik tlat lova," a ti nawk nawk mai a."Enge min hrilh ang?""Apu chu a dam lo tih hi.""Min hrilh hauh lo mai,ava pawi vele," Megan chuan alo ti thuai a."A pawi i ti amaw?" Anita in chuti taka maktia a lo en chu Megan chuba hrilhhai hle mai a, "Ni e,a pawi te chu ilo ti ve ani mahna,i rilru tak anih ka beisei," a rawn ti leh hram a."Anita!" Megan chuan Anita ban chu a vawnsak chawt a, "Engthilnge ni ta? Engvanga khatianga min en kha nge i nih?" a han ti a."A thi mek a ni,Megan. Chuvang chu ania ka rawn koh che. Keimah chauhvin rilru hreawm takin ka tuar rei tawh em asin. Ka rilru natna hi min tawrhpui tur leh ka tawrhna te hi min tawrhpui tu tur ka mamawh em a ni," Anita chuan a ti ta mawlh mawlh mai a."Mahse Remy.....""A pu chu a damlo satliah niin a ngai mai ani. Thudik ka hrilh ngam lo alawm. Apu nen hian an in ngai em em si a,a hriat hunah chuan a khawngaih thlak ngawt ang," a ti a."Oh, Anita," Megan chu a thova,a unaunu hrawn chu a kuah ta thuai a,ani pawh chuan a lo kuah let vawng vawng mai a, "Anita, a pawi ka ti hle a ni tih hria ang che. Tihtheih ka neih chuan min hrilh la ka pui zel ang che," a ti ve ta nge nge a.A rin aiin a muhil țha hle a,a mumangah chuan a nu leh apa te a lo hmu deuh nuaih bawk a. A thova,tuipui lan theihna veranda lam chu a pan nghal a. Tuipui chungah chuan chhum a zing chuai a,zan lama ruahsurna hnuhma chu ala hmuh theih a. An naupan lai chuan tukin ang khua ah te hi chuan Remy nen tuipui kamah chakai vakchhuak zawng khan an chhuak ve țhin kha a ni a, tuipui litengsawl vela lung karah khan naupang hlimna tawk thil kha a lo tam em alo ni.Veranda hungna thir kual chu bawhin a hawi vang vang a, chulai tuipui lam vel chu a la ngai reng a ni. Hotel ațanga ke a tuipui panna kawng chu a han en a,huan mawi tak zawma tuipui lam țiauvut rawn in zarpharh duai te, tuipui fawn dalh dalh leh tuipui sava chaw zawng kat thauh thauh te,tuifawnin tuipui lungbang a hlap fawn dalh dalh te chu a mawi ngai rengin a la mawi a ni! Chulai hmun tluk chu a awm chuang dawn em ni le?Apa chuan sakawlh awmna hmun a ti leh ngei ang chu! Chawlh hmanna atana chhiat vekna thlentu a ni tlat ani. Tuna helaia a zin pawh hi a remti hauh lovang a,hmelma te bula awm chu a phal ngai lovang. Ryan Robards chu eng anga damlo pawh ni sela a dam țhat laia a awmdan khan a zir lo ani a ti ngei ang.Apa rilru tur chu a hriatthiam pui tho ani. Khatih hunlai pawh khan Ryan kha a chungah a țha țhin hle a, mahse apa chuan a nu a hnaih theih nana duat der mai mai a ni tih a hrilh țhin anih kha.San Felipe a chawlh hmang tura kal kha a phur em em a, a țhiante pawhin kal ve an chak țheuh a,a pain a hruai ve țhin lo pawh kha pawi alo ti vak țhin lova,a nu nen chauhva an kal țhin avanga a nu leh Ryan pawh chu intawng an ni ngei mai.Chulai thliarkara a kal hmasak ber chuan kum riat mi a ni a,anu leh apa an ințhen chuan kum sawmpathum a ni tawh a. A nu leh Ryan chu engtia rei nge an lo inkawp ruk a hre hauh lova,mahse a tuarna bertu chu apa a ni tlat ani.Anu khan Ryan Robards chu engtia duh ve mai thei nge a nih chu mak a ti tawp thei lova,apa lakah chuan Ryan chu pa mawl leh lehkha zirna lamah pawh a hniam hle tlat ani. Pa kawmnuam tak leh a sumdawnna pawh a hlawhtlin a a hausak rual rualin a pa chuan a nuihzat ru fe țhin anih kha!A han ngaihtuah let vang vang a,khang hun laia a lo hriat veloh thil tam tak kha a lo la awm ngei ang. Tunhe kum sawmhnih zet inneihna hlu tak ti kehchhe duh ang le? Chhan a awm ani. Anu insawifiah tum vena te kha apa khan a ngaithla duhlo reng reng a,anu kha dik lo leh fello hulhualah a puh tawp mai ani. Hun dang pek leh a ngen pawh khan a pa khan a pe thei tlat lo anih kha. Khatih lai khan a nu leh Ryan chu an la chesual lo ani mahna.Anu leh apa ințhen hnu chuan Megan chu San Felipe lamah chuan a kal leh ta miah lova. Anu chu a hmu zeuh zeuh nangin inbiakna hun an pe ngai lem lova. Kum ruk a ral hnu chuan a nu chuan Cancer tihdam theihloh a vei ta a,Ryan nena an inneih hnu lawkah ani nghe nghe a. London damdawiin an rawn pan a,chutah chuan Megan chuan a awmpui ve fo țhin a,mahse Ryan a bula a awm ve reng țhin avangin inrem thu an sawi ngai reng reng lo.Anu vuina a an inhmuh chu an inhmuh hnuhnun ber ani ta a. Apa pawh chuan a nupui hlui thihna chu a tuar em em a, a tu amah chu an in ngaihsak hlawm lo vek a ni. Anmahni tuar tuarin an tuar a,tumah an inhnem tawn lem hlei lova. A ruang chu a hal ral tir a,a vap chu San Felipe lamah a chawlhna tur hmun ni ngei tura a ngaihah Ryan chuan a hawn ta daih a. Giles Cross a tan chuan a hmeichhe hmangaih sulhnu reng reng chu chan leh hmuh tur a awm ve ta lo a ni.Anu boral ațanga thlaruk naah apa chu rinhlelhawm takin a boral zui ve ta nghal bawk a. A pa chuan nachhawkna a eifo țhin chu a ei tam hret ani,a thihpui ta mai si a,Megan chu a baihvaiin a kehchhe tak meuh a.College a zawh kum a ni ve tawh a,apa an vui zawh chuan College chu a chhuahsan ve ta nghal ani. Suffolk ah kalin luipui kamah in a luah a,mahni chauhvin a lusunna chu a tuar tlawk tlawk a,Pathian rawngbawltu a pa meuh,rilru hah avanga a intihlum duh mai chu tawrh har a ti aniA khua a harin a mal ngawih ngawih a, hnathawh ve a duh tak avangin London lam a pan veleh ta a. Apa nena an chenna hmunah chuan midang an lo awm tawh a,an bungraw neih ang chhun chhun te chu bungraw dahkhawmna ațangin a la chhuak a,apa pawisa hnutchhiah chuan Bayster ah in a luah ve a,thil fakna Company ah hna a hmu ve ta hlauh bawk a.Simon Chater nen an intawng fuh ta hlauh a,an hna duhzawng a in anga,inluah dun zai an rel ta a. An inluahah chuan mutna pindan hrang an siam a,an awmdan chu tuman an rawn hriatsak ngailo.Megan chu a han zi mar ar ar a,tukin zing chu a tho harh țha ve hle ani, a inti rilru a. A inbual a,thingpuite a inzawh hnu chuan vaukam lama len a rilruk a. Anita chuan apa hmu turin dar sawmah a hruai tur thu a lo hrilh bawk a. Ryan Robards chu a hmu chak lem lo ani,damlo nasa hle ni lo phei se chu hmuhloh law law a thlang hial ang chu!Hotel chhawng hnuai ber a thlen thlak chuan mikhual thlengte chu an lo phu suau suauva,mipa țhenkhat chuan an lo melh zauh zauh hlawm a. Tu tan maha nelawm leh biak chakawm hmela lan chu a tum lem loh avang chuan an rawn pawh chiah ngam hlawm lo niin a lang."I muhil thei lo a ni ngat mai"Megan chu a phu zawk mai a,Remy chu alo hmu hauh lova, a meng kawk kawk mai a."Khawi ațangin nge i lo lan hlawl a? Khawpuiah i awm niin i insawi si a?" a lo ti ruai a."Ka cheng ngei alawm," Remy chuan a ban a rawn vai khum zauhva, Coffee dawhkan lam chu a pan ta nghal a. A lo kir leh thuai a, "Zing thingpui rawn inpui che ka duh mawle," a rawn ti leh ta hlawl a.Megan chu alo meng kawk kawk mai a,a rawn inchei dan leh a hma ni a a hmuh dan chu a inang lo hle a,a lang danglamin a hang ran mai a. Tlangval upa tawh tak ang maia mahni inrintawkna nei hmel apu a,a mitmeng buang thar leh fin hmel zet chuan a rawn enchik hle bawk a."I va ti lawmawm vele,mahse ka thawh tawh leh tawh loh engtinnge i hriat theih zawk?" satliah zet hian a lo ti hram hram a."Oh,..ka hre hleinem,ka rawn tawng fuh che hi ka vannei ka inti hle ani," mitko san zauh hian a han ti a."Kan hun inang lo hi ngaiah ka la nei chiah lo ani," Megan pawh chuan a lo ti ve ta thuai a."Nimin tlai khan ka nu nen khan in hlim dun ta em?" Remy chuan țhutthleng nghenchhana a ban dah duai chung hian a lo ti leh a."A nuam khawp mai. I nu nen hian țhianhlui kan ni alawm,kan inhmu leh chu a hlimawm hle ani.""Anih tak chu. Awmve thei ila ka inti hle asin," a lo ti leh a."Ni e mawle," Awm ve se a tih rilru tak tak na chu thup a tum nase hle a."Ka lo beisei ang i ni hauh lo asin,Megan. Kawm che nuam ka ti hle ania," Remy chuan nui sang hian a rawn ti leh a."Engatinge? Ka danglam lo i ti si a,""Taksa landanah chuan danglam love,mahse ka lo hriat țhin che ai khan i lo fel zawk daih ani.Ka hriat hmasak lai che kha chuan i kawlh em alawm,""Chutiang ka ni lo.""I ni reng," Remy chu a nui sang mai a,fiamthu duhtak hmel a pu bawk a, "Engkim thiam leh hria ah khan i inngai a,chhaw ka ti țhin che asin,zep lovah chuan."Megan chu a lo thaw hak a, "Ka lawm e," a ti sap a."I lang danglam tawh hle ani,i nu ve zam tawh alawm. Hmanah kha chuan kekawr bul hlir kha i ha țhin a."An inhnial an inhnial ta mai a, Remy lah chu a nui hawk hawk reng a, "Mipa naupang nih kha i duh țhin a," a han ti zui a."Ka duh lo reng reng."Hnial mahse khatih lai khan Remy chu a thu thu a dah kha a tum tlat țhin reng a ni. A nu leh pa fa neihchhun a ni a,a pa chuan sawilang lo mahse mipa a awh a ring tlat țhin bawk a."Tumlo mahla mipa naupang fel tak chu inih loh kha. Khuma uțawk i dah ngat phei kha chuan ka phu hlum lo chauh a ni," Megan chuan a han ti let ve a.Remy chu a lo nui kur kur mai a, "Uțawk a nilo uchang note a nih lek kha," a lo tihsan leh ta mai a."Ka thi lo chauh asin," Megan chuan a lo ti nawn leh halh a."I thi lo hi ka lawm hle ani t8h hria ang che. I pa in a hriatchhuah kha ka hlau leh hnuhnawh teh asin. I hrilh lo kha lawmthu hrilh che ka tum a,ka lo theihnghilh daih ani. Kei aiin i lo fel daih zawk tih kha ka hriat phah a," a ti a."Oh..naupang sual leh chimawm zet i ni tih kha ka theihnghilh hman tawh alawm," tiin Megan chuan a lo en vang vang a.Remy mitmeng chu a lo thim deuh khap a, "Ka danglam tawh em anih leh?" Thutak raih leh awmze nei zet hian a rawn ti ta a. Megan chu a lo sen ap ap mai a."Ka beisei," fiamthu a la chhunzawm tum hram hram chuan a lo ti a."Ka ti tak tak ania,Megan. Ka danglam tawh em? I sawi hriat ngei ka duh tlat ani."Megan chu a han thaw huai a,an inhnaih lutuk nia hriatna a nei leh ta thut mai a, "Danglam tehlul mai. Kum sawmparuk laiin ilo upa ta chu a ni phawt mai a, i nu pawhin a chhuang hle che ani," a lo ti ta thuai thuai a."Min chhuang amaw? A lawmawm anih chu. Mahse chu chuan ka zawhna che a chhang lo. I pa chu nise ami ngaihdan a sawi chhuak hreh hauh lovang," Remy chuan a rawn ti leh ta tlat mai a.Ni e,apa kha chuan Ryan Robards a fanu Anita leh afapa chungah khan rilru țha apu lem lo anih kha. A fanu chu kum sawmpanga a naupai nive sela chuan a pian ruala midang fa atana pek daih a duh zawk thu a sawi fo reng ani.Anita te nufa chungchanga a nu ngaihdan erawh kha chu a dang daih thung a. Ryan Robards chu United States a piang a ni a,a nupui nen chuan Florida ațanga lo pem lutin El Serrat hmunah hian hotel an sa ta a. Chutih lai chuan Anita chu naute mai ala ni a.Anita chu chulaia khawsa hmeichhe naupang dangte ang bawka enkawl seilen a ni a,naupang țhanthi nei awrh an nihin pasal an nei deuh zel hlawm a. A nu chu thlawhna chesualah boral hlauh lo sela chuan Anita pawh chuan School a chhuahsan rualin pasal a nei ve ngei ang,apa leh hotel enkawl chu naupangte a nih ațanga a hna ber ani ta zawk a."Laura boral hnu lawkah Mr Cross kha a boral zui ve ta mai niin ka lo hria a, a ni em? I tan tawrh a har hle dawn anih chu," Remy chuan a lo ti zui leh ta thuai a."A dik alawm. A hunlai kha chuan mahni maia ka dam khawchhuah zawh pawh ka inring lo hial ani," tiin Megan chuan hnuailam a melh ran a."Heta lo kal mai tur alawm," Remy chuan a lo ti nghat a."Ni e,mahse a hunlai khan rilru mumal ka pu lo em ani," Megan chuan a lo ti ve thuai a."I pa in a phal dawn lo tih i hriat avangin i lo kal lo a ni tih ka hria alawm,Megan," tiin Megan kut chuba vawn sak ta nghal a, "Pawi ti reng reng suh,ipa laka rinawm tlat nih i tumna kha ka zah ngawt mai che," zaidam zet hian a lo ti ta a.Megan chu a lo thaw huai a, Remy an a kut a vawn sak na chu thlamuan thlak huai huaiin a hre ta hial a. Helaia kal chu a lo mamawh tak zet pawh alo ni mahna le! Chhungkua a neih phah anga,amah ngaihtuaha lainattu a neih phah ve mahna!Mahse Remy mitmeng a han hmuh chiah chuan a ngaihdan chu a thlak rang kher mai a. He tlangval hian a phurrit leh a harsatna te chu a pui lo kher ang chu,a vawn mai mai pawhin a thawk a tibuaiin thlamuang takin a awmtir thei hauh silova.A kut laksawn a tum lai tak chuan Remy chu alo thaw huai a, "Ka nu in ka pu hi a thi țep ani tih a hrilh tawh che em?" Megan i lo meng zau kawk kawk chu a han hmu a, "Ka hria alawm. Hre tura ngaih chu ka nilo nangin ka hre tlat si ani," a lo ti leh mai a."Mahse.....engtinnge i hriat? I nu....?""Ka nu chuan thuruk lianpui emaw a la ti cheu a ni. Mahse a rin anga naupangchhia ka ni tawh lo alawm. Tehlul hian, Megan, chuvang chauh chu ani helaia lo kal tura an sawm nachhan che chu. Putar chuan i ngaihdam dil a duh che ani. Engvanga ngaihdam dil duh che nge a nih le?" a ti ta a.Chapter - 4"Ngaihdam min dil duh amaw?"Megan chuan mak a ti em em mai a. Anu leh apa te inneihna a kehchhiat lai khan Ryan chuan pawi a ti hauh silova,engvanga ani ngaihdamna chu duh nge anih leh si le?"I nu in a fanu a hloh phah ta kha ka pu hi a in ngaidam thei ngailo niin ka hria a ni," Remy chuan alo ti dam thlap mai a, "Engang pawhin a chanchin hi a chhe zawngin sawi mahsela,pa sual leh rilru chhe tak a ni ngailo asin.""Ka pa in enganga chhia in sawi mahsela maw? Remy ka....""Engmah ngaihtuah zui duh suh," tiin Megan kut chu a lo nuaisak na na a, "He thil hi ngaihtuah thui vak a ngai tawh hleinem, hun liam tawh vek a ni alawm," a lo ti zui leh a."Thil reng reng hi thlirdan kawnghnih a awm zel alawm,ka nu a lo kal e," a ti ta a. Megan pawh chuan a kut a vawnsak chu a lo phih thla lawp a, Anita chu a lo lang ve ta nghal a."Oh,Remy!" tiin an pahnih chuan a entawn ta sek a, "Zing thingpui in dun in tum tih ka lo hre hauh lova," tiin Megan lam hawi chuan ahan nui sak a, "I mu țha em?" a ti zui zat a."Mu țha khawp mai, ka lawm e. Khua a thiang nuam em a,mutbo mai mai a uiawm alawm," a lo ti let ve a."Helaiah te chuan zing thawh a nuam reng alawm," tiin a fapa lam chu a han hawi a, "Engtik laiin nge ilo thlen a,car thawm ka hre der silova. I lo thlen thu pawh min rawn hrilh ve ta che. Hei hi ka chenna a ni tih i hria alawm," a ti zui bawrh bawrh a."Hotel ang maiin ka lo ngai a, "Remy chuan alo ti hul hak a,anu chuan a lo melh kawk mai a, "Hmu lo che a kalbo leh ka tum hleinem, Megan i a lo awm tawh a,ka han titi ve satliah ania.""Eng thu nge in sawi a?" Anita aw chu a chhum hmak mai a, Remy nena an inkar boruak mak tak chu a rawn hre ve ni mai hian a lang a. Mahse eng boruak dang nge awm chuan? Remy chu kawm a nuam hle tih chauh a ni a,alo buai zui tur a ni lovang."Engemaw mai mai mawle. Enge tukin lam putar chu a an le? In va hmu tawh em? Ka kal hma a hmuh ka lo rilruk deuhva," Remy chuan a lo ti zung zung a."A ngai a ni mai ang chi, mahse Remy, va tibuai rih lo mai rawh, Megan i a hmuh dawn tho avangin a hlim lutuk anga a buai ange," a lo ti a."Ka hmuh avangin enge a tana pawi tur awm?" Remy chuan a lo ti nghat a."Tlai lamah i rawn hmu zawk dawn nia. Rachel nen zanriah rawn ei ta che u?" Anita chuan a han ti zung zung a."Mai thei le,""A țhat nasat chu. Ipu in Megan hmuh a nghakhlel hle si a,thil a ti danglam vek mai thei asin.""Ka ring love.""A chak hle mai si a,doctor chuan.....""Eng hunah pawh a thi mai thei tawh ani, ka nu. Ka pu saw țha chhuak leh tur anga min rintir țalh tum tawh teh suh. Engkim ka hre vek alawm," Remy chuan alo ti chang fak a."I hria maw? Engtinnge i hriat a?" Anita chuan a ti ta hau a."A thi mek zel anih saw, chu chu hmu thiam lo turah min la ngei cheu elaw?"Anita chuan Megan chu a melh ta ran mai a, Megan chuan Remy chu a pu thih tur thu lo hrilh ni ngeiah a ngai niin a lang, "A hria alawm Anita," a lo ti ringawt mai a, Anita chuan ala awihlo tih a lang reng mai si a."Engtinnge i hriat a?" tiin a fapa chu a han zawt leh hram a."Doctor ka zawt mawle. Nang ang lo takin a ni chuan puitlingah min ngai tawh ani," Remy chuan alo ti chang fal a.Anita chuan thaw huai chungin Megan chu a han en leh a,ngaihdam dil hmel a pu ta bawk a,țhutthleng pawt chhuakin a țhu hnawk a, "I hria tih min lo hrilh la a țha tur ania," tiin a fapa chu a en vang vang mai a."Min hrilh ve tur i ni zawk alawm," Remy chuan alo ti nghat thung a."Ila naupang em ani. I kova nghah ringawt chu ka ngaingam lova, i hnaah i buai ve em em si a,ipu ngaihtuah reng renga i awm ka hlau va," a nu chuan a ti sap sap a.Remy chuan a sana a han bih zauh va, "Awle, ka kal a hun ta e,vawiin tlai chuan dar engzatah nge ka lo thlen ang?" a ti ta a."Dar sarihah aw."Ryan Robards chuan hotel huana in nuam zet pakhat chu chen nan a hmang a,a nuam hle mai a. Engkim mai a awm thlapin tuipui a lang ruih a,a in hrim hrim pawh chu a mawi a ni.Anita chuan apa chu hotela mikhual thawm bengchheng lak ațanga awmbo a duh tih a sawi mawlh mawlh a, "Damdawiin a awm thei phei chu a ni a,a duh tlat lo a ni. Englai pawha enkawltu tur nurse ka ruai reng a,thlahthlam a ni ngai lo reng reng asin," a ti mawlh mawlh a."A țha alawm,tukin lamah i hmu tawh reng reng em? Min lo hmu duh tak tak ang maw?" Megan chuan a han ti nawn leh ngat a."Duh tehreng e."Ryan Robards a pindan chu damdawiin rim alo nam chuk mai a,a hnarah chuan a thawk țanpuina tur khawl vuah a ni a. Megan chuan a rin aia alo damlo nasa tih a hriat chuan mak a ti hle mai a.Ryan chu alo danglam nasa hle tawh bawk a,alo cher tawh hle bawk ani.Megan te alo hmuh rual chuan a hnara an thil vuah chu ala sawn thuai a. Megan chuan chupa, pa lianpui ni țhin, chak leh thahrui ngah zet țhin chuti taka a lo cher chhe ta mai chu a rilru a na zawk mai a. Anui ri mawi tak țhinte kha hriat leh tur a awm dawn ta lo a ni tih a hrechiang hle bawk a. Hepa hi a nu lo hmangaih țhin ngei kha a ni si a,a pa in an chhungkaw hlimna tichhe tu a a sawi ngei kha!Khum puan phah chunga a ban sei zette chu a cher hle tawh a,a tisa mawi leh sek tak țhinte kha a bo zo tawhin vunin a ruh a tuam ani ber tawh mai a.Megan hmel alo hmuh chuan a mitmeng ngui tak chu a lo de sar sar a, "Meggie, ilo kal chu ka lawm hle mai," tiin alo thlir tlawk tlawk a.Megan chuan sawi tur reng reng a hre lova,Nurse lah kha a kalbo daih tawh a. Anita chu a han melh a,ani pawh chu a lo awm tawh hauh lo mai a. Ryan Robards, a pahrawn ni si..... apa anga a en ngai miah loh nen chuan an pahnih chauhvin an lo awmdun tawh ani,chupa ngei chu ani apa in haw tura a duh em em chu.A chil a lem khawlh khawlh mai a, "Mr Robards,enge i an le?" a han ti chhuak hram a."Ka țha alawm,min zawh avangin ka lawm e. Ka awmdan te chu i ngaihven pawh ka ring chiah lova," khuh bawrh bawrh chung hian a han ti a."Chutiang a ni lo.... damlo ini a,nang ang hian tupawh na sela ka.....ka.....""Ka thi dawn tih i hria tiraw?" Ryan chuan a lo ti leh hram hram a."Ka hre hauh lo asin. Anita in i damlo satliah chauh niin min hrilh alawm," Megan chuan a han ti hram a, "Kan inhmuh lohna a rei ta hle mai," tiin chu damlo pa in a lo thlir ngawih ngawih reng chu awm thiam harsa ti zet hian a che sek mai a, "Anita leh Remy hmuh leh pawh a nuam hle a ni.""An hmu chu an lawm ve ngei ka beisei," tiin a han khuh leh bawrh bawrh a, a hmui a khur dar dar mai a, "I nu nen in inang hle mai maw,Meggie," a han ti leh hram hram a."Anita pawhin a ti asin.""A ti ngei ang," tiin a kut chuan a awm a dawm vang vang a, "I nu nen khan kan hlimdun rei ta lo em a ni, Meggie. Ka hmangaih em asin.....ka ngai em em reng mai anih hi," tiin a thaw kawk kawk mai a.Megan chuan a pahrawn chu a han en a,a biang thawp tawh takah chuan a mittui a luang ngiai ngiai a,a lo khawngaih em em mai a.A pa khan engthu pawh sawi sela Ryan chuan anu chu a lo hmangaih hle a lo ni, inngaihzawnna satliah mai mai alo ni awzawng lo mai,an lo inhmangaih em alo nih hi le!!Ryan chuan a kut cher zet chuan a mittui chu a han nuai fai a,a nui lui hram hram a, "A pawi hle mai,ka mittui a tla khat hle asin. An damdawi min pek hian min ti lungchhe hma deuh aniang," a ti nuah nuah mai a,a mitmenga lunglenna nasa tak chu thup rual erawh a ni hauh lova."Hei chawlh hahdamna in nuam zet i nei a,hotel lah alo changkang nasa tawh mai si a,ka pindan pawh a nuam lutuk.....""I lungawi amaw?""Tehreng mai.""Ka va lawm em."Ryan a aw chu a zawi ta hle a,a chau hle niin a hre ta a. Kalsan a duh tawh hle bawk a. Ryan chuan a nu a hmangaih zia a hrilh chu a awih thlap bawk a ni. An chhungkaw chunga thilthlengah chuan a ngaidam tihna a ni lova,mahse apa sawi anga leplerh vang mai mai chu alo nilo a lo ni."Ila cham rih anga tiraw?" Ryan chuan a rawn ti leh hram a, "K....ka.....ka sawi awmzia chu, Kar reilote tal ka tihna a nia. Anita pawh a lawm dawn asin."Megan chuan alu a bu nghat a, "Ka....ni tehlul mai," alo ti thuai a."A țha,a țha."Ryan chu a maimitchhing ta a, a thaw hle hle mai a. Megan chuan a muhil tih hriain a chhuak ta thuai a,pawn a thlen chuan a mittui alo tla ve ani tih a inhre ta chauhva. A nuaifai nawk nawk a, Ryan Robards avanga mittui a seng chu mak a inti hle nghe nghe a ni."Engkim a țha maw?"Anita chu hotel choka ațang chuan alo chhuak thuai a."In inbia em?""In be nual e, kal tawh mai ila a țha lo maw?" Megan chuan alo ti ta thuai a."Ni e," Anita chuan apa muthilh leh muthilh loh chu a en leh te te a, an kal ta nghal a, "Rei tak hmu tawh lo tu tana alo danglam nasat tur zia ka lo ngaihtuah pha hauh lova," Anita bawk chuan a han ti leh a."Ni e, a pawi ka tihpui ngawt mai che. Mahse Remy an a tuar thiam viau chu i tan a thawven thlak huai ang chu," Megan chuan alo ti ve thuai a."Doctor chuan kar reilote chauh a dam tawh tur thu a sawi a. Ka rilru hahzia thup reng harsatzia chu i hrethiam kher lovang, Remy hi ka fapa mah nise naupang ang maiin ka la en a ni si a," tiin za lo zet hian a țhen sawk a."Min rawn hrilh vat tur che ania,""Pawi i ti lovang maw?""Engvanginnge pawi ka tih ang? I pa in min hmuh a duh nachhan pawh min hrilh ta che." Megan chuan alo ti let thuai a."Ka pa chuan enge alo sawi a?" Anita chuan alo ti ha mai a."Min hmu chu a lawm hle niin a insawi alawm."Anita chu a inngaihtuah muk hmel hle mai a, "A lawm ngei ang, i nu a hriatrengna a lo kir leh anga,a tan tawrh a har hle ka ring ani," a ti charh charh a."Ka nu a hmangaih hle tih a sawi bawk a.""A hmangaih reng ani,i rin aia nasa in ka pa hian i nu kha a hmangaih ang," Anita chuan alo ti nghat a.Anita chuan engemaw helhkam riau a nei niin alo hre tlat a, apa bula awm turin a ring zolo pawh ani mahna! Giles Cross a fanu a ni miau a."Enge vawiin lam tih tum i nei em?" Anita bawk chuan a rawn ti leh a."Ka chawl hahdam mai mai ang chu.""Ani tak e,mahse zanriah ei hunah chuan min zawm ang che