Savage Atonement(Lh Varte)Hk RenthleiTui chunga kal i tum leh vaih chuan min hriattir lawk tawh dawn nia, tiraw?Engthilnge tih i tum reng reng?Ka khawih che avang khan tuia zuanthlak i tum amaw?"Ka tawh hlek che aiin tuia tlakhlum kha i thlang zawk amaw?" Kawlh hmel zet hian a lo ti a."Chutiang a ni lo, i thusawi vang kha a nia," aw ṭial ruai leh khur dar dar hian a lo ti a."Enge ka sawi a..?" Oliver a chuan a lo ti hu a, robe chhah deuh hian a rawn tuam lum a, a ta a nih ngei a lo ring a."Mipa cho chhuak a in pawngsual tir angin min sawi a nih kha," a ti ta a.-----------------*&*&*&*&*&*&*---------------Eps-1Sally a office kawngka a vawi tam tak a lo dah hnu chuan Laurel chu a lo thaw huai mai a. "A lo thleng tawh em?" a rawn ti sek mai a.A khawl chhutlai chu a en ngar a, a lu a thing ringawt a, "Lo thleng mahse Francer in kei aiin a hre hmasa zawk daih ang chu. Sally, Mr. Marshall-an a rawn hmuh che chuan a lawm hauh lovang. I thiltih tur kha va ti thuai thuai rawh," a lo ti a."Oh, takzet a che Lauren, mipa hi i ngaihven ve ngai miah nange!" Sally chuan a lo ti hluai a. "Enteh, lehkhabu ziaktu hmingthang zetin min rawn tlawh dawn a, thiltih tur hlir ilo ngaihtuah a maw? I lo phur ve eih lovem ni? TV ah ka hmu tawh a, a ṭha takzet asin, i lo en ve em?" Sally chuan a ti sar sar mai a."Mr Gravios chu min dawrtu satliah a ni ve mai a, a lehkhabu chhiar chu sawi loh hmuh pawh ka la hmu lo," a lo ti hlar a."I chan ropui hle a nih chu. Enteh, Launs, mipa samdum hian mi an hip riau i ti ve em?" Laurel chu Marshall & Marshall ah accountant a ni a, a hnathawhpui mai a nih bak chu a mimal nun engmah hriatsak a nei hauh lova.Nula dang angin inchei ve ṭhin sela chuan a nalh ve viau ngei anga, ala naupan hmel tehlul nen a inchei puitling thei nasa hle si a, kum sawmhnih pakhat bak a la ni lo tawp anga, kum sawmli mi vel niawm takin a inchei ṭhin a, a hmai a hnawih ngai lova, a vun mam zet chu Sally chuan a lo awt hle ṭhin bawk.A titi ser ser lai hmuhtur a awm ngai lova, a chhungte chanchin a sawi ngai lova, tuman an sawi ri ngai lo bawk. Bialpa a nei ve angem? Mipa chanchin an sawi apiangin a telve ngai lova, tihtur a lo zawng daih zel. Mipa huat riauna a nei emaw a lo ti rilru fo ṭhin.Laurel hi a ngaina a, helai hmuna lo thawk rei tawh ber a ni a, entawn tlak khawpin a taima bawk.! An mikhual lo kal tur chu Francis- i aiin lo dawngsawng tu ah ruat zawk se alo ti hle a."Hepa hi i hmu ve chak miah lo amaw?" Sally chua a ti leh ṭalh a.Laurel chu a lo nui sak a. Sally tereuh lah hi a ngaihven zawng apiang ngaihven ve turah a ngai a, a phur sarh reng mai si a. A ngaihtuahna chuan a nui hmel a rawn tireh nghal a. Mipa reng reng a ngaihven peih lo!Mr Marshall anga pa nelawm loh hlir hi nisela a ṭha tur ani a, an mimal nuna inrawlh tum zel lo hian. A chanchin hi inhnuai lama khawlchhut zir ho pawhin an sawi a hre fova, pawi a ti lem lova, a ngaihzawng neih leh neih loh te an in rinsiak laih laih fo ṭhin. Mipa a huatzia chu hriatsak ngat se... amah maia khawvela awmtirtu an ni a, hmun rapthlak taka seilen tirtu, a rualpui dangte kawm phak lova dahtu leh khawvel dang hmu pha lova siamtu an ni si a.A awmna hmunah chuan a hunlai chuan a hlim ve tho ṭhin, an duatin an ngilnei a, Reverend Mother phei chuan duhloh a ni tih a lantir ngai reng reng lo. Mahse Lauren chuan chulai convent-a a awm nachhan chu a hrechiang ve em em thova. A kut chuan a khawlchhutna chu a hmer ngawt ngawt a, hlauhna leh rilru natna chuan a mitmeng a tithim raih a, a chhungril natna in a rawn fan lai chuan khur lo turin a lo insum hram hram a. A rilru natna chuan a tharin a tuam nawn fo ṭhin."Laurel, i ṭha em?"Sally in ngaihtuah hmel deuhva a rawn tih takah chuan a harhchhuak zawk a."Ka ṭha alawm, Sally," a han ti sap a, a sana a han bih a, "Thingpui i duh em?" A ti ta ringawt a.Laurel hmela hlauhna leh râpna lo lang kha a lo hmu reng a, a lo bu nghat nghat a, nula a la hriat ngailoh ang maiin Laurel hmel kha a danglam a. Kha Laurel hmelah khan thil rapthlak tak tuar hrep tawh hmel a lang tlat a ni.Ngawi rengin thingpui chu an in dun a...Sally chuan he khawvel thilthleng engemaw mai maiin Laurel chu a tidanglam ve dawn lo niin a hre ta a. Chutah lehkhabu ziaktu lar tak lo kal tur kha a han hrechhuak leh thut a, thil sawi tuma a an zuau lai tak chuan Laurel chuan a han la a, ngawi rengin a ngaithla a."Mr.Marshall-an note la turin min duh tlat mai, Sally," tiin a ṭhutpui nula chu a han melh a, a lehkhabu te leh pencil a la nghal thuai thuai a. "A rei viau mai thei a nia, thingpui lo siam la, ka keng lut ve nghal ange," a ti ta thuai thuai a.Marshall & Marshall chu khawlchhutna hmunpui a niin a upa ve tawh hle a, anmahni dawrtu te pawh an lianin anni pawhin an lo duat ve thiam hle ṭhin a. Anmahni dawr ṭhintu te chu upa lam an ni ṭhinin Laurel duhzawng tak an ni ṭhin a. Mahse Sally chuan hmun danga insawn a chak thu a sawi fo thung.A thingpui chawi chu a han en a, ama thla chu darthlalangah a han bih leh zawk a, a sam zial khawm chu a lo tlakthlak a hlau hle a. Khawlchhut leh short hand a zir lai pawhin a zirpuite chuan a sam chu thlah ve turin an nawr fo ṭhin a. Laurel chu a lo mangang em em ṭhin a, a sam zial khawm tlat chu a ching ṭhang tawh a, a ti zel bawk ang. A pianphung chu hmeichhe pianphung diktak a ni a, a vun chu a pa scot mi a nih avangin a pa vun rawng a chhun bawk a, a mamin a no chek mai.A nu sawi danin a pa chu scot mi a ni a, Hong Kong a buaina chhuakah vanduaithlak takin a boral a ni. A pa chu a hriatloh avangin Laurel chuan a boral tawh chu a tuar em em lem lova, a nu leh a pi leh pute chu a mi hriatchian te an ni mai a, an vaiin Hamstead a a pu in lianpui ah chuan an cheng ho ṭhin a. Chung hunlai chuan a hlim em em ṭhin a...a hlimin a zalen a, ui an nei bawk a, englaipawhin ina a awm chuan an inzui chawt ṭhin. Hmeichhe School nuam a tih em em na hmunah a lut bawk a, ṭhian a kawm in a lungawi ve em em ṭhin a ni.A pi a boral a, a pu in a zui a, a nu nen chauh an awm ta a, pawisa an nei tlem hle bawk a. A nu chuan an in lianpui chu midang luah theihin a siam ṭhen ta a.A thingpui chawina no chu a inkhak ri raih raih a, a kut khur nasa lutuk chu reh se tiin a taksa a sang mar a, engvanga hetianga khur chhe leh ta mai hi nge a nih? Kir leh thei a ni tawh lo, lawmna tur tam tak a nei alawm, a chenna flat lian lem lo a nei a, a awmna lai a rehin nupa tar lam tawh pahnih a ṭhenawm a, car a nei ve in thingtlang lama a kal duh apiangin a khalh chhuak ve ṭhin a. A thawpik zual chang leh a khawhar chang apiangin khawpui pawn lamah boruak thianghlim dawng turin a kal ve ṭhin.Amah mai a ni tawh a, a nu chu nu chaklo tak a ni ṭhinin, khatiang hnu... Court rorelna an hriat hnu phei kha chuan zawi zawiin a boral ta mai a, a nun aṭanga lak bovin a awm tho tho bawk a. Laurel chuan amah a indem fo ṭhin, a nu nilovin amah chu thi zawk se a inti fo ṭhin a, siamtu in hremna dang a chungah a lek zawk niin a hre ṭhin.Mr Marshall-a kawngka chu a kik ta a, chhanna a hriat rual chuan a nawr hawng nghal a. Mr Marshall chu chulai hmuna a neitu pakhat zawk a ni a, a office chhunga dawhkan lian leh hnûm hlarh leh banga ramsa ho thlalak a tar chuan a office chu hmuh a ti nuam hle a."Oh, Laurel, thingpui i rawn keng a ni maw, ka va lawm em," a lo ti hluai a.Mr Marshall chu a lo nui lek lek a. Laurel hi a secretary ṭha ber a ni a, a hna a tlinin, thildangin a tibuai ve mai mai ngai lo, a tira a lo rin aia a hna a thiam avangin thlak leh pawh a ui hle reng a ni. A han en zawk a, a suit hak chu a thianghlimin a ṭhui a dik thlap a, a coat hnuaiah kawr var ṭha tak a ha a, a pheikhawk bun tunlai lo zet leh a suit nalh tak ṭhui ṭhing zet chuan a pian nalh zia a thup bo chuang lo. Laurel chuan coffee a thli a, an pu epa ṭhu mipa chu en hauh lo mahse alo en reng tih a inhre thova, chutianga mipa in a pianhmang an en chu duh pawh a duh lova, a ten hluah hluah a ni.A pi khan koh duat nan bawpsei a ti ṭhin a, an nui dun bawk bawk ṭhin a, a ṭhiante pawhin a ke chawn sei thlarh chu an awh thu an hrilh ve fo ṭhin a. A mitsir chuan a bula ṭhu mipa sam dum hlapin a briefcase chhunga lehkha la tur a kun chu a han hmu a, chupa chuan a ngaihsak hle tih lo inhriatna a neih avangin a thinur ru hle a, aw nelawm loh leh vawt zet hian bawnghnute nge a duh sertui tih a han zawt a.Chupa chu a rawn ṭhu ngil a, a rawn en ta a. Laurel chuan a hmai dang nghal lawp lawp chu a inhria a, a beng a kiu mum mum a. A ni thei lovang...mahse a ni tlat si... chupa hmel chuan acid ang maiin a taksa pum chu a kang a, han theihnghilh chi rual a ni tlat lo a ni.Mr Marshall-an hla tak aṭanga a lo ri niawm tak hi a han hria a, khawilam aṭang hian emaw chakna thar a rawn neiin no chu a pe hram a. Chutah chupa Jonathan Graves inti chu a pe leh ta a. Chupa chu alo hriat ve dan chuan Oliver Savage a ni a, an inhmu leh thut chuan amah a nghawng ang bawkin chupa chu a nghawng ve a ni tih a hriat chuan a lawm hle a, enge a beisei, tuna a nundan ai chuan thih thlan awm ti hial khawpa a nun tichhetu a ni si a, a thiltih kha a theihnghilh vek thei em ni?"Ṭhu rawh Laurel," Mr Marshall chuan a lo ti thuai a."Mr Graves nge Mr Savage ka ti dawn che?" Tiin a han zawt leh a.A eng zawk zawk pawha koh a pawitih loh thu a lo hrilh thuai a."Laurel, kan inbiakna hi lo ziak turin ka duh che a, i hriat angin Mr Savage hi lehkhabu ziaktu a ni a. Ramdangah a hna thawkin a awm bo reng ṭhin zawk a, Jonathan Graves tih hmingpu in lehkhabu a ziak ṭhin a, chhiah chungchang min sawipui turin a lo kal a nih hi," Mr Marshall chuan a lo ti zung zung a.Jonathan Graves leh Oliver Savage chu hming hran, a neitu thuhmun ni si maw? Eng lehkhabu nge a ziak ang? Laurel chu a lo ner sawk a, chanchinbu a a thawh laia mi a kawm ṭhinte aṭangin a niang chu. Hetiang mipa hian lehkhabu te ziak ve lo sela a ṭha tur. An dâwt thu phuah thiam dan aṭang reng pawhin lehkhabu ziah chu a thiam ang chu. An ni ang ho lakah hi chuan thudik pawh dawtah a chhuak a, mi thusawi lak kawih leh midang dem bak thiam an nei lo.Kum ruk chhung ngawt a lo zir tawh mahni inthunun theihna avang chauh chuan an thusawi chu a lo ziak chhawng thei a. Chupa aw chuan a beng a verh zar a, a hmuh ruala huatna leh thinurna a neih kha bovin, hlauhna in a rawn tuam ṭan ta zawk a...hepa hian be leh ta se engtinnge a lo chhan ang? A tuar thei hauh lovang. Chupa hmel en lo tur chuan a ṭhutna chu a pawt her a, ani lah chuan a hmel ngei hmuh tum niawm fahran hian a ṭhutna chu a hmel hmuh theih zawng ngei tur chuan a rawn in her rem ve nghal thuai a. Chîk fe hian a rawn en reng a. Hepa hian hlauhna awmzia a hriattir a, ala hlau zual sauh bawk a, a taksa chu a ṭangmar ṭeuh a, a dâng vekin a mit a phe ruai bawk a.Hepa hi a ni ang tih lo hria sela chuan alo in puahchah lawk ve deuh tur hi a ni a, Sally lah khan hmelṭha a ti hle a, a hmel a lo en kher kher chu a inchhir hle a, a kawchhung a sa hulh hulh a, a chauva, a pencil hum lai chu a thlauh ta a. Chhar tur chuan an kun rual dun ṭhawt a, chupa ban chu sei zawkin, a suit ṭhui nalh nalh tak hnuaia a kamis var hak ban hmawr lo lang chu a melh zawk a, a lo chhar khalh a. Laurel kut chu rawn tawk zauhvin Laurel chu a lo tawm nghal chawih a, a hmela hlauhna leh huatna inpawlh lolang chu chupa chuan a rawn hmu hman ta thova; mitmeng zim san hian a pencil chu a rawn pe ta a.A lo la danglam chuang lo a ni, Laurel chuan thinrim zet hian a ti rilru a. Chupa chuan a mipa nihna leh a chakna ala hmachhuan thiam hle anga, a thiltihtheihna hmang chuan a lo hneh thei ngei ang, a hlau rei em em a, a lo tawn tir tawh nun beidawnna leh a nu tihlum hial thei khawpa tichhetu a ni a, mangchhia man tir rengtu, zawhna rapthlak tak siamtu a ni bawk. A la danglam lovang, hmeichhe naupang kum sawm panga mi nun tichhe vek tu tho kha a la ni.Naupang nun hlim leh zalen tak kha a thaibo va, thlakhat chhung lekin hmeichhe rilru kha ber leh chhe berah a chhuah ta a ni. Sally khan an thawhna hmun chu a boruak a dul a tiin nuam lo a tihthu a sawi fova, ani chuan a duhthusam a ko ni a. Thawkkhat lai kha chuan Sally ang mai hian tleirawl harhvang leh hlim thei tak a lo ni ve tawh ṭhin a, thawmhnaw mawi leh nalh te, hmai cheina te a nei ve ṭhinin a lo hlimpui ve em em ṭhin. Mahse chung zawng zawng chuan a chhungrilah hlutna an nei tawh lova, engmahin inbel leh chakna a neih tir leh ngai tawh lo.Mr Marshall-an a kaltheih tawh thu a sawi chuan a lawm hle a. Mahse Oliver Savage hmela chuti maia kaltir a tum lo tih lo lang chu a ngei hle a, chanchinbu ah a la thawk ang em? A duh ang chhanna an pek hma zawnga mi um a, an chunga ṭhat chhuah dera, lemchang ṭhin an ni si a, amah pawh alo tih tawh ang khan...mahse engmah a zawhna a chhang ngai tawh lovang. Vawikhat kha a tichhe tawh a, hmeichhe chan chhe berah a awmtir a, Oliver Savage chu a ring leh ngai tawh lovang."I ṭha em? I va dâng em em ve?" Sally chuan a lo ti thuai a. Laurel chu a lo bu nghat a."Awle, khapa kha Tv ah aiin a lang pâ lehzual em? Han sawi teh Laurel, ka hmu ve chak lutuk," a lo ti zawm zat a."Ka lo en hleinem,"Sally chuan a dawtsawi chu a lo awih ve mai a, a hmel chu a ṭha in a pâ hle alawm! Pa hmelṭha tak leh nunrawng tak a ni a, a hlawh hmuhna tur a nih chuan mi nun a tichhe duh bawk."Vawiin chu haw hma ka duh tlat mai," tiin Sally chu a han melh zauhva. "Hetah hian ka thuziak chu ka dah a, ka hmanhmawh deuh riauva," a ti ta a."I sawi awmzia chu ka hrethiam e. Ka kalbo a hun tawh reng reng a," tiin a tho ta a.Sally chhuah rual chuan a note lak chu a chhu nghal zung zung a, an pu leh a inleng pa lo chhuah hman hmaa tihzawh a duh a. Oliver Savage-a rawn hmuh leh rawn biak hmaa kalbo hman a ngai a ni, hepa hian hmanah khan lainatna tel miah lovin a lo tichhe tawh a, a tihtir leh tawh lovang. A chhu zo ṭep tihah Sally chu hmanhmawh zetin a lo lut leh ta a."Laurel, ilo la haw lo chu ka va lawm em!" a rawn ti halh halh a. "Kan lehkha herna khawl saw a hman theih loh. John Lever khan copy a duh hnem si a, zanina thawnchhuah hman a duh a..""Ka rawn enpui ang che,"A handbag a theihnghilh tih a hriat chhuah meuh chuan an kal thui hman tawh hle a. Sally lah chuan a banah vuanin a lo tur sek a. "Hawh Laurel, hmanhmawh teh ang, a thinrim dawn em asin, John Lever mizia chu i hriat kha," a lo ti sek a.A rin aiin siam a lo har phian a, lehkha them tangin lakchhuah lah chu a har phian mai a. An lakchhuah hnu pawh chuan Sally ngenna avangin phek engemaw zat a her pui leh a.A ṭhutna hmun a thlen rual chuan Mr Marshall leh a inlengpa lo chhuak chu a hmu nghal a, Mr Marshall chuan a rawn en a, lawm hmel zetin a bu nghat a."Ah, Laurel, Oliver hnenah i haw hma ngailoh thu ka lo sawi zo chauhva. Ilo chhu zo tawh em?" A rawn ti nghal zung zung a.Laurel chuan a dawhkana a lehkha chhut chu la in a pe a, tukverh zawna mipa sangtak ding chu en loh hram hram tumin a bag a la a, aw sin te hian a kal theih tawh leh tawh loh a zawt a. Mr Marshall chuan Laurel awmdan chu makti deuh hian a lo en a, chhan a tum lai chuan phone a lo ri ta hlauh a, Laurel chuan a la ta thuai a. Mrs Marshall a lo ni a, an pu chuan a office lama phone la turin a luhsan ta a.Hmanhmawh zetin a bag dah tawh chu a la leh a, kawngka lam a pan ta nghal a, mahse Oliver Savage chu kawngka ah chuan a lo ding ta tlat a."Laurel....nangmah kha i ni, a ni em?"Oliver Savage chuan chik lutuk hian a rawn en reng a, a aw ah chuan maktihna leh rinhlelhna a lang tel hial a."Biak che ka duh a, ka hruai haw ang che,""Ka duh lo," Laurel chuan a lo ti ṭhawt a. A meng bial kal a, a hmai a var nghal vek a.Oliver Savage mitmeng chu a lo danglam a, muangchang hian a chhip aṭanga a ke ler thleng chuan chik em em hian a rawn en chhuk a. Mumang ang mai a ni, Laurel hmai chu a rawn tawk a, a tak a nih leh nih loh hriatchian tum niawm tak hian a rawn chul a, Laurel chu a lo tawlhsawn dawrh a, chupa hmui lo chip ta hmak chu a lo en reng a."I hmaiah khan thildum a kai a, pentui niawm tak," tiin a kuta thildum kai chu a rawn tilang a."Lehkha herna tui a nih kha. Ka..." a kalbo duh lutuk tawh chu a buai nuaih tawh a, mahse a rilru buaina chu tihlan a tum bik lova. Hepa hian a lo phatsanin a lo timualpho tawh a, a fing tawh tur a ni ang. Hlauhna leh khawharna awmzia a hria a, thlauhthlak nih leh duhloh nih awmzia a hre bawk."Laurel?"Oliver Savage a ṭawngkam nelawm tak leh mi thlemthiam tak kha a ten hluah hluah a. Hmanah pawh khan tuna a koh ang chiah khan a ko tawh... Hmanah.!"Biak che ka duh...""Ka duh lo,"Ama aw pawh chu a hrehrang hleithei lo hial a, ramsa hliam tuar au ri niawm tak a ni a, Oliver Savage pawh chuan a lo hrethiam a ni ngei ang, a lo meng thim ta khap a.Mr Marshall phone a dah ri khap a hriat rual chuan Laurel chu a lo che sawn vat a, an pu chu a lo let ve nghalin an bul a rawn thleng phei nghal thuai a. Laurel pawh chu kawngka lamah a kal nghal vat a, chutah a thuhriat chu rapthlak ti zet hian a ding ta chawt a."Min lo ngaidam la Marshall, kan hmanhmawh ta deuh a nih hi, i secretary hmanhmawh deuh hi thlah haw ka lo tiam hman a. Vawiin tlai hian tiampui ṭha deuh a nei a nih ka ring," a lo ti ta zung zung a.An thusawi tawp lam phei chu hriat pawh a lo hrechiang tawh lova. Oliver Savage an a bana a rawn vawn a office an chhuahsan lai chu a hre vuai vuai a, inhnuaia zirlai hovin an lo thlir ṭhap te chu mumang ang mai niin a hria a. Pawn eng an thlen rual chuan a vawnna ban chu a phihthla dawrh a, thinur em em hian a en ta reng a."Engthil nge tia i in hriat?" Tiin seh duh mai hmelpu hian a en a. "Nang nen hian khawiahmah kal ka duh lova, biak che pawh ka duh lo...""Awle, inchhunga vur nula ka hmuh kha a lo thinrim ve thei a lo nih hi. Mihring ilo la ni tih hriatna ka nei ta chu ka thaw huai mai Laurel," a ti ta duah a."A ni maw?" Oliver Savage-an a banreka a rawn man leh takah chuan rapthlak ti zet hian a meng rang a, a khur nghal a, tumah mipa reng rengin an la tawk leh ngai lo. Khami hnu...a lo ṭe chhuak ṭhat a, a mitah chuan a awmdan chu a lang chiang hle a."Min khawih suh!" Tiin a ṭe leh ṭhawt a, Oliver Savage hmel lo dang ve lawp lawp a hmuh chuan mak a ti hle bawk a."Khawih hlek pawh i duh lova maw? Laurel, Pathian leh! Kumnga chhung zet ka zawng tawh che asin, i hria em?" Tiin Laurel hmel danglam zet chu a en reng a.Laurel chuan chhan pawh a lo chhang thei lova, hepa ṭawng dam ruih mai leh mi hnehdan thiam deuh avang hian a nun tihchhiat a ni tawh tlat a ni."Laurel, inbiak ka duh...,"Biak che ka duh lo!"Tuemaw hian a rawn nek sawk , tihpalh thilthu liau liauva rawn nek palh a ni nangin Laurel chuan remchangah lo hmangin a vawnna chu tal putin a tlanchhe ta a. Mipui zi nuaih nuaih karah chuan tlanlutin a pilbo ta nghal daih a, a rawn man leh hlau em em in a thin a phu dat dat a.Taxi lo tlan chu a phar ding a, a kal duhna hmun a hrilh nghal a, an tlanliam dawn chuan Oliver Savage thinur hmel leh awih lo hmel taka a lo en reng chu a va hmu hman hram a.Eps - 2Laurel chuan engmah a ei thei lova, a thingpui intur insiam sa pawh chu in lohvin a la dah reng a, a in zimte ah chuan a vei kuak sek a. Tho â ang maiin a mutna pindan a pan a, a kawr khaina bawm chu a hawng a, lehkha khawng bawm chu la in a chawichhuak ta nghal a. He bawm hi a nu thih hnua an pek a nia, chutihlai chuan convent ah a la awm a, Sister Teresa phei chuan halral daih tur a ti nangin Social Worker pakhatin a lo dil sak anga a kawl chu phalsak a ni ta hlauhva. Chuta thil awm chu a en nawn fo ṭhin, a chhiar nawn sek a, a ngaihtuahna a buai rawk thlengin a chhiar ṭhin.Tunah pawh hian chhiar nawn leh a ngai ta a ni.Kut khur dar dar chuan bawm chhunga chanchinbu hlui chehthlak chu a phawrh a. A hlui in, a chul rap tawh bawk a, a ni leh a thla chu a la lang chiang hle thung a. Laurel chu a han thaw huai a. A thil ken phek hmasa ber chu a en ta a."Tleirawlin a pahrawn pawngsual tumah a puh." Tiin chanchinbu phek hmasa berah chuan a lo inziak kulh a. Kum sawmpanga mi a nih laia a thlalak chu a lo la chuang kalh a, a sam sen uk kharh chu a lang pawr hle a. Rachel Hartford, a enkawltu tur bika an ruat Social worker chuan a kutah a chelhsak bawk a. Rachel pawh chu a khawngaih thlak ngawt mai, Laurel chunga an rorelna chuan a tina lutuk a, a hna a bansan daih a ni.Chumi hnuaiah chuan chanchinbu hrang hrangin a chanchin an ziahna te, an ṭhenawm ho thusawi an ziahna te a awm ṭeuh bawk a. Chutah court a an kaldun thu te...Laurel chuan khur dar dar chung hian a han ngaihtuah let a. A pahrawn aia ding ukil lar zet chu a chhawr man a to hle ang tih Rachel chuan a sawi a, khawia pawisa hmangin nge a chhawr phei chu an hrechhuak zo ta chuang lova.Chutah Laurel chuan mi fing verther zet Oliver Savage a tawng a, fing leh thiam takin thu a zawt a, a zawh thiam em avang chuan chanchinbu a a thu rawn ziah an tihchhuah hma chuan pa ngilnei tak niin a hre tlat a. Pa lar leh mi ngaihhlut a ni a, a ziah chu mipui pawhin an awih mai ṭhin a ni. Laurel chanchin a ziah ngat phei chuan Rachel leh a nu, amah nen lam damlai hremhmunah a dah ta a, a nu phei chuan a thih phah hial a ni.Vantlang ṭhatna duh pawlin hnuchham enkawlna hmunah an dah ta a, a nu chu a damloh avangin enkawltu neilo a ni ta a. A hun liamta inziahna chanchinbu chehthlak telkhawm chu a en reng a, chu thil chuan hlimthla ang maiin englai pawhin a chenchilh fo ṭhin si a.Rilru lam thiam doctor khan ngawihbo pui mai mai lova sawi chhuak pawp pawp zel tur khan a ti a, mahse a thei tlat lo thung a. A chunga thilthleng chuan mahni inthiamlohna leh huatna in a khat a, a sawichhuak duh ngai lova, nitinin a nun a eichhia a, ṭhiankawm nuam a ti lova, a nungchungin a eichhe ta vek a ni. Jonathan Graves chu tunge a nih lo hre ngat se chu...mahse a lo hre lawk bik tlat silova, a han hmuh leh takah chuan a nunhlui te chu nimin ang maia tharin a nunah a rawn inlar leh ta uaih uaih a.A pi leh pute an boral chuan kum sawmpathum mi a ni tawh a, nulat an hre ve dawn ṭan tawh a, a ngai thei hle maina. Sum luhna dang an neihloh avangin a nu chuan an in chu midang luah hawh theih turin a buatsaih ta a. An in lianpui chu an pahnih chauh tan chuan a zau lutuk reng rengin enkawlna an neilo bawk a, chhuahsan an hreh em em si a.An in luahtu hmasa ber chu sorkar school a thawk zirtirtu a ni a, Laurel chu an school chanchinte sawiin a luhna hmeichhe school nena khaikhin chuan inang lo a tiin, ngaihnawm a ti thei hle ṭhin a ni. Mahse Miss Sayess chuan hnadang a hmu a, khawpui lama a awm a ngai ta a; Laurel chuan a nu hmela khawharna leh manganna lang chu a hmu ve fo ṭhin a. Nikhat chu a school bangin an choka chhunga a nu leh pa pakhat lo nui dun hawk hawk chu a hmu ta a, thingpui an lo in dun a.A hmuh phat aṭang chuan a ngainat zawng a nih loh avangin a nu in an inluah tu thar a ni tih a hrilh pawh chuan a lo ngaihsak lem lova. Bungraw zuartu niin a insawi a, mahse nikhua a lo rei deuh chuan Laurel chuan hnathawh hun awmah pawh an choka chhungah a hmu ta fo mai a. Tlai hi a nu nena an inkawm theihna hun a nih avangin a ngaihlu hle ṭhin a. Chupa lo awm ve ta fo chu a haw rilru hle ṭhin a. A ngainat zawng a ni lo hrim hrim. A nu aiin a sang hret a, a sa a ṭha nulhin a lu a kawlh tul bawk. A nu a en dan chu a lo ngei thei hle a. Amah tak pawh chu a school form chhanah chuan a enchik thei hle bawk a. Naupang tihnat sam tak a nih avangin chupa bul hnaia a kal changte chuan a tim in a hmulthi a ding sung sung hial ṭhin a ni.A rilru chu a nu hrilh a duh hle ṭhin nangin engemaw hian a dal deuh tlat ṭhin a. Anu chuan chupa Bill Trenchard chu a ngaina hle in a lang tlat a, an inbiak laia a nu hmel hlim sar ṭhinte chu a lo hmu fova. Nikhat phei chu a school bang ina a luh rual chuan a nu leh Bill Trenchard an lo inkuah lai leh a thawm avanga an awm hrang ta thut chu a va phawk a, a nu chuan inthiamlo hmel a pu hle nangin chupa chuan lungawi hmel a pu tlat thung a.Bill Trenchard hmela lungawina lolang chuan a ti thinur hle a, a nu chu a lo fawp a ni, a puitling ve dawn tawh a, a ṭhianten infawh an sawi zeuh zeuh pawh hre fovin a hrethiam ve ṭan tawh a. Naupang zakzum tak a nih avangin a ṭhiante bulah pawh chupa chanchin chu a sawi ngai lo, a rilru chu a nu leh chupa chuan an tibuai em em a, anu chunga a awmdan chuan a tidamlo dawn hialin a inhre ṭhin bawk. A nu mipa duhzawng a lo haw tlat chu a inthiamlo ru ve fo ṭhin a, hmundang daihah chupa chu insawn se a lo ti em em ṭhin a; chutah a nu chuan Bill Trenchard nena an inneih tur thu chu a la hrilh ta lehnghal a."Hriatthiam tum hram rawh darling. Mahni maiin ka awm rei tawh a, Bill hian min tihlim hle a, bakah chhungkaw pangngai ang kan ni ve tawh anga; pa ila nei ngai lova.... mahse nakinah ngaiah ila neih ve mai ang...." a nu chuan a lo ti hauh hauhva."Mahse ka pa a ni hleinem," thinur zeta a lo tih let lai chuan kawngka a rawn inhawng a, a mi huat em em pa chu a lo lut ta a.Laurel chuan a rawn beng mai dawn emaw a lo ti hman hial a, Bill Trenchard chu a thinrim hmel em em mai a, Laurel chu a lo tim nghal chawih a, a nu chuan a rilru thlak leh thut se a ti hle mai a.Choka aṭanga a chhuah laia Bill Trenchard a ṭawng chuan a ti thinur zual sauhva. "Lungngai mah ta che, a la pawmthiam ve mai ang. An kum a laklawh a, ala pawmthiam rih lo a nih hi. Amah hian min ngaizawng zawk ania...."A khuma ṭhu in Laurel chu a ṭap ta ringawt a. A nu chuan chutiang mipa chu engtinnge a duh theih? A khawih pawh engtinnge a inkhawihtir theih zawk? Bill chu pa fimkhur tak a ni lo bawk a, bualin aṭangte hian towel chauh vengin a chhuak fova, a dul a kiarin a awm te chu a hmul dur mai a, a taksa chu hmul kir deuh hian a bawh chuk a. Laurel chuan a lo ten thei em em a, a nu chuan a duh mai leh a khawih duh tur chu mak a ti lo thei lo a ni.An inneih ni a kawr haktur lei turin bazarah an hruai a, Laurel chuan a duh lo em em mai a, a kawr chu Bill chuan a thlansak a, a chhing lutuk chu a chawn zawng zawng a lang vek a, a sam an thlahtir bawk a. Thlalaka a landan phei chuan amah a sang si a, nula puitling dik tak ang mai a ni. A kawr chhing zet leh nghawng zau tak te, a sam ngil sei siau te chuan kum sawmpathum mi a ti ang lo hle a, a pa tharin a endan te chu a lo ten hluah hluah bawk a. Inneih hunserh zawhah chaw an ei hova, a nu chu a hlim hle mai a, a nui sangin a hmai a tai hlar bawk a.Honeymoon hmangin an zin bo dawn lova, mahse Laurel chu an ṭhenawm pakhat te ina riakbo turin rem an ruat thung a. A thawmhnaw nena inhnuai lama a chhukthlak chuan a pahrawn chauh chu a lo awm a."I nu chu inchung lamah a chho chiah a," tiin Bill chuan a lo be ding a. A thaw a wine rim nam huam huam chu Laurel chuan a lo ten hle mai a."Ka fanu i ni tawh a, i pa thar chu i fawp dawn lawm ni?" Tiin a rawn hnaih nghal ruak a.Laurel chuan rapthlak ti zet hian a lo en reng a, a pi leh pute chu a fawp fova, a nu pawh, mahse an ni fawh leh Bill Trenchard a fawh chu a duhdan a inang tlat lo, fawh tlakah a ngai lova, a ten em em mai a ni."Ila lungawi lo a ni maw? A chhan ka hai ring suh ang che, i nu dinhmun hi i thik a ni tiraw?" Tiin a rawn hnaih zual sauhva. A thusawi dan chu a lo hrethiam vek lo nangin a awkâ chu a lo ngei hrim hrim a, a rawn en dan chuan a lo tikhur dar dar a. Kalsawn a tum chuan Bill chuan a lo dang ta hmiah a. "I nu chu thik duh mah ta che, hun a la tam dawn alawm," tih pahin a kut lum huam leh hmul dur chuan a darah a rawn vuan a. "Tunah chuan....min fawp dawn em le?" Tiin a rawn kun hniam nghal a. Laurel chuan ṭe vak a duh a, a nu chu lo kal hlauh se a ti hle bawk a. Chupa rawn tawhna chu a haw hluah hluah a, a khawih nih pawh a duh lova, a hmui sen hlur leh hnawng chuap te chuan a luak a ti chhuak ut ut mai a. A nu thawn an hriat takah chuan Bill chuan a thlah ta a, Laurel chuan rang zetin a kalsan ta nghal a.A nu in Bill a duh chu rapthlak a ti em em a, tuemaw a rilru han hrilhtur a duh em em a, a pi leh pute thi chu pawi a tiin a ngai zual sauhva, a ṭap zankhua ta mai a.A pa thar a huatzia chu a ṭhiante bula sawi lovin a thup ve tlat a, inchhunga a nu hmuh laia naupang chhia ang maia a chhaih fo ṭhinte chu a ning ru em em ṭhin. A koh loh chuan a thinur a hlauh avangin a ko ve zeuh zeuh bawk.Chutah Bill chu a nu nena an inneih aṭanga thlaruk lek hnuah a hna aṭangin an ban ta a. A nu chuan lungngai hmel a pu leh ṭan ta a. A kalna school ngaiah chuan a kal theih dawn tawh loh thu chu a nu chuan thiam tak leh dam takin a hrilh a, Sorkar school ah an dah ta a. A kalna hmasa aia naupang an tam avangin a hrethiam mai lova, zirlai a lo inang lova, a kalna school ang lo deuhvin class khatah tam deuh deuh an ṭhu khawm a, khawhar takin a ṭhu ve ran ṭhin a.Bill chuan zu in a ching ta hle a, a nu a hau fo leh a nu ṭap chu a hmu ta zauh zauhva. Nikhat a school bang chu Bill chauh inhnuaiah a lo awm a, a nu chu a lo mu a."Zana ka lenchhuah a phalloh avangin a damlo der a nih khi. Kawm nuam deuh leh min tihlim deuh chu nise lenchhuah fo pawh ka duh bik lova. In inang hle a ni, nufa tih takah, mipa tihlawm in thiam hlawl lo. Nang pawh hi mipa dang tihlawm i thiam nan zirtirna pek thuai i ngai a nih hi," zurui chung hian a lo ti nawk nawk a.Laurel chuan a nu hnen lam chu a pan ta thuai a, a nu chu a dângin a chauh hmel hle a. Bill thusawi avanga a lungngaihna belhchhah sak duh lovin a ngawi ta reng a. School lian deuhva a kal takah chuan midang titi aṭangin Bill a chhaih dan vel leh a khawih fo dan chu thil diklo tak a ni tih a hriatbelh zel a, mahse a nu chu a la hrilh ngam chuang lova. A nu chuan Bill chu a sawisel ngai hauh lo nangin a hlimlo tih a hriatpui thova. Tuma hriat lohvin a kawngka chu kalhna thar a vuah ta a.School naupang ṭhenkhat titi aṭangin sex hmandan te a hriat belh zel a, a pahrawn chu a hua in a ten tulh tulh a. Bill lah chuan hnadang zawn a tum der lo niin a lang a. A nu pawisa neihchhun chuan an la khawsa hram hram zel a. Bill chuan zu a in tam telh telh a, inchhung thil tihchhiat te a ching ta fova.Vawikhat phei chu thingpui a duh anga a pek ran loh avangin Laurel chu ban duk chur khawpin a vawm a. A nu chuan khumah hun hmang tam tial tial in a taksa a chaklo telh telh in a lang bawk. Mahse a pasal chu a la sawisel ngai hauh lo. Laurel kum sawm palina piancham a lo thleng a, a nu chuan a ṭhiante sawm a party neih pui turin a hrilh a, mahse Laurel chuan a pahrawn chu a ṭhiante hmuh laia a rawn ruih a hlauh avangin a nu chu a hnial ta tlat a. A school kal te chu phurna reng reng nei lo hian a kalve mawp mawp ṭhin a; a pahrawn a hmuh phak lohna a nih avangin nuam a ti hle zawk a.Eps - 3A ban duk chur chu an zirtirtu nu pakhat chuan a lo hmu rang hle mai a, a chhan a zawt thuai a. An school chu a len em avangin naupang chi hrang hrang an tam a, amah chauh chu tihnat tuar a ni lo bawk a. Mrs Kellaway chuan naupang hremna hnuhma chu a hre rang hle mai a."Ka...kawngka ah ka tauhva, a na lo," Laurel chuan a lo ti thuai a. A dawt