aw? Remy an Rachel i hmu vela a ti ngeiin ka ring ania. Bakah, anni pahnih bula awm chu upa riau hian ka inhre tlat zel ania," a ti ta zung zung a."Awle, awle.""Ka lawm e."Chapter - 5"Enge dik lo awm a?" Rachel chuan Remy chu a han hnaih țalh țalh a,a duh angin a la hnaih thei lo riau hian a inhre bawk a. A sam sei siau chu a thlah hniang mai a, "I nu em ni?" a han ti sar sar a."Engmah diklo a awm lo, ka inngaihtuah mai mai alawm," tiin Remy chuan a han en chhuk a."Port Serrat kawngtluanin i inngaihtuah anga maw? Thil diklo ka ti em ni, han sawi teh. Enge diklo awm tia i ngaihtuah reng ka peih lo ania," tiin no zetin a han melh a."Engmah anilo,Rachel," Remy chuan alo ti tawi tak mai a,a duh aia a țawng bung deuh chu a inthiam lo ta deuh hlek a, "Ka rilru a buai tlat ani. Rainbird ho thubuai leh ka pu damlo nen,ka rilru a hah ve anih hi," a han ti leh a."Ka hria e,ka hria e," tiin Rachel chuan a kut alo vaikhum a,a kawr chu a lo zut mam sak ta dalh dalh a.A kawr chu a chhing tiu teu hle a,a mal a lang thui hle bawk a. A kechawn nalh zet chu a chhuang țhin hle reng ani, "Ka zam riau ania,Remy. I ni phuahchawp hi ka la hmu ve hauh silova," a han ti nai nai a.Remy chuan a hmui alo chip hmak mai a, "Phuahchawp ani lo ania," a ti hlak a."Anih leh le,i tih tlat ahnu, i eng ni pawh nise pawi ka ti love. Ipu thih dawn hnaiha a rawn lang hlawl hi a mak ka ti hle mai," Rachel chuan alo ti leh hram a."Alo lang hlawl ani hleinem, kanu in a ko alawm i hriat kha. Kapu in a hmu chak em ani. Helai alo kal ringawt pawh hian kapu rilru a tidam huai huai ang chu," Remy chuan alo ti zung zung a."Inu sawmna a pawm awlsam lutuk hi mak ka la ti tho mai,kum hei leh chen a ral hnuah lehnghal. I pu ro a beisei chu ani em lovang chu maw?" tiin Rachel chuan a hmui alo kum phat phat a."Ka ring chiah lo ve."Rachel i thusawi danin a ti thinur ru țeuh chu Remy chuan mak a inti hle a.Megan in lo kal a tum thu a hriat tirh phat khan ani pawh khan a rilru a thilawm chu a nih ve tho kha le. Mahse Megan chu a damlo ve tho ani tih a hriatna chuan a rilru a tinem ta deuh mai pawh a.Chutah Megan hmel a han hmuh chiah khan.....!!"Engang mi nge a nih le? A chanchin min hrilh hauh lova,inu aiin a naupang zawk fe tih chauh ka hria a,pumpui țha lo vangin a thi țep tih nen," Rachel chuan alo ti leh hram a.Remy chu alo thaw halh a, "Enge i hriat duh? A sang hle a,nang aiin a sang zawk tihna anih chu. A cher hle bawk a,a damloh vang ania. A sam a buang a,a vun a ngo hle a, a mitmeng chu a pawl raih bawk a,a tawk mai em?" tiin a han nui hawk hawk a."Chutiang lamin ka zawt lo che. Ka ngainat zawng ani angem ka ti mai alawm," tiin nur nang hian Remy chu a han en a."I ngaina khawp ang," tiin motor chu Cycle lo kal pel zawng chuan a han herh kawi zawk a, "Thildang i sawi tawh teh ang," a ti ta daih a.Rachel chuan chik fahran hian alo en a, "I tih tlat chuan le," tiin a kawr tlang chu a zut dalh dalh a, "Enge ni ang?" a ti leh a."Eng maw?""Eng lampang nge kan sawi tak ang le?""Ka hre bik tawp nang. Engkim, engpawh. I unaunu chuan a exam na result a hre tawh em?" tiin Remy chu alo thaw huai mai a."Oh, Ruth i term exam result mai mai engatan mah iti hlei lovang e," tiin Rachel chuan a lo melh ralh ralh a, "A ti țha alawm," a ti a."A țhat chu.""Engatinge Remy? Ka hriatchian em che hi maw," tiin a tibuai tu chu hriat duh zet hian alo be ta sek mai a.Rachel chuan a hriat chiah loh ang bawkin amah leh amah pawh a inhrechiang lo a ni si a. Zanina a nute kianga a hruai ve tur chu a tifuh lo niin a inhre hial a."Ka hrilh tawh che kha,ka chau deuh ani. Zanina an bula zanriah eia kal pawh hi ka phur vak lo asin," tiin za lo zet hian a han nui hak a. Amah pawhin a awmdan chu mak a inti ve tho ani si a."I nu hian kan khawsa dun tih hi a hre reng reng em? Kan inneih hun tur hi alo ngaihven hle mai si a,tu neih a chak tawh anih hi Remy. Kei pawhin fa neih chu ka duh ve thova, mahse tun maiah ni lovin," tiin Remy ban chu a lo chulsak hauh hauh a."Ka nu ngaihdan hi chu a hmanlai riau alawm, bakah inluah tur kan la nei silova," Remy chuan alo ti hul hak a."Kan ngaihtuah ran a ngai hle ang, Remy. Kar ruk a kal leh chuan kum sawmhnih pakhat ka tling tawh dawn a. Ka pa in duh min thlantir ngei dawn ania," a ti sa sa a."A tilo mai thei asin."Rachel nena chendun chu alo ngaihtuah fo tawh țhin reng reng a. Rachel chu a ngaina hle a,mahse ala naupang deuh ani. Kumah chuan an inthlau lem lo nangin DC Vrees fanu naupang ber ani a, duatsual a niin a duh ang anga awm a tum chu a ngaithei dawn lova inhriatna alo nei fo tawh bawk a."I va nghahhlelh hmel ve loh ve!" Rachel chuan alo ti ngal ngal a, "A chang hi chuan i mize ril lutuk hi ka zo lo fo ania," a ti zui leh a."Ka eng mizia maw i sawi a?""Awle, i nu in hotel chungchanga a tibuai fo che hi ka thiamloh ani hleinem. Hotel enkawl zawk tur che hian a duh che tih chu kan hre vek alawm, tunah lah hei....he hmeichhia hi. Rei tak kalbo tawh nisi alo lang leh hlawl mai si a,a rawn tibuai tlat che anih hi," tiin Rachel chuan a hnar alo tum dat dat a."Megan hian min tibuai awzawng love," Remy chuan alo tibung vat mai a, "Ka chau anih hi ka chau,Rachel. Chawlh nei hauh lovin ka la buai char char anih hi i hria ang chu tiraw?" a ti zui mawlh mawlh mai a.Rachel chuan alo en vang vang a,chutah Remy rawn țawngchhuak chuan thil a hriatchhuah tir ta zawk a. A bag a hai rawk rawk a,lehkha them hi a phawrh ta nawlh a, "Orruba chungchanga i thil hriat duh kha hei hi ania. Lawng chhuak leh hmasa ber chu nilaini ah ani ang," a ti ta zawk a.****************Megan chu a pindan veranda sangah a ding vang vang a. A inbual zo tawh a, chaw ei tura inthlak hmabak chauh ani tawh a,mahse chumi tlai chuan chaw ei chakna reng reng a nei lova.Anita chu a chungah țhat chhuah hle mahse engemaw nuam lo tihna riau hi a nei tlat ani. Remy leh a bialnu chu engang takin nge an inhnaih ang le? Anita sawi danin Rachel chu nula fel tak anih hmel hle si a,an chhungkua ah pawh a pawm thlap tih a tilang chiang hle a ni.Phone alo ri a,Anita a nih ringin muangchang hian a han la a, "Hello, Simon," zawi sap hian a han ti a."Hi,Megs," Simon chuan a rawn ti zang vah mai a. Mut ka tum mek a,zanriah i ei tawh em?""Simon! Rawn biak che kha ka intiam a,tiraw? Ka buai ta riauva ka lo theihnghilh daih ani,min ngaidam ang tiraw?" a han ti thuai a."A pawi reng reng lo,mahse him takin i thleng tih tal hriat ka lo duh ve alawm....enge i an zel le? Rei tak inhmu tawh lo te inhmuh lehna boruak te chu enge a an le?" a rawn ti zung zung mai a."Ka laichinte chu ka hmu kim tawh alawm, Simon....""A țhat nasat chu, nuam i ti hle ang ka tih kha.""Nuam ka ti tih ka sawi em ni?" a han tih rual chuan a țawng lo hre palh an awm ang tih a hlau ru ta hle a, "Hmun nuam leh mawi tak a ni alawm, Simon. Anita leh a chhungte pawh an fel hle ania," a han ti leh thuai a."Phone a ka biak nu kha maw?""Aw,fapa a nei bawk a,Remy ania.Tin,ka pahrawn a awm leh bawk a,vanduaithlak takin a lo damlo nasa hle a ni.""I pahrawn chu maw?""Aw, Anita chuan amah chauhvin alo enkawl țhin a,a rilru a hah thei hle ani," Ryan a a pahrawn anga a sawi vawikhatna a ni hial a ni."Fapa a nei i ti a ni lawm ni? A tlangval ve tawh ang chu," Simon chuan a rawn ti leh a."Ni e,a tlangval ve tawh alawm. Mahse Anita tan chuan a kum rualpui ang deuh ka ni a,Remy chu ala naupang em ani.""Chutiang rual fa nei turin ila upa love,Megs. Mahse i nalh hle ania aw," Simon chuan nui chungin alo ti a.Megan pawh chu a nuih a za ve hle a, Simon hi chu a biak a nuamin a hlim reng mai a nih hi, thil reng reng hi a eng zawng hlirin a thlir thiam a,a ti rilru a."Enge i an reng reng? I lo haw chuan i vun pawh sen uk kharh turin ka lo beisei dawn ania."Megan chu alo nui hawk hawk a, "Chutiang tur chuan theihtawp ka rawn chhuah ange. Min rawn bia a ka lawm hle mai,ka ngai hle che ania, Simon," a han ti let a.Sumdawnna thilte sawiin an inbe zui ta zel a. Simon chuan New York leh Australia lam ațanga order an dawnte a hrilhin Megan chuan haw a chak ut ut hial a. Helaia engmah ti lova awm reng chu a peih reiin a inring lo ta hle bawk a.Simon nena an inbiak zawh chuan a hu hman tur karli zet chu a han ngaihtuah a,rei dawn hian a hre tulh tulh a. Mahse hna a thawh hma leh lutuk chuan ama tan bawka țha lo tur anih avangin a tawrh hram hram a ngai tih a inhre ve thova,a theihtawpa awm awl leh eitui tumin a inpuahchah ru ta sauh sauh a.Uluk zetin a inchei a,inhnuai lam chu a pan ve ta a. American khualzin ho nen chuan lift ah chuan an chuang thla hova,an ni ho chu tuipui kam lama intihhlim tum an ni a,an thawven hmelin Megan chuan a awt ve hial a.Anita chenna hmun a pan lai chuan khualchhawn nula pahnih te chuan an lo nuih var var a,tunge anih an lo hre ve tawh ani ngei ang. Anita alo awm tawh ngei beiseiin a lut ta nghal a.Anita chu alo awm tawh ngei a,a bul țhutthlengah chuan nula sam dum hmelțha zet hi a lo țhu bawk a. Remy chu hmeichhe pahnih te ep zawng chuan alo țhu awn duai a,Megan lo lut chu an lo en țhap a.Anita te pahnih chuan an thusawi lai chu tawpsanin an lo en reng mai a. Remy chu a rawn che chhuak hmasa ta ber a,alo ding thuai a. Megan chu țhu turin a han sawm a, "Tuisik bawk em ni i duh?" a lo ti thuai a. Anita chuan hneichhe pakhat lo awm ve nen chuan a inhmelhriat tir ta nghal a. Remy tih zawk awm tak anih nen a tih tak lohvah chuan anu chuan a ti ta mai niin a lang. Megan chuan a țhut hma chuan Rachel chu a han chibai te te a."I țha deuh em?" Anita chuan Megan hriselna chu an lo sawi mek niawm tak hian alo ti a. Nula lam chu a han hawi leh a, "Remy an a hrilh che ka ring a, Megan damlohna hi," a han ti a."Oh, ka....""Hrilh e,an zai che tih a sawi alawm. Pumpui lam natna neih chu a hrehawm hle ang chu tiraw," tiin alo nur nang nang a, "Upat deuh hnuah chauh nei ila ka ti ngawt mai,""Nei hauh lo la ka ti ngawt mai," tiin Anita chuan a kut alo chul sak hauh hauh a, "Vanneihthlak takin Megan harsatna ang chu kan nei ve lo alawm tiraw duhtak?" a han ti a."Awle, ka....." Megan chuan a han ti leh hram a."Londona cheng zawng zawng ten an nei emaw tih turin alawm maw in țawng le," tih pahin Remy chuan vurtlang tuia chiah chu Megan chu a han pe a, "Pumpui lawngte chu chhan hrang hrang vanga awm thei ani alawm," alo ti ro leh halh a."Thildang kan sawi thei lawm ni," Megan chuan a ti chhuak ve ta nge nge a. Rachel chu a han en a, "San Felipe ah hian i khawsa reng em ni?" satliah zet hian a han ti a."Ni mai e. Remy nen hian helai chhuak dik tak hi kan ni a, hmun danga chen bo daih chu kan theilo ve ve ang."San Felipe chu nuam an lo ti hlawm hle mai maw.....a nu thi tur pawh khan a ngaih thu a sawi țhin kha, "Anita in i hnathawh chungchang min lo hrilh a," Rachel in alo tih chuan Megan chuan hawihhawm chhuahin a lo en hram hram a."Ni e, kan thawmhnaw fak țhinte chu kan hralhchhuak ngai lova, a zawrhna hmunte kan tilang țhin a ni.""A phurawm hle dawn anih chu," Rachel chuan alo ti nangin a hna lam chu a ngaihven zawng anilo tih Megan chuan alo hrethiam mai a, "Mahse pasal neihte i tum lo em ni?" Chhungkaw din duhna te i nei ngai em?" a ti leh ta a."Tum lem rih love," Megan in a tih chuan Anita chuan alu alo thing nar nar a."I naupang reng dawn lo ania aw,duhtak. Kan taksa khawl hi a tar zel zawng anih hi.""Ka nu!" Remy chuan alo ti tawi tak mai a,anu chuan tifuh inti fe hian alo en thung a."Megan i chenpui tlangval kha a fel hmel hle asin. Ani hi chu ni ila ka nghak rei tawh hauh lovang," alo ti zui zat a."Simon nen chuan......." a han ngawi leh deuh dat a. An țhian dun inkar chu an hriat ve a țulna a hre lo hle bawk a, "Țhianțha tak ka ni," a ti ban ta charh a."Țhianțha ka lo hre tawh alawm....awle," tiin a fapa in rum zeta alo en chu a han melh zauhva....."I tana țha ber hretu tura ngaih ini alawm," a ti ta a."Ni e, ani alawm. Fa nei theilo tur khawpa upa ala nih loh tawp hi," Remy chuan alo ti ve nghat bawk a."Chutiang zawngin ka sawi lo....""In lehkhabu tihchhuah dan chanchin chu min han hrilh te," Rachel chuan alo ti ta thuai a, a bialpa leh anu chu an inhnial thinur thei takngial dawna alan avanga rawn inrawlh a ang hle a.Megan pawh chuan alo hrilh ve ta mawlh mawlh a."Thawmhnaw lampang chauh in tilang nange?""A tam zawk chu thawmhnaw lam chu ani alawm, mahse inchhung bungraw lampang tihlanna phek bik a awm a,thil chi hrang hrang kan tilang tel țeuh tho alawm.""Simon nen chuan in thil thlir dan a inang hle aniang,in hlawhtling em mai," Anita chuan alo ti leh a."Kan hna bakah hi chuan in anna kan nei tlem hle asin. Kan nalh tih zawng a inang tih mai loh chu," tiin Megan chu alo nui sak a."Enge i thawh ve țhin le, Rachel? Port Serrat ah hna i nei ve em ni?" a han ti a."Enge ka thawh ve țhin maw?" tiin Megan zawhna chu zawh thianglo zawt ang hial hian alo ti nawn leh a, "Enge ka thawh maw? Engmah.....engmah ka thawk ngai lo,hlawh nei tura hna ka thawh ve te chu ka pa in a phal teuh lo mai," tiin Anita chu a han melh ralh a, "Kapa chu a rilru ala hmanlai hle tlat ani," a ti zui leh halh a."Dinosaur ani ringawt alawm," Remy chuan alo ti ve thuai a,anu chuan alo melh nghek thung a, "Ni miau hek," Kum zabi sawm pakua na velah ala cheng a, hmeichhia te chu fa neihna khawl angah ala ngai tlat ani.""Remy!""Oh, Remy."Anita leh Rachel chu an țawng rual țhawt mai a, anu chu a thinur hmel hle laiin Rachel chu a lungawilo hnel hle thung a. Megan chuan alu nat chhuanlama chhuahsan daih tak hi a duh hlawm tawh a,a tu amah chuan an boruak tawn chu nuam an tilo vek niin a lang.Chutih lai tak chuan hotel hnathawk chuan an eitur peih anih tawh thu a rawn sawi ta hlauh a. Anita chu a thova, Rachel banah kaiin huana dawhkan lam chu an pan nghal a.Megan pawh chuan a no chu nghatin a zui ve ta nghal a, tuipui kam velah chuan khualzin intihlim thawm a țha hle a. Helaia hlim lo zeta awm ai chuan chung ho zinga telve chu a chak rilru hle zawk a. A reng rengah chawlh hmang tura kal ania....!!"I ning tawh hle elo?" Remy chuan a beng bulah chuan a rawn ti sar sar a, "Intihlim hram hram rawh. Kan eikham thuai hlawm anga, i hahdam huai mai ang. Kanu kha i ngaidam dawn nia, zanriah eipui tura a sawmte zingah ngaihdan thuhmun an awm ang tih nachang a hrelo anih kha."Megan chu alo ner sawk mai a, "I sawi awmzia ka hre nek love," tih pahin dawhkan lam chu a pan thuai a. Dawhkan chungah chuan nauban par var nalh zet leh tuipui kam pangpar sen chiai hi alo inkhawi a,an bati chhit en nen chuan a inrem hliah hliah mai a, "Ava mawi tehlul em," a tichhuak halh mai a.Anita chu a lawm hmel hle a,a ngai ang bawkin an eitur siam chu a tui hle bawk a, an chaw ei chhung zawng chuan Anita leh Rachel deuh hlir chuan titi an vawrh a, Megan chuan a ei tam phian ta bawk a.Chaw an ei kham a Coffee an in lai chuan Remy chuan a nu chu a han en a,chutah Megan lam chu a hawi leh ta a, "Kapu chu iva hmu amaw?" a ti ta a.Megan lo chhan hman hma chuan Anita chu a rawn inrawlh ta thuai a, "Ava hmu alawm,eng zawhna nge ni ta ngai? A hmu dawn tih i hre reng si a," alo ti ta zung zung mai a.Remy chuan a dar alo san zauh a, a taksa sen uk char leh a kawr hak rawng chu a inhmehin a lang pa zual sauh mai a. Megan chuan en reng ngam lovin a hawisawn san ta a, "Megan alawm ka zawh. Enge alo sawi a,kapu chuan?" a rawn ti nawn leh a.Zan thim avanga a hmai sen ap ap a lang theilo chu a lawm hle a.Remy hmaah chuan tleirawl ang maiin a zam chhe lo chauh zel chu a ni si a, "Min hmu chu alo lawm hle ani tih a sawi alawm," tiin Anita chu a han en a, "Kanu nen kan inang a tih thu te....min han hmu khan a lung a tileng zual pawh a ang hle ani.""A dik ngei ang," lungawi hmel zet hian Remy chuan alo ti ta nghat a, "Ka haw hmain ka va kan ve ang e.""Ka lo kal ve thei ang em?"Rachel chuan Remy no dawmna kut chu alo vuan thuai a, mahse Remy chuan alu a lo thinsan ta mai a, "A ngai lovang. Doctor O' Brien khan chhungkhat laina tak tak lo chu hmuh a phal lova, nang chu ini ve tlat lo ani...."Rachel chu a tho ta thut a, pindan lamah chuan a tlanlut ta daih a. Anita leh Megan chu pawiti zet hian an lo inmelh ralh a. Remy țawngkam chuan Rachel chu a tina hle ani tih an hai lo țheuh bawk a, Anita chuan a fapa chu a melh ta ran mai a."Khatianga tih kher a ngai hleinem. Doctor khan tlawhtu ngah lutuk lo se a duh thu a sawi chauh a nih kha! Rachel kal ve chu a pawi reng reng hleinem," a ti ta tawn tawn a.Remy chuan anu țawng chu pawisa lo zetin vanlam a thlir vang vang a, "Kal ve turin ka duh lo a ni mahna le," a lo tih chuan anu chuan a hnar alo tum khum dat a."Awmze neilo lutukin i khawsa ani, Remy. Va kal la,ngaihdam va dil thuai rawh, a țap nia hriatna ka nei ania," Anita chuan alo ti leh a.Megan chuan alo awm ve kher kher chu pawi a ti em em mai a, han kalsawn mai dawn sela Rachel luhna bawk chu a kalna tur ani mai si a, Rachel tih zah belh chu a duh hauh silova."Naupang ka ni tawh lo tih i hria alawm! Kanu. Rachel nena kan inkarah hian i rinna lo nghat lutuk suh ang che," tiin anu chu a melh ngar mai a."Ka rilru tihnawm loh tumin i țawng mai mai anih chu," Anita chuan alo ti hlar mai a."Anilo," tiin Megan chu a han en a, Megan chu alo hawisawn thuai a, "Tin hei hi ka rawn duh bawk che a, Megan hi helaia alo kal chhan dik tak hi hrilh tawh rawh," putara hrisel lohna chhuanlama hmang reng lovin," a ti ta a.Chapter - 6Megan chuan a lehkhabu chhiarlai chu dahin a bul dawhkana vuna hnawih tur bur chu a han ban a,a mutna pipu chu nihliap zar hnuaia awm ni mahse ni a inher zel a,a ke lam chu nisa chuan a rawn em tawh a. A ke vela cream a hnawih pah chuan a hawi kual vel a, a bul vel chu a nuam hle ani.Hotel tuikhuah bulah a awm a,tuipui kama awm mah nise hotel chuan tuichenna hmun a neih ve tho angai tlat ani. An mikhualte duhzawng inang lova,a țhen chuan tuicheng ngai hauh lovin tuikhuah bula tuichen thawmhnaw nena thlalak te an duh tlat țhin tih Anita chuan a hrilh a.Megan chuan tuipui ngeia chen a chak em em laiin ala dam chian loh em avangin a ngam lova,tuikhuah kam nisa vela inpho chu a duh tawk hle ani. Nisa a a inpho ngun ve tak avangin a vun te chu a uk ve kharh tawh a, Anita tibuailo thei ang bera awm tumin ke te in a leng vel mai mai țhin bawk a.Mahse Anita chuan a ruala tlai chaw ei turin a ngen tlat zel a. Rachel lo tel ve zan anga boruak nuam lo kha chu a thleng leh ta rih lo bawk a. Remy leh Rachel an lo tel ve leh hunah chuan hmun hrana chaw ei chu a tum rilru ran tawh a.Khami zan khan Anita chu Rachel thlem tur khan a kal ta a, Megan pawh chuan chhuanlam siamin ama pindan lam a pan ta daih ani.Ryan Robards a tlawh apiang chuan a nu chanchin an sawi ziah a,a tlawh zin poh leh chupa chuan a nu alo hmangaih zia chu a hriat belh zel bawk a.Chu putar chu a lainat rual rualin a pa a hrechhuak lo theilo bawk a. A pa khan ama ngaihdan alo kalpui thui lutuk nia hriatna a nei lian sawt hle bawk ani.A lehkhabu chhiar lai chuan a rilru a luah lo hle mai a, Remy chu a hrechhuak deuh reng nangin a ngaihtuahna chu a duhlo hle mai a. Rachel a rawn hruai zan ațang khan hotel ah chuan vawihnih alo kal leh tawh a. Hotel a lut kher lo pawhin a pu chu a rawn kan fo a ni tih a hre tho nangin a lo pumpelh lui hram hram țhin ani.Thaw huai chungin a han hawi kual a,tum thing hnah te chu thliin a chhem ri sang sang a, vanram tlafual ani ringawt reng ani. Anu dam lovin helai hmun a lo ngai ngawih ngawih te kha a hrethiam ta hle a.A han maimitchhing vang vang a,a men leh chuan a tarmit dum phenah chuan nihliap hlimthla satliah nilo,hlimthla dang awmin a hre ta a,a mit a khap ta fak fak mai a. Remy a ni a,amah chauhin alo ding reng tawh a."Lum i va tih hmel ve," tiin Megan i țhuchhuak thuai chu a lo en a."Lum ka ti khawp mai. Enge i rawn tih le? Hna i thawh ka lo ring a, nge, Port Serrat a ukil ho hian hnathawh hunbi in nei lo zawk?" tiin a țhu țha ta sauh sauh mai a."Ukil dang hnathawh danah ka buai love," tiin Remy chuan a kawrkilh na chu a han phelh thawl a, "I bula rawn awm rih ka duh alawm," tiin dil sirah chuan thatchhiat hmel zet hian a țhu thluang duai ta mai a."A finthlak vakin ka ring lo. I nu in i lo kal tih hi a hre ngei anga,i tihtur a hre ngei ang. Coffee khawl a chhiat thu a sawi ka hre tlat ani," Megan chuan alo ti thuai a."Electric lam ka khawih thiam hleinem, Megan, khawl chhe siamtu lah ka ni lo bawk a. Kanu chuan chutiang khawl chhe siam theite chu a hre țeuh alawm,chutiang mai mai te chu ka buaina a ni ve hleinem," alo tihsan ta duah a."Chu pawh nise....""Chu pawh nise....enge? Enge buaina i neih a? Helaia ka lo awm ve hi hnawk min ti em ni? Mahni chauhva chawlh hmante chu a nuam hleinem," tiin a lo nui sang mai a.Megan chuan a hmui ro halh chu a han liak huh hlap hlap a, "Heta i awm ve chu engvanginnge hnawk ka lo tih ngawt ang che.....i awm rei dawn em? Rachel i rawn hruai ve em?"Remy chuan alo melh kawk a, "A lo kal ve lo. Rachel nen hian kan inzui chawt lem lo asin, kanu in engpawh lo sawi sela,țhian a nei ve alawm,kei pawhin ka nei thova," a lo ti hmak mai a."Mahse in chengdun ani lawm ni?" Megan chuan alo ti ve țalh a. Rachel leh Remy dinhmun hriatchian chu a chak tlat ani."Chengdun love. Anu leh apa bulah a cheng alawm. Kanu in a hrilh che em ni?""Hrilh love," Megan chuan alo ti thuai a. Anu nena a chanchin an sawi anga a ngai tur ringawt pawh chu a duh lo hle mai a."A țhat chu."Remy chu a thova, a kekawr kawng kilhna chu phelhin a kawr chu a pawt chhuak a, a phelh nghalin țhutthlengah chuan a thehthla hnawk a, hrukpuan inbang chu la in a phah a, a jean kekawr dum hak chu a phelh zui leh ta nghal a.Megan chuan thawchham lo chauh hian a lo thlir a. Remy chuan kekawr bul alo ha tel hlauh chuan a ti thaw huai mai a.An ngawi dun ta vang vang a. Tuikhuah vel chu a lun loh hun lai tak a ni a, mikhual dangte chu khawpui lamah te an kalin tuipui lam te an pan sung sung mai a.Megan chu a hahdam thei ta hauh lo mai a,a mit chuan a bula tlangval lian zet, thatchhe fahrana țhu awn duai chu a melh lo thei lova,a thil hmuh chuan a tibuaiin a nalhin a pa em kher a ni.A lehkhabu chu a han ban leh ringawt a,awmzia a awm lo hle mai a,a chhiar ngai a chhiar nawn tlut tlut a, a thil chhiar lah chu enge anih a hre der lo lehnghal a.Remy te ang tlangval hmelțha leh nalh lutuk nena hmangaihna chen chu enge a an ang le? Hetiang ema nalh a tih mipa hi ala hmu ngai reng reng lo a ni si a. Mipa saruak la hmu ngai lo ang maiin a lai a, Remy chuan kekawr bul zahawm tak a ha chungin a lang nalh danglam em kher a ni. A mipat pian mawina chu hre hauhlo niin a lang bawk a. Ama landan ve chu nalhlo riau hian a inhre bawk a, a inzaina ser tereuhte chu langsar riau hian a hre bawk a."Putara nen chuan in boruak a țha zel em?""Kan titi tui thei khawp mai," tiin tuikhuah lam chu a en lui ngar mai a, "A chau hma em a, ka bula awm chu nuam a ti ve thovin ka hria. Kanu chanchin sawi nuam a ti hle a,a chang phei chuan ka nu emaw min ti țhin niin ka hria," a ti a."Laura," Remy aw chu a ril raih a, "Nu duhawm danglam tak a ni asin," a ti zawi sap a.Megan chu alo ngawi reng a,helaia a lo kal ațang hian a rilru a danglam nasa hle tawh bawk a. Mahse apa chu a theihnghilh thei chuang lo. A hunlai khan ala naupang em a, thil zawng zawng a hrethiam vek lo chu a thiamloh a ni biklo ani."Anih leh kanu ve hi? A bula khawsak chu enge anga i hriat le?" Remy chuan a rawn ti leh a."A țha khawp mai," tiin a tarmit chu a bun țha sauh sauh a."Kanu hi chu ka hria alawm,thil pehhel hi a thiam riau asin," tiin a nui hak hak a."Kan nih țheuh hi.""Enge i sawi awmzia?" Remy chuan alo ti thuai a."Engmah ani leh love.""Keimah min tihna em ni?""Ni lo ve.""Kapu chuan ka pi chanchin a hrilh tawh che em?""Kanu ni lo zawk maw?""Ni love,ka pi tak tak zawk mawle, a nupui hmasa zawk," Remy chuan alo ti a."Ala sawi hauh lo mai. A hmangaih hle thovin ka ring ani....! A lung a leng ngawt ang, an boral san ve ve tawh si a," Megan chuan alo ti a."I khawngaih leh khawngaih loh lam ka zawt hleinem che," Remy chuan a lo ti nang nang a."Min zawt ka ti hleinem,ka sawi ve mai ani. Nangmah khan enge sawi i tum zawk le?" tiin Megan chuan a han en a."I hre lo amaw? I pa in a hrilh miah lo che em ni?" tiin a taksa lian zet chu a kun deuh kho a, "Khapa khan sawi hreh a neih ka lo ring vak lova," a han ti deuh kher a.Megan chu alo khawng lah mai a, "Ka pa mawi lohna sawi i tum anih chuan.....""Ka tum lo. Ka rilru a ka pai chu ka lo la pai ve mai mai zawk ange. Mahse ka nu rilru a ti na fo kha ka ngaidam theilo fo țhin a ni."Megan chu alo thaw huai mai a, "A pawm tlat che kha i ti anih ka ring a," alo ti halh a."Chungte chu a țhen a zar chauh mawle. Mahse....ni e, i tel vena a awm hauh hleinem, tiraw? I ngaihdan han hriat ka chak mai mai ania, Ngaihdan thuhmun ilo neih ve.....""Eng ngaihdan thuhmun maw, Remy?""Engmah ani love.""I pa chungchang ah em ni? I sawi awmzia reng reng ka hre lo mai," Megan chuan alo ti zawi raih a."Engmah anilo ka tih kha," tiin a tho ta uaih a, "Ka tibuai rei tawh hle mai che,ka kal tawh ange," ati ta a."Remy...." Megan chuan rang zetin a banah alo vuan a,a ban chu a nghet charhin a hmul thap mai a, "Khawngaihin, thil kal tawh chu kan theihnghilh thei tawh lawm ni?" a han ti hram a.Remy chuan Megan kutin a ban a vawnna lai chu a lo en thuai a, Megan chuan a kut chu ala sawn ta thuai bawk a. "Thei ila ka ti ngawt mai," tiin a kalsawn a, a kekawr chu a ha ta mawlh mawlh a, "Ka hmel ka va inlan ange. Kan pitari chuan ka hmu duh lo emaw alo ti leh ange," a ti hul hak a.Remy tibuai riau tu chu enge ni ang le? Chutah ani lah chuan țha alo ti hle si a. Chu tlangvalin a hipna nasa tak chu a inthup thiam hle a ngai dawn a ni.Chhunchaw chu ama pindanah a ei ta a.Anita leh a fapa te bula awmloh hram hram chu a thilduh ber a ni ta mai a. Remy awmdan ah khan biak leh a chakawm lohva,a pa chungchang a sawi phei chuan a ti thinur riau anih kha. Tunlai angah te chuan pasal neilova fa neihte chu thil zahthlak a ni tawh lova,enge a pa chuan alo sawi le? Hun a liam tam tawh a, Anita sawn pawm chu a ngaihdan lo nilo țhin mahse theihnghilh a hun ve tawh hle lawm ni?Nihnih chu engmah thleng lovin a hmangral leh tawh a.Simon chuan a rawn phone leh a,țhian pakhat, amah aia thluak țha a tawn thute,an sumdawnna tihlen a rilruk dante a rawn sawi sauh sauh mai a. Dawrtu tur thar a hmuh belh țeuh thute sawiin damțha thuai thuai se a duhthu a rawn sawi duah mai a.Megan rilru chu a buai hle mai a, a hna ai chuan Ryan damlohna chuan a rilru a luah nasa ta mah mah zawkin haw lam a ngaihtuah manglo ta hial a.Anita hnena car hawh a, a nu thlan tlawh chu a duh ta hle mai a. Anita hnena a sawi chuan ani chuan alo phurpui ta hle a,thlanmual awmna te a hrilhin kalpui a hreh loh thu te a lo sawi thuai a."A ngai love, ka ngaihtuah awm lovang. Mahnia kal ka duh tlat a ni, Anita. Min hrethiam ang chu tiraw?" a lo ti tlat thung a."Tehlul mai."Anita chuan lukhum parh, nalh zeta chei hi a hawhtir ta bawk a. Port Serrat lam chu panin a inkhalh chhuak ve ta nghal a,a awm hahdam rei tawhin a ei leh in a fimkhur bawk a,a chak sawt hle in a inhre tawh a. A nu ang maiin helai hmun hian a lung a len anga,a haw hreh mai ang tih a inhlau thawng ru rum rum hial tawh a.Chunglai vel chu ala hre bel hle ani. Khanglai khan ala naupan avangin motor khalh an la phalsak lova,a nu emaw a pa emaw in an hruai țhinin Remy pawh an hruai ve fo țhin anih kha. Apa khan Remy kha hnawk tih chang chu a nei țhin ngei mai a, khatih lai khan anu kha alo ringhlel tawh em ni ang? Remy nen kha chuan engmah an hre ve hauh silova.A ngaihtuahna chu dah bovin a hmalam khua chu a han thlir a,in nalh zet zet, huan mawi tak tak neite, lawng chawlhna a lawng mawi tak tak intlar țhup mai te chu.....a mawi danglam hle ani.Port Serrat khawpui chu tlangin a hual pap a,a nuamin a boruak pawh a la țhing hle ani. Khawpui upa zet ani tawh a, Ryan a hrilh țhin dan chuan, hmanlai lawng suamhmang te tawm rukna khawpui a ni țhin a ni. Khawpui kawtthler tin te chu zu dawr leh khualbukin a tlar tuarh mai țhin reng a,a lo țhangin dawr te pawh alo changkang hlawm hle tawh a.Megan chuan car chu a hung țha te te a,tuipui litengsawl bazar lam chu a pan ta a. Lui sa chi hrang hrang, tharlam fe fe hi an lo zuar tuarh mai a, anaupan laia a duh duh anu a leitir lai te chu a hrechhuak uaih uaih mai a.Ryan khan lawng nalh leh mawi deuh kha a nei țhin ngei mai a,a lawngah khan anu leh apa te, khualzin hote an chuangin chunglai thliarkar te te a fanpui peih em em țhin anih kha!A tui alo hal ta huam huam,intur zawrhna dawr lam chu a pan a,theitui vawt raih mai, nihliap lian zar hnuaia a han in chu nuam a tiin manhla a ti ngang mai a.Thlanmual kal nan hun ala ngah a,a duh leh ala bazar hman ang chu! Hotel lamah chhunchaw eiturin a kir leh mai anga. Remy khan lawngchawlhna bul hnaiah in a luah thu a sawi a, chulai velah chuan in in luah țawm chi a awm lova,in mal din,nalh zet zet hi a intlar țhup mai a,chung zinga pakhat chu ani ve ngei ang chu a ti rilru nap nap a.Kawtthler lun zet chu a zawh zel a, chunglai bazar chu a hming pawh a lar hle a,khualzin ho pawhin an bawh hle țhin reng ani. Thil hun mawi leh inchhung cheina vel zawrhna chu a bih dan dan a.Remy chuan office a luah ve ang nge, a inluahah chuan hna a thawk ang aw, a ti rilru leh vang vang a. Ukil a ni a,ama mimal nun leh a pawnlam nun chu a chawhpawlh duh chu a ring leh ta lova.Chutah amah Remy ngei chu a hmu ta hlauh mai a, a hmalam la hla deuh fe ah chuan mipa pakhat nen an kaldun a,a pianphung leh sang zuih mai te, a dar pharh hlai hlap leh a kal vel reng rengah chuan hai chi rual ani tlat lo ani.Thawmhnaw pangngai tak a inbel a, a lang zahawm hle lehnghal a. Hna a thawk a ni ngei ang. Remy chuan amah chu a zawng niin a ngai tur a ni lovang. Hrechiang chak teh mahse a inthup hram hram tur ani.Megan chu a han ding khawtlai a, lawngchawlhna lam chu a thlir vang vang mai a,hmalam a han thlir leh chuan Remy leh a kalpui pa pawh chu an lo ding ve reng hi a lo ni a, an lo in mangțha mek niin a lang,a kut chuan kawngsira in kawngka chu chu a dawm a, a office ni awm tak hi a ni bawk a.A rawn hmu ve ta tlat mai a.Lukhum parh hlai zet a khum a,mipui zi nuaih nuaih kara a rawn hre nalh mai chu Megan chuan mak a lo ti hle mai a. Hriatloh dera kawtthler lehlam pan a rilruk lai tak chuan Remy chuan a țhianpa chu a vai liam a,a rawn pan ta ruak ruak a. Megan chuan thinphu dap dap hian alo nghak ta ringawt a.Chapter - 7Remy hmel hlim sarh a hmuh chuan Megan chu a lo thaw huai mai a, an inbiak hnuhnun bera a awmdan avang khan a lawm pawh a inring tawh lo kha ani si a."Engtinnge helai hi i rawn thlen theih le?" tiin a nu zawng niawm takin a han hwikual ruai a, "I lukhum chu i inhmeh hle mai," a tih zawm zat a."Mawi deuh asin. Motor ka rawn keng alawm," tiin a lukhum chu a han phawk a, "Helaiah hian em ni hna i thawh a?" a han ti a."Mahni chauhvin maw?"Megan chuan a chal alo chuar tap a, a zawhna chu hrethiam lo der tlat chungin alo en let thuai a, "Nangmah chauhvin i thawk niin ka lo hria a," a han ti leh ngat a."Ka sawi awmzia chu......" Megan lo nui hmel a han hmuh chuan, "I hrethiam reng si a," a ti ve ta hak hak a. "Kanu in a rawn hruai che anih ka lo ring deuh a. Motor i khalh thei tawh em ni?" a ti ta thuai a."Motor khalh phalna chu ka nei ve alawm," tiin Megan chu alo nui țha mai a, "Ka inzaina pawh kar ruk lai ani tawh a, ka dam țha hle tawh alawm," a ti zui zat a."Ni e, i țha sawt khawp mai," tiin Remy chuan a rawn en lawr dan dan a, "Helaia mahni chauhva ilo kal anih si chuan...chhunchaw eidun ila?" a ti ta a."Mahse....""Tihtur neia lo kal chu ini ngei anga, a pawi ngawt mai. Hotela kir leh thuai i tum em ni?" Remy chuan a ti leh thuai a."Oh thlanmual tlawh ka tum satliah mai alawm, engmah dang tih tur ka neilo.""Tichuan?""Tichuan....awle. Chhunchaw chu kan eidun dawn nia. Khawiahnge ka rawn hmuh ang che?" a ti ve ta nge nge a."Helaiah hian lo kir leh la,ka office te i rawn hmu ve ang chu! Sawlai inchhung panna kawngka ațang sawn i rawn lut dawn nia," tiin kawtthler ațanga office panna kawng chu a kawh hmuh a."Awle."Remy chuan Megan chu alo en vang vang a, "I lo kal chu ka lawm hle mai," a ti sup a,a ban a vai khum ta zauhva.Baptist thlanmual, Laura Robards i vap phumna hmun chu khawpui daia awm ani a, tlangpawng lai nisi, ram rai nuam ang reng zet hi a ni a. Lawngchawlhna te a lang chiangin khua a thlir zau theih hle a. Ryan chu a kalfo țhinin a ring bawk a. Chulai hmun, Garden of Remembrace an tih ah chuan sailungvar pheka siam thlan pakhat hi a awm a, anu hming a in ker kalh a. Nauban leh lily par inkhawi pawlh chukna bulah chuan, "Ka ngai em em reng che asin," tih hi a inziak kalh mai a.Megan chu chulai thlan bula țhutnaah chuan a țhu hnawk a, a nu thlan chu a thlir vawng vawng a. Anu chuan phum a duhna hmun ngei San Felipe thlanmuala hmun țha ber a chang a, a lung a awi ngei ang chu!Darsawm pahnihba pelh hnu chuan khawpui lamah chuan a let leh ta a. Chak tawh hle in a lo inhre ngawt nangin a chau hle a ni. Remy sawmna kha lo pawm lovin hotel lama kir leh mai a duh ut ut a.Infiamna bungraw zawrhna dawr sira kawngka chu a han nem hawng a, darthlalang kawngka phena hming lo intar chu a han hmu a. "Jeremy Robards. Attorney at Law," Remy hmingpum chu a hre khat tawh hle mai a.Inchung lam panna kailawn chu a chho hle mai a, a tawp a thlen chhoh phei chuan a thaw hlawp hlawp a, a han ding vang vang a, chutah kawngka chu a rawn inhawng a midang nu pakhat hi alo chhuak hlawl mai a.Nula nalh tak a ni a,a mitmeng chu a de sar mai a, "I țha maw?" tiin Megan i kawngah chuan a rawn kuah thuai a, Office chhunglam chu a panpui ta nghal a, "Tuisik i in duh em? Remy hnenah ilo kal thu ka va hrilh ang e," a ti zung zung a."Ka țha leh mai ang," tiin Megan chu țhutthleng lo awm hmasa berah chuan a țhu hnawk mai a. Remy secretary anih ngei a ring ringawt bawk a.Chunu chuan hmanhmawh zetin a kalsan ta nghal a, pindan chhungril lam chu a pan a, Megan chu alo zak em em mai a. Chuti ema chauh leh hah chu a inring pha hauh lova,na chu a nei hauh lo nangin alo la chak tawk lo hle alo ni.Remy chu alo lang ve nghal thuai reng a. Ngaihtuah hmel zet hian arawn en a, "Megan, enge i an le?" tiin a lukhum chu a rawn laksak thuai a."I office kalkawng hi a chho lutuk alawm," alo ti hram hram a."I dang vek alawm mawle,""Ka chau deuh anih hi, ka țha leh thuai mai ang," a lo ti let ta thuai a."Sylvie khawngaihin tui min lo pe ta che. Miss Cross hi chu ka lo enkawl zui mai ange," Remy chuan a ti ta thuai a.Sylvie tui rawn lak chu alo in khawlh khawlh a,a tui alo hal hle a ni, a ke te chu ala khur dar dar mai a, a han ding chhuak lui ve hram hram a."Khawia kal nge ila tum a?" Remy chuan alo ti ha a."Chhunchaw eiin kan kal dawn ani lawm ni, nge i office chhung min entir dawn?""Khatiang khawpa i chaklo chung chung kha ka hruaichhuak che anga maw?" a lo ti hul hak a."Ka chak lo hran hleinem. A lum lutuk a, tlanglam ka chhoh deuh khan min ti chau mai mai alawm, ka țha tawh e,"Remy chuan alo awih loh hmel ngang mai a, "I tih tlat chuan le, ka awih mai ani ang chu. Mahse dawrah chuan ei lo mai ang. Ka in a hla lova,i va ei zawk mai ang hmiang," alo ti a.Megan chu lo hnial tumin a alo ang zuau hman tawh a, Remy hmel chu a han en a, a ngawi leh ta zawk a. Remy ina kal chu enge a pawina? A chenna hmun hmuh pawh a chakawm tho alawm.Remy chu a zui ta nge nge a, a office chhung chu a fanpui te te a, a office chhung chu a eng nuamin nilum a lut țha hle a. Tukverh ațang chuan lawngchawlhna velte chu a lang thei vek a, a office aiin a nuam zawk daih ani, a thik rum rum hial a. A office țhutthleng leh dawhkan te chuan a neitupa nihna chu a tilang hliah hliah hian a hre bawk a."A nuam hle mai," tiin chhuar nalh zeta lehkhabu intlar tuarh te chu a thlir vang vang a."Nuam ve deuh asin," tiin a pawisa bag a ak a, "Ka inpeih e, chawhnu lam hian rorelnaa ka kal a ngai dawn a, darhnihah ka inpeih a ngai ang," a lo ti a.A sawmna alo pawm ta mai chuan a hna a tihbuai hlau ru hnuhnawh zet hian a han en a,ani lah chuan pawisak nei lo hmelpu zet hian a ban alo vai khum mai a. Megan pawh chuan engmah a sawi zui ta bik lova. A lukhum chu khum lehin Remy chu a zui chhuak ve ta nghal a.Pawn an thlen chuan ni alo sa hle mai a, a thlan nghal zawih zawih mai a. Remy in chu a hlat loh hram a beisei hle bawk a.Remy chuan a banah a rawn vuan a, a vawnna chuan tibuai ru hle mahse alo dawh hram hram a."A hla lo ania," ti a a en chhuk chuan Megan chu alo nui var var a."Khatiang mai mai a chauh kha a atthlak hle ani tiraw?" alo ti hak hak a."Ka lo kalpui zawk mai lo che ani, kanu emaw tak pawhin Mahnia kal nan chuan thlanmual kha a hla ve tho alawm," Remy chuan alo ti vat a."I nu pawhin min kalpui a tum thova, ka lo hnial alawm. Enteh, mahni chauhva kal ka duh tlat alawm," Megan chuan alo ti ve țang țang a."Engatinge ?"Kawtthler kawi lai an thlen chuan an peng a,kawng chu alo daihlim ruai mai a. Megan in a chhan hma chuan kawng dang an pawh a, leirawhchana hung, kawng an zawh lai tawpah chuan tualzawl piaha in lo lang lam chu an pan ta zel a."Moonraker Yard ah hian ka lo lawm a che. Kailawn dang i lawn leh a la ngai ang tih ka hlau ngawt mai," Remy chuan alo ti ro halh a.Megan chuan chulai hmun mawi danglam zet chu a lo enkual ruai ruai a, phul hring dup kara in nalh zet zet dingte, inkara ni zung lo lut sung mai te chu a nalh danglam em em bawk a. Inchung chhohna thinga siam chu a thlir vang vang a, "Hetah hian maw i chen a?" a han ti halh a."A landan ai hian a chhunglam a mawi ve vak lo ania," Remy chuan alo ti ngal ngal mai a."A nuam awm em mai," tiin ala hawi kual ruai ruai a, Remy chu alo nui hak a."Lo kal rawh, ka pindan chu khilaia mi khi anih khi," a lo ti a.Thinga siam kailawn chu an zawh chho ta zel a,pindan inkalpawhna thui zet an zawh hnu chuan Remy chuan chahbi a phawrh a,tukverh sang zet ațanga ni zung lo lut chuan chu in chhuat chu a chhun tle sar sar mai a."Lo lut rawh le."Pindan zau zet hi a rap lut ta a,sasaw thinga siam țhutthleng leh chhuar nalh zet zet hi a awm a,a tle hnum hlarh mai a. Bangah chuan lemziak mawi zet zet hi a intar thluah a, bang kilah chuan bel tung sei lian zetah hian pangpar a inkhawi buk luai mai a,a nalh danglam hle ani.Pindan chhung chu a thianghlim hle a,lehkhabu dahna chhuar nalh fe ah hian lehkhabu chi hrang hrang a intlar țhup bawk a,bang kil tinah chuan hnah mawi a inkhawi thluah bawk a.Tukverh sang pui pui a awm a,tukverh ațanga thil lang thei te chu thawk tichham thei khawpa mawi a ni bawk ani. Lawngchawlhna leh tuipui kam vel te chu a lang ruih a,thlifim a rawn lut heuh heuh bawk a,tuipui tle sur sur chuan a mit a tivai lek lek hial a."A mawi lutuk. Hetiang thil mawi ka hmuh hi ka lo beisei hauh lova," a ti halh halh mai a."Eng ang nge a nih ilo rin reng reng a? Khawilai chawmpang karah emaw tui awm lohna hmunah emaw a cheng turin min lo ring deuh elo?" Remy chuan alo ti zang vah mai a."Ni love, mahse hei kher kher hi chu.....""Ka....""A mawi lutuk tlat! Hetiang hmun mawi lutuka i cheng bik hi i vannei hle ani," a lo tih khalh zung zung a."Chuti maw?"Remy aw chu ngeiawm riau mahse alo haider lui ve tlat a, tukverh chu a hnaih sauh sauh a, "A va mawi tak em. I thlir ning thei lovang tiraw! Zanah phei chuan a mawi lehzual ngei ang chu," a lo ti hmiah hmiah mai a."Zana a landan hmu tur chuan i lo kal a, i rawn en a ngai dawn anih chu," tiin kawngka lehlam chu a pan ta daih a, "Thil tuihnai deuh eng tehchiam mah phei chu ka kawl lova,mikhual neih ka lo in beisei lem silova," a ti zung zung a."Khawngaihin in tibuai duh suh. A awm ang ang kha ei mai ang. Ka ril a țam vak hleinem," Megan chuan a lo ti ve mai a.Remy luhna lam pindan chu a pan ve ta thuai a. Choka lian lem lo, felfai tak leh mamawh kim thlapna hmun hi a lo ni a, a nalh hle lehnghal a,tukverh ațang chuan phul hmun hi a lang raih bawk a.Remy chuan eitur dahțhatna bawm ațang chuan chhang leh thei vel a lo la chhuak mawlh mawlh a, eng engemaw chu a lo kawl ve nual niin a lang."Lo awm hahdam rawh,ka rawn ti vek mai ang," tiin Megan lo puih tum chu alo en thuai a."Ka hahdam tawh alawm," alo ti let var a. In bang chhah tak avang chuan inchhung chu a dai ruih a,a hahdam thlak a ti hle a.Dawhkan bula țhu chung chuan lawngchawlhna vel chu alo thlir vang vang a. Anita hnenah Remy bula a kal thu chu a sawi ang em le? Remy chenna hmun chu anuamin a reh raih mai a,a hahdam thlak hle mai si a.Remy eitur rawn chhawp ho chu mawl te te mahni se a tuihnai hlawm hle a,rilțam lova a inhriat nen a eitui ta phian bawk a."Engvanga nangmah chauhva lo leng chhuak maw i nih a? Ka nu bula awm chu i ning ta deuh em ni?" nui sang hian alo ti a."Ning lo ve, inu nen chuan kan inkawm ngeih viau asin. Mahni a han lenvah vel ka duh vang mai mai ania,""Chuti chu hetah hian enge i rawn tih tak le?" a rawn tih leh takah chuan Megan chu alo sen ap ap mai a."Ka tum lawk anilo tih i hria alawm,""A nilo amaw?""Nilo. Anih loh avang chuan helaia ka lo kal hi ka lawm lo tihna ani miah lo ania," tiin alo en let ran a.Remy chu alo meng thim deuh salh a, "A va lawmawm vele," alo ti sap a.Megan chu alo thaw ham ham a, "I nu in heta ka lo kal hi hria se a lawm ang em le?" a han ti a."Lawm hauh lovang.""I nu hian i lakah ngaihdan engemaw deuh ka neih a hlau niin ka hre tlat ani. Pasal ka la nei lo hi a ngaimawh riau lehnghal a," tiin an boruak tih zangkhai tumin a han nui hak hak a."I ti dikin ka ring e. Ka in chu nuam i ti amaw?" Remy pawh chuan alo ti zang vah a.Megan chuan tuisik vawt zet chu a han in a, "Ka hmuh chin hi chu a mawi thlawt ani," tiin a hmui a han liak huh hlap a, "In inneih hunah Rachel nen chuan helaiah tho hian em ni in chen ang?" a han ti a.Remy chu alo meng thim khap khap a, "Tunge kan inneih dawn thu sawi a?" a lo ti ro halh mai a."In innei dawn lo em ni?""Ka hriat ve danah chuan inneih kan la tum rih lo chu a nia lawm. Engtikahnge Simon nen in inneih dawn,Megan?" a lo ti let ve ta ngat mai a."Kan innei dawn hleinem. Ka sawi awmzia chu.....! Kan la sawi dun ngai reng reng lo ani," alo ti ta ringawt mai a, "Țhian kan ni ka tih kha,chu zawng chu a ni mai. Sumdawnna a ka kawppui țhianțha tak ani," a ti nawn leh ngat a."Rachel leh kei pawh hi țhian tho ka ni alawm. Hna chu a nei hauh lo nangin sumdawnna kawnga ka kawppui pawh a ni ve mahna," tiin a dar alo san khum zoh va.Megan chuan a hmui alo chip hmak mai a. Remy chu cho fahran hian a han en a, "I ti tak tak lo tiraw?" a han ti a."I hria em ni?" Remy chuan zamna nei hauhlo hmelpu hian alo en let reng a."Rachel nen hian.....awle,in mudun ngei alawm. Țhianțha te nen an mudun ngai hleinem," Megan chuan alo ti zat zat a.Remy chuan a hnar alo tum khum dat a, "An mudun ngai lova maw? Ka nu țawngkam chiah i rawn hmang anih chu," alo tihsan mai a."Mahse,i nî tur ka ni ve tho alawm.....i nî hrawn. I hmalam hun tur ka lo hre ve chak te chu a awm lohna a awm chuang hleinem. Lo inrawlh buai ka tumna lam pawh ani chuang lova," mahni inthiam zet chuan alo ti leh zat zat a."I tum lo maw?" tiin Remy chuan a thil eina thleng chu a nawr sawn a,a ding chhuak ta hluai mai a, "Min chhaih vel te chu tum lo mai teh aw. Ka nî ni tur anga rilru input chawp tir kha tum lo bawk la. Ilo ngaihven nachhan te chu hre lovah min ngai em ni? Țha min ti hle tih ka hre reng alawm,i pa in kei țha min ti hi, a lawm dawn lo tih i hre bawk a," a ti ta hmiah mai a."Teuh lo lutuk!" Megan chuan alo ti țhat mai a. Megan țhu chu a pawt tho ta lawp mai a, "Țha min tih vang chiahin vawiin pawh hian ilo kal ani,hotelah chuan in biak falna hun kan nei thei der silova," tiin Megan darah chuan a tuai pah hauh hauh a."I ngaisual der....""Ani maw?" tiin a kun hniam a,a hmui chuan Megan hmui chu a nul na na a, "Mahni inbum țalh tum mah ta che,Megan. Ilo thlen phata min hmuh ațang khan kan hre dun ve ve alawm," a ti sa sa mai a.Megan thin chu alo phu zaih zaih mai a, a lum pap pap a, Remy chuan rawn fawp mai se alo ti rilru ta hial a, "Anilo," alo ti lui țang țang thova. Remy chu țha a ti hle ani tih chu a thup hneh ve hle emaw a lo ti si a,alo hre tho si chu a zak hluah hluah bawk a, "Min thlah tawh ta che," tiin alo tal laih laih a.Remy chuan ala kuah lui ta thova,a thlah meuh chuan Megan chu alo khur dar dar hman hial a. Remy hmelah chuan a ngaihtuah awm chu a hriat theih der silova, a mangang ru hle mai a. A zah thup nan a han ding mar a,luhai map map chungin choka ațang chuan a kal chhuak ta ringawt mai a. Amah leh amah a inti mualpho der ani, damkawr mai ani a, a hriselna bak engmah ngaihtuah a nei tur anilo reng reng ani.Remy chuan ngawi rengin a rawn din hnaih sauh sauhva, Megan i kalsawn tum leh chu a hnunglam ațangin a kawngah a kuah ta a, a pawnfen