sawi avanga a hmaisen vek chu a thup thei lova.Mrs Kellaway chuan an hotunu ber hnenah a sawi ta thuai a. Laurel chu naupang chhia a ni tawh lova, naupang dang ang lo takin ṭhian a nei lova, ama khawvelah chauh a cheng a, an in lama tlawh ṭha a tih thu a sawi nghal a. An hotunu ber chuan a huphurh ru hle mai a.Nipui chawlh a hnai tawhin Laurel chuan a zirlai chu a bei ngawrh hle a. Khua a lumin a chau hle bawk a. In a thlen hnaih poh leh a ke pen a rit tual tual a. Tun hnai phei chuan Bill a sual a zual a, a endan pawh nidang ai zawngin a nghal zual a. Tawn fuh palh hlauvin a fimkhur hle ṭhin a ni. Choka lo ruak a hmuh chuan a thawveng nghal huai a. Engemaw chang phei chuan a school bang chu a lo changin a nu a ankhum chhung zawng bangah te a nem bet ṭhin a. A school form hnuaia a taksa puitling chho zel chu it zetin a thlir vel ṭhin.Inchhung chu a bih kual zel a, a hmuh loh avang chuan rang takin a nu mutna pindan lam chu a pan ta nghal a. A nu chu a mu deuh chawt tawh a, doctor rawn tura a tih pawhin a duh tlat lova, an ṭhenawm hnaiah hmelhriat ṭhianṭha a neih loh avangin anu chanchin sawipui turte a duh hle ṭhin."Bill a leng chhuak a.?" A nu chuan a lo ti thuai a. A fanu hmela hlauhna lang chu en duh lovin a hawisan tlat a, "Enge i zirlai lam te...?" A lo ti leh a.Thuawih takin Laurel chuan a hrilh ta zung zung a, a hma anga hlim taka inkawm leh ṭhin chu a chak em em a, mahse an inkarah Bill a awm tlat tawh a. A hma ang chuan an inpawh thei tawh lo tlat a nim a nu nena thingpui an inzawh chuan inbual turin a kal ta nghal a.Bill duhdan angin bualin changkang tak an siam a, a kawngka kalhna a chhe thung a. Bill chuan siamṭhat a tum tih a sawi zing hle nangin a siamṭha chuang lem lova. Bualinah chuan lutin a inphelh ta sawk sawk a. A taksa chu a ṭhang nasain a hnute te chu a lian ve deuh hlek tawh a. Mi hmuhah chuan nula an ni ve dawn tawh mai a, a ṭhiante pawhin a pian nalh tak chu an awh thu an sawi fo ṭhin a.A vun sa huai huai chu tuivawt tak chuan a phuh tir a, nuam a ti hle mai a. Bualin kawngka chu a rawn inhawng ta thut mai a."A ṭha e....a ṭha e.."Bill chuan kawngka aṭang chuan a rawn ti lawng lawng a. Laurel chuan rapthlak ti lutuk hian a lo en ringawt a. Chutah harhchhuak thutin towel a ban ta nghal a. Bill chuan towel chu a lo pawhthlaksak ta thuai a. "I pa lakah engmah zahtur a awm hleinem, Laurel. I buaina chu ka hria alawm. I vawt lutuk a, lumna reng reng in nei lo, i nu ang mai i ni,""Ka pa i ni hleinem.!" Laurel chuan a lo ti tuarh a. A pum aṭang chuan luak chhuakin a rawn hnawh a, rapthlak ti lutuk leh mangang em em hian a en reng a. Bill hmela thinurna lo lang chu a hmu reng bawk a."Ka tan hian ṭha lutuk ah i inngai elo? I nu ang mai i ni ka tih chu! I taksa mawi tak ka chen hrep hnu meuh chuan mi i inchhuan khum vak thei tawh lovang, ka fanu.! I hre dawn khawp mai," a ti ta a."Kal bo nghal rawh," Laurel chuan a lo ti tuarh a."Oh....khatiangte chuan min ti khanglang teh suh.! Nangni ang rual hmeichhe ho zat zia te chu ka hria alawm. Thil awmdan in hre ve chak a, i mi endan te hi ka hmu reng alawm....""Ka huat zia che pawh hi tiraw.?" Laurel chuan a lo ti let ve thuai a. A taksa ruak leh huh chu a rawn kuah bet ta tlat a. Laurel chu a lo ṭe tuarh tuarh a."I pa ka nih hi, ka fanu.! Ka hrilh ang apiang che in i awm tur a ni. Kan naupan ve lai te chuan pa te thuawih lo chuan vuak leh phuarbeh te an hlawh ṭhin asin. Chutianga tih ve chu i duh em ni....Laurel.?" zu rim ṭeng zet a ka a rawn nam huam chung chuan a lo ti a, a kuah nghet sauh sauh mai a.a kawnghren kilhna chu a phelh a, Laurel chuan vuak hrep a tum tih leh a taksa chu neihsak ngei a tum tih hriain a lo hlau em em mai a. A khawng tlat a, a che hleithei lo hial a."Ka duh ang tho i duh ve kha Laurel. I mi en dan hi ka hre vek alawm. Mipa ka ni a, ka mipa nihna chu ka hriattir dawn che a nih hi," tiin mitmeng rapthlak khawpa ling hian a en ta sawr sawr mai a.A hnute a rawn ṭham sak chuan Laurel chu a ṭe tuarh tuarh a. Bill chuan a rawn ṭham nghet sauh sauh a, chhuatah chuan a nem thlu lo chauh a."Min ti thinrim suh aw...Laurel.! Ka hmuha i in tih itawm fo hi ka tuar thei tawh lo. Ka ti tawh dawn tho tho," a ti nawk nawk a.Laurel chu bualin chhuat nalah chuan a nem thlu a, au leh a tum chu a kâ a rawn hup sak leh ta nghal bawk a. Pawngsual a tum ngei a ni. A lo dang thei hauh lova, a mittui a tla zawih zawih a, a hlau lutuk chu a khawng tlat a. Chutah bualin pawna a nu ṭawng thawm a hre ta a. A rawn lut zel a, chhuata Laurel ruak kang chunga Bill-a lo bawk chu arawn hmu ta a.Savawm kawlh ang maiin Bill chu a rum ngul ngul a, a tho ta ṭuih ṭuih a. Laurel hlau leh rapthlak ti lutuk chu a chesawn thei lawk lova. Bualin chhuatah chuan zak em em leh hlau lutukin a khawng ta tlat a. A nu hmel leh mitmengah lah chuan amah chu a rawn dem tih a lang reng mai si a."Amah vang tereuh hi alawm, Elaine.! Ka hmuh turin ruak vek hian a rawn kal vel a...i hmuh laia awmdan leh i hmuh lohva a awmdan hi a inang lo teh asin. Mahse a thik fo che a ni. Amah te hian min ngaizawng tlat a, anni ang rual hi chu i hria alawm. An za riai a, an ngeiawm thiam hle lehnghal a. An duh tihsak ngei an phut ṭhin a, ka insum zo ta ngang lo ani. A ngenin min ngen a, a pahrawn ka ni a, ka insum hram hram fova...."Engemaw tal sawi a, a nu chu hrilhfiah a duh bawk a. Mahse a ṭawngchhuak zo lo, englaimahin Bill chu a thlem ngai lova, a tenin a ten hluah hluah zawk a ni. A chapona chauh chuan a nu hnena ngaihdam dil a duhna chu a dang hram hram a. Bill a kal chhuak tur chuan rum zet hian ala rawn melh zui lehnghal. A hmelah chuan tih leh ala tum hle niin a lang bawk.A kawngkhar a kalh tlat chung pawhin a muhil miah lova. Hma takah school pan turin a insiam a, school bualinah mi tam hma a inbual a tum ta ran a. A taksa chu a na ṭhum a, a hnute chu a duk ruih a, a khur zawih zawih reng mai bawk a.A zirlai a ngaihtuah hleithei lova, a ngaihtuahna a tawi tak mai. Taksa sawizawi hun a lo thleng a, an hotunu chuan mipa pakhat a rawn hruai a, school endiktu a ni a. Sakawra an lawnlai hmuh a duh a lo ni a. Laurel chuan a taksa chau leh hlauthawng reng renga awm a nih chu thup tum takin a han ti a, a rapṭhelh ta hlauh mai a. Chupa chuan lo puih tumin a banah a lo vuan chat a, chutah Laurel chuan engmah a hre ta lova. "Ni lo....nilo..! Min khawih lul suh," a tih pawh chu a hre lo.A lo harhchhuah leh meuh chuan an headmistress office ah a lo awm der tawh a. Miss Kellaway a lo awm bawk a. Mipa hmuh tur an lo awm tawh lova, an hotunu ber leh hmeichhe pakhat an lo awm bawk a. Rachel a ni a. Social worker ani tih an hrilh a. A nihna tak pawh chu a hnu daihah a hrethiam ve chauhva.An school hotunu ber chuan zaidam deuh hian a rawn be ta a, "Lauren...engmah hlau reng reng suh.! Kan ṭanpui dawn che ania. Enteh duhtak.." tia zawh hreh hmel deuh hian a khuh kharh kharh a, "Miss Kellaway khan hman deuh khan a ban duk ruih thu min lo hrilh tawh a. Vawiin khan i thidang leh ta ngei mai a...? I taksa lah chu a duk cher chur a, duh tak....! Tin..?"Chutah Rachel chu a rawn inrawlh ve ta nghal a. "Lauren...Miss Lakes sawi tum chu mipat hmeichhiatna thila tihbuai i ni em? A ti a ni. Sawi chu i hreh ngei ang tih kan hre ṭheuh alawm. Mahse nangmah chauh hetiang tuar hi an ni lova, a hnuhnung ber pawh i ni lovang. Ṭanpui che ka duh a, emgmah hlauh tur a awm lovang. I hria alawm, kum sawmparuk hnuailam khawih chu dan kalh tlat a ni a, bialpa sual deuh neih chu a ṭha lo asin. Bialpa i nei reng em.? Lauren.!" Ngilneihnaa khat leh aw a tihtak zetna hmelpu hian a rawn ti ta hauh hauh a.Lauren chuan a lu a lo thing ringawt a. A chunga thil lo thleng avang chuan a zak em em a. Engtinnge a chhungril natna chu an hriatthiampui ang? Hliam a tawrh natzia te, diklo nia a inhriat ve na te a nei tel a. A taksa nalh tak a ṭhiante awh fo ṭhin chu a haw ru hluah hluah mai a."Doctor in an endik dawn che a, engmah hlauh tur a awm lo a nia. Zui phawt mai rawh aw," Rachel chuan zaidam deuh hian a lo ti leh a.Naute lem ang mai hian Laurel chuan an kaihna apiangah a zui a. An endikna chu na a tiin zahthlak a ti em em a. Doctor nu chuan a dim viau nangin zah vang leh rilru nat avangin a lo khur zawih zawih mai a.Doctor chuan a la thianghlim thu a sawi a. "Laurel, he thilah hian nawrlui tu che an awm tih ka hria a ni. Ṭanpui che ka duh a, min hrilh ta che, duhtak!" Rachel chuan a lo ti leh diam diam a. A hmela hriatthiamna lo lang chu a nu hmela hmuh atan a lo it em em mai a. Sawi chu a duh a, mahse Bill khan tupawh hrilh sela an awih chuang lovang a ti si a. A ngaihtuahna chu hriatsak niawm takin Rachel chuan a rawn en a, "Pahrawn i nei tiraw, Lauren? Amah chu em ni, a ni tiraw...?" A rawn ti ta hlawl a.Laurel chu a ṭap ta a. Rachel chuan rawn kuahin a thlamuan pah a. A chanchin chu a sawitir thei ta a, "Lo ngaithla rawh aw...nangma thiamloh pakhatmah a awm lo, a awm lo reng reng. I thiamloh zawk ang hrimin i ngaihtuah tur a ni lo," tiin an zirtirtunu chuan a va melh a. "Hetiang mipa hi chu kahhlum daih tlak an ni," a ti hlak a."A thiltih pawi theih dan tur ka ngaihtuah hian ka thin a rim ut ut mai," a ti zui ta bawrh bawrh a."Laurel, nangma tana a ṭhat zawk nan in inah chuan haw tawh rih lo phawt la, hremna a ni lova, venhim che kan duh vang zawk a nia," zaidam deuh hian a ti zel a."Ka nu...""Lungngai ma ta che, engkim kan hrilhfiah vek ang, hrehawm ti reng reng suh," a lo ti ta zung zung a.Laurel chuan a hnial duh ta lova, lawm takin a hun tawng chuan a kiansan ta nia ngaiin a thawveng ta huai a, mahse a la inṭan dawn chauh a ni si a.Eps - 4Social Service Department chuan a awmna tur an ngaihtuah sak a. Nu leh pa hran an zawn hmuhsak ta thuai a. Nipui chawlhin a zui tak avangin a pawl puite zawhna dilchhut tak tak chhan a ngailo rih chu a lawm hle. Miss Kellaway chuan a rawn kan reng bawk a. A nu chauh chu rawn kan ve lo tu awmchhun a ni a, Laurel in a lo zawh chang chuan a damloh thu in an chhang mai ṭhin a ni."Hriatthiam tum hram rawh Laurel .! I nu chuan Bill Trenchard a hmuh atana dah che hi a inthiamlo em em a, a diklohna chu a pawm duh lova, i tidiklo nia a lantir lai che pawh khan a thinlung chhungrilah thudik a hre tho a ni," Rachel chuan a lo ti diam diam a."Ka nu chuan min hmu duh lova maw...?"Rachel chu a lo thaw huai a, a thinlung chu a na zawk mai a. Laurel chu a lainat lutuk a ni. Chu naupang nun chu tihchhiatin a awm mek a, a titu lah chu....!!Laurel kut chu a vawnsak a, alo tim lo tih a hriat chuan a thaw huai a. Rilru lam thiam doctor hnena an hruai thuai loh chuan ala buaithlak hle in a ring ta a. Mahse tunah rih chuan a la hlimchhawn rih lutuk a, a la ṭha rih lovang a ti rilru a."Hrethiam hram rawh Laurel.! I nu chu nu chaklo leh innghahna mamawh mi a ni a, i ngaidam rih tur a ni," Rachel chuan a lo ti leh a.A dik a ni. A hrethiam ve thova, mahse a nu pawhin midang rinchhan tur a mamawh ve thova, innghahna tur a duh ve em em alawm.!"Bill Trenchard chu khin kan tum a. Hetianga naupang a ti duh hian hrem a phu hliah hliah a ni. I hrethiam tiraw, Laurel? Min ṭanpui loh chuan midang pawhin an tuar ve thei thova...nang angin an him kher lo mai thei bawk a," Rachel chuan a ti thliam thliam a.Rachel chuan ala thianghlim tih a hrilh ngei a, mahse a taksa nilo, a thlarau thlengin hliam a tawk a ni, a awmdan chu tuma rawn hriatthiam pui tak tak phak a ni lovang."Thil thleng te kha mi hnenah ka sawi anga maw?" A lo ti ha a."Ni e, mahse thilṭha ti i ni dawn alawm Laurel. Ka tiam tlat che a ni."Rachel chu a ngainain a zah a, a thusawi chu a awih thlap bawk a. Tin, ani nilo tleirawl dang chungah pawh a chunga a tih anga a tihve lohna tura hrem chu phu in a hre ve tho a ni. A chunga thil thleng chu midang hrilh tur anga a indah ringawt pawhin rapthlak a ti em em a, mahse a tih loh chuan a dawihzep thlak dawn riauvin a hre lawi a, a remti ta nge nge a.Chanchinbu mite beng a lo thleng a...a nu leh a pa thar te chuan an chhiartir duh hauh lova, mahse Rachel leh ukil chuan chhiarturin an tilui tlat thung a."I pahrawn chuan i chhaih fo ṭhin niin a sawi a, ilo ti ṭhin reng em ni Laurel?" Ukil pa chuan a han ti dek dek a. Laurel hmel chu a han en a, a pahrawn dikloh zia chu a hriatsak nghal mai a."Hetiang case khawih hi ka huatzawng tak a ni. A pahrawn lah chuan Rowland Blandish ukil atana hman a tum a. Hetiang case ah hi chuan ani hi chuan tumah hi dimlo leh zahpah hauh lo hian a ti pawp pawp zel a, Laurel hi zirtir a ngai nasa hle ang," Rachel lam hawi chuan a ti mawlh mawlh a."Mahse a pahrawn chu a tisualtu ngei a ni a, School Inspector pa in a tawh hlek pawha a hmel kha hmu vela chu rapthlak i ti ve ngawt ang," Rachel chuan a lo ti let thuai a."Naupang zakzum leh tihnat awlsam tak a ni a, a buaithlak hle ang, ni e, Bill Trenchard chu hrem phu a ni ngei alawm, mahse a nu hi a buaithlak ber chu a ni. Hmuh ka tum fova, mahse lunglam ṭhatlohna avangin khumah a awm chawt si a," ukil pa chuan a lo ti leh a."Laurel hi hmuh emaw biak emaw pawh a duh tlat lova, mahse hetiang thilah chuan nute tihdan fo a nia lawm, hetiang nu hi ka hre fo tawh a ni. Pawngsual tum case a ni a, hnehna chan kan tum hrim hrim tur a ni," Rachel chuan a lo ti leh a."Chanchinbu tin lah hi an rawn inrawlh luai luai a, thudik leh diklo pawh hriathran a har viau tawh ang," a ti ta a."Mahse Laurel chu...""Rowland Blandish chuan roreltu chu Laurel thiamloh zawk anga lantir a tum ngei dawn a, Laurel lah hi tleirawl hmelṭha leh nalh tak a lo ni si a. Tin, mipa te hiaj hetiang rual hmeichhia te awmdan an lo hre ve nual dawn si a," ukil chuan a lo ti leh a."A dik alawm. Mahse Laurel hi tleirawl dang ang a ni lova, ka hlauthawng riau a ni," Rachel chuan a ti ta sap a.Laurel chuan engmah a hre ve lo hlauh a. A rualpuite hak ang thawmhnaw a ha duh lova, biaka chhan nachang te a hre lova, rilru lam doctor hmuh a duh lo bur bawk. Court lah chu chanchinbu mi hlirin an khat huang a, Laurel thu an zawh lai chua Rachel chuan tualthah duh mai hmelpu in Bill Trenchard chu a lo en tlawk tlawk mai a. 'Dawtsawi thiam tak niin pa tenawm tawpkhawk a ni' a lo ti rilru reng mai a.A nihnihna ah phei chuan Rowland Blandish chuan Laurel chu nula thawmhnaw pangngai te a inbel tirin mipui kalkhawm hmaah a incheitir vel a. A pahrawn chu ama thlem angah an ngai vek niin a hre tawh a.Zawhna ngai an zawt sek sek a, amah ngei pawh chuan a lo thlem niin a inngaih phah ta hial a.Roreltu chuan Bill Trenchard chu a thlem mah nise hrem phu thova a hriatthu a sawi chhuak a. Laurel chuan rapthlak a ti ngang mai, a thi raih raih hian a inhria a. Chanchinbu ho lah chuan a chhe zawng hlirin an ziak kur liai luai a, a tuartu tuarna hriatthiam puitu chu an tlem hle thung a. Rachel ukil pakhat leh an zirtirtute chauh an ni. Court chuan hmeichhe ho enkawlna hmuna dah turin a ti nghal bawk a.A nu chanchin engmah hriat a nei lo chu a tuar thei ta ngang lova, school aṭanga chhuakin an inlam panin bus ah a chuang ta a.A nu chu amah chauhvin khumah a lo mu a, Bill chu a chhuakbo a ni ngei ang. Laurel a hmuh rual chuan a lo hawisawn daih a. "Khatiang thil i tih hnu khan ilo la kal leh ngam a ni maw? Min ti mualpho hle a ni, khatiang zozai kha dawt i sawi thei a. Bill khan a sawi dik a ni. Laurel, i nalh em em a, i pa i chhun a nih hi. Nula ṭha pangngaiin i thiltih ang hi an ti hauh lovang. Tun aṭang chuan ka fanu i ni tawh lo," tiin a inkhuh ta daih a.Laurel chuan a nu bula chanchinbu chehthlak let rum chu a han hmu a, a damlo niin a inhre ta hial a. A nu chuan a tidik a ni, in aṭang chuan a tlanchhuak a, kawngsira car lo inhung leh a chhunga mipa ṭhu chu a hmu reng reng lova. Car lo tlanin horn a rawn hmeh rik tuarh tuarh pawh chu a lo hrechang reng reng lo bawk a. Kut tha chak zet hian a lo manbet chawt a, a thi lo hram a ni. Mangang beidawng zet hian chupa awm chu a chum dawt dawt a, a thlah rual chuan a thaw ri hrawih hrawih a."I thi mai ang asin!"Thih chu a duh zawk daih a, mahse a ṭawngchhuak thei tlat lova."Enge diklo awm?"Chupa chuan an inlam chu a melhin a chal a chuar nung a. Chupa chu a sang hle a, Bill ai pawhin a sang ani. A sam dum hlap chu thliin a chhem tho sang a. Jean kekawr leh kawr satliah a ha a, a kawr hma inhawng aṭang chuan a awmhmul a lo lang a. Ten leh rapthlak ti zet hian Bill a awmhmul thur kha a mitthlaah lo langin a tlu dawn ta mai a. Chupa chuan a lo man bet leh chawt a."Khawngaihin...." tiin Laurel chuan a lo namsawn ṭawk ṭawk a. Chupa chuan chîk fe hian a rawn en reng a."Helaiah hian i cheng em ni?" Tiin a vawnna chu a thlah a, a car chu a ngheng ta a."Aih..!" Laurel in a lo tih ṭhat chuan chupa chu a lo meng zim sauhva."Tuemaw ka tlawh lawk a, ka haw dawn," a mitmeng chu a thup zo lova, a ngaihtuahna thup thiam rual pawh a la ni silova."Lo chuang ve ta che?"Mak takin Laurel chuan chupa chu Bill a hlauh ang khan a hlau ve hauh lova, a iptea a pawisa hre ranin a ipte a han zen a, alo awm hauh lo mai. Inah khan a romol a phawrh rual khan a tla a ni ngei ang, a zawng tur lahin a kir duh tawh der silo."I lo chuang duh lo em ni? A chung hi hawng ila, thlifimte i dawng anga..,""Ka..." a pawisa neihloh thu a hrilh ang em? Hrilh ta se a awih ang em? Bus fare tur tal pawh a nei lo chu mak a ti hle ang a...kea kal nan a hla hle si a, tuman a kalna chin an hre silo."Ka tihbuai dawn loh che chuan," a ti ta sap a. Thui deuh an tlan hnu chuan car chu kawngsirah a dintir ta a, tumah hmuh tur an awm lovin a reh duk mai a. A lam a rawn hawi chuan Laurel chuan a hlau ta hle mai a. Chupa hmel chu nichina pa ṭha leh nelawm tak anga lang kha a ni ta hauh lova, a hmai chu a lang hriam ruih tawh a."Laurel Janes i ni tiraw?" A rawn ti thum dut mai a.Dawtsawi ngaiin a hre lova, "Ni e, nang tunge i nih?" Zam tak leh zawi sap hian a lo ti a."Oliver Savage," chupa chu ala hre ngai lova, tunge a nih pawh a hre lo."Engtinnge min hriat a?" Laurel chuan a lo ti he haw a."Chanchinbu tinah i thlalak a lang alawm. I nu i va hmu a ni maw?" A ti ta a."Aw," tiin Laurel chuan a dan hman hma in a mittui a lo tla ta zung zung mai a. "Ka nu chuan min hua a ni. Ka dikloh vangah a puh tlat a...""A ni lo em ni?"Oliver Savage aw chu a dam thlap a, car seat ah chuan a ṭhu awn duai a, a pute pawh ang hle in a hria a."Ka hre tawh bik lo. Ka nu chuan a pasal chu ka thlemah a ngai a, mahse ka ti hauh lo... ka thlem lo!" A ti hlawp hlawp a."Tlemte tal pawhin maw? Nula nalh tak i ni a...i duhawm hle bawk a, tuna i thawmhnaw inbel ang nilo phei kha chu inbel la i nalh ngawt ang. A ît che tih i hre reng reng em?" Oliver Savage chuan satliah zet hian a rawn ti leh a.Nawr luihna leh ṭawngkam danglam a hmang hauh lova, titi satliah ang mai hian a rawn sawi bawk a. Laurel chuan a bul te aṭangin engkim a sawi ta mial mial a. Oliver Savage chuan a lo zawm zauh zauhva, a zawhna chu Laurel chuan a lo chhang zel a, chupa chuan a lo ngaithla ngun hle nia a hriat avangin sawi pawh a harsat vak lova. Pa ṭha leh ngilnei tak, dawhthei leh mi hriatthiamna ngah tak niin a ngai tlat a ni.A sawi zawh meuh chuan Laurel chu a ṭap hlawp hlawp a, a bula pa chuan a biangah rawn chulin a darah a lu a nghah tir a, chupa dar nghenga awm chu thlamuanthlak tihna riau a nei bawk a. A ṭahban meuh chuan a chau hnawk mai a, chupa lungphu ri dat dat chuan a thlamuan hle mai a."I ṭha tawh maw? Tleirawl duhawm tak i ni tih i in hria anga," tiin Laurel inlahrang ta chu a lo en reng a, a ner deuh sawk a. "Pawngsual tuma puh ka nih ve hma in hruai haw vat che ila a ṭha ang," a ti ta mai a.Eps - 5Chupa thusawi chuan a tiphu nasa hle a, a mipa hriat ngai miah loh bula chutia a awm ta mai chu mak pawh a inti hle bawk a. A âtzia a hriatchhuah rualin car aṭang chuan a zuagchhuak nghal rawk rawk a... chupa chuan lo dan reng reng a tum lova, a tlansan pahah a rawn nuih hmelah chuan thildanglam tak a awm a, chu chuan a tihlau leh ta em em mai a.In a thlen chuan tumah lo ngaitu leh lo thlahlel tu an awm silova. Rachel kal chuan indanga a awm tur thu a rawn hrilh ta a. Rachel a hmuh apianga a lo zawh ṭhin an chanchin chu a vawikhatna atan a zawt ta miah lova. Rachel chuan a nu leh pate bulah chuan khawngaih zet hian, "A nu in a duh lo tih a pawmthiam ṭan tawh a nih ka ring. Naupang lainatawm tak a ni, kha pa Trenchard kha thla ruk chhung chauh nilo, kumkhua in tantir se ka tih tehlul nen," a ti bawrh bawrh chu Laurel chuan a lo hre reng a.A karleh kartawp a lo thlen chuan Laurel chuan Oliver Savage a nihna chu a hrechiang ta chauhva. Oliver Savage a thuziah chuan amah a kawmna ngei hmang khan a rawn bei let ta a, a thu hrilh zawng zawngte kha a ni lo zawng vekin a rawn chhuah a, Laurel nun tlabal tak chu a rawn tikeh sawm darh ta vek a."Tleirawl pawi la khawih lovin mikhual sawmna pawmin a carah an chuang duh mai dawn em ni? Hmangaihna chenpui turin a sawm nghal mai lo chauh a ni reuh si a," tih te a ni.Laurel chuan a awih thei lo zawk hial a, rapthlak a ti satliah lova, a chhungril nunna tlem la awm chu a thim ta hmiah bawk a. Rachel hnenah thil awmdan a hrilhfiah thei ṭawk a, a bak chu zawm chi a ni ta lova."He pa hian ramhuai rilru a pu a nih hi," Rachel chuan a ti chuai raih a. Laurel chu an chiu mu ta ringawt a."Laurel a bia a...pa fing tak turah ka lo ngai a, a thiltih pawi thui tur zia hi a hria ang em le? A mipa rin ve chhunin hetiang thil hi a chungah a ti duh a ni si a," a ti zui mial mial a."Chanchinbu mi a ni tlat alawm, enge i beisei? He pa hian pawngsual case reng reng hi a mipa nilovin hmeichhe zirloh hmasak a ni tiin a ziak fo alawm. Trenchard a hmuh a tum laiin Laurel a tawngfuh ta a ni mai a, naupang lainatawm tawp a ni," Petera chuan a lo ti nghut nghut a. An pahnih chuan Laurel muhil chu an thlir reng a. Rachel chuan Laurel chunga an rorel chu duhtawk lovin a kehchhiat ve mai a in hlauthawng a, a hna chu a bansan phah ta hial a.Laurel chuan lehkha tel chu a dahṭha a, pawngsual case neitu nih hrehawm zia chu a hrechiang hle a ni. Court rorel fel hnu lawk chuan a nu chu a boral a, Bill Trenchard pawh chu jail aṭanga a chhuah hnu reifeah car chesualah a boral tawh bawk a. Kum engemawzat chu a nunhlui phum bovin hna a thawk ve ta a, mahse Oliver Savage hmel a hmuh leh meuh kha chuan nimin maia thilthleng angin a rawn thar leh ta a ni.A hliam dam tawh chu a rawn tawn let leh a, a nunhlui phum bo tawh chuan a rawn tuam leh ta churh mai a. Engvanga be duh nge a nih? Hei leh chen hnu ah a chanchin kal zel rawn chhui a tum em ni? Chanchinbu ah nge ziah a tum a lehkhabu ah? Pawngsual tawk anga a rilru awmdan rawn enin lehkhabu siam nana hman a tum em niang? Kha zet hian a han nui hak a, a duh ang a hmu lo kher ang chu...khami ni aṭang khan mipa tumahin an la khawih leh chhin ngai reng reng lo. Mipa bulah hmeichhe pawngsual tuar hnu a ni tih engtinnge a hrilh anga, tunge nei duh ang? Oliver Savage a thuziak a chhiar aṭang khan kawr a insiam a. Thla tam tak tumah a be lova, a ât hlen teuhzia a ngaihtuah let chuan a khur dar dar a. Mahse hun liam tawh a ni a, tunah chuan tumah a mamawh tawh lova, tu chungah mah innghah tum lovin tumah a ring ngai tawh lo. Rachel chu ala bia in a la tlawh fo ṭhin a, ami ngainat neih ve chhun a ni tlat a ni.Mak tak maiin chumi zan chuan a mutui phian a, Oliver Savage a thil ziah a chhiar aṭanga tibuai rengtu mangchhia pawh chu a mang hauh lova. Inrinni a ni chu a lawm hle a, breakfast a ei zawh chuan bazar turin a chhuak nghal a. Inrinni apiangin eitur leh a mamawh a leikhawl ziah a. Lehkhabu chhiar nuam a tih avangin Library pakhat kalna bik a nei a, an inhmelhriat ṭha hle tawh a ni."Hei hi chhiar ve ta che," tiin a nghaktu nula pakhat chuan lehkhabu pakhat hi a rawn lek lang a. Jonathan Graves ziah a ni tih a hriat chuan a kut a khur nghal dar dar hial a."Ngawiteh, ka chhiar duhzawng...." a han ti ṭan a, a rilru a thlak ta thut a, lehkhabu chu nghet zetin a hum a, he pa hian a biak duhna chhan a hriatphah mahna.In a thlen chuan a tihtur a ti nghal zung zung a, chhunchaw a ei a, a lehkhabu hawh chu a hre ran a. A chhiar hma in a khal kual hmasa te te a, reife a bu chhung chu a chhiar duh lova. Lehkhabu ziah thiam tak a ni, a chanve dawn a chhiar hnu chuan a keu let leh a, chanchinbu a a thawhlaia mi a kawm aṭanga a ziak a ni tih a hriat chuan mak pawh a ti lova. Laurel chuan a ziah a, a changtu angah hman a rawn tumin, a chanchin a rawn chhui zui dawn niin a ring ta ber a. Rawn tihchhiat nawn leh a tum a ni ngei ang, mahse a chungah khatiang thil a thlentir leh phal tawh dawn lo reng reng.Lehkhabu a dah meuh chuan dar sawm a pel hial tawh a. Choka a intur a insiam lai chuan a kawngkhar dar a rawn ri ta ral ral a. Chutiang thil chu a thlen khat em avangin a hlauthawng ta deuhva, a mengzau kawk kawk mai. Kawngka chu a kalh ṭha hle tih a hre thova."Tunge ni?" A ti chhuak ta hram a."Keimah....Oliver Savage" tiin a rawn chhang ta thuai a. "Naupang ṭha tak angin kawngka hi rawn hawng teh, Laurel, biak che ka duh ania" a rawn ti ta a."Kalbo nghal rawh. Kal bo rawh!" A chil hak lo chauh hian a lo ti nghal ṭhawt ṭhawt a.Hnar loh ang maiin bell chu a la rawn hmet ri char char a. "Min luhtir rawh! Min luhtir loh chuan i kawngkhar tihchhiat hi ka hreh hauh lo ania Laurel" a ti ta a.A hming a lam dan chu a haw lutuk tlat, nem tak leh dam raihin, duat hmel takin a rawn lam a ni. Chubakah kawngkhar chu a tichhe hreh hauh lo bawk ang. A ṭhenawm te a ti phawk lek zo vang tih hlauvin kut khur dar dar chuan a hawng ta nge nge a. A in zimte chu chu pa lian zet chuan a tichep zualin kawrlum manto hmel zet nen. A savun Jacket chu Laurel sofa chungah chuan a thehthla nghal tawp a."A va nuam reuh ve," tiin a hawi kual ruai a. "Nangmahin em ni i chen?" A ti ta a."Ni lo, mipa dozen chanve zet nen," a lo tihkhum nghal chat a. "Ni e, hetah hian keimahin ka cheng alawm. Enteh, kei ang mi hlauhawm hi tunge min chenpui duh se i tih reng reng?" Vawt raih leh tûr pai ran hian a lo ti leh thuai a."Mi hlauhawm â?" Tiin a rawn inher a, a inngaihtuah muk hmel hle mai a. "Chutiang chu i in ngaihdan a nia maw Laurel? Chutiangte chu thilsual titute sawi nana hman...""Chutiang mi chu niin min chhuah a ni lawm ni?" Laurel chuan a lo ti let kha kha a. A thin a phu dawt dawt a, a taksa pum chu a khur zawih zawih bawk a. Hepa hian enge a rawn tih dawn? Enge a la duh cheu?"Laurel, ṭhu teh, biak che ka duh ania. In office aṭangin i awmna address hi ka dil a, naktuka rawn hmuh che ka tum a, mahse ka tlantlang dawn laiin i in la eng hi ka rawn hmu a," a ti ta a."Tichuan i hun remchang hmuh chu i bawhpelh phal ta lova. I thiam zawng tak a nih kha tiraw?" Laurel chuan a lo ti kha fak a.Oliver Savage a mitmeng chu na tuar niawm tak hian a dul ruih a, mahse bo lehnghal in a pindan chhung chu a melh kual ta ruai ruai a, dawhkana a lehkhabu dah chu a hmu a, ala kang ta nghal a."Hei hi i chhiar em ni? Ngaihnawm i ti em?""Tih pawh ka hre love" tur zet hian a lo tihkhum a, a lo meng nur nang chu a ngai pawimawh lo hle a. "Khatiang thil kha ka chunga i tih ve ka phal dawn lo reng reng...i ti nawn tawh dawn lo. I lehkhabua a changtu nih ka duh lo ka tihna a nih chu!" A ti nghal tawn tawn a."Chutiang thil chu tih tumah min ngai amaw?" Awih thei lo ni mai awm hian a lu a lo thing nawk nawk a."Chutiang a ni lo Laurel. Enteh, hetah hian lo ṭhu teh," a ti leh ta a.A rawn pan hnaih chuan Laurel chu a lo tawlh hnung dawrh a, a hriat miah lohvin a meng buai nghal a, a awki chu hlauhna avangin a sin sang rat mai a, a kut chu inven nan a lo phar chhuak hiang a. "Min khawih hlek suh!" A ti ta tuarh tuarh a."Khawih che ka tum hleinem, i ngaihdan ang kha chuan Laurel. Khatianh ṭawngkam khan mipa a cho hle tih an hrilh tawh ngai che em?" A rawn ti dam thlap mai a.Laurel chu rapthlak ti zetin a lo rum chhuak kawk a. Oliver Savage lo lang thut chuan a barakhaih nasa in a nunhluiah a chentir a, natna leh hrehawmna in a tuam hlup hlup a. Hepa hian khawvel hriatah a pahrawn kha a thiltih hre ran chunga thlem leh phal taka inpe niin a thantir a, a tidik lo a ni, a tidik hauh lo! A mualphona kha a lerh vang a ni lo. Rapthlak ti lutuk leh ṭih em em hian a thlir tlawk tlawk a."Laurel," Oliver Savage chuan a hnarna chu ngaipawimawh hauh lo hian a darah a rawn vuan a, a hmai chu a var ve pap mai a. "Lalpa leh, nilo, i ngaihdan ang chu a ni lo asin," a ti tham ṭuak mai a.Kum ruk chhunga a taksa rawn tawk leh tu mipa hmasa ber a ni a, talchhuah tumin a lo ṭe ṭhat ṭhat a, ramsa dan chep ang maiin a phawk hra a, a ṭi em em mai a."Laurel, lo ngaithla teh," tiin a rawn ngen a, a kut pakhat chuan a hrawkah rawn chul chhovin a khabe a dawmsak a, a kuai dak lui ṭawng ṭawng a, a khawihna avanga a hlauhna lo zual sauh chu tihreh a duh hle a, a khur chhe ta mai a, a pumin a che ta hlawk hlawk mai a."Engkim a ṭha vek e, ka tina dawn reng reng lo che," tiin a rawn kun hniam a, Laurel lo tal bat bat chu a haider tlat a. A hmuiin a rawn tawk rual chuan hmanlai hunah khan a cheng leh ta a. Bualinah Bill Trenchard hnuaiah a lo mu a, a thaw ah zu rim a nam huam huam a. Au chhuah tumin a han ang a, a taksa chu hlauhna avangin a khawng vek a. Oliver Savage a hmui chuan ri chhuah lo turin a ka chu a rawn chhinphui ta hmiah a, a kut chuan a dar vel chu thlamuan nan a chulsak hauh hauhva, a hmui chu lasawnin a beng velah a rawn nawk a, a awmdan chu hriatthiam sak ang maiin a dim hle a. "Laurel, i pahrawn ka nih loh hi, ka tina dawn lo che," a rawn ti thawp sat a.Muangchang leh fimkhur tak hian a kuahna chu a thlah a, sofa lamah chuan a nawr phei ta a."Hmeichhe vawt tak ka ni tih i hre tawh ang chu tiraw? I thawnthu ziak tura a changtu nih ka tling dawn ta lo a ani a, a pawi ka ti ngawt mai. Hmeichhe hurherh deuhvah lo chhuak ila i tih dawn tehlul nen, ka khawngaih ngawt mai che," Laurel chuan a lo ti chuai ta raih mai a."Hmeichhe vawt leh lumna neilo chu i ni lo, mahse ni anga i inrintir tlat na kha chu i tiṭha thlawt e. Engvanga ti nge i nih? Invenhim nan maw?" Oliver Savage chuan a lo tihsak hmuk a.A hmu tamin rin a ngah lutuk deuh a ni. Laurel chuan thawk harsa a ti hial a. Bill Trenchard a theihnghilh hnu a rawn hriat thar tir leh a, hepa hian a panna lai hria in a chhaih thiam tlat a ni, tihnat a awlsam lai takin a vehthlem a, a nun zawng zawng a tihchhiatsak vek a nih kha."Invenhim ka mamawh in i ring em? Tuna ka awmdan anga ka awmna chhan hi i hria em? Tunge ka nih tih hriat hrehawm zia hi i hria em? Nu te pawhin an duhloh, Nawhchizuar leh mi hurherh ang maia mite hmuh nih hi? I thiltih avang khan i inchhuanphah hle ka beisei?" Laurel chuan a awka mai aia a mitin a thusawi awmzia a tihlan chian chu a lo hre chuang lova."Ka thiltih maw?" Oliver Savage chu a lo meng buai nak a. "Khang kum i hloh tak te kha ka pe kir thei dawn tawh lo che a, Laurel. Ka thiltih pawizia lo ngaihtuah let nachang pawh ka lo hre lova, mahse zanin aṭang hi chuan...." a ngawi vung vung a. "In tur engemaw chak deuh i nei lo maw?" Bung zet leh ngeiawm deuh hian a ti vut a."Sherry chu a awm kha," tiin Oliver Savage a hmel chu a va en a. "Zu ka in ngai lo," a ti zui leh thuai a."Tlangval inleng i nei ngai silo bawk nen tiraw. A ṭha tho ve, heta ka lo kal hma khan ka in tawh thova," a ti ro hulh mai a. Oliver Savage chuan engatan nge intur a dil...?"I lehkhabu a achangtu atana min hman chu tum duh suh ang che Mr Savage," Laurel chuan a lo ti leh fak a."Tunge chutiang atana ti che? Oh, Pathian hmingin!" Thinrim zet hian a ti hrawih a, a sam a tuai nawk nawk a. "Laurel, helaiah hian ka lehkhabu ziah atana a changtu tur ni tura rawn sawm tur che in ka lo kal lo. Chutiang lam reng reng ka lo ngahtuah lova. Kum nga chhung zet ka zawng tawh che a...chanchinbu ah te ka chhuahtirna, ka bei nasa tawh hle a ni. Ka hrethiam thova, social services ho lahin i awmna chin min hrilh duh silova. Rachel an tih nu khan a remti lo bur mai a. Mahse ka lo rindan chuan khawi inah emaw ber an dahna che aṭanga i chhuah tawh si chuan min rawn be pawp tura ka chunga thinurna i neih ngei chu ka ring a.Eps - 6"In â..?" Laurel chuan a lo ti nghek a, a thinrim chu a so bulh bulh mai a, a huatna leh hlauhna te, tualthah hial duh khawpa a huatnate chu a hmelah leh a mitah a lang chhuak chiang hle bawk a. "Insiamṭhatna hmun maw? A nihna tak anih chu ka sawi, Mr Savage. Naupang sual leh awmkhawlo an dahna hmun, hmeichhe lepchiah leh hurherh ho an dahna hmun....""Laurel..!"Mahni inthiamlohna niawm taka khat hian a lo ti tham ṭuak a, Laurel chu mak tiin a tawp chawt a."Laurel, thudik chu ka hria alawm," a ti dam thlap mai a, a kut chu a khur ve hialin a hria a."I hria tih ka hria alawm. Ka hrilh tlat che a, mahse ka thudik hrilh che chu i hming tihlanna atana hmangin min tihchhiatna a dal chuang hleinem, tiraw, Mr Savage? Thudik dawta chantir thiam tak i nih kha le!" A thinlunga khakna awm chu a thup zo hlawl lova, thup pawh a tum lo."Khawngaihin min lo ngaithla hram teh, i thei ang em? Ka thiltih sual kha ngaihdam theih rual a ni lova...ka pawm thlap alawm. I chanchin dik tak kha chhuahtir leh ka tum a, mahse ka thawhna chanchinbu khan an pawm duh ta lovin thu mu hnu an ti tlat a, mahse chutah chuan i pahrawn kha a thi tawh a, a hun a liam hnem hman tawh em a, ka thiamlo chuang lova, dawt a ni tih fiah tir tura a thi hman kha a pawi ka ti lutuk a..""Khami nia in in aṭanga i lo chhuah ni khan i pahrawn hmuh tumin ka lo chang a, kan intiam lawk nghe nghe a. A hmaa kan inbiak zauh tawh avangin khatihlai kha chuan ka khawngaih khawp mai a, chu chu phat pawh ka tum lo. Enteh, khatihlai khan, ka cousin pakhat tleirawl laka inhambuai nasa tak ka nei a, a nu leh pate chu an khirhin an pangngai hle bawk a.""Lisa chuan a lo thlem thlu a, a chetsual pui ta a, mahse Bobby an ṭhen a tum thu a hrilh chuan pawngsual angin a puh ta mai a. Chhungkaw hausa tak an nih avangin Lisa chuan an inkhinna ah chuan hnehtu chan a chang a, Bobby chu neih ngei a tum tlat mai a, dawtsawi thiam leh lemchang thiam tak a lo ni reuh bawk nen, Bobby nun chu a tichhe zo ta vek a. Bobby nu leh pa te chuan hmeichhe pawngsualtu fa neih chu an duh ta lova, an zahpuiin an ât phah lo chauhva, khaihlum tura a chungthu relsak a nih hnu chuan amah leh amah a intihlum ta hial a. An thubuai an rel hma zanin Bobby chuan thil awmdan engkim min hrilh a, a hnuah a thih takah chuan Lisa inthiamlo chuan thudik chu min hrilh veleh ta thova. Ka thinurin ka rilru a na em em a ni," a ti ta a.Oliver Savage hmel chu a han en a, Laurel chu a khur nasa zual sauh va, chu hmeichhe laka thudik sawi tura a nawr dan vel tur chu a han ngaihtuah a, chu nula chu a pahrawn ang maia mahni hmasial leh rilru tenawm a ni ngei mai...!"Tichuan an dik emaw dik lo emaw, pawngsual case hrim hrim ka ngaihdan chu a dang ta daih a. Han chhuichian chuan a ṭhente phei chuan pawisa an duh vangte a lo ni hlawm bawk a," a ti ta a."Ka pahrawn lak aṭang khan pawisa hmuh beisei vanga khatiang thil kha ka ti niin i ngai tihna a nia maw?" Laurel chuan a lo ti fiak ṭhak mai a."Pawisa lam chu ni lo ve...mahse ka lo ngaihdan chuan ralthuam atana i tih a nih ka ring a. Enteh, i nu khan pasal a nei leh ta a, chhungkaw member pathum in lo ni ta tihna a nih chu.! I pahrawn kha i nu lakah i thik thei a, chu chu mi tam tak rilru a ni fo ṭhin alawm, i pahrawn chu amah i duh vang reng pawh ni lem lovin, i nu neihsak tu che a nih avangin i haw bawk a...chutah nulat hretir i ni a, in awmdan enchhin in duh hunlai a ni a, mipa chungah enganga thiltihtheihna nge in neih tih hriat chak hunlai a lo ni a, a chungah i han ti ve chhin ni te pawhin a ngaihtheih tlat a..""Sawi tawh suh!"Laurel aw ṭial riai chuan a mitmeng a ti thim zual sauhva. "Mahse a tlai hnuah thudik chu ka hrechhuak leh ta si a. Khami ni a tunge ka nih pawh hre miah lova ka car a i rawn chuan duh mai takah phei kha chuan....""Bus chuan man tur inchhungah khan ka thlauh daih a. Ka nu khan....min hmuh duh tawh loh thu min lo hrilh zo chauh a ni, kirleh a va la turin ka ti thei tlat lova...ka..." a hmui a chip leh ta hmak a. Khatihlai khan a ring tawk em em a ni tih chu hrilh a tum lo. Huatna hian a rawn tuam a, kum ruk kaltaa a chunga a thiltih chuan a tharin thinurna a rawn siamsak leh ta a, a pahrawn nen an danglam reng reng lo. Bill Trenchard chu a thi tawhin phuba la turin tawh phak a ni tawh lova, mahse hepa hi chu ala dam a....Oliver Savage an a hmui a khawihsak na chu a han hre let a, engvanga a khawih lek pawh khawih ngam nge a nih? A tawrh anga zah leh mualphona, duhloh leh hrehawmna tawpkhawk hmuna dahtu kha, a tawrh ang kha a tawrh lettir ve thei ang em le...??"Laurel, ka ṭawng i ngaithla em?" Laurel chuan a hria a, a lo bu ringawt a."I pahrawn kha thlaruk chhung jail ah a tang tih i hria anga, a lo chhuah hnu lawk khan nikhat chu Fleet Street ah zu dawrah ka tawng fuh ta a...tihpalh thilthu liau liauvin. Zu a rui nasa hle a, a hmaa ka lo kawm tawh avangin min hre tawh a, ka khawngaih tih pawh a hai lova. Reivaklo kan inkawm hnu chuan a titi tui ta lutuk a, Court a bum dan te, i chungchanga dawt a sawi thu te min hrilh ta mai a," Oliver Savage chuan a lo ti ta zel a.Laurel chuan engahmah a lo ngai lova, thudik chu amah pawhin a hrilh tawh a, a awih sak lova, amah tihmualpho nan leh tihchhiat nan a hmang zawk a nih kha...thinrimna leh huatna hlirin a khat a."Kan inhmuh ni aṭanga ni thum naah a thi leh ta mai si a...court a khin let lehna turin lehkha engmah ka ziahtir hman ta lova," Oliver Savage chuan thaw huai hian a lo ti leh a."Ka tan awmzia a nei tawh chuang hleinem. Ka nun chu a chhiat tur angin a chhe vek tawh tho alawm. I hriat angin min hmutu kha ka nu a ni a, ani chuan diklohna chu keimah niin a ring tlat a, amah kha ni lovin. Tichuan keimah min venhim zawk nan hmun hranah min dah ta a, hremna avanga min dah an ni lova...chu chu fimkhur takin min hrilhfiah thova, mahse ka tan chuan chu ina awm chu hremna a nih lohna reng reng a awm lo," a lo ti ta a.Laurel chuan khatih hunlaia a tawrh nasatzia kha chu a hrilh duh ta lova, a huatzia leh amah a indem tel tlat avanga a hrehawm zia te kha, Bill aia sual zawk niin hrem phu rengah a inngai fova. Ama thiamloh a nih loh thu chu an hrilh fova, ama tihsual vanga helaia awm hi a ni lo tiin an hrilh fo bawk ṭhin. Mahse a rilru a buai nuaih nuaih a, amah fello leh diklo nia a inhriatna chu a lo nasa tulh tulh ṭhin a nih kha...khatiang zawng zawng avanga a hrehawm tawrhna thlentupa chu ani hi a ni a, ama thuziak avanga khatiang rilru kha pu ṭhin a ni. Ani lah chu tunah engmah a hrehawmna kha hriatpui lovin a laka thil a lo tihdikloh chu thiltihsual satliah ang lekin ala rawn ngai a, a pawi tih thu ala rawn sawi satliah ringawt a ni si a.Khati khawpa a khawvel neih ve chhuna timualpho tu khan engtinnge a in hi a rawn rah ngam a, alo la kal ngam zawk ni? A han en chhova, kal mai tura hrilh a duh tawh a, chupa hmel chu a lo dang ve lup a, a hmel awmdanah chuan a khawngaihin a lainat hmel hle niin a lang. Khawngaihna maw! Ani khawngaih a ngai hleinem!A thinrim em avang chuan a hrawk te chu a na ut ut a, a hun kal tawh, thim leh hrehawm tinreng a tawrh hun laiah khan a cheng leh tawh a. Thinurna satliah ni lo, engmah pawisak nei lo hiala tal duhna chuan a rawn tuam leh ṭan a, a taksa chu a kang hlup hlup a.Oliver Savage chuan a rawn pan a, a kut hum ruh tlat chu a rawn vawn sak a, a rawn khawihna chuan mei ang maiin Laurel chu a lo kang a. Chupa chu thah hial duhna rilru a pu ut ut mai a. A khawngaihna chu lo pawm turin a duh amaw? A mitmenga a lainatzia lo lang chu a lo ten hluah hluah a. Laurel chuan engtin emaw taka tihnat ve leh han tihmualpho ve theih chu a lo chak em em mai a.Hepa laka phuba a lak ve theihna turin a chungah khuanun rem a rawn ruat sak a ni mai lo maw? Engtinnge hetiang mi hi a tihnat ve theih ang? Kawng chu a awm ngei ang, eng kawng emaw tak, hepa chunga phuba a lak hi Pathianin a phal ta a ni ngei ang.A eizawnna! A hmingṭhatna, a hmingthan mawina te hi a tichhe ve thei alawm, a hmui chu a ang phiauva. A duh chu a sawichhuak lo chauh a ni. Chupa kut lum thar tharin a rawn khawih chuan hmana a awma a bei lai kha a han hrechhuak zawk a, a chang chang chuan chupa kuahna chhunga thlamuang leh him riauva a in ngaihna kha a hrechhuak ve zawk ṭhin a, mahse chu chu huatna leh khakna, thlaphanna ten a rawn khuh leh ṭhin. Khatianga a rinna a tihchhiat sak aṭang kha chuan tumah a ring nawn leh ngai tawh lova, a tawktu hnuhnung ber mipa a niin kum sawm hnua a tawk leh hmasa bertu mipa a ni leh bawk a.Oliver Savage chu a han melh zauhva, ani chuan a lo en reng a, a taksa chu a rawn tawk ta emaw tih mai tur hian a mur chuai chuai a. Laurel chu a khur dar dar a, chupa a huatna chuan a rawn tuam leh ta niin a inhria a. Kum engemaw zat chhung a lo ngaihtuah duh tawh loh huatna chuan a rawn tuam a, a upbo tawh chu a takin a rawn inlar ta si a. Chutah chuan a phuba lakna tur hun remchang a rawn siamsak ve ta a ni mai a, a bawhpelh phal tur a ni lovang, a chanchin ziak tur chuan a bula awm tam a ngai anga..."Thil engemaw duh chu ka nei a," a han ti sap a, a tawpa tawpah chuan, "Ka eizawnna hi ka ngaihlu hle a,hmasawn zel pawh ka duh a. I hnuaiah thla reilote thawk ta ila, i secretary turin, nangina min puih a, lehkha min siamsak ngat chuan ka thleng sang ve thei hle dawn a," a ti ta a.Oliver Savage chuan a chal a lo chuar nung a, a rawn enchik hle bawk a. Laurel chuan a thiltum chu a lo hriatsak a hlau rilru hle mai a, a thin a lo phu dat dat mai a."Enge ka tana thawh buai kher a ṭulna awm? Lehkha te chu awlsam takin ka siamsak mai thei tho che alawm," nghet churh hian a lo ti a.Laurel chu alo ṭang ṭeuhva. "Mahse chutianga lehkha siamtir ringawt che chu a dik thei lo alawm, i in sawi anga min puih...."Chupa han nawr vel chu thil tihawmloh tak chu a ni tih a hria, mahse a hun remchang chu a hloh phal bik silova."Secretary ka nei ngai lo, khawl ka hmang mai ṭhin a, chubakah...""Kei anga hmeichhe mi hipna neilo lwh vawt bul ah i thawk peih lo tihna maw?" Laurel chuan a lo tih khalh nghal zat a, a puihna chuan a laka a nihna a tihlan ngei a beisei ran bawk a."Hmeichhe nih tlinglo i intih ve sekna hi ka awih lo ka tih tawh kha," tiin Oliver Savage chu a han ngawi leh vang vang a, Laurel chuan enge a ngaihtuah chu hriat a lo chak hle thung a. Oliver Savage chuan awlsam taka a lo ngaihdam a kal bo leh mai inbeiseiin ṭanpui duh angin a insawi vel em ni..?"Ka hnuaia thawh chu i duh tak tak amaw?""Ka hmalam hun atana ṭangkai turin mawle," Laurel chuan a lo ti let thuai a."Secretary ṭha tak zawng i ni ngei anga, lehkhabu thar ziah ka tum mek lai a ni a. Chubakah...awle, a ṭha alawk, mahse passport i neih ka beisei," bung nghut hian a rawn ti ta a."Passport â? Mahse..." Laurel chu a lo hawi ha mai a."Lehkhabu ka ziah chhung chu Province ah ka awm ṭhin alawm. Hmun reh tak a ni a. Kan pahnih chauhvin kan awm dawn a, i thei ngut ang emaw chu?" Tim map lo hian a rawn ti ta a.A thei ang em? Nitina hepa nena hnathawh dun chu a thei chiah angem? Oliver Savage a nun chhungril leh a nitin awmdan hriatsak a duh ber chu a ni si a. Lehkhabu ziaktu lar tak nun thuruk te a han ti anga, a duh leh mite awih theih tur dawt te a belh zauh zauh anga, a tuar thei mai ang chu. A dar a han ti che zauhva. "Ka ti thei mai ang," a ti nghet ve charh a."Chuti chu harsatna ka nei dawn lo a nih chu. Kan inkar thil chu engemaw thildang vangah i ngai lovang chu tiraw? Anih leh, Laurel mipat hmeichhiatna thil te hi hriatchian chakna i nei ve tawh ngai reng reng em?" Tiin a ding chhuak nghal a."Teuh lo lutuk, ngaihtuah ringawt pawh ka duh lo!" Vawt zet leh vin deuh hian a lo ti ta hlur a, a sen awp awp bawk a."Chuti chu tu emaw in an zirtir che pawh a hun ve tawh a ni mahna," tih pahin a chhuak nghal vat a.Engvanga rawn khawngaih vel nge a nih chu le? A chhuah dawna a rawn en danah khan khawngaihna bak engemaw a la tel leh nghal a. Ngawi tak rawh se....reilote ah amah chauh lo chu khawngaih tur dang nei lovin a awm tawh anga, zak leh kimki in khawvel hi a chhiar ve tawh ang.Eps - 7Oliver chuan thil a ti fel zung zung a, Mr Marshall hnenah chuan reivaklo chawlh a dilsak a, ani pawhin a lo remti ve mai a. Sally chu a lo phur nasa mai a, makti leh awih lo hmel a pu deuh bawk a. "Oliver Savage hnuaiah i thawk dawn amaw? Lalpa leh, Laurel a va mak vele! Nang chu ni ve chiah ila chu...""Hnathawh sak aiin khum lama hruai ngawt ilo ngaihtuah pek ang chu," Laurel chuan a lo ti hlur a. Sally chuan Laurel ṭawngkam chu mak a lo ti hle thung a, mipat hmeichhiatna lam a sawi rik a vawikhat hriat ve na a ni tlat a ni. "Engvanga min ruai nge a nih i rin? Secretary a duh alawm, Sally, mutpui tur nilovin," chang fal hian a lo ti a."Nula mutpui tur mai mai te zawng a tan zawn buai a ngai tawp nang. I vannei ka la ti tho tho. Province te chu..." Sally chuan a lo ti zui hram a, amah ni zawk se a inti hle tih chu thup pawh a tum buai lova.Nithum a liam leh meuh chuan Londona Oliver a appartment ah kal tura tih a ni ta a. Laurel chuan a thiltum chu a ngaihtuah nawn rauh rauh mai a, a tum a tiruh lui hram hram zel a. Khawpui lun lai taka awm a ni a, a nuam in a thawveng hle a, in pawh a nei nuam hle a ni, ti rilru chungin kawngka chu a kik ta nghal a. Oliver chuan kawngka a rawn hawnsak a, towel a rawn ven bak chu thawmhnaw dang a inbel hauh lova. Laurel hmai dang lawp lawp leh hlau hmel a hmuh chuan a mitko a san zawk a. "Nizanah ka mu tlai deuhva," a lo ti thuai a."Sawifiah buai lo mai teh, ka hrethiam mai e," Laurel chuan a lo tihkhum nghat a."I hrethiam maw?" elsen zet hian a rawn ti ta a. "Mak ka ti hle mai che. Zankhuaa hnathawh in a nghawng dan tur che ilo hrethiam thei a, office ah chuan ṭan hun leh ban hun bituk neiin hna in thawk a ni si a, mahse ilo hrethiam chu a lawmawm reng reng e, tlai deuhvah hna thawh tir che suh mahila mak ilo ti dawn lo tihna a nia, tiraw?" A ti ta a.Hnathawk meng rei anih a lo ring lova, a lo rin dan chu Oliver pawh chuan a lo hrethiam tho niin a lang. Tum hmak chungin Oliver chu a kalpel a, a lut ta nghal a. Ṭhutna lo awm hnai berah chuan a ṭhu nghal chawt a."Nice pana ka kal a ngai dawn a. Lehkha ṭhenkhat lo chhu turin ka duh che a, hnathawk ho hnenah heta i awm tur thu ka sawi tawh a, Nice ah chuan kal ṭulna ka nei tlat a, ka thang rei lovang," Oliver chuan a lo ti nghal zung zung a.Laurel chuan a thawmhnaw inbel se a lo ti khawp mai a. Oliver a taksa towel chauh veng a hmuh chuan a tibuai tlat a, mipa pianphung reng reng pawh a lo en duh tawh ngailoh laiin chupa taksa ruak kung chu a en lo theilo lawi a, a inhaw rilru hle bawk a."Enteh, khatianga min en reng chuan hna kan thawk dun theiin ka ring lo. Ka chunga i rilru putdan chu ka hre thova. Laurel mahse i pahrawn ka ni ve tlat lova," Oliver chuan a lo ti ro hulh a.Laurel chuan a note bu chu a han en zawk a. "Ka hria alawm," hreh zet leh zawite hian a han ti sap a."I hria maw?"A chevel thawm chu a hria a, a hnungah a rawn ding a, Laurel chu a lo zawi ru nghal rawih rawih a. A taksa chu a insangmar nghal ṭalh ṭalh a. A haw ngawih ngawih a ni, hrilh mai pawh a hreh lo."Ka ni lo tih i hriatna chu fiah ta che. Min han en teh," dam raih hian a rawn ti a.Engthilnge hepa hian tih a tum? Enge hriattir tuma hetianga a tih? A thei lo tih hrilh a duh a, mahse chu a chaklohna chu hmuhtir a duh lo bawk a. Khur dar dar chung hian a hmel chu a en chho hram a."Ka taksa hi en rawh Laurel. Thil hlauhawm engmah a awm lo. Taksa leh thisena siam ve tho a ni asin," tiin a kut a rawn laksak a, a dar ruak kung chu a tawh tir ta nghal a, "I hria em?" A rawn ti nghal zat a.Laurel chu a lo thaw ṭha ngam ta lova a kut chu a khur dar dar a. A kut chu laksawn a duh hle na in Oliver chuan ala vuan tlat a. A mitah tak chuan a rawn en reng bawk a. "A hlauhawm em ni Laurel. Thil khawih hrehawm tak a ni lo tiraw, a ni em?" Zawite hian a rawn ti a.Laurel chu chesawn thei lo hian a lo khur zawih zawih tawh mai a. Oliver an a rawn hnaih zual sauh chuan a lo ṭham ṭawk ṭawk a, Oliver chuan a kawngah rawn kuahin a mitmeng thuk tak chuan ngun fahran hian a rawn en reng a, Laurel chu talchhuah tumin a lo ṭang nasa mai a."Ramhnuai mi ho khuangvuak ang maia ringin i thin a phu nasa a nih hi. Enge i hlauh em em a Laurel," tiin a kuahna chu a thlah a, nghet lo zet hian a rawn vuan a."Min fawp dawn emaw ka lo ti a," tiin hmui khur dar dar hian a lo ti a."Keipawhin ka inti ve tho alawm," Oliver chuan a lo ti awlsam then a, Laurel hmel buai nak chu a en reng a. "In fawh chu thil rapthlak takah i ngai em ni?" A lo ti leh sup a."Ka duh lo tih te chu i hriat reng kha," naupang ang mai hian a lo ti a, chupa bula ṭawng a awlsam viau zel chu mak a inti hle mai a."I duh lo amaw.? Nge i duh lo lui? Nuam deuh asin, nangmah leh nangmah kha inthlahdul la, a nawmna chu chen ve in phalsak mai rawh. Midang fawh te chu thilsual a ni hleinem, Laurel...enteh, ka han entir ang che," Laurel chu engmah sawi thei lovin a lo dingkhawng reng mai a.A hmui a lo chip tlat chu Oliver chuan a lo hre lo der hmiah thung a. Dimte hian a fawp lui zel a, a vun no tak chu a nul na na a. Laurel chuan a tum loh deuhvin a hmui chu alo ti nem ta thlap a, a taksa insangmar ṭeuh pawh chu a lo reh ṭan ta a. Mahse Oliver a leiin a ka chhung a rawn hawl takah chuan hlauhnain a rawn tuam ta thut a, a talchhuak thut a, hlauhna avangin a meng phawk ta hra mai a."Ka duh lo tih i hre reng si a, engvanga tilui ṭalh nge i nih?" Hriam hraih hian a han ti a."I duh lo emaw i inti mai mai alawm," Oliver chuan a lo tihsan mai a, thawmhnaw inbel turin a luhbo san ta daih a.A lo kir leh chuan jeans leh kawrphiar a rawn ha a, a taksa sek tung chu a phuar ṭang mai a, Laurel chuan a vun mam tak leh lum thur thur a khawih lai kha a han hrechhuak a, Bill Trenchard taksa nen chuan a inang lo hle a ni, a mamin a sen uk kharh a, a awma hmul tlemte lo chu hmulchhia leh kir chet chuat a nei ve hauh lova. A hriat miah lohvin a hmuia a fawhna la khur dar dar chu a han tawk a. An hmui a insik lai khan engtin emaw...engtinnge a awm....a hrethiam lo tlat a ni. An taksa intawh zeuh pawha a lo danglam ziah chu chupa a huat lutuk na avanga lo awm a nih a ring ta ber a.Nihnih a ral leh chuan Nice panin a thlawk chhuak ve ta a. Oliver chuan airport ah a lo hmuak a, jean kekawr leh T-shirt a hak chuan a tilang danglam hle a. London aiin a lo lum in, Laurel chuan a coat chhah zet chu a ning ṭan ta hle a. Thlawhna hnathawk nula nalh deuh chuan a rawn en vang vang a...chutiang nula pawr zetin Oliver Savage te ang ab kawp chu mak a ti hle niin a lang. Pawn lamah chuan an inzui chhuak ta hnak hnak a."Helamah hian," tiin Oliver chuan Ferrari car nalh zet lo dinna lam chu a en a. "Heng zawng chauh hi em ni thawmhnaw i ken a?" Tiin a suitcase hlui tawh zet khai chu a rawn en rulh a."I in a fal hle i ti si a, lehkhabu i ziak dawn a, hnathawhna a hak tur bak a ngai hleinem," Laurel chuan a lo tihsan ve mai a."I lengchhuak ve fo ṭhin ani maw?" Awih loh hmel deuh hian a lo ti a. "Mahse mipa nen chuan a ni lo phawt anga, a ni em Laurel?" A ti a.A rawn tilui kher niin a lo hria a, alo chhang duh lova. Hna a pe ta hi a inchhir hman tawh a ni mahna, awle, a hun remchang hmuhchhun chu a bawhpelh tur a ni lo. A in chu a fal hle tiin a hrilh kha a ni a, a lo hla hle tak tak a. Chawhnu tlai tawh fe ah chuan Olive thing ding sung kara in nalh deuh, ni in a chhun tle sar mai chu an pan ta a."Chhuak rawh le," Oliver chuan a ti nghal tawng a. Laurel chu motor an chuan rei avang chuan a khawng ṭhum a, khawr zet hian car aṭang chuan a pen chhuak nawk nawk a, a tlu tur chu Oliver chuan a lo dawm thuai a, a rawn vawnna avang chuan Laurel chu a lo khur nghal ringawt a, a hmai a var nghal vek bawk a."Hma kan sawn deuh tawh emaw tih nak alaia," tih hluk pahin a thlah nghal thuai a, suitcase chu a khaisak thuai bawk a. "Helamah hian," tiin zui turin a kalsan nghal daih a, in kawt laia huana rose leh pangpar dang inphun te chu hnimin a bawh luk a. "I hmuh ang hian huan enkawlna hun pawh ka nei lova," tiin Laurel hmel chu a rawn en leh a. "Chubakah, hetah hian hnathawk tur chauhvin ka kal ṭhin a, thlai ching tur nilovin," a ti ta a.Kawngkhar chu a nem hawng a, Laurel chu a luhtir ta nghal a. Chhuat chu lungvar nalh taka phah chhuah vek a ni a, a balin a paw thur mai a, chhuar leh bungrua reng reng chu a paw thur vek mai a, pindan chhung rim chu a tuilo hle bawk a, 'engtia rei nge a tlawh tawh lohvang aw,' a lo ti rilru nauh nauh a."Tukverh te hi hawng ila inchhung hi ka fanpui ang che. Generator hmangin eng hi chu ka nei ṭha khawp mai a, ka va tinung thuai ange, tichuan ka eitur lei te kha fridge ah khan ilo dah dawn nia. Inchhung thil tlem tlem khawih tel chu pawi i tih loh ka beisei ngawt a. Secretary hna chu a ni lem lo tih ka hre thova..." tih pahin tukverh a hawng nghal zung zung a."Lo kal rawh le," tih pahin choka aṭang chuan a hruaichhuak a, pindan dawt chiah lo awm chu a han hawng a. Inchhung chu a lo nuam hle nangin choka ang bawka enkawl loh hi a ni a, a chhunga bungrua awm te chu a ṭha hlawm hle a, meichhemna thuk lianpui a awm bawk a, dawhkan lianpui nen, Oliver a hman ṭhin a ni ngei ang, dawhkan hnungah chuan chhuar seipui leh sang zet a awm a, lehkhabu a inrem khat ṭhup bawk a."Chunglam ve thung le, khilam khi hnuailam ai hi chuan a lian deuhva," tih pahin a bawp sei zet chu awlsam deuh hian a pen pawk pawk a. "Mutna pindan panga a awm a," tih pahin pakhat chu a han nem hawng a. "Hei hi ka mutna ania," tiin khum lianpui leh hmanlai zet awmna chu a kawk vu a. "A dang pali ala awm a, i duh duhna ah i mu thei ang. Bualin erawh chu inṭawm a ngai ang tih ka hlau ngawt mai. Henglaiah hi chuan kan khawsa hmanlai hle a, khawpui nawmsakna kan thlahlel vak lo a ni," a ti zung zung a."Kawngka kalhna a awm hleinem," tiin Laurel chuan Oliver a hmel chu a en chho hau a."Inkalh hnan ngai ka ti lo tlat alawm. Mi enthlak ching ka ni hleinem Laurel. Hmeichhe saruak ka hmu duh anih chuan bihthlak ngai lovin ka hmu thei lutuk alawm," Oliver chuan nin hmel zet hian a lo ti hlur a.Oliver a awki ngaihno beilo zet avang chuan a lo sen awp awp a. Inchhawng sang bera mut pindan chu Oliver chuan a lo kawhhmuh a. "Pindan dang aiin a lianin....ka pindan aṭangin a hla ber bawk a, him deuhin i inhria ang chu," elsen fahran hian a lo ti zui a. "Han sawi teh. Engatinge ka khawih palh zeuh pawh hlau hle siin ka kianga hnathawh te min dil le? I hna atana hmasawn nan i ti tak tak em ni?" A rawn ti zui leh ta nghal a.Dawt sawi tel lova a chhan theih dawn loh avangin Laurel chu a ngawi reng a, chutah amah chu ngei leh thutin a han en a. "Engvanga thawh min remtih sak nge i nih reng reng a?" A lo ti hlar a.Eps - 8"Awle, awle..." Oliver chuan chik fahran hian a rawn en reng a. Laurel hrawk chu a lo rova, a thinphu a inthum rawn ta tluk tluk a. "He thil hi engtikahnge kan sawi ang tih ka lo ngaihtuah fo reng a ni. I chunga thil lo thlengte avang khan ka inthiamlo nasa hle tih sawi ta ila engtinnge i lo ngaih ang, Laurel? Mipa i hlauhna leh i huatna hi...pha duh lo mai rawh, kan hre tho alawm. Chutah a ṭhen laiah kei chu ka lo tel ve a, ka thiamlohna a tel ve avangin ṭanpui che ka duh a," tiin Oliver chuan ṭawngkam mai nilo mitmeng dam thlapa en chung hian a rawn ti zel a."Enge i sawi awmzia?" Laurel chuan a lo ti hmak a."Ngaihdan i nei thei nange? Oh, i hrethiamlo tak ang chu...mahse, Laurel, ngaihtuah teh, i damchhunga mipa hlauva i hun hmanral chu i thei dawn em ni?""Chutiang ka ni lo!""I ni lo maw? Ka nau duhtak, tunah ngei pawh hian duh ila chu khumah hruaiin hmangaihna ka chenpui thei che asin, mahse chumi thleng tur chuan i thidang vel anga, hlauhlawpin i awm dawn ani, i hai loh tawp kha. I chunga thilthleng kha thil ṭhalo tak a ni a, mahse a tawp vek tawh a, nunphung pangngai i zir a hun tawh alawm," Oliver chuan a lo ti nghat nghat mai a."Tichuan min zirtir anga maw? Ni lul love! Tunah hian helai hi ka chhuahsan nghal dawn. Oh, thil tum engemaw tak i nei tih rin nachang lo hria ila a ṭha tur, hna min pek chhan pawh a lo nih dawn chu. Tichuan i lehkhabu atana hman i tum anga, mahni maia hmeichhe tlachhe tawh mipa a tuihala siam dan...." te i ti anga."Tichuan thiltihtheih niah i ngai a. Mahse Laurel, lehkhabu a ziah chu ka tum lo. Engvanga chutiang ngaihdan chu nei tlat nge i nih?" Oliver chuan a lo ti let nghal vat a."I thuziah duhzawng nia ka hriat vang a nia," a lo ti ve mai a."A ni ngei tak ang," tiin Oliver chu a lo in sehruh ṭeuhva. "Laurel ka..." a rawn hnaih ruak a, Laurel chuan tlanchhiat a tum leh tum loh a lo en reng a."Ka sawi zawng zawng kha ka ti tak tak vek a ni. Helai kan chhuahsan hunah meuh chuan ka lehkhabu ka ziak zo anga, nang pawh hmeichhe pangngai, zalen tak angin i haw ang," a ti hriam hruih mai a."Chuti maw? Thilmak i ti dawn em ni?" Kha zet hian a lo ti let thung a. "Engtia awm danglam tir nge min tum tih han sawi chhin ta che," cho fahran hian a lo ti harh harh a.A dar hlai zet chu a lo san zohva. "Ka hre bik lo le, mahse a lo thleng ngei ngei ang tih ka tiam a che. I nun ka lo tihchhiat nia i mi puh fo na ri hriat reng ai chuan kan tum poh a ni ang chu, a ni lawm ni?" A ṭawngkam nem tak phena thinurna in up chu a lo hre reng a.Laurel chu hnuailamah a chhuksan ta daih a, khumah chuan a ṭhu hnawk a, a melh ngai melh rengin a thinphuba rang em em bawk a. Helaia a kal hi a tisual a ni, phuba lak a duhna khan khaw hmu lo lekin a siam a. Oliver khan hmeichhe pangngai ah chhuah a tum amaw? Engtia chetlak nge a tum ang? A khur dar dar mai a, a fawhna kha a han hrechhuak a, a endan te kha. Ama ât vanga helaia awm ve hi a ni a, mahse tihtur a nei ve tlat alawm, a ti puitling ngei bawk ang.Oliver lo kir leh chuan khum khuhna tur puan a lo zawng mek a. "Generator ka tinung a, eitur khu i dah lut thuai teh ang," hmanhmawh zet hian a rawn ti a. Inchhungah chuan hna an thawk dun ta mawlh mawlh a. Oliver a choka tifai vel chu a melh zauh zauhva. A pahrawn khan inchhung sekrek a khawih ngai lova, a pi lah khan a pu kha choka ah chaw eitur lo chhuan chu a zei a ti hle a.An thawh zawh tak duakah chuan Oliver chuan ṭhutthleng pakhatah a nem ṭhu hnawk a, intur a siam nghal a. "Thingpui aw ni ang," tiin a chhuang nghal a. "Nakinah tuikhuahah sawn tui ka va dah ange...khawlum ni a chen nan," satliah zet hian a ti leh a."Tuikhuah â?" Laurel chu a lo phawk hra a."Aw, sawlai theikung piahah sawn tuichenna tura siam a awm alawm. He in neitu hmasa hian a siamtir a, lemziak mi a ni a, nula saruaka an lem ziahsak tura a duhte thlem nan a hman ṭhin a nia. Oh, Pathian hmingin!" Tiin Laurel hmel lo danglam chu a han en a. "Ka tifiam mai mai a nih kha...tuikhuah chu lemziak tupa siamtir chu a ni ngei a, mahse a fate pali bakin an hmang ngai lo. Hmeichhe rilru neilo leh vawt inti siin khatiangte a min melh, ilo ngaihtuah thui lutuk a nih kha. Enge ilo ngaihtuah reng reng Laurel? Engvanga helaia lo kal ve hi remti reng reng nge i nih?" A rawn ti zui ta mawlh mawlh a."Ka hrilh tawh che kha," harsa ti zet hian a lo ti hram a."Min hrilh kha chu ka hria e. Mahse a chhan dik tak nilova hriatna ka nei tlat a ni," tiin thingpui chu a siam mawlh mawlh a.Oliver chuan a lo ringhlel amaw? A chhan diktak chu a hre em lovang chu, tim deuh tak hian a han melh zak zak a, a hawisawn rang hle bawk."Laurel, i duh ang angin min en thei ang, ka bawh huam huam dawn hleinem che, hmeichhia in mipa pianhmang a en fo chu thiltih loh tur leh thianglo a ni hleinem, i hria alawm. I kawr hak lai kha a lum viau lo maw?" inzawm lo zet hian a rawn ti leh ta zung zung a. "Kha aia thawmhnaw hak nuam deuh tur kha i keng em?" A lo ti leh ta a.A ken ve kha...pheikhawk pum hniam te leh linen puan suit pahnih."Swimsuit i keng em?" Laurel lo sen ṭawn ṭawn a hmuh chuan a lo inthing nawk a. "I keng hauh lovang. I neih pawh ka ring love, i nei em?" A ti leh ta a."Tuikhuah a awm tih ka hre hleinem," Laurel chuan a lo ti vat a."Ni e, saruaka tuicheng tur chuan he khawvela engmah hian a thlemthlu zo lovang che tih ka hria. Khawlum tak hnuaia tuiin vun a han chiah dai riai tluka nuam chu a vang hle asin...Kan hmangaihte taksa kan fawh tih lohvah chuan," a ti ta a.Laurel chuan a hmai lo sen nasa zual sauh chu a hria a, a zak lutuk chu a kun daih a. "Chutiang thu sawi suh," thawp sat hian a lo ti a."Engvangin maw? A tibuai deuh che elo? Ilo buaina tur a awm hleinem. Hmeichhe vawt leh phurna neilo i nih kha hre reng ta che," Oliver chuan a rawn ti let nghal zat a."