leh a kawr inkarah chuan a kut dah lutin a vun lawng chu a rawn chul ta hauh hauh mai a."Engthilnge tia i inhriat?" tiin a lo ding khawng ta reng a, "Ka kal tawh dawn. Chhunchaw min eipui avangin ka lawm hle mai. A tui khawp mai," a ti nawk nawk mai a."Megan.....""Enge?" Remy kut lum thar tharin a rawn tawhna leh a hnungzang si runa a rawn din hnaihna avang chuan a bing chum chum a, "Enteh, Remy, i laka nelawma ka lo lang anih chuan a pawi ka ti hle mai. I hna thawhdan leh i inluah vel chungchang hriat chu ka chak ngei alawm. Mahse thildang lo thleng leh nia i ngaih ang hi chu ka lo ngaihtuah thlen loh thil ani tlat ani," a han ti hlap hlap a."Tak tak maw?""Tak tak ni e," tiin a lukhum chu a han melh kual nghal a,helai hmun hi a chhuahsan thuai tur ani, mahse Anita lukhum tello chuan a kal thei mai silova."Hetiang zawnga infiamna neih i duh zawk anih chuan a țha alawm,a țha e," Remy chuan alo ti ve halh a."Infiamna a? Engthilnge sawi i tum Remy? Ka ngaina em em che alawm, mahse mipa naupang ka infiampui țhin ang bak khan ka en thei tlat lo che a ni," tiin a lu a thing nar nar a."Huh....""I awih nange?""Ka sawi tum chu.....""I sawi tum chu ka hria in ka inhria e. I awihloh anih pawhin a pawi ka ti chuang lova,mahse thil nih dan a ni miau si a," tiin a chil a lem khawlh khawlh mai a."I thusawi zawng zawng kha ka awih miah lo ania,i inngaihtuah fim hman mai mai anih kha," Remy chuan alo ti chang fak mai a."Enteh he thil hi inu in a hriat ngat phei chuan a lungawi lo hle dawn asin," Megan chuan alo ti leh vat a."Ka nu! Ni e,ka nu chu kan theihnghilh tur a ni hauh lovang,ani lawm ni? Mahse enge thil diklo awm a? Ka nu lung kan tihawi loh i hlau amaw? Enteh, ka nu thu anga ka awm lohna hi a rei tawh asin," Remy chuan alo ti ta ngal ngal a. A luhlul hmel hle mai lehnghal a.Megan chu a che sek mai a, "Remy....""Enge ni?"Kawngka lam chu a hnaih hrat hrat a, "He thil hi a atthlak hle ani," a han ti leh hram a."Ka pawm thlap alawm," tiin a rawn hnaih leh ruak a,Megan hmai sen țan chu a kut pahnih chuan a dawm sak a, "I hrethiam mai lo em ni,Megan. I awm rih phawt chuan ilo kal chhan lam ka ngaihtuah hauh lovang," a ti sa sa a."Ka awm thei tawh lovang," Megan chuan alo ti hlap hlap mai a."Engvangin maw? He thilah hian midang rawn tel vena leh an rawn inrawlh vena tur a awm hauh lo tih hria ang che. Kan pahniha inkar chauh a ni,Megan. Thudik tak chu maw,ka duh nasat ang bawk chein nang pawhin min duh ve tho ani," a rawn ti chhuak ta hrawih mai a."Nilo."Megan chuan tawlhsawn leh a han tum a, "Kawngka inkhar chu a ngheng ta tlat zawk a,a ka a ro huam huam a,Remy kut zungpui chuan a hmui hnuailam chu a rawn tuai sak nauh nauh a,ani lah chu alo buai ru em em mai a.He thil hi a thleng thei lovang,Remy chuan a fiam mai mai ni ngei ang,mahse a hmel a han en chuan tifiam hmel apu hauh silova,a thutak hmel em em a,kalbo mai turin a duh lo tih hriat rengin a kalna tur chu a dal tlat bawk si a. Remy thusawi chu a dik a ni,chu tlangval chuan mipa dang a hriat tawh zawng zawng țhinte ang lo takin a hip tlat a,a hmeichhe nihna a hriattirin a thawk a tibuai a,a thisen a tilum tlat ani. Remy chuan kuah se fawp se a duh alawm,amah pawhin kuah leta amaha turtu awm ang anga lanchhuah tir mai chu a duh ut ut ani si a. Remy chuan a lukhum chu a rawn laksak a,a nek hnai sauh sauh mai a, "I khur leh tawh anih hi," a ti thawp sat mai a. A kun hniam a Megan lo ang phiau hmuiah chuan a fawp ta vang vang mai a.Chapter - 8Hotela a kir leh chuan Anita chuan alo nghak reng tawh a, "Ka lo ngaihtuah tawh hle che asin, Chhunchaw ei nghal i tum tih i sawi silova," alo ti bawrh bawrh mai a."Ka tum thut mai mai alawm," a tih chuan Remy chuan a nu chu an chaw ei dun thu alo hrilh mai ang em tih a han ngaihtuah zawk a."Remy biak ka tum a,a office a i kal takin ka ti a,mahse Sylvie in a lenchhuah thu min lo hrilh si a," Anita chuan alo ti leh a.Sylvie in alo hre lo chu a lawm hle mai a, Remy dawrtu emaw alo ti ani ngei ang."Thlanmualah chuan i kal ta em? A nuam i ti ve hle lo maw? Ka pa hian a tlawh ngun țhin teh asin," a ti zui bawrh bawrh a."Kei pawh ka va țhu reng alawm," Megan chuan a lo ti let ve sap a."Chuti maw?" tiin Anita chuan a banah alo kuah a,hotel lamah chuan a hruai ta nghal a. Megan hmel chu chik zet hian a han en a, "I chauh hmel hle mai,i hah lutuk ani lo maw?" a lo ti leh thuai a."Hah lo ve," tiin Megan chu alo sa pap pap a, "Ni a sa lutuk a,zanriah ei hma in reilote chawl ila a țha ang," a lo ti ve vat a."Ka pa tlawh i phur vak lo em ni? A lam a lam che asin. Khawpuiah i kal tih ka hrilh a,a ngawi thei chauh ani," Anita chuan alo ti leh a.Megan chu alo rum hak mai a, "Engvanginnge ka phur lohvang? Ka va kalna chanchin te ka hrilh anga a lawm dawn em asin," a ti ta nge nge a."Ka va lawm em," tiin Anita chuan a ban chu a hmer sak vang vang a,Megan chu a kalchhuak zui ta nghal a. Tlailam darthum a ri tawh nangin ni ala sa hle a,a lukhum parh hlai tak chuan nisa laka a hmai achhan țha hle chu a lawm ngang mai a.Ryan a chenna hmun chu a thleng thuai a,nurse chuan alo lawm hle a,a awmchhung chu alo hahdam ve thei țhin a,chu chu alo thlahlel ve țhin hle niin a lang.Ryan chu a muhil a ang hle a,mahse a muhil lo tih Megan chuan a hre thova. A natna avang chuan muhil ve zeuh zeuh mahse a muhil tam ngai lo hle tih alo hrilh tawh tlat ani.Megan in a khum a va hnaih chuaj a hnara a thawk țanpui tura an thil vuah chu alo phelh a, "I lo kir leh tawh ani maw?" alo ti hram hram a. A thaw chu a hah hmel hle mai a,mahse Megan chuan ngaiah a neih ve tawhin a en thiam ve hle tawh a."Enge i lo an le?" tiin khum bula țhutthlengah chuan a han țhu a."A ngai reng ka ni mai. I leng chhuak chu nuam i va ti em? Thlanmual a kal i tum tih Anita in a sawi a," a rawn ti leh hram hram a."Ni e,ka kal alawm. A nuam ka ti hle asin, ka hahdam huai huai mai a," tiin Megan chuan a ban cher zet chu a lo en sak vang vang a."A lawmawm anih chu," tiin alo țhen deuh sawk sawk a, "Ka kal thlen theih lai kha chuan Laura bulah ka hun ka va hmang țhin a," alo ti leh a.Megan chu alo khap fak fak mai a, "A ngai hle che in ka ring asin.....! Oh, a duhna lai takah i zalh ngeiin ka ring ani,a lung a awi ngei ang," a han ti let leh hram hram a."Chu chu i ring amaw? Chutianga min thlamuan avang chuan ka lawm hle mai,Meggie," tiin Megan kut chu a rawn vawnsak a, "Chuti chu min ngaidam tawh tihna em ni?" a rawn ti thawp ta sat mai a.Megan chuan thawk a han la vang vang a,chu putar kut cher zet chu alo chul hauh hauh a, "Rilru diklo engmah ka pu hleinem," alo ti nem diai a."Ka lawm e. Min tilawm hle ani,Meggie. Remy pawhin min huatna engmah i neilo tih a sawi alawm," a lo ti leh hrawih hrawih a.Remy an maw? Remy chu ngaihtuah loh hram hram a tum a ni si a. Kha thil ah khan engmah thiamloh a nei lova,Remy khan a fawp mai a ni."Ka tupa hi i ngaina tiraw Meggie,i ngaina em?" Putar chuan a lo ti leh țalh a."Ka țhian.....ka țhian a ni țhin alawm," tiin a hmui a han liak huh zauh a, "I chau tawh em?" alo ti ta thuai a."Ka tuar thei alawm. Remy i ngaihdan hi hriat ka duh ani,han sawi teh le. Anu hian a chhuang teh a nia,""I chhuang velo em ni? Megan chuan alo ti let thuai a."Ka chhuang alawm. Remy hi chu a tum leh nihna ah hian a chiang a,hotel pawh hi a la enkawl tho tho dawn ani tih a inhrechiang hle a ni. Engkimah a rilru hi a puitling thlap mai a," alo ti mial mial a."Ka kalsan tawh ang che chu?" Megan in alo tih chuan putar chuan alo vuan nghet sauh sauh thung a."A hrilh tawh che em le,apa chanchin a hrilh tawh che em,ala hrilh lo che anih chuan a hrilh ngei tur che asin," khuh bawrh bawrh hian alo ti leh a."Eng maw min hrilh ang?" tiin Megan chu alo hawi hi nasa mai a."Ipa khan a hrilh lo che amaw? Engvanga hrilh lo che nge anih le? Min hmuhsit phah tehlul nen," Putar chuan alo ti leh hram a."Mr Robards...."Ryan ti rawh,""Ryan, i thusawi awmzia hi ka hre reng reng lo ania," Megan chuan alo ti ha mai a."Ni e, ilo hre hauh lo alo nih hi," tiin a khuh bawrh bawrh mai a,a khum bula puan nem chu banin Megan kut a vawnna chu a thlah ta nge nge a, "Hun dangah kan sawi dun mai dawn nia aw,Meggie," thaw hlawp hlawp hian a rawn ti a."Tehlul mai,"Ryan chu a mu țha leh ta a,Megan pawh chu a chhuak ve ta nghal a. An inhmuh leh hunah chuan putar chuan an thusawi chu a theihnghilh a beisei hle a,a cancer natna vei damdawi chuan a ti haihawt hle tawh reng reng bawk a.Hotel lam chu muangchangin a pan a,Ryan chuan eng thu tak sawi tum ang maw? Remy lo chawrchhuahna chuan a tan enge awmzia a neih ang le? Remy chu țha tiin duh hle mahse an inkawp zui dawn tihna pawh a nilova,a hriat bak chu engmah hriat belh a duh tawh lo ani.Hotel chu athleng a,a pindan pan tur chuan inkhaichhohna ah chuan a lut nghal a,bamg vawt thlar chu nghengin a thaw hla hla mai a. Remy kha lo fawp letin a taksa in a duh ang kha lo zawm ta zel chu nisela Anita leh putar chu a hmachhawn ngam tawh hauh lovang le!A pindan a thlen chuan a inphelh sawk sawk a,bualin lam a pan nghal a. Tuivawt taka a inphuh tir sang sang chuan a chhungril thleng chuan dai sawng sawngin a inhre hial a.Mahse a inbualna tuivawt tak pawh chuan Remy a ngaihtuahna chu a tibo chuang hauh lova. Kha thil,thil diklo leh thleng lo tur, mahse a hnar phal hauh si lo kha....Remy kutin a taksa a chul sak han han leh a hnute hmur lo pawng alh a rawn chulsak lai te kha.....!A han thaw ham ham a, Remy fawhna rilțam tak te kha, fawh let phut em em a a rawn ngen dan te kha.....! Megan chu khur dar dar chungin bualin bang ngheng chuan a ding a, a maimitchhing chial mai a.Kha thil kha a thleng tur anilo asin! Remy office chang nilo, a chennna hmunah ngat phei chuan a kal tur anilo hulhual ani si a. Remy sawmna kha engvanga lo hnial mai lo nge a nih le? Hotel lam pana haw leh mai tur kha ani si a.A zak thar ta riau mai a,Remy tan pawh alo beisei awm em alo ni. A inbual ta thuai thuai a, Remy an alo hrechiang lutuk chu a pawi em ani. Tlangval hmelțha tak tak te chu a kawmin an beisei ve fova,mahse Remy anga a taksa nghawng danglam thei ala tawng ngai tlat lo a ni.Megan chu a han thaw rang sauhva,a rawn fawh paha a mipatna in a kap zawn a rawn nawk laia alo insum zawhloh teuh zia kha! Remy laka tlawm chu a awlsam hle dawn a ni, thil lo thleng zel tur ngaihtuah zui hauh lova thlemna duhawm taka chim pila awm kha a har dawn lo hle bawk a. Mipa mawina leh itna a neih vawikhatna ani hiak ani. Remy chu a duhin a it ve tak zet a,a ngaihtuah ringawt pawhin a mur chiai chiai thei hial a.Khatiang khawpa mutpui a chak mipa laka a insum thei si kha lawmman hmu tlak niin a inhre hial a. Vai ruai chungin Port Serrat kha a tlanchhuahsan ta anih kha! Remy pawh khan a kaltir ve ta mai bawk a, engvanga kaltir ve mai nge a nih le?Zanriah ei alo hun chuan Remy lo kal ve a hlauthawng em em mai a. Anita chenna a thlen thlak a Anita chauh a hmuh chuan a thaw huai mai a. Anita chuan bill chi hrang hrang hi alo inchhawp hnawk nuaih a, Megan lut lai a lo hmuh chuan a thil buaipui lai chu alo dahthla thuai thuai a."Enge i an le?" Anita chuan alo ti var a."Ka țha alawm, ka lawm e," Nichin ah kha chuan a țhat leh țhat loh kha a ngaihsak hmel hauh silova, Anita awmdan chu mak a ti deuh hle mai a."A țhat chu, ka pa bulah khan i awm rei em?" tiin thildang daih ngaihtuah hmel a pu a."Reilote," tiin vurtlang leh tuisik chu a pawlh a, "Thlanmual ka tlawh kha a lawm hmel hle asin," a han ti zui a."A lawm ngei ang,a thil hriat chak ber i sawi anih chu,kal a chak dawn em asin," Anita chuan alo ti mawlh mawlh mai a."Ani ngei ang," tiin Megan chuan a tuino chu a han lek kang a."Inu chanchin alo sawi leh em?"Anita chuan engkim hriat vek a duh niin a lang. Ryan bula a kal apiangin thil a zawt chik em em zel a, "Ngaidam turin min duh ani, a rilruah ka ngaihdamna mamawhin a inhre tlat a,kan inrem ta nia hriatna ka nei hial asin," alo ti ve mai a."A lawmawm nasa anih chu! Chuvanga hmuh che duh pawh ani ngei ang," Anita chuan alo ti leh vat a."Remy rindan pawh ania lawm," Megan chuan alo ti ta hram a. Anita chu alo meng zau kawk a."Ani maw? Engmah lo hrilh ve tur che ah ka ngai lo asin. Ka lo bia ange," a ti ta a."Oh,nilo....enteh,ka hriat a ring tho tho niin a lang tlat ani. Nang pawhin a pu damloh dan a hriat i rin bik miah loh kha," Megan chuan alo ti thuai a."Ka pa hnenah chuan Remy thusawi chu i sawi em lovang chu.....""Oh,sawi love. Remy chanchin kan sawi ngai lem lo ani," Megan chuan alo ti dam thlap a."Mahse sawi chu in sawi tawh ngei a tiraw?" tiin Anita chu alo meng thim sar a."Kan sawi zeuh ngei alawm," Megan chuan hreh zet hian a lo ti a."Eng kawng hawiin nge in sawi a? Hotel chungchang ah em ni?""Hotel chungchang a? Hotel chanchin hi kan sawi ngai lo reng reng,""Remy hian hotel hi enkawl se tih a sawi lovem ni?" Remy an hotel a ngaihsak lo hi a ohun nawi nasa thei hle alawm," Anita chuan alo ti leh a."Enge kan zanriah tur le?" Megan chuan a ti ta daih a. Anita lah chuan alo la en kal mai a."Remy hian ama duhthlanna anga awm tir mai mai turin alo rawn chu ani lo maw? Nichin lawka ka va kan khan a lo za ruai mai a,chutiangin a hma in a awmlo tih nurse in min hrilh si a," Anita chuan alo ti leh ta tlat a."Enteh,chutiang thil.....""Engmah i tih phei chu ka ring lova,mahse Remy chungchang i sawi chuan....""Remy chungchang kan sawi reng reng lo," Megan chuan alo ti ta charh a."Enge in sawi a?""Thu ho mai mai mawle,""Enge a sawi reng reng a?""Tu in maw? Remy an maw?" Megan chuan alo ti he haw mai a."Ni lo ve,ka pa chuan ka fapa chungchang chu enganginnge a sawi?" Anita chuan alo ti leh țalh a."I pa chuan Remy an apa chanchin min hrilh leh hrilh loh min zawt alawm," Megan chuan alo ti ve ta nghat mai a. Anita dilchhut em em chu mak a ti hle mai a, "Engvanga min zawt nge anih phei chu ka hre hauh lova,ka tana hriat a țulna lah ka hre hek lo," a ti leh ta kher a."Ni e,a țul hauhlo reng ani,"Anita chuan engemaw tak vei zawng a nei ani ngat mai. A pa chuan mikhual hnena an chhungkaw chanchin sawi angah a ngai ani ngei ang!"Awle, Remy hian apa chanchin min hrilh hauh lo alawm,kan ti ti tam lo hle a ni," alo ti ve leh hram a. "I tan sawi a nawm dawn loh ang bawkin a sawi chak lo ani ang,""Remy pa chanchin sawi chu enge nuamlo ka tih nachhan tur awm? Enge ka pa chuan ala sawi?" Anita chuan a ti leh ta tlat mai a."Engmah a sawi lo. A sawi chin ka hrilh che kha ka inchhir hle mai," tiin Megan chu alo thaw halh mai a."Anih leh ipa tal khan ka chanchin a hrilh țhin che em?" Anita chuan alo ti leh țang țang a."Sawilo. Kanu nena an ințhen hnu khan in chhungkaw chanchin hi kan sawi ngai ta reng reng lo ani.""Tak tak maw?""Tak tak ni e,i chanchin kal tawh chu engpawh nise, ka hriat ve a ngai lovang," Megan chuan alo ti let ve hmiah bawk a."Ka chanchin kal tawh maw?" Anita chuan alo ti hraih mai a, "Engmah i hrethiam lo ani maw? I pa in engmah sawilo mahse thudik chu i hriat tho ka ring asin," tiin tirhkah lo kal chu a lo vai kiang nghal a, "Ipa chuan ka nu chanchin pawh a hrilh miahlo che tihna a niang chu maw?" tiin Megan bawk chu a han en leh a."I nu chanchin maw? Engvanginnge min hrilh ngawt ang?" Megan chuan alo ti h mai a."A chhan chu maw, kapa hian San Felipe lam a pan nachhan hi ka nu vang ani tlat ani. Kanu hi mihang ani alawm, Megan. Sangkhat zakua sawmnga velah kha chuan tunlai anga inneih pawlh hi an la ching lo em ani," Anita chuan a ti ta a.Chapter -9Megan chuan mak a ti em em mai a,sawi tur reng reng a hre lova. Chi inthliarna nasat hun laia Ryan an mihang nula a hmangaih tlat chu thilmak chu a niin a ngai chuang lova,a hrehawm hle erawh chu a ring ringawt mai ani."Mak i ti hle mai tiraw? Kha vang kha ania, ipa khan kan nufa hi hnawk min tih riau țhin ni," Anita chuan alo ti zui lehnghal a."Mahse i vun a hang hleinem,ka.....""Ka vun ngo hi maw? San Felipe a awm ve ngam tur khawpa ngo ka ni ve miau alawm," tiin Anita chuan tukverh puanzar phe hlap hlap chu a en reng a."Mahse Anita, chutiang thu chu ka lo hre ngai reng reng hleinem, rin ngaihna pawh ka lo hre lo asin," Megan chuan alo ti vang vang a."Hre lovang. Nang leh Remy pa hian in lo hre lo ani. Mihang fanu ka ni tih a hriat chhuah chuan helai hmun chhuahsan hi a duh nghal ut ut mai a,thlawhna thlawk chhuak hmasa berah New York a pan ta daih reng ani," Anita chu a nui hak hak a."Remy nen chuan a thlahthlam ta che u amaw?""Thlahthlam chiah love,helai a chhuahsan chuan nau ka pai ani tih a la hre lo alawm. Mahse a hriathnu chuan a nu leh pa te hmu tura min hruai a tum a,zirlai mai ala niin nipui chawlh laia rawn inhlawh ve mai ala nia," Anita chuan alo ti dap dap a."Oh,Anita. A va pawi vele aw,sawitur reng reng ka hre lo mai. I hmangaih em? A kalbo san che chuan i tuar nasa em le?" Megan chuan a ti ta mawlh mawlh a."Ka tuar chhuak thei alawm. Ka pa hian min puiin min hnem thiam hle bawk a,Remy alo pian phei kha chuan khawvela hmeichhe vannei ber niin ka inhre nghe nghe asin. Ka fapa hi ka hmangaih ani,Megan. Ka hmangaih em avangin ka chunga thil thleng ang kha a chunga a thlen ve hi ka phal lo a ni," a ti a."A thleng hauh lovang," Megan chuan alo ti thuai a."Chuvang chu alawm,College a zawha San Felipe a alo kir leh pawh ka lawm em em ni. Tunah phei chuan Rachel nen an inkawp lehnghal a,rilru hahna tur ka neilo ani tawh ber mai. Rachel te chhungkua hi....awle thliarkara cheng dangte ang bawkin......thlahpawlh an ni ve thova. Fa, mihang an neih palh hlauh pawhin ama lam chauh ani dawn tlat lo ani," Anita chuan a lo ti leh dap dap a.Megan chuan alu alo bu nghat nghat a. Anita țawngkamah chuan amah chu a hmer tel nia hriatna a nei tel bawk a. Anita chuan a fapa nena an inkar boruak țang ru zet chu alo hre thei em ni ang le? Ryan pawh hi chuvang chu emni Remy pa chanchin a hriat leh hriat loh a zawh loh?"Tichuan, Megan,kan thuruk chu i hre ta ngei mai a,kan chunga i rilru putdan a danglam loh hram ka beisei," Anita chuan a rawn ti leh t ngei mai a."Anita,in nihna avanga kapa in alo hmusit țhin che anih chuan ka zak ngawt mai. Africa rama rawngbawla awm reng ani a,engvanga hmusit che nge a nih le?" alo ti zawi riai mai a."A pawimawh tawh hleinem,Megan,""Ka ngai pawimawh hle ani,""Awle....ipa tan kha chuan a kohhrana an rawn inrawlh buai loh chuan a țha ani mai a. Africa a a hruai duh ngailoh nachhan che u pawh kha mihang ho in ngainat ahlauh vang ani mahna le! Ka pa leh inu an inkawp tak tlat ah phei kha chuan a la nhle a ni,""Mahse engmah min hrilh ngai silova?""A thiltih țhat chhun a ni hial ang chu. Theihnghilh tawh ang,Megan. Thil kal tawh vek ania,engmah tihdanglam theih ani tawh hleinem," tiin a nui ta var var a, "Țhian kan ni tho alawm,ipa rilru chu engpawh ni sela tiraw?" a ti ta a.Hotel hnathawk chu alo lang leh a, "Awle,Jules,chaw chu kan lo ei tawh ange. Tin, Michel hnenah khan O' Brien alo thlen hunah min rawn hriattir turin lo hrilh rawh aw," alo ti ta a."Doctor lo kal nan chuan a tlai tawh hle lo maw," Megan chuan a lo ti ha mai a."Kapa leh Doc hi an inkawm ngeih țhin hle asin. Vawiin tlaiah khan kapa in ko turin min ti alawm. Ka sawi tawh ang khan i kal hnu khan a phe deuh sek mai a,doctor lo kal sela,a ziaawm mai ka ring," Anita chuan alo ti leh a."Anih tak chu."Putar khan an inhmuh leh huna Remy chanchin sawi kha a tum ani a,eng tak sawi ang maw?Coffee an indun lai chuan Jules chuan doctor alo thlen thu a rawn sawi ta a. Anita chuan ngaihdam dilin Megan chu a han en a, "Kapa chu ngaihtuah reng reng suh,alan dan ai sawn a hnuk a fei ania," a ti a, a nui var var a.Megan chuan putar chu a chau hle tih a hre thova. Anita hlim hmelte chu alo awt hle zawk a. Remy nena an inkar boruak țang zet khan a tihbuai ruk tlat avangin a sawipui ve hleithei tlat lova. Coffee a inzawh chuan hotel tuallaia marble phah duai chungah chuan akal dalh dalh a, helai hmunah hian karkhat awrh a cham chu ani a,thilthleng a tam tawh hle ani.Remy kha a kalsan lai khan apu chungchang a hriat avanga kalsanah alo ngai angem le? Remy biak chu a duh ta hle mai a. Anu in a hrilh hma chuan a pu chu mihang ani tih a hriat bik loh thua hrilh ngei tur ani ang. Remy hriatthiamna chu a mamawh nachhan a hriatloh hle laiin hrilh ngei chu a duh lawi si a.Hotel pindan zauvah chuan phone engemaw zat a awm a,hotel phone dahna pakhat lam chu a pan a,hotel phone enkawltu chu bia in Jeremy Robards a phone number chu a zawt ta a.Phone chu chhangtu a awm lawk lova, chutah a nghah fe hnu chuan hmeichhe aw hian thinur awka zet hian, "Enge ni?" a rawn ti ta a. Rachel ani ngei mai, Megan chu a ngawi ta vang vang mai a, "Remy tumah an nilo," a tih ri chu a hre zui leh ta a.Muangchangin phone chu a dah riai riai a, Rachel chu Remy bula awm tura ngaih chu ani alawm,a â hle a ni,phone awmna ațang chuan a kalsawn ta nghal a.***********Remy chu muhil thei lovin a tal a tal mai a.Zinglam darhnih a ri tawh a, chhin khat pawh ala chhing lo chu a ni si a. Helaia Megan lo kal ațang khan muthilh lamah harsatna a nei ta tlat a ni, Rachel riah chak chung chung a haw tir ta chu a inchhir tawh hle mai a.Mahse engtinnge a tih chuan ang? Mutpui a hmangaihna chenpui chu a phur hlawl silova,a ti muhil thei lovanga, an inkar a buai tulh tulh dawn ani.Rachel hmangaihna chenpui chakna chu anei tawh tlat lo ani. An tleirawl chhuah phat ațangin an inkawp a,College ațanga alo kir hnu pawhin an inkawp zui zel a,an inkara inhip tawnna chu ama lamah chuan a awmlo tluk ania,Megan i alo lan chinah phei chuan Rachel in a beisei vel chu a ning dawn dawn hial ta mai a, inthup pawh harsa a ti lek lek hial ani.A han inlet leh thawk a,a muthilhna tibuai fo tu chu a hmuh leh a ngai ani. El Serrat a a kal a țul reng reng a, a pu in a ko a ni. Apu chuan ala ko ngai reng reng silova,enge lo sawi a tum ang le? Hotel a tlawh lohna pawh karkhat lai ani tawh a,anu pawhin mak alo ti tawh ngei ang. Megan i hmuh a hreh em avangin tlawh lohna chhan tur a insiam chawp zel a ni si a.A thova, choka lam panin intur a dap ta nge nge a. Engpawh tise Megan chu a theihnghilh thei tlat lo ani, hmuh a hreh rualin a chak em em bawk si a.Zinglam a amah dawrtute hmuh a țul avangin chawhnu lama a pu hmuh chu a tum a ni a,tlem tal mut a mamawh ani. Rorelna lama a kal pawh a țul thut thei bawk a,khum lam bawk chu a pan leh ta a.Khawvar dawn ruaiah chuan alo chhing ve sek ani ngei ang,a sana kam chuan a tih harh rual rual chuan a zuang thova,bualin lam a pan nghal thuai a.Rorelna hmuna kal chu alo ngai ta nge nge a,a office a a kir leh meuh chuan chawhnu darhnih alo ri ta der mai a. An hnathawh a an hlawhtlin avang chuan an lungawi tlang hle in a ruaitute pawh an lawm hle nghe nghe a."Thuthawn lo thleng a tam hle mai a, inu in a rawn phone deuh reng bawk che a,chhunchaw ei turin alo beisei che niawm tak ani," Sylvie chuan alo ti nghal mawlh mawlh a."Ka tum ang ka ti chauh anih kha mawle," tiin Sylvie lehkha lo dah chu a han en a, "Heng ho hi chuan an la nghak thei alawm,Sylvie. Mahse a pawimawh zual pahnih khat hi chu bia la,naktukah ka hmuh theih tur thu hrilh mai rawh aw," a han ti a."Awle,mahse i hah hmel hle mai. Hetiang renga i phar buai chuan maw,kum sawmthum i tlin hmain a tar mai ang asin," Sylvie chuan alo ti a."Ka mu hma thei khawp asin," alo ti tawi tak mai a."Chuti chu, De Vries nula chu en mai aiin thahrui a ngah anih dawn chu," tia a kut phar chungin ama office lam chu a pan ta daih a.El Serrat lam pana a inkhalh chhuak chu a in ngaihtuah nasa hle a. Rachel nen chuan an inhnial ve zeuh zeuh a,a bak chu engmah harsatna a nei ngailo,mut hmuhloh phah nan phei chuan ala hmang ngai reng reng lova,alo ngaizawng tak tak ngailo em ni le,an inkar chu zau sawt hle hiam a hre tlat tawh a.Hotel mikhual te hmuhlohna lamah chuan a car chu a dah a,khualchhawn hovin an lo chibaina chu chhang letin a pen pawk pawk a. A nu chu a va hmu ta thuai a,anu chuan mikhual te harsatna a ngaihven peih em avanga an hotel chu lun reng niin a hre hial a.Remy alo hmuh chuan a lu a bu nghat a. Khualchhawn ho kuta mi harsatna dah chi an ni lova,an chinfel sak hma chu an mikhualte harsatna chu an buaipui char char țhin tlat ani."Harsatna i nei em ni?" tiin a nu pindan lam pan pah chuan a han ti a."Thil alo hre fuh lo deuh ani. Nimin tlaiah a chaw chah ang an lo pe lo ani awm a,a sawisel chuan an lo hresual ani tih an lo hrilh ani awm e. Lordace ka biak thuai a ngai ani,tunge alo dawngsawngtu a hre ngei ang, thil tihsual nawn leh a awm tur anilo," Anita chuan a ti bawrh bawrh mai a. Chutah lungawilo hmelpu fe hian a fapa chu a han en a, "I rawn tlai lutuk, darkhatah chhunchaw ka ei țhin tih i hre reng ani lawm ni? I rawn ei tawh nge ila ei lo?" a han ti a.Remy chuan Beer dahvawh chu a la a, a in khawlh khawlh mai a,a nu in chhunchaw alo ei tawh chu a lawm hle mai a, "Engmah ka lo eilo,mahse pawiti suh,ka ril a țam hleinem. Rorelna ațangin ka lo chhuak fel chiah a ni," a lo ti a."Darthum a ri tawh anih hi, Remy, i ril a țam ngei ngei ang. Ei leh in hunbi vawng țha rawh ka tih fo che hi. Rachel nena in awmdun hunah a enkawl țhat deuh che ka beisei," tiin huan lam chu a thlir vang vang a.A nu chu a chhang buai duh ting lova,a nu chuan nupui fanau nei thuai thuai turin a duh hle tawh tih chu a hre tho alawm le."I pu chu a muhil rih a,pawnah hian i țhu ang hmiang,kan inkawm khat hle mai," anu bawk chuan a rawn ti leh a.Remy chuan a beer inlai chu kengin anu țhutna lam chu a pan ve ta a. Tuipui a lawngleng tawlh zal zal te chu a thlir vang vang a."Kartluanin enge i tih le? Ipu rawn tlawhna hun pawh i neilo chu awih harsa ka ti ngawt mai. Ipu hi a thi mek zel anih hi,Remy, i theihnghilh ta em ni?" Anu chuan alo ti ngal ngal a."Theihnghilh lo ve. Enteh,kanu, i hriat angin ka hnaah hian ka buai ve tawk em ani," alo ti var a."Ipu laka i tihtur i țhulh tur anilo. Tuna i hna i thawh theihna tur pawh hian ama puihna chauh che a hlawhtling inih hi, i hun tlemte i pek fo chu a phu i ti ve hle lo maw?" anu chuan a ti hmak a."Helai lo kal chhung leh haw chhung hunte chhut ve ta che," a han tih chuan a chhuanlam mai mai a ni tih a han hrechhuak zawk a, "Awle, lo kal zin deuh ka rawn tum tawh ange," a ti leh ta zawk a."Ka lawm e. Office ațangin ilo kaltlang ani si a,a pawi ka ti ngawt mai,ka fapa. Lo hauh che ka tum lo asin,mahse ipu awmdan hian min tibuai em ani," a ti zawi ta raih a."Min hmuh a duh hle em ni?"Anu chuan alu alo thing nar nar a, "Hmuh che chu a duh ngei alawm. Mahse tunkar chhung zawng khan Doc O' Brien min kohtir sek mai a, min tibuai rilru hle mai," alo ti leh nai nai a."Engatinge? A tlahniam deuh em ni?" Remy chuan alo ti thuai a."Chutiang vang pawh a ni lo," tiin anu chu a sen ap ap mai a, "Tunlai phei chu a harh țha riau lehnghal a," alo ti a."A țhat nasat chu,ani lawm ni?""Thil lawmawm tak ani alawm. Mahse Michel hi a buai hle ani. Megan i awm lo phei se chuan kan buai hle dawn ani.""Megan maw? Megan chuan enge a tih ve a?" Remy chuan beer inkhalh pah chuan alo ti a."Min pui alawm. Office vela thil lo ziak fel turin ipu in a duh tlat si a.""Office ah a?""I pu hnenah chuan damkawr ani a,chawlh hahdam a mamawh tih ka hrilh alawm,mahse hna a tam em a ni. Phoebe a damlo a,Tina lahin pasal alo nei bawk si nen...""Anih tak chu," Megan chuan alo ngaihtuah ve hauh lo anih dawn chu,alo buai thei lutuk anga, a piang ve ani tih pawh a rawn hre chang lo ani ngei ang."Megan pawhin ilo kal khat lutuk hi mak a ti ngei ngei ang. Tlailamah chuan Rachel nena in inkawm țhin thu chu ka hrilh ngei mai a,bakah,a tlangvalpa khan nitin a rawn be țhin bawk a,a ngaihtuah lutuk lo che niin a lang," anu chuan a ti ta zung zung a."Simon a maw?" Remy chu a insangmar nghal țeuh mai a."Aw,ni e. Sumdawnna thilah a rawn bia niin a sawi țhin tak nangin ka awih lo deuh tlat ani," a ti a."Engati maw?""Engahnge ka awih ang? Remy, he tlangval hian Megan hi a hmangaih a ni ngei mai,hmangaih lo se engvangin nge a rawn ngaihtuah em em ang ni?" tiin a fapa chu a han melh kawk a."Mahse Megan hian a hmangaih ve angem le?" Remy chuan alo ti thawp sat mai a. Anu chuan a han en vang vang a, "Simon a lak ațanga talchhuah a duh avanga lo kal remti ta mai pawh ani mahna le,i ngaihtuah ve chhin reng reng em?" tiin a nu chu a han zawt a."Lo ngaihtuah buai lo ila a țha zawkin ka ring ani. Kan lo sawi ve tur a awm hauh lo, Remy. Karleh lawkah Megan chu a haw mai anga,helai chu alo kal leh tawh ngai lovang," alo ti chang fak ta mai a."Engati maw?""Engmaw i sawi?""Engvanginnge Megan chu alo kal leh tawh lohvang," Chhungkua a insiam thar leh tura sawm i ni a,kalbo se lawm hle tur niawm fahranin i țawng leh si a?" alo ti charh charh a."Awle,haw sela ka thaw a veng huai mahna le! Hmuh leh kha ka chak em em a,mahse ka beisei angin thil a kal ta tlat lo ani. I pu hian a ngaina leh lutuk a,bakah amah Megan hi a hlimlo riauva hriatna ka nei ani," anu chuan nuamti vak lo hmelpu hian a lo ti duah a."Engatinge ni le?""Ka hre bik lo. Amaha awm hi nuam a ti riau a,kar hmasa pawh khan Port Serrat ah amahin a kal alawm,kalpui ka tum pawhin a duh lova. Enteh,a rawn zawn che kha ka lo hlau deuh hlek asin," tiin a nu chuan a dar alo san zauhva."Min rawn zawng anga maw? Engvanga chutiang rindan chu nei nge inih a?" makti hmel zet hian alo ti a."Awle....kei aiin a be thiam tlat che ani. Rachel i rawn hruai zan pawh khan a ngawi reng nangin nangmah ringawt kha a en che a,kan chaw ei chhung zawng khan," tiin a nu chu alo thaw halh a.Remy kut chu a thlan dap dap mai a, "I ngaihbel mai mai anih chu," alo ti satliah mai a. Port Serrat a an inhmuh thu chu Megan chuan anu chu alo hrilh duh lo alo ni."A nilo asin,Remy. Hun remchang pe in beisei awmin han awm zauh la chuan akawp hreh hauh lovang che. Mahse hei hi hre reng rawh,a pa fanu anih hi," anu chuan alo ti hmak mai a."Enge i sawi awmzia?""Thil awmdan hi ka hrilh vek alawm. Ipa chanchin te,i pi chanchin te pawh. I pu in ipa chanchin hrilh a duh tlat a,ka hrilh ta mai ani."Remy hrawk chu a ro halh mai a, "A nih tak chu," tiin a thova,beer țin ruak chu a va dah ruai ruai a, "Megan chuan engtinnge alo dawnsawn a?" a han ti leh a. Api leh apa chanchin a hriat avanga Port Serrat a kal chu em ni ang? A rawn zawng tak tak em ni ang le?""Mak a ti hle a ni....! Tilang lem lo mahse mak a ti khawp ang. Ka sawi tawh ang khan a pa fanu ani miauva, a kawr vawt raih chhungah hian eng rilru nge a put a hriat theih silova," anu chuan alo ti leh mai a.Remy chu a han thaw huai a, "Chung thil chuan a tibuaiin i hria em ni? Chung thil a hriat avang chuan Port Serrat a kal a duh phah niin i ngai em ni?" alo ti leh a."Thlanmuala kal a duh niin a insawi alawm.""Engtikah nge ka pa chanchin chu a zawh che a? Port Serrat a a kal hmain nge a kal hnuah? tiin a bawp sei zet chu dawhkanah chuan a hlang a."Engatan nge i tih a?" tiin anu chuan alo en hau mai a,Remy awmdan chu a hrethiam niin a lang tlat bawk a, "Port Serrat a a kal tlai khan mawle. Alo haw khan ipu in a ko leh a,ipu in ipa chanchin chu i hnena zawt turin a lo ti ani.""Chutiang chuan Megan chuan a hrilh che amaw?""Ani ber alawm""Enge chu chu a awmzia?""Ipu hian enge alo sawipui ka zawt a. Enteh,thil engemaw sawipui lo sela chuan,ipu kha a buai ruai lo tawp ang," a nu chuan alo ti leh a. "Megan khan a ti chiai a ni ngei ang...."Remy chu alo thaw leh huai a."A reng rengah, kan chanchin hi kan thup pawh a nilova, apa khan alo hrilh ka rin tehlul nen.....! Hrilh lo mahse alo hriat tho ka lo ring a,naupangte in pasal nei lovin ka pawm che tih bak kha alo hre hauh lo alo ni," anu chuan alo ti leh charh charh a."Mak a ti hle amaw?""Mak a ti ngei alawm. I pa chanchin ka hrilh chuan min khawngaihin pawi a ti hle a. Mahse a tih tak tak ka ring lo, i ring ve em?"Megan helaia alo thlen tirh ațanga a rilru tibuai tu ber thil a ni tlat reng ani. Apa khan a pi mihang anih thu chu a hrilh tawh ngei alo ring ve tho va,a laka a awmdan alo thlir ruk reng lai ani si a,engtinnge a ngaih ang le?"Rachel a țha maw?""A țha alawm,a țhat ka ring..ka hmu khat hle ani."Engatinge a?""Ka hmu lo satliah mai mai mawle. Putara chu ka va hmu tawh ange," tiin a tho ta nghal a.Chapter -10Megan chuan niin tui a chhun tlet sar sar chu a thlir reng a,a inher a,mit vai chum chum hian hotel lam chu a pan ta a. A tlai tawh hle a,hotela thil ziah fel tur a tam avangin a leng chhuak hma thei lo ani. Remy nen chuan an insu lo chauh mai a.Remy chu hotela alo kal reng reng a ring lova,anu in a sawi bawk silova,a phu nasa hle mai a."Hi..." Remy an a rawn tih khan a aw ah chuan engemaw riau hi a awmin a mitmeng pawh chu a danglam deuh bawk a,zak hmel erawh chu a pu hauh lova."Hello,ipu i rawn hmu dawn em ni?" alo ti thuai a."Tu dang nge ka rawn hmuh chuan ang?" elsen deuh taka alo tih chuan Megan chuan mak a ti deuh hle a. A haw luih san avang khan ala hua em ni ang? "A lum hle mai," alo tih zawm leh daih a."Ni e,ka lengvel mai mai a," tiin a hmui alo seh nauh nauh a."Megan,nang anga vun no hi chuan nisa hi in ngamlo hle ani lawm ni? Fimkhur deuh ta che," alo ti leh ta ngat a."A dik alawm. I nu nen in lo inhmu tawh ani maw," Megan chuan a ti ve ta thuai a."Hmu e,mahse ka ina ilo kal thu kha chu ka hrilh lo alawm,ilo hrilh lo tih ka hriat rualin ka ka zau zet hi ka chip ve ta mai ani.""Ka lawm e,zep țul em em phei chu nilo mahse sawi kher țul pawh ka ti chuang lova," Megan chuan alo ti ve ta nghat a."Engvanga zep nge i nih? Ka tan nge i tan?" Remy chuan ner nang hian alo ti a."I nu hriatthiam loh zawng tak tur ani tlat ani. Rachel chunga a rilru put dan i hre vek a,i nu nena inhmel mak hi ka duh lo ani. Port Serrat ah khan nangmah rawn hmuh tuma lo kal anga min ngai tur hi ka duh lo ani," tiin mikhual dang vei suau suau chu a han melh ralh a."I duh lo amaw?""Duh lo. I chenna hmunah te khan kallo tawp tur ka ni asin," Megan chuan alo ti leh nghat a."Engvangin maw? Chhunchaw kan eidun ani mai a,ka nu lo hnial theih tur ani em ni?" ngei awm fahran hian alo ti let var a."Enteh, min tih thinur tum i ang hle a.....""Ani maw?""I hriat reng kha! Enteh,i nu hian keini pahnih hi a fala kan awmdun a phal hauh lovang," tiin a lo thle bak a."Engvangin maw?""A phal loh dawn avangin. I hre duh tak tak anih chuan....i nu hian min ring lo ani," tiin Megan chu alo hawisang vah a.Remy hmel chu alo danglam deuh hlek a,tum thing ngheng chuan a ding rem sauh sauh mai a, "Nangmah zawk hian min ringlo ani zawk lo maw?" tiin a inkuangkuah than mai a. A vun rawng sen uk kharh leh a kawr var zet hak chu alang nalh hle lehnghal a, "Min rin tawk loh vanga engmah sawi duh lo i ang hle ani," alo ti zui leh bak a."Sawi tur awm hek lo le," tiin kalpelh mai hi a han tum a. Rang zet hiaj Remy chuan alo vuan chat mai a."Ka tawh che hi i duhloh vang ani mahna le! Giles Cross a fanu kha i ni miauva, ka nu leh kei a chunga a rilru put dan lah kan hre țheuh va," Remy chuan a ti chang ta rat mai a.Megan chuan a bana a dawmna chu alo phih thla lawp a,haw zet hian a han en a, "Chutianga min țawngkhum chu a ngai lo asin. Nangmah hi zak zawk tur chu inih hi. Rachel hian bialpa rinawm lo lutuk a nei ani tih a inhriat ka beisei," a ti ta tawn tawn mai a.Apu pindan chu alum hle a,ama thawpik zawk vang pawh a ni mahna le.Megan thinur pawh kha a awm hle ani. Tih thinur kha a chak hle anih kha.....! A phu tawk a hmu ani mai a,an inkar a tichhe zo ta ani.Mahse Megan a tih thinrimna chuan a duhna leh a itna chu a ti danglam ve chuang hauh silova.Apu chuan lo en reng a,alo che sek bawk a,a khuma țhu tur chuan alo hui vat a."Iva reh vele,tlangval. Ipu hmu hman lo khawpin i buai tih sawi hlek suh,ka awih dawn chuang lo ania," a pu chuan a lo ti a.Remy chuan apu lukham chu ngheng ve in a tie te chu a pawt thawl a, "Hna ka thawk alawm,bakah ka ngaihsak tawk lo deuh reng reng che ani tiraw?" a han ti sauh sauh a."Laura pawh hi i ngaihtuah lo lutuk.....Oh,Meggie ka tihna. He nula hi i ngainat zawng ani tih ka hria alawm,nge kha nula laktlak loh zet kha ila buaipui?" tiin a pu chuan a lo fiam hram hram a.Rachel hnathawk lova inchei a leu vel mai mai chu apu chuan a ngaimawh fo țhin reng ani. Apu chuan hna a thawk rim thei hle a,a nu pawh a thawh tir nasa hle bawk ani. Hmeichhia chuan an mipa te an pui zel turah apu chuan a ngai tlat ani.Megan nu hming a rawn lam zauh chuan Remy ngaih chu a tițha lo hle a. A nu chuan a sawi dik ani! A pu chuan Megan chu a atchilh tlat niin a lang. Anu nena an inan em avang leh a natna avang pawhin a buai zo pawh ani mahna! Megan a haw hunah a pu chu engtinnge a awm ang le? a ti rilru nauh nauh a."Rachel pawh ka hmu khat hle asin. Ka nuin min hmuh duh thu a sawi a,ka hmelțha tak hi ilo hmu chak tawh hrim hrim nge harsatna i nei?" tiin a han nui hawk hawk a.Ryan chu alo thaw huai a, "A hrilh che em! Meggie in nitin min rawn tlawh țhin hi?" a lo ti leh a,a thaw a hah hle mai a."A va ti lawmawm vele.In inkawm ngeih chu ka lawm hle ani," Remy chuan alo ti thuai a, apu kut cher tawh tak chu a chul hauh hauh a."Ka ngaina hle ani,Remy. Helai hmunin a mamawh hmeichhe diktak anih saw. Nunthar, thisen dang nei,ngaihdan hran nei bawk....""Ngawi teh,ngawi teh,kapu. Megan chu helaia cheng ani ve hleinem, London lam a pn leh thuai dawn alawm," tiin apu lam hawi chuan a han nui lui hram hram a."Ka hria alawm, tlangval. Chutiang hrelo khawp tura â ka ni bik hleinem," tiin Remy kut chu a han hmer ngher sauh a. "Mahse a haw duh tawh lo mai thei asin,a tan haw a ngai kher hleinem. Hotel ah pawh hian chanvo a neih vena daltu a awm em ni? A nu in leh lo ani alawm," a han ti leh hram hram a."I ti tak tak lovang tiraw?" Remy chuan alo ti hau mai a."Engvangin nge maw ka tih tak tak loh vang le?""Oh,ka nuin midang telve a remti thei lovang. He hotel tan hian a thawkrim em asin," Remy chuan apu rilru hriat chak zet chuan a han ti a.Apu chuan duat hmel zet hian alo en a, "He hotel hi ka ta ani tih hrilh nawn i ngai lovang tiraw,Bawiha? Ka la thi em hleinem tlangval," alo ti leh duam duam a.Remy chu a lo rum hak a, "Ka hria alawm. Mahse maw ka pu,Cross chhungkua te hian helaia chanvo neih hi an duh lovang," alo la ti țang a."Giles kha chuan a duh lo ngei ang. Khapa kha chuan min haw ngawih ngawih alawm, ami huatna avanga intihlum a ni reng ani. A nupui khan a ngaihdamna dila a hnena let leh turin a beisei reng a,a beisei anga a thlen tak siloh avang khan a nun a beidawng ta ani.""Chu pawh ni sela....""Meggie hi chuan apa chhunna a neilo reng reng ani bawiha. Ka hria alawm, Anita in ipi leh ipa chanchin a hrilh pawhin a pawm thiam hle a ni. Kan han ti ti dun chang phei hi chuan Laura emaw tih chang ka nei fo țhin asin.....! I nu pawhin ka na â tawhah a ngai hial ani.Mahse Meggie ani tih ka hre chiang a,a mamawh pawh ka hria ani.""A mamawh maw?" tiin Remy chu alo meng kawk mai a, "Megan hian engmah mamawh a nei hleinem ka pu. A sumdawnna ah a hlawhtling hle a,a țhian a kawppui pa lah kha.....A tlangval ani mai thei lehnghal a," bung deuh tak hian a lo ti hmak mai a."A tlangval pa ani hauh lo," zawi leh nghet charh hian apu chuan alo ti hmiah thung a. Remy chu alo lawm rilru hle mai a."Engtinnge chutiang thleng thlenga i hriat a?" alo ti leh țang țang a."Ni miau hek lo le. Ka hriatloh i ring em ni? Meggie hi anu ang chiah ni asin,engmah a zep ve țit țet ngai lovang. A nu pawhin a zep ngai lo. A tlangval anilo a tih chuan a nilo ani mai," a ti a.Megan leh apu han ti ti vel tur chu lo ngaihthlak ve te pawh a chak ut ut hial a."Anih tak chu," tiin khum ațang chuan a thova,tukverh lam chu a pan ta a."I awih lo ani maw?" Apu chuan alo ti leh a.Apu aw chu a chau hle tawh ani. Remy chu nui sang hian a inher a,ani lo ngaihtuah ve mai mai te chu enge a pawimawh na le? Apu chu a thi țep tawh ani a, a lungawi nana Megan i hotela chanvo chhete a neih ve a duh chuan enge a pawina awm le? a ti rilru ta a."I sawi anih phawt chuan awihloh ka nei hleinem," tiin a pu chu ava pan leh ta a, "Mahse Megan i lakah hian i beisei ti sang lutuk suh ang che. Hotel enkawl dan kalhmang engmah hriat a nei lo ania," a ti ve ta a."Engmah zirtir a mamawh lo asin. I nu hnenah thil ziakfel tua hmang turin ka ti a,a thiam hle ani tih inu ngeiin min hrilh alawm," tiin a khuh bawrh bawrh a."I rilru hi ka nu in a hria em?""Eng ber chu maw?""Megan hnenah hotela chanvo neihtir ve i tum hi mawle."Ryan chu alo nui hawk a, "Hre nang aw, nang leh kei chauh hi a hretu kan la ni alawm tlangval. Inu chuan a hriatlohna avangin a nat phah hauh lovang," alo ti hmiah mai a.***********Remy chuan hotel lam chu rilru nuamlo zet chuan a pan leh ta a. Ryan a thusawi vang pawh nilovin Megan a tih thinrim vang kha a ni ber zawk a. Megan chuan thinur chung chung pawhin a țul chuan a hmachhawn tho tho a ring tlat bawk a. Apu rilru pawh kha a hre lo ani ngei ang,hria se chuan a nu hnenah a sawi ngei ang chu! Putar chuan a ukil kovin an vaia hriatah ala sawi duh lo ani mai a,an vaiin a bum kual vel vek ani. Apu fing inti hle tur a ngaihtuah chuan a nuih te a za lek lek hial a.Megan chuan hotelah chuan chanvo nei ta se engtinnge a tih ang le? Anu hnena hralh let leh a duh ang nge a sum peipunna atan a dah ve ang le? Helai hmuna chen ngheh chu a tum lo ngei ang a.....!!Anu chu hotel pindan zauvah chuan alo awm a, a puin a kohna chhan chu hriat ngei a duh dawn tih a hmel ațang chuan a lang reng mai a."Engkim a țha vek amaw?" tiin a rawn pan thuai a."A țha alawm. Enge ang tura ilo ngaih a?" tiin Remy chuan pangpar huan mawi zet chu a thlir vang vang a."Ka lo ngaihdan maw? I hria alawm ka ngaihdan. A nunhlui ah a cheng nasa lutuk ani. Megan i puihna ngeiin," tiin a nu chuan a lo melh ralh ralh mai a."Engvanga chutianga Megan chu puh ta mai nge i nih le?""Ipu hi ka hria alawm, Remy,a ngaihtuah pawh ka hria ani. Megan hian a nu chhun turah a dah tlat a,a ni hauh silova. Laura kha chu ka hmangaihin ka ngaina tih nang pawhin i hriat kha! Mahse Megan hi chu khapa fanu kha a ni miauva. Thil a kal thui thei hle ang tih ka lo ngaihtuah pha lova,lo ngaihtuah pha ila chuan Megan helaia lokal turij ka sawm lui hauh lovang. Ipu ngenna pawh nise. Helai hmuna awm ve tur chi hi ani tlat lo," anu chuan alo ti ta tawn tawn a.Remy chuan a pangpar vawn chu alo hmetsawm nawk nawk mai a, "Ka pu nen in ngaihdan a inang lo hle anih chu," alo ti chang fak mai a."A inang lo maw? Enge a awmzia?" a rawn ti nghal sawt sawt a."Engmah ani love,""Ani awm em mai. Thil engemaw sawipui che a nei ani maw? Min han hrilh ve teh,ka hrechhuak tho tho awm si a," tiin a nu chuan rinhlelh hmel zet hian a lo ti leh a."Amah va zawt ve mai la ti nia," a tih rual chuan a ngawi ta mai lo chu a inchhir leh hnuhnawh nghal zat a, "A thiltih hian nang leh kei atan engmah buaina min thlen lovang," alo ti zui leh thuai a."I fiamthu mai mai anih chu. Helaia Megan i awmtir ve na tur remruatna engemaw a siam ani ngei ang, a ni em?" Anu chuan alo ti sawt sawt a."Ka hrelo le.""Ani chiang ang.Megan chu bumna hmanga helaia awmtir ve a tum a ni ngei ngei ang. Engtia tih nge atum le? Nangmah hi a lawmman atan a hmang che anga maw?" Anu chuan alo ti mawlh mawlh a.Remy chu alo phu zawk mai a,anu lah chuan hnehtu chan chang inti fahran hian alo en ran mai si a. "Megan helaia a cham theih nan tawktarhah a hmang dawn che anih chu le....""Kanu! Kapu chuan chutianga tih chu a tum hauh lo asin. Megan chu la cham se chu a duh ngei mai a,mahse kei hi min sawi tel ve hauh lo ve," alo ti chang ve ta fak mai a."Chugi chu enge ni ta ang le? Hotel hi...hotel hi chuan a thlem em lovang chu maw?"Remy chu alo thaw huai a, "Engmah sawi ka peih rih love.....""Hotel chu anih chiah chu le!" tiin a nu hmai chu a dang lawp lawp mai a, "Nilo,nilo,chutiang thil chu ka chungah a ti thei lovang," a ti tlawk tlawk mai a."Enteh,ka nu.....""He hotel tan hian ka theihna zawng zawng ka hmangral a,ka nun pumpui ka lo hmang tawhin.....""Ngawi rih hram teh! Tupawhin i thawh hah zia te chu kan hre vek alawm,kapu pawhin a thawk tho alawm,a bul țan tu ani a,i hria alawm kanu. A hmeichhe hmangaih em em fanu chu chanpual tlemte a pek ve chu enge a pawi em em na awm a?" alo ti vin țhawt mai a.Anu chu a ang chawp chawp mai a,a hmel a țhat tehlul nen le.....! Megan lo chhuak a han hmuh phei chuan a nu chuan lungphu țhalo a neih phah a hlau hial a."Megan i alo kal ania," tiin a nu ban chu a han vuan a,anu lah chuan rang zetin alo phih thlak sak leh lawp a,hnathawk tu ho chenna lam chu a pan ta daih a.Megan chuan a rawn hmu lo ani mai thei,mahse Anita kal dawr dawr chu hmuh hmaih chi a ni tlat lova. Remy zawk chu anu ti thinur tuah ngai niawm fahran hian a rawn melh ngar mai a. Rawn pawh hreh hmel zeta a din vang vang lai chuan Remy chu thawk pawh alo thaw țha ngam lo hial a,chutah Megan chuan a rawn pan ta a."Anita kha engatinge?" tiin nichina an inhnialna kha