Â...a tenawm ka ti tlat alawm!" Laurel chuan a lo tihkhum nghek a. "I hmeichhe ṭhiante chuan an hriat chak zawng a ni mai thei a, mahse....""Ka hmeichhe ṭhian i tih ho te chuan inbiak satliah leh titi ho mai mai sawi an duh hleinem, Laurel," Oliver chuan a lo ti nem duai a, Laurel hmai sen ṭan lo dang leh ta lawp lawp chu a lo en reng a. "Lo kal rawh le. Zanin hian hna kan thawh hmel loh bawk a, in tal hi chenna tlakin siam teh ang. Helaiah hian nuamsa taka awm i inbeisei lovang tiraw? Karkhatah vawikhat eitur zuar motor a lo kal a, bazar thil leia chhuakvak hman ka ni lova. A engzawk nge i tih duh? Khum siam nge bawlhhlawh hrukfai?" Bung zet zet hian a rawn ti ta nghut nghut a."Khum ka lo siam ange," Laurel chuan Oliver hmel pawh en ngam lo chuan a lo ti ve thuai a, ani chuan elsen zeta melh chung hian mutpuan dahna chu a lo kawhhmuh a. Thingrem lianpui hawn tuma a kun chuan a nghawng hnunglam a lo lang a, Laurel chuan a sam dum hlap chu khawihsak chhin chakna a nei thut a, chutah rapthlak inti zet hian a ding ta lah mai a, Oliver chuan dinchhuah pahin a awmdan hriatsak niawm tak hian ala rawn melj de rah rah lehnghal a.Amah leh amah a inhrethiam lo hial a. Mipa reng reng a haw em em a, an tawh zeuh pawh a duh lo, a bul hnaia an awm pawh a duh lova, mahse mak takin Oliver kha tawh chhin leh khawih chhin chakna a nei tlat si a. A hrethiam lova, a phuba lak chak lutuk vang a nih te a ring rum rum a. A reng rengah Oliver chu a hriatchian fe loh chuan enge a thiltih tumah awmzia a neih chuan ang..?Laurel eisiam chu an kil dun ran a, Oliver thil eilai chu a lo en reng a, a che reng reng chu a zei thlarhin muangchang in a ei a, a pahrawn anga ei buan buan chi ani hauh li. A hmel leh a pianphung chu kumruk liamta a mi ang tho kha a la ni a, mahse a hriat ai khan a lo sang zawkin a lo lian zawk fe a."I chau em..?"Oliver chuan a en reng chu a lo tihkhum hluk a, Laurel chuan a enchik hle mai si a."Chau ve deuh ve, mahse ka thawmhnaw pawh ka la phawrh lova," tiin car a Oliver an a dahluh leh kha a hrechhuak thut a."Ka va laksak ang che, mahse zanin chuan ti rih lo mai rawh, naktuk lamah pawh i ti hman em em ang. Nihnih khat hma chu hna kan ṭan thei dawn chuang lova, lehkha chhiar hmasak rih ka duh a, chumi chhungin ilo intifel ve mai dawn nia. Vur rama kal tur anga inthuam up reng lo khan," tiin Laurel suit hak chu a rawn en a. "Laurel engvanginnge khatiang thawmhnaw mak pui pui kha i inbel? I sam tihdan te kha...Mipa hnar nan em ni?" Tiin a rawn zawt ta mawlh mawlh a.A hmuh hnemin a hre hnem lutuk hret a ni. "Tihian....a....a thianghlim zawk alawm, a hnawksak lova," tiin a sam a chhip lama a zial tawm vek chu a han tawk zauh a. "Ka duhdan a nih hi," Court a thlalaka a hmel leh sam landan kha a han hrechhuak a, a sam kha a ther huangin a balh hmel hle a, ukil ho lo endan kha a han hrechhuak leh a, a tim nghal chawih mai a, " ka inhmeh zawk alawm," a ti leh ta thuai a."I rindan a nih chuan le," tiin Oliver chuan a lo en reng a. "Han mu tawh rawh, i thawmhnaw chu khilai chhohna ah khian ka lo dah mai ang...tin, Laurel...."Laurel chuan a li en let vat a, "Tuilum a tam kha, i inbual duh chuan tuman an tibuai lovang che," nghet charh huan a rawn ti zui a.Laurel chuan rum zet hian a lo melh let nghek a. A tibuai lo reng ang, Oliver Savage nula duhzawng leh itzawng a ni lo tih a inhai bik hleinem, mahse chu chuan a tina deuh zawk a, engemaw tibuai riau tu a awm a, Oliver a nula duhzawng nilova a inhriatna in a tihnat riau na chuan a muthilh dawn thlengin a tibuai a.Eps - 9A harh meuh chuan tukverh chu nî in a lo chhun ut tawh a, a parda zar chu a pan lutuk niin a hre hial a. A awmna chu a hai a ni tih a inhriat rualin sana chu a bih nghal a, thawh a lo hai ni lekin. Dar kua leh a chanve a lo ri hial tawh a. Oliver khan hna an la ṭan mai dawn lo tih hrilh mahse breakfast siamte a ngai tho awm si a. Nimin tlaia an chaw ei dun khan a eihnem phian a, a mihring puite te bula nuamti tak leh hahdam taka a chaw ei lehna hmasa ber niin a hre hial a. A robe chhah zet a dah chu a han ban a, chutah a thawmhnaw a la phawrh lo tih a inhre chhuak zawk a. A suitcase chu a zawng kual ta ruai a, Oliver a rawn lak kha khum bulah a hung ngei a, a bo ta daih mai."Thil tihbo i nei elo?" Oliver chuan kawngka aṭang chuan a rawn ti thuai a. A kut leh lamin Coffee no a chawi a, lehlamin kawngkhar biang a vuan a. Laurel chuan a kawr khuh phaka a nghawng lo lang chu enin a lo bu nghat a."Ka thawmhnaw ho kha. Hetah hian nizan khan ka dah a...""I dah ngei alawm," tiin a lo lut a, coffee no chu khum bul dawhkanah chuan a rawn dah nghal a. "I muthilh hnu khan ka la sawn a nih kha," a lo ti a."Nang..." Laurel chuan a hresual emaw a inti hial a."Ka la sawn alawm," Oliver chuan a lo tinawn leh thuai a. "Engvanginnge tih ka hrilh thei che ang em? Kum sawmnga pel tawh nu ho hak ang chi hlir i ha a, Laurel, thawmhnaw nalh lo lutuk phena i taksa thuhruk bo reng kha a ṭul lo. Heta ka hruaina chhan che ka hrilh tawh che kha...""Hmeichhe pangngaia min chhuah turin, ni e," Laurel chuan a lo ti nghat a. Oliver an a puansin a rawn thehhlim chuan a mutkawr, cotton puana siam, a nghawng aṭanga a keler thlenga fual hnulh mai chu a lo lang nghal a."Enge ti se min tih chuan?" zawite hian a lo ti sap a. Oliver chu en pawh a lo en let ngam lova. "Heta ka awmchhungin hei hi ka ha anga maw?" Tiin a mutkawr chu a han melh a."Teuh lo lutuk," Oliver chuan a lo ti ro hulh a, "Nimina i suit hak ai pawh khan a la hmuh tlak loh fe a nih kha. Ni lo ve, ka duhtak Laurel, Nice a ka leisak che thawmhnaw i inbel ang. Oh, khawngaihin lawmthu chu min hrilh duh lo mai teh," Laurel lo ang zuau chu elsen fahran hian a lo nuih a. "Hun kal tawha ka inthiam loh vanga ka leisakah che pawh i ngai thei ang chu. Ka thil leisak che chu i hmu duh lo em ni?" A ti ta a.A chhungril aṭang chuan rawn chhaih thinur a tum tih a hre mai a, a tum chu a hlawhtling ngei bawk a, a taksa chu khurin a thinlung a na bawk a. A thawmhnaw neih ve chhun a nuihzat viau chuan a ti lunghnur hle bawk a. A sawi angin a thawmhnaw inbel ṭhin chu mite nalh tih tur a thlang ngai lova, a sam pawh...a kut chuan a sam tla hniang chu a han dap a."Khati khan dah mai mai rawh," Oliver chuan a lo ti thuai a. Laurel chuan zial khawm ṭalh tuma a han ṭham khawm chuan a rawn pan a, a kut chu a rawn vawn sak a, mahse a mit chuan a chet zawnga a hnute bu che ve laih laih chauh chu a melh thung a. Laurel chu a lo sen ṭawn ṭawn a, Oliver chuan a taksa chu a mitmengin a phelh ruak niin a lo hria a, a pahrawnin a endan kha a ngaihtuah chhuak zawk a, a luak a rawn chhuak ta ut ut mai a."Laurel.!"Oliver a aw aṭang chuan a awmdan chu a hrethiam tih a lang reng a, a pahrawn nena ngaihpawlh fo chu a huat hmel hle bawk a. "Laurel min han en teh," thawp sat hian a rawn ti leh a."I thawmhnaw lei chu ka duh hleinem," Laurel chuan harsa ti zet hian a lo ti chhuak hram a."Oh, i duh lutuk ang," dam ruih hian a rawn ti a. "Hak luih tir che a ngai anih pawhin ka ti hreh chuang lova. Hmeichhia i nih hi Laurel. Han hakchhin chakna i nei lovem ni? Hmangaihna nena mipa in an en tur che hi i hmu ve chak reng reng em?" a rawn ti sap sap a."Îtna mawle, i sawi tum chu tiraw? Chutianga min en chu ka hmu tawh alawm!" Uar zet hian a lo ti let chiam a."Laurel, mipa zawng zawng hi Bill Trenchard ang vek an ni lova. I hrethiam ve tho ang, chu em em chu. Zalenna atana rahbi hmasa ber i rap ṭan dawn a ni mai alawm," Oliver chuan a lo tihsan daih a."Zalenna â?" Laurel chuan a han en chhova, a thaw huai mai a."Bawmah i tang a ni, Laurel. I chhuah dawn chuan hei hi hria ang che, midang rin i zir angai hmasa ber a, i pahrawn ang an ni vek lo tih i hriat hmasak ber a ngai bawk ang," Oliver chuan zawite leh dam raih hian a lo ti fak fak a."Ka bawma tawm chu ka duhzawk a ni mahna, a lo him zawk mai thei asin," Laurel chuan a lo ti let ve nghal vat a."Bawm chhung chu a khawhar thlak hle asin, Laurel. Bawm pawnah chuan boruak ṭha te i hip thei anga, nun in a pek theih engkim nuam takin a chen theih asin. A himin a lo hahthlak deuh a nih pawhin zahthlak ti leh tlawm ngawih ngawih nia inhria a thih ai chuan ala thlan awm reng reng ani. Tunah, i coffee kha in la, ka thil leisak che chu i en dawn nia," naupang chhia ang mai hian a rawn ti ta a.Naupang chhia ang maia tihtur a hrilh vel chu a lo haw em em mai a, hnial sateh mahse chupa thuhnuaiah chuan a awm tlat a, hetianga tih vel hi a lo tum lawk a ni ngei anga, a zawn rei zia a hrilh lai khan lo zawh chik deuh tak tur, hna pek a awlsam zia kha ngaihṭhat loh nana hman nachang lo hriat ve awm tak," a in ti rilru a."Hetianga thiltih hi ilo tum lawk a ni maw?" tiin Coffee no chu a ban a. "Hmeichhe pangngai te anga min siam a, ka nunhlui laka min chhuah zalen i tum hi ilo tum lawk amaw?" a ti mawlh mawlh mai a."Tum lawk love, i awmdan zel hi engmah hriat ka nei hleinem. Ngaihdam dil che chu ka duh ngei a, mahse ka han hmuh chiah che aṭang khan....i nun tichhe vek tu niin min hrilh ta bawk si a, Laurel. Bâ ngaimawh chi tak ka lo ni a...""I ba chu rulh lo duh ta lo ila?""Oh, i duh ngei ang," nem duai hian a lo ti a. "A pek dan turah kan buai a, a ni em? A pek tur lam ni lovin." Oliver chuan a lo ti hak a. Khum aṭang chuan kalsawnin, chhuar chu a va hawng a, bawm engemawzat hi khumah chuan a rawn theh thla a."Christmas emaw te han ti der ve la, heng thil ka lei hian hmeichhe naupang ta tur nge puitling ta tur tiin ka buai hle asin," Oliver chuan a rawn ti zui bawrh bawrh a."A eng zawk hak tur chu nge ni ta a?""En la a ni mai alawm," awlsam zet hian a lo tihsan mai a."Ka inbel dawn teuh lo!""Awlsam tak chuan i inbel lo mai thei e, mahse han inbel chhin phawt mai la...tichuan i hrethiam chawp mai ang. I nunhluiah hian i cheng rei tawh lutuk a, a tawp tawh a...a lo thleng leh ngai tawh dawn lo bawk a," Oliver chuan a lo ti chhum hmuk hmuk a."A tawp ngai lovang, i hrethiam thei lovem ni? Mipa reng rengin min en a min tawh zeuh pawha ka awmdan hi i hria em....?" Laurel chuan a lo ti hlap hlap a."I pahrawn angah i ngai zel amaw? Ni e, ka hmu alawm, Laurel. Mahse....""Enge la sawi i tum cheu?""I pahrawn i huat ang zetin min haw ve a tiraw, Laurel? Ani chu i tihnat phakah a awm ta lova, mahse kei chu ka la dam a. Ram kang ṭhelh tum ho pawh hian an tihkan belh chawk asin, ka sawi tum chu i hrethiam tawh em?" A ti ta a."Thiam lo," bung zet hian alo ti vat a."I hriatthiam ka ring, mahse pawiti mah ta che, pen khata i pen hret pawh kha a ṭha reng reng e. Tichuan khang bawm te kha hawngin ṭha tete khan lawmthu min hrilh la, nge khum aṭang khan ka pawttho che anga ka hakluih tir dawn che?" Zang vah hian a rawn tihkhum zung zung a.Pawngsual ve tura a ring hauh lo chu mak a inti hle a, a thinrim ru ṭeuh bawk a. Kut khur dar dar chuan bawm chu a ban ta nghal a. A hawn hmasak berah chuan kekawrte nalh zet, a pawl, rangkachak rawnga chei hi a lo awm a, a lang tam lutuk leh a pan lutuk chu a inbel ve chi a ni hauh lo, Oliver chuan a hmel chu a lo en a, a nui kur kur a."France chhimlam khawluma inbel atana duan anih kha. Dawr nghaktu nu phei chuan kha aia la te zawk, suih par thei kha min kawhhmuh a, mahse nang chu nula dang i ang lova..." tiin ngaihtuah nei niawm tak hian a hnute chu a rawn en vung vung a. Laurel chu a lo tawm nghal chawih chawih a."Hawng vek rawh," tiin bawm chu a hnawl phei rawk rawk a. "Tuna mi kha chu nisa a i inpho duh hunah i ha anga, hnathawha note lak pui nan chuan a ṭangkai vak lovang," tiin a la nui huk huk a.Bawm chu a hawng lawr dan dan a, jean te, T-shirt te, kawrchhing leh pheikhawk bun hnih, jean kekawr bul a let ta rum mai a, T-shirt engemaw zat chu a thing pharh a, bawm hnuhnung berah chuan kekawrte leh kawrhnuai a lo awm ṭeuh va."Kekawrte leh kawrhnuai, bialpa te ngaihtuah tela hetiang i lei ngailoh thu hi hrilh buai ka ngai lova nia," Oliver chuan a lo ti zui huk a."Chutiang ka ti ngai lovang," tih pahin bawm chuan a vawm nghal a. "I thil min leisak ho hi ka inbel ai chuan thih daih pawh ka duh zawk!" ṭap lo chauh hian a lo ti hlar a."Ah, mahse thih aia nuam deuh thil tawn tur ila ngah a nia Laurel. Damdawi tuilo deuh i tana ṭha tur ei angah inngai la. Hmangaihna leh duhsakna dawnga pe let theilo tur angah i in ngai em ni? I thawmhnaw tur chu inbel vat rawh," tih pahin chhuara a sam kilh behna dahkhawm chu a ṭham khawm nghal a. "I sam pawh kha thlah nghal ang che. Huaisen takin awm ta che, Laurel. Pen khatin han pen chhin la, i tithei alawm," tiin a chhuak ta daih a.Oliver a chhuah hnu chuan a awm ngaiin a awm reng a, mahse a lo kir leh ngei ang tih a hre reng a, alo kir leh chuan a sawi ang khan a rawn ti tak tak duh maiin a ring a....a ngei em em mai a ni. Hetianga nundan thlak danglam tir tuma ama thu thu a a chevel hi a ngei hluah hluah a, mahse hun rei a ni dawn lova, a zir chian hmasak ve hle angai dawn a ni, a belhchian hmasak phawt loh chuan enge a ziah ve anga, engtinnge a tihchhiat ve ang?" tiin a ngaihtuah ta a.Kawrhnuai nalh deuh pakhat chu a han ha chhin a, a lo hak tawk chiah avang chuan a sen ṭawn ṭawn mai a, a hak tawk tur a hrethei chu a lo enchik hle a ni ngei ang, a kekawrte chhawm tereuhte chu a han en a, a zak ru rum rum hial a, jean kekawr bul leh T-shirt chu a ha a, a sam a thlah hniang chuan a awm a tinuam lo hle a, hreh tak chung chuan a chhuk ve ta nge nge a."Ṭha lutuk. I kum angin i lang ve ta deuh ve," tiin a hmai chu a lo tawh sak zauhva. "I lang no sarh mai a, i mit pawh engmah hnawih a ngai lo, i mithmul a dum ṭha em mai. Nula nalh tak leh mipa hip thei tak tura duan i ni Laurel," muangchang hian a lo ti a."Thil ni lo pui pui khan min fakder lo la a ni mai chu," Laurel chuan a lo ti hlar a."Enge ni a nilo, i pahrawn hrilh bak che kha i taksa chanchin hi enge hriat i neih? I duhawm hle a ni tih a hrilh tel che em?" A ti leh ta a.Laurel chu a lo mangang hle tawh a, a marphu a lo rang a, tlanchhiat daih a duh rum rum hial a. Oliver lah chuan tifuh inti hmel zet hian a lo en reng a. "A dik em, Laurel? Chutiang thu chu a hrilh che em?" tiin a la rawn zawt nawn sek a."A sawi te chu ka hrilh vek che a, i hre vek alawm. I ziahlan vek kha...ka thlem a ni tih thlengin," a ti ta a."Nula itawm tak leh duhawm tak i ni tih a hrilh che a, a ni em, Laurel, a hrilh che em?" A la rawn ti lui ṭang ṭang a.Eps - 10"Aw, aw...." tiin a ṭe chhuak ta chiam a. A kutin a beng a hup a, chu zawhna tenawm lutuk chu a haw hluah hluah a. A mittui a lo luang ngiah ngiah a. Oliver an a rawn kuah lai pawh chu a lo hrechang lova, a dara a lu a nghatin a lo ṭap hlap hlap a. A ṭah ban meuh chuan a awmdan chu a hrechhuak thuai a. Oliver chuan a samah chulsakin a lo hnem mawlh mawlh bawk a, naupang hlauhlawp ang maiin a lo cheibawl a."Tuemaw in a nula nalh leh itawm tak ni a an hmu che chu thil zahthlak a ni hleinem. I pahrawn khan damlohna a nei a, rilru lama diklohna....Lalpa, ka...han hmu leh ngat ula chu..." tiin a insehruh ṭeuh mai a."Ka ngaizawng niin a in ngai a, chu chu ka nu kha a awihtir bawk a, nang pawhin a thusawi kha i awih thova, tu pawh mai khan an awih vek a...""Nang ngei pawhin i awih ve ta hial a," Oliver chuan a lo tih zawm nghut a, a hmel en tur chuan a han kuai dak a, a hmela a pahrawn a huatna kha a lo bo tawh a, a khawngaih hmel hle a, mahse Laurel chuan mak tak maiin a lo haw let hauh lova, hriatthiam theih loh hian a lo zawt nghal thung a."Aih...aw...ka..." a ti nawk nawk a.Oliver a kuahna ata chu a talchhuak a, a la vai ruai a, tuman tun hnuah khatiang khan zawhna an zawt ngai tawh reng reng lo. A khur nghal zawih zawih a, kum ruk liam taa ukil leh thubuai remtu te zawhna a chhan lai te kha a hrechhuak uaih uaih a, Oliver chuan chair pakhat ah chuan a nem ṭhu ta a."A hrehawm khawp ang tih chu ka hrethiam alawm, mahse ila theihnghilh vek mai ang," tiin a lo ṭawng tawi tuk a. Thutiam nge a nih a, vauna pawh a lo hre reng lova.A mumang rapthlak tak a man changte hian Oliver chu a pahrawn aia amah tihrehawm tuleh pawngsual tumtu ah a hmu tel ve fo tlat a ni, a thlan a lo bawl ṭawk ṭawk a, a thingpui no chu dahin, a damloh phah hial dawnin a inhre ta a, a phuba lak tum ve na te chu a bo nghal duak mai a."Lehkha chhiartur ka nei ka tih kha i hria anga, i duh duhin i hunawl i lo hmang dawn nia," Oliver chuan a lo ti leh sup a."Tichuan, naktukah tihdan thar i rawn hriat belh leh ang amaw, chu chuan min enchhin leh i tum anga tiraw? Ka thawmhnaw hak hi mi tihdanglam sak mai avang hian midanga min chhuah i inring reng reng em ni?" Kha zet lsh nelawm loh fe hian a lo ti let kha kha a."Ring lem rih love, mahse nangmah kha i danglam dawn alawm. Enteh Laurel, kan inhmuh leh hi ka beisei phak tawh loh hnua lo thleng a ni a, kan hun kal tawhte atana thilṭha tihna remchangah hmang ta ila a ṭha lo maw? I hun kal tawhte sawi chhuah zeuh zeuh i zir te hian a chhawk ngei ang che. Duh lo mahla i tana thilṭha a ni tlat a, nangmah inthiamlohna leh rilru natnain i khat tlat a, khatiang tur kha a ni lova, nangmah inthiamlohna tur engthilmah i ti hleinem..." Laurel hmel lo danglam vek chu a han en a."Thiltihsual ni a inhre tlata min siam hi i inhria em? Ka lo ti diklo ngei a, mahse a tisualtu tak ka ni hleinem Laurel. Ngaihtuahna neilo lutukah chuan min ngai lo la, i ngaih anga sual leh rilru neilo chu ka ni bik lo ania. Enteh, he thil hi ṭha taka kan sawi dun theih...""I diklohna avanga i inthiamloh na kha a tireh deuh anga maw? Ka duh ka ring lo..." Laurel chuan a lo ti hmak a."Min ring lo em ni?" Oliver chuan a lo ti let thuai a. "I chunga ka tihsual chuan min tibuai zui ve lova, i pahrawn thusawi ka lo awih kha ka dinhmun aṭang chuan thil harsa pawh a ni lova, mahse chu chuan min tibuai zui ve dawn lo. Nangmah puih let che hi ka duh a ni mai a, puih che chu i duh lo tihna em ni?" Tihtak zet hian a rawn ti ta a.Chuti maia ring leh tur chuan a beisei tawh lovang chu maw? A thuziak hlui zawng zawngte hmang khan a vaw let ve dawn alawm. Hetah hian hmana chanchinbua a thuziak te kha a dah ang em? A la zawng chhuak anga, a mal malin khang kha a chhang kauh kauh anga, milar a ni a, a chanchin ṭha lo lam chhuah chu an lo phur zek zek ang chu. Oliver chuan a lo la be mawlh mawlh a, court case chungchang kha a lo sawi a."Min ring mai rawh, Laurel, i tana ke pen awlsam lai hian, ka hria alawm, mahse...""Min ṭanpui i duh a tiraw?""I inkhung tlatna bawm aṭang khan tu in emaw an hnuhchhuah che chu a ngai si alawm. Kan inhmuh hnuhnun ber khan naupang chhia mai ila ni a...tunah chuan nula puitling i ni tawh alawm. Khawvel hmuhah chuan hmeichhe puitling i ni tawh a, nangma inngaihdanah chuan naupang hlauhlawp ang chauhvin ila awm a ni.."Oliver chu a fing lutuk mah mah a ni, tihnat leh a hlauh em avang chuan a lo thaw halh a, pa fing leh rin awlsam tak a ni reng a ni."Laurel.!"Laurel chuan Oliver hmela thutak a sawi tih lo lang leh rilru na hmel a pu ve chuan a lo tiphu nasa mai a, a thlemthlu leh thei mai hian a inring a, rapthlak a ti em em mai a."Ṭanpui che ka duh alawm. Ka puih tumna che hi pawmin kawng chanve tal chu min penpui a ngai dawn a, chu chu i tithei ang em? Mihring nunphung pangngai zawh ve i duh em? Chumi ti tura huaisenna chu i nei ang em?" Oliver chuan a lo ti leh mawlh mawlh a."Ka hre lo le. Mahse han tum chhin phawt ila," a ti ta sap a.A duhdan tak chuan lo hnial a duh a, ṭanpui a tumna chu hnawla, a hmaichhan ngeia a ṭanpui a duhloh thu hrilh let a chak zek zek a, mahse a thiltum tihlawhtling tur chuan a dawh ve hram hram a ngai si a."I inchhir ngai lovang," Oliver chuan a lo ti let sup a. A hmui chuan a rawn nul thuak a, Laurel lo tawlhsawn hman hma chuan a kalsawn ta daih a. Laurel chuan ama hmui chu a han tawk a, awihlo em em hian a enzui ta reng a. Engthil emaw ni mak deuh, amah rawn tawk riautu, a hriatthiam theih siloh hian a rawn nghawng sawk mai a. A chhungril aṭang chuan eng thil emaw hian fimkhur hle tur hian a rawn hrilh bawk a."Min mamawhna i neih chuan ṭhutkhawmna pindanah ka awm ang. Engahnge i len vel mai mai loh vang...helai ram vel hi fang la, kal hla lutuk suh ang che. May thla chauh ala ni nangin ni hi a sa teh mai ania,""Awle, awle," tiin Laurel chuan kawngka lam chu a pan nghal ringawt a, a lo inngaihtuah muk em avang chuan Oliver hmel pawh chu a lo en hauh lova, chutah dam thlapa a rawn koh leh takah chuan a hawikir ta thuai a. An mit a intawng a, an in en vawng vawng a, Oliver chuan a duh leh a kaltirin a duh leh a dang bet thei nia inhriatna mak deuh hi a nei ta thut a."I thawmhnaw inbel kha nalh ka tihzawng tak a ni," muangchang hian a rawn ti a. Oliver a hawisawn tak daihah chuan lungawilohna mak tak hi a nei ta bawk a.Pawn a va thlen chuan ni chu a la sa hle mai reng a. In hnunglam huan hawi zawnga veranda nuam zet chu a va thleng a, lung mum hian a inhung a, ngaihsak a hlawh loh em avangin a nalh tur angin a nalh lo mai chauh a ni. Laurel chu a kal zel a, Olive thing ding thelh sung kara tuikhuah chu a va hmu ta a, tui chu a chanve vel a lo tling tawh a.A lo ngaih aiin a zauvin a nalh hle a, thli leh bawlhhlawh lakah a him a, a lang thianghlim sur mai a. Inthlakna pindan leh tuala eisiamna te a lo awm a, Laurel chuan a thlir thuak thuak a, inlam a pan leh ta a. Veranda rahka a lawn lai chuan a hungna lunga pat ek ṭo luai chu a han khawih zeuhva, a lo tla awlsam hle a, nuamti zet chuan a tifai zui ta mial mial a.A tihfai china a lang thar sar zel chuan a tiphur a, nisa in a hnung a em sa vur pawh chu pawisa lovin a thawk zel a. He hna hi Oliver a chunga phuba a lak duh vang chauhva thawk a ni a, mahse engemaw zawng takin ama tana a duha kal ve reng a ang ta riau a ni. Hmeichhe pangngai anga chhuah a tum a, a zep hauh lo bawk. A thawmhnaw te tihdanglam sakin, kum ruk chhung zet suit ṭhui pangngai leh sam zial a lo chin ṭhan tawh han bansan thut chu mak a inti ta viau a, hna a thawh tui em avangin a thawmhnaw inbel chu a lo hrechang tawh reng reng lova. Tukverh darthlalanga hmeichhe jean kekawr bul leh T-shirt ha a sam thlah hniang lo lang chu a ma thla a nih a ring lo hial a.Rilru lam doctor an rawihsak lai khan engtik niah emaw a inpeih hunah, amah a inkhung tlatna bawm ata chu a la talchhuah ve mai tur thu a hrilh tawh a, tin, a nitin nundante ziaka chhiar fo turin a hrilh bawk a, chu chuan a puih hle a ring a ni. Mahse Laurel chuan a zawm duh chuang lova, a ngaihtuahna te chu ziak zel tura a tih ṭhin chu zawm lovin a vawng up tlat ṭhin. Tunah chuan...pat ek chu a paih a, inchhung lamah chuan a lut ta nghal a. Inchhung chu a lo reh ṭhap a, Oliver chuan tihbuai a duhlo a ni ngei ang, ani pawhin a duh bik hleinem.Chunglamah chhovin, a kut a silfai a, darthlalangah chuan a inthlek leh zauhva. A hmai a sen ṭan a, a mitmu chu a lang lianin a de sar mai a, a hmuite chu a lang danglam zo vek hian a hria a, a nem hmelin a lang nalh tlat a, rapthlak inti zet hian a kalsawn ta nghal a. A pindanah chuan a lut a, note bu leh pencil a la a, tukverhah ṭhu in Oliver a chanchin chu a ziak ta nghal a.An inhmuh hmasak ber ni aṭangin a ṭan a, muangchangin a ngaihtuahna a chunga a thil tihsualte, a huatzia te, phuba lak ve a chak ṭhin dan te nen. Chutah amah avanga a hrehawm tawrh nasat zia leh zah leh mualpho a tawrh dante, a nuna a rawn lan leh dan leh vawiin ni thlenga a chunga a awmdante lamin a ziak mawlh mawlh mai a.Pencil a lakthlak meuh chuan a chal a chuar nang nang a. Thil mak tak a ni, engti kawng emaw tak chuan veng deuh huai hian a inhre ta hial a, tuna a landan pawh hi ama nihna takah a pawm dawn ni hian a inhre ta tlat a. Oliver lah hian chhaih thinrim a tum deuh reng a, chutah a thiltum tak ala hriatsak bik lova, engtinnge a lehkhabu ah chuan a chanchin a ziak lovang tih a la hre thei bik tlat lo a ni.Chhun chaw a buatsaih lai chuan Oliver chu a lo lut a, huan enkawltu a rawih ṭhin thu leh tun hnai maia a boral tak avanga enkawl hlawhloh an nih thu a rawn sawi nghal thuai thuai a."Kan awm chhungin tlem tlem tala tihfai a ngai ang," tiin a lo en he haw a. Oliver pawh chuan a lo en let thuai a."Huan enkawl nuam i ti em ni?" A rawn ti hu a."A nuam ve alawm," Laurel chuan a lo ti satliah mai a, a nuam tih zawng hriattir fo a duh lova. "Bakah....""Ka bulah i awm tam loh phah deuh anga tiraw?" a lo tih khum ngul ngul a. "Nuam ti hle mahla maw, hei hi hre reng rawh, huan enkawl tura rawih i ni lo tih hi, tin, nisa tuar nasa lutuk suh ang che. Nichinah pawh khan i awm rei mah mah a ni," Oliver chuan a lo ti leh hmuk hmuk a."Min lo thlir elo?" Laurel chuan a lo ti thuai a, a hriat hauh lova a lo en reng tur chu a ngei rilru hle mai a."Sual a ni em ni? Ni e, ka lo thlir reng che alawm, hmeichhe naupang puitling hnathawh ang thawh ve tum i ang hle a ni," tiin a thova, a ṭhutna lam chu a rawn pan a, a rawn kun hnaih chuan Laurel chu a lo thaw ṭha ngam ta lo hial a. "I tih leh dawn chuan lukhum i khum tawh dawn nia," tih pahin a sam a rawn ṭham khawm sak a. "A nalh hle a ni," a ti sup a. Chutah a hnim vang vang a, muangchangin a kut aṭang chuan a uaithlak tir dalh dalh a, Laurel chuan electric current kal tel ang mai niin a lo hria a, a mar a lo phu rang zaih zaih mai a."Ni em rimtui manto ber chi ai pawhin a rimtuiin mi a tiphur hle a ni," tiin a zut zel a. "Tihtur ka la nei tlat a, ka coffee hi chu ka keng mai ange. Zanriah buatsaih chu i hreh em lovang chu tiraw? Tlailamah tui kan cheng hman mai thei a ni," Oliver aw chu bung riau hian a lo hria a, a inlahrang deuh riau hian a lo hre bawk a, a ṭawngkam leh chezia chu mak deuh riauva hriatna a nei tlat a.Eps - 11Chawhnu lam chuan a lehkhabu bawk chu a la chhuak leh a, a sam lo tla hniang chu a han zut dalh dalh a, Oliver khan khawih nuam a ti hle niin a hria a, engvanga khatianga zut sak kha nge maw a nih le? Tihbuai a duh hrim hrim nge nia a lo hnial a ring? Nge tihhlauh a tum zawk le?Chal chuar nang hian a thil ziahsa chu a chhiar a. Mahse mipa dang bula a awm ngailoh anga a bula a awm ṭhin zia a inpuanna ni lek fang hian a hre ta a. Oliver chuan a ti thinrim fova, ni e, a khawih pawhin a lo hlau ṭhin ngei alawm, mahse amah a hlauh vang chu ani hauh lova.A tunhma nun leh a thiltawn te hriatpuitu a ni a, hlauhna a neih nachhan leh a awmzia hriatsaktu a ni tlat ani. A lo inven vena te a hriatthiam sak a, hriatpuitu an lo awm chu a thawven thlak huaiin a hre nghe nghe a, a note bu chu a dah lawk a, inhnuai lam a pan ta daih a. Engthilnge a ngaihtuah a, Oliver hlir chu a ngaihtuah tak? Engvang nge? a inti rilru ta a.Chhun chaw an ei tlem avangin arsa chu siam a rilruk a, a siamna hmanrua zawngin a buai fe hnu chuan a duhang a hmu kim a, a lungawi hle mai a. Eisiam hi nuam a ti hle a, a eitu tur amah mai a nih ṭhin avangin a tuitih zawng chu midang tui tih chi a nih leh nih loh a hre lova.A thilsiam rim chuan choka chu a khat ram ram a, Oliver chu sam hnawk chhap hian a lo dak lut a, a mitmeng chu a hriam hle a."Boruak thianghlim hip ka mamawh tlat mai. I va siam rimtui ve...engtia rei nge la nghah ngai?" a rawn ti a."Arsa a nih hi, darkar khat vel ala ngai ang," a lo ti a."A ṭhat chu , chuti chu tuikhuah lama ilo kal vena daltu che a awmloh chu tiraw," a ti leh nghal zat a."Awm hauh lo, tuichen ka thiam lo tih chauh lo chu, bakah tihtur ka nei ve thova," vawt raih hian a lo ti let a."A ni maw?" Ngaihtuah nei niawm tak hian a rawn en a, Laurel chuan a lo ngawi mai mai lo chu pawi a ti hle mai a. Enge a tih dawn tih zawt sela engtinnge a chhan ang? Ina a awm loh veleh a thuziak hlui te kha zawn a rilruk a ni si a, mahse mi thil an hriat lohva khawihsak chu a hreh rilru hle thova."Helaia i lo kal chhan hi i theihnghilh dawna hriatna ka nei tlat mai ka ti Laurel," hriatthiam har deuh hian a lo ti ta a. "Ka hnuaia thawk i ni a, tuichenna lamah lo kal rawh ka tih chuan ilo kal mai tur a ni. Minute sawm chhungin lo thleng hman ngei ngei ang che," tiin a lo hnial hman hma chuan a kal nghal daih a, pawn a thlen chuan a rawn au leh a. "Oh, tin maw, Laurel...i tuichen thawmhnaw kha rawn inbel ang che," a rawn tizui leh hram a. Rawn vau lo mahse a hak hma chu a hruai kir leh tho a ring nghal thlap a, a hak tir a duh a nih siloh chuan.A kekawr a phelh a, a thawmhnaw dang a phelh lai chuan kawngka chu a melh zawk zawk reng a. Oliver a lo luh thut hlau ang maiin...a pahrawn khan a kawngka kalhna a siam hma khan a inthlak vel lai kha a rawn nang fuh thei hle a. Helaia Oliver nen chauhva awm tura kal a lo remti ve ta mai kha mak a inti hnuhnawh em em tawh a...darthlalangah a in en a, a zak em em mai a, hetiang thawmhnaw inbela pawna kalchhuah chu a ngam lovang, mahse Oliver chu a lo kir leh anga, a rawn hruai chhuak tho awm si a, a thla lo lang chu a han en leh ṭhin a, mikhual hmuh ang mai ani, mikhual nula vun no tak leh zen zaih mai niin a hria a, niin a em ngailoh avangin a vun chu a var har mai a.A chhuak lovang, saruaka vah vel nen a thuhmun reng alawm...mahse nula dang te pawhin an ti fo si a, lehkhabu ah pawh a hmu nitin thova. Rachel aw a bengah a lo ri a, "I taksa hi zahpui ngai reng reng suh ang che, Laurel. I nalh lutuk ania. I pahrawn sual vangin i hmu khaw lovin i ngaihthah hlauh ange," a tih mawlh mawlh lai kha.A lo nalh reng rengin Oliver pawh hian nalh a ti ang em? Hetiang thawmhnaw inbela a hmuh hreh zia hi a hria ang em? A pahrawn a hlauh ang khan Oliver chu a hlau hauh lova, mahse mipa a ni tlat.Tuikhuah lama a kalve loh chuan a lo kal chho leh mai anga, a rawn hnuk thla tho tho awm si a, a tuichen kawr rem tak robe chu a la a, silk puan a niin a nem thap mai a, silk a inbel ngailoh avangin a puan nem takin a pangti a nawk chu nuam a ti hle mai a. A hmai a rawn sen ṭawn ṭawn a, Oliver a khawih ang maia nuam ni a hriatna chuan a ti zak a, a haw bawk a, Oliver pawh a haw bawk a.Tuikhuah a zuk thlen chuan Oliver chu tuikhuah sirah a lo mu a, a kal thawm a hriat chuan a lo en vat a, a kuta a mit nisa laka hliah meuhin a lo thlir reng a. Kekawr bul dum a ha a, a taksa dang ruak vek a hmuh chuan Laurel chu a tlu lo chauhva."Ka rawn phih chhuak hman ṭep tawh che a," thatchhiat hmel zet hian a lo ti a, Laurel zak sen ṭawn ṭawn chu a lo ngaihsak hauh lova. "Hetah hian rawn mu ve rawh," tiin a bula mutna chu a lo kawhhmuh thuai a, Laurel lo kal zel chu a lo nuih var var a."I vuna chulh tur hriak i rawn keng em?" Laurel awm nuam lo zeta khawng at chu a rawn en a. "Ni hi a la sa hle a, i vun hi chu a kang lem lo chu a ni ang, a ni em?" A ti ta a."Ka...." a hre lo tih engtinnge a hrilh ang? Nula dangte angin nisa ah a inpho ve ngailo tih hrilh chu a ngam lova, a thawmhnaw hak duhawm zet nen chuan a zak ru ngawih ngawih a, a pum a so bulh bulh a, a pahrawn khan tuna a hak ang ha hian rawn hmu ta se engtinnge a tih ang le?""Khati taka kha thil kha vawn ngheh a ngai em ni, Laurel," Oliver chuan a rawn ti leh nghal a. Laurel chuan a la hnungchhawn ran a, a mitsir chuan Oliver a bawp sei zet sen uk kharh leh a kephah leia a dahthla chu a lo hmu reng a, an insi lo chauh ni hian a lo hria a. A robe hak lai chu phelh tura a rawn tih ringin a lo insangmar ṭeuhva."I lo thlen takah chuan ka hnung hi hriak min han chulhsak teh. Nangmah ang lo takin kei chuan vun kang ka tuar peih tlat lo. Han tlawmngai hram ta che, i thei ang em, Laurel?" Martar ho ang maiin nang lah chuan i sualna avanga kan chu i lo tuina zawng tak a nih hmel hle si a, a dik em?" A rawn ti zut zut a, a hmelṭha zet leh pa tak chu a ṭhen sang mai a."I sawi awmzia pawh ka hre love," tih pahin khawr zet hian a bur rawn pek chu a lo la a, amah rawn en lova alo bawkkhup daih chu a lo lawm hle thung a. Amah a insawi anga hmeichhe nihna tlinglo anga ngaih luih vel chu nuam a ti hle niin a lang."Ka dar lamah khan hnawih hmasa la," Oliver a aw thatchhe zeta rawn ri chhuak chuan a ti zawi hnawk a, a mit chuan a taksa sei zet chu a en lawr dan dan a, a chak hmelin a phiar fat a, a bawp chu a sei ngang mai a, a chawnah chuan hmul kir tlem tlem a awm a, khawih tura a indah chuan a buai ru ta em em a."Enge ni ta, Laurel?" Oliver thinrim aw chu a hre leh ta a. "I pahrawn ka nilo ka tih tawh kha. Mipa satliah ve mai ka ni alawm, i kutin min tawh veleh a zuan chat tur khawp che a mipat hmeichhiatna thlahlel leh