hre tawh lo niawm tak hian mak ti hmel a rawn pu a."Tunge hria ang?" tiin Remy chuan alo en ngar mai a. Megan chu a hmel a țhain a nalh thlawt tlat ani."A lungawi loh zawngin i țawng pek em ni?" a rawn ti leh ha mai a."Enge ka sawi ang? Ka lak ațanga tlanchhia pawh ani lo mai thei asin," alo ti chang ve fak mai a.Megan chu a dang lawp lawp a, "Enge i sawi awmzia chu?" alo ti a."I hre zawk ang chu," tiin Remy chuan a dar alo san khum zauhva. A ruk tak chuan Megan hrilhhai hmel chu a khawngaih hle mai a.Megan chuan a hmui chu a han liak huh hlap hlap a,Remy chuan it zetin alo en reng mai a, "Engmah inu chunga ka tihsual ka hre love," alo ti ro halh mai a."I nu i ang hle tih chauh lo chu maw?" Remy chuan alo ti salh a, "Engahmah ngai suh,a theihnghilh leh vek mai ang,a dan ve ania," alo tihsan leh ta mai a."Engmaw a theihnghilh ang?"Megan chuan alo en ran mai a,a tumloh thil a sawi a hlauh avangin a sana chu a han bih zauhva."Ka kal a hun tlat tawh mai, dar rukah hian mi hmuh tur ka nei a," a ti ta a."Remy""Enge ni a?""Kan inbiak a ngai ani," Megan chuan alo ti vai riai a."A ngailo,a ngai reng reng lo," tiin kawngka chu a nem hawng a,a chhuak ta nghal a.Chapter -11Megan chuan zanriah ei huna Anita biak chu a tum ran a. Biak chu a chak hauh lo nangin a lungawi lohna hriat a duh ani. Engthilnge thleng tih ngaihtuah reng rengin a buai a ni si a.Zanriah ei alo hun chuan hotel hnathawk chuan Anita chu a lu a nat thu leh chaw a eipui theih loh tur thu te,zinga a hmuh tur thu te a lo hrilh thuai thuai ta mai a. Megan chuan lungawilo zetin Jules a thusawi chu alo pawm mai a,tihngaihna dang awm chuang hek lo le. Anita chuan a hmu duh lo ani ngei mai,va luhchilh a thil awmzia va zawh a duh ut ut a.Hotel tualah chuan a chhuk a,Anita zia chu a danglam hret hret tih pawh a hrethiam ve thova. Putar damlo kan a tum pawhin a muhil a tih loh leh damdawi a lak lai ani tiin chhunlam a siam ta fo bawk a,apa a hmuh chu a phal lo a ang ta hle niin a lang tlat a ni.Eitur an rawn chhawp sakna dawhkan nuam zet lam chu a pan a,a eitui lo ngang mai a. Hotela Anita a puih vena pawh Ryan a ngenna vang ani ngei ang,alo â em a ni. Anita chuan a lakah engemaw hlauhthawn ruk a nei ani ngat mai! Coffee pawh nghak lo chuan a tho ta a. Mipa pakhat bike bula dingin beisei hmel zet hian a lo thlir reng mai a,Megan chuan a tuino chu chawiin huan lam a pan ta daih a.Simon biak a duh hle a,mahse London ah chuan zanlai ani ngei anga,a mutui lai kaihthawh chu a lo lawm dawn der silova, bakah engmah han hrilh em em tur a nei ani lova,biak tur a mamawh chauh ani si a.Anita chuan a pa thi mai tur nena an ințhianna pawh tihchah sak a duh anih si chuan a fapa nena an inbiakna phei chu hria se a thi thei ang chu.....!!Hotel hnunglam huan chu a pan a,hotela midang thleng ve chaw eikham tawh te pawh an lo awm zeuh zeuh va. Car dahna hmun chu athleng ta hlawl a, hotel hnathawk ho leh hotel motor dahna lai ania,motor pawh an ngah hle ani.Motor a va thlen chuan a chahbi alo la invuah vang a,a han hawi kual ruai a,motor dangah chuan chahbi reng reng a awmlo. Mikhual haihawt tuemaw theihnghilh a ni ngei ang! Anita chuan an motor chahbi vawngtu a hrilh ngun hle a ngai dawn anih hi. Tang, tlanchhuahna tur hmu ta ang maiah inngaiin motor ah chuan a lawn ta thuai a."Port Serrat ilo thleng ta e,fimkhur takin motor khalh rawh," tih intar a hmuh hma chuan a pan lam pawh alo hrechang hauh lova. Boruak thianghlim dawn a, thlifim in a chhem heuh heuh chu nuam a ti danglam ve hrim hrim bawk a. Port Serrat chu a thleng chu a ni ta mai a, khawilam nge a pan leh ang le? Lawngchawlhna lam chu a han en a,in lo ding tlar țhap te chu a thlir vang vang a,khualzin tam vanglai ani a,dawr leh inruak a vang hle anga, zana lawnga lengvel pawh an tam hle ang,mahse țhian leh hmelhriat dang a nei hauh silova.Remy a chenna hmun panna kawtthler lam chu a han thlir leh vang vang a,a motor chu chulam kawngah chuan a her ta nghal a. A in panna kawng leh kailawn te chu alo eng pap hlawm a,a awm angem le? Ina a awm chuan Rachel pawh a awm ve ngei ang.Motor chu a ti ding a,a chhuak ta nghal a,Remy bula han kal ringawt chu hreh teh mahse pan tur dang hre miau hek lo le. Anita thinurna chhan hretu chu Remy chauh chu a ni. Rachel chu lo awm mahse hloh tur a nei chuang lova,alo awmlo anih pawhin a țha ani mai a,a kal chhan chu zawh ngei a duh tlat ani.A rilru a thlak leh hma chuan Remy in lam chu a pan ta thuai a,a thaw hlawp hlawp mai a,thing kawngkhar lianpui chu a kik ta karh karh a. Chhangtu an awm tak mai loha avang chuan a han kik nawn leh a,a hmui a pet fan fan mai a.Beidawng zeta kir leh a tum lai chuan kawngka chu a rawn inhawng ta hlawl a, Remy chuan thawmhnaw dang a inbel hauh lova,awmhmun kawr fual ha in kelawngin a rawn en ta reng mai a."Hello" Megan chuan alo ti chhuak hram a, "Rachel a awm ve em ni?" a han ti nghal ringawt a.A.awm ngei ang, Remy pawh thawmhnaw inbel mumal lovin a lo awm ani a, a va tibuai ani ngei ang,kawngka lah a beidawn hnu ah chauh a inhawng lehnghal a."Rachel hmuh i duh deuh em ni?" Remy chuan alo ti let nghat mai a."Ka....nilo....duh love," Megan chu a zak ngang mai a, "A awm ka rin vang mai mai ania. Ka....ka...a awm si a, ka...."Remy hmel chu a nelawm fahran lo hle lehnghal a, "Engtikah maw a awm a? Ilo kal a,alo awm tih chu sawi lo hram teh," alo ti hlur mai a."Ka lo kal hauh lo. Tlai khat kha.....ih....ka rawn phone a," tiin a che sek a, "Rachel in phone alo lak tak khan ka dah leh ta mai a," a ti ta nge nge a.Remy chu alo meng thim ta raih a, "Nangmah ilo ni maw,mak ka ti deuh reng ani," alo ti thawp sat a."Mak ti tawh suh," tiin alo tawlh hnung a, "Ka....ih....ka rawn tibuai che a, a pawi ka ti hle mai. Mangțha mai," tiin a tawlh hnung ta zel a."Ngawi rih teh, Megan. Rachel a awm lova,ilo kalna a hla hle si a,lo lut la a țha lo maw," Remy chuan alo ti ta thuai a."A awm lo maw?"Remy chu alo ner deuh sawk a, "Awmlo. Engvanga awm tur anga ngai tlat nge i nih?" tiin a han in en a, "Oh, anih tak hi, ka lo inbual alawm mawle," a ti ta a."Oh....!"Megan thawveng huai hmel chu alo hmuhhmaih hauh lova,chutah inchhung lam chu a pan ve ta nghal a.Țhutkhawmna pindanah chuan khawnvar nalh deuh hi alo eng pap a,tukverh puanzar chu a inzar phui loh avangin lawngchawlhna chu a lang chiang hle a. A thim raihin eng chi hrang hrang a de chhuak neuh neuh a,a mawi danglam em em reng ani. Remy chuan alo lawm leh lawm loh ngaihtuah lek lovin lawngchawlhna landan ringawt kha alo buaipui a,a kal chhan lah a hrilh der silova."Intur i duh em?" a hnunglam ațang chuan a rawn ti ta nge nge a."Coke a awm leh ka lo in ange""Enge Remy bula a kalchhan chiah kha? Enge a duh chiah? An inhnialna kha inrem leh a duh em ni?""Kha le"Remy chuan coke a thlitsak hnu chuan țhutthleng lam chu a pan a,a țhu ta a. Megan chuan la ding reng chungin coke vawt tui zet chu a in khalh khalh a, "A va tui em,ka lawm e," a ti zawi sap a."Kei pawh ka lawm e,"Remy chu tawh a khirh hle ang le, a kal thlen hma khan a sawi duh te lo ngaihtuah chian hmasak tur anih tehlul nen, in ngaihtuah nan hun a duh avangin chhuanlamah lawngchawlhna lam chu a han en leh a, "Zana a mawi zia saw i hmu em?" a han ti ringawt a."Saw mi en tur sawn em ni ilo kal a?" alo ti ta fak mai reng a."Eng a?""Zana i hmuh duh chuan ilo kal a ngaih tur thu kha chu ka sawi ngei a, chhan dang vanga lo kal inih ka lo ring lova.""I ring lo maw?""Ring lo. Heta ilo kal hi kanu in a hria em?" a lo tihkhum leh ta ngat a."Hre nang aw," alo tih chuan Remy chu alo meng zau kawk a, "Tuman helaia ka lo kal hi an hre lo,kei pawhin lo kal ka tum lawk bik hleinem," alo ti zung zung a."Anih hle tak chu""Inhnial pui tur che a lo kal ka ni lo asin, Remy. Inu phalna la tur pawhin biak phakah a awm tlat lo ani. Enteh, Jules an alu a nat thu a sawi a,ka awih lem hlei lova," alo ti nawk nawk a."Lu na hi chu a nei ve reng reng a," Remy chuan alo ti zui sup a."Inchung ațanga ka lo chhuk veleh ațang khan a luna chu a chhuak anga maw? Remy,nimin maia piang ka nih loh hi. Thil engemaw ka tih vang ani ngei ang.....nge ka tih anga a hriat zawk vang le?" tiin Remy an it zeta alo thlir reng chu a han en chhova, "Min hmuhlohna tur ringawt a zawng ani in ka hria ani tiraw? A dikna chu i hria alawm, enge ka tihsual min hrilh thei em le?" a ti ta mawlh mawlh mai a."A thik che ani mai lo maw?" a rawn tih takah chuan Megan makti chu a ang pham mai a."Min thik anga maw? Engvangin maw?" a ti țial riai mai a."Putar an a ngaina hle che hi mawle,a ngai hle si che a," Remy chuan alo ti zawi leh sap a."Kanu ka chhun vang ringawt hian maw? Ka awih lo tawp mai," tiin a inher a,a țap lo chauh mai a."Ani mahna le," Remy chuan a hnung mai ațang chuan a rawn ti leh sup a, "Putara hian London a kir lo turin a duh che ani mai thei asin," a rawn tih zawm leh takah chuan Megan chu a lo phu deuh zawk a. Remy chuan a rawn din hnaih hle nangin a rawn tawk hauh lova,mahse a rawn hnaihna avang ringawt pawh chuan alo buai ru em em lawi a."I sawi dik lovang, Remy. Ipu hian keini pahnih hi inkawm ngeih se min ti a ni chauh zawkin ka hria," tiin a lo ngheng lo chauh tawh a."Chutiang lo zawngin ngai ta tlat sela....." tiin Remy chuan a sam darh niaih chu alo zut sak dalh dalh a."Londonah ka kir leh dawn tih chu a hre tho alawm," thaw chham lo chauh hian alo ti a. Remy chuan a kut chu ala thla ta nghal a."Simon a vangin maw?" Remy chuan alo ti a."Ni love. Mimal thil vang ni lovin hna vang zawk ani," alo ti thuai a."Hmm...." Remy chuan lungawi hmel zet hian alo ti ham ham a, "Engvanga min rawn phone nge i nih a?" a rawn ti leh ta thut a."Ka hre tawh lo....""Dawt i sawi ngai lo ani lawm ni?" Remy chuan alo ti hluk a."Ka sawi lo.....a pawimawh lo aniang. Biak che ka duh mai mai aniang," a ti nawk nawk a."Eng thilah maw?" hriat ngei a tum niin a lang a,Megan chu alo buai ru hle mai a."Oh....inu thu min hrilh chungchangah mawle.....Ih....inu min hrilh hma kha chuan engmah ka hre lo,ipa.....ipa....""Min duh loh dan te maw?" tiin alo en ngun kher mai a."Anih ka ring. Ka â ngawt asin," tiin a kun ta daih a."Min rawn phone vang chuan maw?" Remy chuan alo ti ha mai a."Aw""Engati maw?""I hre reng""Ka hria maw?""Rachel kha alo awm ve si a""Tichuan?" tiin a kut chuan Megan hmui bul vel chu a rawn rin riak riak a, "I rawn phone hnu lawk khan a haw tih hrilh che ila enge i ngaihdan ni ang le? Keiman phone kha lo la ila ka ti ngawt mai," tiin Megan hmui chu alo tuai sak nauh nauh a.Megan chu alo khur dar dar a, "Engahnge i lo lak loh reng a?" alo ti lai rat mai a."Oh, ka thawmhnaw ka inbel khawtlai vang ani lova, chutiang te a ilo ngai anih chuan....." tiin Megan hmel en ran chung chuan alo ti thawp sat a, "Rachel khan min lo lak khalh mai ani," tiin aw ngaihawm zet hian a ti leh ta sap a."Enge a rawn tih reng reng a?" Megan chuan inti thu deuh tak hian alo ti a.Remy chu alo nui hak a, "Zanriah kan ei dun alawm," tiin Megan ir no leh a nghawng vel chu alo chul sak riak riak zel a, "I chanchin ania kan sawidun," a ti sa sa mai a."Engatinge?" Megan chuan alo ti hul hak a. Remy tawhna chuan a tibuai em em bawk a,a thaw halh halh mai a, "Rachel khan min ngaina lo tih ka hre si a?" a ti tham țiak a."A ngaina che ka ti em ni?" tiin dim te hian Megan chu a han kuai hnaih a, a dar ruak kang lo lang chu alo fawhsak nar nar a, "Rachel hian i chunga ka rilru put dan hi a hria niin a lang," a ti thawp sat mai a."Remy....""Enge ni a? Tawp turin min duh em ni?" tiin hnai fe ah a melh ran mai a,a kut chu a la sawn ta nghal a, "Awle....""Enteh Remy, hei hi ka lo kalchhan a ni lo ania," a ti khur dar dar mai a."A nilo maw? Ani emaw ka ti a," tiin a lo meng thim deuh salh a, a mitmenga a ngenna chu hnar har hle hian Megan chuan alo hria a."Min nuihzat elo?" tiin a ding ran mai a."Keimah leh keimah hi ka in nuihzat ani mahna," tiin a hnaih zual sauhva,a mipatna ruh țul chuan Megan chu a nek ran mai a, "Ka sawi awmzia chu i hrethiam tawh em?" a ti sa sa mai a."Oh, Remy....." tia thaw hak chungin a inher ta nghal a, Remy chuan a mawngtam bawrah lo kuahin alo pawt hnaih nghal sauhva. An thawmhnaw chhana an taksa a in nawk zawng ringawt pawh chuan Megan khup chu a zawi zo ta vek a. Remy chu a kun hniam ta nghal a.Dim tein a fawp țan a,a uar tulh tulh a, hei ngei hi ani alo nghah reng fo chu inti chungin Megan chuan alo kuah let a,an hmalam hun tur chu ngaihtuah zui chi nilo mahse engmah pawisak a nei tawh bik lova,a fawp let ve ta ngawng ngawng mai a.An infawp duhthawh tulh tulh a,an in it tawn em em a ni tih chu sawi ngai lovin an inhre tawn reng alo ni. Remy taksa nghet charh leh lum thar thar chu a hnaih zual sauh sauhva.Lawngchawlhna vela khualzin hlim nui ri te,lawnglenga lungleng taka zai ri te chu an hre chang tawh hauh lova.Megan chuan chutiang renga mipa mutpui chakna chu ala nei ngai lova,Remy an zei zeta a thlem zelna tuipui ah chuan a pil riai riai zel a,mipa dik tak, a duhzawng chu a tawng ta ani.Muangchang leh dim te hian Megan kawr bahna chu a phelhsak ta a,reilote a hmui a laksawn zeuh chhung pawh chuan Megan chu alo rum hak hman a, a kawrhnuai pan tak chhanah chuan a hnute chu chul sakin Megan lo thaw hawk hawk ri chuan a tiphur zual sauh tih hriat tak hian a kawrhnuai kilhna chu a phelhsak leh ta a. A hnute lang kawh lah chu mawiti fahrana a en vang vang hnu chuan fawp turin a kun hniam ta nghal a.Megan phur tawh chu a lo rum hak hak mai a. Remy chuan a kawr chu a kawng lama nem thlak sak zelin a mamawhna zawn lai takah chuan a kut chuan a hupsak ta chat mai a. Megan chu alo khur dar dar mai a, a kekawrte pan tak chu a huh chhuak hlap tawh tih a inhre rei ruai a, a duhna nasa lutuk chu Remy chuan a hmuh a hlauh avangin alo maimitchhing ta ringawt a. Chutianga a rawn tawh velna avanga a duhtawk alo ngah teuh hle mai chu a zak rilru hle bawk a.Remy kut chuan a kekawrte chhungah zen lutin a tak chu a khawihsak ta na na a. Megan chuan rang zetin Remy kut chu alo dawm bet a, "Khawngaihin," alo ti tham țiak mai a. Remy pawh chuan hrethiam zetin a kut chu a lasawn thuai a, a pawmkang ta nawlh mai a.Khum phah chu alo vawt thlaf a,mahse a hre rei lo kher mai. A taksa chu tisa chakna avang chuan a sa ham ham a, Remy an a kawrfual hak a phelh a,a bula a rawn mut ve chuan a lo hnaih sawt sawt a. A kekawrte a rawn phelhsak lai te chuan Remy hmel chu alo en ran mai a.Remy mipatna nungțha zet a han hmuh chuan a ip chawih chawih mai a, Remy chuan muangchangin a sam hnawk niaih chu a chul mam sak heuh heuh a, "He thilah hian i rilru a damin i chiang chiah amaw?" tiin Megan hmel chu ngun zet hian a en chhuk reng a."Chiang e,nang i chiang em?" alo ti vai riai mai a."Oh, baby, hetiang ema ka thil duh leh ka neih dawna lungawi na hi ka la nei ngai lo," aw ngaihno bei zeta tih pahin Megan bawp chu a nawr kau ta nghal a.Muangchang leh dimte hian an taksa chu a inzawm tir ta a. Megan chuan a tihlawm zawhloh alo hlauh rilruk tehlul nen, reilote ah Remy chuan a tilut ta vek a. Megan chu alo thaw hawk hawk mai a."I țha maw?" tia a en chhuk chuan Megan chuan alo kuah țawk țawk a.An infawp vawng vawng a. Remy an chet ala dawn țan chauh tihah chuan Megan chuan a vawrtawp thlengin a lo kuah chawih chawih mai a, "A pawi lutuk, Remy....." a ti nawk nawk a."Shh.....pawiti reng reng suh, darling."Remy chu a che uar zual sauh sauhva, Megan pawh chuan alo beisei hauh loh nawmna chu tawng lehin Remy chu alo kuah țawk țawk a. Remy pawh chuan a rawn zawm ve ta a, Remy taksa khur dar dar leh a lungawi thaw ri ham ham chuan Megan nawmna chu a belhchhah nasa hle a. Megan chungah chuan a bawk zawi ta thlar mai a.Chapter - 12El Serrat lam chu zing lamah a pan ve ta chauh va.Remy chuan thlah a tum nangin ngai a ti lova,a kalna chin hria an tlem poh leh a tan a țha ani tiin a țang tlat thung a, "Inu nena kan inkar a țhat tawh loh avangin kan awmdun ani tih a hriat phei chuan......" tiin Remy chu a fawp zauh a."Hre mahse pawi ka ti reng reng lo asin. A la hre chhuak tho tho dawn a,mahse,hre rih lo tura i duh anih si chuan.....""Ka duh alawm""Engtikah nge kan inhmuh leh ang le?" Remy chuan alo ti nghat a,ala thlahlel hle tih a lang reng mai a."Rei anih loh ka beisei," tiin Remy awmhmul deuh dap chu a lo chul riak riak a. Remy chuan alo fawp leh vawng vawng a."Awm reng mai ta che. Ka nu hnenah i awmna chin chu ka hrilh mai anga,thil thleng tur a ti danglam thei chuang hleinem," alo ti sar sar a. Megan chu alo nui har har thung a, "I thlen veleh min rawn bia ang che," a ti zui leh nghat a."Awle," Remy han kalsan chu a hreh ta riau mai a. A dingdihlip ak ak a,a fawp leh vang vang a, "Naktuk lo thlen hma chu a nih leh aw? Darkar tin nghakhlel takin ka lo chhiar dawn ania," a ti ta a."Keiin minute tin ka lo chhiar thung anga," tiin hreh hmel zetin a thlah ta a, "Fimkhur hle rawh aw," a ti zui ve ta a.Megan in hotel a thlen chuan zing dar hnih a ri țep tawh a. Mak takin hotel vel chu alo ka eng pup mai a. Station Wagon, hotel ta pakhat chu hotel kailawn bul maiah chuan alo inhung a,a bula motor dang inhung chu Dr O' Brien a car ngei alo ni a. Anita chu a damlo nasa ta hle em ni ang tiin a inthiam lo rilru hle mai a.Chutah a harhchhuak ta thut a,a khup a zawi nghal hnawk mai a. Ryan a ni ngei ang, Ryan chu a zual em ni le?Motor chu a dahna ngaiah pawh dahlo chuan hotel kawtah a hung dawt a,a chhuak ta nghal a. Ryan awmna lam pan tur nge tia a ngaihtuah lai chuan Anita leh mipa pahnih hi an lo chhuak hlawl mai a.Megan chuan engtia lo dawnsawn tur nge tih a hre lawk lova,Anita chuan a hmu duh lo kha ani si a, va biak hmasak teh huam chu a tlawmngai deuh tlat bawk a.Mahse Anita chuan a rawn hmuh rual rual chuan a kalpui te chu tlansanin Megan chu a pan nghal dawr dawr a, "Oh, Megan....." tiin a mittui a luang ngiai ngiai a, "A kal ta ani. Ka pa chu a kal ta," tiin Megan chu a kuah thlawp a, "A thi alawm,Megan. Ka awih phal hlawl lo," a ti a,a țap hlawp hlawp a.Megan pawh chuan awih harsa a ti ngang mai a,mahni inthiam lohna in a khat ru tlat bawk a. Helaiah Anita bulah awm ve tur ani a,alo hnem tur ani si a. Mahse Remy kha...! Remy nen khan lungawina khawvelah an cheng dun a,thildang leh midang reng reng an hre chang silova."Remy...."Anita chu a tawlh hnung hrat a, "Oh,a ni tak e. Remy hrilh thuai a ngai ani. A tuarna teh ang chu....! Oh, an in ngai hle mai si a, ka phone lai khan inah lo awm sela a țha tur ania. A in leh a office ka phone a, Rachel nen an lengchhuak a ni ngei ang,min chhang hauh lova," tiin a mittui chu a hru mawlh mawlh a.Megan pawh chu alo tawlh hnung hrat a, "I....Remy chu i phone amaw? Engtik hun laiin nge i phone a?" alo ti fan raih mai a."Engatinge? Dar sawm pelh hret velah khan aniang. Engatinge?" a ti ta ha mai a.Anita chuan Remy chu a phone hauh lo tih a hrechiang hle ani. Dar sawm velah chuan Remy nen a khumah hmangaihna an chen a ni a,khum bulah phone a awm reng bawk si a.Engatinge Anita chuan a fapa phone anga dawt a sawi le? Dawt a sawi avang chuan enge hlawkna a neih ang le?"Dar sawm pakhat velah phone ka tum leh a.....""Engtikah nge Ryan chu a thih a?" Megan chuan a lo tichhuak hraih a. Ryan chu a tan alo pawimawh hle tawh alo ni, pawi a ti ru vawng vawng mai a."Darsawm pakhat velah chuan mawle....! Sama awmpui zan ania....min rawn ko thuai a,a thawkna khawlin hna a thawk țha lo tih a hriat veleh....." tiin a inhnit leh hlawp hlawp a, "A theihtawp chhuaha a enkawl pawhin awmzia anei ta lo ani," a tih chuan Megan chuan alo kuah leh thuai a.Mipa pahnih te chuan an rawn fin ve ta a. Megan chuan Dr O' Brien chu khawngaih zetin alo en a,Ryan nena inkawm ngeih tak an ni a,a upat pui a niin a tuar ve hle ang chu."Megan," tiin a rawn beng thak thak a, "A pawi teh anih hi," tiin a rawn hnem ve nghal a."Damlo na tak mah nise,alo thleng rang tehthut em ani," Megan chuan alo ti ve hram hram a."A thlen hun tur kan thlir reng tawh zawk alawm," Anita chuan alo ti ve leh ta tlat thung a. A lungchhiatna chu a thup veleh tawh niin a lang."Megan hian Ryan hi a țha deuh emaw alo ti anih dawn hi. Keini pawh min barakhaih țheuh alawm," Dr O' Brien chuan alo ti let thung a."I ti tak tak lovang, țha emaw i tih lai khan a lo țha lo hle anih dawn chu," Anita chuan alo ti nghat mai a."Megan lo thlen ațang khan a harh ve hle alawm. Chu chu nang pawhin i hai hauh lovang tiraw?" Doctor bawk chuan alo ti leh a."A pawi hle mai," Anita chuan alo ti nghat a,ala lungawi loh hmel hle thova."Hei hi Superintendent Lewis anih hi, Megan. Zanriah kan lo eidun laiin Anita hian min rawn ko ta ani. Frank, hei hi Megan Cross, Mrs Robards fanu ania," tiin Dr O' Brien chuan a in hmelhriat tir ta zung zung a."I țha maw?"Police hotupa chu alo nui sang a, "Nang ai chuan ka țhat rih ka ring. Tun ang hun harsa a kan inhmu chu a pawi hle mai," alo ti var a."Megan hi karkhat vel chauh ala awm a,anu kha chu i hria ang tiraw?" Doctor bawk chuan alo ti leh a."Laura maw? Hre tehlul mai. Inu nen chuan kan inkawm ve țhin alawm,Miss Cross. Ipa pawh kha vawikhat chu ka hmu ve tawh a," hawihhawm zet hian alo ti a.Megan chuan alu alo bu nghat nghat a. Anita chuan ngaihsak lo nia inhria niawm fahran hian a rawn inrawlh ta a, "Inhmelhriatna hun țha zet in nei anih hi le," a rawn ti kha fak mai a, a hmela lungawilohna chu thup tumin kawngka lam chu a han en a, "Min lo ngaidam ula,pu te u.....""Tehlul mai,tehlul mai,"Superintendent Lewis chuan alo ti thuai thuai a,doctor chuan Megan banah chuan a vawnsak a,ngun zet hian a han en a, "I ngaihtuah awm lovang chu maw?" a han ti dam duai a. Megan chu alo bu nghat a."Tuemaw in Remy hrilh a ngai ani," a han ti leh hram a. A nu emaw amah emaw nilo, midangin hrilh se a awlsam zawk a rin vang ani a,mahse Anita chu a rawn inrawlh leh ta phat mai a."Keiman ka hrilh mai ang," tiin mipa pahnih te chu alo en ran mai a, "Inah a awm tawh ngei ang. Port Serrat ah chuan ka va kal anga,ka va hrilh ange," alo ti hmiah hmiah mai a."Oh,mahse...."Megan chu alo melh kawk a. A fapa leh apu thihna ah chuan inrawlh ve turah a ngai lo niin a lang. Remy pu chu a thi ta si a,enge an chanchin tur ni zel ta ang le? Hotel chu a rochun tur ani a,harsatna a awm angem le? a ti rilru nauh nauh a.Karhnih liam ta ah kha chuan Ryan Robards thihna chuan a lakah awmzia a neilo ngei ang,tunah erawh zawng a tuarna hle mai si a,Ryan chu a ngai hle dawn ani.Mut a hmu dawn lo tih a inhre reng a,mipa pahnihte chu kawngkhar thlengin a thlah a,Remy chu a rilru ah a awm reng mai a.Anita hnenah chuan Remy bulah a kal tih a hrilh thei lovang tih a chiang a, Anita lah khan Remy a phone nia in sawiin dawt a la sawi lehnghal si a.Mipa pahnih te chuan an motor lam an pan a,an in mangțha hnu chuan an inkhalh chhuak ta a. An beisei aiin Ryan chu a boral hma hret niin a lang țheuh ani.Anita in a rawn pan leh chuan a hmelah chuan Megan i huatna alo lang chhuak chiang hle a, "I leng chhuak ani maw? Khawilamah nge i kal le?" a rawn ti ta ngal ngal mai a."Ka inkhalh kual vel mai mai ani. A lum ka tiin ka chau deuh a,i motor pakhat kha ka hawh anih kha," tiin Anita chu a han hnaih hrat a, "Enge i an le,i lu na chu a dam tawh em?" alo ti ta daih a."Ka lu na maw? Chutiang pawh ka lo hrechang tawh hleinem. Ka pa a zual tih min rawn hrilh ațang khan na reng reng ka hre tawh lo," tiin a lu a lo thing nar nar a."A pawi ngawt mai, Anita. A hrehawm hle ang tih ka hria alawm," alo ti thuai a."Pawi i ti ngei ang tih ka hria alawm,"Anita aw chu a kha fak mai a, Megan chuan a vawnna chu a thlah thuai a, "Enge i sawi awmzia?" a ti hau mai a.Anita chuan engmah sawi lovin a kalsan leh ta mai a, Megan chu a thinur ve ta hle mai a."Anita, enge i sawi awmzia kha? Engvanginnge ka chungah hetianga i awm le? Ipa thihna ah hian mawh ka phur em ni?" a ti zui ta bawrh bawrh a.Anita chu a ding chawt a,a inher ta nghal a, "Ka pa thihna ah hian maw? Nilo,i nei hauh lo,a thihna ah hian engmah demna che ka neilo. Kapa hi thi turin i duh lo tiraw Megan? A thih chuan i tan țangkaina a nei dawn hauh silova," a rawn ti ta mai a."Eng a? Ipa chu engatan nge ka tih ang?" Megan chuan alo ti țhawt mai a."Hotel a chanvo i neih ve nan hian mawle. Keiin ka sawm che a, ka pa in nang nena inrem hi a duh tlat avangin! Kei lahin â takin kapa lawmzawng tihsak duhin ka rawn sawm che ani si a. Eden huana rul lut ang chauh kha ini,i sum hmuhna tur atana chanpual neih nan ilo lang a ni si a," Anita chuan alo ti let tawn tawn a."I ti tak tak lovang tiraw?""Engvangin nge ka tih tak tak loh vang?""Thil diklo tak anih avangin," Megan chuan alo ti nghet charh a."Kapa nen khan hotel chungchang hi in sawi ngai miah lo amaw?""Sawi tehlul mai. A hlawhtlinna hi a chhuang hle ani. Engvanga sawilo tur nge kan nih ang?" Megan chuan alo ti let ta khauh mai a."Hotelah hian chanvo neih ve i duh tih i sawi lang hauh lo amaw?" Anita chuan alo ti leh hram a."Ipa hi chanvo mi pe turin ka dil anga maw? Teuh lo mai Anita. Hotelah hian chanvo engmah min pe hauh lovang. I ngaihtuahna mai mai anih chu," alo ti lt hmiah mai a."Engmah ka ngaihtuah love. Mahse a tu zawk zawk emaw chuan chutiang ngaihdan chu in nei ngeiin ka ring tlat a ni," Anita chuan alo ti vawt raih mai a."Ipa nen khan kan inkawm ngeih hle a,hotela chanvo neih nan erawh chuan ka ti hauh lo. Ka ta ani lova,ka lo inrawlhna tur a awm hauh love,ka sawi hi awih mai rawh...""Chuti si engatinge kapa khan Ben Deyer min kohtir si le? Ben Deyer chu a ukil ani a,naktukah hmuh a duh tih min hrilh tlat ani," Anita chuan alo ti leh fak fak mai a."Ka hre bik lo le. Ka hming a sawilang reng reng emni?" Megan chuan alo ti let ve tlat a."Sawi love. Chutiang thil chu a sawi hauh lovang. Mi â ka ni lova, kapa rilru hi ka hre ve tlat ani," alo ti a."Chuti chu a kalta chu a lawmawm anih chu tiraw Anita? Mitthi chuan a ukil hnenah chuan engmah alo sawi hauh lovang. I hotel hlu tak chu a him alawm," Megan chuan thinur khur zawih zawih chuan alo ti ve ta nge nge a."Anita hmel chu alo danglam nghal vek a,inchung chhohna kailawn bulah chuan a țhu ta hnawk a, a hmai a hup a, a inhnit hlawp hlawp a. Megan chuan kalsan mai a duhna thinlung pawh chu a thlak ve ta nghal a."Anita, nangmah tina thei thil engmah a thlen ka duh hleinem,i hria alawm," tiin Anita țap hlawp hlawp chu a kuah leh ta a.Anita chuan lo nemsawn duh mai hmel a pu a, mahse a lusunna chuan a ti na hle ani ngei ang, Megan darah chuan alu a nghat a, a țap ta hlawp hlawp zel a.Chapter - 13Megan chu a mu meng kar reng a, Anita nen chuan țha takin an ințhen nangin a puhna khan a rilru a luah tlat a. Anita chuan ngaihdam ala dil ngei ang,a in ngaihtuah harh hunah chuan....! Megan chu a chhungrilah a na ut ut a, khatiang em a puhna kha pai dam mai mai chi a nilo tlat ani. Amah ngeiin helaia kal tur hian a sawm a,a puh chhe leh hle si a.Khua alo var chuan a thova,Remy chu a ngaihtuah nauh nauh a, apu thihna avang chuan an inkar chu a danglam vek angem le? A inbual a,a inthlak fel hnu chuan inhnuai lam a pan ta a. Simon a ngai hle mai a,ani chu awmse sawi tur a hre leh țeuh awm si a. Inhnuai lamah chuan hotel chu an kalphung pangngai rengin an kal a, Anita chuan a pa thihna avanga chulai hmun boruak tih danglam chu a duhlo ani ngei ang, hotel bak chu engmah ngaihtuah a neilo emaw tih mai tur hi a ni a.Coffee in in a țhu vang vang a,thil chi hrang hrang a chunga thlengte chu a ngaihtuah neuh neuh a. A lam pana Remy lo kal chu a hmu ta a. A suit dum hak leh a kawr var hak chuan a tilang lianin a ti hang zual a,chauh hmel hle mahse a hmel zawng a țha thlawt ani. Anita fapa a ni a, an inkarah inpawhna thuk tak awm mahse anu puhna chhe tak avang khan a rilru ala na hle ani."Helaia i awm hi ka ring reng a," tiin Megan hmachhawn zawng chuan a țhu ve ta nghal a."A pawi ka ti hle ani, Remy. I rilru a na hle ang tih ka hria alawm," alo ti thuai a."A dik alawm,putara kha ka tan a hlu em asin. Mahse lo thleng tur ani tho tho a, Mr O' Brien pawhin tun thlenga ala dam hi mak a ti alawm," alo ti dam thlap a."Ka tawrhpui tak zet che a ni," a lo ti leh sap a."Min tuarpui chauh amaw? Kan ngai hle vek dawn ani tih sawi mai ta che. I ngai ve thovin ka ring a," alo ti deuh ha a."Enve i sawi awmzia?"Remy chuan mit chhing sar sar hian alo en reng a, "Ka sawi awmzia maw? Enge sawia min rin le? Ka pu chu i ngai ve lo em ni? Ngaina lovin ilo kawm ve mai mai em ni zawk?" alo ti ta khauh mai a."Nilo, ipu kha ka ngaina tak zet alawm. Mahse nang leh inu nena alaka kan nihna chu a hrang daih ani, nangni dinhmun nena khaikhin chi ka ni hleinem," fimkhur zet hian alo ti a.Remy chuan mak a tih hmel ta hle mai a, "Megan, putar pawh khan a ngaina em em che tih ka hria alawm....""Ka ring lo....""A sawi alawm. Tuemaw in a ngaina lo che niin a hrilh che em ni?" Remy chuan alo ti chang ta fak a."Nilo, ipu nen khan țhian chauh kan ni....! Kanu ka hriatchhuah tirin kan inkawm mai ani, engmah dang a awmlo," alo ti thuai a. A nu țawngkam chu sawichhuah tumna pawh a nei chuang lova, an nufa inkar tizau tu nih chu a tum hauh lova."Mahni invenna țawngkam ava ang vele. Thildang ti ah ka puh che emaw i ti elo? Kapu nena in ințhian na kha ka lo duh lo emaw i ti em ni zawk? A nun tawp lam hlim taka i rawn hmantir hi ka lawm hle zawk ani. A țha tawk em?" Remy chuan alo ti khauh mai a."Țha e," tiin Megan chuan a chil alo lem khawlh a."Kan pahniha kan inhriatthiam chuan a tawk ani mai," tiin Remy chu alo thaw ham ham mai a.Ryan chuan hotelah chuan chanvo lo pe ve ta sela Remy chuan engangin nge a ngaih ve ang le? Remy chu anu ang ani ve hauh lo ang a,mahse sum thilah chuan an lo inchhun ve mai thei bawk a."Anita a țha maw? Nizan khan a rilru a buai em mai a," a ti ta daih a."A țha ang. Hotela i kir leh khan alo nghak che em ni?" Remy chuan alo ti a."A hrilh che em ni?" tiin a lo thaw halh a."Dr O' Brien te haw dawnin i thleng ve chauh niin a sawi alawm, i muthilh theih loh avanga inkhalh kual vel niin a sawi che a," alo ti mar pat a."Oh, ka kalna chin ka hrilh theilo tih i hria alawm," alo ti ngal ngal a."I hrilh theilo amaw. I thei khawp ang," Remy chuan luhlul hmel zet hian alo ti bak hlak a."Hrilh ka duh lo alawm, Remy. Hre ngat sela chuan a.....a...." a ti nawk nawk a, "Ka kal hma....""I kal hma in maw? Kapu vui zawh thlengin nge. I rilru i sawifel thlengin? London i pan leh hunah maw?""Ni love, a hun a zir.....""A hun te chu sawi lo mai teh. Eng hunah pawh hria se pawi ka ti nek love. Kapu chu a thi ta chu ania,kei aia ngai tur an awm hleinem,mahse chuvang chuan ka nu duhdana awmtur ka ni tihna a ni chuang lo," alo ti hriam hraih mai a, "Hunlo i ti pawh ani mai thei e, mahse ka laka i rilru put dan dik tak hi hriatchian thuai ka duh ang," a ti zui ta chhar mai a."Ka rilru te chu i hre reng alawm," zawi sapa a tih chuan Remy hmel ruh țeuh chu a danglam chuang hauh lova."Ka hria amaw?" alo ti let hmiah mai a."Hria e. Nizan khan.....nizana kan awmdan kha a lungawi thlak hle asin," tiin a kut thlan dap dap chu a tuai nauh nauh a."Kha kha ka sawi ber anilo. Kha thil thleng kha chu mipat hmeichhiatna inhman tawnna mai chauh ani a,a nuamin a lungawi thlak hle reng ani., chu chu em ni.....""Nilo, ka.....""Anilo maw?""Min hrethiam lo lui tlat teh suh," Megan chuan alo ti halh mai a."Chuti chu hriatthiam theih turin thil sawi ta mai che," tiin Megan kut chu a vawnsak a, "Nizana thil thleng khan ilakah engangin nge nghawng a neih le?" a ti thawp sat a."Oh, Remy....""A țha deuh ve. Ka hming i lam rik dan hi ka duhzawng tak ania," tiin a nui ta var var a."Remy....enteh,hetiang thil hi tuna sawi chi anih loh hi. Inu tihnat belh ka duh lo ania....""Kei min tihnat chu a pawi lova maw?" tiin a tho ta thut mai a, "Min lo ngaidam la,kanu aia min ngai pawimawh zawk nia inngaihna atthlak zet ka lo nsi pek a, ka lo ring dik lo nasa alo nih hi," tiin a kal ta daih mai a. Megan chuan hrilhhai zetin a thlir zui ta reng a.Ryan Robards vuina chu tlailamah neih ani ta a. Khua alum em avangin mitthi ruang kawl reng chi a ni lova,hun an khawhral lo hle bawkin alo hria a.El Serrat hmuna Baptist biakin ah vuina hunserh hman a ni a, mipui an tam hle mai a. Ryan a țhiante, St Nicholas lam ațang te,thliarkar hmar lam ațang te in an lo tel țha hle hlawm a.Megan chuan țhutna hnunglam a chuh zel a, Anita nen chuan inbe țha hle mahse a puhna khan ala ti thinur riau a, Remy pawh chuan a rawn hnaih leh ta hauh lova.Remy bula Rachel ding te, an chhungkhat leh țhiante alo biak pui vel te chu a lo mitsir zauh zauh reng a, alo thik hle tih chu a pawm thlap tawh a.Tuman an ngaihsak lem lo leh an chik lo chu a lawm hle thung ani. A mittui a hnam reng a,an vaia boruak chu a nuamlo dawn chauh niin a hre tlat bawk a. Remy chuan ani aiin Rachel chu alo hmangaih a ni tih hrilh ta sela a tuar zo ang em le?Thlanmual ațanga an haw meuh chuan khua a thim chhalh tawh a, Ryan chu a nu vap an phumna hmunah ngei chuan phum ve ani ta ani.Anita zanriah buatsaih pawh chu kiltu an țhahnem hle a. Rachel chu Remy bulah hlir awmin an mikhualte chu an be kual zel a, Anita bulah pawh awm lovin mipui nawlpui phenah hlir alo awm thung a.Dr O' Brien chuan a rawn pan ta nawlh mai a, Megan chuan alo nuih lui hram hram a."Hetiang hun hman hi a ninawm duh teh ania, mahse kan tițha khawp e, Ryan a lungawina thlap ani ngei ang," a rawn ti sawt sawt a."Ni e. I telve chu a lawm ngawtin ka ring asin," Megan chuan alo ti ve hram hram a."In inrem ta nia a inhriat khan a hlim teh asin. Inu nen khan...an hmangaih hle che ani. I hria ang chu tiraw?""Ni e, ka hria alawm,""San Felipe a ilo kir leh nachhan hi inu khan hria se a lawm ve ngawt ang," a ti a."A chhan maw? Oh,ka pahrawn nena kan inkar lo țha ta hi i tihna em ni?" alo ti hau a."Ni nang. Hotel chungchang kha mawle, Ryan khan a hrilh lo che em ni?"Megan chu a khawng ta lah mai a, a vawt sung sung hial a, "Engmaw min hrilh ang?" alo ti țial rian chuan O' Brien chu a lo nui hak mai a."Oh, a hrilh lo che anih chu le. A pawi hle mai, Megan. Ka lo theihnghilh der a ni,a hrilh hman ta lo che a ni.....hrilh che chu a tum ngei a,engvanga ngawi mai mai lo nge ka nih le?" tiin a chal a dawm vang vang a."I ti thei lovang.....Ryan chuan... a ti lovang......a ti lo tih sawi teh," a lo ti nawk nawk mai a."Hotela chanvo pek ve che maw? A thei alawm, a ti ngei bawk a ni. Mahse tlemte chauh a nia. Mahse Ben Deyer hnenah ka hrilh thu che hi lo sawi suh ang che," a ti zui ta hmawk hmawk a."Mahse ka duh hleinem. I ti tak tak em ni?" a han ti nawn leh sap a. Anita in thudik a hriat huna a awmdan tur chu a ngaihtuah a,rapthlak a ti tak zet a."Ti tak tak e""Mahse Anita.....ka sawi awmzia chu, Anita khan Ryan an a ukil a koh tir thu chu a sawi ngei a,mahse a hmu hman ta lo ani awm e," alo ti lawi rat mai a.Doctor chuan a hnar alo phit dat a, "Anita chuan a va hrilh duh zawk che vele. Ryan khan Ben chu a ko ngei alawm,a ro chungchang ti danglam tur ni lovin. Chung thil chu keimah kaltlangin a ti vek tawh ani. Pa fing tak ani asin, Ryan a kha," tiin a lo nui hawk a."Mahse engatinge chutiang thil te a tih le? Ka lakah engmah bat a nei hauh si lova," Megan chuan alo ti hniam raih a."A duh ani mai ani nula. Ka fiamthu hauh lo ania aw Megan. Ryan khan a ngaina em che a ni. Remy nen hian in inhlat a hlau a ni ngei ang,ani nena in inhlat ang khan," Doctor chuan a lo tidam thluam mai a.Megan chuan kut khur hlawk hlawk hian a hmai chu a han chul a,alo thlan ban chap mai a,a bek lo kham at at chuan a lu a tina ngei dawnin a hria a. A dik lovang, Ryan chuan engmah a hnutchhiah ve tur a nilo, Anita rilru a hre reng awm si a."I țha maw?"Remy aw chuan a rawn tivawt sung sung thei hial a. Nilengin Rachel bulah a awm a,inthiamlohna leh lungawilohna neilo ang maiin alo lang leh hlawl mai si a."Ka țha alawm. Nang i țha em?" a lo ti chhuak thei hram a.Remy chu alo meng thim deuh khap a,doctor nena an inmelh zauh chu Megan chuan alo hmu ru ran mai a, "Ka țha alawm,nichin khan ka hmu lo che a?" tiin a rawn en chhuk run mai a."Megan hi alo inthiarfihlim alawm mawle," doctor chuan nui hawk hawk chuan alo ti ta a."Engatinge a?""Inu nen in buai deuh niin a hria ani," khauh fara ti chungin a sana a bih zauh a, "Min ngaidam ula.....pastor saw ka va be teh ang," a ti ta a.Apu thiltih a hriat hunah Remy chuan engtin tak ngai ang maw? Megan chu a țah a chhuak ut ut mai a. Anu anga a pu thlemtua a puh ve teh anih chuan le!!"Min lo ngai em?" Remy aw mawi zetin a rawn tih takah chuan a zawi nghal huai mai a. Remy aw chu a mawi em kher ani.....! Mahse Ryan a thurochhiah chhiarchhuah anih hma chuan a be țha thei tawh lovang."Inkhawmna ropui tak anih kha le," tiin Remy mit thim khap khap chu alo en ran a."I chau hle lo maw?" Remy chuan a rawn ti leh a."Chau lem lo e. Khawnge Rachel kha a awm tak a?" tiin a zawt zui zat a. Remy hmela beiseina chuai hmel chu a hmu reng a,na alo ti ngang mai a."Engthilnge ni ta Megan? Rachel chungchang chu enge ilo ngaihven deuh a? Nizan lam kha chuan i ngaih pawimawh loh hle si kha le?" alo ti ta salh salh a."Ka lo rindan.....""Engmaw i lo rindan chu?""Nilengin i bulah a awm alawm""Midang tam tak pawh an awm alawm. Ka bulah awm i duh lo anih kha. Rachel chu i dem ngawt thei lovang," Remy chuan alo ti chang rat a."I bulah ka awm thei lovang," Megan chuan alo ti rang kher mai."Kanu i hlauh vangin maw? Awle, ka pawm thei mai e. Mahse mitthi chu vui ani tawh alawm Megan. Ka nu hnenah khawpui lamah ka hruai tur thu che hrilh ila a pawi.....""Hrilh lovang...."Apu thiltih a hriat hma chu engmah a ti tur anilo. Remy chuan alo do ve anih ngat chuan engtinnge a tawrh zawh ang le?"Megan...."Remy aw chu tawrh a har ngang mai a, "Khawngaihin hun tlem min pe rih rawh, Remy. Inu chu ka kalbo san mai thei rih lovang,min lo mamawh takin helaia ka awm hi a țul ani," alo ti țawk țawk a.Remy chuan huat hmel zet hian a rawn melh kawk ta mai a, a kun zawk a, alo hawi chhuah leh chuan a hmel chu a pangngai leh hman tawh a,a mitmeng erawh chu a vawt raih mai a."I danglam emaw ka lo ti a Megan. Mahse ka lo ring sual alo ni. Kei nena inlaichinna neih hi i duh lova, engthilnge i tih le? I chawlh hman chhunga i nun tihlim tu atan min duh em ni?" a ti ta a.Chapter - 14Remy chuan a beer um ken lai chu a han intulh khawlh khawlh a, a nu coffee dawhkan chungah chuan a nghat chawrh mai a. Beer um ruak a inchhawp țeuh tawh a, ala rui hauh silova,a lungawili ngang mai a.Anu in zanriah eitura a sawmna a pawm chu a inchhir hle tawh a. Thla kalta chhung khan a nu sawmna reng reng a hnial zel a, mahse a hmachhawn hun a thleng dawn tho tih a inhriat avanga kal ani reng a ni.Tumah a lawm peih lova....anu leh lek phei chu. A rilru natna chu a thuahhnih em a, anu chu a huat hlen mai pawh a hlau hial ani.Beer aia chak deuh intur a duh hle mai a. Anu chuan tunhma anga a thu awih zel tura ala beisei fona chu a tihtawp tir a hun tawh tak zet ani. Huan lam chu a han pan a, khualzin ho hlim nui leh zai thawm te chuan a ti thinur zual sauh a. Megan chu alo kir leh dawn tawh lo tih a pawm thiam a ngai tawh a ni.Apu an phum fel a,anu pawh a hahdam deuh hunah Megan chu a rilru a hrilh anga,alo ti rilru kha ani a. Apu vui nia a awmdan kha Megan chuan a hrethiam ngei ang. Anu a dah pawimawh zawk kha a thik a,a bula awm a thlahlel lutuk khan a ti thinur ani tih te a hrilh anga. Mahse chutiang hrilhna hun a nei ta tlat lo a ni, anu thiamloh vek ani bawk a. A pu in hotela Megan i chanpual alo dah ve tih a hriat rual rual chuan a nu chu a tal buai ta mai a,anu tal buai but but a reh meuh chuan Megan chu London pan turin alo inpeih at tawh ani.Anu țawngkam chhe tinrenga a au laia Megan hmela rapthlak tihna lo lang kha a theihnghilh ngai lovang. A rilru chu a na vawng vawng mai a,anu khan khatianga rilru chhia tinrenga Megan a puh khan a ti dik lo a ni. Megan chu a ruka phiarru tu angah chhuahin anchhe tinrengin a hau anih kha.Apu chuan hotela an chanvo chu a nu nen inang chiahin alo sem a,chuta a chuang tlemte chu Megan alo pe ve ani lek chauhva, han thinur pui vak tur pawh awmin alo hre ve hauh silova.Anu lah chuan Megan rilru tur lam reng reng ngaihtuahna nei hauh lovin a ang buan buan a, Megan i nek chhuah chu a thil duh ber ani tih a zep hauh lo bawk nen, tuman khatiang hrepah khan chanvo neih an duh alo ring lo hul hual a.Amah hmu leh lova Megan chuan London a pan alo ring pha hauh lova. Hotel ațanga a haw pawh chuan a tuka va hmuh tum ran a haw a ni a. Mahse hnathawh țul tak alo neih si avangin a kal hma thei ta lawk lova. El Serrat a thlen chuan Megan chu London lam panin a thlawk haw hman tawh alo ni a.Ala rawn biak pawh alo la beisei fan a. Sylvie hnenah pawh Miss Cross in a rawn biak chuan lo hrilh thuai turin a chah ngun hle bawk a. Rorelnaa a kal anih pawhin kohtir turin a chah hial a ni. Megan biak pawh leh tluka duh chu thildang a nei hauh silova.Mahse a rawn be hauh lova. Karthum a ral hnu pawha ala reh vang vang si avangin a va be ta nge nge a. Megan phone chu a ri ral țhak țhak zel a,chhangtu reng reng an awm ta lova. Megan te țhiansun company chu a hre lova,anu chuan a hre ngei anga,mahse anu chu a be peih der silova.Karli zet a ral hnu chuan Megan chanchin hriat a chak vang ringawtin a nu sawmna chu a pawm ta hram chu a ni a. Megan biak pawh theih dan a zawt anga, an inhnial anih leh in tuithlar hial pawh a cho ut ut hial tawh ani. Megan i angin a nu ngaihdan chu a ngai pawimawh ve dawn lo reng reng."Remy?"Anu aw chu a han hria a, "Hetah hian ka awm," tiin pawn lam ațang chuan alo chhang a, "Boruak ka va hip lawk a," a ti zui nghal a."I mamawh reng ani," tiin a awki hniam hraih chu a thlak thuai a, a fapa chu a lakah a hel ani tih a hai bik tlat lova. "Ka rawn rei deuhva, a pawi hle mai. Mikhual sawmkua panga kan neih belh dawn a, a awmsa ho nen, eisiam lamah kan buai deuh ani," a ti zui mawlh mawlh a.Remy chuan a dar alo san zauh va."Engmah i rawn ngaihtuah ve lo hi mak ka ti hle ani. Engtikahnge helaia i mawhphurhna hi rawn lak i tum dawn le? Ipu khan thawk dun turin mi duh a ni si a?" a han ti halh a."Chuvang chu aniang Megan kha chanvo alo pek ve tiraw? Keini pahnih hi chu kan thawk dun thei dawn lo tih a hrethiam vek awm si a," Remy chuan alo ti ta hmak a."Ni e, chuvang chu ania biak che ka duh ni. Vawiin khan Ben Deyer nen kan inhmu a, Megan chuan a chanpual kha tihral a duh a ni," anu chuan a ti ta a."Ni lul love,"Megan in hotela a chanpual a tihral chuan a hmu leh ngai dawn tawh lo tihna a ni dawn si a."A ti ang tih ka hlau khawp mai," tiin a nu chuan intur a inthlit ve nghal a, "Awih duh lo mahla ka ti dik chiah a ni Remy. Ka lo ngaihdan kha a lo dik a ni. Megan chu a thiltih ah a inchhir tawh a ni ngei ang," a ti zui barh barh a."Putara rilru hneh a chanvo dil ve ah ila ngai cheu elo? Ngai tawh suh ang che. Kapu kha a rilru a fimin a thiltih kha a duhthu ang ngeia a tih a ni tlat ani. Nang leh kei hian rilru inhmu taka kan thawhdun theih a rinloh avangin Megan i a rawn rawlh lut ve mai a ni," alo ti fak mai a.Anita chuan alo hnial duh hauh lova, "Awle, thudik chu a enga pawh chu lo ni sela, Megan chuan a chanvo chu a duhlo tihna alo ni ta a," tiin a țhutna bula țhutthleng chu a han beng thak thak a, "Hawh teh, darling, țhu ta che. Kan nufa inkara Giles Cross a fanu inrawlh hi ipu khan a phal hauh lovang," a ti sarh sarh a."Mahse a rawn inrawlh miau si alawm," tiin Remy chuan alo chhang mar pat a. Țhut ve pawh tum lo chuan intur dahna lam chu apan a, beer u dang ala leh ta a, "Hei hi ilo hriat a țha tawh ang. Megan nen khan kan mudun tawh asin. I thinur a hlauh em avangin kan zep rih mai mai a ni," a ti ta a."Ka awih love!""Awih lo mahla a dik miau si alawm,""Nilo," tiin Anita chu a tho ta hluai a, "He thu hi min tihnat i duh vangin i sawi mai mai a ni tih ka hria alawm. Engvanga ka chunga țhalo viau nge i nih le? Rachel nen.....""Rachel nen chuan kan inkawp tawh lo a ni. Thlawhna țumhmun ațanga Megan i ka rawn phurh thlen ni ațang khan a tawp vek tawh asin.""I ti tak tak lovang!" anu chu alo thaw hraih mai a."Ka ti tak tak a ni""Mahse....nang aiin a upa si a""Ani pawhin a ti tho alawm""Chuti anih chuan le, a țha anih chu.""Mahse kumin awmzia nei hek lo le," Remy chuan alo ti bung ta nghut mai a."Nang aia a upat avanga kalsan ta che a nilo i tihna em ni? Ka hrilh lawk reng che alawm," tiin a nu chuan a hmui alo kum phat phat mai a."Ka pa mihang anih vanga min kalsan pawh ani chuang lo. Chu chu i sawi duh anih chuan. Helai a chhuahsan chhan chu atan a awm harsa khawpa i awm vang ani," Remy chuan a lo ti hriam hraih mai a."I sawi a,ka hre chauh mai.""I hre tur a ni. England a an company hming leh an phone number ka hre duh a," alo ti leh a."An company maw? Engatinge?""Ka hrilh zo chauh che alawm. Enge a chhan tura ilo rin le? Biak ka duh ani mai