hmeichhe mamawh huam huam ka ni hleinem!"A koki aṭanga rawn hawi chhovin a rawn en a, chutah a meng zim ta san mai a, a mit awmna zawn a han en ve chuan Laurel chuan a robe chu a lo inhawng huau tih a hmu ta a."Kha thil kha phelh nghal bawk rawh, chuti a nih loh chuan ka phelhsak che nghakin i rawn ha ah ka ngai ang," a ti chhar chhar a.Oliver chuan a hawisawn san leh nghal daih a, Laurel chuan hnial sawt dawna a hriatloh avang chuan leh a phelhsak...a ti lo....Rang zetin a phelh ta sawk sawk a, thlep ṭha thanin a mutnaah chuan a dah a, hriak bur a ban leh chiah tih chuan Oliver lo mu zangthal ta leh hmel danglam tak pu chunga a lo en reng chu a hmu ta aṭ a lo nui deuh ruh ruh a."Ti kha a ni mai alawm. Nula kawr phelh tir i duh chuan, nangman i tihsak ang tih hrilh la. Awle, awle...kum hei leh chen hi hetiang lo zawng hian ka lo ngai ṭhin!" A nui hawk hawk mai a.A bum a ni chiang mai, a thinrim ta ut ut mai a, a taksa a insangmarin a meng thim nghal sat sat mai a. A lo en dawn lo emaw a ti a, tlanchhiata bihruk bo daih a duh rum rum a. Oliver mitin a taksa a rawn en lawr dan dan chu tawrh harsa a ti hle a. A pahrawnin a endan kha a han hrechhuak leh a, rilṭam hmel tak khan a en ṭhin a, a it hmel thei lutuk kha...a khawng ta lah a, Oliver chu a inlet thawk a, a maimitchhing ta daih a."I nalh hle mai. I vun kha a dang mah mah a, mahse i nalh thlarh mai. Khai le, ka hnung chu han nuai teh le, naupang thuawih tak angin," a rawn ti ta daih a.Hreh zet chuan a kuta hriak chu a bunin a hnawih sak ta a, rilru mumal pawh nei lovin a nuai zel a, chutah a thil khawih lai chu khawih nuam a ti hle tih a inhrechhuak thut a. Oliver a vun chu nisa em na avang chuan a sa var a, a mam thal mai bawk a, a kut zungchal chuan a hnungzang chu a chul thla ta riak riak a, a ti tih pawh a lo inhre mang lova. "Ka hnung hriak hnawih tura ngaih i ni, mipa tiphur tur ni lovin," Oliver aw in a rawn tih hrawih takah chuan a phu zawk a, a lo en hau mai a."Ka...""I eng maw?" Oliver a hmai lo lang dang ve lawp chu awihlo zet hian a lo en reng a. "I thiltihlai i lo theihnghilh amaw? Ka awih theilo, Laurel. Enchhinna atana hmang che a min puh lai hian nang hian min lo hmang zawk a ni lo maw? Ti zel ta che, mahse ka enchhinna ka rawn hman ve hunah chuan mak lo ti suh ang che," tiin Laurel lo tim deuh dai chu a lo en ngur mai a. "Tuna i thiltih khan mipa châkna a kaitho hma hle tih i hria em? I awih lo maw? Chuti chu ka han entir ang che.,"Laurel lo harhchhuah hman hma chuan a rawn kuah bet thut a, a bulah a kuah mu nghal a. An mutna chu a zim em avangin an taksa chu a insi chial a. A ban lehlam chu Laurel kawnga kuahin a lehlam chuan a lu a dawm kang a. Laurel hmel dang tak leh makti lutuk hmel chu a rawn en reng a. A mitmeng chu a dum fiahin a tle sar sar mai a."Ni lo...!" Laurel chuan a lo ti tham chial a. A hmui ro zet chu a han liak huh hlap hlap a, "Ni lo...Oliver...ka...""Ni lo tih sawiah hi chuan tluk chi i ni lo. Enge i duh pawh hrechiang hlei lo hian i lo hmang nghal ringawt zel a, tihnat che ka tum lo. Mu hle hle ringawt rawh," Oliver chuan ro zet hian a lo tihsan ta hmiah mai a.Nichin lawka a mitmenga châkna lo lang kha a lo bo leh tawh a, a lo dam leh thlap tawhin dawhthei deuh hmel a lo pu leh tawh a. Laurel chuan a taksa so but chu thunun a tum tih a lo hriatsak ve thova."Mu hle hle rawh," dam thlap hian a lo ti nawn leh a.Eps - 12Oliver an a hnunga oil a hnawihsak a, a chul hauh hauh chuan che ngam lo hian a lo mu khawng reng a. Rei deuh hlek a nuai hnu chuan a taksa ṭang ṭeuh chu a lo inthlahdul ta in nuam a ti ta hle a. A hahdam thlakin a hlimawm hle a ni. A maimitchhing diar diar a, zawhte chu nise ahnar thlarh thlarh hialin a inring a. Chutah a han meng a, Oliver an chal chuar nanga a lo en reng chu a han hmu ta a. A hmelah leh a mitmengah chuan engmah a lang lova."Kha kha chu...tuemaw in i hnungah hriak an chulh a, an nuai a ni mai a, mahse hei hi chu..." tiin nichina a kutin a hnung a zutsak ang chiah khan a rawn ti ta a. A rawn tawhna chuan a thazam a fan raih raih a, a taksa pum chu a fan chhuak nghal a, a ṭek chuai chuai mai a. Hetiang hian em ni, nichina a khawih lai khan a awm ve ang?A ngaihna hre lo zeta a lo en reng lai chuan Oliver chuan a rawn en chhuk thut a, "I hria maw..? a danglam theihzia kha.!" a rawn ti hluk a."Ka....!!""Shiish...!!"A kawnga a rawn kuahna kut chu a thlah thut a, a mu zangthal ta der a. Oliver chu a chungah ala rawn kun a. A dara a rawn vawn sakna kut chu phihthlaksak a lo tum a. Oliver chuan a lo dang ta tlat a. A ṭe chhuak ṭhawt a, chutah a hlau lutuk chu a bing mup mup a, a thim thut a, a pil ta riai riai a.Thim chu a ral riai riai a, Oliver an a hming a lam ri chu a han hria a. A meng chhuak nghal a, alo la mu reng a. Oliver chu a bulah lo la ṭhu in, rawn khawih duh hmel pawh a lo pu lova."I ṭha tawh maw?" a lo ti tawi tak a."Ka....!""I thidang a nih kha.!" bung zeta tih pahin vanlam a hawi a, "A vawt ṭan ta riau mai. Lut tawh ila a ṭha ang. Lo han kal la, ka rawn zui ve nghal ang che. Heng thil hi ka rawn senghawi phawt ange. Kha.! hei hi i theihnghilh dawn alawm," tiin a robe chu a rawn pe a. In lam pana a kal lai chuan Oliver a awmdan chu a ngaihtuah zui nauh nauh a. A hmel leh ṭawngkam damthlap phenah khan thinrimna nasa tak a thup tlata hriatna a nei a, mak a ti hle bawk a. A thihdan tak vang mai kha nge, a enchhinna a duhang a nih loh vang? A khur dar dar a, thlifim chhem vanga khur erawh a ni hauh lova. Helaia kal ve hi engvanga lo remti nge a nih reng reng a..? Engvanga Oliver hian helaia hruai nge a nih?Chu ngaihtuahna chuan chumi ni aṭanga nitin chuan chhun leh zanin a chhanna hrechhuak thei silo hian a rilru a luah reng mai a. Chhun lamah chuan inngaihtuahna hun nei lo leka a siam ṭhin avang chuan a ngaihtuah tlem deuh hlek a.Hna a ṭanpui meuh chuan an beingawrh char char hle mai a, nithum chhungin a bung hmasa ber chu an zo fel ta mai a. A bung hmasa chu mipa pakhat, a thiltihsual avanga inchhirna in a tihbuai chanchin hi a ni a. Enge a tihsual chu hriat ala ni hauh lo nangin Laurel chuan a lo khawngaih nghal hle ringawt a. A chhungril nun harsatna chu a rawn tawk telin tui takin a chhu malh malh zel a.Oliver chu a inlahrang deuh tlat a, chaw ei lai pawhin a ṭawng meuh lova. Laurel chuan tuikhuaha thilthleng kha a lo hrechang tawh bar lova, zana a muthilh theih loh chang changin a taksaa Oliver a kut dam takin a chulna kha a hrechhuak ṭhin a. A vun mam tak a kutin a chul te, a hnung a zut laia a taksa awmdan te kha! A taksa chu engthilemaw a thisen tiluma a marphu tirang thei hian a fan tlat ṭhin a.Zingtin Oliver lehkha chhiar chhungin huan chu a lo tifai ṭhin a. Nuam a ti hle a, a ngaihtuahna te a tifimin a taksa thlengin a tiharhin a hre ṭhin. A lehkha ziah kha a la chhunzawm zel a, phuba lak a duhna chu a tilang tam sauh sauh bawk a. A pui theitu tur chanchinbu hlui chu zawnna hun pawh a la nei ta chuang lova. Oliver chu pa fing tak a nih avangin a hun kal tawh chu zawt mahse a hrilh duh a ring chuang lova.Nikhat chu khua a lum zual hle a, Oliver chuan chawl tawh turin a hrilh bawk a, thil ngaihtuah tur a neih thu a sawi a. Laurel chuan a huan tihfai chu kalsanin tuikhuah lam chu a pan ta a. A thihdan ni aṭang khan a la kal leh ta lo reng reng a. Mak takin niluma a taksa phova awm mai mai chu a chak ta riau mai a. A tuichen kawr chungah chuan robe a ha a, a hma ang em em a saruak nia inhriatna phei chu a nei ta hauh lova.Tuikhuah sirah chuan mutna chu kaipharhin hrukpuan a phah a, hriak a inchulh dalh dalh a. Ni chu a lum nuam hle a, ni êngin tui a chhun tlet neuh neuh chuan a mit a tivai a, a maimitchhing ta diar diar a. Nisa in a taksa a rawn em chuan Oliver a kutin a taksa a zutsak kha a hrechhuak a, a pumchhung a let but but a, a ngaihtuahna chu a haw hle bawk a.A mut a lo chhuak a, Province a lo thlen aṭanga a nun danglam sawtzia ngaihtuah chung zelin a muhil ta a. Tunah zet chuan a sam thlah leh Oliver a thawmhnaw leisak a hak ṭhin chu ngaiah a neih ta hle tih a inhrechiang ta hle a.A harh hlawl chuan amahin a awm lo nia inhriatna a nei ta a. A hawi kual ruai ruai a, Oliver chu a piah lawkah chuan hmel chang deuh pu chung hian a lo ding reng a. Laurel chu a ṭhu chhuak hlawl mai a, a tuichenna kawr bahna tihtlak chu a siam ṭha nghal mawlh mawlh a."Ka koh che kha i hre nange..?" Oliver chuan a rawn ti tawi tuk a."Ka lo muhil a, min mamawhna i neih ka ring lova, chawhnu lam chu ka chawlh theih tur thu kha i sawi a..?" Laurel chuan a lo ti niah niah a."Mahse helaia nisa a inpho kang tur em khawpa i at chu ka ring lova..?" tiin a rawn hnaih a, Laurel chu a rawn khawih a. Laurel chu a lo tawm chawih a, a dar kang chu a thip hlar mai a. Mahse a lo awmdan teh chaih chuan Oliver a thinrim in up reng chu a cho chhuak ang tih a hlau hnuhnawh ta hle a. Ani lah chuan rang zetin a lo tawlhsawn san nghal daih mai a."Helaia i awm hi ka ring lova, huana i kal daih ka ring a..?" a ti a."Kal daih a...?" Laurel chuan a lo ti ha a.Khawiah nge kal se a tih? Khawiah nge a kal ang?"Ni e, kal bo daih mawle.! Helai aṭanga hla takah i tlanbo daih ka lo ring a.!" a thinrim chu puakkeh mai tur ni hian a lang a, "Mahse a lo ni lova, helaiah hian ilo awm a, nisa a in phovin..." a sawi duh sawi chhuah tum lo tih hriat zet hian a hmui a chip ta hmak a. Laurel chu a lo lawm hle a. Oliver thinrim insum ṭawng chuan a tihlau hle mai a."A lum nuam em a, ka ti ta mai a ni," awmze nei lo zet hian a lo ti let niah niah a."Ka hmu alawm," a ṭawngkama elsenna lo lang leh ta avang chuan Laurel chu alo thaw huai a."I kawr bahna thla kha a lang kuau mai ang," tih pahin a kawr bahna chu a rawn tihthlak sak a. Laurel chu a lo insangmar nghal at a, mahse a kutin a tawh chu a duhloh vang a ni hauh lo. A lo hlimpui hle zawk s, mahse Oliver thung chuan a lo ngaisual ta a."Oh...Pathian hmingin.!" thinrim fahran hian a rawn ti ta hlur mai a. "Pawngsual che ka tum lo ania, Laurel, kan hriat dun tawh kha. I awmdan tehchai fo hian mipa a cho zawk tlat a nih hi, ka..."Laurel chuan a thusawi chu a hre zui ta lova. A pahrawnin a puhna ang chiah ṭawngkam kha a rawn hmang a ni. A pahrawn kha ama thiamloh leh a cho chhuah avanga pawngsual niin a insawi thiam a. Tunah khan Oliver khan a rawn ti veleh ta chiah a ni. Engmah dang reng reng a hrechang tawh lova, a ding chhuak a, chu aw ri leh mi hur nia puhtu lak aṭanga tlanbo tum chuan a kalna chin pawh ngaihtuah hauh lo chuan a tlan ta chiam a, Oliver au ṭhawt ri chu a hre viai viai a, chutah tuiah chuan a tla ta pawrh a, a taksa sa vur chu tuivawta a inchiah tak thutah chuan a phu zawk a. Thawh a han tum a, tui a lem pawrh a, a hak ta bawrh bawrh a. Tuikhuah mawng chu rah a han tum a, a beng a kiu chum chum a, tui chuan a taksa awng apiang chu a rawn hnawhphui nghal zel a, a phar buai nasa hle mai a.Tuemaw hian a awmah na zet zet hian a rawn nem sawk sawk a. Thawk luih tir ṭalh a lo tum a. Lo hnial a duh viau nangin a che thei hauh lo mai a. A han khuh khawk khawk a, a thaw chhuak hrawih hrawih mai a, harsa ti zet hian a han meng chhuak hram a. Tuikhuah bulah a lo mu a, a bulah Oliver chu a lo ding a, a thawmhnaw zawng zawng chu a lo huh zo vek a, tui a lo far tluk tluk bawk a."Tui chunga kal leh i tum hunah chuan min hrilh lawk tawh dawn nia. Min hrilh duh ang em?" huat hmel zet hian a rawn tihkhum ngial a. "Engthil nge tih i tum reng reng a Laurel? Ka khawih avang che khan tuia zuan thlak i tum amaw?" A rawn ti nem thlap a. A ṭawngkam nem tak phena mi chuan a lo tihlau hle mai a.A khawihna avang a ni lo tih hrilh a duh a, amah intihhlum a tum lo tihte..! A thusawi vang kha a ni zawk tih hrilh a duh a...a thusawi kha...!! A pahrawn tihdan ang chiah a ni. A thluak a buai mum mum a, a hrawk lah a thip hlur mai a. A ṭawngchhuak thei reng reng lova, a khur hlawk hlawk a. Oliver an a rawn pawm thawh lawp pawh chuan a lo ṭang hauh lova. Oliver kawr chu a huh zawr vek a, a taksa ah chuan a bet thlap mai a, a taksa lumin a rawn tawh chuan a lo thaw huai a. In lam pana a pawm lai chuan Laurel chuan a pawm leh kuah chu thil hrehawm tak a ni lo tih a hrechhuak thut a. A hlimthlak riauva....a him ta...!!"Naktuk aṭangin tuichen i zir tawh ang," tih nghut pahin chunglam a panpui zel a. A mutna pindanah a pawm lut a, khumah a nghat ta chawrh a. "Che hlek suh, i thitih atthlak zet khan a la nghawng che a nih kha. I luak a chhuak anih pawhin insum reng reng suh. Tui i lem ṭeuh anih kha," bung zet hian a ti ta nghut a."Khawiahnge i kal dawn?" tiin Laurel chuan a lo au ṭial riai a, a kalsan mai a hlau hle a."I inbualna tur ka buatsaih dawn," tawi fahran hian a lo ti hlur a. "Vawt i tih hle kha," tih pahin a kalsawn ta nghal a. Laurel chu a lo maimitchhing chial a. Oliver chuan a sawi dik a ni. Tuiluma inchiah chu thilṭha tak a ni ngei ang. Oliver lo kir leh chuan a lo muhil lek lek hman a. Robe lianpui a rawn ha a, Laurel chuan engmah danglamna leh hlauhna a lo nei lova, a lo let leh ta chu a lo thlamuang siai siai zawk a."Laurel..!"Muthilh a chak hle tih hrilh a duh em em a, mahse Oliver chuan a rawn sawi nawk nawk a, a men luihtir ṭalh a. Laurel chu a meng diar diar a, Oliver chuan thinrim meng dum kuk hian a lo en reng a, a thinrim mitmeng chu a dum fiahin a de sar sar mai a."Thidang tawh rih lo la, a ṭha ang," tiin a nem kal lui ta dawt dawt a, bualin chhungah a nem lut ta a. Tui chu a han zen chhin a, "Lut rawh," ṭeng zet hian a han ti zui a. "Ni lo, ka kal dawn hleinem. Tuikhuaha tlakhlum leh inbualna kuanga inchiah hlum hi a awlsam dan a inang reng a nia," a lo ti bul leh ta hmuk a.A thawmhnaw a phelhsak lai te chuan a lo ding thle bawk bawk a. "Laurel," fiak ṭhak hian a rawn ti leh a. Hrethiam lo zet hian a lo en a, athinrim ve ta ut ut a, "Oh...Pathian hmingin.!" tih sup pahin tuiah chuan a chiah lut ta bawrh a. Tuilum chuan a taksa vawt khawng tak chu a chiah ta vang vang a. Zankhuaa inchiah hial a duh a, mahse Oliver chuan a rawn phih chhuak thuai a, hrukpuan hlai zetin a rawn tuam a, a hruhul ta mawlh mawlh a."A ṭha e," ngeiawm zet hian a rawn ti hul hak a. Laurel chu a lo ṭe ṭhat a, "Laurel ka hriat ṭhin leh ka....""I huat em em kha," khabe inkhawng hlawk hlawk hian a lo tihkhalh bauhva."Hetah hian lo awm reng rawh. Inhnuaiah brandy ka zuk la ange. Enginnge mawlh che a?" tiin thinur meng dur khuih hian a rawn en a, "Ka tawh hlek che aiin tuia tlakhlum kha i thlang zawk amaw?" Kawlh hmel zet hian a lo ti a."Chutiang a ni lo, i thusawi vang kha a nia," aw ṭial ruai leh khur dar dar hian a lo ti a."Enge ka sawi a..?" Oliver chuan a lo ti hu a, robe chhah deuh hian a rawn tuam lum a, a ta a nih ngei a lo ring a."Mipa cho chhuaka in pawngsual tir angin min sawi a nih kha," a ti ta a."Chuvang chuan tuikhuaha inchiahhlum i duh ta amaw.?" Awih lo hmel zet hian a lo ti hu a."A sawi dan a ni tlat alawm," zawi sap hian a lo ti a. "Ka pahrawn khan khatiang chiah khan min ti alawm. Ka dikloh vang niin a....a...." a sawi zawm thei ta lova. A thinlunga natna tharlam lehzual avang chuan a rum chhuak kawk a. Oliver chuan a sam a hrukhul sak a, hrukpuan chu dahin dimte hian a nawr sawn a, a hmel chu a ruh ṭeuhva, a beka a mar chu a phu zaih zaih mai bawk a."Oh...Lalpa leh.! Laurel.! Ilo rindan....? Oh...ka...hetah hian lo awm rawh. Ka rei....lovang," thawp sat hian a ti ta ringawt a.A chungah ngilneihna lantirin a khawngaih leh ta ani ngei mai.! Laurel chu a lo lungawi lo hle mai a. A hauh hrep hnuah a khawngaih leh ziah a. A enchhinna zinga pakhat a ni ve ngei anga, mahse a chauh em avangin pawi pawh a ti peih lova. A duh ber chu Oliver kuahna hnuaia mut hle hle chu a ni. A ngaihtuahna a hriatchhuah rual rual chuan a ding khawng nghal lah a. Oliver kuah chu a duh alawm, mahse...?? A lo inngaihtuah buai fe lai chuan a lo kir leh a, a inlahrang riau hian a lang leh tawh a, no hian intur a rawn keng bawk a."Hei hi in rawh," satliah zet hian a rawn ti a. "Tichuan i dar kang lai kha tihdan kan ngaihtuah dawn nia. Zingah a nat lutuk loh nan."Brandy a lem chuan a pum chu a sa thla rum rum a. A pumchhung chu a tisa hut hutin a thisen zam a zui a, a lu a hai chiai chiai a, a zang riau hian a inhria a. Oliver an a rawn pawm kan leh chuan a nghawngah a lo kuah chial a, hmai ruh ṭeuhva a rawn en chhuk chuan mawi zet hian a lo nuih chho var var mai a. Oliver an khuma a nghah lai chuan a la nui reng a."Khawiahnge i mut kawr?" bung zet hian a han ti nghut a. Laurel chuan a lo hrilh ve mai a. A mutkawr cotton puan nghawng chip zet a hmuh chuan a ner sawk a, "He thil hi i ha thei lovang. A puan hian i dar kha a nawk na dawn asin. A dang i nei lo em ni?" a ti ta hlur mai a.Zak deuh tak hian a lu a lo thing a, "I hak awm chi hawhtir tur che ka nei tlat silova, mutkawr ka ha ve ngai lo tlat a, i ti ve mai dawn em ni ang?" Zang vuh hian a rawn ti ta a."Ka ti ve mai mahna le," a lo ti ve sap a.Bomb pawhin vawm se mak a ti lo zawk ang tih tur hian a rawn en a. Laurel chu a nuih a lo za hle mai a, zalen leh hlim ta riau hian a inhria a."I robe hak kha phelh a ngai a nia," tiin mak la ti zet hian a rawn en reng a."Ka pawiti hleinem," a lo ti liam ve mai a. A nun a hlim ru riauva, engemaw hlimna riau hian a luah khat a, hlimna engemaw inthup tawh lo tur neiin a inhre tlat a. "Bakah nang chu ka pahrawn i ni hleinem, i ni em ni?" Huaisen zet hian a lo ti a. Oliver mitmeng dum fiah tak hnuaiah chuan a lo khur dar dar a."Ni lo..i pahrawn ka ni lo," a lo ti let hmak a. "Damdawi ka zuk la ange," tiin a chhuak ta daih a."Solarcaine a nih hi. Ka farnu fate hian a tlai hnuah chauh an vun kang hi an hrechhuak ṭhin a, an mut dawn veleh hian an ṭahpui chawk a," rawn luh pahin a ti a."Farnu i nei amaw?""Enge i beisei.? Gordona lu aṭanga chawr chhuak ringawt turah min ngai elaw?" elsen zet hian a rawn ti a. "Ni e, farnu ka nei ve alawm. Kei aiin a upa daih a. G.P pasalah neiin a hlim hle a ni. Fa pali an nei a, kum sawmhnih leh kum sawm pahnih inkar an ni," a ti a.A chhungte a sawi rik vawi khatna a ni a, a chhungte chanchin a sawi chuan a lo tihrilhai hle ang lawi a."Ṭhu rawh le, Laurel. I robe hi ka han phelh ang e," a lo tihsan leh daih a.Laurel chuan thuawih zetin a lo dawh ve mai a. A awmdan chu a zang huih a. Oliver darah chuan a lu a nghat a, ani chu a lo ṭangmar sauhva. A robe hak chu a rawn phelhsak a, a dar chu a thip hlur tawh mai a. Oliver an damdawi a rawn hnawihsak lai chuan a lo maimitchhing diar diar a. A thil hnawih chuan a dar thip hlur chu a ti dai nghal sawng sawng a. Laurel kut chuan a kawr nghawngah a lo vuan a, a awm mam thlap mai chu a chul châk hle a."Laurel..!"Laurel chuan a lo rum khum mai mai a. Oliver chuan hriam deuh hraih hian a rawn ko nawn leh a. "Muthilh i tum em ni?" a ti a.Mutchhuak zet hian a lo meng diar diar a, Oliver a nghawng chu a en ran a. A kut chuan tim deuh dai hian a han tawk a, a chul ta dan dan a, "Muhil ila ala pawi thei em ni?" tiin a lo ham bai bai a."Ka bulah leh ka khuma harh i hreh loh a thu a ni mai alawm. Chu chu i duh em ni?" a lo ti bul ta hmuk a.Oliver an damdawi bur a chhin ṭhata a dah ṭhat lai chuan a lo kuah nghet sauh sauhva, a nghawngah a hmai a lo phum kak a."Laurel.," vin deuh taka tih leh ṭhawt pahin a rawn kuai dak a, a robe hak an phelh chu a tawlhthla a, a hnute chunglam a lo lang ta hiai a. Laurel chuan a ngai pawimawh hauh lova, Oliver kuahna hnuaia awma thlamuang taka muthilh chu a lo thlahlel ber a."Min kalsan suh, Oliver. Ka bulah awm rawh," a lo ti zawi sap sap a."I duh amaw?" a ngaihna a hriatloh hmel hle a, "I thusawi hi i hrechiang lo a nih ka ring. Enge i sawi tih hi...nge i hre zawk, Laurel? I mi sawmna hi i hrechiang em?" A ti ta mawlh mawlh mai a.Laurel chu a harhchhuak zawk a, talchhuah tumin a han chesawn a, a robe hak chu a tlathla zual sauhva. Oliver a lo thaw ri hrawk chu hriain a en lam chu a han en ve a. Hlauhna chuan a rawn tuam ta hlup hlup mai a."Oliver...!""Ni lo Laurel...!" nghet charh hian a lo ti a. "Khawngaihin....," tiin a mit chuan rawp takin a taksa chu a rawn melh kual ta a. Khuma a muttir lai chuan Laurel chu a lo chhaw chhaih mai a, a taksa a engemaw tak lo thawk chu a duh lo em em mai a."Ka haw ngawt ang che...." a lo ti hram hram a, Oliver chuan a lu a lo thinsan mai a."Min haw lovang tih ka tiam a che. Min haw reng reng lovang," thawp sat hian a lo tihsan ve thung a.A hmuia a rawn fawh rual chuan a kut chuan a nghawng a rawn chul nghal a. A taksa ṭang ṭeuh chu tihreh sak tumin a rawn chul kual ṭan a. "Min kuah rawh," tiin a ngen ta sup a, a lo kuah ve mai bawk a. Oliver chuan a robe hak chu a phelh a, a vun mam tak mai leh lum tak chuan a rawn nek ta a. Laurel chuan lo khawih leta lo chul a chak hle a, dimte hian a lo chul ta dan dan a. A hmuia dim leh duat taka a rawn fawhna chuan a ti khur dar dar a, a taksa pumin a rawn sik rual chuan a rawn kuah nghet zual ta sauhva."Laurel...ka chunga i thiltih hi i hrethiam hauh lovang," tih pahin uar zet hian a rawn fawp ta ngawr ngawr a. Laurel chuan a lo kuah let ve ṭawk ṭawk a. Oliver chuan a zeizia hre zet leh fawhna tur hre tak hian a fawp kual dan dan zel a, a kut chuan a chul kual hauh hauh bawk a.Laurel chu a lo ṭang ru ṭeuh a, mahse a chunga Oliver a thiltih chu pawi tihna a nei lovin a lo rum hak a. Ani chuan a rawn fawp uar zual sauhva. Ama duhna chu chhanlet phut takin a rawn kar pah zel a. Zei taka Oliver a chetna chuan phurna a pe a, eng thil emaw hian thlawh bosanin a aiah thildang rawn pe tur niin a inngai a. Oliver kutin a hnute hmur a rawn tawh chiah chuan a lo thaw hak hak mai a. A lo rinchhin ngai miah loh leh chutiangin a awm thei ang tih mumang lamah pawh a lo man chhin ngailoh ang chuan a awm ta a. A khur dar dar a, a thil mamawh chu Oliver chauhvin a pek theih a ni tih hriatna a neih avang chuan a lo kuah nghet sauh sauhva. Oliver a taksa ruh ṭung mai leh a mipa nihna tho uaih in a taksa a nawk te chuan a lo za chuai chuai mai a, a lo thaw halh halh mai a. Chutah Oliver chuan a thawh kan san ta deuhva. Enge a en tih hriat tuma a han en chuan ani chuan a lo en let reng a."Laurel.! Min duh ve a ni tiraw.? I insawi anga châkna neilo hmeichhia chu i lo nilo a nih hi," a lo ti dam ruih ta mai a.Tuisika theh ang mai hian Laurel chu a vawt nghal vek a, "Ni lo..." kha zeta tihchhuah rawih pahin a in nem kang a, "Ka....""Min mamawh a nih kha," Oliver chuan a lo tihsan leh ta tlat a."Ka..." a harh chiang ta hle a. Oliver a ṭawngkam tin te kha a hrechhuak leh ta a. Hmeichhe pangngaia chhuah a tum thu te kha.! Tuna a thiltihdan en hian a lo hlawhtlin tir ṭep a ni. Talchhuah tumin a han ṭang sa teh a, ani chuan a lo delh bet nghet zual sauhva. "Tal buai duh lo mai teh Laurel.! Nangmah leh nangmah i inngaihtuah buai kha tawpsan nghal rawh," a rawn ti sap a. A hmui chuan a pangti nem lai chu a rawn nulin a rawn fawp kual dan dan a. Laurel chu a lo sa pap pap a. Oliver a fawhna chu a thlahlel zual sauh sauh ta mai a. Engkim mai chu a theihnghilh ta vek a, a taksa chuan chu mipa taksa a mamawh zia chauh chu a hriatchhun a ni ta.Oliver chuan a fawp lawr zel a, a hnute te chul sakin a hmur chu a sehsak ner ner a, an in en ta vawng vawng a. An inhrethiam tawn dun ta hle mai a, thaw hawk hawk chungin a hma aia uar leh duhthawh zawkin an in chul kual leh ta a.Nuam ti zet leh duhthawh em em hian Oliver a sam chu a lo ṭham tawn tawn a, a taksa chu zawi thlapin a lo inpeih em em tawh mai a. Chutah Oliver chu a khawng ta ut a, a che ta lawk lova."Car thawm ka hria ania, tuemaw ni tehchai chu," a ti hluk a. Laurel, châkna avanga hmai sen ṭan chu a en ta vung vung a."A hun takah min rawn tibuai pawh a ni mahna le," tih pahin a tho ta nghal a, a robe la in a inbel nghal mawlh mawlh a. Laurel zak lutuk chu a lo sa pup pup thung a. Oliver a taksa a hmuh chuan a zak lehzual a. Che lovin a mu reng a, car lo hnai zel ri chu a ngaithla kar a. Chutah a khur ta zawih zawih mai a. A kut vawt thlar chuan a hmai sa hut hut chu a hup a, engthilnge a tih tak mai le? Oliver khan engtinnge a lo ngaih tak ang? Mihring pangngai angah a ngai ve ang nge a enchhinna kal zel ni ang? A taksa chu a vawt rawih rawih a, hmeichhe puitlinga siam a tum dan chu khatiang kha em ni ang? Hmangaihna chenpui kha maw.? Hetiang em hian mipa hi an rilru a lo chhe thei ngai em ni? Car lo thleng thawm leh ṭawng ri nawk nawk thawm chu a han hria a."Laurel...ka farnu leh a fate an nia. I peih loh chuan lo chhuk ve kher pawh a ngai lem lovang. Zan an riak ve dawn satliah chauh ania," a rawn ti ta lawng lawng a. A thusawi danah chuan 'chhungkaw thil ania, lo tel ve rih lo mai rawh' tia hnarna niin a lo ngai a. Laurel chuan lukhamah a hmai a phum a, a ṭap khur ta ngawr ngawr a. Engtinnge Oliver a taksa mamawh em em a a awm theih? A inzahpui em em bawk a, engtinnge zanina an awmdan hi a theihnghilh theih ang? Oliver khan a theihnghilh thei ang em?Hetah hian phuba lak tuma kal a ni a, a aiah enge ni ta? Enge lo thleng..? Oliver laka a thinurna leh a huatna khan hetiang thil hi a thlentir mai ani lo maw? A thaw a veng ta huai a, a ni ngei ang.! A huatna te a chunga a thinrim em em na te avang khan he thil hi a lo thleng ta a ni.Eps - 13Laurel chu hma takah a thova, choka a pan ta nghal a. Oliver a chhungte a hmuh chak vang nilovin coffee leh chhang siam a duh vang zawk a ni a. Hnunglam kawngkhar chu a rawn inhawng a, tlangval pahnih hi an rawn lang hlawl mai a. Alo hmu thut mak a tih ang bawkin an ni pawhin mak an tih hmel hle bawk a."Hi...." a naupang zawk hmelpu chuan a rawn ti ta thuai a. "Uncle Oliver a secretary i ni ang chu maw? Lehkhabu ziaktu nih ve ka chak ta hle mai," a rawn ti nghal bawrh bawrh a.Oliver tupa a ni ngei ang chu.! Kum sawmhnih mi chu, rinhlelh rual lohvin.! A bula ding a aia upa deuh zawk chuan Laurel chu a rawn nuih var var a, Laurel chu a lo sen ap ap a."Chas...insum deuh teh, nula khawngaihthlak tak saw i ti zak alawm. Ka ṭhianpa hi chu ngaipawimawh duh suh...nula nalh deuh ala hmu ngai lo a ni ang e. Enteh, kei hi Richard ka ni a, Oliver tupa, hei hi ka ṭhianpa Charles Harley a nih hi. Nipui chhungin kan inhlawh a, ka nu nau kan awm sak a, holiday a thlawnin min hman tir dawn a. Spain ram pan tur kan ni a, kan rawn riak lailawk a nih hi. Ka nu hian a nuṭa pa hi a ngaihlu khawp a, a hmuh khat deuh hi chuan a phi ruai zel a, nula sum duh deuh te hian an lo man bet ang tih a hlau hlur mai a nih hi maw.! Uncle O hi zawng a veng nasa teh ania," a rawn ti zui bawrh bawrh a."Kan puih i ngai em?" Richard chuan a rawn ti leh nghal a.Laurel chuan a lu a lo thing a. Richard chu a nui var var a, "Chuti a nih chuan Chas nen hian breakfast ei hma tui kan lo va cheng ang," hlim zet hian a lo ti ta a.Darkar khat leh a chanve a ral leh meuh chuan an vaiin dawhkan an kil ho ta ṭham a. Elizabeth Turner chu a rinloh deuhin Oliver ang maia lian a niin, nu ṭha leh hlim thei tak a ni tih hriat reng a. Tih thinrim pawh a harsa hle ang tih a hre mai a."Graham chu a telve theilo amaw? A va pawi vele," Oliver chuan a u lam hawi chuan a han ti sup a.Elizabeth chu a lo nguk hraih a, "Lo kal ve ngei tura ngaih a ni asin. Mahse hei tlangval pahnih ka nei a...""Marbella tuipui kam vel an thlen meuh chuan an puih reng che i ring em ni?" Oliver chuan tih pahin a tupa chu a han melh zauhva, a mitko a san khum zauh bawk a.Richard chu a lo sen ṭawn ṭawn a. Chas erawh chuan Laurel chu a rawn nuihsak thung a. An in upat hleih loh tehlul nen! Chas chu a puitlin hmel riauva. Oliver chuan a ngaina lo nia hriatna a lo nei a. Laurel a rawn biak apiang chuan Oliver chu a lo inrawlh hman ziah bawk a. A mi chhawrin an chhungkaw mikhual a lo kawmngeih chu a duh lo a ni mahna, a lo ti rillru nauh nauhva. Richard an Chas nena University a an inchhar dan a sawi chu a lo ngaithla ve mai mai a.Savage naupang ho chu an ngainatawm hlawm hle in a hria a, a thlir reng a, enkawl ngun leh zilhna ngaipawimawh thiam leh nungchang mawi tak an neiin a lo hria a. Richard chu a upa ber a ni a, ala naupan chhiat hmel hle a. A putea chu a ngaisang hle bawk niin a lang a. Mahse a pa hnungzuia Doctor zir a tum tih a sawi thung a. Richard dawtah chuan kum sawmpanga mi phir pahnih an awm a. Mipa ve ve tho an ni a, an sam chenin a inang a, an hmelṭha dun hle bawk."Paul leh Robert hi chuan a pa an chhun a, Richard leh Anna te hian Savage chhungkua an chhun thung a," Elizabeth chuan an chaw ei na seng fel pah chuan Laurel chu a titi pui bawrh bawrh a. "Ka nau bula thawh chu enge a an a.? A harsa viau lo maw? A thinchhe ve ropui si a," a ti zui bawrh bawrh a."Nuam ka ti hle ania," Laurel chuan a lo ti ve mai a."Umm...awle, kan inang a nih chu. Kan dinhmun hre rana hrawn a ngai a, ui in saruh a hauh hlur ang maia thinchhia a ni. Lehkhabu thar a ngaihtuah lai ngat phei chuan tihbuai ngam chi pawh a ni lo. Tuna mi hi enge a an i rin?" Elizabeth chuan a ti sarh sarh a."Ka hrethei mai rih lo, a bung hmasa kan khawih chauh a ni a. A ngaihnawm hmel hle in ka hria. A changtupa tur kha ka lo khawngaih nghal ringawt a," Laurel chuan a lo ti hak hak a."Ka nau hi chu ka hria alawm, a hralh a tla leh viau ang. A phu pawh a phu ṭhin reng asin. A buaipui nasa thei hle si a, engtia a hnuaia thawk mai thei zawk nge i nih? Tumah a chhawr duh ngai silova?" tiin Elizabeth chuan dilchhut zet hian a zawt ta nge nge a."Ka dil alawm," Laurel chuan a lo ti ve mai a."Ka hrilh tawh reng che kha. Ka secretary turin ka duh a, ka chhawr mai a ni," Oliver chuan choka chhunga rawn luh pahin a rawn ti lut nghal tawng a. An lo phu nasa dun hle thung a. "Beth...i fate ho sawn helai hmun hi an ning ṭan niin a lang. Min rawn tlawh hun hi a diklo niin ka hria. Mahse tlailamah Arles ah kan kalpui thei ang,""Zing puma an tihbuai loh phawt che chuan maw? A ṭha alawm, vawiin te chu hna thawk lo ve mai la, Oliver. Kan inhmuh khat tehlul nen," Elizabeth chuan a lo ti nang nang a."Vanduai thlak takin, a ṭul tlat a ni, rilru hman a ngai alawm, ka u duhtak," nui huk huk hian a lo ti let a, a chhuak leh ta vut a."Mipa ho tak hi chu.! Elizabeth chuan a han ti nghat a. "Oliver ngat phei hi chu Savage thlah zingah pawh a thinchhe ber a nia! Mahse maw Laurel, a sawi anga kan awm ngei kha a ngai ang. Inchhung tifaiah kan chhawr hlawm ange, chhunchaw ei hun thleng tal chuan an chhawr theih mai ang chu," a ti zui bawrh bawrh a.Oliver, a hnathawh tur nena inchhung lama a chho ta daih chu Laurel chuan mak a lo ti deuh hle a. "Oh, kan nufa kan awm ve chuan a tihtur hai hek lo," Elizabeth chuan nui chung hian a lo ti a. "Phirte pahnih nautet lai hian a lehkha pawimawh lutuk an lo eisak a, min la ngaidam ngailo reng reng, kan nufa a kan tlawh tawh hi chuan lo lawm a hnek hian a lo inthiarfihlim nghal vat zel zu nia. Khai aw, a va bal em em ve, enteh chhuar paw thur te hi, Laurel! Heng hi i tihfai a phal lo a ni ngei anga tiraw?" Oliver a zia hrechiang zet hian