alawm," Remy chuan nui hak hian a lo ti a."Mahse helaia a hotel chanvo ve kha tihral a duh tih ka hrilh zo chauh che alawm.""Tichuan?""Kan nufa nena in kungkaih theihna engmah neih a duh lo a ni mai alawm,""Nang nena inzawmna neih hi a duh lo a ni. Megan nen khan thil la chinfel dun ngai kn nei a ni," Remy chuan ako ti leh hmiah a."Nilo" tiin Anita hmui chu a lo khur hlak hlak a."Ni tehreng e a,""Mahse Remy, hetiang thil hi i ti thei lovang, tunah ngat phei chuan. A chanvo ve kha tihral a phal tawh anih chuan.....min pek let leh a phal.....""A remti maw? Enge i sawi awmzia? Ben Deyer an a rawn bia che emaw ka ti a," Remy chuan alo ti ngat mai a."Ni e, min rawn bia alawm. Ka sawi awmzia chu.....ih,"Anu chu a meng buai nak mai a,Remy chuan thil awmdan tur chu a man thiam ve ta mai a. A nu chuan Megan chu a be pawp hauh lova, Ben Deyer a dawr tir a ni ngat mai. Megan hnenah chuan hotela a chanvo ve chu a hralh phal leh phal loh a zawhtir ani ngei ang chu. Anu chu a haw ta hluah hluah mai a. Engtinnge chutiang thil te ala tih zui duh le? Megan chungah te, a pu leh amah te a nghawng thei vek si a,apu thlarau pawh a zah lovem ni le?"Nang hian....nang hian...."Engmah a sawichhuak thei ta lo hial a,tun hi a hun remchang hnuhnung ber pawh ani mahna! Mahse anu chuan a kawr banah alo vuan a, "Khawngaihin Remy,lo ngaithla hram teh aw. Ipu damloh nasat zia kha i hria a, a chakloh zia te kha...! Miten khatianga natna nasa an tawh chuan thlem an awlsam hle asin. Megan khan anu nen ipu iin a ngaihpawlh fo tih a hre ran a,khatih lai remchang kha alo chuh ta a ni, I hrethiam mai lo em ni? Londona a sumdawnna chu eng ang pawhin sawi lian mahse, alo thlen tirh phat ațang khan rilru nei ranin ipu kha a kawm a.....""Ngawi ringawt rawh!"Anita chu a ngawi ve nghal hmiah bawk a, Remy an a kut a lasawn lai chu alo en reng a, "Ka sawi hi awih hram hram rawh Remy. I tana ka thawh nasat zia hi Pathianin a hria alawm, i tan leh Rachel nena in fate tan ka ti a...""Ngawi tawh rawh ka tih chu. Hna ilo thawk nasa anih pawhin midang tan nilo,nangma tan ani ngei ang. Enteh,kapu in Megan i thil tlemte a hnutchhiah ve dawn anga i hriat lek pawh a i buai nasat zia kha ka hria alawm....""Dollar maktaduaih tela za a sawm chu thil te tham a ni hleinem. Ipu khan engemaw tih a tum tih chu ka hria alawm, ka hria ani. Mahse putar fing tak ani a, Ben Deyer a koh khan a thurochhiah a thlak dawn emaw ka lo ti a, a thiltih dan ka hriat chhuah meuh kha chuan ka lo tlai hman der a ni. Doctor kaltlangin alo tifel vek tawh si a," Anita chuan a ti hmawk hmawk a."A lo tlai amaw? Enteh, kapu boral thutna leh i thusawi chuan inkaihhnawihna a nei i tihna em ni?" Remy chuan alo ti ban charh mai a."Chutiang anilo," tiin a nu chu alo meng kawk kawk mai a, "Chutiangin min ti thei lovang,a sawi pawh i va sawi ngam zawk ve le. Ipu kha ka hmangaih asin,ani tina tur khan engmah ka ti lovang tih i hria alawm," a ti hlawk hlawk a."Mahse a thihni kha.....i beisei aiin a lo thleng thut ve tho ani lawm ni, Kei min kohna hun pawh a awm lova....""Ka rawn phone ngei che alawm. I awm lo ani,""Eng hunah maw? Min rawn phone ngei amaw?" tiin Remy chuan alo en ngar mai a."Ipu....ipu boral zan khan, ni e, kan sawifel a hun ta hle ani," tiin Anita chu a inha ta nghal a."Kapu thih zan khan zankhua in inah ka awm a, min rawn phone nila chuan ka lo la ngei ang," alo ti hriam hrak mai a."Engtinnge i hriat ang? Kar a liam leh țeuh tawh a, ipu boral zana i awmna chin chu engtinnge i hriat a?" tiin anu chuan a kut alo phar hiang a."A chhan chu maw, khami zan khan Megan nen kan awmdun tlat a ni. I hriat zel duh phei chuan kan mu dunin kan hlim hle asin. Ka theihnghilh ngai lovang,"Anita chu alo ang pham mai a, "Number diklo ka lo hmet em ni dawn le...""I hmet lo zawk pawh ani mahna le. Min rawn be pawp lo hrim hrim ani, ani tiraw? Min rawn be lo hrim hrim a ni. Pathian hmingin, kanu engvanga min rawn hrilh thuai lo nge i nih le?" a ti zui ve ta bawrh bawrh mai a."Engmah tihtheih a awm tawh chuang lo tlat a ni, Remy. Tuman engmah tihtheih an nei tawh lo," alo ti mial mial a."Tuman tihtheih kan nei tawh lo tihte chu kan hre vek alawm Kanu. Mahse kapu chuan a thih hma a min hmuh te a duh ve ang tih ngaihdan i nei miah lo em ni?" alo ti leh khauh a."Megan nen in awmdun ani tih hre ngat ila chuan timna ka nei hauh lovang," Anita chuan alo ti nghat mai a, "Oh, ni e,ipu in i hnena thu a sawi duh chu hriat ka lo duh lo pawh ani mahna le," a ti zuai ta raih mai a."Engthilnge sawia ilo rin a?" Remy chuan alo ti leh ta tlat mai a."A ro sem dan chungchang mawle. Remy, ka hrilh tawh che kha, a thurochhiah kha a thlak dawn emaw ka tih laiin alo tifel vek tawh a ni," alo ti nawn leh sap a."Tichuan, a thil sawi duh tur chu Megan hnena ka chanvo sem ve turin min ngen ilo ring tihna ania maw?""Aw""Enteh kanu, he hotel hian chuti em em in ani maw awmzia alo neih thui le? Putar thi tur thurochhiah pawh zah zo lo khawpin ilo....""A thi tur duhdan ani lo. I hming leh Megan i hming a lam a lam a....ka.....ka.....""I rochan tur chunga bum tu ah che ila ngai amaw?""Ipu chuan ni lul love. Megan in mawle. Enteh Remy, kha thilah khan min ngaidam rawh aw. Min hua tih sawi lul suh. Thil țha ber tura ka ngaih....kan tan.....kan tana țha ber....""Kan tan a ni lo," Remy chuan alo ti ta hmiah mai a. "Khai aw, Megan in London lam a pan ta chuk chuk pawh kha alo mak love. Kan nufa hian rosum chungchang avangin kan â emaw a ti hial dawn anih chu le!" a ti ta vawng vawng a."Ani ngaihdan in enge awmzia a neih?" tiin a fapa hmai chu a va chulsak hram hram a, "Khawngaihin Remy. Hriatthiam tum hram teh aw, keimah vang chauh tal pawhin. Kha hmeichhia khan i nun a tihchhiat ka phallo ani, ipa in ka nun a tihchhiat ang khan," a lo ti țawk țawk mai a.Remy chuan a nu kut chu alo paihthlak sak dawrh a, a nu tawh chu duh lo tih hriat zetin a tawlh hnung rawk rawk a, "Hei hi lo hre rawh aw Kanu. Nangmah hi ka nun tichhe tu chu i ni. Megan kha ka hmangaih asin, heng thil zawng zawng alo thlen hma kha chuan ani pawhin min duh ve asin. Mahse kan inkar i tichhe vek a ni. San Felipe a lokir leh duhloh nachhan hial tur khawpin i siam a. Ka ngaidam thei ngai tawh lovang che, englai mahin," tiin a nu chu a kalpel thuak a, "Min lo ngaidam tawh la, boruak ka va dawng teh ang," a ti ta hmiah a.Chapter - 15 (Last)London ațangin tlailam thlawhna ah a chuang a, San Felipe thlawhna țumhmun an thlen chuan dar ruk a ri tawh a. Thlen hma deuha Remy a hmuh hma a hotel danga innghah fel hman a duh hle nangin a chhuak hma thei bik tlat lova.Hotel thlenna tur a ngaihtuah chiam a. Zing khua alo var a Ben Deyer a hmuh chuan Remy hmu lova, London lam a pan leh hman ngei a inring a. Remy hmel hmuh chu a finthlak ber lovang. San Felipe a chhuahsanna pawh thla khat aia rei a ni tawh a, a rawn be pawp hauh silo. Hmuh leh duh chu ni sela, rawn biak pawhna hun a ngah hle si a, alo beiseina chu a thlawn mai ani ta si a.Simona lah chuan bialpa thar a nei a, pafing leh remhre tak ani lehnghalin an inrem hle bawk a. Simona nen inluah dun zai an rel ta bawk a, Megan chu an ngaihtuah dun hle mai a.Megani inluah an zawng a, Simona chuan an in inleițawm chu khul mai se a duh hle a. Mahse an in chu mi pakhat chauh tan a len em avangin hralh zai an rel ta zawk a. Simon leh Keith chu an hlim dun hle ani, Keith a țhianpa in, London chhim lama mi chu luah zai an rel a,Keith a duhdan chu Simon chuan alo phurpui zel lehnghal a. Simon an kawppui țha tak a hmu leh ta chu a lawmpui a,in an inleițawm dawn pawh khan Simon chuan midang hmangaih neih leh a,tihsual a hlauh vang a ni. Keith chuan a tihnat tawh loh a beisei pui hle bawk a.Sydney lama hna an hmuh belh leh chu lungrual taka thawk turin an inrem a, a hna a a buai em em laiin Anita lehkha alo thleng hlawl mai a.San Felipe lam ațanga lokal ani tih a hriat chuan chhiar a chak em em mai a,mahse a han hawn a, a han chhiar meuh chuan a țim sawk sawk thei hial a. Anita chuan Ryan Robards a ro sem ah chuan chanvo neih ve a phu loh thu te, a lo tel ve a thian loh thu leh aman a chhiar anga a chanpual ve chu leitir mai tura a rawn tihna alo ni a.A duh aiin ala rawn tina zui fo mai a, a ngaihdan a ni zozai tawh bik lova. Apa ro an chhiar laia a țawngkam leh a khawsak dan avangin thliarkar a chhuahsan phah tawh a, ala rawn umzui fo chuan a thin a ti ur ve riau tawh a ni.England a pan hnu khan Remy rawn biak pawh ngaichang reng rengin a lo awm a, chutah Anita lehkha a dawng ta nawlh si chuan an inkar chu a ti chat chiang hle in a hre hial a.Mahse Remy nena an inkar chu tawp fel vek turah chuan a dah phal mai thei lova,hotela a rochan ve chu a duh hauh lova, a mamawh bawk hek lo. Anita pawisa chu a mamawh ngai lovang! mahse Remy han hmuh leh chu a chak hle tho mai si a, Ben Deyer bia in chhuanlam remchang tak a siam ta a ni. A chanpual a hralhna lehkha ziahfel te a ngai anga, ukil hriatpuina ngeia chinfel tur an ngah hle a ni. Taxi ah chuangin Port Serrat a Remy chenna lam chu a pantir ta a."Helai hi em ni i kal duhna chu nula?"A rilru buai tak chu taxi khaltu țawng chuan a rawn tibuai ta a, chupa chuan a mit chuan Remy kailawn eng pap chu a en ran a. Megan chu a lainat hmel viau lehnghal a,chulai vel chu a reh țhap mai bawk si a."Aw, a ni alawm," tiin motor kawngka chu a hawng a,a chhuak ta nghal a."Ka lo nghak dawn che em le?" tiin ngaihtuah hmel zet hian alo en reng a."A ngai lovang, min ngaihtuah suh, ka lawm e," tiin alo nuih var var a.Motor khalhtupa pawh chuan alo buk khum nghat a, Megan in kailawn a rah chhoh thleng chu a nghak ta thova.Remy kailawn a rah chhoh zel chuan Rachel i alo awm ve a hlau leh ta thut a,mahse a kal tawh a, khawvar a nghah chuan a hmachhawn ngam dawn hauh silova.Remy kawngka chu a kik ta karh karh a, inchhung chu thim ruih mahse awm chu an awm ngei a ni, hna a thawk pawh a ni maithei asin.....kawngka kalhna chu a rawn ri rawk a,a rawn inhawng ta nghal a.Megan ke chu a zawi hnawk mai a,hmuh chak hle mahse a taka Remy landan a han hmuh meuh chuan sawi tur a hre lawk lo hial a,alo in ngaihtuah lawk vena zawng zawng chu a bo diak mai a.Remy lah chuan makti hmelpu em emin alo en a,Megan chu a hrilhhai hle mai a."Megan! Enge....enge i rawn tih le?" tiin a nghawng hnunglam chu a vuan ringawt mai a.A han inti pachang a, satliah zeta chhan tumin a han țhen sak a, "Enge ilo rindan?" alo ti hram a."Rindan ka nei hauh lo mai,"Enga Remy hmel ti deuh tak leh pawr fap chu a han en a, hna a thawk nasa lutuk a ni ngei ang, a pu a awm tawh silova hotel pawh a buaipui hle ang chu. A han tim deuh a,mahse engmah hloh belh tur a nei tawh chuang lova, a huaisenna zawng zawng nen a bei ang chu."Lut turin min sawm dawn nange?" a han ti leh hram a.Remy chu a phu deuh zawk hialin a lang a."Oh....tehlul mai," tiin a tawlhkir a, Megan luhna tur chu alo kian ta thuai a.Inchhung chu a lo hnawk nuaih mai a, lehkha chi hrang hrang hi țhutthleng leh dawhkan te, chhuatah thleng chuan a darh nuaih a,thawmhnaw a inbang hnawk hle bawk a, umruak engemaw zat hi dawhkan pakhat ah chuan a intlar bawk a, boruakah chuan zu rim a nam rum rum mai a.Megan chu a ding chawt mai a. Remy chuan thaw hak chungin a rawn kalpel a, "A pawi hle mai," tiin lehkha darh nuaih chu a khawm rawk rawk mai a, choka lamah a keng a, "Tumah ka lo beisei lova," a ti hul hak mai a.Megan chuan alo en reng mai a, a awmdan chu mak a ti hle bawk a, Remy chu a inziat fai lova,a hmai a thawpin a meng thim raih mai a."Vawiin chu in lamah hna ka thawk a," tiin Megan i ip khai chu a han en a, "Eitur i duh em?" alo ti ta thuai a."Duh rih love, i buai hle anih dawn hi," tiin a hawi kual ruai mai a."Ka hnathawh dan rawn endik tura lo kal inih ka ring lo. Sylvie in a rawn tir che em ni?" alo ti bung vat mai a."Sylvie â?""Ka office a i kal hmasak ka rin vang ania. Awle, ka hrilh ang che, kanu in nimina min hrilh hma kha chuan a rawn be pawp che tih ka hre hauh lo ania," tiin alo thaw huai mai a.Megan chuan a thusawi awmzia a hriat chuan alo meng zau kawk kawk a, "Hotela ka chanvo chungchanga helaia lokal hi ka nih i ring a, awle, chutiang te chu phone ațang pawhin ka rawn ti thei reng alawm," alo ti ve hmak mai a.Remy chu a han ding ngil a, "Chuti chu engti turin nge hetah i lo kal a?" I lo thleng chauh em ni?" tiin Megan i zin ip chu a melh ta reng mai a."Thlawhna a chhuak tlai a, ka rawn tlang nghal a ni," tiin a jean kekawr hakah chuan a kut thlan chu a tat nawk nawk a."Min rawn hmu turin i lo kal amaw? Engatinge?" Awih loh hmel fe hian a lo ti he haw a."Biak che i harsa hle mai maw?" alo ti ta sap a."Engatinge?""Awle....kan inkar thil engemaw kha tihfel ka duh deuhva," tiin beidawn hmel zet hian alo en a."Eng ber maw?""Awle, a hmasa berin ipu ro min hnutchhiah chungchangah khan engmah hriat ka neilo tih hria la ka duh a," a han ti a."Ka hria alawm,""I hria amaw?" tiin Megan chuan alo en he haw mai a."Hria e. Ka hriatloh i ring em ni?" tiin alo thaw ham ham mai a."Chuti si engatinge......?"Engvanga rawn be pawp lo nge anih si? Mahse a zawt thei lovang. Anita kha alo buaipui lutuk na lamah Remy lam a lo ngaihtuah lo a lo ni."Engmaw? Han sawi zawm teh. Kanu hnenah thiamlohna i neilo tih ka lo hrilh anga maw? Ka tilo emaw i ti em ni?" tiin a lo en hra mai a."Inu chuan a awih lo amaw? A pawi ka ti ngawt mai, mahse tihtheih ka la nei ang chu," tiin a kut chu all tuai nauh nauh a."Putar thilpek che chu ilo hnar anga tiraw? Kapu duhdan anih i ring chiah em?" Alo ti thum ta chhar mai a, zu rim a nam huam lehnghal a."Mahse inu in ti tura min duh dan ngeia ka tih a țhat zawk ka ring alawm," Megan chuan alo ti ve ngal ngal a."Chu chu ka sawi tum anilo,""Anih ka lo ring ringawt a,mahse ka bum lo che tih ilo hria chu ka lawm reng reng e. Bakah, in chhungkaw sum chu midang kuta a awm ve a rem lo ani, Remy," tiin a che ta sek a.Putara khan kan chhungkaw zingah a pawm tlat che a ni. Helai hmuna ilo kal fo nachhan tur hi a ngaihtuah a, inpawh taka awm reng turin min duh a ni," alo ti a.Remy nen chuan an indin hnaih hle nangin an intawk hauh lova."Kan pahnih hian maw? Nge kei leh inu zawk?" Megan chuan alo ti leh hram a."Kan pahnih hian, ni e, Megan, nang leh kei hi ani a tih chu," tiin ala rawn hnaih sauhva.Megan chu alo pai khawt khawt mai a, Remy chuan alo vuan thuai a, mahse kuah emaw pawh a tum hauh lova,tawk turin a inring zo lo ni mai hian a lang a.Megan chuan a awmah a lo nem a,nem chu a nem sawn phal hauh lova, a kut chu a nghat a ni ber mai. "Hotela ka chanvo chu ka tihral i duh lo zawk tihna em ni?" a han tih tak sapah chuan Remy chuan alo kuah bet ta chial a."Ka duh chu maw....." tiin Megan nghawng karah chuan a han thaw ham ham a,a khur dar dar hial bawk a....Min tih hrehawm hi ti tawp la ka duh ani. Oh, he thil hi sawi ka duh lo, mahse mipa hian tawrh theihloh chin hi kan nei ve asin," a ti ham ham a.Megan chuan a hmel pawr zet chu a han en a, "Ka lo ti hrehawm che amaw?" tiin a kut hmawr chuan Remy a hmul ziah fai loh chu alo chul dan dan a, "Oh, Remy, tih hrehawm che hi ka duh lo asin. Heta ka lo kal nachhan pawh hi min lo la duh takin tia lo kal ka ni alawm," alo ti sa sa mai a."Nilo," Remy chuan alo ti hrawih mai a."Min duh tawh lo em ni Remy?" a hlauthawng lutuk chu a thin a lo phi zawih zawih mai a."Duh e," tia rum hawk chungin alo kuah hnaih leh sauhva, "Mahse, Megan, Mangțha pawh min mangțha lo khan i kal ta daih si a," a ti tham țuak a."Oh....." Megan chu a thaw ta huai mai a, a kuah let ve nghal chial a, "Ka....min hmuh duh tawh loh ka ring alawm. Inu kha a țawng na hle mai si a, kalbo thuai thuai kha ka duh ber a," alo ti leh sap sap a."Mahse min rawn biak pawp pawh i tum hauh silova," Remy chuan alo ti leh ngal ngal a."Hei, heta hi ka lo kal alawm. Nang pawhin i tum bik hleinem," tiin alo melh ralh ralh mai a."Ka tum alawm Megan. Ka tum asin, mahse inah in awm ngailo aniang," alo ti ta halh a."Oh, Simon nena kan inluah kha kan chhuahsan tawh alawm. A ruakin kan dah a," a ti chhuak ta hluai a."In ințhen em ni?""Ni e, kan ințhen a ni mi ang chu,""Keimah vangin maw?""Ni love," tiin Remy mitmeng thim khap khap chu alo en reng a, "Simon chuan tlangval fel deuh a tawng a, Keith ania, țhian kan ni ka tih kha," alo ti nem diai a."Tuai ani tih min hrilh lo alawm. Oh, Lalpa leh, in mudun țhin emaw tiin hrehawm ka lo tuar tlawk tlawk a," Remy chuan a ti sar sar a."Kan mudun ngai reng reng lo. Mahse maw, nang hi chuan min han sawm chhin leh la chuan ka lo hnar phallo mai thei....."tiin alo sen ap ap a."Hetiang chung hian maw?" tiin Remy chuan a landan pawr zet chu a han inkawk a, a insum zolo tih hriat zet hian a fawp ta vawng vawng a. "Min thlem eih suh aw. Lo hnial tur che in chakna ka nei tlem hle ania," a ti thawp sat mai a.Megan chu alo khur dar dar a, "Min hnar turin ka duh lo che asin, I landan kha ka ngaipawimawh bawk love," tiin a nghawngah a lo kuah chial a."Kei hian ka ngaipawimawh alawm," tiin kut khur dar dar hian a han nem sawn a, "Inbualfaina hun reilote min pe la, mihring pangngai ka ang ve leh deuhin ka inring," tiin a nui ta var var a.************Remy chuan a hmul ziah loh te chu a met fai zung zung a, sahbon phuana innuai chungin tui a inphuh tir sang sang a. Bualin kawngka chu a rawn inhawng a, Megan lo pen lut chu makti zet hian alo en ta reng mai a, Megan chu a rawn nui lut tat tat bawk a."Inbual ka mamawh ve tho alawm. Rei tak ka rawn thlawk ania. Bualin țawm ve che i phal em? I duh leh i hnung kha ka lo nuai fai anga," a rawn ti a."Ka duh te chu i hre reng alawm," tiin a mipatna lo nung țual țual chu thup a tum hauh lova. "Oh, Megan engthilnge i tih le? Oh, enge pawi awm? alo ti nawk nawk a.Megan chu alo kuah ta chawt a,a taksa a sahbon phuan chu tui chuan a tleuh fai duak duak a, Megan ka chhung hnawng chap leh lum hama alei a nawr luh chuan ani chuan alo nek hnai țalh țalh a. Megan i anga hmeichhe nihna hmang thiam an awm a ring lo hial ani. A thil khauh furin Mega i dul nem a tawk run mai chu thil tawrh nuam leh hrehawm tak si ni hian hre hial a."Megan...Megan, ka insum thei dawn lo tlat," a ti ro halh mai a."Kei pawh le," tiin alo hnaih zual sauh sauhva, Remy kutin a hnute a rawn hup takah chuan a lo thaw ri hak mai a."He thil hi a atthlak hle ani," ti chung zelin Megan bawp chu a rawn kauva, a mawng tam bawrah chawi kangin a insiam rem ta sauh sauh mai a."Thil atthlak tak, nuam tak si ani," tiin a taksa nal zet chuan alo nek nalh nalh a, "Ka hmangaih che asin," a tih sa sa chu chiang taka a thil hriat theih awmchhun a ni ta rih a.********Megan i chu Remy sirah mu in an inkherh chial mai a. Bualin chhunga țang zeta an chet hnuah khum lam an pan a,chutah chuan muangchang deuh zawkin a bul ațangin an țan țha leh ta anih kha."Eng hun nge ni tawh?" tiin Remy chu a han hnaih leh țalh țalh a."Darkua a pel tawh anih hi. Engatinge? I ril a țam em ni?" Remy chuan alo ti thuai a."Nangmah duha a țam bak chu țam love. Remy, ka lo kir leh a,ka lawm hle mai," tiin a khan chial a."Kei deuh hi asin lawm. Ka rilru ang ipu nia hriatna ka nei țan ta e," alo ti thawp sat a."Eng rilru nge i put a. Min hrilh ta che,""Sawi ngai lovin chetzia in ka tilang lovem ni? Ka hmangaih che a ni, Megan. Kanu pawh ka hrilh tawh alawm. Ka hmuh hmasak ber ni ațang che khan ka hmangaih che a ni," alo ti a."I nu i hrilh maw?""Kan mutdun thu pawh ka hrilh alawm.""I hrilh lovang.""Ka hrilh ngei ani. Kapu boral zan khan min rawn phone niin a insawi a, rawn ti tak tak ni sela ka hriat ngei tur thu ka hrilh mawle. Mahse ka lo chhan dawn leh dawn loh phei chu ka inhre lova," tiin alo nui hak a.Remy hnenah chuan ani pawhin a nu dawt sawi chu a hriat thu a hrilh ve ta nge nge a,reife an titi hnu chuan an lungawi dun ta hle a, an in en a, an in nuih var var reng a."Remy, ka chanpual ve kha i nei thei ang," tiin a fawp ta vang vang a."Nanga chanpual kha ka duh love. Putar an nei tura a duh che chuan i nei mai tur a ni, chhan dang vanga tihral i duh anih loh chuan," Remy chuan alo ti thum chhar chhar a."Pawi i ti lova maw?""Pawi ka tih ring ngai suh ang che.""I nu khan.....""Kanu chuan sawi tur a nei leh țeuh tho ang. Megan, i chanpual tura dah chu nei mai rawh, ka malsawmna nen, ka hmangaih che alawm,"Remy chuan alo ti leh hmiah a."Mahse inu.....""Ka nu chuan ka nupuiin hotela chanvo chhete a neih ve chu alo hnial thei hauh lovang. Min hmangaih nia i insawina hian inneihna thleng a huam tel anih chuan," thutak zet hian alo ti a."Chu, inneih puiah min sawm tihna em ni?" tiin alo en ran mai a."A ang khawp mai.""Chuti anih leh hotela ka chanvo ve chu ka pawm mai ange, ka thil rawn chhawm ve angah ilo ngai anga," tiin a nui har har a."Chuti chu ka sawmna che chu i pawm tihna ani maw?" tiin a inbeng kang uaih mai a."A ang khawp mai. Hotel han enkawl vel chu a phur awm hle dawn anih chu," tiin alo nui leh hawk hawk a.Remy hlim nui thawm leh lukham hniam sata a rawn delh behna chuan a lungawi zia a tilang chiang hle bawk a.************Thlakua alo ral chuan Anita tu pakhatna tur chu a piang ta a.Thla kua a hmanral chhunga a buai ber ala ni hialin Megan chuan a inring a. Remy nen chuan Honeymoon hmangin an zin dun a,chutah England ah a sumdawnna Simona te hnena hralh fel turin an kal kha, nau a pai ani tih an hriat phei chuan an hlim dun ttak zet zet ani.Anita pawh chuan a fapa chu a hloh hlen thei mai ani tih a inhriat avangin Megan i chu rem a tum ve hram hram a. A chang phei chuan Megan chuan a tuar lo lek lek țhin hial ani. Mahse Megan in nau a pai takah chuan Anita chu a danglam ve ta hle a, țhat a chuh ve ta hle bawk a. Bakah monu atan chuan Megan anga tling zo tur an awm dawn chuang lova hriatna a nei ve ta tlat bawk a. Naute alo pian phei chuan a hlim ber leh lungawi ber ani ta hial reng a ni.Ryan an Remy fapa a hmu hman lo chu Megani pawi tih ber ani ta a,Anita lah chuan a rilru hria niawm fahranin a lo sawilang sek bawk a.Robards chhungkua nena inzawmna kumhlun neih chu nu leh Ryan Robards a duhdan alo ni ngei aniang, an țawngțaina chhanna chu a lang zel nia ngaiin an lungawi tlang hle a. Mahse Megan chuan a pa thlarau chunga ngaihdam dil chungin a hmangaih ber Jeremy Robards ațang chu belh a thlang ta zawk si a. Apa pawhin a ngaihdam ngei a ring bawk a ni.THE END.

• Get link
• Facebook
• X
• Pinterest
• Email
• Other Apps

May 10, 2020

Post a Comment

Read more