a ti nghal bawrh bawrh a.Laurel chuan a lu a lo bu nghut ringawt a. Oliver khan a hnathawhna pindan chu khawih a phallo hrim hrim a ni."Awle, helai aṭang hian ṭan ang. Lalpa leh, han en mah teh!" Tih pahin chhuar chu a han hawng a, lehkha chhut sa hi a lo tla chhuak nghal nuaih mai a. "He thil hi chu i tihfel chi a ni Laurel," tiin a nui var var a. "Phir te sawn lehkhabu chhuar saw tifaiin lo rem ṭha sela, an ngawi rei thei deuhin ka ring....an thlawh kual vel loh chuan...tunge hria ang. An tha hi a han za mai mai khawp a, tunah rih chuan, ṭhanglian thuai thuai se ka ti ngawt mai," Elizabeth chuan nui chung hian a ti hak hak a.Laurel chu a lo nui ve sak a. Elizabeth in a rawn pek lehkha tel chu a han en a, kum ruk liamta ami a ni tih a lo inchhu kalh a. A chung ber chu a han en a. Middle East lampang chanchin ziahna a lo ni a, Laurel chuan kut khur dar dar hian a en zel a, a duh chu hmu ngei dawna inhria in a thin a phu dat dat mai a. Lehkha chu a enlawr zel a, a thinphu chuan a taksa pum a nghawng a, a beng a kiu chum chum a. A hmu ta ngei....a hming inchhu a hmuh chuan a meng phe ruai a. Thawm a lo nei ni ngei tur a ni, Elizabeth chu a bulah a rawn ding nghal thuai a, ngaihtuah hmel deuh hian a rawn en a, chutah Laurel lehkha ken lai chu a han en leh a."Oh, Laurel. Ka duhtak, ka lo ngaihtuah pha lo reng reng a...kha nula kha i ni maw, i ni tiraw? I hming kha ka hriathnu niin ka lo hre deuh reng a. Oh, ka nau khawngaihthlak! Tichuan Oliver chuan a zawng hmu ta nge nge che a ni maw...ka la hrechiang hle asin. Kan nu leh pa te an la damlai a ni a, kan cousin thihna khan min nghawng em em ṭheuhva, an fa pathumna ang maia an lo en ṭhin a ni a, i hrethiam anga. A nu leh pa te hi an khirh lutuk a, a hlau fo ṭhin reng a, ka nau khawngaihthlak Bobby kha... a nu leh pate khan a lakah an phut sang lutuk ṭhin a," Elizabeth chuan a ti ngui ta raih a.A chunga thil thlengah khan Oliver chu a inthiam lo fova, kha nula kha....Bobby nula kawp kha....Oliver an a hrilh tawh che anga, a bialnu hlui te zinga pakhat a ni a, mahse Bobby khan Oliver angin a zia a lo hre ve silova. Bobby hming tak chu Peter a ni a, koh duat nan Bobby kan ti mai ṭhin a. Petera hnenah pawh khan Oliver khan bumna hmangin a mutpui ṭhin niin a sawi tho a ni. Peter pawh chuan Lisa thusawi chu a lo awih em em thova.Petera a thih meuh kha chuan, Oliver kha a danglam vek a, kan hre vek a ni, ka nu phei chu a buai rilru thei em em a. Chanchinbu mite hian mipui rilru an hneh thei hle si a, a zilh mawlh mawlh ṭhin a, fing tak leh rilru fima an thiltih an fiah zel loh chuan tihsual a nei ang tih a hrilh fo a ni...chutah a ti ta reng a.."Oliver chuan ka nu in hmuh ve ngei che a duh tih a hrilh tel che em? Ka ni chuan dawt i sawi a ring miah lova. Mahse Oliver khan a ngaithla duh tlat lova. A luhlulin a rilru a khauh tlat a, a dik niin a inngai nghet bur ringawt mai a, ka nu pawhin a thlemthlu zo ngang lo a ni.Thudik kha a hnu fe ah a hrechhuak leh ta si a, a thiltih khan a nghawng nasa lutuk a, a kehchhe lo chauhva, chanchinbu-a a hna chu a bansan nghal hmiah bawk a. Engtin emaw tak ṭanpui leh dan che a zawn tur thu a sawi bawk a, a zawng ta char char che a, a thuziak lo dikloh zia kha chanchinbua chhuahtir leh a tum lahin an lo duh der silova...ama hming ṭha sa a tichhe zo ang an ti tlat a ni. Oliver hi chu mite rilru ngaichang thiam chi a ni a, naupangte a nih lai aṭangin mi khawngaih thei tak a ni ṭhin a. A thiltihsual chuan a nun a ti hrehawm em em mai a, nitin hian a nun a eichhe zel niin ka lo hre ṭhin a, mahse tunah chuan a hmu ta che a, ka...Enge Oliver hi i ngaihdan? I haw em em ang chu tiraw?" tiin Laurel chu a rawn thlir vang vang a.Engtinnge Elizabeth chu thudik a hrilh theih ang? Mahse dawt vek chu a hrilh thei lovang. A hmui a pet fan fan a, a mitmenga tawrhna lo lang erawh chu a thup thei lova. "A thiltih kha thudik nia a hriat vanga ti a ni alawm. Ka pahrawn kha dawtsawi thiam tak a ni a, ka nu, mit ngeia thilthleng hmutu pawhin ka thusawi aiin a thusawi chu a awih zawk tho alawm," Laurel chuan a lo ti khur dar dar a.Phir te an lo luh takah chuan an sawizawm leh ta lova, an nu chuan tihtur a lo hrilh zung zung a. Laurel chuan a chanchin inziahna zawng chu la in a pindan lam a panpui ta nghal a. Mi khawngaih thei tak maw a lo nih a, thutak chuan a tichhe vek dawn a ni. He thil hi a ni lawm ni a duh em em kha? A khur zawih zawih a, chhuar ngheng chuan a ding reng a. Mi dawihzep ang maiin a awm ta em ni? A hmanraw neih chuan Oliver chu a tichhia in a timualpho thei ta a ni mai alawm, tiin a ngaihtuah ta a.Chhunchaw ei kham chuan Arles lama lenchhuah an tum ta a, Oliver chuan lehkhabu a mamawh lei pah a duhthu a sawi a, Laurel chuan kal ve tura a duhthu a sawi chuan mak a lo ti hle a."Mahse chhungkaw thil a nia," a lo ti niah niah a. Chumite nufa hovin an rawn tihbuai tak dan kha a han hrechhuak a, a sen ṭawn ṭawn mai a. Oliver rawn en dan ah lah chuan theihnghilh tir a tumloh hmel hle lehnghal a."I lo kal ve tur a ni," a lo ti nghet bur a.Hmeichhe pangngai ho tihdan angin maw...nizan ang te kha maw?" Laurel chuan a lo ti zang vah a."Chutianga i ngai duh leh a ṭha a ni mai alawm...ni e," a lo ti let hmiah a.Laurel chuan a tilungawi nia hriatna a nei a. Chhunchaw ei laia Richard nen hlira an inbiak lai pawh khan lungawilo hmel a pu tawh sa reng reng a, Laurel chuan mak a lo ti rilru hle mai a."Chas nen Car hran kan nei a. Engvanginnge kan bulah ilo chuan ve mai lohvang?" Richard chuan a lo ti thuai a.An hnung maia Oliver lo ding chu a lo hre reng reng lova. "Richard, Laurel hi ka secretary ania, hetah hian hnathawk tura awm a ni, in tihlim mai mai tur ni lovin," vawt zet hian a lo ti a. Oliver zia chu a danglam em avang chuan Laurel chuan a lo ngawihsan mai mai a. Richard kalsawn veleh a rawn hmachhawn nghal a. "Laurel, i nun bul i ṭan dawn chauh a ni a, a zuana zuan lovin fimkhur takin pen muang deuh ang che...chubakah, ka tupa nen kher phei chuan ni lo hram sela," rawng zet hian a rawn ti ta bawrh bawrh a.Laurel chuan a lo ngei em em mai a. Richard kha ngaizawngah a lo ngai em ni? A va ti mak ve le! An inbe satliah ringawt a ni si a...inchhung lama a chho chu Oliver chuan a lo en reng a. "Chung lama i chhoh dawn chuan ka jacket min rawn lak nghal ang che, khumah khan ka dah kha," vin deuh tak hian a la rawn ti zui a.Oliver pindanah chuan hreh deuh tak hian a lut a, chawhma lama a hnathawhna chu a lo la hnawk nuaih a, khawl chhutna bula lehkha phek inkhup chu a han hmu a, a la a, a thuziak chuan a mit a la ta hle mai a."Tisa thil taka in dawnsawnna," tih inziak chu a han chhiar a, a thil chhiarlai chu a pawimawh hle a ni. "Inrin loh laia barakhaih thut a ṭha," thinlung lam hriatna kaihhnawih dan, thinurna, hlauhna te a la nei reng a, mahse a chhan ala hriatchhuah theih loh," tih ang reng hi a lo in chhu ṭeuh mai a.Lehkha dang pawh a tam hle a, Oliver thiltum chu a chiang ta hle hian a hria a, a lo rinhlelh ang ngei khan a chanchin a lo ziak dawn reng a lo ni, hman ngei a lo tum a nih chu. Chuvang chauhva helaia hruai hi a ni ngei ngei ang, hmeichhe pangngai anga nun zirtir a tumna chu a chhuanlam lek a lo nih dawn chu, tisa thil tak thlenga a nun thuruk zawng zawng chu haichhuah sak vek a lo tum a ni."Laurel!"Inhnuai lama rawn ko tu chu a hmanhmawh hmel hle a, Laurel chuan a lehkha ziah a chhiar tih hriattir a tum bik lova. A jacket chu a phih dawrh a, hnuailam pan chuan hmanhmawh zetin a chhuk ta thuai a.Enge a tih tak ang? Helai hmun chhuahsan thuai hi a ṭha ber anga...mahse a kalchhuah mai chuan a phuba lakna tura a ruahmanna ala tihlawhtling silova. Thil engemaw tak chu tih a ngai a ni. A enchhinna reng rengah a tel tawh lovang a, nizana khatiang thil a thlentir mai te kha a lo va â em....Oliver kuahna khan him riau khan a in hriattir a, ui lai reng reng nei lo khan a taksa kha a lo hlan a, a pawi lutuk thlen hmain...a hmui a pet fan fan a, a mitmenga huatna nasa tak lo lang chu thup hram hram tumin a khap sawk sawk a."I va rei ve,""Ka sam ka khuih a," tiin a hnungchhawn nghal a. "Kha i jacket chu," a ti a.Oliver chuan a lo enchik hle hian a hria a, mahse a lo hre lo ṭhin zawk pawh a ni ang, englai pawhin a lo enchik reng fo dawn a lo ni. A tan chuan thil nung pakhat a lehkhabu ziak tur atana ṭangkai leh inzir nana a hmanlai chauh a lo ni si a. A la hre khawp ang! A hma khan a lo haw hle a nih pawhin tuna a rilru put phel hi chu a hma ami let engemaw zat lai a ni.Arles khua chu a mawi hle a, Oliver chuan a u Range Rover hnungah chuan a Ferrari chu a dintir a. Laurel chuan chhuksan thuai thuai a duh a, chawhnu puma a hmuh phak leh a zir zel tura awm a duh lova, a thinur rilru ṭeuh mai a, nizana hmangaihna chenpui a tum lai te khan. Hmangaihna chen....a sen ṭawn ṭawn a. Hmangaihna awzawng chenpui a lo tum lo. Hman ṭangkai a lo tum zawk a lo ni, hmana a tih ang bawk khan...a tihdan a danglam deuh a ni mahna. Car a din rual rual chuan a zuang chhuak nghal a, amah chauhva hun hman a duh hluah hluah a."Khawia kal nge i tum a?" Oliver chuan a lo ti hlur a, a ding chawt a. "Ka hnuaia hnathawk i nih hi theihnghilh suh ang che. Ka tupa leh ṭhianpa bula hun hman ilo in beisei a nih chuan theihnghilh nghal rawh. Eitur leikhawl kan ngai a, Anna ilo venpui theih chuan ka farnu pawh a lawm ngawt ang," nelawmloh fahran hian a lo tihkhum hmuk hmuk a."Chuti chu tunah zet chuan in enkawltu, nau awmtu ley Secretary hna ka kawp ta tihna a ni maw, a ni em? I hnuaia ka thawh ve aṭang hian hun awl reng reng ka la nei lo tih i theihnghilh niin a lang, vawiin tlai tal hi chu keimaha hun hman ka duh ve a, keimah chauhvin, ka mimal duhzawng ka ti ve dawn a ni, min dang thei lovang!" Thinur zet hian a lo tihkhum nghal tawn tawn mai a."Tehchai reuh che hian," Oliver chuan a lo ti hrawih a. Laurel chuan a tawlhsawn san nghal a, Elizabeth in a thinrim hlauhawm theihzia a sawi kha. Tun ang hmelpu khawpa a thin a ti ur thei chu mak a inti zawk hle a. Mahse a lehkha ziak kha a chhiar tawh a, hepa hian a duh duhin a awm tir tawh lovang. A rilru a tisak ve ṭang a, a hlau rilru hle bawk a."Oliver, engthilnge ni ta?" Elizabeth chuan chik zet hian a rawn en a, a lo kal lai reng reng an lo hmu lova. "In in hnial elo?" A rawn ti he haw a."Inhnialna nei tur khawpin kan inhnaih love. Kan inhnial hleinem Beth. Thil tihtur pawimawh ka nei a, kal hrang ṭheuh ila, darkar hnih khat hnuah kan inhmu khawm leh dawn nia," a ti ta zung zung a."Oh, kan vaiin Roman ho in hlui te kan fang ho ang chu ka lo ti a!" Elizabeth chuan lungawiloh hmel zet hian a lo ti nang nang a.Oliver a rawn ṭawng chhuah leh chuan Laurel chuan hrehawm a lo ti em em mai a. "Ni e, mahse Laurel hian amaha vahvel a duh zawk alawm, ani hi chu a dan a dang deuhva, a reng rengah keite chu tihtur ka nei ka tih lawk kha," a lo ti leh vut a.An inṭhen darh chuan Laurel chu Chas chuan a rawn zui ta vat a. "Richard bulah i kal ve dawn emaw ka ti a," Laurel chuan a lo ti he haw a."Oh, Rick chu a nungchang hi a ṭha khawp a, ala naupang chhia hle a ni, bakah a uncle O hi a ngaisang leh lutuk a, ka ning deuh thut ṭhin alawm. Enteh, vawiin tlaiah lengchhuak dun ila, chaw te eiin, lamna ah te kan kal anga....nau awma inhlawh hma in han leng khawthawng hmasa ila," a ti ta a.Richard te nufa awmdan a sawi duhdan chu ngaihdan siam har a lo ti hle a. Chas ṭawngkamah chuan Richard sawmna avanga telve chauh a nih thu a sawi a, a reng rengah Elizabeth chuan a fate dang pathum chu tlangval pahnih enkawl tur ringawt chuan a thlahthlam a ring lova. Nu fel tak leh fate enkawl uluk tak a ni tih a hmu reng a, Chas chu an hruai ve satliah mai mai niin a hria a. Mahse mahni maia vahvel ai chuan kalpui neih chu ziaawm a ti reng reng a. An kalsawn dun laia Oliver hmel a hmuh phei chuan a lawm rilru hle mai a."Enge i ngaihdan? Zingah helai hi kan chhuahsan dawn chauhva, zanin chu hlim deuhvin hmang ila," tiin a la rawn sawm zui zel a."Ka hre mai rih lo, nakinah kan la ngaihtuah ṭha leh dawn nia. Khua a lo tlai meuh chuan ka bulah i awm peih tawh lo mai thei asin," Laurel chuan a lo ti hak hak a."Ka ring chiah lo.." Chas chuan a lo ti let thung a. Chas mitmengin a rawn endan teh fo chu a lo ngei deuh hlek a. A mitmeng chu a nghal lutuk mah mahin a hria a. Mipa ho hi an inang vek em ni? Duhamna leh mahni hmasial tak vek an lo ni em ni? Mak a ti rilru deuh hle a.A rilru hria niawm tak hian Chas pawh chuan a sawm nawn leh ta rih lova. Fiamthu a thiamin midang kawm dan a lo thiam hle a, Laurel pawh chuan a lo nuihpui hawk hawk reng a. Chutah an kir leh lamah chuan Laurel chuan Oliver angin tihluihna leh vauna a hmang ve lo tih a hrechhuak zawk a, Oliver nena a han khaikhin ta mai chu...a inchhuih khut a, a khur dar dar mai a. Oliver leh tleirawl han khaikhin te chu; Oliver Savage chuan a tan awmzia engmah a nei lo. Engmah reng reng! Mahse tleirawl bula hun hman dan tal a lo zirtir alawm. Mipa dang bula hlau lova awm a lo zirtir der tawh a lo ni. Ama tana ṭangkai tura a lo hmang a nih pawhin a lo thlawn chuang lo a lo nih hi.A kir hnuhnung berah an ṭang a. Chas chuan a darah a rawn kuah a, hma a sawn zia hriain a lo hnar lem lova, Chas kuah reng chuan midang chu an va fin ve ta a."In va tlai bik ve. Kan nghak reng tawh che u alawm," Oliver chuan a lo ti hlur mai a."Minute nga chauh alawm kan nghah Oliver. Thin chhe viau ṭhin teh suh.! Engmah ngaihtuah awm tur a awm lo ka tih kha...""A dik alawm. Laurel chu ka bulah a him tawk em em alawm," tiin Chas chuan a rawn kuah a. "A him lutuk tlat, zaninah pawh chaw ei turin kan lengchhuak dun dawn asin, tiraw Laurel?" a rawn ti ta zung zung a.Hnial a lo tum zuau a, mahse Oliver lehkhabu ziah tum chungchang kha a han hrechhuak leh nghal a, a thin a rawn rim thar leh ta a."A ni maw? Len chhuah pui chu i tum amaw? Oliver chuan a rawn ti hriam hraih a, a rawn kal hual vut vut a."Aw," Laurel chuan a lo ti ta nghat a. Chas lenchhuahpui chu a duh pawh a ni lo, mahse Oliver chuan chhuak dun lo se a ti tih a hriatna chuan runluih duhna a neih tir a, kal ve lo se a tihna chhan pawh a la hre cheu, a tan chuan ani chu thilnung satliah ve mai, a lehkhabu ziah atana a enchhin na mai a ni a, a thiltih lai chu a tawp a thlen phawt loh chuan a bungrua midangin an lo hmang ve tur chu a phallo a ni."I thiltih hi i hriatchian ngei ka beisei," Laurel hriat theih tur tawk lek hian a han ti sup a. "Fimkhur hle ang che, Laurel. I nunhlui i theihnghilh thei ta chu a lawmawm hle a, mahse vawikhata i tih vak chuan a ṭha lovang. I la hre tlem hle si a...mipat hmeichhiatna lamah ngat phei chuan, a bul ṭan dan phei chu i thiam tawh a ni mai thei e, mahse a tak tak ila tawng lova, buaina i tawh mai ka hlau hle a ni," ngaihtuah hmel deuh hian a rawn ti leh a."Buaina ka lo tawk a nih pawhin min pui turin Chas a awm dawn alawm," no zet hian a lo tih khum a. Oliver thinrim hmel a hmuh chuan a hlim ru sauh sauh a."I pahrawn khan dawt a lo sawi lo a lo ni mahna. I lo phu tawk reng thil a lo ti pawh a ni ang e," rawng zet hian a ti zui ta hrep a.Dar ruk a lo rik chuan midang zawng chuan an kirsan ta a. Elizabeth chuan zing hma taka chhuah a duh a. Chas pawh chuan an haw hma tur thu a sawi bawk a, "Arles te chu Paris anga khawpui lian a ni em ni? Dar sawm a rik chuan an inkhar vek tawh ang chu," a ti hak hak a.An pahnih chauhva an han awm takah chuan Oliver laka hnehna chang nia a inhriatna kha a bo nghal a. A fala an han awm takah chuan Chas nungchang chu a danglam nghal ta mai reng a. A duh aia nghetin a darah a rawn kuah a, tawlhsawn a lo tum chuan a kut dahthlak pahin a hnute ala tawhsak zui zauhva.Makti hmel deuh hian Laurel chu a rawn en a. "Chuti taka i lo in duh up ka ring lova, Savage te ang mipa bulah i cheng lehnghal a," a lo ti zui a."Cheng dun tihah a secretary ka ni mai a, ngaihdan danglam deuh i lo nei niin ka hria Chas," Laurel chuan a lo ti nghal a."Oh, ka ring chiah lo, a dik tak chuan ka ring lo hul hual. I duh ang ang chuan insawi thiam mahla Laurel, Oliver a awmdan leh ka bula kal tura a duhloh na che kha chuan chhan ṭha te zawng a nei ngei ang," Chas chuan a lo ti dam thlap a."A ni ngei ang. Mimal tuikhuaha sangha man ru tu ni maiin ka inhre hial a ni. Tunlai nula te hi mipa pakhat ta chauh an ni lo tih a hriat a hun ve tawh a ni mahna, a dik em? Keilah ka lo lawm hle si a," Chas chuan za vak lova nui chung hian a lo ti a.Lo hriat thiam ve awm tak! Laurel chu a thinrim ta hle a, a talchhuak lawp a. "I ngai diklo vel vek a nih chu Chas. Oliver secretary ka ni mai, a nula ka ni lo," a lo ti hrep a."Chuti maw? Chuti si engatinge nizana kan lo thlen lai khan pindan pakhat chauh a en si? Mutna pindan pakhat chauh a eng a, kan thlen hnaih fe ah inhnuai lam chu a rawn eng ve chauh a ni. Eng ngaihdan nge nei se min tih, Laurel?" Chas chuan cho zet hian a rawn ti ta mai a. "Insawifiah ila duh em ni?" A ti ta a.Chas chuan a ti dik ngei a, mahse hrilhfiah kher a ba lova, ani lo buai ve na tur pawh a awm lo."Duh lem love, Chas, kan thiltih tum hi ṭhulh leh mai teh ang. Min hruai haw mai ta che," Laurel chuan a lo ti let nghat a."Uncle O hnenah kei aiin amah i thlang zawk tih hriattir nan maw? Ni love, baby Rick-an a uncle a chhuan zia thu a sawi sek hi ka nin tawh mah nak alaia. Kha pa kha a â ka ti ngawt mai. Hun hlimawm tak ka hmanpui dawn che alawm Laurel," a ti ta a.Laurel chuan a lo ten em em tawh a. Oliver khan a lo sawi dik chiah a ni."Ka duh lo mai ange, ka lawm e Chas. Kir leh mai ka duh tawh a," a lo ti nghat nghat a.Chas chuan a hmui a tisawi zauhva, a mita tisa phurna lo lang chu Laurel chuan a lo en reng a, a taksa chu a rawn enkual nasa mai a, a it tih hai chi rual a ni lo."Enge ni ta, Laurel? Savage-a anga ka tihlawm zawhloh che i ring deuh elaw?" A ti leh ta a.A hruai kir duh ta chuang lova. Chas awmdan chuan a tihlau deuh hle a. Chaw an ei anga, a haw pui mai ang chu...an chaw eina a wine an rawn chhawp chu tui a tih loh avangin Chas chuan a in zo vek a. Restaurant an chhuahsan chuan dar sawm a ri dawn tawh a. Chas chuan lamna hmuna kal a rawt a, mahse Laurel chuan haw a rawt ve ta tlat thung a."Awle, mahse haw kawnga chawlh rei deuh i remtih dawn chuan le, a ni em?" tiin a rawn en chik hle a.In kawng chanve zet an thleng tawh tih chuan kawngsirah a car chu a dintir ta a. A thim in a reh ruih a, motor veivak hmuh tur a awm hauh lo bawk a. Motor engine a tih thih a, a lam a rawn hawi chuan Laurel chuan a lo hlau hle tawh mai a."Inthlahdul rawh," Laurel lo ṭang ṭeuh chu hrethiam niawm tak hian a rawn kuah a. "Enge hlauh tur awm?" A rawn ti sar sar a."Elizabeth khan min lo ngaihtuah tawh hle ang. Hma taka chhuah kha a duh si a," Laurel chuan a lo ti hram hram a."He thil hi Elizabeth in rem a ti lo anga maw? Savage i tihna a ni zawk lo maw? Enteh, enge i ngaihtuah a, mipa dang bula awmin a dang i ngaihtuah tlat amaw? Kan hlim dun viau ka lo ring a," Chas chuan a lo ti bul hmak hmak a."Chaw ei puiah min sawm alawm," Laurel chuan a lo ti let ve hlak a."Ni e, mahse chaw eipuia insawm chuan a dawt zela kan tihtur a hriat reng alawm.""A man ka rul anga maw? Awle, a pawi ka ti hle mai, Chas, mahse i sawm fuhlo deuh a nih chu," cho zet hian a lo ti ta kha kha a.Chas kuahna aṭang chuan a talchhuak a, car aṭanga chhuakin kawngpui lam a pan ta nghal a. A hnunglama Chas phun sup thawm leh car a tinung ri chu a hre nghal a, a sirah chuan a rawn tlan phei ta a."Oh, lo kal rawh Laurel, in ti ûp viau mah ta che!" tiin a sirah chuan a tlan ve zel a, Laurel in a lo ngaihsak duh tak lohvah chuan a aw chu a hriam ta hraih a. "Enge i ngaihtuah reng reng a? Ka beisei tur che chu i hre lawk vek tho lawm ni?" a rawn ti hriam ta hraih a.Laurel chuan a sawmna alo pawm ta kha a inchhir hle mai a. Oliver lehkha ziak kha hmu lo se chuan tunah hian him takin inah a mu tawh awm si a.Him takin! A pum a rawn so bulh bulh a, a khur dar dar a, mahse a hlauh ber tur chiang taka a hriat hman hma in Chas chuan car kawngka chu a khar ri bur a, a rawn tlan pel thuak a. "Savage i duh a nih kha. Awle, in hruai haw tir mai ta che!" A rawn ti ṭeng chhuai s.A tlansan tak tak a ring hauh lova, mahse Chas chuan a tlansan daih a ni. A motor chuan in lam pan lovin Arles lam a pan daih thung a. Mihring chenna hmun chu engtia hla nge a nih lah chu a hre der lova, a hlau em em mai a, pheikhawk hniam a lo bun hlauh chu vannei a in tiin in lam kawng nia a hriat lam chu a pan ta ringawt a. Tuemaw puitu a hmuh mial takinna ti rilru a. Rannung hram chi tinreng a ri chuah chuah , atir chuan a hlau dawn a, mahse an tina dawn lo tih a inrin luih tir hram hram a. Zan boruak chu a thiangin thing par rim a nam chek chek a. Car thawm a hria a, Oliver a nih ringin a lo lawm hman hle a, mahse car chuan a awmna a rawn thleng ta hauh lova, a peng bo ta daih a.Oliver car a nih a rin ringawt laia a thinlunga thil lo awm kha enge ni? Eng rilru nge a lo put hman kha...hlimna te, mahni chian lohna riau leh beiseina te, thawven huaina leh enge ni ta...? Eng thil nge ni ta?A ṭhu hnawk a, a khur zawih zawih a, a rilru buai nuaih nuaih chu tihreh a tum a, kha car kha Oliver car ni turin a duh a, rawn pan sela, rawn kuah sela, a ang chhunga him taka awm chu a thlahlel ta em em a. A nun a letling zo ta. Province ah hian Oliver laka phuba lakna remchang nei tur leh tihchhiatna hmanrua siam turin a kal a. Mahse...a aia natna nasa zawk tawrh a hmabak ta si a. Mipa chu a hmangaih a, mahse mipa hmangaih letna erawh chu a dawng hauh lo thung ang.Oliver chu a hmangaih ani! Thlamuan thlak huaiin a hria a, a awmdan leh a chunga a thiltih zozai te kha...thinurna leh phuba lak a duhna vang emaw a lo ti a. Mahse a awmdan leh a rilru chu a tilang tur a ni lovang a, a hmangaihna chuan a laka a rilru put dan a tihdanglam dawn chuan loh avangin Province a kal chhan chu tihhlawhtlin ngei a ṭha ang, mahse engtinnge a tih theih tak ang? Oliver chuan a hmangaih a ni tih hria se engtinnge a lo tih ang, rapthlak a lo ti ngawt ang chu, a ramsa khawi laiin a hmangaih chu, a tlanbosan duh hial ngei ang.Amah hian a kalbosan tur a ni. Amah leh amah a inring zo lo anga, a chebuai thuai ang, Oliver chu a fing a, a rilru a hriatsak thuai anga. Chutiang a lo thlen hma ngeia a kalbo a ngai a ni. A ṭah a chhuak ta hluah hluah a. A diklo vel vek a ni. Oliver chuan ama tana hlawkna tura hman leh a tum a, anin a lo hmangaih avangin a duh ang angin a awm tir a, Oliver chu engtika lo hmangaih ṭan nge a nih le..?Muangchang hian a kal leh ta zel a, a sana a bih zauh zauh reng a. Mihring chenna hmun reng reng ala hmu lova, Arles leh in inkar kha a ramhnuai hle reng a, kawnga in ding a hmuh pawh a inhre ta lova. In hlat leh hlat loh lah chu a hre der silova, Chas kha a haw tawh ang em, a awm ve ta lo chu engtinnge a sawi ang? Tuman engatinge an rawn zawn loh? Engvanga Oliver laka phuba la ngam ta lo nge a nih? Engvanga hmangaih tur khawpa â nge a lo nih? A ngaihtuahna a buai nuaih nuaih a, a hah lutuk nen, kawngsirah chuan a ṭhu ta hnawk a, a lu a na tluk tluk a, a kut chuan a dawm ta vawng vawng a.Eps - 14Laurel chu a han harh hlawl a, kawngsirah a lo muhil tih a inhriat rual chuan a ṭhu nghal zawt a. A taksa chu ana ṭhum a, a sam a hnawk nuaih bawk a, a kawr lah chu a chuar tun bawk a, khua avar lek lek tawh a, a vawh em avangin a khur dar dar a.Engvangin nge tuman an rawn zawn loh? Chas chu Arles aṭangin a kir daih tawh awm si a. A ke sil ṭhum chu a han ti che a, ṭanpuitu nghaka lo ṭhut reng chu a vawt lutuk hman dawn tlat a, a kal ṭan leh ta bauh bauh a. In chu mel nga vel chauh a ni tawh in a ring a.Kal pah chuan a inngaihtuah leh ṭan ta a. Oliver chu a hmangaih ngei mai a, mahse engvanga hmangaih ngawt nge a nih? Oliver chuan a rinna tihchhiat sakin a ti mualpho tawh a, tunah pawh tih a tum leh mek a ni si a, mahse Oliver khawih nih kha a duh a, Rachel khan engtik niah emaw ala danglam a, mipa ala hmangaih tur thu a hrilh lai khan a lo ring ngai lova. Oliver chu Pathian a ni bik lova, mihring ve mai a ni a, a farnu in a sawi angin, mi khawngaih thei leh ngilnei tak a ni, amah pawhin a lo ringin a lo hmangaih hman a, ani lah chuan a tana ṭangkai atan chauh a lo duh si a, a kalbosan ran poh leh a ṭha a ni mai.Kalbo tura a indah chuan a tina ru hle ringawt a, kalbo ai chuan a bula la awm rih a chak ta tlat a. Oliver bula awm a, hlimna leh lungawina a pek theih ang tawk dawn chu enge a an ang? A tawhna leh a fawhna te, an taksa dangtu awm lova insi chial te kha; Oliver khan a tak ram thlenpui ta sela eng anga nuam leh hlimawm nge a nih ang...?A inngaihtuah nasat em avang chuan car thawm pawh a lo hre lova, a hnung lawkah chuan a rawn ding ta dawt a. Oliver car a ni tih a hriat chuan hlim zet hian a lo nui var var a. Chutah Oliver chuan a rawn tlanpel leh thut a, a hma daih kawnglaiah chuan vaivut khu rum rum hian a ti ding ta a, Laurel chuan khuh bawrh bawrh chung hian a pan ta thuai a."Khawiah tehlul nge i kal a?" Thinrim zet hian Oliver chuan a rawn ti nghal khur khur a. Arles ah zankhua deuh thaw in ka zawng che ti ila i awih ang em? Nangmah zawngin zu dawr leh lamna hmun ṭawp zet zet ka en kual a, Chas khan i duh lo chung a hruai che a nih ringin! Tuna i landan hmuh kha chuan, i duh vang ngeia zui i ni tih a chiang reng alawm! Enteh, ka hnuaia hnathawk tura ka chhawr i ni a, i tlangval pa nena zan riah dun in duh tih min hrilh ilo hreh deuh a nih pawhin a chhan dik tak min hriattir tawh dawn nia. Khatianga phone a rawn sawi ringawt lo kha. I lo kir leh duh chu ka lawm ngawt mai....zankhat chauh in hmang dun a, i landanah phei kha chuan mut in hmu lem lo a ang khawp mai!" A ti ta hrep a."Chas chuan Arles aṭangin a rawn phone amaw?" Laurel chuan a lo ti fan raih a. "Mahse....""Zinglam dar hnihah," Oliver chuan a lo ti hriam hraih a. "In pahniha ka ngaihtuah em em che u laiin, Beth te nufa chu Marbella a a va fin ve mai tur thu a rawn sawi nghal kha!" A ti leh a."Min lo...min lo ngaihtuah hle amaw?""Oh, Pathian hmingin, min chhaih vel duh teh suh Laurel! Ni e, ka ngaihtuah hle che a ni! Ngaihtuah awm em em rual chu i ni tawh hauh lova, mahse a hma in Chas te ang rual mipa lo kawp tawh tal nila....a, Laurel. I rilru i siam tawh chuan i tilui tlat zel a ni tiraw? Ani ber kher lehnghal nen! Mahse thil i la hriat tlemna hian i kawppui awm mi thlan dan pawh ila thiam lo a ni ange, tiraw?" A ti ta a."Oliver, Chas bulah ka awm lo. Kan inhnial a, min kalsan daih...""A lo nih tak chu! Enteh, i pa ka ni lova, dawt hrilh ka ngai lovang. Chas chu i mutpui duh a nih pawhin nangma thu thu a ni!" Oliver chuan a lo tihsan hlur mai a.Oliver chu a thinrim hmel em em mai a. Chutiang ema a thinrim hmel a la hmu ngailova, a mak lem love, Arles ah a va zawng hrep tawh a ni awm si a. Mak a ti hle zawk a, chuti taka thinrim siin a la rawn zawng duh chu. Awle, a hna ala zo lova, a hmanrua ber Chas bula awma a hriat vang a ni mai alawm."Car ah lut rawh," dam thlap leh hlauhawm zet hian a rawn ti ta a. Rawn tawh tum hmel reng reng a pu lova, Laurel chuan rawn tihnat a hlau zawk nge a tawk duh lo hrim hrim tiin a lo in ngaihtuah buai ve hle a. A ṭhutfel hma hma chuan a rawn khar hnan dawt a, a ṭhutna lam a rawn pan nghal a. Ngawi rengin motor chu tinungin a tlanchhuak nghal a, minute sawm vel an tlan hnu chuan dimlo zet hian a tiding leh ta thut a. Laurel chuan car aṭanga chhuahtirin ke in a kal tir dawn emaw a lo ti hman hial a, mahse a rawn kun phei a, chutah Laurel chun Chas emaw a lo ti thut a, a lo tawlhhla nghal dawrh a, chutah Oliver hmelah chuan tenna leh huatna hlir hi a lo lang chhuak nghal a."Ni love, Laurel, i him lutuk tlat. Car chhungah nula ka mutpui ngailo, ka mutpui a nih pawhin...." A mit chuan Laurel thawmhnaw chuar zet chu a rawn melh a, a mitmeng chuan a nula mutpui duhzawng a ni lo tih chu sawizawm ngai lovin a rawn hrilh a ni. "He thil hi tih ngheh ka tum mai ania," tiin inhren nghehna chu a rawn ban a, a rawn bahtir nghal a. Oliver kutin a hnute zawn a rawn tawh zeuh chuan Laurel chu a lo lum pap pap a. Oliver ang lo takin ani chuan car chhung pawh nise, hmangaihna chendun chu a lo hreh hauh lo thung a. A ngaihtuahna ringawt pawh chu a hlimawmin a phurawm hle thungin a lo hria a."Tuna ka awmdan aṭang hi chuan hahdam thlak taka motor khalh chi ka ni tlat lova, i taksa mawi tak kha keimah vanga a hmelhem ka duh bawk love...." tiin a ngawi leh ta vang vang a. "A mak e tiraw, Laurel? Mahse i hriat angin i nulat thianghlimna kha reilote tal te chu la khek rih la ka lo ti rilru mai mai a. Ka lo beisei sang deuh pawh a ni mahna. Mahse ka la hloh vek love, ilo kir leh duh hlauhva. Hnathawh tur ka ngah ania....hna thawk tura thahrui te ila nei a nih chuan!" Oliver ṭawngkam a hriat tawh zawng zawngah a la ngeiawm berin a lo hria a.Hna chu an thawk ta ngei a! Oliver chuan a tilui emaw tih tur hian a chhawr ngar ngar mai a. Chhun chaw ei a lo hun meuh chuan Laurel chu a lu a na tluk tluk tawh a. A lehkhabu chu a ngaihnawm hmel hle a ni, a changtupa chu tunge a nih ala hriat theih hauh lova. Amah a hmang a ni tih lanna reng reng a la awm bawk lova, Laurel chuan mak a lo ti hle a. An inkar boruak chu a ṭang ṭeuhin a hahthlak em em mai a, Oliver chuan chhuat laia vei kual sek pahin a thu chu a sawi zel a, dawhtheilo hmel zet leh tharum thawh chak hliah hliah hmel a pu bawk a, thinrimna ril tak a nei tih Laurel chuan a lo hrethiam mai a."Vawiin atan chuan tawk rawh se. Nizana i mut ai te pawh i mu duh ang chu," Oliver chuan a rawn ti dam raih a, a hmel chu a la ngai reng thung a.A rawn tihdan avang khan Laurel awm chu a nuam thei lova, chau hle mahse a mu chak lova, a tuichen kawr chu a ha a, a taksa lo sen ve ṭan avang chuan a lawm ve hle a, a kawr taksa lang tam lutuk chu ala ha hreh deuh nangin nuamlo tihna leh zahna nasa tak ang kha chu a nei tawh ngai lova, a robe chu la in tuikhuah lam a pan ta nghal a.Rahka tawp ber a thlen chuan Oliver chu a hmu ta chauhva, a dinna lam pan chuan tui chu a rawn hleuh phei buan buan a, kir lehna hun a awm ta lova. Laurel chu a rawn melh zawk a, tui aṭang chuan a lo chhuak ta nghal a."Helaiah i awm ang tih ngaihna reng reng ka hre lova," Laurel chuan a lo ti tham ṭiak a. Oliver taksa lian leh nalh zet chu a lo en reng a, a hangin a mam hle a, a huh hluam bawk a, a sam leh a awm hmul aṭang chuan tui a far kauh kauhva."Ka lo awm tak si ah chuan i lung a awi ta lo amaw? Lungngai duh mah ta che, Chas i ngaihtuah zui velna tur chu ka dal hauh lovang, chu chu i tum anih chuan," ngeiawm fahrana tih pahin hrukpuan la tur chuan a kun a, a taksa mawi leh pa zet chu hmuhnawm ti em em hian a lo en a, a puhna zozai te chu lo hnial a duh em em a, mahse a awih dawn chuang lo tih a hre tlat a. A mittui a lo hnai a, a hmuh hlauvin a in her a, ṭhutmutna atana an siamah chuan a tlu ta hnawk a.Anchhe phuhchhuak hluk chung hian a rawn pan nghal ruak a, a ban pahnihah rawn la in a rawn phih tho lawp a, Laurel chuan a beka a marphu zaih zaih chu a lo en ran a. Han chulsak a chakna chuan a tur ut ut mai a, a thisen a lo lum nghal phat a, a thaw ri hraih bawk a, Oliver lah chuan a lo la ngai kawi lehnghal a."A ṭha e, Laurel, tawh che ka tum lo ania," chang fahran hian a lo ti zui a.Laurel chuan ṭah vak a lo chak ut ut a, khawih turin a duh tlat si alawm! Oliver a khawih chu a thlahlel hle si a.Oliver an a thlah chuan Laurel chu a mu kawm ta chal a, hahdam taka awm anga lang turin a maimitchhing lui tlat a, a bul lawka mipa che vel thawm erawh chu hriat hmaih a nei hauh lo thung a. A mitsir chuan Oliver a hriak inchulh lai chu a lo en reng a, a taksa mawi leh pa tak chu thlahlel zet hian a lo en reng a, a heh lo ro ta halh a liak huh hlap hlap a. Hetiang taka mipa a it thei ta mai hi a va mak em a inti rilru neuh neuh a. Oliver taksa a mamawhna chuan ama taksa pum chu a fan a, a tur ut ut mai a."I duh ve em..?"Laurel chu a han meng a, Oliver chu hrukpuan chungah a lo mu a, a lo en reng a. "I vun kha mawle, Laurel, nge kan leh i duh zawk?" a ti ta a."Ka inhnawih tawh," zawi sap hian a lo ti a."Chuti chu ka hnung hi min lo hnawih sak ta che, i peih em?" tih pahin hriak bur chu a theh phei a, a bawkkhup nghal thawk a.Hnial a duh hle nangin hnial nachhan tur a hre lova. A ka a ro halh a, muangchang hian a kutah hriak chu bunin a chul ṭan ta a, zawi zawiin a zahna leh timna chu a bova, a lo thlakhlelh em em ang chuan a zut ta hauh hauh a. A thiltihlai chu nuam a tih em avang chuan Oliver a lo khawng ta deuh lah pawh chu a lo hre chang lova. A kawng zawn a zut thlen lai chuan a lo insangmar zual sauhva, Laurel chu a harh zawk a. A tim nghal chawih a, chiang lo riai hian a lo en a. "Thil diklo a awm em ni?" a ti ta ha mai a.Oliver chu a rawn inher a, a hmel chu a thim mak mai a, a meng de sar sar a. "Oh, Pathian hmingin Laurel. Khatiang thil kha chu Chas tan khek teh, ka laka hmang lovin...chhaih vel hi ka duh lo teh mai ania. Enteh, Chas chu zirtirtu ṭha tak a ni nge zirlai thiam thei tak i ni zawk? Eizawnna atana hmang thei khawp hialin i zei tawh alawm," deuhsawh fahran hian a rawn ti ta bawih bawih a.Laurel in a chhan let hman hma chuan a thova, tuiah chuan a zuang lut ta daih a, a hleuh kual pap pap a, Laurel chuan makti zet hian a lo thlir reng a, enge a huat a, a thinrim em em chhan chu tiin a lo ngaihtuah buai hle mai a.Zanriah tur a lo buatsaih lai chuan Oliver chu a lo lut a, engmah a ei duh loh thu a rawn sawi nghal a."Arles ah ka kal dawn a, ka lo kir leh hun tur ka hriat bik loh avangin min lo nghak duh suh ang che," elsen zet hian a lo la ti ta fova.A pindanah chuan Laurel chu a chhova, a hmangaihna chu chawm nuna, pek belh zel a nih loh chuan a reh veleh mai a ring a. A lehkha ziah chu a han en a, a nui var var a, a thuziak chu a chhiar zar zar a, a ziah lai khan a lo â hle hian a inhre ta hial a. Oliver a chanchinbu dahṭhat a lak chhoh te kha a la kawl reng a, a chanchin an ziahna te chu a chhiar nawn deuh sek a. Oliver thuziak hnuhnung te chu a chhiar nawn sek a, lainatna leh dawhtheihna chu a lo nei teh meuh mai, a lo ngaihtuah em em bawk alo ni, a mittui a lo hnai a, an intawn dan leh an pian leh murna a inang lova, an hun a inang bawk silo, an tan hunin zah a ngai thui ve ngai lovang.A sam a suka a tihro lai chuan car thawm a hre ta a, dar sawm pakhat a ri ṭep tawh a, Oliver car khar ṭha thawm leh inlam a rawn pan thawm chu a lo ngaithla reng a. Laurel chuan tukverh aṭang chuan a bihchhuk da da a, Oliver chahbi zawng niawm taka a indap ruai chu a zuk hmu ta a. Tukverh aṭanga kalsawn a tum lai tak chuan Oliver chu a rawn hawi chho ta hlauh mai a."Laurel, lo chhuk la, kawngka hi rawn hawng teh. Ka chahbi ka hmu lo tlat mai," a rawn ti ta lawng lawng a.A inbual avangin thawmhnaw mumal ala inbel lova, a banphaka awm hmasa ber chu a la nghal a...Oliver leisak mutkawr chhing zet leh langtlang thei hi a ni a, rang deuhva ha in inhnuai pan pahin a kilh mawlh mawlh a.Kawngka a hawnsak ruala a thil hriat hmasak ber chu Oliver thaw a zu rim lo nam chhuak chu a ni a. "I him lutuk alawm, Laurel. Ka rui hleinem, ka lungawilohna chu tuia zuangthla lova tihdan ka zawng ve a nih hi," ngeiawm zet hian a lo tihkhum leh nghal ringawt a."Lungngaihna te i lo nei ve chu a mak hle mai," Laurel chuan a lo ti nghat a, choka ah chuan a zui lut ve ta nghal a."Engvangin maw? Mihring rilru pu pha ve ah min ngai lo em ni? Mihring, thil tisual ve thei tak ka ni a, ani lawm ni, Laurel?" Oliver aw chu a changin a kha hle mai a, hetianga ze mak tak a put hi a lo la hre hauh lova."Ei tur i duh em ni? Nghah rei a ngai lovang..." tim deuh dai hian a han ti a."Oh, ni e, ka duh alawm," ril ruih hian a rawn ti ta a. "Rilṭamna nasa tak, chuti maia hrai tlai mai theih loh ka nei a ni," tiin a han nui tawi tuk a. "Oh, Pathian hmingin, khatianga pawisawi lo hmelpu te chuan min en reng teh suh, i nihlohzia te chu kan hriat dun kha, han mu tawh rawh, kan pahnih atana pawi tur thil ka sawi hma hian," a ti vin ta hlur a.Laurel rilru a buai map mai a, chutah a bula mipa hmelṭha zet leh thinchhe fahran ding chu a han melh leh zauhva, a chhuak ta nghal a. Oliver zu in nachhan awm chu a hrethiam thei ngang lova.... a rilru a hmang nasa lutuk chhawk nan a ti pawh a lo ni mahna. A rui chhe lo tih phei chu a hria a, mahse a thinrim ṭeuh reng mai tawng reng phaka awm leh a ti thinrimtu niawm fahrana a vin reng chu mak a ti hle a ni.Mut tuma khuma a lawn lai tak chuan Oliver lo chho thawm a hre ta a, bualinah a lut nghal a ni ngei ang, chhuar inhawng thawm leh inkhar ri chu a hria a, chutah a mutna kawngkhar chu a rawn inhawng ta a. "Laurel, nachhawkna i nei mial lo maw?" A rawn ti ta lung lung a.Laurel chuan a bag chhunga a damdawi dah chu a hai rawk rawk a, thim zingah chuan thovin a va pan ta nghal a. Oliver chu bualin engin a rawn chhun loh zawng chuan kawngka ah chuan a lo ding a. A kawrhak lai chu a lo phelh tawh a, a jean kekawr hak chuan a bawp sei zet chu a phuar ṭang mai a. Laurel chuan vai riai chung hian damdawi chu a va pe a. An kut chu a intawk zauhva. Oliver chuan anchhe lawh hluk chung hian a rawn hnaih ta ruak ruak a."Pathian hmingin Laurel, mipa mutpui chhin i duh a nih te chuan engatinge min rawn pan mai loh?" hriam zet hian a rawn ti ta hrawih mai a, "Engvanginnge? Engvang tehchaiin nge ka hnenah i lo kal mai loh?" A ti leh ta a.A hmui chuan Laurel hmui chu a zuk nawr a, a fawp nghal nawk nawk a, a duhthawhin a uar hle mai a, fawh pah chuan Laurel mutkawr kilhna chu a pawh phelhsak nghal chawt chawt a, a dar ruak kang chu a rawn chul nghal ruai ruai a.Laurel chu a lo za chuai chuai a, tisa chakna a lo nei anih pawhin tuna a tawn mek ai hi chuan a la nep zawk hle a ni ngei ang. Oliver kutin a taksa a khawihna apiang chu a lo sa nghal ham ham zel a, Oliver chu a lo kuah let ṭawk ṭawk a, a hmui a laksawn hnu pawh chuan a lo ngheng hnai ṭalh ṭalh a.Thim zinga a rawn en chhuk chuan Laurel chuan a mit tle ra ah chuan tawrhna lo lang hi a han hmu in a inhria a. "Vawiin tlai aṭang khan hetianga ka tih loh che chuan inah ka awm thei dawn lo tih ka hre nghal a," tih pahin a rawn kuah nghal a, ama mutna pindan lamah a pawm lut ta daih a....Oliver khumah, a kalsan mai hlau chuan a lo kuah let chial a. Oliver kutin a rawn tawh velna chu a lo nghahhlelh em avang chuan sawiselna tur reng reng a lo hre lova, a nghawng velah chuan a lo fawp let ve dan dan a. A mutkawr a rawn phelhsak a, a awm ruak kungin a hnute a rawn nek takah chuan Laurel chu alo thaw halh halh a.Oliver chu a inbengkang a, a taksa lang var hai chu a rawn enkual dan dan a, a kut lehlam chuan a khel bawrah a rawn kuah a, a rawn enna ringawt pawh chuan a lo ti phurin a lo hnaih chho ṭalh ṭalh a."Ka rilṭam leh ṭamloh min han zawt nawn leh teh Laurel, nge ka entir zawk dawn che?" A rawn ti tham ṭuak a.Laurel taksa lo khur dar dar chu rem ve zet hian a chulin a fawp lawr zel a, ani chu chakna sosang takin a tuam vel avang chuan a lo thaw halh halh a. Oliver hmuiin a hnute hmur kawh lah leh ruh ṭang a rawn fawh takah chuan a lo ṭe chhuak ṭhat ṭhat a, an pahnih chauh lo chu thildang reng reng a hrechang lova, a lo chulin a lo fawp let ve hiam hiam zel a.Oliver pawh chuan a duhna nasa tak chu a thup thei ta bik lova. A jean kekawr chu phelhin a thehsawn dawrh a, an taksa ruak ve ve han innawk chuan a tiphur zual sauhva, a mipa nihna ruh ṭung chuan a nekna zual sauhva.Laurel chuan Oliver a a chunga a tih anga tihlet ve a duhna, a taksa chu a lo fawh let sak ve dan dan a, Oliver lo insangmar ta ṭeuh chu a han hria a, tihsual a nei emaw a tih lai chuan ani chu a rawn thaw hawk a, a kuai dak a, duhthawh fahran hian a rawn fawp ta zawk a.A bawp a rawn kawihkau sak a, a rawn bawh dawn lai tak chuan Laurel chu a lo danglam ta nghal a, hlauhna namen lovin a rawn man a, a khawng vek a, mangamg zet hian a ṭe chhuak ṭhawt a, chutah a chunga mi chu Bill Trenchard a ni lo tih a hriat rual chuan Oliver hming lam sap sap chung hian a ṭap ta ringawt a, a hun kal tawhin a tihbuai em avang chuan a zam zo vek a, a taksa chu hlauhna avangin a la khur hlawk hlawk a, Oliver chuan a kuah reng a, a sam hnawk nuaih chu a lo chulsak nauh nauhva."Trenchard ka ni emaw i ti a ni maw? Lalpa leh Laurel, enge ka chungah hian tih i tum le? Chas khan engtinnge a tih...? A lo ti...?""I ring diklo reng alawm. Kan inhnial a, min kalsan daih a, ke a ka kal a ngai ta a. Kawngsirah ka lo muhil a, ka...kan mudun hleinem," a ti hlap hlap a, a ṭah chak lutuk chu a insum zo ta lova, a inhnit ta hlawp hlawp a.Oliver chuan dawhthei zet hian a lo chul heuh heuh a. A thusawi chu awihsak a ang ta hle a. "Hmangaihna min chenpui pawh tum se ka duh teuh lo, ka tihtir hauh lovang," Laurel chuan awih tir tumin a han ti leh hram a. "Ka lo ring pha lo....""Zankhua deuhthaw jn ka zawng che a...?""Chuvangin tunah ngei hian ka khumah nilo i khumah i mu nghal tur a ni ang, engtik niah emaw chuan Laurel, mipa tuemaw, Trenchard theihnghilh tir theitu tur che ila tawng anga...amah i mamawhna chauh lo chu thildang reng reng i hre reng tawh lovang," a ti a.Laurel chuan chupa chu a tawng tawh a ni tih hrilh mai a chak hle a, mahse Oliver chuan a hmangaih nih chu a lo duh dawn der silova, tunah pawh hian zu chu in lo sela a khumah a hruai hauh lovang."Ka bula riak ve tur hian sawm ta che ila, engtinnge min chhan ang?" tih sup pahin chiang zet hian a rawn en a.Laurel thin chu a lo phu nasa zual sauhva. Sawm ngat sela chu lo hnialna tur a nei hauh lovang. A chhanna tur a hre lawk reng tawh a."Ka...""A ṭha vek e. Ka rawn umzui lovang che. Thil engemaw tak zawngin a tuam ve ngei che alawm, zanin hian, i pha thei lovang tiraw Laurel? Tuna kan thiltih khan a puih nasat hle che ka beisei, kha bak kha chu i tana thil hmachhawn harsa a awm tawh lovang," bung zet zet hian a lo ti ta nghut nghut a.A enchhinna zel a lo la ni maw? A ni ngei ang. A rilru a na ngawih ngawih a, mal a inti in a khua a har hle a. Meilum a lo ai a, a lo ai hnai lutuk a, a kang ta a ni. Oliver chu a hmangaih a, mahse ani chuan a hmangaih ve lo, a kalsan thuai loh chuan a at a so leh anga, tun aia na leh kehchhia hian a la awm ngei ang."Kal ila a ṭha zawk ang, ka...." a ti ta niah niah a."I awmdan i theihnghilh thut ani tih ka hriatthiam pui che alawm. Tunah chuan Chas laka ka ngaihtuah viau nachhan che kha i hrethiam tawh ang chu tiraw? Mutpui che a duhin a it hle che tih a lang reng si a," ro zet hian a lo tih khum a.Laurel chuan Oliver mitmenga tawrhna lo lang chu a han hmu leh a, mahse a bo leh nghal thuai a, ngaihdan siamna hman pawh a lo nei lova.A thawhsan ta nghal a, tukverha thla eng lo lut chuan Oliver taksa lianpui leh nalh zet chu a chhun a, han chul a han fawh lawr vel a chakna chuan a tur ut ut a, hmangaihna chenpui turin ngen ta sela, mahse Oliver chuan a rilru a lo hriat phah anga, a nuihzat mai ang, a tuar zo lo ang."Pathian hmingin, i kal dawn chuan kal mai teh, Laurel; Muthilh ka duh ania, nangin duh lo mahla," tiin vin zet hian a rawn hnar ta a.Chutah a rawn pawt hnaih leh thut a, a mutkawr a phelhsak chu la in, a haktir ta mawlh mawlh a, naupang kawr haktir ang mai niin a lo inhria a, mahse a kawrhma a kilhsak laia a hnute tawn tawna a rawn fawhsak vang vang takah chuan naupang en chuan a en lo tih a hriat thiam ve thova.Laurel chu a muhil thei hauh lova, a piahlawk pindana mipa chu a hre reng a, a kuah leh chul vel thlahlel tak chuan a let zankhua ṭhak a.Eps - 15Zinga inhnuaia a chhukthlak chuan Oliver chu a zuk hmu mai lova. Coffee a chhuang a, a so ṭan dawn tihah inhnunglam kawngkhar aṭang chuan a lo lut ta a. A sam chu ala hnawng chhapin a kawrhma a inhawng huai bawk a. Laurel chuan a lo en reng a, nizana thilthleng kha a han hre chhuak a, a hmai a sen ta ṭawn ṭawn a.Oliver chuan a lo nuih suk a, chair pawtchhuakin Laurel eitur chhawp chhuah chu a ban ta nghal a.A atna chu a nuihzat a ni ngei ang, a tana thil hriat reng tlak leh hlu em em, a khawvel ti famkim tu chu ani chuan enchhinna ang chauh a ni si a. A inher hmak a, Coffee a siam nghal mawlh mawlh a, a laka huhang a neih nasatzia chu a hriat a hlau zual ta sauhva.Chair rawn tawlh ri a hria a, chutah Oliver chu a bulah rawn ding a, a rawn kuai her ta a. "Laurel, nizana thilthlengah khan engmah zah tur a awm lo. I rilru tur chu ka hria alawm...Nimin lama i laka ka ṭawngkam hman te kha...thil hi ka ring sual fo a nih hi tiraw? I chungah ka rawng hle a ni, lo hriatthiam ve awm tak hi ania," a ṭawngkam damthlap chuan a ṭah a lo tichhuak ut ut a."Ke a ka kal hrep avang khan ka chau hle a, Ka...kan...""....Chas bula i riah vangin. Engvanga kha naupang khan a bula riak anga rawn sawi che nge a nih?" Oliver hmel chu a rum ta ul a. "I chunga thilthleng thei ka ngaihtuah phei chuan....!""A thin a rim em em a, ka lo....""Mutpui a tum che a...ilo hnial in maw? Ka hrethiam mai e," tisa chakna phuhruk lohva awm hrehawmzia a ngaihtuahin a lo nui hak a. "I dinhmun ka ngaihtuah a...naupang mai chet danah chuan a fing lutuk hret a ni, a kalsan mai tur che a ni lo asin, ka khawih phaka a awm hmanlo chu a vannei ngawt mai!" Laurel a lo nuih hak chuan a rawn en a, a vawnna chu thlahin a kalsawn ta a. A kawng dawmin tukverh ah chuan a dak vang vang a, "Nizan chungchangah khan...titi pui che ka duh a, hrilhfiah che...""A ngai reng reng lo. Ka hrethiam lutuk alawm," Laurel chuan a lo ti ta thuai a, a zamna chu thup hram hramin a nui lui hak a. "Hetiang thil te chu a thleng ve a ni mai a....thil awmdan thlir hian....ka nunhlui te min hriat....min hriatsaktu i ni a, min hrechiang bertu i ni alawm, thilthleng theilo ani hleinem," a lo ti nawk nawk a."Chutianga rilru lam kaihhnawih zawnga i ngai anih chuan le!" Zawi zet hian a lo tihkhum a.Tukverh lam chu ala hawi reng a, a aw ah chuan thinurna lang tela a hriat avang chuan Laurel chu alo hrihhai hle a, engvanga Oliver chu ti thinrim fo nge a nih? Nizana a mutpui duhna chhan dik tak kha hrilh a tum zawk em ni?Nuam lo a ti ta hle a, nizana a lo chhanlet dan zawng zawngte kha a ziak lang tel ang em? A lehkhabu a telh tawh lo turin a ngen ngam ang em? Mahse a rawn demna tur hmel kha a lo en ngam silo anga; Engvanga phatsan leh tihnat riau nia inngai ngawt nge a nih reng reng....Oliver chuan a laka a duh leh a mamawhna a hrilh der silova. A laka phal taka inpe turin a tilui lova, a la thianghlim a ni mai thei e, mahse Oliver tan chuan engtihna mah a nih phah silova."Naktukah Nice a kal ka duh a...keimahin, nilengin ka thang bo ang," Oliver chuan a rawn ti ta a."Chuti chu vawiin lamah hna kan ngah deuh dawn tihna a ni maw?" Laurel chuan a lo ti thuai a. Oliver an kalbosan a duh nia a hriatna chuan a ti na em em mai a. Enge Nice ah chuan a tih dawn? Nula hmuh tur a nei em ni? A nula kawp ṭhinte lakah chuan ani chu a nep hle in a lo inring a."Ka ring lo. Thil ngaihtuah tur ka la nei a, nanglah chu ngaihtuahna la peng zawng hlirin ilo khawsa reuh si a. Khawl ka hmang mai ang, min tibuai lo zawk ang," a lo tihsan mai a.Laurel chu a lo nui lui hram hram a, hman hmana khawl chu a hmang anga maw...?"Laurel, nizan khan...ka lo ngaihdan mai nge, kan awmdan kha nuam i ti ve hle niin ka hria a, a landan khan min bum zawk nge...i ti tak tak?" Oliver chuan a rawn ti leh hram a.Laurel chu a lo sen ṭawn ṭawn a. A lehkhabu chungchang sawi ang maia engtia khatiang thu kha satliah zeta sawi thei nge a nih..?"I sawi awmzia ka va hrethiam lo ve. Kha..." a lo ti nawk nawk mai a."Ka sawi awmzia chu," dawhthei tak hian a lo ti damthlap a, a thova, a rawn hmachhawn a. "Ka fawhna che leh ka chul velna che ilo dawnsawn dan kha...i ti der mai mai nge..."A ti der ti ta sela dawt a sawi dawn a ni a, dawt a sawi tih a hriat chuan a sawi chhan a zawt leh si anga."Ti der lo ve. Mahse....""Lungngai mah ta che Laurel. Tisa chakna awmzia chu ka hria alawm. Chutiang ilo nei thei ta chu ka lawmin ka thawveng huai mai, chemte hriam tawn nei ang maia min vit zawk zawk ti nimahse. Hmeichhia i nihna hi zahpui lo la, tisa chakna hi mihring pianpui ve reng ani tih hre bawk la. Hnar bo emaw up bo emaw i tum tur a ni lo. Pianpui thilawmdan leh nihphung ve reng ani tih i hriat a ṭul ang....chu chu nangmah leh i mipa kawp tan pawha thil pawimawh tak a ni a. Hmeichhia a taksa ngaihlu thiam apiangte hian anmahni an inti mawi a ni. Ka sawi tum tak chu tun hun angah te hi chuan nang ang nula chinchang hre lo te hi chu awlsam taka hneh in awl a, mi ṭhalo tak tak te pawh i tawng thei a, tihnat i awlsam hle si a. Hmanli rilru pu pa thikthu chhe deuhin an fanu an zilh angin ka zilh che a nih ber hi maw.! Fimkhur hle rawh ka tihna a nih ber chu," a ti ta hlur mai a."Mahse ka pa i ni lova...chungte chu ka hre ve bawk. Naupangte ka nih laiin mipa rin mai ṭhatlohzia chu ka lo hre tawh alawm, ila hre reng anga," Laurel chuan a lo tihkhum nghat a.Oliver hmai chu a lo sen ve awp awp a. Ben chawrh ang maiin a hmel chu a danglam a. An inkar boruak chu a nuam ta lo hle bawk a. A tuar thei ta ngang lova, a tlanchhuak ta dawr dawr a. Oliver chuan a en zui reng a, a duh duhin lo ngai teh se tiin a khupa kutsuihin a ṭhu vang a. Naupang kum sawm pahnih mi lekah a la ngai em ni? Hmeichhe puitling anga ngai lovin naupang angin a la zilhhau a ni a....! A haw ta ngawih ngawih mai a.Ni a lo tlangsan poh leh an inkar boruak chu a nuam lo zual tulh tulh a. Oliver chu a danglam hle mai a, a vin hrep hnuah inchhir niawm takin a ngawi leh daih a. Laurel thiltih reng reng chu sawisel hrim hrim tum niawm tak hian a en kul reng mai a. A tihdan chuan Laurel chu a ti ṭap lo chauh reng a. A ṭawngkam chu a nelawm lohvin mei a nei hle zel bawk a. A rilru a hriatsak ta a nih a lo hlau em em a, a hriat a hlau lutuk chuan a tizam a, chu chu Oliver chuan a lo ngei hmel hle bawk a. Zanriah chu Oliver a siam hun a ni a, Laurel chuan a eitlem hle a. A thilsiam bang rum a hmuhte chuan a ti thinur zual niin a la lang ta cheuva. Whisky no khat luauva a inthlit a, a in pawp pawp chu a lo hmu ru reng a. A pahrawn zurui lo haw lai te kha a mitthla ah alo lang uaih uaih mai a."Khatiang hmel kha ilo put a ngai lovang. Rui chhe miah lo pawhin ka in ṭeuh thei alawm," a lo tihkhum hluk a. "Nge...nizan thil kha ka chhunzawm ilo hlau deuh zawk? Zirtir ila ngai lutuk deuh a ni, duhtak! Mipa, hmeichhe bula zankhuaa hun hmang turin zu an in ṭeuh duh hleinem," deuhsawh hmel fahran hian a rawn tihkhum leh a.Music ring takin a ti ri a, Laurel chu a lo mangang rilru hle tawh a. Oliver lah chuan tih thinur a cho em em reng mai si a, biak ngam a ni lova, biak loh pawhin a thinur sa hlur a ni si a."Ka mu hma mai teh ang...ka chau riau mai," tiin a lo ṭawngkhum leh inring rilru tak chung hian a han hawichhuak a. Oliver chuan a whisky no ken chu a lo tuai vir nauh nauh a.Ṭhutthlenga lehkhabu awm chu a la a, a chau lova, a mut a chhuak lova, a ngaihtuahna ata hruai peng thei tur lehkhabu tal a mamawh a ni. A rilru a Oliver a duhna thup leh mutpui ta se engangnge ni ang tih ngaihtuah reng renga men reng chu a peih lova.A inbual a, khum nuam taka mu chungin lehkhabu chu a keu ṭan ta a. Rilru lam zir mi ziah a lo ni a, harsatna nei chi hrang hrang a kawmna a rawn ziak khawm a. A chhiar tui ta hle mai a. A chhiar thui poh leh vannei a inti telh telh a. Oliver chu a tirte aṭanga a lo huat tak tak lohzia a inhrechhuakin a huatna te chu a rinna a tihchhiatsak avang chauh a ni tih a hriat phah ta a.Oliver chuan chu lehkhabu chu amah vang liau liauva a lei a nih a ring ta a. Amah a zir chian duh vang leh a hman ṭangkai zel theih nana amah inzir nan a hmang a ni ngei ang. Lehkhabu chu a dah a, a nunhlui leh a pahrawn lakah chuan a fihlim ta niin a inhria a. Engthil emaw vanga intawng palh lo ni sela Oliver chu a lo hmangaih tho tho dawn a lo ni. A hmangaihna chu hmeichhe puitlingin mipa an hmangaihna ang a ni tlat a.A lo muhil ta nge nge a, mahse a lehkhabu chhiar chuan a nunhluia a thil hriatrengna te a kaithovin a rawn tibuai leh ṭan ta a. A pahrawn a hmu a, thawnbo daih a tum thu a lo hrilh a, alo khawih vel a, huatna leh thinurnain a lo khat a. A mumangah chuan chu thil chuan a lo hnaih zual zel a, court ah te kalin a thubuai an lo relsak leh a. A pahrawnin chhuatah a bawhthlu a, a thaw rimchhe zet chuan a hmai bul chen chenah a lo en a, a kut chuan a taksa chu a lo chulsak ruai ruai a, a lo bawhbet leh ta tlat mai a.A tal vak vak a, a mutpuante chu a tal hlim vek a. A ṭe tuarh tuarh a, a mutna pindan kawngkhar a rawn rik ṭhuaiah chuan a pahrawn chuan a kiansan ta a. A taksa a Oliver kutin a rawn tawhna chuan a tidam sawng sawng a, a meng chhuak hlawl mai a. Oliver chuan ngaihtuah hmel deuh hian a lo en reng a."Laurel.! An that dawn ta che emaw ka lo ti mai asin.!" tiin a rawn fiam nghal zauhva.A mumangin a la chiah rih em avang chuan a la khur zawih zawih a. A hmai a dangin a meng phawk hra mai a. Oliver chuan chhuata a lehkhabu tihtlak chu a chhar a."Ka chhiar a, kha thil khan a rawn tithar leh a...Bill kha....zanah....zanah...""Pawngsual che a lo tum amaw.? Court ah khan ka awm ve alawm, Laurel.! Ka hre vek alawm. Mahse a tawpna a rei tawh a, i mumang chu...a hrehawm tur zia ka hria alawm. Keipawhin mangchhia ka mang ve fo ṭhin ania," Oliver thusawi chu a lo hre mang lova.A mumanga hlauhna chuan a la tibuai tlat a, Oliver kut chu Bill kut niin a ngai ta thut a. Rapthlak ti zet hian a thingthla a, a tawlhsawn nghal dawrh a, a mitmeng chu hlauhna hlir hian s khat a, a lo tawm chawih chawih a."Laurel...!"A khap sak sak a, a mumang rama tuamtu chu a kiang tial tial a, "Oh...Oliver..!" Ti ṭial riai chungin a va kuah ta chawt a. "A rapthlak lutuk..a tak ang maiin a lo thleng leh a..!" tiin a phun sap sap a. Oliver chuan a lo kuah nghet sauhva. Laurel chu a lo thlamuang suai suai a. Reitak chutianga an inkuah hnu chuan Laurek chuan Oliver taksa lumna te hre ṭanin a mipa rimtui tak chu a hre ṭan ta a. A hnaih sauh a, kuah satliah ringawt chu a duhtawk zo ta lova."Laurel...i ṭha tawh em?"Oliver inlakhran tum chu a lo hrethiam thuai a, a kut chuan a awmhmul awmchhun chu alo khawih nauh nauh a. A lehlamin a kawr hmaah a ṭham ta tlat a, "Min kalsan suh Oliver, khawngaihin. Ka hlau em asin. Ka mumang kha ka mang leh mai anga," a lo ti nawi niah niah a. Oliver chuan mitko san awk hian a lo en a."Enge i han rawt deuh a...? Zankhuain helaiah hian tihian kan ṭhu anga maw?" Oliver chuan a lo ti ngal ngal a.Laurel chuan an awmdan tura a duh chu a han ngaihtuah a, a thisen a lo lumin a taksa chu a sa chhuak ta pap pap a, chu mai aia thui thlen chu a duh a ni."Laurel..!""Oliver...khawngaihin min kalsan lul suh.," tiin a lo pawt nghet sauh sauhva, "Khawngaihin...,"Oliver chuan kalsan tumin a inlahrang ṭan tawh a, nemsawn a tum a ni tih a lo hre reng a. Chutah a hmel awmdan chu a lo danglam thut a, a kutzungpui chuan s banrek chunglam chu a rawn nuai ta nauh nauhva. Laurel chu thawveng huai hian a lo thaw ri hak a. Oliver chuan a rawn en hnaih sauhva, "Lalpa leh..!" A ti ta hawk a, a rawn fawp ta vawng vawng mai a. Laurel chuan a duh chu a hrechiangin a lo pawm thlap a. Oliver chu a laka a rilṭam ang bawkin a lo rilṭam ve a ni ngei ang, an infawp uar dun hle a. An hmui chuan inhrethiam takin an duh chu an inhrilh tawn a ni ber a."Laurel.! Laurel..." tiin a hrawk ro tak chu a hmuiin a rawn nul a, a lei lum huam mai chuan a rawn liak zai zai a, Laurel chu nuam tiin a lo khur dar dar a.Thlipui na takin a tuam vel ang mai hi a ni a. A kut chuan Oliver sam chu alo chulsak a, khawih nuam a tiin a lo ṭham na zual sauhva. A hmui chu a rawn fawh atan a lo dawh ha a, rawn fawp chung zela a taksa a rawn chul kual takah chuan an in mamawh tawn hle a ni tih a hriatchhuah belh ta zel a. Kir leh tumna reng reng a nei lova, a kut chuan Oliver kawrhma kilhna chu a dap a, a kilhna a phelhsak rual chuan a taksa lo lang chu a lo chul lawr dan dan a. A kutin a tihtur chu a rilru in a rawn hrilh zel mai a ni. Oliver chuan a hming a lo lam sap sap a, Laurel in a lo chul lehna chuan a ti lungawi hle a ni tih hriat tak hian a lo thaw hak hak a. A kut chuan Laurel hnute chu a rawn chul leh a, ani chu nuamti zet hian a lo ngik faih faih a, an saruak taksa chu a insi chial a. Laurel chuan ui lai reng reng nei lo hian a lo inpe thlap a."Laurel..., ka va awihlo zawk ve le. I nunhlui chu i kalsan ta takzet a ni tiraw.? I theihnghilh vek tawh amaw.?" Oliver chuan a rawn ti ta a.Laurel chu a lo khawng nghal awt a. Engvanga rawn sawichhuak fo nge a nih? Ngawi rengin hmangaihna a chenpui thei mai lovem ni? A hmangaihna chu a thil enchhinna atan a hmang tih engtinnge a hriatchhuah nawn tir fo.? A rilru a na ta em em a."Ni e...ka zalen tawh alawm," tih pahin a inlahrang nghal a. "Engmah sawi zawm tawh suh, Oliver. I enchhinna chu a tawp tawh e," a lo ti khur zawih zawih a."Enchhinna a..?" Oliver chuan a rawn ti ṭhawt a. "Engthil tehchai nge ni i sawi a.?" tiin a rawn en ta run mai a."Ka sawi awmzia chu i hria alawm. I lehkhabu chhuah leh tur atan min hmang a. A tir aṭanga ka lo rin lawk sa reng a ni thova...ka nunhlui te min zawhdan leh min kawm vel danah khan," a ti ta a."Laurel, chutiang a ni lo..." tih pahin thinrim zet hian a tho thut a, dawhkan chu a nek awk a, a chunga lehkha chu a tla darh ta chuai mai a. "Engthilnge...?" Tih pahin khum bula khawnvar chu a han hmet eng a. "Heng thil hi engatannge i tih?" tih pahin a chamchinbu tel khawm chu a la kang a, a ner nung mai a, a enkual zel a. Chutah Laurel lehkhabu ziah chu a han en a, a keuva, a chhiar ta nghal a, a rawn en zawk a.Laurel chuan Oliver hmela huatna leh thinurna nasa tak lo lang chu a lo hmu a, a vawt nghal vek a."Lalpa leh, Laurel," tiin a phek dang a keuva, "Hetiang em hian ani maw ka chunga rilru i lo putchhiat le. Ka tihsualah min puhin thiamloh min chantir, he thil hi enge ni se?" A ti hriam hraih mai a."Oliver, ka sawifiah thei....mangang zet hian a lehkhabu chu ava ban ṭawk ṭawk a, Oliver chuan a lo pe phal lova, a keu zel a, a chhiar tam poh leh a hmel chu a danglam zual sauh sauhva."Tichuan, tunah zet chuan thudik tak chu kan lo hre ta a. Helaiah hian ka nun min tihchhiatsakna hmanrua nei tur leh ka hming tihchhiat tumin ilo kal a. Pha buai duh lo mai rawh, Laurel. Hetah hian a ziak lang chiang hle a ni," zaidam em em hian a rawn ti ta a. A ṭawng zaidam lutuk chu Laurel chuan a lo hlau em em a.Enge a sawi tak ang? A sawi chu a dik vek si a, khatihlaia a rilru awmzia kha tunah chuan a hrethiam tawh a, mahse a hrilh thei silova."Pathian leh!" tiin a phun sup a, a aw chu ala dam raih mai a. "Ka lo rindan ang a ni hauh lo...mahse, ni e, hmanrua ilo thlang thiam hle mai. I duhtawkin chhuahtir ta che Laurel. Ka lo ringsual hle che a ni!" a ti nem raih mai a.A lehkhabu kha ala tichhe silova, tihmualpho a tumna kha a hmangaih tih a inhriat rualin a bo vek a, a hmangaih avanga a laka thikthu chhia leh hua kha a lo ni si a. Sual ngaihdam theihloh a khawih ta a ni. Oliver chuan a ring leh ngai tawh lovang.Zinga a thawh meuh chuan Oliver chu Nice lam panin a lo chhuak hman daih tawh a. Chhuat laiah a vei tlut tlut a, engtinnge a hna a la thawh chhunzawm zel theih tak ang? Chutah car thawm a hre ta a, Elizabeth Range Rover a hmuh chuan a thaw huai a."Oliver chu Nice ah a kal a, a lo haw har viau mai thei, naktuk lamah a lo haw chauh ka ring," Laurel chuan a lo ti nghal thuai thuai a."Kan rawn chawl zawk dawn chauh a ni....nghah chhuah kher ka tum hleinem. Kan pa hi a damlo thut a, kan tum aia hma in kan lo kir ta thut a nih hi," Beth chuan a lo ti zung zung a.Car aṭanga naupang ho lo chhuak chu a lo en reng a, a lo khawngaih hle mai a. Eitur lo siamsak a duhthu a lo hrilh nghal thuai thuai a."Biak che ka duh ania, Laurel," naupang ho tuikhuah lama an liam fel chuan Beth chuan a rawn ti nghal thuai a. "Chas thiltih kha a pawi ka ti lutuk tlat. Marbella kan thlenin thil awmdan dik tak kha Rick hnenah a sawi duh chauhva."A ho lutuk, engmah thil pawi a thleng hleinem," Laurel chuan a lo ti thuai a. Ngaihtuahna thar a nei ta thut a, Beth hian a rualin a phur haw ve duh ang em le? Oliver chuan helaia a awm ve hi a duh tawh lo ngei anga, chubakah a hmangaih a ni tih a thup zolo anga, an pahnih atan a buaithlak leh zual ang."Enteh Beth, England thlengin min phur haw ve ta che?" Laurel chuan a ti ta nge nge a.Beth chuan a chal a lo chuar nang nang a. "I rilru i thlak thut a ni maw? Oliver an a hria em?" A rawn ti ta khauh a."Hre lo, mahse pawi a tih ka ring lo. Kan inhnial a, thudik tak ka hrilh ang che. Helai ka chhuahsan hi thilṭha ber a ni," Laurel chuan a lo ti nghat nghat a."I tan nge Oliver a tan? Enge a lehkhabu ziah te chu a an tawh?" Beth chuan a lo ti ro halh a."A mamawh ang zawng zawng chu a nei vek tawh ang. A hralh a tla leh pek ngawt ang tih chu ka hai bik lo, mahse ka lei lo chiang ang," a lo ti bai bai a."Min tibuai riau mai, hawh engkim min lo hrilh teh," tiin a bula ṭhu tur chuan a hui ta nge nge a.Oliver nena an inhmuh thiamlohna khan a la nghawng em avangin a u chu hrilh vek a hreh lem lova, an chanchin a sawi lai chuan Elizabeth hmel chu a lo danglam zeuh zeuh a, mahse Laurel, Oliver an a lehkhabu atana a hmandan a sawi chuan a lo insum zo ta lova."I ngaisual a nih ka ring tlat mai, Laurel. Oliver chuan chutianga hman che a tum ka ring lo. Mahse i rilru chu ka hrethiam thova. Ka nau hi chu ka hrechiang ve tawk asin, a rindan a lo nih takloh avanga i tuarna a hriatthiam pui zia che kha. A zawng nghal char char che a, engmah chu min hrilh hauh lo nangin, ka ngaihdan i hriat duh chuan ṭanpui che a duh satliah mai che a ni ang. A lehkhabu atana a hman che chu ka ring lo tawp mai. I harsatna tawh zawng zawngte avangin pawi ka ti hle a, mahse ṭanpui che a duh tlatna pawh hian chhan a nei a ni mahna...a hmangaih che a ni ngei ang," Beth chuan a ti ta hlawl mai a.Laurel chuan rilru na hmel zet hian a lo en let he haw a. "Ni lo, min hmangaih hauh lo," tiin a lu a lo thing nar nar a."Mahse i hmangaih si alawm, chuvang chuan kalbosan i duh ta bawk a. Enteh, duhtak, hetah hian awm rih la, Oliver nen chuan in rilru tlang takin sawi dun ta ula a ṭha lo maw?" Beth chuan a lo ti leh thuai a."Ka awm duh tawh lo, min phur ve duhlo anih leh Arles thleng turin taxi ka la anga, tichuan....""I tum tlat chuan ilo kal ve poh ani ang chu. Mahse Oliver an i tlanbona ah ka pui che tih a hriatchhuah hun tur ka huphurh ngawt mai," a ti ta sap sap a.Oliver a hmu tawh lo tur anga a indah chuan a rilru a na lawk hle mai a, Beth chuan a nau chu a hmuh veleh zawhna khirh deuh deuh a zawh ngei a ring bawk a. In an tlansan lai chuan hawi pawh a hawikir ngam lova, Oliver a chhiar atan lehkha them a hnutchhiah a, a kalbo chu an pahnih atana thilṭha ti a ni tih a ziak chauhva. Elizabeth chuan inngaihtuah muk hmel deuhvin a rawn en leh zauh zauh ṭhin nangin zawhna erawh a zawt zui ta lova.An inṭhen dawn chuan an rilru a inpawh hle tih hriat takin an in mangṭha a, an inkawm ngeih ru hle tih an hre ve ve tlat a ni.Eps - 16Laurel chuan a flat thar kawngkhar chu a hawng rawk rawk a...kar ruk chiah a la luah a, Italy aṭanga a lo kir hnu a a luah thar a niin a hma ami ai chuan a zau ṭha ve hle a. Italy ah nipui chhung zawng hnathawkin a kalbo a, a hna chu lemchang ho producer lar tak hnuaia secretary a ṭan ani a, a nuamin an buai em em a, a khawhawi a tizau sawt bawk a. Duh se chu zantin tlangval lenchhuahpui tur pawh a hmu ngei ang, mahse mipa ho sawmna satliah chu a hnawl thiam lamah a ramṭang tlat thung a.A vun chu Italy nisa a tuarna avangin a sen ve char a. A hmel inhmuam up reng ṭhin kha a bo tak avangin mite pawhin an enzui vang vang fo ṭhin tih a hrethiam ve thova. A bik takin mipa ho phei chuan an en duh zual hle ṭhin a ni. A hna chu a nghetlo a nih avangin contract thar ziak duh lovin a lo haw a. A pu chuan chhawr zui ala duh hle nangin a rilru a kim lo riau tlat a. Italy a awm reng chu a chak lo a ni.Office buai tak pakhatah a thawk leh a. A thawhna hlui Marshall & Marshall chu a ngai ve thei hle a. A tana hnathawh tur an la neih leh neihloh a la zawt leh ang chu. Mahse Mr. Marshall khan tuna Laurel hi a lo la duh ang em? Hmana Laurel kha anna pakhatmah a nei tawh silova. A hmaa a mizia ang kha a ni tawh lova, mahni a inring tawk hle tawh a, a sam a thlah siau reng tawh a, a hmai chu make-up tlem tlem nen a chei ve ziahin a thawmhnaw pawh a thlang uluk thei hle a. Mahse a nunah chuan thil engemaw kim lo leh a nun tiruak riautu a la awm tlat a. Tlangvalte a lenchhuahpui in chaw a eipui ve fova, Oliver chunga a rilru putdan kha hmangaihna dik a ni em tih hriatchhuah a duh hle a. An han fawh chiah chuan Oliver a an ni lo tih a hrechhuak leh ṭhin in an fawhna chuan Oliver a fawhna angin a taksa ah engmah nghawng aneih ve ngai loh avangin a lo hmangaih hle a ni tih a inhriatchhuah zual tir deuh deuh a.Thaw huai chungin a flat chhungah chuan a pen lut ta a. Party na a sawm a ni na chungin a tel peih lem loh avangin kalloh a thlang a. Darkar khat a liam leh chuan eitur inchhawp chungin TV hma ah hahdam deuh hian a ṭhu ta dar dar a.T.v ah chuan milar ho kawmna an nei a, mipa sang deuh Camera hnungchhawn zawnga ding a hmuh chuan a ṭhu ngil ta zawt a. Chupa chu a rawn inher a, Camera chu a rawn hmachhawn ta nghal a. Thupuangtu chu a rawn ṭawng zat zat a. "Tuna kan mikhual tur hi chuan hmelhriattir vak a mamawh tawh lova... a hna hian a ti hmingthangin mitin hriat a hlawh tawh thova. Pi leh pute u, tun kuma Maundale prize dawngtu, lehkhabu ziak thiam Oliver Savage a nih hi, mipuiin kan lo hriat lar dan zawkin Jonathan Greaves a ni," a rawn ti lauh lauh a.Laurel chuan a lo en ngawih ngawih a, a chaw eitur reng reng a hrechang tawh lova. Oliver chuan kamis a ha a, a lang pa in a inhmeh hle a, TV a kawmtu nu pawh chuan ṭha a ti ve s ni ngei ang, ṭullo zet zetah a ban a va tawh sak a, a mita enin a nuih var var reng a. Laurel chuan a lo thik hle mai a. A hmel ringawt a lo en avang chuan an thu zawh leh a chhanna pawh a lo ngaithla chang lova. Oliver hmel chu a dul hle in a lo hria a, a hmel pawh an awmdun lai ai khan hriam deuhvin a hre bawk a."I lehkhabu thar chanchinte min lo hrilh la," zawhna zawttu chuan a han ti a."Ka hrilhfiah vek thei lovang che u tih ka hlau khawp mai. Ka sawi theih chin chu thil engemaw ziah ngei ka duh leh ka mamawh em em a ni tlat a ni," a lo ti a."Mahni chanchin ziak te pawh i ang lek lek alawm," tiin dilchhut tak hian a lo zawt leh a."Ka ni a nih pawhin a thawhtur angin keimahah a thawk ta tlat lo a ni," Oliver chuan a lo tihsan leh then a.Thu eng engemaw ala zawt zui ṭeuhva, Oliver chuan tawi fel takin a lo chhang zel a; chutah midang an kawm veleh ta a. Laurel chuan Oliver a hmel lo lan leh beiseiin a tawp thleng a en tluanchhuak ta zak a.Chupa chu a hmangaih a, a hmangaih fo zel dawn a ni tih a inhrechiang ta hle a.Dawr lianpui neitu hnuaiah Secretary thovin a inhlawh a, hnadang, a thawh chak zawng ala hmu rih lova, pawi pawh a ti lem lova. An thawhna dawr chu a lianin a thawk te pawh an buai thei em em a. Nikhat chu a haw lamin lehkhabu awmna lamah a kal a, a enkual ve dan dan a."Hei hi Jonathan Greaves lehkhabu thar a nih hi. Ka lei ve hrim hrim ang. Tv ah khan ilo hmu ve em? Ṭha ka ti lutuk kei chu," a lo ti nghal zung zung mai a.Laurel chuan lei leh chhiar chakna phei chu a nei hauh lo nangin lehkhabu dawr lam kawngah chuan a kal ta fova. Nikhat chu chhunchaw ei turin a chhuak a, dawr vel chu a lun hle mai a, Oliver lehkhabu an pho lanna bul vel chu mipui hian an lo bial lut lut mai a. Ava en hnaih deuh chuan a chhan chu a va hmu rang hle bawk a.Oliver ngei mai chu chulaiah chuan a lo awm ve a lo ni a, a lehkhabu leitute chuan a hming an lo ziahtir luai luai a. Bing chuk chuk chung hian Laurel chuan a lo thlir reng a. A thinphu a rangin a thaw hlawp hlawp mai a.A awm ve tih a hre lo tawp anga, lo thlir ve chu a pawi lovang chu ti rilru chungin a mit rawp zet chuan a lo en reng a. Chutah Oliver chuan a rawn melh zawk a hriatna a nei a, an mitmeng chu a intawk ta siah a, a pumin a nghing nghal dawt mai a. Oliver chuan a awm ve tih a hre hauh lovang, hmuh pawh a rawn hmu tak tak lovang ti rilru chungin hmanhmawh zet chuan a kalsawn ta dawr dawr a. Hriat pawh a rawn hre zui tawh kher lovang, a lehkhabu aṭang mai lo phei chuan, a mimal nun aṭang chuan a paihbo daih tawh ang chu. A phuba lak tum ve na atthlak lutuk avang chauh khan ṭhian ang tal pawhin an inṭhen ta silova. Kha thil a lo ziak kher kher kha naupan chhiat thlak hle in a hre ta a.**************Christmas a lo hnai a Laurel chuan inpuahchahna chi hrang hrang chu phur lem lo chuan a ti ve zel a. Amah ang bawka mahnia inluah ṭhian anei nual a....Christmas hmanpui tur pawhin an sawm sap sap hlawm a. Mahse a phur lemloh avangin tumah tiam nghet a nei duh lova. Chawlh hmang ni pah fawma zin khawthawn te a rilruk deuh mai mai a. Chanchinbu ah chuan Oliver an Switzerland ram lama Christmas hman a tum thu an ziak chei chuai a, hmuh leh a chak em em rualin a awmdan chu a thup theihloh a hlauh avangin hmuh loh chu him berin a ring a.Christmas hma karthum lai a la awm tih chuan Card pakhat, Dorset dakin aṭanga an rawn thawn chhuah hi a dawng nawlh mai a. Marshall aṭangin an rawn thawn chhawn leh a ni a, makti deuh tak hian a han hawng a, Elizabeth rawn thawn a lo ni a, mak a ti zual sauhva. Oliver hnen aṭangin Marshall ah a thawk tih a hria a ni ngei anga, a hna ngaiah a kir leh nghal a ring tih a hriat reng bawk a. Marshall kha va be pawp leh lo phei sela chuan an ni pawhin a address thar chu an hre bik awm tawp silova.Lehkha ip chu a han hawng a, lehkha them a lo tla tel zauhva. Kumthar hmang tura tlawh turin sawm a lo ni a, kal ngei tura an beisei thu leh party an buatsaih chu chhim ngei tura a duhthu a rawn ziak tel a."Oliver a hmuh palh a hlauhawm lovang. Switzerland lamah a kal daih a, hmuh leh che ka chak a ni," a rawn ti kalh bawk a.Ani pawhin hmuh leh chu a chak ve thova, Oliver hming a lam ri hriat ringawt pawh a thlahlel a ni si a. Hnial chu a finthlakin a him zawkin a hre nangin pawm mai a duhna chuan a nawr ut ut a. Oliver hnaih tute bula awm chu a thlahlel ve thova. Oliver ber a awm dawn lo bawk a, a hriat chak zawng eng engemaw te an lo hrilh anga, unau inhnaih tak te inkara boruak kal vel te chu a hre chak reng reng bawk a.Kal ngei chu a ti tlu ta nge nge a. Phone in Elizabeth chu a bia a, ani chuan an awmna hmun chu a lo hrilh thuai thuai a. "Kan in chu nuam i ti lo mai thei ania, mahse kan pa te chhungkaw ro ani ve a, nin thut chang ka ngah ve lutuk asin. Mahse tunah chuan ngaiah ka neih ve tawh a. Ilo kal thei tur chu ka va lawm em, Laurel. Kan hmu chak tawh lutuk che ania," a rawn ti ta sauh sauhva.Laurel chuan party na a hak tur kawr thar a in lei a, inhmeh hle pawhin a inhria a. To hle mahse Christmas kawr lei a khat em a, a inthiam ve thova.Dorset a panna kawng chu nuam a ti hle mai a, kawngsira chaw dawrah chhunchaw a ei a. Dawr lehlama zu dawra mipa rual ho chuan an lo en duh hle mai a, a en duh lo lui tlat nangin hmana mipa a hlauhna ang kha chuan a hlau tawh hauh lova. Oiver zara chutianga a nung thei ta chu a lawm hle bawk a.Chawhnu her zetah Elizabethin a hrilh in chu a thleng ta a. Lunga sak, inhlui tawh zet leh lianpui hi a ni a, enkawl ngun tih hriat tak hian a lang faiin a bul vel huan te chu a mawi hle mai a.A car thawm an hriat rual chuan phir te chu an lo tlanchhuak nghal a, an rawn ri nghal chel chul mai a.Rick pawh chu a lo chhuak ve nghal a, a thawmhnaw a khaisak lai chuan a hmelṭha tak chu a sen ṭan ṭan a. Kum reiloteah a pu Oliver chu ala chhun hle dawn niin a lang, ala naupang em mai pawh a."Lo lut nghal rawh," tiin Elizabeth chuan a rawn kuah a. "Graham chu nau chhar turin an rawn ko thut a, a kal chhuak ta anih kha!" A ti bawrh bawrh a. Inchhung hmanlai zet leh fai nuam takah chuan an inzui lut ta nghal a."Hnawk hle mahse in a ni miauva. Hetiang reng hi chuan kan hnawk ngai bik lo ania, Laurel. Kan in enkawl tu nu hlu tak mai a zin bo lai a ni hlauhva," a ti zung zung mai a."Chuti chu ka theih ang angin ka lo pui ang che. Mikhual dang beisei ila nei em?" Laurel chuan a lo ti thuai a.Phir te chu an in en he haw a, sawi tum engemaw an nei niin a lang a, mahse Elizabeth chu a rawn inrawlh thuai a. "Er....Ka la chiang mai rih lo. Enteh, i pindan turah ka han hruai phawt ang che. Jane chu a ṭhiannu nen an riak dun a, an pawhṭhen theih rih lo a ni. A Cycle thar hmuhtir a chak em em bawk si a, ka ngaihtuah viau ṭhin nangin engmah pawi an tawh ka ring lova," a ti ta duah a.Laurel chu pinda fai leh nuam takah hian a hruai lut ta a. "He in hi Pastor in a ni ṭhin a, kan pa pu pu leh hi pastor a ni a, helai ram hi kohhran ho hnen aṭangin a lei a, chuta ṭang chuan an chhungkaw inpui a ni ta reng a ni," Elizabeth chuan a ti malh malh a."A nuam ka ti lutuk," Laurel chuan a lo ti thuai a, tukverh aṭanga ram zau tak lang chu a thlir vang vang a."A nuam ve ṭhin hle asin. I bungrua kha phawrh la, thingpui ka lo lum ange. Zanin chu tumah mikhual dang kan nei lovang," a lo ti ta thuai a."I party buatsaih turah chuan tihtur i ngah viau lawm ni? Puih theihna che ka nei ang em?" Laurel chuan a lo ti zui vat a."Ih....awle, engkim ruahman vek tawh ania, mahse London party lian boruak ang a ni ve dawn lova, henglai vela chengte hi chuan tihdan bik te kan nei a," tiin a kalsan ta daih a.A thawmhnaw te a phawrh a, a khai fek zawh hnu chuan inhnuai lam a pan thla leh nghal a, in neitunu chu amah chauhvin ṭhutkhawmna pindan nuam zetah chuan a lo awm a."Lo ṭhu la, i chanchin min han hrilh teh. Hmuh tur lah chu i awm ngai der silova," tiin a lo nui sang a."Ramdangah hnathawkin ka kalbo daih alawm," tih pahin thingpui no chu a lo la a, a kut lehlam chuan ui lianpui leh fai zet lu chu ngaihtuah miah lo hian a chul sak hauh hauhva. "A hahthlak viau nangin nuam ka ti khawp mai," a lo ti a."I nunphung i thlak danglam thei ta anih chu...Oliver chu a lawm ngawt ang. A ngaihtuah hle che a ni.," Elizabeth chuan a lo ti charh charh a."Ngaihtuah ka ngai reng reng hleinem," tiin a hmel chu Elizabeth hmuh theih loh turin a kun ta daih a. A hming sawi rik ringawt pawh chuan natna leh phurna a neih kawp tir a, theihnghilh a duh em em, ala thlakhlelh fo ṭhin te chu hnaih leh ta sauh hian a inhria a."Ngaihtuah lo tur che chuan nangmah ngeiin i hrilh a ngai, min rinhlelh loh nan. I tlanchhiatna hmanrua ka nih avang khan ka chungah a lawm lo teh asin!" Elizabeth chuan a lo ti ro halh a.A thuhriat chuan a tihlim rilru hle mai a. A langah erawh chuan a tûm lui bar bar a. "Ka kalbosan ta thut khan a thil enchhinna beih lai a tibuai mai....""I hmangaih avangin kalbosan i duh a nih kha. Thil awm tak phei chu a ni ve thova..." Elizabeth chuan a lo ti dam thlap a."Ka nunhlui avang khan maw?" Laurel chuan a lo ti let vat a. Chu nu bulah chuan zak miah lovin thu a sawi thei zel chu a lawm hle a. "Keipawhin chutiang chuan ka ngai ve tho ṭhin asin, a chunga ka rilru put kha naupang chhe rilru ah ka ngai a. Ka hmuh hmasak ber ṭum khan Court case a zawhfel hnu lawk kha a ni a, ka ring nghal mai a. Pa fel leh mi khawngaih thei tak hmel a pu in, min hriatthiam hmel em em bawk a. Chutah ka rinloh ang zawng tak maia min han tihmualpho takah khan ka haw ta em em mai a. Kum ruk chhung zet chu ka thinlunga amah ka huatna kha a in up a, a thi thei tlat lova, ka pahrawn laka ka thinurna leh ka huatna neih zawng zawngte kha amahah ka bel a, mahse kan han inhmuh leh s, a thiltihsual avanga hrehawm a tihzia te, min zawn dan leh min puih a inpeih zia te ka han hmuha, ka han hriat takah khan ka ngaihtuahnaa mihring sual tak kha a takah chuan a lo ni ta hauh lova, ka hmangaih ta hial a ni," Laurel chuan a ti ta malh malh a."In dinhmun a inang thei ang tih rinna i nei reng em? I rilru ang a put ve i ring em?" Tiin a lo zawt leh a.Laurel chuan a lu a lo thing a. "Engtinnge chutiang a thlen theih ang? Oh, min khawngaih ve hle tih chu ka hria a, mahse a tan chuan thil nung satliah, a tana ṭangkai tura a zir leh a hman ang chauh ka ni," a lo ti ta hmak a."Mahse hmangaihna a chenpui tho si che a," Elizabeth chuan a lo ti leh hram a."Ka sawi tawh ang khan. Hlauhna min tuam tlat tu kha ka la neih leh neihloh min enchhinna mai mai a nia lawm. Mimal thil a tel lo. Enchhinna vek a ni, enchhinna vek," a ti ta tawn tawn a."A lehkhabu thar kha i chhiar tawh em?" a lo ti a.Laurel chuan a lu a lo thing a. "Lei ka tum a, ka rilru ka thlak leh ta thut a. Switzerland ah chuan a la awm reng em ni? Ala awm ka ring ringawt a," a ti ta hluai a.Chu zawhna chu zawh kher a ngaih loh tehreng nen, mahse an chanchin an sawi zel chuan kumthar nuamti deuhva a hman loh phah a hlau ta riauva."Christmas chu a hmang ngei alawm. Car thawm ka hre tlat mai. Graham a ni tawh ang ka ring," tiin tukverh lam chu a pan a, Laurel chuan a lo it ru hle mai a.Reitak innei tawh si, fate an neih duah tawh hnu pawha a pasal ala thlahlel viau mai chu, nupa hlim tak an ni ngei ang. Pasal a la nei ve ang em? A ring lo zawk mah mah a.Graham Turner chu pa kawmnuam tak a ni tih a lang reng a, a nupui nen chuan an inawm hle a ni. "Phir an nia, i awih em?" Tiin a nupui lam chu a hawi a. "Derek chu a hlim hle a, mahse a buai ve hle dawn a ni. Moira chu a tuarchhel reuh hle asin. Naute pianghlim han hmuh te hi a nuam ve hle a ni. Enge zanriah lam te?" tiin a nui var var a.Elizabeth chuan nui chungin Laurel chu a rawn ner khum zauhva. "A hna hian a thil eituina hi a dal chuang miah lo ania. I tuitih zawng ber mawle, choka lam pan ka ngai ta tihna a nih chu," a ti nghal thuai a.Zanriah eilai chuan Laurel chuan chu mite chhungkua chu a enthla deuh reng a. An hlim thawm chuan inchhung chu a ti nuamin a awt ve hle a. Phir te chuan Rick-a bialnu chanchin an sawi tui hle a, pa ber chuan an ti lutuk tur alo khap zauh zauhva, an zinga telve reng ang maiah a inngai hial a.Chaw an eikham chuan thleng silna turah thleng a dah pui a, phir te pahnih chu an pa ber hovin an lo titi thung a.Table Tennis khel tura an kal tak hnu chuan Elizabeth chuan a rawn en a. "I chau hnawk lo maw?" nui chungin a rawn ti a. Laurel chu khelh puiah an sawm ve nangin a chauh deuh thu in a lo chhang a."In lianpui ṭhat ve na chu, an duhzawng ti a ninhleina tur a ngah alawm. Thil dahṭhat nana an hman ṭhin pindan lianpui a awm a, an infiamna atan kan siam sak a....khawlaia an leng tur a veng a, a ṭha khawp asin," a ti zui mawlh mawlh a.Boruak thianghlim vang nge chuti taka a muttui a inring pha hauh lova. Hnar vawt zet hian a kiu ah chuan a lo nawr sek sek a, a han en chuan ui lianpui chuan mei hem vut vut chungin a lo kaitho hi a lo ni a."Susie, naupang sual tak i ni," tiin Elizabeth chuan kawngka aṭang chuan a rawn en a. "A pawi hle mai, Laurel," tiin thingpui no a rawn chawi a. "Mahse Susie hian mikhual vengtu bik niah a lo inngai ṭhin a, ka dan hma in a lo tlanchho pek a nih hi. Chunglama a chhoh hi kan phal ngai lova," a rawn ti nghal thuai thuai a."Heti chena rei hi ka lo muhil amaw?" Darkua a lo ri ṭep tawh a. Turner chhungkua chuan engtinnge an ngaih ang?" a ti rilru a."Pawiti reng reng suh. Dik tak chuan maw, keimah hi ania ngaihdam dil zawk tur chu. Vawiin hian ṭhianhlui hmuh tur ka nei tih ka lo theihnghilh daih a, Laurel. A pawi ka ti lutuk tlat. School a ka ṭhiannu ania, kan intlawh tawn fo ṭhin s. Ka ṭhulh leh tih ka hrilh thei...."Elizabeth chu a inthiamloh hmel em em mai a, Laurel chuan a lo khawngaih a. "Ni love, i ṭhulh thei lovang, ka lo awm ve thei lutuk alawm. Party na tur atana lo in tihfelna hun te ka nei anga, enge ka lo tih ang?" Laurel chuan a lo ti thuai thuai a."Ih...Ni e....ni e, engmah ngaihtuah buai tur a awm lo, mahse kalsan che chu ka hreh zawk a ni, a pawi i tilo tak tak amaw?" Elizabeth chuan a lo ti nawk nawk a.A ṭhiannu chu Bath a cheng a ni a, an chhuahsan hma loh chuan an lo kir leh har ting mai tih a sawifiah thuai thuai a, Graham chu a kal ve dawn bawk a, chawlh a nei khat hle a, a nupui bula kalve a chak thu a lo sawi ve thuai a. Tukverh aṭanga ram lang duai kha Susie nen an fang dun thei ang chu. A han sawi chuan Elizabeth chu a lo meng phar chiam a, hlauthawng hmel a pu bawk a."Oh, nilo...chutiang chu....ih..." a ti nawk nawk mai a. Laurel chuan enge a sawi hreh em em chu ni ang tiin a lo ngaihtuah a, tun ṭumṭ Elizabeth a hmu leh chu a mizia a mak riauvin a hria a."Khaw awmdan chin hi sawifiah theih a ni lova. Boruak hi a vawt thut zel a, kalchhuak rih lo mahla a pawi lovang," Graham chuan a lo ti dam thluam a.Khawpui nula zeilo deuhvah an ngai a ni ngei ang, Mahse an remti lo chung chu a chhuak chak bik lova. Thil engemaw tihtur a lo hriat ve mai tur thu a hrilh ta zawk a. Naupang ho T. T a khelhpui mai ang chu;An nu leh pa te an liam ta maw tih veleh an ṭhiante hmu turin an chhuahsan ta vek a. Rick lah chuan a ṭhiante hmuh a tiam thu a lo sawi hmasa ber a, phir te chuan a bialnu hmuh a tum thu an lo sawi a, ri chel chul chungin an tlanchhuak zo ta vek a. Susie nen chuan an awm ta ran a.A inbual anga, a tin te tifaiin a hnawih ṭha anga, nite chu a hmang liam ve mai ang chu, tiin bualin a pan ta nghal a.Inbualna kuang aṭang chuan a chhuak a. Fai ṭha hle in a inhria a. Pawna car ding thawm chu a han hria a, Graham te nupa lah chu an kalna ala reilo hle si a, tuemaw in doctor an mamawh a nih a ring ta thut a. Hman hmawh zetin a robe a ha a, inhnuai lam a pan ta nghal a.Kawngkhara chahbi inhawlh ri a hriat chuan a ding chawt a, kawngkhar kalhna chu a rawn che a, Susie lo phe sek chu kawngka kau rual chuan a zuangchhuak ta nghal a. Laurel chu a thin a phu dawt dawt mai a."A tawk e, Susie, ui sual zet i lo nih hi!"A aw hriatṭhan zet a han hriat takah chuan Laurel chu a khawng nghal awt a. Oliver a lo lut chu a lo en reng ringawt a. Kekawr dum leh savun jacket a ha a, a sangin a lang lian hle a, khua a vawh avang chuan a jacket nghawng chu a pawt tung bawk a. A sam chu tan a ngai tawh a ni, mak takin a rawn hmu chu makti hmel a pu tlat lo bawk a, engthil emaw tak, a hriatthiam loh chuan a mit chu a kap de sar a, a de zauh zauhva, Susie lo zuan huam huam chu zawitein a nem sawn a. "Hello, Laurel," a rawn ti thawp sat a."Switzerland ah i awm emaw ka ti a!"A aw chu a chiang lo riai a. Ban chu a vuan ṭang ṭang a, a ke khur nasa lutuk chuan a zolo ṭepin a hre hial a."Ka hria alawm, i lut ang hmiang?" Tiin a rawn melh nghek a.Laurel banah chuan a rawn kai a, a robe hak chhana a kut tha chak zet chu a lo hre thei a, a kawr var tak chhanah chuan a lang hang hle mai a."Hmuh i harsa hle mai," tawi tuka tih pahin kawngka a khar nghal a.Laurel ka chu a lo ro zo va, a lei hmawr chuan a hawl zai zai a, Oliver an a lo en reng avang leh a mitmeng lo thim zual sauh a hmuh chuan a lo khur nasa zual sauhva."Ka...min zawng tih ka hre hleinem," a lo ti tham chal a."Oh Come on, Laurel," ti el aw zet hian a rawn tihkhum a. "I hriat reng kha. Thil sawifel tur kan nei tih i hre reng a lawm!" a ti a."Ka thil ziah kha i sawi a nih chuan," a han ti ṭial riai a, "Ka tisual nasa a ni....ka inhrechhuak leh nghal thuai a. A tir kha chuan ka hua che alawm, ka inhriat...ka tum angin ka awm dawn lo tih ka hrechhuak leh ta thuai a, khatiang thil kha i lakah ka ti thei lovang tih ka hrechhuak leh thuai a...ka...""Tichuan min lo haw ta lova maw?" dilchhut hmel fahran hian a rawn bih hnai sauhva, a rawn en dan chuan Laurel marphu chu a lo ti rang nghal zaih zaih a.A inher a, dawhkan chu a en ringawt a, a lehkhabu ziak thar ber lo awm reng a hmuh chuan mak a ti hle mai a. A la kang a, Oliver an chik zeta a hmel a lo en reng chuan a awm a tinuam lo hle bawk a."I chhiar tawh em?"A lu a lo thing ringawt a."Chhiar la ka ti hle asin, mahse tunah chuan ni rih lovin. Kan titi dun hmasa phawt anga.. Engvanga tlanbo daig nge i nih a, Laurel. Vawikhat mai pawh a ni lo lehnghal. Lehkhabu dawrah khan biak che ka duhthu rawn hriattir che ka tum a, mahse ilo pilbo leh hman daih a," Oliver aw chu a chang viau nangin tawrh nei a ang hle a.A lo hmu ve ngei a lo nih chu, rawn biak pawh a lo duh ni rengin!"Enge kan sawi ang? I thil enchhinna i duhtawk tawh a nih ka lo ring a. Hmeichhe pangngaia min chhuahtir i tum thu kha i sawi ngei a, i...""Eng enchhinna maw? Eng thil tehlul nge i sawi leh tak?" Vin zet hian a rawn ti khur khur a. Chutah a hmel chu alo danglam ta thut a, a mitmu chu a dum zual sauhva, a de sar sar mai a."Oh, Lalpa, Laurel, Saruak deuh thaw a vahkual vel a ngai em ni? Kha i robe hnuaiah khan engmah dang i ha lo tih hre reng chungin rilru fim pu thei turah min ngai amaw? Khawih che ka chak zia hi i hria em? Tun thla kalta chhung zawng zawng ka ngaihzia che i hre lovang chu tiraw? Ka hmangaih che asin. Pathianin min ngaidam sela, ka sawichhuak miah lovang chu ka lo ti a, ka hnena i lo kir leh theih nana sawi ka ni lo, ka insum thei ngang lo a ni, ka khawih lo theilo che ang bawk hian ka hmangaih che a, chu chuan min tichhe mek a ni," tih mawlh mawlh pahin a rawn kuah nghet sauhva, duhthawh em em hian a rawn fawp ta ngawr ngawr a. Chutiang ema Oliver an a mamawhna a la tih lan ngailoh avang chuan mak a lo ti rilru hle a.Lungawi zet hian a hmui a lo ti kauva, duhthawh leh phal em em hian a lo inpe thlap a, a lo thlakhlelh em em chu a lo thleng ta a ni, a lo hnaih leh sauh sauhva, a kut chu Oliver kawr chhungah zen lutin a vun mam leh lum thur thur chu a chul ta hauh hauhva."Laurel, eng rilru emaw tak i pu a nih loh chuan hetiang hian min chhang let thei lovang," tiin a rum hawk a, a nem sawn deuhva, a rawn en reng a."Ka thei lo ang maw?" tiin no zet hian a lo en let a, Oliver chunga thuneihna a nei thar ta chu a lawm em em a. A lo hmangaih ve reng a nih chu.! Awih harsa a va ti em.!"Laurel.!" Oliver aw ah chuan vauna leh ngenna a lo lang a, chutah Laurel zawk chu a chesawn hmasa ta a, Oliver chu a hnaih sauhva, a kawrhma kilhna chu a phelhsak nghal mawlh mawlh a, a taksa lo lang chu nghengin a fawp ta riai riai a."Awle, tisa thil taka intih phurna chu a ni ngei a, mahse a tihtir tu che thildang a awm ngei ang," thum zet hian a rawn ti ta a.Laurel kuahna aṭang chuan a tawlhsawn a, a thlan a lo bawl ṭawk ṭawk a, Laurel chuan duh lutuk hian a lo en reng a, a hlim lutuk chu a hnuk a ulh ṭeuh mai a."Oliver, tisa thila phurna chauh chu a ni lo reng a ni. Ka hmangaih che alawm, nasa takin. Chuvangin ka tlanbosan ta che a ni. I lehkhabu atana min hman i duh vang chauhva khatianga min awmpui ṭhin kha i niin ka hria a, ka tuar thei ta lo ani. Laurel aw chu a khur dar dar a, a mitmeng lian kel kawl ah chuan mittui a lo tling ta pam a."Pathian leh!" tiin a lo rum hawk a. "Hun kan va khawhral hnem tehlul em! A tirah kha chuan ṭanpui satliah chauh che kha ka tum a...ka inrin tir dan ania. Lo hrethiam hram rawh aw, Laurel. Kum ruk chhung ngawt kha i chungchanga ka thuchhuah diklo avang khan hrehawmnain ka khat a, ka zawng nasa em em che a, ka hlawhchham der a, chutah ka han hmuhchhuah meuh che chuan ilo danglam nasa in ilo piangsual lo chauhva, min haw em em bawk si a. I thinlunga hmana min rinna ang kha nei let leh la ka duh ta em em a. Mahse ka thiltih tum chuan keimah min tibuai ta zawk a, enteh, Laurel, kan inhmuh hmasak ber ni aṭang khan ka thinlungah hian hmun i luah tawh tlat nia hriatna ka nei ta a, thil engemaw, nei tura ngaih ka nih hauh loh chu i lakah ka nei tlat a, chuti nilose kha aia nasa daih khan i chanchin kha ka ziak ngei ang. Ka nu pawhin min zilh fova, ka ngaithla duh lova. Petera ang maia ka awm ve tura inngaihna nasa tak ka nei a.Khatih laia ka rilru buai theihzia kha tuman min hriatpui lovang, ka thiltih kha chu ngaihdam theih a ni hauh lova, mahse Petera thihna khan min tibuai nasa em em a, chhan hman a ni lo nangin thi lo se ka tihna chuan chhan dang dang min dap tir a, chutah i chunga ka thiltih dikloh zia ka han hriatchhuah takah phei kha chuan Petera ai kha i rawn awh a, zantin ka mumanga min tihrehawmtu i ni ta ani. I hmel hlauhna a khat te, thlabar leh puitu ngai ngawih ngawih hmel te khan englai pawhin min tibuai ta a, ka mumang lamah pawh ka hmu ta reng mai che ani," a ti a."Kan inhmu leh ta a, i tana thilṭha tih ngei duhna ka nei a, mahse keimah leh keimah ka indo reng a, ka rilru ṭhenkhat chuan i awmdan aṭanga zalen tir che a, zalen taka kaltir che ka duh laiin lehlamah ka thikthu a chhia in ka inti thu hle mai si a...ilo ṭha chhuak a nih pawhin mipa dang tan nilo, keima tan chauh ka duh tlat che a ni. Ka hmangaihna che chu hnarbo ka tum a, hrilh che ka duhlo mai nilovin i hriat ka hlau em em a. I duh thlang theia chhuah zalen che kha ka bat niin ka hre si a, nun hlim tak chen ve tura ka duh lai che pawhin min thlauhthlak ka hlau ru em em a. Ka thikthu lah chu a chhe nasa mai si a, Chas kha ka laka i pek theihloh i pe phal bik niin ka ngai a, i bul hnaia ka awm chuan khawih che ka chak em em zel a, hnaih reng che ka duh laiin ka hnaih ngam silo che ani. I taksa khawih tur chuan insum theihna ka nei hram hram thei anga, mahse ka hmangaihna che chu ka dang zo chuang lova. I ngaihtuahna ah chuan i pahrawn emaw min ti tlat si a!" a ti ta a."Ka mumangah ka hmu fo che alawm. Nangman min lo khawih a, ani kha ni lovin....," tiin Laurel chu a lo thaw ham ham a, a inpuang ve ta nge nge a. "Ka...ka mumanga min lo tawh ṭhinna chuan min tihlau hauh lo, nuam ka lo ti em em ṭhin zawk asin, i hrethiam em? I thilziah kha hmu lo ila chuan Chas pawh kha ka zui lo tawp ang, kha lehkha....""Eng lehkha ziak maw?"Laurel chuan a khuma a lehkha dah, a lo chhiar ruk kha a han hrilh chiang a, Oliver chu a lo thaw huai a."Laurel, khang thil kha nangmah vanga ka ziah chu a ni ngei a, mahse ka rilru ka ziahna zawk a nih kha. Ka ziah tal loh chuan ka sawichhuah a rem silova, min chhawk ve hle ṭhin asin. Lehkhabu tam tak ka leiin ka chhiar tih i hria anga, ka tana ṭangkai tur ka zawng zawk a, ka hmangaih em em che a, mahse kan rilru a lo inhmu lo em a nih kha. Min ngaidam thei ang em, Laurel?" a ti ta a."Nangmah i in ngaidam ang tih min tiam phawt la. Mihring, thil tisual thei ṭheuh kan ni a, khatih hun laia i rilru tur....""Chhuanlam tur te chu min zawnsak chai lo mai teh, Laurel. I hmangaihna dawng tur hian engmah phutna che ka nei lo. Ka lehkhabu ziak thar ber hi chhiar la, ka hmangaih zia che leh ka hrehawmzia chu i hrethiam mai ang, i laka ka thil tihsual te, ka hmangaih che tih ka hriatchhuah hnua ka tuarna te ka ziahna a ni a..."Laurel chuan ngawi turin a kutin a hmui chu a lo hup sak a, Oliver hmelah chuan hlimna chauh lang se a duh a."A tawpna a hlimawm em?" a lo ti thawp sat a.Oliver chuan a rawn enchhuk reng a, chutah Laurel chuan a lo nuih ta saih a, a mipa hmangaih ngei hmel kha a rawn pu leh ta a."A tawpa hlimna awm hi ka duhdan fo ani alawm," tiin a rilru hlimlohna leh inthiamlohna te chu a lo reh tial tial a. "Tunah hian a tawpa hlimna awm chu chen nghal mai ka duh asin. Engtianga rangin nge min neih ang? Elizabeth hian awlsam taka min kaltir chu ring duh suh. Helaia lo kal tura sawm tur che pawhin buaina a tawk tam hle ania," tiin a lo nui hawk hawk a."Elizabeth chuan min hmangaih anih a rin thu a sawi a," Laurel chuan a lo ti sap sap a."Hah, ka thiltih dan zawng zawng kha a hria alawm...ka farnu luhlul zet hian i naupan lai pawh khan i laka ka rilru putdan hi a lo hrethiam tawh a ni mahna. Ka laka i rilru putdan a dang bik lo tih a sawi fova, mahse ani sawi nilovin nangma sawi ngei hriat ka duh ania, honey. Ka lakah hian eng rilru nge i put chiah han sawi teh," tiin a rawn zawt a, a aw chu ngaihthlak nuam a lo ti hle mai a, Oliver chuan mamawhna leh duhna a khat hian a rawn en a."Engkim i ni, Oh, Oliver, ka hmangaih che asin," a lo ti let halh halh a. Oliver an a rawn fawh leh takah chuan a lo kuah nghet ve sauh sauhva."Province ah ka hruai leh thuai duh che ania," tih pahin Laurel robe hak chhung chu a zen lut nghal a, a hnute lo ṭang alh chu a hupsak a, "Tun ṭumah chuan ka nupui angin ka hruai tawh che anga, ka khumah kan mudun tawh ang," a ti thawp sat a.Laurel chuan lungawi em em leh thlemna hlira khat mitmeng hian a lo enchhova. A nghawnga kuahin a fawp tur chuan a dingdihlip ak ak a."A rei ang em?" a han ti sa sa a. Oliver lu chu a kuaikun a, "Reilo hram se ka ti," a ti leh sap a. A hlimna chuan a tilang hmelṭha zual sauhva, damchhunga a tawn ve phakloh tura a lo ngaih mipa diktak hmangaihna chu chhanglet turin a rilru leh a taksa chu a lo inpeih thlap a. Oliver an a rawn kuah ngheh tak sauhvah chuan lungawi em em hian a lo thaw halh a."A rei lovang, a reiloh ka beisei," thawp sata rawn tih pahin a pawm kang nawlh a, inchung lam a panpui ta nghal a.Lei vanram chu chendun turin rilru inhmu taka in en rengin an in nuih var var a, chutah an infawp ta vawng vawng a.THE END.